تويت
وهلا هلا مليووون هلا وقلبنا الصفحه ابشركم ماطولت هالمره
بالعاده اسحب فيكم شوي زي مسلسلات رمضان
بس هالمره قلبتها بسرعه الحمد لله على كل حال وربي يكتب للكل الخير
والله بعضهم يحرجوني من زمان مادخلو هنا ويوم يدخلون
القى بصماتهم بكل مكان بالمدونه وتقييم ورساله كلها دعاء
لامي .. يارباااااه كم انتم كرماء معي الله يسعدكم ياشيخ
شكرا لكم مليون .. نقطه ونهايه سطور
نجي لقرقره والسوالف اللي مدري كيف جايه اول شي اشوف انكم كل واحد يصبح
سيارته وتتعوذون من ابليس حنا برمضان
تصدقون احيان كثيره يخووننا التعبير الصح او المفرده الخطا تدخل بالمكان
الخطا وتخرب اوم الكلام كله يبغالنا فلاتر للحروف زي فلاتر السناب تجملنا شوي
تصدقون اسواء شي يوم اجي اعلق على كلام عابر واقعد امسك فيه والت واعجن
بزياده والله النتيجه بتكون سيئه للكل !!
مشكله احيان نتكلم في غرب ويفهمون شرق تقول تيس يقول احلبه ههههاي
يابن الحلال مو كذا تورد الابل !!
وترا اسولب البعض يتعمد على السوالف والطقطقه ماقصده اساءه لاحد
سواء تكلم عن الاعضاء هنا او عن ناس حوله !!!
بعضنا يمزح ويكتب باكثر راحه لاتعقدون الناس وتعيفونهم بالكتابه
وكل شي نقعد نعلق عليه سلاماات ياشباب
علقو على الاشياء اللي نستحق نعلق عليها مو على كل شي
لا تكفون احسن شي في المدونات اننا نكتب براحه اكثر لاتتصيدون على بعض
اي شي عشان بس نعلق ونسوي اننا الفاهمين والناس ماتفهم ونحول الكلام
من مزح الى جد ونفصفصه فصفصه مالها داعي
فخلو العالم تكتب براحتها ولاتحسبون كل من يكتب يبغى شي
والله بعضهم وانا منهم نكتب لتضيع الوقت بس
ولان المكان حلو وعزيز علينا ونستانس في الكتابه فيه وكذا .. بس والله
هذا اللي ابي اقوله وكلن يصلح سيارته وقللو شوي حساسيه
وادعاء الفهم في كل شي وتحوير الامور لغير الغرض منها
وسلامتكم .. سلام
تعليق