صبحكم الله بالخير .. شباب وبنات وهلا والله
جاتني رساله من زمان استناها ياربي لك الحمد .. بجد احس الارض
ماهي شايلتني من الوناسه بالرساله

شوي وابوس جوالي من الحماس ياخي لو الناس تعرف قدرها
وقيمتها صح محد يتاخر بس وش نسوي الدنيا ظروف

ومحدن يدري عن الامور اللي خلف الكواليس وكذا ...!!!

زمان مادخلت بذا الوقت لاني بالعاده اكون بتاسع نومه وبسوس الخاره
منزعجين من شخيري هههههايز

شهرزاد انتي ونفر لا مقدرش ابعد عن ذا المكان وربي قطعه مني
بجد صرت احسه بيتي

وبعدين يوصل لي تهديد لو اغيب بتصير علوم فاقضب ارضي غصب
وابلع العافيه واجي اكتب وانا ماشوف الدرب

بس تصدقون ماينفع الكتابه من الجوال تطفش وربي بس ماعليه
اهم شي اكون مع الدوافير وبذا الوقت بالذات

شلة الهربته كلهم فيذا شوفو لنا بس ضحيه نستلمها
ونطقطق عليهم تخبرون برد ولازم نتدفى شوي !!

وعلى طاري وداعا فيصل بن تركي وربي نهايته مع نصرنا
تقهر ليتهم استنو لين ينتهي الموسم ويستقيل احسن !!!

ويش بعد !!!

ايوه لحد يكبر راسي هنا يكفي خلف الكواليس كميه المدح
تكفي وربي الله يسعدكم ياشيخ

بجد بجد يوصل كلام يخليك غصب تشوف نفسك على العالم
عاد احس قمة المدح يوم احد يوصلك لمرتبه الاخو وربي

اخس بكميه فخر ماهي طبيعيه الله يسعد كل احد قدرت اوصل
معاه لانه يحسبني اخو والله مبي شي اكثر

فـ الاخير

والله ان الحي يحييك غصب عنك اسالو اي احد له فتره هنا
راح يقول لكم نفس الكلام

وبس والله

هلا فيكم بصفحتي الجديده وحياكم الله المكان مكانكم
كونو بخير تكفوون ولاتبخلون علينا بدعواتكم

يالله فـ امان الله

خودااافس يشق الجبهه ..

اااام بااااك

بتالي الليل والناس نيام ومحدن حولي .. روح ارقد اقول
مالك دخل فارق يابو !

يقولون دايم نحاول نوصل لمكان افضل ولا نوصل
عاد تصدقون الحلم والمحاوله احيان افضل من الوصول

لاننا احيان نتعب في التفكير كيف نوصل وكذا
وبعد مانوصل نكتشف ان الامور ماتستاهل كل التعب اللي راح !!

عشان كذا اشوف حلم الوصول افضل من الوصول بمراحل
شي يوم تتوقع شي وتحلم به وتعيشه في خيالك

وهو فيه اصلا احسن من الاحلام ؟؟

فكثرو منها وعيشوها وانتم صاحين < انت وش تقول
والله مدري بس ادوني جوال ونت وماجاني النوم

قلت خلني اتفلسف عليكم شوي

فيه شي واحد ببالي وودي اعرفه ليه صار كذا موقف بوقت واحد
ومن ثلاث اطراف مايعرفون انهم سوو نفس الشي

تقريبا بنفس الوقت !!!

المشكله حسابي بتويتر حاذفه من شهور والجديد لسى محد يعرفه
واللي كنت اتابعهم هنا والله ماني عارف حساباتهم للاسف

واللي اعرفهم تابعتهم نص يوم واخذت بلوك مع انهم مايعرفون
انه انا يمكن حساباتهم خاصه او شي مدري

واللي مقفلين حساباتهم تابعتهم وماعطوني موافقه للان متعلق
بين وبين !!!

وسناب والله من حذفته ماعاد نزلته عفته على قولتهم
انستقرام مخليه للفرجه مو اكثر

الوحيده اللي حييه عندي للان ذا المدونه وصفحه الصراحه
< طيب وش نسوي لك !

سلامتك والله بس هي كم كلمه ودي اقولها
عندكم صفحة الصراحه اللي فاضي ويدور هواش يعطني حسابه بتويتر

ويبشر باقوى فولو يشق جبهته شق ههههههاي

يالله تصبحون على خير وانتم من اهله وهاف انايس دريم
وكل عام وانتم بخير

سلام

مساكم الله بالخير يازين جمعتكم وربي تحمس
اللي رافعن ضغطي اني اكتب من الجوال بس ...

ماشاء الله مافيه احد غايب من شله الهربته كلهم
باقي بس كم قلم ان شاء الله يتنازلون شوي ويكتبون

ورده تدور من يعلمها اللغه والمجازات اللفظي والحقيقي
يوووه وربي سهله بس انفض الغبار عن مخي المصدي واحاول الخص المفيد

اما الكتاب لا ماراح تلاقيه في النت مش موجوده هذا الخاصيه عندنا
بس يمكن تلقين ملخصات لنفس الماده كامله وتنزليها كامله

طيف تقول قفلو على تنهيده لا مايحتاج هي اخذت
كامل وقتها وفتره النقاهه واشوفها بس ماهي عارفه وش تكتب

يمكن متغير عليها الاجواء فماعليك ماراح تروح
بس الله يعيننا على حلطمتها من البدايه تتكلم عن حديث العيون

ومدري كيف كله من الروايات والكتب اللي ماتوكل خوبز

ابو العز ماشاء الله صاير يرجع لوضعه الطبيعي شوي شوي
ايوه يابو وربي ماتزين الى فيك سولف وانسى سوزا واراوا

ابو الاكواس احسه قريب وياخذ الثالثه باين صاير
يتكلم باقل حده عن البنات

شهرزاد وطيف قالبتها فرح برجعه خويتهم تنهيده مابقى غير يسوون
لنا عزيمه على شرفها ويضبطون لنا اكل الجنوبيات عاد يمدحونه

بس لو يغيرون الاسماء بعضها يخليك تاخف من الاكل بس عشان اسمه

فـ الاخير

يالله يارب ان تكتب كل خير لباقي امل وتوفقها في كل امورها وتيسرها لها
وتعبد عنها كل شر واذى .. وباذن تزين امورك وتطمنينا عاد

صح قبل انسى

يقولون وش امنايتك لذا العام .. لحظه بفكر ...!!!

ماعندي الى الدجه بس امنيه وحده يمكن اكثر شي ودي فيها
ان ابوي يكون طيب وربي يتمم شفاه على خير ويحفظه لنا

ويكتب له الشفا والعافيه ويطمن بال امي عليه

وبس والله .. وشكرا بحجم الشتا وزينه وبرده لكل من كتب او ارسل
وربي يسعدكم جميع

سلام

سلام ومساكم الله بالخير وياهلا والله بالقدام الجداد
ميمي وانه الحرف هلا والله

ماعندي شي وربي بس ذبحني الزكام والبرد
< احد قالك روح للبران بذا البرد

يالله ماعليه كل شي باجره

وايوه ياشهرزاد ترا بالنسبه لي من الطايف لين نجران
كلها ديار جنوبيه عاد مالي دخل اذ هي من المقيمين فيها

للشغل او من اهلها الاصليين

فطيف جنوبيه غصب عنها وماعليك منها

اسالو تنهيده من وين يبدا الجنوب
لاتصدقون نفر هو وخرايطه ماعنده سالفه الجنوب

من الطايف وانت نازل لين نجران نقطه ونهايه سطر

بالله مرو مدونه هدوء انثى شوفو كيف يوم تكتب
بالطريقه الهربتيه كيف مدونتها تكون

كثري من الهربته يابنت

صح هربته ( الكلام بالطريقه هذه حقت السوالف بدون ترتيب او تنسيق كذا
بس دش على قولتهم زي كلامك قبل الاخير بمدونتك يالريم )

وهي كلمه جابتها لنا ورده من تراثهم العماني عاد مدري
مخترعتها او فيه كلمه بدا المعنى ؟

وبس والله .. سلام

آام بآآاگ .. بعد العشا وتحت الفروه .. وقدام شبة النار
ليت اقدر انزل الصور كان جبت لكم الصور

الاجواء مع القمرا كلام وربي .. ياويل حالي
بس لو بصحتي كان قمت مع الشباب للصيد الليلي

بس ماش مافيني حيل وربي بس متكي ادور الغنايم
ومجهز الشوايات بس عساهم يجبون شي

ماهو كالعاده مافيه شي للاسف

نتامل خير ونتقهوى ونطقطق معكم شوي نضيع وقت

قسم جو المدونات زي جو الديره يجيب السعاده
ويفتح النفس انك تكتب وتشارك ...

نقطه ونهايه سطور مع ذا البرد وكل علم وانتم بخير

وابشرو بالشوي اللي يبيض الوجهه بس خلو
الصيد يجي وبصور وبخليها ف الجوال لين ارجع للدوام وانزلها لكم

هذا اذ مانسيت < قسم بينسى لاتصدقونه

اسكت انت !!


وبس والله .. سلام

يالله ان تمسيكم بالخير وتزين ايامكم واحوالكم ولياليكم
قسم تو انتبه اننا في بدايه اسبوع < يعنني اجازه

ش العلوم الاخبار < طار الغبار

يقولون ذا الاسبوع البرد بيزيد واشوف الاجواء زوينه
مدري تعودنا على البرد واللا ش السالفه بالضبط

وهلا بالعيال

كثرانه الاساله بالصراحه عن اسماء واني اوصل لهم كلام
وصل لمدري مين ومين ومين

سلامات كلو نفرات يعرف نفرات ثاني سوي كلام
فيس تو فيس بلا هرج فاضي

وبعدين تعالو هنا كم مره قايل لكم اسماء لاني ماني موصل شي
ولا قايل شي فخذوها من قصيرها وبلاش اسماء

صح على طاري والله ماش قبل 10 ايام كان يوم ميلادي وسطوع
نجمي في سماء هذا العالم وفرحت امي وابوي ماكان عندها

كان مسافر اشوفني طلعت مربوش مدري

عاد الاخير بين اخواني وتقول لي امي لليوم كنا نبي بنيه
بس ماش جانا ولد يايمه ليه التحطيم طيب

اشوفهم مسيني ذا الاسم اثاريها زعلانه اني ولد هههههاي
المهم لين نهايه اجازتي اتقبل هدايا مولدي وكذا

فالله الله بزين الهدايا واهم شي التغليف يكون فخم وكذا

ودي اعلمكم كم عمري بس اخاف ماعاد احد يكلمني زي بعض الناس
من عرفوا عمري مدري وش صار فيهم يكلمونن بنص عين

فـ الاخير

كونو بخير وانتبهو من البرود وياشين الكتابه من الجوال
يازين كمبويتري ودوامي بس الاجازه ازين

خودااافس

سلام عليكم .. ومساكم الله بكل خير ..
ماهو معقوله ربوع ولاطل عليكم واتفلسف وكذا عاد تنهيده وورده

فاتحات موضوع لو ماعندك سالفه الى تتفلسف وكذا

قسم اللي مايعرف الصقر يشويه بجد ابك الحوب راس القوم
ومنعش الشعب وملهي الرعيان

مشكله يوم نحكم على ظاهره بشريه منتشره بكل مكان نحكم
عليها من زاويه وحده او وجهه نظر وحده

مشكلتنا كلنا احيان كثيره عندنا فقر بذا الشي فقر كبير
فيه وقليل اللي جربوه صح زي ماتقول الرويات والاشعار اللي قبل الحب الطاهر
النظيف اللي يبدا من لاشي ويكبر لين يشيب راس الولد الصغير

ويخلي البنت ماتعرف من هذه الدنيا الى اخبار حبيبها

ولا ودها تسمع شي الى اخباره وكيفها علومه وكذا بس زي ماقلت لكم بشرط
يكون حب كامل الدسم متكامل الاركان قوي القواعد عظيم في كل شي فيه

حب البزران واعجاب الكلام او اعجاب الشكل والهيبه هذا ماهو حب
الى اذ تكملت اركانه ولحد يقول وش اركان الحب لاني مدري ههههاي

تنهيده تقول الحب ملعون خير ونهايته قريبه وتكون مفاجاه !!

اقول هذا مو الحوب حق الاولين هذا حوب ابو ريالين حق بزران الحين
الحب اكبر واشمل واشيك واحلى

باذن الله .. تجربيه ببيتك وبعدها نقبل كلامك قبلها مالك حق ابد واعترض
وغير مقبول بالمره ابدا ابدا

شوفي حب الولد الصغير لابوه او امه وشوفي حب الصغار للي يلعبهم
هناك تلقي الحب اللي اتكلم عنه مو حب ابو ريالين اليوم احبك وبكره لاتقربني ولا شوفك

مع اغلب كلام ورده بس كمان ورده اخذها الحماس وعمرها يمكن مايساعد
انها تتكلم بشكل موسع عن ذا الموضوع وكذا

بس فيه كلام كثير عندها اعجبني وكذا ..

فـ الاخير

حبو جعل مايحب الى انتم ولاتصدقون كلام تنهيده او شهرزاد
لانهم خريجات مدرسه وحده ومرو باشياء تقريبا تتشابه

والمشكله انهم عممو الشغله على الكل لا يا خواتي مو كذا
توكل الكتق

ويس والله .. سلام

لقد عدت وشبك ابعدت !!

طيف ومراقبتنا وهدوء وابو العز وورد المحبه مختفين
لهم كم يوم عاد خلونا نشوفكم

صح وش كنت بقول .. نسيت اول اضيف
ان الحوب لاصحاب القلوب
الضعيفه ما يصلح لهم ابدن .. فاللي يعرف قلبه رهيب

يخليه على مراسيه ويبلش حوب ويبقى على وضعه المتقوقع

لين يصير قلبه اكثر قوه وقد الحب < ناوي حرش انت
ماعليكم من صوت الضمير

المهم

شهرزاد جايبه تساول اعجبني تقول عطوني وش اسمائكم
وكذا او شخصياتكم
عن نفسي بختار ( ناصر القصبي ) بثوبه الازرق
ذاك يوم انه ولد عبدالله السدحان

ومعاه سلسله مغير يفرفر بها

اختيارك لفتون ياشهرزاد ظلم بحقك حرام عليك
لو اخترتي ( خطر ) اشوى

فـ الاخير

ابشركم اخر يوم برد اليوم وتنتهي ذا الموجه اللي ماخلت شي
على حاله شوي وتذيحنا .. الحمد لله بس

يالله ف امان الله .. سلام

مسيتو بالخير بالخير .. جميع .. سلام نقول
مشكله يوم تسوي شي وتحسبه هذا كبره ومدري كيف وراز عمرك
واخرتها ولاشي لو ماسويته احسن !!

ماعليكم من حلطمه البدايه بس كلمه بنفسي وودي اقولها
لو انكم ماتدرون وش السالفه اصلا بس ماعليكم كلن يصلح سيارته

تعالو هنا

احد صارت معاه يبغى يوصل شي لاحد ما وماهو داري كيف
تجيبها يمين يسار ماتضبط معاك تاخذها من قاصرها

وتلم عشفك وتنسى السالفه بكبرها ؟؟؟

بجد احيان نحتاس في بعض السوالف ماتعرف كيف تقولها

نقطه ونهايه سطور

يازين السهالات وتبسيط الامور على الاخر وياحب الشعب
للتعقيد وكذا مدري ليه ياكثر اللت والعجن واخرتها يوخ فايده

اخر سطر كلام مشفر هههههاي بس وربي كذا طلع ماعليكم

بجد تصدقون ماني عارفني انا ودخلاتي بالليول ماهي راضيه
تضبط معاي واحسني ضايع بجد

ليت محد ياخذ بخاطره بس ترا الدعوه قسم سهالات وكذا

ياماشاء الله عليكم تواجدكم اليوم في المدونات يفتح النفس
بس شوي كدرني كلام باقي امل !!!

ذا البنت من كثر ماهي محترمه ومودبه تحتار وش تقول لها
ربي يسعدها ويكتب لها كل خير ويوفقها وين ماتكون

على قولتهم دخولها وكلامها بمدونتها دايم كالنسمه الله يسعدها
وان شاء الله تكمل معنا وعلى قولت طيف

يعني يوم بديتي هربته وصرتي اكثر ثقه وانتي تكتبي في مدونتك
بتتركي المكان لا ونو ومستحيل

راجعي حساباتك وخذي لك بريك وباذن الله ترجعي اقوى

فـ الاخير

كونو بخير وخليكم اكثر ثقه وحبو جعل مايحب الى انتم
واجازه سعيده باذن الله للجميع وبالتوفيق للورده في اخر اختاباراتها

وربي اني نسيت كلامي ذاك اليوم اني بساعدها شوي
بس ان شاء الله انك بدعتي وكذا

وللمعلوميه اكثر الدوافير بعد الاختبارات يتحلطمون
ويوم الشهادات اكثرهم فرح وباذن الله تكوني زي كذا ياورده

وبس والله .. سلام

ام باااك بتالي الليل والناس نيام

ماعندي وربي شي بس بقفل الصفحه لاني اظن هذا اخر رد
ولاني شفت ورده فرحانه وتناقز تقول ان جت لها اخت

الف الف الف الف مليووون مبرووك وتتربى بعزكم
والله يحفظها لكم ويجعلها ربي من مواليد السعاده

والله يقوم امك بالسلامه ويخليها لكم
وربي يحفظ اختك والف مليوون مبرووك مره ثانيه

ربي يحفظ عروستكم الجديده ويحفظها
ويخليها لكم ويرزق والدينك برها ورضاهم في اختك

فـ الاخير

ايوه هذه الاخبار اللي تفرح بجد كثرو منها طيف انتي وشهرزاد
خذو معكم تنهيده وعلى مسقط شوفو الواجب مع بنتنا ورده واختها

لاوصيكم بس بدون تهور وهوشات مالها داعي بالطريق
ترا مانسيت سالفتكم حقت الطايف انتم الثلاث

اجل استفضتيهم بس قبل او بعد الهوشه اللي قال لي السالفه
ماقال الاستضافه قبل او بعد الهوشه هههههاي

معكم اسبوع وبعدها بنشر سالفتكم زي ماجاتني ومالي دخل
او وحده فيكم تتنازل وتقول للجمهور السالفه بما ان تنهيده راجعه معنا الحين



وبس والله .. سلام