طفلتك ماعاشت احساس الطفوله روايه رومنسيه جريئه

**ديمه** · 23-03-2010, 09:15 AM

يعطيك العافيه ياقلبي بس ياليت تكمليها من بعد زياد ونواف يوم الدبابات ..
تكفين كمليها بسرعه وربي متشوقه اقره الله يخليك لا تتاخرين لان احتمال مادخل ..
ابي اشوفه المره الثانيه كامله الله يخليك ..
ويعطيك الف عافيه دمتي بووود ..

**براءه طفوله** · 23-03-2010, 08:21 PM

طيب بكملها بس انا

ماحصلت كل الأجزاء

دمتم بود

**براءه طفوله** · 23-03-2010, 08:24 PM

\
/
\
الساعه 5العصر ..
الدمام ..
حي الفيلصيه ..
أفخم قصورها ..
هذي عيوني قبل لاقول ../ جاتك
تبكي المسافة والصبح وامنياتي ..
يالهف حال اللي .. حيابك ! وماتك !
فرقاك .. كلمة / مختصرها : .. مماتي .!
ياقو قلبك .. لا .! .... ياقو ذاتك
من غاب طيفك .. والحصيلة : رفاتي ..!

كانت واقفه عند شباك غرفتها و تبكي ..
شلون يطلبونها تحضر ملكته ..؟؟
شلون يطلبونها تزيد العذاب على نفسها ..؟؟
شلون يطلبونها تحضر قرار إعدامها الأبدي ..؟؟
هي ميته صح ..
لكن ليش يطالبون ب حرق قلبها ..؟؟
مو ه الذنب ب الشرع كبير ..؟؟
إنه الميت يتعذب أو يشوه ..؟؟
طيب ليش مصرين يعذبونها أكثر ..
مو حرام عليهم اللي يسوونه فيها ..؟؟!
دخلت عليها إختها وهي تقول : أماني ماما تقول يللا إجهزي عشان نمشي قرب المغرب ..
قالتها وطلعت بدون ماتنتبه ل حالة أختها ..
وراحت ل أخوها ..
طقت باب غرفته ودخلت شافته منسدح ع السرير وب يده بخاخ الربو ..
وشكله توه أخذه لأنه وجهه أصفر وباهت ..
دخلت عنده وهي تقول ب خوف : سلطان .. وش فيك ؟؟
فتح عينه ب تعب وقال : مافيني شئ بس تعبت شوي وأخذت الدواء بس ..
مسحت على شعره الكثيف وقالت : طيب إذا تعبان ماله داعي نحضر الملكه ..
إبتسم لها ب وهن وقال : يعني مسويه نفسك مو ميته ع الروحه ألحين ..؟؟ يللا بس إجهزوا وإذا خلصتوا عطوني خبر ..

هزت راسها ب طيب وطلعت ل أمها تاركه أخوها ب أفكاره ..
تعب من ه الحاله ..
صارت تجيه نوبات الربو كثير من إنفعالاته اللي موقادر يسيطر عليها ..
بس هذا شئ مو ب إيده ياناس مو ب إيده ..
حاول ينساها بس موقادر ..
هذا شئ فوق طاقته ..
وفوق قدرة قلبه ..
ل درجة إنه ظل يوم الجمعه يدعي ويدعي ويدعي ..
إنه ربي يصرفه عنها ..
أو يجعلها من نصيبه ..
كان فيه شوية أنانيه ماينكر ..
لكن قلبه مين ب يداويه لاراحت هي..؟؟
بس مايدري يحس إنه ه القلب اليوم ماله وجود ..
كأنه ربي رابط عليه وجابره ..
ماكان متوقع يكون كذا بهاليوم وخصوصا بعد الحاله العنيفه اللي جاته قبل شوي ..

إنتبه على صوت جواله يرن ولما رفعه شافه رقم عزام رد عليه وهو يقول : هلا ب أبو خالد ..
قال عزام ب إبتسامه : هلا بك .. وينك جالسين ننتظرك مع الشباب ..؟؟
قال سلطان وهو يمسح على عيونه : ب البيت أنتظر الأهل يخلصون .. إلا من عندك ..؟؟
قال عزام وهو يطالع الشباب : كلنا متواجدين من دونك ..
قال سلطان وهو يجلس : خلاص إن شاء الله نص ساعه وأكون عندكم ..

\
/
\
بعد ساعه ..
عند الرجال ..

مدري على مين إتجه وأرمي حطامي والملام
من إيتقبل واحد مثلي معه.. تغريبته
::
البارحه ليلي دمع/ ينثر جفا /مدري هيام
وكل مانويت ارتبه عجزت عن ترتيبته
::
مليت أصبر حالتي من كم عام وكم عام
عشان حبي مايطيح وتبقى كبيره هيبته
::
جاب الزمن وش جاب لي طعنه وحلت بالعظام ياليت ماجاب الزمن .. إمحق عليه وجيبته
::
أحيان عادي للرجل يفقد كثير من الانام
بس البلا لامن فقد بين البشر حبيبته

كان الكل مجتمع ..
رجال وشباب ..
وينتظرون دخول المملك ..
بس كل(ن) كان ب جهه ..
لكن يجمع مابينهم مجلس كبير ..
كان نواف متوسط المجلس والربكه مبينه عليه ..
و نظراته متركزه على سلطان اللي يسولف ويضحك وكأن الملكه ملكته هو ..
مو ملكة حبيبته ..
إنتبه إن الشيخ دخل مع أبوالوليد والكل وقف يسلم عليه ..
حس إنه قلبه هوى ب الأرض وماعاد ب صدره غير الهواء ..
يعني خلاص ..؟؟!
ب ينكتب لها وتنكتب له ..؟؟!
ويظل هو مستانس وصديقه معذب ..؟؟
مستحيل يقدر على ه الشئ ..
سمع ترحيب الرجال ب الشيخ وعصام واقف يقهويه ..
والشباب من الجهه الثانيه قايمين عليه مزح وتريقه من شكله المتوتر ..
ووجهه الأصفر من دخلة الشيخ ..
دقائق وسمع مزح الشباب وهم يقلدونه إذا ردد وراء الشيخ ..
قال عصام اللي رجع يجلس جنب سلطان والشباب من حولهم : بالله ياسلطان تخيل شكل نواف وهو يردد وراء الشيخ ويده ترجف هههههههههه ..
ضحك سلطان وقلبه ينزف وقرب يمسك يد عصام كأنه يترجاه ..
وقال مازح وهو يقلد نواف ب اللي راح يقوله : عصام زوجني أختك سديم على سنة الله ورسوله ..
قال عصام ب ضحكه وهو مازح : قبلت يا ياسلطان ..و زوجتك إياها ..
قال سلطان ب ضحكه : إشهدوا ياجماعه زوجني إياها ..
ضحكوا الشباب على شكل عصام وسلطان وهم يمثلون ب تقليد نواف ..
وحتى هو صار يضحك ب هدوء مع ضحكة أبوه والرجال اللي سمعوا ه المشهد التمثيلي ..
بعد مده بسيطه طلع الكل يصلي المغرب ورجعوا ل المجلس ..
وفتح الشيخ كتابه وقال : وين بطاقة العريس وولي أمر العروسه ..؟؟
جلس نواف جنب الشيخ وعزام من الجهه الثانيه وكل واحد طلع بطاقته ..
قال الشيخ وهو ومنزل راسه ل الكتاب : وبطاقات الشهود لوسمحتوا ..
تقدم سلطان وتركي وكل واحد حط بطاقته ..
أخذ الشيخ بطاقة عزام وبدأ يسجل الإسم ..
وبعدها أخذ بطاقة وقرأ الإسم وبدأ يسجله ب إسم العريس ..

سلطان وقتها يحس إنه ماعاد ب صدره نبض ..
وإنه يعتبر من عداد الأموات ب جانب أبوه ..
والمصيبه إنه يشهد على عقدها ..
وهو يصطنع الإبتسامه وقلبه يصرخ فيه : ياكذاب إرحمني ..

ونواف وقتها يحس إنه أكبر خائن ل صديقه ..
وإنه نذل ومنحط وحقير ,,
وخصوصا إنه سلطان شهد ع الملكه ..
يعني كأنه قاعد يثبت له ويقول له : (أنا أحسن منك خنت قلبي ووفيت لك) ..

أخذ الشيخ البطاقات المتبقيه وأكيد إنها ل الشهود وكتب أسمائهم ..
وإبتدأ يكتب العقد ب كل دقه بعد المعلومات اللي عطاه إياها أبو الوليد وهو جاي معاه إنه مافيه شروط وكم المهر وخلافه ..
ولما وصل ل اخر نقطه رفع راسه وقال : وين ولي أمر العروس ..؟؟
قال عزام ب هيبته الدائمه : أنا ياشيخ ,,
إلتفت له الشيخ وطالعه ورجع طالع عصام وقال يسال عزام : هل هذا أخوك ..؟؟
إلتفت عزام على عصام وهو يقول : إيه ياشيخ ..
هز الشيخ راسه ورجع يكتب وبعدها رفع راسه يسال عزام : أسألك ب الله ياإبني هل العروس موافقه ..؟؟
قال عزام وهو عاقد حواجبه ومستغرب : إيه نعم موافقه ..
رفع الشيخ الكتاب على أساس يوقع العريس وألتفت على نواف و قال له ب إبتسامه : ممكن توصله ل العريس يوقع عليه ..؟؟
إبتسم نواف إبتسامه باهته وقال : أنا العريس ياشيخ ..
قال الشيخ ب إستغراب و هو يأشر ل سلطان اللي سمع إسمه من عصام :
ليش مو إنت العريس ياسلطان ..؟؟!
إبتسم سلطان ب حرج وعدل شماغه وهو يقول : لا ياشيخ مو أنا ..
عقد الشيخ حواجبه وقال وهو يلتفت على عصام : ياخوي مو إنت أخو العروس ..؟؟
قال عصام ب إبتسامه في ظل إستغراب الجميع : إلا أنا أخوها طال عمرك ..
قال الشيخ ب إستغراب : طيب مو توكم تقولون ل بعض زوجني وقال الثاني قلبت ..؟؟
قال عزام ب جديه : بس ياشيخ كانوا يقولونها ب مزح .. والعريس هذا هو جنبك وإسمه نواف وأنا ولي أمر العروس .. وإنت الله يعافيك ماأتميت مراسيم العقد ب الإيجاب والقبول ..
قال الشيخ ب إنفعال بسيط : ياإبني الزواج تم وخلاص .. أخو العروس هذا هو(وأشر على عصام) ويعتبر واحد من أولياء أمرها .. وه الأخ ( أشر على سلطان) طلب الزواج ووليها قبل .. والجميع كان شاهد يعني خلاص تم الزواج ..
ذهول وصدمه إمتلكت الجميع وألجمت ألسنتهم وأولهم ..
عزام ..
ونواف ..
وسلطان ..
لكن صرخه صدرت من عصام وهو يوقف و يقول : ياشيخ كنا نمزح وش ه الكلام ؟؟
قال الشيخ ب هدوء : يا إبني الرسول صلى الله عليه وسلم قال : ( ثلاث هزلهن جد وجدهن جد : الطلاق والنكاح والرجعة ) .. يعني ياأخي الزواج تم وأنا وثقته هنا ب الأسماء .. ولا كنت أدري إنت تمزح ولا لا .. وسواء مزح ولا جد البنت خلاص حلت ل هالرجال (وأشر على سلطان) ..

***مزون شمر*** · 24-03-2010, 11:54 PM

الله يعطيك العافيه
الاجزاء اللي تحصلينها جيبيها
واكون لك شاكره

**ملكة نجد** · 05-02-2011, 08:38 PM

رد: طفلتك ماعاشت احساس الطفوله روايه رومنسيه جريئه

السلام عليكم
متى تكتمل الرواية ؟؟

صار لي فتره طويله انتظرها

**عايشه سني** · 12-02-2011, 10:43 PM

رد: طفلتك ماعاشت احساس الطفوله روايه رومنسيه جريئه

مشكوره يا صاحبة القصه بس الله يخليك كمليها في اقرب وقت طولتي بيز

**انثى من الخيال** · 13-02-2011, 02:55 AM

رد: طفلتك ماعاشت احساس الطفوله روايه رومنسيه جريئه

يعطيك العافيه استمري

**آبے↓آصرخ↑** · 22-02-2011, 04:44 AM

رد: طفلتك ماعاشت احساس الطفوله روايه رومنسيه جريئه

تهى تهى
هذي ثاني روايه اقراها واتحمس
وماتكون كامله

**عسول** · 22-02-2011, 07:53 PM

رد: طفلتك ماعاشت احساس الطفوله روايه رومنسيه جريئه

وين التكمله حبابه بسرعه كمليها
لانها جد كلش حلوه

**صمت الإحساس والمشاعر** · 26-02-2011, 12:17 AM

رد: طفلتك ماعاشت احساس الطفوله روايه رومنسيه جريئه

مرحبا...حبيت اشكر كاتبه القصه صراحه روعه
لكن حطمتني اول مرة اقرى روايه وتعجبني وللاسف مالقاها كامله...
الروايه تستحق انك تكمليها...
وحنا بنتظارك .......
تقبلي مروري

طفلتك ماعاشت احساس الطفوله روايه رومنسيه جريئه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget