ابرار:لا حبيبي ما اقدر اليوم
بسام:ليه ابرار وعبودي يبون يشوفونك
ابرار:معليه مرة ثانية قلبي
بسام:على راحتك عمري
ابرار:مممم معليه اسال سؤال؟
بسام:اكيد وشو؟
ابرار:ممم زوجتك..اقصد طليقتك
بسام لاعت كبده من طاريها.قال بدون نفس:شفيها؟
ابرار:كنت تحبها؟
بسام تنهد بضيق:كنت اظن اني احبها بس لما تزوجتها بانت على حقيقتها
ابرار:شلون يعني؟
بسام:ابرار انا قلت لك زواجي منها كنت اكبر غلطة..وابي انساها وانسى كل لحظة جمعتني معاها وكل شي بماضيي ماعدا عيالي طبعا
ابرار:ليكون ضايقتك بسؤالي؟
بسام:لا انا اتضايق منك مستحيل
ابرار ابتسمت:فديتك والله

كان جالس بغرفته وسمع كل شي...

سامي((حتى ابرار طلعت تحب..انا ليه حظي كذا اول بنت اعجب فيها من جد تطلع حبيبة اعز اصدقائي..وبعدين ابرار وهاذا هي طلعت تحب..انا مدري ليه معور راسي شنو يعني ابي احب وبس..وبعدين الحب عذاب وزياد اقرب مثل لي..ليه اعور راسي واتعب نفسي واحب وانا عندي مليون بنت تحت رجلي وتستنى اشارة مني))

رفع جواله بضيق 25 مس كول..عقد حواجبه مين الي داق عليه..
3 مكالمات من زياد والباقي من سهى...

سامي:ادق على الصايعة احسن لي

دق عليها وماكملت النغم وعلى طول ردت...

سهى:هلا سامووو واحشني يالدب
سامي تافف بداخله بس هو الي دق:هلا سهى..ليه داقة
سهى:شفيك ليه معصب؟
سامي:مو معصب بس متضايق شوي
سهى:ماعاش من يضايق سامو حبيب قلبي انت بس قولي مين الي جابت راسك وانا اذلها لك
سامي عقد حواجبه:شمعن وحدة.يمكن واحد
سهى:ههههه لاني عارفتك عدل مافي شي يضايقك الا اذا كانت وحدة عاجبتك وما تقدر توصل لها صح ولا لا

سامي وهو يطالع دريشة ابرار الي جالسة ومندمجة مع الجوال...

سامي:صح
سهى:عشان تعرف اني فاهمتك بس..قولي مين هاذي؟
سامي:وحدة
سهى:اعرفها؟
سامي:لا
سهى:طيب عرفني عليها وشوف شلون اجيبها لك
سامي:لا شكرا ماله داعي
سهى:بكيفك بس يعني لو بغيت يعني انا بالخدمة
سامي:يصير خير
سهى:الا ماقلت لي شخبار زيود ليه ماصار يجي؟
سامي:لا زياد اعتزل
سهى:افا ليه؟
سامي بصوت واطي:الحمد الله والشكر..(علا صوته)..شكلي بسوي مثله
سهى:لا عاد كله ولا سامو ما اقدر على فراقك
سامي:بس انا اقدر
سهى:يوه سامي وش فيك قلبت علي؟
سامي:ولاشي بس طفشان..(سمع صوت ضحكة ابرار)(ضغط على السماعة اكثر)ومقهور واحس اني بطق الحين
سهى:هههه شدعوه سامو وش مسوية فيك هاذي؟
سامي:تصدقين مدري..اكيد ساحرتني لاني ما كنت اطيقها
سهى:ما بعد عداوة الا محبة
سامي:اعوذ بالله من هالمحبة ما ابيها
سهى:هههه الحب مذلة
سامي:لا عاد مو لدرجة اني احبها..بس ما ابيها تطنشني
سهى:افا في بنت بالعالم تقدر تطنش سامو
سامي:شفتي وهاذا الي قاهرني
سهى:لا انت حالتك صعبة..لازم لك حفلة عشان تنساها
سامي:في حفلة اليوم؟
سهى:وكل يوم وحتى لو مافي بسوي لك..كم سامو عندي انا
سامي((جد صايعة)):خلاص اليوم عندك
سهى:لا الحفلة مو عندي بالاستراحة
سامي:طيب خلاص

سكر من عندها والتفت على الدريشة بس ما لقى احد بالغرفة..
بدل ملابسه وطلع من البيت بيغير جو ويضيع وقت..ندم لانه طلع الحين..
شافها قدامه وجالسة تعدل خصلات من شعرها...

ابرار ما انتبهت لوجوده:اوف شكلي غلط شنو هاذا

سامي((كل هالجمال وشكلك غلط..اجل لو عدل شنو بيصير))

ابرار التفتت وانتبهت لسامي الي يطالعها..عوجت بوزها وقالت بدون نفس:هلا
سامي ابتسم وتقدم لها وهو يلبس النظارة:اهلين
ابرار:شخبارك؟
سامي((بخير بشوفتك)):يهمك؟
ابرار بعدت عنه:مع السلامة

وقفها صوته...

سامي:انتي ليه كذا؟
ابرار باستغراب:شلون؟
سامي:ليه تعامليني كذا..ليه تكرهيني؟
ابرار:ما اكرهك..بس بعد ما ادانيك
سامي:ليه؟
ابرار:كذا..من الله

ركبت سيارتها وحركت..
سامي ظل واقف بمكان ويطالعها...


مشكلتي اهواه وحبه هو مجنني
والمشكله عن هوايا ماهو بداري
اخاف ابوح بهوايا لا يخجلني
واخاف يزعل علي ويزيد في ناري
محتار مدري شسوي حيل شاغلني
مليت افكر ولاهي نافعة افكاري
مدري اعذره عشانه ماهو فاهمني
ولا الومه عشانه سبة اضراري
ساعات ارضى واقول كافي يكلمني
كافي انه يسال علي وياخذ اخباري
وساعات اطمع فيه كل يوم يقابلني
جنني حبه ولاهو بحالتي داري
*******************************

دخل للشركة وهو متوتر مو عارف شلون بتكون ردة فعله اول مايشوفه..وبخطوات ثقيلة ضغط زر الاصنصير وراح للدور الثالث..

وصل للدور وراح للسكرتاريا...

......:السلام عليكم
حمد(السكرتير) بدون ما يطالعه:وعليكم السلام
......:ممكن اقابل الاستاذ زياد
حمد رفع راسه:مين اقو.....

ماكمل كلامه اول ما شافه..تفاجئ من شكله...بس حس بنفسه وكمل

حمد:مين اقول له؟
.....:قوله واحد يبيك
حمد:اسمك شنو؟
......:قوله واحد وخلاص
حمد:حاضر

رفع السماعة وضغط على رقم مكتب زياد...

زياد رفع السماعة:خير حمد شسالفة مو قلت مابي احد يزعجني
حمد:استاذ في واحد يبي يشوفك
زياد:مين؟
حمد:مدري يقول واحد وبس
زياد:لا والله اساله مين
حمد:سالته يقول يبيك ضروري
زياد:يعني الموضوع ما يتاجل؟
حمد:لا شكله ضروري
زياد تافف:طيب دخله

حمد سكر ولف على الرجال:تفضل

توجه للباب وضربه بخفه...

طلع صوت زياد من ورى الباب:تفضل

دخل للمكتب وتننحنح عشان ينتبه له زياد..
زياد رفع راسها يشوف مين صاحب هالصوت...وقف وتفاجئ لما شافه...

******************************

تتوقعون اللي شافه زياد مين؟؟

...نهاية البارت...

بنزل البارت بعد الردود

مشكوره
استمري

البارت((15))
دخل للمكتب وتننحنح عشان ينتبه له زياد..

زياد رفع راسها يشوف مين صاحب هالصوت...وقف وتفاجئ لما شافه...

زياد((معقولة يكون هو...لا مستحيل..اكيد انا اتخيل..مستحيل يكون هو..اكيد احد يشبهه))

زياد جلس وقال بهدوء عكس التوتر الي يحس فيه:مين انت؟
ابتسم:معقولة ماعرفتني..لهدرجة تغيرت

زياد لما سمع الصوت تاكد من شكوكه.صحيح الصوت متغير وفيه خشونة بس بعد يقدر يميزه عن أي صوت ثاني...

زياد بتردد وشك:ر..راكان؟
راكان تقدم له وهو مبتسم:كيفك زياد؟

زياد مو مصدق الي يصير قدامه..هو راكان نفسه اخوه..ولا واحد يشبه له ونفس اسمه..

زياد:انت راكان؟...راكان اخوي
راكان:مو ملاحظ الشبه

زياد دقق بملامح راكان..هو اصلا مو محتاج يدقق فيه لان العمي بيلاحظ الشبه بين زياد وراكان..خصوصا انهم توائم...

زياد تقدم له:كيف تكون راكان اخوي..وانت..(حس ان مخه وقف عن التفكير)..شلون..ابوي قال انك..
راكان:شفيك زياد؟..معقولة ماعرفت اخوك

زياد مسكه من كتفه يبي يتاكد اذا هو موجود جد ولا هو يتخيل...

زياد:شلون انت قدامي وجالس اكلمك وابوي قال انك...

سكت..ماتوقع ان ابوه يكون بهاذي القسوة والدنائة..معقولة يقول عن ولده انه ميت وهو عايش..كيف طاوعه قلبه...

راكان:زياد امي تسال عليك تقول ليه ما تجي تزورها او حتى تدق تسال عنها..من يوم ما طلقها ابوي ماعد شفناك ولا سمعنا صوتك..كيف هانت عليك امك..كيف ما قدرت تسال عن اخوك الوحيد كل هالسنين؟

زياد اخذ نفس يهدي توتر اعصابه للحين مو مصدق الي يسمعه ومو مستوعب الي يصير..طول عمره وهو متوقع ان امه واخوه ميتين والحين يطلع اخوه فجاة ويقوله امك تسال عنك..شلون

راكان:انا جاي اسالك واطمن امك عليك ليه ماترد

زياد حس انه مايقدر يوقف..جلس على اقرب كرسي وهو يحس براسه بنفجر من الصدمة..

زياد:ابوي قال انك انت وامي متو بحادث سيارة
راكان باستغراب:أي حادث..اصلا ابوي طلق امي وبعدين هي خذتني وانا وابوي اخذك انت..كيف ابوك يقول اننا متنا؟
زياد مسك راسه ووقف:مو معقولة الي قاعد يصير..ماني مصدق ان ابوي يطلع كذا..اوكي انا ادري انه ينصب وينهب وادري انه قاسي مو لهاذي الدرجة
راكان طالع زياد:انت كيف صدقت كلامه؟
زياد:راكان انا كان عمري 10 سنوات ويمكن اصغر شلون تبيني اعرف
راكان:انا مو زعلان منك..مشتاق لك حيل ياخوي

زياد ابتسم وضمه باقوى ما عنده..مشتاق له ومحتاج له اكثر من كل شي..طول عمره كان يتمنى ان اخوه يكون عايش والحين هاذا هو قدام عيونه وضامه بين ذراعاته...

زياد:وانا اكثر ياخوي..وانا اكثر

******************************


يسوق السيارة و الدخان بيده..يحس بتوتر مو طبيعي..مايدري وش يصير فيه كل مايشوفها..هاذا مو حب الي يحس فيه..هاذا اكبر من الحب بمليون مرة..مايقدر يقاوم هاذا الشعور اكثر من كذا...كان دايم يكذب على نفسه ويوهم نفسه انه يكرهها..يختلق المشاكل بينه وبينها بس عشان يوصل لها هالشعور..الكره..طيب ليه..ليه مو راضي يعترف انه يحبها ومايقدر يفارقفها ولا دقيقة..والحين بعد مادرى انها تحب..وده يعترف لها باسرع وقت بس عشان ما تضيع منه...

ضرب الدركسون بقوة وهو يتذكر ضحكاتها وكلماتها...
حبيبي..حياتي..عمري..
ليه تكون لغيره..ليه ماتقولها له هو..هو الي يحبها مو غيره..

انقطعت افكاره اول ما سمع صوت البواري حق السيارات الي حوله..انتبه للسيارة الي قدامه..داس على الفرامل بقوة وبستر من الله وقفت السيارة قبل لا تصدم بالسيارة الي قدامها..

سامي اخذ نفس يخفف توتره..رمى السيجارة بعصبية من الدريشة..

سامي:حسبي الله عليك يا ابرار..وش مسوية فيني..كنت بموت وانتي ولا على بالك..طبعا همك الوحيد حبيب قلبك وبس..اخ بس لو اشوفه..والله لاذبحه..ابي اشوف مين هاذا الي قدر يملك قلبك..شنو فيه زود عني..

فتح المراية الي فوق الدركسون وشاف شكله..

جذاب لابعد الحدود..حتى انه احلى واكثر وسامه من زياد..عيونه رمادية وشعره اسود مثل اليل..ابيض وشفايفه وردية..الف بنت تتمناه..ليه هي تكرهه..ليه ما تنجذب له..ليش؟؟؟

****************************

بعد اسبوعين...

راكان:وشخبار بنات عمي..ترف ولينة وسحر واسيل؟
زياد:كلهم بخير..ودي اشوف وجيههم اول ما يشوفونك
راكان:تتوقع يتقبلوني؟
زياد:اكيد..تبي تروح لهم؟
راكان:الحين؟
زياد:أي الحين
راكان:اوكي

قامو وطلعو من المكتب..حمد صار يطالعهم وهو متفاجئ..اشكالهم مرة متشابهه وكان في مراية قدام كل واحد منهم...

**************************

بالسيارة...

زياد وهو مبتسم:وربي للحين مو مصدق انك قدامي..ماني قادر استوعب
راكان:ههههه حتى انا

انتبه لصورة معلقة بالسيارة..شالها وناظرها باهتمام...

راكان:زياد
زياد طالعه:هلا
راكان:مين هاذي؟

زياد ناظر بالصورة الي بيده((ياربي هالصورة ذي بس فاضحتني))..

زياد وهو يشغل السيارة:هاذي ترف..بنت عمك
راكان طالعه وابتسم بخبث:وليه حاط صورتها بسيارتك؟

زياد ناظره وهو يحاول يخفي توتره خصوصا انه ماقال له عن حبه لترف ولا عن أي شي صار بينهم...

زياد:بس كذا
راكان:اقول زياد تراك ماتعرف تكذب
زياد زاد توتره:شنو تقصد يعني
راكان:يعني قول الحقيقة
زياد:هاذي الحقيقة
راكان قرب له:لا تفكر اني مو حاس بتوترك

زياد طالعه واخذ نفس..شلون نسى انه توامه وطبيعي يحس فيه..

زياد:يلا بس لا نتاخر
راكان جاراه بالموضوع مايبي يضغط عليه:ماراح تدق عليهم قبل لا نروح
زياد ابتسم:لا خلها مفاجاة احسن

((راكان))

حسيت بالحماس لاني بشوف بنات عمي الي صار لي سنين ماشفتهم..جلست اناظر الشوارع بالشرقية ماذكر منها ولا شي..كنت صغير لما تركتها اخر مرة..اشتقت لها واشتقت لزياد..واشتقت لكل شي بماضيي هنا..بس في شخص واحد اتمنى اشوفه..ابي افهم منه اشياء كثيرة..((ابوي))..ما ادري اذا هو يستحق هاذي الكلمة ولا لا..التفت على زياد الي جالس يسوق ولابتسامة على وجهه وكل شوي يناظرني ويبتسم..رديت له لابتسامة وانا احس بساعدة بداخلي لاني شفته..بس كل ما اتذكر ابوي تنحرج هالسعادة وماراح تكمل الا اذا كلمته وفهمت منه ليه سوى كذا..ليه تركني انا وامي وقال اننا ميتين..ودانا للرياض ومنعنا نرجع هنا..هدد امي انه بياخذني منها مثل ما اخذ زياد..ماكلف نفسه يرسل لنا فلوس عشان نعيش فيها ولا حتى يتصل يتطمن علي..تنهدت بضيق وسندت راسي على السيارة..فرق بين سيارة زياد وسيارتي..واكيد بعد بيكون نفس الفرق بين بيتنا وبيتهم هاذا اذا ما كان قصر..للحظة حسيت بغيرة من زياد..اكيد ابوي حنون عليه..ماعنده غيره..كل طلباته مستجابة والي يبيه متوفر له..

راكان بتردد:ممكن اسالك سؤال؟
زياد:اكيد تفضل
راكان:ممم..ابوي..كيف يتعامل معك؟
زيادضحك باستهزاء:وهاذا تسميه ابو
راكان:تبي تفهمني انه مو حنون معك
زياد رفع حاجبه:حنون..تصدق ما اعرف وش معنى هالكلمة..حنان الاب..عمري ما شفته
راكان:كيف يعني؟
زياد:يعني من انخلقت وابوي قاسي وعمره ما حن علي..التواصل الوحيد الي يصير بيني وبينه لما اطلب منه فلوس..فلوس وبس..لا وبالزور يطلعها بعد تطلع عيوني قبل ما يطلع ريال من جيبه..احسه وده يذبح نفسه ولا يصرف قرش
راكان بدهشة:لهاذي الدرجة؟
زياد:اسكت بس ابوي ماعمري شفت احد ابخل منه ولا اقسى منه..لا وفوق هاذا كله لسانه طويل..بالله هاذا ابو..مايصرف فلوسه الا على حريمه وبس
راكان:كيف تحكي كذا عن ابوك؟
زياد:راكان انت لو شفت الي انا شفته كان ذبحته من زمان..انا احسن شي سويته اني عزلت شغلي عنه عشان اظمن مستقبلي

راكان طالع زياد بدهشة..ماتوقع ابوه يكون كذا..بس كلام زياد اثبت له وبعد كلام امه عنه وعن الي شافته منه...

زياد:على فكره اذا وصلنا لعندهم عزيهم
راكان:في مين؟
زياد:امهم توفت قبل اسبوع
راكان:لا حول ولا قوة الا بالله

سكتو لدقايق..كل واحد باله انشغل بشي...

راكان:زياد
زياد:هلا
راكان:عرفني عن نفسك ابي اعرف عنك كل شي
زياد:هههههههه
راكان:ليه تضحك حكيت شي يضحك؟
زياد:لا بس مو غريبة..توام وما نعرف شي عن بعض
راكان ابتسم:شنسوي بعد

***************************



ابرار:انا جيت بس علشانك(وهي توجه كلامها لابرار بنت بسام)
بسام:لا والله يعني مو على شاني
ابرار باحراج:بسام مو قدامها
ابرار الصغيرة:بابا ابي الاب(بابا ابي العب)
بسام بحنان:روحي حبيبتي

راحت تلعب وبسام التفتت على ابرار وهو مبتسم...

ابرار:ليه ما جبت عبودي معك؟
بسام:توه صغير..خليته عند امه

ابرار كشرت اول ماسمعت طاري زوجته...

بسام مسك يدها:حبيبتي لا تتضايقين والله ماكان قصدي
ابرار انحرجت:بسام الناس تطالعنا

حاولت تسحب يدها بس بسام شد عليها اكثر...

بسام:واحنا شدخلنا بالناس..تصدقين لما اشوفك انسى كل الي حولي وما اقدر افكر الا فيك

دقات قلبها تزيد مع كل كلمة يقولها..تتمنى تظل معه طول المر كذا..ماسك يدها ويتغزل فيها..ماتبي أي شي يغير عليهم..تتمنى الزمن يوقف على هالحظة...

دخل سامي للمطعم عشان ياخذ له شي سريع..بس تفاجئ لما شاف ابرار...حس دقات قلبه تزيد والحرارة ملت المكان...انتبه للشخص الي معاها وماسك يدها بكل حب..وقاعد يطالعها وكانه شوي ويكلها بعيونه...يبتسم لها واكيد قاعد يتغزل فيها لان شكلها المستحي من كلامه واضح...حس النار تشتعل بقلبه..
لا شعوريا تقدم لعندهم وهو ضاغط على مفتاح السيارة الي بيده..

سامي من بين اسنانه:اهلين

ابرار تفاجات لما شافت سامي..سحبت يدها بسرعة من يد بسام..

بسام طالع سامي باستغراب..واستغرب اكثر لما لاحظ توتر ابرار لما شافته..

بسام باستغراب:هلا اخوي بغيت شي؟

سامي طالعه بعصبية واحتقار..التفت لابرار الي واضح انها متفاجاة ومرتبكة...

سامي:شخبارك ابرار؟

حست لسانها انربط..ماهي قادرة تتكلم ولاعارفة ايش تقول..اخر شخص توقعت تشوفه هو سامي..

بسام تنرفز من وجود سامي:خير اخوي شبغيت؟
سامي ضغط على يده اكثر يحاول يتناسا وجود بسام:انا ماني اخوك ومايشرفني اكون..وانتي..امك دقت علي تبغاك.مادرت انك نايمة بالعسل

ابرار خافت من نظراته وطريقته بالكلام اول مرة تشوفه كذا..

سامي عصب:ماتسمعين اخلصي قومي امك تبيك

مسك يدها وسحبها..بس بسام وقفه..

بسام:خير من انت؟

سامي ماقدر يتحمل اكثر من كذا..ترك ابرار بقوة ومسك ببسام من كم البلوزة الي فوق..

قال من بين اسنانه:اسمع انا سكت عنك كثير..خلك ساكت بدال ما اقوم اتوطى ببطنك

رماه بقوة على الكرسي..وسحب ابرار وطلعو من المطعم...

ابرار بنرفزة وصراخ:اتركني...اقول لك اتركني...سامي
التفت عليها بعصبية وعيونه تطلع منها شرار:اسكتي بدال ما اوريك شغلك

بسام طلع من المطعم وسحب سامي من كتفه...

بسام:هي انت انا....

ماكمل كلامه لان جاله بقس قوي من سامي..طيحه على الارض..
ابرار صرخت من الصدمة وحطت يدها على فمها...

سامي بصراخ ونرفزة:انا ولد عمها وصدقني لو شفتك مرة ثانية ما يفكني منك غير الموت

سحب ابرار بقوة ودخلها للسيارة..

ابرار بصراخ:انت شفيك انجنيت

سامي طنشها وشغل السيارة...

ابرار كملت:وبعدين مين سمح لك تسوي كذا..تضرب الرجال وتسحبني بهاذي الطريقة قدام الناس..لا وتركبني سيارتك غصب..وبعد ما كفاك وتقوم و.....

سامي قاطعها بصراخ:ممكن تسكتين

ابرار سكتت لثواني تستوعب..اول مرة تشوفه بهاذي العصبية..

رجعت تصارخ:لا مو ممكن وبعدين بصفتك مين تسوي كذا...عشان امي مثل ما قلت ولا لانك ولد عمي يالكذاب

سامي ضحك بقهر وهو يرجع شعره لورى...

ابرار استغربت((هاذا شفيه ليكون انجن؟!))..

ابرار:سامي شفيك؟
سامي:هههه..(اخذ نفس عميق)..:حتى انتي تحبين..حظي حلو تدرين..هههههه

ابرار مو فاهمة شي((لا هاذا مجنون رسمي))..

حس العبرة خانقته..ماكلفت نفسها حتى ترد عليه...وقف عند الكورنيش ونزل من السيارة...بس قبل لا ينزل..التفت لها وطالعها وهو يحاول يخفي دموعه..مايدري ليه يحس ان نفسه يبكي...

ابرار استغربت نظرته..ماتدري ليه ققلبها عورها عليه مع انه مايستاهل بنظرها..تاففت ونزلت من السيارة...

وقف على سور البحر وجلس يطالعه وهو متحسر على حبه الي مات قبل لا ينولد...مسح دمعه نزلت على خده..طالع اصبعه يشوف بقايا الدموع الي عليه...

سامي((انا ابكي؟!..ومن يبكيني..((بنت))...ومو أي بنت ياسامي..ابرار..ابرار الي طول عمرك كنت تحاول تتجنبها وتكرهها فيك..هاذي اخرتك تبكي والسبب هي))..

ابرار بهدوء:سامي..(وقفت جمبه)..شفيك؟

سامي طالعها بحسرة وقهر..((ليتني قدر اعترف لك بحبي وافتك من هالعذاب))..

ابرار حطت يدها على يده بحنان:قولي شفيك؟

حس بكهربة تمشي بكل جزء بجسمه..قلبه مادق ولا راح يدق الا لها...

سامي((احبك))..

والله والله ان عروق قلبي كلها ترتاح لك
ليت كل مثل ما خذت بيدك خذت بيدي
من لمست ايدك وانا اتفداك واتفدى هلك
مادريت ان الهوى والعشق بالمس يعادي

سامي بتردد:ابرار انا...((سكت))
ابرار:شفيك..انت شنو؟
سامي:احم احم..احس اني تعبان شوي..بروح للبيت
ابرار:مو قبل ما تفهمني ليه سويت كذا؟
سامي:هاذا جزاتي اني خايف عليك
ابرار:خايف علي من وشو؟
سامي:منه ومن أي احد يقرب منك..ابرار ماتعرفين شكثر غلاتك عندي
ابرار تفاجات من كلمته بس ما حبت تبين:هاذي لعبة جديدة؟
سامي باستغراب:أي لعبة؟
ابرار:لا تلوع كبدي..ودني للبيت الحين ولوعدت حركتك البايخة مرة ثانية ما تلوم الا نفسك
سامي:بس....
ابرار قاطعته بحدة:الحين
سامي تنهد وقال بياس:تفضلي

مشت قدامه بكل غرور...

سامي((يالبي المغرورة..وربي تجنن بس مشكلتها عنيدة ولسانها..لسانها طوييل مرة وترد على الكلمة بعشر))...

ابرار بصراخ:لين متى بنوقف يعني؟

سامي انتبه انه صار له مدة واقف عند باب السيارة..توجه لجهتها وفتح لها الباب..

سامي:ليدز فيرست
ابرار طالعته بغرور:اهم شي

ركبت للسيارة وسامي سكر الباب بهدوء...
وصل للمقعد حقه وجلس..شغل السيارة بهدوء..

طول الطريق كان الهدوء سيد الموقف...

في سؤال يدور براسه..هو متاكد انه عارف الاجابة بس يبي يسالها..عنده امل ولو 1 في المليون انه يكون عكس ماهو متصور...

سامي بتردد:...تحبينه؟
ابرار فهمت قصده بس حبت تستهبل شوي(قالت باستغراب مصطنع):مين هاذا؟
سامي بنفس التردد:...مم..الي كنتي معه
ابرار:اها قصدك..(قالت بدلع)..بسام

سامي((حلو والله..وتقول اسمه بعد..مدري اذبحها الحين ولا شسوي فيها..معقولة ماتحس..ماتحس بدقات قلبي لها..ماتحس نظراتي لها غير..تصرفاتي..كلامي..واسلوبي..ولا هالبسام هاذا عامي عيونها..مالت عليه من زينه عاد))...

سامي بغيرة واضحة:ايوه الي ضربته ومسحت فيه لارض

ابرار استغربت نبرته..حاولت تكتم ضحكتها وهي تشوفه كيف ماسك الدريكسون وكانه شوي وبيكسره...

ابرار:ليه تسال؟
سامي وهو يحاول يخفي قهره وعصبيته:يعني بصراحة اشكالكم مرة لابقة على بعض..حتى اساميكم..ابرار وبسام..الله فيه احلى من كذا..ما اظن
ابرار خزته:كانك تتطنز ولا يتهيئ لي
سامي:لا ليه اتطنز
ابرار:هالمرة بمشيها
سامي:الحين جاوبي على سؤالي..تحبينه ولا لا؟
ابرار:واذا احبه يعني وش بتسوي؟
سامي((اذبحك واذبحه)):يعني تحبينه
ابرار تنهدت وهي تتذكر شكل بسام:ايوه

سامي طالعها بعصبية ووده يقلب السيارة عليها..

سامي بقهر:مبسوطة يعني
ابرار:انت شفيك اليوم..احسك متغير
سامي بنرفزة:لا والله يعني تلاحظين..زين والله..وش لا حظتي بعد متغير فيني
ابرار:سامي شفيك؟..جد احس فيك شي
سامي بصراخ:وانتي من متى يهمك لو فيني شي ولا لا..خلك مع بسام حقك ذا

ابرار طالعته باستغراب..تصرفاته بجد غريبة هالايام..صارت ما تفهمه..

ابرار تنرفزت كل شوي يصارخ عليها..تكتفت بعصبية وعيونها غرقت..

سامي لاحظ دموعها..قلبه دق بسرعة..هو بكاها..بكت بسبته..هو الي زعلها...

سامي((جد اني ****))..قال بحنية:ابرار

ابرار عقدت حواجبها ومدت بوزها بدلع بس بدون ما تقصد وطنشته..

سامي دق قلبه اكثر:ابرار

صدت عنه وطالعت الدريشة...

ابرار((شنو هالمجنون الي انا جالسة معه..مرة يعصب ومرة يحن..وانا بعد ليه ساكته عليه..ليه ما ارد..لا شنو ارد اخاف الحين ينزلني بالشارع..يسويها ذا المجنون))....

سامي:اسف..وربي ماكان قصدي ازعلك


ابرار((بعد يعتذر..يمى ليكون انجن من جد))...

سامي((هاذي من جدها زعلانة..والله ما اقدر على زعلك))...

سامي:ابرار والله مو قصدي
ابرار طالعته باستغراب وخوف:سامي..انت متاكد انك كويس؟

سامي ابتسم وهو يشوف نظرة الخوف بعيونها..مسكين مادرى انها خايفة منه مو عليه...

سامي((دخيل الي يخاف علي انا)):أي كويس..بس قولي انك مو زعلانة مني
ابرار ابتسمت بهدوء:لا تخاف...مو زعلانة

سامي((فديتك والله))...

************************

بعد اسبوعين...

راكان:زياد
زياد ابتسم:هلا
راكان رد له الابتسامة:ابي اروح لعنده
زياد كشر:الحين؟
راكان:ياليت
زياد:طيب خلها مرة ثانية
راكان:صدقني احس اني بنفجر لو ما عرفت منه هو ليه سوى كل هاذا
زياد:تكفى راكان مانبي اليوم يتنكد..خلها بكرة
راكان:لهدرجة..طيب وش دراك يمكن يكون عكس ما انت متصور
زياد ضحك باستهزاء:لا ابوي واعرفه

راكان اختفت ابتسامته ولف يناظر الشباك...

راكان((لو اني عايش معه كان عرفته))..

زياد حس بان اخوه متضايق..حط يده على يد راكان وهو مبتسم..
راكان ناظره وابتسم بهدوء...

زياد:اسف ما قصدت اضايقك
راكان رجع يناظر الشباك:لا...عادي
زياد طالع بوجهه:طيب عيني بعينك

راكان ناظره وبعدين نزل عيونه على طول...

زياد ابتسم:شفت شلون ما تقدر تكذب علي
راكان ابتسم:اصلا انا مكشوف عندك من قبل لا اتكلم

رن جوال زياد..راكان ناظر الشاشة وهو عاقد حواجبه((غلا روحي))..

راكان مازال عاقد حواجبه((مين ممكن يكون غلا روحي))..

زياد رد وهو مبتسم:هلا وغلا
ترف بصوتها الدلوع:وينك انت صار لي ساعة انتظرك..دقيت على الشركة وقالو انك طلعت من زمان..ولا تبيني اسوي كل شي بلحالي
زياد:بل بل بل..شفيك..كلتيني بقشوري..شوي شوي علي ترا ما اتحمل
ترف:مقدر على الرقيق..(بصراخ)..لا يكثر ويلا بسرعة تعال ترى مليت

زياد رفع حاجبه وبعد السماعة عن اذنه..

زياد:لا حول الله..خربتك اسيل
ترف:ههههه..لا تغير الموضوع..ماتقول لي انت وينك؟
زياد:بالسيارة..ومعاي مفاجاة
ترف بلقافة:شنو؟
زياد:جد انك ملقوفه..اذا جيت تشوفينها
ترف:مم طيب لمح لي
زياد:اوكي..هو مثل المراية
ترف باستغراب:مراية؟؟!

راكان كتم ضحكته...

زياد وهو يضحك:ايوه مثل المراية
ترف:شنو هاذا؟
زياد:قلت لك عن القافة وبتعرفين كل شي بوقته
ترف عصبت:اصلا الشرهة مو عليك علي انا الي داقة..يلا اقلب وجهك
زياد:وربي مو لابقة لك العربجة..ابعدي عن اسيل لا تخربك
ترف:ادري اصلا انا كلي دلع في دلع
زياد((واحلى دلع)):زين يا ام الدلع في دلع..افتحي لي الباب انا قدام بيتكم
ترف ناظرت من الدريشة:ما اشوف سيارتك
زياد:شلون بتشوفينها وانا بالشارع
ترف ضربت راسها بخفه:يوه نسيت..اوكي باي
زياد ما وده يسكر منها:اوكي...باي

راكان:من هاذي؟
زياد:بنت عمك واخر العنقود
راكان بخبث:وغلا روحك
زياد ارتبك:بل امداك تقز الاسم
راكان:افا عليك وانا ولد الماسي اقزه واقز عشرة بعد
زياد وهو يضحك:طالع على اخوك

طلعت من البيت وكان الجو عادي لان الصيف بدى يدخل...
توجهت للباب وهي تتوعد بزياد...

ترف وهي تفتح الباب:اخيرا شرفت يا....

سكتت لما شافت راكان..وعلى وجهها اكبر علامة استفهام..

زياد مات ضحك على شكلها:هههههه تصدقين يبغالك صورة على شكلك
راكان:ههههه على الاقل احسن من شكلك اول ما شفتني بالمكتب

ترف ما زالت تحت تاثير الصدمة..

ترف بهدوء وشك..ماهي عارفة تفرق بينهم:ز...زياد
راكان:هههه يالبيه
زياد ضربه من كوعه:شتبي انت
راكان:انت شتبي البنت نادتني
زياد:لا والله

ترف جد تحس انها انهبلت..زي الاطرش بالزفه ومو فاهمة شي...

زياد:يعني بتخلينا هنا لين بكرة..الوو..توتو..هي وين رحتي؟
ترف حست بنفسها:نعم
زياد:هههه دخلينا وش فيك
ترف:ها..اي أي..ادخلو

زياد دخل ومسك ترف من كتفها وضمها لصدره وقعد يخربط بشعرها...

زياد:هههه شفيك كذا فاهية؟

ترف طالعته وهي مبتسمة بهدوء..تاكدت ان هاذا زياد..حركاته ما يخليها...

ترف بعدت عنه شوي...طالعته وهي رافعة راسها لانه صايرة قصيرة بالنسبة له...

ترف:زياد..مين هاذا؟
زياد:معقولة ماعرفتيه..هاذا راكان

ترف وقفت لدقايق تستوعب الموضوع..كيف راكان ميت وهو الحين قدامها...
التفتت تطالعه وشافته يبتسم لها..

ترف باستغراب:راكان؟؟!
زياد:أي

ترف تقدمت لعند راكان ووقفت قدامه بالضبط...

ترف:انت راكان؟
راكان ابتسم:ايوه..وانتي ترف صح
ترف ابتسمت بهدوء:شدراك؟..(التفتت على زياد..وبعدين رحعت تطالعه)..اكيد زياد قال لك
راكان:لا بس انا توقعت بما انك اخر العنقود وواضح انك صغيرة

زياد اشر له يسكت لانه يعرف ان ترف ما تحب احد يعاملها على انها صغيرة...
بس راكان ما فهم قصده...

ترف:ايوه انا اخر العنقود..مين اكبر انت ولا زياد؟
راكان:لا انا اكبر من زياد بخمس دقايق
ترف طالعت زياد:والله وجا الي اكبر منك
زياد:لا يكثر بس ويلا ندخل طفشت من الجلسة هنا

دخلو داخل البيت وصادفتهم اسيل وهي نازلة من الدرج...

اسيل وهي تغني بصراخ:يالتاكسي خذني لها يالتاكسي..وبسكتك خلنا نمر نا.....

ماكملتها لما شافت راكان واقف مع ترف وزياد...
شهقت بصوت عالي...

اسيل:بسم الله..ترف..انتي شلون جالسة معه
ترف:ههههههه
زياد:اخاف مو عاجبك بس

اسيل نزلت من الدرج وعطت زياد كف بدفاشة:خرعتني انت والي معك
زياد وهو يفرك خده:وجع يوجع
اسيل:مالت عليك يالخكري

راحت قدام راكان..ووقفت تطالعه...

زياد:مشبهة الاخت
اسيل باستهبال:الصراحة أي..انا شايفة هالخشة من قبل بس مدري وين...ممم..ذكريني ترف وين شفتها
زياد:احلفي بس
راكان:ماعرفتني..انا راكان..اكيد انتي اسيل

اسيل عقدت حواجبها:راكان؟؟..شلون راكان يعني؟
زياد:تستهبلين حضرتك
اسيل:قصدي ان راكان..راكان مي...
زياد قاطعها:تعالي وانافهمك

راحو كلهم للصالة..

زياد:اول شي وين لينة وسحر؟

ترف واسيل رفعو كتوفهم بعنى انهم ما يدرون...

زياد:عايشين في بيت واحد ولا تدرون وين خواتكم
اسيل:تكفى عاد..اخلص بس فهمني شسالفة لاني احس اني بنجن
زياد:اكثر من كذا ما اظن فيه
اسيل بحدة:اقوووول
زياد:خلاص لا تقولين ولا اقول
ترف بدلع طبيعي:يلا زياد قول لنا وش السالفة
زياد خق عليها:من عيوني

ترف شبكت يدينها ببعض من الاحراج...وخدودها صارت حمر...

اسيل:يا سلام شمعن يعني لما هي قالت لك
زياد:انتي شدخلك مو تبين تعرفين السالفة
اسيل:أي
زياد:بس اجل انطمي

اسيل توها بترد عليه بس قاطعها راكان...

راكان:خلاص زياد جننت البنت..(التفت على اسيل)..انا بقول لك
اسيل ابتسمت:بعد حيي والله راكانو..عادي ادلعك صح
راكان:ههه أي عادي
اسيل طالعت زياد بقرف:شفت شلون..تعلم يا مالك ال...(سكتت)
زياد:قولي ليه سكتي
ترف:اسيل..زياد..خلاص
زياد التفت لها وقلبه يدق بقوة لكل كلمة او كل حركة تسويها:على امرك

قال لهم راكان كل السالفة..من يوم ما ابو زياد طلق امه هو و زياد لين الحين...

اسيل بدهشة:معقولة عمي يسوي كذا..كيف طاوعه قلبه
ترف:حسبي الله عليه
راكان:لا تتحسبين عليه..مهما يكون هو ابوي
اسيل وقفت:احلف بس..لو هاذا ابوي وسوى فيني كذا اقل شي اجيب سكين ودبها بكرشه
زياد+ترف+راكان:ههههههههههههههه
اسيل جلست:جد شنو هاذا

دخلت سحر وهي تحس دقات قلبها تزيد..كل ما تذكرت شكل وليد وقربه منها..غصبن عنها تبتسم...تحبه وتحب كل شي فيه..

استغربت لما سمعت اصوات جاية من الصالة..
دخلت للصالة وما انتبهت لراكان وزياد...

جلست على الكنب وهي تتنفس بسرعة..تبي تخفف من توترها ودقات قلبها السريعة..

سحر:هاي
ترف:هايات
سحر وهي توجه كلامها لاسيل:وانتي ليه ما تردين؟
اسيل:مرحبا..زين كذا
سحر باستغراب:شفيك؟
اسيل:سلمي على ولد عمك
سحر باستغراب:ولد عمي؟

التفتت تطالع..فتحت عيونها على وسعهم لما شافت نسختين من زياد على قولتها...

سحر وهي مو مستوعبة:مين انت؟
راكان ابتسم:انا راكان

سحر وقفت من الصدمة وضربت صدرها بقوة وهي تشهق:راكان!!..شلون وراكان..(سكتت وهي مو قادرة تستوعب)..

اسيل:شوفي احنا الحين مالنا خلق نعيد السالفة بعدين اذا جت لينة بتعرفين كل شي
ترف:سحر انتي وين كنتي..دورتك بغرفته وما لقيتك
سحر ارتبكت:ها..كنت برة
اسيل:برة وين؟
سحر:اقصد بالحديقة الخلفية..يمكن عشان كذا ما شفتيني

راكان جلس يطالع بنات عمه..صحيح انه صار له سنين ماشافهم..بس يحس انه يعرفهم من زمان..اندمجو معه بسرعة..دخلو قلبه بسرعة..توقع تقبلهم له يكون ابطئ شوي..يحس انهم ما تغيرو..للحين نفس الشخصيات..يمكن اشكالهم تغيرت شوي..ملامحهم صارت حادة اكثر..وجاذبيتهم زادت..

اسيل:راكان شفيك ساكت
راكان انتبه:نعم
اسيل باستهبال:ادري انك منهبل على جمالي بس شسوي الله خلقني كذا ..حلوة واسحر أي احد يشوفني..الله يعينك عاد بتتحمل
زياد:مشكلة الثقة
اسيل خزته:نعم..ماسمعت
راكان:ههههه ماعليك منه بالعكس انتي تهبلين

اسيل حست بالاحراج بس هي الي جابته لنفسها..بدون ما تحس حمرت خدودها وعطتها شكل طفولي بريئ...

ترف انتبهت لوجه اسيل الي حمر من كلام راكان..ابتسمت بخبث بعد ما جات على بالها فكرة..

سحر وقفت:عن اذنكم
اسيل بهدوء:وين بتروحين؟
سحر وهي تتثاوب:تعبانة بروح انام
ترف زادت ابتسامتها:الله معك

سحر رفعت حاجبها وقربت من ترف وكانها قرت افكارها...

سحر بهمس:وش ناوية عليه؟
ترف تتصنع البراءة:وشو مافي شي
سحر:علينا..على العموم الحين مو وقته بعدين افهم منك يلا باي
ترف بصوت عالي:باي

سحر طالعتها وكانها تقول لها الله يستر منك...
ترف ردت عليها بابتسامه سحر فهمت معناها وابتسمت...

اسيل:شعندك انتي وياها تبتسمون؟
ترف:عادي اختي وتبتسم لي وش تبيني اسوي يعني..اكشر بوجهها مثلا

رن جوال ترف..طالعت الشاشة..(miss soso) يتصل ..ابتسمت..

ترف((بعد حيي والله سوسو تفهمها على الطاير))...

قامت من الكرسي بكل هدوء ودلع...

ترف بهدوء:عن اذنكم

طلعت من الصالة للحديقة..وعيون زياد مانزلت من عليها..قلبه دق بقوة اول ما ردت على الجوال..مايدري ليه تسلل الشك لقلبه..معقولة ترف حبت غيره..سلمت قلبها لاحد غيره..
لا شعوريا قام ولحقها...

راكان حس بزياد..واضح انه متضايق..التفت لاسيل..

راكان:شفيه؟
اسيل ابتسمت:بلاك ما تدري
راكان رفع حاجبه وعدل جلسته:وشو؟
اسيل:ترف وزياد يحبون بعض...هو ماقال لك؟

راكان سكت للحظة يفكر..عشان كذا حاط صورتها بالسيارة..ومسميها غلا روحي..ولا بعد من اول ما وصلو وهو مانزل عينه من عليها..

راكان((شلون ما لاحظت..حتى نظراتها له تدل على الحب..وين راح ذكائك..كله طار))...

************************

طلع برة وشافها جالسة على الكرسي..وتلعب بطرف شعرها..استغرب متى امداها تخلص مكالمتها..

طالعها وهي جالسة بشكلها الطفولي..كانت لابسة بريمودة بيج وبلوزة بينك وعليها رسومات...مع شعرها البني الي يوصل لين نص ظهرها...جذبه شكلها..ماحس بنفسه الا وهو واقف قدامها...

زياد:ليه طلعتي؟

ترف رفعت راسها بهدوء..بس نزلته على طول..ماتبي نظراتها تتعلق فيه عشان لا تتاثر بسحر عيونه مثل كل مرة..

زياد جلس جمبها:متضايقة من شي؟
ترف بدون ما تطالع فيه وهي تحاول تلهي نفسها بشعرها:ممم..no
زياد رفع راسها بيده بكل هدوء:طيب عينك بعيني

صار الي ماكانت تبيه..وتعلقت عيونها بعيونه..قلبها بدى يدق بسرعة جنونية..خذت نفس عميق وهي تطالع فيه...

زياد حاله مو احسن من حالها..دقات قلبه خلقة تدق اول مايسمع طاريها..هالمرة هي قدامه وماسكها بعد..

ظلو لدقايق يطالعون بعض بدون كلام..وكان كل واحد يشكي هم بعده عن الثاني..

زياد وعينه مانزلت من عليها..(قال بهدوء):...ترف

ترف صار قلبها طبول..من زمان ما سمعت اسمها على لسانه بهاذي الطريقة..

ترف بمثل الهدوء:..هلا

زياد ارتبك من طريقتها بالكلام..هو صحيح متعود على دلعها بس هالمرة غير...

زياد بتردد:ممم..مين كنتي تكلمين؟

ترف اشتغلت عندها حالة الغباء..بلمت لدقايق تطالع فيه..

ترف ببلاهة:ليه؟

زياد سكت..ماعرف وش يقول..هو اصلا ماله حق يسالها من الاول..

زياد:خلاص على راحتك
ترف بسرعة:لا كنت اكلم صديقتي
زياد:ممم..يعني محد مزعجك؟
ترف:لا...ليه؟
زياد:وهاذاك ماعاد شفتيه؟

ترف تحس نفسها بتحقيق..كل شوي يسالها..

ترف((اكيد قصده الزفت خالد)):انت ليه تسال كل هالاسئلة..انت شاك فيني؟؟...زياد انت تشك فيني؟؟!
زياد بسرعة:لا لا..بس ابي اتطمن عليك
ترف بعدت عيونها عنه:اها..طيب مشكور
زياد:شفتيه؟
ترف تاففت:تطمن اصلا انا من هاذاك اليوم ما طلعت من البيت..وبعدين انا ماعرفه عشان اشوفه

زياد حس انه زودها..بس في سؤال يدور براسه ولازم يقوله..حتى لو كان اخر شي بيقوله لها...

زياد:ترف
ترف بدون نفس:نعم
زياد:انا شنو بالنسبة لك..انا وين بحياتك؟

تفاجات من سؤاله..التفتت عليه ونظرات الاستغراب بعيونها..متفاجئة من سؤاله الغريب..وبوقت اغرب..

يسالني مكانه وين
جوا القلب ولا العين
مايدري حبيب الروح
انه ساكن الاثنين

يسالني مكانه وين..

احبه حب هالكني
سكن فيني تملكني
انا لو ادري في هالحظة
احس الروح تتركني

ويسالني مكانه وين..

يسالني مكانه وين
جوا القلب ولا العين
مايدري حبيب الروح
انه ساكن الاثنين

ويسالني مكانه وين..

يبي يعرف يبي يدري
مكانه وين في عمري
وانا في داخل احساسي
احبه موت من بدري

ويسالني مكانه وين..

يسالني مكانه وين
جوا القلب ولا العين
مايدري حبيب الروح
انه ساكن الاثنين

ويسالني مكانه وين..

********************************

دخلت لينة للبيت وجلست على الكرسي بتعب...

لينة:السلام عليكم
اسيل+راكان:وعليكم السلام
اسيل:عسى ماشر كانك تعبانة؟
لينة:أي كان عندي مشوار.(قالت وهي موجهة نظرها للجدار)..وتعبني شوي
اسيل بهمس وشك:كنتي عنده؟

لينة طالعتها بتوتر..حبت تغير الموضوع...

لينة:شخبارك زياد؟
راكان:هههههههه
لينة باستغراب:قلت شي يضحك؟
اسيل:لينة هاذا راكان مو زياد
لينة عقدت حواجبها باستغراب:راكان؟؟!
راكان ببتسامة:كيفك لينة؟
لينة:انت الحين من جد راكان ولا تستهبل علي انت واسيل..ترا اذا تستهبلون انا مالي خلق
اسيل:لا وربي ما استهبل..من جد هاذا راكان

لينة وقفت وقربت من راكان وكانها تتفحصه...

لينة مو مصدقة(قالت بشك):راكان؟
راكان:احلف لك عشان تصدقين
لينة:بس..بس شلون؟

اسيل وهي تسحبها وتجلسها على الكرسي..

اسيل:انا افهمك بس لحظة انادي سحر

لينة هزت راسها وهي تطالع براكان..وعلامات استفهام على وجهها..

***************************


((زياد))...

سكوتها طول..لهاذي الدرجة سؤالي صعب؟!!..معقولة شكوكي تكون بمحلها..معقولة ترف حبت غيري...

زياد قام وة الكرسي وقال بياس:انا بدخل..لا تطولين عشان لا تبردين

مشى كم خطوة وبعدين وقف...

زياد بدون ما يلف عليها:اسف على الازعاج

مشى بخطوات سريعة...مايبي يسمع ردها...

ترف عضت على شفايفها:ياربي ليه صار كذا؟!!..ماكان قصدي اسكت.. بس ماعرفت وش اقول..(قامت من الكرسي)..اوف..خلاص كيفه وش اسوي له يعني..

دخلت للبيت وانتبهت للينة..تقدمت لعندها وجلست بجمبها...

لينة الا الحين مو مستوعبة:معقولة عمي يطلع منه كل هاذا؟
اسيل:يعني اذا ماطلع من عمك بيطلع من مين..والله لو انه ابوي وسوى فيني كذا شوفي وش بسوي فيه

لينة حست قلبها انقبض اول ما سمعت كلام اسيل..

لينة((اكيد بيطلع هاذا من عمي..الي يبيع بنته وبنات اخوه.. اكيد بكل بساطة يقدر يقول عن ولده انه ميت..اه يا اسيل..لو تدرين انه ابوك مو عمك..وش بتسوين))...

لينة ابتسمت بارتباك:وشو ابوك انتي بعد الحمد الله والشكر
اسيل:يعني اقول لو

زياد كان جالس ويطالع ترف الي ماسكة بيد لينة..ماكلفت نفسها حتى تطالع فيه...

زياد((طيب..انا اوريك يا ترف))...

قرب من راكان وهمس باذنه...

ترف انتبهت لزياد وراكان الي يبتسم ويطالع فيها...رفعت حاجبها باستغراب...

راكان:اوكي

طلع جواله من جيبه وحطه براحة يدينه...

راكان ببتسامة:لينة
لينة انتبهت له وابتسمت:هلا
راكان:اتفقتي انتي وركي على موعد العرس

لينة اختفت ابتسامتها اول ما سمعت كلامه..دايم تحاول تتناسا زواجها من تركي..كذا مرة اجلته..بس خلاص ما تقدر تاجله اكثر من كذا...حبت تغيرالموضوع...

لينة ابتسمت بهدوء:ماشاء الله الظاهر زياد قال لك على كل شي حتى اسمه
راكان لف على زياد وابتسم:ايوه زياد مايخبي عني شي..(التفت لترف وبعدين رجع يطالع زياد)..صح؟!
زياد رد عليه ببتسامه خبيثة:ايوه صح

ترف عقدت حواجبها..انتبهت على راكان الي ظغت على جوالها وبعدين ابتسم لزياد...

راكان:ايوه لينة ما رديتي علي..متى العرس ان شاء الله؟
لينة تنهدت بداخلها((ياربي وش هالنشبة)):ممم..مدري بس يمكن بعد شهرين
راكان رفع حاجبه:طيب ليه شهرين..اتوقع شهر يكفي
لينة:لا تنسى ان امي مامر على وفاتها غير اسبوعين..يعني مو حلوة اسويه على طول
الكل:الله يرحمها

رن جوال زياد..ابتسم اول ماشاف الرقم..ووقف..

زياد:عن اذنكم

زياد:هلا وغلا..هههههه..وانا اكثر ياعمري

ترف وقفت وتخصرت((وش قصده ذا يعني...يبي يقهرني...يكون بعلمك اصلا ما اهتميت))...

سمعت صوت ضحكته العالي...

ترف عضت اصبعها بقهر وراحت لجهته...

زياد انتبه بترف الي وراه...ابتسم بخبث وعلى صوته شوي...

زياد:ياحياتي انتي...حتى انا مشتاق لك...اقول حبي...عطيني بوسة

ترف فتحت فمها على اخر حد..من دقايق كان جالس معها والحب بعيونه..والحين يكلم وحدة ثانية...

تجمعت الدموع بعيونها...خاين وبيظل طول عمره كذا..مستحيل يتغير...كانت بترجع لداخل...بس وقفت...

ترف((لا...ماراح اكرر نفس الغلطة..ماراح اسكت واكتم بداخلي لازم اواجهه))...

توها بتتقدم له عشان تكلمه بس رن جوالها...

رفعت حاجبها باستغراب...كيف يكلم وجواله يرن بنفس الوقت...

زياد ارتبك لما رن جواله...

زياد((حسبي الله عليك ياسامي هاذا وقتك))...

طالع ترف بارتباك وبعدين رد بكل هدوء...

زياد:الو
سامي بصراخ:شفيك سنة عشان ترد
زياد بهمس:وجع وش تبي الحين؟
سامي ماهتم بنبرته..تنهد بضيق:متضايق
زياد بعصبية:مالت عليك..دق بعدين فشلتني
سامي باستغراب:شفيك؟

ترف استوعبت الموضوع..واضح ان زياد كان يستهبل عليها..حاولت تكتم ضحكتها بس لما شافت شكله المرتبك..ضحكت

ترف:ههههه

زياد التفت عليها وابتسم..من زمان ماسمع ضحكتها الي تخليه يحس انه انولد من جديد اول مايسمعها...

زياد:يالبي انا الي تضحك

ترف حاولت تبين انها زعلانة منه ومعصبة..حاولت تعقد حواجبها وتبين جد..بس لما تذكرت الي صار ماقدرت وزادت ضحكتها...

ترف:ههههههههههههههه
زياد خق عليها:اقول سامي اكلمك بعدين
سامي:زياد لحظ......

ماكمل كلامه لان زياد سكر بوجهه....

ترف كتمت ضحكتها وعقدت حواجبها...توجهت للباب عشان تدخل..بس زياد سحبها لعنده..ماصار يفصل بينهم الاشي بسيط..

ترف فتحت عيونها على وسعهم...فاجئها بحركته...

زياد ابتسم ابتسامة عذاب وقرب منها اكثر...

زياد بهمس:اقول لك سر

ترف حست ان لسانها انشل..كل الي سوته انها رمشت اكثر من مرة تستوعب....

زياد باس خدها:احبك

**********************************

سامي رمى الجوال بعصبية:اوف هاذا شفيه بعد

قام من السرير وطالع دريشتها..ماصارت توقف عندها كثير ولا تغني بعد...

سامي((اكيد زعلانة من هاذيك المرة...بعد انا مع وجهي لازم يعني اسوي نفسي مجنون ابرار...مو كانه كان مجنون ليلى...مو مهم...
اكيد زعلانة بصراحة حركتي كانت غبية...يعني لازم اضربه كذا قدامها...يعني كان انتظرتها لين تروح وبعدين اضربه...لا يستاهل اجل وشو يمسك يدها قدام الناس...مسويلي فيها متيم بالهوى يروي حكاية حب رومنسية...خله يستاهل الي يجيه واكثر بعد))...

قطع افكاره صوت القيتار..وصوت ابرار الرومنسي..الي يحس ان قلبه بيطلع من صدره اول مايسمعها تغني...خصوصا وهي تغني اغنيته الي يحبها..(كتير بنعشق)..حقت شرين...

كتير بنعشق ولا بنطول
وكتير بنعشق ولا بنقول

ومفيش حكاية بتستمر
زي ما بدئت ليه على طول

في عشق بيستنانا
وعشق بنستناه

وعشق بينسينا
العشق الي عشقناه

القلب الي بيجرحنا
في حاجة اكيد جرحاه

جرحنا بتفكرنا
بالقلب الي جرحناه

كتير بنعشق ولا بنطول
وكتير بنعشق ولا بنقول

ومفيش حكاية بتستمر
زي مابدءت ليه على طول

حاط يده على خده ومسند نفسه على طرف الدريشة...داخل جو مع الاغنية..يحسها تغنت بس على شانه وعشان حبه المدفون لابرار..

اول ما خلصت الاغنية..رمت القيتار بطفش وهي تطالع زوايا غرفتها..انتبهت بسامي الي جالس وسرحان..ماقدرت تكتم ضحكتها على شكله...

تقدمت لعند الدريشة وفتحت الستاير...

ابرار بصراخ:صباح الخير..

سامي فز من مكانه..ماتوقعها تفاجئه كذا...

سامي:بسم الله(بصراخ)..هي انتي شفيك انجنيتي
ابرار وهي تلعب بشعرها:اقول بس مالت عليك..هاذا جزاتي اني اصبح عليك مع ان المفروض ما اكلمك من بعد هاذاك اليوم
سامي باستهبال:ليه انا وش سويت؟
ابرار تخصرت:ايوه استهبل استهبل
سامي وهو كاتم ضحكته:ليه طيب انا وش سويت؟
ابرار:اوكي خلك على استهبالك..خله ينفعك

توها بتسكر الدريشة بس صوت سامي وقفها...

ابرار بعصبية:خير
سامي:شفيك ليكون زعلتي؟
ابرار:واصلا وش بيني وبينك عشان ازعل يعني

قالت كلمتها من باب المزح...ولا تدري انها جرحته جرح كبير...

سامي سكت للحظات..شلون تقول وش بيني وبينك..وين ايام قبل..ايام ماكانو يفترقون فيها عن بعض...صحيح كانو يتهاوشون كثير بس كله من مزح مو جد...معقولة كل هاذيك الفترة ماحست فيه..ولافكرت فيه كحبيب..لمرة وحدة بس..

سامي بهدووء:صح..مابيني وبينك شي

سكر دريشته بهدوء وطلع من غرفته..

ابرار عضت على شافيفها..ماتدري ليه حست بتانيب الضمير فجاة..هي اصلا ما همها وعمرها ماراح يهمها سامي...بس ليه تحس نفسها متضايقة...

ابرار وهي عاقدة حواجبها:حسبي الله عليك ياسامي..مدري ليه مو قادرة اشيلك من بالي...اوف

مسكت راسها بقوة تحاول تطلعه من افكارها ومن بالها...

ابرار:انا كيف اسمح لنفسي افكر فيه...وبسام...بسام الي صار لي فترة مطنشته من اخر مرة كنا فيها مع بعض وجا سامي...(ضغطت على راسها اكثر)..ياربي حتى لما افكر ببسام يطلع لي هالسامي..

رفعت جوالها ودقت على بسام...

بسام وهو يحاول يخفي لهفته:نعم
ابرار عضت على شافيفها:sorry ادري انك زعلان مني بس خلني اشرح لك
بسام:وش تشرحين..تشرحين تطنيشك لي ولا تشريحن وش صار بالمطعم ولا تبين تشرحين عن هاذاك الي مدري من وين طلع
ابرار:بل بل بل..كل هاذا شايلة بقلبك علي..(قالت بدلع)..ماهقيتك قاسي كذا
بسام تنهد:انا مو قاسي يس بجد نرفزتيني
ابرار:طيبsorry
بسام ابتسم:خلاص مسامحك
ابرار ابتسمت:جد
بسام:اصلا انا مقدر ازعل منك
ابرار:احبك
بسام:وانا اكثر

*******************************


بعد شهر...

ترف وهي تجمع بطاقات العرس:شوف عاد..انا ابي عشرين وحدة
زياد:عشرين وش بتسوين فيها بتعزمين الدنيا
ترف:اقول بس عطني عشرين(سكتت شوي وهي تحاول تتذكر)..لا والله ابي خمس وعشرين
زياد:خوذيهم كلهم احسن

دخل راكان وهو شايل كرتون الكروت...

راكان:بس عاد عن الازعاج صوتكم واصل لين الشارع

ترف وقفت جمب راكان وخذت منه الكرتون...

ترف:والله عاد قول حق اخوك هو الي مزعج
زياد:لا والله انتي المزعجة كل شوي تغيرين مرة 20 ومرة 25 وبعدين تقولين 30 ويلا من يزيد
ترف بدلع:راكان...شوووفه
راكان وهو يخربط بشعرها:خلاص زياد خلها لا تزعلها
زياد وقف:لا والله...(تقدم لهم وقف بينهم)..انت مالك دخل اصلا ترف ماتزعل مني..(التفت على ترف)..وانتي لا تتدلعين الا لي زين
ترف حمرت خدودها:اقول بس اذلف

بعدت عنهم ورجعت للطاولة...

زياد:وربي هالبنت تجنن ودي اكلها
راكان ضربه بخفة:هي انت تراها بنت عمك
زياد التفت له:لا والله..تصدق توني ادري
راكان:يعني استح على وجهك
زياد:وش فيها يعني..احبها وتحبني..عادي
راكان:انت الكلام معك ضايع

توجهو للطاولة عند ترف...

راكان وهو يجلس:اقول ترف
ترف وهي منشغلة بالبطاقات..قالت بدون ما تطالع فيه:مممم
راكان:الحين انا وزياد متى بندخل
ترف:بعد الزفة

فجاة سمعو صوت صراخ من فوق..التفتو كلهم لمصدر الصوت...

اسيل وهي توقف قدام راكان:نعم نعم..مو كانكم نسيتو شي
راكان باستغراب:وشو؟
اسيل وهي تعدل بلوزتها:احم احم..(قالت وهي تاشر عل نفسها)...انا

راكان:انتي وش فيك؟
اسيل:ابي ادخل معك انت وزياد
زياد:والله انك مو صاحية
اسيل طالعته وهي عاقدة حواجبها:ليه يعني وش فيها؟
زياد:اقول خلك بمكانك احسن
راكان:الحين انتي من جد تحكين؟
اسيل:لا امزح معك...شرايك يعني
زياد:ما اقول لك انهبلت..خلك منها بس..واذا خاطبك الجاهلون قولو سلاما
اسيل:جاهلون بعينك

جلست جمب راكان ومسكت يد بترجي...

اسيل:تكفى راكان دخلني معكم ترى تكفى تهز رجال
راكان تنهد:وش بيقولون عنك الناس اذا شافوك داخلة مع عيال عمك
اسيل وهي تغني:وش علي انا من الناس وش على الناس مني
زياد:شنو وش عليك من الناس؟
راكان:لحظة زياد...خلاص اسيل انا موافق
اسيل نطت من الفرحة:واو واخيرا بحقق حلمي
زياد:اكيد حلمك انك تدخلين معي
اسيل طالعته بقرف:مالت عليك من زينك عاد...اصلا انا طول عمري احلم اني ارقص بعرضة رجال...اقول راكان
راكان:هلا
اسيل:وش رايك تخليني اروح معكم لقسم الرجال وارقص هناك
زياد وراكان بنفس الوقت:نعم نعم!!
زياد:انا قايل لك لا تعطيها وجه
اسيل:خلاص خلاص امزح
راكان:أيوه بعد على بالي...ترا والله اهون وما اخليك تدخلين معنا
اسيل بسرعة:لا لا لا لا..خلاص خلاص تووووبة

قامت وراحت لجهة الاصنصير....

ترف:وين تعالي ماتبين تاخذين بطاقات؟
اسيل:بعديين يصير خير..الحين بروح للخياطة ابي افصل ثوب..وناسة

دخلت للاصنصير وهي ترقص...

الكل:هههههههه
راكان:يحليلها بنت عمي دمها عسل
ترف:بس دمها الي عسل؟
راكان رفع حاجبه:وش قصدك؟
ترف رفعت كتوفها:ولاشي

راكان طالعها بشك..بعدين طلع عشان يجيب باقي الكراتين...

**************************

جالسة بالغرفة وتفكر..بكرة ملكتها يعني بتكون زوجة تركي رسمي...تنهدت تخفف من ضيقتها..التفتت على الجهة الثانية من السرير..رفعت خصلة نزلت على وجهها...

تذكرت اخر مرة كانت عند فيصل..

كانت جالسة جمبه على السرير...وهو بلا حراك كالعادة..تمنت يلتفت لها..او بس يحرك اصبعه...لاكنه جسد بلا روح...موجود معها بجسمه بس..تتمنى الدكتور يدق عليها باي لحظة ويقول لها فيصل صحى من الغيبوبة..تتمنى يصحى قبل لا ينكتب كتابها على تركي..ساعات تتمنى تركي يموت..

قامت من السرير بسرعة...

لينة:استغفر الله ايش يموت...تركي مايستاهل

تركي ما يستاهل..حسسها بمدة قصير قد ايش هو انسان..انسان بمعنى الكلمة..طيب..يدخل القلب بسرعة...الكل يحبه ويتمنى قربه..بس هي لا..هي ماتبي غير واحد وبس...فيصل...

لينة:حرام اعيش مع واحد وانا قلبي ملك لاحد ثاني...انا لازم اكلم تركي الحين وافسخ الخطوبة

غمضت عيونها ومدت يدها للجوال..ماتبي توقف باخر لحظة...مسكت الجوال..فتحت عيونها ببطئ...حطت على رقم تركي..يدها على زر الاتصال..مترددة تضغطه ولا لا..متوترة لابعد حد...تذكرت كيف تركي حنون عليها...مع كل الي تسويه فيه والمعاملة الشينة له...الا انه يتحمل ومايبين انه متضايق..قلبها انكسر لقسمين لما شافته امس...

لينة جالسة مع تركي وكل شوي تطالع الساعة...
تركي ابتسم لها:لينة
لينة رفعت راسها:نعم
تركي ببتسامة حلوة:اذا تبين ناجل العرس عشان امك..انا ماعندي مانع

فرصة وجتها عل طبق من ذهب..كان لازم تستغلها احسن استغلال..لاكنها لما شافت نظرته الي تبين عكس مايقول..ماقدرت تقسي قلبها اكثر...هي مو متعودة تكون قاسية مع أي احد...

لينة بهدووء:لا ماله داعي..امي صار لها شهر او اكثر من توفت يعني عادي
تركي ابتسم وجلس جمبها:لينة
لينة حست بتوتر لما جلس جمبها..قالت بهدوء:نعم
تركي:احبك

لينة تطالع الجوال وتطالع رقم تركي فيه...فجاة نور الجوال يعلن قدوم رسالة جديدة..

طالعت اسم المرسل..(تركي)...
ترددت تفتح الرسالة...تبي أي شي يمنعها من فتحا..عارفة لو فتحتها ماراح تقدر تدق عليه وتقول له الي تبيه...

اندق باب الغرفة..وماصدقت خبر ورمت الجوال على طول..

فتحت الباب وشافت سحر مبتسمة...

سحر:يعني اذا عروس مانشوفك؟
لينة ابتسمت:ادخلي
سحر:لحظة

التفتت على الشغالتين الي وراها..وكل وحدة شايلة معها خمس فساتين تقريبا...

لينة:ليه كل هاذولا؟
سحروهي توجه كلامها للشغالات:حطوهم هنا..(وهي تاشر على السرير)..

سحر:ابي اخذ رايك..اي واحد احلى البسه بكرة
لينة وهي تطالع الفساتين على السرير:طيب ليه كل هاذولا اثنين او ثلاثة يكفون مو عشرة
سحر:لو سمحتي 12
لينة ابتسمت على اختها:طيب ولا تزعلين 12 بس ليه كثير يعني وش بتسوين فيهم بعد الملكة
سحر:بعدين بفكر..يلا عاد اختاري

لينة تطالع الملابس..شد انتباهها واحد ذهبي وفيه شك بالنحاسي على كل الفستان..

لينة رفعته:وش رايك بهاذا؟
سحر ابتسمت:عاد انا كنت بختاره بس احترت بينه وبين هاذا

رفعت فستان لونه عنابي موديله من النوع الي يجي من قدام قصير لين فوق الركبة ومن ورى طويل وفيه كسرات..داخل معه فصوص بالعنابي وشك من قدام...

لينة:أي بعد هاذا حلو
سحر:يوه عاد لينه انا جاية اسالك وانتي تعيدين نفس كلامي
لينة:طيب خلاص خوذي العنابي احلى
سحر وقفت قدام المراية:ممم طيب وش رايك اقص شعري
لينة:ايش؟!...لا طبعا
سحر مدت بوها:ليه؟
لينة:شعرك طويل وحلو حرام تقصينه
سحر:أي انا بقصه بعدين بحط وصلة
لينة:وليه تطولين السالفة وهي قصيرة خلاص لاتقصينه من اول وخلاص
سحر:لا لا انا ابي اقصه ابي اغير
لينة:وشولن بتقصينه؟
سحر:ممم افكر اخليه مكسر واصبغه اسود
لينة:والله مدري كيفك
سحر:يعني بيطلع حلو؟
لينة وهي تقرص خدودها:وفي شي تسويه سحورة ومايطلع حلو
سحر ابتسمت وهي تضمها:ويلوموني ليه احبك واموت فيك

باستها على خدها بقوووة....

لينة:هههههههه

رن جوال لينة باغنية(انت طيب لنوال الكويتية)...

سحر بلقافة رفعت الجوال وشافت الاسم...

سحر:تركي

لينة حست بطنها مغصها اول ماسمعت اسمه...

سحر وهي تعطي لينة الجوال:في وحدة تسمي زوجها باسمه العادي
لينة:مابعد يصير زوجي
سحر:يعني فرقت يوم
لينة:ماتدرين وش ممكن يصير بهاذا اليوم
سحر:اقول بلا فلسفة وردي..مسكين شكله نام على السماعة
لينة:ههههههه..طيب

لينة بهدوء تحاول تخفي فيه توترها:هلا
تركي بلهفة:هلا وغلا كيفك حبي؟
لينة قلبها دق..ماتدري ليه..يمكن عشان سحر قدامها ومرتبكه:بخير انت كيفك؟

سحر:الظاهر انا جاية عرض..اطلع احس لي

نادت على الشغالات يشيلون الفساتين..

سحر:باي لينة

لينة اشرت لها باي...

تركي:مين هاذي؟
لينة:سحر
تركي:حياتي وربي مو مصدق انك بكرة بتصيرين زوجتي
لينة حست بضيق اول ماتذكرت ان بكرة الملكة:أي وحتى انا
تركي:احبك مووت

حست الدموع تجمعت بعيونها...تركي مايستاهل الي قاعدة تسويه له..

لينة:تركي
تركي:عيونه
لينة:ممكن اقول لك شي
تركي:اكيد وشو قولي حبيبتي

لينة:تركي انا.....

**********************************

...نهاية البارت...

اتمنى يكون عجبكم

مشكوره حبيبتي
استمري