طلعو من عند محمد وركبو السيارة...طول الطريق ساكتين ومحد تكلم..زكل واحد فيهم باله مشغول..ومايدري ان الثاني باله مشغول بنفس الي في باله...

حس برجله تصقع بشي...سامي نزل راسه لعند رجله عشان يشوف شنو الي رجله صقعت فيه...رفع ميداليه وشاف فيها صورتها..فتح عيونه على وسعهم مو مصدق الي يشوفه قدامه...

سامي بصدمة:زياد
زياد باستغراب من لهجته:نعم
سامي:مين هاذي

زياد التفت له عشان يشوف شنو عنده...تفاجاء لما شاف صورة ترف بين يدينه..اخذها بسرعة ورجع علقها عند المراية...

زياد:وين لقيتها؟
سامي للخين ماثرة عليه الصدمة:طايحة

زياد سكت ورجع يطالع الطريق..

سامي بتردد:مين هاذي؟
زياد تنهد:ترف

سامي انصدم اكثر..معقولة كان يفكر بحبيبة صديقه..ومو أي صديق..زياد...

زياد استغرب سكوته..لف عليه وطالعه...استغرب وهو يشوفه سرحان وجهه ما عليه أي تعابير..حتى انه ما علق على السالفة...

زياد:سامي
سامي:........
زياد رفع صوته:سامي
سامي انتبه:نعم
زياد:شفيك..بشنو سرحت؟

سامي طالع بزياد وهو يحس بالندم..مع انه ما حبها بس لمجرد انه فكر فيها وانها عجبته..زياد صديق عمره والي كان معاه بكل شي..يجي الحين ويخونه..

زياد لاحظ انه سكوته طول:سامي شفيك؟
سامي:زياد سامحني
زياد:على شنو؟
سامي بلع ريقه:كل شي
زياد ضربه على راسه بخفة:ماسويت شي..ولا تصير نكدي

سامي ابتسم بهدوء...

زياد:ترى وصلنا لبتك بتنزل ولا نروح نتمشى
سامي:لا انا تعبان بروح انام
زياد:سلامتك من شنو؟
سامي:ولاشي بس احس بصداع
زياد:فجاة كذا؟
سامي:شفت شلون
زياد:على راحتك

نزل من السيارة بس وقفه صوت زياد...

زياد:سلملي على ابرار
سامي ضحك غصبن عنه:ههههه يوصل

حرك سيارته ومشى...سامي ظل بمكانه ويفكر..

سامي يكلم نفسه:انا الحين ليه مضايق نفسي..انا ماسويت شي بس فكرت فيها..التفكير موعيب ولا حرام..اوف

دخل للبيت وقرر يروح ينام ...يمكن يرتاح شوي...

****************************

وصلت لبيت اسيل ودقت عليها...

اسيل:هلا ابرار وينك ماجيتي؟
ابرار:انا عند الباب
اسيل:طيب ادخلي ليه واقفة؟
ابرار:لا مابي..انتي تعالي
اسيل:لابرد مابي
ابرار:يلا عاد احس اني مخنوقة ابي اطلع
اسيل:اموت واعرف وش سوا لك هالسامي هاذا
ابرار بحقد:الله ياخذه لا تنطقين اسمه تعالي بسرعة ذبحني البرد
اسيل:طيب خلاص دقايق البس عبايتي واجيك
ابرار:بسرعة انا انتظرك بالسيارة
اسيل:طيب باي
ابرار:باي

*********************************

منسدحة على سريرها وتلعب بشعرها وتكلمه بالتلفون...

سحر:اليوم كلمت اختك
وليد باستغراب:اختي؟
سحر:ايوه هاجر
وليد:مين كلمت الثانية؟
سحر باستغراب من سؤاله:انا كلمتها
وليد بصراخ:وليه تكلمينها؟
سحر استغربت اسلوبه:وليد ليه تصرخ علي شفيها يعني لو كلمت اختك
وليد هدى شوي:مافيها شي حبيبتي بس اختي مغرورة وحقودة واخاف تقط عليك كلمه وتجرحك
سحر:بلعكس اختك مرة حبوبة
وليد:طيب لا تكلمينها
سحر:وليد شسالفة؟
وليد:مافي شي بس سوي الي اقوله لك
سحر:لا مايصير قولي ليه تسوي كل هاذا؟
وليد عصب:خلاص لا تناقشيني

سحر عصبت من اسلوبه المفاجئ هي امها ماترضى لها تصرخ عليها هالمرة وليد....

قالت بنرفزة:اوكي باي
وليد حس انها زعلت:تكفين لا تزعلين
سحر بدلع:انت الي تصرخ وتهزئ وماتبيني ازعل بعد
وليد:انا اسف ماراح اصرخ عليك مرة ثانية
سحر:طيب انت ليه معصب؟
وليد:مو معصب بس....يعني هاذا جزاتي الي خايف عليك منها
سحر:يعني ماراح تقول لي الحقيقة؟
وليد:صدقيني هاذي الحقيقة انا قد مرة كذبت عليك بشي
سحر:no
وليد:خلاص اجل سوي الي اقولك عليه
سحر:طيب لو دقت علي؟
وليد:بسيطة لا تردين
سحر:شنو بتقول عني
وليد:تقول الي تقوله شعليك منها من اهم يعني انا ولا هي؟
سحر ابتسمت:لا اكيد انت
وليد:فديتك وربي انك تهبلين
سحر بدلع:وليد
وليد:لبييه
سحر:احبك
وليد:وانا امووووت فيك

****************************

بالسيارة...

اسيل:هههههههههههه
ابرار:وتضحكين بعد احر ماعندي ابرد ماعندك
اسيل:رقي المنجا وشفيك انتي
ابرار:شلون تبيني اروق وهاذا واقفلي هنا_(وهي تاشر على حلقها)
اسيل:عادي سخافة العيال ماقيها شي
ابرار:بالذمة اسيل انا صوتي خايس
اسيل:بالعكس يجنن بس هو غيران
ابرار:من يوم احنا صغار وهو دايم يتعمد ينرفزني
اسيل:وانتي وش كنتي تسوين؟
ابرار مدت بوزها زي الاطفال:كنت ابكي
اسيل:هههههههههههههههه
ابرار بعصبية:اسيييل
اسيل وهي تحط يدها على فمها:طيب خلاص ماراح اضحك

ابرار طالعته بنظرات زي نظرات الاطفال وكانها شوي وبتيكي...
اسيل ماقدرت تتحمل وانفجرت من الضحك....

ابرار:تدري الشره علي مو عليك
اسيل:هههههه خلاص خلاص ههههههه
ابرار ضربتها بالشنطة:انطمي بس
اسيل:خلاص طنشيه
ابرار:انتي لا تتكلمين
اسيل:يالبي على الدلع ترى مو لابق
ابرار طالعتها بنظرات ماليها الشر:لا تخليني اطلع حرت سموي فيك
اسيل:ههههههه لا خلاص توبه
ابرار:انتي شفيك اليوم مرشوش عليك غاز الضحك بس تضحكين
اسيل:ههههه انا نفسي مدري ليه اضحك
ابرار:الحمد الله والشكر
اسيل:انا اموت واعرف كيف هالبسام قص عليك وخلاق تصدقينه
ابرار:واي فديته هاذا وجه اطالع فيه مو القرد سامي
اسيل:اقول لاتضيعين السالفة شنو قال لك؟
ابرار:قالي ليه تركني
اسيل بستهبال:والله احلفي
ابرار:عن التطنز
اسيل:اندري عنك ادري انه قال لك ليه بس انتي ماقلتي لي ليه
ابرار تننهدت:كل من ربعه الخمة
اسيل:وربعه وش دخلهم؟
ابرار:هم الي حشروه علي وقالو له اقطع ايدي لو ماكانت تكلم غيرك ومن هالكلام ومرة شافني انا ومحمد وعشان كذا صدقهم..(حست بغصة وهي تنطق كلمتها)..بعدين تركني وتزوج بنت عمه الي ابوه غصبه عليها
اسيل:وهو ليه ما سالك عن محمد؟
ابرار:على قولته كان خايف اني اكون عرفه جد وماكان يبي ينصدم فيني لانه يحبني
اسيل:اها..طيب انتي شلون بترجعين له..قصدي زوجته
ابرار:لا هو طلقها من زمان
اسيل:عنده اطفال منها؟
ابرار:اثنين
اسيل:اثنين؟
ابرار:أي(ابتسمت)بنته سماها على اسمي
اسيل:الله الله ما اقدر على الحب
ابرار ضربتها بالشنطة:انطمي بس
اسيل:بعد تستحين ههههههههه والله ظحكتيني يا ابرار
ابرار:ليه وش سايفتيني ان شاء الله
اسيل وهي تطالع الطريق:خليني ساكته احسن
ابرار:اسيل ووجع وش قصدك؟

اسيل طنشتها....

ابرار:تطنشين بعد هين انا اوريك

قربت من عندها وجلست تضربها..واسيل تضربها لين طارت الشيلات والنظارت والبرستيج طبعا انمحى قدام السواق..خخخ

*****************************

كانت جالسة وتقلب بالتلفزيون بملل..مافي شي كل البرامج سخيفة...حطت على محطة الاغاني وكانت اغنية تامر حسني(عيونو دار)...

حبيبي يا..كل الحياة
اوعدني انك..تفضل معايا

متغبش عني..خد البي مني
خليك حاضني لحد النهاية

دا عيونو دار..جنة ونار
ضحكة نهار..اجمل رموش

شدوني ليه وان دوبت فيه
وازاي وليه ماتسالوه

الله عليك وانت واقف بين ادي
ضحكة عنيك بيها بنسى الدنيا ديا

لو يوم يغيب..يلقى حبيب
يحلم معاه ويحس بيه

حفضل انا احلم هنا
يجمعنا يوم واحضن عنيه

الله عليك وانت واقف بين ادي
ضحكة عنيك بيها بنسى الدنيا ديا

دمعت عيونها وهي تسمع كلمات الاغنية مع صوت تامر حسني الي يسحرها...تذكرت عيد ميلادها لما رقصت هي وزياد على الاغنية..تذكرت كلامه لها وقتها...لما وعدها انه راح يضل معاها لو شنو ماصار وهاذا هو باول مشكلة بينهم تخلى عنها...

ترف((خاين..اكرهه))

تذكرت شكله وهو حاضن بتول بين ذراعه..تذكرت وقتها كيف انقهرت وانهارت وبالاخير جاي يقولها وبكل بساطة سامحيني...كيف تسامحه وهو جرحها..وهو لما بس شك ان بينها وبين خالد شي.. اتهمها بالخيانة وقال انها حقيرة وكذابة...

ترف((ماتستاهل حتى افكر فيك يازياد...لو شفتك مرة ثانية بثبت لك اني نسيتك وان امرك ماعاد يهمني ولايعني لي شي))

حست باحد يدخل من الباب..التفتت عشان تشوف مين..وكانت الصدمة....

ترف بصدمة وهي مو مصدقة الي تشوفه قدامها:عمي؟
ابو زياد بدون نفس:هلا يا...انتي أي وحدة؟
ترف عوجت بوزها وقالت بصوت واطي:حتى اسمي مايعرفه لا بالله وصلنا خير
ابو زياد:انتي وش تقولين؟
ترف بسرعة:ها...لابس اقول انا ترف..حياك عمي استريح
ابو زياد بغرور:انا في بيت اخوي يعني بيتي مايحتاج احد يضيفني

ترف((هاذا شفيه...الحمد الله والشكر))

ابو زياد بصراخ:ليه واقفة روحي نادي خواتك
ترف انتبهت له وخافت من صراخه:اوكي اوكي
ابو زياد:الناس يقولون ان شاء الله مو اوكي لاكن الشره مو عليك على الي ربوك..الحمد الله والشكر امحق تربية

رحات للاصنصير بسرعة قبل لا يكمل كلامه وهي مستغربة عمها اول مرة يجي لبيتهم..ان شاء الله خير بس...


****************************

دخلت ام لينة للصالة وتفاجات لما شافت ابو زياد...

ام لينة:سعود؟
ابو زياد طالعها بستحقار وقف:اوه الحمد الله على السلامة متى طلعتي من سجن السفاحين انا استغرب كيف يطلعون مجرمين مثلك مايخافون على افراد الجتمع ههههه؟
ام لينة استحقرته طول عمره كذا يقط كلام ولا يثمنه:حياك
ابو زياد:ماجاوبتي على سؤالي..متى طلعتي؟
ام لينة تاففت بداخلها منه:من زمان تبي تفهمني انك ماتدري
ابو زياد:ادري..بس مايهمني
ام لينة جلست على الكنبه الطويلة:طيب ليه تسال؟

ابو زياد طنشها وقعد يطالع بالبيت...
تنرفزت من اسلوبه البايخ..بس سكتت عنه...

****************************

نزلت ترف وقلت امها جالسة مع عمها...

ترف بصوت واطي:الله يستر بس ماقال لها شي يضايقها

دخلت للصالة بهدوء...

ابو زياد بعصبية:انتي ماتفهمين مو قلت لك نادي خواتك
ترف خافت من صراخه:مو موجودين كلهم طالعين
ابو زياد:معذورين(طالع ام لينة)مالقو من يحدهم

ترف طالعة امها بنظرات يعني طنشيه وام لينة ردت لها النظرات بهدوء...

ابو زياد:لينة وينها؟
ترف استغربت انه سال عنها هي باذات:بغرفتها
ابو زياد:ودامها بغرفتها ليه ماناديتيها يالغبية
ترف مدت بوزها:عمي انا مو غبية
ابو زياد:الا غبية ونص انقلعي روحي نادي اختك

ترف صعدت لفوق بنرفزة من اسلوب عمها السخيف...

ام لينة:هاذا بدال ما تسال عن بنتك تسال عن لينة
ابو زياد:انتي انطمي ومابي اسمع صوتك

ام لينة نا استغربت اسولبه بس هالمرة زودها شنو يقول لها انطمي شنو شايفها اصغر عياله..بس قررت تسكت وتعدي الليلة على خير...

وقفت عند الدرج ودقت على اسيل بس ماردت..

ترف:يوه هاذا وقتك بعد

سركت منها ودقت على سحر الي كنت بالمطعم مع وليد وامه واخته..

سحر قامت من الطاولة:عن اذنكم
وليد بصوت واطي:وين؟
سحر:اختي داقة علي
وليد:اوكي

سحر ابتسمت لهم وطلعت من الكبينة...

هاجر:والله البنت حلوة يا وليد
وليد:حلوة وحقيرة
ام هاجر:وش تبي منها دامها حقيرة؟
وليد:مزاج انتي مالك دخل دامك تاخذين فلوسك كاملة تنطمين ولا تفتحين حلقك..وانتي(وهو يوجه كلامه لهاجر)اسمعي اذا دقت عليك مرة ثانية لاتردي وربي لو دريت انك مكلمتها بدون ما ادري ماتلومين الا نفسك فاهمة
هاجر عوجت بوزها:زين عاد درينا ذليتنا

وليد كمل شرب الببسي الي قدامه....

وليد:دام بفلوسي اجل بكيفي

هاجر وامها ناظروه بستحقار مستعد يسوي أي شي ويدفع كل شي بس عشان يوصل للبنت حتى لو كلفه هاذا عمره....

سحر:الحين عاد؟
ترف:شسوي عمك يبي كذا
سحر:شكله انهبل
ترف:لا والي مجنني انه مصمم يشوفنا كلنا وخصوصا لينة ليه مدري
سحر:طيب خلاص بلا حنة بجي الحين
ترف:لاتطولين
سحر:طيب خلاص يلا باي
ترف:باي

رجعت للطاولة واستقبلها وليد ببابتسامه ملينة حب..ردت له الابتسامة باحلى منها..

سحر وهي تاخذ شنطتها:عن اذنكم لازم اروح للبيت الحين
وليد:وين؟
سحر:عندنا مشكلة بالبيت ولازم اكون هناك
ام هاجر:عسى ماشر؟

وليد دزها من رجلها يعني بلا لقافة وماله داعي تسالين...

سحر ابتسمت:لا ان شاء الله خير((ان شاء الله))..يلا عن اذنكم
وليد:طيب بوصلك
سحر:لا ماله داعي
وليد:نعم لا حبيبتي ما اخليك تروحين لحالك بصراحة اخاف عليك

سحر ابتسمت باحراج وخصوصا ان اخته وامه هنا....

وليد مسك بيدها وطلعو من المطعم...

هاجر:يمى حرام الي يسويه هالحقير بالبنت
ام هاجر:وانتي شعليك اهم شي ناخذ فلوسنا كاملة وكاش
هاجر وهي تشرب الببسي:معاك حق

*******************************

بعد ساعة الكل تجمع بالصالة..وكل واحد على وجهه علامة استفهام..

ابو زياد بدون نفس:شخباركم؟
ترف وسحر:بخير
ابو زياد:كان باقي وحدة فيكم؟
سحر:باقي لينة
ابو زياد:انتو شكلكم مطولين وانا وراي شغل...اسمعي انتي(وهو ياشر على ترف)قولي حق اختك ان......

*****************************

جالسة بغرفتها وتنتظر اللحظة الي تجي فيها امها وتقول لها ان فيصل جا وخطبها..للحين مو مستوعبة ان فيصل بيخطبها..

دخلت ترف تركض للغرفة..فتحت الباب بدفاشة مو من عادتها...لينة تخرعت لان الباب صقع بالجدار بقوة..

لينة:شفيك؟
ترف وهي تاخذ نفس:لينة...في واحد خطبك من عمي

لينة وقفت وهي مو مصدقة الي تسمعه..فيصل وفا بوعده وجا يخطبها قالت بدون ما تحس بنفسها...

لينة:موافقة
ترف:زين لحظة اكمل
لينة:خلاص مابي اسمع شي انا موافقة وراضية فيه بكل عيوبه
ترف:بل لهدرجة تبين تفتكين مننا
لينة:هههههههه لا مو كذا بس....
ترف:خلاص خلاص خليني الحق على عمك قبل لايروح

نزلت بسرعة لتحت تبشر عمها بموافة لينة...

لينة رمت نفسها على السرير وعلى وجهها ابتسامة حلوة...

لينة:يعني خلاص انا وفيصل صرنا لبعض..مافي شي ممكن يفرقنا ابد

خذت جوالها ودقت على فيصل...

لينةباستغراب:غريبة جواله مقفل؟...يمكن عنده اجتماع

جات لها امها وهي مبتسمة...

ام لينة:مبروك حبيبتي
لينة ردت لها الابتسامة:الله يبارك فيك
ام لينة:تركي بكرة بجي مع اهله عشان يخطبونك رسمي
لينة اختفت ابتسامتها وقالت باستغراب:تركي؟
ام لينة استغربت مزاج بنتها الي تغير فجاة:أي تركي..شفيك؟
لينة وقفت:تركي الي خطبني؟
ام لينة وهي عاقدة حواجبها باستغراب:أي
لينة تجمعت الدموع بعيونها:وفيصل؟
ام لينة باستغراب:مين فيصل؟
لينة صارت تدور بغرفتها وحابسة دموعها بعيونها:مايصير كذا المفروض فيصل الي يخطبني..مو تركي

ام لينة ظلت ساكته ومستغربة ومو فاهمة ولا شي...

لينة نزلت دموعها:كذاب ليش يكذب علي يقولي بيجي وبعدين يجي تركي.. شلون؟

ام لينة ما فهمت على بنتها..بس واضح انها متضايقة..قربت منها وضمتها..

لينة بعدت عنها وهي تبكي....

لينة بصراخ:كل منك..انتي السبب
ام لينة باستغراب:انا؟
لينة قربت منها وصرخت بوجهها:أي انتي كل منك لما قلت له ان امي خريجة سجون تركني..اكيد يعني مين يبي يناسب وحدة امها خريجة سجون

ام لينة طالعت بنتها وهي مو مصدقة الي تسمعه منها..معقولة لينة تقول كذا...

ام لينة:انتي الي تقولين كذا يالينة؟

لينة حست بالندم من الي قالته بس هي منهارة ومو مصدقة الي صار..ارتمت بحظن امها وبكت....

لينة:سامحيني يمه..بس هاذا فيصل الي راح..فيصل(ما قدرت تتحمل وانهارت بالبكي)

ام لينة:خلاص حبيبتي اهدي
لينة طالعت امها بترجي:يمه مابي تركي..تكفين قولي لعمي ما ابيه
ام لينة:بس انتي وافقتي
لينة:مابيه مابيه
ام لينة:طيب خلاص لا نزعلين نفسك انا الحين بدق على عمك وبقول له
لينة:يلا دقي الحين..تكفين بسرعة
ام لينة:طيب طيب

طلعت من الغرفة ولينة رمت نفسها على السرير وبكت من كل قلبها...

لينة((ليه تسوي كذا يافيصل..ليه تخوني..مو انت قلت لي انك تبيني حتى لو كل اهلي سفاحين..ليه الحين تتخلى عني))

رفعت جوالها ودقت عليه..على امل انها تفهم هو ليه سوى كذا...
لاكنه مارد...

لينة رمت الجوال بعصبية:طبعا ماتبي ترد..مالك وجه

سمعت صوت صراخ من تحت وفجاة انفتح باب الغرفة حقتها بقوة...

ابو زياد بصراخ:نعم نعم انسة لينة..وش امرتي؟
لينة راحت له وقالت له بترجي:عمي تكفى مابي تركي
ابو زياد:مو انتي وافقتي؟
لينة:أي بس..كنت احسب انه....
ابو زياد قاطعها:اقول لا يكثر هرجك وانطمي...حلوة ذي كنت احسب..كنتي تحسبينه وشو؟

لينة ماقدرت تتكلم انهارت بالبكا....

ابو زياد وهو يطلع من الغرفة:بنات اخر زمن

ام لينة راحت لبنتها وضمتها...

ام لينة:خلاص حبيبتي اهدي

لينة زادت بكي...
اسيل دخلت وباين عليها انها سمعت كل شي...

اسيل قربت للينة:مو بكيفه..اذا جا تركي قولي له انك ماتبينه
ام لينة:شنو انتي بعد تقول له ما ابيك وهي الي موافقة
اسيل:عاد تقول له وخلاص
ام لينة:انتي اسكتي ولا تشيشين اختك

اسيل طلعت من الغرفة وهي متنرفزة هاذا جزاها انها تبي مصلحة اختها وتبي تساعدها...

**********************************
بعد اسبوع...

صارت تطورات كثيرة بالنسبة للينة..تركي جا وخطبها رسمي وهي وافقت بعد مافقدت الامل بفيصل لانها صارت تدق عليه كثير وهو مايرد...

*************************************

كانت جالسة بالغرفة وتقرا بكتاب دايم تقراه..تحس انه يريحها...
تذكرت فيصل..مرة حكت له عن الكتاب وانه يريحها وقال لها انه صار يحب الكتاب عشان هي تحبه وكل يوم قبل لا ينام يقراه ويتذكرها...دمعت عيونها بس مسحتهم بسرعة...

لينة:ماتستاهل يافيصل ولا دمعة تنزل عشانك...اكره...

ماقدرت تكمل الكلمة لانها مو من قلبها...

لينة((قلبي مايطاوعني اقولها..ببساطة لاني للحين احبك))

ماقدرت تتحمل وبكت...

بس تركي تثبت لها انه طيب وحبوب ولازم تنسى فيصل لو شنو ماصار...وهي بدت تحاول تنساه...

عدت على خير....

عدت على خير ياقلبي..نسيناهم
مافي داعي يا قلبي تعيد ذكراهم

الي نسو عشرة ايامك وخانوها
ننساهم احنا مدام احنا عرفناهم

عدت على خير ياقلبي..نسيناهم
مافي داعي يا قلبي تعيد ذكراهم

ياقلبي لو مرة لك ذكرى محبتهم
فضل جمر بعدهم عن ورد جنتهم

والي ارخصو عزتك..ارخص معزتهم
يتحملون الي خانونا خطاياهم

عدت على خير...عدت على خير

**************************

صفا
مشكوره على اكمالك لروايه
استمري

يعطيك العافيه صفاء

البارت((14))
دق جوالها..رفعته بملل..كشرت وهي تشوف رقمه قدامها..تاففت بملل وقررت ما ترد..بس المتصل كان مصر..

لينة بدون نفس:هلا
تركي:شفيك حياتي؟
لينة((ياشينها منك)):لا عادي ولاشي
تركي:شكلك تعبانة
لينة تنهدت:لا بس مشغولة شوي
تركي:ليكون عطلتك؟
لينة:يعني

تركي ما استغرب اسلوبها..بس قال انو يمكن هي اسلوبها كذا مع الكل...

تركي:اوكي قلبي اخليك تكملين شغلك
لينة:اوكي
تركي:اذا خلصتي دقي علي اوكي
لينة((ايوه هين)):يصير خير...باي
تركي:باي

حطت الجوال على الطاولة وتنهدت...

لينة((انا ليه اعامله كذا..هو شنو ذنبه..بس مو بكيفي لما اسمع صوته او اشوفه احس اني اكرهه...ليتني اقدر افسخ الخطوبة..بس عمي بعد وش ذنبه اخسره كل فلوسه...وانا وش ذنبي من ذا كله))

تذكرت كلام عمها لما قال لها ان اذا ما وافقت على تركي هو بيخسر كل فلوسه لانه يتاجر مع ابو تركي واذا هي رفضت تركي اكيد ابو تركي بيفض الشراكة الي بينهم وساعتها ما بيبقى له شي من ثروته لانه مستثمرها كلها مع ابو تركي...وعشان كذا لازم تضحي عشان عمها وخواتها بعد لان فلوسها هي وخواتها عمها مستثمرها بعد بشركة بو تركي يعني مافي فايدة..لازم تضحي عشانهم....

دق جوالها مرة ثانية..

لينة بطفش:اوف هاذا ما يفهم

ردت بطفش:الو
طلع لها صوت اسيل المخنوق:لينة
لينة خافت من نبرة صوتها:اسيل شفيك؟
اسيل:تعالي المستشفى بسرعة
لينة بخوف:شسالفة؟
اسيل:تعالي وبعدين بتعرفين
لينة جد خافت:طيب مسافة الطريق واكون عندك
اسيل:اوكي

**********************************

نزلت ولقت امها بالصالة...توجهت للباب بسرعة ماتبي تسمع كلمة من احد...بس امها سبقتها ونادنتها..

ام لينة:لينة

لينة وقفت وتنهدت..جد مالها خلق احد يكلمها عن تركي...

لينة لفت عليها وعلى وجهها ابتسامة مصطنعة:هلا يمه
ام لينة:وين بتروحين
لينة:بجيب اسيل من المستشفى
ام لينة:ليه وش فيها؟
لينة:ولاشي بس بغير جو واجيبها بالمرة
ام لينة:طيب تعالي شوي بغيتك بسالفة
لينة حست انها بتكلمها عن تركي..قررت تتهرب:بعدين بتاخر على اسيل
ام لينة:ماراح ياخذ وقت
لينة تنهدت وقالت بستسلام:اوكي

دخلو للمجلس وجلسو...

لينة:شسالفة يمه؟
ام لينة:اسيل
لينة باستغراب:وش فيها؟
ام لينة:هي ليه ماتروح لبيتهم..اقصد ليه تنام هنا كل يوم يعني انا ما اشوفها تروح لبيتهم ابد
لينة باستغراب:ماما انتي شقاعدة تقولين..اي بيت الي تتكلمين عنه؟
ام لينة:سعود ما قال لكم؟
لينة زاد استغرابها:وعمي وش دخله بعد؟
ام لينة ضرب يدينها ببعض:حسبي الله عليك يا سعود عن ابوك هاذي وهي ضناك تسوي كذا لاكن ما اقول الا حسبي الله ونعم الوكيل
لينة زي الاطرش بالزفة ومو فاهمة شي:ماما انتي عن شنو تتكلمين
ام لينة:عمك الله لا يوفقه ما قال لك ان اسيل تصير بنته
لينة لا شعوريا وقفت وصرخت:بنته؟؟؟
ام لينة:أي
لينة:شلون وهي اختي...يعني..شلون؟
ام لينة:اجلسي وانا افهمك

لينة جلست وهي منصدمة ومو مصدقة الي تسمعه...

ام لينة:من زمان عمك تزوج وحدة لبنانية وطلقها..قبل ام زياد الله يرحمها..وجاب منها اسيل...وبعدين لما تزوج ام زياد قالت انها ماتبي اسيل عندها بالبيت فجابها عندنا ومن يومها واسيل تناديني انا يمه وتنادي ابوك يبا..ابوك قبل لا يموت قال لعمك يعلم اسيل بالسالفة..بس اكيد عمك ماقال لها..طبعا يبي يخلص نفسه من المسؤولية باي طريقة

لينة للحين مو مستوعبه.شلون اختها الي طول عمرها عايشة معها تصير فجاة بنت عمها...يعني اسيل اخت زياد..عشان كذا شكلها غير عنهم؟؟..

بكت بدون ماتحس بنفسها...

لينة برجاء:يمه تكفين قولي انك تمزحين معي..قولي ان اسيل اختي
ام لينة جلست جمب بنتها:هاذي الحقيقة يا بنتي..بس انا الي مو فاهمته انو ليه عمك ما قال لكم؟
لينة:طيب كيف اسمها بشهادة الميلاد اسيل عبد العزيز الماسي مو اسيل سعود؟
ام لينة:عمك وابوك زورو اوراقها لان عمك الله لا يوفقه ولا ينور له طريق كان يبي يرميها بالشارع ويتبرى منها بس ابوك ما رضى له وقرر انه ينسبها لاسمه
لينة رمت نفسها بحضن امها وبكت:شنو بتسوي لو عرفت..مسكينة
ام لينة:لازم نقول لها لين متى بتظل على عماها
لينة رفعت راسها:لا ماما اسيل حساسة واخاف تسوي بنفسها شي لو درت ان ابوها عايش وما يبيها..وخصوصا انها طول عمرها تتمنى ابو يحن عليها
ام لينة:مالت على ابوها...بس بعد مايصير نخبي عليها
لينة:تكفين يمه لاتقولين لها شي..انا بعدين بقول لها

ام لينة طالعتها بنظرات وكانها تقول لها ان كلامها مو عاجبها...

لينة:تكفين
ام لينة تنهدت:على راحتك

باست راس امها وطلعت...كيف بتشوفها الحين وهي تعرف انها مو اختها..كيف بتقدر تخبي عليها وهي ماعمرها خبت عنها شي...

********************************

كانت نايمة وتعبانة..صوت جوالها ازعجها..

ردت بصوت كله نوم:الو
وليد:صباح الخير
سحر ابتسمت وبعدت شعرها عن وجهها:صباح النور
وليد:مبروك
سحر باستغراب:على ايش؟
وليد:على النجاح
سحر قات من السرير:نجحت؟؟
وليد:ههههه أي

سحر لا شعوريا صرخت...

وليد:اذني ترا ابيها
سحر:واو جد وليد..انا نجحت؟
وليد:ايوه وبهالمناسبة عندي لك هدية
سحر بحماس:شنو؟
وليد:لا مايصير اقولها لك بالتلفون لازم اشوفك
سحر:لك الي تبيه على هالبشارة الحلوة
وليد بصوت واطي:لا تستعجلين
سحرماسمته عدل:ايش؟
وليد:لابس اقول متى بشوفك..ووين؟
سحر:متى ماتبي ياقلبي ومكان ماتبي
وليد:خلاص انا بمرك اليوم اوكي
سحر:اوكي
وليد:باي
سحر:باي

********************************

وصلت للمستشفى وهي تحس دقات قلبها تزيد مع كل خطوة تخطيها..ماتدري ليه تحس بتوتر وخوف...في شي ثاني مخليها متوترة غير موضوع اسيل...

تقدمت لها اسيل:لينة

لينة وقفت وطالعتها بتمعن..تبي تعرف شنو الي فيها غير عن اول...ولاشي..بس انها عرفت انها مو اختها...

اسيل وجهها احمر وباين انها كانت تبكي:لينة تعالي بسرعة
لينة:اسيل شفيك؟

اسيل سحبتها وراحت لمكتبها...

لينة باستغراب((ليكون عرفت)):شفيك؟

اسيل سكرت الباب وجلست لينة على الكرسي وهي جلست على الطاولة...

لينة بخوف:اسيل لا تلعبين بعصابي من جيت وانا اسالك وش فيك وانتي ماتردين..اخلصي تكلمي
اسيل بلعة ريقها وقالت بصوت فيه رجفه:ف...فيصل

((لينة))

اول ماسمعت اسمه حسيت بروحي طلعت من جسمي..صرت ما احس بولاشي فيني وكاني جسد بليا روح..ولا حاسة فيني صاحية غير السمع ما اسمع غير اسمه...فيصل...

اسيل خافت عليها لانها سكتت..قربت منها ومسكت يدها..

اسيل:لينة..لينة

طالعتها وانا مو حاسة بشي حولي..ما ادري كيف طلع مني الكلام وسالت شفيه...

اسيل نزلت راسها ونزلت معها دمعه..بعدين رفعت راسها وقالت بصوت مبحوح...

اسيل:لينة فيصل تعبان

لا شعوريا وقفت من الكرسي..شديت على يد اسيل اكثر...

قلت بخوف اول مرة احس فيه اتجاه احد:شفيه؟
اسيل:صار له حادث وهو الحين بالعناية المركزة..وصار له اسبوع بغيبوبة

حطيت يدي على فمي اكتم شهقاتي..وانا الي كنت اظن انه تخلى عني وما عاد يبيني..ندمت مليون مرة على كل لحظة شكيت فيها بفيصل..وندمت اكثر على اني وافقت على زواجي من تركي..

قلت وانا احس ان قلبي بيوقف:وديني له
اسيل هزت راسها بالموافقة:عشان كذا انا قلت لك تعالي

طلعت انا وهي من المكتب وانا احس ان قلبي جد بيوقف..الحين بس عرفت ليه كل احس ان قلبي مقبوض وخايفة ومتوترة...اه يافيصل..سامحني على الي سويته..ظلمتك ووافقت على غيرك وانت الحين بين الحيا والموت...

وصلنا لمكان..كان شبه مظلم وهادي..ماكنت اشوف احد يمشي غير الممرضات..رايحين وجاين وبايدهم الادوية...وقفنا عند باب غرفة..قلبي دق بقوة وانا واقفة قدامها..

قلت لاسيل:هو هنا؟

كنت بدخل بس يد اسيل وقفتني..طالعتها باستغراب ورجاء...

اسيل:الحين الدكتور عنده لما يطلع بنساله اذا نقدر ندخل ولا لا اخاف حالته ما تسمح

بعدت عن اسيل وتوجهت للنافذة الكبيرة الي تطل على داخل الغرفة..وشفته..كان على السرير والاجهزة حوله..ما اقدر اوصف شكله بس حسيت قلبي يتقطع وانا اشوفه..تمنيت لو انا اكون بمكانه..تمنيت لو الزمن يرجع لورى وما اوافق على تركي..تمنيت لو اقدر ارجع كل لحظة جمعتني معه...

حسيت بيد على كتفي..التفتت وكانت اسيل..كانت تقول لي كلام بس ما فهمت منه شي..كل شي فيني ينطق باسمه..كل تفكيري معلق فيه..

انتبهت بالدكتور يطلع من الغرفة وراحت له اسيل..ماحسيت بنفسي الا وانا واقفة جمب اسيل والدكتور...

اسيل:طيب دكتور نقدر ندخل عنده الحين؟
الدكتور:اكثر شي شخصين لان حالته ما تسمح
اسيل:طيب..دكتور هو يعني حالته خطيرة لهاذي الدرجة؟
الدكتور:الاصابة كانت قوية بس الله ستر لانه نجى منها لو احد غيره كان مات على طول

طالعت الدكتور بصدمة..كيف يقول عنه كذا ما يدري اني اموت لو ماكان بقربي..هالمرة يقول انه بيموت...

اسيل:طيب تتوقع الغيبوبة تطول؟
الدكتور:الله اعلم بس في بعض الغيبوبات تظل الايام وبعضها لاسابيع وكثير منها ياخذ سنين
اسيل:سنين؟
الدكتور:بس لحالة فيصل ما اتوقع تطول لانه تقريبا تعدى مرحلة الخطر
اسيل:اوكي دكتور مشكور

الدكتور ابتسم وراح...

اسيل:يلا لينة

دخلت معها للغرفة..واول ماشفته ركضت له وضميت يدينه بيديني..كانت باردة..حتى اني ما احس فيها من كثر البرودة...

حطيت وجهي على يده وبكيت..ابي اطلع كل الي فيني وكل الدموع الي حابستها..

لينة:فيصل..فيصل قوم..رد علي ادري انك زعلان مني لاني وافقت على تركي بس وربي ماكنت ادري..بتقول ليه مارفضته..لاني...لاني ظنيت انك ماتبيني وانك بتتركني..تكفى قوم..لو بيدي كان صرت انا بمكانك

تقدمت لاسيل...

لينة:اسيل تكفين قولي له يقوم..هو زعلان مني وماراح يرد علي..جربي انتي تكلمينه..قولي له اني ندمانة وربي ندمانة واني ماراح اتخلى عنه مرة ثانية وماراح اظن فيه ظن السوء..بس خليه يقوم

اسيل بكت على شكل اختها وضمتها...

اسيل:بس لينة حرام الي قاعدة تسوينه
لينة بين دموعها:تكفين كلميه
اسيل:تعالي معاي
لينة بعدت عنها:لا مابي..ابي اجلس عند فيصل
اسيل:لينة انتي كذا ما تساعدينه بشي
لينة:تكفين خليني عنده..مو كفاية اني خنت العهد..ورضيت بغيره

اسيل سكتت ماعرفت شنو تقول لها..طلعت من الغرفة وهي تبكي ما تقدر تستحمل تشوف لينة كذا...

*****************************

نزلت من الدرج وهي تركض..متحمسة تشوف شنو الاغراض الي جابها تركي عشان تجهيزات العرس..

لقت امها جالسة تتكلم مع واحد..يمكن من العمال..ما اهتمت ونزلت..كانت لابسة بنطلون جينز وبلوزة هاي نك فوشية وعليها كتابات بالاورنج...وقفت عن المراية الي قدام المدخل تعدل شعرها..رفعته باهمل بس كان شكلها كيوت...

سمعت صوت مو غريب عليها..التفتت عشان تشوف بس ملا محه مو واضحة كان ماسكك الكرتون الكبير ومغطي على وجهه...

ام لينة:عفيا عليك يا ولدي حطها هنا
زياد:تامرين امر

حط الكرتون..وانصدم لما شافها قدامه..توه دخل وماكانت موجودة شلون الحين جت..مو مهم اهم شي يكحل عينه بشوفتها..

ترف وقفت تطالعه..مشتاقة له وودها ترتمي بحضه..كان شكله مبهدل..كان مشبر الاكمام حقت الثوب ورافع شماغه بهمال ولحيته طايلة شوي وحتى شنبه وشعره الي طالع من تحت الشماغ..يعني بالعربي(ديرتي فيس)..كان شكله مع كذا جذاب...

بس تذكرت كيف كلمها اخر مرة وصدت عنه وجلست تلهي نفسها بشعرها..

ام لينة كانت مشغولة مع العمال ومو منتبه لهم...

زياد قرب لعندها بدون مايحس بنفسه..في شي فيها دايم يجذبه لها..

كانت فاتحه شعرها وتحاول ترفعه بس مافي فايده ادينها ترتجف كل ما تتذكر انه واقف قدامها ويناظرها..
ماحست الا بيده تمسك شعرها وترفعه...

لفت عليه وعلى وججها اكبر صدمة...
زياد ابتسم لها ابتسامه ذوبتها وخلتها ماتقدر تتحرك او حتى تنطق..

زياد همس باذنها:اسف

ترف ما استوعبت الي صار..وحتى كلمته ظنت انها تتخيل..

ترف باستغراب:شنو؟
زياد حرك شفايفة ببطئ:انا..اسف
ترف اشتغلت عندها حالتة الغباء:على شنو؟
زياد وهو يمسح على شعرها:على كل شي..وعلى أي جرح سببته لك

ترف سكتت ما قدرت تنطق بكلمة..كانت محظرة كلام واجد لهاذي اللحظة بس الحين تحس ان لسانها انشل...


عاتبيني كان يرضيك العتاب
واجرحيني كان جرحي لك دوا
عذبيني ياحلو منك العذاب
ياحلو تجريح قلبي والنوى
لوعيني بالهوى وصل وغياب
مالي قلبي لوشكى غيرك هوى
تاب قلبي من خطايا الحب تاب
لارضيتي كل عمري لك ضوى
فيك ضني لاحشى في يوم خاب
واليالي ماقضيناها سوى
شاب قلبي والعمر توه شباب
ياغدير منه ريقي مارتوى
زياد:سوي فيني الي تبينه..قولي الي تقولينه بس لا تظلين ساكته كذا

ترف ظلت معلقة عيونها بعيونه ومو عارفة ايش تقول...

زياد بياس:ما الومك الي قلته وسويته مو شوي..بس انا ابيك تسامحيني
ترف واخيرا طلعت منها كلمة:مسامحتك
زياد ابتسم:يعني خلاص

ترف كرامتها ما تسمح لها انها ترجع له ويمكن هو مايبي يرجع لها بس يبيها تسامحه..مدت له يدها وهي مبتسمة بس من داخلها تحس في بركان وودها تضربه وتطلع كل قهرها...

ترف وهي مادة يدها:friends((بليز لا تمد يدك بليز))
زياد((الظاهر مافي فايدة))مد يده وهو مبتسم بهدووء: friends

ام لينة:زياد انا ادور عليك وان....

سكتت لما شافتهم واقفين مع بعض...

ترف:يلا زياد خلنا نكمل الاغراض
زياد:ماراح تقدرين تشيلينهم
ترف:ليه وش قالولك عني يلا بس
زياد وهو يسوي نفسه يفكر:مم..دلوعة..ولسة بيبي
ترف تخصرت:نعم نعم انا بيبي..طيب اوريك البيبي هاذا شنو بيسوي
زياد وهو يضحك:يلا وريني

راحو للحديقة عشان يدخلون باقي الاغراض..
ام لينة ظلت بمكانه ومبتسمة((الله يسعدك يا بنتي..يالله انك تحفظ كل بناتي))

حست بالم بصدرها..جلست على الكرسي وبدت تكح بقوة تحس انها مخنوقة ومو قادرة تتكلم عشان تطلب المساعدة..

*****************************

سحر لبست عبايتها ونزلت من الدرج..دقت على وليد عشان تعرف هو وين واقف...


وليد:هلا بعمري
سحر ابتسمت:حبيبي انت وينك؟
وليد:جهزتي؟
سحر:ايوه خلاص الحين بطلع..بس انت وين واقف؟
وليد:انا قدام الباب الخلفي حق بيتكم
سحر:ليكون احد شافك؟
وليد:افا عليك خبل اناخلي احد يشوفني
سحر:لا حاشاك..خلاص دقايق واكون عنك
وليد:مستنيك يا قلبي

نزلت من الدرج الخلفي الي يودي على طول للباب الخلفي وطلعت..شافت سيارته واقفة قدام الباب...دخلت للسيارة...

سحر:شنو المفاجاة؟
وليد:طيب سلمي اول
سحر:ههه سوري..كيفك قلبي؟
وليد:بخير دامك بخير
سحر:يلا وليد تراني مستعجلة لازم ارجع البيت الحين
وليد:طيب المفاجاة هي...هي
سحر:يوووه لا تلعب باعصابي يلا قول
وليد:هههه طيب طيب..اليوم بجي اخطبك من عمك

سحر سكتت من الصدمة ما توقعته يقول لها كذا...

وليد:حياتوو وين رحتي؟
سحر:وليد انت تتكلم جد؟
وليد:وانا قد مرة كذبت عليك؟
سحر:no
وليد:اجل خلاص اليوم بروح لعمك واخطبك منه
سحر ابتسمت له وضمته بقوة:احبك وليد
وليد وهو يمسح على شعرها:وانا اكثر ياقلبي...وانا اكثر

****************************

دخلت مع زياد وهي شايلة كرتون صغير فيه كروت العرس..

ترف:شفت اقدر اشيل مو انت كل شوي تقول وقفي تعبت
زياد:احلفي بس شايلة ليه كرتون هالكبر وفيه ورق وانا المسكين الي شايل هالصندوقين وماتبيني اتعب
ترف:هههه رقع بس اقول رقع

سمعو صوت احد يكح بقوة وواضح انه تعبان...

ترف بخوف:ماما

حطت الصندوق على الطاولة بسرعة وركضت لمصدر الصوت..زياد حط الصناديق على الارض وراح ورى ترف..

دخل وشاف ترف جالسة على الارض وحاطة يدها على ظهر امها وتبكي..

ترف وهي تبكي:ماما شفك؟
ام لينة عيونها تدمع من كثر الالم:كح كح كح
ترف ناظرت زياد:زياد ماما تعبانة مدري وش فيها

زياد ركض بسرعة وساعد ام لينة تقوم من الكرسي..

زياد:ترف روحي جيبي عباية امك وانا بوديها للسيارة.بسرعة

ترف هزت راسها بالموافقة وراحت بسرعة تجيب العباية..
زياد اخذ ام لينة ووداها للسيارة..بعد دقايق جت ترف وهي لابسة عبايتها ومعاها عباية امها..

ترف:زياد بروح معك
زياد:لا خليك هنا عشان تشوفين العمال
ترف:مالي شغل ابي اروح معك
زياد:ترف لا تعاندين خلاص عطيني العباية وانا بدق عليك واطمنك
ترف بكت:زياد هاذي امي
زياد تنهد:خلاص تعالي بسرعة

ركبت السيارة وراحو على المستشفى....

*****************************

دخلت سحر للبيت وهي تحس نفسها طايرة من الفرحة ومو مصدقة الي قاله لها وليد...بس ماتدري ليه تحس انها مو مرتاحةة..في شي ما يخلي فرحتها تكمل..شعور غريب بس ماتدري وش هو..

جلست تدور على امها ماتدري ليه اول شخص فكرت انها تقول له هي امها..يمكن تبي تشوف الفرحة بعيونها..
استغربت لما شافت العمال لحالهم بدون مايكون احد معهم..رفعت اقرب سماعة لعندها ودقت على جوال ترف بما انها كانت اخر وحدة مع امها..سمعت صوت الجوال ولقته مرمي على الكنبة..استغربت ترف ترمي جوالها...دقت على زياد لانها شافت سيارته قبل لا تطلع..

*****************************

زيا طالع جواله بتوتر..مستغرب مين الي بيدق عليه الحين..شاف رقم سحر..

زياد:ترف خوذي الجوال وردي على سحر
ترف باستغراب:سحر؟
زياد:أي اكيد ما لقت احد بالبيت ودقت ردي عليها حرام يمكن الحين قاعدة على اعصابها

ترف خذت الجوال وردت..

ترف:هلا سحر
سحر باستغراب:ترف؟..انتي وينك؟
ترف بكت:سحر ماما تعبانة وبناخذها للمستشفى

سحر جمدت لما سمعت ان امها تعبانة ماتدري ليه حست انها تبي تبكي...

سحر:أي مستشفى؟
ترف:مستشفى ال.......
سحر:خلاص انا شوي وبجي
ترف:لا خلك عند العمال اخاف ياخذون شي من البيت
سحر:بستين داهية البيت ماما اهم

سكرت الخط بسرعة وقالت للسواق يشغل السيارة...

ترف عصبن عنها ابتسمت..عرفت قد ايش سحر تحب امها وتخاف عليها عكس ما تحاول تبين...

**************************

اسيل دخلت للغرفة مرة ثانية وشافت لينة للحين على نفس حالتها ماسكة يد فيصل وتبكي...

اسيل حطت يدها على كتف لينة:لينة قومي
لينة:خليني شوي
اسيل:لينة الدكتور يقول لازم ما نطول
لينة:مالي دخل ابي اجلس معه
اسيل:طيب لو تركي....
لينة قاطعتها:لا تنطقين اسمه قدامي اكرهه
اسيل:لينة لا تخليني اندم اني قلت لك
لينة:بالعكس لو مكا قلتي لي كنت بزعل منك

رن جوال اسيل وطلعت بسرعة لان مو زين يرن الجوال عند الاجهزة ممكن يسبب حالتة وفاة للمريض...

اسيل:هلا ترف
ترف وهي تبكي:اسيل ماما تعبانة
اسيل بخوف:شفيها؟
ترف:مدري تكح بقوة احنا الحين بالمستشفى..دخلوها على الطوارئ على طول
اسيل:طوارئ؟
ترف:أي
اسيل:طيب خلاص الحين بجي
ترف:بس لينة مدري وينها..جوالها مقفل
اسيل ناظرت لينة من الدريشة:لينة معي دقايق ونكون عندكم
ترف:اوكي باي
اسيل:باي

اسيل رجعت داخل الغرفة..

اسيل بهدوء:لينة
لينة:..........
اسيل تنهدت:لينة ماما تعبانة
لينة طالعت اسيل وكانها ما استوعبت كلامها
اسيل:هي بالمسشفى الحين
لينة بخوف:شفيها؟
اسيل:مدري يلا خلينا نروح

لينة طالعت فيصل لاخر مرة..باست جبينه وهمست...

لينة:احبك

طلعت هي واسيل وهي تحس بخوف مو طبيعي..راسها قام يعورها وقلبها خلاص ما عاد يتحمل اكثر من كذا..صحيح لين قالو المصايب لاجت تجي مرة وحدة...

************************

راحو لقسم الطوارئ وشافو زياد واقف وشكله ينتضرهم لانه اول ما شافهم ركض لهم...

اسيل:زياد امي شفيها؟

لينة((لو تدرين انها مو امك))..

زياد:دخلوها للعمليات..الله يستر

اسيل حطت يدها على فمها ونزلت دموعها...

لينة((ياربي وش هالمصايب الي تتحذف ورى بعض..اول شي اسيل وبعدين فيصل والحين امي..وش باقي بعد الله يستر بس))

ماحست الا بيد على كتفهها..التفتت بسرعة وشافت تركي يبتسم لها..لفت وجهها وناظرت الممر...

تركي:لا تخافين ان شاء الله بتقوم بالسلامة
لينة بهدوء:ان شاء الله
تركي:شنو قال لكم الدكتور؟
لينة تنهدت بملل:لسى ما ندري

تركي حس انها متضايقة فما حب يكثر معها كلام..

تركي:بناجل العرس لحد ماتقوم امك بالسلامه

((لينة))

يمكن الوقت مو مناسب..بس مدري ليه حسيت بفرحة كبيرة لما قال لي تركي انه بياجل العرس..نستني شوي من الهم الي كان بقلبي..ويمكن تكون فرصة اني الغي الزواج مرة وحدة..

طلع الدكتور من غرفة العمليات..توجهت له اسيل بما انها تشتغل بالمستشفى..

اسيل:دكتور طمني شسالفة؟
الدكتور:الرئة عندها تعبانة شوي وهاذا الي يسبب لها الكحة القوية
اسيل:طيب يعني هي الحين كويسة
الدكتور:للاسف انتو حقتوها بوقت متاخر والحين احنا نحاول نساعدها

دق جوال اسيل وردت بدون ماتشوف الرقم..

اسيل:الو
سحر بصوت مبحوح:اسيل ماما شفيها؟
اسيل:انتي وينك؟
سحر:انا بالمستشفى عند الطوارئ
اسيل :طيب الحين بيجي زياد عندك

قالت لزياد وراح يجيب سحر..

سحر:زياد ماما شفيها؟
زياد:الدكتور يقول ان رئتها تعبانة
سحر:ليه؟
زياد:مدري بس للحين ما خلصو من العملية

سحر بكت...

زياد كسر خاطره شكلها اول مرة يشوفها تبي او يشوف نظرات الخوف بعيونها...

زياد:خلاص سحر اهدي
سحر بين شهقات:ما اقدر

وصلو لعند ما هم موجودين وجلسو معهم..

صار لها ساعتين بغرفة العمليات وماطلع احد يطمنهم...

اسيل:شنو هاذا ساعتين بالعملية لو ولادة كان خلصت
ترف وهي تبكي:انتي شفيك اسكتي شوي

اسيل طنشتها وجلست تمشي بالممر بتوتر..

لينة قلبها مقسوم لقسمتين..نص عند امها والنص الثاني عند فيصل..اثنينهم مصيرهم مجهول وماتعرف شنو بيصير عليهم..

طلع الدكتور وكان ملامحه باردة مافهمو منه وش فيها..
اسيل:دكتور طمني شنو صار؟
الدكتور بهدوء:خلو ايمانكم بالله قوي
اسيل:يعني شنو مو فاهمة قصدك؟
الدكتور:البقاء لله امكم توفت

صدمة على وجه الكل..اسيل حطت يدها على فمها والتفتت على خواتها...لينة حست قلبها وقف..معقولة امها تموت بهالسهولة..بعد مالقوها تروح بالهسهولة...ترف انهارت على الارض وبكت..جالها زياد يحاول يهديها بس مافي فايدة..رمت نفسها بحضة وبكت اكثر..سحر كانت مصدومة ومو مبين شي على وجهها دموع تنزل بدون أي تعابير على الوجه..قلب ينزف لانه فقد اغلى شخص على قلبه..ندمت على كل لحظة ضيعتها وهي بعيدة عن امها..تذكرت كيف امها كانت حنونة معاها وهي كيف كانت قاسية..تمنت الزمن يرجع لورى وتصلح كل غلطة غلطتها بحياتها...

*****************************

طلع من البيت وهو يغني يحس انه مبسوط بس مايدري ليه كذا فجاة حس بنشاط وحيوية..

طلعت ابرار من البيت وهي مبتسمة بس اول ماشافته كشرت..

سامي وقف وطالعها بتفحص..

سامي:اوه ابرار..شعندك كاشخة اليوم..طالعة حلوة يالزفت
ابرار تخصرت:اول شي لاتسب..وثاني شي احم احم.. اصلا انا من زمان حلوة
سامي:ههههه والله ماخذة بنفسك مقلب
ابرار:انا مدري ليه قاعدة اخذ واعطي معك
سامي:لاني حلو وانتي ما تقدرين تقاومين جاذبيتي
ابرار:اهم شي جاذبيتك بشق هدومي من جمالك واي ما اقدر

سامي رفع حاجبه وقعد يطالعها من فوق لتحت...

ابرار توترت من نظراته:انت هي ليه تطالعني كذا..كاني مو عاجبتك بس
سامي حس بنفسه:لا اكيد عاجبتني

ابرار طنشته وراحت للسيارة...

سامي بسرعة:ابرار
ابرار التفتت عليه:نعم تبي تكمل الهوشة ترا مالي خلق
سامي قرب لعندها:لابس...(سكت)
ابرار شالت نظارتها:شنو تبي؟
سامي بلع ريقه بتوتر:ا..وين بتروحين؟
ابرار تخصرت:خير
سامي:قصدي وين بتروحين بهاذا الوقت؟
ابرار:وانت شدخلك
سامي:ولد جيرانكم
ابرار:احلف بس توني ادري
سامي:يلا عاد تكفين قولي لي وين بتروحين
ابرار:ليه تبي تعرف؟
سامي:ابي اتطمن عليك
ابرار:خيير
سامي:خلاص خلاص مو لازم
ابرار لبست نظارتها وركبت السيارة:الحمد الله والشكر

سامي((شفيني انا الحمد الله والشكر اول ماشفتها مدري وش صار لي..ليكون احبها...لا وع انا وابرار الله لا يقوله هاذا الي ناقص بعد))

*****************************

بالسيارة كانت جالسة ومتوترة..ماتدري ليه كلامه وترها..تصرفاته غريبة اليوم..دق جوالها(نصفي الثاني يتصل)) ابتسمت وردت...

ابرار:هلا حمود
محمد:ابرار دريتي بالي صار؟
ابرار باستغراب:شنو؟
محمد:ام اسيل توفت
ابرار بصدمة:متى؟
محمد:قبل شوي..الخبر انتشر بالمستشفى كلها
ابرار:ياقلبي عليك يا اسيل..طيب هي كيفها الحين؟
محمد:مدري عشان كذا انا داق عليك ابيك تروحين هناك وتطمنيني عليها ما اقدر اروح لها وولد عمها هناك
ابرار:طيب
محمد:اذا شفتيها دقي علي ابي اسمع صوتها واتطمن عليها
ابرار:اوكي

سكرت من محمد وقالت للسواق يروح للمستشفى وبعدين دقت على بسام عشان تاجل موعدها معه...

*************************

بعد اسبوع...مر حزين على الكل..خلص العزا وماقامو يجون لهم ناس كثير...
لينة جالسة بالصالة وتقرا قران..
خلصت من قرايته وحطته على الطاولة..

لينة تنهدت بتعب..وكانها تحاول تطلع جزء من همها بهاذي التنهيدة:الله يرحمك يا يمه ويغمد روحك الجنة

نزلت اسيل من الدرج وجلست بجنبها...

اسيل:كيفك لينة؟
لينة:الحمد الله..(حطت يدها على فخذ اسيل)..وانتي شلونك الحين ان شاء الله احسن؟
اسيل بهدوء:ايوه احس من اول..بس انا محد كاسر خاطري غير ترف وسحر وربي ينرحمون مقطعين نفسهم من البكى
لينة:بروح اشوفهم بعد شوي

ظلو ساكتين وكان كل وحدة فيهم تبي تقول شي للثانية بس مو عارفة شلون..
اسيل انتبهت للينة واضح انها متوترة..هادية تفرك يدينها ببعض..

اسيل بهدوء:لينة
لينة طالعتها:هلا
اسيل:احس ان في شي تبين تقولينه
لينة بتوتر:شي مثل شنو؟
اسيل:مدري انتي قولي لي
لينة:لا انتي تتوهمين...مافي شي
اسيل:انتي للحين ماتبين تركي؟
لينة طالعت النافذة الي قدامها:ولاعمري راح ابيه
اسيل:بس هو يحبك طول ايام العزا وهو ما جلس على حيله كل شي سواه معنا وكانه واحد من اهل البيت وحتى قبل ماتتوفى ماما كان معنا بالمستشفى ووقت الدفن كان مع زياد..تتوقعين كل هاذا علشان مين؟

لينة تدري ان كلام اختها كله صح بس هي مو بكيفها ماهي قادرة تبلعه كل ماتشوفه تحس انها تشوف فيصل قدامها وهاذي تعتبر خيانة وهي مستحيل تخون احد...

لينة:واجب
اسيل:شنو واجب انتي بعد هو يسوي كل هاذا عشانك افهمي عاد حرام عليك يالينة انتي دايما تسفهينه وما تعطينه وجه
لينة قامت بعصبية:اروح اشوف ترف وسحر احسن
اسيل:لينة لا تتهربين

لينة طنشتها وراحت للدور الثاني...

*****************************

وقفت عند الدرج وناظرت وين اسيل جالسة..حست بندم انها صرخت عليها بس عصبن عنها المشاكل الي صارت بالفترة الاخيرة سببت لها ضغوطات نفسية..اول شي تدري ان اقرب وحدة لها من خواتها مو اختها وبعدين تدري ان فيصل يصارع الموت وهي مو قادرة تسوي شي..ووفاة امها كانت اكبر صدمة تعرضت لها...هاذا غير موضوع تركي...

مسكت راسها بالم..حست بدوخة من كثر التفكير قررت تروح لغرفتها ترتاح شوي..

دخلت لغرفتها..طفت الانوار وماخلت غير نور الشمس يتسلل من بين الستارة الكبيرة بالغرفة...انسدحت على السرير عشان تستعد للنوم..سمعت صوت طق على باب الغرفة..

قالت بتعب:ادخلي

دخلت سحر..لينة طالعتها باستغراب..شكلها صاير غريب مو سحر الي تهتم بنفسها وما تطلع من غرفتها الا بمكياج يبرز انوثتها..كانت لابسة بنطلون جينز وبلوزة هاي نك اسود والحجاب على كتفها..وجهها خالي من أي مكياج لونه اصفر وشعرها مبهدل وكانها ما مشطته من شهر..

لينة باستغراب:سحر؟
وقفت قدامها وقالت بصوت مبحوح:معليه اجلس؟
لينة:اكيد تعالي

سحر جلست جمبها بكل هدوء وبدون ماتقول ولا كلمة...

لينة حطت يدها على كتفها:شفيك؟

سحر طالعتها بعيون مغرقتها الدموع..رمت نفسها بحضنها وبكت...

لينة وهي تمسح على شعرها:حبيبتي شفيك؟
سحر وهي تبكي:انا حقيرة
لينة:ليه تقولين كذا؟
سحر:لان ماما كانت طيبة وحنونة معاي وانا..وانا كنت كل اصرخ عليها واعاملها بطريقة...(ماقدرت تكمل وبكت)

لينة:شي طبيعي انك ماتتقبلينها بالاول..بس انتي تحبينها صح؟
سحر:أي احبها..بس هي اكيد..اكيد تكرهني
لينة:لا حبيبتي ماما ماكانت زعلانة منك وعمرها ماكرهتك اصلا هي دايم كانت تقول لي ان سحر طيبة وهي تحبك اكثر مننا كلنا
سحر رفعت راسها وطالعتها ببراءة زي الاطفال:جد؟
لينة ابتسمت بهدوء: وجدين بعد

ضمت لينة بقوة...

سحر:سامحيني لينة لو سويت شي ضايقك
لينة:بصراحة انتي سويتي اشياء كثيرة ضايقتني وما اظن اني بسامحك عليها
سحر مدت بوزها:ادري
لينة ضربتها على راسها بخفة:ههه امزح وش فيك انا عمري مازعلت منك عشان اسامحك
سحر:لينة ممكن اقول لك شي
لينة:قولي حبيبتي
سحر:ممم..انتي تحبين تركي؟

لينة كانت تمسح على شعر سحر بس لما قالت كلمتها وقفت..شلون تحب تركي وهي كل تفكيرها بفيصل..شوقها له عيونها له كل شي فيها له..شلون بسهولة تحب غيره...

سحر انتبهت لسكوت لينة..رفعت راسها شوي وطالعتها..

سحر:لهالدرجة سؤالي صعب؟

لينة انتبهت لنفيسها وابتسمت على سخرية القدر الي جمعها بواحد ماتبيه بس يبيها والي تبيه ماتدري وش مصيره...

لينة رجعت تلعب بشعر سحر:انتي متى اخر مرة مشطتي فيها شعرك.. او متى اخرمرة غسلتي فيها شعرك؟
سحر مسكت شعرها:قبل امس
لينة:وما مشطتيه طبعا
سحر:لا
لينة:روحي جيبي المشط من زمان ما مشطت شعرك
سحر:اقول لا تضيعين السالفة وجاوبيني على سؤالي
لينة باستهبال:أي سؤال؟
سحر:يوو لينة لا تقعدين تستهبلين علي..قولي لي تحبين تركي ولا لا؟
لينة تنهدت:اكذب عليك لو قلت احبه
سحر رفعت راسها وشهقت:يعني ماتبينه؟
لينة سحبتها لعندها:وطي صوتك...هي مو مسالة ما ابيه بس يعني انا ما احس بشي اتجاهه يعني مجرد ارتياح
سحر:وهالارتياح ممكن في يوم يتحول لحب؟
لينة((مستحيل)):مستحيل..انتي شطاري عليك الحين تساليني؟
سحر:ممم بس كذا
لينة:لا..سوسو ليكون في احد هنا(وهي تاشر على قلب سحر)
سحر بارتباك:لا مافي احد..تدرين خلاص ماله داعي

قامت من السرير...

لينة:تعالي وش هاذا الي ماله داعي؟
سحر:يوووه ولا شي
لينة:هههه

حست ان جلستها مع سحر عدلت نفسيتها شوي..بعد ما كانت بحالة مزرية..

سحرطلعت راسها من ورا الباب:لينة

لينة رفعت راسها لها...

سحر:شكرا
لينة ابتسمت:عفوا

راحت لغرفتها وهي تحس بارتياح شوي..بس كاسرة خاطرها ترف من يوم ما ماتت امهم وهي مو راضية تطلع من غرفتها...

قررت تروح تشوفها..راحت للجناح حق ترف واتجهت لغرفتها..

طقت الباب بس ما سمعت رد..فتحت الباب بهدوء وشافت ترف منسدحة على السرير ومعطيتها ظهرها..

سحر بهدوء:ترف
ترف:......
تقدمت لسريرها وجلست بجنبها:توتو

ترف كانت مغمضة عيونها بس مو نايمة..مالها خلق تكلم احد..
سحر درت انها مو نايمة لان مبين من حركته عيونها الخفيفة...

سحر:صحيح انك نايمة بس ممكن اتكلم معك شوي
ترف:.....
سحر:باخذ سكوتك على انه موافقة منك مو يقولون السكوت علامة الرضا

جلست تلعب بشعرها:تدرين عاد..انا احسدك
ترف فتحت عيونها وناظرتها باستغراب..قالت بهدوء:ليه؟
سحر حاولت تحبس دموعها:لانك كنتي اكثر وحدة تجلس مع ماما..بس انا كنت كل اعاملها زفت

ترف لاحظت دموع سحر..ضمتها..

ترف:ندمانة؟
سحر بكت:مرة..يليت لو الزمن يرجع
ترف:تراها مو زعلانة منك
سحر:وانتي شدراك؟
ترف:لانها تحبك وهي قالت لي قبل لا تموت انها عمرها ماراح تزعل منك

سحر ابتسمت..

ترف:انا بعد احسدك
سحر وهي تمسح دموعها:ليه؟
ترف:لانك تشبهينها..ممكن باي وقت تكونين مشتاقة لشوفتها مجرد انك توقفين قدام المراية وتطالعين نفسك
سحر ابتسمت:تدرين عمري ما لاحظت
ترف:لانك ماكنتي تشوفين الانفسك..بس الحين انتي تغيرتي..رجعتي سحر الي اعرفها لما كنا صغار
سحر:شرايك ننزل للحديقة بالله مامليتي من الغرفة
ترف:خلينا نجلس مع لينة واسيل
سحر ابتسمت:ايوه بقول لهم..يلا تعالي معي

طلعت ترف مع سحر برة الغرفة وراحو لغرفة لينة..نزلو هم الثلاثة وشافو اسيل جالسة بالصالة..
طلعو كلهم للحديقة وقعدو يتكلمون مع بعض وكل وحدة تحاول تشيل الهم عن الثانية...

جلسو على المرجيحة الكبيرة الي تطل على البركة...

سحر وهي تفرك يدينها ببعضها:ماتلاحظون هاذي اول مرة نجلس فيها مع بعض..اقصد يعني احنا ما نجتمع الا اذا في شي
اسيل:أي والله انا كنت اتشائم بصراحة لما نجتمع بس الحين احس اني مرتاحة
ترف بهدوء:اخر مرة جلست هنا كنت مع....

(سكتت لما شافت نظرات خواتها..الحزن باين فيها..هم ما صدقو ينسون تقوم هي وتذكرهم)

ترف:sorry
لينة حطت يدها على راس ترف وخربطته بعفوية:لا عادي..الله يرحمها
الكل:الله يرحمها
سحر:اقول لينة
لينة:هلا
سحر:شنو بتسوين بموضوع عرسك؟

لينة صارت تكره هالسيرة وما تحب احد يكلمها فيها...

لينة بعصبية:انتي شفيك امك ما كملت اسبوع من توفت وانتي جالسة تتكلمين عن العرس
سحر باستغراب:ليه تصارخين علي؟

اسيل حست بلينة..هي تدري انها كره هالسيرة...

قالت بسرعة:سحر لينة ما تقصد هي قصدها انها بتاجل العرس شوي

سحر ناظرت اسيل وكان كلامها مو عاجبها...

لينة هدت شوي:صدقيني سحر مو قصدي بس انا اعصابي شوي تعبانة هاليومين
ترف:كلنا اعصابنا تعبانة
سحر:ادري..انا مو زعلانة منك عادي

ظلو يسولفون ويضيعون وقت على ما امل انهم يخففون ولو شوي من احزانهم...

**************************