لا تحسب انك على الخاطر تهون
كلمتك للحين ما هانت علي

إنت أكثر شخص يعرف من يكون
والله انك بالغلا حسبة هلي

ياحبيبي ( للمحبه ) ما أخون
والوفا غرسة روت من منهلي

بس لا يساورك ظن من الظنون
لو تغيب سنين قلبي مايسلي

كل نبضه داخل القلب الحنون
وكل عرق بالمحبه لك ملي

والمشاعر والجوارح والشجون
من غيابك نبضها يغلي غلي

أسألك بالله من غيرك يمون
ومنهو اللي في غرامك مبتلي

يابقايا الحلم وابعاد السكون
من جفاك عروق قلبي تصطلي

ياحبيبي شوفتك تشفي الطعون
وكل هم بالضماير ينجلي

لا كتبتك هاجسي برق ومزون
والمعاني تلبس انواع الحلي

مرهف أحساسك قريته بالعيون
ومن تجاهل نظرتك قلبه خلي

من لبس ثوب الكرامه مايهون
ومن تجمل يشرب الكاس الملي

انتظرني يا أكون ؟ أو لا أكون
وكان طال البعد لا تشره علي

الشعر موقف بالمعاني والامثال
والصدق يبني بالقوافي مثوله

عزاه ياحلم على مر الاجيال
الصبر طال وحلمنا من يطوله

عزاه يامجد له العز مدهال
وقت لنا بالعز صوله وجوله

عزاه يا عود رمى بشت وعقال
يرثي حياة الذل واللي سعوله

عزاه يادمعة طفل بين الاطفال
حارت بعينه دمعته من ذهوله

عزاه ياصرخه شكت ضيقة البال
تبكي على مافات بنت الحموله

شعب فقد أرضه بلا حق وجدال
والحاضر المجهول تاهت فصوله

شعب فقد كل المهابه والامال
الجرح ينزف والقلوب معلوله

ضاعت حقوقه بين كاذب ومحتال
والحق من دونه ثمانين دوله

ياهل الكرامه مابقى شيء ينقال
احساس وصفه مايجي بالسهوله

60عام وجرح الايام مازال
وين السلام اللي صعيب حصوله

وين المواقف والشهامه والافعال
وين الحميا والوفا والرجوله

إلى متى نبكي على ذيك الاطلال
نستعرض سنين توارت عجوله

إلى متى نصفق يدينا على الحال
ونرسم من الاوهام أكذب مقوله

نسترجع التاريخ وانجاز الابطال
ونسرج من خيول المعاني بطوله

اللي بقى صوره من المجد تمثال
والمرحله ماهي نهاية وصوله

وشلون صرنا بالمواجيب نهتال
واخواننا في وضع ضاعت حلوله

وشلون مات الحلم ياطيب الفال
وشلون نستغرب بقايا فعوله

لاصار قتل النفس في كل الاحوال
منهي بشرع الله وسنة رسوله

الفعل ماهو (ياعرب) كثر الاقوال
ولاهو بجمع الاسلحه والعموله

الفعل وقفه كنها اعصار زلزال
والحق فارس جامحات خيوله

أما نعيش بعز وشموخ واجلال
والا نموت بعز (موت البطوله)

ارقا يا معناي من فوق الغمام
صافح اللي بالوفا علمه يقين

أرقا في عزه وشيمه واهتمام
لك حضورك في عيون العارفين

أدري انك ماتخص الا الحشام
لاعتزى بك هاجس القلب الفطين

يا قصيدي كل ما ارخيت اللجام
تلبس وسام الرجال المنصفين

يالأمير اللي رقا راس السنام
في شموخه قاسي المعنى يلين

ما كتبته لاجل غايات ومرام
أكتبه للمجد بالصوت الحصين

يا عريب الساس.. يا نسل الكرام
يا مساق العود بين الغانمين

موقفك معروف يالحر القطام
والمبادي الصادقه دنيا ودين

انت ساس المجد مشهود المقام
راعي الوقفات والعقل الرزين

لك ثنا التاريخ ما فيها كلام
يشهد الله..والنشاما شاهدين

شيخ جود وشيخ هيبه واحترام
موقفك في ساعة الشده يبين

سيرتك نفخر بها عند الأنام
وحاضرك جدد قديمات السنين

المراجل طيب والهقوه حزام
فزعة اللي بالمواقف له عوين

جعل من عاداك بالدنيا يضام
بقدرة اللي رد كيد الحاقدين

ياصلك حرفي قبل مسك الختام
بالولا ,والحب,تقدير وحنين

كل معنى في سموك ما يلام
وينحني لك بالوفا نبض الكنين

لو كتبتك بالشعر2000عام
ما وصفتك بالشعر علم يقين

قالوا عفوت عن القصيد بمكرمه
وتركتها بين الحروف منعمه

وسمعتها تحتاج قافية وما
أنجبتها بالسر حتى تعلمه

السر فرحتنا بسلطان المنى
والقلب يكتب بالمشاعر ملحمه

فرح توافد من شغاف سعادتي
وتجمعت فيه المشاعر مسهمه

نبض من السعد الكثير حفظته
وبقية أرجو الورى أن تفهمه

لغتي وما أدراك كيف تعثرت
ما أوصلت حرفي فجاءت مبهمه

ولو اتخذت من البلاغة أو بها
حاولت توصيل الشعور بكا فمه

يا من له ترك الأنام بيوتهم
وأتوه يستمعون صوت المرحمه

علم يرفرف والرجال كما النسا
عرفوه نجما في الليالي المظلمه

علموه إنسانا بطيب فعاله
نعم الصفات أتت إليه لتخدمه

وبكل قلب قد بنى قصرا له
ما كان سهلا أن نكون له دمه

هو لليتامى والد وحماية
من كفه نطق الندى ما أرحمه

سلطان أصلا والأصالة مبدأ
ومبادئ جاءت له مستسلمه

هو منبع الكرم الندي وبيته
ويداه صارت لليتامى معلمه

يا سيدي يا منهج الأخلاق يا
فعل الأبي به الشمائل مسلمه

عليك صلى أذان الشعر والسحر
والبر والشمس والبحار والسفن

والغار والاية الأولى يرتلها
جبريل فاستمعت للاية الفطن

والورد يرفل في أعطافه طربا
صلى عليك وصلى الناي والشجن

(إقرأ)وطافت بها البيداء قاطبة
وسافرت نحوها الأقطار والمدن

وما تأخر عن ترديدها أفق
أو عرقل الشمس عن تدويلها الزمن

تحول الغار من صخر إلى جهة
وكان في خلوات القوم يمتهن

وصار للروح مأوى والقلوب له
تهوي وفيه الصفا للنفس والسكن

يا سيدي يا أبا الزهراء ما بيدي
شوق لغير بلوغ البدر مرتهن

والبدر وجهك,والشمس التي بزغت
من خلوة الروح في إشراقها البدن

أخاف أن تذهب الرؤيا بما حلمت
والشعر يذهب والأقلام تختزن

ما موقفي والقوافي عاهدت قلمي
ألا تضيق بها الأحلام والوسن

وهذه أحرفي تبكي على وهن
مني وقد فتحت جناتها عدن