رواية بردان ياحضن الدفا عطشان واظماني الجفا كامله ...

*** فجر *** · 22-12-2018, 09:34 PM

رد: رواية بردان ياحضن الدفا عطشان واظماني الجفا كامله ...

في المستشفى ..

عند سمر ...

الجوهرة تقبل جبين بنتها .. وبحنان / الحمد لله على سلامتك يمه ..
بتال بابتسامه وهو يقرب لسمر / الحـــمــد لله على السلآآآآمه .. ومبروك ما جاكم ..
سعود يبتسم / الحمد لله على السلامه يا قلبي ..
سامر يبتسم / الف الف الف الحمدلله على سلامتك .. " وبشقاوة " .. البنت نسخه مني تهبببل ما شاء الله ..
سمر تدور بعيونه بالغرفة .. والدمع محجر فيها .. وبغصة / ........
الجوهرة طالعت بتال / .............
بتال بهدوء / الكل يسلم عليك .. ويتحمدوا لك بسلامه ..
سمر والدموع تسيل على خدها / وين ابوي .. وين راكان ..
الجوهرة بهدوء / يمه مشغولين الحين .. اول ما ارح يفضون يرجعون ..
سمر تبكي / ايش اشغلهم .. ايش يشغل اب عن بنته .. والا راكاااان .. اهئئئئئئ ...
بتال يقرب ويجلس جنبها .. وبهدوء / سمر .. اهدئي واسمعيني زين ..
سمر حست انه فيه شي كبير .. سكتت ومسحت دموعها وهي تهز راسها / .......
بتال بهدوء / خالتك ام راكان توفت الفجر ..
سمر شهقت بقوة .. الجوهرة عضت على شفاتها ما كانت تبي سمر تدري وهي توها والد ..
بتال بحزم / هصصصص .. ادعي لها بالرحمة ..وراكان الحين ابد لا تشرهين عليه .. لا خلص العزاء راح يجيك ..
واصلا للحين ما درا انك ولدتي .. " قبل جبينها .. ووقف " .. انا رايح اذا بغيتوا شي اتصلوا علينا .. سلام ..
الجوهرة بضيق / مع السلامه .. " سعود وسامر قبلوا جبين سمر .. وطلعوا من المستشفى .." ..
الجوهرة مسحت على شعر بنتها .. وهي تقرا عليها آيات قرانيه .. وسمر تبكي ودموعها تنزل بسكات .. الا ان نامت ..

ـــــــــــــ

وصلوا الخبر ..

طول الطريق ورعد عين على الطريق وعين على العنود اللي مايله على حضن راكان ومغمضه عيونها بس مو نايمه ..
وكانها كبرت ضعف عمرها .. تغيرت عليه حيل من اخر مرة شافها فيها .. السواد اسفل عيونها ..
وجهها الاصفر ... هزل وجهها .. كان وجهها فاتح .. راكان رفض انها تتغطى .. سيارة سند مضلله .. والطريق مظلم ..
فماله داعي تتغطى .. اول ما حست بانهم قربوا يوصلون والسيارة راح توقف .. عدلت نفسها ولبست غطاها ..

وقفت السيارة امام بيت الجد سعود " ابو سطام " ..

نزل زياد وفتح الباب لاخته .. نزلت بهدوء وتعب .. راكان نزل وقفل الباب ومسك يد العنود ..
اول ما دخلوا استقبلتهم ام سطام والعمات يعزون ..
ساره اول ما عرفت بوصولهم خرجت بسرعة من الغرفة اللي كانت فيها مع الصغار ..
ورمت نفسها بحضن العنود اللي كانت واقفه وتسلم على زوجات عمها والبنات ..

العنود بتعب .. وهي تمسح على راس ساره بحنان والغطاء بيدها والعباية طايحه على كتفها / حبيبتي خلاص ..
ساره تبكي وتشهق / ............
الحريم والبنات دخلوا غرفة ثانية .. دخل راكان وزياد ورعد وسلطان وابو سطام وعبدالعزيز ..
راكان سحب ساره من حضن العنود وضمها بقوة وهو يهمس باذنها / خلاص حبيبتي .. ادعي لها بالرحمة ..
وبداء يذكرها بالله ويقرا عليها الى ان هديت .. سحبها وجلس جنب العنود وساره بنص ..
ابو سطام على يسارها وعلى يسار ابو سطام سلطان وعبدالعزيز ورعد ..
وعلى يمينها ساره وراكان وزياد وام سطام والعنود والهنوف و مياسه ..
العنود حضنت ساره وهمست باذنها / وين الصغار ..؟
ساره بهمس ولزال اثار البكي موجود / عند خاله مريم ..
العنود هزت راسها و قبلت جبينها بحنان وضمتها على صدرها ..
ابو سطام بحنان وهو يمسح على ظهر العنود / ايشلونك الحين وانا ابوك ؟
العنود وهي تطالع بالرخام / بخير .. الحمد لله ..
رعد / الحين محمد يجيب العشاء " السواق " ..
ابو سطام وقف / وانا ابوك قم شوف المعزين ..
راكان وقف وقبل راس العنود وساره .. وبحنان / اشوفك بعد العشاء ..
العنود هزت راسها بنعم / .............
طلع الجميع .. ورجعوا الحريم والبنات حولين العنود وساره معادا رنيم اللي كانت بالحمام تكرمون ..
العنود تحس بالصداع بيفجر راسها ...
مريم بحنان / حبيبتي العنود .. تعالي الغرفه وريحي ..
العنود ما صدقت احد يقول لها كذا وقفت بسكات ووقفت معاها ساره .. وبتعب / عن اذنكم ..
الكل / اذنك معاك ..
مريم اشرت للام سطام ترتاح وراحت معاهم .. اول ما دخلت العنود للغرفه سحبت شيلتها وفسخت عبايتها ..
رمتهم على جنب وجلست بتعب على الكنبه .. انتبهت لدخول مريم وعدلت نفسها ..
مريم " ام طلال " .. ابتسمت بحنان / خذي راحتك حبيبتي .. بس لا تنامين قبل العشاء ..
العنود التفتت على ساره الي جالسه جنبها واسفل عيونها حمرا من البكي .. بتعب / انا ما ابي عشاء .. بس ساره تـ..
ساره قاطعتها وهي ترمي بنفسها في حضن العنود .. وبصوت خانقته العبرة / ولا انا ...
العنود تنهدت بتعب / لا بتتعشين ..
مريم بحزم / كلكم بتتعشون ..
العنود هزت راسها .. وبهمس متعب / طيب .. " سحبت ربطة شعرها وحررتها " ..
مريم بهمس وهي خارجه / ما شاء الله تبارك الله ..
قابلتها رنيم و بطنها البارز داخله على العنود .. مريم بحنان / الله يفرجها لك .. ويسهلها عليك .. لا تطولين حبيبتي ..
" وهي تاشر لها على جناح العنود " .. رنيم هزت راسها / بس ابس اسلم واعزي واطلع ..
مريم هزت راسها وطلعت .. رنيم طقت الباب طقتي وفتحته وهي مبتسمه / سلام ..
العنود بتعب وهي تلف لها بعد ما كانت تطالع عيالها قباله نايمين بالغرفة الداخليه على السرير / وعليكم السلام ..
وقفت العنود بتعب وسلمت على رنيم بالخد .. رنيم بضيق / عظم الله اجرك واحسن عزاك ..
العنود بضيق تنهدت / اجرنا واجرك .. جزاك الله خير ..
رنيم بحنان / اخليك ترتاحين الحين .. عن اذنك ..
العنود / شكرا .. اذنك معاك ..
طلعت رنيم والعنود توجهت لعيالها .. وتمددت جنبهم وقعدت تطالعهم بحنان وتفكر وتهوجس الى ان غفت ..
ساره تمددت على الكنبه اللي كانوا قعدين عليها في الصالة قبال باب الغرفة شافت العنود نامت غمضت عيونها ونامت ..

بعد ربع ساعه ..
دخلت مريم عليهم ووجعها قلبها وهي تشوف اثر الحزن على وجههم والتعب .. غطت ساره وغطت الصغار ..

ـــــــــــــ

عدت ايام العزاء ثقيله ..

تعدت الثلاث ايام ..

شخصيات كبيرة حضرت العزاء ..

تعزي راكان بوفاة ابوة و وفاة امه ..

متعب وصلاح وقفوا بعزا اختهم مع ابوهم سعد بالشمال ..

ابو عبدالعزيز وقف مع راكان ..

طول ايام العزاء راكان ما زار سمر .. عرف بولدتها اول يوم في العزاء قال له سلطان ..
اما بتال فقابله راكان بجمود ورسميه .. عكس باقي اولاد عمه ..

بعد اسبوع من وفاة ام راكان ..

بعد العصر ..
عيال سطام اجتمعوا بالغرفة ..
راكان يجلس بجنب العنود / كيف الحال ..
العنود بعد صمت لثواني وهي تصب لراكان وزياد شاهي / .. زي ما انت شايف ؟
راكان فهم مغزاها / .............
العنود بنبرة مقصوده وهي ترجع الترمس على الطاولة / ما اتصلت على نايف ..
راكان يمسح وجهها بتعب / اتصل ما يرد .. حتى ما جد اخذت رقمة من طارق .. دقيت عليه ما يرد ..
العنود بخوف / ليكون صار عليهم شي .. الاوضاع ما تطمن بالخارج ..
راكان بتطمين / لالا .. طارق يقول ماجد كلمه قبل اسبوع وقال انهم ريحين لرحله ..
وراح يطولون وما يعتقد انهم راح يقدر يتواصلون معاهم ..
العنود سكتت .. نفس التبرير اللي قاله لها صلاح .. بان نايف برحله .. هي مو غبيه .. راكان وضح عليه انه مو مهتم ..
العنود بحزم / راكان .. تعتقد ان لو شخص سمع خبر وفاة والده بيطنش ويكمل رحلته .. انا حاسه انه فيه شي ..
راكان بضيق / امماااا نايف فتوقعي منه كل شي .. من بعد سواته الشينه غسلت يدي منه ..
العنود بحدة / راكااااااان .. نايف انا اعرفه اكثر منكم .. " وبنبرة مقصودة " .. اذا انت اخطيت فهو اخطاء ..
راكان التفت عليها بحده وهو عاقد حواجبه .. / ايش تقصدين ؟
العنود صدت بعيونها عنه / اسال عن اخوك ..
" التفتت عليه وبقهر " .. وبطل برود وانانيه يا اخي وحس بالمسؤولية شوي .. ترا الوضع اختلف .. مو مثل قبل ..
راكان ضاق صدره من كلامها كان بيرد بس قاطعه طق الباب و دخول رعد .. رعد بارتباك / سلام ..
الكل / وعليكم السلام ..
رعد ياشر على راكان / تعال ابيك شوي ..
العنود عقدت حواجبها وبنظرات استغراب .. راكان وقف وتوجه له وباهتمام وهو يقفل الباب وراه / خير ..
رعد بتوتر / فيه عسكري برا .. جايب بلاغ .. يبون حضور العنود للمخفر ضروري ..
راكان بذهول / ............

ــــــــــــ انتهى باااارت 26 ـــــــــــــ

*** فجر *** · 22-12-2018, 09:37 PM

رد: رواية بردان ياحضن الدفا عطشان واظماني الجفا كامله ...

البارت 27 ..

مادمت تنشد ياخوي .. عن الحال
........................ مالي على كتمانها عنك حيله
الصبر عن بوح الاحاسيس قتال
........................ والبوح في بعض المواقف ، فشيله
لو كل مايطري على البال ينقال
.......................... ماكان شفت ان الثقيله ثقيله
ابطيت اكافح ضيقة البال بالبال
...................... وادفع بلا , هاجوسها كل ليله
لين اقبلت مثل السحابه بهمال
........................ تشفي غليل اللي تزايد غليله
طاحت ، ولاوفق من حناياك منزال
..................... وابطلبك ياراكان [ تكمى ] المخيله
ان قيل ترعد , قلهم : صوت زلزال
.................. وان قيل تبرق شف لها ادناة حيله
مابي .. تناقلها هل القيل و القال
..................... وتصير من بعد القصيره , طويله
ياراكان .. !
ياراكان .. ماني عال لو صحتي عال
.................... شفني من الصدمات نفسي عليله
اشيل حمل لو يشيلنه جبال
....................... الله ، وامانه غير تصبح نثيله
أرمي من هموم الزمن واسحب أدبال
................. وانزل عن [ الجوكر ] وغيري يشيله
من كثر ماشفت بحياتي من انذال !
........................ بديت اشك ان النذاله فضيله
ماطاح من عيني رجل , طاحوا رجال
................... ورجال [ يابن ابوي ] ماهي قليله
اقرب من اللي قالهم ضمن ما قال :
..................... راكان بن حثلين راعي الجزيله
هذا .. ولد عم ، وهذا .. ولد خال
.......................... وهذا رفيق مالقينا بديله
سبحان منهو ياراكان غير الحال
.................... وحط الجفا بين الخليل و خليله
هذا الزمن يبغاله .. لسان دلال !
................... من يستحي هالوقت واعزتي له
وقت به [ الراعي ] غدى راعي دلال
................... كل على طاريه ينفض شليله
ومن كان ساسه للردى مضرب امثال
................... اليوم يحسب من كبار القبيله !
المال !
المال .. يابن ابوي ملعون , أبو المال
................... ذل العزيز .. وعز ناس ذليله !

بعد اسبوع من وفاة ام راكان ..

بعد العصر ..
عيال سطام اجتمعوا بالغرفة ..
راكان يجلس بجنب العنود / كيف الحال ..
العنود بعد صمت لثواني وهي تصب لراكان وزياد شاهي / .. زي ما انت شايف ؟
راكان فهم مغزاها / .............
العنود بنبرة مقصوده وهي ترجع الترمس على الطاولة / ما اتصلت على نايف ..
راكان يمسح وجهها بتعب / اتصل ما يرد .. حتى ما جد اخذت رقمة من طارق .. دقيت عليه ما يرد ..
العنود بخوف / ليكون صار عليهم شي .. الاوضاع ما تطمن بالخارج ..
راكان بتطمين / لالا .. طارق يقول ماجد كلمه قبل اسبوع وقال انهم ريحين لرحله ..
وراح يطولون وما يعتقد انهم راح يقدر يتواصلون معاهم ..
العنود سكتت .. نفس التبرير اللي قاله لها صلاح .. بان نايف برحله .. هي مو غبيه .. راكان وضح عليه انه مو مهتم ..
العنود بحزم / راكان .. تعتقد ان لو شخص سمع خبر وفاة والده بيطنش ويكمل رحلته .. انا حاسه انه فيه شي ..
راكان بضيق / امماااا نايف فتوقعي منه كل شي .. من بعد سواته الشينه غسلت يدي منه ..
العنود بحدة / راكااااااان .. نايف انا اعرفه اكثر منكم .. " وبنبرة مقصودة " .. اذا انت اخطيت فهو اخطاء ..
راكان التفت عليها بحده وهو عاقد حواجبه .. / ايش تقصدين ؟
العنود صدت بعيونها عنه / اسال عن اخوك ..
" التفتت عليه وبقهر " .. وبطل برود وانانيه يا اخي وحس بالمسؤولية شوي .. ترا الوضع اختلف .. مو مثل قبل ..
راكان ضاق صدره من كلامها كان بيرد بس قاطعه طق الباب و دخول رعد .. رعد بارتباك / سلام ..
الكل / وعليكم السلام ..
رعد ياشر على راكان / تعال ابيك شوي ..
العنود عقدت حواجبها وبنظرات استغراب .. راكان وقف وتوجه له وباهتمام وهو يقفل الباب وراه / خير ..
رعد بتوتر / فيه عسكري برا .. جايب بلغ .. يبون حضور العنود للمخفر ضروري ..
راكان بذهول / ............
العنود من وراه فتحت الباب .. وباهتمام / ايش فيه ..
" التفتت لراكان اللي وجهه انخطف لونه .. ورجعت تطالع رعد وبخوف ".. نايف فيه شي ..؟
رعد بتوتر / لا .. بس " وهو يطالع الورق اللي بيده " .. جاي بلاغ .. يبونك بالمخفر ..
العنود بستغراب / انا ؟؟!!!
رعد هز راسه .. والعنود سحبت الورقة تطالعها بتتاكد .. هزت راسها .. / نروح ونشوف ليش ..
راكان بحزم / هذا اللي باقي .. انا اروح اشوف ايش السالفه ..
العنود بهدوء / وانا قلت ابي اروح لحالي .. اكيد انت بتروح معاي .. " طالعت الورقة " .. هم طالبيني بالاسم ..
راكان بسخرية ممزوج بقهر / يمكن غلطانين بالاسم ..
العنود بصدت عنه زياد فتح الباب وساره معاه / ايش فيه ..؟
العنود مدت الورقة له .. وهي تدخل الغرفة .. التفتت لرعد / البس عبايتي واطلع ..
راكان يمسح جبينه / نكلم غيث ..
رعد كلمته وراح شاف الموضوع .. " وهو يطالع لساره اللي راحت وراء العنود " ..
" وبهمس " .. السالفه كبيرة واحتمال فيها روحة لـ الرياض ..
راكان بخوف واهتمام / ايش ؟ .. ايش الموضوع ..؟؟!
رعد يغمز له .. راكان انتبه لخروج العنود وهي لفه طرحتها والعباية على كتوفا والغطاء بيدا / مشينا ..
رعد يمشي قدامها / بسم الله وتوكلنا على الله ..

ــــــــــ

في تحت العريش ..

ابو سطام بقهر / انا مدري كيف طاوعتك وجلست .. لو انا معاها ما كان ذا حالي ..
سلطان / يبه الله يعافيك .. وين تروح وانت تعبان و الضغط عندك مرتفع .. عبدالعزيز ورعد وغيث معاهم ..
ومكلمين طارق ولد المنصور يشوف السالفه .. يعني ان شاء الله ما يمسي الليل الا وهي راجعه ..
ابو سطام بعصبية / معاد بقي لي شي من ريحة سطام غيرهم وتبيني اقعد .. " وقف " .. قم قم ودني لها ..
سند وهو يصعد الدرجتين اللي قبال العريش .. بصوت جهوري / السلام عليكم ..
الكل / وعليكم السلام ورحمة الله وبركاته..
ابو سطام / هاا سند يا ولدي وديني للمخفر ابي اشوف بنت سطام " وهو يتقدم يبي ينزل " ..
سند يوقف جده .. ويرجعه كم خطوه .. وبهدوء / يبه .. البنت يمكن وصلت لـ الرياض ..
ابو سطام فتح عيونه للاخير / انتم ما قلتوا هنيا .. ليش تروح الرياض .. انتم ليه ما تعلمون الصدق ..
سند بهدوء / يبه ارتاح وانا اعلمك السالفه .. السالفه بسيطة ان شاء الله وما منها خوف ..
ابو سطام يحط يده على راسه .. سند بسرعة دخل يده بجيبه جدة وطلع علبه الضغط واعطى جده حبه ..
سند بهدوء / يبه السالفه هينه ان شاء الله .. يوم مشوا البنات من الرياض ما قفلوا الكهربة ..
والظاهر التمست الاسلاك واشتعل النار واحترق البيت .. وهم يبون العنود تجي وتقول اللي صار وتوقع عليه بس ..
ابو سطام بعدم تصديق / احلف يا سند ..
سند يتراجع للخلف .. وبعتب / افاا يبه ما تصدقني ..
ابو سطام يصد عنه / ............
سند غمز لخاله وبدا يسولفون بسواليف مختلفه والا ان التهاء ابو سطام عن سالفه العنود ودخل معهم بسوالف ..

ــــــــ

بالرياض ..

بعد وصول العنود لمركز الشرطة ..
اخذوه لطب الشرعي .. حتى تشوف الجثة ..

الضابط فتح جزء بسيط من الجثة الي فيه ملامح واضحه برغم من اثار الحروق ..
العنود حاطه يدها على انفها من الريحة الكريه .. وبداخله " يا رب عفوك وسترك .. يارب حسن الخاتمه يارب " ..
راكان ليعه كبدة وبالغصب واقف مع العنود .. وهو متلطم بشماغه وحاط يده فوقها ..
العنود انتبهت للخاتم اللي كان لصق في اصبع الجثه .. فضي والفص فيه احمر غامق وحوله نقوشات ..
العنود فتحت عيونها للاخير وبداخلها " ايش لون دخلت البيت .. انا متاكدة انه مكان فيه احد .. والبيبان مقفله " ..
الضابط اللي الكمام على انفها وماعاد يقدر يتحمل الريحة / هاا تعرفتوا عليها ..
العنود اشرت براسها نعم وطلعت .. وبهمس / لا حول ولا قوة الا بالله .. يارب حسن الخاتمه ..
راكان على طول اول ماطلع اتجه لزباله " كرمتوا " ورجع اللي ببطنه ..
الضابط اشر لهم على مكتب قريب .. دخلت العنود وراكان وغيث ومحامي اخر ..
الضابط وهو يكتب .. والعنود امامه سواد بسواد .. اشر لها بالجلوس / ها اختي تقولين عرفتي الجثه ..
العنود بهدوء جلست بالكرسي الثاني وبينها وبين الضابط راكان والطاولة / ايه نعم .. شريفه سعد ال سعد ..
راكان التفت عليها باستغراب وصدمه / ............
الضابط باستفسار / القرابه ..
العنود بعد هدوء / خالتي ..
الضابط رفع نظره في العنود بسرعة ورجع نظرة يكتب / عظم الله اجركم ..
العنود على نفس النبرة / جزاك الله خير ..
الضابط مستغرب النبره .. ما تاثرت ولا ارتبكت .. واثقه با جواباتها .. شاك بالموضوع ..
الضابط بغموض / الجثة مقتوله بطلق ناري على الراس .. قبل احتراقها ..
العنود / ................
راكان بذهول / .....................
الضابط رفع نظرة في العنود وبتفحص / اللي عرفناه من التحقيقات .. ان ما كان احد موجود في البيت غيرك ..
انتي واختك ... والسائق صبري والخادمه زهرة .." رجع يكتب بالمحضر .. بس استغرب من نبرة صوتها " ..
العنود بحزم / زوجته .. مو خادمه ..
الضابط طالعها بنظرات تفحص / ...........
رجع على المحضر يكتب / فيه عداوة بينك وبين المغدورة ..
العنود بسخرية وبداخلها " لو ما ماتت بيدين غيري كان ممكن اقتلها " .. / لا ..
الضابط رفع نظرة يطالعها ورجع يطالع المحضر / متى اخر مرة شفتي المغدوره ..
العنود بتفكير / 25 او 26 .. " بعدم تاكد " .. قبل .. برمضان ما اذكر بالضبط .. جاتني بمستشفى *** ..
الضابط باهتمام / ليه كنتي بالمستشفى ..
العنود " بداخلها .. العب " / مرافقه على امي الله يرحمها ..
الضابط رفع نظرة ورجع يكتب في المحضر .. حيرته / نقلتي سكنك لـ الخبر ..
العنود حست بان الضابط يتماد طالعت براكان وطالعت بالمحامي / ...........
راكان استوعب اللي يصير / ايه .. ايه .. بعد وفاة الوالد والوالده نقلنا لـ الخبر ..
الضابط يطالع راكان مقهور / متى نقلتوا بضبط ..
غيث بيتكلم تكلم المحامي الاخر وكان استاذ لـ غيث بالجامعه ومن اكبر المحامين بالمملكة ..
الاستاذ احمد / الاستاذ احمد .. محامي المدام العنود ..
الضابط تفاجئ / متزوجة ..
العنود رفعة حاجب / ..................
الاستاذ احمد " اطلع على تقرير الطب الشرعي قبل " / طال عمرك .. " وهو يضع ملف قبال الضابط " ..
المغدورة تاريخ الوفاة الي اقره الدكتور لطب الشرعي يقول انها توفت الساعة 3:25 صباحا ..
وموكلتي .. كانت بالخبر .. الساعة 4:55 دقيقة .. ولو قارنا بين وقت الوفاه ووقت وصل موكلتي ..
لراينا انه مستحيل ان تكون هي الفاعله .. ولدين شهود بذالك ..
الضابط مسح حاجبه / الان نحقق بالموضوع .. يعني ما نتهم احد بحد ذاته .. " التفت للعنود " ..
المغدورة لها اقارب غيركم .. ابوها اخوانها اخواتها ..
راكان / ايه .. ابوها بشمال .. عند عيال عمه .. مريض ومنوم بالمستشفى .. وعامل عمليه بالقلب ..
وزوجها ما اعرف عنه شي .. غير اسمه .. واخوان ما لها ..
المحامي / هذا ملف شامل عن المغدوره " وهو يطلع ملف اسود من حقيبته السوداء " ..
الضابط فتح الملف وصار يتصفحه .. قفل الملف / شكرا لتعاونكم .. وعظم الله اجركم ..
راح تطلعين بس بكفالة ولي امرك وضمان مكان الاقامة ..
راكان اشر للعنود و وقف / الله يعطيك العافية .. "وطلع .. كان يحس باختناق من المكان ومن التحقيق ..
كل اللي صار له تذكره التحقيق المكان الايام .. يمشي بسرعة ومفكر العنود وراه .. العنود بعد ما وقعت على المحضر ..
ووقع المحامي وغيث ايضا .. طلعوا من المكتب والعنود تستغفرالله لا تنفجر في راكان ..
اول ما وصل راكان لسيارة التفت للخلف وما شاف العنود ..
بعد دقائق طلعت العنود والمحامي وغيث وعبدالعزيز اللي وقع عن ولي الامر بدل راكان .."
العنود بعد ما طلعت سيارة رعد وعبدالعزيز معاها بحدة / انت ايش فيك .. رحت تركض مثلا المجنون ..
راكان بعصبية وضيق وتعب وهو يحط اصبعه على فمه / اصصصصصصصصصصصصصصص ..
العنود تطالعه بصمت واستغراب / ......................
عبدالعزيز التفت عليهم وهز راسه بضيق .. حال عيال اخوه ابد ما يسر .. اشر لرعد امشي ..
رعد حرك السيارة ..ورجع لـ الخبر ..

بالخبر ..

شقة سند ..

قاعد على الكنبة وقباله الاب توب يشتغل فيه .. عاقد حواجبه وواضح اندماجه ..
اهتز جواله اللي راميه على التسريحة .. رنيم وهي لفه الفوطة على شعرها ..
وتحط مرطب على يدينها من بعد الحمام .. طالعت بالجوال اللي اهتز اكثر من مره ..
وبضيق / الجوال يرن .. " وبلقافة الحريم رفعت نفسها وباهتمام " .. صقر ..؟!!
سند التفت عليها ووقف وتقدم لها .. اخذ الجوال واعطها نظره حدة على القافة ورد / نعم ..
عقد حواجبه وباهتمام .. فجاه وضح الضيق وغير لون وجه لسواد / طيب طيب ..
قفل المكالمة وتوجه لغرفة الملابس .. رنيم لحقته وبخوف / ايش فيه صقر ..
سند يغير ملابسه .. نزل التشيرت .. ولبس الفانيله ..
رنيم بالحاح / سند ايش قالك صقر .. ليش تغير وجهك .. فيه شي .. صاير لاحد شي ..
سند ينزل البنطلون ويلبس السروال .. ورنيم ابد مو منتبه ..
رنيم تسمك يده قبل لا يلبس الثوب .. وبعصبية / انت ليش ما تقول لي شي ..
سند ببرود يبعد يدها ويلبس ثوبه .. وبسخريه / لاني اكرهك .. " وسحب شماغه وعقاله وطلع من الغرفة " ..
رنيم واقفه مكانها فترة تستوعب .. وبعدها / هئئئئئئئئ راح .. " وبعصبية " .. مالت عليك عاد انا اللي اموت فيك ..
سند كان عند الباب طالع ابتسم وخرج .. وبهمس / استودعكم الله الذي لا تضيع ودائعه ..

ـــــــــــــــ

بعد وصولهم للخبر ..
كان الوقت تعدا منتصف الليل سويعات وياذن الفجر ..
دخل راكان ودخلت العنود وراه ودخل رعد .. زياد كان واقف برا ينتظرهم الا ان وصلوا ودخل معاهم ..
رعد بتعب / الحمد لله على السلامة ..
العنود وراكان / الله يسلمك ..
رعد اشر لهم بيده مع السلامة وتوجه لشقته ..
العنود توجهت لجناحها عند الباب .. راكان / انا رايح اتحمم واغير وانام شوي قبل الصلاة .. تامرين على شي ..
العنود هزت راسها بلا / سلامتك ..
راح راكان وزياد وراه / تصبحين على خير ..
العنود ابتسمت بتعب / وانت بخير ..
دخلت ورمت عبايتها على الكنبة ودخلت الغرفة .. " جناحهم صغير صاله وحمام وغرفة " ..
دخلت بهدوء للغرفة .. شافت ساره نايمه جنب سلطان ونومتها خطا الرضاعه في يدها مايله ..
وسلطان على شفايفه اثر الحليب .. الظبي نايمه وواضح انها مستغرقة بالنوم .. الظبي هادئة حيل عكس سلطان ..
الظبي ضعيفه اكثر من سلطان .. تقدمة ومسحت فم سلطان وعدلت نومه ساره وغطتها ..
دخلت الحمام و خرجت وهي مبلله .. فرشت سجادتها وصلت كم ركعه لله ودعت فيها بالفرج ..
بعد ما خلصت التفتت لصوت خلفها شافت مياسه داخله .. وتشوف الصغار ..
مياسه انتبهت لـ العنود .. ابتسمت وبهمس / تقبل الله ..
العنود ابتسمت بتعب .. وهمس / منا ومنك ..
العنود تقدمت من الظبي واخذتها .. وتوجهت لصاله .. وطلعت معاها مياسه ..
مياسه وهي تجلس على الكنبه / حاولت اخذهم وانيمهم عندي لكن ساره عندت وبكيت الا ينامون عندي ..
العنود ابتسمت بحنان / يا فديتها .. والله حملت حمل مو قدها ..
مياسه ابتسمت .. وباهتمام / هاا ايش سويتوا .. ابوي قطع قلبي من المحاتاه .. ماصدقت انه دخل غرفته ونام ..
العنود .. صدت وصاارت تصحي الظبي لزم ترضع ..
رفعت رجل الظبي وقرصت اذنها وبدات تضغط برجلها الا ان صحيت الظبي ..
مياسه تراقب تحركاتها .. وعرفت ان العنود مو حابه تتكلم عن الموضوع .. وقفت وبهدوء / اخليك ترتاحين .. فمان الله..
العنود بهدوء / شكرا .. فمان الله ..
مياسه طلعت بهدوء .. وهي متضايقه من تصرفات العنود .. مو حابه تكون بينها وبين بنات اخوها حبيبها حزازيات ..
العنود فتحت ازارير القميص اللي لبسته .. وبصدق وهي تطلع صدرها / ياااارب يااا حبيبي يااا رب ..
القمته بفم بنتها وبدات الظبي تمص .. وبحنان وي تمسح على شعر بنتها وضعت الظبي يدها الصغيرة على صدر امها ..
سبحان من خلق هالتناغم بين الام وطفلها .. احست بنزول الحليب .. واوهبت كل احاسيسها لطفلتها ..
كانت تخاف انقطاع الحليب من صدرها .. اوقات ينزل و اوقات يكون قليل و اوقات ما ينزل شي ..
اهملت صحتها بالفترة الاخيرة .. وكانت راح تخسر اجمل احساس بهالدنيا ..
رضعت الظبي واكتفت ونامت .. سمعت صوت سلطان وابتسمت .. نيمت الظبي براحه وحملت سلطان ..
العنود وهي تقبل وجه سلطان بشغف .. وبهمس / غيران غيران حبيبي .. " وهي تستنشق ريحته " وه يافديت هالريحه ..
جلست على الكنبه والقمة صدرها الاخر لسلطان .. ورضع واكتفاء .. وبعد ما نام سلطان .. سمعت صوت اذا ن الفجر ..
نيمت سلطان بجنب اخته .. وتوجهت للحمام .. تحممت بسرعه .. وطلعت صلت وتوجهت للمطبخ ..

ــــــــــــــــ

يوم جديد ..

الساعة 10:00 صباحا ..

امام السجن .. بالرياض ..

ابو عناد بقهر / حسبي الله ونعم الوكيل .. حسبي الله ونعم الوكيل ..
سند بغموض / مو كل مرة تسلم الجره ..
ابو عناد يهز راسه بقهر / صدقت ..
صقر باستغراب / ايش تقصدون ..
سند / ولا شي .. " رفع ساعته وطالع الوقت " .. تاخر ..
ابو عناد / عسى يمر كل شي على خير ..
سند التفتت على صوت المفاتيح اللي تضرب بالباب الحديد .. دقيقة وخرج وهو لف شماغه على وجهه " متلطم " ..
ابو عناد يركب السيارة ويقفلها بعصبية / الله يرحمك يا سطام .. الله يرحمك ..
سند بهدوء ركب السيارة وقفل الباب وشغلها ..
صقر توجه لـ ابوة وقبل راسه وركب راشد وراء سند وصقر وراء عمه ..
خالد بعصبية وسند يحرك سيارته / انت متى بتكبر .. انت ما تخاف على عارك .. بيتك مليان ايناث ..
وبكرة بتصير جد .. ولدك طولك .. والله ولدك يستحي يسوي سواياك .. الله يرحم سطام غطا على بلويك ..
هذي المرة قدرنا نغطي عليك ونطلعك .. المرة الثانية والله لتخيس ولا احد دراء عنك .. انت ما تحتشم احد ..
لو انتشر هالخبر ليقطعون وجيهنا الناس ..وبناتك بيطيحون بكبدك .. ذنبهم برقبتك طول العمر ..
وهكذا طول الطريق من الرياض الى الخبر .. مافي كلمة ما قالها ابو عناد ... الى ان انبح صوته ..

ـــــــــــ

بمركز الهيئة ..

مها تبكي " ابوها رافض يجي يستلمها .. تبرا منها والحين راح ينقلونها لدار الفتيات " ..
سهى بجنبها عادي ما اهتمت طول عمرها اهلها ما اهتموا فيها .. ضيعه ضايعه ..
الشيخ / راح تروحون قبل لمركز الشرطة يحققون معاكم بقصة البنت اللي كنتم بتقتلونها بالجامعه ..
مها رفعة راسها وطالعه الشيخ بذهول .. التفتت على سهى .. سهى / ايش بك ..؟
مها تبكي بقهر وبداخلها " حسبي الله ونعم الوكيل فيك يمه .. دمرتي حياتي دمرتيها .. انتي مو ام مو ام "..
دخل احد العسكر / يا شيخ ولي امر مها وصل ..
مها مسحت دموعها ووقفت .. الا دخل رجال يشبه ابوها ركزت شوي الا عمها عبدالله ..
عم مها / انا عم البنت .. وجاي اخذها ..
الشيخ / تروح لمركز الشرطة ومن هناك تشوف تقدر والا لا ..
عم مها مفكر الأجرات كذا تنهد بضيق / خير .. خير ان شاء الله ..
مها نزلت راسها بذل بعد ما شافت النظرة النارية المرسوله لها من عمها ..
دخل العسكري و نقلت مها وسهى لمركز الشرطة ..

ـــــــــــــــ

بيت ابو سطام ..

قاعد بالصاله .. في الجلسة الارضية .. قباله ترمس القهوة وحافظة التمر ..
دخل راكان وقبل راس جده وجدته .. وتوجه لغرفة العنود ..
بعدة بدقائق بسيطة ..

........بهدوء / السلام عليكم ..
الجد صد عنه وبهمس / وعليكم السلام ..
بتال يطيح على راس جدة ويدينه ورجوله / يبه الا زعلك .. اذبحني يبه بس لا تجفاني كذا ..
ابو سطام يستمع لـ الاذاعة / قم قم .. اوجعت عظامي ..
بتال يهمز رجلين جده / يبه .. انفس وما تهوا وانا حولت .. لكن يبه والله غصب .. ما تالفنا ..
لقدرت احتملها ولا بغيت اظلمها .. وجعل ربي يرزقها باللي احسن مني ..
ابو سطام بقهر / انا مو مزعلني الا اني قلت ابي ازوجها رجال .. لكن زوجتها رخمه ..
بتال انجرح من الكلمه / قول اللي تقوله لو تبي تضربني تذبحنيا فدا لك .. بس لا تجفاني ..
" نزل راسه بحضن جده " .. ها وهذي رقبتي اذبحني .. " وابتسم يوم شاف جده صد عنه بضيق " ..
بتال / جعلني اموت بـ
ابو سطام بجزع / تهبا .. استغفر استغفر .. جعل عيني ما تبكي احد فيك .. روحي ما عاد هي قادره على فراقكم ..
بتال يجلس / جعل عيني ما تبكي ..
ابو سطام بضيق / اصصص .. " وبقهر " .. يا الخبل انا بغيت لك الزين .. لكن ثور ما تفهم ..
ام سطام تنهدت بضيق / الله يكتب لكم اللي فيه الخير لكم جميع .. تقهوى وانا امك " وهي تشر على ترمس القهوة " ..
بتال وهو يتعدل بجلسته ويرتاح / وانا اقول ايش هالريحة الزينة .. طلعت عندكم قهوة ..
ابو سطام يضربه بعصاته / ليه عمرك بيوم مريت بيتي ولقيته ناقص من الضيافه ..
بتال وهو يصب له فنجان / لا والله .. جعلك سالم .. " وبدا يشرب من القهوة ولا ارتوا الا ان خلصت تلامس القهوة " ..
بتال تنهد براحه وهو يحس شي غريب انفك براسها .. مسح العرق بطرف شماغه ..
ابو سطام بنغزه / ولد القهوة ثلاث فناجيل .. ضيف وكيف وسيف .. وانت شربت دله كاملة .. هذا ايش يسمونه ..
بتال يوقف وبابتسامه / هبال .. " وهو يرمي شماغه على كتفه " ..
ابو سطام بنبرة مقصودة / والله انهبلت من يوم انك فارقت بنت الظبي .. مثل سند .. رحمة الله عليه ..
بتال صد بسخرية /...............
ام سطام تهز راسها تنهدت بضيق / الله يرحمه ..
ام سطام / الا يا ولدي سمر طلعت نمن المستشفى ..
بتال / ايه يمه طلعت البارح .. " وبضيق " .. يبه راكان ما راح لبنته ..
ولا طلعها للحين بالمستشفى .. حاولنا نطلعها لكن ابد ما رضيوا ..
على كلمته دخل ابو بتال / السلام عليكم ..
الكل / وعليكم السلام ..
ابو بتال بضيق / راكان هينا ..
ابو سطام / ايه داخل عند اخته .. تعال اجلس الحين يجي ..

ـــــــــ

بجناح العنود ..

دخل راكان وجلس على الكنبة في صاله الجناح .. باب الغرفة مردود شوي ..
خرجت ساره وهي لبسه بنطلون ابيض وبلوزة طويله لحد الركبة نيليه يتوسطه حزام ابيض ..
راكان رفع عينه من الجوال وشافها .. صفر وبغزل / يهوو يحلو .. خف على قلبي ..
ساره ابتسمت وبدلع / كله هذا علشان بنتك .. نبي نروح لها ..
راكان نزل نظرة لجواله بضيق / ............
العنود اللي واقفه على باب الحمام والفوطة على شعرها وسمعت حوار سارة وراكان.. توها متحممه ..
العنود بنبرة مقصودة / ما رحت لها ..
راكان رفع عينه وبضيق / لا ..
العنود تنهدت بضيق وتقدمت منه / ليه ؟
راكان بضيق / ما ادري .. بس مو حاب اشوفها ..
العنود رفعت حواجبها / لا .. وليش ؟ ..
راكان قفل جواله ورماه بجيبه / لان بتال طلقت ورماك ولا سال فيك تبيني انا اسال فيه ..
العنود بحدة وعصبية / لا والله .. غلطك انت ترميه على غيرك .. اللي المفروض انت تتعاقب عليه تعاقب به غيرك ..
انت مو صاحي .. مو انت اللي رميتني على بتال .. وتركتنا سنين وشهور علشان هالحب المزعوم .. والحين ..
رامي بنتك اللي مالها ذنب في المستشفى وتقول مو حاب اشوفها .. " رمت الفوطة على الارض " .. قوم ..
" توجهت الى عبايتها وسحبتها بتلبسها .. الا بصوت صراخ طفلين منزعجين من الغرفة المجاورة " ..
العنود وهي تحط شيلتها على كتوفها وتدخل لهم / ازعجكم خالكم الخبل .. " حملت الظبي .. وسكتت " ..
ساره حملت سلطان واعطته الرضاعة .. راكان باستغراب ومفاجاه / من عياله هذول ..
زياد اللي كان واقف عند الباب من لمن خرجت العنود وصارخت على راكان ..بهدوء / عيال نايف ..
العنود التفتت له .. وباستغراب / أي عيال نايف .. هذيل عيالي .. " قبلت الظبي بشغف " .. فديتهم ..
راكان عاقد يدينه بنص صدره / ........................
العنود بعد ما سكتوا عيالها نيمتهم على السرير .. وبحنيه / حبيبتي ساره انتبهي لهم نص ساعه ونرجع ..
راكان واقف وهو لف يدينه على صدره ويلعب بلسانه في فهمه مره فوق ومره تحت وهو مقفل فمه ويطالع العنود بقهر ..
العنود بتعدل الشيلة رفعت عيونها وطاحت بعيون راكان .. بهدوء / خير ايش فيك ..
راكان على حاله رفع حاجب .. وبتهكم / سلامتك ..
العنود عارفه راكان .. تقدمت بعد ما لبست نقابها / امش .. امش .. خلنا نطلع بنتك وبعدين تكلم ..
راكان بحزم / لا .. نروح مكان هادي ونسولف ونتكلم بكل المواضيع ..
العنود رفعت حاجبها بسخريه / كل المواضيع .. الله يا مكبرها يا اخوي .. امشي بس امشي " وهي تخرج من الجناح " ..
راكان عض على لسانه بقهر ولحقها .. زياد جلس على الكنبه والتفت لساره وبعتب / ليش تقولين لي عيال نايف ..
ساره باحراج وزعل / نايف قال لي .. وانا قلت .. اسفه ..
زياد ابتسم ووقف تقدم ودخل الغرفه وقبل سلطان والظبي .. بتذكر / ايش اسماهم ..؟
ساره بفرح / هذا سلطان وهذي الظبي ..

*** فجر *** · 22-12-2018, 09:39 PM

رد: رواية بردان ياحضن الدفا عطشان واظماني الجفا كامله ...

اول ما توسطت الممر الي يؤدي لصالة هي وراكان ..
سمعوا صوت عمها وجدها ..
راكان بعصبية يمسك يدها ويسحبها لممر الثاني وطلع مع الباب لخارج القصر ..
العنود تسحب يدها بضيق وترمي الشيله على عيونه .. سحبت العباية وحطتها على راسها ..
العنود بقهر / انهبلت انت .. بغيت اطيح على فمي .. " تركها وتوجه لسيارة ولحقته " ..
بعد ما ركبوا السيارة وحرك .. خرج من السور .. لف لليمين وطلع من الحي لشارع العام ..
راكان لبس النظارة الرمادية و عاقد حواجبه بعصبية / ...............
العنود طالعته و رجعت تطالع الطريق قبالها .. فتحت الشنطة الصغيرة وطلعت الجوارب والقفازات السوداء ولبستهم ..
بعد دقائق .. العنود بهدوء / مر على أي مجمع خلينا ناخذ لبس للبنت اكيد ما عندها ..
راكان بغموض / هي ليش تاخرت با المستشفى ..
العنود بستهبال / من ؟
راكان بقهر / بنتي من يعني ..
العنود بسخرية / لا والله .. وليه ما رحت لها من قبل .. ما دام مره شايل همها ..
راكان صد بضيق .. بعد فترة صمت لثواني وهو يلتف ليوقف قبال احد المجمعات .. بهدوء / شيخه ..
العنود التفتت له بستغراب / من شيخه ..
راكان يفك حزام الامان .. رفع عينه فيها وبابتسامه نورت وجهها ومحت الضيق / بنتي .. اسمها شيخه ..
العنود ابتسمت بفرحها الا ان ضحكت / هههههههههه فديت شيخة البنات انا .. " فتحت الباب ونزلت ونزل راكان " ..
دخلوا لمحل الاطفال .. واخذت العنود ملابس لشيخة والظبي وسلطان .. وراكان انهبل .. كل ما شاف قطعها اشتراها ..
العنود وهي طالعه شافت محل عارض بواجهة المحل فستان مشمشي ناعم وبنطلون رمادي وبلوزة حمرة .. تذكرت ساره ..
العنود بضحكة / ظنك لو سارة شافت الاكياس اللي بيدينا تتوقع ايش تسوي ..
راكان وهو يتوجه للمحل / تذبح شيختي وظبيك .. ههههههه ..
العنود دخلت وخذت القطع المعروضة بسرعة وكم قطعه ثانية وطلعت ..
راكان يرفع يده ويطالع الساعة .. وبعجله / يا الله العنود استعجلي بقى اقل من ساعة على اذان الظهر ..
العنود تبتسم / متشوق لشوفتها ..
راكان وهو يفتح السيارة / لا ..
العنود وهي تركب وبضحكة / كذاااااااااااب ..
راكان ابتسم / عييبببـ ....... " التفت لها بعد ماسمع صوت رنين الجوال " .. " وبنبرة مقصودة " .. جوالك ..
العنود وهي تفتح الخط .. وراكان يحرك السيارة خارج من المجمع / ايه .. " وللمتصل بابتسامه حنونه " ..
هلا وغلا ومرحبا .. كيفك يا قلبي .. " وبضيق " .. حبيبتي خلاص .. منااااار .. انتبهي لصحتك ..
" وبحزم " .. يعني ولو جيتي ايش بتسوين يعني .. ابوي وامي بيرجعون .. " صمتت تسمع لما تقوله منار " ..
" وبضيق " .. اوووف .. بلا كلام فاضي .. " وباهتمام " .. المهم .. كيف صحتك وصحة زوجك ..
" وهي تسمع بتركيز واهتمام " .. امم .. امم .. طيب .. اهم شي ظهرك والمشد .. والحوض كيف .. اممم ..
وزوجك .. ضلوعه .. امم .. طيب .. " وبتنبيه " .. تغذي زين .. والحمل ربي يعوضكم فيه .. اهم شي الحين صحتك ..
وان شاء الله اول ما تسمح الفرصة راح نزوركم .. " ابتسمت " .. الا صدق تدرين ان راكان صار ابو شيخه ..
هههههههههههههه .. جات له بنت سماها شيخه .. " استمعت لمنار والتفتت لراكان " .. هههههههههههههههههههههههه ..
ههههههههههههههههههههههههههههههههههه .. " وبضحكة " .. خذي خذي وتفاهميم معاه .. " مدت يدها لراكان " ..
راكان وهو يوقف لسيارة قبال المستشفى .. اخذ الجوال .. وبمزحة / ايش تبين شرشبيل ..
" سكت لفترة ومازالت ابتسامته على وجهه رفع حواجبه " ههههههههه .. منير يامال اللي ماني بقايل .. " سكت " ..
" وبضيق " .. لا منور لا تبكين .. حبيبتي انتي .. سلامات عليك .. والا ما دريت عنك .. لا لا ..
ما ابي ادعي عليك بالشر .. " وبخبث " .. بس ابي ادعي ان عمر يتزوج عليك وحدة ثانيه ..
" ابعد الجوال عن اذنه بسرعة .. وهو يسمع لصرخات منار المرتفعه والواضح عصبيته " .. ههههههههههههههههههه ..
" التفت للعنود وبضحكة " .. اقهرها كمان ..
العنود بحنان وهمس / .. لالا .. تعبانه مسكينه ونفسيتها متحطمه .. لا تزيد عليها ..
راكان يرجع الجوال لأذنه .. وبهدوء / منار .. منااار .. ايشلونك الحين .. " وبضيق " .. لا تبكين ..
مناروه ماني بخابرك رقيقه كذا اخبرك ابو الشباب .. " ابتسم .. وبتلعب ليكسب عطفها " ..
افااا وهذا انا افكر انا نجيك نهاية الاسبوع .. لالا بطلت خلاص لابطلت ابد ما اجيك ..
" ابتسم بحنان " .. بعد قلبي منور .. " وبهدوء " .. ان شاء الله بس فيه كم شغله اخلصها وننزل انا واخوانك ..
" وبحنان " .. يا لله حبيبتي انتبهي لنفسك ولصحتك .. سلمي لي على زوجك .. فمان الله .. " قفل الجوال " .. يالله نزلنا ..
العنود وهي تاخذ جوالها وتدخله الشنطة .. وتسحب كيس متوسط فيه ملابس شيخة الصغيرة ..
وبهدوء / من جد نازل نهاية الاسبوع لمنار ..
راكان وهو يلتفت ويطالع باب المستشفى .. وبهدوء / ايه .. " رجع طالع العنود وبضيق " اظن محتاجين هالروحه كلنا ..
انا وانتي وزياد وسارة .. ابي بيت الله .. ابي اغسل قلبي وادعي بالرحمة والمغفرة .. ابـ " سكت والعبرة خانقته " ..
العنود حطت يدها على يده .. وبضيق هزت راسها / والله تسوي خير .. انا تعبت .. معاد اقدر اتحمل ..
راكان تنهد بضيق / انتي حاله ثانية .. " ابتسم بالم " .. راح احقق معاك واخنقك الا ان تعترفين بكل الصار ..
العنود بضحكة .. وبخوف كاذب / يوووووه اجل بطلت من الروحه ابي انحاش ..
" وهي تضرب يده بمزح " .. يالله نلحق على شيوخ .. " التفتت للباب وفتحته ونزلت " ..
تقدمت ليمسك راكان بيدها وياخذ الكيس منها .. ليدخلا المستشفى ويصعدان لقسم الحضانه ..

ـــــــــــــ

بيت ابو سند ..

ام سند وابو سند جالسين قبال التلفزيون بصالة .. غرام عند سمر .. وفارس وياسر بالشركة ..
رنيم بشقتها نايمه ..

ام سند وهي تشرب من فنجان الشاهي .. / انا ابي اروح لها العصر وابي اسولف معاها واعرف سالفة هالعيال ..
ابو سند بثقة / انا متاكد ان العيال ماهم عيال نايف .. الولد ما له سنه من يوم ما سافر ..
وانتي تقولين العيال حق الشهرين والا ثلاث .. ايشلون .. لمرة بحمالها 9 اشهر والعيال ثلاث اشهر .. احسبيهم سنه ..
يعني بالعقل ما تجي " وبسخرية " .. لا اذا خاطفهم يمكن ..
ام سند بتفكير / وليش ما تقول انه كان متزوج من قبل لا يسافر ويوم ولدت المرة ..
اللي كان متزوجها جاء واخذ العيال ورماهم على اخته ورجع سافر ..
ابو سند بسخرية / والله ما خرب عقولكم الا هـ المسلسلات التركية .. " وبجديه " .. ايشلون كذا لو هو بديار بر يمكن ..
..........بهدوء وتعب / السلام عليكم ..
ام سند وابو سند / هلا وعليكم السلام ..
تقدم وقبل راسي والديه ويدهم .. جلس بجانب والده ووالدته بكرسي مقابل منفرد ..
ابو سند / سند .. انت وينك الفجر ما صليت معانا ..
سند بضيق / جاني شغل ضروري يبه واضطريت اروح الرياض ..
ام سند بخوف / عسى ما شر ..
ابو سند / عيال عمك بهم شي ..
سند بتعب / لا يبه مو صار شي .. شغل يخص الشركة وحليته خلاص " وقف هارب " .. تامرون شي تعبان وابي انام ..
ام سند وابو سند / سلامتك .. نوم العوافي ..
ابو سند / بس يا ولدي لو تنتظر صلاة الظهر يكون احسن .. وبعد نام ..
سند بابتسامه حنونه / وهذا اللي بيصير يبه .. عن اذنكم .. " وتوجه لدرج الخلفي وصعد لشقته " ..
دخل وشاف رنيم نايمه بطرف السرير وكان واضح الارهاق على وجهها .. وبداخله " شكلها ما نامت " ..
اخذ الفوطة و دخل الحمام " اكرمكم الله " .. وتحمم وطلع .. وهو لف الفوطة على خصرة والثانية ينشف فيها شعره ..
رنيم بتعب وضيق / انت جيت ..
سند ولا طالع فيها .. ينشف شعره .. بعد ما انتهى تنشيف رمى الفوطة على طرف الكنبه .. فتح الدولاب وطلع له لبس ..
رنيم وقفت وبتعب .. وهي تحط يدينها خلف ظهرها / سند .. ايش فيه صقر .. اتصل عليه ما يرود بعدين قفله ..
سند يلبس / ................
رنيم تقدمت منه بضيق وعصبية وصوت عالي / سند .. ايش فيه صقر ..
سند سمع صوت الاذان / صوت الحق لا اله الا الله .. " وبدا يردد وراء الاذان " ..
رنيم بغضب تقدمت منه وقبضت يدها وضربت عضدة بقوة .. وبقهر / اكرهك ..
سند ضايق جدا وتعبان ومعصب من حال عمه وما كان ناقصه الا رنيم .. رنيم لفت تبي ترجع لسريرها ..
ما حست الا باللي يشدها من عضدها وبغضب من بين اسنانه / والله ان مديتي يدك مره ثانيه لقصها لك .. فهمتي ..
رنيم فاتحة عيونها للاخير .. ابد ما كانت متوقعه ان سند يوصل لحاله هالغضب .. دب ارعب في قلبها ..
سند يضغط على يدها بقوة اوجعتها .. وتوقعت رنيم كسرها / احمد ربك واشكريه انك حامل ..
ولا كان شفت شي عمرك ما تمنيتيه .. " رمى يدها وابعدها بضق .. ليختل توازن رنيم وتجلس على الكنبه " ..
رنيم بالم / ااااه .. " وحطت يدها على عضدها " .. " وبهمس خافت جدا تدعوا عليه " .. كسر ..
سند لبس ثوبه وسحب شماغه وطلع للمسجد .. ولمن رجع شاف رنيم تصلي ..
طنشها ورمى الثوب والشماغ على الارض .. اخفض الإضاءة .. و رمى جسمه على السرير بتعب .. وبدا يستغفر و نام..
رنيم خلصت الصلاة والتفتت لخلفها وشافت سند نايم .. انقهرت ..
قامت ورمت جلال الصلاة على السجادة ولفتهم مع بعض ورمتهم على الكنبه ريحت نفسها على الكنبه ودقائق وغفت ..

ـــــــــ

بشركة الفارس ..
رفع جواله وشاف رقم ثابت .. مفتاح الخط يدل بانه من الرياض .. فتح الخط ..
...... وبهدوء / نعم .. وعليكم السلام .. ايه نعم .. تفضل ..
" باهتمام " .. ايه .. طيب .. طيب .. ان شاء الله .. بس لزم حضور البنت ..
طيب اهي توها والد يعني ما تقدر تحول القضية للخبر .. ايه .. تو لها اسبوع ..
اممم .. طيب .. جزاكم الله خير .. يعطيك العافية .. " انهاء المكالمه " ..
رفع تلفون المكتب وطلب بتال ..
بتال يدخل / هلا يبه امر ..
ابو بتال / اتصل عليه مركز شرطة الرياض .. تستدعي اختك سمر ..
بتال بخوف / ليه .. ايش صار ..
ابو بتال يقرص عيونه وبنبرة مقصودة / عن حادثة الجامعه ..
بتال باستغراب / بس حنا قفلنا القضية .. ولا عاد طلبنا فتحها .. ايش صار وخلاهم يفتحونها ..
ابو بتال يهز كتوفها / ما ادري .. المهم تنزل الرياض .. وتشوف السالفه .. وكلم ولد المنصور اذا يقدر ينقلها لهينا ..
بتال بضيق يوقف / يصير خير .. اجل انا امشي الحين .. تامر على شي ..
ابو بتال / انتبه على نفسك .. وخذ سعود معاك .. لا تروح لحالك ..
بتال يهز راسه / ان شاء الله ..
طلع بتال وتوجه لمكت اخوه ..
فتح الباب وشاف اخوه معصب ورمى الجوال على الطاولة ... ابتسم غصب / للحين ماتبي ترد ..
سعود بعصبية / الكـ*** .. اتصل الف مرة وارسلت رسايل ايش كثرها ولا ترد .. بس خليني اشوفها ..انـ ..
بتال يقاطعه بسخرية / قم قم .. رايح لرياض وابوي يقول خذ سعود معاك .. قم .. " وهو يخرج من المكتب " ..
سعود بسرعة يالتقط جواله ومحفظته ومفاتيح سيارته بسرعة .. شاف بتال واقف عند المصعد .. وقف بجنبه ..
سعود باهتمام / ايش عندك بالرياض .. ايش فيه ..
فتح المصد وخرج كم موظف ودخل بتال وسعود .. بتال / بالسيارة اقول لك السالفه ..
طلع من المصعد .. والشركة .. صعد سيارته .. وصعد بجانبه سعود ..
بتال قفل الباب و ربط حزام الامان .. سعود كذالك .. سعود التفت عليه / هاا ايش الموضوع ..
بتال تنهد / طالبين سمر لمركز الشرطة ..
سعود باستغراب / لا يكون غلط بالاسم ..
بتال يجاريه / يمكن .. علشان كذا نروح نشوف " حرك سيارته وتوجهوا لـ الرياض " ..

بمركز الشرطة بالرياض ..

عم مها بعصبية / حسبي الله ونعم الوكيل .. حسبي الله ونعم الوكيل .. بغيتي تذبحين البنت ..
مها تبكي وتشهق وتهز راسها / والله من انا .. والله .. امي .. امي هي السبب .. مووو اناااا ..
عم مها / وهذي فضايحها ما تنتهي حتى بعد موتها حسبي الله ونعم الوكيل .. جهنم وبئس المصير ..
مها فتحت عيونها للاخير / ماتت ..
عم مها بكره / ايه ماتت .. ماتت موته شينه .. لا حول ولا قوة الا بالله .. مقتوله ومحروقه ..
واخوك عبدالله .. مات بجرعة كوكائين ملوثة مخلوطه بقزاز .. فجرت دماغه ومات ..
ما نقول اللا الله لا يبلانا .. ويا الله حسن الخاتمه .. وانتي لطلعتي من بلوتك ذي والله لـ اربيك انا من اول وجديد ..
مها من سيل الفاجعات اللي سمعاتهم .. جف دمعها وانكتم صوت البكى .. لتفقد الوعي وتسقط من الكرسي ..
عم مها وقف بخوف / لا اله الا الله .. ماتت .. ماتت .. " وبعدها تم الاتصال بالاسعاف وحملوا مها للمستشفى "..

ـــــــــــ

بالمستشفى ..

راكان خلص اوراق التبليغ .. والخروج .. ووقع عليها ..
دخل على دكتور الاطفال .. ومعاه العنود ..
راكان / السلام عليكم ..
الدكتور / وعليكم السلام ..
راكان / انا ابو الطفلة .. شيخة ..
الدكتور باستغراب / شيخة مين ..
راكان يعطيه الاوراق .. الدكتور / اهااا .. بيبي سمر سلطان .. الحمد لله على السلامة .. امم ..
هي الحين طيبه .. الحمد لله نزلت نسبة الصفاري .. راح نعطيها دواء بسيط راح تسخدمة في البيت ..
راكان بخوف / صفاري .. صفاري ايش ؟..
الدكتور ابتسم / لا تخاف يا اخوي هذا شي عادي وكثير من الاطفال يصيبهم ..
راكان بخوف / تحتاج لعلاج يعني والا ايش بضبط .. ايش نسوي يعني ..
الدكتور يبتسم وبتهدئه / لالا .. ابدا الحمد لله البنت الحين تمام ووزنها تمام وكل شي طيب الحمد لله ..
بس نسبة بسيطة جدا صفار .. وراح يكون لها مراجعه بعد 10 ايام راح نسوي لها تحليل وراح نتطمن اكثر ..
راكان التفت على العنود بخوف العنود هزت راسها تطمنه .. راكان التفت لدكتور / يعني الحين نقدر ناخذها معانا ..
الدكتور ابتسم / طبعا تقدر تطلعها ..
راكان وقف وشكر الدكتور وطلع هو والعنود على الحضانه ..
دخلت العنود ولبست شيخة وهي تسمي عليها وتدعي بالصلاح والبر والصحة والعافية لها ..
بعد ما خرجت شافت راكان واقف يطالعها .. العنود تقدمت .. رفعت شيخة وبحنان / مد يدك وشيلها ..
راكان بخوف وارتباك وتوتر احساس غريب اجتاحه / لالا .. ما اقدر .. ما اعرف .. اخاف تتطيح ..
العنود تحطها قريب من صدره ابتعد شوي لكن الجدار منعه .. مد يدينه وحطت العنود شيخه وهي تسمي ..
راكان حمل شيخه بين يدينه وهو يطالع وجهها الصغير الاحمر .. وده يبكي لالا يضحك .. مو عارف ايش حاس ..
رفعها بخوف واستنشق ريحته .. حس بحركتها ابعدها وضحك على تعابير وجهها واضح بانها ضايقه ..
راكان بابتسامه / ضايقتها بالحيتي .. " وبحب لطفلته " .. الحين يابابا اروح للحلاق واشيلهم ولا تتضايقين ..
" رجع واستنشق ريحتها وضمها لصدره .. ابعدها شوي " " وبخوف " .. شليها انتي انا اخاف تزلق مني ..
العنود مدت يدينها واخذتهم وهي تسمي وراكان ينبها / انتبهي لا تطيح .. شوي شوي ..
العنود بسخرية ضاحكة / لا والله تعال علمني .. انا شايله ثنين الله يخليهم لي .. امشي بس تاخرت على عيالي ..
راكان بنبرة مقصودة / سالفة عيالك ذي .. " وهو يهز راسه بضيق " .. ما راح اعديها ..
العنود بسخرية / لا تعديها .. بس عجل .. عيالي جوعانين ..
راكان باستغراب / ايش دراك ..
العنود / قلب الام ..
" طلعت من المستشفى وركبت السيارة .. وبضيق / كنت مسوية اكل لسمر وابي اطلع لها .. شكله برد .. مـ ..
راكان بعصبية قاطعها / نعم نعم نعم .. تبين تروحين لها فين .. اسمعي ان طبيتي بيتهم حشيت رجولك حش ..
العنود باستغراب / ليه ياكافي .. ماراح ازور زوجـ...
راكان بغضب / والله والله والله يالعنود وهذي ثلاث حلوف .. ما تطبين بيتهم .. ايش تبين الناس تقول عليك ..
رايحة له في بيته تبيه يرجعها .. لا والله ما تطبينه عمرك كله .. " وهو يضرب دريكسون السيارة " ..
العنود بضيق / استغفر الله العظيم ..

ــــــــــ

بيت ابو عناد ..

بجناح ابو عناد ..

بعد ما تناول الغداء مبكرا ..

خالد بضيق / والله ما ادري وايش اسوي معاه .. لهو صغير ينضرب .. ولا مراهق ينعذر ..
الهنوف بضيق / لا حول ولا قوة الا بالله .. سنين ومياسه شايله سره وساكته عن الضيم .. وهو يبي يكشف عمره ..
سطام مات الله يرحمه .. لو ينمسك والا يصير مثل اللي صار يروح ورا الشمس ولا احد درا عنه ..
خالد / الله يرحمه .. والله ما عرفت ايش لون لقين رجال يعرفه سند وساعدنا و فك عمه ..
يا قلب عمه يا سند وجه اسود من فعال عمه .. وجهينا كلا اسودت والا صقر " هز راسه بضيق " ..
يا حبيبي كاتم القهر ولا يبي يعلم به هاج للاستراحة .. ما يبي عمي يشك بش ..
الهنوف بضيق / الله يهديه .. ولا يفضح هالبنيات اللي على اسمه ..
بكره لصار شي لقدر الله بيطيحون بحلق امهم ولا بيمشي نصيبهم ..
خالد سكت وهو يفكر / ...........
الهنوف التفتت له . وباستغراب / ابو عناد بايش تفكر ..
خالد التفت عليها وصد واريح جسمه على السرير / ولا شي ولا شي .. بس تعبان وابي انام .. صحيني العصر ..
الهنوف توقف / نوم العوافي .. " اخفضت الإضاءة وطلعت من الغرفة " ..
وابو عناد مقفي عن الباب يفكر / ..................

ـــــــــــــ

بيت ابو سطام ..

وصلوا البيت ..
نزلت العنود وراكان اخذ كل الاكياس ونزلهم ولحقها ..
دخلت العنود لصالة ولقتها فاضية طولت ودخلت لجناحها .. لقيت ساره جالسه تلعب الظبي وسلطان ..
ساره بتعب / اتعبوني عيالك .. مغير صياحة ..
العنود تنزل شيخه بجنبهم .. وبحنان / يا فديتهم والله .. " نزلت برقعها و عبايتها والشيلة " .. ايش سويتي يالاكل ..
ساره / تقصدين حق سمر .. اخذته عمتي مياسه وجدتي وصعدت لها ..
العنود باستفسار / نزلوا ..
ساره وهي تقبل شيخه / ايه من زمان .. " وبابتسامه " .. هذي بنت راكان ..
راكان يدخل ومعاه الاكياس .. نزلهم وقرب من بنته وباسها .. بكيت شيخه من الضيق والازعاج ..
راكان بخوف / بكت .. اوجعتها .. " وهو يحط يده على لحيته " ..
العنود وساره / هههههههههههههه
ساره تضم وجه اخوها بيدينها .. وبضحكه / من حقها شعرك كثير و يعور ..
راكان يقرب من وجهها ويحك لحيته فيها .. وساره تضحك / والله والله .. يعور صدق ..
" ضم ساره لحضنه .. وبحنان " .. يالدلوعه ..
ساره تبعد عنه بضضيق وتمسح وجهها .. وبدلع / جرحت وجهي .. الحين اكيد تشوه ..
راكان بسخريه / لا يا الرقيقه .. " حمل شيخة بين يدينه " .. الحين من يطلعها لامها ..
العنود بهدوء / اكيد انت ..
راكان بغضب / لا .. " وخرج با شيخه لصاله .. بيشوف عمته مياسه تطلعها لـ امها " ..
العنود تلبس جلال الصلاة واخذت البرقع بسرعة .. وهي طالعه .. سالتها ساره ..
ساره / صليتي الظهر ..
العنود وهي تربط البرقع / ايه بالمستشفى .. خليني الحق هالمجنون ايش بيسوي بالبنت ..
" خرجت بسرعة من الجناح وراحت بخوات سريعه تلحق راكان " ..
دخل صاله الجلوي وشاف جده وجدته و عمته جالسين ..
راكان بجمود / ام صقر .. اذا ما فيها كلافه فيك تطلعين البنت لامها ..
العنود وراه بضيق / السلام عليكم ..
الكل / وعليكم السلام ..
ابو سطام ابتسم / ما شاء الله هذي بنيتك يا ولدي ..
العنود بحنان / ايه يبه .. " مدت يدها بتاخذها من راكان راكان بنظرات للعنود لا " ..
العنود بهمس خافت / عيب راكان .. اذا ما بريت ابوك بالدنيا بره بقبره ..
راكان انطفت الغضب اللي بداخله جهت جده .. ابتعد عن العنود وتقدم من جده حطها بحضن جده وقبل راسه جده " ..
راكان والعبره خانقته / ايه يبه .. هذي بنتي شيخه ..
ابو سطام والدمعه فرت من عينه حمل الصغيره بين يدينه وقبلها / الله يجعلها من البارين بك ولا يذوقك حزنها ..
ام سطام تمسح دموعها / عطني اياها خليني احبها .. " ابوسها .. اقبلها " ..
راكان ابتسم .. حملها واعطاها جدته .. ام سطام / الله يخليها لك .. الله يحميها .. الله يرزقك ببرها ..
العنود تهمس لعمتها مياسه / والله حلف عليه ما اطلع لها ..
مياسه وهي ما كانت حابه طلوع العنود لسمر .. الجوهرة هالفترة ابد مو صاحيه والسانها طولان ..
مياسه بهدوء / لا تزعلين اخوك .. و الناس ما لها الا اكلام .. ان رحتي مو خالصه وان ما رحتي مو خالصه ..
اخصري الناس ولا تفكرين برضاهم .. واكسبي اخوك مالك غنا عنه .. " وبالم " .. الله لا يذوقك حر فرقاه ..
العنود هز راسها والتفتت لراكان اللي يسولف ويضحك مع جده وجدته .. بداخله " وانا ما فقدته ..
هالشهور كلها ما فقدته .. الا فقدته وتمنيت شوفته .. بخاطري كلام وحكي ادري انه لو عرف عنها بيكون راكاني ..
بيكون سندي .. بيكون سيفي .. بيكون درعي .. لكن الظروف ضدي وضده .. وزادهم عنادي وجفاه ..
" التفتت على مياسه وشافت الدمه بطرف عينها " .. وبداخلها .. " فقدتيه يا مياسه .. هو ما نساك ..
وقت صحوته من غربته كان يسولف لي عنك .. عن العنود .. عن الهنوف .. عن سلطان .. عبدالعزيز ومريم ..
رعد ودراسته .. عن معاناتك مع راشد .. وصاته عليك .. عليك انتي اكثر من العنود والهنوف .. كنت استغرب ..
لكن الحين عرفت ليه .. لأنك ضعيفه وحنونه وطيبه .. وزوجك زوج ما يتكل عليه .. و ولدك صغير وماله بالتجارب "..
قطع عليها التفاتت مياسه وضحكته / مره وحده اتدرب قبل ولادت رنيم .. ههههههههه ..
ابتسم وهي مو عارفه على ايش كانوا يتكلمون .. التفتت لراكان وشافت يسالها بعيونه ايش فيك ..
العنود ابتسمت وانتبهت لرحيل مياسه .. رجعت التفتت عليه .. غمضت عيونها بهدوء وفتحتها .. " ما فيني شي " ..
رجعت مياسه وهي لبسه جلال الصلاة .. حملت شيخة وراكان يقبلها بشغف .. وقف وطلع من البيت ..
ومياسه توجهت للممر الخلف وبعدها طلعت الدرج الخلفي لدور العلوي اللي يسكنها سلطان .. وتوجت العنود لجناحها ..
طلعت اغراض شيخة وارسلتهم مع الشغاله لبيت عمها .. وهي دخلت المطبخ تشوف الغداء

*** فجر *** · 22-12-2018, 09:41 PM

رد: رواية بردان ياحضن الدفا عطشان واظماني الجفا كامله ...

يوم جديد ..

بيت ابو صقر ..

صقر بضيق / ما يبون يرجعون بدون امي ..
راشد بضيق / امك ما تبي ترجع ؟ ..
صقر التفت عليه / والله يبه هذا بيت جدي وامي فيه .. روح لها وتكلم معاها .. انا كل ما كلمتها سكتتني ..
راشد بتفكير / خلاص اروح لعمك فهد واقول له يساعدني ونروح سوا انا ما اعرف لها السوالف ..
صقر صد عنها .. وبداخله " تعرف غيرها يبه .. " غص بالحكي والقهر يشتعل بصدره ..
تذكر اتصال الرجل الغريب اللي بلغه بمكان تواجد ابوه ..
وعرف ان ابوه اعطاه الرقم وقال له يتصل لانه ممنوع من الاتصال ..

ـــــــــــ

بيت ابو سطام ..

جناح العنود ..
العنود تكلم متعب بالجوال / كيفك وكيف ابوي منصور ..
متعب / بخير انتي كيفك .. عسى مو متضايقه ..
العنود تنهدت / لا الحمد لله .. بعد كم يوم رايحين مكه .. بنعتمر ونغير جو ونزور منار ..
متعب / الحمد لله .. تقبل الله مقدما ..
العنود / مشكور .. متعب ؟
متعب / سمي ..
العنود بنبرة مقصودة / وشلون نايف .. طيب ..
متعب / ..........
العنود بنبرتها / انا داريه عن كل شي ..
متعب باستغراب / كيف ..
العنود بخبث / متتتععععب انا العنود بنت سطام .. لا انت ولا صلاح ولا نايف تقدرون تلعبون عليه ..
متعب سكت لفتره .. وبعدها / بخير .. بس لزم يغيب هالفتره ..
العنود سكتت تحاول تتماسك وتمشي الخطه / ليه .. ايش الي فيه الحين ..
متعب انتبه انه تلعب عليه .. / الحين هو برحله مع ماجد للغابة يستكشفون فيها ويوسعون خاطرهم ..
العنود بعصبية / كذاااااااااااااب .. " سكتت واخذت نفس تهدي نفسها " .. متعب ..
متعب بتهرب / انا بشغل الحين مو فاضي .. اكلمك بعدين .. " انهاء المكالمه " ..
العنود بقهر رمت الجوال على التسريحة و قعدت على الكنبه تفكر بكلام متعب ..
جمعت كفيها ووضعتهم تحت فكها .. وبداخلها " هالفتره لزم يغيب .. ليه ..
" تتذكر الحبوب تحاول تتذكر اسمها .. او تجمع الحروف .. لكن ما قدرت " ..

ـــــــــــــــــ

بصاله ..

ابو سطام وام سطام .. و ام طلال وام سيف وام سند وام عناد وام صقر .. كلهم حولهم ..

ام سند / الا يبه ما سالت العنود عن الصغار ..
ابو سطام بحزم / اصصصصصص لا اسمع احد يسالها والا يكلمها ..
ام سند / بس يبه ما يصير لـ ..
ابو سطام بعصبية / هذا اللي باقي يا عنيد تعليمين ايش اللي يصير والا ما يصير ..
ام سطام بحزم / اصص يا بنت .. لا احد يكلمها .. البنت ذاقت من الحزن والقهر ما كفاها ..
ابو سطام تنهد بضيق / انا ما صدق ان عيال سطام يالتفون حولي تبيني ازعلهم .. لا والله ما زعلتهم ..
وهذا انا قولها لكم وصلوها لرياجيلكم وعيالكم .. اللي يزعل عيال سطام يزعلني ..
وان قالوا عيال سطام هالبن اسود اقول اسود .. انا فقدت سلطان وما ابي افقد ريحته .. واللي يبي يوجعني يوجعهم ..
ام طلال بتغير الجو / يعني راحت علينا .. مالنا بالغلا مكان ..
ابو سطام يلتقط مزحهها / ايه .. معاد لكم مكان .. ولو لقيت لكم سوق بعتكم فيه ..
مياسه صدقت وبخوف / صدق يبه ..
ابو سطام / ههههه لا عاد انتي الماسة الروح .. انت نور عيني ..
الهنوف / واناا ..
ابو سطام / انتي روحي ..
العنود / وانا بنت البطة السوداء ..
ام سطام / انتي قلبي .. انتي عقلي انتي بكري من البنات ..
مريم والجازي / راحت علينا ..
ابو سطام / انتم عندكم عبدالعزيز تقاسموه .. ههههههههههه ..
الكل / هههههههههههههههههههههههه

ـــــــــــــــ

بجناح العنود ..

ساره تدخل / عنود عماتي كلهم مع جدي وجدتي .. ليه ما تطلعين لهم ..
العنود تنهدت .. وقفت .. تقدمت خطوتين .. / الحين طالعه .. طلعي لبس لصغار .. ما دام اغسل وجهي واطلع ..
ساره ابتسمت وتوجهت لدولاب وصارت تقلب بالملابس الا ان طلعت لبس يعجبها وحلو ..
العنود خرجت من الحمام " اكرمكم الله " .. ولبست عيالها .. وهي طلعت لها جلابيه هادئة ولبستها ..
لبست جلال الصلاة واخذت البرقع .. حملت سلطان .. وساره لبست جلال الصلاة وحملت الظبي ..
طلعوا من الغرفة وتوجهوا لصالة ..

العنود بصوت انثوي واثق جهوري / السلام عليكم ..
الكل / وعليكم السلام ..
ام سند عيونها على الصغار .. ودها تعرف من عيالهم ..
ابو سطام بمحبه / هلا .. بريحه الغالي هلا.. تعالي .. تعالي هنيا .. " وهو ياشر بالمكان اللي بجنبه بينه وبين ام سطام" ..
العنود تقدمت وجلست بالمكان .. مريم اشرت لساره تعطيها الظبي .. ساره ما مانعت واعطها الظبي .. وجلست جنبها ..
ام طلال تمسح على ظهر ساره وبحنان / كيفك حبيبتي ..
ساره تعلقت بمريم كثير وارتاحت لها .. بخجل / بخير ..
ام سند تقبل الظبي / ما شاء الله تبارك الرحمن .. الله يحفظها لاهلها ..
ابو سطام يطالع ام سند بنظرات حازمه .. وبنبرة مقصودة / امين ..
العنود ابتسمت / امين و يحفظ لك عيالك ..
ام سطام بعفوية / لا اله الا الله .. والله هالولد كانه سلطان ولدي ..
العنود ابتسمت وهي تطالع سلطان بحنان وتسمي عليه بقلبها / ...........
ابو سطام وهو يطالع سلطان الصغير / ما شاء الله تبارك الرحمن .. " وبعفوية " .. عم ابوه يجيب الشبه منه ..
العنود باستغراب / عم ابوه .. " ابتسمت بعفويه " .. بسم الله عليك يبه .. شكلك دايخ .. قصدك جده ابو ابوه ..
الكل رسمت على وجيههم صدمة.. ما خطر في بال احد منهم انهم اولاد بتال .. معادا واحده كانت متوقعها هالشي ..

ــــــــــــ انتهى باااارت 27 ـــــــــــــ

*** فجر *** · 24-12-2018, 10:19 AM

رد: رواية بردان ياحضن الدفا عطشان واظماني الجفا كامله ...

البارت 28 ..

هذا الخطا اللي ماتوقعت يخطيه شف كيف كشر طيب القلب نابه

............ أثر الحسد لاعشعش بصدر راعيه يزرع من قلوب الحبايب ذيابه

اللي تعلم من سكوتي تماديه علمني استقبل خطاه برحابه

.......... والواجب انه لوجحد فزعتي فيه مايجحد حقوق النسب والقرابة

وانا اللي يوم ان المصايب تبكيه كنت اقرب إله بضيقته من ثيابه

.......... اللي تعاف اوله ينعاف تاليه وانا كفى صدري من الحزن مابه

من لاوقف لي وقفة رجال مابيه يغني عن حضور المقفي غيابه

............ من لافزع بالكايدة مع بني خيه وقت الرخا مايحسب حساب لابه

علمت غيري كيف لاصد ماجيه وانا تعلمت الصبر والصلابة

........... اصد والضحكة من هنية لهنيه وازداد بوقوعي شموخ ومهابه

لان الكتوم ان مالقى من يواسيه ان ما نشدته ماعلمت بمصابه

........... لصار بعدي عن رفيقي بيرضيه نذر علي اني فلاطق بابه

الضعف ماطيقه ولااطيق طاريه والدمع ما يرقى ولا ينرقا به

............ان ما جمعت اوجيه ما فرق وجيه ومن لا بنيته ما سعيت لخرابه

مثلي يعيش برفعته ومعاليه وان طاح طاح من الثرى لسحابه

.............. قناعة اللي كسرة الخبز تغنيه وشجاعة اللي ما يخاف المجابه

بدري عليه احسب احسابه واحاتيه وبدري عليه يشيلني من حسابه

............. كاني عتقته بأعتقه رأفة فيه بعض العرب معزتك باجتنابه

مهو على شانه ,عشان المشاريه صرت احتمل زلات حضرت جنابه

................. وانا لو اني بلتفت بلتفت ليه الرمح غالي والفريسة ذبابه

اليا كسر في خاطرك شخص تغليه حتى المعاتب تستحي من عتابه

............... اللي سكن صدري من الحزن يكفيه ملت تفاصيلي سكوت ورتابه

شف من متى وانا اتحمل بلاويه واليا متى وانا احترق من عذابه

...........احزان تنثرني من التيه لتيه واحزان تجمعني كابه كابه

كان احترامي للقرابه مجريه ياشيخ ملعون امها من قرابه

............. من لا يراعي خوتك لا تراعيه ومن لا يقدر هيبتك لا تهابه

لو كل مخطي بستحي منه وارضيه نزلت قدري لردي والزلابه

......... من هالدقيقة عطف واخلاص مافيه والله لابدل طيبتي بطلابه

ياهيه مثلي مايقولون له هيه مثلي يخاطب بحترام و الذرابه

.......... اللي بيدخل في مزاجي بأسويه واخاطب الفظ الغليظ بخطابه

مثل الغلا اللي باخذه منه بعطيه يسمع جوابي مثل ماسمع جوابه

............. وانا الي من قلت لك قول بوفيه ومثلي لي من وكد العلم جابه

سمه تحدي سمه اللي تسميه بس الوكاد انه مهوب استجابه

.......... اللي مهب قد المواجه يخليه ومن لاقدرت تهيبه منك هابه

الله يعز وجيه ويطمن وجيه وحنا بشر لكن بشر وسط غابه

............ ومن لافزع بالكايدة مع بنيخيه وقت الرخا مايحسب حساب لابه

" حامد زيد " ..

بالرياض ..

لهم يوم .. كملوا 24 ساعة وهم بالرياض ..

بعد انتهاء التحقيق .. وكال ابو بتال .. بتال بولاية الامر ..

اخذها من مكتب المحامي غيث .. وارسالها عبر الفاكس لمركز الشرطة .. تقفل المحضر ..

بتنازل ابو بتال عن القضية .. خرجت مها مع عمها .. و خرج بتال وسعود من مركز الشرطة .. ركب بتال وسعود السيارة ..

سعود بقهر / كل ذا صار وانا ما ادري ..

بتال عاقد حواجبه وحرك سيارته ومشي بسرعة / ................

سعود بحدة / بتال رد عليه .. ليه ما قلت لي السالفه ..

بتال بغضب / ...........................

سعود كان بيتكلم بس شاف بتال مسود وجه وعاقد حواجبه يدل على غضبه .. سكت والتفت لطريق ..

بتال يقود السيارة بسرعة .. بعد مسافه من خروجه من الرياض .. فجاه لف على يمينه ودخل لداخل الصحراء ..

سعود التفت لبتال وباستغراب / وين بتروح ..

بتال وقف سيارته بسرعه .. فتح الباب ونزل .. مشي لمسافه لهي بعيده ولا هي قريبه ..

جلس على الرمل .. تنهد بقهر وضيق .. مسك طرف شماغه ولفها حولين وجه ..

سعود طالع لـ اخوه وشافه صافن لبعيد ... نزل من السيارة و توجه لدبت السيارة .. فتحها وطلع فرشه .. قفل الدبه ..

تقدم مسافه و فرش الفرشه وقعد على الارض ..

وصار يلعب بجواله .. بداء الوقت يظلم اكثر .. سعود طالع لبتال ..

وبهدوء / يا اخوي .. مشينا ..

بتال صفن شوي ووقف ... تقدم بتعب وركب السيارة بمكان سعود نزل المقعد وريح نفسه ..

سعود مازال قاعد على الفرشه .. اول مره يشوف اخوه بهالحال .. وقف ورفع الفرشه .. توجه لسياره ..

و فتح الدبه ورمى الفرشه فيها .. توجه لمكان السائق وحرك سيارته وتوجه للخبر ..

وبتال على حاله ..

ـــــــــــــــ

يوم جديد ..

بعد صلاة الفجر .. بيت ابو سطام ..

ام سطام جالسه بالصاله الداخليه .. بالجلسه الارضية .. تسمع اذاعة القران ..

دخل ابو سطام وهو يهلل ويستغفر ../ لا اله الا الله .. استغفر الله استغفر الله .. " الا ان جلس بجانب ام سطام " ..

العنود تدخل وبابتسامه " وهي حامله صينية الفطور " .. / السلام عليكم .. صبحكم الله بالخير ..

ابو سطام وام سطام بفرحة / وعليكم السلام ..

ابو سطام / صباحك الله برضا والسرور ..

العنود تقدمت وحطت صينيه الفطور قبالهم .. وبابتسامه / ايشلون اصبحت يبه ..

ابو سطام بحنان ومحبه / بخير وانا ابوك .. انتي ايشلونك عساك مبسوطه ..

العنود تذكرت اللي صار امس وابتسمت / بخير يبه .. ما اشكي باس .. الحمد لله ..

ام سطام بحنان / و ين ساره .. ماتجي تفطر ..

العنود بحنان / ساره الله يهديه .. سهرانه مع بنات عمتي مياسه للحين .. توها صلت ونامت .. الله يصلحهن ..

ابو سطام وام سطام / الله يصلحهن ..

" قدمت العنود صحن الافطار .. " "وهو عباره عن خبز بر .. وحليب .. وعسل .. وترمس قهوة .. وحافظة تمر "..

بصوت فيه بحت النوم / السلام عليكم .. .........

صوت اخر من الخلف / السلام عليكم .. ............. صوت اخر / السلام عليكم ..

العنود التفتت للخلف .. وابو سطام وام سطام رفعوا روسهم عن صحن الافطار / وعليكم السلام ..

العنود وقفت احتراما لهم .. وقبلت راس سلطان وعبدالعزيز ..

رعد بمزح ممزوج ببحة النوم / وانا لا ..

العنود بدلال / انت صب القهوة الين اروح اشوي وارجع ..

تركتهم وتوجهت للمطبخ .. جابت ترمس قهوة ثانية وخبز وعسل .. كانت مسويتهم لراكان اللي قال انه رايح لمشوار

صغير بعد الفجر وراجع .. دخل الصاله وكان فيه حديث بين الجد وعمها سلطان و واضح انه مهم .. ويخصها .. اول

ما دخلت سكتوا .. تقدمت حطت صحن الفطور .. وبهدوء / عن اذنكم .. " توها بتروح لجناحها " ..

سلطان بنبرة فيها عتب / على وين يا ام سلطان ..

العنود عرفت الموضوع التفتت له .. وبنفس النبرة / على جناحي يا اخو سطام .. لا ازعجكم ..

سلطان وفنجان القهوة بيده كان يشرب منها فهم المغزى / ....................

عبدالعزيز ورعد ابتسموا / ...........

العنود بهدوء / اسمحوا لي .. " وراحت وتركتهم "..

عبدالعزيز وهو يطالع قفاها .. مبتسم وبهمس لرعد / ما شاء الله عليها قوية ..

رعد بابتسامه وهمس / ولعوب ..

ابو سطام بعد ما خرجت العنود .. بحدة / انا ما قلت لك ما تكلمها .. الظاهر اني شيبت وشاب قدري .. معاد لي حشمه

بينكم .. " مسك عصاته ووقف بصعوبه " ..

سلطان يوقف بسرعة ويقبل راس والده / اعذرني يبه .. بس والله من حرقة بصدري .. انا اذا ما تكلمت معاها وفهمت

السالفه ما ارتاح ..

ابو سطام بحده وهو يهز عصاته / وجعلها ما تطفي .. ابنيتي قهرها ولدك وظامها وجاي الحين تزعل منها .. رب ولدك بالاول وازعل منه وعقبها تعال حاسب بنيتي .. " ابعد سلطان وطلع من الصاله " ..

عبدالعزيز تنهد بضيق / مالك مدخال يا ابو بتال على العنود .. حنا اخطينا وخطينا كثير .. سلطان طالع اخوه وصد ..

وتوجه لجناح ابوه ...

ام سطام / لا حول ولا قوة الا بالله .. ابوكم ما يبي احد يزعل عيال سطام .. ما نبي نبعدهم عنا .. لا توجعونهم وانا امك

لا توجعونهم .. هذي ريحة سطام .. "وغصة بالعبرة " ..

عبد العزيز ورعد يتقدمون منها ويقبلون راسها .. عبدالعزيز / وجعهم وجعنا يمه .. ولا يضيق صدرك ..

رعد يلتفت للباب والا ابو سطام وسلطان داخلين ..

رعد بمزح / ابي اعرف السر اللي معاك .. ابوي لزعل مني تحفى ركبي ويجف لساني وما يرضا عليه بسرعة وانت

ثواني ويطيح الحطب وترجع المياه لمجاريها ..

عبد العزيز بزعل / سلطان وماخذ قلب ابوي وانت ما خذ قلب امي .. وانا " تنهد " .. آآآه ضايع مالي قلب يلمني ..

ام سطام بمزحه / صادق انت مالك قلب يلمك .. انت لك قلبين .. الله يخليهم لك ..

الكل / هههههههههههههههههه

جلس ابو سطام بمكانه وجلس سلطان بجانبه .. سلطان يقرب الفطور من ابوه / كمل فطورك يبه ..

ابو سطام / ما ابي .. " التفت لرعد " .. ناد ميري تنادي العنود ..

رعد رفع جواله / ليه يبه انادي ميري وازعجها من نومها ثم تفتح حلقها و وتتحلطم .. اتصل على العنود وتجي ..

رعد انتظر الرد .. " العنود تعالي بسرعة ابوي يبيك .." .. وقفل المكالمه ..

ابو سطام بحدة / ارعبت البنت .. " فعلن ثواني والا العنود داخله بسرعه وهي تلف جلال الصلاة " ..

العنود باهتمام / سم يبه .. امر ..

ابو سطام يرفع عصاته ويضرب رعد اللي كان جالس بجانب والدته ../ هالخبل ارعبك ..

رعد يبعد شوي .. وبضحكة / هههه يبه تحلطم العنود ولا تحلطم ميري .. خايف على عميري ..

الكل / هههههههههههه

العنود ابتسمت وتقدمت من الجلسه / امر يبه ..

ابو سطام ياشر على ترمس القهوة .. وبمحبه / معاد اطعم الفطور الا بشوفتك .. ولا تطيب لي القهوة الا يوم تمدها لي يمناك ..

العنود ابتسمت وجلست قبال جدها .. صبت فنجان وقدمته لجدها .. وصبت لعمامها .. وجدتها تشرب حليب ..

........../ السلام عليكم ..

الكل رفع عينه وشاف راكان / وعليكم السلام ..

راكان يتقدم من جده وجدته .. قبل راسهم .. رجع خطوتين للخلف .. وجلس جنب العنود / ايشلونك ..

العنود بابتسامه / بخير فديتك ..

راكان / جهزوا اغراضكم .. بنمشي بكره ان شاء الله .. اذا ناقصك شي بلغيني ..

العنود هزت راسها .. وهي تصب فنجان قهوة لراكان / يصير خير .. راكان مد يده واخذ القهوة ..

رعد باستغراب / وين بتروحون ..

راكان بنبرة مقصودة متلاعبه / بنرجع لرياض ..

ابو سطام بجزع / ليه .. احد ازعلكم ..

العنود منزله راسه تطالع بفنجان القهو ة الفاضي اللي امامها كاتمه الضحكة ..

راكان على نفسة النبرة / ماني بمرتاح .. والعنود تقول متضايقه من البيت .. العنود رفعت راسها وطالعت راكان

بابتسامه استغراب .. وبداخلها " أي والله متضايقه .. ومو مطولين القعده هنيا " ..

ابو سطام بضيق / من ضايقك .. العنود والا سلطان والله لو واحد منهم انه ما يطب البيت ولا لساني يجي على السانه

.. سلطان فتح عيونه للاخير وابتسم / افااا ..

العنود بضحكة ممزوجه باستغراب / محد يبه .. وراكان يمزح معك يبه ..

راكان / هههههه يبه انا ما قلت لك البارحه ان خاطري اخذ خواتي ونروح مكه ..

ام سطام بضحكة / الا .. الا .. قلت .. بس جدك كبر و خرف الله المستعان .. ابو سطام بنظره / يعني انتي الي صغرتي

.. ام سطام / الا كبرت .. بس ما خرفت ..

عبدالعزيز / الا يبه ليش قلت العنود وسلطان ليش يعني ..

ابو سطام / لان العنود اللقافة فيها ما تبي تترك شي .. وسلطان قلبه " وهو ياشر بيده يعني ضعيف " ..

رعد ابتسم / يعني انت يبه قلبك قوي ..

ابو سطام ابتسم / قوي الا عـ..

قاطعه دخول ساره الغاضب / العنود تعالي شيلي ولدك والـ ... " احمر وجهها خجل وهي تشوف الكل يطالعها " ..

راكان / ههههههههههههههههههههههههههه تعالي تعالي .. ساره رجعت بسرعة للجناح وهي متفشله والدمع بعينه

.. شعرها محيوس و لابسه بجامة ..

الكل / ههههههههههههههههههه

العنود وقفت .. وتوجهت لجناحها .. اول ما دخلت شافت سلطان يناغي ويحرك يدينه والظبي نايمه .. اخذت سلطان

دخلت الحمام " كرمتوا " وغيرت لبسه وطلعت .. التفتت لساره وشافتها مغطيه وجهها بالمخده .. ابتسمت وتركتها ..

توجهت لصاله وهي تحصن سلطان بذكر الله وخلصت قبل لا تدخل ..

ابو سطام اول ما شاف سلطان .. بفرحه / يالله حي الشيخ .. الكل رفع عينه .. رعد شافه اكثر من مره ..بس كانت سريعه ..

سلطان متلهف يشوفه من لمن قالت له العنود " ام سند " عنهم .. عيونه تراقب العنود ..

ابو سطام رفع يدينه / هاتيه .. " العنود ابتسمت .. وقدمته لجدها " .. بسم الله ما شاء الله .. يالله تسعد صباحه ..

سلطان بفرحه .. مد يده وباستئذان / اسمح لي يبه ..

ابو سطام حاس بشعور سلطان .. / سم واذكر الله .. سلطان ياخذ الصغير .. واحساس غريب متملكه .. / بسم الله ما

شاء الله .. " قبله على جبينه " ..

سلطان الصغير ابتسم وهو يدخل يدينه لفمه .. ابو بتال يطالع بوجه سلطان بشغف وحب كبير وهو يسمي عليه ..

عند العنود وراكان .. يتكلمون بهمس .. راكان / ايش تبون ..

العنود / لمن تجي الغرفة راح اقول لك ما يصير الحين .. راكان بضيق/ كثير والا قليل ..

العنود ابتسمت / ايش هو ..

راكان بضيق / طلباتكم .. العنود بنغزة / بأخل علينا يا ابو شيخة ..

راكان رفع حاجب وهو يعطيها فنجان القهوة / والله ياختي الحال ماش .. اللحاف ماهو طويل .. بس ساتر ..

العنود بنغزة / افا عليك يا ولد سطام .. بيت السبع ما يخلا من العظام ..

راكان عقد حواجبة / ايش تعنيـ.. " والتفتوا كلهم على الإضاءة القوية اللي طلعت " ..

ابو طلال " وهو ينزل الجوال " / ههههههههههههههههه .. والله ما تاخذها ..

ابو بتال يمسح فمه .. وهو مبتسم / سويتها يا ولد بتال .. مثل ما سواها ابوك قبلك ..

العنود وقفت بسرعة .. وباعتذار / العذر والسموحه يا عمي .. " وهي بتاخذ سلطان " ..

ابو بتال بمحبه بسلطان / والله ما تاخذينه .. وعلى قلبي احلى من العسل .. العنود تراجعت بخجل والابتسامه على وجهها / ..........

ابو سطام لعبدالعزيز / عطني اشوف انا انشغلت مع ذا الورع ..

العنود التفتت وشافت الضيق بوجه رعد وواضح بانه معصب .. رعد وقف وبجمود / اشوفكم على خير .. " وتركهم

وتوجه لشقته " ..

ابو سطام بنظرات غريبه و واضح فيها الضيق يطالع قفى رعد ..

ابو طلال وهو يبتسم / شف يبه .. ابو سطام / هههههههههههه .. ابو بتال طلع الـ أي فون .. ولقط كم صورة لسلطان

.. ثواني وبكي سلطان معلن جوعه ..

العنود وقفت واخذته من عمها .. وبهدوء / اسمحولي ... " كانت راجعه لجناحها لو ما وقفها صوت ابو بتال " ..

ابو بتال / اذا ما عليك كلافه يا بنتي .. جيبي لي الظبي ..

العنود باحترام / ابشر يا عمي .. دقايق بس .. راكان وقف / واسمحولي بعد ..

ابو سطام / زياد وينه ..؟ راكان وهو واقف / راح يشوف سيارة عناد اذا يبي لها تعديل او شي ..

ابو سطام عاقد حواجبة / وليش وين عناد ..

راكان بتفهم / يبه .. سيارة عناد اللي معي .. ابي اخذها ونروح مكه ..

ابو سطام ياشر بيده برفض / ما لك حاجة بها .. عندك سيارتي واقفه خذها توها جديده ما استعملتها رح افحصها وخذها..

راكان يهز راسه / يصير خير .. " تركهم وراح لجناح اخته " ..

ابو طلال عارف ان اخوه عنده سالفه خاصه مع ابوة .. وقف / وانا اشوفكم على خير .. مع السلامه ..

ابو سطام وابو بتال / مع السلامه .. ابو سطام بهمس ونبرة مقصودة / ايش عندك .. ابو بتال بضيق يطالع فنجان

القهوة / ............

ابو سطام بنبرة مقصودة / انت عندك علم باللي سواة بتال ببنت عمه .. قوله لي .. ايش سوا ..

ابو بتال يهز راسه بضيق / اعذرني يبه .. يجيك بتال واساله .. والا اجمعهم اثنينهم وحلها .. انا رافع يدي ..

ابو سطام بحدة / ايش لون ترفع يدك ..

ابو بتال بضيق / يبه .. انا كاني بالع موس على حدين .. ما اقدر اكذب ولدي ولا اقدر اصدقه .. بتال مو صاحي به بلا

.. ماهو ولدي اللي اعرفه .. بتال راكز .. ماهو متسرع .. " وهو ياشر بيده " .. هو خوفه على اخته .. هو حبه لامه

.. هو غروره .. " التفت لأبوه " .. يبه انت اللي ربيته وانت تفهمه .. بتال يقول غصبتوني عليها .. وانا حر ما احب

الغصيبة .. مثل الصقر ما اكل فريسة غيري .. " وهز راسه بضيق " ..

ابو سطام صد عنه .. وبنبرة مقصودة / هو يقول كذا زين .. زين .. والله ما يرجع عقله غيري .. " التفت لـ ابو بتال "

.. هو درا عن عياله ..

ابو بتال / لا .. جاء متاخر البارح من الرياض وكان تعبان ونام ..

ابو سطام باستغراب / ايش عنده بالرياض ..

ابو بتال . بعد صمت لثواني / يبه تذكر يوم قلت لك .. ان سمر زلقت بالجامعه ..

ابو سطام / ايه .. وهذا ينسي ..

ابو بتال بضيق / البنت ما ازلقت كذا .. البنت ادفعوها بنتين بالقصد .. وهم ...... " سكت " .. ابو سطام يحثه على

استكمال الكلام / .. وهم .. ايش ..

ابو بتال يصد بعيونه / وهم مرسولين من خالة راكان وبنتها .. مخططين ياذون البنت ..

ابو سطام عقد حواجبه / انت ايش تقول ..

ابو بتال تنهد بضيق / يبه السالفه كبيرة .. والافضل انك تسمعها من بتال .. " رفع يده واشر على مدخل الصاله " ..

والعنود .. بحضور راكان .. حتى الكل يكون على بينه .. وصاحب الحق ياخذ حقه .. انا ما نمت البارح وانا افكر .. ولا

ابي ادخل نفسي بالسالفه خوف اني اظلم العنود وراكان .. والظلم الكبير على العيال الصغار .. قلبي رهيف من جهة

بتال وسمر .. " تنهد بضيق " .. يبه انت حلها ..

ابو سطام يهز راسه بتفهم وصد بعيونه .. طالع الباب وشاف العنود داخله .. ابو سطام يطالعها بغموض / .........

ابو بتال ياخذ الظبي اللي متضايقه وتتحرك بضيق .. ابو بتال ابتسم على ملامح وجهها وهو يسم ويذكر الله .. قبلها

على جبينها .. وحطها بحضنه .. طلع الـ أي فون وصورها كم صوره .. وكان كلها وجه الظبي احمر ومتضايقه وهو

يبتسم .. لحد ماسمعوا صوت غريب يطلع من عندها ..

العنود حمر وجهها خجل .. ابو سطام ضحك من قلب / ههههههههههههههههههههههههههههههههههههههه ..

ابو بتال يضحك / هههههههههههه مستقصديني عيال بتال ههههههههههههههههه .. العنود ابتسمت بحرج .. وابو

بتال وابو سطام / هههههههههههههههههههههههههه

العنود اخذت بنتها بحرج وتوجهت لجناحهم

*** فجر *** · 24-12-2018, 10:22 AM

رد: رواية بردان ياحضن الدفا عطشان واظماني الجفا كامله ...

بيت ابو بتال ..

من لمن وصل ما كلم احد .. قال لسعود يقول لابوة اللي صار .. دخل غرفته وقفل الباب .. تحمم بماي بارد لعله يطفي

حر ما بي جوفه .. لبس ملابس خفيفه ورمى جسمه على السرير .. تنهد بضيق .. وهو يطالع سقف غرفته ..

( ظلمت يا بتال .. " حس برجفه قوية هزته " .. لالا .. ما ظلمت هي ظلمت نفسها .. " بلع جرعة من ريقة مر مثل العلقم " ..

اشلون ظلمت نفسها .. ايش سوت .. كانت تبي تتزوج عبدالله بدون ما تشاور اهلها " جلس بسرعة وقهر " .. "

وبغضب " .. ومتعب .. " ضم راسه بين يدينه " .. كرهك لمتعب خلاك اعمى .. ظلمت .. ظلمت .. ظلمت ..

" صار يضرب راسه اكثر من مرة من القهر " .. ايش صار لك يا بتال .. ايش صااااااااار .. انت مو كذا مو كذا .. "

رمى نفسه على السرير و تنهد بضيق " .. امك .. يمكن معصبه وحكمت بوقت الغضب ..

" وبسخرية " .. مثلك .. سمر صغيرة وجاهله .. " بعتب " .. ما حكمت عقلك يا بتال ما حكمت .. بس اذت سمر

واذتها حيل .. لالا .. انت غلطان ... وهذا هي انكشفت حادثة الجامعه .. مو هي .. بنت خالتها .. مها .. " فتح عينه

للاخير " ..

مها اخت عبدالله .. اللي كانت تبيه من قبل .. خططت صح .. تضر سمر .. واطلقها .. وتروح له .. ومها تروح لراكـ...

" ضرب السرير بقبضة يدة بقهر " .. " وغمض عيونه .. وهو يفكر بذا الشي ..

وسلبه النوم من دوامت العتب والقهر " ..

ــــــــــــــ

بيت ابو سطام ..

بجناح العنود ..

العنود تطلع ظرف ابيض كبير من درج التسريحة .. طلعت من الغرفة وتقدمت من راكان .. نزلت الظرف على

الطاولة .. وتقدمت .. وجلست جنب راكان .. راكان يطالع بظرف وفيها ..

مد يده واخذ الظرف فتحه وباستغراب / من وين لك ذا ..

العنود ببساطة / من ابوي ..

راكان بحزم / العنود .. كل ما يملكه ابوي حجز عليه البنك ..

العنود سكتت فترة .. وبعدها / ابوي كان حاط مبلغ كبير عندي .. كان حاس بان راح يجي يوم ونحتاج

راكان رفع حاجب .. وقرب منها وبنبرة وبهمس / قولي هالكلام لغيري ..

العنود ابتسمت / مشكلتك انك عارف وتستغبي ..

راكان ابتسم وبخبث / كم معطيتك الظبي ..

العنود هزت راسها / اللي يكفينا وما يخلينا محتاجين لاحد .. راكان يفتح الظرف .. ويطالع للفلوس ...

العنود / رجع اللي تدينته من عناد ..

راكان هز راسه / اللي اخذته من عناد ارجعه بعدين ..

العنود بحزم / لا .. ما ابي أي احد له منه علينا .. الحين ترجع كل شي اخذته وتدينته لـ اصحابه .. والبيت .. " التفت

عليها راكان بستغراب " .. ما نبي نطول هينا .. ما نبي نزعج زوجة عمي رعد .. و عمتي مياسه وبناتها يكفون

نبي نضايقهم .. غير كذا انا وساره مو مرتاحين .. وبعدين انت وزوجتـ

راكان صد وقطع الموضوع وهو ياشر على ساره / هذي ليش زعلانه .. العنود بنظرات تفحص له .. التفتت لساره

اللي نايمه على السرير بالعرض دليل زعلها / المدارس بعد بكره .. وتضايقت .. لان بنات عمتي راحوا السوق

اغراض المدارس وهي لا ..

راكان / خلاص انا اشوف واحل الوضع ..

العنود بسخرية / ريح نفسك انت .. وحل سالفة زوجتك .. المدرسة تحلها خالتي ام طارق لانها بتنقل بنتها هينا

راكان بغضب / العنود

العنود بحزم / نعم .. راكان وبعدين معاك .. هذي زوجتك .. ما لها دخل بالموضوع اللي بيني وبين اخوها .. لا

بنتك .. مو حلو يعيش الواحد بعيد عن امه وابوة ..

بسخرية / يعيبون الناس والعيب فيهم .. وعيالك ..

العنود بصد / انا غير ..

راكان ياخذ الظرف ويوقف .. وبسخريه / يا الله .. اوووووه صح انتي بنت الظبي .. " تركها وطلع " .. والعنود ما

زالت على الكنبه ..

سمعت صوت الظبي ووقفت وتوجهت لها

ـــــــــــــــ

بيت ابو سند ..

فهد بهدوء / يصير خير ..

راشد / انا مو رايح .. انت كلمه وبعدين اشوف ..

فهد بسخريه / وايش رايك عمي يجيبها لعندك .. " وبحدة " .. لك سنه رامي بنته وام عيالك .. لا سالت عنها ولا عن

بناتك ولا تعذرت .. مفكر انها ترجع لك .. انت لو شافك عمي اكيد بيسمعك كلام ما بعده ..

راشد يوقف وبضيق / اجل خلها في بيت ابوها .. بطقاق .. " وطلع من مجلس ابو سند وهو يعتكز على عصاته " ..

فهد يوقف ويهز راسه بضيق / لا حول ولا قوة الا بالله .. هالرجال بفضحنا باخر عمرنا ..

طلع وتوجه لصاله شاف العنود وغرام ومرام اللي واضح اصفرار وجهها وتعبها ..

جلس جنب العنود " ام سند " .. العنود صبت له فنجان شاهي وهي تعطيه اياه .. وبهمس / عسى خير ..

فهد بنبرة هامسه / يبي يرجع مياسه ..

العنود بسخريه / ليه يبي يسوي عيد الزعل .. بعد سنه بيرجعها ..

فهد بضيق صد عنها وهو يطالع التلفزيون / ...........

العنود تنهدت / البارح طول الليل افكر باللي صار امس .. ابو سند التفت عليها / انا قلت لك من قبل .. ماهم عيال نايف

.. ليه تستغربين انهم عيال بتال ..

العنود بقهر / ليه ما قالت لنا انها حامل .. ليه غطت على السالفه اللين ولدت .. لو ابوي خلاني امس اسالها كان

عرفت كل اللي بخاطري .. " وتنهدت بقهر " ..

ابو سند بحزم / العنود .. انتبهي لبناتك .. وما لك دخل بغيرك .. بنتك ماهي عاجبتني ..

العنود بخوف التفتت لبناتها / غرام ايش فيها .. ابو سند التفت لبناته / ............

غرام تهمس لمرام / طيب قلتي له ..

مرام وهي تحط يدها على بطنها اللي بدا يبرز / لا خايفه ..

غرام بسخريه / من ايش يا بعدي .. خلاص اللي صار صار ايش بيسوي .. بيعترض على حكمة الله و رزقته ..

مرام بضيق / تبين الصدق .. انا ما كنت ناوية احمل الحين .. على الاقل يصير عمر مرايم سنه بس يوم واحد نسيت الحبه وصار اللي صار ..

غرام رفعت حاجب / الحمد لله قدر الله وما شاء فعل .. " مرام تنهدت بهم " ..وهو ما حس بشي.. ما لاحظ شي غريب

مرام / الا قال وجهك شاحب .. ومتغيره .. الوحام بدا يقوا وخايفه غرام خااايفه .. " غرقت عيونها دمع " ..

حطت يدها على فخذ اختها .. وبهدوء / توكلي على الله وقولي لزوجك .. هذي قسمتكم .. مـ ..

ابو سند مقاطع لهمساتهم / مرام يا بابا ايش فيه وجهك .. تعبانه .. مضايقك شي ..

مرام نزلت عيونها بفنجان الشاهي وغرقت دمع .. غرام تدقها بكوعها ..

غرام بمزح لابوها / تقول من تزوجت وانتم ساحبين عليها .. حابه تدلع .. ههههههههههههه ..

مرام انفجرت بكي / آآآآآآآآآآآآههههههههئئئئئئئئئئئئ ..

ام سند تطالع بنتها باستغراب .. مريم من سمعت صوت البكي صاحت .. العنود اخذت مريم وسكتتها .. ابو سند وقف

وجلس جنب بنته مرام ..

وبحنان / حبيبتي انتي .. انتي بكري من البنات انتي احلا البنات .. من يقدر يسحب عليك .. انتي مرومه روحي وقلبي

وعيني .. انتي دنيتي كلها ..

غرام بمزحة / وانا بنت الديك الاسود ..

الكل / هههههههههههههههههههه ابو سند يضم مرام / انتي فيك شي غير اللي قالته اختك .. ايش فيك ..

مرام وهي تبكي / انااااااا حااااااااامل .. آآآآههههههئئئئئئئئئئ ..

ام سند بصرخة / ايششششششششششش .. حسبي الله على عدوينك .. تو بنتك صغيرة .. مـ ..

ابو سند بحدة / العنوود .. وخير يا طير بنتها صغيرة .. لجاء الثاني تكون كبرت ان شاء الله .. وبعدين احسن تجيبهم

وراء بعض .. تربيهم وترتاح من تربيتهم سوا .. وبعدين تريح جسمها .. " التفت على مرام " .. وانتي ليش زعلانه

الحين .. مرام رفعت عينها .. وبصوت مهزوز / طلال بيزعل عليه

ابو سند رفع جواله .. واتصل على طلال / الو .. السلام عليكم .. كيف يا يابو عبدالعزيز .. والا ابو مريم .. طيب وان

جاك عبدالعزيز .. ههههههههههه .. لالا مو ابوك .. ولدك .. انا ابي البشارة .. حامل .. اذا ما تبي تعطيني اياها اخذها

من ابوك .. ايه ايه .. ههههههههههههه .. لا ابد بس ابي التسميه .. تسميه سند .. ههههههههههههههههههههه ..

الله يرزقكم صلاحه وبره .. مع السلامه ..

مرام تمسح انفها خايفه .. ابو سند ببساطه وهو يطالعها / طلال فرحان .. وقال الليلة مسوي عشاء بالاستراحة وعازمنا ..

مرام باستغراب / بس ..

ابو سند يهز راسه / ايه بس .. " ابتسم بحنان " .. يا بابا زينه الحياة الدنيا المال و البنون .. لو يزعل .. يزعل خوف

علشان صحتك مو شي ثاني .. " قبل جبينها " .. الله يقومك بسلامه .. وقف ورجع لمكانه ..

مرام تطالع غرام باستغراب .. غرام ابتسمت لها وهزت اكتافها ..

والعنود معصبه ..

العصر ..

بيت ابو سطام ..

العنود كلمت زياد وطلبت منه يوديها للسوق هي وساره ..

كانت بالمطبخ .. سوت القهوة وجهزتها لجدها وجدتها وطلعت .. دخلت ريهام .. رمت جلال الصلاة على الطاولة

وتوجهت لمكان اغراض الكيك .. طلعت الدقيق والبيض .. توجهت لمكان الخلاط نزلت راسها تحت تطلعه من الدولاب

.. دخل المطبخ .. وباستعجال/ جدي يبيك ..

رفعت راسها توقعت انه خالها رعد وابتسمت بس بسرعه تلاشت الابتسامه .. وهو تفاجىء بالبنت اللي قباله .. صد

وطلع بسرعة وتوجه لجناح اخته ..

راكان عند العنود .. وساره في الحمام تتوضأ لصلاة العصر .. / تبون شي ..

العنود / سلامتك ..

دخل و وجه متغير .. جلس على الكنبة ومسح وجهه بارتباك ..

راكان والعنود باستغراب / زياد ايش فيك .. زياد مد يده واخذ كاس الماي اللي على الطاولة وشربها .. / ما .. ما ..

العنود بخوف / زياد ايش فيك ..

زياد بارتباك وخجل / دخلت المطبخ .. و .. وانتي .. " هز راسه " .. انتي ما ماا ..

راكان فهم و ابتسم / هي ما كانت فيه .. بس فيه بنت ثانيه .. زياد هز راسه بخجل ..

العنود تطالع اخوها بستغراب .. راكان بخبث / هههههههههه حلوه نخطبها لك ..

زياد اهتزت الكاسه اللي بيده وفقد السيطرة على امساكه لتسقط وتنكسر الا قطع ..

ساره خرجت من الحمام وتطالع في اللي صار باستغراب ..

زياد بضيق والغصة بحلقه / مااا .. مااا .. " وقف ودخل الحمام وقفل الباب بقوة " ..

ساره نقزت / بسم الله .. ايش فيه ..

راكان يطالع في الباب باستغراب .. رفع نظره وطالع بالعنود .. العنود هزت اكتافها " ما ادري " ..

رن جوال راكان وكان عمه رعد .. وطلب حضوره في المجلس ..

راكان وقف / يبوني بالمجلس .. " اشر على الحمام " اذا طلع خليه يلحقني ..

العنود هزت راسها باستغراب .. بعد ما طلع راكان .. التفتت على ساره اللي واقفه مكانها وما تحركت ..

العنود بحزم / ساره بسرعة يالله صلي والا تبين تاخرينها وتصلينها مع المغرب .. وجهزي نفسك بسرعة .. ما نبي

نتاخر بالسوق ..

" ساره بسرعة راحت للغرفة تصلي فيها " .. بعد دقايق طويله .. طلع زياد و وجه مبلل وشعره .. والشماغ لافه

على العقال وماسكه بيده ..

العنود طالعت فيه بهدوء / راكان راح للمجلس .. ويبيك تلحقه ..

زياد تذكر .. وبصوت مرهق / ايه صح .. جدي يبيك .. قالي خل العنود تجيني بالمجلس ..

العنود باستغراب / انا .. " وهي تاشر على نفسها " .. ليه ايش يبي ..

زياد يهز كتفه / ما ادري .. بس عمي سلطان وبتال معاه ..

العنود سرحت شوي وبعدين توجهت لعبايتها لبستها ولبست البرقع والقفازات السود وطلعت للمجلس .. ساره طلعت

من الغرفة ..

وبمرح / انا جاهـ .." وباستغراب " .. وين العنود ..

زياد يلبس شماغه ../ راحت لجدي بالمجلس .. انا برا انتظركم .. " طلع وتركها " ..

ساره بضيق حطت يدينها على خصرها / اوووف وانا بس قاعده مع بزرانها ..

ــــــــــــــ

في المجلس الداخلي ..

قبل تدخل ........

بحدة وصوت مرتفع / وليه

.. ........... بحزم / راكان انا ما طلبتك تزيد المشاكل .. يا تقول خير يا تسكت ..

راكان بعصبية / ماني بساكت .. يومـ " قطع كلامه لمن شاف اخته " .. ......

دخلت بثقه / السلام عليكم ..

الكل / وعليكم السلام .. تقدمت وجلست جنب اخوها .. وبثقه / امر يا جدي ..

ابو سطام .. وسلطان وراكان وبتال هم المتواجدين فقط .. ابو سطام .. لبتال / قم صك الباب ..

بتال وجه اسود تعب وقهر .. توجه لباب المجلس وقفله .. ورجع جلس مكانه .. ابو سطام بهدوء / يا بنتي .. حنا

زوجناك لولد عمك .. لغلاتك عندنا .. مانبي نزوجك لواحد ما يقدرك .. ويرخصك ..

العنود وهي تطالع جدها ابتسمت من تحت برقعها بسخريه / .. ...

راكان الغاضب بسخرية / الشكوى لله .. نحسبه رجال وزوجناه ..

ابو سطام بحده / راكان .. انا اتكلم لا تقطع هرجي .. العنود حطت يدها على فخذ راكان وضغطت عليها يعني اسكت ..

ابو سطام .. يرجع لهدوئه / راكان قال ان جدك سعد الله يرفع عنه البلا .. يبي يزوجك لولد بنته .. ما نشره عليه يبي

احفادة لبعضهم .. بس اللي يزعل بان الرجال ماهو كفو .. وقلنا نزوجك رجل كفو .. لكن الشيطان شاطر .. وانتم

صغار .. والمشاكل تصير بين مصارين البطن .. فكيف البشر ..

" العنود بداخله .. بسخريه / صغار .. تعدا الثلاثين صغير .. والا من الدلع خرب .." .. "

سكت لفترة بسيطة .. وهو يطالع ارضية المجلس البيضاء .. رفع راسه .. وبهدوء " .. والطلاق ابغض الحلال ..

والحين عندكم عيال .." بتال كان عاقد حواجبه ويحاول يسمع لجده للاخير " .. بتال لمن سمع كلمت عيال فتح عيونه

للاخير .. وباستغراب / أي عيال ..

سلطان ملتزم الصمت مثل ما طلب ابوه ../ ............

ابو سطام / انت عندك ولد وبنت .. تؤام .. " التفت للعنود " .. يا بـ ..

بتال يوقف وباستغراب مع غضب / لحظة لحظة يبه .. " التفت للعنود وبحده اكبر " .. أي عيال ..

العنود بغموض تطالعه من وراء البرقع والشيله على فتحت عيونها / ................

راكان جاء بيوقف العنود زودت من قبضة يدها يعني لا تقوم .. وراكان جلس وعقد يدينه على صدره ..

بتال بغضب / لا تسكتين .. من العيال اللي جايبتهم .. العنود زادت من الضغط على فخذ راكان تمنعه من الوقوف ..

وبهدوء / عيالك انت .. والا عندك شك ..

بتال بغضب / تكذبين .. " رفع اصبعه " .. هذي كذبه مثل كذبة بنات الجامعه وبنت خالتك مها ..

ابو سطام بحدة وصوت عالي / ولد ..

العنود باستغراب طالعت راكان وبهمس / أي بنات واي مها .. " راكان ميل فمه و رفع كتفه .. ما ادري " ..

بتال يلتفت بحدة على جده / يبه .. زوجتها لي استر عليها .. وبنتكم شريفه ما حد لمسها .. تطمن .. بس هي ما هي

مأمنه .. وانا معها تخون .. وانا قلت لـ اخوها قبل اختك ماهي على السنع .. ادبها .. وهو رماها عليه .. وانا علشان

لا اذبحها تركتها .. بس توصل لانها تتفق مع ولد خالتها واخته على قتل اختي .. فهذي وصلت حدود الشر ..

وتزود وتبتليني بعيال ما ادري من ابوهم فـ .. " ليسكت بصفعه على وجهه من يد راكان .. "

.. في وقت صرخة العنود / انا اخت نايف كايد عداه ..

ابو سطام جحضت عيونه من سمع كلمتها " انا اخت نايف كايد عداه " ..

العنود توقف وبشموخ / هيه انت " بتال التفت بقهر " .. الحشيمة ماهي بلك .. الحشيمة لابوي سطام .. اكرم الفارس

و ردوا له الكرم بالجفاء والطعون .. ماهي غريبه عليكم يا عيال الفارس لا بالاوله ولا بتاليه ..

خرجت بثقة وشموخ .. وتركت جدها تعصف به الذكريات .. وبهمس متعب / رجعت يا سند رجعت ..

راكان واقف بغضب / والله والله والله .. لو تـ ..

ابو سطام بعصبية / ولد .. اطلع .. اطلعوا .. " وهو ياشر لسلطان وراكان " ..

بتال كان بيطلع .. ابو سطام بحزم / انت اقعد ..

بتال بضيق يجلس .. ابو سطام بحزم / انت .. واش الهرج اللي قلته ..

بتال بضيق " وهو ياشر بيدينه " .. / يبه .. العنود ليه زوجتها لي ..

ابو سطام ياخذ نفس / علشان ما ياخذها رخمه .. بغيت لك الزين لكن انت مابك عقل ..

بتال يسحب شماغه وعقاله ويحطهم بحضنه .. حضن راسه بيدينه .. تنهد / ااااااااااااه يبه .. مو قادر اهدي ذا الراس

.. " رفع راسه ووجه احمر من القهر والغبن " .. يبه اصدق راكان واكذب عيوني .. والا اكذب راكان واصدق عيوني

.. شفتها وسمعتها .. ونبهت راكان عنها .. اختك يا راكان ..

وبين يوم وليله .. دخلتوا عليه وطلبتوا فزعتي .. وفزعت بس ما دريت عن ان الفزعه لها .. حرقت امي .. ووضرت

اختي .. وانا صقر حر يبه .. ما اكل الجيف .. وما اكل الا صيدة انا اخترتها .. " رجع راسه بين يديه " .. تعبت يبه تعبت ..

ابو سطام يطالع فيه بقهر وبنبرة مقصودة / البنت احد لمسها من قبل ..

بتال رفع راسه / لا يبه .. البنت عذرا ..

ابو سطام بنفس النبرة / معناتها محد صادها غيرك .. و " بقهر " .. جيفه .. " ضربه ابو سطام بالعصى على رجله "

.. بتال يرفع رجله .. وبضيق / يبه .. " وهو يصد " ..

ابو سطام بعصبية / وحطبه .. وامك .. ايش سوت لها ..

بتال بضيق / صار اللي صار وخلاص ..

ابو سطام يضربه بالعصا مره ثانية / قل ولا تسكت .. كل اللي عندك كله يا الاعمى .. بتال حكى كل اللي صار ..

وبضيق / وهذا اللي صار .. ابوسطام يطالعه بغموض / ..........

بتال باستغراب وضيق / يبه .. ليه تطالعني كذا ..

ابو سطام ياشر بيده / انت بك بلا .. مانت خالي .. يبيلك طقتين براسك يرجع لك عقلك ..

بتال بضحكة / يبه .. ايش طقتينه ..

ابو سطام / اها .. اها .. اضحك .. اضحك .. والله ان شفتها مع غيرك ليقوم جنونك .. مثل جدك سند .. سوا .. سواتك

.. وظلمها .. ويوم راحت مع غيره .. جن .. وبدال لايعقل .. ظلم ازود .. الله يسامحة ويغفر له ..

بتال بغضب / مع من ؟؟ .. من غيري .. ايش تقصد يبه ..

ابو سطام يصد عنه وبنبرة متلاعبه / ليه ما تدري انها انخطبت ..

بتال بغضب يوقف / ومن خطبها .. والله لو تتزوج وتترك العيال لتحلم تشوفهم ..

ابو سطام بسخرية / انا قايل بك بلا .. مو توك تقول منهم عياله .. يعني انت تقول ما هم بعيالك كيف بتمنعهم ..

بتال بارتباك وغضب / جدي .. انا .. اسمع .. يعني هم عيالي .. بس ليش ما قالت لي ..

ابو سطام يضربه بقوة " بتال فز واقف من الالم " .. / لانك خبل .. رحت وبتلت بالسالفه ولا حاكمت سيفك .. ذبحتها

وذبحت عمرك قبلها .. " وبغضب " .. اجلس ..

بتال جلس وبضيق / بس انا سمعتها ..

ابو سطام يقرب منه / متوكد انها هي ..

بتال بصدق / لا .. " هز راسه وبتاكيد " .. لا الصوت ولا الشبه ..

ابوسطام بسخرية / ما بك بلا .. اييييه .. الا بك بلا وكبير بعد ..

بتال بضيق / يببببببببببه ..

ابو سطام يقلدة / وحطبببببببببببببه .. " وبجدية " .. تهواها يا ولد ..

بتال بسرعة / لا .. " وهو يصد " .. " ما حس الا بالعصاه على ظهرة خلته يفز واقف " .. بتال بضيق / يببببه ..

ابو سطام بحزم / ما ابي ادعي عليك اللي فيك مكفيك .. يالخبل ..يوم دخلت بغيت تنكسر رقبتك وانت تتشفق على زولها..

بتال بسخرية وهو يطالع الطاوله / ايه ميت عليها .. من زينها والا من سنعها ..

ابو سطام بسخرية / حط عينك بعيني وقل ماهي بمزيونه .. ولا هي مسنعه ..

بتال بغموض وهو يطالع ساعته / ............

ابو سطام يوقف وهو يتوجه لباب المجلس / صالح ولد عمك وراضيه .. ولا رضى بترضى عليك ام سلطان ..

بتال يوقف جده .. وباستغراب / سمته سلطان ..

ابو سطام يلتفت عليه وهو عند الباب / اصيله وحشيمه .. ماهي مثلك .. خرج ابوسطام ..

وترك وراه بتال يصارع القهر والغضب اللي بداخله .. اخذ شماغه وعقاله وطلع بسرعة من المجلس ومن القصر .. توجه لسيارة ..

ركب سيارته وشغلها بس وقف اول ما شاف سيارة زياد توقف قباله وركبت معاه حرمتين وكل وحده معاها طفل صغير

*** فجر *** · 24-12-2018, 10:24 AM

رد: رواية بردان ياحضن الدفا عطشان واظماني الجفا كامله ...

قبل نصف ساعة ..

دخلت لجناحها بغضب .. شافت ساره لابسه وجالسه تلعب سلطان والظبي ترضع بالرضعه ..

بعد دقائق دخل راكان وراها وبغضب / مرة ثانية لا تدخلين مكان ما قلت لك تعالي فيه ..

العنود بغضب / ................

راكان بغضب / لا تسكتين ..

العنود بغضب / راكان ابعد عن وجهي لا اقول شي ما يعجبك ..

راكان بغضب / لا لاتسكين قولي ..

العنود بغضب / اذا فيه عتب ولوم يطيح عليك .. كل اللي حنا فيه بسببك انت .. انانيتك .. ما اخيلت احد يغليك الا

وعذبته .. ابوي وامي وهذا انت خسرتهم .. وانا " وهي تضرب صدرها " .. هينا نار وجع محد يدري عنه الا الله ..

وهذي " تاشر على ساره " شايله حمل من سنين ماهو لعمرها .. وانت درست وتزوجت وعشت حياتك طول بعرض

وكل اللي صار ما علمك درس لا .. الا زدت وتجبرت بأنانيتك تبي تحرم بنتك حق الطفولة .. تبي تحرم نفسك حق الابوه

.. متى تبي تفوق لمن تخسر كل شي حولك .. لمن يفوت الفوت .. " سمعت صوت بكى الظبي وسلطان وساره " ..

العنود بغضب تضرب راكان على صدرة ../ اطلع برا اطللع براااااا ..

" طلعته برا الجناح وقفلت الباب " .. " توجهت للي جالسين على السرير ويبكون "

وبحنان حملت الظبي ..و ضمت ساره من الجنب .. قبل راسها .. وبحنان / خلاص حبيبتي .. خلاص .. " ابعدت يدها

عن ساره و سحبت الرضعه واعطتها الظبي .. والرضعه الثانية اعطتها سلطان " .. بعدها بدقائق .. دخل زياد .. وهو

ما يدري عن العاصفه / هاا جاهزين ..

العنود تنهدت / ايه .. " لفت الظبي وسلطان بفرشاتهم " ..

" التفتت لساره " .. يالله انتي خذي الظبي ..

ساره ببحه / تبين تشيلينهم .. العنود / ايه .. ماني بضامنه احد يهتم فيهم .. امشي .. " خذت سلطان وحملت الشنطة وطلعت "..

ـــــــــــــــ

في مجلس الحريم ..

مريم بضيق / وليه تخلينها تاخذ الصغار معاها ..

مياسة / كانت متضايقة وما بغيت ازيد عليها خلها براحتها ..

العنود " ام سند " .. بفضول / ليه متضايقة ..

مياسة / ابوي طلبها للمجلس وكان فيه سلطان وبتال وراكان وما ادري ايش صار .. هي وراكان خرجوا وكانهم نار شابه ..

مريم بضيق / لا حول ولا قوة الا بالله ..

العنود بحماس / وايش صار .. ايش قالوا ..

الهنوف بقهر / العنود ... يازينك بهالسوالف .. والا لك لو صار شي ها والا ها ما عرفتي تسوين شي ..

العنود بضيق / الهنوف .. ايش له الحين تضيقين صدري ..

الهنوف بقهر / لا والله .. ضاق صدرك .. انتي ما تشوفين نفسك نسخة الجوهرة .. تدورين على خرابك ..

الجوهرةدخلت / وايش فيها الجوهر يا الهنوف ..

الهنوف طالعتها بنظرة سخرية وصدت / ................

الجازي / لا اله الا الله .. اذكروا الله .. ايش فيكم .. الهنوف توقف / انا ابي اروح عند امي وخالتي ابرك لي ..

مريم توقف / وانا بعد .. مياسة وقفت والجازي ..

العنود / وليش انا اقعد حتى انا طالعه ..

الجوهرة مسكت العنود / وينها ؟ ..

العنود باستغراب / منهي ؟!!..

الجوهرة بسخرية / العنود .. وعيالها ..

العنود / راحت تتسوق .. "

وتركتها وراحت للحديقة مكان مو جالسه امها وخالتها " ..

ــــــــــــ

بيت ابو بتال ..

جناح سمر ..

غرام وشيخة بحضنها / الحين ايش اناديها شيخة والا الزين ..

سمر بضيق / اكيد الزين .. غرام انتي بس تبين تحرقين دمي ..

غرام تضحك / هههههه لا سمسم بس صدق ابوها يقول شيخه .. وانتي تقولين الزين .. احترنا ..

سمر بقهر / انا اللي حملت فيها وانا اللي تعبت .. وهو بارده مبرده سماها .. لا بعد ما جني ولا زارني بالمستشفى ولا

البيت .. ولمن راح للمستشفى راح علشان طلبت منه مدام العنود ..

غرام / انتي شفتي صور عيال اخوك ..

سمر بضيق / لا .. غرام بحماس التفتت لشجون اللي عيونها بالجوال / شجون عندك صور اولاد بتال ..

شجون وهي مركزة مع الجوال تراسل .. بعدم اهتمام / ايه .. ايه ..

غرام تطالعها باستغراب وشك .. / شجوووون .. من تراسلين ..

شجون رفعت راسها .. وببرود / نعم ايش تبين ..

غرام رفعت حاجب .. وبجمود / عندك صور لعيال بتال ..

شجون ترجع عيونها للجوال .. وببرود / لا ..

غرام تنزل شيخه من حضنها وتحطها جنب امها .. طالعت شجون بنظرات شك ..

دخلت رنا ومعاها حافظة فيه كيك / سلام .. " وهي تنزل الملثم " ..

البنات / وعليكم السلام ..

سمر / وين البنات ..

رنا ابتسمت / نوال حلفت عليهم ما يروحون ويتركونها .. وجلسوا في بيت جدي .. غرام بعد ما نزلت رنا عبايتها

ولفتها جلست على الكنب وحطتها جنبها .. ابتسمت وبهدوء / ايشلونك اليوم ..

سمر ابتسمت / تمام ..

رنا طلعت جوالها وقف وتقدمت من سمر وجلست بطرف السرير .. وبابتسامه / جايبه لكم صور جديدة لـ اولاد العنود

.. فتحت جوالها .. و ورتهم سمر وغرام ..

سمر تطالعهم بشغف .. ابتسمت .. واشرت على صورة سلطان / يشبه بتال ..

غرام بضحكة / كيف مو واضح صغير ..

سمر بحماس / لا والله شوفي هينا .."وهي تاشر على خشمه " .. بتال لعصب يجي على راس خشمه مثل الخط .. كذا

.. غرام تطالع بصورة .. وباعجاب / ما شاء الله تبارك الرحمن .. ما شفت مثل زينهم .. ما شاء الله ..

رنا تبعد غرام وتاخذ شيخه وتحطها قبالها .. وتبداء تصورها ../ ساره آمنتني تقول صوريها اشتقت لها ..

سمر صدت بضيق ... غرام / ليش ما جات ..

رنا ببراءة / تقول راكان حلف عليهم ما يطلعون هي والعنود .. سمر لفت على رنا وبعبرة / ليه ؟..

رنا ارتبكت وطالعت غرام .. غرام بهدوء / كيف ليه .. انتي ناسيه ان بتال طلق العنود .. فما يصير تجي ..

سمر والدمع معلق على رمشها / ..........

غرام بهدوء / راكان لساته الغضب بداخله .. موت ابوه و امه وطلاق اخته .. اعطيه فترة ليقدر يتماسك .. سمر هزت

راسه وهي تمسح دموعها اللي نزلت / ...............

غرام بابتسامه / يالله اهتمي بنفسك .. وبصحتك حتى لخلصتي نفاستك ورجعتي بيتك تكونين قادره على انك تعاقبينه ..

سمر ابتسمت / هههه الله يعين اللي بياخذك .. هههههه ..

غرام بغرور / الا وياهني ياله .. البنات / ههههههههههههههههههههههه

غرام التفتت على شجون .. وشافتها عيونها على الجوال وما شالتهم .. غرام وقفت بهدوء وتوجهت لشنطتها ..

وكانها تبي تاخذ شي منها .. مرت من خلف شجون وقفت طالعت ايش تسوي ومع من تدردش ..

وشافت سمية .. تركتها وراحت لشنطتها طلعت جوالها .. ورجعت لسمر ورنا .. وقلبها قارصها من ها سمية ..

ـــــــــــــ

جناح مياسة وبناتها ..

" ريما .. ريهام .. رنيم .. هيفاء .. نوال .. ابرار .. اماني وروان " ..

ريما / لا صدق ما يصير فشلة مره ..

نوال بتأييد / ايوه .. تخيلي بس رايحة بيتهم .. وشافني اكيد بيسوي مصيبة .. وهو عقلة فاصل ..

البنات / ههههههههههههه

هيفاء بضحكة / لا عاد ما اسمح لك تعيبين على ولد اختي ..

نوال بنص عين / لا والله تلوميني .. " وهي تقلدة " .. نوووووووووواااال .. " بخوف و هي حطه يدها على صدرها "

.. بغى قلبي يوقف هذاك اليوم ..

البنات / هههههههههههههههههههههههههههههه نوال بضيق / على ايش تضحكون .. لو صار لكم اللي صار

وارتعبتوا ما كان ضحكتوا ..

البنات كل وحدة ميته من الضحك .. / هههههههههههههههه رنيم توقف .. وبالم / اااه هههههه حسبي الله على

عدوينك يا نوال هههههههههههه .. نوال فتحت عيونها / ........... ابرار / هههههههه وجهك وانتي تعبرين رهيييييب

.. ههههههههه .. سعود سدد دينه .. هههههههههه ..

نوال رفعت حاجب .. وبقهر/ يا زينك ساكته ..

البنات / هههههههههههههههههههههه

ـــــــــــــ

بعد المغرب ..

بيت ابو سطام ..

ابو سطام وام سطام ومياسة .. بصاله الثانية .. على الكنب .. ابو سطام بهدوء / جاني فهد .. يقول راشد يبي يرجع

حرمتة وبناته للبيت ..

ام سطام طالعت بنتها .. ورجعت طالعة ابو سطام / وايش قلت له ..

ابو سطام / اللي تقوله مياسه ..

مياسه بغصة / ثقلت عليك يبه وانا وبنات .. ابوسطام بنظرة غضب .. وبحزم / بنت ..

مياسه بعبره / يبه ما ابيه .. ما ابي ارجع له .. ابي ارتاح ..

ابو سطام بهدوء / ايش سوا .. ان كان على رنيم فهو ابوها لو ياطىء على رقبتها ..

مياسه بغصة / يبه خلها بالصدر تجرح ولا تطلع لبرا وتفضح ..

ابو سطام بغموض / .............

ام سطام تنهدت بضيق / الله يهديك ويصلحك .. ويريح بالك .. وقفت مياسة وراحت لمطبخ تجهز للعشاء مع الخدامة

... ابو سطام تنهد وبنبرة مقصودة .. / اليوم العنود استفزعت .. ونادت .. " انا خت نايف كايد عداه " ..

ام سطام حطت يدها على قلبها .../ .............

ابو سطام بضيق / بتال مهتويها .. مهتويها ازود من سند .. مهتويها اللين اعتمى .. الرجال مايعرف يمينه من شماله

.. ام سطام بخوف والم / ابعده ابعد ه.. ما ابي انوجع مرة ثانية .. ما ابي بطش سند يرجع .. لا توجع البنيات يا سعود

.. ابو سطام بثقة / لا تخافين .. غلطة ابوي وعمي جابر ماني بمكررها ..

وسكت الاثنين وكل واحد يرجع لاوجاع دفنت .. والي بدا بوادر رجوعها مع رجوع شبيهة الظبي ..

بالمول ..

بدورة المياه .. " اكرمكم الله " ..

ساره ماسكة الظبي .. والعنود تغير لسلطان بالحمام .. خرجت العنود .. ساره بضيق / الحمد لله ..

العنود بضحكه / ليش ضايقه ..

ساره بضيق / عيالك .. مره يبكي يبي رضعه ومره موسخ ومره .. اوووف ..

العنود ابتسمت وهي تلف سلطان وتعدل نفسها .. / امشي زياد برا ينتظرنا .. "

طلعوا من دورة المياة وشافوا زياد واقف .. ساره انتبهت للعربيه الي بجنب زياد " ..

ساره بسرعة توجهت لزياد / احسن شي .. " وهي تنزل الظبي فيها " .. بسم الله ..

العنود بابتسامه / حبيبي والله .. تسلم .. " نزلت سلطان بجنب اخته وهي تسمي بالله " ..

زياد بابتسامه / الحين ارتاحوا وانا ادفعهم .. واقعد برا المحل وانتم خذو راحتكم ..

ساره تنهد / احس بحريه ..

العنود بمزح تضربها على راسه / يعني الظبي ضايقتك .. خلاص ما عاد تمسكينها ولا تلعبينه ..

ساره تنزل وتقبل خد الظبي / لالا امزح .. اصلا ما اقدر ابعد عنهم .. هههههه .. اخذت العنود كم لبسه لها وكم لبسة

لسارة وكم لبسة لظبي وسلطان

واشياء خاصة ومهمه ..

ــــــــــــــــ

على البحر ..

راكان بضيق / صدقت في اللي قالته .. انا حاس بقهر بقلبي ونار ماني قادر اطفيها ..

عناد تنهد / لارحت مكه ادعي ربك صدق .. واغسل قلبك .. وراح تلقى قلبك هدي ..

راكان يهر راسه بنعم / ............

عناد بعد صمت لثواني .. فرك لحيته باصابيعه .. / نويت اتزوج ..

راكان التفت عليه بصدمه / ........

عناد بارتباك / مو اتزوج اتزوج ... يعني كذا .. " وهو ياشر بيده في الفراغ " .. ما ادري .. اخطب ايه اخطب ..

راكان / ههههههههههههههههههههههههههههههههههههههههههه

عناد ابتسم / ايش يضحك ...

راكان / ههههههههههههههههههههههههههههههه

عناد / هههههههههه .. هذا كله فرحة لاني نويت اخطب اجل لا تزوجت ايش بتسوي ..

راكان / ههههههههههه ومن .. هههههههههه ومن تعيست الحظ ..

عناد بغرور / الا قول سعيدة الحظ ..

راكان / ههههه اكيد .. اكيد غرام ..

عناد بضحكه / ايه وفيه خبله تقبل بي غيرها ..

راكان / ههههههههههههههههههههههههههههههههه عناد / هههههههههههههههههههههههههههههههههههههه

.. راكان يوقف وبضحكة / قم ههههه قم نروح لعشاء طلال قم ..

ـــــــــــــــــ

بالاستراحة ..

ابو بتال / ان شاء الله بعد ما يرجعون عيال سطام من مكه .. ابي اسوي عشاء صغير علشان عيال بتال ..

بدر / اهم شي اكون انا موجود ..

ابو بتال / ما جاك نقل للحين .. بدر / لا والله .. وكثير يقولون لي يمكن بعد سنتين او ثلاث ..

ابو عناد / لا ان شاء الله ندور لك على معرفة ونجيبك جنبنا ..

بدر / انا الحمد لله قريب مو ذاك البعد .. بس ساعتين روحه قبل بداية الدوام وساعتين وزود رجعه .. هذي اللي تتعب

.. ابو سند / الله يحميك من الخط ودروبه .. وهالحديد .. الكل / امين ..

طلال يدخل / الا بتال وراكان وسند وعناد وين ..

سند من وراه / السلام عليكم .. هذا انا جيت ..

ابو سند / ليش تاخرت ياولد ..

سند / ابد بس الحرمة عندها مراجعه بالمستشفى وتاخرت ..

فارس بفرحة / ايش المولود ولد والا بنت ..

سيف بضحكة / اكيد بنت ..

سند بضحكة / ماني بقايل لكم ..

فارس بحماس / قلي بس انا .. علشان اجهز الهديه من الحين ..

ابو سند بسخرية / ومن زين هديتك .. شفنا اللي جبته لبنت اختك ..

فارس بصدمه / يبه انا هديتي لبنت مر ومه مو حلوة .. " التفت لطلال " بالله ياطلال احلا هديه جات لبنتك من عند

من ..

طلال بصدق / من ابو فهد ..

سيف / افااا .. وهديتي ..

طلال بضحكة / يعني بتسون نفسكم ما شريتوها مع بعض ..

سيف وفارس / لا والله ..

طلال / ههههههههههه الاسورة نفسها اللي انت جبتها هو جابها ..

سيف طالع بفارس / قلت الاشكال ما تاخذ الا هي .. فارس / وهي فيه احلا منها .. انا تعبت وانا ادور شي حلو ..

ابو سند التفت على ابو طلال / وانت ايش جبت لها .. ابو طلال ابتسم / يكفي سمحت يسمونها باسم مريم ..

ابو بتال بضحكة / الله اكبر عاد ياها الاسم ..

ابو طلال بنغزة / عاد من زين اسمك .. حتى صاحبه ما بغاه .. واول ما .. " وهو ياشر على الـ أي فون " ..

ابو بتال / هههههههه يا فديت سميي .. " مد يده " . هات هات خلني اشوفها .. وارسلها على بتال ..

ابو عبدالعزيز يمد يده .. ويعطي اخوة الـ اي فون .. ارسلها ابو بتال على جواله .. ومن جواله على بتال بالواتس

ــــــــــــــ

بالمزرعة ..

بتال .. جالس على فرشة مفرشها بالارض .. وشاب الحطب قباله .. يحرك الحطب بعصى في يده .. ويزيد النار حطب

.. رفع راسه وسرح لبعيد .. وهو عاقد حواجبه .. تذكر الكم ليلة اللي قضاهم معاها بهدوء .. وابتسم وتغيرة ملامح

وجهه .

. ....../ بسم الله عليك ..

قفز بتال بخرعة / عم ابو محمد .. ما .. ما حسيت بوجودك ..

ابو محمد ابتسم / اللي ماخذ عقلك يتهنى به .. بتال رجع يحرك النار والضيق بوجه ..

ابو محمد / ايش اللي مضيق صدرك .. بتال يهز راسه / ما في شي ..

ابو محمد / لا تكتم بصدرك يا ولدي .. بعض الاحيان الحكي يفتح عينك على شين غافلن عنه ..

بتال تنهد بضيق .. وبداخله " مثل ما جدي فتح عيني على الي معمي عنه " .. ا

بو محمد يوم شاف بتال ساكت .." قال يمكن ما يبي يتكلم "..

بتال بعد فترة / لي رفيق تضاربت معاه وافترقنا ..

ابو محمد ابتسم .. وبهدوء / هو المخطي والا انت ..

بتال بضيق / انا وهو .. " تنهد " .. سمعت حكي وحكمت عليه .. وهو ما دافع ولا حكى .. وخلاني امشي بظلمي ..

ابو محمد بنبرة مقصودة / تعزه وتغليه ..

بتال كان يحرك الحطب .. رفع راسه وطالع ابو محمد بضياع .. ورجع يطالع النار / .......... وبعد فترة صمت ..

ابو محمد / تعشقها ..

بتال رفع راسه وطالعه بصدمه / ..........

نهاااااية البااارت .

*** فجر *** · 24-12-2018, 10:26 AM

رد: رواية بردان ياحضن الدفا عطشان واظماني الجفا كامله ...

البارت 29 ..

الله مــــن هـــم تزايـــد علــى الــروح
طغــى عليها لــين روحـــي دمـرها
جــروح ســــد جـروح والقلب مجروح
فـي كـل ليـل العـين تشكي ســهرها
بــاب العنــى شفتــه مشـرع ومفتــوح
هـذي مـوردها والأخـرى صـــدرها
والصـدر قـام يـغــوش ياقـوم ويفـــوح
والنـار شبت فـي ضميري ســعرها
كــل السـبايب جــــادل مــنـه مـــذبوح
عليـه عــين تسحــر اللـي نـــظرها
مـــاودي أعـــــدد مزايــاه وأبــــــوح
مـن الأظــافر لــين هامت شــــعرها
الـعنق عنق الريــم والخصـر ممسوح
يــازين مــبسمها وزمــت نـــــحرها
بالمختصر غرون من الــبيض مملوح
مـثل الـقمر بـــالزين ســاطع قـمرها
جـعل الخيـال اللي سـرى بـــرقه يلوح
يــمطر على داره ويسـقي شـــجرها
نــطلبك يــامعبود يامنجـــين نــــــوح
يـامعـتني بــالناس عــــالم قـــــدرها
تــفرج لمنهو يزعج الصــوت وينوح
وســود الليــالي لـه تــزايد قـــشرها
وتـرد مـــنهو غاب والعـــذر مسموح
حبـــي بـــحبه ســــابح فـــي بحرها
بيـوت شعــري لاسرت تبـعـد الشوح
وجــزل القوافــي لي تــقادح سـطرها
لــو مايخفف شعري الـهـــم والبــوح
عــيني خطيــر الهــم يعمي بـــصرها

بمكة المكرمة ..

احد الفنادق المجاورة للحرم ..

راكان / الحمد لله .. " وقف عن الطاولة وتوجه للكنب " .. " طلع جواله من جيبه وصار يفتش فيه " ..
ساره قاعدة على الكنب وتتراسل مع البنات بالواتس ..
العنود لملمت باقي الاكل ونظفت الطاولة .. شلت الصحون وتوجهت للمطبخ .. غسلت الصحون ونظفت المطبخ ..
اخذت سلة الزبالة " اكرمكم الله " .. وطلعتهم لعند الباب .. رجعت للمطبخ واخذت ابريق الشاهي وتوجهت لراكان ..
زياد طلع من الحمام .. وهو عند الباب .. العنود بهدوء / زياد .. " التفت عليها زياد " ..
العنود / اكرمك الله .. ممكن ترمي الزباله برا ..
زياد ابتسم / ابشري ..
العنود سكبت الشاهي بالفناجين .. قدمت لراكان وتركت فنجان على الطاولة امام المكان اللي بيجلس عليه زياد ..
واخذت فنجان .. راكان قفل جواله .. طالع ساره وشافها مركزة بالجوال .. ابتسم والتفت على العنود ..
راكان وهو مبتسم / متحمسه ..
العنود ابتسمت / يتكلمون عن المدرسة .. تبي تدخل علمي ..
راكان ابتسم والتفت عليها .. مد يده ولعب بشعرها .. ساره بضيق / راكااااان ..
العنود وراكان / هههههههههههه
راكان التفت على العنود وبهدوء / بكره نمشي لجدة .. نزور منار .. ونتمشى فيها شوي ..
العنود هزت راسها / على خير ان شاء الله .. متى نمشي ..
راكان / نصلي العصر .. ونمشي .. يعني اغراضكم تكون جاهزة قبل العصر .. وارتبها بالسيارة ..
ساره التفتت عليهم / ما نروح لـ الطائف ..
راكان بتلاعب وهو يشرب من فنجان الشاهي ويطالع لقباله / لا .. ورانا شغل .. وانتي وراك مدرسه ..
ساره بضيق / بس انت وعدتني ..
راكان بتلاعب / اشتقت لشيخة .. وابي اروح لها .. هي دلوعتي .. وانتي بطقاق ..
ساره صدت بضيق .. والعبرة خانقتها .. تلعب بجوالها والشاشة مو واضحة قبالها من الدموع ..
راكان التفت عليها وابتسم .. رجع ظهره للكنبه وسحبها لحضنه .. قبل راسها وبحنان ..
.. وهو يقرص انفها / امزح معاك يالدلوعه .. من عيوني نروح .. كم سارونه عندي .. كم يوم تبين تجلسين ..
ساره هزت راسها / ما ابي خلاص ..
راكان / هههههه .. طيب اجل حتى منار مافي لها روحه ..
ساره مسحت دموعها وصدت عنه .. حاولت تبعد عن حضنه لكن ما سمح لها راكان ..
زياد جلس مكان وابتسم / ليه زعلتها ..
راكان بابتسامه / لاني احبببببببهههاااا " وهو يقبلها بخدها بقوة " ..
ساره / اااااااي .. وجعتني ..
راكان يقبلها مره ثانيه / ما راح اتركك .. الا اذا قلتي خلاص ماني زعلانه ..
ساره تحاول تبعد بس ماقدرت / خلاص خلاص .. ماني زعلانها .. خلاااااااااص ..
راكان تركها .. وهي بعدت عنه وهي تعدل بلوزتها اللي تجعلكت .. / اوووف خنقني " مسحت على شعرها تعدله " ..
راكان يرفع يده .. وكانه بيحضنها مره ثانيه .. ساره بضحكة / لالا خلاص ما خنقتني ..
راكان / ههههههه تادبي .. " التفت على العنود " .. كم يوم تبون بالطايف ..
ساره / مو الطايف .. الطائف .. بـ الاف .. مو بالياء ..
راكان التفت عليها ورفع حاجبه وكنه يهدد .. ساره بتراجع / لالا الطايف بالياء .. بالياء " وهي ترجع تمسك جوالها " ..
راكان التفت على العنود / كم يوم ..
العنود بهدوء / على حسب الجوا اذا طيب جلسنا يومين او ثلاث واذا مو حلو .. مشينا لـ الخبر على طول ..
زياد بهدوء / منار متى تبينا نروح لها .. بعد المغرب ..
راكان / انا عرفت العنوان .. على طول نروح لها ونبقى شوي .. نصلي المغرب ونطلع برا .. مانبي نكلف عليهم ..
العنود / افضل ..
ساره تثاوبت .. العنود انتبهت لها .. / سارونه حبيبتي روحي نامي علشان تصحين لصلاة الفجر ..
سارة تطالع لساعة ../ توه بدري الساعة 11 ..
راكان بهدوء / لا مو بدري .. روحي نامي ..
ساره بعتراض / انا مو صغيرة لبغيت انام اقوم بدون لاحد يامرني ..
راكان ابتسم / مو ضغيرة .. طيب لا تنامين هينا وبعدين نبلش فيك انا وزياد .. تراك دوبيه ..
سارة رفعت حاجب بغرور ووقفت / على الاقل ازين من حرمتك ..
راكان ابتسم ونزل راسه يطالع فنجان الشاهي .. ساره فكرة انه زعل .. نزلت نفسها وقبلت راسه ..
ساره بعتذار / اسفه راكوني والله مو قصدي ازعلك ..
راكان بضحكة خفيفه / ههههه لا مازعلت .. يالله روحي نامي .. تصبحين على خير .. " مسك يدها وقبلها بحنان " ..
ساره راحت للعنود وقبلت خدة .. وبمزح / اباي انام بس عيالك لا يزعجوني ..
العنود بمزح / لا تشخرين وما راح يزعجونك ..
ساره شهقت .. وراكان وزياد والعنود يضححكون عليها .. ساره بزعل / انا اشخر ..
زياد بضحكة / لا تمزح عليك .. " مسك يدها وقبلها " .. احلام سعيدة ..
ساره وهي متوجه لغرفة النوم .. / يالله انا ابي انام وانتم اعقدوا اجتماع الامة .. تصبحون على خير ..
الكل / وانتي من اهله ..
راكان بهدوء بعد ما دخلت ساره لغرفته / كيف راسك الحين ..
العنود تنهدت / راكان .. قلتلك بس لاني زعلت .. الحين طيبه .. لا تشيل هم ..
راكان / وايش اللي زعلك ..
العنود بهدوء وهي تنزل فنجان الشاهي / ولا شي ..
راكان طالع زياد ورجع طالع العنود / العنود ما عاد ابيك تخبين شي .. يكفي اللي صار ..
العنود التفتت عليه وبحدة خافته / بالاول تعدل انت .. وبطل انانية .. خليني اثق فيك وبعدين راح اقل كل اللي عندي ..
" وقفت " .. تصبحون على خير .. " تركتهم وتوجهت لغرفة النوم " ..
زياد بعد مادخلت العنود لغرفة النوم .. التفت لراكان وبهدوء / ليه ما قلت لها ان المحامي اتصل ..
راكان / انتظر القضية تنتهي للاخير .. وتتقفل وبعدين اقول لها ..
زياد / راكان ؟
راكان وهو يلعب بجواله / هممم ..
زياد " بستغراب " / خالتي شريفة ليه كانت .. اممم .. كذا .. ما ادري احسها كانت تكرهنا ..
راكان بغموض / لانها مو خالتنا ..
زياد بستغراب / كيف ..؟
راكان رفع راسه / الحين امي وخالتي خديجو وخلود مو فيهم ملامح من بعض ..
زياد / الا ..
راكان / وشريفة كانت غير .. واللي عرفة باخر سنة من بعد رجوعي من امريكا .. ان شريفة مو خالتي بالصل ..
زياد بستغراب / اجل ..
راكان / شريفة ارضعتها جدتي الظبي .. وربتها بيننا .. كانت فيه حرمة جارت جدتي توفت هي وزوجها ..
" وكانه يحاول يتذكر " .. احترق البيت او شي .. المهم .. جدتك اخذتها ورضعتها و ربتها ..
زياد / وليه ما اخذوها اهلها ..
راكان يهز اكتافه / ما ادري .. يمكن مالها .. " وبضيق " .. خلاص ماتت وانتهاء الموضوع ..
زياد هز راسها .. راكان وقف .. / يالله خلنا ننام ..

ـــــــــــــ

بيت ابو سطام ..

شقة رعد ..

دخل شقته بهدوء .. شاف هيفاء جالسه قبال التلفزيون .. اول ما شافته .. وقفت وتقدمت له ..
هيفاء بابتسامه / هلا .. " مدت يدها بتاخذ شماغه " ..
رعد سحب شماغه وعلقها على العلاقة القريبه من المدخل .. تقدم خطوين ونزل جواله والمفاتيح والمحفظة ..
دخل غرفة تغير الملابس وسحب ثوبه ورماه على سلة الملابس .. ودخل الحمام ..
هيفاء واقفه عند المدخل .. له يومين يتصرف معاها بغرابه .. وكانها مو موجودة .. " معقول قرب وقت الطلاق "..
رجف قلبها .. التفتت على الغرفة وشافته يدخل للحمام .. توجهت للمطبخ و جهزت وجبة خفيفه .. فطاير جبن ..
وكاس عصير مانجو .. صارت تعرف كل التفاصيل اللي يحبها .. اخذت الصينية وطلعت لصالة قبال التلفزيون ..
طلع رعد من الحمام وهو ينشف شعره .. شاف البجامة جاهزة له .. لبسها وتوجه لغرفة النوم .. وقف قبال التسريحة ..
مشط شعره وتعطر .. توجه للإضاءة طفاها .. وراح لسرير رفع الفرشة ودخل تحتها ونام ..
هيفاء بالصاله قبال التلفزيون .. استغربت من إضاءة غرفة النوم ظلمت .. هيفاء بصدمه وداخله .. " معقول .. نام " ..
بعد دقائق .. وقفت وتوجهت له .. فتحت الاضاءة وتوجهت لسرير رفعت الفرشة بحدة .. / رعد ..
رعد ماكان نايم .. اصلا ماقدر ينام .. اول مرة ينام على السرير .. شم ريحة عطرة وحس بالنار شاعله بكل جسمه ..
هيفاء حكت يدا على كتف رعد وهزته .. وبحزم / قوم وتكلم معاي .. ليش تتصرف كذ..... هئئئئئئئئئئئئئئ ..
رعد سحبها ونيمها على السرير .. وصارت تحتها .. هيفاء تطالعه بصدمة ..
رعد بغضب / ليه .. ليه تقولين لهم اني ما لمستك .. ما توقعتك منحطة لهالدرجة .. بائعة هواء ..
حس بشي حار على وجهه .. هيفاء دفعته بيدينه ووقفت مبتعده عن السرير .. وبحدة وصدرة يطلع وينزل ..
....../ انا ما قلت لحد .. وانا مو بايعة هواء .. ولو ابي اقول لحد عن اللي بيننا كان قالته من اول شهر ..
مو بعد ما قرب زواجنا على سنه .. " رفعت اصباعها بوجهه " .. وانا قلت لك امك وابوك وامي كلهم يلمحون لشي ..
رعد وقف وقرب منها / انهم ابطيتي وما حملتي .. لكن مو انك بنت .. وانا ما لمستك ..
هيفاء بعصبية / وانت شايفني قليلة ادب اتكلم واقول ما لمسني .. وزوجي مو قادر عـ....
رعد جن جنونه .. ومن بين اسنانه وهيفاء مرمية على الارض وحاطه يدها على وجهها / قادر وغصب عنك ..
هيفاء والغصة بحلقها .. لملمت نفسها ووقفت ../ زوجي مو قادر على نسيان حبيبته ..
" صدت عنه وتوجهت للغرفة الثانية دخلت وقفلت الباب على نفسها " ..
رعد جلس على السرير وحط يدينه على راسه .. وهو يتذكر ابوة قبل يومين ..
ابو سطام بهمس / متى ناوي تدخل على مرتك ..
رعد بستغراب / اي مره ..
ابو سطام / هيفاء .. انت تحسبني ما ادري انك مالمستها .. انا عندي العلم ..
رعد ابتسم وبارتباك / يبه ايشلون مـ....
ابو سطام بحزم / اسمع يا ولد .. لك اسبوع .. ان ما جاني العلم انك دخلت عليها ..
وصارت مثل الرياجيل .. ليجيك علم شين .. والحين قم ورح لمرتك وفرح خاطرها ..

ــــــــــــــــ

بيت ابو طلال ..

شقة طلال ..

طلال يلعب مريم .. / بابا .. بابا .. يالله حبيبتي قولي بابا .. مريومه حبيبت بابا ..
مرام بهدوء جلست جنبهم .. طلال صد وصار يطالع التلفزيون ..
مريم بكيت .. مرام اخذتها وراحت لغرفتها .. غيرت لها ورضعتها ونيمتها ..
طلعت وشافت طلال يطالع فلم على mbc2 ومندمج معاهم ..
مرام عارفة انه زعلان .. توجت له وجلست جنبة .. قبلت كتفه وبهمس / اسفه ..
طلال بجمود يطالع التلفزيون / ...................
مرام والعبرة خانقتها .. / والله كنت ابي اقول لك من اول شهر بس ...
طلال بجمود / بس ايش .. تنتظرين تولدين وبعدين تقولين ..
مرام حطت يدها على فمها تكتم شهقتها .. طلال التفت عليها ورفع حاجب / تصبحين على خير ..
وقف وتوجه لغرفة النوم قفل الباب وتركها وراه .. مرام رمت نفسها على الكنبة وصارت تبكي ..

ـــــــــ

بيت ابو طلال ..

جناح الجازي ..

الجازي تحط الكريم مرطب على يدينها ../ ما شاء الله على مريم .. قالت لي انهم عيال بتال مو عيال نايف ..
عبدالعزيز ابتسم / ايه قالت لي .. " وبعد صمت لثواني .. بنبرة " .. الجازي ..
الجازي التفتت عليه باستغراب .. وقفت وتوجهت له وجلست بطرف السرير من جنبة / عيونها ..
عبدالعزيز مسك يدها وباهتمام / على انك انتي ومريم ضراير الا انك اقرب وحدة لها ..
الجازي / مريم قبل ما اكون ضرة لها انا بنت عمها ..
عبدالعزيز يهز راسه ويعدل جلسته وباهتمام / الجازي حلفت بالله .. تقولن لي مريم مرة شكت لك من شي ..
الجازي صدت .. مهما كان هي انثى وتغار .. / ايش قصدك ..
عبدالعزيز تنهد بضيق / مريم واضح انها تعبانه بس ماتبي تقول .. انتي تعرفين حالتها ..
من بعد ولادتها بطلال .. وتعبها اخر مرة .. خايف عليها ..
الجازي باهتمام / من ايش .. مريم ولا مره اشتكت من شي .. واذا تعبت يكون التعب الشهري المعتاد ..
عبدالعزيز باهتمام / ايشلون ..
الجازي بخجل / يعني .. الشهري يعني .. العادة ..
عبدالعزيز تنهد بضيق وبهمس / الجازي .. مريم اخر مرة جاتها الاتهابات حادة ..
لو ما لحقنا وعالجناها .. كان سببت لها سرطان بالقناة لبولية .. وانا خايف لا تسكت على نفسها وتتعب ..
الجازي بخوف / بسم الله عليها .. لا ان شاء الله ما فيها شي ..
عبدالعزيز / اسمع ..انتي قولي له انك شاكة بنفسك وتبين المستشفى وتبينها معاك ..
ولا راحت المستشفى اجبريها تسوي تحاليل .. تمام ..
الجازي تهز راسه / طيب ..
عبدالعزيز تنهد بضيق وشد الجازي على صدرة .. وبهمس / خلينا ننام .. وبكرة تسوين اللي قلته

يوم جديد ..

بالمزرعة ..

في المجلس الخارجي ..

فتح عينه وشاف الضوء قوي .. معناته بانه مو صباح .. يمكن الظهر ..
رفع نفسه من الفرشة وهو يحس بجسمه مكسر .. التفت على يمينه اول ما سمع الصوت الساخر ..
.........بسخريه / يالله تمسية بالخير ..
بتال بصوت مبحوح واستغراب / انت متى جيت ..
........ وهو يصب له فنجان قهوة / قبل الفجر بساعة .. اتصل عليه ابو محمد .. وقال انك تعبان ..
بتال يحاول يتذكر .. التفت عليه وبحزم / سند تراني ماني فايق لك .. راسي مصدع ..
سند ابتسموبنبرة مقصودة / مو منك من من اللي تهذي باسمها طول الليل ..
بتال التفت عليه وبغضب / سند ..
سند ابتسم / تعوذ من اشيطان وقم صل .. وتعال افطر وتغدا ..
بتال سحب جواله وطالع في الساعة .. وبضيق / اووف الساعة 2 .. ليه ما صحيتني لصلاة ..
سند التفت عليه وهو مغطي نص وجه بالنظارة الشمسية .. وبغموض / مانت صاحي ..
بتال بضيق وقف وتوجة للفلة ودخل الحمام بعد ما تحمم ولبس و قضى صلواته الفايته .. رجع للمجلس ..
بتال بحزم وصوته مبحوح / قلي الموضوع من اوله .. تراني ما فهمت ايش تقول قبل شوي ..
سند ابتسم وهو يطالع قباله .. باب المجلس زجاجي كبير وفاتحة لـ الاخر ..
ويدخل معاه نسمات بارده محملة معاها رائحة العشب .. وبنبرة مقصودة / مانت صاحي ..
بتال عصب / انتم ايش فيكم مانت صاحي .. مانت صاحي ..
سند ضحك ضحكة خافته وقصيرة / طيب البارحة تتذكر ايش قلت لابو محمد ..
بتال يتذكر / ايه امممم اا " وفجاه تذكر وكانه حلم .. انخطف الون من وجه والتفت على سند " .. ايش قال لك ..
سند / هههههههههههههههههههههههههههههههههههههههههه
بتال صد عنه وهو معصب ويحس بصداع .. سند يحاول يتمالك نفسه .. / ههههه .. تعال تعال ..
" شال السفرة عن صينية الاكل .. والا حافظة فيه مرق لحم .. وصينية لحم وخضار .. وصحن رز " ..
سند بابتسامه / تعال كل .. علشان تاخذ علاجك ..
بتال / كح كح .. اي علاج .. " وهو يقرب من السفرة " ..
سند يعطية حافظة سلطة .. / اول كل سلطة .. لا تاكل دسم على معدة فاضية .. يوجعك ..
بتال ياكل من السلطة الخفيفة .. وبعد صمت ..
بتال بنبرة مقصودة / سند .. ايش قلت البارح ..
سند ابتسم وهو يطالع الباب / ولا شي .. بس صرت شاعر .. ههههههههه ..
بتال رفع حاجب وطالع سند / سننننننننند ..
سند نزل نظرة لصينية الاكل .. وبهدوء / الكل كان يخاف اطلع نسخة لجدي سند ...
صحيح كاني نسخة عنه بالشكل والصوت .. بس بالعشق لا .. اشبه جدي سعود ..
بتال رفع حاجب وبقهر / الحين ايش دخل جدك سند وسعود بالموضوع ..
سند ابتسم ورفع نظرة له .. / جدي سند من كثر ما كان يعشق الظبي .. ذبحها ..
مو يقولك ومن الحب ما قتل .. وهذا هو سند والظبي .. "صد وطالع جهت الباب .. وبنبرة مقصودة " ..
وليته عليها وعليه واكتفاء .. لا .. ظلم كثير .. واكثرهم جدتي شيخة وعياله .. كان كل ما عرف ان جدتي شيخة حامل ..
يزد جنونه .. يا ترا الظبي الحين حامل من زوجها .. لمسها وانا ما لمستها .. قدر يضمها وانا ما قدرت ..
قدر يتغزل فيها وانا لا .. ويزيد غضبه وقهره .. ويروح لجدتي شيخة ويضربها يضربها الى ان يرتاح ..
ولا شافها بدمها .. هج من البيت وراح للخلا .. يختلي بنفسه .. يعذب نفسه ويلومها .. " سكت شوي " ..
تعرف ايش كان يسوي .. كان يمسك الجمر ويكوي نفسه بجسمه .. اذكر لمن مرض وطاح ..
مكان يسمح لاحد يلمسه غيري وغير جدي سعود .. لانه ما كان يبي احد يعرف باللي فيه ..
" التفت على بتال وهو يشوف الصدمة على وجه " .. تدري من الظبي .. جدت العنود .. البارحة كنت مع جدي ..
وقال ياسند رجعت الظبي .. وياخوفي ترجع ياسند .. تدري من يقصد .. يقصدك انت ..
بتال رفع حاجب وبسخرية / الله اكبر .. انا الحين تشبهني بجدي سند .. انا عاشق .. عاشق من ..
سند بغموض / ..............
بتال بارتباك ترك حافظة السلطة واخذ من المرق .. والحم .. وصار ياكل ..
سند بغموض / ما اوجعت نفسك علشانك اوجعتها ..
بتال بقهر / ما اوجعتها .. ولا اوجعت نفسي ..
سند بغموض / و الي بساقك ..
بتال بصدمة رفع راسه وطالع سند .. وباستغراب / وانت ايش عرفك باللي بساقي .. فتشتني ..
سند يرفع يدة عن الاكل / البارح حممتك علشان تخف الحرارة .. وشفت العلامة ..
ويوم سالت ابو محمد قال انك انت حرقت نفسك ..
بتال يتذكر اللي صار ..

ابو محمد / تعشقها ..
بتال رفع راسه وطالعه بصدمه / ...........
وبعدها سحب العصى اللي بيده وحطها على ساقه وهو يطالع النار .. ما انتبه الا بصرخة ابو محمد ..
ابو محمد بخوف / انتبه .. تسلم .. تسلم .. " اخذ العصى منه .. رفع البنطلون وقطع الطرف اللي حولين الحرق "..
ابو محمد وقف / انا رايح اشوف الحرمة عندها مرهم للحرق والا نروح للمستشفى ..
بتال والحمى بدات تطلع لجسمه / والحرق اللي بصدري من يشفيه .. النار اللي هنا من يطفيها " وهو يضرب بصدرة "..
ليتها ما رجعت .. ليتني ما شفت زولها .. اوجعتني .. اوجعتني .. " رمى جسمه على الفرشة " ..
وبدا يهذي وينادي ويقول كلام مو مفهوم .. ابو محمد حاول يوديه المستشفى لكن ماقدر .. اتصل على سند وبلغه بحاله ..

بتال بغموض / ...............
سند بهدوء / ليه حاب توجع قلبك ..
بتال صد / ............
سند / البنت لو بها من اللي قلته كان وضح .. البنت شالت ابوها وامها واختها وعمرها ..
و حانا يا اهلها هادين الارض .. ولا شكت .. والله من اول مره شفته بالمستشفى ..
وانا اتحسف انك ضيعتها .. اللي مثلها ما يتركها الا المخبول .. عسى الله يرزقها بواحد يـ ...
بتال بعصبية / خلصت تغزلك فيها ..
سند يقهرة / وانت ايش يخصك .. اتغزل فيها ما اتغزل كيفي .. " وبنبرة مقصودة " .. انا افكر اخطبها واتزوجها ..
اذا سند الاول ما قدر يضم الظبي .. وفحفيدة يضمها .. " ما حس الا بتال ينط عليه ويضربه " ..
سند وبنية جسمة .. لف يدين بتال ورماه على الارض ومسكة بقوة .. صار بتال نايم على الارض وسند فوقه ..
ولف يدين بتال عكس بعض .. وبتال يصارخ من الالم .. سند يصرخ عليه / تحبها .. تحببههاااا ..
بتال بضعف / ايه احبها .. احبها .. بس قوم كسرت ضلوعي ..
سند يبعد عنه .. وبحزم / ويوم انك تحبها ليش طلقتها ..
بتال يجلس ويهمس يدينه .. / قلت لك .. كنت معمي من الغضب .. وو ..
سند بسخرية / ومفكر لو انك قلت تحبها ينكسر غرورك ..
بتال صد / ...............
سند يسحب المركى ويتكي عليها / اجل ذوق من عذاب فراقها .. وجدي سعود يقول اذا الظبي عنيدة مرة ..
فالعنود عنيدة مية .. قبل مشيهم لمكة .. قال لها استخيري ربك فارجعه لبتال .. تدري ايش قالت ..
بتال باهتمام التفت على سند / ............
سند / قالت له سميت ولدك بتال .. وهو بتل كل حبال الرجاء اللي بيني وبينه .. وانا ان تركته كذا تركته علشان عيالي ..
وحطوا في بالكم يا عيال الفارس ومقفاي مو مثل مقفى الظبي ..
بتال رفع حاجب .. وبنبرة غاضبة / تهدد ..
سند بغموض / .........
بتال بغضب / ايش تقصد بكلامها ..
سند / الظبي يوم راحت .. راحت لحاله .. بس العنود تقصد انها لا راحت راح تاخذ كل شي معاها .. فهمت ..
بتال عقد حواجبه / .................
سند بهدوء / شف كيس الادوية وراك خذ من كل نوع حبة ..

ـــــــــــ

بيت ابو طلال ..

الجازي متوترة ومرتبكه .. مريم منتبه لها من الصباح .. قربت منها وبهمس / الجازي .. انتي طيبه ؟ ..
الجازي تشتت نظرها بالصالة .. اماني تسولف مع نوال عن المدرسة .. وريان وسيف مع ابوهم ..
وطلال بشقته مع مرام وبنتهم .. الجازي بهمس / انا .. انا تعبانه .. شاك .. يعني .. ابي المستشفى ..
مريم بخوف واهتمام / عسى خير ..
الجازي خجلانه انها تكذب على مريم .. الي تعتبرها اختها اكثر من انها ضرتها ..
الجازي وهي تفرك باصابعها / خير .. خير .. بس ابيك تروحين معي للمستشفى .. تعرفيني ما احب اروح لحالي ..
مريم ابتسمت / خير ان شاء الله .. العصر نروح المستشفى ..
عبد العزيز اللي من شاف مريم والجازي يتهامسون و وجه الجازي احمر .. عرف انه تتكلم بالسالفه ..
قرب منهم بدون ما يحسون .. وهمس / عسى ماشر .. ليه تبون تروحون المستشفى ..
مريم ابتسمت بهمس / خير ان شاء الله .. بس الجازي بتسوي فحص .. وتبيني اروح معاها ..
عبدالعزيز ابتسم مو علشان الكذبه .. لان مريم ابتسمت .. وبهمس / اهاا طمنوني ..
مريم ابتسمت وهي تقام الحزن اللي بصدرها / ان شاء الله ..
عبدالعزيز ما خفت عليه نبرة الحزن .. وقف وتوجه للمكتب بسكات ...

ـــــــــــــ

بيت ابو سطام ..

شقة رعد ..

دخل شقته وشافه مظلمه .. ودافيه .. واضح ان التكيف مقفل من وقت طويل ..
دخل الصالة وشافها مقفلة اضاءتها بس اناره خفيفة .. سحب شماغه ورتبه ورماه على الكنبة ..
رعد / هيفاء .. هيفاء ..
دخل غرفة النوم وفتح الاضاءة .. وفتح التكيف .. وباستغراب / وين راحت ذي ..
توجه لتسريحة . فتح الكبكات .. وحطهم .. رفع يده بينزل الساعة طاحت عينه على ورقة طايحة على التسريحة ..
رفع الورقة .. وشافها من هيفاء ..

رعد ..
جافه الكلمة ..
احترت ماذا اكتب حبيبي ام عزيزي ..
عزيزي كشركات اتعامل مع احد عملائي ..
ام حبيبي .. لـ من ملك قلبي .. وتوج عليه حاكم من سنين ..
دون انتخابات او استئذان .. بال استحليته .. واقمت عليه نظامك ..
تجبرت وتفننت باصدار قوانينك .. حاولت لفت نظرك باني لا اريد هذا الحكم ..
اطالب بالتغيير السلمي .. ولكنك زدت تجبرا وطغيان ..
فشراييني دمرت .. وكريات الدم هاجرت ..
واصبح جسدي خاوي من الروح ..
ولكن ها انا اخيرا .. ارفع رايه العصيان ..
" اما حياة .. واما ممات " ..

هيفاء ..

جمع الورقة بقبضة يده بقهر .. جلس على كرسي التسريحة .. حط يده على راسه وشد شعره لوراء ..
رعد تنهد بضيق / اما زواج .. والا طلق .. كذا يا هيفاء ..
رمى الورقة بقهر بسلة الزبالة .. وقف وتوجه للحمام " اكرمكم الله " .. تحمم وطلع وهو ينشف شعرة ..
التفت يدور بيجامة له .. تافف بضيق وتوجه لدولاب .. فتح كم واحد يدور بيجامة او اي شي يلبسه ..
تضايق وهو يدور لبس وما لقي .. رعد بضيق / اوووووف وين هالملابس .. واخيرا ..
واخيرا لقي ملابسه لبس وخلاص .. توجه لجواله اللي كان يرن برنات رسائل الواتس ..
فتحها وشاف عيال الفارس يتراسلون راكان يرسل لهم من مكه .. و سند يرسل من المزرعة ..
يرسل صور الخيل والنخل .. ابتسم وهو يشوف صورة ابو محمد وهو يشوف الزرع ..
ابتسم اكثر وهو يشوف طلال يرسل صورة مريم هي على صدرة نايمة .. طلال كل كلامه ورسايلة بالواتس ..
او بالجلسه عن مريم .. وسند عن شوقة ولهفته لجيت المولود .. ابتسم بشوق وهو يشوف صورة الظبي وسلطان ..
رعد بهمس / ما شاء الله تبارك الله .. وحشتوني ..
ضحك وهو يشوف سعود يرسل صورة شيخة .. حس بشعور غريب .. بس بسرعه صد هالشعور ..
و ارسل لسند على الخاص بانهم مطولين بالمزرعة والا راجعين .. وسند بلغه بان بتال تعبان وراح يطولون ..
بس محد يدري بانه تعبان .. ولا يبلغ احد .. رعد توجه لغرفة الملابس .. وغير ملابسة ..
ومثل قبل تعب وهو يدور ملابس له .. لمن خرج كان وقت صلاة العصر .. صلى بالمسجد وتوجه للمزرعة بسرعة ..

ــــــــــــــ

بمكة ..

على طريق جدة ..

راكان من شاف صورة شيخة وهو قلبه يدق لها .. اشتاق لها ..
ساره خلف راكان .. تطالعه باستغراب / راكان ايش فيك سكتت ..
راكان بغموض / ولا شي ..
زياد طالع اخوه ورجع يطالع الطريق / ......
العنود ترضع الظبي .. ساره التفتت عليها / الظبي هاديه غير عن سلطان ..
العنود / اذكري الله ..
ساره / ما شاء الله .. لا تخافين عيني باردة ..
العنود بدون لا تنتبه وهي مشغوله ببنتها / العين حق .. وبعدين البنت دائما غير الولد .. بكل شي حتى بالولادة ..
ساره بخجل حمر وجهها صدت وطالعه الطريق من جهتها / ...........
راكان فجاه / هههههههههههههههههههههههههههههههه
زياد حط يده على فمه يكتم ضحكة وخجله / ............
العنود رفعت راسها باستغراب / ايش فيك ..
راكان / ههههههههههههههههههههههههه هههههههههههههههه..
العنود ابتسمت / بسم الله الرحمن الرحيم ..
راكان / هههههههه ايش قلتي هههههه ايش قلتي قبل شوي ..
العنود بصدق / اممم ما اذكر زين .. " وهي تحاول تتذكر " .. العين حق واا " تذكرت ايش قالت والتفتت على ساره " ..
العنود بخجل / ههههههههه .. وانت ما صدقت ..
راكان / ههههههههههههههههههههههههههههههههه " وهو يطالع ساره بالمراية اللي قباله " ..

ــــــــــــــــ

بيت ابو طلال ..

مريم والجازي لبسين العباية ونازلين من الدرج ..
سيف كان بالسيارة ينتظرهم ..
ركبت مريم قدام والجازي وراء .. توه سيف بيحرك الا ابوة يطق زجاج السيارة ..
سيف يفتح الزجاج / هلا يبه ..
ابو طلال بحدة / تاخذ حرييمي وتقول هلا . انزل انزل ..
سيف ابتسم وهو يفتح باب السيارة / هههه تفضل حضرة السلطان سليمان ..
ابو طلال / الا انا احسن منه " ركب وحرك سيارته " ..
مريم بهدوء / لو قلت لنا انك انت اللي ودك تودينا كان نزلت انا ورحت انت والجازي ..
عبدالعزيز " مو علشان كذا انا ماقلت " .. / انا بعد ابي المستشفى .. عندي شغله وابي اقضيها ..
مريم باهتمام / خير ان شاء الله ..
ابو طلال وهو يلتفت يساره ويلف يمين .. / خير ..

بعد ما وصلوا للمستشفى ..

ابو طلال عند المختبر / تحليل لنا كلنا ..
مريم التفت عليه .. / بس انا ما فيني شي .. الحمد لله ..
ابو طلال / ولا انا .. الحمد لله .. بس الحرص واجب ..
ابو طلال مكلم الدكتورة الخاصة بمريم من قبل .. ومبلغها بالفحوصات ..
الممرضة اخذت الجازي ومريم ودخلتهم قسم مختبر النساء ..
وابو طلال دخل مع الممرض قسم تحاليل الرجال ..

*** فجر *** · 24-12-2018, 10:28 AM

رد: رواية بردان ياحضن الدفا عطشان واظماني الجفا كامله ...

بالمزرعة .. بعد ما وصل رعد ..
رعد يتكلم ومع سند ..
وبتال ماسك جوال سند وييطالع صورة سلطان والظبي .. جوال سند ممتلي منهم ..
بتال مو قادر يتمالك دقات قلبه .. يطالع الظبي ويشوفها شبه امها بس الفرق انها ملامحها بريئة .. اما العنود حادة ..
طالع بالعيون والانف والمبسم .. حس بنار بصدرة .. / كح كح كككككحححححححح ..
سند التفت عليه .. تقدم منه .. وحط يديه على جبهة بتال شاف الحراره رجعت وواضح انها اقوى ..
التفت لرعد / حرارته مرتفعه مره ..
رعد وهو يتقدم لهم / لزم ناخذه للمستشفى ..
بتال وصوته يرجف / لالا .. ما ابي مستشفى .. " ضم الـ اي فون لصدره " .. ليه رجعت .. لو بقيت بعيد ..
الحين ايش اللي بيحميه مني .. اذبحه .. متعب بالخبر .. تشوفه .. كح كح .. اكيد راح تحبه .. تحب عبدالله ..
راح اذبحهم .. لا تفكر انها تتزوجه .. كحححححح كححححححححححح ..
رعد باستغراب / هذا ايش يقول ..
سند وهو يقرب منه ويلف يده من تحت يد بتال ويثبتها من وراء كتف بتال / هذا يهذي ..
تعال ساعدني ناخذة للمستوصف القريب .. يعطونه ابرة تخفض هالحرارة ..
رعد يتقدم ويساعد سند ويحمله ../ لالا .. خلنا ناخذه على المستشفى .. هذا ما يبي له مستوصف ..
ابو محمد اللي شافهم من بعيد وجاهم وهو يجري / لا اله الا الله .. تعب زيادة ..
سند / ايه .. افتح الباب ياعم .. " يقصد باب السيارة " ..
ابو محمد يفتح الباب ويبتعد عنه .. نيمه سند على المقعد الخلفي .. وبتال يون ويهذي ..
سند ركب السيارة وطلع من المزرعة .. ورعد ركب سيارته ولحقة ..

ــــــــــــــــ

جدة ..

بيت منار ..

راكان جلس قبال منار على الكرسي .. والعنود جالسه بجنب منار على السرير ..
وساره تدور بالبيت .. زياد جالس على كرسي جنب راكان ..

العنود حاضنه منار من الجنب وبحنان / خلاص .. خلاص منور ..
راكان بهدوء / منار .. اذا بتقعدين تبكين ربع ساعة ثانية بنمشي .. تراك طفشتينا ..
منار تبعد عن حضن العنود وهي تمسح دموعه .. وبنبرة حجازية / لا لا خلاص .. بس وحشتوني مرررره ..
راكان رفع حاجب ويطالعها بضحكة / .............
ساره وهي تطالع بيت منار / منور ما شاء الله بيتك روعه ..
منار / ايوه هدا زوقوه لفتو اختو لعومر .. " ايوه هذا ذوق فتو اخت عمر " ..
راكان / هههههههههههههههههههههههههههههههههههههههههههههههههه هههه
زياد يطالع منار باستغراب مع ضحكة / .................
منار باستغراب / واي ايشبك ياراكان ..
العنود غطت وجهه بيدينها وتضحك بقوة ..
زياد / هههههههههه منار ايش فيه لسانك انقلب ..
راكان وهو يضحك ياشر بيده / هههههههه لالا ههههههههههه منار ههههه ااااااه يابطني .. فضيعه .. ههههههههه ..
ساره باعجاب / لا والله منور كلامك مره حلوة .. قولي كمان قولي ..
منار ابتسمت وبعبط / ايش اقول .. واخوانك ايشبهم استخفوا ..
راكان والعنود / ههههههههههههههههههههههههه ..
العنود / ههههههه بدات شوي شوي ترجع هههههه ..
راكان يوقف وياخذ نفس / ااااااااه منار والله ان ما عدلتي لسانك على كلامنا لاصكك بكف ..
منار رجعت لطبيعتها / ياربي منك ياركين ابد مايمشي معك الدلع .. ما ادري سمر كيف متحملتك الله يعينها ..
العنود ابتسمت وبنبرة مقصودة / وهو قدر ..
منار التفتت عليها / ايش تقصدين ..
العنود غمزت بعينها .. راكان انتبه لهم .. رفع حاجب وبنبرة تهديد / اقول انتي وياها بلا نغزات مالها داعي ..
منار تغمز لها / اهااااا .. " و كانها تذكرت شي مهم " .. ايه صح خالتي شريفة وعبدالله ماتوا ..
العنود عقدت حواجبها / عبدالله .. " هزت اكتافها " .. ما ادري الحين عرفت ..
منار بهدوء / انا اكلم خالتي خديجة وخالتي خلود كل يومين او ثلاث .. وهي اليوم قالت لي ان عبدالله وشريفة ماتوا ..
بلغهم ابو عبدالله .. قال انهم ماتوا بحادث سيارة .. واخذ مها وحنان عنده .. الا ما دريتي ..
العنود فتحت عيونها للاخير .. وراكان بسخريه / لا اله الا الله .. شغاله بأخبار يقولون حضرتك ..
منار صد عنه .. وتكمل بفرحة / خالتي خديجة حامل .. وخلود بعد .. الفرق بينهم شهر ..
العنود بفرحة / حلفي ..
منار بفرحة / والله .. " تغير وجهها وبضيق " .. بس خديجة .. زوجها طلع متزوج عليها وحدة سورية من سنين ..
ومخلف عيال وبنات .. خالتي خديجة زعلت وتضايقت .. وبعدين رضيت .. لان زوجها يحبها موت ..
العنود بضيق / ......................
راكان بضيق / والله ما يلام الرجال .. متزوج من سنين وزوجته ما حملت ولا هو عارف السبب ..
فيبي يلحق على عمرة ويخلف خاصة انه هو مو صغير كبير .. وخالتي بعد كبيرة ..
منار بزعل / لا والله .. طيب يقول لها انه متزوج مو بسكاتي .. " وبحماس " .. ايه هو مو بس خباه عن خالتي ..
لا حتى اهله .. وامه زعلت وجدته صارت تدعي عليه .. وقاطعوه فتره .. وخالتي هي اللي صالحتهم مع بعض ..
زياد بهدوء / خالتي خديجة طيبه ..
راكان هز راسه / صح .. " وباستغراب " .. بس كان فيها شي غريب .. غباء او فهاوة ..
خاصه بعد وفاة جدتي .. مره رايحة مع شريفة وهي اللي كانت قبل تعارضها بكل شي ..
العنود بداخله " لانها كانت مسحورة .. ولقيت سحرها في بيت خالة شريزه حتى خلود ما خلتها في حالها ..
الحمد لله اللي الله شافاهم .. " ابتسمت " .. والله يسعدهم باقي حياتهم " ..
راكان يهزها من كتفها / هييييييييي وين رحتي ..
العنود انتبهت بهدوء / هممم سرحت شوي .. خير ..
راكان / يالله مشينا ..
منار برجاء / العنود الله يخليك اقعدوا شوي .. على الاقل لين يصحون عيالك ابي اشوفهم زين ..
العنود بمحبة / خلاص حبيبتي اللي قعدناه يكفي .. وبعد ما نبي نكلف على زوجك ..
سارة بحماس / راكان ابيك توديني منتجع الشلال ..
منار فتحت عيونها للاخير ../ بتروحون تتمشون ..
راكان وهو يحط يده بجيب بنطلونه الاسود .. واليد الثانية يقلب بها الجوال / ايه .. " غمز لها " .. يالله ..
منار تحرك نفسها ../ يالله ..
العنود تهديها / بنت شوي شوي .. و وين يالله .. وظهرك ..
منار بعناد / ابي اروح معاكم .. اختنقت من البيت .. والحركة عندي العربية اتحرك عليها ..
راكان حن عليها / طيب طيب شوي شوي .. خلاص نروح لشلال .. " التفت لساره " ..
انتي تلعبين وزياد معاك وانا اقعد مع منار والعنود والعيال .. بس ما نبي نطول فيها ..
ساره تهز راسها / طيب طيب .. بس خلينا ندخل .. ويصير خير ..
راكان فهم عليها وبصرامه / اهاااا يصير خير .. اجل مافي شلال .. نروح لـ الكورنيش لفه ..
" وهو ياشر بيدة على حركة دوران " ... وبعدين نروح لمطعم ونرجع منار ونرجع لمكه ..
ساره بصدمه / لالالالالالا ..
راكان بحزم / خلاص هذا اخر الكلام .. وبعدين انتي تلعبين واحنا ايش نسوي ..
ساره بدمع / راكااااااان ..
راكان بحدة / بنت ..
العنود لبست منار العبايه وهي تجلس منار على الكرسي .. التفتت لراكان / خلاص ..
.. " التفتت لساره " .. ساره .." واعطتها نظره يعني علشان منار " ..
منار تنهدت بتعب / اااه .. كذا تمام .. خلاص انا البس الطرحة .. " الشيلة " ..
العنود ماسكه الملثم .. بعد مالبست منار طرحتها ولبست الملثم .. / خلاص انا جاهزة ..
العنود تطالع بعباية منار السوداء والواسعة والشيلة العريضة ومافيه ولا لمعه والملثم الساتر .. ابتسمت بفرح ..
زياد / وزوجك ما تبلغينه ..
راكان ابتسم / انا ارسلت عليه اني راح اخطف اختي .. وهو قال خذها ولا ترجعها ابي اتزوج وحدة سليمه ..
منار قرصة عيونها / هو قال كذا .. طيب والله لينام الليلة بالفندق ..
راكان / ههههههههههههههههههه .. " وهو يعطيها الجوال " .. والله مانتي بهينه ..
الرجال مرعوب .. قاعد يترجاني ما قولك كلام يزعلك عليه ..
منار ابتسمت / فديتووو حبيبي ..
راكان / يالله يالله بلا دلع وغزل كذاب تاخرنا الحين تزدحم الشوارع ..

ـــــــــــــــ

بالمستشفى ..

سند يتكلم مع الدكتور / لا حول ولا قوة الا بالله .. والله فكرنا انها حرارة عادية ..
الدكتور / لا .. يبدوا ان الحرارة كانت داخليه من قبل .. لذالك الالتهاب حاد بصدرة .. ومتكوم البلغم بصدر ..
رعد / كم يوم راح يقعد بالمستشفى ..
الدكتور / الان معلقين فيه مضاد مع المغذي وان شاء الله يستجيب للعلاج وماراح يطول يومين او ثلاث ..
سند يمسح وجهه / خير ان شاء الله .. شكرا دكتور ..
الدكتور / العفو ..
راح الدكتور يكمل شغله .. سند رفع جواله .. / انا راح ابلغ خالي سلطان ..
رعد / لا تفجعه .. ترا سلطان يخرف على بتال ..
سند ابتسم / على عياله كلهم بس بتال اكثر .. " رفع الـ اي فون لذنه " .. الو .. السلام عليكم ..
كيف حالك ياخال .. بخير .. " فتح عيونه للاخير وبدهشه .. ابتسم " .. لا والله انه بخير ..
بس بتال ارتفعت حرارته شوي .. لالا ابد بخير .. بس الظاهر تروش وطلع للهواء وانت عارف الجو بدا يبرد ..
والمزرعة بزيادة .. هو الحين بالمستشفى *** .. يعطونه مضاد ويسون له شويت تحاليل .. على خير ..
" انهاء المكالمة والتفت على رعد .. وبستغراب " .. تصدق انه كان حاس .. على طول قالي بتال فيه شي ..
رعد / ههههههه ما قلت لك مخرف على بتال ..
سند يدخل جواله بجيبه ويتوجه لباب الغرفة / الله يخليه له ..
دخل الغرفة وشاف بتال نايم .. شاف المغذي وشاف بجنبة كيس المضاد .. / الله يشافيه ويخليه لعياله ..

ـــــــــــــ

يوم جديد ..

بيت ابو سند ..

في مجلس الرجال ..

فهد / معاها حق .. الحرمة لها سنه وهي في بيت اهلها وانت ما سالت عنها ولا عن بناتك تبيها ترجع لك بسهوله ..
راشد / اذا هي ما تبي ترجع فـ بكيفها .. اما بناتي يرجعون للبيت .. البيت صار فيه شباب .. وانا خايف على بناتي ..
فهد بسخرية / لا والله .. " وبجدية " .. توك تنتبه لهم .. وطول ماهم في بيت ابوسطام ماعليهم خوف ..
" فهد وقف " .. وانت يوم تسافر وتروح وتجي ما سالت عنهم و مأمن عليهم .. والحين تقول فيه وما فيه ..
" توجه لببابب المجلس ياخذ صينية الشاي من الشغالة " ..
خالد بهمس / اذا بتخاف على بناتك خاف من نفسك انت .. ونزل عيونك عن الشغالة لا ينتبه لك فهد ..
راشد عيونه اكلت الشغالة اكل .. صد عن الباب ورفع حاجبه مو عاجبه كلام راشد ..
فهد يحط الصينية على الطاولة .. راشد وقف / خلك يا اخوي انا اصب ..
فهد / والله يا هالعيال ما ادري وين راحوا ..
خالد / راحوا يزورون بتال يقولون تعبان ومتنوم بالمستشفى ..
فهد وهو ياخذ الفنجان من يد خالد / عزك الله يا ابو خالد .. اجل خلنا نتقهوا ونسير عليه ..
راشد / انا مو رايح " وقف " .. عندي شغل ..
فهد بسخرية / الله يا هالشغل اللي مقطع وقتك تقطع ..
راشد بضيق / مع السلامه .. "وطلع من مجلس ابو سند " ..
فهد بضيق / اخوك حاس انه بيجيب لنا مصيبة الله يكفينا شر غيباته ..
خالد بهمس خافت / ولو تدري ايش كان يسوي ..
فهد ينزل الفنجان / هاا ايش قلت ..
خالد / سلمتك .. بس ادعي له بالهداية ..
فهد يتنهد / الله يهديه ويصلحه .. اخوك من يوم تقاعد وهو " يهز راسه " متغير .. الفراغ خراب .. نبي نشغله بالشركة ..
خالد بسخرية / هو مراهق علشان يخرب .. لا والله " ابتسم " .. الا قول يبي له طقه على الراس كود يعقل ..
فهد / ههههه .. انت ماسمعت مراهقة المتاخرين .. كود انها صايبة اخوك ..
خالد بسخرية / ياليت ..
فهد / هااا .. انت ايش بلاك اليوم تتكلم وما افهمك ايش تقول ..
خالد / ولا شي ولاشي .. " يوقف " .. هيا مشينا نزور بتال ..
فهد يوقف / انتظر هنيا .. خلني اجيب شماغي من داخل ..

ــــــــــــــــ

بيت ابو طلال ..

بالصالة ..

الكل موجود ..

ابو طلال بابتسامة / ليه شايفني شيبت ..
طلال يبتسم / لا يبه .. ههههه الله يعطيك العافية ..
نوال معصبة من جوالها سعود بس يتصل ويرسل رسايل تهديد .. رمت جوالها على الكنبة بقهر ..
سيف التفت عليها / ايش فيك ..
نوال بعصبية / هذا ولد عمك صدع براسي ..
الجازي اللي معصبة من نفسها .. كذبت على مريم على انها شاكة وطلع صدق حامل .. توه حملها 3 اسابيع ..
التفتت عليها .. وبحدة / ردي عليه وخلصي نفسك ..
مريم ابتسمت .. وبهدوء / نوال ليه ما تبين تردين عليه ؟
عبدالعزيز بتحذير ممزوج بحزم / اصحك .. ولو تضطرين لتغير رقمك .. خله يتادب ..
نوال بقهر / يبه هذي ثالث مرة اغير الرقم وهو ياخذه من سمر ..
ريان يلعب بالاي بود وهو معصب .. فجأة رماه بقوة على الارض ..
الكل التفت عليه مستغرب ... الجازي بعصبية / ريان وجع .. ايش سويت ..
ريان تفاجا من صراخ امه ليه .. وانفجر صياح ..
الكل يطالعها باستغراب .. وقفت مريم وتوجت له وبحنان حضنته ومسح على ظهرة / خلاص حبيبي تزعل ..
اماني بسخرية / الله يادلع .. كله ذت غيرة علشان البيبي الجديد ..
ابو طلال فهم سر غضبة وزعله وقف وتوجه له بعد مريم عنه وحملة بين يدينه ورجع لمكانه ..
ابوطلال بحنان / افا افا افا الشيخ يزعل .. رياني يزعل .. وبعدين حتى لو جاء البيبي معاه بيجي بيبي طلال ومريومه ..
يعني بيسون رجه وانا ما احب الرجة .. ريوني حبيبي عاقل وكبير هو الي احبه .. ويروح معايه لزيارة الرجال ..
ريان يشهق بحضن ابوة / لا .. لا انت ماراح تحبني وبعدين ترمين عند الشارع وراوح عند الشحاديييييييييييين ..
الكل فتح عيونه للاخير مستغربين من الكلام .. طلال رفع عينه وشاف اماني تتسحب وتطلع الجري بسرعة ..
ابو طلال يكتم ضحكته .. ويمثل الجدية / انا لو ابي ارمي احد بالشارع ارمي المرجوجة اماني ..
" سحب منديل ومسح دموع ريان .. وقبله على خدة .. وبهدوء " .. انت كبير ورجال .. والرجال ما يبكي ..
ويالله روح غير ملابسك علشان نروح نزور بتال في المستشفى والا ما تبي .. " ونزل ريان عن حضنه " ..
ريان ينقز بفرح / الا الا ابي اروح .. " وتوجه لغرفته يغير ملابسه " ..
الكل ابتسم على حركته .. ابو طلال / هالاماني يبيلها مصعت اذن ..
نوال بضيق / يبببببببه فكني من ولد اخوك .. " وهي تمد جوالها " ..
ابو طلال يفتح الخط / ..................
سعود ماصدق / ما بغيتي واخيرا .. يعني حارمتني من الشوفه وحارمتني من الاتصال .. انتي من اي عصر ..
ومن اي نوع .. خبري البنات يموتون بذا السوالف لكن انتي عوبه عووووووووووبه ..
ابوطلال ينعم صوته / وانت مهبول مهببببببببببول ..
سعود / ...................
الكل يحاول يكتم ضحكته .. ابو طلال بجدية / سعودوة ان اتصلت مرة ثانية على بنتي ليتأجل زواجكم سنتين ..
سعود بارتباك / ااا لالا اا .. بس ياعمي ماترد عليها ولا تبيني ازورها ..
ابو طلال / ادفع المهر وجيب البيت والسيارة والخدامة والسواق وبعدين كلمها ماحد بيمنعك ..
سعود بضجر / طيب لو مرة وحدة بالاسبوع ..
ابو طلال / ولا دقيقة .. ويالله مع السلامة .. والحين جايك في المستشفى راح اكسر راسك .. " وانهاء المكالمة " ..
الكل / ههههههههههههههههه
نوال بفرحة / احسسسسن .. " ومسكت جواله واعطت الموجز الاخباري لـ ابرار .. والنشرة بعد قليل في بيت جدها " ..

ــــــــــــــــــ

بالمستشفى ..

ابوسطام وهو يميل على بتال ويهمس له بسخرية / ما تهواها .. " وهو يقلدة بهذيانه " .. العنود العنود ..
سند اللي كان واقف قريب من جده وبتال / ههههههههههه
بتال صد بغيض / ................
ابو سطام / ههههه يا ولد قل قلبك يهواها ..
بتال ببحه / لا .. وبداخله " مدري كيف هويتها .. بلا موعد وبلا استئذان .. فجاة امتلكت كل خلية فيني " ..
ابو سطام بسخرية / الله يعوض عليك ..
بتال التفت عليه بستغراب وهو عاقد حواجبة / .............
ابو سطام وهو مازال على نفس وضعه / اقولك تبي ترجعها لك ..
بتال / لا " وهو يصد ويطالع السقف " ..
ابو سطام يرفع راسه لسقف .. وبسخرية / من تشوف فوق .. " رجع لبتال وبهمس " .. عنود الصيد ..
بتال بغيض / ...................
ابو سطام بهمس / اسمع يا ولد .. انت اللي ابعدت العنود عنك ... وانت اللي ترجعها .. انا ما ابي اغصبها واخسرها ..
هذي ريحة سطام .. وانت الي غرست يدك بالشوك .. والحين طلع شوكك بالحالك ..
" وقف .. وبصوت عالي " .. الله يشافيك ويعافيك .. ويحقق امناك ..
بتال تنهد بصوت مسموع .. سند التفت عليه وصد عنه .. ابو سند طلع ورا عمه وابو عناد بعد ..
ابو طلال / الا كيف زادت عليك الالتهاب لدرجة ذي ..
ابو بتال / قبل لا يروح للمزرعه كان يحس بتعب .. وكان يبلع بالبندول ولا راح للمستشفى ..
وبعدها بيومين زادت عليه بالحيل وطاح على ابو محمد واتصل على سند .. وسند جب له مضاد وعلاج من الصيدليه ..
يحسبها صخنه عاديه .. وهي خبيثة قاعدة بصدرة .. والهبته له .. الحمد لله وصلت لها الحد ولا زادت ..
ابو طلال / اي والله الحمد لله .. " التفت يمين ويسار " .. الا وين رعد وغيث ..
عناد يرفع راسه من الجوال / نزلوا تحت الكفي .. " ورجع راسه للجوال " ..
ابو بتال / انت ما تقول ايش عندك فالجوال ..
عناد رفع راسه وبحماس / هذا راكان يرسل عليه صور من الشفاء يقول برد ومطر والله الصور تشوق الواحد لروحة ..
بتال ركز كل حواسة مع عناد .. ابو بتال / قله ينتبه من البرد على الصغار ..
عناد بعفوية / يقول ام سلطان ما خلتهم .. نزلتهم للهدا .. يقول برادها اشوا .. اخف شوي ..
ابو بتال / الصغار ما يتحملون البرد ضعيفين .. " ابتسم " .. والله اني اشتقت لهم ..
بتال رجع راسه للخلف وغمض عيونه وتنهد وبهمس خافت جدا / وانا اشتقت ..
سند ابتسم ومال عليه وبخبث / للعيال والا امهم ..
بتال وهو مغمض عيونه / هشششششششش
دقائق وسمع صوت انتظام انفاسه وعرف الكل انه نام .. فطلع الكل معدا عناد اللي راح ينام عنده ..

*** فجر *** · 24-12-2018, 10:31 AM

رد: رواية بردان ياحضن الدفا عطشان واظماني الجفا كامله ...

بيت ابو سطام ..

جناح بنات مياسة ..

نوال / وين هيفاء ؟ ..
ريهام / هيفاء من امس في بيت اهلها ..
ابرار / زياره ؟ ..
رنا / لا .. اتوقع انه زعل .. لان خالي رعد من امس ما رجع للبيت .. وصقر يقول نام معاه بالاستراحة ..
مرام متفاجأه / لاااا ..
ريهام / وريما تقول شكلها يا تعبانه يا زعلانه ..
رنيم ترفع جوالها .. / محد اتصل عليها ..
الكل / لا ..
رنيم تتصل وتفتح الصوت .. البنات سمع الرنين وسكتوا .. " وبصوت هادي " .. / الو ..
البنات / سلاااااااااام ..
هيفاء / هههههه هلا وعليكم السلام ..
رنيم / كيفك ..
هيفاء / بخير ..
نوال تغمز للبنات / وحشتيناااااا..
هيفاء بتعب / وانتم اكثر ..
ابرار / فوفو مطوله ..
هيفاء / اممم .. انا تعبانه الحين لمن اتشافى ان شاء الله ارجع ..
نوال بنبرة مقصودة / اقول فوفو ليكون سويتي سوات امي غرتي من مرام ووواااااا .. هاااا ..
هيفاء باستغراب / نعم .. نوال ما فهمتك .. ايش اللي سوته امك ومرام ..
نوال بضحكه / اوووووووووه انتي مو داريه عن العالم .. امي حامل ومرام حامل ..
هيفاء ببرود / اممم ما شاء الله الله يتممه على خير ويقومهم بالسلامة ..
الكل / امييييييين ..
نوال / وانتي ..
نوال ببرود / لا لا راح فكرك لبعيد .. بس انا تعبانه شوي شكله برد زي ولد اختي فحبيت ارتاح عند امي ..
البنات صدقوا / اهاااااااا ..
رنيم / يالله فوفو .. اصلنا علشان نطمن عليك ويبدو ازعجناك ..
هيفاء / لالا ابدا بلعكس فرحتوني ..
رنيم / حبيبتي .. فمان الله ..
هيفاء / فحفظ الرحمن ..
انهت رنيم المكالمة .. التفتت للبنات / الحرمة تعبانه شوي وتبي ترتاح بس ..
رنا / لا .. ريما تقول انه زعلانه .. وامي قالت لجدتي .. وخالتي ام عزام كذلك قالت لجدتي ..
وخالي رعد ما رجع ولا فتح جواله .. السالفه كبيرة .. الله يستر ..
البنات يطالعون بعضهم باستغراب .. رنيم توقف / الله يستر على خلقه .. المهم تطمن عليها ..
انا رايحة عند جدتي .. اللي تبي تروحي معاي تمشي .. " البنات كلهم وقفوا .. ولحقوها .." ..

ـــــــــــــــــ

بالطائف ..

راكان وقف قبال السوبر ماركت ونزل وزياد توجه لمحل التميس .. كان المطر يرش خفيف ..
ساره بضيق / واي ما ابي ارجع ..
العنود بحزم / بنت .. تعوذي من الشيطان .. وقولي يارب ترجعنا بالسلامة ..
ساره تنهدت وصدت تطالع الناس اللي برا .. عقدت حواجبها وهي تشوف راكان واقف مع واحد برا الماركت ..
مسحت الزجاج .. / العنود شوفي شوفي .. " العنود التفتت عليها .. ساره تاشر على جهة راكان " .. من ذا ..
العنود تعبانه من العادة والم ظهرها وبحدة / واحد قالك ان انا سجل الاحوال المدنية .. لرجع راكان اساليه ..
ساره عقدة حواجبه وسكتت .. العنود بحدة / بنت خلاص عيب .. الرجال الحين ينتبه عليك ..
ساره / لالا السيارة مضلله .. يعني ماراح يشوفني ..
العنود بحدة ومن بين اسنانه / سوير .. بلا قلة ادب .. والحياء من الله مو من خلقه .. ابعدي عن الزجاج والا ..
ساره من سمعت نبرة التهديد بعدت عن الزجاج بضيق .. / اوووف ما تشوفين ما تلعبين بس خليك دادا لظبي .. اوووف..
العنود رجعت راسها لورا بتعب وغمضت عيونها .. وسلطان نايم بحضنها ..
رجع زياد وراكان لسيارة وحركوا راجعين للمنتجع اللي حجزين فيه ..

ــــــــــــــ

بالكوفي ..

غيث ينزل كاس العصير بهدوء / يعني ..؟!!
رعد وهو يحرك السكر بكوب الكابتشينو وبهدوء يخلطه توتر / خليها ترتاح الحين وتفكر .. وبعدين نتكلم ..
غيث بجدية وهو يطالع كاسه / اسمع يا رعد .. انا اكثر واحد يعرف اللي بينك وبين عبير .. " سكت لثواني " ..
انت ما تحبها .. " رفع راسه وشاف رعد يطالعه بغضب " .. انت حتى ملامح وجهه ماتذكرها ..
اذكر عرسك زين .. واذكر ايش صار فيه .. " قرب لرعد وببهمس " .. ومتاكد ان عبير الله يرحمها عذرا ..
انت ما لمستها .. " وهو يهز راسه " .. ولا شفتها .. كانت خجوله .. ومتوتره .. وتعبت هذيك الليلة حيل ..
ونامت بحضن امها زوجة عمي الله يرحمهم .. واليوم الثاني الظهر لمن وصل العلم لابوي وعمي ..
راحوا للفندق اللي انت حاجز فيه .. ودخلوا على عمتي وعبير .. وضربوهم ضرب كسروهم فيه ..
" رعد حمر وجه قهر وغضب " .. " وغيث يتكلم بطريقة استفزته " ..
غيث / انا ما وصلت الا متاخر .. وانت ما عرفت كنت نايم بجناح ثاني .. ولمن صحيت على صوت ..
كان عمي واقف على باب جناحك يدق وهو بقمة الغضب .. رماها عند رجليك .. واعطك كم كلمه اجرحتك ..
اخذتها وبعدين توجهت للمطار .. وقت طيارتك .. طلعت والغضب والقهر بصدرك .. اسرعت بالسيارة ..
وكانت تصيح بخوف ورعب .. وتدعي .. " سكت وهو يشوف نظرات رعد تتغير لندم .." ..
رعد بغصة وهو يطالع الكوب / قتلتها .. لو ما ترجيت امها تنام عندها او ترجع بنتهم معاهم ما صار اللي صار ..
انا السبب .. انا .. وعصبت من كلام ابوها الجارح برجولتي .. " هز راسه وهو يقيض يده بقهر " .. ايه مو رجال ..
لو رجال كان احتويت خوفها .. لو رجال كان حميتها .. انا السبب .. كنت اصارخ عليها وادعي ..
" سد اذانه بيدينه " .. للحين اسمع صوت صراخها ودعائها وانينها .. للحين دعوات ابوها براسي ..
لو ما اسرعت بالسيارة ماصار الحادث ولو ما تركت الطب كان ممكن اساعدها .. بس .. " هز راسه " .. ما عاد يفيد ..
غيث بهدوء / انت تحتاج دكتور نفساني ..
رعد ابتسم بالم / رحت .. تفكر سنين اللي برا كنت العب .. بس ماكنت اطول واهرب منه ..
" صد عن غيث وبالم " .. سطام ياما حوال فيني .. بس بعدين تركني .. يمكن مل مني وتعب ..
" تنهد بضيق " .. ويمكن يئس .. الله يرحمه ..
غيث بهدوء / الله يرحمه .. بس ما يصير الحال اللي انت فيه .. راح اكلمك كا صديق مو اخو هيفاء ..
لا تخسر هيفاء .. صدقني ان خسرتها راح تندم مثل ما انت الحين ندمان ..
رعد هز راسه / ..............
غيث تنهد بضيق .. وقف واخذ محفظتها ومفاتيحه وجواله / اذا ودك تقول شي .. انا موجود .. فمان الله ..
رعد هز راسه وبضيق / فحفظ الرحمن ..

ـــــــــــــــــــ

بالطايف ..

العنود جالسة على كرسي بحوش الفلة اللي مستاجرينها بمنتجع .. الجوال بيدها تقلب الصور ..
وقفت عند صورة نايف .. طالعتها بشوق وخوف .. ضمت الاي فون لصدرها وكانها تبي تطمن قلبها ..

اذا انت تنام في الغربه
ومتهني في منامك
انا ليلي ما انامه
فمان الله يا مسافر
عسى الله يسمح ادروبك
وترجع بالسلامه
اذا بتطول الغربه
امانه لا تقاطعنا
ودوم ابعث سلامه
فمان الله يا مسافر
معاك ايام عشناها
لها بقلوبنا ذكرى
ولها شوق وهيامه
فمان الله يا مسافر
اذا انت تنام في الغربه
ومتهني في منامك
انا ليلي ما انامه
فمان الله يا مسافر
انا بيني وبين نفسي
اطلب من الله وادعي
يردك بالسلامه
فمان الله يا مسافر ..

تنهد بضيق وبهمس خافت / فمان الله .. استودعتك الله يا الغالي .. " حست بيد على كتفها " ..
راكان يجلس جنبها وحضنها من الجنب .. طالعها بحنان .. وبهدوء / اقلقك غيابه ..
العنود تطالع بالورد اللي قبالها .. بضيق / وانت ما اقلقك ؟
راكان بهدوء وهو يطالع مكان ما تطالع العنود / قبل يومين كلمت عزام ابو رفيف ..
كان يشتغل بسفارة ببريطانيا .. و له معارف هناك .. قال يسال عنه وعن ماجد وبعد كم يوم ويرد عليها ..
العنود ابتعدت عنه و التفتت عليه .. وباهتمام / اتصل .. رد عليك ..
راكان هز راسه / لا للحين .. " التفت عليها " .. وبعدين توني مكلم الرجال ..
العنود حطت راسها على كتف اخوها .. تنهدت بتعب وغمضت عيونها / ..............
راكان حضنها .. وبهدوء / ارمي حمولك عليه وانا عضيدك ..
العنود ابتسمت وهي مغمضه عيونها .. وبخبث / متاكد
راكان انشد جسمه اللي بدا يتعافى شوي من اهتمام العنود والاكل اللي تسوية .. وبحزم / افااا وانا ابو شيخه ..
العنود ضحكت وهي تبتعد عنه .. وبخبث / والنعم بولد شيخة ابو الشيخة ..
راكان ابتسم بالم ونزل راسها .. وبضيق / تكفين يا اخت نايف لا تزيدينها ..
العنود رجعت راسها على كتفه .. وبعتب / اوجعتنا بصدك يا راكان اوجعتنا حيل ..
راكان بالم / ................
العنود رفعت راسها وحضنت ذراع راكان .. فتحت شعرها ورجعت رمت راسها على كتف راكان ..
العنود بعد صمت لدقايق .. بهدوء / ايش تبي اقول ..
راكان بهدوء / كل شي ..
العنود ابتسمت .. وبنبرة مقصودة ممزوجه بخبث ودلع / كللللللللللل شي .. الله يا كبرها يا راكان ..
راكان يهز كتفه .. وبنبرة حازمه مازحة / ما كانك مستخفه فيني ..
العنود بنبرة جادة هادئة / قصدك مو مأمنه فيك ..
راكان نفضها عنه .. وبحدة / العنود ..
العنود ابتعدت عنه قليل .. رفعت حاجب / ليش زعلت .. انا ما قلت الصدق ؟!!..
راكان صد عنها .. وبضيق / كان زمان .. بس الحين كل شي تغير ..
العنود رفعت حاجب وبسخرية / زماااااااااان .. لالا حبيبي .. انت بس غيرت الوجهه علـ....
راكان قاطعها / اذا قصدك سمر فهذا شي ثاني .. هي لزم تتعاقب ..
العنود باهتمام / ليش ..
راكان تنهد بضيق / بعدين اقلك .. الحين قولي لي عندك .. وايش مخبيته عني ..
العنود بهدوء / اماا طيب ..
راكان يطالعها بفضول عارف ومتاكد ان اخته مخبيه اشياء كبيرة هي شبيهة الظبي والظبي قوية قوتها تخوفه ..
العنود بغموض وهدوء / انا السبب في خسارة شركة السعد ..
راكان بصدمة واستغراب / .................
العنود التفتت عليه .. وبهدوء / تفأجات والا استغربت ..
" طالعت بعيونه وبقوة رجف منها راكان من داخله " .. اكيد تسال ليه .. لان ابوي والظبي اللي طلبوا هالشي ..
راكان باستغراب وقهر / وليه ..؟ .. مو .. مو هم اللي طلبوني واعطوني الصلاحيات الكاملة والتصرف بكل الامور ..
ليه .. ليه يحاربوني بهذا الشكل .. ليه اتعبوني بذا الطريقه ..
العنود / كانوا يبونك تلتفت لطريق الصحيح .. كانوا يبونك تفتح عيونك على اشياء حولك كثير .. بس انت اعمى ..
خذك غرور الفارس وكبريائهم .. ونفخ الصدر الكذاب .. " وبوجه حاد قوي " .. بس قريب ..
راح يرجع كل شي لوضعه الصحيح .. راح ارجع الفارس لحقيقته .. راح اربيهم من جديد ..
" رفعت اصباعها بوجه " .. وانت انتبه .. " هزت راسها " .. اذا المرات اللي مضت ما عاقبتك فلا تظن اني ما اقدر ..
اللي كانوا يحمونك من غضبي ماتوا الله يرحمهم .. لكن الحين ياويلك .. ياويلك ياراكان لو تغلط ..
راح اوريك شي عمرك ما شفته " وقفت وكانت بتروح لداخل الفله .. بس راكان مسك يدها وشدها لتجلس على الارض " ..
راكان وصل حد الغضب .. العنود طالعت بوجه .. راكان من بين اسنانه / الظاهر انك ناسية ..
ان الدم اللي بعروك نفس الدم اللي بعروقي .. ايك يا العنود تجربين غضبي عليك ..
العنود بهدوء / ورينا مراجلك يا ابو شيخة ..
راكان قرص عيونه فيها بتهديد ونفض يده .. وبحزم / انقلعي عن وجهي قبل لا اسوي فيك شي ما يعجبك ..
ترا القلب عليك مليان ..
العنود تميل عليه .. وبستفزاز / افااا وانا عصابت راسك .. طلع اللي بقلبك ولا تخلي شي ..
راكان التفت عليها وعيونه محمره / العنووووووووووووود ..
العنود توقف وهي تضحك بسخرية مستفزة / هههههههههه تصبح على خير يا العضيد << قلتهم بسخرية ..
راكان كان بيقوم .. بس مسك نفسه ورجع جلس .. العنود دخلت غرفتها وعيالها وهي فرحانه ..
قدرت تحرك راكان سطام الخامل والنايم من سنين .. جلست على السرير وتنهدت ..
العنود بداخلها " راح امشي على طريقة يبه .. وارجع راكان وزياد .. " وبهم " .. زياااد زياااد ما ادري ايش بلاك "..
نامت على السرير والتفتت جنبها شافت اولادها نايمين بهدوء .. وبهمس / والله انتم اللي حامين بتال من ناري ..
قربت من اولادها وشمت ريحتهم ورجعت راسها للمخدة وهي تستنشق ريحة اولادها .. لحد ما نامت ..

يوم جديد ..

بيت ام عزام ..

الصالة ..

ام عزام / انتي ماتبين تقولين ايش اللي بينك وبين رعد ..
هيفاء تطالع التلفزيون .. ببرود / ما في شي ..
ام عزام بحدة / اجل ليش قاعدة لي هنا ..
هيفاء تنزل الريموت كونترول على الطاولة .. وقفت ببرود / خلاص يمه اذا وجودي قبالك يزعجك ادخل غرفتي ..
ام عزام / انتي وختك تبون تذبحوني ناقصة عمر ..
هيفاء تنهدت بتعب .. ورفعت عيونها لفوق تبي تجفف الدمع قبل ينزل .. وفاجائهم الصوت من الخلف ..
........./ السلام عليكم ..
هيفاء وام عزام التفتوا للخلف بصدمه وخوف ..

ـــــــــــــــ

على طريق الخبر ..

راكان عاقد حواجبه .. وساكت ..

العنود تراقب وجه راكان واضح انه فيه شي بس ما يبي يقول ..
ساره بضيق / الحين مو قلتوا البارح تبون تاخذون يومين كمان ايش غيركم وخلاكم تمشون بدري كذا وبعجله ..
العنود بهدوء / اسالي ابو شيخة ..
راكان / خلاص سارة صجيتي راسي .. من طلعنا من الطايف وانتي تعدين الكلام ..
العنود بهدوء / طيب ممكن تلف على المحطة .. نبي نرتاح شوي .. واغير للعيال ..
راكان بهدوء هز راسها .. وبعد 10 دقايق وقف قبال محطة بين الرياض والخبر ..
العنود نزلت ونزلت ساره .. اخذت الظبي وسلطان وتوجهت للحمامات .. بعد نصف ساعة .. طلعت ..
راكان بعصبيه / هذا كله حمام ..
العنود باستغراب من عصبيته / ناسي الصغار .. وانت ايش فيك توترك وعصبيتك ابد مو طبيعيه ..
راكان بحزم / امشي .. امشي ..
طلعت العنود السيارة وحرك راكان بسرعة للخبر ..

ـــــــــــــ

بيت ابو سطام ..

في المجلس ..

رعد / هذي التذاكر .. اللي عندهم فيزا انا وسند وغيث .. راكان جوازه منتهي .. ولا عندة فيزا ..
ابو بتال / ومتى السفر ..
ابو طلال يدخل / السلام عليكم ..
الكل / وعليكم السلام ..
ابو طلال / انا رايح معكم .. انا طلبت فيزا من قبل لشغلة وطلعت لي .. وانا رايح معاكم ..
ابو بتال / احسن بعد .. وانا وراكان نلحقكم بعدين ..
ابو سطام بتعب / هو عايش ..
ابو بتال / عزام يقول عايش الحمد لله .. بس حالته صعبه ..
ابو سطام وجه اسود من التعب والقهر .. هز راسه / لا حول ولا قوة الا بالله .. لا حول ولا قوة الا بالله ...
ابو بتال بخوف / يبه لو تروح المستشفى تفحص مو احسن لك ..
ابو سطام باعتراض / لالا .. انا بخير .. بس شفوا لي ولد سطام .. شفوا لي نايف ..
رعد / ان شاء الله بخير يبه لا تخاف عليه ..
سند يدخل / السلام عليكم ..
الكل / وعليكم السلام ..
سند التفت لجدة / انا ما اقدر اسافر ..
الكل / ليه ..
سند بكذبه / جوازي بكرة ينتهي .. " التفت لرعد وغمز له " ..
رعد / خير ان شاء الله .. يعني بدالك يروح عبدالعزيز ..
ابو طلال / متى الطيارة ..
رعد / قبل اذان الفجر .. على 3 ..
ابو سطام / الحريم لا يجيهم علم .. والله لو جاهم علم للخبر كلها تعرف به ..
ابو بتال / لالا محد بيعلمهم ..

ــــــــــــ

بعد وقت طويل .. وبعد وصول راكان واخوانه للخبر ..

على صلاة الفجر ..

العنود بالمطبخ .. استغربت ان جدها ماصحي لصلاة الفجر ..
توجهت لجناحه .. وطقت الباب ..
فتحت باب الجناح ودخلت شافت جدتها تصلي بالزاوية المعتاده .. توجهت للغرفة .. وبهدوء / يبه ..
وشافت جدها جالس على الكنبة ويبدوا انه يحاول يتكلم .. العنود تقدمت منها .. وضعت يدها على كتف جدها ..
العنود بهدوء / يبه .. يبه تبي شي .. يبه .. " وضعت يدها بكف جدها اللي فاتحها " .. يبه ..
" بخوف " .. / يبه .. " ابو سطام فتح عيونه للاخر وصار يشد على يد العنود " ..
العنود التفتت لصاله وشافت جدتها لساتها تصلي .. التفتت يمين ويسار تدور على الجوال ..
وجدها كل ماله يضغط على يدها بقوة .. سحبت يدها بقوة وطلعت بسرعة لغرفة راكان وزياد فتحتهم مالقت احد ..
توقعت انهم بالمسجد .. توجهت لجناح رعد ومالقت احد بعد .. مياسه طلعت من جناحها وهي تهلل " لا اله الا الله " ..
العنود / عمتي .. " التفتت مياسة عليها بخرعة " ..
مياسه / هلا ..
العنود بارتباك / مافي احد وجدي تعبان .. اتصلي على احد وخليه يجي يشوفه ..
مياسه بتروح تشوف ابوها .. العنود توقفها / روحي اتصل على احد بسرعة ..
مياسة تروح لجناحها وتاخذ جوالها .. اتصلت باكثر من واحد اللي جواله مقفل والا مشغول واللي ما يرد ..
رجعت لجناح ابوها .. وشافت امها بصاله تهلل وواضع العبرة بصوتها .. شافت العنود لبسة عبايتها وبرقعها ..
العنود انتبهت لدخولها / هاا ..
مياسه تبكي بخوف / محد رد عليه اتصلت على الكل .. محد رد ..
العنود بسرعة راحت تجري لباب القصر .. شافت خان راجع من المسجد بيدخل الملحق اللي ينام فيه مع زوجته ..
العنود تصرخ علية / خااان خاااااااااااااااان ..
خان التفت عليها باستغراب / نئم يا ئمه .. " نعم يا عمه " ..
العنود / شغل السياره بسرعة وقربها لعند الباب وتعال ساعدني نشيل ابويه للمستشفى بسرعة ابويه تعبان ..
رجعت العنود لداخل وشافت كل بنات عمتها يطالعونها بخوف ..
العنود بحزم / ادخلوا وقفلوا الباب خان الحين يدخل ..
مياسة خرجت من جناح ابوها تبكي وهي متوجه لهم / ابوي ما يرد عليه ..
العنود تتوجه للجناح / لزم ناخذه للمستشفى .. كلمت خان والحين يجي ..
خان من ورا الباب بلهجته العربية المكسرة / يا اهل البيت درب درب ..
مياسه دخلت لجناحها .. و العنود / تعال خان ..
وتوجهت لجناح جدها .. مياسه جاتهم وهي لبسة عباتها وريهام معاها وهي تدفع العربية " الكرسي المدولب " ...
العنود التفتت عليها / الحمد لله انه فيه ..
ريهام ماسكة عبرتها / قلت يمكن تحتاجونه ..
خان حمل ابو سطام وجلسه على الكرسي ودفعه لسيارة ..
العنود تمسك يد ريهام / ريهام عيالي امانتك انتبهي لهم .. واتصلي على خالتي مريم خلها تجي عند جدتي ..
وطلعت بسرعة لحقت عمتها وخان .. خان طلع ابو سطام قدام وطلعت العنود ومياسه خلف .. وتوجهوا للمستشفى ..

بعد وقت ..

العنود ومياسة جالسين على الكراسي قبل غرفة الطواري .. وخان واقف بعيد عنهم شوي ..
خرج الدكتور ووجهها اسود ..
العنود ومياسه بخوف توجهوا له ..
العنود / ها دكتور كيف ابوي ..
الدكتور بضيق / .......................

نهااااية الباااارت ...

رواية بردان ياحضن الدفا عطشان واظماني الجفا كامله ...

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget