تويت
هذا الطريق مظلم طويل
ماله ملامح أو نهاية
دايم أنا وحدي ,, تعبت أنا وحدي ,, مليت أنا وحدي !!
بردان يا حضن الدفاا
عطشان و اظماني الجفاا ,,
رفض يساعدني القدر
وعيا يطاوعني الطريق
البارت (1)
الشخصيات
الجد والجده
سعود الفارس و موضي الفارس (ابو سطام وام سطام) عيال عم
اولادهم 1- سطام 54 سنه(ابو راكان)
زوجته شيخه 48 سنه(ام راكان)
اولادهم
راكان 32 سنه/زياد 28 سنه/العنود 22 سنه/
نايف 18 سنه/ساره 16 سنه
2- سلطان 50 سنه (ابو بتال)
زوجتة الجوهره 45 سنه (ام بتال)
اولادهم
بتال 30 سنه/سعود 26 سنه
سامر 19 سنه /سمر 18 سنه
وليد اخر العنقود 10 سنين
3- عبدالعزيز 48(ابو طلال)
الزوجة الاول مريم 45(ام طلال)/الزوجة الثانية الجازي 40(ام سيف)
طلال 31 سنه/سيف 26 سنه
نوال 24 سنه /اماني 15 سنه
ريان 9 سنين
4 – العنود 46(ام سند) متزوجة من " ولد عمها وولد خالتها بنفس الوقت " فهد 51 (ابو سند) (توفى ابوه وهو صغير ورباه عمه سعود هو واخوانه خالد و راشد وزوجهم بناته)
اولادهم:
سند 32 سنه /فارس 28 سنه /ياسر 26 سنه
مرام 24 سنه / غرام 18 سنه
5- الهنوف 44 سنه (ام عناد) متزوجه من ولد عمها خالد 49 سنه (ابو عناد)
اولادهم :
عناد 31 سنه /بدر 26 سنه
ابرار 23 سنه / شجون 18 سنه
6-مياسه40 سنه(ام صقر) متزوجه ولد عمها راشد 46 سنه(ابو صقر)
اولادهم
ريما 24 سنه / رنيم 22 سنه
ريهام 21 سنه / رنا 20 سنه
صقر 18 سنه روان 15 سنه
7- رعد اخر العنقود من عيال سعود و موضي 36 سنه
ابو سطام واولاده ساكنين في فلل جنب بعض في سور واحد والحديقة مشتركة بينهم واقبالتهم فلل اولاد اخوه ازواج بناته نفس التصميم ثلاث فلل وتحيطها سور واحد مابينهم الا شارع فـ دائما مجتمعيا مع بعض الا سطام تركهم من 16 سنه وسكن الرياض
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
الرياض
من حوالي سنتين وهي كل فترة ترتب المكتبة وتهتم فيها وتتذكر كل ذكرياتها الحلوة والمرة من خالها نايف وجدتها الظبي
العنود بتنهيدت حزن / الله يرحمكم ويسكن روحكم الجنة من بعد ماخذ الله امانتكم معاد بهالبيت فرح والا امان رحتوا وارح الفرح معاكم ... استغفر الله العظيم .. استغفر الله العظيم .. استغفر الله العظيم
سمعت صوت ساره تناديها بخطوات سريعة اتجهت لباب الجناح
العنود بهتمام \ خير فيه شي
ساره \ خالاتي تحت مسوين رجة ودوشت كلام يااااكثره يبونك تنزلين
العنود تتافف \ اوووف طيب شوي وانزل
ساره بلقافة \ نفسي اعرف ويش فيها ذا المكتبة ليش تحبينها هالكثر
العنود بابتسامة \ فيها كتب قيمة لو تمسكين كتاب واحد منها راح تستفيدين و تبطلين لقافة >> مسكت أرنبة انف سارة وقرصتها فيها << وبعدين اعطيتي امي دواها
سارة بتافف / اييي لاعاد تسوين ذا الحركة و ايه اعطيتها و يالله ننزل
العنود / اية خلنا ننزل قبل خالتك شريفة تشرفنا
ساره / ههههههههه ضحكتيني حسستيني اني بحصة ابلة نوير حقت ااا
قاطعتها العنود / بس بطلي قرقرة ويالله خليني البس عباتي وانزل
سارة بتافف / طيب طيب
العنود وهي تتعداها / بطلي تافف واستغفري
في الخبر ....
الشباب مجتمعين بالاستراحة الخاصة فيهم
راكان \ هههههههههههههههه الله يقطع ابليسكم ماتسيبون اهبالكم .. وانتم يالكبار تحطون راسك براس الصغار>>> يقصد بالكبار بدر وياسر
سامر معصب\ اللحين انا صغير ياركانوه اجل حتى اللي خبرك صغيرين
راكان فهم قصده وبستخفاف \ هه لاتعصب انت رجال فيك البركه بس اقصد فارق السن بينك وبين الخبل اللي جنبك
سامر زادت عصبيته لانه فهم قصد راكان يستخف به \ لا تخلين اخرب عليك ياراكان وتشوف من الرجال
راكان يزيد علية / ههههه ما انت بقدها وخلك ساكت هههههه
بدر يغير الموضوع .. بضحكة\ هههه انا اتحدا واحد منكم يدخل المجمع بدون عائله وبدون مايطردونه لو ماسوينا كذا كان الطعنا اللين البنات يرضون ويتكرمون يروحون معانا ويرجعون بدون ما يخذون لهم شي من المجمع
ياسر بقهر\ ايوه والله صادق اذكر كنت ابي لي غرض بسيط من المجمع واخذت غرام معايه ياشين ذاك اليوم والله اني فكرت انها اخذت المجمع كله فوق الوقت اللي خسرته خسرت جيبي
صقر\ ههههههه بس حركة بدر وسامر تهبل والله لو شفتوا اشكالهم كان فطستوا من الضحك ههههههههه
الكل \ هههههههههههههههههه
زياد \ وهذا انت ياصقر مالك غير يومين وسحبوك اجل لو تقعد هينا على طول بتنحرف لا والله عمتي مياسه وعمي راشد تجننوا
عناد بمزحه \ انا نوي اخبر عمي راشد علشان يتصرف معاك
سعود يكمل \وانت ياسامر عقابك راح يوصلك
راكان بنذاله \ لكن نتستر عليكم اذا خبرتونا كم رقم وزعتوا وكم رقم جبتوا
بدر يتريق \ حوالي 50 رقم وزعنا و100 رقم جبنا
صقر صدق لانها كان ينتظرهم برا المجمع في السيارة وبعصبيه \ افااا يابدر والله ماتوقعتها منك تسوي هالحركات ماتخاف على محارمك
سامر يمثل العصبيه\ ماهقيتها منك يابدر وانت ياراكان مادام عرفت نيته معناته ماانت باحسن منه لك سوابق
ياسر بجدية تمثيل \ بصراحة العزوبية مرض فتاك يا اخي لاتلومه بصراح طولتوا يالشيبان وانتم مااعرستوا وبناتنا عنسوا ينتظرونكم وحنا يالفقارا مالنا الا هالمعاكس ودروب الشياطين بالله ياصقر نلام
بدر كان يطلع موسيقى حزينة من فمة وياسر يتكلم
صقر عصب صدق \ انت وجهك واش تنلام وعزوبية ومادري ايش تقول هذا حرام يعتبر من انواع الزنا ماتخاف ان احد محارمك يصير له مثل ماتسوي ببنات الناس وانتم يالكبار مااا ... انقطع كلامه وهو يشوفهم متسدحين من الضحك
الكل / ههههههههههههههههههههههههههههههههههه
بتال يضحك / والله ياصقر ههههههههههههه اول مره احد يضحكني هههههههههه بها الشكل ههههههههه ااااااه يابطني
عناد يمسح دموعة من كثرة الضحك / هههههههه كل الحكاية كلام فاضي هههههه انت صدقته ومشوها عليك هههههههههه
طلال و سيف وسند وفارس داخلين عليهم \ السلام عليكم
الكل \ وعليكم السلام
سيف \ وش فيكم صوت ضحككم طالع لبرا خير ان شاء الله
سعود وهو يهدي نفسة / تونا مسوين مقلب بصقر
سند بابتسامة/ افاااا وش مسوين بعد
ياسر وهو مبتسم \ ورحنا المجمع بدون عوائل
سند يبتسم على هبال اخوة .. بهدوء ويجلس بجنب صديقة وكاتم اسراره طلال \ وكيف هذي ؟
بدر ويفتخر والابتسامة مرسومه على وجهه \ ابد الله يسلمك تنكرنا بالزي الهندي وسوينا نفسنا سياح
سامر وهو يعدل جلسته \ وبس شافونا لبسين نسافه وهالفة ونهز بها الراس دخلونا
ياسر يتذكر اشكالهم ويضحك\هههههههههههههههههههههه بس شكلكم يفطس من الضحك وخاصة سامر و النقطة الحمر اللي حاطها بجبهته
سامر \ لا وبدر يقول لحارس الامن انا في اروسه يشتري هديه مال انا
الكل\هههههههههههههههههههههههههههه
طلال اشر على صقر / و ايش فيه الاخ معصب
الشباب التفتوا عل صقر ورجعوا يضحكون وقالو لشباب اللي صار
ــــــــــــــــــــــــــــــــــــــــــــــــــ ـــــــــــــــــــــــــــ
بقصر ابوسطام وابو بتال الكل مجتمع الرجال بالمجلس الخاص والحريم معاهم والبنات بالمجلس الداخلي
البنات يتكلمون عن ازياء المصمم اللبناني العالمي آيلي صعب
سمر \ بنات ايش رايكم اخذلي الفيروزي
غرام بتايد\ ايه راح يطلع عليك روعه كنت راح اقولك ايش رايك فيه
سمر \ يا حياتي اذا عجبك خلاص خذيه انتي يفدك يا روحي
غرام تحضنها وتبوسها على خدها\ لا يا عمري قصدي لك انت اخترته
سمر تبتسم لها \ وانتي ايش اخترتي
غرام\ الاحمر ايش رايك
شجون بعصبيه \ هي هي هي انتي وياها مايكفي مفوتين علية الفلم وقاعدين تطالعون هل المفسخين وقاعد تتباوسون وتحضنون بعض وماكان احد حولك
نوال بتايد\ ايه والله وهي صادقه وتختارون الفساتين وماكان غيركم يبي يختار وبعدين مايصير انا اخت العريس يعني انا اختار اول وحده
مرام من جابوا طاري العرس خجلت وحمر وجهها وصارت تشرب العصير وهي تطالع التي في
غرام مبققه عيونها\ هي انتي لايكون نسيتي اني انا اخت العروسة يعني انا اولى
ريما ورنيم ورنا وريهام وروان بعد الاتفاقيه بصوت واحد\ هيييييييييي نحن هنا
الكل سكت لثواني مخترع وبعدها انفجروا ضحك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
بالمجلس ابو سطام وزوجته واولاده وبناته حوله ماعدا سطام اللي بكره يوصل الشرقيه ورعد لسه مسافر
ابو سطام بقلق \ يا سلطان ماعندك خبر عن اخوك رعد من امس ماكلمنا ولا سمعنا صوته
ابو بتال\ تطمن يبه هو بخير وماعليه اخلاف هو بس راح لريف يشم هواء وان شاء الله لا جاء بعد شهر بعرس طلال اقنعه يبقى ومايصير خاطرك الا طيب يا الغالي
ابو عناد\ يا عم هو لسه قلبه موجعه كل ماجاء الشرقية وتذكر مرته الله يرحمها يرجع ويهج .. لزوم نربطه بالأرض ونشغله بشي
ابو صقر يكمل بتأييد \ صدق يا عم خلي الحريم يدورون له على مره ولا جاء نحاول فيه يتزوج يمكن يقتنع
ابو طلال\ مالك لو يا ابو صقر ماهقيت ان رعد يجي بالمسايسه في مسألته الزواج مايبيله الا الغصيبه والا بيقعد طول عمره على الذكرى
ابو بتال برفض \ رعد رجال مو بنت حتى نغصبة رعد مايمشي الا بالحيلة
ابو سطام بعد تفكير في حالة ولده اخر العنقود واللي متعب حاله بالترحال والسفر التفت جهة زوجته وشافها تمسح دموعة بطرف شيلتها خفية عن باقي ابنائها ولكن لا يخفى على ذلك العاشق المتيم بها
ابو سطام بعد صمت ثواني هز راسة وكانه يحادث نفسة \ يصير خير ان شاء الله .. يصير خير
ــــــــــــــــــــــــــــــــــــــــــــــــــ ـــــــــــــــــــــــــ
يوم جديد
بالرياض
في سيارة ابو راكان ارمادا يسوقها نايف و معاه ابوه و معاه جده ابو نايف
تعريف بأبو نايف وعائلته
ابو نايف سعد ال سعد 78 سنه زوجته الظبي توفت قبل سنتين بحادث مع ولدها وبنتها خلود
بنته الكبيرة شيخة 48 سنه ام راكان وسبق التعريف بها لها تؤام اسمها شمه نسخة طبق الاصل منها توفت بعد ولدتها ابنتها منار
بنته الثانية شريفة 45 سنه ( ام عبدالله ) سيتم التعريف بها لاحقا
بنته الثالثة خديجة 36 سنه متزوجة من 16 سنه ولم تنجب الا الان
نايف 35 سنه الولد الوحيد اعزب توفى هو وامه بحادث سيارة غريب قبل سنتين
بنته الرابعة خلود 33 سنه كانت بالحادث اللي صار لامها واخوها هي الناجية الوحيدة بس اصيبت باكتئاب حاد بعد الحادث دمر نفسيتها
عائلة ابو راكان بالسيارة وحدة ووراهم سيارة عبدالله
في سيارة عبدالله الهمر .... التعريف باللي موجودين بالسيارة
شريفة ام عبدالله و خديجة تم التعريف بهم
عبدالله 28 سنه - مها 24 سنه – حنان 18 سنه
ابو عبدالله رجل اعمال وكثير السفر وشريفة مايهمها امره اهم شي رصيدها ورصيد عيالها بالبنك دايم يزداد وهو مطنشهم ولا يهتم فيهم اصلة من حائل منقطعة الصلة بين اهله وزوجته
مها بصوت هامس \ اوووف مابغينا نطلع من ذي الرياض اختنقت
حنان مثلها بالهمس / ايه والله صادق ياحظ مناير راحت جده لا بعد راحت تقابل الحب
مها اطلقت تنهيد\ يا الحب يعذب القلب انا الحق حبيبي من مكان لمكان وهو ولا همه ...اكملت بفرحه .... بس امي قالت لي ما يأخذ غيري وهو راح يحبني بعد الزواج الحب اللي قبل الزواج يروح بسرعه ماابيه
حنان بهمس / اللي يسمعك يقول تحبينه صدق
مها بهمس / صح ما احبه بس امك ويش اسوي فيها قلت اكذب على نفسي واقول حبيه والا انا ادري ان عقله وقلبه لبنت عمه سمر
حنان بهمس / اسمعي اسمعي اخوك المدلل العاشق ويش يقول
عبدالله بعصبية / يمه انا ما قلت ابي العنود بسيارتي ليه ما جبتيها
ام عبدالله بحده / لو انك صاحين من بدري ومضبط السيارة كان سحبتها لك وجبتها لكن ما مشينا من البيت الا وهم قدهم مشوا تبي اوقف نايف بالشارع واقول له نزل اختك خبل انت
عبدالله بعصبية \ ما يهمني يمه دبري لك صرفة والا اعجلي علية واخطبيها خلني اتزوجها كم لي وان اطلبك تخطبينها والا ماتبين تشوفين عيال ولدك
ام عبدالله بتنهيدة وتفكير / اصبر شوي خلي الطبخة تستوي على نار هادية تصير اطعم
خديجة بغباء / وشهي طبخته؟
شريفة بحدة / وانت ويش دخلك كملي نومك جعلك بنومة الخبلة اختك >> تقصد شمه
خديجة ما فهمت شي ورجعت تنام
عبدالله وقف عند المحطة مثل نايف / هااا تبون شي
مها بلقافة \ ايه عبودي جيب شوكولا وشيبس ومشروبات غازيه ومويه
عبدالله باستهزاء \ وغيره تبون شي
مها بابتسامه\ لا سلامتك
عبدالله سكر الباب بقوة ومشي لسوبر ماركت وعينه تلتفت على سيارة ابو راكان اللي واقفة عند دورات المياة يمكن يلمح زول العنود لكن ابد السيارة مضلله وما يشوف منها شي وبعد مارجع ماكان معاه الا علب الماء
مها / وين اللي طلبناه
عبدالله بعصبية/ عبي بطنك بالماء تشبعين ان كنتي جيعانه وان كنتي عطشانه يرويك وابلعي لسانك لاحط حرتي فيك ...
مها بلعت لسانها وسكتت وحنان نامت وما حست باللي حولها
وصلو لشاليهات اللي حجزها راكان بطلب من جده ابو نايف ونزلوا و نازلو اغراضهم
ــــــــــــــــــــــــــــــــــــــــــــــ
كان واقف يطالع للمدخل الرئيسي يمكن يلمح سيارته اشتاق له من شهور ما شافه اشتاق يشم ريحته
هذا اول فرحته هذا البكر مأخذ الفكر حتى لو زعلان منه ما يقدر ما يسامحه
دخل علية ولدة سلطان وشافه واقف ويناظر للمدخل الرئيسي وعرف ايش فيه ابوه / يبه .. سطام وصل الحمد لله
ابو سطام بفرحة / وينه فيه وانا ابوك خله يقلط
سلطان باعتذار/ يبه انت تعرف الخط طويل وسطام كبر والمشوار اتعبه فهو راح يم الشاليهات يرتاح وبكره ان شاء الله يسير علينا ويسلم ويعطينا علومه
ابو سطام بحزن على حالة ولدة / قلبي على ولدي وقلب ولدي على حجر الله يسامحك يا سطام تجي يمنا ولا تسير علينا
قسى قلبك الله يسامحك يا بوك الله يسامحك
بعد صمت دام لمدة ثواني ... يا ولدي قول لإخوانك وخواتك يجون يتغدون عندنا امك من صباح الله خير وهي تعافر فهالمطبخ ماخلت اكله يحبها سطام ما سوتها
سلطان بزعل من حال اخوه/ ابشر يبه الحين اخبرهم جميع
ــــــــــــــــــــــــــــــــــــــــــــــــــ ـــــــــــــــــــــــــــــــــــ
في بيت العنود ام سند....
غرام بعباتها وتركض مع الدرج شافها سند وابتسم على خبال اخته
سند / على وين غرامي اكيد عند حبيبة القلب
غرام تكلمه وهي تلبس شيلتها / ايه اكيد عند سموره حبيبتي
سند يمسك يدها/ الحين ابي افهم انتي ماعندك وقت معين لزيارة 24 ساعة مقابله بيت خالي سلطان ما كأن عنده عيال ويبون راحتهم و....
قاطعته غرام / هوب هوب هوب سندي حبيبي اخوي الغالي جدتي مسوية غداء علشان خالي سطام وهو ماجاء فقرروا يغدونا عندهم علشان نونس جدتي وانت بعد ملزوم تروح .., تفلت يدها من يد اخوها وتبوسه على خدة وطلعت بسرعة
سند ضل واقف وهو يفكر بخواته دايم خايف عليهم و شايل همهم بس ما يرضى زعلاهم تحرك بيصعد لجناحه
العنود " ام سند " خارجة من جناحها وقابلة سند صاعد الدرج ومتوجة الى جناحه
العنود / يمه سند منت رايح لبيت جدتك الكل مجتمع عندها يمه مانبي خلقها يضيق فديتك يمه لاتقول لا مانيب رايح
سند ابتسم لامه وباس راسها / تأمرين امر يا الغالية بس اغير ملابسي اسمحي لي
ابتسمت العنود لولدها عمره ماضيق خاطرها دايم يلبي طلبها حنون وما يخبر احد بوجعة دايم تدعي له بالزوجة الصالحة اللي تريح قلبه وقلبها
العنود / مسموح يمه بس لا تتاخر ماراح احط لقمة بحلقي اللين اشوفك على السفره
ابتسم سند وهز راسه وقبل راسها وراح لجناحه يبدل ملابسه ويروح لبيت جده
ــــــــــــــــــــــــــــــــــــــــــــــــــ ــــــــــــــ
بيت مياسة
ريما ورنيم وريهام ورنا وروان جاهزين ينتظرون صقر
رنا / اوف هذا تأخر وينه فيه كله علشان يغير ملابسه
ريما / انتظري شوي كان احد طارد وراك
روان / لانه حبيب القلب تدافعين عنه
رنا / لو وحده فينا كان ماخليتي كلمه عليها
ريهام/ ابي اعرف سر هالغيره كل واحد ماخذ حقها من الاهتمام عند امي وابوي...
قاطعهم .../ ليتكم تحملون نص اهتامهم فيني احسها خنقتني خلاص ماعاد اقدر اتنفس
ريما / صقر ويش ذا الكلام
رنيم/ والله ماتوقعت اسمع منك هالحكي توقعتك انك تفرح لمن امي وابوي يدللونك ويهتمون فيك
صقر بعصبية/ انا ماني بزر ولا بنت يدللوني ويهتمون فيني انا رجال وخط شاربي ويالله بلا كثرت حكي امشوا يالله
البنات سكتوا بعد ما شافوا عصبية صقر ومشوا وراه بدون صوت
ــــــــــــــــــــــــــــــــــــــــــــــــــ ــــــــــــــــــــ
في بيت الهنوف ام عناد
عناد نازل مع الدرج ويسمع صوت ضحكة شجون العالية اللي يكرها ودايم يقول انتي بنت ضحكتك لازم تكون هادئة
عناد بعصبية/ شجججججججججججوووووووووووووووووووون
شجون من سمعة صوته اتخبت وراء بدر اللي كانت تضحك معاه
شجون بخوف/عناااااااااد .. جاك الموت .. بدير لا تتركني
بدر بضحكة / انا مالي دخل ابي الفكة اتركيني يا بنت
شجون ببكيه وهي تتمسك فيه / بدوري حبيبي انا بوجهك لا تتركني بين يدين .......
ماكملت كلمتها الا وعناد ساحبها من قفاها .. شجون شهقت من الرعب
عناد بعصبية / انا ما قلت لك الضحكة الماسخة ذي ما عاد اسمعها وان سمعتها اكسر فمك ما قلت لك من قبل ليه ما تسمعين الكلام انتي .. جاوبيني .. انطقي
شجون برعب / عنــ ..ـاا..اد والله .. بدون قصد .. تطلع مني والله .. اذا ضربت عندي .. مؤشرات البسط والفرح .. تطلع هذي الضحكة .. انا مااااعرف كــ..ــيـ..ـف تطلع ... والله ... والله
عناد رافع حاجب وبتريقة / لا ماتعرفين كيف تطلع ها .... وبعصبية.... والله لو مو رايحين لبيت جدي كان علمتك كيف تطلع امشوا قدامي يالله
بدر طلع وهو فاطس من الضحك على شكل شجون وشجون طلعت تجري وراه ومقهورة من بدر اللي ضحكها وانحاش وهو يدري بان عناد موجود .. متجهين لبيت جدهم ووراهم عناد متنرفز وواصل حده لانه تعبان وخاطره ينام لكن مجبور على القعدة
ــــــــــــــــــــــــــــــــــــــــــــــــــ ــــــــــــ
في بيت ابو طلال
طلال / سيف ما انت رايح لبيت جدي
سيف بدون مايلتفت لطلال وتركيزة على التي في/ لا ماني رايح
طلال جاء وجلس جنب اخوة وحط يدة على كتفة/ لية ما انت رايح اذا تعبان كلنا تعبانين بس علشان خاطر جدتي يهون كل شيء
سيف بنرفزة/ لا مو تعبان ارتاح وحتى لو تعبان احد بيهتم .... رمى يد اخوه وطلع لغرفته
طلال استغرب تصرف اخوه بالأول واخذ بخاطرة وبعدين تعوذ من ابليس وفكر انه يمكن من ضغط الشغل
نوال نازله من الدرج وهي مستغربه / فيه شي كاني سمعت صوت سيف عالي ومعصب
طلال بضيق/ اية يقول مو رايح لبيت جدي يالله لا نتأخر عليهم
نوال بحزن لحال سيف هي الوحيدة اللي عارفه بحال اخوها / يالله والله يهدي سيف ويصلحه لازم يجيب لنا حكي
طلال / اذا سألونا عنه نقول متعبة القالون واخذ له علاج ونام حتى يرتاح
نوال / ان شاء الله على امرك
ــــــــــــــــــــــــــــــــــــــــــــــــــ ــــــ
ابو سطام ساكن بأكبر فله او بالصح قصر هو وولده سلطان
بصالة الطعام الكبيرة كان مجتمع فيها الرجال والصالة الصغيرة مجتمعين فيها الحريم بس الباب اللي بينم مفتوح للأخر الكل مجتمع والاصوات في كل مكان لكن قلبها معاه هو وبس كل مابين لحظة والثانية تسرق لها نظرة
نوال شافتها وحبت تلعب بأعصابها واشرت لريما تنتبه لنظرات مرام وطلال
نوال بابتسامة خفيفة وهي بعباءتها وبرقعها مثلها مثل باقي البنات
نوال بخبث/ خلاص بعد ما بقى غير كم اسبوع يعني مايحتاج ها الحركات وتغمزلها
مرام وجهها احمر من تحت البرقع ومتوقعة انها تنكشف وهي منزله الشيلة على عيونها
ريما بضحكة/ اقول تراء حولك عازبات ومراهقات وكل العيون عليك
العنود ام سند دخلت عرض بالمزح وبصوت غاضب / مراموه ياجعلك لصلاح ويش جابك ياللي ماتستحين الحين يقولون ماعرفت اربيك ولا فوق شينه قوات عينه قاعدة تراسلينه بالجوال وعيونكم مبقبقه ببعض تبين تخلين اختك المراهقة تنحرف >> سحبت غرام من قفاها وهي مي عارفة شيء>> شوفي وجهها البري كيف << غرام تطالع امها من تحت الغط ومي فاهمة شيء >> تبين تخربينها قومي يالله على فوق اقعدي لوحداك وهاتي الجوال يالله اشوف قدامي
مرام غرقت عيونها بالدمع واعطت الجوال امها وصعدت لفوق تحت نظرات طلال المستغرب
والبنات قعدوا يضحكون على مرام ونظرات طلال
ـــــــــــــــــــــــــــــــــــــــ
بتال / هيه طلال ... اكلمك .... يهزه .. ويش فيك انت؟
طلال بعد منتبه / هاا لا سلامتك ما فيني شيء
سند منتبه من اول .. وبابتسامه / اتركه يابتال اتركه امي خربت عليهم الجو.....غمز له
بتال عارف حركات عمته .. ابتسم/ الله يهديها عمتي ماتفوت فرصة
فارس مبتسم/ امي احلى شيء عندها هذي اللحظات
طلال مستغرب / كلكم شفتونا
ياسر يضحك/ هههه اية وابوي بعد بس بعيد عنا شوي لو هو قريب كان زادها
بتال بستغراب ان زوج عمته خفيف ظل مثل عمته/ عمي فهد يسوي سوايا عمتي العنود لالا ما اصدق
سعود بستغراب مماثل / والله قوية ما اصدق
ياسر / لبى امي وابوي والله لمن يجلسون مع بعض ونكون معاهم كل شيء لا تستغربه وحنا نشاركهم الهبال
سند / قصدك انت وغرام
فارس/ اية لا تدخلنا حنا مالنا بالهبال
ياسر / تصدقون بعض الحيان احس انكم مأنتم اخواني ثقيلين دم يا كافي .. انا حاس ان بدير اخوي
بدر يبتسم / الله يا يويسر احس انت وغرام وانا وشوجي اخوان وسنيد وعنيد وفويرس ومراموه وابراروه اخوان ثقاله ثقاله يالطيف بس الله لايبلانا
صقر وسامر طالعو بعض/ لا يالخونه الحين مالنا مكان بينكم
بدر وياسر/هههههههههههه
ياسر / خلصت التذاكر
الكل ضحك ماعدا عناد وبتال اما سند فمبتسم كالعاده
عناد بعصبية لانه مايحب هالاستهبال وهالكلام اللي ماله فايدة/ كل تبن انت وهو واقعدوا قعدت رياجيل والا انقلعوا لقسم البزران
بتال بتهدئة/ ويش فيك عناد بارود اعصابك بسرعة تشتعل ماصارت والا راكان مو موجود خلاص احنا ماننفع
سعود/ ايه ياعناد .. بيعنا بسوق وانا اخوك وخذ روقانك
عناد بشبه ابتسامه/ ماعاش من يبيعكم يا غالين الاثمان بس انا تعبان شوي و يبيلي ارتاح
طلال تذكر سيف وضاق خلقة انتبه له سعود وجلس جنبه / ويش اللي مضيق خلقك
طلال ابتسم/ لا مو متضايق بس ارهاق الشغل عارف الشركة اليوم ضغط عليها
سعود سكت ثواني لانه كشف كذبة طلال حط يده على كتفة/ لجاء في بالك تحكي اللي في خاطرك تراني موجود
ابتسم طلال وهز راسة بالموافقة ووقف سعود ومشي عنه
طلال بخاطره "ويش تبيني اقولك ياسعود اخوي وعضيدي كارهني ويش اقولك آآآآآآه ياسيف الله يهديك بس"
ـــــــــــــــــــــــــــــــــــــــــ
عند الحريم والبنات
الجوهرة/ العنود ويش سويتي في مرام لقيتها مقطعة عمرها من البكي
العنود / هههههههههههه شفتها تناظر طلال من تحت لتحت وتراسله بالجوال وانا قايله لها شهر مايشوفك ولا تشوفينه ولاتكلمينه وهي ابد معطيتني طنش
مريم ام طلال/ يويلي على وليدي بتتعبينه يالعنود ارحميه شوي على الاقل يسمع صوتها
الهنوف بتأييد / لا يا اختي لا تضعفين خلينا نلعب فيهم شوي
العنود / والله انك اختي شقيقتي تفكيري وتفكيرك منحرف
البنات والحريم/ ههههههههههههههههههه
غرام / يمه ويش مخططه عليهم بعد اعرفك امي خبز يدي
الجازي ام سيف/هههههههه ويش امك خبز يدك انتي خبز يدها
شجون بمداخلة/ لا خالتي هذاك زمان الحين البنت تربي الام وهي تحرف الام
مياسة بجزع/ اعوذ بالله الله يبعد عنا هذا الزمن يا بنتي
سمر/ الحين تشوفين البنت لابسه عباية متسترة ومحترمة والام الله هم سترك عبايتها مخصره ومطرزه ولا كانها مرة كبيرة ولها لبسها وحشمتها
الجازي / لاحول ولا قوة الا بالله
غرام/ ايه وبعد تغازل شباب والسوالف وكل شيء
شجون / وفية العكس الام تشوفينها متسترة ومو باين منها شي والبنت الله يسترنا بستره الميك اب والعباية كانها بعرس
الجده المستمعه للحديث / يارب لطفك يالله يارب تصلحلنا النية والذرية ياكريم ولاتطلع منا ذرا فاسد
الكل / امين
ــــــــــــــــــــــــــــــــــــــــــــــــــ ـــــــــــــــــــــــــــــــــ
تعليق