رواية بردان ياحضن الدفا عطشان واظماني الجفا كامله ...

*** فجر *** · 09-01-2019, 12:24 PM

رد: رواية بردان ياحضن الدفا عطشان واظماني الجفا كامله ...

يوم جديد ..

9:00 صباحا ..

نوال بتافف / حبسه حبسه .. نبي نطلع يا ناس ..

ام صقر / طيب اطلعوا .. احد ماسكم ..

ام سند / روحوا شوفوا المكان .. حنا يوم اشرقة الشمس رحنا و شفناه .. فيه غار مفتوح ..

الشباب يجلسون فيه .. مره حلو دافي باليل و بالنهار بارد ..

ام عناد / انتي جربتيه في اليل .. ماقعدتي الا ربع ساعه الفجر ..

ام سند / سند قالي .. البارح سهرانين فيه العيال ..

ابرار تلبس عبايتها / يالله بنات ..

وطلعوا وراء بعض احزاب ..

ابرار و نوال وريهام يمشون جنب بعض .. اماني و روان و ساره دخلوا المزرعة معاهم رعد و وليد و ابو طلال ..

غرام و شجون و سمر دخلوا المزرعة وراء سارة وروان واماني ..

سارة ماسكة كاميرة كانون و تصور كل شي يعجبها ..

:

:

:

ابرار باعجاب / المزرعة شكلها رهيب ..

نوال محتارة / نشوف الغار و الا المزرعة ..؟!!

ريهام شافت رنا معاها سله و متوجهه للمزرعة .. / رنا على وين ..

رنا تاشر على المزرعة / خالي رعد وهيفاء افطروا بالمزرعة .. و راحيه اودي لهم الشاهي ..

و القهوة و الحيين بيلحقوني امهاتي .. " تركتهم و دخلت بوابة الصغيره لـ المزرعة " ..

نوال باعجاب / شكل المزرعة فيها شي عجيب من داخل ..

ريهام وهي تلحق رنا / انا رايحه ..

نوال و ابرار طالعوا في بعض .. نوال / لحقين على المغارة .. خلنا نشوف المزرعة ..

اول ما دخلوا من البوابة الصغرة شافوا اشجار العنب ..

نوال تاشر على عنقدوا العنب البعيد وبمزح / شكله حامض .. ههههههههههه ..

............ وبهدوء / قالوها الي مايطول العنب حامض عنه يقول ..

التفتت بخرعه هي و ابرار حتى تشوف سعود وهو طالع من بين الشجر ..

كان لبس بنطلون رمادي و بلوزه بيضاء و عليها جاكيت جلد اسود ..

ابرار تركت نوال الي جمدت مكانها .. ودخلت للمزرعة وهي خايفه ..

سعود ابتسم و هو يتقدم من نوال مسك يدها و شدها تمشي معاه راجع للمكان الي طلع منه ..

نوال مشت معاه بهدوء غريب .. سعود جلسها على كرسي كان جالس عليه هو وفارس ..

و اول ماشافوا نوال و ابرار خططوا لخطفهم .. (^_~) ..

سعود يجلس جنبها و بابتسامه / و اخيرا .. مابغينا نشوف القمر ..

نوال مو عارفه تشرد منه و الا تلين معاه ... وبداخلها " زواجكم قريب .. اكسبية يا الغبية قبل ..

بكرة يقعدلك بسالفه العيادة .. لالا بغصب عنه انا شارطه عليه .. اوووووف " ..

سعود رفع حاجب حتى يمد يده و يسحب نقابها .. نوال شهقت وهي تمسك نقابها / سعووووود ..

سعود ابتسم / لبيه ..

نوال ابتسمت ../..............

سعود حط رج على رجل و عقد يدينه على صدره و بهدوء / اشلونك ..

نوال بهدوء / بخير الحمد الله .. " وبتردد " .. انت كيفك ..

سعود ابتسم و هو يطالع امامه وعليه النظارات الشمسية / الحمد الله يسرك الحال .. "التفت لها و ابتسم اكثر " ..

و بنبرة مقصودة / توقعت كل شي الا هالهدوء و الاستسلم ..

نوال بابتسامه / انا هادية و ايش خليلي بس انت الي تجنني ..

سعود رفع حواجبه باستغراب و بعدها ضحك / هههههههههههههههههههههه ..

نوال ابتسمت و هي تصد عنه .. سعود و هو يمد يده و يحضن اكتافها ..

نوال تصلبت بخجل اول ما حست دفئ يده على اكتافها ..

سعود بهدوء / افتحي وجهك ما حولك احد ..

نوال بخجل وهي تتذكر وجهها المرهق من السهر بخجل / لا ما ابي ..

سعود بنبرة مقصودة / يا العوبا اصدقي .. ما تبين و الا لانك تخرعين ..

نوال ضربته بقوة على فخذه وبعصبية / يا الدوب لا تقولي عوبااا ..

سعود ضحك و هو يقبل خدها / هههههههههه و احلى عوبا ..

...........وبضحكه / ما شاء الله .. من سمح لك استاذ سعود بها الجلسه ..

نوال صارت تفرك اصابيعها بخجل .. سعود ابتسم لعمه ابو طلال / حبيبتي سمحت لي ..

ابو طلال ابتسم وهو يتوجه خارج من المزرعة / ربي يوفقكم و يهدي سركم ..

:

:

:

كانت تتلفت بخوف و ضياع حست بشخص خلفها التفتت و شهقت برعب ..

فارس الي كان لبس جينز سماوي و بلوزه بيضاء و جاكيت عسلي .. ابتسم لها / خوفتك ..

ابرار هزت راسها وهي تبلع غصتها و الدموع ملت عيونها .. فارس بدون شعور حضنها / اسف يا قلبي ..

ابرار ابعدته بخجل و هي تمسح دموعها بيدها من فتحت النقاب .. شافت يد فارس الممدودة و فيها منديل ..

سحبت المنديل هي تمسح عيونها .. فارس بهدوء / وحشتيني يا الزعول ..

ابرار وهي تفرك المنديل الا ان بدا يتقطع .. فارس بنبرة مشتاق / ايشلونك ..

ابرار رفعت راسها وطالعت فيه بخجل و رجعت نزلته / بخير ..

فارس اشر لها على مكان .. و بهدوء / خلينا نجلس هينا ..

ــــــــــــــــــــــــ

العنود و رنيم و مرام يتمشون و معاهم صغارهم ..

العنود بضيق / وضع ريما مرة مو زين ..

رنيم بقهر / حسبي الله عليه قهرها ..

مرام وهي تمسك يد فهد الصغير وتقبلها بعمق .. التفتت على رنيم / ما اتصل ..

رنيم هزت راسها وبقهر / لا .. وجعله ما يرجع ..

العنود شهقت / بنت استغفر ربك ..

رنيم بقهر / قهرني بالاول مطلعها فوووووق فووووووووووق واخر شي يرميها كذا ..

مرام من شافت طلال حتى تستاذن و تروح له .. ومريم تحتها تمشي خطوتين و تنزل على الارض تلقط وتحط بفمها ..

العنود بضحكه و هي تتوجه لها / ههههههه يا عصفورة .. كخخخ .. اعععع .. " وهي تفتح فم مريم و تطلع الي بفمها "..

طلال تقدم منها .. و هو يضحك / هههههه شوفي الي وراك ماصدقوا تبعدين حتى ياكلون مثلها ..

العنود التفتت بسرعة وشافت سلطان يجري لجهة معينه طالعت و شافت بتال واقف و فاتح يدينه ...

الظبي الي كانت جالسه على الارض و قف وراحت تجري بغيرة وراء سلطان ..

طلال سحب مريم و حطها على اكتوفه و هو يلعبها و يسولف مع مرام و يتمشون مع بعض ..

العنود رجعت لرنيم و مشوا لـ المزرعة .. و هم يتهامسون ..

ـــــــــــــــ

داخل المزرعة ..

رعد ابتسم و هو يهمز رجل امه / يا ميمتي الحين انا انديك لحالك تجيبين القبيلة كلها ..

ام سطام بحزم / اذكر الله ..

رعد بضحكه / لا اله الا الله .. " التفت على هيفاء و شاف وجهها المكشوف ..

و الي واضح فيه الراحه من بعد التعب و الارهاق .." .. مرتاحه با الجلسه ..

هيفاء ابتسمت له / ايه حبيبي ..

ام سند تصفر / مقدر انا .. " وهي تمثل التعب " .. انا ظهري يوجعني ..

رعد بضحكه يصارخ / يا ابووووو سندددد تعال خذ مرتك لا تحسدنا ..

ام سند تمثل الحسرة / ابو سند .. ابو سند وقت الضحى ما يقدر يحرك اصبع .. تلقيه نايم ..

ام عناد / سبحان الله يا اختي كلهم .. حتى خالد كذا .. و ابوي و سند ..

ام سند هزت راسها / ايه بس سند ما ينام يسترخي .. يغمض عيونه و يريح نفسه ..

رعد عاقد حواجبه / سند من جينا من الخبر منام الا شوي و متقطع نومه لو نجمعها ما تجي ساعتين ..

ام سند بحنان / اه يا روح امه ..

ام سطام بحزم / وانتم ما ترحونه مغير متبطحين ..

رعد بضحكه وهو يرفع يدينه / انا مشغول مع حبيبتي ..

ام سطام ضحكت / ههههههههه ربي يخليكم لبعض .. وجعل اشوف عيالكم يركضون حولي ..

الكل / امين ..

رعد بحب / لك طولة العمر يا الغالية ..

...... / السلام عليكم ..

الكل التفت لـ العنود و رنيم و باصوات متفرقه / وعليكم السلام ... ورحمة الله و بركاته ..

ـــــــــــــ

بعد العشاء ..

بتال طلع من البيت و توجه للجلسه .. وهو يفرك يدينه يبي يدفيها / سند للحين نايم ..

ابو سطام / خله .. ما ذاق النوم من كم يوم ..

بتال / بس الصلاة ..؟

ابو سند / لا ياجعلني ما ابكيه .. يقوم يصلي ويرجع ينام ..

ابو سطام / بس بطنه .. فاضي ..

فارس بهدوء / لا صحي انا اجيب له اكل ..

سيف / بس وقتها يكون قفلت اكثر المحلت وان لقيت ماتلقى الا المعفن ..

ابو سند / اخواته ومرته فيه وما يقصرون يسون له اكل ..

بتال وهو ياخذ فنجان الشاهي / على قولكم ..

وقف ابو سطام وهو يشد الفروه على جسمه / يالله .. تصبحون على خير ..

الكل / وانت من اهله ..

سلطان مسح وجهه بتعب وهو يتثاؤب / وانا بعد .. " وقف و لحقه ابو عناد وابو سند " ..

ابو طلال الي يطقطق بجواله .. الشباب التفتوا ..

بتال ابتسم / ها عم ما تبي تلحق الشيبان ..

ابو طلال يرفع عينه عن الجوال و يطالع فيه بنظرات واثقه / ليه شايفني شايب كبر ابوك ..

انا ابي اخذ لي الثالثة " قالها وهو يلتفت بخوف جهة بيت الحريم " .. بس لاحد يعلم ..

الشباب / هههههههههههههههههههههههههههه ..

صقر ينزل جواله و يرسل مقطع الفيديو بالواتس على عمه ابو طلال ..

اول موصله فتحه عيونه و هو يطالع بصقر / اه يا النذال انا خالك يا الخايس ..

صقر ونايف و سامر الي كانوا جالسين جنب بعض / ههههههههههههههههه ..

نايف بضحكه / كم تدفع حتى لا تنزل في كييك ..

ابو طلال بجدية / لا عاد .. كييك مرة وحده .. ماتنزلونها الا بعد ما اصبغ الشيب ..

الشباب / هههههههههههههههههههههه ..

ابو طلال وقف / يالله تصبحون على خير ..

الكل / وانت من اهله ..

بدا الشباب يتقسمون الي يلعب ورق والا منشغل بجواله والي يسولف الا ان بدا النوم يتسلل لهم ..

:

:

:

الساعة 12 منتصف اليل ..

العنود وهي تحط البيض المقلي بصحن و نزلته لـ الصينية .. اخذت غرام الصينية وتوجهة لسند ..

الي كان جالس بالغار .. فارش فرشة و متكي عليها ..

كان يضغط على راسه .. اول ماشاف غرام ابتسم .. وبصوت مبحوح / اتعبتك ..

غرام ابتسمت / يا ليت .. مو انا الي سويت لك العشاء ..

سند وهو يعدل جلسته و بتساؤل / من ؟

غرام وهي تجلس / العنود .. رنيم توها غفت مع فهد .. " وقفت راجعه " ..

سند وهو يتفحص وجهها / على وين ماتبين تاكلين معاي ..

غرام ابتسمت / اجيب الصينه الثانية وارجع ..

سند طالع بالصينية الي قباله .. بيض و جبن و زيتون وقشطه و عسل صحن صغير معرق ..

" عقد حواجبة وبداخله ,, رافعين من عشاهم " .. " ابتسم .. من يعرف يسوي المعرق .. مافي غيرها العنود " ..

رفع راسه اول ما سمع صوت خطوات .. غرام ابتسمت / وهذي القهوة والشاهي ..

سند وهو يقرب ابريق الشاهي .. بس اعترضته يد غرام .. / انا اقهويك .. انت تعشى ..

سند ابتسم وهو يعقد يدينه .. / اتعشى بشرط ..

غرام ابتسمت / تامر ..

سند بحنان / تقولين لي ايش الي مزعلك ..

غرام ابتسمت بحزن و هي تطالع بابريق الشاهي .. وبتضيع الموضوع .. رفعت راسها / القمر ..

سند رفع راسه و شاف القمر الي رجع و غطاه الغيم .. وبنبرة / تراني جوعان الا ميت جوع ..

غرام اعتدلت بجلستها .. هي عارفه ومتاكده انه ما راح يتركها الا اذا قالت له او وعدته ..

غرام تنهدت / الحين مالي حيل للكلام ..

سند رفع حواجبه و ابتسم باستغراب / ...

غرام هزت راسها / والله .. وااا .. وعد بكره اقولك كل شي ..

سند هز راسه و بهدوء / طيب على راحتك ..

غرام وهي تشتت نظرها بالمكان / تبي شي ثاني اجيبه .. " لفت يدينها على كتوفها " .. برد وانا مو لبسه ثقيل ..

سند عارف انها تبي تهرب من نظراته .. بحنان / سلامتك ..

وقفت غرام و توجهة للبيت .. سند مد يده و هو يسمي .. و بدا ياكل بشراهه ..

:

:

:

:

بعد نص ساعه ..

رمت قلم الكحل بالشنطه .. و الروج سحبت العطر .. رشة رشتين و رجعته لشنطتها ..

و قفت بسرعة وهي تلف شيلتها على راسه .. التفتت على العنود .. وبقهر / يا ويلك لو مالقيته ..

العنود كانت منسدحه على الفرشه و هي مغطيه عيونها ابتسمت و بنبرة مقصودة / ما احببببهه اكرههه ..

رنيم و هي تغطي فهد .. رفعت حاجب / المهم انتبهي لفهد وعن الكلام الفاضي ..

العنود بضحكه / ان شاء الله . توكلي انتي بس ..

رنيم طلعت من الغرفة وهي مبتسمه .. حتى تشوف ريما واقفه عند باب الحمام .. توها طالعه .." اكرمكم الله " ..

ريما ابتسمت بسخرية .. وبنبرة موجعه / لا تامنين فيه .. ويذبحك .. شوفيني و شوفي امي و جدتي شيخه و العنود ..

لا تامنين لهم يا رنيم .. لا تامنين لسند تراه مثلهم .. لا يخدعك بكلمتين .. " تركت رنيم وتوجهة للغرفة الي تنام فيها "..

رنيم وقفت لدقايق و هي محتاره .. التفتت على الباب الي يطلعها و يوصلها لسند ..

و رجعت طالعت بالباب الي دخلت منه ريما .. و بلا شعور انقادت لسند .. انتبهت على صوته ..

سند اول ماشافها ابتسم بشوق / يا حي من لفاني ..

رنيم رفعت راسها و طالعته .. ابتسمت بهدوء و عيونها تبلغه بحزنها .. كان مستند على المسند ..

الصينية مو موجوده .. يمكن رجعها .. وهي ما تدري .. تقدمت منه ..

سند اشر لها تجلس بحضنه .. رنيم بدون اعتراض جلست ..

سند نزل الشيله و هو يمسح على شعرها .. و بهمس / ايش فيك متضايقه ..

رنيم طالعت في سند .. تنهدت و بضيق / ريما ..

سند يطالعها يحثها على الكلام .. رنيم وهي تتفصح ملامحه .. و بهمس مخنوق / قالت لي لا تأمنين ..

سند عقد حواجبه لثواني و بعدها فردها .. رفع يده ومسح على شعرها .. و بهدوء / مجروحه .. ومحد يلومها ..

" تنهد " .. خليها تستأنس الحين .. و قولي لها وعد من سند يجيب لها حقها .. و يعلم غيث السنع ..

رنيم حطت راسها على صدر سند و بحزن / انا خايفه .. خايفه على اخواتي .. ما عندنا احـ....

سند حط يده على فمها ما نعها من الكلام .. و بهدوء / و انا وين رحت .. ابوي و عمي و خالي و جدي ..

رنيم رفعت راسها .. و طالعت بسند و عيونها ملها الدمع ..

سند سحبها و حضنها .. وبهمس / الي يضايق احد فيهم كانه ضايق رنومتي .. راح اخذ حقهم و ارضيهم ..

رنيم بهمس / ربي لا يحرمني منك .. " حست بقبلة سند على راسها " ..

بخجل وهي تبتعد .. و تلتفت حولينهم / ليطلع لنا احد ..

سند ابتسم لها .. شافها تنكمش على نفسها .. رنيم / برد .. ومن العجله نسيت اخذ الشال ..

سند رفع حاجب وبروقان / و ليه الشال ..

رنيم مافهمت نغزته .. وهي تتلفت بالمكان / غرام قالت ان الجو مره بارد برا ..

و العنود قالت اخذ الشال .. بس كنت خايفه تروح .... " سكتت وهي تعض شفايفها بخجل " ..

سند شدها وهو ينيمها بحضنه .. وهو مستند على المسند .. قرب من وجهها ..و بهمس / كملي ..

رنيم بضحكه تبعد ارتباكها و خجلها / ايش اكمل .. هههههه .. خفت تروح وانا ما شفتك بس ..

سند ابتسم وهو يرفع حاجب و بنظرات غريبه يطالع ملامح وجهها ..

رنيم صدت عنه بخجل و ارتباك .. / اممم .. العمال ويـ.... " حست بحرارة انفاسه على عنقها " ..

رنيم بخجل و خوف تهمس / سنننند ..

حست بثقله .. وهو يهمس / ياعيونه .. هششششششش محد حولنا ..

رنيم وهو تلتف بحضنه بخجل .. و كل مرة يزود الخجل كل ما تسمعت كلمات الغزل من سند ..

*** فجر *** · 09-01-2019, 12:28 PM

رد: رواية بردان ياحضن الدفا عطشان واظماني الجفا كامله ...

بعد نص ساعه ..

رنيم وهي تعدل عباتها و شعرها .. وسند نايم على المسند ويطالعها بروقان ..

رنيم صدت عنه بخجل وهي تهمس / مجنون ..

سند بضحكه وبخبث ../ انتي الي جيتيني ..

رنيم شهقت وهي تضربه على صدره .. صدت عنه وهي تلف الشيلة .. / ابي اروح لفهد ..

لا يصحى و يصيح و يصحي البنات .. " جات بتوقف لكن يد سند منعتها " ..

سند جلس وهو يقرب منها .. وهمس / بوسي لي فهودي .. " وهي يقبل خدها بروقان .. " ..

وقولي لي له انه وحشني .. " رجع يقبل خدها " .. و لا يقطع فيني ..

رنيم ابعدته و هي توقف .. ابتسمت / طيب .. تصبح على خير ..

رجع انسدح .. وبروقان / وانتي بخير يا جنوني ..

رنيم التفتت له وابتسمت اول ما مشت خطوتين .. شهقت وهي تغطي وجهها و تكمل مشيها بسرعة للبيت ..

سند عقد حواجبه وهو يشوف الي يدخل وهو يطالع برنيم ويطالع فيه .. / اوووووه .. خربت الجو ..

سند ابتسم بروقانه و هو يتنهد / لا .. خلصنا ..

بتال التفت عليه وطالع بوجه سند الي ابتسم ابتسامة لها معنى .. بتال بتكشيرة / يا وسخ ..

سند بضحكه وهو يرمي نفسه على المسند / الا حاسدني .. " تنهد " ... ااااااه يازين الدفا ..

بتال بقهر / يا ***** ارحمني ..

سند بضحكه / ههههههههههههههههههههههههههه .. تستاهل ..

رفع راسه وطالع بـ بتال / ايش عشاكم ..

بتال وهو يجلس بعيد عن سند / كل خير ..

سند بنبرة / معرق ..

بتال التفت عليه و ابتسم / ايه .. فاتك والله ..

سند ابتسم وبخبث / ام سلطان كريمه .. وما تبخل على شريكها ..

بتال طالعه بقهر و غيض / سنننننننند ..

سند ابتسم وبخبث / تدري انها هي الي مسويه المعرق .. و تعرف ان الجميع يعرف اني نايم ..

لو ما ترفع لي ام سلطان .. من يرفع لي ..

بتال بقهر و غيض / قوم .. قوم يا الوسخ و اغتسل صدعت براسي ..

سند بضحكه وهو يوقف / الله لا يبلانا ..

بتال بقهر / ما دام انك متشوق لها كان سويت سوات طلال .. ورحمتنا ..

اخذ حرمته وخل العيال و راح و مارجع الا قريب العشاء .. متسترين مو مثلك مفضوح ..

سند ابتسم وبخبث / ولا يهمك .. بكرة اسويها .. العزوبية عذاب .. صدق من قال ......

بتال رفع فنجان القهوة بيضرب فيه سند .. بس سند ضحك وهو يبتعد عن المكان ..

بتال بعد ما غاب عن عينه سند .. تنهد بضيق وهو يطالع بجهة بيت البنات ..

:

:

:

بعد نص ساعة ..

سند يحرك الحطب .. كان لبس بنطلون اسود و بلوزه رمادية و جاكيت جلد اسود و لبس كاب صوفي رمادي ..

لف الشال الرمادي بخطوط سودا على رقبته .. رفع راسه لبتال و بجدية / انا قلت لك .. و اقولها لك مليون مرة ..

احكم اعصابك و لا تخلي الغضب يعميك .. و العنود سهل التعامل معاها .. بس اعطيها الثقة ..

شف راكان من اعطاها الثقة والامان صارت ما تشك خيط بابرة الا وهو عنده العلم كله ..

بتال مسح على شعره الخفيف بعبث .. تنهد بضيق / انا اذا ما توضح الموضوع ما راح اهدا ..

سند وهو يشرب قهوة / اجل احلم ترجع لك العنود .. ولا تفكر ان احد يغصبها ترجع لك .. لمعلوماتك .. انا بصفها ..

بتال بضيق وقف / مو طالبين خدماتك .. " و بنذالة " .. وجعل رنيم تنفس عليك وتطقك ..

سند ضحك ../ ههههههه يا المسكيييين .. كسرت خاطري ..

بتال ابتسم وبثقة / طول ما الظبي و سلطان ربي يخليهم لي .. موجودين على هالدنيا .. فـ العنود لي انا وبس ..

سند رفع حاجب و بابتسامة و نبرة خبيثة / لا تكون واثق .. متعب و راكان وصلاح و نايف و طلال مو مخلينها كذا ..

بتال يقبض يده بغضب و بصراخ / والله لذبحها قبل لا تكون لغيري ..

سند بحدة / بتااااال .. طول ما اعصابك مفلوته ولا راح تقدر تتحكم في غضبك ماراح تحكم الامور ..

بتال اخذ يتنفس بعمق حتى يهدا .. سند وقف وهو يطالع بالسماء ..

سند بتنبؤ / شكلها بتمطر ..

بتال وهو يرفع راسه لسماء / كاني اسمع صوت السحاب يرعد من بعيد ..

سند وهو يعيد لف الشال على رقبته / تعال بس خلنا نغطي الفرش ونرفعه .. مو لا رش المطر ابتلشنا ..

بتال و سند تعاونوا و بداو يسحبون الفرشات لمكان امن و ما يوصله المطر ..

بس انتهوا الا المطر ينزل .. سند يتوجه لبيت الحريم و هو يكلم بتال / انا ابي اقعد عند الحريم ..

لا يصير شي طار لقدر الله .. " ابتسم " .. والله لينهبلون ..

بتال يمشي وراه .. وبمزاح / ماني مخليك بلحالك اخاف تشوف رنيم و تنسى الي حولكم مثل ما صار من ساعه ..

سند و هو يهرول حتى لا يبتل من المطر .. و بتال يهرول وراه / ههههههه تبي تحميلي و الا تتمنى شوفت المهره ..

وقف قبال باب البيت .. وطرقه بسرعه عدت طرقات .. رنيم من خلف الباب / نعم ..

سند بحزم / خذوا لي طريق انا و ابو سلطان ..

انبه بتال لعناد و ابو سطام و سلطان و خالد و اقفين عند الباب و هم ياشرون على السماء ..

انفتح الباب .. و دخل سند و بعده بتال .. ام سند الي فتحت الباب .. وكان توها صاحية من النوم ..

ام سند بمحبه / هلا .. يا صباح الخير ..

سند ابتسم و بحنان / صباحك الخير يا الغالية .. " وانحنى يقبل راسها ويدها " ..

بتال بمزاح / وانا علشان اميمتي مو بحولي مالي من يرحب فيني ..

ام سند وهي تحضنه / هههههه ان كان سند غالي فانت اغلا ..

سند بضحكه / ههههههههههه افاااا .. وين فهودي حتى ياخذ حقي ..

ام سند ابتسمت وهي تشد الشال على كتوفها / فهودي نايم جعله نوم العوافي ..

العنود و رنيم الي كانوا بالمطبخ .. البرد جوعهم .. كانوا يسون فطاير و حليب بالزنجبيل يدفيهم ..

ام عناد و هي طالعه من احد الغرف و هي تستغفر و تذكر الله .. شده الشيله الصوفيه على راسها ..

ام عناد بصوت واضح بحت النوم / لا اله الا الله .. اليلة البرد زايد بالحيل .. " ابتسمت من شافت بتال و سند " ..

يا هلا يا صباح الخير .. " وهي تتوجه لهم .. انحنى سند يقبل راسها و بتال كذالك " ..

سمعوا صوت راعده قوية .. سند / سبحان الذي يسبح الرعد بحمده والملائكة من خيفته ..

الكل التفت على صوت صراخ الطفل .. حتى يطلع سلطان من غرفة مقابله لباب المدخل ..

سلطان انحنى على ركبه و فتح يدينه .. سلطان تقدم من ابوه و هو يبكي .. بتال اخذه بحضنه وهو يسمي عليه ..

العنود واقفه عند باب المطبخ ما تشوف احد .. كانت تراقب يمكن تشوف احد .. شافت عمتها ام صقر ..

العنود بهمس / عمه .. عمتتتتتي ..

ام صقر انتبهت حتى تلتفت لها وهي تعدل شيلتها .. تقدمت من الباب / هلا يامك ..

العنود بهمس / صبحك الله بالخير ..

ام صقر ابتسمت و بحنا / صباحكم رضا وسرور ..

العنود بهمس / لو ما فيها كلافه جيبي لي سلطان ارتعب يوم سمع صوت الرعد ..

ام صقر تلتفت لباب المدخل .. و رجعت التفتت عليها / لا تخافين عليه هذا هو بحضن ابوه ..

العنود هزت راسها حتى تفتح الباب و تاشر لها / عمتي لحضة شوي ..

دخلت العنود و سحبت صينيه كانت عليها اكواب و رقيه فيها حليب .. و فطاير ملفوفه ..

منها بالعسل و منها بالجبن و منها بالمربى و منها بالبنه .. / اعطيها الشباب الموجوده ..

رنيم بتساؤل / من موجود ..

ام صقر ابتسمت / بس ابو سلطان و ابو فهد .. " اخذت الصينية و طلعت " ..

رنيم ابتسمت و بخبث / العنود ..

العنود طالعتها و شافت ابتسامتها الخبيثه .. حتى تشمق وهي تقول / من رجعتي لسند يا الوسخه و انتي مو صاحيه ..

رنيم / ههههههههههههههههههههههههههههههه ..

:

:

:

:

صباح يوم جديد ..

عناد وهو يشرب من فنجان القهوة / اوووووه ابو فهد مروق ..

بتال ابتسم وبخبث / من صيد الغزلان البارح ..

ابو سطام التفت على بتال و سند وبتساؤل / ها .. اي غزلان ..

طلال الي خبره بتال بسالفه بعد ماوقف المطر و صلوا الفجر عدل جلسته وبجدية / يبه البارح سند .. بعد ماكلنا هجعنا ..

" نمنا " .. سرا لسوق و هات يا بنات .. هذي رقم وهذا كلمه معسوله وهذي بوسه ..

ابو سطام بثقة / كذاب ..

سند الي انسدح من الضحك / ههههههههههههههههههههههههههههههههههههههههههههه ..

فارس بضحكه / تم نسف الجبهه .. ههههههههههههههههههههههههههههههه ..

سيف بحميه لاخوه / افا يبه .. تكذب اخوي و تصدق السربوت سهار اليل ..

ابو سطام / ما سهر اليل الا لانه ذيب .. و اخوك هو السربوت الكذوب ..

رعد التفت لاخوه و بضحكه / عبدالعزيز .. ساعد عيالك بتلقيط وجيههم ..

عبدالعزيز " ابو طلال " .. التفت له / من عيالي .. ما اعرفهم .. ما عندي الا اماني و ريان و هيام ..

سعود بحمية / ونوال ..

عبدالعزيز / مالت عليكم انت واياها .. ما اعرفها ..

سعود بمزح / افا ترا ازعل و اخذها ..

ابو طلال بفرح كذاب / ابركها من ساعه .. مغير مسويه لي زحمه ..

سند انتبه لخروج غرام و كان معاها احد البنات وقف و هو يتوجه لهم ..

عناد و رعد انتبهوا لوقوفه .. راقبوه و شافوا و هو يمسك يد غرام و يروح لجهة معينه ..

رعد بهمس / ترا نظراته ماكانت هذاك الزود عليك ..

عناد بنبره / ايه .. " وقف وهو يلبس نظاراته الشمسية و يمشي بهدوء جهة غرام و سند "..

:

:

:

غرام تنهدت بضيق / يعني بكرة ايش شي لقدر الله يصير بين فارس و ابرار يصير علينا ..

التفتت لسند .. و بعبره .. / اختنقت من ذا الشي .. لو ..... " سكتت وهي تصد عن سند تحاول تمنع دموعها " ..

سند بهدوء / لو ما انا كافله و قايلك ان عناد اكبر من تفاهات صارت بالماضي و الموضوع الي قلته لك ..

غرام منزله راسها و تفرك باصابيعها .. / .................

سند بهدوء / غرام .. انتي قلتي لعناد عن الي زاعجك ..

غراك هزت راسها بلا ../ ..............

سند مازال على هدوئه / طيب ..؟!!

غرام على نفس الوضع / .................

عناد الي كان واقف وراهم بينه و بينهم شجره .. يسمع لهم بس ما تدخل .. تقدم منهم .. وبهدوء / السلام عليكم ..

التفتا له / وعليكم السلام ..

غرام صدت بخجل و ضيق .. عناد ابتسم لسند / ممكن تخلينا نتهنا بغزالنا ..

سند بضحكه / بس انتبه لا تاكلها .. " و قف و هو يغمز لعناد واول ما قرب منه " .. لي كلام معاك بعدين ..

عناد ابتسم وهو يتقدم و يجلس مكان سند .. كانوا خلف بيت الحريم .. على احد مدرجات ..

عناد بعد فترة صمت وهو يطالع بالمزرعة .. و غرام مازالت تفرك بأصابيعها ..

عناد مد يده و مسك يدها و بهمس / خلاص ارحميها ..

غرام بخجل تصلبت .. عناد تنهد و بهدوء / ايه .. اسمع ؟!! ..

غرام / ..................

عناد بهمس / خبري بك ما تسكتين .. ايش غيرك ..

غرام صدت بضيق .. حست بيدينه على كتفها و بهمس / غررررااام ..

غرام ترفع اكتافها تبيه يبعد يده .. عناد رص على الكتافها .. و بحزم / غررررررااام ..

غرام طالعته و وجهها جامد .. عناد بحزم / كم مره سالتك .. ليه ما قلتي ايش الي مضايقك ..

غرام تحاول تبلع عبرتها / ايش تبيني اقول ..

عناد بحنان / كل الي بخاطرك ..

غرام صدت و هي تهز راسها / ولا شي ..

عناد تنهد .. عارف ان نفسيتها تغيرت من بعد الي صار لها .. و الي قاله سند كفيل بانه يصبر و يتحمل ..

بس ياخوفي ينقطع حبل الصبر .. وبهمس / ترا الي صار بجدة .. مزح .. كل القصد احارشك فيه ..

غرام التفتت له .. عناد ابتسم / وحشتني طول لسانك وجرائتك القديمة ..

غرام صدت وهي تحاول تمنع ابتسامتها / مو كنت تكرهني بسببها ..

عناد ابتسم و بخبث / مو طلعت اعشقك بس اكذب ..

غرام رفعت حواجبها .. " يعني مو مصدقه " .. قرب منها و هو يهمس / مو مصدقه ..

حطي عينك بعيني و تشوفيني كاذب و الا صادق ..

غرام نزلت راسها بخجل وهي تبتسم .. حست بدفء النفاسه على خدها ..

ابتعدت شوي و بخجل .. / عنااااد ..

عناد بضحكه و هو يبتعد عنها / طيب .. " و بجديه " .. امممم .. بما ان الشقة مو جاهز ..

وراح تطول .. " وبخبث " .. وانا و احد مستعجل .. امممم .. ترضين بجناح الى ان تنتهي الشقة ..

غرام بخجل و حرج صدت عنه .. عناد ابتسم / غرام ..

غرام تنهدت و بارتباك / انت تعرف ان الي صار .. لساته له تاثير .. يعني ..

عناد مد يده حتى يحتضن كفها .. وبهمس / يعني ..

غرام ما رفعت راسها .. / ...........

عناد بهمس / ادري بكل شي .. راح نكمل الجلسات مع الشيخ .. سند قال ما بقي لك شي .. صح ..!!

غرام هزت راسها و هي تبلع عبرتها ../ ايه صح ..

عناد ابتسم / يعني ماله داعي هالتشاؤم و الهواجيس ..

غرام هزت راسها .. عناد بمزح / سند متحلف فيني ..

غرام طالعته و بتساؤل / ايش سويت ..

عناد يبي يعرف درجة قرب غرام من سند / ما سويت شي .. بس يتبلاني اخوك ..

غرام بثقة / لو ما سويت ما كلمك سند .. انا اعرف سند اكثر من نفسي ..

عناد انتبه لحركه بالمزرعه .. انتبه لوحدة من البنات طالعتهم وصدت راجعه ..

عناد رفع حاجب / هذي من ؟..

غرام باستغراب / جد ما تعرف اختك بالعباية ..

عناد طالعها و بهدوء / لانه من بعيد ما عرفتها و لا دققت ..

غرام بسؤال مفاجاء / عناد ايش تعرف عن اخواتك ..

عناد التفت له باستغراب / كيف يعني ما فهمت ..

غرام بتساؤل / يعني متى اخر مرة سهرت معاهم و سالتهم عن حالهم عن الي بخاطرهم ..

عناد بعدم اهتمام / من زمان .. وان جلست معاهم .. ما يقولون شي .. " وباهتمام " .. ليه فيه شي ..؟

غرام بنبرة مقصودة / اعرفه بنفسك .. قرب من اخواتك و شوف الي يحتاجونه .. ترا مالهم غيرك انت و بدر ..

عناد طالعها بتفحص و بعدها طالع بالمزرعة وهو يفكر ..

نهاااية الباااارت ...

*** فجر *** · 10-01-2019, 11:13 AM

رد: رواية بردان ياحضن الدفا عطشان واظماني الجفا كامله ...

البارت 49 ..

تل قلبي .. تل طير على طلع وكيد

جود المقرود سبقه وعيا يطلقه

يوم فاع اركى جناحه على قاسي الحديد

وانكسر ريش النداوي ولا الله وفقه

يكفخ القلب المشقي على الخل العنيد

ما وفا بالعهد لا شك قلبي صدقه

واهني اللي على الحول ينبت له جديد

وش سواة اللي جناحين قلبه محرقه

يا لطيف الروح وبحق خلاق العبيد

اكرم المملوك بالوصل والا فاعتقه

" بدر بن عبدالمحسن " ..

بعد الظهر ..

في المزرعة .. طلال و نايف يتمشون مع بعض ..

طلال / هههههههههههههههههههه ..

نايف وقف عند شجره و هو يطالع ثمرها .. / تين صح ..

طلال وهو يمسح مكان النظارة الشمسية و يطالع بالشجرة / ايه تين .. " وباستغراب " .. امس كانت مليانه ..

نايف شاف شخص خلف الشبك الي قريب منهم .. وهو ياشر بحواجبه و بهمس / شكل عندنا جيران جدد ..

طلال التفت وعقد حواجبه / الي قبل ما صدقنا يروحون ويفكونا من الازعاج ..

نايف عقد حواجبة بانزعاج وهو يسمع صوت شخص يتكلم / قلة ادب .. كيف تاخدو حاجه بدو لا تستئزنو ..

كلموا اصحاب البيت والا البوستان .. ايش هالهمجية دي .. السلام عليكم ..

طلال التفت لشخص و باستغرب / وعليكم السلام ..

نايف ابتسم وهو يشوف الشخص الي لف فوطه على راسه ولبس قميص نوم رافعه من اسفل بيده و شكله معصب ..

... / معليش يا اخوية البزروه قطفوا التين من مزرعتكم و قالوا ما استازنوا .. فااااا ..

نايف / هههههههههههههههههه عموري كيفك يا رجال .. ايش هالصدفه ..

عمر فتح عيونه وابتسم / نايف والله ما عرفتك ايشبك ليش متغيركذا ومتشخبط ..

نايف / هههههههههههههههههههههههههه .. " وهو يتقدم من الشبك الي كان مو طويل مرة فسلم على عمر " ..

التفت على طلال / هذا اخونا طلال ..

عمر ابتسم / اخوكم التاني المحشور بينكم مثل الي عندي ههههههههههه ..

نايف / ههههههههه يا ويلك لو تسمعك .. " التفت على طلال " .. هذا عمر زوج منار اختنا الي قلنا لك عنها ..

طلال اول شي عقد حواجبه بتذكر و بعدا فردها و هو يتقدم / هلا .. كيفك ابو حمزة ايش اخبارك ..

عمر ابتسم وبلهجته الحجازية / هلا فيك الحمدالله بخير .. كيفك انت ..

طلال ابتسم / الحمد الله ..

نايف بتساؤل / منار ايشلونها ..

عمر بمزح / لونها لون الجني .. جننتنا الا بتطلع .. شقوا لها بطنها و برضه جنانها ما وقف ..

نايف فتح عيونه / هي مو عبانه ولدت بسابع و ظهرها بعد الحادث و بعد مطيوره ..

عمر بضيق / ايش تسوي فيها .. وعمي حمزة عاد الا ام حمزة الصغير ..بس تبكي خلاص ..

لو فيه الموت ما تقعد بخاطرها تصير الشغله الي تبغاها .. جابها .. و هي و بكيفها لو تموت انا معاد اتكلم ..

نايف ابتسم و بخبث / اتحداك ..

عمر رفع حاجب / ايش لوه الكلام هادا .. عديها ليه الا تقعد لي على الحبه انت و اخوك راكان ..

طلال و نايف / هههههههههههههههه ..

عمر / نقعد واقفين كيده .. تعالوا نشرب شاهي برا .. الشباب جالسين جلسه يحبها قلبك .. تعالوا ..

طلال و نايف التفتوا لبعض و مشيوا متجهين لبوابة البيت الرئيسية ..

ـــــــــــــــــــ

بعد العصر اصروا البنات يطلعوا من المكان و يروحون لاحد المنتجعات ..

طلعوهم .. الى بعد العشاء رجعوا و هم هلكانين ..

امام البيت المجاور ..

كان فيه كرسي تحت شجرة .. جلسين عليها العنود وسارة و منار ..

ساره بضحكه / منوووووووور وحشتيني .. " وهي ترجع تحضن منار و تبوسها "..

العنود ابتسمت / من يصدق ان الصدف تخلينا نستاجر جنب بعض ..

منار ابتسمت / والله عمي ما قصر .. لمن شافني متضايقه حلف ان اسوي حفلة اربعيني بالشفاء ..

العنود تنهدت / والله من جنانك .. اجل مالك شهر من ولدتي طلعتي من البيت .. وليتك تسعه شهور تم حملك ..

ساره بضحكه / هذي هي منور ههههههههههههههه متفرده بالجنون ..

منار وهي تضم ساره / ههههههههههههه .. والله وحشتوني .. الا وين اولادك عاموده ..

العنود طالعتها بنص عين .. / يعني الحين انتي الي مو عامودة .. و اولادي نايمين من بعد العب الي لعبوه ..

ساره ابتسمت / وانتي و ين حمزاوي ..

منار تنهدت و بضيق / لانه ما تم تسعه شهور خلوه بالحضانه " وابتسمت بفرح " ..

بكره يتم التسع شهور ويطلع ان شاء الله .. تراه دبوج من ضغنون ..

العنود ابتسمت / اذكري الله .. وواا .. راكان قال قبل ما نرجع الخبر نمر عليك .. باذن الله ..

منار ابتسمت / يا مرحبا بكم .. احنا بكره ماشين .. راح اطلع حمزة من المستشفى .. ان شاء الله ..

العنود ابتسمت / على خير .. " وبهدوء " .. منار .. انتبهي على صحتك حبيبتي .. الحين صرتي ام يعني كبري عقلك ..

منار ابتسمت و بخبث / يعني انتي يوم صرتي ام كبرتي عقلك ..

العنود بحدة / منووووووور ..

منار / ههههههههههههههههههههههههههه ..

وبعد دقايق صمت / من يصدق ان كلنا نصير امهات .. " التفتت على ساره " .. ما بقي الا انتي ..

العنود رفعت حواجبها / عندك خبر عن حنان و مها ..

منار بضيق / تحزني مها .. حنان كل ما اسالها عن مها تبكي .. زوجها فوق كبر سنه الا انه شرير ..

مصبحها و مسيها بضرب ..تخيلي قبل لا يكمل عمر و لدها شهرين حملت ..

العنود صدت وبغموض / جعل صبرها يمحي ذنوبها .. " وقفت " .. يالله ساره صار لزم نرجع ..

وانتي " تقصد منار " .. قبل لا ترجعون جده .. مري سلمي على جدتي و عماتي .. وعمانك ..

منار زمت شفايفها .. و بضيق / مستحيه .. وكل ما اذكر الي سويته اخجل اكثر ..

العنود تنهدت / ما عليه .. كان الوضع غير .. اذا احد سالك نوضح الموضوع .. مو مشكله ..

" وهي تربط نقابها ".. يالله فمان الله .. " وقفت منار و ساره و كل توجه لجهة معينه " ..

منار تذكرت شي و نادت ساره .. حتى توقف ساره و ترجع لها ..

العنود كملت طريقها ولمن انتبهت لساره وقفت تنتظر ساره.. شافت عمر زوج منار جاي جهتها ..

شكله راجع من البقالة .. و بخجل ردت السلام على عمر وباركت له بالمولود ..

بتال الي كان خارج من البيت متوجه لسيارات الي واقفه خارج السور ..

انتبه للعنود الي كانت و اقفه بمسافه لهي بعيده و لا قريبه من عمر.. و بجنون توجه لهم ..

العنود انتبهت لساره الي جايه جهتها .. عدلت عباتها و مشت خطوتين و تفاجات بالشخص الي نط على عمر ..

و بدا يتضارب معاه .. عمر الي ماكان منتبه لشخص اختل توازنه و طاح على الارض ..

العنود فتحت عيونها بصدمه .. و ساره شهقت .. التفتت جهة منار و ماشافتها مكانها .. دخلت للبيت ..

العنود بخوف / بتال .. يا مجنون ..

بتال بغضب .. كان يضرب عمر و يتلفظ الفاظ خلت كل عرق بالعنود يرجف ..

سند كان يتكلم بالجوال و هو طالع من البيت .. قفل جواله و التفت باستغراب جهة الاصوات ..

شاف بنتين و اقفين بخوف و شخصين يتقاتلون على الارض .. ميز احد الاصوات و راح يجري لهم ..

وبصعوبه ابعد بتال عن عمر .. لكن كان يفتلت منه و يرجع يضرب عمر ..

طلع و احد من البيت الي ماخذينه اهل عمر وبسرعه جاء يساعد سند و يبعد عمر عن بتال ..

سند ضرب بتال كف .. حتى يختل توازن بتال و يطح على الارض .. و بحده / بتااااااااال ..

التفت على البنات .. / يالله روحوا لاهلكم ..

ساره سحبت العنود الي كانت متصلبه بغضب في مكانها .. تحركت العنود متوجه للبيت ..

سند بصدمه من ان البنتين من عايلتهم .. اخو عمر سحبه و رجعه البيت .. باعتقاده ان اخوه الغلطان ..

سند بحده / انت انجنيت ..

بتال بغضب / الـ****** .. و اقفه معاه .. لا حي و لا مستحى ..

سند رفع يده كان راح ينزله على وجه بتال / انت كيف تفكر .. ما قلت لك اوثق بالعنود ..

انت تعرف سبب خروجه .. تعرف من الشخص الي و قفت معاه سالتها .. اكيد لا ..

لان عقلك المرض صور كل شي و وثقه .. " تركه و رجع للبيت بخطوات غاضبة سريعه " ..

بتال بقهر قبض يده و صار يضربها بالارض بغضب .. و قف و توجه جهة البيت ..

وما انتبه للاعصار الي طلع من البيت المجاور ..

بتال اول ما دخل شاف سند واقف قدام نايف و طلال و العنود عند باب البيت ..

نايف بغضب وهو ياشر على بتال / انت ايش لك دخل باختي ..

بتال بغضب اكبر / ايش لي دخل .. تبغاني اشوفها واقفه مع رجال غريب واسكت ..

طلال بغضب اكبر ../ وانت تدري من هو .. لو واقفه مع سند .. بتضربه .. و تشك في وضعهم ..

......... من خلفه بغضب / يا **** ... انت باي حق تضرب زوجي .. " سحبت شبشبها حتى تحذفه بوجه بتال " ..

نايف بغضب / مناااروة وجع .. انقلعي لبيتك ..

عمر الي لحق منار سحبها من يدها و بغضب / انتي انجنيتي .. ايشبك طلعتي زي المجنونه ..

ارجعي للبيت انا احل الموضوع .. " منار فلتت يد عمر و توجهة لخواتها "..

بتال بغضب توجه لعمر لكن سند مسكه و دفعه بقوة لبعيد حتى يطيح بتال على الارض ..

نايف يتوجه لعمر و اخوه الي دخل بعد عمر .. و بضيق / العذر والسموحه يا عمر .. الجماعه ما يعرفونك ..

الكل طالع بنايف و طلال باستغراب .. و ينتظرون تفسير ..

,

,

رنيم باستغراب واقفه عند باب البيت / ايش فيه .. ايش صار ..

العنود دفعت الي عند الباب و هي تدخل بغضب سحبت نقابها و جلست على فرشت جدتها .. دخلت ساره و منار بعدها ..

الكل طالع بمنار باستغراب .. منار تجلس بجنب العنود و بعصبيه / هدا الـ***** ايش دخله فيك ..

العنود بحدة وهي تحط اصباعها في فمها / اااااص ..

سمر طلعت من الغرفه بضيق و طالعت بغرام / يقول ما راح يجي .. " طالعت بوجيه الكل و بخوف " .. ايش فيه ..

منار طالعت بسمر من فوق لتحت وشمقت لها .. و بتساؤل لسارة / وين راكان ..

ساره بهمس / ما جاء ..

..... / لا اله الا الله .. السلام عليكم ..

الكل طالع بالجده الي خارجه من احد الغرف و هي تمسح وجهها بشيلتها .. توها مصليه الوتر ..

تقدمت من العنود و منار و ساره و بتساؤل / يا مرحبا .. من المزيونه ..

منار و قفت و تقدمت منها و هي تقبل راس جدتها / انا منار ..

العنود بصوت جامد / هذي منار بنت خالتي شمه اختنا بالرضاعه ..

ام سطام ابتسمت و بحنيه / يا مرحبا .. والله قال لنا سطام رحمة الله عليه ان عنده بنت رضاعه بس ما شفناك و لهينا ..

منار ابتسمت وهي تمسك يد جدتها و توجه للفرشة / ايوة .. انا ما شفتكم الا مرة يوم زواج طلال و مرام ..

الكل تلفت في بعض و تساؤلات كثير .. سمعوا صوت صراخ وفجاه هدي ..

حتى تسال الجده / هو ايش جاهم .. ليش هالتخبط و الصياح ..

الكل يطالع في بعضه .. مريم بهدوء / مغير الشباب الله يهديهم ما تعرفينهم يمه ..

نوال تهمس لـ ابرار / فهمتي شي ..

ابرار هزت راسها بلا .. نوال طالعت بالبنات و شافت الضياع بملامح و جيههم ..

ام سند بفضول / جيتي زواج طلال .. متى و ين كنا ماشفناك .. بس شفنا العنود و ساره ..

مرام رفعت حواجبها وبداخلها .. " علشان كذا لمن جاتني العنود طلبت تشوف الصور ..

و كانت تمدح وكانها اول مره تشوفها .. طلع لانها ماحضرت " ..

سمر مركزة و هي تحاول تربط الاحداث و تفهمها ... والكل مركز ..

منار طالعت بالعنود الي الغضب واضح متملك كل ملامح وجهها .. بارتباك / انا .. انا الي انتم تحسبوني العنود ..

" و بتبرير " .. والله كله من خالتي شريفه .. هي السبب .. كانت تهددني و تهدد البنات .. وكنا نخاف ..

" وبغصة " .. محد حولنا و لا احد يقدر يساعدنا .. " سكتت وهي تطالع بالوجيه .. الي واضح ان محد فاهم شي "..

سمر طالعت بـ العنود و طالعت بمنار .. فيه اختلاف واضح .. العنود نحيفه و ملامحها اجمل و ساحره ..

منار ملامحها حلوه بس حدتها و سحرها مو مثل العنود .. و بعد متينه .. عقدت حواجبها " بس ماكانت كذا قبل " ..

نوال طالعت بالبنات / هااا ما قلت لكم كانهم اثنين بواحد ..

ابرار تضربها على كتفها / اسكتي خلنا نكمل الفيلم ..

مريم ام طلال بهدوء / يا مرحبا بك .. والي فات مات .. و الحكي بالفايت نقصان بالعكل و انا امك ..

حنا عيال اليوم .. " ابتسمت بحنان " .. ايشلونك انت و ايشلون صحتك ..

منار ابتسمت و باريحيه / الحمد الله .. " حطت يدها على بطنها مكان العمليه "..

العنود انتبهت لحركتها .. رفعت عينها و طالعت بملامح اختها و شافت عرق منتفخ بجان حاجبها ..

سالتها بهمس / تعبانه ..

منار بهمس متالم / العمليه توجعني .. و المضاد و قته فات من زمان ..

العنود طالعت فيها بغضب حتى تصرخ / ناقصه مصيبه ثانيه انا .. " التفتت لسارة " ..

روحي قولي نايف ياخذها ويوديها لبيتها .. " التفتت على منار " .. روحي ارتاحي في بيتك .. وبكره يصير خير ..

منار مسكت يد ساره و وقفت بوجع .. طلعت منها .." آآآآه " ..

التفتت على الجميع / اسمحولي .. توني والده والعملية توجعني ..

شهقت ام سطام / و الله ماتروحين ارتاح عندنا .. علاجك مقدور عليه .. يروح نايف يجيبه ..

منار طالعت بالعنود و شافتها صاده .. طالعت بالجدة و هي تقول لها / انا حلفت ..

ساره طالعت فيها .. و بحنان / تعالي نامي بالغرفة الثانية ..

منار راحت مع ساره و نامت بفرشتها .. بعد ما ارتاحت التفت على ساره و بهمس / متى يوصل راكان ..

ساره رفعت كتوفها / ما ادري .. بس سمر قالت مو جاي ..

منار تنهدت و هي تغمض عيونها بتعب .. وبهمس / ساره فيه اي مسكن عندك .. بطني يوجعني ..

ساره هزت راسها / لا ما عندي .. " وقفت " .. اكلم نايف يكلم زوجك يجيب ادويتك ..

طلعت ساره قبل لا تسمع رد من منار .. و توجهة لنايف ..

بالصالة الكل سكت عن الموضوع و لا ناقش فيه .. بامر من ام سطام ..

:

:

:

عند الرجال ..

بتال اخذ مفاتيح الجيب حق ابوه و ركبه و راح بدون لا يقول لاحد و ين وجهته ..

سند يحاول يهدي نايف .. الي حالف ما يسكت عن الموضوع ..

نايف بعد محاولات تهدئة من سند .. بات بالفشل .. سمع رنه رساله .. فتح جهازة و بعدها هدي او بالصح تجمد ..

عمر و اخوه و عمه الي لحقهم بعد فترة .. رفضوا الجلوس و طلعوا من البيت راجعين بيتهم ..

سلطان يمسح على وجهه و بضيق / وليه ما جبتوا طاري هالاخت ..

نايف صاد و لا تكلم .. ابو سطام بهدوء / عندنا خبر من زمان يا ولدي بس حنا ما اهتمينا ..

" تنهد بضيق " .. لا حول و لا قوة الا بالله .. قد الله و ما شاء فعل ..

ابو سند / لعله خير الي صار .. و ترجع المياة لمجاريها ..

نايف و قف و ابتعد عن الجلسه اذا بقي يستمع لهم راح ينفجر و العنود طلبت منه الصمت ..

ما يدري ليه طلبت هالشي .. انتبه لسارة تناديه توجه لها .. و بهدوء / نعم ..

ساره بضيق / منار تعبانه .. تبغى ادويتها و جدتي حلفت ما تطلع و تنام هينا ..

نايف هز راسه رفع جواله بيتصل على عمر .. لكن فجأة صوت عمر و هو يرد السلام ..

عمر ابتسم / السلام عليكم .. " كان بيده كيس واضح بانه ادويه " ..

عمر بضيق / هدي ادوية المجنونه .. ما اخذت منها حاجة و وقتها فات ..

"وبمزاح " .. انا قبل اقول من فين جابت الجونان هدا .. طلع من عرقكم ..

نايف غصب ابتسم و هو يتقدم له .. و بهمس / اعذرنا يا عمر ..

عمر ابتسم و بساطة / يا اخويه ما صار حاجه اخوانا و صار سوء فهم .. ادري ان المجنونه ماراح ترجع دحين ..

فجبت لها الادوية .. وبكره الصباح طالعين جدة .. امر عليها و اخذها ... " ابتسم بفرح " .. بكره يطلع حمزاوي ..

نايف ابتسم / و حنا بعد بكرة ان شاء الله نلحقكم .. راكان بيوصل الليله ان شاء الله ..

الحين هو في مكه اخذ له عمره هو وزياد و طالعين ان شاء الله ..

عمر / يوصلون بالسلامه .. يالله سلام ..

نايف / وعليكم السلام ..

التفت على ساره الي واقفه بعبايتها وراء الباب وناولها الكيس .. سمع صوت خلفه التفت و شاف سند ..

سند بحزم / تعال ابيك شوي ..

نايف تقدم منه بهدوء / نعم ..

سند بحزم / عند علم بان راكان راح يجي اليله .. ما ابي اول ما يوصل تقوله .. انا ابلغه و افهمه السالفه ..

نايف طالعه ببرود و تركه و توجه للبيت .. سند طالعه و تنهد بضيق .. / الله يهديكم بس ..

سمع صوت شخص عقد حواجبه والتفت باستغراب جهة الصوت شاف ياسر لبس بنطلون اسود و بلوزة سماوي ..

عليه جاكيت اسود .. وبهمس / هذا متى وصل من المغرب .. وكيف عرف المكان ..!

انتبه لصقر وسامر الي يسولفون مع الشباب .. وبهمس / اهاااا صقر و سامر ..

تقدم بهدوء وهو يجلس بدون لا يطالع اخوه سحب المسنده و نام عليها ..

ياسر طالع باخوه و بهدوء / اشلونك ابو فهد ..

سند وهو صاد وبنبرة جافه / من الله بخير ..

ياسر صد وبدا يسولف مع ابوه .. / اخذت طيارة من جدة لـ الطايف و اخذ تكسي من المطار الى الشفاء ..

و جاني سامر و صقر و جابوني عندكم ..

ابو سند / وين كنت ذا ا لفترة كلها ..

ياسر يمسح على شعره بعبث / ابد قريب .. شفت دبي و " ابتسم " .. غزلانها ..

ابو سطام عقد حواجبه و طالعه بغضب .. حتى يضحك ياسر / رحت الشوف الظبي الي يتغنون له ..

غزيل فله .. بدبي لاقاني ..

امشط القذله .. سلمت وحياني

قال اشبلاك مدله .. قلت ضاع برهاني

اسبابه الكحله .. تسحر بالأعياني

ابو سطام بانزعاج / خلاص اص .. ازعجتنا ..

سامر و صقر و ياسر / هههههههههههههههههههههههههههه ..

انتبهوا ان وجيههم فيه حكي .. سامر التفت على سعود و شاف وجهه اسود من الضيق ...

تلفت يدور بتال و بتساؤل / وين ابو سلطان ..

سلطان بهدوء / راح له مشوار و يرجع ان شاء الله ..

سامر طالع بوجيه الكل .. و صمت ..

ــــــــــــــ

قبل الفجر بساعتين ..

عند جلسة الشباب الي بالغار ..

سعود واقف و بيده الجوال .. تنهد بضيق / ما يرد ..

سند جالس قبال النار وهو يشرب من كوب الحليب .. ببرود / خله .. متى ما هدي غضبه يرد عليك ..

سعود زفر بضيق / ها الادميه ماخلت براسه عقل ..

سند ابتسم وهو يطالع بالكوب / ...............

سعود انتبه لابتسامته سند .. رفع حاجب و باستغراب / على ايش تبوسم ..

سند بنبرة هامسه / اخوك ما براسه عقل من زمان .. " رفع راسه و طالع بسعود .. وبنبرة مقصودة "..

اجل فيه واحد عنده مثل العنود ويطلقها .. " طالع بسعود لفترة سعود بارتباك صد عنه "..

سند رفع حاجبه و بصدق / استغفر الله .. هي ان مشت مع البنات تلفت كل الانظار لها .. وما كان حولها احد ..

سعود زفر بضيق / ............

سند هز راسه /اعوذ بالله من الشيطان الرجيم .. استغفر الله العظيم ..

............/ السلام عليكم ..

سند وسعود التفتوا و شافوا راكان وعناد و زياد يدخولون .. و قفوا و سموا عليهم .. وبعد السؤال عن الحال و الاحوال ..

جلسوا حول النار .. و تقهوا .. دخل نايف و طلال و بعده فارس و سيف .. وسلموا ..

راكان يطالع بنايف و بتساؤل / ايش فيك ..

نايف بهدوء / سلامتك ..

راكان طالع بوجيه الكل .. / شكل جو الشفاء مو عاجبكم ..

سند ابتسم / الا والله .. بس ما يعكر الا بعد المدام ..

رعد الي دخل عليهم / عاد انت بذات ما يصير تتكلم عن ذا الامر .. السلام عليكم ..

الكل باصوات متفرقه / هههههههههه و عليكم السلام ..

وقف راكان وزياد و بعد السلام و السؤال عن الحال .. راكان ابتسم وهو يجلس / ليش ايش سوا ..

رعد ابتسم / اكل من الحلا بالخلا ..

راكان عقد حواجبه و هو يطالعه باستفسار .. رعد ياشر له / المدام .. اخر اليل ..

راكان فهم / اووووووووووه ..

زياد حمر وجهه .. رعد حط يده على فخذ زياد و بعفوية مسح عليها .. / اوووه يا الحلو خجلت ..

زياد انتفض بطريقة غريبة و هو يبعد يد رعد بعنف .. الكل استغرب من حركته ..

راكان طالع اخوه باستغراب / ايش فيك ..

زياد و تنفسه مضطرب و وجه متصبب منه العرق .. تركهم و طلع بدون وجه معينه ..

الكل التفت لبعض باستغراب .. سند عاقد حواجبه / هاالرجال مو طبيعي ابدا ..

عناد وهو يطالع قفاء زياد الي بدا يختفي في الظلام / من زمان و انا قايله ..

راكان و قف و لحق زياد .. ونايف لحقه .. و قفه سند / ناااايف ..

نايف طالعه برفعة حاجب و ابتسم بسخرية و تركه و توجه لاخوانه ..

طلال بنبرة مقصوده / سند لا تدخل .. ان نايف سكت .. " طالع بسند " .. العنود مو ساكته ..

سند طالعه بنص عين / العنود انا اتفاهم معاها ..

طلال طالعه و بسخرية / اذا في يدك لا تقصر .. " وقف و ترك المكان "..

عناد تنهد / ترا الي مسكتتهم العنود .. و الا كلامك مو شايلينه من ارضه ..

رعد بدوء / تكلمت مع العنود .. و كانت باااااارده و لا كان صار شي .. بصراحه خوفتني ..

سند صد عنهم و هو يشتت نظراته .. وبداخله " تبي تسوي سوات جدتها .. ما راح اسمح لك يا العنود " ..

*** فجر *** · 10-01-2019, 11:17 AM

رد: رواية بردان ياحضن الدفا عطشان واظماني الجفا كامله ...

بالمزرعه ..

زياد يرجف وهو يبكي .. ويكتم صوت شهقاته ..

صد وهو يمسح دموعه و يشد الجاكيت علية .. اول ما سمع صوت راكان يناديه ..

زياد وهو يعدل صوته .. ويتنحنح / احمم احمم .. هينا .. راكان ..

راكان تقدم منه و بخوف و اهتمام / زياد .. انت ايش فيك .. ايش صار لك ..

زياد بكذب / بس من المشوار لعت كبدي وااا .. طلعت ..

راكان مسح على ظهره .. و بتطمن / و الله خوفتني .. طيب الحين كيف صرت ..

زياد يمسح وجهه بالشال و هو يتنهد و يوقف / احسن ..

راكان لف يدينه على زياد وحضنه .. زياد تجمد مكانه ..

راكان ابتعد عنه و بحنان / ربي لا يفجعني فيكم .. تعال خلانا نرجع لشباب ..

راكان شاف طلال و نايف يتهامسون بصوت واطي .. هز راسه وهو يتقدم لهم و زياد يمشي بتعب من وراه ..

راكان بتفحص / ايش فيه .. حس بان فيه شي صار و انا ما اعرفه .. ايش صار ..

طلال شايف التعب المرسوم بملامح راكان .. من جاء من الشرقية اخذ عمره و كمل طريقة على الشفاء ما ارتاح ابد ..

طلال بهدوء / لا ابد ما صار شي.. بس شكلك تعبان .. متى اخر مره نمت فيها ..

راكان يتثاؤب اول ما جاء طاري النوم / لي يومين وداخل على الثالث مانمت احس راسي بينشطر بين النص ..

صدددددددددددددااااااع .. " وهو يمشي بخطوات ثقيلة " .. متى ياذن الفجر .. ابي اصلي وانام ..

ــــــــــــــ

بعد الظهر ..

منار تسلم على العنود و ساره و الكل .. وهي تودعهم .. / يالله فمان الله و سامحونا ..

ام سطام بحنان / انتي الي سامحينا و انا امك .. قصرنا بحقك واجد ..

منار حضنت ام سطام و بغصة / ريحتك زي ريحة جدتي الظبي .. يا حلوها يمه ..

ام سطام بعبره / الله يرحمها ..

العنود مسكت يد منار و هي تمشي معاها عند الباب و بهمس / اليوم ان شاء الله نكون عندك .. انتبهي لنفسك ..

و روحي لدكتورة تشوف مكان العملية .. لا يكون انفتق و الا التهب .. و ريحي نفسك و بطلي جنان ..

منار تهز راسها و هي تنزل النقاب على وجهها / ان شاء الله ..

طلعت لعمر الي واقف عند الباب ينتظرها .. العنود ابتسمت .. وهي تشوف التغير الملحوظ بلبس منار في العباية ..

شافت رنيم معاها ترمس شاهي و هي طالعه .. رنيم تحلف / والله تطلعين معاي ..

العنود الي مخنوقه من الجلسه و ترقب الكل لها .. هزت راسها / اصل طالعه بدون حلفان ..

لبست العنود عبايتها و نقابها و طلعت .. شافت رنيم واقفه وبجنبها سند .. سند اول ما انتبه لـ العنود ..

ابتعد و على كتفه فهد .. العنود تقدمت ومشت بجان رنيم الي تسمع صوت زفراتها وشكلها معصبة ..

العنود بهدوء / ايش فيك ..

رنيم بعصبية / ولا شي ..

العنود طالعتها باستغراب و هي تمشي .. رفعت حاجب و طنشتها .. مصيرها تقول الي بخاطرها ..

اول مادخلوا المزرعة .. سمعوا صوت سند .. ينادي العنود ..

التفت العنود له .. سند وهو يتقدم لهم و ملامح وجهه جامده ..

رنيم تطالع بنظراته بس مواضح شي منها بسبب النظارات الشمسية ..

سند بعد ما صار مواجه لهم .. بنبرة لا تخلو من الحدة / لا انتي الظبي و لا انا سند العاشق .. اياك تفكري بابعاد راكان ..

ولا .......

قاطعته العنود الي اعطته ظهرها ببرود و تركته .. سند فتح عيونه للاخير وبعصبية / بنننننننننننت ..

العنود ولا كانه قال كلمه .. كملت طريقها حتى تصادف زياد ونايف وطلال ورعد ..

الي فارشين لهم تحت شجرة و متسدحين .. العنود بهدوء / السلام عليكم ..

نايف وقف باستغراب و هو يشوف سند جاي عليهم بعصبية ..

سند وهو يطالع بالعنود بغضب / والله ان ما عقلتي لكون انا الي مكسر راسك مو بتال .. اياك تخلين احطك براسي ..

راح اكسر يا العنود .. " قالها وهو يرفع اصباعه بتهديد بوجه العنود " ..

وقفف نايف بين العنود وسند وبحدة / سند .. الزم حدودك .. و لا تعداها .. من انت حتى تكسر راسه العنود اخت نايف ..

رعد مسك يد سند وابعده عن الجلسه غصب و طلال جلس نايف .. والعنود البرود متملكها .. ولا كانه صار شي ..

نايف بعصبية /هالـ*** كل واحد يعتقد بانه هو الي الي له الحق بكل شي .. يخسون ..

العنود حطت يدها على فخذ نايف و بتهداه / نايف ايش فيك .. " ابتسمت ".. ايش صار ..؟

نايف و طلال فتحوا عيونهم / ايش صار ..؟

العنود برود / هههههههههههه .. ايه .. ايش صار .. محد يمشينا على كيفه .. يعني كلامهم طار مع الهواء ..

نايف الي فاهم العنود و فاهم تفكيرها سكت .. طلال طالع بزياد / انت اكثر واحد فاهم .. ما تدخل بشي ..

زياد ابتسم بآلام و هو ينزل راسه .. /....................

:

:

:

سند بثوران / هذي ماتفهم .. تبي تخرب الدنيا .. والا تذبح جدي ..

رعد يضرب كتفه وبحزم / سند .. كانك ناسي من تكلم .. لا يكون عطيناك مكانه تبي تتفرعن على الكل ..

احترم حدودك سند .. وانت ايش دخلك بالعنود .. حي الله بنت خالك .. وشريكتك ..

العنود احنا نتفاهم معاها .. جدها وعمامها و اخوانها موجودين .. والا مو مالين عينك ..

سند زفر هواء بضيق وهو يطالع رنيم الي تطالع فيه بعصبية وهي متخصره ..

سند بعصبية / خير .. تعالي اعطيني كف احسن ..

رنيم بعصبية / والله تستاهله .. يمكن تفوق على نفسك .. " تركته و توجهت للبت و هي معصبة للاخر " ..

رعد ابتسم / هذا اولها .. الله يستر من تاليها ..

سند طالعه بنص عين و طنشه و هو يروح للجلسة .. سمع ياسر يتكلم مع جده ..

ياسر بابتسامه / والله ياجدي الي قال ان دبي دار الحي من دخلها شايب طلع الصبي صادق ..

ابو سطام ابتسم وبنغزة / يعني ظنك لو اروح دبي اخذلي من غزلانهم غزال صغير غض ..

ام سطام بنفس النغزة / الله الله .. حتى العجوز تطلع من دبي صبية ..

الكل / ههههههههههههههههههههههههههههههههههههه ..

سامر بضحكة / حلووووووووووووووووووه يا جده حلوه ..

صقر بضحكة / تم نسف الجبهه ..

ابو سطام يرقع / اجل خلنا نروح سوا .. و نرجع لشباب .. ها ايش قلتي ..

سند رفع حاجب بامر لياسر / قوم صب لي قهوة ..

ياسر شاف سند معصب .. وقف من سكات و اخذ ترمس القهوة من ياسر و صب قهوة لسند ..

سند اول ما اخذ الفنجان شرب منه شوي حتى يرمي القهوة بوجه ياسر وبصراخ / تعطيني قهوة بارده ..

كانت القهوة حاره .. و ارمت بوجه ياسر الي نقز بصراخ .. وبعصبية لسند / انت من مفكر نفسك ..

رمى الترمس على الارض / اذا مو عاجبك قوم سوي قهوتك على كيفك ..

سند وقف .. و قف معاه فارس الي وقف بينه و بين ياسر .. و قف الكل ..

ابو سند بصراخ / ولـــــــــــــــد .. الظاهر ما عرفت اربيكم .. وهو يسحب عقاله .. ضرب فيها سند على ظهره ..

بس ما تحرك سند ولا شبر .. و لا تاوه و لا كانه اخذ هالضربه .. اما ياسر الي ابتعد عن الضربه حتى ياخذها فارس ..

ياسر ترك الجلسه و المكان بعصبية وهو يطلع برا البيت .. رعد الي انتبه لفهد وهو يتمايل ..

حتى يمسكه هو وسلطان و يجلسونه .. ابو سطام بحدة / اطلع انتي واياه اطلع من قدامي ..

طلعوا كل الشباب و هم يتساسرون ايش الي صار ..

سند توجه لسيارته طلع فيها و طلع برا البيت .. فارس اول ما دخل المزرعة فسخ بلوزته وهو يتاؤه ..

سيف الي كان معاه اول ما شاف اثر الضربه الي تحول لمجموعه الوان بني و احمر و ازرق و بنفسجي ..

سيف بتقزز / اوووووووه .. يبغالك مرهم يخفف هالتورم ..

فارس بالم / اتصل على امي و قول لها تعطيك الفيقس .. اااااااااااااااه ..

:

:

:

بعد العصر ..

راكان وهو ينشف شعره / صدااااع .. ابي بنادول ..

زياد بهدوء / العنود مجهزة لك كل شي .. تعال تغداء وتقهوى و بعدها خذ البنادول ..

راكان يمشط شعره وبعدها لبس الكاب الصوفي عليه .. جلس على الفرشه و قباله صينية الاكل ..

وهو ياكل / ايش الي صاير .. " عقد حواجبه " .. كاني سمعت اصوات صراخ .. مدري هو حلم و الا حقيقة ..

زياد هز اكاتافه و سكت .. راكان طالعه و بتفحص و بثقة / ما تبي تقول .. معناته شي كبير ..

صار ياكل بسرعه .. اخذ بعدها البنادول وشرب وراها موية و وقف وهو يسحب ترمس القهوة و الفناجين ..

راكان / خلنا نطلع نتقهوى برا ..

زياد وقف وهو يشيل الصينيه و يوديها لـ العنود .. راكان اول ما مر من قبال المزرعه شاف سمر و معاها شيخه ..

تقدم منهم و هو يبتسم بشوق .. وكانه يغني / وحشتوني وحشتوني و حشتتتتتتتتوووووووني ..

نزل الترمس و الفناجين على صغره و هو يفتح يدينه يضم سمر و شيخه ..

سمر بشوق وهي تحس بقبلته على راسها ../ وانت اكثر .. " وبدلع " .. ليه ما سلمت علينا اول ما جيت ..

راكان ابتسم و هو يبتعد عنها و يسحب شيخه يقبلها بجنون يلعب معاها / كنتم نايمين .. بابا .. بااااباااااااا ...

سمر ابتسمت .. راكان يجلس على وحدة من الصخور و شيخه على فخذه تنطنط ..

راكان بضحكه / من علمك على هالترقص .. خربوك يا بنتي .. هههههههههه .. " وهو يبوسها على خدودها " ..

وااااااااااااه بس .. ااااااا ياهالريحه الحلوة .. الي فكت الصداع من راسي .. ربي لا يحرمني منها ..

سمر وهي تفرك اصابيعها بتوتر .. / راكان ..!!

راكان على طول التفت له .. سمر طالعته .. كان لبس بنطلون اسود و بلوزه صوفية بيضاء عليها كتابات رمادية ..

راكان بهدوء / ايش فيه ..

سمر بتساؤل / ليه ما قلت لي عن منار ..

راكان رفع حاجب / الا قلت لك .. كم مر دخلتي عليه و انا اكلمها و اقولك اختي منو ..

سمر و كانها تتذكر .. هزت راسها بلا / لا و لا مره قلت لي ..

راكان بتساؤل /لو مو انا قايلك ايش عرفك فيها ..

سمر بهدوء / لانها جات و شفناها .. " وبارتباك " .. تتذكر الي قلته .. عن العنود ..

انها تبغاني لمها .. مو العنود الي قالت لي .. طلع منار ..

راكان هز راسه و هو يرجع يلعب مع شيخه / ادري .. ادري عن كل شي صار .. العنود قالت لي كل شي ..

ايه .. طيب .. وهذا انتي عرفتي السالفه و بعدين ايش صار ..

سمر من سمعت النبرة الجافه سكتت وهي تصد .. شافت الشباب يتجمعون و الرجال .. وقفت ..

سمر وهي تفتح يدينها .. / اعطيني شيخه .. الشباب يطالعونك ..

راكان يعطيها شيخه / اصل شكلها سوت البوبو حقها .. " عفس وجهه و هو يطالع بشيخه " .. بطووووطه ..

ضحك يوم ضحكة شيخه .. و رجع يبوسه بقوه .. / غيري له و راسليها عليه .. مشتاق لها موت ..

راكان توجه لشباب .. وسمر راحت لـ بيت الحريم .. راكان / السلام عليكم ..

الكل باصوات متفرقه / وعليكم السلام ..

جلس و بحضنه ترمس القهوة .. وصار يشرب منها و يسولف مع الشباب .. و يضحك ..

:

:

:

عند الحريم ..

العنود مو قادر تتحمل اكثر .. فتحت جوالها و ارسلت رسالة لراكان عن طريق الواتس ..

اول ماشافت انه فتح الرسالة وقفت و لبست عبايتها و نقابها و طلعت ..

راكان طالع بجهة بيت الحريم اول ما شاف العنود طلعت وقف ..

سند بهدوء / راكان ..

راكان طالعه ..و بنبرة مقصودة / من اول و انا حاس ان فيه شي .. " تركه و توجه لـ العنود " ..

سند وقف و كان بيلحقهم .. بس و قفه صوت نايف الحاد .. / ابو فهد ..

سند طالع بنايف وطنشه حتى يوقف بعيد عن المغارة و قريب من باب المزرعه ..

اول ما شاف راكان طالع و وجهه مشدود .. تقدم منه .. لكن راكان رفع يده بمعنى لا تقرب و لا تتكلم ..

راكان اشر لنايف و زياد .. حتى يوقفون و يتقدمن منه .. شافوا العنود تدخل لبيت الحريم ..

راكان بحزم / مشينا اجمعوا اغراض اخواتكم .. " وبصوت عالي " .. طلال ..

طلال و قف وجاء جهتهم .. راكان .. / حنا نازلين جده .. و بعدها طالعين لت الجنوب ان شاء الله ..

الرنج ما تكفي .. محتاجين سيارتك ..

طلال قبل ما يكمل راكان هرجته سحب المفتاح و اعطاه لراكان .. / يفداكم .. و الله يستر عليكم ..

نايف انتبه لشنط الي طلعتها العنود .. توجه لها و اخذها .. بعد نص ساعة ..

راكان بحزم وعيونه بعيون سند / اتوقع حنا كبار وعقولنا براسنا و نفهم .. وانت ما لك دخل .. حي يالله و لد عمتنا ..

و شريك معانا بنسبة صغيرة .. فخلي الاحترام بينا لانخسر بعض ..

ابو سطام تنهد بضيق / لا حول ولا قوة الا بالله .. ما اقول الا الله يصلحكم ويهديكم ..

سلطان مسك كتف راكان وهو متوجه لسيارة .. وبهدوء / لا رجعت لـ الخبر لنا كلام ان شاء الله ..

راكان هز راسه وهو يلبس نظارته الشمسية / ان شاء الله .. و ولدك لي كلام ثاني معاه .. فمان الله ..

تركه و هو يطلع لرنج روفر الاسود .. وبجنبه سمر و خلفه ساره ..

و بسيارة طلال نايف و زياد و العنود .. طلال و اقف عند سيارته و هو يكلم العنود الي بداخل السيارة ..

طلال بهدوء / لا تعصبين وتتعبين .. انبسطي و فليها .. ترا جده غير .. " وهو يغمز لها " ..

العنود / هههههههههههه .. طيب ولا يهمك .. اعذرنا اخذنا سيارتك ..

طلال يضربها على راسها .. و بتقليد للهجة العراقيه / فدوه لعيونك ابويه .. " عدل صوته " .. يالله استودعتكم الله ..

تحرك راكان و بعده زياد بسيارة طلال ..

ــــــــــــــــ

الساعة 3 فجرا ..

نوال و صحن المكسرات قبالها / لالا .. الوضع مو طبيعي .. الكبار مغير يتساسرون ..

ابرار تقرب منها و هي تطالع غرام الي تسولف مع رنا ومو منتبها .. و بهمس / عيال عمي فهد تضاربوا ..

نوال طالعتها / حلفي ..

اماني تقرب منهم / اسمعوا .. انا الي عرفته ان بتال يحسب العنود منار و كان يحسبها وحده صايعه ..

نوال فتحت عيونه / امانيوه عيب ايش ذا الكلام .. " رفعت حاجب " .. الا ايش عرفك ..

اماني تطالعها بنص عين / عيب و بعدين تسال .. المهم اسمعي الي سمعته ..

يقولون .. " طالعت باختها " .. الحريم الكبار .. يقولون ان مره لمن يحسبون منار العنود ..

كبت الشاهي على الجوهرة و قالت كلام لسمر و كل شي يعرفه بتال .. ولو تذكرون قبل كيف كانت تصرفات منار ..

اهاا بتال شاف كل شي و عرف كل شي .. وزاد عليها انهم قالوا ان واحد قريبهم يحبها و يبي يتزوجها ..

وما ادري كيف .. وقام راكان زوجها لبتال .. و بتال ما يبي .. فاول ما صارت مشكلة سمر .. طلقها ..

نوال و ابرار يطالعون فيها .. مو فاهمين .. نوال بقهر / الحين عدلتيها .. دوختي روسنا ..

اماني شمقت / الشرهه مو عليكم عليه انا الي ابي اعلمكم ..

غرام بهدوء / الحين ايش لكم دخل في خصوصيات الاوادم ..

شجون تنهدت / فضاوة .. " و بحنين " .. بس والله لهم وحشة .. مكانهم خالي ..

ابرار طالعت باختها / من .. العنود .. نفسي اعرف ايش الي بينكم ..

شجون بارتباك / ولا شي عادي ..

غرام بهدوء / العنود الي يقرب منها ويفهمها يحبها .. و يحب الجلسه معاها .. دمها خفيف .. و كلامها موزون ..

ريهام ابتسمت / بس لا عصبت شينه .. والا لاحد ضايقها .. لو تبين انها مو متضايقه .. بس يوضح من تصرفاتها ..

رنا / فرق كبير بين شخصية سارة و شخصية منار و شخصية العنود ..

غرام / بس فيه شيء يجمعهم ..

الكل / الغرور ..

غرام بضحكه / هههههه لا حرااااام عليكم .. بس عندهم عزت نفس كبيرة ..

ريهام كانت تطالع بجهة اختها ريما الي جالسه بكرسي بعيد عنهم شوي .. و لفه الشال عليها ..

نوال انتبهت لنظرات ريهام و لفت تشوف لوين تطالع .. و بهمس / من وصلنا وهي بس ساكته و جالسه لحالها ..

ريهام تنهدت بضيق / ما ادري ايش يحس فيه هالغيث ..

ابرار عقدت حواجبها / عمري ما تخيلت ان غيث راح يتصرف مع ريما بذا الطريقة ..

نوال رفعت حاجب / والله يا قلبي يا مان لرجال يا مان المي بالغربال .. قلوها من زمان ..

ابرار وهي تنزل كوب الحليب / يعني ...؟

نوال بتفتين / ياعني خذي احتياطاتك من اول ليله ..

غرام باستغراب / كيف يعني تاخذ احتياطاتها ..؟

نوال بضحكه / ما يقولون لرجال اقطع راس القط من اول ليلة ..

البنات / ايه ..

نوال بضحكه / حنا نقطع راس عكس القط .. الي هو الفار ههههههههههههه ..

البنات / هههههههههههههههههههههه ..

غرام بضحكه / مجنونه انتي و ممكن تسوينها و سعود مو اقل منك .. لكن اخوي قلبه رهيف ..

ابرار بنبرة / ويعني انا الي قلبي قوي ..

غرام بضحكه / والله ما يندرا .. من صحوبيتك للعوبا ..

نوال بتضرب غرام / ما العوبا الا انتي ..

غرام فزت واقفه و هي تضحك تبتعد عن نوال ..

*** فجر *** · 10-01-2019, 11:20 AM

رد: رواية بردان ياحضن الدفا عطشان واظماني الجفا كامله ...

قبال بيت الرجال ..

سلطان واقف جنب سعود و سند .. / ما جاءكم خبر عن بتال ..

سعود تنهد بضيق / لا . جواله مقفل ..

سند ببرود / خلوه .. متى ما هدي يتصل .. مو رايح لبعيد ..

سلطان عقد حواجبة وبضيق / بكرة خلنا نرجع للخبر .. ابوي ضايق ومعاد يبي يقعد ..

سند هز راسه / الله يستر عليكم ..

سلطان و سعود طالعوه باستغراب .. سلطان / ايش قصدك .. مانت رايح معانا ..

سند هز راسه / لا .. عندي شغله في جدة .. اخلصه و اجيكم .. باذن الله ..

سلطان طالعه و بنبرة مقصودة / وانا جالس بعد ..

سعود فهم المقصد .. هز راسه / براحتكم .. انا رايح شوف بتال .. وادور عليه .. يمكن رجع لـ الخبر ..

سلطان وهو يدخل البيت / خير ان شاء الله ..

ــــــــــــــــــــ

يوم جديد ..

في جده ..

منار بضحكه / والله ما اعرف .. اخاف يطيح ..

العنود بعصبية / بنت مناروه .. امسكيه و بلا دلع زايد ..

منار بخوف / طيب .. " مسكت الصغير وهي تحطه بحضنها بخوف ".. بسم الله .. بسم الله .. بسم الله ..

العنود ابتسمت / شفتي مافي شي يخوف .. والحين طلعي صدرك وارضعيه ..

منار رفعت حواجبها وبصدمه / لااااا تمزحين .. بعدين صدري يطيح و يكبر ..

العنود بحدة / يعني الحين مو طايح و كبير .. رضعي ولدك وبلا هرج زايد ..

منار بتحجج / ما فيني حليب ..

العنود بحدة فتحت عيونها / مو البارح مغير تستعملين الشفاط .. وتحطين بالرضاعة و ترسلين للمستشفى من قبل ..

وبعصبية / منااااروووووة .. لا تزيدينها عليه .. كف على وجهك يرجع عقلك لك ..

منار بارتباك / طيب ما اعرف ارضع ..

العنود تنهدت وهي تطالع بالسقف / اللهم طولك يا روح .. " طالعت بمنار " .. تعلمي ..

مو صعبه محد طلع على هالدنيا متعلم .. " قربت من منار اكثر " .. يالله بسم الله ..

منار بخوف و ارتباك .. بدات تلقم الصغير ثديها .. في الاول رفض لكن بعد اصرار العنود محاولاتها ..

بدا الصغير يرضع .. الا ان تم اشباعه و نام بسلم ..

منار بعد ما نيمت ولدها بالجلسه / الحمدالله .. " ابتسمت " .. والله رضعت .. " وبعجاب " .. شي ..

العنود بحزم / اذكري الله .. قولي ما شاء الله ..

منار ابتسمت / ما شاء الله .. لا اله الا الله .. ارتحتي ..

سارة تنزل جوالها وهي متحمسه / يا الله العنود .. راكان ينتظر برا ..

منار برجاء / ابي اروح معاكم ..

العنود بحزم / رياح تاخذ العدو .. انثبري بمكانك .. " التفتت على ساره " .. روحوا انتم انا قاعدة عند ذا الخبلة ..

ساره وقفت / طيب .. سلااااااام ..

العنود / وعليكم السلام .. استودعتك الله ..

:

:

:

خارج بيت منار ..

نايف معاه سلطان والظبي ..

زياد بالسيارة راكب ..

راكان وسمر بسيارة طلال ..

راكان اول ما شاف سارة نزل و باستغراب / وين العنود ..

ساره وهي تفتح باب سيارة رنج روفر ../ العنود بتقعد عن منار ..

نايف عقد حواجبه / وسلطان والظبي ...

ساره بدون اهتمام / ناخذم معانا .. خلهم يلعبون ..

نايف بلا مباله / ناخذهم ناخذهم ..

طلع زياد ونايف و سارة بالرنج روفر .. وراكان و سمر بسيارة طلال .. وتوجهوا يتمشون بجدة ..

ـــــــــــــــــ

بالشفاء ..

البنات و كل وحده متجها لسيارة .. نوال بضيق / اوووووف ما ستانسنا زين ..

ابرار وهي تعدل شيلتها / احمدي ربك انك غيرتي جو .. و بعدين رمضان ما بقي عليه شي ..

نوال و هي تطلع من الباب رايحة سيارتهم / على قولك .. الحمد الله .. يالله سلام ..

ابرار وهي طالعه وراها / سلام ..

:

:

:

ابو سند / خلاص طلال ياخذ الجيمس .. و يمشي به بدال سند ..

طلال وهو يلف الشماغ على راسه / خير ان شاء الله ..

:

:

:

رعد بضحكه / ام الحشرة يا شيخ ..

سعود وهو يفتح باب السيارة / الله لا يحوجنا لك .. لو ما خالتي اصرت تاخذه ما تنازلنا عنه ..

وليد رفع حاجب وبعزت نفس / انا اعتذرت من خالتي .. و قلت له ابي اخاوي صديقي ريان ..

سامر يصفر / يوووووووووووه تم نسف الجبه يا الشيخ ..

وليد يتركهم ويروح لسيارة ابو طلال و يركب معاهم ..

سعود توجه لجيمس ابوسطام و ركب هو وسامر..

وتحركت السيارات متوجهه لـ الخبر ..

سلطان وسند اشروا لهم بالوداع .. وركبوا سيارة فورد بيضاء .. استأجرها سند ..

وتوجهوا لمكه ..

ـــــــــــــــــــــــــ

بيت منار ..

العنود تجلس على الكنبه / اعوذ بالله .. قلبي قارصني .. و صدري ضايق .. و هواجيس تدور في راسي ..

ليتهم ما اخذوا سلطان والظبي .. تؤ .. استغفر الله العظيم و اتوب اليه .. اعوذ بالله من الشيطان ..

منار وهي منسدحه على الكنبة / يا شيخه اذكري الله .. تعشي بس العشى بيبرد ..

العنود تنهدت وهي ابد مو مرتاحه تحس بشي غريب .. و قفت / تعشي انتي و شربي هالمرقه ..

بالعافية .. انا ابي اروح اصلي ركعتين .. عسى ارتاح .. انتبهي لولدك ..

منار وهي تشرب من كوب المرق / طيب ..

:

:

:

باحد حدائق جدة ..

سارة عند عربانه صغيرة تبيع كرسبي ..ومعاها سلطان والظبي ..

سارة لراعي العربانه / لو سمحت ممكن اثنين صحن كرسبي ..

البايع هندي هز براسه / تيب .. هت شته .. " طيب .. احط شطه " ..

ساره فالاول ما فهمت بس لمن شافته ياشر على علبه الشطة / لالا .. لا يحط شي ..

طالعت باحد المنتجعات الي كان نفسه تدخله بس زحمه و رفضوا اخوانها ..

تاففت بضيق / اووووووووووف .. والله بكره اخليهم يجيبوني له .. زحمه ما زحمه .. مالي دخل ..

انتبهت للبايع ياناديها .. اخذت الصحنين و التفتت على الظبي و سلطان / سلطوني ظبـ..بيـ ..ــي ..

التفتت يمين ويسار .. و بصوت عالي / سلطااااااان الظبـــــي .. " وبخوف " .. سلطااان ..

انتبهت لصوت نايف يناديها من وراها .. وبامل / معاك سلطان والظبي ..

نايف هز راسه / لا .. انتي ليش تحركتي انا ما قلت لك لا تتحركين ..

سارة بخوف و هي تتلفت / سمر بنتها وسخت وراحت الحمامات مع راكان . .وزياد ما ادري وين راح ..

" وبكيه " .. انا اخذت سلطان والظبي و مشينا .. " بكت بخوف " .. نايف سلطان والظبي ما ادري و ينهممممممم ..

نايف عقد حواجبه مو فاهو وهو يمسح على يدها / بنت ايش تقولين ما فهمت لك ..

سارة تشهق و بيدينها الكرسبي / سلـ ..طاااان .. واا .. الظــ.. ظــبي ..

نايف طالع حولين ساره و ماشافهم .. وبصدمه / وين .. وين راحوا .. انتي مع من تركتيهم ..

ساره تبكي وتشهق / والله .. والله كانوا تحتي .. انا بـ .. انااا بس اخذت هذا .. " قالته وهي ترمي الصحنين بعصبية " ..

نايف التفت على الهندي الي يطالع فيهم مو فاههم الهرجه .. نايف بارتباك / شفت ولد وبنت قد بعض .. تؤام ..

بعمر السنتين تقريبن .. مشوا من هينا .. كانوا معاها .. " وهو ياشر لسارة " ..

الهندي هز راسه / لا ابويا ما في شوف ..

نايف يمشي بتخبط و خوف حولين العربانه و يسال الي يشوفهم .. راكان كان يمشي و هو شايل شيخه على يده ..

استغرب حركات نايف و واضح انهم مو طبيعي .. تقدم منه و بتساؤل / نايف .. ايش فيك ..؟

نايف بصدمه / الظبي و سلطان .. اختفوا .. ضاعوا ..

راكان عقد حواجبة و بحدة / ايش تقول انت ..

سمر توجهت لسارة و بخوف مسكتها / ايش صار وين ضاعوا ..

سارة و هي تشهق / انا .. اناا .. " وهي تاشر على العربانه الي بدا راعيها يبتعد عنهم " كنت اشتـ..ـري ..

و بعـ..ـــدين ..طالعت ما شفـ .. ـــفــتــههممممم .. هئئئئئئئئئئ .. اااه ..

سمر الي صارت تلفت بخوف وهي تبكي .. / يا ربي تحفظهم يا ربي ..

راكان ارسل نايف يسال حراس الامن .. ومسك ساره يستفسر منها .. / وين ضيعتيهم ..

ساره وهي تشهق وكلامها متقطع / عنـ..ــد الكــ..ــكــر...ســسبي .. " وهي تاشر على مكان العربانه الي اختفت " ..

هنـ..نــااااااك .. " بصدمه " .. راح .. راحــــ...ـــت .. والله .. والله هيــ...ــنااا كان .. والله .. ااااااااااااااااه ..

راكان مسكها وبهدوء خارجي / طيب اهدي .. اجلسي على هالكرسي انتي وسمر .. ولا تتحركون ابدا ..

جلست سارة و سمر .. راكان نزل شيخه بحضن امها .. / انتبهوا .. لا تتحركون .. واي شي يصير اتصلوا علينا ..

تركهم راكان وهو راح يدور بالحديقة يسال .. ويحمد الله انه صورهم اول ما وصلوا الحديقة ..

فتح جواله و كل ما شاف شخص سأله .. عنهم اذا شافهم .. و الكل نفس الجواب .. لا ..

نهاايةة البااارت .

*** فجر *** · 10-01-2019, 11:21 AM

رد: رواية بردان ياحضن الدفا عطشان واظماني الجفا كامله ...

البارت 50 ..

بيني و بينك عرفت الموت
تحب و الحظ متجني
تبي الصدق حبها منحوت
و أصبحت منها و هي مني
أفرشلها القلب بالياقوت
و أقول يا دلي إتمني
صدري قصور و مدن و بيوت
و هي المليك اللي يحكمني
يا ويل ويلي عليها صوت
تحكي تقل كنها تغني
و سكوتها غير كل سكوت
كل شي فيها يكلمني
قد شفت شمس زرعوها توت
بشفاتها التوت متثني
يا حلوها و القلم مبهوت
وش يكتب بوصفها عني
هي دنيتي و الهوى و القوت
و إن غبت عن وجهها كني
متغرب و غربتي تابوت
ميت و أنا حي مستني
قولو لها لو يفوت الفوت
هو ينفع الصوت متعني
و قولو لها و الله إلا موت
لو خاب في حبها ظني

" طلال الرشيد " ..

واقف و هو يطالع بالميدان و كساب يركض قباله .. و هو سرحان لبعيد ..
تنهد وهو يتذكر سلطان والظبي .. اشتاق لهم .. ابتسم بحنين و شوق لذكراهم ..
حس بان احد واقف وراه و شاف كومار .. بتال بضيق وعصبية / خير ..
كومار ينافخ / كير كير .. بكرة فيه شقل كتير .. انتا لازم يسوي فيه نوم .. علسان بكرة يشتقل كويس ..
بتال رفع حواجبه باستغراب / نعم .. تامر امر عمي كومار ..
كومار حس ان بتال عصب .. وبارتباك وهو يهز راسه / هذا انا كلم بابا .. فيه يقول بابا سند هدا قول ..
بتال بجمود / ومن كلم بابا ..
كومار يهز راسها / انا فيه يقول .. انت فيه جيب كساب من مزرعة تاني .. و في يجي يكسر هينا ..
بتال تنهد و هو يصد عنه و يطالع بكساب .. وبهدوء / كومار روح شوف شغلك وبكره خير ..
كومار هز راسه / تيب .. مافي يسهر كتير علشان شقل بكره كتير ..
بتال غمض عيونه بعصبية و هز راسه .. كومار تحرك و راح لجهة غرفته و هو يتثاؤب بصوت عالي ..

:
:
:

بصراخ وهي و اقفه عند باب بيت منار / يعني كيف اقعد .. عيالي وين ..
نايف باستعجال / العنود خليني اروح .. اشوف ايش يصير .. و اي شي يصير راح اخبــ....
العنود قاطعته بصراخ / نااااايف .. لا تجننيييييييييي .. ايش تخليني .. ما تروح الا ورجلي على رجلك ..
نايف تنهد وخلاص عارف ان مافي اي امل بان العنود تتركه / طيب طيب .. امشي ..
العنود بسرعة رفعت عبايتها على راسها و تحركت لسيارة ..

:
:
:

عند الحرم ..
قبال الكعبه ..

سلطان و هو ينزل جواله .. / هذا كومار يقول بتال عنده .. و قلت لسعود عنه ..
سند بهدوء / عسى يهدا و يحط عقلة براسه ..
سلطان بهدوء / انت ايش عندك قعدت ..
سند الي كان يطالع الكعبة .. التفت لخاله .. / ابي ازور عمي راشد .. ابوي و عمي خالد ما رضوا ..
و خالتي مياسة حلفت على صقر مايروح و ما رضي يكسر كلمة امه .. او بـ الاصح هو بعد ماكان يبي يزور ..
سلطان هز راسه / انا فكرة تبي تكلم راكان ..
سند التفت على الكعبه / وابي اكلم راكان بعد .. " حس باهتزاز جواله رفعه و شافه رقم عناد " ..
فتح المكالمه وبهدوء / هلا .. " عقد حواجبه " .. متى .. وهم وين .. طيب .. لا .. لا ترجعون و لا تخوف احد ..
وصلوهم .. و خلكم بمحالكم .. ان شاء الله بسيطة .. لقدر الله واحتجناكم تجون بطيارة .. مع السلامه ..
" وقف وهو يستعجل بخاله " .. خال خلنا نطلع بسرعة ..
سلطان باهتمام وهو يوقف / عسى ما شر ..
سند وهو يمشي / ما شر ان شاء الله .. بسيارة اقولك ..

:
:
:

العنود وهي تدور بالحديقة .. وبعصبية / كيف يعني اختفاء ..
نايف وهو يمشي معاها و يجاري خطواتها السريعة / اكيد لانه خلص وقت شغله .. شوفي الساعة 3 الفجر الحين ..
العنود و هي تحس راسها بينفجر من الالم و تنفسها يضيق .. / انا حاسه انهم قريب ..
ما بعدوا بس فيه احد ماخذهم .. " مشت لمسافه شوي بعيده عن مكان العربية " ..
نايف مد يده و وقفها / خلاص هالجهة مقطوع و مظلمه .. ما اتوقع يروحون لها ..
العنود تبعد يد نايف و هي تتقدم من المكان شافت خشب و جذع شجر مرمي .. و بعض اكياس الزباله .. و خلفها شبك ..
وهي تكبر خطواتها و تنقز الزبايل " اكرمكم الله ".. تقدمت من الشبك و هي تمشي بجنبه ..
الا ان شافت جزء من الشبك مقصوص .. حطت يدها على صدرها .. انحنت حتى تدخل من فتحت الشبك ..
وتطلع من الجهة الخلفية للحديقة .. طالعت يمين ويسار بعيون زايغة ..
نايف بخوف / العنود انتبهي .. " لحقها " .. انتي وين رايحه .. " حط يده على كتفها ..
العنود خارت كل قواها حتى تجلس على الارض وهي تشهق .. / راحوووا .. راحووووووا يا نايف ..
نايف بخوف و هو يشوف اخته تبكي و تشهق .. من سنين ماشاف دموعها ..
جلس قبالها و هو يحضنها / اذكر الله يا اختي .. و ان شاء الله بنلقاهم ..
العنود و هي تشهق / انا .. اناا كل الي حبهم .. يـ.. ـرووحووون .. اناا .. عياااالي ...
سلطاااااااااااااااااااان .. الظببببببببببببببببي .. ناااايف ابي عيااااالي ابيييييييييييهم ..
نايف انتبه لراكان و زياد و عمر و كم عسكري يدخلون من تحت الشبك و يجون جهتهم ..
حس بثقل جسم العنود .. و بخوف / العنود .. العنووووود ..
وصل راكان له حتى ياخذ العنود بحضنه و شافها فاقدة الوعي .. حتى يصرخ / اطلبوا سيارة اسعاف بسررررعة ..

:
:
:

بعد صلاة الفجر ..

سند واقف مع راكان عند مركز الشرطة / وكيف وضعها الحين ..
راكان بضيق و تعب / ضغطها مرتفع حيل .. الحمدالله مو جلطه .. " ضغط على جانبي راسه " ..
علقوا مغذية فيها و قلت لـ الدكتور يخليها نايمه .. بربر ما ادري ايش قال .. تركته وجيت هينا ..
سند / نايف عندها ..
راكان هز راسه / ايه .. " وبنبرة مقصودة " .. نبلغ بتال ..
سند رفع يده و شاف الساعة / يمكن الجماعة وصلوا الخبر .. قلت لطلال و عناد يحجزون بالطيارة و يجون ..
وهم يكلمون بتال و يجيبونه معاهم .. يبلغونه وجها لوجه احسن من التلفون .. ويجيك طاير مع الخط ..
راكان جلس على الدرجة وهو يحس جسمه كله مكسر .. و بخوف / سند ..!
سند طالع فيه .. راكان بهم / تخيل لو يطيحون بيد مافيا التسول الي نقرا عنها بالجرايد .. ايش نسوي ..
و الا يهربونهم برا البلد .. والا ....
سند قاطعه بهدوء خارجي / لا ان شاء الله تفاؤل بالخير .. وحنا وزعنا صورهم بكل مكان .. حتى بالاعلام ..
راكان نزل راسه بين يدينه و هو يداري دمعته .. سمع صوت عمه سلطان .. صد عنهم وهو يمسح دمعته ..
وقف وهو يسال / هااا .. ايش صار ..
سلطان وهو يجلس على كرسي .. وملامح وجه كبرت فوق العمر الي هو فيه .. / وايش صار ..
وقع ورقه .. و قع ورقه .. " التفت على سند " .. ما تعرف احد مسؤول هينا بجدة يساعدنا .. انا مخي وقف ..
سند وهو يفكر / متعب .. اكيد متعب يعرف .. " رفع جوالة واتصل بمتعب .. نزله و بضيق " .. مقفل ..
راكان بضيق / نايف بلغه .. و خابر انه جاي بالطريق من ابها ..
سلطان بهدوء / يجي بسلامه ..

:
:
:

بعد المغرب ..

بتال واقف قبال بيت عمر .. وهو حالته حاله .. الازارير الاماميه مفتوحه .. والشماغ مرمي على الكتف ..
العقال و الطاقية مرمية بسيارة الي مستاجرها سند ..
عمر بهدوء / ادخلوا بالله .. كلوا لكم كم لقمه .. تلم عضمكم شويه .. لكم من الفجر واقفين ..
سلطان حط يده على كتف ولده .. وبحنية / تعال يا ولدي ادخل ارتاح شوي ..
بتال بضيق وقهر / وين ارتاح يا يبه .. وين يجيني نفس لراحه .. وانا عيالي من امس ماندري عنهم ..
اكلوا شربوا .. " بغصة وهو ينفض يدينه " .. حيين والا ميتين ..
سعود بامل / باذن الله يرجعون بخير و سلامه .. انت ادعي ربك .. و كل شي من ربك خير ..
سلطان شد يد ولده ودخله لمجلس عمر .. عمر الي جاب لبتال عصير بارد ../ هدي اعصابك وازكر الله ..
وصل على النبي .. وتصدق .. والله مافي احسن من الصدقة .. تدفع البلاء ..
حمزة الكبير ابو عمر / والله ياولدي الصدقه لها فضل كبير .. اذكر مره .. وانا طالع من البقالة ..
شفت حرمة مسكينه وولدها .. قاعدين عند باب البقالة .. ويطلبوا حسنه ..
طلعت الي في جيبي الا هي خمس ريال وماعندي غيرها .. الي كانت بجيبي كلها اشتريت فيها اغراض البيت ..
طالعت وشفت خبز اسمر بين الاغراض اخذتوا لي و جبنه كاسات .. طلعتها مع الخمسه و اخدت اتنين عصير ..
واعطتها هوا .. فرحت به كتير .. و دعت بان الله يخلي لي احبابي و يحفظهم لي و يحفظ بزورتي ..
ما وصلت البيت الا اسمع اولادي يقولوا يا ابويا عمر و منار صار عليهم حادث على طريق رابغ ..
والله ياولدي .. لو تشوف السيارة .. موجوده صورتها بجوالات الاولاد .. كيدا .." وهو يجمع منديل بيده "..
عجينه راحت .. محد يصدق ان الي فيها نجوا من الموت .. الحمد الله الي الله صرف عنهم البلاء بسبب الصدقة ..
بتال الي كان يسمع لكلام حمزه شرب كاسة العصير و اكل كم فطيرة لحم .. وقف وهو ينزل الكاسة على الطاولة ..
وقف سعود معاه .. بتال / انا ابي اشوف ايش صار ..
سلطان بتعب / ياولدي توك جاي من المركز ..
بتال تنهد / ماعليه ابي ارجع اشوف .. و ابي ارجع لـ الحديقة الفها و اشوف يمكن احصل شي ..
سند اشر لسلطان يخليه براحته .. طلع بتال و معاه سعود ..
حمزة ابو عمر / ربي يريح قلبنا و يرجعهم بالسلامه ..
الكل / امين ..

:
:
:

فجر اليوم الثاني ..

صوت الرسايل اللاسلكية بينهم .. و الشيفرات ..
متعب على الجهاز وهو يسمع الارسال ..
الضابط / اهم شي سلامة الاطفال .. لا تستخدمون السلاح الا عند الضرورة القصوى ..
...../ علم سيدي ..

بعد ساعة تقريبا ..

صوت صرخات ممزوجه بصارخ الاطفال ونساء ..
طالقات النار ..
من جميع الجهات ..

متعب بعد ما تم القبض على المافيا ..
طالع بوجيه الاطفال الي يركبونهم بالحافلة .. ماكان بينه لا الظبي ولا سلطان ..
بسرعة دخل البيت الي هاجموه وكان موجود فيه المافيه ..
طالع بالعسكر الموجودين .. شاف عربانات بليلة و ذرة و الاهم و الي كشفت سرهم و قادتهم لوكر ..
عربانة الكريسبي .. متعب بخوف وعيونه تجول بوجية الاطفال الموجودين / سلطان .. الظبي ..
دخل اكثر لداخل البيت حتى يدخل للممر مظلم و تطلع منه رائحة كريها ..
وقف بصدمة وفرحه وهو يشوف سلطان حاضن الظبي .. والعسكري واقف جنبهم ..
كان بينزلهم عن الكرسي الخشبي الي جالسين عليه .. بسرعة وهو يقفز عن الاشياء المرمية بالارض ..
حضن سلطان والظبي وهو يحمد الله و يشكره .. انتبه لخروج عسكري من داخل الغرفة الي جلسين بجنبها ..
وهو يطلع الي في بطنه .. شاف الظابط خارج وهو يغطي على خشمة .. ويردد / حسبي الله ونعم الوكيل ..
رفع الظبي و سلطان .. و بفضول دخل يشوف ايش بالغرفة .. حتى يحس ان معدته بتطلع من حلقه ..
وبسرعة طلع من المكان وهو يحاول مايتنفس .. اول ما خرج نزل الظبي و سلطان .. وصد عنهم ..
و طلع كل الي في معدته .. الظبي و سلطان يطالعون بالي حولينهم ..
متعب رجع وهو يمسح وجيههم الي موسخه .. شاف علامات على وجه الظبي و سلطان ..
فالاول فكر انها تراب .. ولمن مسح عليها .. شاف لونها البنفسجي مع ازرق واخضر .. " ضرب " ..
متعب بقهر / الكلاب .. ضاربينكم .. والله لينضربون مثل ما انضربتوا .. " ضمهم وهو مخنوق بعبرته " ..
حملهم وتوجه لسيارته .. ركبهم .. حتى يوقفه الضابط .. / متعب .. لحضة .. انت عارف القوانين والاجرائات ..
متعب تنهد / عارف عارف .. الحين رايح معاك .. بس ما بغيتهم يركبون الحافلة ..
الضابط هز راسه / طيب .. والحمد الله على سلامتهم ..
متعب / الحمد الله .. الحمد الله .. " ركب سيارته و هو يمشي وراء سيارة الشرطة " ..

:
:
:

بالمستشفى ..

العنود وهي تمسح دموعها / والله .. خذني لهم ..
نايف بابتسامه / كلنا رايحين لهم .. انتي البسي عباتك وتجهزي حتى نروح لهم ..
العنود لبست عبايتها وهي ترجف .. اخذها نايف و نزلها بالطواري تحت .. قسم الاطفال ..
اول مادخلت و شافها سلطان انفجر بكي و هو ينادي / ماااااامااااا ..
العنود بشهقه و هي تحضنه و لا انتبهت للي حولها .. / ياروح ماما ..
" شافت الظبي ساكته وهي تطالع فيها بنظرات غريبة .. حضنتها وهي تحمد الله و تشكره "..
بتال بسخرية / لا ما شاء الله عليك .. ام مثالية ..
سند الي كان واقف جنب الصغار واول ماشاف دخول العنود ابتعد لخلف الستاره ..
مد يده حتى يسحب بتال ويطلعه برا الغرفة .. من لقوا سلطان والظبي وهو ينفث سم على الكل ..
راكان ماسك نفسه بالغصب .. ومتعب ما قصر اعطه كم كلمه وسكت بعدها .. لكن بتال مايبي يجيبها للبر ..
بتال ينفض يده وبعصبية / اتركني .. اعلم هالي شايفه نفسها فاهمه امـ.....
سند يرفع يده يسد فم بتال ويلوي يد بتال حتى يخلي وجه بتال ملاصق للجدار .. وبهمس حاد / انت غبي ..
كيف تفكر .. ماتعرف تتعوذ من الشيطان .. ماتشوف وضع عيالك .. ماتحمد ربك على رجوعهم لك بالسلامه ..
ماتقول لعله خير .. متى تفوق هااا .. تراك اتعبتني ومعاد فيني حيل لجنانك ..
بتال غمض عيونه وبقهر صرخ / آآآآآآآآآآآآآآآآه .. آآآآآآآآآآآآآه ..
سند تركه حتى يلفه على جهته ويحضنه .. وهو يهمس / اذكر الله .. و صل على النبي ..
بتال وهو يغطي وجها بكتف سند و يبكي / لا اله الا الله .. لا اله الا الله .. الحمدالله الي رجعوا لي .. الحمدالله ..
سند بهمس وهو يمسح على شعر بتال / ايه احمد الله .. واشكره .. الحين روح توضأ و صلي ركعتين شكر لله ..
بتال هز راسه و هو يبتعد عن سند .. التفت و شاف دورات مياه " اكرمكم الله ".. وتوجه لها ..
سند انتبه لـ الضابط يتكلم مع سلطان و متعب و راكان ... تقدم منهم وهو يسمعه يقول ..
الضابط / الحمدالله سلطان والظبي مالهم الا يومين من اختفائهم .. بعض الاطفال لهم ايام و اسابيع و شهور وسنين ..
سلطان " ابو بتال ".. / الحمدالله اللي يصبر اهلهم .. و يقويهم .. والله يومين و حسيتهم دهر ..
الضابط / الحمدالله على سلامتهم مرة ثانية .. و السلام عليكم ..
الكل مودعين له / وعليكم السلام ..
متعب ابتسم / عاد اليوم غدانا عليك يا ابو بتال ..
ابو بتال ابتسم وبفرحة / واحلا غداء على شرف سلامة الظبي و سلطان ..
سعود بقهر وآن وهو يحط يده على صدره / آآآآآآه انا مو شاب النار بصدري الا الي بخد الظبي و بجسمها ..
ضاربينها الكلاب ضاربينها ..
متعب بهدوء / الحمدالله انه بس ضرب .. انا شفت شي .. " وسكت وهو يغطي فمه وانفه ويهز راسه "..
سند عقد حواجبة و باسف / بعض الاطفال شفتهم هينا .. نقلوهم للعناية .. وفي بعضهم على غرفة العمليات ..
طلال بتساؤل / ليه ..
سند وهو متقرف / حسبي الله عليهم .. مقطعين اجزاء من جسمهم و مشوهينهم .. و غير الاشياء الثانية ..
ما قول الا الله يعتني فيهم و يعين اهلهم .. ويصبرهم ..
ابو بتال وهو يلف شماغه و يتلثم بها / هذيك البنت الي على راسها طين ما ادري وصاخه ..
هذيك حالتها مره شينه ..
سند بهمس مسموع / هذيك خلطه .. تموت خلايا الدماغ .. وتخليها مختله .. حسبي الله ونعم الوكيل ..
سعود بصدمة / تمزح ..
طلال وهو يطالع بعمه / هذيك الي يوم دخلنا وهي بسرير يدخلونها ..
ابو بتال هز راسه .. طلال بخوف / ياربي لك الحمد الي حمى هالصغار .. " ودخل لغرفة العنود و صغارها " ..

*** فجر *** · 10-01-2019, 11:22 AM

رد: رواية بردان ياحضن الدفا عطشان واظماني الجفا كامله ...

بعد يومين ..

راكان بهدوء / بنروح ابها .. تبين تروحين معانا حياك .. تبين تروحين مع ابوك و اخوانك الخبر .. الله يسهل لك ..
سمر بهدوء / يعني ما راح تزعل ..
راكان ابتسم وهو ينحني وياخذ شيخه ويرفعها فوق وينزلها / لا مو زعلان .. وانا سمحت لك .. الشي الي يريحك سوية ..
سمر نزلت راسها و طالعة بأظافيرها الي صابغتهم بالون الاحمر..
راكان جلس جنبها على طرف السرير وحضن كتوفها .. انحنى حتى يقبل كتفها .. وبهمس / ايش تفكرين فيه ..
سمر هزت راسها وهي على نفس الوضع .. وبغصة / ولا شي ..
راكان بهمس / مو على ركونك .. هـ الكلام ..
سمر رفعت راسها و طالعته / انت متضايق مني ..
راكان بهدوء / لا .. ليش .. حاسة بشي ..؟
سمر بغصة / لا .. بس علشانك قلت روحي ما ازعل ..
راكان ابتسم / قلت على راحتك .. وانا اشوفك ذا الايام مو مرتاحه .. وام لسان طويل مناروه اعرفها ..
بس قلبها ابيض .. وانتي حساسه بزياده .. " وبغمزة "... ودلوعه ..
سمر ضحكت وهي تطالع بأظافيرها .. راكان بخبث / ترا داري ان ما عليك صلاة خلاص ..
سمر بخجل شهقت وهي تضربه على كتفه / دوووووب ..
راكان وهو يضمها و يضحك .. / ههههههه .. طيب .. يالله جهز نفسك الحين اخوك يوصل ..
سمر هزت راسها و هي تبتعد و وقفت / طيب ..

" طلال و سعود و سند و عناد .. راحوا بسيارة طلال " ..
" و بتال و سلطان و سمر راح يروحون بالطيارة "..

ـــــــــــــــــ

بغرفة العنود ..

دخلت سارة وشافت العنود حاضنه الظبي وسلطان و صوت القران بالغرفة كلها ..
تنهدت و هي تقفل الباب عليهم بهدوء راحت لمنار الي جالسة بالصالة / نايمه ..
منار و هي ترضع و لدها / خليها ترتاح .. مسكينه ماتنام الا تصحى و هي تصارخ مفجوعه ..
ساره بتفكير و استغراب / تصدقين الظبي ما تصارخ و نسمع صوتها الا بالنوم .. وهي صاحيه ابدا ما لها صوت ..
منار تتذكر الظبي .. تنهدت / شفتي كيف ضربت حمزاوي ..
سارة هزت راسها / هممم .. وقطعت لعبتها الي جابها لها سعود .. صايره عنيفه ..
منار بضيق / الله يستر بس ..
ساره بحنان / يا حياتي ياسلطان .. تغير عليه الجو و تعب .. الحراره اخذت منه العافية كلها ..
منار وهي تتذكر حال سلطان الي نحف بوضوح خلال هاليومين الي مر فيها .. / اي والله .. ضعف مره ..
ساد الصمت لثواني .. حتى قاطعته تنهيدة منار / اااااه نفسي اروح معاكم ابهااااا ..
ساره ابتسمت / والله انا ودي .. بس حلفان خالي متعب يكفي و يوفي على اني اقولك انثبري في بيتك ابرك لك ..
منار كشرت بوجهها .. / قال يشربني السمن قال .. وووووووع .. والا ياكلني العصيده .. يييييييييخ ..
ساره بضحكه / ههههههه اجل سجن عمر و لا ابها متعب هههههههه ..
منار ابتسمت / اي والله نار حبيبي و لا جنة اهلي ..

ــــــــــــــــــــــ

يوم جديد ..
في ابها ..

العنود بضحكه والظبي بحضنها / عاد خلاص افردها ابو منصور ..
متعب وهو يشرب من فنجان القهوة .. / انا مو قاهرني الا قوله بوسط مجلس الرجال و لا عزم على العرس ..
العنود غمزت لمشيرة .. مشيرة وقفت / انا ابي اشوف سلطان ومنصور و ارجع لكم ..
متعب / جيبي لي شي بارد اشربه ..
مشيرة ابتسمت وبخبث / ابشر و احلا شراب بارد ..
متعب رفع راسه و شافها طلعت من المجلس الصغير .. بديكورة الجنوبي ..
طالع بالعنود و شافها ماسكه جوالها تطقطق فيه وهي تهز الظبي الي نايمه بحضنها.. تنهد / انا حاس ان وراكم مصيبة ..
العنود رفعت راسها و طالعت متعب بصدمه / نعم .. ايش مصيبته من غير شر ..
وقف وهو ينزل الفنجان على الطاوله .. / المهم .. انا رايح و خليكم بمخططاتها الي ماريحتني ..
العنود تطالعه وهي رافعه راسها تطالعه باستغراب / اي مخططات .. بسم الله ترا انا مو فاهمه ايش تقول ..
سمع صوت مشيرة / تعالي .. بسم الله .. لا اله الا الله ..
متعب التفت و شاف بنت مع مشيرة .. بشرتها برونزية شعرها بني على حمره , من اثار الحناء ..
ملامحها الحادة .. كانت تشبه لامه كثير .. شاف الجوري واقفه و راهم عند الباب و عيونها فيها لمعة الدمع ..
ابتسم لها و هو ينزل راسه .. مشيرة جلست البنت جنبها .. والعنود سحبت ثوب متعب و همست / اجلس ..
متعب جلس بهدوء استغربته العنود و مشيرة .. بس كتموا ضحكتهم .. العنود ابتسمت / ها خالي .. ايش فيك ..
متعب رفع راسها وطالعها بنظرات حاده .. / صبي قهوه ..
العنود ابتسمت و بخبث / مو انا .. تمارا هي الي تقهويك ..
تمارا رفعت راسها لـ العنود .. وشافتها العنود تاشر لها يعني قومي ..
وقفت بخجل و ارتباك وهي تصب قهوة لمتعب .. مدت يدها لمتعب وهي ترجف و بهمس / تفضل ..
متعب رفع راسه وجات عينه بعيونها الكحيله .. تمارا بخجل نزلت نظراتها ..
متعب اخذ الفنجان و شربها الي فيه دفع وحده .. نزل الفنجان على الطاولة و وقف ..
تمارا بخوف رجعت على وارا مستغربه وقوفه المفاجئ .. متعب بارتباك / ااا .. صار لزم اطلع ..
طلع بسرعة .. شاف الجوري واقفه قريب من باب المجلس .. شدها من يدها و ضمها ..
الجوري تبكي / ما توقعتها تشبه امي لها الدرجه ..
متعب بغصة / الله يرحمها ..
الجوري ابتعدت عن حضنه / يعني تشبه لها صح .. انا شفت صورت امي و حافضتها .. بسسس ..
متعب رجع ضمها / تشبه لها .. بس مو امي ..
الجوري وهي تبتعد وتمسح دموعها / متعب وافق .. تزوجها .. الله يخليك ..
متعب بحنان و هو يمسح ماتبقى من اثار الدموع .. ابتسم / طيب ما تباركين لـ اخوك ..
الجوري باستغراب / يعني بتتزوجها .. موافق ..
متعب وهو يعدل نسفت شماغه / ايش رايك يعني ..
الجوري بضحكه حضنته / هههههه مبروووك .. " حتى تنفجر بكي " ..
متعب زاد من احتضانها وهو يضحك ..

ـــــــــــــــــ

بعد شهر..

بالعشر الاواخر من رمضان ..

ياسر بعصبية / اوديكم .. بس هذيك الوسخه معاكم لا ..
غرام بصراخ / ياسرررر .. لا تضحك عليه ولا اضحك عليك .. انت الي ابتدأت الغلط ..
لو ما زنيت على البنت و طاردت ورها مكان اعطتك وجه .. اذا فيه احد وسخ .. فهو انت ..
" تركته بغضب حتى تطلع من جناحه وتنزل تحت .. شافت سند قاعد بالصالة جلست جنبة وهي زعلانه .."
سند نزل كاست العصير وباستغراب / خير .. ايش مزعلك ..
غرام شافت ياسر نازل مع الدرج وهو يضبط لياقة بلوزته / السلام عليكم ..
ومر على طول وطلع من البيت .. سند تنهد / الله يهدية ويصلحه ..
غرام طالعت سند وبعصبية / قلت له ودينا السوق .. قال اوديكم بس شجون معاكم لا ليته قال اسمها .. لا قال الوسخه ..
سند هز راسة / خليه ..هو الخسران مو هي .. بكرة تلقي من يتزوجها ويحطها فوق الراس ..
غرام تنهدت بضيق / ما بقي الا كم شغله صغيرة محتاجتها من السوق ..
سند يوقف / عشر دقايق عندك تجهزين وتجيني السيارة ..
غرام بفرحه / طيب ثواني بس ..
سند ابتسم وهو يطلع مفتاح السيارة من جيبه .. ويتوجه للباب ..

بعد دقايق .. في سيارة سند ..

غرام وهي تلتفت له / رنيم ماتبي السوق ..؟
سند وهو يلف الدريكسون / لا كلمتها .. حتى اخواتها خلصوا ..
غرام تنهدت / وابرار و شجون راحوا مع عناد ..
سند ابتسم و بخبث / من قالك عناد و الا اخواته ..
غرام / ههههههههههه لا عناد ..
سند بضحكه وهو يلتفت يشوف الطريق / اوووو .. تخرفن الوالد .. ههههههههه ..
غرام / ههههههههههههههههههههه ..

ــــــــــــ

بيت راكان ..

بالمجلس ..

بتال وهو يحضن الظبي ../ صايرة عصبية ..
راكان بهدوء / من بعد الي صار لهم بجدة وتصرفاتهم هي وسلطان غريبة.. امس ضربت شيخة ..
نايف بهمس مسموع / الظبي لها شهر ما نطقت بكلمه .. بس تصارخ و تضرب ..
بتال وهو يمسح على شعرها .. وبضيق / وهي لساتها ما كبرت ولا فهمت هذاك الفهم الكبير ..
الظبي كانت تلعب بجوال ابوها .. حتى ترفع يدها و ترمي الجوال ..
بتال طالع فيها وشافها عاقدة حواجبها وزامه شفايفه ..
نايف بهمس / الطفل يحس بالي حوله و ياتاثر من هو في بطن امه .. " سكت لثواني " .. محتاجة لدكتور نفسي ..
بتال طالع نايف بغضب / ....
نايف طنش نظرات بتال وكمل / وسلطان الصخونه ما تفارقه .. كل يوم والثاني راجعه له ..
راكان رفع حاجب و باستغراب / قبل اسبوع مسوين تحاليل شامل لهم .. سليم ما فيهم شي الحمدالله ..
بتال تنهد وبضيق / الحمدالله .. " انحنى وهو يقبل راس الظبي " ..

*** فجر *** · 10-01-2019, 11:23 AM

رد: رواية بردان ياحضن الدفا عطشان واظماني الجفا كامله ...

شقة رعد ..

هيفاء وهي تحس بالم اسفل بطنها و ظهرها .. تعدلت بالجلسة و بضيق / بطني يوجعني ..
رعد بخوف / ليكون ولاده ...
هيفاء وهي متوقعه هالشي بس خايفه / لالا .. مو ولادة .. " وبغصة " .. رعد .. فيه شي غريب ..
رعد وقف وهو يشد ثوبة من علقت الملابس ../ يالله خلنا نروح المستشفى .. ونتطمن ..
هيفاء برعب / رعد .. رعــد ..
رعد التفت عليها وهو يسحب المحفظة و المفاتيح من على الطاولة / نعـ..
هيفاء واقفه وهي تطالع برجولها / اولد .. اولد ..
رعد بسرعة سحب العباية ولبسها .. وبرعب / تنفسي .. خذي هواء .. لا تولدين ..
هيفاء وهي تمشي ببطى .. / كلم امي .. علشان اخذها معاي ..
رعد يسايرها / طيب طيب .. بس انتبهي تولدين ..
هيفاء بعصبية / هو بيدي ..
رعد بتنبيه / هششششش لا تعصبين .. خذي نفس .. نفس ..

بعد ساعات ..

امام غرفة الولادة ..
رعد رايح جاي .. وكل شوي يطالع بساعته ..
بتال ياكل من السندويتش ويشرب عصير / عمي كل قبل لا ياذن ..
رعد يهز يده / لا ما ابي احس بغثيان ..
بتال ابتسم .. و بداخله وجع .. " لو كانت مع العنود بوقت مخاضها .. كانت اقلق مثل رعد .." ..
شاف ممرضة تطلع من غرفة الولادة / مبروك ولد ..
رعد فتح يدينه و كان بيحضن الممرضه لو ما انكمشت و رجعت لورا ..
بتال نزل الساندويتش و وقف و توجه لعمه حتى يحضنه و يبارك له / مبروك مبروك .. يتربى بعزكم و دلالكم ..
ويجعله من الصالحين البارين فيكم .. مابغى يجي .. " التفت على الممرضة " .. كيف مدام ..
الممرضة بهدوء / كويس .. الحمد الله ..
رعد من الفرحة مو عارف ايش يقول بس يطالع و ساكت ...

ــــــــــــــ

قبل العيد بيومين ..

نوال و هي تشرب شاهي اخضر / يوه يا شهر رمضان سريع مرة ..
ابرار تنهدت / هي الاشياء الحلوة تمشي بسرعة ..
نوال ابتسمت / قرب عرسك يا ابرار ..
ابرار بنص عين / يعني انتي الي ابعد ..
نوال بسخرية / عاد انا حاله استثنائية .. ابو زوجي يتزوج قبل ولده باربع ايام بس ..
ابرا تلتفت حولينها و بهمس / وطي صوتك سمر موجوده ..
نوال تهز راسها بقهر / انا ما ادري ليه يبي يتزوج قبلنا .. باااربع ايااام .. افففف ..
رنا وهي تاكل / هو زواج .. زواج يعني .. كبير يعني ..
نوال بسخرية / ما شاء الله على الفاظك و مفاهمك ..
رنا ابتسمت برواقه / .....
ابرار ابتسمت / لا .. بس عشاء بالمزرعة و خلاص ..
ساره جاءتهم و جلست وهي تنزل الجوال على الطاولة .. ابتسمت / منار تسلم عليكم ..
نوال تتربع على الكنبة وهي تنزل الكوب على الطاولة .. وبجدية / تعالي هينا ..
ساره بخوف / هااا .. ايش فيك ..
نوال ابتسمت / ما في شي .. ابي اسالك .. " وبحدة " .. بس ها تجاوبين بصراحة وبدون لفلفه ..
ساره هزت راسها وطالعت نوال باهتمام / طيب ..
نوال بجدية / اول مرة يوم جيتوا في ذا .. من الي كانت موجودة .. العنود و الا منار ..
ساره ترمش وهي للحين ومفاهمه شي و متنحه / اول مرة انا والعنود وخالاتي و......
قاطعتها نوال / ما نبي خالاتك ولا بناتهم .. نبي نعرف من اول مره جات العنود والا منار ..
ساره ببساطة / العنود ..
ابرار / طيب ليه كنتم خايفين ..
ساره نزلت راسها وسكتت لثواني .. و تنهدت بضيق / خالتي شريفه الله يرحمها .. كانت .. " سكتت " ..
يعني ما كانت تبينا نختلط كذا .. لان .. " بتبرير .. ماكانت تبي تكشف كل شي " .. خايفه علينا وكذا ..
ريهام نغزت نوال وهمست / خلاص لا تحرجين البنت ..
نوال طنشت ريهام .. والتفتت على ساره / طيب بعرس طلال .. من الي حضر ..
العنود الي دخلت الاستراحة وسمعت كلام نوال من الاول .. / منار .. ولا تكثرين اسئلة ..
سمر طالعتها .. وكان ودها تسال .. العنود شافت نظراتها .. جلست جنبها .. وبهمس / اذا عندك سؤال اسالي راكان ..
سمر طالعتها .. العنود ابتسمت / وانا صادقه .. ماراح يكذب عليك ..
سمر ابتسمت / انا سالته من قبل .. بس كانت اعتقد انتي .. " رفعت اكتافه " .. خلاص شي راح ..
وعلى قول راكان .. الحكي فالي فات نقصن بالعقل .. " و بهمس " .. الحين كل شي تغير ..
العنود ابتسمت على تغير سمر وتفاهمها مع راكان .. وبداخلها " وليت اخوك يعقل "..
انتبهت لرنيم الي تدخل و هي تنافخ " .. ابتسمت / ايش فيك ..
رنيم وهي تعدل بلوزتها / فهودي تعبني .. ماصدقت شفت سند الا شحنته له .. الله يحفظه ..
" جلست جنب العنود .. التفتت على البنات " .. صبولي قهوة .. راسي مصدع .. ما شربت المغرب ..

ــــــــــــــ

قبل السحور ..

العنود تطق باب جناح زياد ..
زياد بهدوء / ادخل ..
العنود فتحت الباب و دخلت وهي مبتسمه / زيزوو ..
زياد التفت له و هو ينزل كتاب باحد الكراتين ../ هلا ..
العنود تقرب منه وهي تشوف كم كرتون متروكه على جنب .. و شنطة متوسطه بجنبها ..
العنود بهدوء وهي تجلس على الكنبة / اممممم خلصت اغراضك ..
زياد ابتسم وبهدوء / ايه ..
العنود سكت .. ثواني .. ودخل راكان .. ابتسم / سلام ..
الكل / و عليكم السلام ..
زياد طالع براكان و العنود .. حس بانه عندهم كلام يبون يقولونه .. بارتباك اخذ الكرتون و قفله بـ الاصق ..
حمله ونزله عند الكرتون الثاني .. حتى يسمع صوت راكان الجاد / زياد ..
زياد التفت له .. شاف راكان يطالعه بنظرات جاده / تعال نبي نتكلم شوي ..
زياد مسح يدينه في بعض .. و بارتباك / ابي اغسل يديني من الغبار و ارجع ..
راكان و العنود راقبوه وهو يدخل الحمام .. العنود وقفت و راحت تشوف المكان .. فيه غبار او لا ..
طالعت براكان واشرت له وهي تهمس / ما في غبار بس يتحجج ..

" بالحمام .. اكرمكم الله " ..

زياد واقف قبال المغسله و هو فاتح الماي و يطالع بالمراية وبهمس .. / ايش عندهم .. اكيد راح يسالون ..
والا يتكلمون عن الزواج .. " تنهد بضيق وهو يبلع غصته .. غسل و جهه اكثر من مره و مسح على شعره .. وطلع " ..
راكان والعنود الي رجعت مكانها .. طالعوه .. وهو ياخذ الفوطه و ينشف وجهه و راسه .. تقدم وجلس قبالهم ..
راكان تنهد / زياد ..!
زياد رفع راسه و طالع راكان / .............
راكان بهدوء / ايش الي فيك .. ترا واضح انك مانت طبيعي ..
العنود زمت شفايفها ما عجبها اسلوب راكان .. زياد طالع براكان و العنود وهو مستغرب و مرتبك / كيف يعني ..
راكان ببساطه / هالبرود و الانطوائية الي انت فيها .. مالك حضور .. يا اخي بعض الاحيان ننسى انك موجود ..
زياد بارتباك صد .. / ما .. ما فيني شي .. عادي ..
العنود بهدوء / لا مو عادي .. وضعك انت مو عادي .. " وبتغير في الموضوع " .. انت ما تبي الزواج ..
اذا ماتبي فينا ناجله .. او ننهيه .. لساتك انت على البر ..
راكان طالعها و طالع زياد .. و بجدية / ماتبي تتزوج ..
زياد طالعهم .. / لا .. عادي ..
راكان تغيرت ملامحها للعصبية / زياااااد .. ايش الي عادي عادي .. انت فيك شي مو طبيعي .. ايش فيك ..
انت من زمان كذا .. والا انا الي توني انتبه ..
زياد وقف و بضيق / انا طول عمري كذا .. ايش الي تغير ..
العنود بجدية / الي تغير وضعنا .. " وبهدوء " .. زياد .. انت مريض تحس بشي .. قول يا اخوي ..
خلنا نتساعد اذا فيه مشكله نحلها باذن الله ..
زياد بعصبية / لا مافيني شي .. و ياليت تهتمون باعيالكم الصغار وبس .. انا مافيني شي .. افهموا ..
راكان طالع بالعنود وطالع بزياد .. وقف وبهدوء يخبي خلفه ضيق / مدام انك بخير فالحمدالله ..
و يالله السحور قبل لا ياذن ..
زياد ببرود / ما ابي ... تسحروا انتم ..
العنود بحنان / زياد هذي اخر سحور برمضان هالسنه .. يالله الله يخليك .. تسحر معانا .. لا تزعلنا منك ..
راكان وهو يحرك شعره بعشوائية / روح تسحر يالله .. انا ابي الحق اتسحر واحلي شوي .. " وهو يغمز لزياد " ..
زياد حمر وجهه خجل وهو يبتعد عن راكان .. العنود حمر وجهها خجل وبهمس / قليل ادب ..
راكان وهو يفتح الباب و يطلع / ههههههههههههههههه .. " العنود طلعت وراه و هي تقفل الباب و تتوجه لجناحها "..
راكان يوقفها / على وين ..؟
العنود تنهدت بضيق / ابي اشوف الظبي .. اخاف تصحى و تنتبه وبعدها ترتعب ..
راكان هز راسه / الله يفرجها و انا اخوك .. الله يفرجها ..
العنود بحزن / امين .. " وبتساؤل " .. الا سمر رجعت من عند امها ..!!
راكان ابتسم / لا .. ليه ..
العنود بشبة ابتسامة وهي ترفع حاجب / وليه قلت الي قلته داخل ..
راكان بضحكة خافته / هههههههه احب احرج زياد .. خجووول جدا هالولد ..
" سكت و صد عن العنود وهو ضغط على شفايفة و شكله يفكر " ..
العنود تقرب منه و تحط يدها على كتفه / ايش فيه ..؟
راكان و هو يطالع بـ باب جناح زياد .. تنهد / مو عاجبني حاله .. احس وراه شي ..
لا هو قادر يقول و لاني قادر اسوي شي .. اخاف اخسرة بعدها .. والله زياد حيرني ..
العنود بتفكير / تعرف من أصدقائه ..
راكان هز راسه / زياد ماعنده اصدقاء الا اصدقائي .. وهم عيال عمي .. مافي غيرهم " وهو يفكر " .. بس قبل فترة ..
اشوفه كثير مع واحد .. ومندمج معاه بقوة .. اكثر من مرة القية جالس معاه اما بالمسجد او قبال جلسة بيته ..
العنود بخوف / من ؟ ..
سمعوا صوت باب ينفتح حتى يلتفتون .. الا زياد طالع من جناحه .. طالعهم بنظرات و بعدها توجه لغرفة الطعام ..
العنود نزلت راسها .. وبارتباك / انا رايحة اشوف الظبي .. " تركت راكان و توجهه لجناحها " ..

:
:
:

شافت سارة واقفه عند الباب .. وبخوف / صحيت ..
سارة هزت راسها وبهمس / لا ..
العنود فتحت شوي من الباب و طالعت بالظبي وهي حاضنه المخده الي ملبستها العنود بلوزة من بجامتها ..
ومعطرتها بنفس عطرها .. واوهمت الظبي فيها ..
العنود بهمس وهي فرحانه / الحمدالله .. خدعتك مشت ..
ساره ابتسمت وبهمس / ايه .. بس لساتها ما تثق فيني ..
العنود تنهدت / ربك كريم .. يالله خلينا نتسحر ..

على طاولة الطعام ..

راكان يطالع بالعنود الي تاكل بسرعة / عنود شوي شوي .. لا تغصين ..
العنود و هي تشرب ماي / ابي الحق اتسحر قبل لا تصحى الظبي .. و تنفجع ..
راكان بضيق / للحين ما ينامون الا بحضنك ..
ساره / ايه .. و متمسكين بملابسها .. حتى الحمام يدخلون معاها الله يكرمكم .. " و القارء " ..
نايف بهدوء / بس سلطان اخف من الظبي .. سلطان يجلس معانا و مع ابوة ..
" هز راسه باسف .. " .. لكن الظبي .. مرررره .. حتى ابوها ما تأمن له ..
العنود وقفت / الحمدالله .. عن اذنكم .. " وهي تتوجه لجناحها و كانها تركض "..
راكان تنهد / الله يعينهم ..

*** فجر *** · 10-01-2019, 11:25 AM

رد: رواية بردان ياحضن الدفا عطشان واظماني الجفا كامله ...

اول يوم في العيد ..

انقضاء بين تبريكات و تهاني و معايدات ..

بعد العشاء ..

بيت ابناء سطام ..

في جناح العنود ..

العنود تحط الكمادات على راس سلطان .. رفعت جوالها و اتصلت على راكان ..
بس مافي رد .. قفلت و اتصلت على نايف .. وبعد مافي رد .. رجعت تتصل على زياد و كان مقفل ..
تاففت .. مو وقت ابد نومتهم بالاستراحة .. و سمر نامت عند امها في بيت جدتها ام عزام ..
رجعت شافت مقياس الحرار على سلطان و شافتها 39 و شوي .. بهمس / مافي غيره .. خلني اتصل ..
.... بعد رنه ..
ورنتين ..
وثلاث ..
جاها صوتها المستغرب و الثقيل من اثار النوم / الو ..!!
العنود بهدوء .. وارتباك / ابو سلطان اذا فيه حولك احد من اخواني يا اليت تخليه يجي البيت ضروري ..
بتال عقد حواجبه و هو يبعد الفرشة عنه و يوقف .. طلع من الغرفة الي كان نايم فيها مع الشباب ..
و بخوف / خير فيه شي ..
العنود بضيق / سلطان حرارته مرتفعه .. اعطيته مسكن و خافض للحرارة و لا نزلت .. لزم اوديه المستشفى ..
بتال بدون تردد / جهزيه الحين اجي اخذه .. " وانهاء المكالمة " ..

بعد ساعة ..

واقفه عند باب مدخل البيت .. و شايله الظبي على كتفها وهي نايمه .. لبسه عبايتها و برقعها ..
جات سارة وهي لبسة بيجامتها .. و تاركه شعرها الي طول لنص ظهرها ..
وقصة شعرها الجديدة معطيته حيوية ولمعان .. وبيدها كاسة فيه عصير مانجو .. ببحة النوم / لسع ما جاء ..
العنود وهي تهمس / لا .. " وبضيق " .. و الظبي اليوم حالها زايد ..
فجاة فزت الظبي و هي تصارخ و تبكي .. العنود ضمتها وهي تسمي و تقرا عليها ..
سارة طالعت في العنود بحزن على حال اختها و اولادهم .. رجعت لداخل البيت ..
وبعدها رجعت وهي لبسة بلوزة بيجامة العنود و معاها شال يخص العنود ..
رمت الشال على الظبي بخفه .. و مدت يدها وهي تهمس للعنود / هاتيها .. راح اخليها معايه ..
العنود بضيق و خوف / اخاف تصحى ..
سارة شافت لمعة الدمع بعين اختها .. ماعمرها شافت الدمعه بعين اختها .. الا من بعد هذاك اليوم ..
والعنود كل ليله تبكي على حال الظبي المحزن و تعب سلطان ..
ساره بحنان / خليني اخذها .. الحين يجي بتال .. كيف تاخذين سلطان منه ..
العنود كش جسمها و هي تتذكر كيف اخذ سلطان منها .. تنهدت و اعطتها الظبي بشويش .. شوي شوي ..
حتى لا تصحى الظبي و تنتبه لهم / بسم الله .. و لدخلتي خلي اذاعة القران شغاله ..
ساره بهمس خافت / لا تخافين مضبطه الوضع من قبل .. " وغمزت لها " ..
اخذت ساره الظبي ودخلت لداخل البيت .. العنود تنهدت و هي تلتفت على الباب ..
طلعت خارج البيت وقفت عند الدرجات .. رفعت راسها لفوق و دعت ربها بصمت ..
سمعت صوت عجلات سيارة التفتت و شافت سيارة بتال .. وقف و نزل .. رجع للباب الخلفي و اخذ سلطان ..
حمله بين يدينه بشويش .. شوي شوي .. وهو يسمي عليه .. ترك باب السيارة مفتوح ..
وتوجه لـ العنود .. نزل سلطان على يدينها بدون لا يلمسها .. العنود حضنت سلطان بسرعة و هي ترجع على و راء ..
ووقفت .. بتال بصوت خافت / اعطوه ابرة مضاد و مغذي .. بكرة عنده ابرة كمان .. لمدة ثلاث ايام ..
العنود وهي تضم سلطان .. وبصوت مخنوق / ياروحي .. " ليه هالابر .. ايش سبب الصخونه ..
بتال تنهد / التهاب في الحلق و نزل على البطن ..
العنود طالعت وبضيق وناسية وضعهم/ اي التهاب .. من شهرين وهم بس التهاب التهاب .. وانا مهتمه باكلهم و شربهم ..
انا مو مرتاحه لوضعهم .. خايفة اخذوا لهم فايروس من هذاك المكان .. ابي اسوي لهم فحص شامل ..
بتال يطالعها باهتمام ومافي باله الا اولاده / الحين عيد .. ماراح تلقين مختبرات مفتوح ولا دكاترة موجودين ..
العنود قاطعتها / ومن قال ابي اقعد في السعودية .. ابي اخذهم لبرا واسوي لهم فحوصات شامله ..
ومو رابطني الا زواج زياد .. ينتهي وراح اسافر ..
بتال طالعها وبنبرة باردة / يصير خير .. " تركها و توجه لسيارة .. وقبل لا يطلع " ..
لا قدر الله وصار لعيالي شي خبريني انا قبل الكل باتصال او مسج .. لا تنسين انهم عيالي ..
العنود هزت راسها ودخلت وهي مو معاه ولا منتبه ايش يقول .. بتال رفع حاجب بعدم رضا و طلع لسيارته و تحرك ..

ــــــــــــــــــ

بيت ابو سند ..

دخلت البيت و بيده كيس من المطعم .. شاف البيت هدوء .. شكلهم الكل نايم ..
طلع لسطح على طول .. مكانه المفضل .. شاف باب السطح مفتوح .. استغرب ..
دفع الباب و دخل الا يشوف الي لبسه بيجامه ورديه بكم طويل .. وهي يبخرعه التفت على ورا لمن شافته / سند ..
سند وهو يتقدم منها ابتسم / سلام ..
غرام ابتسمت /وعليكم السلام .. " لمن شافت الي بيده .. " اكل .. ياروحي والله جوووعااانه مووووت ..
سند ابتسم و هو ينزل الاكياس عندها / يخسى الجوع .. " توجه لغرفة الي بسطح " ..
غرام وقفت وهي تنفض ملابسها / سنود .. ابي اشوف الي بالغرفة ممكن ..
سند ابتسم وهو يفتح الباب بالمفاتح الي معلق من بين مفاتيح السيارة / تعالي ..
غرام بفرح تنقز بسرعة و تدخل معاه .. فتح الإضاءة و غرام تتلفت بالغرفة .. شافت الغرفة الواسعه ..
فيها كم الة رياضية بجهه معينه .. وبجهه ثتنية كل الجدار مرايا .. وجهه كلها رفوف فيها كل شي قديمة ..
كورة مفقوعة .. سيارة مكسورة .. دبدوب مقطع .. تقدمت من الرفوف .. وهي تطلع الي مكتوب فيها ..
كل ما تقرا شي تبتسم .. شافت البومات لصور .. حطت يدها عليهم .. والتفتت لسند ..
الي كان اقف عند المطبخ التحضير .. بزاوية بشكل ربع دائرة .. / فيني اشوفها ..
سند رفع عينه وشافها تاشر على الالبومات .. و بحزم / لا .. " وبجدية " ..
بس فيك تشوفين الألبوم الي مكتوب عليه اسم عناد ..
غرام عقدت حواجبها / ليه ..
سند طالعها بنظرات .. / علشان ..............

نهاااايةة الباااارت .

*** فجر *** · 10-01-2019, 11:27 AM

رد: رواية بردان ياحضن الدفا عطشان واظماني الجفا كامله ...

البارت 51 ..

البارحه مابين وشلون يمديك ... في يوم واحد ياحبيبي تغيرت
الليل خلاني وخلا طواريك ... تلعب بقلبي كل ماداخلي ثرت
سويت شين حدني غصب ماجيك ... والا قبل لاسير الليل سيرت
هدمت كل اللي بنيت بتجافيك ... هدمت لا والله بالعون دمرت
خليتني ماقلت لي شلون اخليك ... ليتك بحالي قبل مارحت ناظرت
الله كريم يصبر اشواق مغليك ... لاقام ينثرني غلاك وتناثرت
والله يسامح قلبي اللي مواليك ... اخذت كل اللي تبي منه وانكرت
منهار جيت العام تسبق خطاويك ... واليوم ماكنك قبل جيت وانهرت
في ذمتك لامن تذكرت ماضيك ... من يطري في بالك اليامن تذكرت ؟
من كثر مافكرت وشلون اراضيك ... وياك في نفسي ولا يوم فكرت
على كثر ماكنت متمسكن فيك ... وعلى كثر ماحتجتني ماتعذرت
جيتك وعندي حاجتن بين اياديك ... والمشكله تقدر عليها وقصرت
رح بشر اللي ملتفت لك يناديك ... قله تركته لخاطرك ماتأخرت
صدقني انها غلطتي يوم اداريك ... ولا انت لولا غلطتي كان ماصرت
كبرتك بعين البعيد وحواليك ... ابيك تكبر والمصيبه تكبرت
حاولت اغير فيك من كثر مغليك ... قدرت لكنك عليه تغيرت

" المبدع .. ثامر شبيب " ..

:
:
:

سند رفع عينه وشافها تاشر على الالبومات .. و بحزم / لا .. " وبجدية " ..
بس فيك تشوفين الألبوم الي مكتوب عليه اسم عناد ..
غرام عقدت حواجبها / ليه ..
سند طالعها بنظرات .. / علشان تعرفين كيف تتفاهمين مع عناد .. و تعرفين كل شي عنه ..
غرام طالعت اخوها .. وبعدها طالعت بالألبومات .. شافت اسم " راكان , عناد , بتال , طلال , سيف , رعد ,
راشد , البنات ..... " رفعت طالعت سند و هي تاشر له وبنبرة استغراب " .. / البنات ..
سند وهو يسحب ابريق الشاهي الي سواه ويسحب صحن يحط فيه الاكل .. وبجدية / يالله خذي حق عناد و اطلعي ..
عطيتك وجه .." غرام كشرت و هي تسحب الألبوم و نفسها تسحب غيره .. تنهدت و طلعت وراء سند "..
نزلت الالبوم على الفرشة .. و رجعت للغرفة حتى تغسل يدها و سند معاها ..

:
:

بعد ما تعشوا و هم يشربون الشاهي و غرام من عجلتها تصفحت الالبوم وهي تاكل ..
و سند يهددها ان طاح شي من الاكل على الالبوم و اخربه راح يكسر يدها ..

:
:

غرام وهي تنزل فنجال الشاهي / يعني هو من جد كان يحبها ..
سند وهو متكي / لا .. بس هي اغوته .. بنت حلوه .. وصغيرة وهو شاب مراهق ما شاف من الحريم الا امه و خواته ..
سحرته بكلامها وغنجها .. و احترامها .. و الي اعماه زود انها من اصول عربية ..
غرام بنبرة غيره / اهاا .. و ايش عجب استاذ عناد ..
سند كتم ابتسامته و بجدية / غرام انا ما قلت لك السالفه و اسرار عناد الا علشان تقدرين تتملكين عناد ..
لايغرك كلامه المعسول الحين وروقانه ترا عناد ميزاجي درجة اولى .. و بعد اللي صار معاه صار عصبي وبقوة ..
غرام بهمس خافت / تعلمني فيه ..
سند طالعها وهو كان حاس بان بينها و وبين عناد شي .. / ايه انا بعلمك عن عناد .. عناد من نفس الي راسمتيه بعقلك ..
غرام طالعته .. وبمسار مخالف عن المحور الي يتكلمون فيه / انتم يا الفارس فيكم ميزة وحدة ..
سند عقد حواجبة / الي هي ..
غرام بكل بساطة / الظلم ..
سند تفاجاء / الظلم .. " وباستغراب وهو يجلس " .. ليه تقولين كذا ..
غرام تتكلم وبنبرة تميل للعصبية / ايه الظلم .. اول شي جدي سند الله يرحمه .. ظلم جدتي الظبي ..
و بعدها ظلم جدتي شيخة .. و قبل جدي سند جدي جابر .. ظلم الكل لمن ابعد الظبي .. خلها تحقد علينا ..
و ربت العنود على الكره لنا .. و بعد عمي راشد .. ظلم نفسة و خالتي مياسة وبناته .. " شافت استغراب سند " ..
ترا كلنا ندري عن عمي راشد .. اقصد البنات .. بس نسوي انه ما ندري عن شي .. علشان بناته ..
مو علشان شي ثاني .. وراكان ظلم ابوه و امه .. و ظلم اخواته .. و ظلم سمر .. وبتال ظلم العنود ..
ورعد ظلم نفسه و ظلم ابوة و امه و عبير ظلم الكل .. وعناد ظلمنا يا البنات .. وغيث ظلم ريما ..
و خالي سلطان ظلم خالتي الجوهرة ..وبعد نفسه .. و جدي سعود ظلم بناته و اولادة ..
وخالي عبدالعزيز و عمي خالد و ابوي .. كلكم .. وبعدها رجعتوا .. ولا كانكم سويتوا شي .. تغيرت الملامح ..
بس المضمون نفسه .. " تنهدت وهي تطالع لبعيد وكان لسع باقي شي في قلبها تبي تطلعه بس مو عارفه كيف تقوله " ..
سند طالعها " و بعد صمت لثواني طويلة " .. بهدوء ../ وانت الحين يا البنات ملائكة ما تغلطون ولا تسون شي ..
غرام التفتت له .. و رفعت حاجب / منكم .. انتم السبب ..
سند طالعها مسك ابريق الشاهي وصب له .. وطنش كلامها .. وبنبرة مقصودة / كيف علاقتك مع عناد ..
غرام كشرت ولمت شفايفها / مزاعلته .. وما ابي اكلمه ..
سند ابتسم / للحين ..
غرام طالعته .. سند اشر لها على الالبومات / حتى بعد ماشفت ذي .. " وغمز لها " ..
غرام صدت عنه بارتباك / ............
........ / ماشاء الله .. ايش الجلسة الحلوة هذي ..
سند وغرام طالعوا على جهة الصوت .. سند ابتسم / هلا وغلا .. و بتحلو اكثر بجيتكم ..
رنيم تجلس و تجلس فهد بحضن ابوه / السلام عليكم ..
غرام و سند / و عليكم السلام ..
رنيم بجوع / مافي من عشاكم .. ليه ما سالتوا عني .. و الله من البخل .. حنا عيد ..
سند ابتسم / يخسى الجوع يا ام فهد .. شوفي تركت لك قسمك بالميكروويف هينا .. " وهو ياشر لها على الغرفة " ..
رنيم بتعب تنهدت / يووووووه مالي حيل اقوم .. جسمي مكسر مره ..
غرام باستغراب / انتي ايش فيك بس تعبانه .. وتنامين .. ومعصبه .. صايرة كوكتيل ..
رنيم تثاوب / لا تجبين طاري النوم على طول انام .. " قالتها وهي تنسدح بنص الجلسة وغمضت عيونها " ..
سند يطالعها بنظرات .. جلس فهد بجنب امه و رمى عليه الجوال .. و وقف راح لـ الغرفة .. جاب الاكل و رجع ..
سند بهدوء / رنيم قومي الاكل .. رنيييم .. بنت نمتي ..
رنيم بكسل وهي مغمضة عيونها / هممممم ..
سند ابتسم / قومي كلي ..
رنيم تجلس بتعب / ايش الاكل ..
سند / سندويتشات كباب .. من المطعم التركي ..
رنيم بضيق / فيه بيبسي .. نفسي في بيبسي ..
سند ابتسم وهو يبعد القصدير عن الساندويتش .. / ايش تبغين بالبيبسي .. مافيه فايدة ..
رنيم تاكل بشراهه .. وتشرب من العصير .. وسند يراقبها .. وغرام تلعب مع فهد ..

ـــــــــــ

ثاني يوم في العيد ..

بيت ال عزام ..

الجوهرة رافعه حاجب و بعصبية / وين الظبي ..
بتال تنهد وهو يقبل راس سلطان الي جالس بحضنه اللي و داه المستشفى ..
واعطاه ابرة المضاد و راح لامه .. / يمه الظبي ماتتحرك الا مع امها .. وامس شفتيها بالمسجد كيف حالتها ..
الجوهرة بحزن / يا روحي .. خايفه من الكل .. " تنهدت بقهر " .. حسبي الله ونعم الوكيل في امها ..
بتال غمض عيونه وبضيق / و ايش دخل امها ..؟
الجوهرة بحدة / وايش دخلها .. لو هي مهتمه بعيالها ماكان رمتهم على فلان و علان ..
غيث يدخل و بنبرته الباردة الي يتكلم بها من اول ما وصل من السفر في يوم 28 رمضان .. / يعني انتي الي مهتمه ..
الجوهرة طالعته باستفهام .. غيث يجلس جنبها / جاوبي انتي الي مهتمه بعيالك .. وليد كم مرة داخ و دخل المستشفى ..
وانتي ولا اهتز رمشك .. على الاقل ام سلطان تحاول تعالجهم .. و ما كانت متقصدة الي صار .. ولا اختها متقصدة ..
مو انتي الي ماسكه على اخر العمر كرامتي و حقي .. ورامية عيالك .. تراها طالت و مسخته يا ام بتال ..
الجوهرة ترفع حاجب وبنظرات حادة تطالع اخوها .. سعود ضاغط على شفايفه بضيق .. بتال يراقب ردة فعل امه ..
سامر ماسكه جواله و يطقطق فيه و وليد يلعب بجوال جالكسي نوت 2 عيدية ابوه له .. ومطنشين الكل ..
الجوهرة برفعه حاجب / ليكون مضايقتك .. وانت وين زوجتك .. " وبعصبية " غيث اا..
قاطعها عزام وهو معاه محمد ولدة الصغير .. / الجوهرة .. انا تكلمت مع ابو بتال .. قبل رمضان ..
واعطيته كلمه ترجعين لبيتك قبل زواج سعود .. وغيث و موضوعة مالك دخل فيه ..
هيفاء وهي تمشي شوي شوي ويدها على بطنها / ايش فيكم .. صوتكم واصل لغرفتي ..
غيث طالعها ووقف ببرود / ولا شي .. " التفت للكل " .. انا بكرة مسافر .. وبما اني مشغول و ماراح اشوفكم ..
فمن الحين اودعكم .. اشوفكم على خير .. وانتي يا اختي .. اهتمي بعيالك و شيليهم اليوم حتى يشيلونك بكره ..
هيفاء بغصة / بس كذا ببساطه ..
غيث يطالعها ببرود / ايه كذا .. ببساطه ..
هيفاء نزلت دموعها وهي تستند على عامود الرخام و هي تشوفه يتوجه لجناح امه ..
طالعت بعزام / عاجبك وضع اخوك..
عزام طالعها و بعدها صد عنها و طالع محمد وهو يلعبه / خليه .. خليه الحين .. وخله يسافر ..
بتال طالع خاله وهز راسه " يعني ايش الموضوع " .. خاله غمض عيونه وهز راسه يعني " بعدين " ..

رواية بردان ياحضن الدفا عطشان واظماني الجفا كامله ...

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget