رواية:ما قدرت على فراقك

**shahad..** · 27-01-2016, 06:40 PM

رد: رواية:ما قدرت على فراقك

يا بعد قلبي والله فتحت روايتك وطفت الشبكه عشان كذا ما رديت
تسلم يدينك ع هالبارت الجمييل << زييك
اما توقعاتي
توقع فهد يعرف عن سالفه احمد وهديل
اتوقع يموت سالم وأميره بتحزن كثييير
المدير ما طرد نوره لسببين الأول أحس انه اعتاد عليها او ما لها او انه موصى انه ما يطردها
وبسسس اتمنا تنزلين البارت اللي بعده بأسسسسرررع وقت ولا تتأخرين نفس هذا البارت

**اسيرة الزمن** · 29-01-2016, 06:49 PM

رد: رواية:ما قدرت على فراقك

المشاركة الأصلية بواسطة shahad..

يا بعد قلبي والله فتحت روايتك وطفت الشبكه عشان كذا ما رديت
تسلم يدينك ع هالبارت الجمييل << زييك
اما توقعاتي
توقع فهد يعرف عن سالفه احمد وهديل
اتوقع يموت سالم وأميره بتحزن كثييير
المدير ما طرد نوره لسببين الأول أحس انه اعتاد عليها او ما لها او انه موصى انه ما يطردها
وبسسس اتمنا تنزلين البارت اللي بعده بأسسسسرررع وقت ولا تتأخرين نفس هذا البارت

معذورة ما في اي مشكلة
الله يسلمك
ان شاء الله تكون توقعاتك في محلها
حبيبتي اسفة لاني مانزلت بارت امس لاني ما كنت بالبيت لهذا نزلته قبل وقته
شكرا لك على تفاعلك
تحياتي لك

**shahad..** · 29-01-2016, 07:11 PM

رد: رواية:ما قدرت على فراقك

ياليت تطولي البارت

**اسيرة الزمن** · 01-02-2016, 02:28 PM

رد: رواية:ما قدرت على فراقك

المشاركة الأصلية بواسطة shahad..

ياليت تطولي البارت

باذن الله البارت التاسع بيكون طويل ويمكن اليوم انزله فكوني قريبة

**اسيرة الزمن** · 01-02-2016, 05:03 PM

رد: رواية:ما قدرت على فراقك

السلام عليكم
البارت التاسع
بعد ما طلعت من الغرفة جلست على الكرسي وغطت عيونها وبدت تبكي هديل جتها بسرعة وهي تجلس بجنبها خافت ان اميرة عرفت ان اخوها مارح يعيش اكثر من اسبوع مثل ما قال لها الدكتور
هديل بتوتر:أ أ أميرة وش فيك
اميرة وهي تبكي:سالم يا هديل ما شفته بحياتي كذا كان دايم قوي والحين جسد ومنهد حيله
هديل بحزن:ادعي له يا اميرة ادعي له محتاج لدعائك الحين ادعي له بدال ما تبكين كذا
اميرة تبكي:................
هديل:قومي نروح للبيت,انت تعبانه لازم ترتاحي
اميرة وهي تهز راسها:لا ما ابي اروح من هنا الا وسالم معاي
هديل:ما يصير تقعدي هنا بالمشفى وسالم ب بأذن الله ي يكون ب بخير...بعد ما كملت جملتها هديل سرحت في اليوم الي قالوا لها ان ابوك بيكون بخيروبعد ما طمنوها عليه مات
اميرة بصوت عالي:هديل ردي علي وين سرحتي
هديل:نعم يا اميرة
اميرة بخوف:وش فيك متوترة سالم فيه شي
هديل بتوتر:ل لا ما فيه شي
اميرة بصوت مخنوق:هديل ارجوك قولي لي سالم فيه شي
هديل بحزن:سالم بخير لا تقلقي عليه
اميرة:هديل لا تكذبي علي ارجوك قولي لي سالم فيه شي
هديل بحزن نزلت راسها:اميرة اخوك حالته خطيرة وممكن ما يعيش اكثر من اسبوع على حسب كلام الدكتور...رفعت راسها بسرعة...بس الدكتور ما يعلم بالغيب فانتي ادعي له هو محتاج لدعائك
اميرة انصدمت من كلام هديل يعني سالم بيروح ما عاد اشوفه هزت راسها تبعد الافكار هذي من راسها لالا اكيد يكذبوا علي سالم بخير وبيتعافى ان شاء الله بس انا شفته كان تاعب كثير ويمكن ي يموت هنا اميرة ما قدرت تتحمل اكثر وانهارت بالبكاء
هديل خافت على اميرة:اميرة ارجوك تماسكي وترى الدكتور ما يعلم بالغيب يعني في احتمال ان اخوك يعيش ارجوك يا اميرة لا تبكي تماسكي ارجوك كوني قوية
اميرة تبكي وما ينسمع غير صوت شهقاتها العالية
هديل وهي تحاول تقوم اميرة:قومي نروح للبيت ترتاحي
اميرة قامت مع هديل وهي مو واعية على نفسها من الصدمة الي جتها
هديل سانده اميرة عليها وتمشيها بشوي عشان ما تطيح وصلت لسيارة وقالت لسواق يروح للبيت

بعد ما تعب من الشغل اسند ظهره على الكرسي واغمض عيونه في سبيل انه يرتاح سمع الصوت الي بداخله يقول
هديل:الله يكون بعونك يا اميرة والله يشفي اخوك
أحمد يكلم الصوت او هديل:وش فيك يا هديل ومن هو المريض
هديل:والله مو ناقصني هالصوت يارب يارب ساعدني
احمد:هديل انا احمد احنا لازم نتقابل لان انا وانتي مترابطين بالعقل
هديل وهي تبتسم بسخرية:لا ونتقابل بعد هه والله مجنونة انا
احمد:انتي مو مجنونة انا وانتي مترابطين بالعقل ولازم نتقابل عشان نعرف وش الصلة الي تربطنا معا
في هذي اللحظة دخل فهد مكتب احمد
فهد:استاذ احمد
احمد الي انقطع سرحانه بعد دخول فهد فتح عيونه وهو يقول:نعم يا فهد
فهد:بخصوص الشركة كلمتهم اليوم وقلت لهم موعد الحفلة بعد يومين
احمد:والموظفين عرفت اسمائهم
فهد:لا ما قدرنا للحين وانا وصيت واحد من الرجال انه يراقب المدير ويعرف متى يطلع من المكتب
احمد:مشكور يا فهد
فهد:هذا واجبي بس ممكن سؤال
احمد:تفضل قول سؤالك
فهد:ليه انت تبي تجمع معلومات عن الموظفين
احمد:لغاية في نفسي
فهد عرف ان احمد ما يبي يقول له:طيب تبي شي ياطويل العمر
احمد:لا تقدر تتفضل
خرج فهد من مكتب احمد ورجع احمد اسند ظهره على الكرسي بس ماكان يسمع صوت هديل

ابو تركي يتكلم بالجوال:ها وش صار معكم
في الطرف الثاني سعد:يا ابو تركي ارسل لنا اربع رجال مسلحين
ابو تركي:ليش وش صار معكم
سعد:الرجل الي بنسلم له البضاعة معه خمس اشخاص ومسلحين
ابو تركي بعصبية:والله عرفت انه بيسويها ومو جاي لوحدة طيب ثواني ويجوك الرجال
قفل من سعد وهو معصب وبصراخ:عمر يا عمر
عمر:نعم يا ابو تركي
ابوتركي:ارسل اربع اشخاص مع عقاب
عمر باستفهام:ليش يا ابو تركي صار شي
ابو تركي بعصبية:مو وقت اسئلتك سوي الي قلت لك عليه بسرعة
عمر: حاظر يا ابو تركي

في مكان ضيق ومهجور كان يقف وبيده حقيبة سوداء التف وهو يرى شخص ملثم يتجه نحوه وبيده حقيبة سوداء ايضا بس احس ان الشخص الي امامة مو جاي لوحدة ناظر خلف الرجل وشاف خمس رجال يخرجون من خلف البيت المهجور
حس انه في خطر لوحدة بس ماكان يبي يبين لهم انه خائف
عقاب بثقة:ما ضنيت ان زعيمك كذاب مو قال انك بتجي لوحدك
الرجل الي يحمل الحقيبة:احترم نفسك وعطني الحقيبة الي بيدك
عقاب:طيب وش فيك عصبت بس وش يضمن لي انك بتعطيني الفلوس يمكن تكون مثل زعيمك كذاب
الرجل يطلع المسدس من جيبة و يرفعة امام وجه عقاب:قلت لك احترم نفسك
عقاب:طيب نزل سلاحك واعطني الفلوس وانا اعطيك البضاعة
الرجل:لا عطني انت البضاعة اول وبعدها اعطيك الفلوس
عقاب حس ان بيصير شي اذا عطاه الحقيبة ومع هذا وضع الحقيبة بحدر امام الرجل
الرجل اخذ الحقيبة وبعدها اشر لرجال انهم يمسكوا عقاب
تقدموا الرجال نحو عقاب اما عقاب فاحس بالخطر وفي نفس الوقت كان قلق ليه الرجال الي معه للحين ما طلعوا اخرج المسدس الي بجيبة ووجهه امام الرجال
عقاب:لا تقربوا ولا والله اطلق الرصاص عليكم...وجه نظره لرجل الي يحمل الحقيبة...وانت عطني الفلوس
الرجل ضحك بسخرية:هه شوف نفسك وشوف الي امامك نزل سلاحك احسن لك
عقاب ناضر الي امامه كانوا الرجال ضخمين ومعضلين وبيدهم مسدسات وهم خمس وهو وحدة
الرجل الي يحمل الحقيبة:نزل سلاحك وتعال معنا بالطيب احسن لك
عقاب في نفسه مستحيل استسلم وين الرجال ليه للحين ما طلعوا شكلهم سحبوا علي لالا مستحيل انا من زمان معهم ليه يسحبوا علي الحين اخخخ
الرجل:للحين ما تبي تنزل سلاحك شكل الطيب ما يمشي معك...وبصوت عالي...امسكوه
تقدم الرجال نحوعقاب اما عقاب في هذي اللحظة بدت ايده ترتجف بس ما يبي يكون ضعيف امامهم استجمع قوته ومسك المسدس بقوة وهو يقول في نفسه اصبر هم الحين بيطلعوا
وصل له احد الرجال بس قبل يمسك عقاب اطلق عليه رصاصة بس ما صابت الرجال
الرجال الي يحمل الحقيبة:حسبتك قناص ليه ما جبتها فيه ولا خايف تقتله
عقاب ما عطاه اهتمام بس يناظر الي قدامه فجأة ظهر رجال عقاب من خلف رجال العصابة بهدوء
عقاب ابتسم:بس انا مو خائف اطلقتها في الفراغ لتحذير
كان ورا كل رجل من رجال العصابة رجال عقاب وفي لحظة مسكوهم من الخلف وثبتوا السلاح على رؤوسهم
عقاب ببتسامة سخرية يناظر الرجال الي كانوا بيمسكوه:الحين نزل انت وياه سلاحك
وبعدها تقدم من الرجل الي كان يحمل الحقيبة وبسخرية:ما تبي تعطيني الفلوس هاه قال جملته وهو يسحب الحقيبة من يده بقوة
بعد ما اخذ الحقيبة سمع صوت جوال يرن لف لمصدر الصوت كان بجيب الرجل الي كان يحمل الحقيبة اخرج عقاب الجوال من جيب الرجل وناظر الاسم تكلم بسخرية وهو يناظر الاسم:الكنق يتصل بك...وبجدية...رد عليه وقول له ان العملية نجحت ويا ويلك لو تقول له ان ماسكينك والله تموت قبل تقول له
الرجال هز راسه بالموافقة عقاب وضع الجوال على اذن الرجل
الرجل:اهلا بالكنق............ايه كل شي تمام...........لالا تخاف سوينا كل شي مثل ما قلت.............طيب مسافة الطريق
اغلق عقاب الجوال وهو يبتسم:هيا يارجال خلونا نروح ل ابو تركي بالغنائم
رجال عقاب ربطوا رجال العصابة وركبوهم بالسيارة وتوجهوا للمقر

دخل لشركة في سبيل انه يلقى وظيفة له مع انه متأكد انه مراح يتوظف بس حب يجرب
مشاري:لو سمحتي يا اختي ابي اقدم على وظيفة ممكن
الاستقبال:عطني اسمك
مشاري:اسمي مشاري ناصر ال..........
الاستقبال وهي ترفع سماعة الهاتف:لحظة,السلام عليكم..........في احد يبي يقدم على وظيفة............اسمه مشاري ناصر ال........اغلقت سماعة الهاتف وهي تقول:تفضل...وهي تأشر على مكتب عبد الرحمن.... مكتب المدير هناك
مشاري:شكرا لك
توجه مشاري لمكتب المدير طق على الباب وسمع صوت المدير:تفضل
دخل المكتب وهو عارف وواثق انه مارح يتوظف:السلام عليكم
عبد الرحمن:وعليكم السلام تفضل اجلس
جلس مشاري وهو يمد له ورقة الشهادة الثانوية:لو سمحت يا طويل العمر ابي اقدم على الوظيفة بشهادة ثانوية
عبد الرحمن:شهادة ثانوية بس
مشاري:ايه هذا الي عندي ماقدرت اخذ الشهادة الجامعية لظروف
عبد الرحمن والله شكله محتاج للوظيفة خلني اوظفة واكسب فيه الاجر بس اسمه مو غريب علي
مشاري حس ان المدير طول وهو يناظر فيه:معليش لو سمحت في شي في وجهي
عبد الرحمن حس على نفسه وبتلعثم:ل لا ولا شي
مشاري:طيب وش قلت احصل وظيفة عندك او لا
عبد الرحمن:ايه بوظفك وبيكون راتبك500ريال شهريا وبيكون معك شخص يعلمك كيف تشتغل
مشاري مصدوم مو مصدق انه حصل وظيفة تكلم بعدم تصديق:نعم انت وش قلت لي
عبد الرحمن حزن عليه شكله تاعب وهو يبحث عن وظيفة:قلت لك موافق على توظيفك
قام مشاري ومن الفرحة نسى نفسه وضم المدير:بارك الله فيك وجزاك الله كل خير بعد عن عبد الرحمن وهو يقول:ما ادري وش اقول لك والله انك حللت لي هم الله يفرج همومك مثل ما فرجت علي همي
عبد الرحمن:الشكر لله الحين روح وبكرا تعال الساعة سبع واقول لك وش هو شغلك
مشاري بفرح:ماعندي مشكله لو تبيني من الحين ابدأ
عبد الرحمن:لا الحين مو مجهز لك مكان تعال بكرا احسن
مشاري:طيب مثل ماتبي استاذنك الحين
عبد الرحمن:تفضل
خرج مشاري من المكتب وهو فرحان بس ما يدري انه ترك شخص في حيرة من امره
عبد الرحمن وهو يردد الاسم:مشاري ناصر ال..........مشاري ناصر ال........متأكد اني اعرف الاسم بس من وين اعرفه ما ادري

وصل للبيت وهو طاير من الفرحة وقبل لا يدخل همس وهو يناظر البيت:متى نطلع منك احس انك بتتهدم فوق روسنا قبل نطلع منك
دخل للبيت وهو يسلم
مشاري:السلام عليكم
الكل:وعليكم السلام
مشاري توجه نحو امه وهو يسلم عليها:ابشرك يمه لقيت وظيفة
ام مشعل بفرح:الحمد الله مبارك لك ياولدي
لين بفرح:مبارك ياخوي
مشاري:الله يبارك فيكم
دخل مشعل للبيت وهو تاعب
مشعل بتعب:السلام عليكم
الكل:وعليكم السلام
مشعل ارتمى على الحصيرة ووضع راسه على فخذ امه
ام مشعل بخوف:وش فيك ياولدي
مشعل:مافيني شي يالغالية بس تاعب اليوم وصلت ناس كثير
مشاري يقاطعة:قول لي مبروك يا مشعل
مشعل باستغراب:مبروك بس على وش
مشاري:لقيت وظيفة براتب500ريال في الشهر
مشعل نقز من الفرحة وجلس مقابل مشاري:احلف
مشاري:وش فيك مو مصدق والله لقيت
مشعل بفرح:مبرووووووك يا خوي
مشاري:الله يبارك فيك...لف مشاري على امه...يمه ليان وين
ام مشعل:ليان بغرفتها تذاكر الله يوفقها
الكل:امين
مشعل:لين وش فيك ساكته فيك شي
لين:لا ياخوي مافيني شي بس احس راسي يعورني باروح انام...قالت جملتها ثم راحت لغرفتها
دخلت لين الغرفة وانسدحت على اللحاف
ليان الي كانت بالغرفة استغربت ان اختها تدخل للغرفة بدون لاتقول شي الله ييسر حالنا اكيد لين تحس بالنقص لازم اسوي شي عشان ماتحس بالنقص بس وش اسوي ماعندي شي عشان اساعدها ماعندي غير الدعاء نزلت من عينها دمعه على حالتهم بس مسحتها بسرعة بعد ما احست ان لين تتلفت لها وسوت نفسها تذاكر
لين:ليان ماخلصتي مذاكرتك
ليان:شوي واكمل ليه تبي شي
لين:لا ما ابي شي بس احسك تاعبة قومي نامي والصبح كملي
ليان:لا مافي مشكله اكمل وبعدها انام
لين:على راحتك بس لا تتاخري عشان تقومي الصبح مصحصة
ليان:ان شاء الله نامي انتي وانا شوي وانام...وفي نفسها...هذي اختي ما تنام الا وين اكون نايمة بجنبها الله يخليك لي

كانت بالغرفة جالسة على السرير بجنب اميرة الي دوبها نامت غريبة سعاد ماجت كعادتها وانا وش فيني اتكلم عليها ان شاء الله ماتجي قامت من على السرير وهي تتوجه للمطبخ تشرب موية
بس جاها فضول تعرف سعاد وين دخلت لغرفة ابوها بس كانت مظلمة فتحت الانوار ماكان فيها احد طفت الانوار وراحت للمطبخ بس قبل توصل للمطبخ رن جوالها ناظرت شاشة الجوال وقالت بعدم ارتياح:وش يبي هذا ردت على الاتصال
هديل:السلام عليكم
............:وعليكم السلام هلا بالغالية بنت الغالي
هديل غمضت عيونها تصبر نفسها وقالت في نفسها هذا اكيد وراه مصيبة سمعت صوت الي جواها...احمد...يقول:هديل اسمع قطعت على الصوت وهي تفتح عيونها وترد على المتصل:الحين صرت الغالية وبنت الغالي بعد اخلص وش تبي
........وهو يكتم غظبه:ومن قال انك مو غالية انتي غالية مثل ولدي تركي
هديل بسخرية:ايه مصدقتك يا عمي
ابو تركي:انت وين
هديل حبت تغيظه:انا اليوم رحت للمطعم مع صديقاتي العشرة وبعدها رحنا لسوق واشترينا ملابس اخر موديل وهذا كله على حسابي انا
ابو تركي بصدمه:نعم وش قلتي كله على حسابك
هديل:وش فيك انصدمت مراح اخذ شي من فلوسك عندي ورث ابوي مكفيني والحمد الله قدرت ألبي طلبات صديقاتي العشرة...قالت اخر كلمه وهي تشد عليها
ابو تركي بخوف:نعم صرفتي عليهم من فلوس محمد اخوي
هديل:وش فيك ارتعبت ايه صرفت لهم من ورث ابوي هذا حلالي
ابو تركي:هذا حلال اخوي وانا اولى فيه يا بنت الشوارع
هديل انصدمت من الكلمه الاخيرة حست وكان احد صب عليها موية باردة تجمعت الدموع في عيونها وقالت بصوت مخنوق:وش فيك كنت تقول الغالية بنت الغالي والحين تقول بنت الشوارع وش فيك قلبت علي
ابو تركي بعصبية:والله لاخذ منك كل شي مو بس الورث بس اصبري علي
هديل بدت دموعها تنزل اكثر مو قادرة تسيطر عليها قفلت الجوال وحطته على السايلنت وراحت لغرفة ابوها دخلت الغرفة وارتمت على السرير تبكي وهي تقول في نفسها:اه يا يبه ليه وصيتني اني ما اعطي شي لعمي من الورث والله لو ما وصيتني كان عطيته الي يبي بس يفكني من شره سمعت الصوت الي جواها...احمد...يقول
احمد وهو مستلقي على سريره:يمكن عارف ان عمك لو اخذها يسوي بها شي ما يرضي الله
هديل:اصلا عمي ماعمره سوى شي يرضي بيه ربه
احمد فرح لان هديل للحين تتكلم معه:اجل ابوك كان على صواب يوم قال لك لا تعطي لعمك الورث وانتي نفذي الي قال لك عليه ابوك عشان عمك ما يسوي مصيبة
هديل:هو اصلا من مصيبة لمصيبة بس ما ادري كيف يطلع من مصايبة
احمد:لو هرب من عقاب الدنيا مستحيل يهرب من عقاب الاخرة
هديل:صادق مستحيل يهرب من الاخرة
احمد:الله يهديه ويهدي جميع المسلمين
هديل:امي هديل حست على نفسها وانها قاعدة تتكلم مع نفسها وبدت تبكي بقوة وقالت في نفسها:انا انجنيت اكلم نفسي وكاني اكلم شخص لا وانصح نفسي بعد
احمد:يا هديل كم مرة قلت لك انتي مو مجنونة احنا مترابطين معا روحي لدكتورة عشان تعرفي اني ما اكذب وانك مو مجنونة
هديل فتحت عيونها وقامت من على السرير وطلعت من الغرفة وراحت لغرفتها نامت بجنب اميرة لان السرير يتسع لهم الثنتين ونامت
اما عند احمد كان منسدح على السرير ويتقلب يفكر ب امل و الي مرتبطة معه هديل

بعد ما قفلت بوجها الخط تكلم وهو معصب:والله لتندم على كل الي سوته بنت الشوارع هذي
ابو خالد:لا تعصب يا بو تركي بتحصل الي تبي بس اصبر
ابو تركي:يا ابو خالد كل الخطط الي سويناها فشلت وانت دايم تقول لي اصبر ترى صبري نفذ
ابو خالد ببتسامة خبث:وش رايك ب..................................
ابو تركي بتوتر:ما ما اعرف خليني افكر بالي قلته وبعدها اقول لك
ابو خالد:على راحتك بس هذا احسن حل
ابو تركي يناظر ساعته:تاخر الوقت بروح للبيت قام ابو تركي وراح للبيت

في صباح يوم جديد
صحت من نومها وهي تناضر الساعة الي بجوالها القديم بققت عيونها في الجوال الساعة واحد الظهر لا لا مستحيل تأخرت على الامتحان نطت من على لحاف وهي تناظر مكان اختها لين مو موجودة طلعت لصالة بسرعة وهي تحس انها شوي تصيح ناظرت الكل جالس على الحصيرة ويناظرون فيها
ليان بصوت باكي:ليه ما صحيتوني حرام عليكم اختباري راح
ام مشعل:كنتي تعبانه فما حبيت اقومك
ليان تبكي:ليه يا يمه ما قومتيني مو تعرفي عندي اختبار ومن امس وانا اذاكر فيه
لين كاتمة ضحكتها ومشعل يقرصها وبهمس:لا تفضحينا
مشاري:لا تخافي يا ليان اختبار واحد بس راح عليك
لين ما قدرت تستحمل منظر اختها وهي تبكي وظحكت بقوة
لين:ههههههههههه
مشاري من بعد ماظحكت لين ما قدر يمسك نفسه وانفجر:ههههههههههههه
مشعل نفس الشي بدا يظحك:هههههههههههههه
ليان بحزن:والله ما في شي يظحك....ناظرت امها ولقتها تبتسم....هنا ليان ما قدرت تستحمل وبصراخ:قولوا لي وش فيه ليه تظحكوا
لين بظحك:ماراح عليك الاختبار انا ههههههه غيرت ساعة جوالك الساعة الحين الستة الفجر هههههههه
ليان تخلبطت ما تدري تفرح لان اختبارها ماراح عليها ولا تعصب من المقلب الي سووه فيها بس ظحكت لان الكل كان يظحك فما حبت انها تقلب الجو:ههههههههههه
ام مشعل:روحي الحين يا بنتي والبسي عبائتك انتي و لين
ليان راحت للغرفة ولحقتها لين اخذوا عباياتهم وطلعوا مع مشعل
ركبوا لسيارة الي يالله تتحرك
وصل مشعل لين لثانويتها وبعدها وصل ليان للجامعه

قام من النوم وتروش لبس ثوبه وتعطر ولبس ساعته وجزمته...الله يكرمكم... وبعدها طلع من الغرفة...وهو طالع تلاقى اهو وسارة بالممر
احمد:صباح الخير
سارة ببرود:صباح النور...وراحت...
احمد وش فيها هذي والله حالتها مو عاجبتني كل يوم تسوء اكثر
نزل لغرفة الاكل كان جميع اصناف الطعام على الطاوله
احمد:السلام عليكم
الكل:وعيكم السلام...سلم احمد على امه وجلس على الكرسي
ام احمد:شلونك يا احمد اليوم
اسماء:وش تشوفين ما شاء الله عليه بخير
احمد:مثل ماقالت اسماء بخير يا يمه الحمد الله
سارة الي تغيرت ملامحها من بعد كلام امها قامت من على الطاوله وجلست على الكنبه تنتظر اسماء عشان تروح للجامعه
ماحس احد ان سارة قامت من على الطاوله......بعد ما اتموا اكلهم قام كل واحد منهم احمد لشركته وسارة للجامعه واسماء لثانوية

قامت من النوم وهي تحس انها تعبانه بسبب الي صار امس لفت لجهة اميرة كانت نايمه وشكلها تعبانه ما حبت تصحيها الا من بعد ما تسوي الفطور
نزلت للمطبخ واهي تضع كل شي على الطاوله بعد ما اكملت راحت لغرفتها تقوم اميره
هديل تهز اميرة:اميرة اميرة قومي افطري
اميرة قامت مفزوعة:سالم لا
هديل:اميرة لا تخافي هذا كابوس
اميرة تبكي:سالم يا هديل بيروح
هديل بحزن:لا تقولي كذا وان شاء الله ما فيه الا كل خير
اميرة:بس الدكتور قال ان حالته خطيرة
هديل:الدكتور ما يعلم بالغيب وهذي مجرد احتمالات اسمعي هذي القصة صارت مع شخص كان مصاب بتليف الكبد مثل اخوك ويوم قال له الدكتور انك مصاب بتليف الكبد وانك يمكن ما تعيش اكثر من اسبوع قال الشخص لدكتور ابي اروح لبيتي واودع عيالي وابوي ماعارض الدكتور وخلاه يروح بعد ماراح الشخص وودع عياله وهو راجع للمستشفى مر على راعي محل اللحوم وشاف واحد جالس على عتبة المحل دخل المحل و شاف راعي المحل يضع العظام في كيس فقال له ليه تضع العظام في الكيس فقال له راعي المحل في فقير جالس على عتبة المحل فقلت اعطي له العظام عشان ياكلها فقال له الشخص بدل العظام ب اللحم وانا اعطيك ثمنها وبعدها راح للمستشفى وبعد يومين جاه الدكتور وقال له بتعجب ان حالتك مستقرة وسئله وش سويت يوم رحت لبيت اهلك فقال له ما سويت شي غير اني بدلت العظام ب اللحم فهمتي يا اميرة وش معنا القصة يعني ان الاعمار بيد الله فادعي له بالشفاء وتصدقي باسمه حتى بكلمه طيبة بدل البكاء الي ما ينفع
اميرة:والله ان كلامك صح الدموع ما تغير شي ولو كانت تغير لغيرت اشياء كثير بس الله هو الي يقدر يغير
هديل:يالله قومي الحين جهزت احلى فطور لاحلى اميرة
نزلت هديل ومعها اميرة يفطروا

وصلت للجامعه كانت جالسة تراجع دروسها قبل يبدا الاختبار دخلت بنت للقاعة وتوجهت نحو ليان وبسخرية:هيييي انتي بلاش تعبي نفسك بالمذاكرة لانك مهما ذاكرتي ونجحتي مراح توصلي لمكانه عالية ابد
ليان:وليه ان شاء الله انتي الي تحددي اذا بوصل او لا
البنت:اصلا انتي حثاله في المجتمع مهما حاولتي مستحيل توصلي للي تبي
ليان ضحكت بسخرية:هه بنشوف اذا ماوصلت للي ابي اولا وان شاء الله في يوم من الايام تعرفي من هي الدكتورة ليان يا معليش وش اسمك
البنت بسخرية:ما يشرفني وحدة مثلك تعرف اسمي يا...وببتسامة سخرية...يا دكتورة ليان
قطع كلامهم دخول الطلبة للقاعة راحت البنت من عند ليان ليان الي شوي وتنفجر بالبكاء بس مهما كان ما تبي احد يعرف انها ضعيفة دخلت الدكتورة ووزعت لهم اوراق الامتحان
ليان تناظر الاسئلة ومو قادرة تحلها هي تعرف الجواب بس مو قادرة تحل لان تفكيرها متشتت كلامها صح انا مهما حاولت مستحيل اوصل للي ابي اني مثل ما قالت حثالة ما اسوى شي ضحكت بسخرية على نفسها هه ابي اكون جراحة والله حلم جميل بس مارح يتحقق كانت دموعها متجمعه في عيونها نزلت دمعه على خدها مسحتها بسرعة ما تبي احد يعرف انها تبكي,لاحظت الدكتورة ان ليان ما تحل بس تناظر ورقة الاسئلة بدون ما تحل توجهت لها ووضعت يدها على كتف ليان فزت ليان من حطت الدكتورة يدها
الدكتورة:اسفة ما كنت ابي اخوفك
ليان:ها لا ما في مشكله
الدكتورة تلفتت لطلابة الي يناظرونها وبصوت عالي:كل واحد يناظر ورقتة,تلفتت الدكتورة ل ليان:وش فيك يا ليان ليه ما جاوبتي على الاسئلة مو من عادتك
ليان ماردت على الدكتورة وفي نفسها لاني لو حتى حليت وذاكرت ماراح ينفعني
الدكتورة حست ان ليان فيها شي فحبت تطمنها:انا عارفة انك ذاكرتي فجاوبي على الاسئلة لان هذي الاسئله هي الي بتحدد مصيرك هل انتي بتحققي حلمك او لا فجاوبي عليها حتى تحققي الي تبي
ليان حست براحة وهزت راسها بالموافقة وبدت تحل
الدكتورة تلفتت على البنت الي جالسة بجنب ليان وتبتسم
الدكتورة بصوت عالي:مها ناظري في ورقتك ولا اخذها منك
ليان تلفتت للبنت الي تصارخ عليها الاستاذة وفي نفسها:اجل اسمك مها...ليان حست الدكتورة تلتفت لها...بدات ليان تحل الاسئلة الين كملت واعطت ورقتها وهي متاكدة ان اجاباتها كلها صح

جالسة في الكفتيريا لوحدها كعادتها ما في احد يرضى يجلس بجانبها لان مستواها مو مثل مستواهم توجهوا لها ثلاثة بنات
البنت الاولى:وش اسمك
لين:اسمي لين
البنت الثانية بضحكة:هذي هي البنت الي تجي بنفس العباية من ثلاث سنين
البنت الثالثة:مو نفس العباية بس نفس حتى الحقيبة من ثلاث سنين
البنات الثلاث:ههههههههههههههههههه
لين تناظر فيهم بحزن:................
البنت الاولى تمد لها فلوس وبسخرية:حزنتيني خذي هذي الفلوس اشتري لك عباية جديدة...قالت جملتها وهي ترمي الفلوس عليها...
لين ماقدرت تستحمل اهانتهم اكثر وبكتفجأة جت بنت معصبة وبصراخ:هي انتي وهي اتركوا البنت في حالها
البنت الولى:وانتي وش دخلك اقول بس اقلبي من على وجهي خير لك
البنت:انتي شكلك ما تعرفين انا من
البنت الثانية:ومن انتي يعني بنت الامير ولا السلطان ها
البنت:انا اسماء خالد ال............عرفتوني الحين
البنت الثاثلة تقرصهم:هيييييي هذي بنت خالد ال.......
البنت الاولى وهي تمد يدها:اسفة ما كنت اعرفك تشرفت بمعرفتك
اسماء ناظرت يدها الممدودة وبسخرية:اما انا ما تشرفت بمعرفتك...لفت للبينت الثالثة....وانتي وش فيك انطميتي مو الحين كنتي بلسانين
البنت الثالثة منحرجة:اسفة ماكنت اعرف انه انتي
اسماء:روحوا الحين ويا ويلكم اذا تعرضتم لها من جديد
راحوا البنات وكل هذا صار تحت انظار لين فرحانه لان في احد ساعدها
لين:بارك الله فيك سويتي لي معروف ما انساه ابد
اسماء تمد يدها:انا اسمي اسماء وانتي
لين بحزن لانها عارفة ان اسماء بتسلم عليها وتروح لانها مو من مستواها:وانا لين تشرفت بمعرفتك
تفاجأت ان اسماء جلست على الطاوله وهي تقول لها:اجلسي خلينا ناكل شي
لين بفرح:يعني ما بتروحي بتجلسي معي
اسماء:وليه بروح وانتي هنا هيا اجلسي والفطور اليوم على حسابي

جالسة في الكفتيريا لوحدها مثل عادتها في كل مكان دايم تكون لوحدها ما تحب تتكلم مع احد دايم لوحدها
حست ان في احد يجلس مقابلها رفعت راسها وهي تناظر في البنت الي جالسة امامها
البنت وهي تمد يدها وببتسامة:السلام عليكم
سارة ببرود تمد يدها:وعليكم السلام
البنت:انا اسمي شهد وانتي
سارة تناظرها و ببرود:اسمي سارة
شهد:تشرفت بمعرفت
سارة ماردت عليها:...........
شهد:امممم ابي اسئلك واذا ما عندك مانع جاوبيني بصراحة
سارة تناظرها ببرود من غير ما ترد
شهد:طيب انا ببدا بالكلام واذا ما تبي تجاوبي على راحتك
سارة تناظرها للحين ببرود:...........
شهد:انا ملاحظة انك دايم لوحدك وما تتكلمي الا قليل النادر فحبيت اساعدك احس انك بنت اجتماعية وتحبي تتكلمي وتخالطي الناس بس في عائق يخليك دايم انطوائية صح
سارة للحين تناظرها ببرود ومن غير ما ترد:............
شهد:انا مقدرة سكوتك لانك ما تعرفيني واكيد ما تثقين فيني انا بكمل كلامي بس يا ليت كلامي تحطينه في راسك العائق هذا اذا كنتي انتي مسويتيه فانا بقول لك انه ما ينفعك لانه بيهدم حياتك فتخلصي من هذا العائق وعيشي حياتك...قامت من على الطاوله....اسمحي لي الحين عندي محاظرة ولازم اروح
سارة هزت راسها ببرود....راحت شهد وهي مصممة انها تساعد سارة عشان تتخلص من العائق حتى وان كانت تعاملها ببرود
اما عند سارة لازالت تفكر بكلام شهد صحيح كلامك يا شهد بس غلطي في شي واحد مو انا الي مسوية العائق هم الي سوو العائق لي وخلوني انطوائية

طلع من شركته وهو تعبان بس قبل لا يروح للبيت راح لصديقة عزام
دخل الشركة وهو يكلم السكرتير:لو سمحت ابي اقابل الاستاذ عزام
السكرتير:لحظة لو سمحت,طلع السكرتير وراح لمكتب عزام
السكرتير:استاذ عزام الاستاذ احمد يبيك عزام بعصبية:وليه ما ادخلته روح بسرعة ناده لا تخليه ينتظر
السكرتير:على امرك خرج السكرتير واعطا الاذن ل احمد عشان يدخل ل عزام
احمد:السلام عليكم
عزام:وعليكم السلام تفضل اجلس و السموحة منك لان السكرتيرجعلك تنتظر
احمد وهو يجلس:لا ما في مشكله و السكرتير كان يقوم بعمله
عزام:كيف حالك يا احمد بعد الي صار
احمد بتعب:حالتي من اسوء لاسوء
عزام:لا تقول كذا ان شاء الله تنحل
احمد وهو يتنهد:ان شاء الله
عزام:تشرب شي
احمد:لا بروح للبيت بنام بس قلت امر عليك من زمان ما شفتك
عزام:على راحتك
احمد وهو يقوم:في امان الله
عزام:الله يحفظك
طلع احمد من الشركة وتوجه للقصر دخل القصر وتوجه لصاله عشان يسلم على امه
احمد:السلام عليكم
ام احمد:وعليكم السلام
احمد يسلم على امه:تبي شي يالغالية
ام احمد:سلامتك يا ولدي ما ابي شي
احمد:اجل استاذنك بروح لجناحي بنام
ام احمد:الله يحفظك
راح احمد لجناحه وغير ملابسة ولبس شورت ازرق وتيشرت ابيض انسدح على سريرة ومن التعب نام بسرعة

يتبع
عاد اليوم البارت طويل وتعبت وانا اكتبه ياليت يكون فيه تفاعل والله اني حزينه لان ما في تفاعل بروايتي
ادعموني ارجوووووووووووووكم فهذي روايتي الاولى وابي فيها تفاعل
تحياتي اسيرة الذكريات الحزينة

**shahad..** · 01-02-2016, 05:58 PM

رد: رواية:ما قدرت على فراقك

واو حماس
تسم يديك ي قمر ع هالبارت الأكثثثر من رائع
اوووو متحمسه ع البارت الجاي

**rere93155** · 01-02-2016, 06:29 PM

رد: رواية:ما قدرت على فراقك

البارت رووووووعة وكاتبته ارووووووووووع

**اسيرة الزمن** · 02-02-2016, 10:17 PM

رد: رواية:ما قدرت على فراقك

المشاركة الأصلية بواسطة shahad..

واو حماس
تسم يديك ي قمر ع هالبارت الأكثثثر من رائع
اوووو متحمسه ع البارت الجاي

الله يسلمك وردك هو الاروع
تحياتي لك

**اسيرة الزمن** · 02-02-2016, 10:26 PM

رد: رواية:ما قدرت على فراقك

المشاركة الأصلية بواسطة rere93155

البارت رووووووعة وكاتبته ارووووووووووع

شكرا لك ولردك
تحياتي لك

**rere93155** · 05-02-2016, 01:53 PM

رد: رواية:ما قدرت على فراقك

وينج سحبتي علينا

رواية:ما قدرت على فراقك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget