-
-
رد: رواية:ما قدرت على فراقك
يا قلبي انتي لا تقطعي عن الرواية
فكرة الرواية جديده وحلاها طرحك الرائع
اسلوبك شيق وممتع بس لو تطولي البارت شوي احسن
سجلت بالمنتدى لعيونك واتمنا تكونين عند حسن ظني فيك
لا حرمنا جديدك ادامك الله بعافيهتعليق
-
رد: رواية:ما قدرت على فراقك
روعه الرواية كملي الرواية انا بانتظارك غلاتيتعليق
-
رد: رواية:ما قدرت على فراقك
السلام عليكم
البارت الخام(5)س
وصل للمقهى,جلس على احد الطاولات
بعد نص ساعة وصل عزام,جلس على الكرسي المقابل ل أحمد
عزام:خير يا أحمد وش فيك
أحمد:تذكر يا عزام لما قلت لك قبل سنتين اني اسمع صوت بداخلي بس مو واضح
عزام وهو يتذكر:ايه اتذكر
أحمد:الحين الصوت هذا اسمعه بوضوح,وكأنه صوت بنت,وقالت لي ان اسمها هديل محمد ال.....وتشتغل في شركة لتصميم الحفلات واسم الشركة.........يعني باختصار أحس نفسي انجنيت,تخيل واحد يتكلم مع نفسه وكأنه يتكلم مع شخص
عزام سارح بكلام أحمد ويفكر فيه:...............
أحمد:هيييييي عزام أكلمك
عزام:اسمعك بس كنت افكر
أحمد:في ايش تفكر
عزام:يعني بايش,افكر بموضوعك
أحمد:طيب قول لي وش أسوي
عزام:ليش ما تروح لدكتور نفسي
أحمد ضحك بسخرية على تفكيرعزام:هه,قال ايش قال دكتور نفسي,وش بيقولوا علي الناس,بيقولوا أحمد خالدال.........صاحب شركات ال.........عنده مرض نفسي,ياخي عطني حل احسن
عزام:طيب انا اعرف دكتور نفسي,ايش رايك انا اقول له
أحمد بعد تفكير:اوكي,بس لا تذكر اسمي
عزام:لا توصي,اسمك ما ينذكر ابد
جالسة تهدي في صديقتها وتطمنها ان اخوها باذن الله يكون بخير,تذكرت اليوم المحزن بالنسبة ليها
قبل سنتين هديل وهي جالسة على الكراسي الي بالمستشفى وتبكي,وبجانبها عمها,سمعت عمها يقول:واخيرا بيودع الشايب من زمان وانا انتظر اليوم الي يموت فيه
هديل بعد ما سمعت كلامه قال بصوت مخنوق:ليه يا عمي تدعي عليه مو هو اخوك قول لي مو هو اخوك,قامت من على الكرسي وهي تركض,صدمت بوحدة من الممرضات كانت طالعة من غرفة ابوها, الممرضة:يا بنتي,ابوك بخير لا تخافي
هديل ودموعها على خدها:لوسمحتي اقدر اشوفة
الممرضة:ايه تقدري تشوفيه,قطع عليها خروج الدكتور من غرفة سالم وهو يتوجه لمكان جلوسهم
الدكتور:تقدروا تروحوا لبيتكم,وباذن الله اي شي يصير احنا بنتصل عليكم
هديل:شكرا يا دكتور
الدكتور:العفو,هذا واجبي,الحين استاذن
هديل وهي تكلم اميرة:اميرة خلينا نروح للبيت
اميرة:لا يا هديل,ما ابي اروح الا اذا كان سالم معاي
هديل:اميرة بكرا نرجع,خلينا الحين نروح للبيت
اميرة بصوت باكي:لا يا هديل ما ابي اروح ما ابي
بعد محاولات من هديل لاقناع اميرة,وافقت ترجع للبيت
في مكان ثاني بعيد عن ابطالنا
.............:يا ابو تركي لا تغضب,بنلقا حل
ابو تركي:وش هو الحل يا ابو عزام
ابو عزام:وش رايك تهددها بالسلاح
ابو تركي بعصبية:هدتها اكثر من مرة بس ما في فايدة,تقول لي ان ابوي موصيني اني ما اعطيك ولا ريال
ابو عزام بعد تفكير:وش رايك تزوجها ولدك تركي
ابو تركي وكأن الفكرة عجبته:الله عليك يا ابو الافكار,شلون ما خطرت علي,بس المشكلة كيف اقنع تركي على الزواج
ابو عزام:كل مشكلة وليها حل سكت شوي وبعدها قال:انت اسأل تركي,يمكن يوافق على البنت
ابو تركي:واذا ماوافق
ابو عزام:انت اسأله,واذا ما وافق نفكر بشي ثاني
ابو تركي:خلاص اذا رحت البيت اليوم اقوله
ابو عزام:وش صار بموضوع البيع اليوم
ابو تركي:عطيتهم البضاعة مثل ما اتفقنا
ابوعزام:سلموك الفلوس كاملة
ابو تركي:ايه كاملة
جالس على السرير بتعب تذكر أحمد:ايه نسيت, خليني اكلم فيصل
أخذ جواله واتصل على فيصل
عزام:ليش مقفل,وش اسوي الحين,قرر عزام يروحله في المستشفى
خرج من البيت ودخل السيارة,وهو بالطريق قال في نفسه:الحين هالصوت الي يسمع في ليش ما تكون...سكت وبعدين قال:لالا وش تخربط يا عزام,انت سمعت اسمها هديل
بعد مسافة الطريق وصل للمستشفى,نزل وتوجه للاستقبال
عزام:لو سمحت الدكتور فيصل موجود
الاستقبال:ايه موجود بس عنده مريض الحين
بعد الانتظار دخل عزام
عزام:السلام عليكم
فيصل بإبتسامه:وعليكم السلام,هلا بعزام,كيف حالك,تفضل اجلس
عزام وهو يبادله الابتسامة ويجلس على الكرسي:الحمد الله,كيف حالك انت
فيصل:بخيرالحمد الله
عزام:انا اليوم جاي عندك ابي استشيرك بموضوع
فيصل بجدية:تفضل
عزام:اذا كنت تسمع صوت بداخلك,وكأنه شخص,وانت تقدر تتحاور مع الصوت,يعني اذا قلت في نفسك,وش اسمك,يرد عليك الصوت,اسمي فلان,هل انت تكون بهذي الحالة مجنون,ولا في سفسير ثاني للحالة
فيصل:شوف في تفسيرين للحالة هذي,اولهم مثل ما قلت ان يكون الشخص مجنون,و التفسير الثاني وهو النادر حدوثة ان الشخص الي يسمع الصوت الي بداخله يكون مرتبط مع الشخص صاحب الصوت الي يسمعه يعني انه يكون مرتبط مع شخص ثاني في عقلة الباطني
عزام بصدمة:يعني الي يسمعه هو صوت بنت حقيقية,طيب كيف تقدر تعرف انه مجنون او فيه ترابط في العقل الباطني مثل ما قلت
فيصل:اول شي اذا كان يسمع كلام عن حياة شخصية
عزام:كيف يعني ما فهمت
فيصل:بأعطيك مثال لو كنت انا وانت مرتبطين بعقلنا الباطني اذا قلت انا في نفسي ابي اروح للبيت انت تسمعني وفي نفس الوقت تقدر تجاوبني وانا ابي انام
عزام:اها شك,قطع عليهم صوت جوال عزام يتصل,رفع الجوال وناظر اسم المتصل..أحمد يتصل بك..لرد على الجوال
عزام:السلام عليكم
أحمد:ها وش صار معاك كلمت الدكتور
عزام:اصبر يا خوي انا مشغول الحين
أحمد:انت عند الدكتور الحين
عزام:ايه
أحمد:طيب اذا طلعت من عنده كلمني
عزام:اوكي
عزام وهو يغلق جواله:استأذنك الحين يا فيصل,شكرا لك
فيصل:العفو
طلع عزام من عند فيصل
فيصل بعد ما تذكر:عزام,عزام وين راح,وش فيه مستعجل,ما كملت له باقي التحليل
عند عزام طلع وهو يركض وما سمع نداء فيصل له,دخل السيارة,واتصل على أحمد,بعد مدة عزام:ألو احمد
أحمد:ها وش صار معك
عزام:انت وين الحين
أحمد:انا في البيت
عزام:انا جاي لك
أحمد:طيب وش صار معك
عزام:باقول لك اذا جيتك
أحمد:لا تتأخر انا انتظرك
وصلت للبيت هي واميرة فتحت الباب بمفتاحها,ودخلت للبيت
هديل:اميرة روحي لغرفتي وارتاحي فيها,وانا بجيب لك شي تاكليه
اميرة بتعب هزت راسها بمعنى الموافقة,وركبت الدرج متوجه للغرفة
هديل راحت للمطبخ تسوي شي تاكله هي واميرة,وهي بطريقها للمطبخ سمعت صوت خلفها:هييي انتي,وين كنتي, من الصبح وانتي مو في البيت
هديل من سمعت الصوت تأففت بكره:مالك دخل وين كنت
.........:نعم نعم,وطلع لك لسان مشاء الله
هديل في نفسها:ليه رجعت كان بقت مسافرة خير لها ولي
:البيت يبي تنظيف (مرت ابو هديل الاولى)سعاد
هديل:امس نظفته ما يحتاج
سعاد:انا وش قلت,قلت يبي تنظيف وبتنظفيه
هديل ما تبي تطول الكلام معها:طيب بنظفه,تبي شي ثاني مدام
سعاد بسخرية:اي ابيك تدلكي لي ظهري,اقول بس اذلفي من على وجهي
راحت هديل للمطبخ تسوي اي شي ل اميرة, وبعدها بتروح تنظف البيت
يتبع
تحياتي اسيرة الذكريات الحزينة
تعليق
-
رد: رواية:ما قدرت على فراقك
مبدعه زي ما عهدناك
لي الشرف اني رديت الأولى
لا حرمنا جديدك بنتظار البارت السادس
" تعجبني الرواية اللي ترتبط بعلم النفس لأن هذا تخصصي
بس يا ليت تقرين عن اي حاله تكتبينها حتا ما يكون بالروايه اي خطأ طبي
اذا اشكل عليك شي اسأليني بالخدمه ي قلبي "تعليق
-
رد: رواية:ما قدرت على فراقك
ويينك طولتي ؟؟!!!!
☹️تعليق
-
رد: رواية:ما قدرت على فراقك
السلام عليكم
البارت الس(6)ادس
بعد مسافة الطريق وصل للقصر,نزل من السيارة بسرعة وهو يتوجه لباب القصر,فتح له البواب الباب بعد ما عرف انه عزام,طلع جواله من جيب البنطلون,واتصل على أحمد,بس قبل ما يتصل سمع صوت أحمد
أحمد:عزام تعال المجلس
عزام توجه ل أحمد ودخل معه المجلس
بعد ما دخلوا المجلس وجلسوا
أحمد بقلق:وش صار يا عزام
عزام بجدية قال ل أحمد كل شي
أحمد بصدمة:تبي تفهمني اني اتكلم مع شخص,يعني هديل هذي حقيقية ومو خيال,يعني انا مو مجنون,لكن متصل مع هذي البنت الي اسمها هديل
عزام:ايه هذا الي قال لي عليه الدكتور فيصل....سكت عزام وبعدها قال:فكر يا احمد اكيد انت تعرف بنت اسمها هديل محمد ال.......,مو معقول تكون انت والبنت هذي متصلين بدون ما تعرفوا بعض
أحمد وهو يحاول يتذكر الاسم:لا يا عزام انا متأكد اني ما اعرف البنت هذي
عزام:اذا ما في الا حل واحد بس عشان نعرف من هي هديل
أحمد:وش هو الحل
عزام:مو انت بتسوي حفل افتتاح الفرع الجديد بشركتك
أحمد:ايه,بسوي حفل,وكنت افكر اني اتفق مع الشركة الي قالت لي عليها هديل بس انا مو عارف كيف اوصل لهديل
عزام:طيب,يروح فهد مدير اعمالك لشركة الي تشتغل فيها هديل,ويتفق معهم,وبنفس الوقت يجمع المعلومات عن جميع الموظفين واسمائهم
أحمد هز راسه بالموافقة:يصير خير
رجع لبيته في ساعة متأخرة كالعادة ونادا بصوت هز البيت:تركي,تركي
تركي وهو طالع من غرفته:ابوي ينادي علي اكيد مصيبة جديدة مسح وجهه وهو يقول استغفر الله,توجه ل ابوه:نعم يا ابوي
ابو تركي بحنان غير معهود منه:تعال يا تركي خلنا نجلس في الصالة,ونتكلم مع بعض,من زمان عليك يا ولدي
تركي وهو يكلم نفسه:الحين تأكدت ان وراه مصيبة
بعد ما دخلوا الصالة وجلسوا على الكنبة
أبو تركي:الحين يا ولدي انت كبير مشاء الله,وصاير رجال,الا قول يا تركي كم عمرك
تركي بسخرية:ليه انت ما تعرف كم عمري
ابو تركي بعصبية:اذا سألت تجاوب على سؤالي من غير ما تسأل
تركي:عمري 29 سنة
ابو تركي بهدوء:يا ولدي انت صرت كبير,ويعني لازم تتزوج
تركي في نفسه:ومن هي تعيسة الحظ الي بتاخذ رجال ابوه رئيس عصابة مخدرات,تكلم تركي:ومن تبيني اتزوج
ابو تركي:بنت عمك محمد
تركي بعصبية:لا يا ابوي ما ابيها,ابي بنت خالتي ,تركي قال انه يبي بنت خالته من غير ما يدري,اهم شي عنده الحين انه ينقد بنت عمه من ابوه,الي ما خلاها على راحتها من يوم مات ابوها
ابو تركي بعصبية:بتاخذ بنت عمك يعني بتاخذ بنت عمك,قال جملته وبعدها راح لغرفته
تركي بعد ما خرج ابوه:الله يكون بعونك يا بنت العم من ابوي الي مو راح يتركك الين ياخذ الي يبيه منك
في صباح يوم جديد
قامت من النوم على اذان الفجر,دخلت للحمام اكرمكم الله وتوضت ولبست ثوب الصلاة وصلت صلاتها,بعد ما تمت من صلاتها ناظرت اميرة الي كانت نايمة على السرير,توجهت ل
أميرة وهزتها بخفيف تبيها تقوم وقالت بصوت واطي:اميرة قومي صلي
قامت اميرة بهدوء ودخلت للحمام اكرمكم الله,وفي اللحظة الي دخلت فيها اميرة للحمام, انفتح الباب بقوة
هديل الي خافت من فتحت الباب:بسم الله
سعاد:يالله قومي للحين نايمة,روحي سوي لي الفطور,وامس ليه ما نظفتي البيت
هديل بطفش:الحين بقوم,روحي من على وجهي
سعاد:نعم,والله لو طولتي لسانك,اقصه,تسمعي,قطع عليهم صوت باب الحمام الي انفتح وطلعت منه اميرة
سعاد وهي تأشر على اميرة بقرف:ليه هذي هنا,مو قلت لك لاعاد تجيبي لي الاوساخ لبيتي
هديل بعصبية:سعاد الى هنا وكفاية,ما اسمحلك تتكلمي على اميرة,التزمي حدودك,والله لو ما احترمتي نفسك,لا ارميك في الشارع,تفهميييي
سعاد بصدمة:هديل انتي تعرفي من تكلمي
هديل:ايه انا اكلمك انتي,اكلم مرت ابوي الاولى الي تزوج عليها
اميرة واقفة تناظر المشهد وتناظر سعاد بقرف,تكلمت اميرة:عن اذنك يا هديل,واسفة لاني سببت لك مش
هديل وهي تقاطعها:لا يا أميرة ما سويتي شي,نفطروا وبعدها بنروح
سعاد قاطعت كلامهم:تروحوا وما ترجعوا ان شاء الله,وانتي يا هديل حسابك معاي
هل احمد بيقابل هديل او لا
ما سر اتصال احمد مع هديل في العقل الباطني
من هي البنت الي ابو تركي يريد ان يجوزها لتركي
يتبع
اسفة لان البارت قصير اليوم
اتمنى انه ينال اعجابكم
تحياتي اسيرة الذكريات الحزينةتعليق
تويت
تعليق