-
-
رد: رواية:ما قدرت على فراقك
لا شلت يمناك ع هذا المجهود
اعتقد ان هديل واحمد بينهاما صلة قرابه وةاو شيء من هذا القبيل
اعتقد ابو تركي يريد ان يزوج تركي لأبنة عمه لورث تحمله
" اتمنا ان ينزل البارت 7 في اسسسسرررع وقت بصراحه متحممسه بس ي ليت لو تطولين البارت بارتاتك مرررره قصيره يعني بالنسبة للفتره اللي بين كل بارت والثاني "تعليق
-
رد: رواية:ما قدرت على فراقك
اهلا بيك
وشكرا على تفاعلك معاي والله على قد ما اشكرك ما اقدر اوفيك حقك الانك انت الي شجعتيني اكمل الرواية فشكرا وجزاك الله كل خير
اسفة حبيبتي ما اقدر انزل البارت الخميس الجاي لان عندي امتحانات نهائية وان شاء الله بعد ما اكمل الامتحانات انزل لك بارت طويل باذن الله
تحياتي لكتعليق
-
رد: رواية:ما قدرت على فراقك
الله يوفقك ي قلبي
معذوره الرواية مهمه بس الامتحان اهم
الله ييسر امرك ويلهمك ما جهلتي ويذكرك ما حفظتيتعليق
-
رد: رواية:ما قدرت على فراقك
روايتك حلوة لا توقفي يا رفيقتي ♡♡تعليق
-
رد: رواية:ما قدرت على فراقك
السلام عليكم
البارت السابع
سعاد:تروحوا وما ترجعوا ان شاء الله,وانتي يا هديل حسابك معاي
طلعت من الغرفة وهي منقهرة من هديل,كيف تكلمني بهذا الاسلوب,طيب يا هديل انا اوريك على طولت اللسان
في الغرفة,هديل:اميرة تبي تروحي الحين لاخوك
اميرة:يا ليت يا هديل
هديل:اجل قومي خلينا نروح
قامت اميرة وهديل لبسوا عباتها وطلعوا من الغرفة,نزلوا لصالة وكانت جالسة فيها سعاد وهي تناظرهم بخبث,هديل سوت نفسها ما شافتها وهي تكمل مشيها ووراها اميرة, طلعت من البيت وهي تدور على السيارة بس ما كانت موجودة
هديل بعصبية:وينه السواق الحين,وين
اميرة:وش فيك يا هديل
هديل:ما تشوفي السيارة مو موجودة,طلعت جوالها من حقيبتها وهي تتصل على السواق
هديل:وينك الحين
السواق:انا في السوق
هديل:وليه,من قال لك روح لسوق
السواق:مدام سعاد هي الي قالت لي
هديل بغضب:ارجع للبيت الحين
السواق:بس مدام
هديل بصراخ:قلت لك ارجع للبيت
السواق:حاضر مدام
قفلت هديل الجوال وهي تقول:الله ياخذها واتفك منها,حسبي الله ونعم الوكيل
اميرة وهي تتذكر:هديل مو عندك دوام اليوم
هديل وهي معصبة:مابي اداوم اليوم
اميرة:وليه ما تبي,اذا كان على خاطري فما في مشكلة اذا كنت بروحي بس لا تتغيبي عن دوامك
هديل:ما ابي اروح وخلاص,لا تكبري الموضوع
اميرة جات بتتكلم بس قطع عليها السيارة الي دخلت للبيت
هديل:يالله اميرة خلينا نروح
اميرة هزت راسها بالموافقة ومشت ورا هديل لسيارة
قام من النوم بتعب لانه مانام كويس,قام من على السرير وتوجه للحمام اكرمكم الله يتروش,طلع من الحمام لبس ثوبه وطلع من جناحه,نزل لغرفة الاكل وهو يسمع صوت اخته الي ما تمل من الكلام عكس اختها الي ما ينسمع صوتها الا نادر
دخل غرفة الاكل وهويحاول يبين انه طبيعي:السلام عليكم,صباح الخير
الكل:وعليكم السلام,صباح النور
جلس بجانب اخته اسماء وهو يسمع كلامها:امس يايمه ابلة الرياضيات سوت لنا اختبار صعب
ام احمد:اهم شي بس جاوبتي ولا مثل العادة
اسماء:اقول لك الاختبار صعب تقولي لي جاوبتي,اكيد ما جاوبت انا ما جاوبت الاسئلة السهلة تبيني اجاوب الصعبة
احمد وهو ياكل:وليه ما تقدري تحليها, انتي بس ما تبي تذاكري ولا كان جاوبتيها
ام احمد:دايم اقول لها هالكلام بس ما تبي تفهم
اسماء وهي تنزل كوب الشاي على الطاولة:يايمه اصلا الابلة بنفسها ما تعرف تشرح,كيف تبيني ادرس وانا اصلا مو فاهمة الدرس
ام احمد:توكلي على الله و اجتهدي يا بنتي وكل شي يصير سهل باذن الله
اسماء:ان شاء الله,الاختبار الجاي ادرس فيه
قامت اسماء من على الكرسي :استأذن الحين
ام احمد:بحفظ الرحمن ولا اوصيك لاتسوي مصيبة مثل العادة
احمد:يمه وين سارة ما جت تفطر
ام احمد:اكيد بغرفتها بعد شوي تنزل
احمد وهو يقوم:اجل استأذنك الحين
ام احمد:الله يحميك,ويسهل دربك
خرج احمد من القصر وتوجه لشركة
في مكان بعيد وبالتحديد في حي فقير
في بيت من الطين الي شوي ويتهدم فوق الناس الي عايشين فيه
كانت جالسة في غرفتها الي ما فيها حتى اثاث بس لحاف عشان تنام,دخلت عليها اختها الي اصغر منها بسنة,بس الي يشوفهم,يقول انهم توأم
لين بحزن:وش تسوي يا ليان
ليان:مثل ما تشوفين جالسة اذاكر عندي اختبار بكرا,تبي شي
لين وهي تتوجه للباب عشان تطلع:لا ما ابي شي
ليان:لين وش فيك
لين وهي عاطيتها ظهرها:ما فيني شي
ليان قامت من مكانها وهي توقف امام لين
ليان:لين انا اختك واعرفك,وش فيك
لين نزلت دموعها غصب عنها وقالت بصوت باكي مخنوق:ليه يا ليان حياتنا كذا,ليه ما نكون مثل باقي البنات,ليه ما يطيقنا احد,ليه ما يحبنا احد قولي لي يا ليان ليه
ليان ضمت لين لصدرها وهي حزنانة على اختها:لا تشيلي هم يا اختي,حتى لو كانوا ما يحبونا احنا ما نبي احد,ادعي الله انه ييسر حالنا ولا تهتمي بالي يقولوا فيه الناس
لين اكتفت بالصمت لانها ما تعرف وش تقول
ليان سمعت صوت باب غرفة امها يفتح سحبت لين للغرفة عشان ما تشوفها امها
ليان وهي تمسح دموع لين:الحين خليك قوية عشان امي ما تحزن
لين هزت راسها وسكتت
شوي سمعوا صوت طرق الباب,وبعدها انفتح
ام ليان:السلام عليكم
الكل:وعليكم السلام
ام ليان:وش تسوون
ليان:انا جالسة اذاكر عندي اختبار بكرا,واختي العزيزة لين جات تشوش علي (قالت جملتها وهي تغمز للين)
ام ليان:اجل تعالي يا لين نجلس بالصالة عشان ما نزعج اختك
لين:حاضر يايمه
في مكان مهجور وخالي من اي حياة,كانت في عصابة الشر الي ما تسلم الناس من شرهم
........:متى بنفذ العملية يا ابو تركي
ابو تركي:اذا جاء ابو خالد ننفد الخطة....ملاحظة ابو خالد هو ابو عزام بس غلطت....
بعد دقائق وصل ابو خالد
ابوا تركي:ها وش صار جبت البضاعة
ابو خالد:ايه كل شي تمام
ابو تركي:اجل الحين ننفد الخطة
واحد من الاشخاص الموجودين:بس مشعل ما جاء للحين
ابو خالد قال بسخرية:مشعل الحين تحت التراب,كان ببلغ علينا الشرطة فطرينا اننا نقتله,واي احد يفكر يخوننا فمصيرة مثل مصير ذاك الخاين
ابو تركي:خلونا الحين من سالفة مشعل وخلونا نركز على العملية
تكلم شخص ثاني:تكلم يا ابو تركي,وش هي الخطة
ابو تركي:شوفوا العملية حساسة شوي يعني اي خطأ بيودينا لسجن,انت يا سعد بتتولى المراقبة وبيكون معاك رجال بيراقبوا معك,وانت يا عقاب بتسلم البضاعة,وبيروحو معك ثلاث رجال في حال صار اي شي,لان الاشخاص الي بنتعامل معاهم ما يتأمنوا,الحين روحوا وما ابي اي احد يشك فينا
بعد ما طلعوا الاشخاص ابو خالد تكلم بهمس ل ابوتركي:ها وش صار معك انت و تركي
ابو تركي:هه قال انه يبي بنت خالته
ابوخالد:يعني الخطة هذي ما نجحت
ابو تركي:طيب وش نسوي عندك خطة تانية يا ابو الافكار
ابوخالد بثقة: اكيد عندي خطة ثانية واذا ما نجحت نفكر بشي ثاني
ابو تركي:اجل وش هي الخطة الجديدة
ابو خالد:اصبر كل شي بوقته حلو,بس لا تنسى النصيب
ابو تركي:لا تخاف نصيبك بيوصلك
كان جالس بمكتبه الفخم وهو يشتغل على الاب توب
سمع صوت طرق الباب تكلم بدون ما يناظر جهة الباب:تفضل
دخل فهد وهو يمد اوراق ل احمد:يا طويل العمر هذي ملفات تبي توقيعك
احمد اخذ الملفات وهو يوقع عليهم,بعد ما اتم التوقيع اعطاهم لفهد
اخذ فهد الملفات وقبل لا يطلع سمع صوت احمد يقول له:كلمت الشركة الي قلت لك عليها عشان يجوا ينظموا الحفلة
فهد:الحين بروح,بس قلت اعطي لك الملفات عشان توقعها,وبعدها اروح
احمد:تمام,تقدر تتفضل
يتبع
ان شاء الله البارت اليوم يعجبكم,كنت ابي اكتب بارت اطول من هذا بس الكهرباء انقطعت والاب توب ما كان فيه شحن,هذا حال ليبيا قريب نص اليوم من غير كهرباء,الله يكون بعوننا بس,ويفرج هم البلاد
تحياتي اسيرة الذكريات الحزينة
تعليق
-
رد: رواية:ما قدرت على فراقك
السلام عليكم
البارت الثا م(8)ن
اول شي بعرف الشخصيات لان صار فيهم تلخبيط
عائلة ابو أحمد:
ابو أحمد رجل أعمال كبير ودايم يسافربسبب شغله بس مو هامل عائلته دايم يتصل عليهم
ام احمد حنونة وطيبة معروفة بأناقتها بس مو متكبرة تتأثر بسرعة بس بنفس الوقت قوية
أحمد26 سنة طيب بس ما يظهر طيبته كثيركتوم وما يقول اسراره الا لصديق طفولته عزام طويل وكتافه عراض شعره اسود عيونه رمادية بشرته بيضاء
سارة24 سنة كتومة اكثر من احمد منعزلة عن الناس ما تحب تتكلم كثير ما تحب توضح مشاعرها لاحد شعارها هو لا تثق بأحد حتى لو كان أحب الناس اليك بشرتها بيضاء قصيرة بس مو مره ضعيفة عيونها سوداء شعرها اسود يوصل لنص ظهرها
ركان20 سنة مرح ويحب يمزح متكبريحب دراسته كثير طويل وجسمه رياضي شعره بني غامق عيونه رمادية لون بشرته سمراء بس مو كثير
اسماء18 سنة مثل ركان مرحة وتمزح كثير ما تحب تضعف امام احد ما تحب تدرس مع ان اخوتها يحبوا الدراسة طويلة وضعيفة بيضاء بس مو ابيض من سارة عيونها عسلية شعرها لنهاية ظهرها لونه اسود
عائلة ابو هديل
ابو هديل متوفي من سنتين حنون وكريم وطيب
سعاد زوجة ابو هديل الاولى حقودة وشريرة وخبيثة بس امام الناس الي تعرفهم تبين انها حنونة
هديل26 سنة ابنة ابو هديل من زوجته الثانية شخصيتها قوية طيبة وحنونة بس تبين انها قوية بس في لحظات الخوف تكون ضعيفة طويلة بيضاء شعرها اسود لنهاية ظهرها عيونها رمادية
ام هديل توفت من كانت هديل عمرها سنة في حادث سيارة بس هديل ما تذكرها لانها فقدت ذاكرتها في الحادث
عائلة ابو مشعل
ابو مشعل مات بعد ما اصابته سكته قلبية من جراء فقده لامواله
ام مشعل طيبة وحنونة تحب صغارها كثير وهم اهم شي لها
مشعل 28سنة هو بمثابة الاب يشتغل سواق لان ما عنده شهادة يشتغل بيها لان وقف دراسته في ثالث ثانوي لان ابوه خسر امواله طويل ضعيف عيونه عسلية شعره بني غامق بشرته سمراء
مشاري24 سنه يبحث عن وظيفة طيب بس بسرعة يعصب متوسط الطول ضعيف عيونه سوداء شعره بني فاتح بشرته سمراء
ليان19سنه اهم شي عندها اختها لين تحبها كثير حنونة وطيبة كثير وضعيفة بس تظاهر بالقوة تحب تدرس ودايم تكون من الاوائل عيونها خضر وارثتهم من جدتها اقصر من مشاري بقليل ضعيفة بشرتها بيضاء شعرها بني فاتح لنهاية ظهرها
لين18 سنة شخصيتها ضعيفة بس حبوبه ما تحب احد يغلط عليها قصيرة ضعيفة بيضاء شعرها لونه بني غامق وفيه خصلات بنية فاتحة لنهاية ظهرها عيونها عسلية
عائلة ابو سالم
ابو سالم مات بحادث سيارة
وام سالم ماتت بعد ما مات ابوهم بمرض
سالم29سنة اهم شي عنده اخته لان ابوه وامه ماتوا وهي صغيرة طيب وحنون وجاد في امور الشدة طويل و عريض اسمر وعيونه عسليات
اميرة26سنه حساسه لابعد حدود طيبه وحنونه بس اذا غلط فيها احد ما تسكت
بعد ما طلع فهد من مكتب أحمد تكلم في نفسه:وش فيه طويل العمر مهموم كذا,الله ييسر حاله,بس غريبة مهتم بالحفلة الي بيسويها بشكل غريب وش فيها الحفلة هذي مع انها مو اول حفل يسويه,وفيه شي محيرني ليه يبي يجمع معلومات عن الموظفين الي يشتغلوا بالشركة,بس انا وش دخلي خليني في شغلي احسن لي
طلع فهد من شركة احمد وراح لشركة الي تشتغل فيها هديل
بعد ما وصلوا للمستشفى راحو للاستقبال
هديل:لو سمحتي اختي اقدر اروح لغرفة المريض سالم ال......
الاستقبال:تفضلي اختي تقدري تروحي
هديل:مشكورة بس معليش الدكتور الي يعالج سالم وش اسمه
الاستقبال وهي تناظر الملف الي بيدها:اسم الدكتور صالح ال.....
راحت هديل ومعاها اميرة للغرفة الي فيها سالم
اول ما وصلوا دخلت اميرة الغرفة,هديل جلست على الكرسي وبدت تفكر بذاك اليوم قبل سنتين
جالسة بجنب ابوها وتبكي وعلى الكرسي كان جالس عمها
ابو هديل وهو على فراش الموت:هديل ي يا بن بنتي اس اسمعي الي بقوله لك
هديل وهي تبكي:لا تتعب نفسك يا يبه لا تتكلم ان شاء الله بعد ما تقوم بسلامة قول لي الي تبيه
ابو هديل بتعب:بس ضروري تسمعي الي بقوله
عم هديل في نفسه:ان شاء الله ما يطلع من هالغرفة الي وهو ميت,بس وش هو الشي الضروري الي يبي يقوله لهديل
قطع على كلامهم صوت طرق الباب وبعدها انفتح
الدكتور وهو ياشر على عم هديل:معليش يا
عم هديل:اسمي جراح
الدكتور:معليش يا جراح يا ليت تجي معي
جراح في نفسه هذي فرصتي:معليش يا دكتور ابي اكلم اخوي في شي,لف على هديل:هديل قومي شوفي الدكتور وش يبي
هديل وهي ما سكة يد ابوها:بس ياعم ما ابي افارق ابوي قوم انت يا عم
الدكتور بعصبية:لو سمحتوا الموضوع مهم وضروري اقول لكم عليه,انا خبرتكم,واذا تبوا تعرفوا انا في المكتب
ابو تركي بعصبيه:هديل قومي لا اقومك بالغصب
هديل قامت بس مسكها ابوها من يدها:لا لا ت تروحي اب ابيك
جراح بصراخ:بسرعة يا هديل
هديل وهي تضع يدها على يد ابوها:دقائق واجي ما اتاخر
قطع عليها تفكيرها الدكتور وهو يمر من امامها
هديل قامت:معليش يا دكتور
الدكتور لف عليها:نعم
هديل:كيف حال سالم الحين
الدكتور بحزن:والله ان حاله ما تبشر بخير,وممكن ما نقدر نلحق عليه,احنا عملنا الي علينا,وان شاء الله ربي يشفيه,بس ادعوا له لانه محتاج لدعاكم
هديل بحزن:بارك الله فيك يا دكتور
الدكتور:وفيك بارك الله,استأذنك
هديل جلست بحزن على الكرسي ومو عارفة كيف تقول ل اميرة ان اخوها ممكن ما يعيش
نرجع للخلف بعد ما دخلت اميرة لغرفة سالم
اميرة تحاول انها ما تبكي امام اخوها عشان ما تحزنه:السلام عليكم كيف حالك يا سالم
سالم بتعب بس ما يبين:وعليكم السلام الحمد الله بخير
اميرة وهي تجلس بجانبه على السرير:اشتقت لك يا خوي والله امس ما عرفت انام وانا افكر فيك
سالم:لا تخافي علي يا اميرة ما فيني الا العافية
اميرة:الله يقومك بالسلامة
سالم وتذكر شي تكلم بخوف:اميرة لا تقولي انك كنتي لوحدك بالبيت
اميرة:لا ما رجعت للبيت رحت مع هديل لبيتها ونمت عندها
سالم ارتاح:طيب من جابك لعندي
اميرة:جابتني هديل
سالم:بارك الله فيها
بعد ما تعبت من المذاكرة راحت لصالة الي فيها بس حصيرة وما فيها اي شي من الاثاث
ليان:السلام عليكم
الكل:وعليكم السلام
مشعل:ليان ليه اليوم ما رحتي للجامعة
ليان:ما عندي شي اليوم فقلت اغيب عشان عندي اختبار بكرا والمادة صعبة فقلت اذاكر من اليوم احسن من اني اضيع وقتي على الفاضي
مشعل:اها,لف مشعل ل لين:وانتي ليون ليه ما رحتي اكيد لان ليانو ما راحت صح
لين:طيب بما انك تعرف ليه تسأل
مشعل:بس هذا ما ينفع اختك ما عندها شي اليوم اما انتي فعندك دروس
ليان:والله قلت لها يا مشعل بس ما تبي تروح
لين:ما في مشكلة اخذ الدروس من البنات
قطع عليهم دخول اخوهم للبيت
مشاري:السلام عليكم
الكل:وعليكم السلام
جلس مشاري وهو يقول:وين امي
ليان:ايوا صح وين امي
مشعل وهو يبتسم:هذا وين حسيتي ان امك ما هي موجودة
لين:امي راحت تنام قالت انها تعبانة
ليان:الا قول مشاري ما لقيت وظيفة
مشاري:لا للحين ما لقيت,ادعي لي
ليان:ان شاء الله تلقى
بعد ما وصل لشركة نزل من السيارة ودخل لشركة
توجه لمكتب مدير الشركة,بعد ما اخذ موعد انه يقابله
فهد:السلام عليكم
المدير بفرحة لانه عارف من هو فهد:وعليكم السلام,اهلا بيك
فهد:ابيك تنظم لي قاعة للاحتفال الي بيسويه رجل الاعمال احمد خالد ال.........لافتتاح فرع جديد لشركته
المدير:ابشر بنظم لك افضل قاعة للاحتفال
فهد:طيب الاحتفال بعد يومين
طلع فهد من مكتب المدير توجه نحو رجال كان واقف امام المكتب
فهد:ابيك تراقب المدير متى يطلع من مكتبه ومتى يرجع لبيته
الرجل:ان شاء الله يا طويل العمر
طلع فهد من الشركة وتوجه لسيارة
بعد ما طلع فهد من مكتب المدير
المدير:علي يا علي
علي دخل للمكتب:نعم يا طويل العمر
المدير:نادي لي نورة
علي:امرك يا طويل العمر
بعد ما راح علي المدير في نفسه:الحمد الله ان هديل ما جت والله بعدها رحت فيها لاني وعدتها ان اي احد يجي اليوم هي الي بتستلمه
جالسة في مكتبها سمعت الباب يطق
نورة بدون نفس:ادخل
علي:استاذة نورة المدير يبيك
قامت نورة من على الكرسي من غير ما ترد عليه وتوجهت لمكتب المدير
علي بصوت واطي:اوووف منها شايفة نفسها على ايش
وصلت نورة لمكتب المدير ودخلت بدون ما تستأذن
نورة:خير يا عبد الرحمن ..وبسخرية.. اقصد استاذ عبد الرحمن
عبد الرحمن بعصبية:من وين يجي الخير وانتي قدامي ...وبصوت اعلى... انتي ما تعرفين الاحترام
نورة ببرود:هذا اسلوبي اذا عجبك او ما عجبك
عبد الرحمن بهدوء مصطنع:لا يكثر ابيك تنظمين قاعة والتصميم ابيه من الدرجة الاولى لان القاعة بتكون لحفلة رجل الاعمال احمد
نورة بلا مبالا:اوكي اكمل اشغالي وبعدها اصمم القاعة
عبد الرحمن:خلي اشغالك الحين وباشري بالتصميم
نورة:اجل كلم احد يكمل با قي اشغالي لاني ما راح اسويهم
عبد الرحمن وصبره بدا ينفذ وبصراخ:خلاص روحي من على وجهي
في خارج المكتب
احد الموظفين الجدد:وش هالصراخ الي بمكتب المدير
الموظف الثاني:هذا المدير والاستاذة نورة
الموظف الجديد:هم دايم كذا
الموظف الثاني:ايه دايم كذا
الموظف الجديد:طيب ليه المدير ما يطردها اذا كانت تسوي له مشاكل كذا
الموظف الثاني:والله ما اعرف
في هذي اللحظة طلعت نورة من مكتب المدير عبد الرحمن وهي مبتسمة لانها عصبت المدير
فهد هل بيكتشف ان احمد يدور على بنت اسمها هديل
سالم هل بيكون بخير ام انه بيموت واذا مات كيف راح تكون ردت فعل اميرة
مشاري بيلقى وظيفة ام لا
وش هو الشي المهم الي كان ابو هديل بيقوله لهديل
ليه المدير ما طرد نورة لانها تسبب له المشاكل
يتبع
تحياتي اسيرة الذكريات الحزينةتعليق
-
رد: رواية:ما قدرت على فراقك
ترا ما صارت اكتب لنفسي انا ولا وش
معليش اي احد يقرا روايتي يعبر عن وجوده حتى بالسلام
والله اني حزنانة هذي اول روايه ليا فادعموني ارجوكمتعليق
تويت
تعليق