رد: رواية حب عمري وبلسم جروحي

تابعي في انتظارك

رد: رواية حب عمري وبلسم جروحي

تسلمي حبيبتي

رد: رواية حب عمري وبلسم جروحي

تسلموو حبايب على ذي التوقعات والردود وهذي
التكمله
(تابع البارت٢٩)
في لندن (( الفندق ))
صحي بندر زي العادة على 11:30 وطلب له فطور قبل ماياخد شور بعد كذا بدل ملابس ونشف شعره المبلول وسرحه بطريقه حلوه وبعد ما لبس ساعته واتعطر خرج من غرفته على امل تكون نغم صحيت لكن خاب ظنه لانه ما شافها في الصال المهم بعد ما وصل الفطور ووزعه على الطاولة بترتيب وتنسيق وذوق وراح دق على باب غرفة نغم مره واثنين وثلاثه بس ماردت عليه نغم خاف بندر عليه ففتح الباب وشافها واقفه قدام الشباك وباين انها صاحيه من زمان طبعا نغم ما حست فيه لانها كانت حاط سامعتها ورافعه الصوت وعقلها في مكان ثاني قرب بندر منه وبهدوء شال السمعات من اذنه نغم حست بأنوا في احد ورها وقبل ما تلتفت وتشوف مين سمعته وهو يقول بهمس : حبيبتي ايش بتسوي هنا لوحدك ؟؟؟
نغم ابتسمت بمجرد سمعت صوته وقالت : صحيت بدري وما لقيت احد في الصاله فقلت خليني اجلس هنا واتأمل البحر يكون احسن لي على العموم صباح الخير
بندر: صباح الورد والعسل عليك يا قلبي
نغم خجلت وحمروا خدودها : ........
بندر : ها حبي انتي فطرتي ؟؟؟
نغم : لا ليش ؟؟؟
بندر مسكها من يدها وقال : اجل تعالي الفطور جاهز
واخذها لغرفه الاكل وبعد لها الكرسي عشان تجلس وقال : اتفضلي اجلسي يا قمري
نغم بخجل : تسلم
و بعد الفطور اصر بندر على نغم انه يخرجون عشان يمشيها لانو ما عاد باقي لهم الا اليوم لانو بكرا راجعين السعوديه وهو حابب يمشيها طبعا نغم ما قدرت ترفضله طلب فعشان كذا خرجوا يتمشوا في شوارع لندن دخلها بندر لاكواريوم السمك اللي هناك بعدين ورها ساعة بيج بن وركبوا ((عين لندن )) ومن هناك جلسوا يشوفوا المناظر الخلاب من كل جهه وبعد ختموا تمشايتهم برحله نهريه جميله قريب من عين لندن نغم وهم في الرحله النهريه اسندت راسها على كتف بندر خو بدوره استغرب من حركتها بسرعان ما راق له الوضع وعجبه
نغم : يا سلام المكان بجد مره روعة
بندر ابتسم : وفيك حلي اكثر
نغم بجديد : لا اتكلم من جد يعني انا ما تخيلت اني رح اقدر امشي واشوف هذا المنظر في اخر يوم لي في لندن والله انا الحين فرحانه الا بطير مت الفرح كمان
بندر زادت ابتسامته وهو يقول : الله يديم فرحك وان شاء الله الجيات اكثر انتي خلني نتزوج اول ووعد مني اخذك سويسرا وفرنسا واويك جمالهم واذ بغيت اي دوله ثاني من عيون اوديك لها
نغم بعدت راسها عن بندر عشان تشوفه واول ما جا نظرها عليه تعلقت عيونها في عيونه وغرقت في بحر عيونه وكانت تقول في نفسها ((اه ياربي ما اصدق هذا الانسان قبل كم يوم كنت اذ شفتها قدامي احس بالحقد والكره له و الحين هو نفسه اللي رجع الابتسامة ليه وملك قلبي كمان اه يا حبي لك بس ..ليتك تدري عن اللي فيني بسبب ))
بندر وهو مازال مبتسم قال عشان يحرج نغم : ماكنت اعرف اني حلو ووسيم لهذي الدرجه
نغم يوم سمعت كلامه نزلت عيونها وقلب وجهها الوان وفي نفسها(( ياربي الحين ايش يقول عني))
بندر بضحك : ههههههههه والله يا روحي بمزح معاك طالعي في لحد ما تشبعي .... بس ممكن اسألك سؤال ؟؟؟
نغم : ايوه تفضل !!
بندر : بس توعديني انك تجاوبي عليه
نغم بتردد : اوعدك ...وفي نفسها (( بس اخاف اندم بعدين ))
بندر : انتي ت.... وووو
------------------------
في مكان ثاني في لندن
وبعد ما ركبوا السياره
التفت لها : يلا حياتي قوليلي في مكان معين حابه تروحي له ؟؟؟
دق قلبها بقوة من كلامه وقالت : على ذوقك والمكان اللي يعجبك
ابتسم وقال بقتراح : طيب باخذ على مكان انا احبه كثير اجل
وفاء قلبها كان يدق بقوة للحين هي مو مصدقة انو هذا اللي جنبها هو نفس فارس احلامها اللي كانت تتخيره : براحتك
بعد ما مشيوا مسافه طويل وقف السياره وهو يطالع لها ويقول : وصلنا
طالعت وفاء للمكان باستغراب وهي تنزل من السيارة ما فكرت يوم تجي هنا و تزول حديقه
" الهايد بارك " مع انها مشهور بس حتى ما خطر على بالها هذا المكان قرب منها و شبك اصابعه باصابعها وهو يمشي معها وفاء كانت جالسه تطالع للمكان باعجاب لانو هذي اول مره تشوفها وقالت : واووو مرره حلوه
فيصل : يس مو احلى منك
وفاء حمروا خدودها وكتفت ببتسامه وهم بيتمشوا فيصل : تدري انو هذي الحديقه تاريخيه ومره قديمه وكبيره تصدقي انو مساحتها ميه وأربعين هكتارا وفيها مجموعه من النوافير كمان في مكان مشهور موجود فيها اسمه سبيكرز كورنر (Speakers Corner) وهذي المكان يقدر الواحد يلقي فيه خطبه بحريه يعني ما احد يمنعه وهي في القسم الشمالي الشرقي
وفاء : اه من جد
فيصل : ايوه زي ما بقلك بعدين كمان عندك في هذي الحديقه اماكن لركوب الخيل ومروج وبحيرات حتى الشجر اللي فيها يوصل 4000 شجره
وفاء : ما شاء الله وانت كيف تعرف كل هذا ؟؟؟
فيصل : سبق وقلت لك انا احب هذا المكان بعدين انا قريت كثير عنها في النت ... يلا الحين بلاشي كلام وخليني اوريك هي يكون احسن
دوبعد كذا كملوا مشي وسط العشب
وفاء وهي تتأمل كل زوايه في الحديقه : والله المكان جنان !!
بعد كذا راحوا لقسم الخيول وركبها وشاف كم بحيره واكلوا البط اللي فيها وفي نهايه طريقهم وهم بيتوحهوا لاحد النافورات قطف فيصل لها وردة حمراء { مع انو مو مفروض يسوي كذا بس هو ما اهتم } ووقف قدامها وقرب منها وثبت لها الوردة في شعرها ارتبكت وتوتر وفاء من قربه بس حاولت ما تظهر هذا وبعد عيونها عنه بعد ما خلص فيصل من تثبيت الوردة لاحظ انها مبعد عيونها عنه فيصل بهمس : وفاء
الفتت له بسرعه وتعلقت عيونها بعيونه : همم ؟؟؟
بقي فيصل مركز عيونه على عيونها عشان يستشف الاجابه منهم قبل ما تنطقها وقال : انتي تدري قد ايش احبك صح
وفاء هزت له براسها فيصل بحب : عشان كذا انا ما اقدر اعيش بدونك ولا لحظه كمان وابغى اتزوجك
اتفاجأت وفاء وما توقعت يقول هذا الكلام لها وما توقعت يتحقق حلمها بهذي السهول ومن كثر فرحها انعقد لسانها وماقدرت تتكلم ولا كلمه : ....
فيصل كمل كلامه : وابغى اسمع رايك الحين ؟؟؟
وفاء بدء قلبها يدق بقوة وعيونها للحين متعلقه بعيونه وشايفه كمية الحب والصدق اللي فيهم بس لسانها ما كان راضي ينطق ولا كلمه من الفرح اللي هي فيه : ........
فيصل وهو لساعه واقف قدامها وبصبر : وفاء
وفاء وهي تحاول تتكلم بس ما قدرت تقول الا : همم ؟؟؟
فيصل : ترى لساعني للحين مناظر جوابك
وفاء بهمس وبدون تردد : موافقة
كان قلبه من جوه فرحان بس عشان يتأكد قال : الحين انتي موافقة على الزواج ؟؟؟؟
وفاء بخجل هذي المره وبهمس : ايوه موافقه
ووووو
-------------------------
ونرجع لسعوديه كانت تقريبا العصر
وفي بيت الجد سلطان
حلا كانت تلعب بالمويه مع غلا وهي كلها مبلوله
وفي النهايه جالست حلا على طرف المسبح وقالت : غلوله انا تعبت
غلا بزعل : بس انا ابغى العب معاك كمان
حلا : والله ما عاد في حالي
غلا شويه وتبكي : بس انا ابغى العب
حلا اشفقت عليها وقالت : خلاص قلبي لا تبكين
غلا بفرح : يعني رح تلعبي معايه
حلا بتفكير : اممممم لا .. بس ايش رايك اغنيلك؟؟
غلا : ايوه طيب موافقه
حلا : طيب اسمعي
وبدأت تعني بصوتها الناعم الحلوه وتقول :
انت غير الناس عندي ..
انت عندي شي كبير ..
كيف بصبر و أنا شايف ..
ناس من حولك كثير ..
و أنا احبك و أقولها لك ..
كلمة خليها في بالك ..
أنا ماني أي عاشق ..
أنا لما أعشق أغييير ..
والله لما أعشق أغير
من عيون الناس والله ..
أغار يا عمري عليك ..
ما اتطمن و انسى خوفي ..
الا و ايديني بايديك ..
بس تحمل كل جنوني ..
لأنك أغلى من عيووني ..
لو تدور ما تلاقي ..
منهو غيري يمووت فيك
قلبي بايدينك يا غالي ..
بس خل بالك عليه ..
يا حبيبي هذا قلبي ..
و انت ادرى الناس فيه ..
لو أعيش العمر كله ..
ما أنسى حبك أو أمله ..
ما أبي شي بحياتي ..
انت بس اللي أبيييه ..
والله بس اللي أبيه ..
رعد اللي كان جاي يكلم جده ويتشيره في بعض الامور في الشركه يوم سمع صوتها ما يدري ليش راح لاتجاه الصوت وقلبه كان وقتها دليله يوم وصل للحديقه الخلفيه اللي فيها المسبح شاغ البنات بالمسبح ورجع بس شده الصوت اللي يغني وطالع شاف حلا وهي جالسه على طرف المسبح كانت بتلعب برجولها بالمويه وتغني كان شكلها مره حلو وهي لابسه بنطلون جينز وبلوزن رماديه طويله للخصر وشعرها المبلول على وجهها الملائكي وابتسامتها الجذابه المرحه رعد تأكد يوم شافها انو هي اللي بتغني لانو مستحيل يكون صوت غلا زي كذا لانو صوت اللي بتغني كان صوت حلو وماليان احساس وشجن وقف رعد مكانه مبهور فيها وزي كأنه اول مر يشوفها في حياته مو هي نفسه اللي تربى معها وعرفها رعد كان للحين واقف مكانه وهو يقول في نفسه(( اه والله انا نسيت قديش انتي حلوه يا حلا ..و الله ما صدق انو كمان صوتك احلى من الحلى نفسه لهذي الدرجه انا ما اعرفك والله غريب بس يا ربي صبرني عليها " يوم انتبه لنفسه قال " استغفرالله انا ايش بقول )) وراح بعد عن الحديقه وهو يتوجه لباب الفله دق الجرس وجات الخدامه وفتحت له الباب بعد كذا دخل ويوم وصل الصاله ما لقى احدى فراح لمكتب جده ودق الباب بعد كذا دخل وبدء يتكلم مع جده وياخذ رايه في بعض الامور وجده بدوره بدء يقوله يسوي اللي هو شافه صح
وووو
--------------------------
بيت ابو زياد
نزلت وهي لا بسه العبايه للمجلس ودقت الباب قبل ما تدخل وقالت : السلام عليكم
ابوها وفارس وراكان : وعليكم السلام
راكان بعد ما شافها قال : يلا عمي بالاذن
ابو زياد : اذنك معك يا ولدي مع السلامة
راكان : الله يسلمك توصي بشي
ابو زياد : لا سلامتك
فارس بمزح : رجعلنا اختي سالمه مو اكثر
راكان ببتسامه : لاتوصي حريص هي في عيوني " وكمل " يلا لموستي
وبعد ما خرج من المجلس لميس مسكت يده وقالت بتسائل : وين بتاخذني ؟؟؟؟
راكان : اقول امشي الحين وبعدين اقلك
لميس مشيت معاه وركبوا السياره بعد كذا
راكان التفت له ولحب : اه ما تصدقي قد ايش و حشتيني يا عمري
لميس بخجل : والله وحشتك أكبر ..... الا من جد قولي فين بنروح ؟؟؟
راكان : بنروح نشتري اثاث لجناحنا
لميس : اه يعني بنأثث
راكان : ايوه يعني زي ما تعرفي نحن زواجنا بعد اربعة ايام وعبال يوم زواجنا يكون الجناح خالص
لميس حمرت خدودخا راكان بحب : فديت الخجلانين والله
لميس بتصريفه : ركوني بسك خلاص و يلا نمشي
راكان ابتسم له وحرك وووووو
-----------------------
في بيت ابو بندر
كانت جالسه في الصاله مع امها وجارتهم وبنتها احلام سوالف وضحك وكلام ما يخلص
احلام بسعاده : اوه مو مصدقة كيف هذي الايام بتمشي بسرعه والله وامس خطبتي وبعد شهر وكم أسبوع بتتزوجين وتذخلين قفص الزوجيه على قولتهم
ما تدري ريم ليش حست بضيق بمجرد ذكر كلمة الزواج على مسامعها هي من الاساس مستغرب من تصرفاتها ليش دايما يصير معها نفس الموقف وهي اللي كانت تعد الايام حتى تتزوج من فهد بس المشكله اللي صايره انو هي مو طايقه ولا قادره تسمع صوت فهد لانها تحس بمجرد شوفت اسمه بكتمه وخنقه وضيق ماله حدود ريم وهي تكلم نفسها (( اشبني ؟ وايش اللي صرلي ؟ ليش احس انه كل ما قرب مني بنفور وضيق وكره ما ينتهي له ؟ ياربس ايش سبب هذي الحاله ؟ حتى احس اني ما عاد احبه زي اول اه بس لو اعرف ايش اللي غيرني ؟))
وفجأه دق جوالها وطلعا من افكارها
احلام : هذي حبيب القلب خذي ردي عليه
قامت ريم للمطبخ ووووو
------------------------
في بيت ابو رعد
كان قاعده في الصالة مقابل التلفزيون بس بالها مشغول وفي عالم ثاني وأفكاره مو راضية تفارقه
قام و طلع لغرفته وطلع جواله من جيبه و طول دقت على رقمها ما يدري ليش هو حاسس بشوق كبير لها بس خي هذي الكم يوم متغيره معاه طبعا ما حد رد عليه فرجع وحاول مره واثنين وثلاثه بس ما في فايده كل شويه تديه مشغول عصب فهد وثار ورجع ودق وكلها أمل إنها ما ترده هذي المره وبعد ما حس باليأس بغي يسكر الجوال الا جاه صوت ريم وهي تقول : الووو
حس بفرحه ما بعدها فرحه وتبخرت كل عصبيته فهد: الووو هلا والله بقلبي
ريم بدون نفس : اهلين فيك قلي خلصني ايش تبغى ... انا مو قلت لك لا عاد تقد على رقمي ؟؟؟
فهد بزعل حاول يخفيه : بس يا قلبي والله وحشتني مووووت وشوقي لك هو اللي خلاني ادق عليك الحين بعدين انا مو متعود اجلس اسبوع من دون ما اكلمك
ريم ببرود وضيق : ما بيني وبينك أي كلام ويلا اذ ما عندك شي ضروري لا عاد تدق علي
فهد وقلبه يتقطع من برودها : لحظة لحظة لا تقفلي
ريم بخنقه : ايش عندك كمان ؟؟؟؟
فهد من سمع نبرت صوتها تغيرت قال : انا الحين بسامحك ولي معاك كلام ثاني يوم اشوفك الحين بقفل واذ دقيت عليك بعدين ردي فاهمه ولا والله لاجي لبيتكم واكلمك بالغصب فاهمه ؟؟؟؟
ريم وعلى نفس حاله : ايوه فاهمه ... يلا بقفل عندنا ضيوف
وقفلت الخط من دون حتى ما تودعه هو ما يدري بس حس انو فيها شي غريب وغمض عيونه وهو يكلم نفس ويقول (( والله وتغيرتي يا ريم كثير من ذاك اليوم اللي اخذتك فيه لبيت امي وانتي مدري ايش اللي صرلك وخلاك تتغيري فجأه )) وبعد تفكير دام اكثر من خمس دقايق رحع يكلم نفسه ويقول (( طيب أنا بفهم ايش اللي بيخليك تنفري مني وتبعدي عني حتى بالحوال ما تطيق تكلمني معقول يعني الواحد في يوم وليله يصحا يلاقي نفسه يكره اللي يحبه والله ما اصدق هذا الكلام لازم يكون ورى هذا الموضوع سبب وانا متأكد انه رح يكون جوابه في اليوم اللي زرتي فيه بيت امي بس الموضوع يبغاله تركيز )) ما ترك فهد افكاره وهو يحاول يتذكر ايش اللي غير حبيبته فجأه وبعد دقايق قرر يصليله ركعتين يمكن ربي يفتحها في وجهه ويكتشف السبب ووو
----------------------
نرجع لبيت الجد سلطان
وفي المكتب
رعد سلم على جده وقال : الله لا يرمنا منك يا الغالي
الجد سلطان : الله يسلمك يا ولدي واذ احتجتني تراني في اي وقت فاضي تعال عندنا وزورنا
رعد : ان شاء الله يا جدي
وما كمل كلامه الا بصراخ يجي من الحديقه الخلفيه وبدون تردد راح رعد مع جده للحديقه يشوف ايش فيه واول ما وصلوا لهناك رعد شافت حلا تركض تحاول تبعد عن المويه اللي بترشها عليها غلا .. إلا شويه ومن دون ما تنتبه صدمت في رعد طبعا هو تفاجئ باللي صار بس هذا زاد اعجابه فيها لانو شكلها من قريب كان احلى واجمل هو ما نزل عينه وهو يطالعها من فوق لتحت وبالنسبه لحلا فمن الصدمه جمدت وتصنمت في مكانها وهي تشوف نظراته المتفحصه لها حلا يوم سمعت صراخ جدها شهقت من خوفها ونزلت راسها بخجل من رعد
وهو يوم انتبه لجده عضب عنه بعد عيونها عنها عشان لايسمع الحين تهزيئه منه وهو عارف انو اللي سواه ما يصير فقال بتبرير : اسف جدي بس والله افتكرت انو صاير لهم شي
الجد سلطان وهو يخف عصبيته : لا عادي يا ولدي انت الحين روح شوف شغلك
رعد من دون اي كلمه راح وتركهم وهو يحمد ربه انو ما صار شي ركب سيارته وهو للحين مشوش من اللي صار وووو
----------------------
في لندن
عند بندر ونغم
مع الاسف بندر ما قدر يكمل كلامه لانو الرحله خلصت وهذا اللي خلاه هو ونغم يقوموا من اليخت ويرجعوا لتمشيتهم
نغم بتسائل : ها لفين بنروح الحين ؟؟؟؟
بندر بتفكير : امممم ايش رايك اركب واحد من باصات لندن اللي تشتغل بالكهرباء بعد كذا نروح لاي مطعم نتغدى واخر شيه نروح السوق نحيب هدايه للعيله اذ حبيتي
نغم ببتسامه فكره حلوه قرب بندر منه ومسك يدها عشان يساعدها على المشي قرب من الكرسي المتحرك وجلسها عليه لانو المشي لسع للحين يتعبها وهي لازم تكمل علاجها عشان تقدر تمشي مزبوط المهم بعد ما ركبها الباص راحوا لاحدى المطاعم وتعشوا بعد كذا اذن العصر ورجعوا الفندق وصلوا وكملوا مشوارهم في الاسواق والمولات اللي في لندن وهم مبسوطين ببعض
----------------------
في هايد بارك
كان جالس على احدى الكراسي قدام احدى النافورات ووفاء جنبه هب رياح وخلت شعر وفاء يطير و جسمها يرتجف في نفس الدقيقه فيصل حس فيصل وبهمس باذنها : بردانه ؟؟؟
وفاء : مو مره
فيصل شلح جاكيته ولبسها هو عشان تدفى
وفاء بس حست بالدفى ورقفت رجف قالت : شكرا
فيصل : العفو ....." وبعد فتره صمت رجع فيصل يقول " وفاء
وفاء : هلا
فيصل : بعد ما نتزوج باخذك ونعيش في السعوديه وهناك بعرفك على اهلي امي ها قوليلي موافقه ؟؟؟
وفاء وهو تطالع لنافوره قالت : انا ما يهمني فين اعيش المهم بس اكون معاك وهذا يكفيني
فيصل التفت له وعذاب : حرام عليك تعذبني يا بنت الناس ارفقي فيني وبحالي
شات عيونها عن النافوره والتفتت له وببرائه طفوليه : ليش ايش انا سويت ؟؟؟
فيصل بهيام : ايش سويت ... انتي قلبتيلي حياتي من يوم ما عرفتك
ابتسمت وفاء بخجل يخالصه دلع وقالت : طيب ايش اسوي أحبك ؟؟؟؟
فيصل بحب : وانا اعشقك
وكملوا كلام وسوالف عن تخطيطاطهم للمستقبل
---------------------
نرجع لسعوديه
عند راكان ولميس (( في السوق ))
راكان : لموستي ايش رايك بهذي الكنبه ؟؟؟
لميس: تجنن وكمان نشتريلها ستاره مشجره عشان تجمل الجلسه
راكان : ايوه والله صادقه الحين نطلب لنا كنبه منها
وبعد ما خلصوا من غرفة النوم والصاله ما كان ناقصهم شي لانو المطبخ والحمام ( الله يكرمكم ) كلهم راكان مختارهم مسبقا ومو ناقص الا الاثاث اللي اشتروا المهم ركبوا السياره وطبعا مع مضي الوقت جاه المغرب
راكان : ها قلبي في تحبينا نتعشى ؟؟؟؟
لميس: أي مكان على ذوقك
راكان : على ذوقي على ذوقي يلا مشينا
وحرك سيارته على احدى مطاعم المؤكولات البحريه اللي يحبها هو وتعشوا ومضهوها سوالف لحد ما وصلها راكان على بيت اهلها وبالتحديد قدام بتب البيت لميس ببتسامه: يلا مع السلامه
راكان : لحظه لحظه وين رايحه
لميس : ابغى انزل
راكان يسوي نفسه مظلوم : حرام عليكي من غير بوسه
لميس سوت نفسها مو فاهمه : ها ؟؟؟؟
راكان : من قال ها سمع
لميس احمروا خدودها وقالت : ركوني بسك هذي من هذي الحركات
راكان ابتسم وقال : طيب بلاشي من البوسه على الاقل سمعينا كلمه حلوه قبل ما تنزلي
لميس بخجل قالت : احبك موت
ونزلت من السياره بسرعه ودخلت للبيت راكان ما فارقته الابتسامه وهو يضحك على تصرفاتها الطفوليه : ههههههههه

رد: رواية حب عمري وبلسم جروحي

التكمله للبارت ٢٩
---------------------
وقبل هذا بنص ساعه
بيت ابو بندر
رجعت ريم لصاله وهي سرحانه ومستغرب من نفسها وما طلعت من افكارها الا وهي تحس بالمخده تضرب وجهها.. طالعت لاحلام بعصبيه من حركتهز البايخه
احلام ببتسامه : لا يا شيخه الحين بعد ما صرلي ساعه اكلمك في النها تطلعي سرحانه والله الذنب مو عليك الذنب علي انا البلها اللي بكلمك
وقامت وتركتها وحلس تسمع كلام الحريم وتناست الموضوع بعد كذا بسرعه
-------------------------

( البارت ٣٠)
بيت الجد ابو سلطان
حلا كانت في غرفتها ومنسدح على سريرها بعد اللي صار معاها اليوم في العصر وكل ما تتذكر الموقف يرجع قلبها يدق بسرعه وتبتسم غصبا عنها
صح انو جدها عاقبها بس هي تحس انو كان هذا احلى يوم في حياتها ورجعت بالذاكره لورى
بعد ما راح رعد وسابها عشان تنزل كل السالفه على راسها حلا خافت من جدها بس كانت تكابر فقالت : الحمد الله ماصر شي
الجد سلطان كان معصب لدرجه انو جدلها اذنها وقال بحده : ما صار شي ها ... ليش ايش تبغي يصير اكثر من اللي صار الولد طالع فيك لحد ما شبع
حلا كانت اذنها تعورها وبألم : اه طيب انا ايش ذنبي هو اللي ما يستحي جلس يطالع فيني
الجد سلطان وهو يرص على اسنانه: صراخك واصل لا اخر الشارع واللي يسمع يقول في احد ميتلك
حلا واللي تحس انو اذنها بتنقطع: خلاص جدي والله ما عاد اعيدها
الجد سلطان ترك اذنها وقال : روحي غيري ملابسك ولاعاد اشوفك خارج برا بدون حجاب
حلا : ان شاء الله جدي
وهي داخله سمعت جدها يقول : لا هذي السالفه مارح تمشي على خير لازم اشوف حل لهذي البنت
ودخل مكتبه وهو مشغول باله باللي صار وحلف انو ما يمشي السالفه على خير
طلعت حلا من ذكرياتها على صوت دق الباب
حلا: مين ؟؟؟
غلا : هذي انا غلا
حلا : ادخلي طيب
دخلت عليها غلا والدموع ممليه عيونها حلا بتسائل : شفيك يا قلبي ليش بتبكين
غلا : عشان انتي بسبب جدي عاقبك
حلا : لا مو بسبب انا ما انتبهت لانفسي وجلست اصرخ
وسكتت بعدين فتحت يدينه وقالت لاختها : تعالي يا قلبي ولا عاد تبكي
جاتها غلا واتمت بحضنها وهي تحاول تهديها
------------------------
بيت ابو سعود
بعد ما وصل رعد امه واخته لبيت زوج خالته نزل هو معاهم وباله لساعه مشغول باللي صار ويفكر ويقول (( هذي جدي اكيد مارح يمشي السالفه كذا انا اعرف مزبوط ... اكيد الحين بيفكر بخطه او اي شي يسويه عشان )) وطلع من افكارها وهو يمسع جوري تقول : رعد اشبك صرلي ساعه اناديك ليش ما بترك ؟؟؟
رعد : ها لا انا معاك ايش تبغي ؟؟؟
جوري : انت مو بتدخل معانه لبيت زوج خالتي؟؟؟
رعد : ايوه بدخل
جوري : اجل يلا لاتقول في الشارع اكثر من كذا
دخل رعد مع اخته وامه وسلم على خالته وجلس معاهم مع انه ما كان فيه ابو سعود في البيت كان رعد غارق بافكاره عن اللي بيسويه جده وعن جمال وحلاوت حلا بينما جوري مشغول بالها على سعود وهي تعرف انو هو للحين ما طلع من غرفته وصله كم يوم مو مدخل ولا لقمه لمعدته استأذنت جوري منه بحجت انها بتروح الحمام ( اعزكم الله)
وبدل ما تروح الحمام طلعت لدرو الثاني وصارت تمشي متوجه لجناح سعود وقلبها يدق بقوه بين اضلاعها وقفت عند باب الجناح ودقت الباب
سعود بتعب : قلت لكم ما ابغى اكلم احد سيبوني في حالي
هي تجمعت الدموع في عيون جوري لا شعوريا وقالت : سعود تكفى افتح الباب ترى ما يصير اللي بتسويه بنفسك ... بعدين انت انسان مؤمن ولازم تصبر .... انت تتوقع انو الحين اسيل رح تكون مبسوطه منك بالعكس هي اصلا مارح تفرح يوم تشوف زعلان بعدين البنت لساعها عايشه فليش انت فاقد الامل
وسكتت شويه وكملت وهي تدموع تنزل على خدها بحرقه : سعود خلاص انسها ترى حبك هذا مارح يفيدك اكثر من كذا ... بعدين ادعي ربك يعوضك بالاحسن منها.... يلا سعود افتح الباب وارحم حالنا ترى زي ما انت تحب اسيل وتزعل عليها نحن كمان نحبك ونزعل ونخاف عليك يكفي ... يا سعود ترى قلب خالتي ما عاد يتحمل اكثر من كذا ارحم حالها واخرج وعيش حياتك ترى ربي ما يرضى عنك وعن اللي بتسويه بنفك حرام عليك وكملت ببكى : اهئ اهئ والله هذي مو عيش يا سعود اهئ اهئ خلاص انسها
جوري جلست تترجى فيها لين ما فقدت الامر خلاص بعد عن باب جناحه وكانت ببتوجه لدرج وووووو
----------------------
كان سعود
جالس في الصاله حقت جناح ويحس انو كل هموم الدنيا نازله على اكتافه ويحس بالتعب والارهاق هو صار له كم يوم مو ذايق النوم وهو بس يفكر فيها قبل يتقطع كل ما يتذكر انو حبيبتها مافي لها اكل انها تعيش ويمكن في اي لحظه تموت وتودع هذي الدنيا وتترك وحيد كان يتعذب من جو فحبس نفس في غرفة عشان ما يعذب اهله معاه بس طلع العكس هو الصح واهلوا صاروا يتعذوب اكثر وامه كل يوم تبكي على حال ولدها ويحاولون فيه بس مافي امل سعود طلع من افكاره وهو يسمع طرقت الباب وبتعب : قلت لكم ما ابغى اكلم احد سيبوني في حالي
بعد ما قالها غمض عيونه بتعب هم للحين بيفكر فيه ليش ما يسبوه لوحده مع احزانه وهمومه ويتركوه في قفص الاحزان حقه طلع من افكارها وهو يسمع صوت انثوي ناعم وفيه بحه مؤلوف له يقول : سعود تكفى افتح الباب ترى ما يصير اللي بتسويه بنفسك ... بعدين انت انسان مؤمن ولازم تصبر .... انت تتوقع انو الحين اسيل رح تكون مبسوطه منك بالعكس هي اصلا مارح تفرح يوم تشوف زعلان بعدين البنت لساعها عايشه فليش انت فاقد الامل
كان يسمع كلمات الرجى منها وهو كل ماله يحس بتأنيب الضمير هو المفروض يكل امره لله ويعيش حياته بعدين البلاء من الله عشان يشوف اذ عباده صابرين تنهد بضيق وهو يسمعها سكتت ففكر انها تركته وراحت بس خابت ظنونه وكملت تقول :
سعود خلاص انسها ترى حبك هذا مارح يفيدك اكثر من كذا ... بعدين ادعي ربك يعوضك بالاحسن منها.... يلا سعود افتح الباب وارحم حالنا ترى زي ما انت تحب اسيل وتزعل عليها نحن كمان نحبك ونزعل ونخاف عليك يكفي ... يا سعود ترى قلب خالتي ما عاد يتحمل اكثر من كذا ارحم حالها واخرج وعيش حياتك ترى ربي ما يرضى عنك وعن اللي بتسويه بنفك حرام عليك
سعود يوم سمع كلامها هنا حس انه اذنب في حقت اهله وكل اللي يقربوه وخلاهم يعيشوا بحزن انبه ضميره كثير وسب نفس كثير هو خلا قلب امه ينحرق عليه كان كلام جوري صحيح هو لازم ينساها ويدعي ربه انه يعوضه الاحسن منها صح انو صعب الواحد ينسى بس الايام كفيله بتصليح اللي صار والله زي ما قالت جوري ما يحب عباده يلقوا بأنفسهم في التهلكه مايدري سعود ليش كلام جوري لامس قلبه وجا على الجرح بالزبط سمعها سعود تقول بحرقه وبكى : اهئ اهئ والله هذي مو عيش يا سعود اهئ اهئ خلاص انسها
هو ما حب يأذي احد كمان من عيلته كان يسمع ترجيها له كثير ما حب يودها وقرر انه يرجع للحياه من جديد اسيل كا بتكون نقطه ويوقف عندنا حياته هو عنده اهله يخافوا عليه ويحبونه ولازم يكون لهم خير المعين بعد الله سعود تنهد تنهيده طويله وقام وقف على رجوله قلبه ما عاد يتحمل بكاها اللي يقطع القلب راح للباب وهو مقرر ينسى احزانه ويطويها ويبدء صفحه جديد مو بس عشانه عشان اهله واللي يجبونه فتح باب الجناح وهو يبعد عنه كل احزانه ويقفل عليها في قلبه ووووو
---------------------
في شركة (( ناصر )) ابو رعد
كان جالس على مكتبه وكل اوراقه منظمه ومرتبه وما باقي له الا ملف واحد بعد ما اطلع عليه ووقع جاه دق جوال ويوم طالع للمتصل ابتسم ورد عليه بسرعه : الوو السلام عليكم هلا والله بالغالي
المتصل : وعليك السلام واهلين فيك
ابو رعد : نعم يا بويه سمي بغيت شي ؟؟؟
الجد سلطان : ايوه يا ولدي في موضوع بكلمك فيه
ابو رعد : خير ان شاء الله ؟؟؟
الجد سلطان : كله خير بس هو بخصوص .... .....(وخبره كل السالفه )
ابو رعد : اه طيب ما يصير الا اللي تبغاه يا الغالي
الجد سلطان : اجل خلاص انا بكلمه بالموضوع يوم اشوفه
ابو رعد : اذ بيغت برسلك هو اليوم
الجد سلطان بنفي : لا لا انا اقول خلي الموضع يتأجل كم يوم بعدين انا بنفسي بكلمه انت بس لا تجبله سيره
ابو رعد : براحتك سوي اللي تبغاه يا ابويه كلنا تحب امرك ولا توصي حريص ما بقله يلا في شي كمان تبغى تقوله ؟؟؟؟
الجد سلطان : لا يا ولدي سلامتك
ابو رعد : الله يسلمك وما يحرمنا منك .. يلا مع السلامه
ابو رعد : في حفظ الله
--------------------
نرجع لبيت ابو سعود
جوري وقفت عند الدرج وهي تمسح دموعها ومستغربه من اللي شافته رجعت لمكان ما كانت وشافت سعود واقف قدامها وباين انه بجد تعبان وكأنه مو ذايق النوم فحياته ابتسمت بفرح من شوفته بخير بس كانت من جوه زعلانه عليه وعلى حاله جوري بسعاد : سعود واخير طلعت
سعود ما تكلم ولا كلمه وهو للحين يتأملها وهي مبسوطه : ............
جوري والا بتسامه مو مفارقتها : سعود يلا ننزل خلي خالتي تنبسط من شوفتك
سعود للحين ساكت ويشوف الساعده اللي تجمعت بعيون جوري : .............
جوري بتسائل : سعود انت معايه ولا لأ ؟؟؟
سعود : ........
كانت تحس قلبها ينزف من جوه عليه وبأسى : يا سعود شفيك واقف يلا خلينا ننزل نفرح خالتي بشوفتك .... تصدق انها الحين رح تفرح الا كمان بطير من الفرح يلا بس تعال
سعود وهو لاول مره ينطق : جوري
جوري التفت له وتعلقت عيونها بعيونه ووسكتت وهي تستناه يتكلم بس مرت عليه فترت صمت طويله بعد قالت جوري : نعم ايش فيه ؟؟؟
رجع سعود يتكلم وهو يقول : انتي تعرفين انو كلامك ريحين من جد وخلاني انسى الهمن اللي فين واهتم باللي حوليه واعيش معاهم واسعده واحبس همي جوت قلبي واقفل عليه واخليه من صفحات النسيان
جوري هنا رجعت ابتسمت وقالت : هذا شي حلوه يلا الحين خلينا ننزل لخالتي عشان تكحل عيونها بشوفتك
وبغيت جت بتنزل الدرج الا بيده توقفها ووووو
----------------------------

رد: رواية حب عمري وبلسم جروحي

واخير التوقعات وان شاء الله
كل ما نزلت اختي بنقلكم تنزيلها وانزل لكم هنا

التوقعات
ايش بيصير مع سعود وجوري ؟
وايش اللي مخطط له الجد سلطان مع ابو رعد ؟
وهل نغم صارت تحب بندر ؟
وهل رح يتزوج فيصل ولافاء ولا رح يخرب عليهم مارتن ؟
وفهد وريم ايش بيصير معاهم ؟

مع تحياتي وابغى اشوف ردودكم

رد: رواية حب عمري وبلسم جروحي

( تابع البارت ٣٠)
في الصاله
ام جوري (( ام رعد )) : رعد يا ولدي ما تحس اخت تأخرت ؟؟؟
رعد وتوه يطلع من افكاره : ها ايش قلتي يالغاليه ما سمعتك ؟؟؟
ام جوري : قوم شفلي اخت قالت بتروح الحمام والحين صلها نص ساعه مارجعت
رعد وهو يقوم يوقف : حاضر طيب
ام جوري : يحضرلك الخير يا ولدي
دور رعد بالدور الارض و يوم ما لقاها قال باستغراب : فين راحت هذي ؟ شكلها في طلعت لدور الثاني
وطلع الدرج وهو يقول : جوري فينك ؟؟؟
وصل لاخر درجه في الدور الثاني شاف جوري وقال : اشوفك واقفه هنا ايش بتسوي ؟؟ ووو
-----------------------
في لندن الساعه ٨:٠٠
بعد ما خلص من الاسواق رجعوا للفندق واعطوا الاكياس للخدم عشان يحطوها في شنطهم لانه من بكرا الصبح بيسافروا ويرجعوا لسعوديه
بندر وهو يساعد نغم على الجلوس على الكنبه
قال : ها تعبتي اليوم كثير صح لازم لك راحه الحين
نغم بفرح : بالعكس والله اليوم كان احلى يوم حتى تعبي نسيته " وبزلت لسانه : معاك
بندر ابتسم لكلامها وقال : طيب الحين عشان اكملك فرحتك قومي صلي العشا على بال ما اخضرك اخر مفاجأت الليله
نغم بتسائل : وايش هي هذي المفاجأه ؟؟؟
بندر : لا يا قلبي اذ قلت رح نبطل مفاجأه يلا الحين سوي اللي قلت لك عليه عشان تعرفي
نغم وهي تقوم لغرفتها : طيب ان شاء الله
وبعد ما دخلت تصلي رح بندر يصل بعد كذا جلس يجهز لها المكان عشان يفاجأها بهديته نغم خلصت صلتها وبدلت ملابسها بملابس للبيت وخرجت لصاله وهي تمشي على مهل كانو الانوار مطفايه والمكان ظلام نغم بهمس : بندر
مشيت شويه الا شافت شموع في كل مكان وورد احمر مثور على الارض والكنب وعلى الطاوله وكزت نظرها على الطاوله اللي كانت تزينها الشموع وفي منتصفها كان في هديه نغم وزي اي انسان دفعها الفضول وراحت مسك العلبه اللي كان لونها احمر فكت الشريطه عنها وفتحت العلبه الا شافت اسواره من الذهب حلو وناعم وفي تعليقه عباره عن قلب محفور فيه بالانجليزي
{I love you } وتحتها بشويه في حروف n&a
يعني نغم وبندر ابتسمت بحب وجاها صوت من وراها يقول : عجبك ؟؟؟؟
التفت لمصدر الصوت وووووو
----------------------
نرجع لبيت ابو سعود في السعوديه
كان رعد يوم شافه اخته قال : اشوف واقفه هنا ايش كنتي بتسوي ؟؟؟
وانصدم يوم شاف اللي واقف جنبها على بعد خطواط رعد كان ينقل نظره بين الاثنين كان شايفه انو اخته مرتبك بينما سعود بعكسها كا هادي رجع رعد رعد يقول : وانت بدري عليك كان ما خرجت من عزلتك
سعود : والله وللحقيقه ما كنت رح اخرج لولا كلام جوري
رعد : بالله ؟؟!!
والتفت لجوري وقال : ما شاء الله والله وخير ما سويتي يا جوري
جوري ما تكلمت ولا كلمه : .......
رعد : اقول يلا جوريتي انزل لعند امي لانها كانت بتبغاك ونحن الحين بنلحقك
نزلت جوري وتركتهم رعد بتسائل : لا ما صدق كيف اقتنعت ؟؟؟
سعود وهو يمرر يده على شعره ويقول : والله هي جلست تقولي حالي امي وخلت قلبي يتقطع عليها مو اكثر
رعد بعد اتقناع قال : هلاص سيبك من الموضوع بعدين نتكلم .... لانك تعبان مارح افتح معاك تحقيق ويلا ننزل لصاله
طالع له سعود وهو على نفس حاله ولحقه ونزل معاه
------------------
قبل ما يجي رعد بشويه
سعود مسك يد جوري ومنتعا تروح التفتت له جوري وتعلقت عيونها بعيونه للمره الثاني وبستغراب قالت : سعود
تأمل عيونها اللي كانت متورمه من البكى وبدون ما يحس لحاله سحب يدها وقربها منه اكثر لحد حضنها لصدره وحاوطها بقوه جوري انصدمت حركته الجريئه بس مع كذا ما قاومته وهو كان محتاج لهذا الحضن اللي ينسيه كل همه ويخليه يحس بالراحه جوري لا شعوريا دفنت وجهها بصدرة العريض ورحعت تبكي بس هذي المره مو على سعود هذي المره كانت جالسه تبكي على نفسها لانو ولاول مره تحس انو اللي قلبها يحبه مهو له ولاهو ملكها سعود حس بدموعها الحاره على بلوزته وكان في لحظتها وده لو يحميها ويبعد عنها كل شي يأذيه بعد دقايق سمعوا صوت رعد وهو طالع الدرج ويقول : جوري فينك
بعدها عنه وبدء يمسح دموعها باطراف اصابعه
ويقول لها : خلاص بطليك بكى الحين يحي رعد مو حلو يشوفك جالسه تبكين
بعدت جوري عنه بخطوات وهي تحاول توقف بكى ومع كل درج رعد كان بيطلعا كانت هي تفقد نبضه من نبضات قلبها ووو<< الباقي تعرفوه
----------------------
نرجع للندن (( الفندق ))
نغم التفت لمصدر الصوت وقالت : ايوه مره حلوه شكرا على هذي الهديه
بندر ببتسامه : الله يسلمك ...اشبك ما تلبسيها طيب ؟؟؟
نغم : ما اقدر البسها لوحدي
بندر وهو ياخذ منها الاسواره طيب اعطيني يدك
نغم مدت له يدها وهو لبسها الاسواره وبعد ما خلص جات نغم بتشيل يدها بس هو منعها وشد على يدها نغم التفتت له وتعلقت عيونه في عيونه رفع بندر يدها لشفايفه وباسها برقه وهو مزال يطالع لها استحت نغم فسحبت يدها مي يده بسرعه ونزلت راسها للارض بندر ابتسم لشكلها هو يعشق خجلها وقال بهيام : حبيبتي اوعدني تخلي الاسواره هذي فيدك ايش ما صار
نغم بحيا : اوعدك
ما فارقت بندر الابتسامه وهو يقول : تعالي يلا نكمل السهر في فيلم حلو بيعرضوه اليوم
نغم : طيب يلا
وراحوا مع بعض لشاشة التلفزيون يتابعوا الفيلم وطبعا عشان بندر كان محضر المكان مسبقا فكان المكان رواقه والشموع معطيتهم جو رومنسي وبندر عرف يختار الفيلم اللي يليق بهذا الجو واكيد ماننسى المقرمشات(( البطاطس والعصيرات والشكولاتات بانوعها والفشار ........ الخ ))
------------------------
نرجع لاهل السعوديه
بيت ابو سعود
ام سعود ما صدقت انو ولدها طلع من الغرفه وكان الفرح مملي عيونها وهي بس تضمه وتبوس فيه من خوافها وكانت تبكي كن الفرح وكيف انه واخير خرج من عزلته كان الكل يطالع المشهد وهو متأثر وبعد ما خلصت ام سعود بكى طلبت من الخدمه يسوله اكل ويجيبوه له وجلست جنبه وخلته ياكل كل الصحن لانو حاله ماكان تمام بعد كذا جلسوا معاهم شويه وعشان تأخر الوقت استأذنوا منهم ورحوا مع رعد اللي رجع امه واخته بيتهم وهو بدور رجع لبيت ابوه عشان يرتاح بعد هذا اليوم الطويل والمتعب
---------------------------
في صباح يوم جديد
وفي لندن (( فندق ))
صحيوا مره بدري صلوا الصبح وقاموا يخاذوا اغراضه ويروحوا على المطار وبعد ما خلصوا معاملات السفر ما كان ناقصهم الا يكبوا الطياره في غرفة الانتظار كانت نغم مشتاقه ترجع لاهلها وبلدها بسرعه لانو هي من جد وحشها بلدها بندر كان يشوف حماستها وكان يحس فيها لانو هو كمان مشتاق لاخته وامه وكل اهله و اصحابه يعني بشكل عام مشتقاق لكل اللي يعرفهم المهم بعد نص ساعه فتحت ابواب الطياره وركبوا وكل واحد جلس في مقعده تحضرا لاقلاع الطياره وكلها ثواني والطياره صارت في الجوه
-------------------------
بعد مرور الوقت جاه الظهر
بيت الجد سلطان
كانت العيله مجتمع على الطاوله زي العاده وهم يتغدون
ام حلا بتسائل : يا راكان يا اخويه قلي مو اليوم المفروض يوصلوا بندر ونغم ؟؟؟
راكان وهو يشرب كاسة العصير : تلقيهم الحين وصلوا
حلا : من جد ؟؟!!
راكان : بكذب عليكم مثلا ؟!!
حلا : لا محشوم مين قال كذا
قاطعم الجده سميره وهي تقول : راكان انت متى زواج يا ولدي ؟؟؟
راكان : بعد اربعة ايام ليش في شي ؟؟؟
الجد سميره : لا بس حبيت اتأكد لاني نسيت
راكان : ينساك الموت ان شاء الله
الكل : امييين
الجد سلطان : خبر خير مدام زواج بعد اربعة ايام انا كنت بفكر انو نروح المزرعه كلنا يعني منها نونس بعض ونجتمع قبل ما تتزوج وتفاوقنا
ام حلا : ايوه والله جبتها يا ابويه
غلا : يا سلام يعني بنروح المزرعه طيب متى ؟؟؟
الجد سلطان : من بكرا الصبح ان شاء الله
غلا بفرح : ياي بنزوح للمزرعه بكرا
وبعد ما خلص الكل اكل انتشر الخبر في العيله والكل شافها فكره حلوه وما عارض ابدء
---------------------
نروح الحين للمطار
بعد ما خلص بندر هو ونغم من معاملات السفر اخذوا شنطهم وتوجهوا لباب المطار وهناك نغم شافت ابوها وكانت مره مبسوطه بشوفته وهو نفس الشي راحت نغم عنده وخضنته وهي تقول : بابا وحشتني موووت شوفني الحين رجعتلك امشي زي اول
ابو نغم فرحان لبنته : والله وحشتك اكبر ومبروك عليك المشي
نغم وهي تضمه بقوه : الله يبارك فيك .... ايوه ما قلتلي كيف السعوديه بدوني ؟؟؟
ابو نغم : والله من يوم ما رحتي وهي مظلم بس الحين رجعت نورت
نغم وهي تبوس راس ابوها : بوجودك يالغالي
بعد كذا جاهم بندر وسلم على عمه بعد كذا تودعوا وراح ابو نغم بسيارته مع بنته وبندر رح بسيارته هو كمان اللي حطها في الشحن مسبقا طبعا هذا بعد ما اخذوا الشنط المهم بعد كذا حرك على بيته عشان يرتاح من تعب السفر
------------------------

رد: رواية حب عمري وبلسم جروحي

تكملة
( البارت ٣٠)
بيت ابو سعود
سعود كان جالسه في غرفته بعد ما تغدى مع اهله
وعقله كان مشغول ويحس بضيق مو طبيعي وكانو كلام امس كله راح كان لازم يكلم احد يفهمه ويقدر يطبب جروحه بس كيف واللي تداوي قلبه ما يقدر يشوفها وخلاص لمن انقطعت به السبل مسك جواله ودق على رعد عشان يتقابلوا هو كان لازم باي طريقه يشوفها او يكلمها وماحد رح يوصل لها الا اخوها وبما انه هو ورعد مقربين من بعض فهذا رح يسهل عليه الامر
------------------------
بيت ابو بندر
كانت جالسه في غرفتها تتكلم بالجوال مع حلا وتشرح لها معانتها
ريم بضيق : والله زي ما بقلك انا ماني قادره استحمله يا حلا بحاول اني انتعامل معها بطيب بس ما اقدر احس بشي يمنعي ويضيق صدري وحتى بعض الاحيان تطلع مني كلامات مو قاصدتها وتجرحه والله مو بيدي << وصارت تبكي بكى يقطع القلب
حلا سكتت ماهي عارفه ايش تقولها ولا كيف تواسيها بس في النهايه قالت : خلاص ريومه هدي
ريم وهي تحاول تمسك نفسها: اسفه يا حلا والله تعبتك معايه وبكلامي الكثير بس والله كنت محتاجه مين افضفض له
حلا بمواسات : لا يا ريومه ليش نحن اقارب ولو المهم الحين اذ كلمتي مره ثاني حاول قد ما تقدري ما تزعليه واذ طلب يشوفك اقبلي يمكن تقدروا تصلحوا اللي بينكم
ريم : طيب خلاص اشوف
ودق جرس بيتها ريم تكمل : وه هذي بندر اكيد يلا حلا اسفه من جديد تعبتك معايه
حلا : لا عادي ويلا روحي شوفي بندر ولا تنسي كلامي مع السلامه
ريم وهي تمسح دموعها : مع السلامه
بعد كذا قامت وترك الجوال على سريرها وهي تنزل تسلم على اخوها وحاولات تخفي عنه كل الموضوع بعد كذا جلست هي وامها معاه في الصاله يتكلمون لحد ما شبعوا منه وهو من كثر تعبه استأذن منه وطلع جناحه عشان يرتاح
---------------------
في سيارة فهد
فهد كان جالس يلفلف بالشوارعه وهو مقهور ومهموم من اللي جالس يصير هو ما كان عارف اشبها ريم متغيره معاه فجأه فكر شويه فين يروح جات على في باله مكان دايما يقصده وبعد نص ساعه وصل فهد للمكان اللي قاصده وقف السياره على جنب و نزل منها دخل البيت بسرعه ودق الباب فتحتله الخدامه بعد كذا توجه لصاله وقبل لا يدخل
فهد : احم احم <<< خخخخ ذي عشان اذ كان في بنات خالاته يتغطون
جاه صوت حوري وهي تقول : تفضل ادخل
دخل فهد وزي المعتاد شاف جوري ومعها رفيف وقال : السلام عليكم
جوري ورفيف : وعليكم السلام
فهد وهو يجلس على الكنبه بتعب : كيفكم بنات ؟؟
جوري : تمام الحمد لله .. وانت كيفك ؟؟؟
فهد : ماشي الحال عايشين ... الا صح فينها ريوف ما اشوفها معاكم ؟؟؟
رفيف : لانها بكل بساطه ماجات وراح مع امي وخالتي السوق قال ناقصها ملابس ومدري ايش
فهد : غريبه وليش ما رحتوا معها ؟؟؟
جوري : والله مافحالنا
رفيف : بعدين لو رحنا مين كان استقبلك وجلس معاك يا فهيم ؟؟؟
فهد : الخدم اكيد
رفيف : الحين بالله قلي انت ليش جاي مو باين عليك انك جاي تنكت ولا تمضي وقت انا متأكده انو وراك سالفه
فهد بستغراب : انا ورايه سالفه .. مين قلك ؟؟؟
جوري : ترى باين على شكلك تكلم فضفضلنا وقلتا ايش فيك
رفيف : اي والله سلينا نحن طفشانين
فهد تنهد وبزعل : ريم
جوري: شفيها ؟؟؟
فهد : هي......(( وحاكم السالفه من الاول للاخر))
ايوه وهذا اللي صار
جوري بصدمه : لا ما صدق
فهد : بس والله هذا اللي صار
رفيف ماسمعت الحوار اللي دار بين فهد وحورب لانو كان بالها مشغول وهي تتذكر قبل كم يوم لمن جاب فهد ريم لهنا وفي الصاله وفيف استغرب ليش الخدامه ما جابت العصير وراحت عندها وقالت : سوزي فين العصير ؟؟؟
سوزي : مدام سحر قال هي في جيبوا
رفيف استغربت اكثر وقالت : سحر انت متأكده؟؟!
سوزي : ايوه مدام
توجهت رفيف للمطبخ بسرعه وشافت سحر وقاف قدام كاسات العصير تحط شي زي البودره
رفيف بتسائل : سحر ايش بتسوي ؟؟؟
سحر توهقت وقالت : ها لا لا مافي شي بس كنت بصب العصير للبنات
رفيف : طيب ايش ذا اللي في يدك ؟؟؟
سحر وهي متوتره كبت الكيس للارض ورجلها دفته لورى الدواليب اللي في المطبخ وقالت : ها ايت شي شوفي يدي ما فيها شي
رفيف ما اقتنعك بكلامها وقالت : طيب خلاص يلا جيبي العصير وتعالي
سحر وهي تشيل التبسي : من عيوني
ووقفت عن الباب وقالت : يلا رفيف
مشيت رفيف معاها وهي للحين شاكه في الموضوع وبعد ما خلصت السهر راحت تتأكد رفيف من اللي تحت الدواليب بس للاسف ما لقت شي وعرفت انو اما كانت بتتخيل او انو سحر قدر تشيل ذاك الشي وتخفيه بطريقتها
طلعت من افكارها وهي تسمع جوري تقول : مدري والله يا اخويه بس كلامك خلاني اشك في سحر
فهد بصدمه : وليش سحر بالذات ؟؟؟
جوري : هذا يا اخويه قبل ما نروح الملاهي بيوم
ورجعت جوري بالذاكره وووو
--------------------------
في الاستراحه عند الشباب
سعود : السلام عليكم شباب
الكل : وعليكم السلام
نواف : قبل شوي كنا في سيرتك
سعود : اكيد جالسين تحشوا فني تراني اعرفكم
احمد : للامانه ماحد حش فيك بس كان بيقول " وقلد صوت نواف وقال " فينه سعود من زمان عنه مو صح يا شباب " ورجع لصوته " وهذا اللي صار ههههه
بدر : حرام يعني شفت كيف ظلمت الولد
سعود : اي والله اسف
نواف : ولد ايش انت الثاني اصغر عيالك كاين
احمد بمزح : على قولتهم جاه يكحلها قام عمها هههههههه
سيف : يا ثقال دمك ما تضحك ترى
احمد : هههههه اعرف وماحد قلك اضحك
نواف : هههههههههه لقط وجهك يا سيوف هههه
سيف : سيوف بعينك يا نويف
سعود : اسغفروالله انا ايش جابني لهنا .... الا اقول يا شباب جاكم رعد ولا لأ ؟؟؟؟
بدر : لا ما جاه اصلا هو مقاطعنا من زمان
احمد : ايوه لا نشوف ولا يشوفنا هههههه
سيف : انك اليوم اكيد مستخن اشبك غلى كل كلمه تضحك
احمد بستهبال : مدري يمكن محشش هههههه
سيف بصبر : لا اله الا الله
احمد : محمد رسول الله هههههههههه
سعود : لا بجد رعد معاه حق يوم انه ما يجي لهنا
جاه صوت من وراها وقال : شفت كيف مو سبق وقلت لك هذا الكلام
التفت الكل لصوت بدر طالع لصاحب الصوت و بستغرب وقال : بسم لله الرحمن انت ايش جابك لهنا ؟؟؟
رعد : اكيد سيارتي
نواف : لا من جد انت رح يصرلك شهر مو جاي لهنا
رعد : طيب والحين جا على بالي اجي عندكم مانع ؟؟؟
احمد بتريقه : هههه مانع حمل ولا ...
وما كمل الا بسيف يرمي عليه المخده ويسكته وفي نفس اللحظه دخل مؤيد وقال: سلام شباب
الكل : وعليكم السلام
ويوم انتبه لرعد وسعود قال : بسم الله رعد سعود انتو ايش بتسوه هنا ؟؟؟؟
رعد : اقول اجلس وانت ساكت
سعود يكمل عنه : بجد ناس ما عندهم سالفه
وجلسوا الشباب يتكلمون شويه بدر بتسائل : شباب مين شاف جوالي ؟؟؟
نواف : شوفه جنب احمد
احمد : بالله احلف هو جنبي ولا ورايه ههههه
سيف : قسم انك سخيف
بدر : بالله احمدوه اديني هو والله مافي حالي اقوم اجيبه
احمد وهو ياخذ الجوال ويفتح : اوووف كل هذا حب
مؤيد بتعجب : ليش ايش في ؟؟!!
احمد : هذي مدام بدر داقه عليه سته مرات لا وراسلته ثلاث رسايل
نواف : احلف
احمد : والله
بدر هو يقوم ياخذ الجوال : انت مين قلك تفتح جوال وتدور فيه استغفروالله
ومسك جواله ودق على زوجته : هلا والله بحبي
احمد غمز لنواف وقال له بهمس : شوف الحين تبدء الرومنسيه ههههه
سعود يكلم : رعد على سالفت الجولات ادين جوالك يا رعد خليني بدق على الاهل واقلهم اني بتأخر اليوم
رعد بتسائل : ليش اشبه جوالك ؟؟؟
سعود بكذبه : فاضي شحنه ونسيته في السياره
يلا الحين كلو اتصال واحد مارح تخسر شي
رعد وهو يطلع جواله : طيب يلا بسرعه
سعود ابتسم وهو بياخذ وقال : مشكور يا ولد خالتي
وفتح الجوال بسرعه عشان ينفذ خطته دخل على الرسايل واسل لجواله راسله برقم جوري وبعد ما خلص مسحها وسوه نفسه انو مضيع وقال : بالله يا رعد انت مسجل رقم بيت اهلي عندك ؟؟؟
رعد : لا ليش انت مو حافظه ؟؟؟
سعود : ها الا حافظه
ودق على اهله فردت عليه امه قلها انو رح يتأخر اليوم في الرجل على البيت وبعد ما طمنها عن نفسه قفل
سعود وهو يديه الجوال : مشكور من جديد يا رعد
وفي الجه الثانيه
بدر : ايوه لا يا حبيبتي ان شاء الله مارح اتأخر
احمد بهمس : ههههههه شفت كيف زي ما قلت لك صار
نواف بنفس الهمس : بالله شوف ايش بسوي فيه الحين احم احم " وصار يقلد البنات وقال " : بدووور حبي مين جالس تكلم ؟؟؟
بدر قام وهو يتوعد فيهم وعيونه ملاينه قهر وطلع من برى الاستراحه يكمل كلام
احمد : ههههههههههه والله وكملت
نواف: هههههههههه مو قلت لك برويك ايش رح اسوي فيه
سيف : حرام عليكم انتو الاثنين الحين ورطوه مع زوجته
مؤيد : ههههههه بس والله جابوها صح هههههههه
نواف ينذاله : ههههههه لا تزعل جايك الدور يا سيف هههههه
سيف بتوعد : بالله جرب تسويها والله لا اطين عيشتك
نواف وهو مازال يضحك: هههههههههه الايام بيننا
سامي وهو داخل : السلام عليكم
الكل : وعليكم السلام
سامي انتبه لسعود ورعد وقال : هلا والله باولاد خالتي
رعد وسعود : اهلين فيك
مؤيد : الا صح فين فهد و بندر و حمد وسامي من زمان ما شفتهم
بس ما حد رد عليه مؤيد: انا جالس اكلم نفسي ولا ايش ؟؟؟
سيف : اقول شباب ايش رايكم نروح المطعم نتعشى بس مو على حسابي ترى من الحين بقلكم
نواف : أنا ما عندي مانع مدام الدفع مو عليه
احمد : ههههههه وانت مين طلب رايك ؟؟؟
سعود : استغفروالله ايش ذا البخل اللي فيكم
نواف : ايش قصدك ؟ ومدام مو عاجبينك قوم اجل ناكل على حسابك
سعود : ايش قلت يا بابا لا والله ما اسويها قالولك فلوسي جايبهم من الشارعه .. انا اتعب واشقى واجي اصرف عليكم ولا والله ما حزرت لا انت ولا وجهك
احمد : هههههه جات في الجبه ههههه
سامي : ههههههههههههه
نواف : ها ها ها ما تضحك .. بعدين اذ ما كنت قد كلامك يا سعود فخليك ساكت احسن لك
وووو
---------------------------
نرجع لبيت ابو جوري
بعد ما رجعت جوري بذاكرتها لليوم اللي قبل يوم الملاهي جات سحر وزارتهم وجلسوا زي العده كلام وسوالف بعد كذا ودعتها جوري وطلعت على غرفتها وجلست على الاب توب الا شويه يدق باب غرفتها طق طق طق
جوري : ادخل
سوزي فتحت الباب ودخلت تقول : سلام مدام جوري
جوري : وعليكم السلام ..ولو سمحتي نادين جوري او انسه جوري ايش مدام ذي .. يلا الحين ما علينا بس ليش جاي هنا ؟؟؟
سوزي : طيب ان شاء الله انا جيت هنا عشان اعطيك جوال حق سحر لانو في وحده في جوال
تبغاها
جوري بطفش : يوووه يعني جات عندنا ونسيت جوالها وراحت
سوزي : ايوه هي نسيت .. يلا الحين خدي الجوال وكلمي هذي البنت
جوري : لا ما ابغى اكلمها انتي قوليها مو موجوده وخلاص ينتهي الموضوع
سوزي : انا مافي اهمه كلام حق هي
جوري : يا ربي على هذا اليوم كلها كلمتي بس ما قلت لكي قوليها مخاضره استغفروالله
وقامت ترد على الجوال جوري : الووو
المتصله : مين سحر ؟؟؟
جوري بنفي : لا... سحر مهي موجود وهي ناسيه جوالها
المتصله : طيب ومتى اقدر اكلمها ؟؟؟
جوري : مدري هي لمن ترجع تاخذ جوالها تقدرين تكلميها ... بعدين اذ في شي ضروري وتبغين واصل لها الحين ادق على تلفون بيتهم واقلها
المتصله : ايوه والله خير ما سويتي ابغاك تقوليها دقت عليك نور وتقلك انها كلمة الحرمه اللي رح تسوي لها ( وبدون قصد قالت ) عمل وقال رح يخلص بعد يومين او ثلاثه واذ تبغى رقمها تدق علي اديها هو
رجوري هنا انصدمت وقالت : عمل ؟؟ يعني قصدك سحر ها
نور توهقت وقالت : ها لا لا سحر ايش انا ما قلت كذا يلا باي
وقفلت الخط في وجهها <<< نرجع للواقع
جوري : ايوه هذا اللي اذكره
رفيف تشجعت وقالت : ايوه حتى صرلي شي يشبه هذا الموقف
فهد ولي للحين مصدوم قال : ايش كمان قولي ؟؟؟
رفيف حكتهم الحكايه كلها عن سالفة سحر والبوده وهنا فهد فار دمه خلاص ما عاد يقدم يستحمل اكثر يعني بسبب سحر ذي ريم ما تبغاه ولا هي طايقته قام من مكانه وهو متنرفز
جوري : اشبك يا فهد هدي
فهد : قسم بالله لا ...
قاطعته رفيف : استهدي بالله ولا تحلف
فهد : لا اله الا الله
جوري : ايوه تكفي يا فهد نحن ما قلنا لك هذي الكلتم عشان تروح تخبر بيت البيت خلاص خليها على ربك بعدي الله يمهل ولا يهمل
فهد : بس هي
رفيف : لا بس ولاغيره الحين تروح لعند خطيبتك وتاخذها لشيخ يقرى عليها عشان يفكر السحر اللي عليها
فهد : ان شاء الله ... يلا مع السلامه
جوري : لحظه استنى
وقف فهد وقال : هلا ايش في ؟؟؟
جوري : اوعدني انك مارح تسوي شي لسحر
فهد زفر بقوه وقال : اوعدك ما اسويلها شي بس والله وهذين حلفت اذ حاولت تسوي شي يفرق بين بعد كذا انا وريم قسم بالله ما رح اخلها تتهنى في حياتها وهذي حلفه
وخرج من البيت وهو يهدي نفسه بعد ما هدي مسك الجوال ودق يطمن على بندر ويقله انو هو جاي اليوم يزورهم
-------------------------

رد: رواية حب عمري وبلسم جروحي

توقعاتكم
ايش بيسوي فهد بعد ما عرف بمشكلة ريم ؟
وتتوقعوا سعود يحب جوري ولا بس سوى فعلته عشان ينسى اللي فيه ؟
وايش اللي خلاها يتعلق فيها ؟
وهل الايام رح تحمل لابطالنا الحياة السعديه ولا لأ ؟
ويسلموو على ردودكم ومع تحياتي

رد: رواية حب عمري وبلسم جروحي

يسلمووو قلبي على الروايه وتابعي انا دايما في انتظارك واحب اتابع جديدك ^_^

رد: رواية حب عمري وبلسم جروحي

توقعاتكم
ايش بيسوي فهد بعد ما عرف بمشكلة ريم ؟
رح يوديها لشيخ يقرى عليها عشان يفكر السحر
وتتوقعوا سعود يحب جوري ولا بس سوى فعلته عشان ينسى اللي فيه ؟
اتوقع الاثنين مع بعض >_<
وايش اللي خلاها يتعلق فيها ؟
لانها تفهمه اكيد خخخخخ
وهل الايام رح تحمل لابطالنا الحياة السعديه ولا لأ ؟
ان شاء الله ايوووه ^_^