-
-
رد: رواية بجنون أحبك / الكاتبة ساندرا
مع السلامه ماميتوو ..
بتجهز للمدرسه..
ادعيلي اجيب الدرجه الكاملة بالإنجليزي..
وايه صح ابشرج جبت الدرجه الكامله بالرياضيات والعلوم .
اما التوحيد٩ والفقه ٩.٥
^•^ دعوووواتج لي..
وببشرج بنتيجتي اول ماأجي..
حتى بدون مابدل ملابسي..
انطريني هاه .. حوالي الساعه ١ او ١ ونص ادخل..
سلاموو..
ماشاء الله تبارك الرحمن ,
الله يوفقك يابنتي , ويارب الدرجة الكاملة ..
الله يحفظك يارب , أعذريني ياعسل بينزل البارت بالليل , لأني بطلع دحينه ..
ولابه وقت أنزل الرواية , بوركتي |
تعليق
-
رد: رواية بجنون أحبك / الكاتبة ساندرا
معذووووره .. بس اهم شي راحتج..^•^
وايه صح ابشرج جبت الدرجه الكاملة .. الحمدلله ..
تخيلي عطتنا قطعه وعليها اسئله وقالت تدربوا عليها وجابتها بالإمتحان .. وماحد تقريبا عرف يحلها..
بس انا الحمدلله الحمدلله الحمدلله حليتها مع مامي.. بالبيت .. هههه لا والحصه الاولى جت عندنا انتظار وقعدت اسئلها.. عن القطعه
واجاباتي صح ولا لا .. وقالت عدلي هذي واكتبي جذي وهذي صح ايه صح ومادري شنو وكانت تبتسم هههههه.. اخرها جابتها بالامتحان الحمدلله ..
الحمدلله يارب.. وجابت اسئله تافهه ولا وجابت بعد 6 dictionry ^•^ اقصد ٦ قواميس صغنونه .. اسمه القاموس الناطق ..
وسئلت البنات اذا احد يبي او لا.. ويعني..
صح بروح اسجد سجدة شكر واروح انام لأني من امس مواصله من الساعه ٨ وشي تقريبا كنت سهرانه ادرس واحفظ واكرر الكلمات وحووسه.. لأني احب اذاكر بالهدوووء واذا ماعندي شي اسوي ازعاج
هع هع
يلا مع السلامه..
بإنتظارج ماميتووو بالليل .. عشان اكون مخمخه المزاج..
سلام
تعليق
-
رد: رواية بجنون أحبك / الكاتبة ساندرا
رواية بجنون أحبك / الكاتبة ساندرا
.. البارت السادس ..
جات أم عبد الاله , وسلمت عليهم ..
أم عبد الاله: أدري أني مقصره بحق الجيره يا أم فواز , بس الشغل ماخذ كل وقتي ..
أم فواز با أبتسامه: ما به خلاف , بس جيت اليوم مع بنتي لغرض معين , وحابين أنك تمرين علينا اليوم ..
أم عبد الاله با أهتمام: عسى خير إن شاء الله ..
راحت نورة لبيت أخوها فواز ..
وهم ينتظرون الساعة 9 , بفارغ الصبر , منتظرين أم عبد الاله ..
ولأن أم عبد الاله تهتم كثير بالوقت وملتزمة بموعدها ..
توجهت لعند جارتها أم فواز ..
أستقبلوها بحرارة ..
أم عبد الاله با أهتمام: وش هالشيء أللي طالبيني عشانه ..؟
أم فواز: أحنا منحب نلف وندور يا أم عبد الاله , وبنتي
نورة حاطه عينها على لين من أول مشتغلت عندك ,
ولما عرفنا أنها مطلقة وأسلوب وأدب حبينا نعرف عنها أكثر عن طريقك أنتي ..
أم رعد: أمي تقصد أن كانك تعرفينها , أو تعرفين أهلها ,
على أن كل بين فترة وفترة اسال عنها وأنا أسمتع با اخر التحديثات ..
أم عبد الاله أبتسمت: أصلا هي تصير بنت أختي ..
أم رعد وأم فواز بصدمة: كيف .. !!
أم فواز بذهول: كيف تقولين لنورة أنك ما تعرفين كانها متزوجة أو لا ..؟
أم عبد الاله:قلت أمكن متحب أحد يعرف عن خصوصياتها وكذا ,
أو خفت بمعنى أصح أن أحد يجرحها , ولما أشتغلت عندي صرت أكلمها وأشوف روحها الطيبه ,
ومن كم يوم عرفت عن سبب طلاقها الرئيسي من أختي وصايف , الله لا يوفقه هو وأهله يارب ..
أم رعد با أهتمام: ليه تطلقت ..؟؟
أم عبد الاله بحزن: لما تزوجته , جلست تخدم فيه وفي أهله , ورافعتهم حيل ما قد تكلمت عنهم ,
حتى أختي وصايف تقول لي أن أي أحد يغلط على أمه هي أللي تزعل ,
لأنها ما كانت تعرف أمه عدل , وهي تحش فيها من وراها ! ولين ما تدري , عرفت من الناس ,
هي ما صدقت بالأول بس صدقتهم غصب , لأن الأمور
أللي قالوها الناس كانت تسويها قدام أم طليقها , فكيف طلع لفلانه ولا علانه !!
حلفت أنه مامد لها ولا ريال اللهم بداية زواجها 200 ريال ,
ومن بعدها ما شافت ريال , مقصر عليها هو ,
بس بالأكل ولوزام الشقه للامانه يجيب بس عليها هي مقصر , ومن تطلقت خذت سنة أظن ..
أم فواز بحزن: حسبي الله ونعم الوكيل بس ..
أم عبد الاله: الطيب ماله حظ يا أم فواز , وهي عقيم ما تجيب عيال ..
أم فواز وأم رعد ناظروا بعض بفرحه: من جدك .. !!
أم عبد الاله أستغربت من فرحتهم: أي والله ,
وهو حاول يردها من بعد مشردت عند أهلها , وهي رفضته مو لأنها عقيم ,
وماحس بقيمتها إلا لما راحت لبيت أبوها , محد يطبخ له ويغسل ملابسه ويدلعه إلا هي , هالمسكينة ..
أم فواز: يعلم الله يا أم عبد الاله أنا ما نشدتك عن لين إلا وأني حابتها وأبيها لفواز ولدي ..
أم عبدالاله بفرحه: أبركها من ساعة , والله أن لين تستاهل فواز , وفواز يستحقها ..
أم رعد: طالمة أن أختك هي أم لين ياليت لو تأخذين منها موعد بكره على العصرية ..
أم عبدالاله: حلو أجل , بس بقول لكم , ترى أبو لين متزوج حرمتين وحدة منهم أم هدى والثانية أم بكر , وهم ربع ما شاء الله وساكنين مع بعض ..
أم رعد بذهول: ماشاء الله , وعادي عندهم ..؟
أم عبد الاله: أي با الله عادي , أنتي لجلستي معهم بتقولين ذول خوات ,
اللهم صلى وسلم عليه , قلبوهم على بعض وأم هدى بنتها لين , وأختي هي تصير مرت أبوها , بس تسميها خالتي ..
أم فواز: اها , ما شاء الله ..
أم رعد باندفاع: ومن جلستك مع لين , وش نوع شخصيتها ..؟ يعني عصبيه , حنونه , هادية ..
أم عبد الاله: من حديثي معها , ومعرفتي فيها بهالأسابيع أللي طافو , باين أنها هادية وناعمة ,
وتهتم حيل بشكلها سوا بالبيت أو برا , ووقت الضيق والزحمة بالشغل وكثر الزبونات ,
هي تكون مبتسمه ومروقه وتسوي شغلها بهدوء , عكس البقيه المرتبك وكذا ..
أم رعد بفرحه: صدقيني يا يمه هي البنت المناسبة لفواز ..
أم عبد الاله باندفاع: ليكون لخذت فواز مهوب مخليها تداوم عندي .. !
أم رعد: إلا بيخليها أمكن لسبب واحد , لأن هو دوامه شفتات , من 6 إلى 6 ..
ومرات أبكر شوي , ويداوم 3 أو 4 أيام بالأسبوع أظن ,
يعني بتداوم عندك من تسع إلى 6 با أيام شغله , والأيام الثانية أمكن تداوم وأمكن لا .. !!
أم عبد الاله: أهم شيء عندي أنها تداوم ولا تقطع , لأني مريد أخسرها با أي شكل من الأشكال ..
أم فواز: تجهزون الدواء قبل فلعه , نشوف با الأول توافق ولا لا .. ! وبعدين تكلموا عن هالأمور ..
يتبع |تعليق
-
رد: رواية بجنون أحبك / الكاتبة ساندرا
أم فواز: تجهزون الدواء قبل فلعه , نشوف با الأول توافق ولا لا .. ! وبعدين تكلموا عن هالأمور ..
أم رعد: طيب , حددي موعد أجل مع أم لين ..
أم عبد الاله: أبشري ..
.
.
.
بيوم التالي , على الساعة 4:12 بالعصر ..
جهزو القهوة والشاي والحلا ..
أم هدى تشوف ساعتها ..
أم بكر بحماس: يارب خير ..
أم هدى: كلام أختك لي أمس باين أنهم جاين لحاجة ..
أم بكر با أبيتسامه: يارب عشان لين ..
إلا برنه الجرس ..
قامت أم بكر تفتح وجلستهم بالصالة ..
أم هدى تباشرهم:هلا والله با أم فواز , ونورة ..
أم رعد: هلابش يا عمري ..
أم فواز: ليه مكلفين على حالكن , قهوة وشاي يكفي ..
كان به صحون مكسرات وبقلاوة وحب وعصائر ..
أم هدى: ولاهو بالمقام يا أم فواز ..
أم فواز با أبتسامه: الله يعطيك العافية ..
جلسوا يتكلمون ويتبادلون اطراف الحديث ..
ودخلت أم فواز بالجد: أحنا جاين عشان بنتك لين , أريدها لولدي فواز ..
أم هدى:شفتوا البنت ولا لسى ..؟
أم فواز:أي شفتها أمس ودخلت قلبي على طول , ما شاء الله عليها ادب وخلق وثقل وماشفت بنت مناسبة لولدي فواز قد بنتك لين ..
أم هدى با أبتسامه: والله هاذي الساعة المباركة , ونتشرف أن نناسبكم ..
أم بكر: الرجال كم عمره , ووش يشتغل , وهل هو عزابي ولا متزوج ..؟
أم فواز: عمره 36 سنه , يشتغل با ارامكو رئيس قسم , مطلق وعنده عيال 6 ..
أم هدى: ماشاء الله , الله يحفظهم له يارب ..
أم فواز: اللهم امين ..
أم بكر: كم اعمار عياله ..؟
أم فواز: عمر وريفان توم وعمرهم 21 سنه , يزيد ورائد توم بعد وعمرهم 18 سنه , وعد وبيسان 15 سنه وهم توم بعد ..
أم هدى بذهول: ماشاء الله أجل كلهم كبار ..
أم فواز:أي ولله الحمد , وأن كتب نصيب بينهم هي بتسكن فوق وأحنا تحت ..
أم بكر: بيت فواز ملك .. ؟؟
أم فواز: أي نعم ملك , من مات أبوه الله يرحمه , سواه شقق وأجرهم , وبناء بيت له كبير أنا مع عياله ساكنين فيه ..
أم هدى , وأم بكر , نورة: الله يرحمه ..
أم بكر: بنسبة لزوجته سابقا , هي تقرب له ولا , ومن متى مطلق ..؟
أم فواز:لا ما تقرب لنا أبد , ومن طلقها مخذ شهرين أظن ..
أم رعد: وأخذو وقتكم , وأسالوا الرجال من كل الجوانب ..
أم هدى: نتشرف والله فيكم , ويارب يجمعهم سوا أن كان خير لهم ..
أم رعد وأم فواز: اللهم أمين يارب ..
صعدوا السيارة , وداهم رعد ..
وهم صم , بكم , وولا كلمة على أساس محد يعرف أنهم رايحين لخطبة فواز إلا با اوانه .. !!
على الساعة 10:30 رجعت , لأن عندهم 7 عرايس اليوم وتصوير وغيرهم من القص والتشقير والصبغ ..
أشلحت ملابسها , ولبست بجامة بنصف كم بلوزة سادة , وسروالها كاروهات فضفاضة , وشعرها رافعته بتوكه لفوق ..
مسحت مكياجها , وتعطرت ب [ماي تواليت ~
معلومة : العطر أللي يجيك بماء تواليت , يعني مهوب عطر مركز , ويجيك خفيف , ممزوج بمويا يعني ..
وجلست جنبها أمها ..
أم بكر: رجعتي متأخر ..
يتبع |تعليق
-
رد: رواية بجنون أحبك / الكاتبة ساندرا
أم بكر: رجعتي متأخر ..
لين: أي كان اليوم شاق , عرائس 7 وتصوير , ولا زم يكون الأستوديو نظيف , وأنا وجيني قمنا بالمهمة , ولله الحمد ..
أم هدى: الله يوفقك يارب ..
دخل بكر وناظرها: أبوي يبيك تعالي على المجلس لحالك .. !
لين بربكه: وي ليكون عشان أني جيت متأخر ..
دخلت المجلس , ولما طاحت عينها بعيون أبوها ..
أقتربت منه وباست راسه: مساء الخير يا أبو بكر ..
أبو بكر با أبتسامه: هلا والله ببنتي الحلوة , أخبارك يا بوك ..؟
لين: الحمدلله طيبه يا الغالي , أنت بشرني عنك , وكيف صحتك اليوم ..؟
أبو بكر بنفس أبتسامته: الحمدلله يا بنتي , اليوم عاد صحتي فوق العال ..
لين بفرحه: الحمدلله , عسى تدوم صحتك يا نظر عيني , بس وش السبب ..؟
أبو بكر بجديه: أنا طالبك يا بنتي اليوم , عشان أبيك بموضوع خاص فيك شوي ..
لين با أهتمام: تفضل يبه ..
أبو بكر ناظرها: جاك رجال زين , إلا فوق الزين يا بنتي ..
لين: يبه أنا ......
ابو بكر قاطعها: عارف بتقولين مالك نيه بالزواج , وبدري عليه ..
لين هزت راسها بالإيجاب ..
أبو بكر كمل: بس يا بنتي , البنت مو كل مرة بيجيها رجال زين , أنا من عرفت أسمه ومن يكون أنصدمت ,
مو لأنه غني , ولا عشان عنده فلوس .. !!
لأن أحنا بعد ماشاء الله , وربك مهوب قاطعنا ولله الحمد ..
بس أنا اتكلم أن المادة ما شاء الله عليه , فوق الممتاز , وبعون الله مهوب بمقصر عليك لخذك ..
لأنه رجل ملتزم ودين وخير ..
لين بحزن: يا يبه , حتى ياسر عنده مادة ممتازة وولا شفت منه ريال .. !
أبو بكر: يا بنتي , مو كل أصابعك متساوية , شوفيني أنا عندي حرمتين زي الجوهرتين ولاني مقصر معهن , زي منتي شايفه ..
لين:.......
أبو بكر كمل وبحنان: أنا مجبرك يا بنتي , لو أنتي رافضة قولي لي وأنا بعطيهم رد ومن أحين بعد ..
لين نزلت راسها لتحت : أنا هنا مرتاحة يا يبه , ولا علي قصيرة وأشتغل بعد , وأنا مجيب عيال عشان أفكر أني أتزوج بسرعة .. !!
أبو بكر: أحنا مهوب دايمين لك يا لين , وهالرجال أنا عارفه والله قبل منشد عنه ..
بكر فتح الباب: طلبتني يبه ..؟
أبو بكر: الله جابك , تعال يا بكر ..
بكر جلس جنبه: أمر يبه ..
أبو بكر: أنت تعرف أللي خاطب أختك , فواز ال ...... !
بكر باندفاع: أي أكيد عارفه , أنا قبل كنت أروح مع صاحبي الأستراحة حقتهم , من فترة هالكلام ,
ماشاء الله عليه حنجرة وأسلوب وكلام وتواضع , علامك يا يبه ..؟ فواز غني عن التعريف ..
أبو بكر ناظر ببنته: تبين كلام عنه زود .. ؟؟
بكر: ليه لين رافضة ..؟
لين قامت: أعذروني , بروح أريح , وبعد الأستخارة بيكون ردي عليه ..
وطلعت من المجلس ..
أبو بكر تنهد:روح يا بكر وراها وحاول أنك تكلمها وتقنعها بفواز , مثل هالرجال ما يتعوض وأنا أبوك .
بكر قام: أبشر ..
شافها بتصعد الدرج , وباندفاع: لين لحظة ..
لين التفت له: أمر ..
بكر: ما عندك شيء أنتي أحين ..؟
لين با أستغراب: لا ..
بكر: لبسي عباتك أجل .. !
لين: لوين ..؟
وبالسيارة .. !!
التفت له:ما قلت وين بنروح بكر ..؟
بكر وقف السيارة على جنب البحر: كيفك..؟؟
لين بنبره هادئه وبستغراب بنفس الوقت: الحمدلله ..
بكر: أكيد مستغربة أني أول مرة أخذك لهنا بهالوقت , بس أنا قلت أطلعك برا عشان أعرف أتكلم معك براحة ..
يتبع |تعليق
-
رد: رواية بجنون أحبك / الكاتبة ساندرا
بكر: أكيد مستغربة أني أول مرة أخذك لهنا بهالوقت , بس أنا قلت أطلعك برا عشان أعرف أتكلم معك براحة ..
لين:لو كان تبغى تكلمني عن هالفواز , سد هالموضوع رجاءا ..
بكر: كيف بتستخرين وأنتي رافضته من أصل .. ؟
لين:.......
بكر: أنا غلطت بحقك كثير , لأني ما وقفت بوجه أبوي وأمي وأمك لما غصبوك على ياسر ,
ما كان عندي كلمة ولا قدرت أمنع هالزواج , بس ربك كتب هالشيء وخلاص ,
وأنا مقدرت أسكت وأنا أشوفك ترفضين رجال محترم وخلوق ومصلي , ولو قارنتي بينه وبين ياسر , تهبط المقارنة ..
لين:........
بكر كمل: يا سر ما يصلي , وفواز مصلي , وكل يوم جمعه أشوفه مع عياله ونعم التربية بس , خلوقين على أبوهم ..
لين بستغراب: هو عنده عيال .. ؟
بكر: يعني أنتي ما تعرفين عنه شيء ..؟
لين هزت راسها ب لا ..
بكر: هو مطلق , وعنده 6 عيال , وعيال كبار ما شاء الله , ما هوب صغار , اكبرهم عمره 21 وأصغر عيال 15 سنه ..
لين بحزن: بتزوجني شايب يا بكر .. !!
بكر با أبتسامه: لا , عمره 36 سنه ..
لين بذهول: أجل كم متزوج هو .. ؟ أكيد أنه بدوي صح .؟
بكر: فعلا هو بدوي , ملامحة وجماله وصوته بدوي خليص .. جميل هو ترى يا لين ,
وأنا ما أبغى أبعد عن مضمون الرجال يا أختي , وهو ما يدخن , وياسر يدخن وبشراة بعد , تقدرين تقولين انه فنان بالتدخين ..
وفواز أنيق وخلوق ومحترم , وياسر عكسه بجميع الأمور ..
لين تنهدت بحزن: لا تذكرني وأنا أحاول انسى الماضي ..
بكر: أنا مذكرك يا لين , بس أريد أفهمك أنك بتأخذين رجال ..
وبعد صمت دام دقيقتين ..
بكر: لك يومين تفكرين به يا أختي , ومهما وش كان قرارك محنا بجابرينك عليه ..
وحرك السيارة , والصمت كان سيد الموقف , وسرعان ما وصلوا ..
صعدت لغرفتها وهي تحاول تكتم دموعها بالسيارة , ولما دخلت غرفتها أطلق العنان لهم ..
وهي تشهق من شدة الحزن , وتفتكر حياتها مع ياسر وأهله , أللي حتى اليهود ما يسون سواتهم .. !!
أستغفرت ربها ولا أستسلمت لحزنها ..
وهي تكر الحمدلله , خيره بعون الله ..
قامت توضت وفرشت سجادتها , وصلت ركعتين وبعد ركعتين تستخير فيها ..
وحست بشعور غريب , براحة عجيبة ورضى عن نفسها .. !!
مقدرت تعرف وش سبب راحتها , وعادت الصلاة ونفس الراحة والانشراح رجعت لها ..
دعت ربها أن يكون خيره لها , ويعوضها عن ياسر وأهله ..
بعد كم يوم من السالفة ~
شرقت بقهوته ..
أم فواز بخوف مدت له الماي: بسم الله عليك , شوي شوي يا يمه ..
فواز بعد مشرب الماي ناظرها: وش هالهرج يا الغالية ..؟
أم رعد بحماس: مقلت لك يا يمه أنه بينكر , وأحين مهوب راضي على البنت .. !
فواز: أنا منيب بمعارض على البنت , بس وش هالجرئة تخطبونها من دون شوري , تراه زواج مهوب لعبة يا جماعة ..
أم فواز: سواء كذا ولا كذا أنت بتوافق , وشروطك ونفذناها ..
فواز: ومن متى هالكلام ..؟
أم رعد: من كم يوم , ولا كنت بقول لك على بال ما أسمع راي البنت ..
فواز: بس يا خيه ..
أم رعد قاطعته: البنت موافقة مبروك يا خوي ..
فواز بصدمة : هاه ..
أم فواز بفرحه: أي يا يمه , هالبنت أول من تشوفها بتدخل بقلبك ..
فواز من الصدمة معرف وش يقول ..
أم رعد: لزوم تكون قد الكلمة , وصعب نبلغها أنك رافض , يا زعم أنك دوبك تعرف .. ومهيب حلوة في حقكك وحقنا .. !!
فواز: أنا أسف يا نورة , بس أنا قلتها كذا , مدريت أنك بتسوين هالحركة ..
يتبع |تعليق
-
رد: رواية بجنون أحبك / الكاتبة ساندرا
فواز: أنا أسف يا نورة , بس أنا قلتها كذا , مدريت أنك بتسوين هالحركة ..
أم رعد: هي حركة جريئة صح يا خوي , بس أنا ما سويت هالشيء إلا وأنا واثقه أن البنت بتسعدك ..
فواز:أنا ما بعد أخذ وقت من تجربتي الفاشلة يا نورة , ولا لي نيه جد بالزواج , بزوج عيالي وبس ..
أم رعد بعناد: وأنا بزوج أبوهم وغصبن عنه بعد ..
فواز: يا أختي الزواج مهوب غصب ..
أم فواز: يا يمه لو متريد البنت , خلاص براحتك ..
أم رعد ناظرت أمها وبقهر: بغيتك عون طلعتي فرعون ..
أم فواز: لأني زوجته وهو صغير , وتعبته طول هالسنين انه يأخذ وحدة أكبر منه عمر , وأصغر منه بالفكر ..
وعشان أنها من عائلة ولود , ويخلفون عيال كثير ..
أنا زوجته لهنا وبس ..
أم رعد بنفاذ صبر وبخذلان: ادور لك وأتعب عمري , وحالتي حالة وبالأخير تقولين نفسه كلامه .. !!
على العموم براحتك , انت وأمك , واللي بغيته سوه عشان بعدين متقول أن أختي حدتني على الزواج .. فمان الله ..
عدلت عباتها وطلعت برا , لأن ولدها كان جالس مع يزيد ورائد ..
فواز ناظر أمه:كنت قاسي معها صح يمه ..؟
أم فواز تنهدت: سوا كان قاسي أو لا , لا أنا ولا أختك نريد نجبرك , زي ما جبرتك أنا على منال قبل .. والله يوفقك يارب ..
فواز نزل راسه لتحت ..
أم فواز بحزن: أنت حتى مستخرت ولا شاورت ربك , وعلى طول رفضت .. !!
يا جعلك الصلاح هذا أللي أقول ..
ودفعت كرسيها وجات بتروح سحبها فواز وقربها صوبه : أنتي و نورة كل ما عندي يا يمه , ولا أريد أزعلكم با أي حاجة ,
وأنا بستخير وأن كان خير بروح أطلب البنت من أبوها بشكل رسمي , وأن كان العكس أسمحي لي ..
أم فواز با ندفاع: وهذا أللي أريده يا ولدي , أنت أستخير مرة مرتين , جعل عشر بس بكره لزوم تعطينا رايك ..
فواز باس راسها: أبشري بالخير , وكلمي نورة ترى زعلها مرضاه ..
أم فواز بفرحة:الله يجبر بخاطرك يا ولدي , أنا بكلمها ..
فواز باس يدها: تسلمين يا الغالية , يلا أنا بروح أنام ..
أم فواز: نومه العافية يا يمه ..
دخل غرفته وقفلها ..
لبس بجامته , وقط نفسه بالسرير وهو تعبان فكريا , ميريد يتزوج هو مهوب رافض البنت لأنه ما يعرفها , وأنما رافض مبدأ الزواج من أصل ..
منال عقدته , ولا حب يخوض تجربة كا شفقة , أو عشان أمه أو أخته .. !!
لأن الزواج مسؤؤلية مهوب لعبة ..
تنهد بتعب وهم ولا هو عارف وش الزين له ..
قام توضى وفرش سجادته ..
وبعد صلاته , سجد لربه بكل ذل وخسوع وخضوع ..
وهو يشكي حاله لربه , وبعد محس أنه طلع أللي بقلبه كله , قام صلى صلاة الأستخارة ..
مرة مرتين وثلاث وأربع ..
وبعدها انسدح بالسرير وسلم ووكل امره للحي القيوم ..
.
.
.
وهي منسدحة تناظر بسقف غرفتها ..
تدور عليها حياتها الجديدة ..
هل بيكون مثل ياسر بالتعامل .. ؟
هل بيطنشني ..؟
هل بيكذبني ..؟
هل بيخوني ..؟
وهل, وهل وهل ..
أسئلة كثيرة تدور ببالها عن فواز , اللي من كلام أخوها وأبوها أنه كنز .. !!
وهل هو فعلا كنز .. ؟ غمضت عينها بهدوء ونزلت دمعه حرقت قلبها على حضها , بكت وبكت لما حست براحة , وقالت الحمدلله على كل حال ..
الحمدلله يارب على ما تعطي كثير , يارب أن يكون فواز كا فارس أحلامي , وكما رسمته أنا وافضل ..
انتهى البارت |تعليق
-
رد: رواية بجنون أحبك / الكاتبة ساندرا
** قال ادعوني أستجب لكم , ولين ترغب برجل مثالي " كما أي فتاة ترغب بذلك "
لا أنتم ولا أنا نعلم إن كان فواز من نصيبها , أو أن كان زوجا خير لها والعكس أيضا صحيح ..
وربك يجمع " الطيبين لطيبات " ..
قد أتضح لنا , ليس المرأة هي وحدها من تعاني كونها مطلقة أو أرملة ! فهل سيتخطأ فواز هذه المرحلة مبكرا ؟؟
أعتذر لقصر الباب , على أنه يشكل " حلقة وصل مهمة " بين أبطالنا , ولقصر وقتي له دور ..! ف لم أخلي فكري للكتابة , بسبب ظروفي ..
ولله الحمد انني أنزلت البارت رغم أنه قصير , ولا يتحدث إلأا عن شخصيات معينة , أنتظروني بالبارت القادم بيوم الأحد ..
بارك الله بكم أحبتي |تعليق
تويت
تعليق