تويت
رد: رواية بجنون أحبك / الكاتبة ساندرا
مشكووره يا قمممر
مشكووره يا قمممر
-
-
رد: رواية بجنون أحبك / الكاتبة ساندرا
السلام عليكم .... كيفكم ؟؟؟
كل عام و انتوا بخير بعد الزحمه و ان شاء الله تكونوا من عواده .......... طرحك للرواية جميل و ان شاء الله القصه اجمل تحمسسست كثييييير للقصه.... بس في شئ ما تكلمتي عن الشخصيات اتمنى تتكلمي عنهم شوي عشان نستوعب ..
و حبيت اكتب توقعاتي للبارت الحلو
وش بيقول فواز " ابو عمر " لعياله ..؟؟
اتوقع بيحاول يرجعها بدون ما يعطيها فلوس اذا رضت كان بها اذا ما رضت مارح يرجعها
أم رعد بتجد له فتاة أحلام فواز , ورده فعل العيال لو حصل هالشيء ..؟؟ وهل بتسمح منال ..؟
يمكن و اتوقع انها بتكون لين .. و عياله يمكن ينصدمون و اكيد منال مارح ترضى ابدا
ميثاء وأساليبها مع هاني , بالأتكال عليه بجميع الأمور , هل له عواقبه مستقبلا ؟؟
اكييييييييييييييييييييييييييدتعليق
-
رد: رواية بجنون أحبك / الكاتبة ساندرا
غاليتي " مزيونة وكيوت "
عجبني ما قد سردته توا " مقدمتك " ف بارك الله بك ~
ف كما قلت بداية الرواية أنني أكتب عن واقع قد خضته أم وقائع مجتمعي !
فا أقصص كل شخصية على ماتلامسنا بحياتنا , الله يسعدك يارب ,
نعم لقد فهمت ماعنيتي صغيرتي :)
اتمنى أن تصيب توقعاتك حبيبتي , منورة أنار الله دربك باللإيمان والطاعة ( أحلى لايك لاجل عنونك )تعليق
-
رد: رواية بجنون أحبك / الكاتبة ساندرا
وعليكم السلام والرحمة ~
وأنتي بخير وصحة يا المزيونة ..
لم أنسى عزيزتي أنما أحببت أن أغير هذا السرد الممل , الي كاد أن يكثر بجميع الطروح ..
وسا أتم بالبارتات الجايه , سا أصف شكل كل شخصية بعون الله ~
الله يرضى عليك , كم سعدت بردك حبيبتي , وأتوق لردك بالبارت الجاي ..
منورة أنار الله دربك |تعليق
-
رد: رواية بجنون أحبك / الكاتبة ساندرا
رواية بجنون أحبك / الكاتبة ساندرا
.. البارت الرابع ..
فواز: ريفان يا بنتي , قومي أجتمعي با أخوانك يجون هنا ..
ريفان قامت: إن شاء الله ..
وطلعت , عمر التفت له: وش بتسوي يا يبه ..؟
فواز: يجون أخوانك , وبتعرف وش بسوي يا ولدي ..!!
بالمكتبة ..
أجتمع فواز بعيال عمر , ريفان , يزيد , رائد , وعد , بيسان ~
وأمه موجودة معهن ..
فواز عدل جلسته:محدن منكم صغير , أكبركم عمره 21 سنه , وأصغركم 15 سنه , ماشاء الله , ومثل هالقرارات ما قدر أتخذها من دون علمكم ..
الكل:........
فواز كمل: أنتو شايفين حالتي مع أمكم , وكلما هي تدهور وبين فترة والثانية تزعل وتشرد لعند أهلها
وتترك لي رسالة أنها رايحة بيت اهلها و و و .. يعني أخر من يعلم أنا , وكل زعله تكتب صك من الشروط , ساعة قيمتها 7 ألاف ,
سفره بالخارج , اسلم لها مبلغ أللي يتجاوز فوق 14 ألف , وهالمرة طالبة 20 ألف , على أساس أرجعها , كا نوع من المراضاه .. !!
وأنا ما فكرت بالفلوس الصراحة , بس لأني عارف طبيعة أمكم أيش هي , وقررت أني أنفصل عنها وبدون رجعه ..
الكل ناظر بالثاني بصدمة ..
أم فواز بذهول : فواز وش تقول أنت ..
فواز قاطعه أمه: يا الغالية , أنا مو طالب مشوره أحد في هالموضوع , أنا بس حبيت أعطيكم خبر على أساس محد يحاسبني منكم ,
أنا خلاص تعبت بجد , ولا عدت أستحمل تصرفات بزوره .. والأختبارات بالأبواب , وأتمنى محد منكم ينزل مستواه بسبب المشاكل أللي راح تحصل .. !
رائد:قبل ما تنفصلون يبه , وش رايك تتكلم معها أمكن تتعظ .. !!
يزيد ووعد وبيسان بتأيد: أي يبه , كلمها وشوف ..
فواز: أنا بوأفق مو لشيء , بس عشان بيوم من الأيام محد يقول أن الغلط من أبوي , لأن معطى أمي أي فرصة .. !!
الكل هز راسه بالإيجاب ..
وطلعوا من الغرفة إلا بصوته:رائد , يزيد تعالوا أبغيكم شوي ..
ووقفو , جلسهم قباله وبا أبتسامه: زعلانين ..؟
رائد: وليه نزعل يا يبه ..!
فواز: أجل ليه عيونكم بها كلام .. ! وأنا حاس من فترة بس توقعت أني بسمعه منكم قبل مطلبه , بس صار العكس .. !
رائد نزل عينه: مابه حاجة يبه , بس تدري ضغوط الدراسة ..
فواز قام من كرسيه المكتبي , أقترب منهم ومسك كتفهم: أنا واثق فيكم , والله يوفقكم يارب ..
رائد ويزيد مقدرو يحطون عيونهم بعيون أبوهم , وسرعان ماطلعوا .. !!
خذ نفس عميق , وسحب جواله من الطاولة ..
ترك رسالة لمنال العالم .. كاتب فيها ~
السلام عليكم , أخبارك منولتي ..؟
أتمنى مكون أزعجتك , يا زوجتي العزيزة .. بس حبيت أعطيك خبر أن بكره بجيك بعد صلاة العصر بعون الله , وفمان الله ~
وتم تسليم الرسالة لمنال ..
أطفى الأنوار , وتوجه لغرفته ..
شافها نظيفة , نانسي ما قصرت با الترتيب , انسدح بالسرير ..
شلح نظارته الطبية , وحطها جنب الكوميدينا ..
صار يفكر بحياته , بعكس أفعال منال .. !
تصحى الصباح قبله , وبكامل أناقتها وجمالها تصحيه بهمساتها الناعمة , يقوم يأخذ دوش وينزل يشوف فطوره مجهز ومقدم من يدها ..
تجلس تأكله وهي مبتسمه , وتدعي له وتودعه قبل ميروح لدوام ..
غمض عينه بهدوء , وهو يحس أن الحلم صار منه قريب .. !!
لسبب يجهله .. !!
أبتسم كما لو كان تحقق بالفعل ..
فواز ومازال عينه مغمضه : يارب أنك تحقق الحلم عاجل غير أجل يارب ..
ودخل جو اخر بخياله , لما غفى بلا شعور ..
.
.
.
ومن جهة أخرى ..
بعد الدوش أللي خذته لنصف جسمها , وهي تشوف الساعة 10 ليلا ..
عكفت شعرها البني الشاحب , وحطته على كتفها الأيمن ..
وقفت جنب المرايا وهي تشوف ملامحها , وتقاسيم جسمها ..
قد ايش ضعفت بعد طلاقها , وسوء نفسيتها ..
رغم أنكسارها وحزنها بداخلها , أبتسمت بعزم: بنساك وبنسى أللي خلفوك , أنا قدها يا ياسر وبرجع أهتم بنفسي من أول وجديد ..
وبعد كلماتها أللي تزيد شجاعة وقوى بذاتها , رمت نفسها بالسرير وهي متحمسه ليوم السبت , لبداية أول يوم عمل ..
غمضت عينها بشويش ..
سارحه لعالمها الخيالي .. راسمه به بطلها فارس أحلامها ~
وتجلس تحكي له عن مدى حماسها وهو يستمع لها بلهفه , وشوق كما لو كان هو أللي تلقا عمل جديد , يغير نمط حياته ..
يتبع ~تعليق
-
رد: رواية بجنون أحبك / الكاتبة ساندرا
غمضت عينها بشويش ..
سارحه لعالمها الخيالي .. راسمه به بطلها فارس أحلامها ~
وتجلس تحكي له عن مدى حماسها وهو يستمع لها بلهفه , وشوق كما لو كان هو أللي تلقا عمل جديد , يغير نمط حياته ..
.
.
.
بيوم الجمعه ثالث عيد للمسلمين ~
يروح أبو عمر وأبناءه للأستماع للخطبة والصلاة , وقراءة سورة الكهف بالمسجد ..
وبهذا الوقت ..
البنات بالصالة مع الجدة أم فواز ..
يقرون سورة الكهف ..
وهكذا هي عائلة أبو عمر بكل يوم الجمعة ..
وبعد الصلاة , يرجع أبو عمر وابناءه يتناولون الغداء مباشرة ..
ويجلسون يتسامرون , وأبو عمر يقص عليهم قصص الأنبياء والصحابة رضى الله عنهم ..
.
.
ببيت أبو بكر ..
على الساعة 1 ظهرا ..
الغداء جاهز ..
بسفره يجتمع بها حرمتيه باسمه , وصايف , وعياله ..
هدى , لين , بكر , مشاري ..
أبو بكر: أجل بتشتغلين يا لين ..؟
لين: أي يا الغالي , أهم شيء أنك موافق ورا ضي عني , وهالشيء يكفي عندي ..
أبو بكر: الله يرضى عليك يا بنتي ..
بكر: من أللي بيوديك ويجيبك ..؟
لين التفت له: أم عبد الاله أخت خالتي وصايف ..
أبو بكر , بكر: زين أجل ..
أم بكر ناظرت هدى: أكلي عدل يا هدى , علامه وجهك أصفر كذا .. !
هدى: أحس بتعب وألم ببطني ..
أم بكر ناظرت أم هدى بفرحه , كنها تبشرها أن بنتها حامل .. !
وبعد الغداء الطيب , وبالجلسه النسوانيه =) ~
أم هدى: أقول يا هدى , أجل يجيك الام البطن دائم هالأيام ذي ولا ..؟
هدى: أي يمه , مدري أيشبني , وغثيان بالصباح ..
أم هدى بفرحه: أجل مبروك يا يمه , أنتي حامل ..
هدى يا أبتسامه: صدق يمه , يعني أنا حامل !!
أم بكر بنفس فرحه أم هدى:أي يا هدى , مبروك حبيبتي ..
إلا بدخله لين , وبيدها صحن القهوة والحلا فيه وبا أبتسامه وهي تشوفهم فرحانين , وكل وحدة تضم الثانية : وش السالفة ؟ فرحوني معكن .. !!
أم هدى ألتفت لها: أختك هدى حامل يا يمه ..
لين بفرحه غامرة: مبروك يا أختي , اليوم حللتي يعني ..؟
هدى: لا , أنا ما حللت بس تجيني أعراض حمل ..
لين: أها , على بالي أنك حللتي , تجي أعراض الحمل بس ما يندرا وش مصداقيتها ..
هدى با أهتمام: وش قصدك يا لين ..؟
لين مدت لها فنجان القهوة: أعني أمكن تكون اعراض حمل كاذبة , وإن شاء الله تكون مهيب كاذبة , وتحملين عشان أصير خاله بعد ..
هدى تغير معالم وجها: لا تتشائمين تفائلي بالخير ..
لين: أنا مو أتشائم يا خيه , بس حبيت أنك تكونين على بينه , عشان متفرحين حيل وتنصدمين بعدين .. !
هدى بقهر: لا أنا حامل إن شاء الله , بس أنتي بعدي عن الموضوع ومن تشائمك ..
لين أستغربت من رده فعل أختها : يا هدى أنا مو قصدي شينه ..
هدى بحده قاطعتها: أنا عارفه قصدك زين , أنتي خايفه أني أنا أحمل لأنك أنتي عقيم ..
لين أنصدمت من كلام أختها , وشالت حالها من المكان ..
أم بكر قامت ورى لين ..
أم هدى ناظرت , هدى بلوم : وليه هالكلام يا هدى ..؟
هدى بقهر: أنتي تراعينها لأنها مطلقة وعقيم , وأنا دائم الشينه بنظرك ..
أم هدى بحزن: يا بنتي هي ما غلطت بس كلامك لها مابه لزمه ..
هدى مسكت شنطتها: وليه ما تقولين أن هي كلامها أللي مابه لزمه , على العموم لأني عارفه
أنك بتكونين معها منيب متكلمة , بس سمحي لي أنا بروح زوجي سعد ينتظرني , فمان الله ..
بالغرفة ..
أم بكر فتحت الباب , وشافتها تبكي على السرير ..
كسرت خاطرها وجلست جنبها: يا لين كل ليه هالدموع يا بنتي ..؟
لين تمسح دموعها بعد محست بجيتها: هذا وهي أختي ,
ومن أمي وأبوي وتقول هالكلام ..!! وش خلت لكلام الناس .. ؟
أم بكر مسحت على شعرها بحنيه: معليه يا بنتي , أمكن من الحمل خلتها شوي حساسة ,
ولا تنسين أن زوجها مهوب بمقصر يضخ بعقلها بكلام ماله داعي عن أهلها .. !
لين ألتفت لها: هي أللي تسمح له يا خاله , ومظن هو له كلام , هي بس أللي تتكلم عنا , وتكرهني منيب عارفه ليه ..؟
أم بكر: لا تنسين أنك تزوجتي قبلها يا لين .. وهالشيء حزنها مرة لأنها الكبيرة
وأنتي الصغيرة , يعني المسألة مسأله عاطفة بس .. !
لين هزت راسها با الإيجاب ..
يتبع ~تعليق
-
رد: رواية بجنون أحبك / الكاتبة ساندرا
لين هزت راسها با الإيجاب ..
أم بكر: وأنتي الله بيرزقك بالرجال الصالح أللي يقدرك , ويعوضك عن كل شيء حرمه منك طليقك , وراح تشوفين ..
لين : الله كريم ..
.
.
.
بعد صلاة المغرب , ببيت أبو ناصر ..
ناصر , وأبوه وامه جنب منال .. !
فواز: ممكن أتكلم معك با أنفراد يا منال ..؟
منال ناظرت أخوها با أبتسامه , على أساس بتاخذ العشرين ألف ..
أشرت لهم أنهم يطلعون .. !
فواز صار يناظرهم لما أختفو من نظره ..
منال با أبتسامه: أظنك قبل ما تجي , عارف بشروط الرده .. !
فواز: ومن قال أني بردك ..!
منال بصدمة: وش قلت ..؟؟
فواز: أللي سمعتيه ..
منال: وليه جاي أجل ..؟
فواز: أحنا عندنا عيال , وأنتي منتي بصغيرة عشان تسوين سواتك ..
منال بقهر: أشوف أن يدك طالت علي , ورحت لعند أبوي ..
فواز بستغراب: طألت عليك !! وأنا بس دفعتك عني .. مع العلم أنك أنتي سبب هالشيء ..
منال رفعت حاجبها: وبعدين من قال أني أنا كبيرة , ترى به الالف يتمنوني ..
فواز بسخريه: ليه مرحتي لهم ..؟
منال فركت بيدها بحسره: للاسف هذا حظي المقرود أللي رماك بحظي ..
فواز: الظاهر يا منال أنك تبين النهاية تكون أنفصال .. !
منال وقفت: للاسف الحياة معك بات شبة مستحيلة عندي ..
فواز: وش أللي مقصر فيه بحقك وبحق البيت ..
منال: بكل شيء , عمري من خذتك ما شفت يوم حلو ..
فواز أبتسم با أستخفاف: بالفعل , النساء أكثر حطبت نار جهنم , لأنكم تكفرن العشير ..
منال عطته ظهرها : لا تجلس تتفلسف علي ..
فواز وهو يأشر بصبعه السبابه: تصرفاتك , هل تصرفات وحدة تخاطب زوجها , ونعمه التربية ..
منال عطته نظره كنها تستحقره: رجاءا لا تفرع الموضوع , وقول وش تبي جاي , طالمة أنك جاي مو تنفذ شرطي ..
فواز: قصد أنا أللي بتشرط , أنك أما تتعدلين مثل الخلق , ولا كل واحد بطريق ..
منال بحده: الأختيار الثاني أبرك من بخلك والسجن أللي معيشني فيه ..
فواز جلس , لأنه حس أن بيعصب عليها , فخذ نفس عميق: وش أللي زاعجك بحياتك ..؟
منال: للأسف كل شيء , أي حاجة أسويها أو أقولها ما تعجبك , ولزوم تسوي لي سالفة مالها أول ولا تالي ..
فواز: هاتي مثال ..؟
منال بحزن: من أجيب طاري السفر ترفض على طول يمكن ما تقول لا , بس أساليبك تبين رفضك وأنزعاجك ,
ومصروفين ألفين ما تكفي , تطالبني أني أجلس معك ومع العيال ..
وأنا نفسي منك ومن عيالك طابت , كل حاجة فيهم نسخة مفصله منك ..
أساليبهم وكلامهم وحتى نظراتهم , ومبالغ لو قلت نفس تفكيرك ونمطه ..
فواز: لهدرجة تكرهيني يا منال ..؟
منال ألتفت له وبا أستخفاف: توك تسأل .. !
أنا من زمان أكرهك ولا أطيق , حتى شوفتك تجيب الحزن لي ..
فواز أنصدم من كلامها: أللي يسمعك يقول أني كل يوم ضاربك ضرب الحمير , وحارمك من الأكل
وزيارات أهلك وعزايمك , ووش مسوي لك أنا عشان تكرهيني هالقد ..؟
منال: أللي يسوي سواتك ذي , أنت تحسسه بغمته , وصعب أنه يجلس معك ..
وياليت تراقب تصرفاتك با الأول يا فواز , قبل ما تسأل وتتكلم .. !
فواز قام وهو يعدل شماغه الأحمر ويرفعه , توجه لها: والله أن غيرك يتمنى عيشتك بس هاليوم حظ الشلقه والبلقه ..
طبعا العائلة الكريم , جالسين يتنسطون ورى الباب ..
وانفتح الباب ..
وبصدمة: بنتي شلقه وبلقه .. !!
فواز ناظرهم: زين أنكم جيتوا , عشان تشهدون على أللي بقوله ,
أنا يا منال ما قد من خذتك سألتك عن معاشك , ولا حتى سألتك وين تودينهم ..؟
لأن هالشيء ما يعنيني , وفوق معاشك أعطيك ألفين غير لوازمك الثانية ,
وهم صوتك عالي وكلا صراخ ووسخه بنفسك ,
ولو أسمع كلامك وأسفر نانسي بسبب غيرتك الغبية , كان البيت مسكن للفيران وعقب دارهم ,
حتى يوم واحد ما تبين تجلسين مع زوجك أو عيالك .. !
ما حبيت أقول أنك مهملة بنفسك , وماعندك أسلوب بجميع الأمور معي ,
عشان مجرح مشاعرك ..
بس هالمرة قلت , لأن خلاص عافك الخاطر للأسف ,
وعمي معيشك بدلال على بالك أن الزواج سفر وروحه وجيه , وسهرات وتعزم ..
والمشكلة الكبرى أهلك أن على بالهم أنك متزوجة بنك الراجحي , أو بنك الرياض ..
وأن عندي ملايين , وأنتو حتى النملة حلبتوها ..
ناصر قاطعه: منت بكفو تقول هالكلام لنا ولأختي ..
فواز ولا كنه يسمعه وكمل: ما قلتي لي ولا مرة , يعطيك العافية , ما قصرت ,
خيرك سابق , للأسف بس أنا بنظرك وبنظر أهلك أني مقصر وبخيل , وأن كل شيء تقولينه لأهلك ..
منال بتوتر: أنا مقولهم شيء !
فواز كمل بسخرية وألم بجواته : ولا تظنين أني مدري أنك تقولين حق أبوك أني أحب الرقدة .. !
منال بقوة عينه وقله أدب: وأنا ما كذبت , طفشت من كثر السباحة ,
وأنا لو بخليك على راحتك , أمكن باليوم أتسبح 3 مرات ..
أبو ناصر:لا تغصب بنتي على شيء ماتبيه ..
فواز بسخريه: أجل ذا كلام يا أبله منال تقولينه لأهلك , ونعم التربية والله .. ونعم التربية ياعمي ( التفت له ) ..
يتبع ~تعليق
تعليق