واكتشفت اني لقيطه ،للكاتبة صرخه المشتاقة (كاملة)

**كبريآئـي** · 14-09-2013, 06:48 PM

رد: واكتشفت اني .. لقيطه .. للكاتبةة صرخه المشتاقةة

في بيت عبد الرحمن الرملي .. ابو فيصل .. استأذن من شغله لأنه يحس بتعب .. فدخل البيت ولقى ام فيصل تكلم ابوها في التلفون ..
دخل وجلس عالكنبه وهو يفك ازارير ثوبه .. قفلت ام فيصل التلفون ..
الاب: ها .. كيف ابوج اللحين ..؟!
الام: تعبان وايد .. يقعد يوم في البيت وعشر في المستشفى ..
الاب: انا لله وانا إليه راجعون .. ما يشوف شر ان شالله ..
الام: ان شالله ..
فسكتوا فتره وبعدين قالت الام: غريبه راجع مبجر اليوم ..
الاب: حسيت بتعب وقلت برتاح في البيت ..
الام: طيب تبيني احط لك اكل او شي تشربه ..؟!
الاب: لا لا مشكوره ..
فطالعت الام فيه وقت طويل بعدين قالت: عبد الرحمن ..
الاب: هلا ..
الام: ابي اكلمك في موضوع ..
الاب: بخصوص شنو ..؟!
الام: الموضوع يخص اسيل ..
فلف الاب يطالع فيها وقال: وش هالموضوع ..؟!
الام: صراحتا حرام .. الى متى بتخبي عنها كل شي .. البنت مصيرها تعرف ..
الاب: شفيكم انتي واخوي فاتحين هالموضوع ..؟!
الام: ليه عبد الغني فتح معاك هذا الموضوع ..؟!
الاب: ايه امس ..
الام: عبد الرحمن حرام تخليها عميا جذي .. لازم تعرف كل شي .. احسن انك تقولها بنفسك بدل ما تسمعه من برا ..
الاب: والله نفسي اقولها .. بس اخاف حالتها تتدهور ويصير لها شي .. وفوق هذا اخاف تسألني مين هم اهلها وكيف لقيتها ..
الام: عادي قولها ..
الاب: لا .. مستحيل اخبرها مين اهلها ..
الام: وليش ..؟!
فتذكر الاب كل شي حصل قبل ١7 سنه بعدين قال: من دون ليش ..
الام: بس حرام تحرمها من حضن امها وحنان ابوها وعطف اخوانها إذا كان عندها ..
الاب: تنحرم منهم اهون من ان تعرفهم ..
الام: ليش مين هم اهلها ..؟!
الاب: مو لازم تعرفين ..
الام: طيب متى بتقولها عن حقيقتها ..؟!
الاب: ما ادري .. وكمان افكر اني ما اقولها ..
الام بصدمه: شنو ..؟!!! حرام يا ابو فيصل .. حرام ..
فتنهد الاب وقال: وفوق جذا راح تصير مشاكل اذا خبرتها .. اولا الله العالم وش بيصير لها لو عرفت .. وثانيا الشرطه ..
الام: وليه وش فيهم الشرطه ..؟!
الاب: نسيتي ان اسيل مو بنتنا ومع هذا حطيناها في كرت العائله على اساس انها بدل تؤام فارس اللي ماتت .. هذي اسمها جريمه ..
الام: ايه صح .. نسيت ذي السالفه ..
الاب: وعشان جذي ما ابي اقولها ..
الام: بس تخيل نفسك مجانها .. والله حرام تعيش وهي مو عارفه من تكون .. راح تتعاقب عند الله لأنك اخفيت عنها ..
الاب: متردد ..
الام: لا تتردد .. انت شوف وقت مناسب وقولها ..
الاب: لا لا .. ذي الايام لا ..
الام: ليش ..؟!
الاب: ما راح اقول إلا لمن يصير عمرها عشرين سنه ..
الام بصدمه: ايش ..؟!!!! بس باجي وقت طويل .. باجي اكثر من شهر ..
الاب: هذا اخر كلام عندي ..
الام في نفسها: "اووووف .. يعني ما راح افتك منج بدري يا اسيلووه .. يارب صبرني على هالعله" ..
فدق جوال الاب .. فخرجه وشاف فارس المتصل ..
الاب: غريبه .. مو من عوايد فارس يتصل هالحزه ..
الام بسرعه: طيب رد .. يمكن صار له شي او ريما ..
الاب: انا قلت .. الاهتمام بموضوع اسيل مو لله .. تبين تفتكين منها وبس ..
فاندهشت الام وقالت: لا ابدا ما افكر جذي ..
الاب: يصير خير ..
ورد وقال: هلا ..
فارس: يبه ..
الاب: شفيك ..؟!
فارس: تقدر تيي الجامعه ..؟!
الاب بدهشه: وليش .. ايش صار ..؟!
فارس: اسيل ما ادري ايش فيها ..
الاب بصدمه: شفيها اسيل ..؟!
فارس: اللحين هي نايمه .. بس يقولون انها كانت تبجي وتصارخ .. فتقدر يا يبه تيي الجامعه وتاخذها معاك .. ريما عندها محاضره وما تقدر تييبها ..
الاب: طيب ربع ساعه واكون عندكم ..
وقفل الجوال فقالت الام: شفيها اسيل بعد ..؟!
طنشها الاب وخرج .. ركب سيارته وراح ..

=============================================== ==================
الساعه ٣ .. في بيت راشد .. في غرفة شهد ..
كانت تجهز نفسها عشان تروح لامها واخوانها .. خرجت من الغرفه وشافت راشد جالس عالكنبه ويقلب في التلفزيون بطفش ..
مرت من قدامه بخوف عشان تروح للباب وهي تدعي في داخله انه ما يوقفها ..
راشد: شهد ..
فغمضت عيونها .. وبعدين فتحتها ولفت عليه وقالت: نعم ..
راشد: على وين ..؟!
شهد: بروح لأهلي ..
راشد: اللحين امج واربع بزران تسمينهم اهل ..؟! هذولا بقر مو اهل .. حتى البقر لها فايده وتييب الحليب .. اما اهلج فمامن وراهم اي فايده غير لهف الفلوس ..
حست بالعبره تخنقها وقالت: طيب تبي شي قبل لا اروح ..؟!
راشد: ايه ..
شهد: ايش ..؟!
راشد: ييبي لي قلاس ماي ..
شهد: طيب ..
دخلت داخل وصبت له مويه في كاسه وبعدين جت واعطته ..
اخذ المويه وشرب .. وشهد واقفه عنده تنتضره يخلص عشان ترجع الكاسه ..
راشد: شهد ..
شهد: نعم ..
راشد: ايش معنى اسمج ..؟!
فاستغربت من سؤاله وقالت: ما اعرف ..
راشد: في احد ما يعرف معنى اسمه ..؟!
شهد: .....................
راشد: عيل انتي دلخه .. وابوج وامج دلخين كمان لأنهم سمووج اسم من دون لا يدرون معناه .. عائلتكم عائلة دلوخ ..
فمسكت نفسها وقالت: شكرا ..
راشد بتفكير: بقر ودلوخ ..؟!!! لا اسمعي في شي احلى .. عائلتكم عائلة ابقار دلخه .. وبجذي ربطنا الدلاخه بالبهايم .. شرايج ..؟!
فلفت وطلعت برى البيت بسرعه .. خلاص ما عاد تقدر تستحمل ..
راشد: هههههههههههههههههههههههههههههههههههههههههههههههههه هههههههههههههههههههههههههههههههه يا لبى هالبنيه .. مسليه جدا ..
وكالعادة استأجرت لها تاكسي وراحت لبيتهم ..
بعد ثلث ساعه وصلت للحاره اللي عايشين فيها .. نزلت من السياره وكملت طريقها للبيت مشي لأن الحاره ضيقه وصعب تدخل السياره لداخل ..
وصلت للبيت وشافت شادي يلعب مع اولاد الحاره بالكوره .. اول ما شافها جاء عندها ..
شهد: كيفك شادي ..؟!
شادي: بخير .. بس عائلتنا ماهي بخير ..
شهد بخوف: ليش ..؟؟؟!
شادي: امي تعبت علينا وايد يا شهد .. صارت كثير تتعب .. اول كانت تتعب مره كل اسبوعين واللحين تتعب مره كل يومين ..
فدخلت شهد البيت بسرعه وشافت قدامها اثير ..
اثير: اهلين شهد ..
شهد بسرعه: امي وينها اللحين ..؟!
طالعت اثير في شادي وقالت: وانت عالطول قلت لها ..
شهد: مو وقت هالكلام وين امي ..؟!
اثير: في حجرتها ..
فدخلت شهد غرفة امها وشافتها عالسجاده تدعي بعد الصلاه ..
جت شهد وسلمت على راسها وقالت: كيفج يمه ..؟!
الام بتعب: هلا بشهد .. هلا ببنتي ..
شهد: يمه انتي بخير ..؟!
الام: ايه الحمد لله بخير ..
شهد: يمه انتي متأكده ..
الام: ايه متأكده شفيج ..؟!
شهد: بس صوتج وايد تعبان يايمه ..
الام: لأني قبل شي كنت نايمه ..
شهد: لا مو عشان هذا السبب .. شدوي قالي انج صايره تتعبي وايد صح ..؟!
الام: يووه من شادي ذا .. لا تصدقين حجي هذا البزر ..
شهد بخوف: يمه بليييز قوليلي شفيج وليش تتعبي وايد .. يمه واللي يخليج لا تخبي عني شي ..
فكحت الام بقوه وقالت: مافيني شي ..
فطالعت شهد فيها ودموعها في عينها وقالت: يمه .. الدكتور قالي اذا تعبت امج مره ثانيه يمكن تموت .. يمه الله يخليج لا تتعبين كمان .. لو متي احنا وين نروح .. من لنا غيرج .. يمه انا راح اهد شغلي وايي عندج عش.......
الام بسرعه: لا .. لا يا حبيبتي لا تهدين شغلج عشاني .. انا بخير ان شالله ..
فبكت شهد وطاحت في حضن امها وهي تبكي .. فمسحت الام على شعرها وظهرها ..
الام بتعب: خلاص يا حبيبتي لا تبجين .. ما يصير تصيحين جذي انتي كبيره ..
وشهد ما زالت تبكي .. والام تطالع في بنتها وهي تحس بشي في داخلها .. تحس كأنه في شي يقبض على صدرها ..
الام في نفسها: "اخاف اموت وانا ما خبرتهم بالسالفه .. لازم اقولها .. بس لمن تهدأ اقولها" ..
في الصاله كانت اثير وشادي جالسين وساكتين .. اما وسيم فكان نايم وشادن نفس الحاله نايمه ..
شادي: اثير ..
اثير: هممم ..
شادي: كلام شهد صح .. لو ماتت امي وين نروح ..
اثير: شادي لا تقول كلام زي جذي ..
شادي: البيت هذا اجار .. وصاحبه من اول يبي يطلعنا منه بس ما طلعنا عشان امي .. لو ماتت امي اكيد راح يطلعنا ..
اثير: شادي امي ما راح تموت ..
شادي: وانتي شدراج ..؟!
اثير: ما ادري .. بس اكيد ما راح تموت وتخلينا زي ابوي ..
شادي: بس امي كل شوي حالتها تزداد .. وكل شوي تدوخ وتتعب وتستفرغ وكل شي ..
اثير: شادي خلاص سكر هذي السيره ..
شادي: ........................
اما شهد فبدأت تهدأ شوي .. فقالت الام: شهد ..
فجلست شهد وقالت: نعم يمه ..
سكتت الام فتره بعدين قالت بتردد: شهد حياتي انا ابي اقولج عن شي ..
شهد: ايش ..؟!
الام: اممم ابوج عمر ..
شهد: شفيه ..؟!
فسكتت الام .. وشهد تطالع فيها تنتظرها تتكلم ..
الام بتردد: من زمان ودي اقولج عن هذا الشي بس ......
شهد: كملي يمه ..
الام: ابوج ل......
وسكتت فجأه وحطت ايدها على جنبها بسرعه وبقوه من الالم الفضيع اللي جاء فجأه ..
شهد بخوف: يمه شفيج ..؟؟؟؟!!
والام عاضه على شفتها ومقفله عيونها من الالم وهزت راسها بلا ..
شهد: لا يمه فيج شي صح ..؟! اثير شادي ..
فجووا بسرعه للغرفه ..
شهد: اثير بسرعه روحي جري عند ييراننا ام عيسى وقولي لولدهم يي بسرعه عشان يشوف امي شفيها ..
اثير: ط طيب ..
وراحت .. قالت شهد لشادي: شادي روح الصاله وخذ موبايلي من جنطتي واتصل بالاسعاف بسرعه ..
فهز راسه وراح للصاله ..
فلفت على امها وقالت: يمه استحملي شوي الله يخليج .. اللحين يي عيسى ويشوف شفيج ..
والام كل شوي يزيد الالم عليها .. وبدت تدوخ والدنيا تلف عليها .. وبعدين طاحت عالسجاده ..
فانفجعت شهد وهزت امها وهي تقول: يمه شفيج ..؟! يمه ليش ما تردين علي ..؟!
فانفتح باب الغرفه وقالت اثير: ياء عيسى ..

**كبريآئـي** · 14-09-2013, 06:49 PM

رد: واكتشفت اني .. لقيطه .. للكاتبةة صرخه المشتاقةة

شهد: خليه يدخل بسرعه ..
فدخل عيسى وقال: السلام عليكم ..
شهد: وعليكم السلام .. عيسى واللي يسلمج تعال شف امي .. اكلمها وما ترد علي ..
فجلس عيسى عالارض وفتح الشنطه اللي جنبه وقال: طيب بعدوا شوي ..
فبعدوا شوي .. وجاء شادي في هالوقت وقال لشهد: اللحين بييون ..
فهزت شهد راسها وهي تطالع في امها بخوف عليها ..
ففحصها عيسى .. فحص نبضها وتنفسها ودقات قلبها .. بس ....
نزل راسه ولف عليهم بأسى وحزن ..
خافت شهد لمن شافت ملامح وجهه كذا فقالت بحذر: شفيها امي ..؟!
طالع فيهم وفي نضراتهم وقال: والله ما ادري شقول .. بس عظم الله اجرج يا شهد ..
طالعت فيه بصدمه .. نزلت دموعها وبكت ..
شهد: عيسى انت اكيد تمزح .. شوفها مره ثانيه .. قبل شوي كانت تكلمني .. مستحيل تموت بسرعه ..
حطت اثير ايدها على فمها وراحت جري برى تبكي .. وشادي مو قادر يستوعب حقيقة الحياة بدون ام ..
راحت شهد عند امها وهزتها: يمه اصحي .. يمه .. يمه انا احاجيج كلميني ..
عيسى: شهد لازم تستهدي بالله .. كلنا ماشين على هذا الطريج .. ما يصير جذي ..
شهد بصراخ: يمه اصحي انا شهد .. انا شهوده يمه .. يمه انا بنتج .. يمه كيف تروحين وتخليني ..
فبكت اكثر وهي تهز امها ..
طالع عيسى فيها وهز راسه وطلع برى ..
رمت شهد نفسها فوق امها وقالت بصياح: يمه حرام عليج جذي .. كيف قلبج يهون انج تروحين وتخلينا .. يمه قعدي معانا لا تموتين .. يمه انا احتاجلج حيل .. مافي ام تترك عيالها وتروح .. يمه احنا اولادج لا تخلينا .. يمه ما يصير تخلينا يتامى من دون ام ولا ابو .. يمه شنسوي واحنا لحالنا .. لا تكوني قاسيه علينا .. احنا نحبج حيل ..
فرفعت راسها وطالعت في وجه امها وقالت: يمه انا اسفه لأني جذبت عليج .. يمه انا تركت الدراسه سامحيني لأني جذبت .. يمه والله العظيم ماراح اجذب بس قومي .. والله والله اخر مره اجذب بس اصحي وخليج معنا .. حنا عيالج ونبغاج .. اذا انتي ما قعدتي معنا منو بيقعد .. يمه بليز قوليلي عند مين نروح ولمين بنشتكي وعشان مين نعيش .. يمه حرام عليج انا جدامج واترجاج .. ما اهون عليج .. اصحي واحضنيني .. يمه عفيه بس احضنيني .. يمه طيب بس ابتسمي لي .. بطلي عيونج وقولي انج تتغشمرين معنا .. يالله انا احتريج يمه ...
وتطالع في امها .. تنتظر اي شي منها .. اي شي يقول ان كل شي كان كذب ..
جاء شادي عندها وعيونه مليانه دموع .. شهق وقال: شهد امي ما ردت عليج .. يعني امي ماتت صح ..؟!
طالعت في شادي .. فمسكته وحضنته بقووووه .. فبكى في حضنها وقال: اللحين هي ماتت وهي زعلانه مني ..
شهد بصوت مخنوق: لا مو .. مو زعلانه ..
شادي: إلا زعلانه .. باجر علي اختبار رياضيات وقالت لا تلعب في الشارع .. انا ما سمعت كلامها وقالت انها بتزعل مني اذا طلعت الشارع ..فجت شهد بتتكلم وتواسيه بس ما قدرت .. البكى وصل لحلقها ومو قادره تتكلم ..

================================================== ==================

في كندا .. كان فيصل مع جوزيف ورينا عند شاطئ البحر ومعاهم اوراق الصفقه والشغل ..
رينا: تقريبا الامور بتنتهي بعد اسبوعين ..
فيصل: حلو .. طيب الشحنه متى بتكون بالضبط ..؟!
رينا: في وقت مره رائع .. يوم الاثنين من الاسبوع بعد الجاي ..
فيصل: شمعنى الاثنين ..؟!
رينا: عشان في هذا اليوم راح يعقد مؤتمر لرؤساء امريكا .. والشرطه اكثرهم بيهتمون فيهم وفي سلامتهم .. فإحنا نستغل الفرصه ونروح بالمطار الثاني وتقدر تسافر بإطمئنان .. وكل شي بيكون تمام ..
طالع فيصل فيهم فتره وقال في نفسه: "عندهم ذكاء مو طبيعي .. لازم انتبه منهم واتغدا فيهم قبل لا يتعشوا فيني .. لأن نضرات جوزيف ما ريحتني .. كأنه ناوي على شي" ..
رينا: وين رحت يا استاذ فيصل ..؟!
فيصل: حلوه الفكره .. خلاص بجذي كل شي بيكون عال العال ..
فلفت على جوزيف وقالت بالانجليزي: لقد اتفقنا على يوم الاثنين ..؟!
جوزيف: رائع .. رائع جدا ..
فلم فيصل الاوراق وهو يقول: طيب متى بنشحنها ..؟!

**كبريآئـي** · 14-09-2013, 06:52 PM

رد: واكتشفت اني .. لقيطه .. للكاتبةة صرخه المشتاقةة

رينا: يوم الاحد .. يعني قبل اليوم اللي بتسافر فيه ..
فحط فيصل الاوراق في الملف وقال: طيب تمام ..
قام وقال: طيب استأذن ..
رينا: اقعد معانا شوي ..
فيصل: المره الجايه ان شاءلله ..
رينا: اوكي ..
فراح فيصل وركب سيارته .. طلع جواله واتصل على امه .. بس كان مقفل .. فأتصل على فارس .. وبعد رن طويل رد ..
فيصل: هلا فارس ..
فارس: هلا .. كيفك يافيصل وشخبارك ..؟!
فيصل: الحمد لله بخير .. كيف امي وابوي وريما ..؟!
فارس: بخير ..
فيصل: طيب ايش اخبار اسيل ..؟! اشتقت اخاصمها واهزأها .. اللحين اكيد فرحانه اني رحت وقاعده تلعب بذيلها ..
فارس: لو سمحت يا فيصل .. اسيل مو من هذا النوع .. هذا بدل ما تقولها سلامات ..
فيصل بإستغراب: سلامات ..؟! لا يكون انضربت كمان وهي ما تدري ..؟!
فارس: لا ..
فيصل: عيل شفيها ..؟!
فارس: تعبت في الجامعه وما ندري ليش .. يبناها البيت ونادينا الطبيب .. واللحين هو وابوي عندها ..
فيصل: ان شالله يطلع بخبر موتها ..
فارس بصدمه: ايش ..؟!
فيصل: لا ولا شي .. اكلمكم بعدين .. سلملي على الاهل .. باي ..
فقفل فارس الجوال فقالت امه: هذا فيصل ..؟!
فارس: ايه فيصل ويسلم عليكم ..
ريما: متى بيرجع ..؟!
فارس: ما سألته .. اصلا يقول بيكلمنا بعدين ..
الام بطفش: اهه ..
فارس: شفيج ..؟!
الام: لا مافي شي .. اقول فارس ..
فارس: نعم ..
الام: متى بتدخل العشرين ..؟!
فارس: بعد اربع اشهر وشوي ..
الام: اوووووف طويل ..
فارس: ليش ..؟!
الام: مافي شي مهم ..
فطالع فارس فيها بإستغراب .. وشوي سمعوا صراخ اسيل ..
طالعت الام في الدرج وقالت: انا متأكده ان البنت انينت ..
فارس: لا ما انينت ..
الام: إلا انينت .. وش تفسر صراخها وبجيهها ..؟! هذا كله يدل على الينون ..
ريما: يبغالنا نوديها مستشفى الامراض النفسيه ..
الام: لا .. نوديها لمستشفى الميانين احسن ..
فنزل الاب والطبيب في هالوقت ..
الطبيب: زي ما قلتلك البنت مافيها اي مرض داخلي .. الحاله اللي فيها مو طبيعيه .. انا افضل انكم تعرضوها على طبيب نفسي ..
الاب: طبيب نفسي ..؟! شلون طبيب نفسي ..؟! البنت ما تعاني من اي ضغوط عشان تتعب نفسيا ..
الطبيب: صراحتا ما ادري .. انت ييب لها طبيب واكيد راح يعرف ايش فيها بالضبط .. ياللا انا استأذن ..
الاب: مع السلامه ..
فراح الطبيب وخرج برى ..
الام: شفت .. انا قلت ان البنت مينونه .. هذا اللي ناقصني مينونه في بيتي ..
الاب: بس يا احلام ..
فطالعت فيه بعدين سكتت .. وريما تطالع في امها بإستغراب .. اسيل بنتها فليش تقول عنها كذا ..
فطلع الاب ودخل لغرفة اسيل .. وكانت على نفس حالتها .. جالسه عالسرير وحاطه راسها على رجلها وتبكي وتشهق ..
جاء وجلس فوق السرير قدامها وقال: اسوله حياتي ليش تبجين ..؟!
رفعت راسها وشافته فقالت وهي تبكي: شتبي ..؟! انقلع برا ما ابي احد ..
الاب: طيب ابي اعرف ليش تبجين ..؟!
اسيل بصراخ: مالك شغل فيني .. اطلع برا .. ما ابي اشوف احد .. اطلع ..
الاب: اوكي حياتي بأطلع .. بس انتي هدي نفسج ولا تساوين في نفسج جذي ..
اسيل: لا تتدخل فيني .. اطلع ..
الاب: لا حول ولا قوة إلا بالله ..
قام وطلع برا .. واسيل تطالع فيه لين طلع ..
انسدحت عالسرير وبكت ..
اسيل: اسيل بس .. بس وقفي .. ابي اعرف ليش انا جذي .. ابي اموت خلاص .. ما ابي اعيش .. اكرهكم واكره الدنيا كلها .. ابي اموت ..
حطت ايدها على وجهها وبكت ..
نزل الاب من الدرج وقال: لا احد يدخل عندها الغرفه ..
فارس: طيب يبه هي كيفها ..؟!
الاب: حالتها جدا سيئه ..
مشي وطلع برا البيت .. فجلس فارس ع الكنبه بتفكير في حالة اسيل ..
حطت ريما ايدها على راسها .. رجع لها الصداع مره ثانيه .. فقامت وراحت لغرفتها .. فتحت الدولاب وطلعت كيس الحبوب ..
ريما: اووووف .. عمري ما شفت صداع زي جذي .. بعد كل اربع ساعات اخذ اكثر من حبه .. ايش اللي فيني بالضبط ..؟!
طلعت الحبوب واخذت كم حبه وبلعتها .. بس جسمها واعصابها خلاص تعودت على هذي الحبوب القويه .. صارت ما تأثر ابدا ..
*وش تتوقعي بيصير لج ياريما ..؟!

================================================== ==================

**كبريآئـي** · 14-09-2013, 06:55 PM

رد: واكتشفت اني .. لقيطه .. للكاتبةة صرخه المشتاقةة

في بيت ياسر .. كان جالس في الصاله ومعاه الجوال حقه ..
ياسر: اتصل عليها ولا لا ..؟! انا ابي اتصل بعد ما تصير حالتها جدا سيئه والصداع ميننها ومو مخليها قادره تنام .. بس المشكله اني ما ادري متى تصير حالتها سيئه .. اووووف .. خلاص انتضر ثلاث ايام كمان عشان اتأكد انها من جد تعبانه ..
جت اخته وداد وقالت: شفيج تحاجي روحك جنك يني ..؟!
ياسر: وداد اذا ما بعدتي عني راح تشوفي شي مو زين لج .. فأبعدي احسن لج ..
وداد: سمعتك وانت تحاجي روحك .. شكلك بتصيد بنت صح ..؟!
ياسر: مالج شغل وابعدي ..
وداد: ياسر اذا ما بطلت هذي الحركات بعلم ابوي عليك ..
فأخذ الريموت ورماه بقوه عليها .. بس هي كانت اذكى منه وبعدت قبل لا يرميه ..
وداد: مستحيل تصيدني مستحيل ..
ياسر بعصبيه: ودادوه طلعي لغرفتج قبل لا اقوم .. واذا قمت راح تشوفين شيطان جدامج .. طلعي بسرعه ..
وداد: بيي يوم وراح تندم على هالحركات اللي تسويها ..
وطلعت لغرفتها ..
ياسر: اوووف .. مافي احد صاحي .. بطلع مع رفيجي خالد ابرك لي ..
خرج برا البيت ومر على صاحبه خالد وركب معاه السياره .. راحوا لمطعم محترم وجلسوا فيه ..
خالد: ههههههههه .. وبعدين ايش صار ..؟!
ياسر: لا ابد بس اعطيته الفلوس وافتكيت منه .. صج انه نشبه ..
خالد: اهم شي انك ارتحت منه ..
ياسر: فعلا هذا هو اهم شي ..
خالد: اقول ياسر ..
ياسر: نعم ..
خالد: انا واحمد والشله اللي في الاستراحه اتفقنا نسوي بارتي ..
ياسر: كيف يعني ..؟!
خالد: نصلح حفله كبيره وكل واحد ييب خويته معاه .. يعني نستانس .. اخر مره سوينا بارتي قبل سبع شهور ..
ياسر: فكره وايد حلوه .. ومتى اتفقتم تكون ..؟!
خالد: لمن يرجع صاحبنا فيصل من سفره .. عشان تكون احلى ..
ياسر: بس فيصل ما عنده وحده يخاويها ..
خالد: صحيح ما عنده بس يكفي انه يكون معانا .. لا تنسى انه هو اللي يمول الاستراحه .. هو بيكون المسؤول ييب لنا المخدرات والويسكي والبيره وشي زي جذي ..
ياسر: حلو .. ومتى بيرجع من السفر ..؟!
خالد: يقول اسبوعين او ثلاث ..
ياسر: لا ما يمديني اصيد ريما واييبها معاي ..
خالد: مو لازم ريما .. فيه ميلون بنت غيرها ..
ياسر: لا .. انا ابي ريما .. ومستحيل ايي ببنت غيرها ..
خالد: براحتك ..
ياسر: لا بأس .. اقدر اتمكن منها في ثلاث اسابيع ..
خالد: وكيف .. مو انت تقول انها عنيده جدا ..
ياسر: استعملت حركتك ..
خالد: اي حركه ..؟!
ياسر: بأدمنها مخدرات .. واكيد بعدين بتسوي اي شي عشان حبه وحده بس ..
خالد: يا خسيس .. وكيف خليتها تدمن ..؟!
ياسر: اسمع ..
<<<< وحكى له كل شي <<< ......

================================================== ==================

عند دانا .. كانت في غرفة العمليات عشان تسوي العمليه الثانيه المكمله للأولى .. وامها وعادل برا ينتضرون النتائج ..
الام جالسه عالكرسي وتدعي لبنتها انها تخرج بالسلامه .. وعادل كان سرحان ويفكر في كلام الطبيب ..

:::::::::::::::::::::::::::::::::::::::::::::::
الطبيب: اختك ..؟!
عادل: ايه ابي اسأل عن حالة اختي كيفها ..؟!
الطبيب: واخيرا ياء واحد صاحي .. دكتورها في الجامعه مصر انها ولد .. واصحابها اللي يووا امس مصرين انها ولد .. انت الوحيد الصاحي اللي عارف انها بنت .. صج ناس غريبين .. اختك حالتها اللح.....
:::::::::::::::::::::::::::::::::::::::::::::::

عادل في نفسه: "امس يووا اصحابها في الجامعه .. اخاف يكونون عرفوا شي عنها .. لا اخاف ان الطبيب نفسه يكون عرف .. ان شالله ما يصير لج شي يا دانا" ..
الام: عادل ..
عادل: نعم يمه ..
الام: مو كأنهم تأخروا ..
عادل: طيب هذا شي عادي .. هذي عمليه مو فحص ..
الام: بس انا خايفه عليها ..
عادل: لا تخافي يمه .. الطبيب طمنا ان العمليه سهله وناجحه بأذن الله ..
الام: ان شالله ..
مر الوقت ببطئ .. وبعد ساعه ..
طلع الطبيب .. فجوا عنده ..
عادل: ها كيف دانا اللحين ..؟!
الام: شصار لبنتي .. صارت بخير ..؟!
الطبيب: اطمئنوا العمليه نجحت والحمد لله .. انتم بس ادعولها انها تصحى زي الحصان ..
الام: الله يبشرك بالخير ان شالله ..
عادل: الحمد لله ..
الطبيب: ياللا انا استأذن ..
الام: لحضه ..
الطبيب: نعم ..
الام: ما اقدر اشوفها اللحين ..؟!
الطبيب: لا ما تقدرين اللحين .. بس تقدرين بعد يومين .. صحيح اننا قلنا بعد عشر ايام لأننا توقعنا انه بيصير مضاعفات .. بس الحمد لله كل شي تمام ..
الام: يعني بعد يومين تطلع ..؟!
الطبيب: لا لا لا .. احنا قلنا تقدرون تشوفونها بعد يومين .. اما موعد الطلوع ان شالله بعد اربع ايام ..
عادل: مشكور يادكتور ماقصرت ..
الطبيب: العفو .. هذا واجبي .. ياللا استأذن ..
الام: اذنك معك ..
فراح الدكتور .. جلست الام عالكرسي وقالت: الحمد لله ..
فأبتسم عادل .. فهديت ابتسامته وقال: يا دكتور ..
فلف الدكتور وجاء عنده وقال: نعم ..
عادل: مو صح يووا الشرطه عشان تحقق بس قلتم لهم بعد عشر ايام ..
الدكتور: ايه صح ..
عادل: واللحين ..؟!
الدكتور: اكيد راح نتصل عليهم واقولهم تعالوا بعد يومين او ثلاثه ..
عادل: بس يا دكتور ..
الدكتور: نعم ..
عادل: فيه مشكله ..
الدكتور: ايش ..؟!
عادل: اختي تخاف من الشرطه .. يعني ما ابيك تتصل عليهم .. بعد ما تخرج اختي من المستشفى انا بنفسي راح اوديها المخفر بعد ما امهد لها الموضوع .. ممكن ..؟!
الدكتور: اوكي مافي مشكله ..
عادل بابتسامه: مشكور ..
الدكتور: العفو ..
وراح .. ابتسم عادل براحه .. هذا الموضوع كان شاغل باله كثير .. بس اللحين صار الموضوع سهل ..

================================================== ==================

في الليل .. كان سامي جالس في الحديقه ومعاه كتابه يذاكر لأختبار بكره ..
رمى الكتاب وقال: اووووف .. شذا الكلام .. والله صعب والله صعب .. اتحدى احد ييب درجه كامله .. محد يقدر إلا عبير لأنها ذكيه وشاطره .. عيل راح اشبك عبير عشان تغششني في الامتحان ..
ريندا: وهل هذا هو الحل برايك ..؟!
لف ورى وشاف ريندا واقفه ومعاها كوب عصير برتقال ..
سامي: ريندا .. من امتى وانتي هني ..؟!
ريندا: منذ ثواني .. تفضل ..
وحطت العصير على الطاوله قدامه ..
سامي: بس انا ما طلبت عصير ..
ريندا: اعلم هذا .. لكن عصير البرتقال يساعد على تثبيت المعلومه في العقل ..
سامي: اها .. طيب شكرا ..
فجلست على كرسي وقالت: عفوا .. لكنك لم تجب عن سؤالي ..
سامي: اي سؤال ..؟!
ريندا: عندما يكون لديك اختبار صعب .. هل الحل هو ان تتقرب الى احدهم حتى يقوم بتغشيشك ..؟!

**مزمز** · 14-09-2013, 06:57 PM

رد: واكتشفت اني .. لقيطه .. للكاتبةة صرخه المشتاقةة

روووعه
كملي ياعسل
يعطيك العافيه وربي يسعدك..

**كبريآئـي** · 14-09-2013, 06:58 PM

رد: واكتشفت اني .. لقيطه .. للكاتبةة صرخه المشتاقةة

ريندا: عندما يكون لديك اختبار صعب .. هل الحل هو ان تتقرب الى احدهم حتى يقوم بتغشيشك ..؟!
سامي: ايه اكيد .. يعني وشو الحل برايج ..؟!
ريندا: ان تذاكر ..
سامي: اقولج صعب كيف اذاكر ..؟!
ريندا: لماذا .. هل تضن ان مواد الجامعه سهله ..؟! بالتأكيد ستكون صعبه .. ذاكر كما يذاكر جميع الطلاب .. ذاكر من دون تذمر .. واياك ان تفكر في الغش ..
سامي بطفش: طيب طيب .. بذاكر وإذا باجر ما عرفت احل راح اغش ..
ريندا: لا تغش ..
سامي: ماراح اغش إلا اذا احتجت شرايج ..؟!
ريندا بإستهزاء: واو فكرة رائعه ..
سامي: شفتي كيف ..؟! عندي عقل بسم الله علي ..
فقامت من فوق الكرسي وقالت: هل ستغش ..؟!
سامي: اذا احتجت ..
ريندا: اذا سوف اخبر الدكتور المسؤول عن الاختبار حتى يكثف المراقبه عليك ..
سامي بدهشه: من يد ..؟! لا اكيد تتغشمرين وياي ..
ريندا: انا لا امزح ..
سامي: طيب ريندا شفيج صدقتي .. كنت اتغشمر وياج .. ما راح اغش صدقيني ما بغش ..
ريندا: سنرى ..
وراحت ..
سامي: يووووه .. ان شاءالله ما تسويها ..
فاخذ كتابه وقال: بذاكر احسن لي .. بذاكر سطر واشرب شوي من العصير عشان السطر يثبت في مخي ..
فقرأ السطر الاول وشرب شوي وقرأ الثاني وشرب شوي .............................. وقرأ السطر التاسع وشرب اخر شي في الكاسه ..
قام وقال: خلاص حفظت تسع اسطر ودخلت مخي .. يعني لو اذاكر في السطور الباقيه لين الصبح ما راح يثبت في مخي لأن العصير خلص ..
اخذ كتابه ودخل للبيت .. طلع الدرج واتجه لناحية جناحه .. فوقف لمن مر من عند جناح ابوه .. وقف لأنه سمع ابوه يتكلم في الجوال ..
وقف لأنه سمع كلمه وقفته .. سمع كلمة اخوي .. قرب من عند الباب وحط اذنه عالباب عشان يسمع ..
الاب: واخيرا اتصلت علي يا اخوي ..
الاخ: ................................
الاب: صحيح انك اتصلت قبل فتره وما رديت تعرف ليش ..؟! كنت زعلان منك ..
الاخ: ................................
الاب: لا لا .. انا من حقي ازعل .. يعني من بعد اكثر من ١٧ سنه وتوك تتصل ..
الاخ: ................................
الاب: انت اللي كنت غلطان في ذاك الوقت .. يعني انت اللي مفروض تتصل مو انا .. ولا تنسى اني اخوك الكبير ..
الاخ: ................................
الاب: اوكي براحتك .. طيب شخبارك ..؟!
الاخ: ................................
الاب: الحمد لله تمام .. طيب شخبار بنتك ..؟!
الاخ: ................................
الاب بإستغراب: شتقصد ..؟!
الاخ: ................................
الاب بنص عين: متأكد ..؟! انا اعرفك عدل .. قول الصج بنتك وين ..؟!
الاخ: ................................
الاب: اقول شرايك تيي باجر عندي انت وبنتك عشان افهم ايش تقصد ..
الاخ: ................................
الاب: لا مو معقوله تكون ماتت ..
سامي في نفسه: "ماتت ..؟!!!!!! لا اكيد عمي يمزح .. شلون تموت وانا ما شفتها" ..
الاخ: .................................................. .................................................. .................................................. ..........
الاب: يعني انت تقصد ان بنت....

انتهى الجزء الثالث .. ونكمل سواليفهم في البارت الخامس الجزء الاول ..
هذا الجزء كان حماس صح ..؟!
* شفتم ايش صار لبطلتنا اسيل .. ايش تتوقعون السبب وبيستمر لمتى ..؟!
* اللي صار بين سامي وغيدا .. تتوقعون غيدا كيف عرفت عن مشكلة سامي ..؟!
* اسيل .. لمن توصل عمرها عشرين سنه .. بتعرف حقيقتها ولا بتعرف قبل هذا الوقت ..؟!
* شهد .. امها ماتت .. كيف تتوقعون بتكون حياتها هي واخوانها الاربعه ..؟!
* ياسر والبارتي اللي بيسوونه الشله .. فيصل بيكون هناك .. تتوقعون حتى ريما بتكون موجوده ..؟!
* واخيرا سلطان والد سامي واخ والد اسيل .. مكالمته مع اخوه بتوصل لأيش ..؟!
انتضروني في البارت الخامس الجزء الاول ..

مع تحياتي // r5t Almushta8h ‎‏6 ‏..
|$ نهاية البارت $|

**أنة حرف** · 15-09-2013, 11:52 PM

رد: واكتشفت اني .. لقيطه .. للكاتبةة صرخه المشتاقةة

الله يعطيك العافية
لو عندك شيء نزلي اللحين مقدر انتظر لباكر
تسلمين حبيبتي
روعة بكل معنى الكلمة

**كبريآئـي** · 16-09-2013, 04:15 PM

رد: واكتشفت اني .. لقيطه .. للكاتبةة صرخه المشتاقةة

|$ البارت الخامس الجزء الاول $|

الاب: لا مو معقوله تكون ماتت ..
سامي في نفسه: "ماتت ..؟!!!!!! لا اكيد عمي يمزح .. شلون تموت وانا ما شفتها" ..
الاخ: .................................................. .................................................. .................................................. ..........
الاب: يعني انت تقصد ان بنتك ضاعت ..؟!
الاخ: ....................................
الاب: ماتت ..؟!!
الاخ: ....................................
الاب بعصبيه: بتينني انت ولا شنو ..؟! مره تقول ضاعت ومره ماتت .. المره اليايه اكيد بتقول طارت ..
الاخ: ....................................
الاب: يعني اللي فهمته ان بنتك ضاعت وبعد فتره لقيتوها ميته ..؟!
الاخ: ....................................
الاب: متأكد ان اللي ماتت هي بنتك ..؟!
الاخ: ....................................
الاب: شنو اللي يعني ..؟! ابي يا ايوه يا لا ..
الاخ: ....................................
الاب: يعني مو متأكد ..؟!
الاخ: ....................................
الاب: ليش تبي تغير الموضوع ..؟!
الاخ: ....................................
الاب: ما راح اغيره ابدا .. ابي اعرف السالفه كلها ..
الاخ: ....................................
الاب: ايه مصر ..
الاخ: .................................................. .................................................. .................................................. ..............................
الاب بصدمه: معقوله ..؟؟؟!!!!!!!!!!!!!!!
سامي في نفسه: "عمى في شكلكم .. حط على سبيكر عشان افهم" ..
الاخ: ....................................
الاب: يعني زوجت........
مراد: ايش تسوي هنا يا سامي ..؟!
لف سامي بسرعه على ورى وشاف مراد واقف ومكتف ايده ويطالع بتحدي ..
مراد: انا اسأل شنو تسوي هنا ..؟!
سامي: وانت شدخلك ..؟!
مراد: اذا تبي ابوك دق الباب وهو يفتحلك .. مو تتصنت من ورى الباب ..
سامي: ومين قال اني اتصنت ..؟!
مراد: عيل شنو كنت تسوي ..؟!
سامي: كنت اتسمع ..
رفع مراد حاجبه وقال: اها .. سوري ضنيت فيك ضن سوء ..
سامي: انتبه المره اليايه ..
مراد: من عيوني ..
لف سامي وراح لجناحه .. دخل وقفل الباب وراه ..
سامي بقهر: ايش الوقت الغلط اللي ياء فيه مرادوه .. عمى كنت راح اعرف السالفه ..
مشى وحط كتابه عالطاوله وقال: بنت عمي ضايعه .. لهدرجه عمي غبي عشان يضيع بنته الوحيده ..؟! ضايعه .. الضايع وين يكون ..؟!
فجلس على كنبه وقال: يا سامي لو كنت تمشي في الشارع وشفت بنت ضايعه وش تسوي ..؟! امممممممم ..
وقعد يطالع في السقف بتفكير ..
سامي: بوديها للشرطه .. طيب يا سامي لو كنت شرطي ويابوا لك بنت ضايعه وش بتسوي ..؟!
حك شعره وهو يفكر بعدين قال: بدور عن اهلها .. طيب لو ما لقيتهم ياسامي وش تسوي ..؟!
فكر وفكر وقال: بقول لرئيس الشرطه وهو يحل السالفه .. طيب لو كنت رئيس شرطه وش بتسوي ..؟! اوووف والله بلشه .. وش بتسوي ياسامي وش بتسوي ..؟!
وقف ومشي يمين يسار .. رايح راجع .. طول عرض .. بعدين جلس وتربع عالطاوله وسند دقنه لإيده ويطالع في الارض بتفكير ..
سامي: لقيت الحل .. راح اقدم استقالتي عشان ما انبلش فيها ..

================================================== ==================

في صباح الاربعاء .. ركب ارثر سيارته وكالعاده اتجه للجامعه .. وقف سيارته في المواقف .. وقف شوي ينتظر اسيل .. بس توقع انها جات من اول ..
طلع جواله واتصل عليها للمره الالف .. بس الهاتف مغلق .. فدخل للجامعه وراح عند اصحابه ..
عمر: هلا بارثر ..
ارثر: هلا ..
كمال: ياي بدري اليوم ليش ..؟!
ارثر: مدري ..
حاتم: شفيك يا ارثر مو على بعضك ..؟!
عمر: صح احس فيه شي شاغل بالك ..
كمال: لا يكون تفكر في اسيل واللي صار لها امس ..؟!
فعقد ارثر حواجبه وقال: صار لها امس ..؟!!!!! شتقصد ..؟!
كمال: ما تدري ..؟!
عمر: صح صح انت ما كنت معانا .. بس غريبه ما تدري .. كل الجامعه عرفت إلا انت ..
ارثر بخوف: طيب ايش صار لها امس ..؟!
حاتم: انا بقولك ..
ارثر: بالتفصيل يا حاتم بليييز ..
حاتم: اوكي .. << وحكى كل شي بالتفصيل << ...
سكت ارثر فتره طويله يفكر ..
عمر: ارثر وين رحت ..؟!
كمال: ارثر احنا نحاجيك ..
فقام ارثر وراح من عندهم .. لفلف في الجامعه وكأنه يدور على شي .. بعد شوي لقاه ..
راح عند شلة اسيل وقال: هلا ..
ليان: اهلين ..
ارثر: اسيل ما يات اليوم ..؟!
سارا: لا ما يات ..
ارثر: طيب ما اتصلتم فيها ..؟!
لين: اتصلنا بس مغلق ..
ارثر: طيب ما تعرفون عنها شي ..؟!
ليان: لا ..
ارثر: ممكن اطلب منكم طلب ..؟!
ندى: ايش ..؟!
ارثر: ابغى عنوان بيتها ..
سارا: ليش ..؟!
ارثر: عندي اسبابي الخاصه ..
ندى: والله ودي اعطيك بس ما دام اسيل ما اعطتك احنا ما نقدر نعطيك ..
فتنهد ارثر وقال: طيب مشكورين ..
ندى: العفو ..
فراح .....
لين: ليه رفضتي تعطينه .. حرام ..؟!
ندى: يمكن اسيل ما تبي تعطيه .. وعشان جذي ما بنعطي احد إلا اذا استئذنا ..
ليان: اللي صلحته ندى صح ..
سارا: اهه يا ذي الاسيل .. تتوقعون كيف هي اللحين ..؟!
ندى: الله اعلم ..
لين: سألنا اخوها وقال بخير بس حسيت من كلامه انه جذاب ..
ليان: المشكله موبايلها مغلق ..
ندى: بروح اليوم وازورها ..
سارا: طيب طمنينا عليها خلاص ..؟!
ندى: اوكي ..
سارا: يعععععع ..
لين: شفيج ..؟!
سارا: شوفوا مين جدامنا ..
فطالعوا وشافوا سامي مع يزيد ..
ندى: الله واكبر اللي يعع .. مو ذا الادمي كنتي بتقطعين نفسج عشان تشوفينه ..
سارا: هذا زمان .. بس اللحين لا .. ذي الشله من اقرف الشلل اللي في العالم ..
لين: سبحان مغير الاحوال ..
اما عن يزيد وسامي فاتجهوا لعماد وصالح اللي كانوا توهم يجون ..
سامي: فاتكم نص عمركم ..
عماد: اول شي سلم ..
سامي: يوووه نسيت .. هاي ..
صالح: ليتك ما سلمت ..
سامي: لا تطولونها وهي قصيره اسمعوا اللي عندي ..
صالح: شعندك ..؟!
سامي: فاتكم انا ويزيد قابلنا واحد ..
عماد بإستهزاء: لا من صج .. عبالي وحده ..
يزيد: لا تتريق قبل لا تسمع الباجي ..
سامي: هذا الواحد خكري ..
يزيد: هههههههههههههههه ..
صالح: خكري ..؟!
سامي: انا ويزيد طقطقنا على راسه لين متنا ضحك ..
عماد: والله حماس .. وينه ذا الخكري .. ابي اضحك شوي ..
يزيد: خلاص فاتك ..
عماد بإحباط: خساره ..
صالح: وكيف كان حجيه ..؟!
سامي: حجيه كل مياعه ودلع مو لايق .. هههههههههههههه ليتنا ما تركناه ..
يزيد: وين ريان ..؟!
سامي: غايب .. امس اتصل وقال بأغيب ..
يزيد: وليش ..؟!
عماد: اكيد راسه مصدع او نفسيته تعبانه ..
صالح: لا لا يمكن البنزين فاضي وما فيه حيل يعبيه ..
عماد: يمكن ويمكن اخته تعبانه وبيقعد معاها .. او انه نام متأخر وما يقدر يي ..
صالح: و فيه احتمالات كثيره مثل انه ماحل الواجب او شنطته انقطعت او القلم خلص حبره .. او بستهم ولدت وبيقعد عندها او حبل جزمته مفكوك وما عنده وقت يربطه ..
سامي: هههههههههههههههههههههههههههههههههههههههههههههههههه ههه ..
يزيد: حرام عليكم حشيتم في الولد لين كليتوه بحشكم ..
سامي: هههههههه صح صح .. هذي احتمالات كثيره لأعذاره اللي دايم ..
عماد: المهم لا تهتمون ولا تحاتون ليش غايب لأن اكيد العذر بايخ .. ما علينا من ريان .. انا طفشان يا جماعه ..
صالح: ما دام قال طفشان هذا يعني انه يبي يسوي شي خطير على قولته ..
عماد: عليك نور ..
سامي بحماس: اوكي وانا موافق .. بس ايش تسوي ..؟!
عماد: نفسي احد يدخل المستشفى ..
يزيد: شتقصد ..؟!
عماد: ابي اكب زيت الدرج ..
صالح: انت صاحي ..؟!!!
فأشر عماد عالارض وقال: لا شوف انا نايم هنا .. ايه اكيد صاحي .. وابي اسوي جذي بس المشكله انه اكيد في طلاب بيشوفونا ويمكن ننفصل ..
صالح: زين منك انك تعرف العواقب ..
سامي: عيل شنسوي ..؟!
عماد: خلني افكر اممممم ..
يزيد: فكر بسرعه لأني فعلا حاس بطفش ..
عماد: عندي فكره بس ما تصلح اليوم ..
سامي: ليش ..؟!
عماد: تصلح يوم السبت .. عشان ارجع البيت واجهز الجرو .. لأني افكر اييب جرو للجامعه .. << الجرو هو الكلب الصغير << ..
سامي: عشان نشوف الطلاب وهم يهجون بخوف .. هههههههههه والله حماس ..
يزيد: ومن فين بتييبه ..؟!
عماد: بتصرف ..
صالح: بس اكيد بيكون في طلاب عندهم القلب ويمكن يموتون ..
عماد: ياخي انت مكبر الموضوع عن حجمه .. كلها سالفة تخويف وبس .. وطبعا محد راح يشوفنا واحنا نفكه في الجامعه ..
سامي: ييب جرو شرس يكون احسن ..
عماد: اوكي بحاول ..
يزيد: علموا ريان بالخبر .. اخاف يمسكه الدكتور تركي ويعترف علينا ..
سامي: لا لا .. شرايكم ما نخبره ويتفاجئ .. نبي نعرف هو خواف ولا لا ..؟!
يزيد: خوش فكره .. اوكي اتفقنا ..
صالح: ما اقول إلا الله يستر ..

================================================== ==================

كانت ريما جالسه في الكلاس .. خلاص راسها مو قادر يتحمل هذا الصداع .. مستحيل يكون هذا صداع عادي ..
ماسكه راسها وتحسه بينفجر من الصداع .. ماعاد تقدر تتحمل .. كل انواع المسكنات الهاديه والقويه استعملتها بس من دون فايده ..
قامت وقالت: لو سمحت ..
الدكتور: نعم ..
ريما: حاسه بتعب ومو قادره استحمل اكثر .. ممكن استأذن ..
الدكتور: بس بيحسب لج غياب لأن المحاضره توها باديه ..
ريما: عادي مافي مشكله ..
الدكتور: اوكي تقدري تروحي ..
فأخذت شنطتها وخرجت برى .. بترجع للبيت لأن صداعها قوي جدا ..
...........: لو سمحتي ..
لفت ورى عشان تشوف مين اللي يكلمها .. بس انصدمت وانصدمت لمن شافت انه الحب القديم .. انه ارثر ..
طالعت فيه من فوق لتحت .. حست بداخلها مشاعر متضاربه .. حست بإرتباك الوحده لمن توقف وجه لوجه مع حبيبها .. فغرت فمها شوي ونفسها تحضنه وتقوله هذي انا ريما البنت اللي تحبك من كل قلبها .. البنت اللي قلبها ما اختار احد إلا هو ..
ارثر: لو سمحتي .. انتي ريما الرملي ..؟!
ريما بإرتباك: ها .. ايه انا .. انا ريما .. ريما الرملي اللي .......
بغت تتكلم وتقوله عن مشاعرها بس ترددت .. تحس انه مايصير تقوله عشان ما ياخذ فكره عنها انها رمت نفسها عليه .. بس مشكلتها انها تحبه ومو قادره تنساه او تخليه يروح من ايدها ..
بس اللي يدور في بالها هو ايش يبغى .. معقوله يحبني .. يمكن لا ويمكن ايوه .. ابتسمت وهي تشوفه وتشوف ملامحه وجهه وارتباكه ..
ارثر: حلو .. يعني انتي اخت اسيل ..
اختفت الابتسامه .. اسيل ..؟؟! يعني هو جاء بس عشان اسيل ..؟! يعني السالفه كلها عشان اسيل وبس ..؟! عشان اسيل وبس ..؟!
ارثر: صراحتا انا يايلج عشان اسيل .. فممكن اخذ من وقتج دقايق ..
نزلت راسها بإنكسار وقالت: ممكن ..
ارثر: بما انج اختها حبيت اسألج عنها .. ليش غايبه اليوم ..؟!
ريما: تعبانه ..
فجاء في بالها شي وقالت بسرعه: مينونه .. اسيل صارت مينونه ..
ارثر بصدمه: شتقصدين ..؟!
ريما: يعني صارت وحده من الميانين .. وعشان جذي بابا بيوديها لمستشفى الميانين .. ويقولون حالتها ميؤوس منها .. يعني بتظل مينونه طول عمرها ..
طالعت فيه وشافت علامات الصدمه على وجهه .. ابتسمت .. اكيد اللحين بينساها وافتك منها ..
طالع ارثر فيها: مستحيل اسيل تكون مينونه .. وحتى لو انينت انا بوقف معاها لين تشفى ..
ريما: بس الاطباء يقولون مستحيل تشفى ..
ارثر: مافي مستحيل في العالم .. الله هو اللي يعرف مو الاطباء ..
سكت فتره بعدين قال: حتى لو ما كان في علاج .. انا راضي فيها حتى لو كانت مينونه ..
طالعت فيه بحزن .. لهدرجه يحبها .. يعني وحده مجنونه ايش يبي منها ..
فبلعت ريقها وقالت بهدوء: تحبها ..؟!
طالع فيها وقال: اكثر من نفسي .. ومن دون اسيل انا ما ابي اعيش ..
حبست شهقتها ولفت بسرعه وراحت للسياره .. ركبت السياره وقفلت الباب .. وهنا انفجرت دموعها وبدت تبكي .. تبكي على حضها اللي طيحها في واحد يحب اختها .. واحد تموت فيه وهو مو حاس ابدا ..
خرجت المفتاح وشغلت السياره واتجهت للبيت ..
تكره اسيل .. ايه تكرها من كل قلبها ..
ريما بصراخ: اكره ج ...
وصلت للبيت ونزلت من السياره بسرعه واتجهت لغرفة اسيل ..
فتحت الباب وشافت اسيل جالسه على طرف السرير وتطالع في الارض بسرحان .. وكانت بنفس لبس الجامعه اللي امس وعيونها حمرا من كثر ما تصارخ وتبكي .. حتى وجهها صار شاحب ولونه اصفر ..
دخلت ريما الغرفه وقفلت الباب وراها وقالت: ها .. خلاص ارتحتي .. حتى وانتي مينونه يحبج ..
رفعت اسيل راسها وطالعت ريما وقالت بهدوء: طلعي برى ..
ريما بصراخ: ماني طالعه .. انا ابي افهم انتي شسويتي له عشان يمووووت فيج جذي .. انتي سحرتيه عشان يحبج صح ..؟! ياوبي ..؟!
اسيل بهدوء: طلعي برى ..
ريما: ماكو غير هذا الشي .. لأنه مافي ريال في الدنيا يرضى بوحده مينونه .. فاكيد سحرتيه .. انا ابي افهم ليش تسحرينه .. وش بتستفيدين ..؟! ما كنت اتوقع هالشي منج يا مجرمه ..
اسيل بهدوء: طلعي برى ..
ريما: انا ابي اعرف وين خبيتي هذا السحر .. وين ..؟؟!! خلاص مينونه وما منج فايده .. قوليلي وين وديتيه ..؟!
اسيل بصراخ: انتي ما تفهمين قلتلج طلعي برى .. برى .. برى ..
ريما بعصبيه: ماني طالعه إلا لمن تقوليلي وين ..
فقامت اسيل واخذت المزهريه ورمتها على ريما وهي تصارخ وتبكي وتقول: حرام عليج .. قلتلج طلعي برا ما تفهمين .. اتركوني بحالي ما ابي احد .. ارحموني .. ارحموني ..
فبعدت ريما عن طريق المزهريه وهي تشوف حالة اسيل كيف سيئه .. فقررت تخرج عشان لا تتطور السالفه ..
ريما: انا طالعه بس لي رجعه يا اسيل وحتشوفي ..
اسيل بصراخ: طلعي يا الجلبه .. طلعي يالملعونه .. اكرهج .. اكرهكم كلكم .. تركوني لحالي .. ابي اقعد لحالي ما تفهمون ..؟؟؟؟!!
فخرجت ريما وقفلت الباب وراها .. فمسكت اسيل راسها وجلست عالارض ودخلت في نوبة بكاء قويه ..
اسيل بضعف: ارحموني .. ليش تسوون فيني جذي ..؟! ابي اموت عشان افتك .. ابي اموووووووت ..
قامت وفتحت درج دولابها وطلعت حبوب المضاد الحيوي ..
كرهت حياتها وراح تريح نفسها ..

================================================== ==================

**كبريآئـي** · 16-09-2013, 04:21 PM

رد: واكتشفت اني .. لقيطه .. للكاتبةة صرخه المشتاقةة

في الظهر كان راشد جالس في صالة البيت .. جالس على احر من الجمر ..
نزلت روان من الدرج بعد ما غيرت مريولها وقالت: هلا براشد ..
طالع راشد فيها وقال: هلا ..
فاستغربت وقالت: راشد شفيك .. احسك معصب ..
راشد بعصبيه: اكيد راح اعصب مادامت الست شهد ما يات حتى اللحين .. يعني وش تبي عند اهلها .. تبيني مثلا اروح لها وافرش بساط احمر وامليه ورود واقول تفضلي ياشهد وارجعي شغلج لأنج تأخرتي ..
فانفجعت روان من صراخه المفاجئ وقالت: طيب خلاص لا تصارخ في ويهي .. خوفتني يا راشد ..
راشد بهدوء: سوري ياروان .. كنت معصب وما انتبهت على نفسي ..
روان: طيب يمكن عندها ضروف ..؟!
راشد بعصبيه: ضروف ..؟! شهالضروف اللي تخليها تخالف اوامري ها ..؟! شكلها بدت تتمرد علي .. بس انا راح اربيها واعلمها شلون تحترم اوامري .. عشان تبطل تخالفني ..
روان: طيب انا شذنبي تصارخ علي ..
راشد: يوووووه نسيت ..
فقامت روان وقالت: خلاص لا تضايق نفسك جذي .. الغايب عذره معاه ..
راشد بصوت واطي: عذره معاه .. ايه هين .. انا اراويج يا شهدوه وما اكون راشد الشعلان ان ما ادبتج ..
فجلست روان قدامه وقالت: رشود حبيبي ابي منك طلب ..
راشد: اطلبي ..
روان: لا ما راح اطلب وانت متضايق او معصب ..
راشد: ماني معصب ..
روان: ايه واضح .. بس انا بخليك تضحك وتشوف ..
سكتت شوي وقالت: لك يا خيي راشد ليه عم تعمل في نفسك كل دا .. روق وخليك مرتاح ..
فكتم راشد ضحكته وقال: خلاص يا روان روقت .. قولي ايش طلبج ..؟!
روان: اممممم ابي اسوق ..
راشد بدهشه: تسوقين ..؟! بس انتي صغيره وعمرج ١٦ سنه .. ما يصير يا روان ..
روان: بليييز يا راشد .. الله يخليك ..
راشد: روان ياروان والله ما يصير .. اخاف عليج ما اقدر ..
روان: عشان خاطري اذا كان لي خاطر عندك ..
راشد: روان لا تقولين عشان خاطري ..
روان: اعرف ليش .. عشانك ما تقدر ترفضلي طلب اذا قلت عشان خاطري صح ..؟!
راشد: خلاص يا روان سكري عالسالفه ..
روان: ما راح اسكر إلا اذا وعدتني انك تخليني اسوق او حتى اجرب السواقه ..
راشد: طيب اذا نجحتي اخليج بس تجربين ..
روان: اوكي موافقه ..
قام راشد وقال: يالله انا رايح الف شوي ..

================================================== ==================

في العصر .. خرج عادل من البيت واتجه لشغله اللي بدأ يشتغل فيه من يوم الاثنين .. وطبعا شغله هو محاسب في سوبرماركت ..
دخل المحل وبدأ شغله كالعاده .. وبعد حول ساعتين من بدء شغله دخل للمحل صاحبه علي ..
علي: اهلين عادل ..
عادل: هلا .. كيف الاحوال ..؟!
علي: عال العال ..
عادل: واخبار الجامعه ..؟!
علي: ما علينا من اخباري المهم اخبارك انت ايش ..؟!
عادل: الحمد لله تمام ..
علي: بديت العلاج الطبيعي ..؟!
عادل بإستغراب: اي علاج ..؟!
علي: يا بابا صحي مخك .. مو اخر زياره قلنالك عالج نفسك علاج طبيعي ..
فتذكر عادل وقال: غير الموضوع ..
علي: كنت متوقع انك ما عالجت نفسك .. عدووووول اقسم بالله ان ما عالجت نفسك بالطيب راح تعالج بالغصب ..
عادل: ياخي انت شدخلك ..؟!
علي: رفيجك وش اسوي ..؟! وما ابي كلمة هذي حياتي وانا حر فيها .. حياتك مو ملك لك يا عادل .. لا تنسى ان عندك ام واخت يعتمدون عليك .. اذا ما كنت سندهم منو بيكون ..؟! اصحى يا بابا اصحى ..
فطالع عادل فيه ..
علي: اذا كنت تحبهم وتبي تفرحهم وتسعدهم عالج نفسك وارجع لهم عادل الاول .. روح البيت وقولهم بأعالج نفسي اتحدى اذا ما بيفرحون ..
عادل: يصير خير ..
علي بتهديد: لا يا عمري مافي شي اسمه يصير خير .. يا تقول ايه وكل شي تمام .. او تقول لا وتشوف ذاك الطراق على ويهك .. ترى انا ما عندي تفاهم ..
عادل: اقسم بالله انك تخوف ..
علي: اخر كلام عندك ايش ..؟!
فتنهد عادل وقال: بحاول ..
علي: ايوه هذا هو عادل اللي انا اعرفه .. على طاري مرضك بغيت اسألك منو اللي صدمك ..؟!
عادل: سوري .. اسأل اي شي غير هذا السؤال ..
علي: ماني طالع من هذا المحل لين تقولي مين ..
عادل: عيل لا تطلع ..
علي: وليش ما تبي تقولي ..؟!
عادل: لثلاث اسباب .. اولها هذا الشي خاص فيني واتوقع محد له دخل يتدخل .. لا تقول امك واختك .. اتوقع هالموضوع ما له دخل فيهم صح ..؟!
علي: وثاني سبب ..؟!
عادل: اهد الريال بروحه .. احاول انسى انه صدمني .. انا ما ادري عن ظروف الريال .. اخاف اظلمه ..
علي: طيب والسبب الثالث ..؟!
عادل: حتى لو حصل اني بقول لاحد راح تكون انت اخر واحد يا علي ..
علي: وليش ..؟!
عادل: بسبب طبيعتك المتهوره .. مو بعيد انك تقتله .. صح كلامي ..؟!
علي: اووووف ..
عادل: شفت كيف .. كنت مت.....
ووقف كلامه فجأه وهو يطالع ورى علي .. يطالع في واحد توه دخل المحل .. اكيد وبلا شك هو راشد الشعلان ..
استغرب علي من صدمة عادل المفاجئه .. فلف ورى عشان يطالع في نفس المكان اللي عادل يطالع فيه ..
فشاف واحد واقف قدام ثلاجة المشروبات الغازيه .. طالع في عادل وفي هالشخص .. وبدأ الشك يدخل قلبه ..
علي: عادل ..
عادل: ها ..
علي: شفيك ..؟!
عادل بإرتباك: لا .. لا .. مافيني شي ..
فشك علي اكثر وقال: طيب شفيك تطالع ورى بطريجه غريبه ..؟!
عادل بحذر: شتقصد ..؟!
فأشر علي بعيونه على راشد وقال: هو اللي صدمك صح ..؟!
فأنصدم عادل وبانت علامات الصدمه على وجهه ..
علي: يعني جذي .. اوكي فهمت ..
عادل بسرعه: لا لا انت غلطان .. شبهت عليه وبس .. مو هو يا علي .. هذا الريال ماله شغل ..
فجاء راشد عند عادل وحط ريد بول واثنين جالكسي وقال: جم الحس....
ووقف فجأه وهو يطالع فيه بصدمه .. هو نفسه .. هذا عادل اللي صدمته .. هو نفسه .. فتحولت الصدمه إلى استغراب ..
راشد في نفسه: "الحادث اللي صار لعادل قوي مره .. يعني يا يموت او ينشل او يدخل في غيبوبه .. بس .. بس الاسبوع قبل اللي راح شفته في الجامعه وهو تمام .. واللحين هو مشلول .. والمره اللي فاتت كان نحيف واللحين امتن شوي .. شسالفه" ..
وعلي كان يطالع في راشد ويطالع في عادل نضرات اني فهمت وتأكدت ايش هي السالفه ..
اعطى عادل راشد ورقه وقال: هذا هو الحساب ..
فانتبه راشد وطلع محفضته وطلع الفلوس منها واعطاه عادل وهو يطالع فيه .. فأخذ عادل الفلوس وطلع راشد من المحل ..
علي باستهزاء: لا لا انت غلطان .. شبهت عليه وبس ..
ابتسم وطلع برا المحل ..
عادل: علي علي وقف ..
بس علي ما وقف واصر انه يخرج ويلاحق راشد ..

================================================== ==================

كانت ريما جالسه في غرفتها .. هذي الايام صارت ما تفارق غرفتها بسبب الصداع اللي كان مصيطر عليها .. كانت تاخذ حبوب مسكنه ومهدئه .. واللحين صارت تاخذ حبوب منومه عشان تنام وترتاح ..
قامت من فوق سريرها ووقفت قدام المرايه تطالع في شكلها .. شافت بعض الهالات السودا تحت عيونها بس كانت خفيفه مرره ..
ريما: هذي الهالات ما تطلع إلا لسببين .. قلة النوم والسهر الكثير والمتواصل .. والسبب الثاني الادمان .. هذا معناته اني مدمنه .. ادمنت من كثر ما اخذ حبوب مسكنه ومنومه .. لازم اخفف من هذي الحبوب .. بس اذا خففت الحبوب مين بيخفف صداع راسي .. اوووف يا ربي هذا مو صداع عادي ..
مسكت راسها من شدة الصداع وتحس الدنيا تدور فيها .. جلست على سريرها ودق جوالها في هالحضه .. طالعت في الشاشه وكان ياسر ..
ريما: اوووف شيبي ذا بعد .. انا ماني متحمله نفسي عشان اكلمه ..
ردت وقالت: اهلين ياسر ..
ياسر: يا هلا بذا الصوت كيفج ..؟!
ريما: الحمد لله تمام ..
ياسر: شفيه صوتج متغير ..؟!
ريما: تعبانه شوي ..
ياسر: من شنو تعبانه ..؟!
ريما: مجرد صداع ..
ياسر: يا حبيبتي والله .. سلامات ما تشوفين شر .. طيب خذي لج حبوب مسكن ..
ريما: ايه انا استعمل مسكن اللحين ..
ياسر: في نوع من المسكنات مرره روعه .. ولد عمي كان يعاني من صداع قوي ومستمر .. اخذ مسكنات ومهدئات بس ما كان يفيد معاه وكل يوم يزيد الصداع عليه .. فأخذ من هذا المسكن وصار تمام ..
ريما في نفسها: "نفس الحاله اللي انا فيها" ..
ريما: طيب ايش اسم هذا المسكن عشان اشتريه ..؟!
ياسر: امممم اسمه على ما اتوقع اممممم .. والله نسيت .. بأسأل ولد عمي وارد منج ..
ريما: اسأله اللحين بليز يا ياسر ..
ياسر: بس هو يدرس برى وما عنده جوال ودايما يتصل علينا من الهاتف العمومي .. من عيوني اول ما يتصل بأسأله ..
فسكتت ريما وهي حاسه باحباط .. بس في نفس الوقت بفرح عشان بيكون فيه دوا لصداعها ..
ريما: اوكي مشكور يا ياسر .. مع السلامه ..
ياسر: ليش بتقفلين ..؟!
ريما: والله تعبانه وما اقدر ..
ياسر في نفسه: "ما الومج .. اول مره بحياتج تقولين الصج" ..
ياسر: اوكي باي يا قلبي ..
فقفلت وانسدحت عالسرير بتنام عشان تتهرب من الصداع والم الرأس ..

================================================== ==================

**كبريآئـي** · 16-09-2013, 04:32 PM

رد: واكتشفت اني .. لقيطه .. للكاتبةة صرخه المشتاقةة

في الليل كانت وصايف جالسه في الصاله وتطالع في التلفزيون بشرود .. كانت تطالع في فلم رعب وكله قتل x قتل ..
فجت لقطه عن وحده جالسه في البيت ومختبئه ورى المكتب وحاضنه بنتها الصغيره بخوف .. وكان البيت مظلم والوقت ليل ..
فدخل لبيت الام رجال واشكالهم اشكال وحوش .. فحضنت الام بنتها اقوى وهي خايفه .. وبعد فتره من التكسير والتفتيش لقوا الام .. وهذولا الوحوش من الناس اللي ياكلون الاطفال ..
الام: بلييز ابنتي لا تفعلوا بها شيئا .. ما اسوء ان اعيش بدون ابنتي .. انها قطعة مني فلا تأكلوها رجاءا ..
فتذكرت وصايف كلام سمعته قبل سنوات .. وهذ الكلام كان بين امها وجيرانهم سميه ..

::::::::::::::::::::::::::::::::::::::::::::::::::
ام وصايف: حرام اللي ساويتيه .. انتي ما تخافين ربج .. هذي قطعه منج فليش سويتي جذي ..
سميه: انتي تنجبين وما تتدخلين .. حياتي وانا حره فيها ..
ام وصايف: بس هذي بنتج .. كيف بتعيش من دون بنتج ..؟!
سميه: ام وصايف رجاءا لا تتدخلين ..
ام وصايف: اوكي انا اعرف شلون اتصرف ..
:::::::::::::::::::::::::::::::::::::::::::::::::

حطت وصايف ايدها على راسها عشان تمنع ذاكرتها من تذكر هذا الماضي .. بس مستحيل تنساه لأنه ماضي غير عن ماضي كل البشر .. ماضي بشع ..
اخذت الريموت وقلبت ع قناة ثانيه .. قناة كانت رعب اكثر من اللي قبلها .. فقفلت التلفزيون مره وحده ..
فصار المكان مظلم .. لمبات البيت كلها طافيه والتلفزيون كمان طافي .. سندت ظهرها عالكنبه وتطالع في الظلام بتفكير ..
فسمعت وراها اصوات اقدام شخص .. كان الصوت خفيف بس كل شوي يكبر الصوت وكأن هذا الشخص بيتقدم من عندها ..
ابدا ما اهتمت .. قالت في نفسها انه اكيد جني طفشان ويتمشى في البيت ..
بارده .. البنت بارده لاخر درجه ..
تقدمت صوت الاقدام لين صارت وراها بالضبط ووقف الصوت ..
ما لفت عشان تشوف مين .. وكأنها ما سمعت شي ..
............: تفضلي .. هذا سويت سيارتج .. توها السياره خرجت من الورشه ..
فطالعت في المفتاح بعدين قالت: مشكور يا امجد ..
امجد: تامريني بشي كمان ..
وصايف: لا ..
امجد: طيب استأذن ..
لف وخرج برى البيت .. امجد هذا هو واحد من حراسها الشخصيين ..
اخذت المفتاح وطلعت فوق لغرفتها ..
دخلت الغرفه وقفلت الباب وراها .. حطت المفتاح على الطاوله وجلست فوق سريرها ..
حطت راسها عالمخده عشان تنام .. بس تذكرت شي صار في الجامعه .. جلست بسرعه وهي تتذكر هذا الشيء ..
وصايف بصدمه: م مع قوله ..؟!!

================================================== ==================

في اليوم الثاني ..
فتحت اسيل عيونها وطالعت حوليها ..
اسيل بتعب: وين انا ..؟!
جلست تطالع في الغرفه .. كانت غرفه بيضاء واثاثها قليل شوي ..
فأنفتح الباب ودخل واحد لابس معطف ابيض .. دكتور ..
الدكتور: لا لا ما شالله .. اسوله صارت بخير ..
اسيل بعصبيه: وين انا ..؟!
الدكتور: انتي في المستشفى .. ليه يا بابا تاكلين حبوب زي جذي .. يمكن ذي الحبوب تموتج اذا كانت كثيره ..
اسيل: انا في اي مستشفى ..؟!
الدكتور: في مستشفى ال***** ..
اسيل: جذاب ..
الدكتور: وليه جذاب ..؟!
اسيل: المستشفيات تكون غرفها فيها مغذي واجهزه ثانيه وثلاجه صغيره واشياء كثيره .. بس هذا المستشفى ما فيه شي غير دولاب بس ..
اسيل بصراخ: وين انا ..؟؟؟؟!!!!
فجاء الدكتور عندها وقال: حبيبتي اسيل هدي ما يصير جذي ..
فدفته بإيدها وهي تقول بصراخ: ابعد عني ..
فطاح منه دفتر الملاحضات فقال: عيب يا بابا .. انتي كبيره ليه تسوين جذي ..؟!
اسيل بعصبيه وصراخ: اطلع برا .. ما ابي احد اطلع ..
الدكتور: اوكي يا بابا راح اطلع .. بس المره اليايه اكيد بتكونين مؤدبه ومطيعه وما تطرديني صح ..؟!
اسيل: انت ما تفهم .. اقولك اطلع ..
فهز الدكتور راسه وطلع برا .. فقامت من فوق سريرها وراحت للشباك .. يمكن تكون غلطانه بس لازم تتأكد ..
فتحت الشباك وطالعت في لوحة المستشفى .. كان مكتوب "مستشفى ال***** للطب النفسي" ..
فرجعت خطوه لورى .. مستحيل ..
فراحت جري عند الباب بس كان مقفل .. فدقته بقوه وهي تصارخ ..
اسيل: ماني مينونه حرام عليكم انا مو مينونه .. فتحوا الباب فتحوه ..
فدقته اقوى ورفسته برجلها بس محد فتحه لها ..
سندت ظهرها عالباب وجلست وهي تبكي وقالت: يبه حرام عليك ليه دخلتني مجان زي جذي .. انا شسويت لك ..؟! يبه لا يكون انت بعد تكرهني مثل امي واخوي وريما .. حرام يا يبه حرام ..
ولفت ايدها حول رجلها وحطت راسها على ايدها وبكت ..

.............................................

عند الدكتور كان الاب جالس قدام مكتبه ..
الدكتور: صراحتا كان شي جميل منك انك يبتاها عندنا وهي في بداية حالتها النفسيه .. بجذي ان شالله يكون العلاج سهل ..
الاب بحزن: يعني هي من يد مينونه ..؟!
الدكتور: هي مو مينونه .. هذا اسمه مرض نفسي .. بس بغيت اسألك عن الشي اللي وصلها لهالحاله ..
الاب: مافي اي شي .. راحت الجامعه عادي مره وبيتنا ما فيه مشاكل عشان نقول ان المشاكل هي السبب ..
الدكتور: عيل يمكن عندها مشكله وما حكت لكم عنها وذي المشكله هي اللي وصلتها لهالحاله ..
الاب: دكتور ممكن اشوفها ..؟!
الدكتور: اكيد لا .. يمكن حالتها تزداد سوء اكثر من قبل .. ان شالله لمن حالتها تستقر وتتماثل للعلاج راح اسمح لك تشوفها ..
الاب: طيب متى حتصير بخير ..؟!
الدكتور: على حسب استجابتها للعلاج ..
الاب: ما تقدر تستعجل .. بنتي تدرس في الجامعه والاسبوع الياي اسبوع مراجعه وبعده الاختبارات .. لازم تكون مويوده ..
الدكتور: مستحيل نعالجها في يوم وليله .. الطب النفسي ياخذ اسابيع وشهور وبعض الاحيان سنين ..
فنزل الاب راسه بحزن وقال: يعني احتمال ما تكمل دراستها ..؟!
الدكتور: اطمئن بأحاول اعالجها قبل اجازة نهاية السنه وبعدين يمديها تدرس كورس صيفي ..
فقام الاب وقال: مشكور ..
وخرج .. ركب سيارته واتجه للبيت وهو يفكر في اسيل .. بعد فتره وصل ونزل ودخل للبيت .. فشاف فارس والام جالسين ..
اول ما شافه فارس قام وقال بسرعه: يبه صحيح انك دخلت اسيل مستشفى الامراض النفسيه ..؟!
فهز الاب راسه بإيه ..
فارس بعصبيه: وليه ..؟! اسيل مو مينونه ولا عندها حاله نفسيه .. ليه صدقت كلام امي ودخلتها للمستشفى ..؟! لهدرجه انت بايع اسيل ..؟! يبه والله حرام عليك اللي سويته فيها .. بالطريجه ذي انت بتخليها مينونه ..
الام بعصبيه: فارس انت م...
فوقفها الاب بإشاره من ايده وقال: فارس انا ما دخلت اسيل للمستشفى إلا لمن تأكدت انها تعاني من مشاكل وصلتها لهالحاله .. امس الظهر دخلت الغرفه عندها ولقيتها طايحه عالارض وجنبها علبة حبوب .. شتسمي هذا الشي ..؟! هذا اسمه انتحار .. محد يحاول ينتحر إلا اذا كان مريض نفسيا .. فارس صدقني انا بنفسي مو متحمل اني ادخلها المستشفى .. بس هذي مصلحتها .. لازم تتعالج عشان ترجع لنا اسيل الاوليه .. فهمتني يا فارس ..؟!
فطالع فارس فيه وبعدين طلع عالدرج وراح لغرفته ..
الاب: انا لله وانا إليه راجعون ..
وطلع لغرفته ..
الام: اوووف من ذي الاسيل .. من يوم ما يات للبيت ويابت المشاكل وراها ..

================================================== ==================

قفل ريان جواله وقال: احلى شي صلحوه اصحابي الدلوخ انهم كلفوني اني انا اروح واطمئن على حالة عادل واطمنهم .. شي حلو اني غبت امس عشان يعصبون ويكلفوني بهالمهمه ..
اخذ مفتاح سيارته ونزل من غرفته فشافته امه ..
الام: ريان ..
ريان: هلا يمه ..
الام: الوقت ظهر وين بتروح ..؟!
ريان: لصاحبي عادل اللي في المستشفى ..
الام: وليه ما تروح العصر احسن ..؟!
ريان: لا في العصر احراج لأن اكيد اهله بيزورونه في العصر ..
الام: اها .. طيب لا تتأخر ..
ريان: اوكي ..
نزل وراح للمستشفى .. وصل ودخل للمستشفى وسأل عن غرفتها فعرف انه صارت الزياره مسموح فيها ..
طلع ودق الباب وسمعها تقول: ادخل ..
فدخل وقال: هلا بعادل ..
فأنصدمت لمن شافته ..
ريان: الحمد لله على السلامه يا عادل ..
دانا بإرتباك: الله يسلمك ..
جلس عالكرسي وقال: سوري لأني ما يبت ورود او شوكولاته لأني ما توقعت ان الزياره مسموحه ..
دانا: مشكور ..
ريان: الشله تسلم عليك ..
دانا بتوتر: الله يسلمهم ..
ريان بلعانه: شفيك يا عادل مرتبك ومتوتر وكلامك قليل ..؟!
دانا بخوف: ها .. لا لا ما فيني شي .. بس عشاني تعبان شوي ..
ريان: اها .. سلامتك ..
دانا: الله يسلمك ..
ريان: متى قالوا بيطلعونك ..؟!
دانا: السبت او الاحد ..
ريان: حلو ..
فسكتوا فتره طويله وريان قاعد يطالع في الغرفه وفي السقف والسرير وحاس بطفش .. ودانا تطالع في اظافرها وتلعب باصابعها وحاسه بتوتر ..
ريان: عادل ..
دانا: نعم ..
ريان: تحجى ليه ساكت ..؟!
دانا: ها ..
ريان: من يوم ما ييت وانا بس اتكلم .. ييب سالفه وخلنا نناقشها ..
دانا: ط طيب ..
فتكى ريان دقنه على ايده وطالع فيها ينتظرها تسولف ..
دانا: كيف الشله ..؟!
ريان: تمام ..
دانا: طيب كيف الجامعه ..؟!
ريان: طيبه ..
دانا: اه طيب كيفك انت ..؟!
ريان: الحمد لله بخير ..
فسكتت تدورلها على سالفه تقولها وريان يطالع فيها ..
دانا: ايش اخبار اختك اللي في الثانوي ..؟!
ريان: تمام ..
دانا: ايش اسمها ..؟!
ريان: رشا ..
دانا: سنه جم ..؟!
ريان: اولى ..
دانا: طيب ايش اخبار امك ..؟!
ريان: تمام ..
دانا: ايش هي هوايتك ..؟!
ريان: ما عندي ..
دانا: جم عدد اخوانك ..؟!
ريان: ثلاثه ..
دانا: مين هم ..؟!
ريان: رنا متزوجه ورامي سنه اولى ابتدائي ..
دانا: اسمائكم كلها تبدأ بحرف الراء ..
ريان: ايه ..
فسكتت فتره وقالت: ايش تشجع من الفرق الاجنبيه ..؟!
ريان: برشلونه ..
دانا بطفش: خلاص خلصت سواليفي ..
ريان: هههههههه ..
دانا: انا اسولف وانت بس تقط جواب وبس ..
ريان: شكلي طفشتك صح ..؟!
فجت بترد بس انفتح الباب في هالوقت ودخل عادل وامه ..
انصدمت دانا في هالوقت .. هي قالت لهم عندي اخت وحده .. اللحين اكيد ريان بيعرف انها كذابه ......<< خخخخخ <<
وقف عادل عند الباب فتره .. مين هذا .. لا يكون واحد من اصحابها في الجامعه .. اذا كان كذا فاللحين اكيد صارت ورطه ..
طالع ريان في عادل وبعدين في دانا وهو يشوف الصدمه والدهشه على وجههم .. ضحك في نفسه على اشكالهم ..
فقام وقال: مع السلامه يا عادل شكل الاهل يوا .. باي ..
دانا بتردد: باي ..
مر ريان من جنب عادل وهو يطالع فيه ويقول في نفسه: "مقعد ..؟! عشان جذي هي تدرس بداله .. يا سبحان الله بينهم شبه كبير بس الفرق ان ملامح دانا انعم" ..
اما دانا فكانت تطالع في ريان بخوف وتقول في نفسها: "شفيه يطالع جذي في عادل ..؟! اخاف يكون شك في الامر" ..
انتبه ريان على نفسه ولف وطلع برى الغرفه وقفل الباب وراه .. وقف عند الباب فتره وهو سرحان بأفكاره وبعدين مشي عشان يروح لسيارته ..
خرج عادل من الغرفه وقال: ريان ..
فوقف ريان ولف على عادل وقال: هلا ..
تردد عادل وقال: بغيتك بموضوع ..
فابتسم ريان وجاء عنده وقال: انا اعرف انها بنت واسمها دانا ..
فانصدم عادل وطالع فيه بصدمه وقال بتردد: شنو قلت ..؟!
ريان: لا يهمك لأنه محد يعرف بالموضوع غيري .. انا من نفس الشله اللي هي فيها فاطمئن لأني ما راح اعلم احد ولا راح اخلي احد يعرف ..
فطالع عادل فيه فتره يرتب الموضوع في راسه بعدين قال: مشكور ..
ريان: العفو ..
وراح ريان ركب سيارته وراح لبيته ..

================================================== ==================

واكتشفت اني لقيطه ،للكاتبة صرخه المشتاقة (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget