.. زهـايـمر حكـي .~

**تنهيدهـ** · 15-07-2018, 11:27 PM

رد: ✒ .. خآصرة حرف رمآدية

مساكم الله بالخير ..

ومن باب الوفاء بالوعد .. بقول لكم شلون تكتبون صراحات بدال ما تصير صراحتي مدونه كلها اقتباسات ..
ترى اسمها صراحه يعني شي بنفسك تقولينه لي .. مش اقتباس واقتباس واقتباس ..
والله افكر ألغيها من كثر ما الاقتباسات اللي فيها ممله .. يعني الصدق ما أتحمس أخمن مين ..
خلاص اقتباس امر عليه وامشي .. هو تعليق واحد اللي
جاني امس وحسيت اني شوي فكرت بعدين قلت احسن :)

صح تصير مواقف في الحياة ونكون فيها اما صح او خطا
بس بالنهاية تلاقي انها خيرة .. وانا من النوع اللي كل
المواقف اللي صارت لي في نطاق النت ومع اشخاص ما اعرف
منهم الا أسمائهم .. اقول احسن وأقول خيره ..
وامشــي ..
ليه اقول كذا .. انا ماودي اتعب نفسي مع اشخاص تاثيرهم مو مرا بحياتي ..
ونفس الشي م ابي أعودهم على انه واو وش صار وش حصل
ووش بكم وانا اعتذر .. وما الى ذلك ..

خلاص كل واحد يعرف مكانته ويعرف وش يعني لي .. سواء في نطاق النت او برا النت ..
ليه نأوڤر .. الحياة تمشي ومافي موقف يستاهل الحقد وتكراره على ذاكرتنا كل فتره وفتره ..
الحياة سهله .. لاتحطون مراتب للناس في حياتكم يمكن م يدرون عنكم وتتعبون كثير ..

عموما .. نرجع للسوالف الحلوه في اي صباح من الصباحات
الجايه .. مدري متى .. بس التدوين صباحا اروع ..
احبه واروق عليه ..

تصبحون ع خير ..

**تنهيدهـ** · 17-07-2018, 05:22 AM

رد: ✒ .. خآصرة حرف رمآدية

صباح الورد ..

بالفترة الاخيرة صايره نفسيه .. وماعندي ثقه بأحد .. كذا من الباب للطاقه .. صكتني ام العبيد ونفست ..
حتى نسبة اهتمامي للتعرف ع اشخاص جدد صفر .. ونسبة اطلاعي على ثقافات كتابيه جديده صفر .. ونسبة تفكيري
في حروف الناس وليه انكتبت ومدى مناسبة النص للواقع صفر ..
شفيني م اعرف .. بس جوي استمر ع وضعي والناس اللي
اعرفهم .. ونفسي .. وطلعاتي وجياتي .. وبس ..
يعني اللي بتسألني عن حدودي في المتعه بقول مالي حدود غير حدود الله .. والأمور المضره للنفس ..
غير كذا انا حره جدا .. ما ارتبط باي مخلوق الا الاهل وسبب ارتباطي فيهم اجباري مو اكثر ^_^ ..

احس الحياة حلوه ليه احط لها حدود مباحه ومتاح لي استمتع بها ..
واصلا شخصيتي الصدقيه ماتحب القيود .. اكثر شي يستفزني في الحياة القيود ..
ولو شفت نفسي مقيده في يوم علشان شخص ترى لفتره مؤقته وافك القيود .. لأني م احبني كذا ..
اجامل فتره او اتخرفن ثم يطلع وجهي الحقيقي :)
انا انسانه احب اتنفس م احب الكبت ..

صدقوني سبب الأمراض النفسيه في الحياة هي العقد
والأقفال الإجبارية والحجر على العقول
واعتبار انه الابن او البنت ممتلكات خاصه نمشيها كيف م نبي .. لا غلط مرا مو كذا الحياة ..

اوك اختار مسار عيالك بشكل حلو .. بدون تعقيد .. بدون ما تسبب أزمات نفسيه .. كل شي بالتفاهم يصير ..
خطط وامش ع خطتك .. وخل بنتك تراقب الله م تراقبك خوف من عقدك الخبله .. لانها بتنحرف اذا حجرتها ..

ونفس الشي زوجتك .. انا احس اني مستحيل اتزوج شخص يعيشني حياة كالتالي :
زوجه اطبخ انفخ اشتغل بالبيت .. وانام .. واصحى بنفس الروتين والدائرة .. ما اعرف ابدا اكون كذا ..

الحياة حلوه مع اشخاص الشي اللي براسهم مو قفل
اشخاص تحب التجديد .. وتغامر :)

الزبده .. عيالكم مش لازم يكونون نسخه منكم .. حلو لما يكونون نسخ من اشياء ترضيهم .. وفيها طموحاتهم وآمالهم
والجيل هذا داخل اقوى شي .. وفرصتهم اكبر ..
افسحوا لهم مجال يتنفسون .. وكونوا انتم اكسجينهم وامانهم ..

وبس ..

**تنهيدهـ** · 18-07-2018, 09:01 AM

رد: ✒ .. خآصرة حرف رمآدية

صباح الورد ..

نايمه ساعتين بعد مشوار الشاليه البارح وتوي اصحى على
رنة المنبه ..
متخيلين اني اكتشفت سبب سحباتي ع لمواعيد اللي فاتت
توقعت انه اهمال مني .. لكن لا طلعت بريئة ..
يوم فتحت عيوني على ازعاج المنبه لقيت يد اختي على جوالي تطفيه .. وليتها طفته وصحتني .. رجعت تكمل وهي
عارفه انه موعد مهم بالنسبه لي ..
تمنيت اني عضيتها اول م صحيت وعلمتها كيف تتجرأ تمد يدها ع منبهاتي المهمه ..
وما انتهت السالفه برجع الظهر على خير بخرب نومتها وبنوم ليتني اقدر اسحب..
بس ماش موعد مهم .. الزبده .. لاتمدون يدكم على منبهات احد يمكن عنده شي مهم .. الا اذا بتاخذون دور المنبه
في الازعاج المحترم اللي نتحمله .. ولا لاتتلقفون ..

كأني قايمه شايشه :) .. المهم صباحكم انا وجعلني دايم بهالروقان رغم انه نص روقان ..
ويلا باقي ساعه على موعدي خلوني اخلص شغله وارتب شكلي ثم اطير عليهم .. بعد م امر على كوفي اخذ قهوه
واروق ..

اللهم سلمني من الذوبان في هالحر ..

برب طويله ..

**تنهيدهـ** · 21-07-2018, 04:33 AM

رد: ✒ .. خآصرة حرف رمآدية

في سؤال محيرني وأتساءل عن سببه دايما .. ولما أفتش في مواقف قديمة
صارت لي اتذكر اني كنت أمارس هالعادة لكني قطعتها ..
السؤال يقول :

ليه دايما نكذب حتى في اشياء سخيفة ..؟

هالامر فعلا مستفز سواء كنا نمارسه او يمارسه معنا اشخاص اخرين ..
في اسخف الأشياء م نقول الحقيقه مع ان الموضوع مافيه ضرر .. ليه مدري ..
امس اسال اختي عن شحن جوالها .. وانا اشحن جوالي يعني مب بحاجة شاحن .. قالت شحنه ٣٠ ..
عاد انا ماحكيت كملت العب .. شوي وقالت امزح ٩٨ .. سألتها
عاد ليه كذبتي .. قالت مدري تعودت ..
كثير أمور حنا مو بحاجه للكذب فيها لكن نكذب .. والاسباب سخيفه ..
ي اما عاده يحسها الشخص متعه وهي مرض .. او لفت انتباه .. او نقص في الذات .. او اي شي ثاني ..
واصعبها لما تحس بنقص في ذاتك .. وهذا اللي عشته فتره من الزمن .. لكني تغلبت عليه .. وحاليا ولله الحمد حتى
مشاعري تجاه الناس مستحيل اكذب فيها ..

الحياة بسيطه ليه نتكلف فيها علشان الناس .. نغير فيها شخصياتنا .. وحياتنا الواقعيه .. ونتصنع شخصيات
ثانيه ماتناسبنا ..
البيئة اللي تنبذ صدقك ووضوحك وواقعك هذي انت ماتحتاجها ..
والشخص اللي م يحبك مثل م تكون مايناسبك ..
واي شي ما يحترم ذاتك تنازل عن وجوده في طيات يومك ..
عش لنفسك بوضوح .. انت الاهم .. وكل ما رممت داخلك وزرعت الثقه فيك .. كل ما كنت أجدر بحياة افضل ..

لاتقلل من قيمة نفسك بعينك علشان احد ..

وبس ..

**تنهيدهـ** · 21-07-2018, 01:43 PM

رد: ✒ .. خآصرة حرف رمآدية

‏من السهل جدا أن تكونين شاعرة من الصعب جدا أن تكونين تنهيدهـ :)

**تنهيدهـ** · 22-07-2018, 09:28 AM

رد: ✒ .. خآصرة حرف رمآدية

صباح الخير ..

صباح الأشياء الحلوه والمشاعر اللي ماتبين الا بموقف ،، يالله صباح جميل بفضلك وكرمك ..
الصدق انا هاليومين ودي أزبد لي .. والله جد .. خير كذا احب نفسي مرا .. مو طبيعي ياخي .. كذا كذا احس ودي
اخمني وأقول لي احبك ويازينك ويازين صوتك اللي جعله ما ينقطع عن اللي يحبونك اي والله ..

يعني الحمدلله نفسيتي حلوه لدرجة انه زوجة اخوي امس تنتقد قرار قصي لشعري وانا ابتسم :) .. بالعاده مو كذا
اتحسف وضميري يانبني لين يطول ..
مهذه الحياة البسيطه والحلوه في عيني يا الله .. ليتني شايفتها من زمان كذا .. والله اني احس اني
كنت اوڤر في اشياء كثير .. كنت ادقق ويع ويع كان جوي خياس ..
والان بس قدام عيني هدف لشيء ما .. ونفسي بس .. الناس مرا م أشوفهم .. احس اني تعديت مرحلة التأثر بهم ..
وطبيعي في هالمرحلة م تتاثر الا بكلام المقربين اللي يهمونك وبس ..

والله الحياة حلوه جدا .. بس يبي لها نفس طيبه .. وقنوعه .. وشوية حظ .. وشوية فلوس غير قابله للادخار .. تعيش فيهم يومك وتستمتع وتمشي .. وشوية ناس حلوه تفتتح فيهم يومك وتختمه .. بشرط مايكون على هيئة حبيب ..
لان الجو بيخيس بعدها وهذا مؤكد ..

الزبده .. علموني وين ممكن أسجل صوت وارفقه برابط .. احتاج برنامج للايفون فيه هالخاصيه .. خلوني ارتاح من الكتابه ،،

وبس ..

**تنهيدهـ** · 23-07-2018, 02:37 AM

رد: ✒ .. خآصرة حرف رمآدية

صباح الخير ..

من وسط نومه والمزاج مو ذاك الزود بس الحمدلله فيه راحه ..
عاد بنات اخوي اصروا الا ينامون جنبي .. وقلت بسلك لهم
وغفيت .. الا من جدهم نايمات وأبوهم تاركهم لي ..
واصحى وأتأمل السقف شويات .. الا رجعت مكمله من ارهاق اليوم تحت الشموس ..
ومن شوي صحتني الكبيره تبي رز تالي الليل .. مدري من
جد مشتهيته ولا حلمانه .. وأحوس شوي بشعرها الا ونامت ..
قامت الثانيه تبي ساندوج على م تقول :) .. انا وش يقومني
للمطبخ اسوي لهم هالامور + انتظر افرش لهم وعقب ابلش بهم لاصحصحوا ..
عاد صغارين مرا مو في عمر احد تتطمنين عليه وتخمدين
أعمارهم حول سنتين وثلاث سنين ..

الزبده شغلة الامومه متعبه من ناحية العناية والاهتمام .. فما بالك بأهل اهتموا بالتربيه والتعليم والمهارات والمواهب وطوروها في اطفالهم ..
اوك .. مو كل العائلات تبني في بعضها تهدم حتى القيم الفطريه .. لكن نقول ان يضل بالانسان شوية رحمه ورأفة بوالدينه حتى لو كان مقاطعهم ومبعد عنهم ..
والبعد بعض الأحيان ارحم وأبر من قرب فيه إساءة لهم وتحقير لمرحلتهم العمريه ..
كثير مواقف مرت بنا ومرت علينا حسينا فيها اننا جدا مظلومين من قبلهم .. بكسر القاف ..
لكن الجزاء هنا مو من جنس العمل .. وعيب قبل ما نصنفه انه حرام .. انك تنكر نظرة رأفة ورحمه لك وانت ما تفقه شي ..
وما اظن في احد له قلب وضمير .. صار بينه وبين والدينه موقف ولا حاسب نفسه بقسوة على رفع صوت وتخويف وتهديد لهم ..

انا كنت دايم اذا عصبت من ابوي في شغله اروح لامي اقول لها والله لأفعل ووالله لاقول له ووووو ..
يعني وقت عصبيه .. بس اذا هديت واذا جا وقت نومي م اقدر انوم من كثر م أصيح على نبرتي وكلامي .. مع اننا
لو نرجع للموضوع اللي عصبت علشانه نلاقي اني انا الصح وهذا ابسط شي ممكن يسوونه لي ..

تخذلنا كلماتنا وتصرفاتنا احيانا .. بس قلوبنا وضمايرنا
لاتخذلنا فيهم ..

بحط لكم صوره بالرد الجاي آلمتني كثير .. لكن الله ما يترك احد بدون حساب ..

برب ..

**تنهيدهـ** · 23-07-2018, 02:42 AM

رد: ✒ .. خآصرة حرف رمآدية

No comment

**تنهيدهـ** · 24-07-2018, 03:08 AM

رد: ✒ .. خآصرة حرف رمآدية

تعال نعد كم جيتك وانا مكسور

‏وزدت الكسر وانت الواعد بجبري

‏

‏كثير أشياء .. اكتمها وانا مجبور

‏كثير أشياء فاقت صمتي وصبري

‏تخيل لو مكاني بس تعيش الدور

‏تفاصيلي وكثير أشياء ما تطري

‏

‏تعلمك الحياة .. تعيشها مقهور

‏وتتعلم كثير أشياء في عمري !

‏يطول الحلم والواقع يجي مبتور

‏وهو في داخلي منحوت لو تدري

‏

‏تمنيته وكان بدنيتي محظور

‏وغيري عايشه من دون لا يدري

تنهيدهـ ..

**تنهيدهـ** · 24-07-2018, 03:59 AM

رد: ✒ .. خآصرة حرف رمآدية

‏ان كنت تريد الحب . .
‏ ابحث عن شخص عاش الحب . .‏وكسروا قلبه ، فالذي جرب ألم كسر القلب لن يجرحك .

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget