في بيت أبو وليد

أم وليد : تخطب وحده فيها السكر ؟؟
وليد : إيه خطبتها من أخوها وخلاص ( وليد ماحب يقول إن أخوها عرضها علي )
أم وليد : بس يايمه أنت ولدي الوحيد وودي أفرح فيك بأحسن من هالحظ
وليد طنشها وقال لأبوه : وش رايك يبه ؟؟
أبو وليد : مبروك ياولدي
وليد بإبتسامه : يبارك فيك يالغالي
أم وليد وهي توجه الكلام لأبو وليد : المفروض توقف معي وتمنع هالزواج
أبو وليد بحده : الولد ماغلط وخطب من ناس والنعم فيهم ينشرى نسبهم بالذهب والبنت أنتي قد شفتيها وتمدحين أخلاقها أتوقع عقب هالكلام مافي شي ينقال والأسبوع الجاي بنتقدم رسمي لأهلها
أم وليد سكتت ماقالت شي وهي صح قد شافت دانا وتمدح أخلاقها وجمالها وطيبتها بس كانت تبي لولدها أحسن من هالحظ على قولتها
.... << صراحه تفكير غبي وش فيها البنت إذا كان فيها سكر أو اي شي أهم شي الأخلاق



عايلة وليد معروفه بين الناس بس مو أغنياء حييل متوسطيين المعيشه

أبو وليد طيب وحنوون وأهم شي عنده سعادة عايلته عمره 57
أم وليد طيبه مره وتحب ولدها الوحيد وليد عمرها 53
وليد سبق وعرفتكم عليه
عنده أخت وحده أكبر منه أسمها سعاد عمرها 32 متزوجه وعايشه بالكوويت وتجيهم كل شهرين تقريبا










عند عبدالله في جناحه
بدل ملابسه ونزل بيروح الشركه وهذي أول مره يصحى من دون أحد يصحيه ويزعجه

نزل وشاف أبووه يفطر لحاله باس راسه وجلس معاه من دون اي كلام

أبو نواف : الناس تقوول صباح الخيير
عبدالله : صباح الخيير .. المهم يبه مارجعت دانا وأمي للبيت
أبو نواف : نواف راح يجيبهم
عبدالله سكت وماقال شي ماقدر يأكل ماله نفس قام عن طاولة الطعام
أبو نواف : على ووين
عبدالله : عالشركه يبه
أبو نواف : ههه غريبه قبل نقومك غصب لها
أبتسم عبدالله غصب عنه وقال في نفسه لو تدري يايبه إني رايح لها بس عشان أشغل نفسي فيها وماأفكر باللي صار وحطم قلبي وخلاني حتى أكره البيت ... وطلع من البيت إلى الشركه
على طلعت عبدالله دخل نواف للبيت ومعاه أم نواف ودانا اللي طمنهم الدكتور عليها وقال لازم ترتاح وتأكل زيين عشان السكر
راحت دانا بسرعه لأبوها وباست راسه وهو حضنها
أبو نواف وهو يسأل دانا : هاه وش أخبارك الحين
نزاف : ههه يبه ماتشوفها جايه تركض لك أكيييد تزقح ومافيها ألا العافيه
أم نواف ضربته على كتفه : قوول ماشاء الله بسم الله على بنتي
أبو نواف مات ضححك عليهم
دانا بتقهر نواف : اووف تقههر بعلم خزامى عليك
نواف أبتسم وماقال لها شي
أبو نواف قطع السكوت : نواف دوامك يبدا اليوم بالمستشفى صح
نواف تذكر : يووه نسيته صح
وطلع بسرعه من البيت من دون مايسلم وعلى شغله على طووول









في بيت أبو فهد في جنأح فارس وخلود
فارس دخل الجناح وهو ينادي : خلووود ياخلوود
خلوود وهي تعلي صوتها : أنا بغرفة سارا تعال
دخل فارس لغرفة سارا وشاف خلود تنومها
قرب وجلس على الكنبه ينتظرها
شوي وخلصت خلود من سارا ونومتها وحطتها على سريرها
وألتفت لفارس
خلود : هلا حبيبي تبي شي
فارس : ألبسي بنروح المستشفى
قامت خلود من الخووف : مستشفى ؟؟ ليه ؟؟ صاير شي
فارس أبتسم لها وقرب منها : لا حبيبي مافي شي بس اليوم عندك كشف حمل ولا نسيتي
خلود : اه ريحتني أوكي ثواني وبكوون جاهزه ... بس سارونه من تجلس عنده رؤى مو بالبيت راحت لغلا
فارس : البنت نايمه وماراح يصير فيها شي
خلود هزت راسها بإيه وهي مو مقتنعه
طلعت من غرفة سارونه أخذت عبايتها ولبستها ونزلوا