رواية رماني وقال ما أبيها.../ كاملة ..

**نوران العلي** · 15-05-2012, 06:30 PM

رد: رواية رماني وقال ما أبيها../ كاملة ..

هنادي : يايمه داخ رأسي وأنتي تقوولين لي السالفه
أم سلطان : أنا متأكده أنها جايه تتسمع لنا
هنادي : أنا بطلع أخذ شاور أحسن لي
أم سلطان : إيه رووحي وخليني لحالي أحترق من القهر
هنادي : يايمه الله يهداك مالي داعي تكبير السالفه
أم سلطان : كل هذا وماله داعي أكبر السالفه
هنادي صعدت لجناحها وهي تاركها أمها تأكل بنفسها من القهر

عند منال
منال وهي جالسه تتابع التلفزيوون
أم منال كانت بغرفتها : منال يامنال
منال : اووووف لحظه يمه
راحت عند أمها : ها يمه وش تبين
أم منال : وش فيتس تكلمي زي الناس
منال : حاضر يايمه وش تبين
أم منال : أبي منتس فلووس
منال : وليه
أم منال : أنا أمتس المفروض ماتسأليني هالأسئله
طلعت منال من جيبها 200 ريال ومدتها لأمها
أم منال : بس هذي
منال : يايمه الله يهديك أنا وراي شغل ومصاريف << إيه هين
وطلعت من غرفة أمها
مامداها تجلس على التلفزيون ألا دق جوالها
منال بدون نفس : خير
راكان : افا نستك الفلوس اللي بينا
منال : مو قلت لك لا تدق علي أنا بتصل عليك
راكان : تعالي لبيتي وبلاش كثرت حكي
منال : ماأقدر الجامعه ماباقي عليها شي ولازم هاليومين أنزل لسووق
راكان : متى يعني
منال : أصبر علي كم يووم وأنا بنفسي بتصل عليك وصكرت الخط بوجهه

راكان وهو يطالع جواله بعد ماصكرت الخط منال : الله يأخذك
عزام : وش فيك ؟؟
راكان : هالعله منالوه أدق عليها مره ماترد ومره تعطي مشغوول ومره تقفله واخر شي تصكر الخط بوجهي
عزام : تستاهل
راكان : أنا
عزام : إيه البنت وراها زباين غيرك

عند نواف وعبدالله لحالهم بجناح نواف
نواف : إنت تتكلم جد ولا قاعد تستهبل
عبدالله : باأخي والله ماأكذب كم مره يعني بحلف لك
نواف : أحس سالفه ماتدخل العقل
عبدالله : إذا كنت مو مصدق أتصل على فهد وهو يخبرك كل شي
نواف : طيب البنت وينها الحين
عبدالله : أتوقع راحت اليوم لبيت عمي أبو فهد
دخلت عليهم دانا فجأه : نواف بابا جاء تحت رووح سلم عليه
قام عبدالله وقرب لها وعفس شعرها : مره ثانيه إذا بتدخلين طقي الباب زين ولا لا
دانا : نواف شوفه خرب شعري
نواف : هههههه خلها يابن الحلال يالله أنا بنزل لأبوي تحت
عبدالله : ترى هاذي بدت تتدلع من يوم جيت
نواف قرب لدانا وحط يده على كتفها : خلها تدلع علي

عبدالله : افا يعني ضاع كرتنا يادندوون
دانا : إيه ههههههه
عبدالله : إيه هين
نواف : يووه أنا تأخرت على أبووي وأنتم تسولفوون فوق رأسي
نزل نواف لأوه ولحقووه دانا وعبدالله وهم يتهاوشون بمزح

دخل نواف لصاله
وأبووه أنصدم وقام من الكنبه
أبو نواف : نواف ؟؟
جاء له نواف وباس راسه وباس يده
نواف : هلا فيك يالغالي
أبو نواف : هلا هلا بولدي
جلس وجلس معاه أبووه

أبو نواف : وشلوونك و أنا وأبووك ومتى وصلت
نواف : أنا تمام ,, مالي ألا تقريبا ساعتين واصل
أم نواف : شوف ياأبو نواف مدام نواف جاء بزوجه
الجميع : ههههههههههه
أم نواف : الحين أنا ودي أفرح بولدي ليه تضحكوون
نواف : حرام عليك يايمه ماصار لي أربع وعشرين ساعه عندكم
عبدالله : نواف أمي أستلمتك من هالحين خخخخخ
دانا : إيه نواف تكفى تزووج
نواف : اها شكلكم متفقين علي (و طالع لأبووه ) : وأنت يبه
أبو نواف : والله ياأبووك أنا ماعندي مانع الشوور شورك
أم نواف : يايمه لا تحرمني هالفرحه
نواف عشان يفرح أمه : بفكر
أم نواف : أستعجل وأنا أمك عندي لك عروووس تقول للقمر قم بقعد مكانك
نواف : إن شاء الله يمه أنا بطلع لجناحي أرتاح من يوم جيت وأنا ماغفت لي عين
أم نواف : نووم العوافي وأنا أمك
نواف : يعافيك
صعد نواف لجناحه بينام بعد إرهاق السفر
عبدالله بنفسه أمي بتزووج نواف ماشاء الله عليك يانواف
اه بس وأنا متى يجي اليووم اللي أشوف يدي بيدها

أحاول أخفي احساسي ولكن بالعشق مفضوح!!!
تشوف الفرحة في عيني وأحبك بالعقل والروح...
أحبك حب ما أقدر أعاند فيه احساسي!!!
لقيت الحب شي أكبر من اني اخذ انفاسي...
وعمري ما ابتدى قلبك وعيدي في الهوى عيدك...
معاك الدنيا شي ثاني .. معاك الدنيا ذي أحلى!!!
ومهما كانت الدنيا معاك أحلى وأكيد أحلى...
تخيل دنيا من غيرك أو لحظة من غيرك!!!
أنا ما أشوف في الدنيا وفي قلبي أحد غيرك

عند غلا ورؤى
رؤى كانت تكلم سمر : بطلع لسووق معاك بكرا ترى ماباقي شي للجامعه ولازم نتقضى لها
سمر : اووكي بس مو بكرا
رؤى : ليه ؟؟
سمر : مالي خلق وبعدين بنأخذ دانا وخزامى معانا وأكيد بكرا مو رايحين خزامى تقووله
رؤى : اووكي بس هالأسبووع نرووح
وكملوا سواليفهم بالجووال
وغلا تتطالع رؤى وهي تكلم صار لها أكثر من نص ساعه والجوال بيدها
طفشت وهي بجناح رؤى
بعد ماصكرت رؤى من الجوال ألتفت لغلا
رؤى : اووه نسيتك اسفه ياقلبي
غلا : لا عادي
رؤى : اللي أكلمها سمر بنت عموو هالأسبووع متفقين نزل للسووق وأبغاك تروحين معانا
غلا : لا ماله داعي
رؤى : وشو ماله داعي ألا على فكره سمووره مبسوطه إنك معانا
غلا : ماأبي أرووح تعبانه
رؤى عذرتها يكفي إن البنت تعبانه
رؤى : طيب أمشي ننزل الحين بيحطوون الغدا
غلا : ماأبي
رؤى : أنتي كل شي ماأبي
غلا أسكتت وهي مالها خلق لشي
رؤى : غلو لا يكون زعلتي
غلا هزت رأسها بلا
رؤى : امممم طي..
قاطعها صوت الباب
رؤى : أدخل
دخلت الشغاله : مدام رؤى بابا كبير يبقى مدام غلا
رؤى : جدي يبي غلا
ألتفت غلا بسرعه : أنا
رؤى : الشغاله تقوول كذا
غلا : لالا
رؤى : وش فيك جدي هو جدك ويالله بنزل معاك
غلا : بس أن
قاطعتها رؤى وهي تمسكها بيدها : أمشي بس
نزلت تحت رؤى ومعاها غلا
أم فهد وهي تطالع غلا : على وين ؟؟
رؤى : ماما جدي يبي غلا
أم فهد سكتت وهي تطالع غلا بنظرات غريبه خلتها تستفز غلا
غلا بنفسها هذي وش فيها علي كأني ذابحه أبووها
قاطع أفكارها صوت رؤى : يالله يمكن جدي يبينا بشي ضروري
مشت معاها غلا للمجلس
ودخلوا وكان أبو محمد موجود فيه
غلا كانت منزله راسها
رؤى : جدي هذي غلا
أبو محمد أبتسم على لقافة رؤى : أنتي وش تبين ؟؟
رؤى : امممم ماأدري
أبو محمد : روحي لغرفتك يالله
رؤى بطفش : طيب
وصعدت لغرفتها
وتركت غلا خلفها
أبو محمد : غلا وأنا أبووك تعالي جنبي
غلا منزله راسها ومو راضيه تتكلم تحس إنه رجال غريب عنها
أبو محمد : أنا أدري باللي فيك تعالي وأنا أبووك جنبي
أستسلمت غلا وراحت عند أبو محمد وجلست بالكنبه اللي بجنبه
أبو محمد : وشلوونك ؟؟
غلا : تمام
أبو محمد : عظم الله أجرك بجدتك
غلا بحزن : أجرنا وأجرك
أبو محمد : غلا يابنتي أنا جدك أبو محمد أخو سلمان جدك
غلا طالعت فيه وهي ساكته
أبو محمد : أنا مثل أبوك طيب اي شي تحتاجينه قولي لي
تكلم أبو محمد مع غلا كلام كثيير وغلا عرفت من كلامه أنه حنون وطيب ومتواضع وصفاته نفس صفات جدها

عند خلود وفارس

فارس : بتأكلين ولا شلوون
خلود بقهر : أنت مو تقوول إني سمنت
فارس : ياحبيبي كنت أمزح
خلود : إيه بس رحت وقست بالميزان وطلعت سمنانه كيلوين
فارس : أنا عاجبني
خلود : وأنا مو عاجبني
مسك فارس الملعقه وفيها رز ومدها لخلود : حبيبي يالله أفتحي فمك وأكلي هاللقمه مني عشاني
خلود : اممم ودي بس ماأقدر
فارس : يالله عشان خاطري
أكلت من الملعقه شووي ورجعتها لفارس
فارس : كملي
خلود : مو مشتهيه
فارس : اه بس اووكي على راحتك
خلود : فارس غلا ماجت للبيت؟؟
فارس : ألا جايه من الصبح
خلود : الله يهديك كان قلت لي
فارس : ليه وش تبين فيها
خلود : فارس البنت تعبانه وبروح أشوفها وأكيد أنها مو مرتاحه بالبيت
فارس : خلاص رووحي بس أنا بنام الحين قوميني بعد ساعتين اووكي
خلود : من عيووني

و نزلت خلوود تحت

عند أبو محمد وغلا
أبو محمد : خلاص وأنا أبووك
غلا : خلاص ياعمي
أبو محمد : أنا وش قلت ماقلت لك لا تناديني ألا يبه
غلا بتردد : طيب يايبه
أبو محمد : إيه هذي بنتي
أبتسمت على حنانه اللي غمرها بعد مافقدت جدها من 7 سنين
لقت لها الحنان اللي تبحث عنه
أبو محمد : يالله أنا بمشي الحين تبين شي يابنتي
غلا : سلامتك
أبو محمد وهو يطلع من المجلس : الله يسلمك
طلعت غلا من المجلس وراه
رؤى طلعت لها فجأه وهي جايه تركض : وش يبي منك جدي ؟؟
غلا : يمه خوفتيني
رؤى بلقافه : قووولي وش يبي منك جدي
غلا : طيب ( وحكت لها كل شي )

عند ريم وعادل
ريم : مو رايح للشركه
عالد : لا حبيبي بجلس عندك
ريم : عادل بطلب منك طلب
عادل : أمريني
ريم : أنا أبي نسكن أنا وياك ببيت بروحنا
عادل : يعني نطلع من بيت أهلي
ريم بتردد : إيه
عادل : ريوومه حتى لو أنا وافقت أهلي مو موافقين
ريم : طيب بس عادل أن ..
قاطعها : أدري إنك مو مرتاحه في بيت أهلي
ريم : بصراحه إيه
عادل : ريوومتي تحملي عشان خاطري
سكتت ريم وهي أصلا ماتدري وش تقوول بعد كلام عادل
لأن خاطره يسوى عندها مليوون خاطر

خاطرك عندي ترى مو مثل غيرك
خاطرك يسوى ترى مليون خاطر..~

**نوران العلي** · 15-05-2012, 06:31 PM

رد: رواية رماني وقال ما أبيها../ كاملة ..

في جناح رؤى
جالسه بغرفة نوم رؤى وطفشت من هالقعده
رؤى مخليتها بالغرفه وعند أمها بصاله الجناح
غلا : اووف لمتى بظل كذا وهذا هو أول يووم أجل بعده الله يستر
نزلت دموعها على ذكرى أمها طلعت سلسال أمها وبدت بسرحانها

في صالة جناح رؤى
أم فهد : أنتي ماتفهمين
رؤى : يمه بصراحه مالقيت سبب لكرهك لهالضعيفه
أم فهد : أنتي الظاهر إنك بتجننيني قلت لك لا تمشين معاها ولا حتى تعطينها وجه
رؤى : يايم ..
أم فهد : ولا كلمه أشووف هالعله سلبت قلوبكم من أول يوم
مره ريم وبعدين أبوووك وبعدين جدك واخر شي أنتي اللي توقعتك توقفين مع أمك
رؤى : وش فيك عليها أبي أفهم
أم فهد حاولت تمسك أعصابها شووي : ياماما هذولي الناس أعرفهم زين وأعرف كذبهم وخرابيطهم
رؤى بتساير أمها عشان ماتسمع غلا كلامهم فجأه : اووكي اووكي
أم فهد : المهم أنا وراي شغل الحين بطلع بس ياويلك لو ماسمعتي كلامي
رؤى إلى الأن تحاول تسايرها : طيب طيب

طلعت أم فهد من جناحها ورؤى دخلت لغرفتها
شافت غلا حاطها راسها بحضنها وتبكي
رؤى يووه لا يكون سمعت الكلام
راحت لها تركض
رؤى وهي تهز كتفها : غلا وش فيك
رفعت راسها وهي تمسح دمووعها اللي أنطبعت على خدها تاركه أثر مؤلم لها : مافيني شي
رؤى : كل هالبكاء ومافيك شي ( أنتهبت لسلسال بيدها )
رؤى وهي تأشر عليه : هذا لك
غلا ورجعت الدمووع لها : لا لأمي
رؤى حزنت عليها حييل :الله يرحمها
غلا : امين

يمه..يمه
يمه وينك,,؟!!
يمه وينك,,؟!!

وينك,,,
أشتقتلك,,,
فقدتك,,,

ماأبي أبقي أبرحل معك,,.؟!!
ليه رحتي وتركتني بدونك..؟!!
ليه يايمه ماأخذتني معك..؟!!
ماأبي أبقى أبرحل معك..؟!!

يمه,,,
والله إشتقتلك,,
نفسي أشوفك وأحضنك,,,

طق الباب عليهم
رؤى : مين ؟؟
خلود وهي تدخل : أنا
رؤى : هلا خلوود .. غلا هذي خلوود مرت أخووي
قامت غلا وسلمت عليها
خلوود : كيفك ؟؟
غلا : تمام
رؤى : تعالي أجلسي خلوود
خلوود : لا بطلع برووح أسبح بنتي يلا سلام
رؤى : اووكي باي
بعد ماطلعت خلووود

غلا بتردد : هذي زوجت فهد
رؤى : ههههاي
غلا : ليه تضحكين
رؤى : على كلامك
غلا : أحس مافيه شي يضحك
رؤى : هههه اوووكي لا مو زوجت فهد زوجت فارس أخوي الثاني
غلا : اها يعني فهد مو متزوج
رؤى : اخر واحد يفكر
رؤى بخبث : ليه تسألين ؟؟
كشررت غلا : ولا شي ولا تفكرين إنه من أفكارك اللي مدري وش تبي
رؤى : هههههه وربي إنك تووحفه تذكريني بسمر بنت عمي
غلا : سمر ؟؟
رؤى : إيه إن شاء الله بكره تتعرفين عليها

عند هنادي كانت رايحه وجايه بجناحها من يوم وصل لها
خبر وصول غلا لبيت عمها وهي مو مرتاحه
هنادي : اووووف ياربي
دقت على وسن
وسن بصوت كله نووووووم : همممم نعم
هنادي : أنتي نايمه
وسن : وش رايك يعني
هنادي : أمشي بنرووح لبيت عمي بو فهد
وسن : مجنوونه أنتي
هنادي : لا مو مجنوونه بس أبي أرووح
وسن : ماله داعي لأن بكرا أو بعده بنرووح
هنادي : وش دراك ؟؟
وسن : سمعت أمي تقوولي كذا
هنادي : مو قادره أنتظر لبكرا

عند نواف
نواف : دروا عماني إني جيت يبه
أبو نواف : توني قايل لهم
أم نواف : رووح سلم عليهم
أبو نواف : أبووي بيسوي عزيمه بمناسبة رجووعك هاليومين
نواف : يايبه أحس مالها داعي
أم نواف : لا وأنا أمك لازم نفرح لك
أبو نواف يطالع ساعته وألتفت لدانا : عبدالله عط دانا أبرتها الحين موعدها
نواف : لا يبه أنا بعطيها
قرب منها وطلع الأبره مسح على يدها ودخل الأبره فيها بشويش
نواف : هاه خلصنا أوجعتك
دانا : لا
نواف طالع نظرة الحزن فيها وهو مو قادر يسوي لها شي
مسح على شعرها بحنان وقام من عندها وهو متضايق على حالها

عند فهد
خلص شغله وهو طالع من الشركه
أبو سعود : طال عمرك
فهد : هلا أبو سعوود
أبو سعوود : طويل العمر البيت عندي قايم ويبون الأهل يتطمنون على غلا بنت المرحومه
فهد : لا تخاف هي عندنا الحين
وطلع من شركته متوجه للسيارته
ركب سيارته وراح للبيت
في بيت أبو سعوود
رنا واقفه عند شباك غرفتها : اه ياغلا ووينك أشتقت لك حييل
أحس القريه مالها طعم من دووونك
ودي أتطمن عليك بس
وإذا كنتي بخير صدقيني بكوون بخير وبتطمن عليك
أم سعوود : رنا يارنا
رنا : نعم يمه
أم سعود : تعالي أبوتس بيجي من الدوام وحنا ماسوينا له أكل رووحي حطي له لقمه بسرعه
رنا : حاضر يمه
دخلت المطبخ وبدت تشتغل تحاول تنسي نفسها اللي صار بأعز صاحبه عندها أو بالأصح أختها

عند غلا كان تفكيرها نفس تفكير رنا
غلا بنفسها يالله يارنا ودي أجلس معاك
وأقوولك وأفضفض لك ودي أرتاح
ودي أتكلم معاك وطالعت جدران الغرفه وعلى كثر ماهي واسع ألا أنها تخنقها
رؤى دخلت وبيدها كوبين كووفي
رؤى : غلوو خوذي
غلا : وش هذا
رؤى : كوفي
غلا : كوفي ؟؟
رؤى : ماتعرفين الكووفي
هزت راسها بلا
رؤى : أجل وش تشربين الصباح
غلا : قهوه
رؤى : شوفي هذي قهوه بس من نوع ثاني
غلا : امممم مو مشتهيه
رؤى : غلوو يالله ولا ترى بشربك بنفسي راح يعجبك كثيرر
مسكت غلا الكوفي بيدها وشربت شووي منه
رؤى : وش رايك ؟؟
غلا : يعني حليوو
رؤى : مع الأيام بتعودين عليه وحطي ببالك هذا أشربه قبل الفطور وبتشربينه معاي

عساك بخير كثر ما بقلبك الطيب نوايا خير ..

وكثر مالك غلا عندي وذكرى خير ..

عساك بخير كثر ما مالت الأغصان وغرد عليها الطير ..

عساك بخير كثر ماهلت الأمطار ولمع نجم سهيل ..
كثر القلب ودقاته سألت المولى تكون بخير ..

••.•°¯`•.••••.•°¯`•.••••.•°¯`•.••••.•°¯`•.••
أنتهى البارت

توقعاتكم

وصول غلا إلى بيت العايله أخذ منحنى أخر بمجرى حياتها ؟؟
أيضا وصول بطل اخر من أبطالنا ( نواف ) وكيف سيكوون دوره بالروايه ؟؟
الصدمات اللتي تتوالى على بطلتنا هل يمكن أن تتوقف أم تستمر باللعب بها ؟؟
وماهي الصدمه الكبرى لها في البارتات القادمه ؟؟
جنى وسلطان ؟؟ << أإترك لكم التعليق عنهم
بعض أبطال الروايه لم نراهم اليووم لكن يوجد لهم الكثير من ما يقدموون بالبارتات القادمه ؟؟

**نوران العلي** · 15-05-2012, 06:36 PM

رد: رواية رماني وقال ما أبيها../ كاملة ..

البارت التاسع

ودي أضمك على الصدر لحظات
تحس بدقات القلب شلون تناديك
ودي تعرف إن الحب مو شوية كلمات
على ضحكه ومزحه بليلك تسليك
الحب مشاعر وأحاسيس بالذات
إنولدت فيني لأجلك وصارت بين يديك
حبي لك تعدا كل المساحات
حبي لك أكبر من قولة (أموت فيك )
كل ما أسمع صوتك وكل مافات
يملكني إحساس رهيب وتحمل مايجيك
أوقات أسرح بك وأتخيل أوقات
إني بأحضانك ومن الشفه أرويك
وأرطب إيديني بأعذب أنواع اللمسات
من أقصى جبينك لأطراف أياديك
ويطلعني من عالم خيالي أصوات
أبوي وخالتي يقولون وش فيك ؟
عسى ماجاك من هالدنيا عثرات
إبتسمت وتذكرت كل حكاويك
وضاق الخلق يومه بيننا مسافات
وصاح بي صوت يقول تعال أبيك...

عند رؤى وغلا
الساعه تشير الى 12 صباحا
كانوا جالسين يسوولفوون

رؤى : كم كان عمرك يوم توفوا أبوك وأمك
غلا : كان عمري خمس سنين
رؤى : يالله كل هذا صار لك وأنتي حتى ماكملتي 18 سنه
غلا : اللهم ولا أعتراض
رؤى : اممم طيب كملي بعد ماتوفوا وش صار
غلا : جدي شرى مزرعه وبدا يشتغل فيها ويبيع منها وكنا عايشين بعد الله ثم هي
بس ماكتملت فرحتنا وتوفى جدي
رؤى : وليه ماأشتغلتوا بالمزرعه
غلا : مين يشتغل أنا ولا جدتي
أنا كنت صغيره وجدتي كبيره بالعمر وينا ووين الشغل
رؤى حزنت عليها حييل مره قصتها محزنه
رؤى : اللي فهمته منك أنك متعلقه بالمزرعه ليه
غلا : فيها كل ذكرياتي الحلووه وفيها ريحة جدي
رؤى : اها لاتخافين جدي بيسويها ونرووح لها
رفعت راسها لرؤى : بتروحون لها ؟؟
رؤى : إيه جدي شراها منكم صح
غلا : صح
رؤى : وهو بيسوي فيها إستراحه وبنرووح لها ويمكن نترك مزرعتنا القديمه
غلا : عندكم مزرعه قديمه
رؤى : إيه بس جدي مايبيها لأنها صغيره شووي وخلاص أحنا أحفاده كبرنا ويبيلنا مزرعه كبيره ننبسط فيها
غلا : اها
رؤى ألتفت لساعه وصرخت صرخه أرعبت غلا
غلا : يمه وش فيك
رؤى : يووه الساعه ثلاث بنام
غلا : يووه بالعاده ماأتأخر لهادرجه
رؤى : وراي شغل كثير بكره
غلا : وش شغلتك غير هالتلفوون ( تقصد الجوال ) وغير هذا (وهي تأشر بيدها على اللاب )
رؤى : ههههههه الله يقطع بليسك << قطت الميانه خخ
بكرره بروح السووق بنشتري فساتين وحركات عشان نواف جاء من السفر وبيسوي له جدي عزيمه
سمعت بابا يقوول كذا
غلا : مين نواف ؟؟
رؤى : نواف أبن عموو
غلا : اها
رؤى : يالله نامي جنبي على السرير سريري يكفي خمس أشخاص ههههه
غلا : ههههه
رؤى بمزح : بلاش ضحك وخلينا ننام

أنسدحوا على السرير وتغطوا بالفراش
وهم جنب بعض كأنهم يعرفون بعض من سنين

غلا بنفسها أنا ماأدري ليش حكيت لرؤى كل شي مع إني بحياتي ماحكيت لأحد غير رنا
يمكن عشاني أرتحت لها وأحسها مره حبوبه أو يمكن عشانها هي الوحيده اللي تعاملني زين وبطيبة قلب
إن شاء الله ماتتغير علي ولا أنا أتغير عليها

رؤى قاطعت تفكيرها بسؤال فجأها : غلا تحبين ؟؟
غلا : لا من وين أحب
رؤى أبتسمت لها
غلا : وأنتي
رؤى : أيه ههههههه
غلا : ليه تضحكين
رؤى: حبيت يوم كنت بزر حب أطفال
غلا ورؤى : هههههههههه
غلا : طيب قولي لي عنه وبعدها بننام شوقتيني لها
رؤى : حبيت فيصل ولد جيراننا بس بعدها كرهته
غلا ورؤى : ههههههه
رؤى : كان عمري 13 وهو كان عمره تقريبا 19
كرهته يوم صار عمري 15 لأنه راح بعيد ونقل من حينا
غلا : بس عشان كذا كرهتيه
رؤى تهز رأسها بإيه وهي مو قادره تتكلم من الضحك
غلا ضحكت على شكلها
رؤى وهي تمسح دموعها من الضحك وتتذكر سوالفها مع فيصل : أكثر شي يضحكني رسايلنا لبعض
غلا : كنتوا تتراسلون
رؤى : إيه أخته كانت تدرس معاي وتعرف قصة حبنا و هي اللي تجيب لي رسايل منه وتودي رسايلي له
غلا : اها بس مو معقوله كرهتيه بسرعه هههههه
رؤى : ماكرهته بس تقدرين تقوولين زعلت عليه راح من حينا ولا عطاني خبر ولا حتى أخته قالت لي عنه شي
غلا : اها بس تبقى ذكرى حلووه
رؤى : ذكرى رووعه ومستحيل أنساها
رؤى أبتسمت على ذكرياتها الحلوه مع فيصل واللي مستحيل تنساها يكفي أنه أول حب لها

عندها تصرررخ بقووه وتضرب خدها بإيدها بدون ماتحس بألم
؟؟ : حرام عليك تسووي كذا فيني حرام عليك ياسيف
سيف : اششش ولا كلمه أنتي جيتيني بنفسك لشقه ياعبير
عبير بتردد وخوف : ماتوقعت تسووي فيني كذا أنت قلت تعالي بوريك شقتنا اللي بنتزوج فيها قلته صح ولالا
أطلق ضحكه ساخره منها ومن تفكيرها الغبي على قولته : قلته بس أنتي غبيه وش أسووي لك
عبير بتهديد : تتزوجني ياسيف غصبن عنك
سيف صرخ : مافي شي غصب عني ولا أحد يقدر يهددني أنا سيف ال.. ولا نسيتي
عبير : حقير
رفسها مع بطنها بقووه وسحبها من شعرها : قوومي بسرعه وطلعي برا
عبير جمعت بقايا لبسها والبست عباتها وطلعت وهي فاقده أغلا ماتملك

سيف : اوووف فكه
طلع دخان من جيبه وقعد يشرب منه
ولا كأنه مسووي شي
<< ذكرت من قبل إن سيف يلعب على بنات خلق الله بس لا تخافون بيصير شي خطنطير وبيعجبكم أكييييد

سيف : يووه الساعه ثلاث ونور نسيتها بالبيت
راح لغرفته بالشقه أخذ شاور وبدل لبسه وطلع متوجهه لبيته

**نوران العلي** · 15-05-2012, 06:37 PM

رد: رواية رماني وقال ما أبيها../ كاملة ..

عند ريم وعادل
ألتفت لها وشافها بسابع نوومه
عادل بنفسه يابعد عمرري ياريم اليوم كانت تعبانه حييل وزادتها سالفة العروس اللي مدري منين جايتها أمي
اه بس موقادر يجيني النووم وأنا أشوف أمي تخطط لزواجي وريم ماتدري عن شي الله يعين بس
لاحظ عبوس ريم وهي نايمه قرب منها وباسها على جبينها
وأنسدح على السرير وهو يحاول ينام

عند نوور مانامت وهي تنتظر سيف
كان مواعدها يطلعون يتعشوون برا بس ماوفى بوعده
نوور : اووووف شي يقههر

دخل سيف عندها بعد كلمتها
صدت عنه نوور
عرف أنها زعلانه
سيف : افا دلووعتي زعلانه
نور : .......
سيف : نوارتي
نور : سيف أنت دايم تقوولي بنطلع اليوم وماتأخذني
سيف : ليه ماطلعتي مع صديقاتك و السواق يوصلكم
نور بدمووع : أنا أبيك أنت أنا ماقصدي من يوصلني قصدي إني أبي أطلع معاك من بعد ماجيت من السفر وأنت ماتهتم لي ولا حتى تشوفني وتشووف وش أبي ولا تأكل معاي ودايم عندك شغل سيف أنا مالي ألا الله ثم أنت
ودي أحس بوجودك حوولي
سيف تأثر بكلامها قرب منها وضمها لصدره
وخلاها تفرغ كل ضيقه فيها
سيف : بس ياقلبي أوعدك من بكره أجلس معاك واللي تبينه نسوويه
نوور وهي تمسح دمعها : وعد
سيف أبتسم : وعد
نور : تراك وعدتني
سيف بمزح : بلاش كثرت حكي ويالله روحي نامي
نور : هههه طيب
ضحك على شكلها وصعد لجناحه ينام

من بكره
اليوم الجمعه
راحوا الشباب والشياب للمسجد يصلوووون صلاة الجمعه
ألتقوا مع نواف بالمسجد الحي اللي هم فيه وبعد ماطلعوا سلمو عليه وتحمدوا له بالسلامه
أبو محمد : نواف وأنا أبوك أبيك تجي لمي شووي بعد العصر تسلم على جدتك
وأبيك بموضووع
نواف : تأمر أمر يبه
وكان يسولف مع عمانه وجده

سلطان همس فهد : فهد أبيك بمووضووع ضروري
فهد : مو الحين في شركتي بعد العصر اووكي
سلطان : اووكي

ركبوا سيارتهم وكلهم متوجهين للبيووتهم

عند غلا ورؤى
توهم قايمين من النوووم
غلا بعد ماأنتهت من صلاتها
ألتفت وشافت رؤى وراها توها مخلصه من الصلاه
فكت جلالها وأنثر شعرها حووول كتفها وظهرها
رؤى : واو غلا شعرك يجنن
غلا وهي تلم شعرها : تسلمين
رؤى : أنا من جد أتكلم وربي جنان اممممم بس ليه ماتقصينه
غلا : لا مستحييل
رؤى : هو طووويل لاخر ظهرك على الأقل قصي منه شوووي
غلا : لا ماأبي أنا عاجبني كذا
رؤى : طيب قوومي تروشي وبدلي ملابسك
غلا : صادقه محتاجه أصحصح وأذا تسبحت بصحصح زيين وبريح أعصابي شووي
عطتها رؤى ملابس من عندها ودخلت الحمام ( أكرمكم الله ) وتسبحت
بعد نص ساعه تقريبا طلعت
ولبست بيجامه من عند رؤى كان لونها تفاحي وعليها رسمة دب كبير بلون الرصاصي
رؤى : شفتي شكلك طلع جنان مو مثل البيجامه اللي معطتك ريم ههههه
غلا : هههههه كنت مرتاحه فيها
رؤى : المهم بنزل تحت
غلا : لا أخوانك تحت
رؤى : عادي وبعدين بتظلين حابسه نفسك هنا
خلود شوفيها تلبس لثمه وتنزل وماتقوول لا
غلا : إيه بس خلود بنت عمكم وزوجة أخوووك
رؤى : وأنتي أختي وبنت عمي
أنصدمت من كلمة أختي ماتوقعت أحد يقوولها هالكلمه غير رنا
غلا : ذكرتيني برنا
رؤى : منهي رنا
غلا : صديقتي بالقريه
رؤى : اووكي وأحنا نازلين خبريني عنها يالله ألبسي لثمتك وبننزل
غلا : لا
رؤى : غلوووو
غلا : ماأقدرر
رؤى : بطه
غلا : ههههههه أنا
رؤى مبووزه : إيه

عند عادل
نزل من الدرج رايح لشركه قبل مايطلع سمع أحد يناديه
أم سلطان : عادل
عادل : هلا يمه
أم سلطان : فكرت بالموضوع اللي قلت لك عنه
عادل : لا ولا ودي أفكر فيه
أم سلطان : أنا أمك وأعرف مصلحتك المفروض تسمع كلامي
عادل : وليه ماتزوجين العرووس سلطان أخووي
أم سلطان : سلطان أخووك بحياتي ماقد شفته ألا باليل ماأدري وين يرووح هالأدمي
يجي ينام بالبيت وبس معتبر البيت فندق حتى أكل ماصار يأكل معانا
عادل طفش من هالمووال : أنا طالع
أم سلطان بعد ماطلع عادل : أنا أدري أنه مو منك من هالزفت اللي فووق
جات لها هنادي ومعاها عبايتها
أم سلطان : على وين
هنادي : برووح لوسن
أم سلطان : الحين الظهر
هنادي : أدري بس بجلس عندها وبعدها بننزل لسووق نتقضى للجامعه ولعزيمة نواف ولد عمي
أم سلطان : طيب الله معك
طلعت هنادي لسايق اللي ينتظرها برا
صعدت أم سلطان لجناح سمر
ودخلت من دوون ماتطق الباب عليها
سمر اللي كانت جالسه على اللاب قامت من عنده : هلا يمه
أم سلطان : توك قايمه
سمر : لا قايمه قبل صلاة الجمعه
أم سلطان : غريبه مارحتي مع هناجي
سمر شهقت : هئ هناديووه وين رايحه ومخليتني
أم سلطان : عند بنت عمتك وسن
سمر بعفويه : ووووووووع من زينها هي وهناديووه إذا أجتمعووا
أم سلطان : أحترمي أختك
سمر بطفش : طيب
أم سلطان : المهم يمكن أنزل لسووق وبأخذك معي
سمر : لا مامي بنزل مع رؤى
أم سلطان : طيب طيب كيفك
وراحت وتركتها

**نوران العلي** · 15-05-2012, 06:39 PM

رد: رواية رماني وقال ما أبيها../ كاملة ..

عند هنادي
وصلت لبيت عمتها
هنادي وهي تسلم على عمتها : كيفك ياعمتي
أم وسن : تمام وأنتي كيفك
هنادي : زينه عمتي وين وسن
أم وسن : بغرفتها فوووق
هنادي : اووكي أنا طالعه لها
أم وسن : إيه هي تنتظرك

صعدت لغرفة وسن
فتحت البا ودخلت من دوون ماتطقه
وسن : بسم الله الرحمن الرحيم
هنادي : يقالي خايفه يعني
وسن : كنت أكلم عزام وخفت اللي دخلت علي تكوون أمي مو أنتي
هنادي : اها ألا وش أخباره عزامووه
وسن : فديته رووعه
هنادي : وأنا جايبه لك واحد أرووع منه
وسن : نعم مافهمت
هنادي تبتسم بخبثها : نواف ولد عمي جاء من السفر
وسن بلا مباله : اووكي الحمدالله على سلامته
هنادي : ياهبله أنا ماقلت تحمدي له بالسلامه
وسن : طيب وش قصدك من هالكلام
هنادي : لفي ودوري حوول نواف ألين يحبك ويتزووجك
وسن : خيرر
هنادي : لا يكون مو عاجبك نواف تراه جاي دكتووور قد الدنيا
وسن : ماقصدي نواف قصدي كلامك اللي ماأدري وش يبي وش علي من نواف أنا
هنادي : غبيه وبتظلين طووول عمرك غبيه نواف الحين دكتوور يعني له منصب وفلووس
وسن : الحمدالله ماأبي فلووس أحنا نفسهم معانا فلووس الدنيا
هنادي : أدري بس بتصير أحلى لو كثررت
وسن : أبي أسألك سؤال واحد وأبيك تجاوبيني بصراحه
هنادي تحسب أنها وافقت وبإبتسامه : قوولي وبجاوبك ياقمرر
وسن : أنتي تحبين فهد ولا تحبين فلووسه ومناصبه وشركته ومحلاته
هنادي بتردد : هاه أحبه كله
وسن : هنادي مو علي أنا
هنادي : تبين الصراحه
وسن : أكيد ماطلبت غيرها
هنادي : بالبدايه حبيت فلووسه مثل ماقلتي بس بعدها حبيته هو حبيت شخصيته وكله
وسن : هنادي ؟؟
هنادي : وربي إني صادقه

بعد العصرر
في بيت أبو محمد
نواف : أمرني يبه
أبو محمد : وأنا أبووك أنا مجهز لك عزيمه بمناسبة رجووعك وبتكوون بعد أربع أيام
نواف : إيه بس يبه مو بهالسرعه خلوها بعدين
أبو محمد : لا خلاص أنا حجزت وخلاص وبعدين بتكوون العزيمه لغلا توها طالعه من المستشفى
نواف : حاضر اللي تامر فيه يبه
جلسوا يسولفوون شوي
ودخلت عليهم أم محمد
نواف قام : هلا بالغاليه
باس راسها ويدها
أم محمد تمسح دموها بطرف شيلتها : الحمدالله على سلامتك ياولدي
نواف وهو يبوس يدها : الله يسلمك يمه

عند غلا
كانت تلاعب ساره بنت فارس
غلا : وه ياناسو عليها تجنن
رؤى : بس دلوووعه وماتحب ألا فهد أخووي وإذا شافته تقعد تدلع
غلا نزلت سارا من حضنها : فهد يحب الأطفال
رؤى : مره يحبهم
غلا بنفسها هذا فهد مافي أقسى من قلبه وشلوون يحب الأطفال
صحاها صووت رؤى وهي تصررخ : سارونه تعالي وين رايحه
غلا : وين راحت
رؤى : ماأدري عنها برووح أشووفها
غلا : فديتها أخذت مني الورده اللي جبتيها لي من حديقتكم وأنحاشت
رؤى : ههههه بروح لها الحين أخاف تطيح عاد فهد بيقوم الدنيا مو مقعدها إذا صار لسارونه شي
راحت رؤى وتركت غلا غارقه بأفكارها

عند سارا كان شايلها فهد شافها وهي طالعه من جناح رؤى وأخذها بحضنه
فهد : سارونتي
سارا كانت تضحك ومستانسه عليه كان يبووسها على خدها ويلاعبها
مسك يد سارا وشاف بيدها ورده لونها أبيض
فهد : الله من معطي سارونه هالورده

أخذ الورده منها وشمها وأعجبه ريحة الورده عطر الورده كان رووعه ورايق
جات رؤى وشافتهم : فهد عطني سارا هالخبله فشلتي قدام غلا أخذت وردتها وأنحاشت ههههه
فهد عرف إن الورده لغلا رجع يشم الورده بقووه وأعجبه أكثر وأكثر عطرها
أستوعب اللي قاعد يسوويه ونزل سارا وعطاها الورده وراح بسرعه هوهو يفكر باللي صار
ويحاول يبعد هالتفكير عنه
رؤى أستغربت منه وماأهتمت شالت سارا وراحت لجناحها
دخلت الجناح وطالعت غلا السرحانه
رؤى : أنتي دايم تفكرين وسرحانه
ألتفت لها غلا : وين لقيتي سارا
رؤى : لقيتها مع فهد المهم خلينا من سارا وقولي لي وش كنتي تفكرين فيه يابطه
غلا : ولا شي
نزلت رؤى سارا اللي كانت شايلتها وجلست بجنب غلا
سارا على طوول جات بحضن غلا : هههه فديتها سارونه
حضنتها غلا وشمت معاها عطر رجالي قووي وحلوو
عرفت على طوول أنه فهد وألتصقت ريحة العطر بملابس سارا يوم كان شايلها فهد
أبتسمت لسارا ونزلتها من حضنها

رؤى : غلا من اليوم أناديك وماتسمعيني
غلا : هاه هلا وش تبين
رؤى : اممممم وش كنتي تفكرين فيه ولا تقوولين ماكنت أفكر بشي مو أمس أتفقنا نكون صاحبات
ونقول كل شي لبعض
غلا أبتسمت : صدقيني رؤى مافيني شي بس أفكر بجدتي وزعلانه على موتها إلى الأن
رؤى : غلو خلاص ياقلبي لا تزعلين وربي الدنيا كذا
تكلمت رؤى مع غلا كلام قدر ينسيها حزنها وهمها شووي

بجناح فهد
أخذ شاور وبدل ملابسه بيطلع لشركته
وهو يفكر بسلطان وموضوعه المهم
فهد : ياترى سلطان وش يبي مني لايكون عنده مشكله ههههه ياأكثر مشاكلك ياسلطان
أخذ عطره ورشه على ملابسه وأخذ نظارته الشمسيه ولبسها ونزل تحت
دق على سلطان
فهد : سلطان أنا بروح لشركت الحين تعال عندي هناك طيب
سلطان : إن شاء الله بمرك الحين
فهد : يالله سلام
سلطان : مع السلامه ... وصكر الخط
فهد وهو يمشي متوجهه لسيارته مر من عند حديقة الورد اللي عندهم ألتفت عليها
وشاف نفس الورده اللي كانت مع سارا
نزل نظارته الشمسيه وأبتسم يوم شاف الورد مايدري ليه أبتسم يمكن من ريحة عطرها الجذاب ~
أو من شكل الورد الحلوو
لبس نظارته وطلع وهو يبعد عنه الأفكار الغريبه اللي زايرته اليوووم

و اه
..........من ريحة
...................
عطرها بالفعل أكبر خرافة ..

عند هنادي ووسن
هنادي ووسن رايحين لسوووق

هنادي : شوفي ذاك المحل خلينا ندخله
وسن : اووكي ماورانا شي
دخلوا وشافوا فيه الفساتين
هنادي : طيب شووفي هالفستان أكيد بيطلع عليك حلوو
وسن : امم حلو بس مشكلتي ماأحب اللون الموف
هنادي : الحين من اليوم ندور بالأسواق ولا شي معجبك
وسن : هذا حلوو
كان فستان لونه لحمي لركبه وعاري الأيدين وعليه شريطه تحت الصدر بلون الأسوود
هنادي : خلاص حلوو أخذيه
ووسن : اووكيه
حاسبت عليه وطلعت هي وهنادي
هنادي : واخيرا خلصتي شكلك مابغيتي تخلصين
وسن : خلينا نرووح نشرب لنا اي شي وربي هلكت
هنادي : اووكي
راحوا أشتروا لهم عصيرات وجلسوا يشربوون
هنادي : ووسن ألتفتي شووفي من وراك
وسن ألتفتت وشافت نواف مع واحد ماتعرفه
صدت وسن ورجعت مكانها
هنادي : وش فيك أقولك شوفيه
وسن : شفته نواف ولد خالي
هنادي : أدري بس قصدي ماتوقعت يكون بالسووق وسن أنتي غبيه إذا راح من بين أيديك شوفي هيبته وجماله
وسن تشرب العصير وماعطت هنادي وجه

برب لا أحد يرد

**نوران العلي** · 15-05-2012, 06:42 PM

رد: رواية رماني وقال ما أبيها../ كاملة ..

عند نواف وكان اللي معاه صاحبه وليد << تتذكرونه وليد
نواف : وش الأغراض اللي ناقصتك
وليد كان جاي لسووق لأغراض ناقصته وجاء معاه نواف : بشتري لي جوال جديد غير جوالي هذا
نواف : إيه وليد نسيت أقوولك متى نقدم للوظيفه
وليد : هالأسبووع أنا بقدم للمستشفى وأنت معاي
نواف : إن شاء الله
وليد : وش أخبار عبدالله من زمان عنه ماشفته من يوم جيت من السفر ولا حتى اليوم يوم كنت عندكم
نواف : الله يعينه أبووي مكلفه بشغل الشركه
وليد : يعين الجميع .. وش فيك يانواف حاس فيك شي
نواف : لا ولا شي
وليد : نسيت إني أعرف متى تكون متضايق ومتى تكون أنا مبسووط أنا صاحبك يانواف
نواف متضايق عشان دانا : يحلها ربك ياوليد
وليد : صدقني الوقت اللي تبي تتكلم فيه أنا موجود
نواف أبتسم لصديق عمره وأخووه اللي ماجابته أمه

عند سلطان وفهد بشركته
فهد : وشو موضوعك ؟؟
سلطان : بعترف لأهلي بزواجي من جنى
فهد : على راحتك بس مو الحين
سلطان : ليه ؟؟
فهد : نسيت سالفة غلا وجدي ولا نسيت نواف وعزيمة الأستقبال له يعني الوقت مو مناسب
سلطان : مشكلتي مع جنى تبغاني أعترف اليوم قبل بكرره
فهد : ماعليه أكيد متضايقه
سلطان : إيه يمكن أنا بروح البيت الحين تبي شي
فهد : لا سلامتك
سلطان : سلام
فهد : مع السلامه
طلع سلطان وفهد بدا بشغله

عند غلا ورؤى
رؤى : يالله ألبسي وبنروح للموول
غلا : لا ماأبي أعذرني
رؤى :لا وشو ماأبي غصب عنك
غلا : بس يارؤ.
قاطعتها رؤى : يالله عاد قوومي ولا بزعل عليك
قامت غلا وهي مغصووبه على هالرووحه بس يمكن هالطلعه تخفف عنها وتبسطها
لبست عباتها هي ورؤى ونزلووا لتحت
عند أم فهد كانت تقهوه تحت بالصاله

وقفهم صوتها
أم فهد بحده : على وين إن شاء الله
رؤى : بنطلع للموول يمه
أم فهد وهي تطالع غلا : لا تتأخرين رؤى طيب
رؤى : طيب يالله غلا
مشت معاها غلا
وطلعوا لسوووق
وهم بسيارة السايق
غلا كانت تطالع مباني الخبر وعجبتها حيل المباني وأنوارها
وكل شي فيها
رؤى : غلوو وصلنا أنزلي
نزلت غلا ومعاها رؤى
وأنبهرت من شكل المول كان واو خرافي بالنسبه لها
رؤى : وش فيك أمشي
غلا : هاه إيه طيب
ودخلوا للموول

عند جنى
جاسه بغرفتها ومعطيه الباب ظهرها وتحط مناكير على إيدها
جنى : وه يالبى إيدينى طلعت كشخه مع هالمناكير
سلطان : وه يالباك كلك
جنى ماتوقعته يجي وبصرخه : سلطان
ونطت له وحضنته بقووه
سلطان بعدها عنه : لو أدري أنك بتسوين كذا كان جيت كل يووم
جنى : ههههه فديتك
سلطان : فديتك أنتي ( وقرب وباس خدها وقرب أكثرر )
جنى : لالا
سلطان برفعة حاجب : ليه
جنى : لأنك مزعلني ولا نسيت ( وعطته ظهرها )
ضمها من ورا وباس رقبتها وهمس لها : وأنا جاي أرضيك
جنى ذابت من همسه لها وأنفاسه الحاره على رقبتها : وش تراضيني فيه
سلطان بهمس ذوبها أكثرر : بطلعك أحلى طلعه
جنى : جد سلطان
سلطان : إيه بس بشرط
جنى مدت بوزها : وشو شرطك
سلطان : أول شرط هاتي بووسه كبيره وبعدين أقولك الشرط الثاني
يالله تعالي ( وأشر على خده ) : وبوسيني
قربت جنى بتبوسه على خده بس هو ألتفت وباسها على شفايفها
وبعد عنها وشاف وجهها المحمر من الحياء
أطلق ضحكه على شكلها
جنى دفته من صدره : أنت دوووب
سلطان بغمزه : باقي الشرط الثاني
جنى بدلع طبيعي : لا ماأبي ولا شي
سلطان وهو ذاب من دلعها : حبيبي الشرط الثاني مره سهل
جنى : يالله قوول
سلطان : دلعيني
جنى : امم شلوون
سلطان : قوولي سلطووني
جنى : هههه مو حلو
سلطان : وه يالبى الضحكه بس اه شكلك بتجنيني
جنى : سلطوني بنطلع ولالا
سلطان : ألا بنطلع رووحي بدلي يالله
جنى : دقايق وجايه
ودخلت غرفة الملابس بتبدل
أما سلطان أنسدح على السري ينتظرها

عند غلا ورؤى
غلا : رؤى حرام عليك كل هالملابس لي أنا تكفيني كم لبسه بس
رؤى : لالا لازم أشتري لك ملابس ولا نسيتي بتظلين معانا طوول العمر ولازم تطلعين دايم كشخه
غلا : إيه بس عاد مو لهدرجه
رؤى : أمشي وأسكتي تونا ماخلصنا لازم أشتري لك أكثرر
غلا مشت معاها غلا وهي ساكته ماتدري وش تسوي برؤى

عند جنى وسلطان
جنى طلعت من غرفة الملابس وكانت لابسه برمودا جينز ومعاها بلوزه حمراء
سلطان : الله الله ( وحاوط خصرها بأيديه ) : وش رايك نكنسل الطلعه وأم الطلعه
أستحت من نظراته الحارقه لها : لا سلطووني بلييز
سلطان : بكرا نطلع
جنى وهي تلعب بأزارير بلووزته بدلع : لالا تكفى
ذاب على حركتها : طيب بطلي دلع ونرووح
جنى : خلاص مو متدلعه يالله نطلع
وأخذت عبايتها ولبستها ومسك يدها سلطان ونزلوا من الشقه

احبك كثر ما قد صار احبك رغم ما قد ما صار
احبك كثر ما دنيا الزعل والصد مهجورة

احبك كثر ما تمطر بصدري من غلاك أمطار
احبك كثر ما صارت أراضي العشق ممطورة

احبك كثر ما تفتح شبابيك الربيع أزهار
احبك كثر ما غنت عشان الصبح عصفوره

احبك كثر ما تاقف على جنب الطريق أشجار
احبك كثر ما يقسى الشتاء وتهاجر طيوره

احبك كثر ما في الأرض بنت تلفت الأنظار
احبك كثر ما يرتاح عطر بصدر مغرورة
احبك كثر ما جاب المساء في معطفه زوار
احبك كثر ماجانا الصبح يشبهك نوره

احبك كثر ما تهدي كفوف الوصل من تذكار
احبك كثر ما شالت يدين العاشق زهوره

احبك كثر ما نقراء عن الفارس عن المغوار
احبك كثر ما نسمع ولا شفنا ولا أسطوره

عند هنادي ووسن بعد ماأرجعوا من السووق
هنادي : تدرين وش أفكر فيه
وسن : بأيش
هنادي : أفكر ببنت القريه وشلون رايح يكون شكلها بالحفله وربي بتفشلنا
وسن : تبين الصراحه بهاذي معاك حق
هنادي : والمصيبه الكبرى تقرب لنا
وسن : هههههههه
هنادي : ليه تضحكين
وسن : واضح أنك مقهووره منها
هنادي : هههه مرره
وسن : لا تخافين أكيد بتطلعين أحلى منها
هنادي : أكيد مايبيلها سؤال

**نوران العلي** · 15-05-2012, 06:46 PM

رد: رواية رماني وقال ما أبيها../ كاملة ..

عند رؤى وغلا
رؤى : واو وربي أنك جنان مرره رووعه
غلا كانت لابسه فستان شاريته لها رؤى
غلا : ماتعودت ألبس كذا
رؤى : غلا وربي أنتي تزعليني منك
غلا : أنا ؟؟
رؤى : إيه خلاص المفروض ماتعشين حزينه وماتتكلمين كثير ودايما مكتئبه
غلا : بس أنا
رؤى : إذا تغيرتي تعالي قولي لي
مشت رؤى ودخلت للحمام ( أكرمكم الله ) بتأخذ شاور بعد تعب السووق
غلا بنفسها ياربي وربي البنت طيبه معاي ومره عسل بس أنا كلش ماأبي أتكلم ولا أسووي شي
أكيد تضايقت مني ومن كئابتي
وربي أنها غاليه علي صارت صاحبتي مرره بهاليومين وماقصرت معاي باي شي
وأنا ماجازيتها غير بالحزن اه بس
طلعت رؤى من الحمام ( أكرمكم الله ) وهي تجفف شعرها بالمنشفه
شافت غلا جالسه على السرير ولابسه الفستان إلى الأن
راحت للمرايه ومشطت شعرها ومو معطيه بال لغلا
غلا قامت وتوجهت لها
غلا : رؤى زعلانه مني
رؤى : ....
غلا : خلاص رورو وربي اسفه
ألتفت لها رؤى وقالت : بسامحك بس بشرط
غلا : وشو ؟؟
رؤى : إنك تبطلي هالحزن وتكووني مثلي مبسووطه وماتزعلي ولا تبكي من اي شي
غلا : من عيوني بحاول علشانك بس
رؤى صدت عنها يوم قالت بحاول
غلا فهمتها : هههههه طيب بسوي اللي تبينه بس خلاص بلاه هالحزن
ألتفت عليها وضمتها رؤى : إيه هاذي صاحبتي
غلا : هههههه إلى الأن زعلانه
رؤى : لا ياقمر خلاص راح الزعل
واو غلا وربي الفستان روعه عليك وين مخبيه كل هالجمال
كان الفستان لونه أسود ماسك على جسمها وكأنه مفصل خصيصا لها
وعاري الأدين شووي وفيه 3 كرستالات على الصدر وحده بالبرتقالي والثانيه بالتفاحي والثالثه بالذهبي وكل كرستاله ينزل منها قماش شيفون بنفس لون الكرستاله
وطالعه روووعه فيه

رؤى : أجلسي بقولك شي
غلا : قوولي
رؤى : أنا أدري أنك زعلانه عشان جدتك وكمان مو مرتاحه عندنا بس غلا أحنا أهلك
وربي لو جدتك تدري باللي قاعد يصير ماتسامحك لأنها تبيك تعيشين أحلى عيشه وتكوني مبسووطه

( قالت لها كلام كثير خلى غلا تندم أنها زعلت بيووم أو بكت )

غلا الجديده << برا أمبراطوره هع

تحس أنها صحت على نفسها وماعاد فيه مكان للحزن بقلبها
ودها تفرح عشان ماتزعل جدتها ودها تعيش ودها تحس بالدنيا
ودها تكون قوويه ومصره تسووي هالشي كله عشان أمها

عشانك كل شي يهوون
عشانك أنسى من أكووون
عشانك ساكن بقلبي
عشانك بداخلي موجود
عشانك أنت فاهمني ولا لي غيرك يسمعني

.. بقلمي ~

الكلام هنا للكاتبة امبراطورة الانوثة

رؤى : فهمتي ليه أنا أسوي كل هذا
غلا : إيه .. رؤى الله لا يحرمني منك
رؤى : ولا منك ورجعت ضمتها
بعدت عنها رؤى شووي قالت بمزح : يالله نزلي الفستان شكلك مبسووطه فيه
غلا : ههههههه لا والله مرره ضيق
رؤى : بتعودين بعدين يالله قومي وألبسي من البجايم اللي جبتها لك

عند سلطان وجنى
يتمشوون بالكورنيش وأيدينهم محتضنه بعض
جنى تلعب برمل وترمي فيه ههههه
سلطان : مبسوطه قلبي ؟؟
جنى : مره مبسوووطه
حضنها على الخفيف
جنى : حبيبي الناس يطالعونا
سلطان : عادي جنونتي زوج وزوجته وش يبووون
جنى : أدري بس
قاطعها سلطان : لا تخليني أسووي أكثر من كذا
جنى خافت : لالا ياماما تخووفني
سلطان : إذا تدلعتي مره ثانيه برجعك للبيت
جنى : ههههه لا خلاص
سلطان : حريم مايجون ألا بالعين الحمراء
جنى : ههههههه
سلطان : وش قلت أنا
جنى حطت يدها على فمها تحاول تكتم ضحكتها

تدلع عليا ياحبيبي ما دام أنا المولع تدلع
تجنن وحق ربك وربي بعذابي إنت تفنن

أحبك وأحب اللي يحبك وأموت أنا بقربك
تجمل بنفس ميتة فيك وبعادك ما تحمل

عيونك فديت أنا عيونك أنا ما أصبر بدونك
عيوني إنت تسوى عيوني كيف تصبر بدوني

تدلل إنت تامر عليا من غيرك يتدلل
ياخلي لا شفتك أهلي ولا من رحت من لي

**نوران العلي** · 15-05-2012, 06:46 PM

رد: رواية رماني وقال ما أبيها../ كاملة ..

عند خزامى
جالسه على اللاب ومندمجه فيه قاطع أندماجها أمها
أم خالد : خزومه أنزلي تحت وسلمي على خالك ينتظرك توه واصل من السفر
خزامى : طيب ماما بس شووي
أم خالد : لا بسرعه أنزلي
خزامى : اووكي حاضر
طالعت المرايه وكان حلو لبسها ونزلت مع أمها تحت
دخلت للمجلس وخجلانه شووي
خالد : هلا هلا بخزوومتي << مسمين أخو خزامى عليه
سلمت عليه خزامى وهي ساكته
خالد : كيفك وأنا خالك
خزامى بحياء : تمام
خالد : ماشاء الله ماشاء الله صايره عرووس
سمعت كلمة عرووس وطلعت بسرعه من المجلس من الحياء خخخ
سكت خالها وهو عارف طبع الخجل اللي فيها
قامت أم خالد ولحقت خزامى
دخلت عليها : فشلتيني مع خالك ليه ماتسولفين معاه
خزامى : أستحي أسولف مع أحد من زمان ماشفته
أم خالد : افف الله يعيني عليك
طلعت أم خالد من جناحها
خزامى بعد ماطلعت أمها : طيب أنا وش أسووي طبعي كذا

تذكرت موقف عجزت تنساه
كان فيه حفله ببيتهم بمناسبة سلامة خلوود وبنتها سارا لأنها كانت توها طالعه من النفاس

المهم خزامى كانت تضبط شكلها في دورات المياه ( أكرمكم الله )
دخلوا عليها وسن وهنادي
هنادي : يقولون إن فيه بعض الناس فيهم مرض نفسي
وسن بصوت عالي : إيه ولا في بعض الناس لهادرجه مايقدر حتى يسولف من الحياء
هنادي : ههههههه كلامك بمحله فديتك
ضحكت معاها وسن وهي تطالع خزامى
عرفت خزامى أنها المقصوده من كل هالكلام
بس ماقدرت تقوول شي لأن تعتبر نفسها مالها شخصية ودمعتها قريبه منها وخجووله حتى من أبوها وأمها
وسن وهنادي يسون كذا بس نذاله بخزامى يكرهونها لأنها جميله حييل وأحلى منهم وكلن يحبها
وكان جدهم أبو محمد يفضلها عليهم كلهم من يوم كانت صغيره عشان كذا كبرت غيرت هنادي وووسن
وحتى وهم صغار كانوا يسببون لها مشاكل
نزلت دمووعها على هالذكرى الكئيبه بالنسبه لها مسحت دموعها بسرعه
ورجعت للاب يمكن تنسي حالها شووي << الله يعينك على الجاي ياخزامى

عند سلطان وجنى وصلوا شقتهم
بعد ماتمشوا وأنبسطووا وتعشوا برا
جنى : مشكوور حبيبي مرره أنبسطت
سلطان : تشكريني بفعل مو قوول ( وغمز لها )
جنى أبتسمت له وعرفت قصده وعالطوول هربت منه وهي تضحك
أستوعب اللي قاعده تسوويه ولحقها : جنوو تعالي
ومسكها وشالها فووق : اه نزلني
سلطان : لا ليه تسوين كذا
جنى : اخر مره وربي نزلني
نزلها وهي الى الأن بين أيديه
جنى : أتركني
سلطان : لا أخاف تهربين مثل قبل وسحبها معاه
ودخلوا غرفتهم ... وطردوني هههههه

أبيك وأنتظرك ..!
.................. تدفيني بصرك الحاني

مر الأسبووووع بسرعه

أختصار اللي صار في هالأسبووووع

البنات أكثر الوقت كانوا بالموول والأسواق وخرابيطهم ويجهزوون للحفله
والشباب شغل الشركه وكمان تنظيم الحفل وو إلى مالا نهايه

سلطان وجنى : هالأسبووع كان أسعد أسبووع مر عليهم مرره مبسوطين لدرجة إن سلطان ماينام بالبيت
ينام عند جنى وصار قليل جيته للبيت وجنى مبسووطه معاه
وأمه سألته ليه مختفي وكذب عليها بأن ينام عند صاحبه بأستراحته

فهد : تفكيره بين المزرعه وبين شركته ويطري على باله العطر أحيانا
بس يبعد هالتفكير من باله إلى أن قدر يتخلص من هالأفكار << بس ماندري ترجع له ولالا

غلا : كانت رؤى معاها طوول الأسبووع لدرجة ماعاد تنزل من جناحها ويجبون الأكل لها ولغلا
علمت غلا عن كل شي اللبس ووو أشياء كثيرره ومبسوطه بوجود غلا
وغلا قدرت تبعد الهم والحزن عنها بس مانست صاحبتها رنا وودها تشووفها وتلتقي فيها

خزامى : صراع مع نفسها يجيها كل ليله ويبعثر كيانها ويشتت أفكارها
زعلانه على نفسها وعلى خجلها اللا منتهي بالنسبه لها

سمر : أخذه الدنيا الوناسه هههه كعادتها

هنادي ووسن : تحاول هنادي الى الأن تزرع أفكارها الخبيثه في وسن
بس وسن مو مقتنعه ولا حابه فكرت أنها تجذب نواف لها وماتعطيها اي أهميه

نواف ماقدر يتحمل يشوف دانا كذا وخبر صاحبه وليد عن معاناتها لأنه يبي يفضفض لأحد
وفجأه لقى نفسه ببيت وليد وهو يحكي له كل شي وحتى يوم طلع من بيت صاحبه أستغرب من نفسه
وليه هو سوى كذا بس شال هالفكره من باله

عبدالله ودانا وراكان وعزام ومنال ماجوا بالبارت بس صدقوني لهم حضورهم بالبارتات الجايه

سيف ونور : لا جديد بحياتهم ماعدا إن سيف ماعاد يتكلم مع بنات كثير
وخلى وقته لنوور وبس
ونور تتجهز للحفله لأنها معزومه

ريم وعادل : ماخلصوا من مشاكل أم سلطان بس متمسكين ببعض حييل

،، اليوم يوم الحفله ,,

نكمل بالبارت الجاي
البارت الجاي بيتكلم عن الحفله واللي صار فيها توقعاتكم لها ؟؟
غلا بتلتقي مع العايله كامله وش راح يصير باللقاء ؟؟
خزامى إلى اي مدى بوصلها خجلها وبسبب لها مشاكل كثيرره تتوقعون أيش ؟؟
سيف بتتغير حياته جذريا بالبارتات القادمه على يد إحدى بطلاتنا كيف ومنهي البطله ؟؟

**نوران العلي** · 15-05-2012, 06:52 PM

رد: رواية رماني وقال ما أبيها../ كاملة ..

البارت العاشر

ودي اجيك من التعب ثم أضمك
وتشوف أنا وشلون عايش بلياك
.•:*¨`*:•. .•:*¨`*:•.
قربك عطر ودي من البعد أشمك
أخاف يبرد مابقى لي بذكراك
.•:*¨`*:•. .•:*¨`*:•.
أبنثرك في عروق قلبي ولمك
وأحسسك بالحب في يوم لقياك
.•:*¨`*:•. .•:*¨`*:•.
باقي معي أغلى هديه تهمك
صورتك كاتب فوقها مقدر أنساك
.•:*¨`*:•. .•:*¨`*:•.
متى يزين الوقت وأكون يمك
اقلها اعرف ظروفك ودنياك
.•:*¨`*:•. .•:*¨`*:•.
ياليتني في أنفاس روحك ودمك
أبقى معك وأعيش الأيام وياك
.•:*¨`*:•. .•:*¨`*:•.
ياكثر ماني بغربتي شلت همك
انشد نجوم الليل من عقب فرقاك
.•:*¨`*:•. .•:*¨`*:•.
عليك أخاف أكثر من أبوك وأمك
والله ماتلقى قلب مثل قلبي أغلاك
.•:*¨`*:•. .•:*¨`*:•.
مارتاح أنا من الوله لين أضمك
وأعلمك وشلون حالي بلياك

عند رؤى وغلا
الساعه 2 الظهر
رؤى تكلم الكوافيره : يعني متى تجين ؟؟؟
الكوافيره : بجي الساعه خمسه أو أربعه
رؤى : لا.. امممم تقريبا أربع ونص تعالي اووكي
الكووافيره : اووكي حبيبتي
رؤى : يالله باي
وسكرت الخط
رؤى : اووف تقهر اقوله تعالي في الوقت الفلاني تقوول لا بجي كذا وكذا
غلا : ههههه أهم شي بتجي
رؤى : إيه والله أهم شي بتجي وترى حسبت حسابك عند الكوافيره
غلا : أنتي علمتيني عالمكياج وصرت أعرف منه بس شووي خلني أصلح لنفسي
رؤى : لالا غلوو مايصير حتى أنا بسوي عند الكوافيره
غلا : طيب على راحتك
طق الباب عليهم
رؤى : تفضل
دخلت الشغاله : مدام رؤى ماما يبي أنتي
رؤى : ماما تبيني
ماتدري ليه غلا نغزها قلبها وتحس بالشي يخصها هي
ألتفت رؤى لغلا وقالت : غلو بروح لأمي شوي وبشوف عندها وبرجع طيب
غلا : طيب حياتي
طلعت رؤى وتركت غلا بغرفتها
قامت غلا ووقفت على البلكونه حقت غرفة رؤى وكانت البلكونه مطله على الحديقه
كانت تطالع الحديقه لمحت سياره جايه من بعيد
وقفت السيار ه عند بيتهم

وغلا عالطوول تخبت خافت يشوفها

فهد
وقف سيارته ونزل وقفلها ونزلت معاه وحده وراح لها
تكلم معاه شووي وأخذها داخل للبيت
غلا بعد مادخلوا كانت تراقبهم : هذا فهد اممممم مين البنت اللي معاه ؟؟ يالله وأنا وش علي منهم ؟؟

عند أم فهد ورؤى

أم فهد : لا تظنين إني ماشفت حركاتك طوول هالأسبووع
رؤى : يمه وش تقصدين
أم فهد : أنا وش قلت لك أول ماجتنا هذي ( تقصد غلا ) هاه وش قلت ؟؟
رؤى بتوتر : ماأدري نسيت
أم فهد : أذكرك قلت لك لا تماشينها وبعدي عنها طوول الأسبوع شايفتكم مع بعض
بس ماكنت فاضيه جات لنا عزيمة نواف فجأه ولا كان أقدر أتصرف معاكم
رؤى : يمه أنا مستحيل أسووي اللي قلتيه
أم فهد : تعصيني أنا عشان هالزفت
رؤى : يايمه حرام عليك أنتي ظالمتها
أم فهد : لا ظلمتها ولا شي وبتسمعين كلامي غصب عليك
رؤى : مو سامعه كلامك
أم فهد بصراخ : والله يارؤى ل...
أبو فهد قاطعها و بصرخه : نووره
أم فهد سكتت وهي متفشله
أبو فهد : رؤى بابا أطلعي لغرفتك
أمسحت رؤى دموعها اللي نزلت غصب وراحت تركض لغرفتها
أبو فهد قرب لها
أم فهد خافت ينفذ تهديده
أبو فهد : وش قلت لك أنا ماقلت لك أتركي البنت براحتها ( وبصراخ ) : قلت ولا ماقلت
أم فهد : الا ياأبو فهد بس أن..
أبو فهد قاطعها من جديد : حتى بنتك ماسلمت منك ومن تهديداتك
أم فهد أستجمعت قوتها وقالت : إيه بس أنا صادقه بكل شي
أبو فهد : أسكتي وأسمعيني زين والله ثم والله لو تعرضتي لها ياأم فهد بيتي يتعذرك والباب يوسع جمل
أم فهد بصدمه : بتطردني
أبو فهد عطاها ظهره : أفهميها مثل ماأنتي حابه أنا بطلع الحين
طلع وتركها بصدمتها
أم فهد جلست على سريرهم وهي مو مستوعبه بيطردها عشان وحده مثل غلا مو معقووله بالنسبه لها
إزداد كرهها وحقدها على غلا تعتقد إن غلا سبب كل هالمشاكل وودها تبعد بناتها عنها باي طريقه
وهي خايفه من أن غلا تفشلهم قدام صديقاتها على حسب تفكيرها الغبي

**نوران العلي** · 15-05-2012, 06:53 PM

رد: رواية رماني وقال ما أبيها../ كاملة ..

عند فهد والبنت اللي معاه

؟؟ : فهد وين أمك من أول ماجيت ماشفتها
فهد : بتجي الحين قبل ماأجي متصل عليها أنا .. المهم جوري وش أخبار شغلك
جوري : تمام بس متعبيني هالأطفال هههه
فهد : هههه عادي بالعكس يجننون
جوري : إيه يهبلون فديتهم
دخلت عليهم أم فهد وسلمت على جووري
أم فهد : وش أخبارك ياجووري
جوري : تمام الحمد الله
فهد : يالله بتركم أنا طالع
جوري وأم فهد : فمان الله

طلع من عندهم فهد وهم كملوا سواليفهم

( جوري أخت أم فهد الصغيره عمرها 23 ساكنه بالرياض
بس جات تحضر العزيمه تشتغل دكتورة أطفال مالها دور أساسي بالروايه )

عند رؤى وغلا
من يوم رجعت رؤى لغرفتها وهي ساكته وشكت غلا فيها

غلا : فيك شي
رؤى ماتبيها تدري عن اللي صار هزت راسها بلا وهي ساكته وواضح عليها السرحان
غلا تأكدت الحين من شكوكها تدري إن أم فهد مكلمه رؤى ومهاوشتها بسببها
غلا : أدري عن كل شي
رؤى ألتفت لها واضح الصدمه بعيونها : تدرين ؟؟
غلا هزت راسها بإيه وكانت واثقه من شكوكها عشان كذا أعترفت لرؤى
رؤى بإستغراب : شلون عرفتي؟؟
غلا نزلت راسها وقالت : لاحظت مراقبة أمك لنا وشكيت يوم نادتك لغرفتها
رؤى : غلا ترى أنا مالي ذنب ب ..
غلا قاطعتها وهي مبتسمه : لا أنا أعرفك رؤى أدري بكل شي وأدري إني مو مرغوبه من قبل أمك
رؤى : لا تزعلين قلبوو
غلا سكتت وماقالت شي ماقدرت ترد وماتدري يحق لها تزعل أولا

في بيت سلطان
سلطان : وليه مو رايحه
جنى وهي تعطيه ظهرها: جمعتكم عائليه وماأقدر أروح بيسألوني من أنا
سلطان : حبيبي من قالك إنها عائليه في ناس كثار بيجوون وحتى صاحبات خواتي بيحضرون
جنى : لا قلبي الله يخليك ماأقدر أنت ماتدري وش يمكن يصير صح
سلطان بقهر : كان ودي تروحين
جنى : ماعليه مره ثانيه قلبي
سلطان : اوكي غلاي على راحتك
جنى : أنت متى بتروح
سلطان : على المغرب إن شاء الله
جنى قربت له ومسكت يده : بشتاق لك
سلطان ذاب : وه بس خلاص مو رايح ليش أرووح والقمر عندي
جنى : هههههههه

عند سمر

كانت جالسه وجنبها كريماتها تحط منهم
دخلت عليها هنادي من دون ماتطق الباب
سمر تطالعها بإستغراب ؟؟
سمر : هييه مافي شي أسمه باب
هنادي : أسمعيني بس بقولك حاجه
سمر بطفش : وشو أتحفينا من عندك
هنادي : أمس سمعتك تكلمين رؤى عن غلا
سمر : وطيب ؟؟
هنادي : بصراحه ماأبيك تماشينها
سمر : لا والله أنتي بالأول شوفي من تماشين وبعدين
هنادي قاطعتها : سمر أحترمي نفسك ولا تتكلمين معاي كذا
سمر : أقوول هنوده الباب ينتظرك
هنادي : طيب يا سميران بتحتاجيني يوم من الأيام
وطلعت من الغرفه
وسمر تضحك عليها

دخلت لغرفتها وأتصلت عالطول على وسن
وسن بعد كم رنه ردت : هلا هنادي
هنادي : قلت لسمر كل شي ومو فاهمه
وسن : عادي بعدين بيسمعون منا
وكملوا سوالفيهم اللي مالها داعي خخ

في جناح خلود وفارس

كانوا جالسين يتغدون بالجناح
فارس : متى بتروحين المستشفى
خلود : ليه أروح ؟؟
فارس بعصبيه : يعني ليه وربي مدري وشلون صايره هالأيام تسوين نفسك ماتدرين أكيد عشان تكشفين عن الحمل
خلود أستغربت صراخه عليها وقالت له بهمس : بروح هاليومين
تحس أنسدت نفسها من العشا وقامت منه
فارس : على وين
خلود : مو مشتهيه بروح أشوف سارونه وبقومها من النووم
راحت لغرفة سارا بنتها وكانت في وسط جناحهم
دخلت عليها وشافتها نايمه
خلود وهي تجلس عالسرير : سارونه ياماما
سارا نايمه ومو راضيه تقووم
خلود شالتها غصب عنها وصارت تقوومها
قامت سارا وهي مبوزه
خلود : فديت بنوتي
شالتها معاها ودخلتها للحمام ( أكرمكم الله )

عند فارس
ياربي شكلها زعلت اففف أنا ضروري أصرخ عليها طيب
ماأدري وش فيني هالأيام أبيها تحمل بسرعه وهي المسكينه تعبانه

شافها طالعه من الحمام ( أكرمكم الله ) وماسكه سارا بيدها بعد ماغسلت وجهها
دخلت لغرفة سارا بتبدل لها لبسها
مشى فارس ودخل وراها

شافته خلود يوم يدخل وصدت عنه بسرعه ماتبي تحط عينها بعيونه
فارس تأكد أنها زعلانه
قرب منها وقال : سارونه عمك فهد يبيك برا روحي له يابابا
سارا على طوول نطت بتروح لفهد مصدقه هههه
خلود عارفه ليه سوى كذا وماعطته وجهه
قرب لها وجلس جنبها وحط يده على كتفها
فارس : قلبي أنا أدري أنك تعبانه وأنا أتعبتك زياده بسالفة الحمل وكنت أناني شووي
بس صدقيني كل هذا ماكان من قلبي بس كان ودي بولد يفرحني
خلود قاطعته : وأنا ماأهمك وصحتي ماتهمك
فارس ضمها : حبيبي من قال هالشي أنتي صح تعبتي بسارا يمكن لأنها جات بالشهر السابع
بس ولأنها بكرك وكنتي صغيره بس الحين الوضع تغير وهذا مولودك الثاني
( بعدها عنه شوي وقال ) : لو يخيروني بين الدنيا كلها وأنتي وربي بختارك فديتك
لو الحمل صدق يتعبك أنا بنفسي بجيب لك اللي يمنعه عشان ماتحملين وأفقدك بس ياقلبي هو مو خطر عليك والحمد الله ...!
خلود أقتنعت بكلامه شووي بس ساكته ومو رايضه تتكلم معاه
فارس : وش فيك حياتي ليه ساكته
خلود : ولاشي بس هالأيام صاير عصبي حيل حتى سارونه ماعاد تتكلم معاها كثير ولا تلاعبها مثل قبل
فارس بمزح : سارونه بنتك تحب فهد أكثر مني وأنا أبوها
خلود : هههههههه فهد مدلعها
فارس : وأنا وش ذنبي
خلود : ذنبك إن ( ماكملت كلامها وهي تطالع الساعه اللي بالجدار وشهقت )
فارس : بسم الله وش فيك ؟؟
خلود : الكوافيره بتوصل بعد شوي وأنا ماجهزت شي

قامت بسرعه وأتجهت لجناح رؤى وهي تاركه فارس
فارس بعد ماطلعت : افف يوم بدينا رومانسيتنا من دون سويره طلعت لنا الكوافيره

عند فهد وكانت سارا عنده يلاعبها
فهد شالها ونزل هو وياها تحت لعند أمه وخالته جوري
وهو نازل سمع سواليف أمه مع خالته جوري وهي تقوول

أم فهد : أنا ماأبي رؤى تماشيها بتفشلني قدام صاحباتي
جوري : صراحه يانوره البنت من كلامك عنها ماأشوفها سوت شي وبعدين أنتي ماعرفتيها عشان تكريهينها ومافي سبب مبرر لكرهك لها
أم فهد : حتى أنتي ياجوري وأنا كنت أقول أختي جت وبتوقف معاي وطلعتي ضدي
جوري : مو ضدك أفهميني
أم فهد : أنا ماأبيها ببيتي ويا أنا ياهي بنت القريه و هذا مختصر الكلام

عند فهد
زفر بقهر من كلام أمه الللي مافي سبب يخليها تتكلم كذا عن غلا
وهي ماسوت شي لها نزل سارا ومسكها بيدها وراح لهم

أم فهد يوم شافته قرب حست أنه سمع كلامهم من نظرات فهد لأمه
فهد يكلم جوري : جوري هذي سارونه بنت فارس ماشفتيها من زمان
جوري : وه ياناسو عليها تجنن كبرت بسم الله عليها ( أخذتها من فهد وحطتها بحضنها وصارت تبوسها )
أم فهد : يمه فهد متى جيت مو قبل شوي كنت طالع
فهد من دون مايطالع لها : رجعت من ربع ساعه
أم فهد الحين تأكدت إن فهد سمعهم من طريقة كلامه معاها وأنقهرت الوحيد اللي ماتبيه يسمع فهد
لأنه بيسوي براسه وعنيد مرره
طلع فهد من عندهم وهو معصصب من ظلم أمها لهالمسكينه غلا وهو مايدري وش يسوي

في بيت أبو نواف
في جناح دانا
كانت تكلم خزامى
دانا : خزامى الله يخليك إنسي السالفه
خزامى : عجزت إلى الان كلامهم يرن بإذني
دانا : وسن وهنادي كلنا عارفين أنهم كذابات قلبي الله يخليك تعالي وأنبسطي
خزامى : بحاول أتجنب وسن هنادي
دانا : لا مو تتجنبينهم واجهيهم كفايه اللي يسوونه فيك
خزامى : إن شاء الله أقدر
دانا : طيب أن ..
قاطعها صووت الباب
دانا : لحظه خزوومه
خزامى : خذي راحتك
نزلت جوالها عالسرير و راحت بسرعه تفتح الباب
دانا : نواف ؟؟
نواف : هلا قلبي بغيت اللاب حقك
دانا : وين لابك
نواف : طفى شاحنه وماجبت له شاحن بسرعه دندونه أبيه ضروري
راحت بسرعه تجيب لابها أعطته اللاب
وقال لها : شوي وأرجعه لك زين دندونه
دانا : زين
طلع من عندها نواف ورجع لغرفته
وراحت دانا تكمل مكالمتها
دانا : سوري تأخرت
خزامى : مين ؟؟
دانا : نواف يبي اللاب حقي
خزامى : اها
وكملوا خرابيطهم وسوالفيهم اللي ماتنتهي

في جناح رؤى
خلود كانت جالسه عندهم وتطالع غلا
وتقول بنفسها وربي البنت مره حلوه كانت مخفيه جمالها بالحزن وشعرها واو قصه ثانيه ماشاء الله الله لا يضرها
رؤى بصراخ : هييييييييه خوووخه من اليوم أناديك ماتسمعين
خلود أنتبهت لها : خير لا تقولين خوخه
رؤى : وليه إن شاء الله هذا مو دلعك
خلود : ألا دلعي بس مايناديني كذا ألا فرووسي
رؤى فطست من الضححك عليها
وغلا وخلود أستغربوا منها وش فيها أنهبلت خخخخ
رؤى وقفت عن الضحك وقالت : غلا تراها تسذب مايدلعها ولا شي قبل أسبوعين كاذب عليها ويقول أنتي سمينه
ضحكت غلا غصب عنها من شكل رؤى وهي تضحك
خلود : إيه هين يارؤى ( وقامت لها جايه تركض بتضربها)
رؤى : اشش جوالي يدق ( ردت على جوالها كلمتها شوي وصكرت )
خلود : مين ؟؟؟
رؤى : الكوافيره جايه بالطريق
وكملوا سوالفيهم إلى إن جات الكوافيره وبدت تشتغل فيهم

في بيت أبو سلطان
بالتحديد بجناح ريم وعادل
خلصت ريم شغلها من الكوافيره وكانت تحط اللمسات الأخيره بنفسها على المرايه
حست بيد على خصرها
عادل : الله على هالحلا كله شكلي بخطفك وماراح أخليك تروحين
ريم : هههههه تسلم حبيبي
عادل باسها على خدها وقال : بس تسلم طيب عطيني بوسه
ريم بترجي : لالا تكفى عادل بتعفس شكلي خليها بعد مانرجع
عادل : اوكي قلبي عشان خاطرك بس
طق الباب عليهم
عادل بصوت عالي : مين ؟؟
دخلت سمر عالطووول وهي تركض
ريم : بسم الله وش فيك
سمر : ولا شي بس بسألك
جاء عادل لها وعفس شعرها : جايه عشان كذا خوفتينا
سمر : يووه خربت شعري
طلع وماعطاها وجه وهو منقهر منها قطعت جوهم الحلو هو وريم
ريم : هاه سموره وش تبين
سمر : محتاره أحط العدسات الخضراء ولا الرصاصي
ريم : فستانك وش لونه
سمر : لونه فوشي
ريم : لا أجل حطي الرصاصي
سمر : اووكي باي ( وطلعت من غرفتها )
ريم : بايات
ريم شافت جوالها عالطاوله وأخذته بتتصل على رؤى
عند رؤى
كانت تستشور شعرها الكوافيره
رؤى : اووف جوالي يدق تكفين خوخه ردي عليه
خلود أخذت جوالها وشافت الرقم وعرفت أنه ريم وردت عليها
خلود : ألو ريومه
ريم : هلا خلود كيفك ؟؟
خلود : تمام هلا فيك
ريم : وين رؤى عن جوالها
خلود : عند الكوافيره
ريم : اها خلود ياقلبي عطيني غلا ماعليك أمر
خلود بلقافه :ليه وش تبين فيها ؟؟
ريم : بتطمن عليها
خلود : اووكي ( نزلت الجوال من يدها وقالت لغلا ) : غلا تعالي ريم تبي تكلمك
غلا : أنا
خلود مدت لها الجوال وقالت : إيه كلميها تنتظرك
غلا أخذت الجوال منها بتردد : هلا ريم
ريم : هلا غلو كيفك
غلا : الحمدالله وأنتي كيفك ؟؟
ريم :زينه .. غلوو طمنيني عنك إن شاء الله مرتاحه
غلا طالعت خلود ورؤى وقالت : الحمدالله
ريم : زين يا قلبي حبيت أتطمن عليك إذا كنتي محتاجه شي لا يردك ألا لسانك طيب
غلا : طيب
ريم : تبين شي
غلا : لا سلامتك
ريم : يالله مع السلامه

وسكرت منها
رؤى بلقافه : غلو وش تبي منك ريووم وليه ماكلمتني البطه ؟؟
خلود : أنتي ماتبين تكلمين أحد
رؤى : أسكتي خلودوه
خلود جت بتتكلم
بس قاطعتها غلا : كانت بس تطمن علي
رؤى : اها عشان كذا .. المهم غلا مو ناويه تقصين شعرك
خلود : لا حرام عليك شعرها رووعه
رؤى : يمه بسم الله علي
ضحكت غلا عليها وقالت : لا رؤى ألا شعري
رؤى بطفشش : طيب على راحتك

برب لا أحد يرد

رواية رماني وقال ما أبيها.../ كاملة ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget