وربي انك خجلتيني ياروحي انتي..

الله يسلمك..
ويسعدك ياررب..

منورره..

البارت الحادي عشر

دانه:تركي ابي اروح المشغل..
تركي:نعم..
دانه:ابي اروح المشغل..
تركي بهدوء:مافيه..
دانه:وليه؟؟
تركي:صيغه سلوبك امر..وانا كم مره قلت لك..ان الخدم مايئمرون على ولي نعمتهم..
دانه بغيض:أنا مو خدامه هذا اولا..وثانيا..انا بروح المشغل يعني بروح..
تركي بدون ميناظرني:ان رحتي مالك رجعه لبيتي..
دانه بصدمه من كلامه:.......
تركي كمل وبغرور:وان قلت كلمه وحده مثنيها..يا"والتفت لي وبنبره سخريه"خدامه..
نزلت دمعه قهر على خدها الناعم..
ودقايق إلا وهم واصلين للبيت..
نزلت من دون أي كلام..وشالت الكيس..ودخلت داخل..وصعدت لغرفتها..ورمت نفسها على السرير ودموعها تسيل وبنوحه:اه..انا خدامه هاه..انا اوريك ياتركي الكلب..
خذت لي شور منعش..خذت لي سائل للاستحمام لوكس..قلت يمكن اصير زي ألي يسوون الدعاية..لمريت الكل يلتفت لريحه جسمي ويذوب..ههههههه..
وبعد الشور..سرحت شعري وسيحته وفردته على كتفي..انقهرت منه اكثر لانه ماودني المشغل..لاني معرف احط مكياج ذاك الزود..بس انا اوريك ياتركي..


وعند الساعة8:11 ليلا
التفت لحد يطق الباب:نعم..
الجوري دخلت وبعجاب:واو..بيوتفل..
دانه:ههههه..تسلمين ياروحي..
الجوري:صايره ملكه جمال..يادانه..
دانه بستها على خدها:زيك حلووة..
الجوري مسكت يدي:يلا بابا يقول لك نزلي..
دانه بابتسامه:اوكي..انتي نزلي وانا وراك..
وطلعت من الغرفة..وعطرت حالي..وخذت عباتي وشنطتي..

الجوري نزلت من الدرج:بابا..
تركي جالس بالصاله:نعم..
الجوري بحماس:دانه صايره حلووه حيل..
تركي:........
الجوري:تهبل بابا..
تركي:اكيد مو احلى منك..
الجوري مسكت يده وسحبته:تعال شوفها بابا...
وقام معها وهو متملل لابعد درجه...
وقف يم الدرج..
الجوري باندفاع:جات السندريلا..
تركي رفع وجهه وكانت علامه الدهشه في وجهه...
نزلت بخطوات واثقه..اقتربت منه وحطيت عيني بعينه..
دانه بدلع:عجبتك..
تركي بلع ريقه:هه...
تفحصني بنظره..انكسفت من نظراته لي..
بنسبه لتركي
جاتني الجوري تركض وتقول لي ان دانه صايره ملكه جمال ومدري وش..اسحبتني من يدي محبيت اقول لها لا..
وقفت يم عتبه الدرج..
الجوري:جات السندريلا..
رفعت عيني..وشفت الملاك ألي هاب علي..متوقعت انها بتصير زي كذا..تغيرت بالمرره..محسيت بنفسي إلا وهي بوجهي وردت علي بكل دلع وانوثه:عجبتك..
دخت من ابتسامتها وعطرها..ذوبني قربها مني..وصرت اتفحصها بنظري..
الفستان كان مفصل جسمها وطالع انوثتها الطاغية ألي ابهرتني فيها..
اقفت من سرحي بصوت الجوري:يلا دانه نركب السيارة عشان مانتاخر..التييه"جدتي"متحب التاخير..يلا

ونزلت معها..
تركي ببرود:يلا ركبي السيارة مو تتاخرين..
وراح مع الجوري..
شيكت على شكلي في المرايه..
كانت لابسه فستان طويل بتدريجات الموف..علاق وله رسمه مميزه عند الصدر كاشف من الصدر بطريقة مغريه..ومرصع بالاكسسورات تحت الصدر ولمعه فضيه مميزه عند الكتف..ويوسع من تحت..وصندل عالي بلون الموف..وعملت شعرها بف..ولبست حلق مليء بالفصوص بلون الموف..واسواره فضيه تزين معصمها..
وبنسبه لميك اب تبعها فكان بالمرره سنبل..ظل مسحوب بلون الوردي وداخل العين كحل اسود..ويبرز جمال عينها لون عدساتها الرمادية"طبعا عدسات"وبلاشر بلون الزهر..وغلوس وردي ناعم من نيفيا..

ومسكت شنطتها بلون الموف..المليئه بالفصوص على جانب الشنطه..
لبست عبايتها وركبت السيارة..
لفحت عليه ريحه عطرها ألي دوخته اكثر..
تركي يسوي حاله معصب:وليه متأخره حظرتك..
دانه:......
الجوري:متاخرت كثير بابا..بس دقيقة..
تركي بحده:لما اتكلم مع احد لاتقاطعيني يابابا..اوكي..
الجوري بزعل:أي..
وحرك السيارة..وبعد10دقايق وصلنا..

....
هيلة:وش رايكم بنات بلبسي"ودارت"
هتان:حلوو..مشاء الله..
امينة:كل وحده هنا اجمل من الثانيه..
مياسا بمزح:اكيد انا بصير احلى واجمل في الجمعه ذي..
الكل:ووووع..
مياسا بضحكه:وجع ان شاء الله..
الكل:ههههههه...
هيلة:لو انهم مسوين العزومه ذي في بيت جدي كان احسن..
امينة:أي والله..بيت جدي اشرح واكبر..بس ان شاء الله في عزومه ولا حفلة ثانيه..
الكل:ان شاء الله..
مياسا بهمس:جات الحربايه..
الكل التفت..وسلموا عليها..
ليان بمياعه:اخباركم بنات؟؟


يتبع...

ليان بمياعه:اخباركم بنات؟؟
هيلة بنفس مياعتها بس بزود:الحمدلله طيبين انتي اخبارك؟؟
ليان معجبها طريقة ردها:الحمدلله زينه..عن اذنكم بنات..
امينة:اذنك معك..
هيلة ومياسا:يارربي مغرورة..
امينة بهمس:اوووص..لاتسمعكم وتسون لنا فضيحه..
هيلة بكره:خليها تولي بس..
مياسا:شوفي انتي فستانها بس..دفش مره..وليت بعد فستانها حلو...وع..ان شاء الله تكون دانه احلى منها..عشان تقهرها صدق..
هتان:إلا وينها دانه..
امينة:لسه مجات..
امينة كانت لابسه بنطلون جنز ضيق رمادي على بلوزة طويلة بلاك كاشفه من الصدر بطريقة مميزة..وصندل عالي بلاك ولابسه اكسسوارات..حطت ميك اب سنبل اسود وفيه اندماج بلون الوردي..وفردت شعرها الحرير على اكتافها..
..
هتان كانت لابسه تنورة ميدي ازرق جنز..على بلوزة توب حمراء..وصندل عالي احمر..الاحمر مووت عليها..لانها بيضاء وشقراء..وحلق مليء بالاكسسوارات باللون الاحمر.. مسويه شعرها كيرلي..وميك اب تبعها كان سنبل فوق جفنها خط اي لاينر عريض..وغلوس احمر صريح..
..
مياسه كانت لابسه فستان قصير لنصف الساق..لونه احمر علاق وتحت الصدر فيونك بلاك زاد من جمال الفستان.. ميك اب تبعا سنبل بالمره..سيحت شعرها وفردته على كتفها..
..
هيلة كانت لابسه ضاغط"سترتش" بلاك..وبلوزة كنها فستان احمر طويلة..علاق ضيق من الصدر وكاشف بطريقة جميلة..وصندل عالي بلاك..فارده شعرها ع كتفها..وميك ابها سنبل بالمره..
..
ام تركي بترحيب:هلاوالله بام سعود..
وبعد السلام..جلسوا..
ام سعود:وينها دانه مشفتها؟؟
امينة وقفت:بكلم اخوي واشوفه ليه تاخر..
وطلعت براء في الحوش..

في الجوال:هههه..الله يقطع بليسك يارويشد..
راشد:رويشد في عيونك..
:ههههه..
راشد:يلا اكلمك بعدين جاء المحروس تروك..
:حلوو..يلا انا جايكم..سلام
راشد:سلام..
وسكر جواله وجاء بيروح للمجلس لفت انتبهاه للملاك ألي تكلم في الجوال..مقدر ينزل عيونه من جمالها..
امينة:وجع وينك انتي...
دانه بضحكه:وصلت بس انا مضيعه..
امينة:هههه..من كبر البيت عشان تضيعين فيه..
دانه(اخوك نزل ولا عبرني حتى مقال لي وين اروح مالت بس):هو قال لي بس انا نسيت..
امينة:طيب قولي للجوري..تعلمك..
دانه(خذها معه..):اووك..سلام
امينة:سلام..
خق على جمالها وحسنها..وصوتها الناعم ذووبه اكثر..
ودقت على اخوها:ترووك
تركي:هلا والله..من معي؟؟
امينة بدلع:انا امينة اختك الحلوة..
تركي:ووويع..
امينة بضحكه:هههه..ويع في وجهك..
تركي:وش كنت بقول لك..دانه متعرف المكان دليها..
.....:(اجل هي امينة اخت تركي..وربي ملكه جمال..)ودخل للمجلس..
امينة:ليه مدليتها على المكان انت مو هي حرمتك..ولا تبيها تدخل عن الرجال..
تركي بعصبيه:والله لذبحها ان دخلت...
امينة:هد اعصابك..
تركي بنفس عصبيتها:روحي دليها هي في الحوش ع معتقد..يلا روحي..
وسكر السماعة في وجها..
..
قبل خمس دقايق..
نزل من السيارة وشال الجوري والتفت لي:روحي دخلي..
دانه نزلت من السيارة:وين اروح..وين المجلس؟؟
تركي ببرود:مادري روحي دوري مجلس النسى..
دانه بصدمه:انت تتكلم من جد..
تركي بنفس بروده:يعني تشوفيني فاضي عشان امزح انتي ووجهك..
دانه بقهر:يعني عادي احوس ولا ادخل مجلس الرجال..
تركي بحده:اذبحك..
وراح ولا عبرني..ودقت علي امينة من جوال تركي..
.......

وجاتني امينة عند الحوش..ودخلت عند التوليت يم الصنبور وهي يمي..فسخت عباتي..
امينة باعجاب:من انتي..اكيد ملاك..
دانه بضحكه:لا انا شيخه..
امينة:ههههههه...اكيد ترووك مات عليك..
دانه:......
امينة سحبتني من يدي:يلا شرفينا بالصاله..خلي الحريم يشهقون على جمالك..
دانه:هههههه..

دخلت في الصاله والكل التفت علي..وعم الهدوء..
ام تركي وام راشد:مشاء الله..
مشيت بخطوات واثقه..وسلمت على الكل..وجلست يم امينة..
امينة بفخر:اقدم لكم مرت اخوي تركي"والتفت لي"دانه..
نظرات الكل كانت مليئه بالصدمه..
ليان تهمس بعدم تصديق:هاذي دانه يمه..شلون تقولين انها مثل الخدمه ومدري وش؟؟
ام راشد:مدري يابنتي..
مياسه جلست يمي وباعجاب:هلا والله بالمزيونه..مرت اخوي..
دانه بهمس:هلابش..
مياسه:يارربي..قد ايش نعوومه..
هيلة جلست يم مياسه:انتي ملكه جمال..مو طبيعية..مشاء الله..
وبدات الاسئله عني..صرت حوار المجلس كله..

....


يتبع....

وبدات الاسئله عني..صرت حوار المجلس كله..

....
بعد السلام..
خالد:عندنا لك هدية..
راشد:ولا أي هدية..
تركي يتقهوة وبرود:وش عندكم؟؟
خالد:وش هالبرود ياخي..تفاعل معنا شوي..
تركي عدل جلسته:يلا..قولوا وش هديتكم..ان شاء الله تشرف ولا زي وجوهكم..
خالد وراشد:ههههههه..
راشد:بل..صدقني الهدية حلووة..
تركي بضحكه:من احين اقول الهدية زي وجهكم..
خالد:هههههه..الله يقطع بليسك..
راشد:ادخل..
تركي بستغراب:منو ألي يدخل..
ودخل بشموخه وهيبته..
تركي بصدمه:مشعل!!
مشعل بابتسامه:تركي..
قام تركي وضمه بقوة..
تركي بشووق:وينك انت يارجال..كل ذه دراسه..مصارت..
مشعل:ههههه..وحده وحده عشان ارد..
ماجد دخل:لاتلومه يامشعل من شوقه لك..
تركي:وانت عارف بعد ياسيد ماجد..
ماجد ببرائه:أي توني..
الكل:ههههههه..
تركي بضحكه:أي معليه..
وجلسوا..
تركي:خلاص راح تستقر هنا..
مشعل:أي ولله الحمد..

مشعل(35سنه..صديق تركي الروح بالروح..طويل زي تركي..ابيض ووسيم بس مو زي وسامه تركي..عنده سكسوكه..يلبس نظارة..وطالعه عليه جنان..عزابي مو متزوج..توه مخلص الدكتوراه)

تركي:اجل نذر علي لعمل لك عزوومه لصارت ولا ستوت..
ماجد:شف..وانا اخوه من لحمه ودمه..مسوا لي عزومه لما تخرجت من الجامعه..
الكل:هههههههه..
خالد:اي خلاص..مو جاء مشعل..صاح سوقنا..
الكل:ههههههه..
تركي:هههه..افا ياخلود..انت بالعين..
راشد بنبره حاده:وانا وين؟؟ اكيد بالقلب..
خالد بهمس مسموع:اجل وين مكان الدانه..
الكل عدا مشعل وتركي:ههههههه..
مشعل مو فاهم شيء:الدانه..اي الدانه!!
تركي:معليك منهم مهبل ذوول..
خالد:لا احنا مو مهبل..بنقول لك سالفه الدانه..
مشعل بهتمام:وش؟؟

........
رحت لدورة المياه عشان اضبط مكياجي..ودخلت وحده من البنات معي..
ليان وهي تعدل نفسها بالمرايه:انتي دانه صح؟؟
دانه التفت لها:أي..
ليان تتفحصني بنظرها:مدري على وش ماخذك؟؟
دانه بصدمه:!!!
ليان:انتي صح جميلة..بس انا"وشدت عليها"احلى واجمل وارق منك..
دانه:.....
ليان كملت وبغرور:مدري على وش اصلا ماخذك..انا بنت الحسب والنسب يتركني وياخذك انتي يابنت الفقر..
دانه مازلت بصدمتي:انتي..كيف تتجرئين وتكلميني كذا..وبعدين انا مو بنت فقر..
ليان بضحكه وترت دانه:ههههههه.."وبكره"انتي بنت فقر وغصبن عنك وعن الكل..وطلعت من التوليت..
وخلت دانه بصدمتها من كلامها..

في مجلس النسى
ام تركي تهمس لها:بذمتك ذي دانه..
امينة بضحكه:أي يمه..هي دانه مرت ولدك..
ام تركي مازلت بصدمتها:طيب وألي شفتها ببيت ام سعود..
امينة بهمس:اقطع يدي ان مكانت ام سعود ورى هالعمله..
وجلست ليان يم امها وكانت راسمه ابتسامه النصر والغرور..

.....
مشعل بصدمه:دانه هي زوجتك!!
تركي:أي..وش فيك مستغرب كذا..
مشعل(مصدق..دانه بنت عبداللطيف ال....)
تركي:المهم..انت معزوم ببيتي يوم الخميس بعون الله..
مشعل:.......
تركي مسك يده:علامك مشعل منت معي..
مشعل:هه..وش كنت تقول؟؟
تركي بخبث:وش تفكر فيه..ليكون حاط عينك على وحده..
مشعل:ههههه..لا بس افكر بشيء..
خالد:جعنا حنا..وين العشاء..
تركي بيقوم:اقول لهم يجبونه دحين..
وطلع من المجلس..وقال لامينة تسوي له درب..ودخل للمطبخ..
اصرت امينة اني ادخل المطبخ استغربت من تصرفها..ورحت للمطبخ وكبيت العشاء..
منتبهتت للي يطالع فيها..
وهو يتفحصها بنظره..ويطالع في تفاصيل جسمها...
تركي(هالبنت ذي ملاك) بحده:وين امينة؟؟
دانه انتفضت:بسم الله الرحمن الرحيم..
تركي رفع حاجبه:ليه شايفة جني؟؟
دانه بهمس مسموع:انت الجني بعينه وعلمه..
تركي بحده:وش قلتي؟؟
حست بالاحراج من كلامه لها..حست بالاهانه..والذل..والكبر..والغرور..
كانت بترد بس..
امينة بابتسامه:هاي..
دانه نزلت راسي:بالاذن..وطلعت..
امينة بستغراب:وش فيها؟؟
تركي ببرائه:مدري عنها..المهم كبي العشاء الضيوف ينتظرون..

.........
انقهررت من كلامه كان خاطري اعطيه كف..ولا يهمني رده فعله..ابي انتقم منه وخلاص..
وجلست تفكر وتفكر..
دانه(لقيتها..انا اوريك ياتركي..ان مخليتك تمووت فيني وتعشقني وتدور رضاي..مكون انا دانه بنت عبداللطيف ال.....)



..............................................