اي والله الله يعينها..
ويعطيس مليون عافيه ع متابعتي..
منوررره حماك ربي..

تسلميين ياعمرري ع متابعتي الدائمه..

الله يسعدك..

قبل كل شيء..
يامراحب بالمزيونه..
وثانيا انا هي الكاتبه ساندرا..بس انا مسجل دخولي في هذا المنتدى كلي غرور ودلع..
وربي العالم..
وثالثا:يالييت في منك ثنين..عجبتني صراحتك ياعمرري..

منورره انار الله دربك..

البارت الثامن

امينة جلست:سلامتك وش فيك؟؟

دانه:.......

امينة كملت:طحتي..

دانه(لاماطحت بس اخوك ياجعل يده الكسر كسرني تكسر)بابتسامه:أي من اللويا..

امينة:هههه..انتبهي مره ثانية..

سكتنا شوي..
امينة:مجاوبتيني على سؤالي؟؟

دانه ببرائه:أي سؤال..
امينة:انتي مين؟؟

كانت بتجاوب..بس..
يم الباب:ذي خدامتي...

التفتنا لمصدر الصوت..
امينة قامت:تركي..انت وينك؟؟

دانه(انقهرت من رده انا خدامته..انا اوريك وش تسوي خدامتك يالمغرور)

وبعد السلام..
امينة خذت الجوري من حضن ابوها:هلا جوجو..

الجوري بدلع:هلا خالتوو..

امينة بابتسامه وبحب:يازينها.."وباستها"يازينك..ياحلوة انتي..مين ميحب هالحلووة ذي..هاه..

الجوري اشرت علي:ذي متحبني..

امينة التفت وبستغراب:نعم!!

الجوري ببرائه:هي طقتني بقوة..وجاء بابا طقها..تستاهل..

امينة:وش السالفة ياخوي؟؟

.....
رجعت من سفرتها لدبي وهي تعبانه بالمره جلست على الاريكه..تلفتت يمين يسار مشافته موجود تنهدت بعمق..كالعادة مجاء لاستقبالها بعد سفرتها ألي دامت اسبوعين..راحت خذت لها شور سريع ولبست قميصها النوم..وجلست في سريرها تتصفح المجلة..وكل دقيقة تمر تشوف الساعة..وبعد امل قاطع..رمت المجلة على الاريكة وطفت الانوار ونامت..

...........
امينة بصدمه:وليه مقلت لي؟؟

تركي:وهذا انتي دريتي وش بتسويني..

امينة:وش بسوي!!! اكيد بسوي حفلة لزوجه اخوي"بابتسامه"

تركي وقف:ملازم تسوين حفلة..كذا احنا مرتاحين..

الجوري وهي تهز كتف ابوها:بابا ابي انام..تعال شيلني..

تركي شالها وباسها في خدها:ياعيون البابا انتي..يلا..وراح وياها..

امينة الفتت لها:والله واخوي عرف يختار..احسن من ألي بيتزوجها ذيك..

دانه:بيتزوجها..من قصدك؟؟

امينة:هو طالب شروط على امي في حرمته انه تكون شيئنه ومتينه ومدري وش...بس لما شفتك تطمنت..

دانه بابتسامه:تقصديني انا..

امينة:مافهمتك؟؟

دانه:انا هي السوداء والمتينه..

امينة طقت في صدرها وبدهشه:كذابة!!

دانه بضحكه:وربي..المهم وش رايك بالمتينه؟؟

امينة:قمررر وربي..اول مشفتك قلت ذي مو انسان اكيد ملاك..

دانه:ههههه..

وجلسوا يسالفون وقررت امينة انها تسالها ألي يدور في خاطرها..

امينة بتردد:عندي سؤال يادانه شاغل تفكيري..

دانه:تفضلي..

امينة:زاد فضلك..بقيت اسئلك عن.."وسكتت شوي وبعدين كملت وبهمس"انتي تنامين في غرفة وهو بغرفة صح..

دانه:........

امينة:اقصد هو يعني.....

دانه قاطعتها:وش دراك؟؟

امينة تنهدت:ادري.."ومسكت يدها"ابيك تصبرين شوي على اخوي يادانه..هو إلى الان مو متصور انه يتزوج وحده او تكون وحده بحياته غير سهى زوجة المرحومه..
دانه:.........

امينة:ارضي بالله ألي كتبه لك..

سكتنا شوي وبعدين تكلمت..

دانه:عندي سؤال محيرني..هو ليه طلب من امه تخطب له وحده ماتنشاف..

امينة بابتسامه:لانه هو مقرر انه ياخذك كخدامه له..ميبي وحده حلوة زيك ويروح فيها..او يضعف من ناحيتك..

دانه بحيره:ليه ميجيب خدامه..هو مشاء الله عليه عنده خيرر..

امينة تنهدت:مايبي يجيب خدامه عشان متضرب بنته الجوري..لانه قبل جاب خدامه من سنتين وكلا تضرب الجوري..وطردها وحرم من ذيك السنتين انه يجيب خدامه لبنته..

دانه(عشان كذا ضربني بعنف):اها..

امينة مسكت يدي:عاد لا اوصيك بالزين في الحفلة..

دانه بابتسامه:ابشرري..بس هو قال..

امينة قاطعتها:معليك منه..خليه علي..

دانه:اوكي..بس انتظري اسبوع بالاول..تدرين مابي اروح الحفلة وانا اعرج..

امينة ودانه:ههههههه..

امينة:ابشرري..

وطلع بطني صوت..استحيت ونزلت راسي لتحت..
امينة بابتسامه:حتى انا جوعانه..وش رايك نطلب من المطعم وجبة..
دانه باندفاع:فكرة حلوة يلا..

ارتحت كثير لامينة حسيت انها اختي ألي مجابتها امي الله يرحمها..

وبعد نصف ساعة وصلت الوجبة..وضربنه فيها بالخمسه..ههههه..من الجوع.. وجلسنا نتكلم واحنا ناكل وتعرفنا على بعض اكثر واكثر..مر الوقت بسرعة علينا وراحت امينة مع واتي..

اصريت انها تجلس وياي اكثر بس قالت لي ان بناتها وراهم مدرسة..

لميت الاغراض والاوساخ ورميتهم في الزبالة"الله لايهينكم"

بنسبه لتركي
خفت الانوار زي متحب الجوري..وطلعت من غرفتها ورن جوالي رديت:نعم..

امينة:هلا تركي..

تركي:هلابيك..

امينة:روح ود دانه للمستشفى..جنبها يعورها..

تركي:نعم.نعم..وش قلتي ماسمعت..

امينة بحنيه:ياخوي..دانة في ذمتك دحين وان صار لها شيء فأنت المسئول..على الاقل كلم الدكتور تبعنا عشان يفحضها..

تركي:..........

امينة كملت:لاتخاف مني ولا منها ولا من احد..بس خاف من رب العالمين..ارحمها ياتركي..

تركي:.........

امينة تنهدت لما ماسمعت رد منه:ارحموا مافي الارض يرحمكم من في السماء..

تركي بداء يقتنع ويلين شوي:خلاص..خلاص..بوديها..

امينة(ادري انك طيب ياتركي بس تكابر شوي..)

سكر السماعة من دون ماينتظر ردها..

كلم دكتور العايلة.. ونزل تحت عشان يخبرها.. شافها متكيه وتمشي شوي شوي..كسرت خاطره..بس مابين اقترب منها..

تركي:كلمت الدكتور وراح يجي بعد كم دقيقة..

دانه:لاتخاف علي ر.....


يتبع....

دانه:لاتخاف علي ر.....

تركي رفع حواجبه وقاطعها:من قال اني خايف عليك..

دانه:اجل ليه كلمت الدكتور..مو عشان انك خايف....

تركي بضحكه وترتها:هههههه.."وبغرور"انا اخاف عليك انتي كثري منها..

اقترب منها وبتعدت بشويش لين ماوصلت لجدار توترت من قربه منها..

تركي وانفاسه تلفح على وجهي:انا خايف على خدامتي..

دانه:.......

تركي بهمس:على خدامتي وبس...تعرفين ليه؟؟

دانه:........

تركي:لان ان مرضتي راح يوصخ البيت وراح تهملين شغلك وانا اكره ماعندي الوساخه..احين عرفتي ليه انا كلمت الدكتور..

دانه بضياع:أي..

تركي بعد عنها:واحين يلا صعدي فوق..راح يجي في غرفتك..ويكشف عليك..

مشت بخطوات بطيئه..وهي ماسكه خصرها..

تم يطالعها لمده 11 ثانيه

تركي اقترب منها وشالها وهي شهقت:إذا تميتي كذا..لبكره منتي موصله لغرفتك..

دانه باحراج:نزلني..قلت لك نزلني..

ولاعبرها وعطاها اذن صمخى وصعد فيها فوق وهي تردد نزلني ونزلني..

ووصلها لغرفتها..وجاء بيحطها في السرير

دانه بعدت عنه بسرعة:لاتعب نفسك انا اعرف وين مكان سريري..

تركي بدون اهتمام:لايكثر بس..دقايق وهو جاي.. وطلع من الغرفة..

مشيت بخطوات سريعة شوي واخذت شالي..

دقايق إلا انفتح الباب..دخل تركي والدكتور..

استغرب لما شافها لابسه شالها..كانت مغطيه وجها ونحرها..
الدكتور حط شنطته ع طرف السرير والتفت لها:هوا انتي بتشتكي من ايه يابنتي؟؟

دانه:انا طحت يادكتور وضرب عظم خصري بالارض..

الدكتور:اها..

رفع بلوزتي لفوق..انقلب وجهي لاشارة مرور..استحيت من نظرات تركي..تمنيت انه يطلع لكن ماطلع..

وبعد مافحصني..
الدكتور:ادهن ده..في موضع الالم وحتبى كويسه بإذن الله..

تركي:انا..

الدكتور:مو انتا جوزها..

تركي هو يطالع فيني بنظرات كلها برود:أي..

الدكتور:يبا خلاص..ادهن في اليوم مرتين..

وراح يلم اغراضه..
تركي مكفت يده:مو راح تعطيها ابرة..

من سمعت الابره فزعت..دانه باندفاع:لا..ابره لا..

تركي بابتسامه خبث:إلا..دكتور عطها ابره اخاف يصير فيها شيء..

الدكتور:مش مشكله ع العموم الابرة ماتضرش..

دانه بخوف:لا..مابي ابره..

تركي استانس من شكلها كذا واصر زود على انها تاخذ الابر..وسط صراخها..

دانه مسكت يد تركي بقوة وبترجي:تكفى تركي مابي ابره..

تركي بابتسامه بانت غمزاته:اقوول خلصي بس..

اول مره اشوفه يبتسم لي ابتسامه تخلوا من السخرية والاستهزاء..

دانه بخوف:تركي..قول له اني مابي ابره..خلاص انا زينه احين..

تركي بضحكه على شكلها وخوفها:إذا انا ألي قايل له يعطيك ابره..

وطلع الدكتور الابرة..
اقتربت من تركي وانا ابكي:لا..مابي..

اقترب مني الدكتور وجاء بياخذ يدي بس انا سحبتها منه وحطيتها في حضني..

الدكتور: مدي ايدك..
خذ تركي يدي من حضني ومدها لدكتور..وانا اصارخ..
وبلا شعور دفتن راسي بصدر تركي وانا ابكي..

الدكتور:بس انتهينا..

بنسبه لتركي

نسيت نفسي وضمتيها في صدري زود..ذبت بريحتها..ذبت اكثر من انفاسها ألي تلفح على رقبتي...حسيت انها دخت بين ضلوعي..مقدرت امانعها او ابعدها عني..مدري ليه..يمكن..يمكن اكون انجذبت لها..لا..مستحيل انجذب لها..وليه مستحيل هي مافي شيء يعيبها..جمال وجسم وانوثه طاغية..كل رجال راح يرغب فيها..انتبهت لدكتور لما قال انه انتهى.. بعدتها عن صدري وربي ان مكان ودي ابعدها عن حضني..

وقمت طلعت مع الدكتور..
الدكتور وهو يمد يده:خذ المرهم ده وحطها في بطنها وراح تباء كويسه..يلا مع السلامه..

تركي:مع السلامه..

ووصله للباب وصعد فوق لها..شافها تفسخ الشال من فوق راسها..وقف وهو يشوف ملامح وجها.. ذاب على خدودها وخشمها ألي صاروا حمر من كثر البكى..كان خاطره يلمها في صدره..بس منع نفسه..ووخر هالافكار من باله..

اقترب منها وجلس بطرف السرير..ورفع بلوزتها.. وجها صار مليووون لون من حركته..

دانه بتوتر وبحيا:و..وش تسوي انت..

تركي من دون مياطل فيها:سمعتي الدكتور وش قال..لازم ادلك خصرك ولا مراح تشفين..

دانه باندفاع:لاتعب نفسك انا بسويه..

جات بتاخذ المرهم من يده بس هو كان اسرع منها وبعد يده قبل متاخذ المرهم..

تركي:لاتحاولين..خليني اخلص بسرعة..

دانه:ا......

تركي قاطعها:ولاتتكلمين عشان انتهي..

دانه(ياربي كلا اوامر ذه..افف بس) بنرفزه:لاتدلك بقوة تراك تعورني..

تركي حاسدها وضغط على الالم..

دانه:اه..يعورر..لاتسوي كذا..

تركي رفع حواجبه:كيفي..

دانه:اقوول بس جيب المرهم انا بدلك نفسي..

تركي ببرود:اقوول لايكثر بس..

دانه:ب......

تركي قاطعها بحده:انا وش قلت..لما اقول كلمه اتوقع انها تتنفذ..لقلت اسكتي يعني تسكتي..سامعه..

دانه بخوف:سامعه

احس بحدته في لمسه ايده..كان يضعظ على خصري بقوة..مقدرت اتكلم بس اكتفيت بالبكى..وانا اعظ على شفتي من الالم..

بعد منتهى قام ولا قال كلمه وحده وطلع من غرفتي..


دانه بكره:صدق انه سخيف هو متسبب بألمي ويتكلم بعد ولا ويتشرط.."وهي تقلده"لاقلت لك اسكتي يعني تسكتين سامعه..مالت عليك بس..

.................



يتبع....

.................
سمعت صوت الباب ينفتح بطلت عيونها..
ولع الانوار:انتي جيتي من سفرتك..
قامت من سريرها:ليه تلفونك مسكر..رسلتك رساله اني بجي ودقيت عليك..بس مافي فايده..قول لي ليه مقفله..

بحده:كم مره اقول لك لاتسئليني هالاسئله ياهتان..

هتان بنفس حدتها: مو من حقي اني اسئلك هالاسئله يعني..انا زوجتك حسسني ولو مره انك تحبني وتخاف علي..
:...............
هتان بنبره حزن:حسسني اني متزوجه ولو مره..انا من تزوجك وانا حاسه انك ماتبيني..
:............
هتان بنفس نبرتها:إذا انت ماتبيني قول لي ولانك تعيشني بحيره وكدر..ليه ساكت ياماجد؟؟
ماجد:..........
هتان:لان ماعندك رد..لان كلامي كلا صح..اسافر وارد وانت اخر من يعلم..على الاقل حسسني ان في احد يسئل عني..يشتاق لي..حسسني بحبك ولو مره..

ماجد جلس بالكنب التايقر:اسمعي يابنت عمي..انتي ادرى اني ماخذك غصب عني..وسبق وقلت لك قبل مانملك اني ماحبك ولاراح احبك لو وش يصير..

هتان بانكسار:ظنيت انك راح تحبني بعد الزواج..وانك راح ترضى بألي كتبه الله..

ماجد بكره:انا مراح احبك ولا راح احبك..

هتان قلبها عورها من كلمته بس مابينت:وانا بعد ماحبك..وخذتك غصبن عني..قلت لبوي بس ابوي ماسمعني..قال لي اني باخذك باخذك..ولا لو علي كان مخذت ولا التفت لك بعد..

وطلعت من الغرفة من دون ماتنتظر منه رد..
توجهت لصاله وهي تناظر المسبح ودموعها تسيل...وجلست تلوم نفسها..ليتها..وليتها تخلت عن حبها لماجد..ليتها محبته ليتها قالت لابوها انها ماتبيه..بس هي اصرت انها تاخذه..ظنت انه بيحبها بعد الزواج بس للاسف...


.......
وبعد مرور 3 ايام
تحسن حال دانه..بفضل الله ثم بفضل تركي..
امينة مقالت لام تركي انه تركي تزوج..طبعا لان تركي كان موصيها انها متقول لامه ولاي حد ثاني انه تزوج دانه..

تركي:انا وش قلت..
دانه بحيا:مابي..خلاص وربي صرت زينه..
تركي اقترب منها ومسك طرف بلوزتها بس هي كانت اسرع ومسكت بلوزتها..

دانه بحيا واضح:انا وش قلت لك؟؟

تركي بحده:دانه..

دانه:بعد لا تقرب..

وضليت اتهاوش معه..وابعده عني بس هو مينفل....
دانه بحيا:وخرر..
تركي:........
حاولت ازيحه عني بس هو.....كنه مايبي..

بنسبه لتركي

تركي بحده:دانه انا وش قلت لك..وخري يدك..

دانه بتوتر وبحيا:لا مابي..انا قلت لك تعافيت خلاص مايحتاج للمرهم..


الجوري فتحت الباب وبابتسامه لما شافت ابوها:بابا.. وركضت له وشالها..

تركي بدون ميطالع فيني:كبي العشاء يلا..

دانه برتباك:..ا..ان ش..اء الله...

.........................

جلست يم البلكونه..وهواء يطاير خصلات شعرها الاشقر البندقي..وهي تناظر القمر المكتمل كان ودها تجلس مع ماجد في حديقة البيت الجوء بالمره حلوو..والمكان يفتح النفس..جمال الحديقة يلفت الناظرين..
قاطع تفكيرها صوت جوالها:الوو..
امينة:هلا هتوني..
هتان:هههه..هلا حماتي...
امينة:ههههه..اخبارك؟؟
هتان تنهدت بصمت:الحمدلله..
امينة حست فيها بس محبت تبين:ليه مقلتي لي انك رجعتي من دبي..
هتان:توقعت ان اخوك راح يقول لك..
امينة:ولا قال لي ولا شيء..
هتان(كنت متوقعه):أي..
امينة:عسى ماتعبتي اخوك بس في السياحه..
هتان:ههههه..طالم في يده الديزل مراح يحس بالتعب<<تقصد بالديزل يعني فلوس..
امينة:ههههه..كم عطيه..

هتان:500 ريال ويخب عليه..

امينة:أي والله يخب..حبيت اقوول لك..اني بسوي حفلة

هتان استغربت:حفلة..وش المناسبه..

امينة:حاليا مقدر اقول المناسبة..بس حبيت ابلغك فيها..ابيك تتجهزين..وتجهزيني معك كمان..

هتان:هههه ابشري

امينة بمزح:اجل مديرة مشغل ع الفاضي..اي لازم تزينيني..

هتان:مديره المشغل والمشغل تحت امرك..

امينة بابتسامه:تسلمين ياعمرري..

وجلسوا يهذرون

............

سحر في التلفون:صدق..
سعود:أي ان شاء الله..
سحر:يعني خلاص راح ترجع..
سعود:ادعي لي بس..
سحر:طيب متى راح ترجع من امريكا..
سعود:عند نهاية الشهر ذه..
سحر بفرحه:صددق..
سعود:هههه..اي صدق..بس انتبهي تقوولين لحد
سحر:ليه؟؟
سعود:ابي اسويها مفاجئه لامي ولابوي ولطوفي..
سحر:مراح اقول لحد..ماني مصدقه انك راح ترجع..واخيرا..

لطيفة فتحت الباب بقوة:يووه..ليه مدقت علي؟؟

سحر بهمس:اكلم بعدين اوك..

سعود:وش فيك..

سحر بنفس همسها:جات لطيفة..سلام وسكرت السماعة..


سحر التفتت لها:انتي وش فيك معندك ادب ليه مطقين الباب..

لطيفة كشرت بوجها:انتي فاضيه..

سحر رفعت حواجبه:وش فيك مكشره بوجهك..

لطيفة:دندون مدقت علي..

سحر:ليه هي عندها جوال بعد..

لطيفه:لا..

سحر:اجل كيف تدق عليك يالغبية..

لطيفة:تاخذ جوال زوجها تركي مراح يقول لا..

سحر بخبث:أي معليه..

سحر(ههههه..كان مذبحها احين..ههههه ياجعلها الموت بس..)

لطيفة:أي صح..امي تبيك..في الصاله هي..

سحر قامت من سريرها:انزين..

وراحت لصاله وجلست بجنب امها..
سحر:نعم يمه..تقول الويطف انك تبيني..

ام سعود:أي ابيك..

سحر:خير يمه..

ام سعود بهمس:انتي تدرين ان تركي ماخذ دوينه بنت الاردنيه عشان بنته بس..

سحر:.......

ام سعود كملت:وألي عرفته من ام راشد ان تركي يبي ليان بنتها..بس انا ابيك تفركشينها عليها وعليه...

سحر:مافهمت يمه..

ام سعود:يعني ابيك تلحسين عقل تركي..

سحر:يعني انتي تبيني....

ام سعود بابتسامه:ايوو..انا مابيه ياخذ بنت خالته ليان..انا ابيه ياخذك انتي..

سحر بخبث:فكره حلووه..

ام سعود:ههههههه..




.......................................................