البارت الثاني..


ركبت السيارة ووصلها سواق حصه خويتها..
وشافت شحذ كامل من الناس امام بيتها..
نزلت من السيارة وقلبها يرجف..وشافت........


البيت..بيت ألي عاشت فيه يحترق..والاطفاء تحاول تخمد النار..
والاطفاء يبعدون الناس عن البيت قدر الامكان..وشفت جارتنا ام احمد تصارخ..كانت لابسه جلال فوق راسه بس..
ام احمد بصراخ:ولدي..داخل..ساعدوه تكفوون..ولدي بداخل..احمدددد..
ابو متعب:خلاص هدي..راح ينقذونه يامره..<<الجار الثاني
اقتربت من جارتنا:امي وابوي واخوي وش صار فيهم..
ام احمد تطق بصدرها وبنوحه:ووولدي...اه ولدي...
دانه بين دموعي:اهلي وش صار فيهم؟؟
ابو متعب:راح يطلعونهم بإذن الله..بس انتي هدي شوي..
وبعد 3دقايق..حطوا اهلي وولد جارتنا احمد..في سيارة الاسعاف..وركبت انا مع ام احمد في سيارة ابو متعب جارنا وصديق ابوي..
ورحنا للمستشفى..
وحطوا ابوي في الحالات الطارئه..
وبعد 7دقايق جانا ابو متعب وملامحه ملينه بالتعب والهم:عظم الله اجركم..
ام احمد ودانه بخوف:بميين..
ابو متعب:.............
ام احمد بصدمه:لا..انت كذاب..اي كذاب"وبصراخ"ممات ولدي لا ما مات..انت كذاب..
وتمت تصارخ..وانا ولا كلمه.......
وجاوا النيرس وعطوها ابرة مهدئه وسط صراخها:مامات ولدي..لامامات..احمممددد مامات..


الكل مات باختناق..عدا ابوي واحين هو حالته مايعلم فيها إلا ربي...وقال الدكتور..ان امله بالحياة صعبه لان الغاز دخل في رئتينه..واستنتجوا من الحريق..انه كان الغاز مفتوح..


جلست بالاستراحه وانا استغفر وادعي ربي انه يعيش..ما طقيت بصدري ولا صارخت لما عرفت ان امي واخوي ماتوا..اكتفيت اني اقول:ان لله وان إليه راجعوون..
إيماني بالله كبير..توكلت على الله فحسب..
جلست اقراء قران..وبعد ساعتين..
ابو متعب:روحي ريحي يا بنتي..
دانه بهم:وين اروح ياخالي..البيت واحترق و...
ابو متعب قاطعها:بيتي هو بيتك يابنتي..
دانه:...........
ابو متعب:يلا يا بنتي قومي..ولا تعاندين..انا بحسبه ابوك الثاني.."بابتسامه"يلا..
دانه ابتسمت بنكسار:لا يا خالي مابي اتعبك وياي..
ابومتعب:ولا تعبيني ولا شيء..ويلا امشي قدامي..
دانه:بس..
ابو متعب:لاتبسبسين..انا وش قلت لك..
اصر علي اني اروح معه..ومقدرت اعارض..

نزلت من السيارة..ودخلت بيت ابو متعب..محسيت بنفسي إلا انا بحضن ام متعب..
ام متعب بحنان:هلابش يابنتي..توا منور البيت..
دانه:..........
ابو متعب:عاد لاوصيك بدانه..بنت الغالي..
ام متعب مسكت يدي وبعطف:تفضلي يا بنتي..
وجلست ببيت ابو متعب..ابوي الثاني..وكل صبح اروح للمستشفى..اشوف ابوي..والاجهزه متلفه على صدره ويده..مقدرت اقوي حالي..بكيت بصمت..ابوي الوحيد ألي بقى لي في هالدنيا..
سألت الدكتور عن حاله ابوي وكل يوم يقول لي ان حالته تزيد سوء والاحتمال ضئيل جدا انه يعيش..
ومازلت متمسكه بالامل..ودائما ادعي له انه يقومه لي بالسلامه..


لبست عبايتي عشان ازور ابوي في المستشفى..
انتبهت لحد يدق الباب:ادخل..
دخلت ام متعب حسيت انها تبي تقول شيء:دانه..
التفت لها:هلا خالتي..
ام متعب بتوتر:ا.....
دانه بخوف:خالتي فيك شيء؟؟
ام متعب:مدري وش اقول لك يابنتي..
دانه بنظرات كلها شك:ابوي فيه شيء..
ام متعب سكتت شوي وبعدين تكلمت:عظم الله اجرك..
طاح الشال من كتوفي..وبصدمه:كييف..
ام متعب اقتربت مني وحطت يدها على كتفي
دانه بين دموعي:ان لله وإن إليه راجعون..ان لله وإن إليه راجعون..
وحضنتني..


.....
وبعد شهر على موت اهلها..ومن العزا دخلت غرفتها وارتمت على سريرها تبكي بهدوء على اسرتها ألي راحوا بغمضة عين..
انفتح الباب فجئه والتفت:يلا يابنتي..
دانه وعلامة الاستغراب في وجها:على وين ياخاله؟؟
ام متعب وبحزن:بتروحين لبيت عمك..

دانه بصدمه:كييف!!
ام متعب:هو كلم ابو متعب من يومين وقال له انك راح تروحين معه..."اقتربت منها وبحنيه"راح اشتاق لك يابنتي..
وضمتها بصدرها المليان كله حنان..حست بالامان بحضن ام متعب..
وبعد سكوت طال لدقيقتين..ام متعب:جهزتي اغراضك..
دانه بابتسامه حزن:وهو بقى لي شيء من اخترق بيت ابووي..
ام متعب بعطف:إلا انتي عندك ملابس..والملابس ألي اعطيتك اياها..
دانه بدت عيونها تلمع من دموعها...
ام متعب:صحيح انهم مو ذاك الزود بس تفسي بالغرض..
مقدرت تتكلم بس اكتفت انها تضمها..ضمه وداع..

حزنت انها خلاص مراح تشوف ام متعب مره ثانيه حست انها امها الثانيه..وابو متعب ألي كان موفر لها كل شيء..رغم فقرة..وبساطه المكان إلا انها حست بالامان معهم..كنهم عائلتها..
لكن نفس الوقت كانت سعيده لانها راح تطلع من بيتهم..محبت تضايقهم..هم ناس على قد حالهم..وكانوا يحاولون قدر الأماكن انهم ينفذون رغباتها..باي وسيله تذكر..

بنسبه لام متعب..
بكت بصمت..على وداع دانه ألي حست انها بنتها ألي مجابتها..حاولت انها تعطيها الحنان ألي فقدته من امها..حست في داخلها ان بيجي يوم ويتقابلون فيه..

ام متعب(زوجه ابو متعب..طيبه وحنونه لابعد الحدود..عندها ولد واحد بس.. وهو احين مسافر لتكمله تعليمه..مقدرت تجيب عيال ثانين غير متعب..لان ابو متعب سو حادث وادى نتيجه الحادث انه ميقدر يجيب عيال بعد متعب ولده..)
ابو متعب(48سنه..حنون بالمره..رجل فقير وعلى قد حاله..)

....
ودعت ام متعب مره ثانية..وسلمت على عمها بكل برود...ركبت سيارة عمها..ألي كانت فخمه بالمره..طبعا بنسبة لسيارة ابوها المرحوم وابو متعب..

كان السكوت سيد الموقف...وكان كل ما يسألني..كان ابي شيء ماي ولا عصير ولا أي شيء اقول له مابي وارجع التزم بالصمت..وغفيت من الهدوء..وحست باحد يهز كتفها ويناديها:دانه..ادنه..قومي وصلنا..
فتحت عيونها ونزلت من السيارة..رفعت وجها وشافت بيت عمها..بيت العز..متصورت للحظه انها راح تشوف بيت عمها مره ثانيه..
ادخلت بخطوات متردده..قلق..حزن...هلاك...
محسيت بنفسي إلا وانا بحضنها..
لطيفة بلهفه:هلا والله بدندونه..
دانه ببحه عذبه:هلا توفي..
لطيفة:وربي لك وحشه ياقلبي..حياك توا منورر البيت..
دانه:منورر باهله..
التفت لصوت بعيد عنا شوي..
ام سعود بكل اشمئزاز:غصبن عنك..منور باهله..
دانه:.........
ام سعود اقتربت شوي وبغرور:معندك بيت يام الاردنيه..
لطيفة بقهر ع رد امها:يمه.."والتفت علي"يلا دانه تعالي ادلك ع غرفتك..
ومشيت وياها إلا بيد ام سعود:أي غرفه ألي تتكلمين عنها انتي بعد.."والتفتت علي"هي راح تنام عند الخدم..
لطيفة بنفاذ صبر:يمه وش هالكلام...
ام سعود كشرت بوجها:وش فيها زود عنهم..ويلا روحي دليها على غرفه الخدم.."وبتهديد"ان شفتك ماسويتي ألي قلت لك عليه متلومين إلا نفسك يالطيفة..وراحت عنهم..وتركت لطيفة منحرجه مع بنت عمها..
لطيفة باحراج:دانه انا اس......
دانه قاطعتها:لاتعتذرين..."وبابتسامه"إلا مقلتي لي وين الغرفه..

ام سعود(عمرها44سنه..شريرة وحقودة بمعنى الكلمه..تكره ام دانه وراح تعرفون السبب..)

ابو سعود(بزنز اند بزنز..كل حياته في شغله..رجل عملي بالمرره..يحب شغله كثيرر ومن حبه لشغله ينام في شركته..)

لطيفة(عمرها 25سنه..طيوبه بالمره عكس امها واختها سحر..تحب دانه بشكل كبير..سمراء..دبدوبه امتن من دانه بكثيرر..شكلها عادي مره..)

راحت وياها لغرفه الخدم..ألي حتى الحيوان ما يقدر يعيش فيها..الجدران متشققه..والاسره مهتريه من سنه جدي..وريحه الغرفة تقرف..
لطيفة باحراج:دندون وربي اسفه كان ودي انك تنامين معي بالغرفه..بس امي الله يهديها..
دانه بابتسامه:يا قلبي انتي..انا راضيه خلاص وبعدين الغرفه مو ذاك الزود شينه.."إلا تلووع الكبد"
لطيفة ردت لها الابتسامه وطلعت..
رفعت شنطتها وحطتها فوق السرير..وجلست تطالع المكان..الدولاب المهتري..ومكسر ع جنب..تنهدت

..وبعد10دقايق..انفتح الباب بقوة..
ام سعود:وش عندك جالسه هنا"وبصراخ"يلا قوومي..
دانه بخوف من صراخها:على وين؟؟
ام سعود بنفس صراخها وعصبيتها:روحي نضفي الحوش يلا..وابيه يكوون نظيف بالمرره..
دانه وقفت:طيب والخدامه..يعني وش.....
ام سعود بقت عيونها:وتراددين بعد.."ومسكت زندها وشدت عليه"لما اقول كلمه اتوقع التنفيذ..سامعه يا بنت الفقرر..
دانه حست ان يدها بتنخلع وبين دموعها:ان شاء الله..
ام سعود:واحين يلا قدامي..
خذت الشال وحطته فوق راسها..
ام سعود:ملا داعي تلبسين الشال..
دانه مسحت دموعها:يعني مراح يجي سعود..
ام سعود بدون نفس:لا..واحيين يلا قوومي بسررعه عندك شغل كثير اليوم..
لحقتها وانا اشوف البيت وكل ركن فيه..كان قمه في الروعه والجمال..استغربت من غرفتها"اقصد غرفه الخدم" المهتريها يعني مفكرت تعدلها..
ووصلوا للحوش..ام سعود وهي تاشر على المكان:ابي كل الاوراق ألي فيه تنشال..والتراب ألي على الارض يروح سامعه ولا لا..
دانه بضعف:أي سامعه خالتي..
ام سعود بصراخ:لاتقولين خالتي تخلخلت عظامك ان شاء الله.."وبغرور"انا ام سعوود..ألي كلمتها ماتنرد..
وراحت عني..ومسكت المخمه وكنست وشلت الاوراق على مطلبت..
وبعد ساعة من الشغل..احس ان عظامي بتتكسر من كثر مانخ"اخندس او انزل"..فرحت لما خلصت جيت بطلع التفت وشفتها قدامي..
ام سعود:زين انك خلصتي واحين يلا نظفي الصاله..بسررعه..
دانه"اففف..اشتبي ذي.."ورحت وياها..
ام سعود:ابيك تنفضي الكنب وتجرينه وتكنسين ألي تحته وبعد متكنسين المكان كله..امسحي بالمنب..ولا تنسين انك تمسحين الاثاث..وان تكسر شيء ما تلومين إلا نفسك..سامعه..
دانه بتعب:سامعه..
وبعد منظفت كل شيء..دانه حطت يدها في بطنها(يارربي..جووعانه حدي..ابي اكل..من الصبح وانا على لحم بطني..)
راحت للمطبخ..وفتحت الثلاجة..وخذت لها عصير برتقال..وشربته..وعملت لها توست بالجبن..وجلست تاكل..
حست بأحد ضرب كتفها بقوة التفتت له..
ام سعود بعصبيه:انتي باي حق تاكلين..هاه..
دانه(وذي وراي وراي) بتوتر وخوف:ا...انا كنت جوعانه و....
شدت شعرها بقوة وعطتها كف ع وجها قووي..رن اذانها رن..
ام سعود بنفس عصبيتها:انتي خدامه هنا..يعني ماتاكلين إلا بقايا اكلنا..زي ماري..سامعه يا بنت الفقرر...
وطلعت وخلت دانه بحاله..بكى..ألم..رعب..خووف من ألي بيجي لها منها..



..................................................

البارت الثالث

رجعت من كليتها وهي تعبانه بالمره..جلست على طرف الكنب..وبصوت شبه عالي:ماري..ياماري..
ماري جات:نعم..مدام..
بدون نفس:جيبي لي كاس ماي بسرعه
ماري:انزين..
تنهدت:وجع ولا وجع..
ام سعود:هلاوالله بسحوره بنتي..
سحر التفتت لها:هلا يمه..
ام سعود جلست:جات بنت الفقر..
سحر كشرت بوجها:مالت عليها بس..متى جات..
ام سعود:الصبح..
سحر رفعت حواجبها:وليه مستعجله ياحظي...
ام سعود:مو هي المستعجله..ابوك المستعجل..تدرين كلام الناس ما يرحم..بتقول البنت تسكن عند واحد غريب عليها وعمها الحي ماتكفلها...
سحر:.......
ام سعود كملت:ولا إذ عليه هو...كان متكفلها ابدا..بس ترى احنا المستفيدين احين..
سحر مافهمت:؟؟؟؟ كيف يمه..
ام سعود بابتسامه خبث:انا اقول لك..تدرين ابوك من البداية معارض اني اجيب خدامه..لان يبي لها مصاريف..
سحر:أي..
ام سعود:أي..وهي راح تكون الخدامة في بيتنا الكبير..اما بنسبه لخدامتنا راح نسفرها خلاص..
سحر بابتسامه:حلوو..إلا رووعه...
ام سعود وسحر:هههههههه...

.....
بعد 3 سنوات
فتحت عيونها بصعوبه..كان ودها تكمل نومها بس الشغل يناديها..سحبت اللحاف من جسمها..وراحت عند التوليت..توضت وصلت..وقرت قران زي كل يوم.. وتوجهت عند الصاله ونظفتها..وبعد التنظيف راحت للمطبخ تجلي الصحون تبع امس..
وبعد كم ساعة..

سحر بصوت شبه عالي:يادوينه..دوينه وصما ان شاء الله..
دانه جات:نعم..
سحر:ونعامه ترفسك..وين الفطور؟؟
دانه"وترفسك انتي ان شاء الله":احين بيجهز.. وراحت عنها.. وحطت الفطور في الطاولة..
ام سعود:صباح الخير يا سحوره..
سحر بابتسامه:صباح النور..
دقايق جات لطيفة..
وجلسوا يفطرون وانا واقفه وراهم زي كل يوم..عشان متى مطلبوا شيء منها تكون جنبهم..
عاشت في بيت عمها كنها سندريلا..من تصحى إلى ان تمسي كلا شغل في شغل..وطبعا مايخلى يومها من التوبيخ لأتفهى الاسباب..

وفي احد الايام..
صديقة ام سعود بتجي ويبدو انها مهمه..وقامت الولائم تهب عشانها..مبقى حلى ولا اطباق رئيسيه ماسويتها...
طبعا انا معرف اطبخ بس ام سعود ودتني عند اختها واقاربها عشان يعلموني الطبخ..والحمدلله تعلمت..يعني الشيء الوحيد ألي عرفته في بيت عمي لمده 3 سنوات الطبخ وبس..
دخلت علي وانا ازين الطبق:اسمعي ياجليله الحيا..ذي الحرمه مهمه مرره..ابي طبخ يرفع الراس..
دانه رفعت حاجبها:ليه انا طبخي كلا ينزل الراس..
ام سعود:صدق انك جليله الحيا..انتي المفروض ما تتطاولين علينا بعد ما فتحنا بيتنا لك..بس مقيوله..ان اكرمت الكريم ملكته وان اكرمت اللئيم تمردا...
سحر دخلت المطبخ:يمه..يمه..جاوا..
ام سعود بحماس:اوك انتي طلعي من المطبخ عشان ما تصبغ الريحه في ملابسك...
سحر:اوك..وراحت
ام سعود التفتت علي ومسكت الملعقة:ابي اشوف الملعقة تبرق براق..ابي اشوف وجهي فيها من لمعانها سامعه..
دانه بدون نفس:سامعه..
ام سعود كشرت بوجها:الوعد مو احين الوعد لما يطلعون الضيوف..
خفت منها..خفت انها تضربني ولا تحرمني من الاكل..
دانه"اففف بس..متى بس اطلع من هالبيت.."

وفي المجلس..
بعد السلام..
ام سعود:هلاوالله بأم تركي..
ام تركي:هلابش زود..
سحر بدلع:توا منور البيت..
ام تركي التفت لها:باهله..
ام سعود:يلا سحر ورحي جيبي العصير..
ام راشد همست لام تركي:لا ذي ماتصلح..
ام تركي:أي والله..شوفي بنتها الثانيه بعد ماتصلح..
ام راشد بنفس همسها:ولدك طلبه الصراحة صعب..
ام تركي تنهدت:انا مصدقت على الله انه قرر يتزوج بعد المرحومه..
ام راشد(بيتزوج ان شاء الله بنتي بس لزوم الصبر):ويليته بعد يبي حرمه عدله..يبي وحده مينشاف من وجها شيء..

بعيد عن المجلس بشوي يم المدخل تقريبا..
سحر بهمس:امي تقول انهم جايين لوحده منا..
لطيفة بنفس همس اختها:اها..طيب انتي وش دراك..
سحر وهي تاشر:شفتي الحرمه ألي لابسه ازرق..
لطيفة:أي..
سحر:هي ألي قالت لامي انها تبي تخطب لولدها وامي قالت لها شوفي بناتي يمكن تعجبك وحده منهم..
لطيفه:اها..
سحر:أي..

..وبعد العشاء..
ام سعود بستغراب:تبون تشفونها..
ام تركي:أي عشان نشكرها على طباخها..
ام راشد:الصراحه طبخها روعه..حتى الطباخ حقنا ميسويها..
ام سعود بتردد:ملازم الله يصلحك..
ام تركي باصرار:روحي ناديها..وإلا ترى بزعل منك..
ام سعود اضطرت انها تقوم..وتروح تنادي دانه...
ام سعود"اخاف انها تعجبهم وياخذونها..وذ مو من مخطاطاتي.."

كانت تجلي صحون العشاء..تحس ان ظهرها انقسم نصفين..ويدها تشققت..ورجولها تعورها بالمره... جففت يدها وجلست على الكرسي..
دانه براحه:اه..احس اني من زمان مجلست..
ودقايق انفتح باب المطبخ..


.............................................

اتمنى اني اشوف ردود عشان انزل لكم البارت ألي بعده..

لك تسلمي لي يانثى..

منورره ياملاكي...

ياعمرري انتي...

انتي مسجله مسجله..ههههههه

الله يسعدك..

منورره..

تسلميين يارووحي...

ابشرري راح اكمل..

منوررره ياملاكي..

ههههههههههههه....

يسلم لي هالحماس..

اي والله الله يعينها..

منورره..

يالبببه قلبس..

منورره يارووحي..

البارت الرابع

كانت تجلي صحون العشاء..تحس ان ظهرها انقسم نصفين..ويدها تشققت..ورجولها تعورها بالمره... جففت يدها وجلست على الكرسي..
دانه براحه:اه..احس اني من زمان مجلست..
ودقايق انفتح باب المطبخ..
ام سعود مسكتها من يدها بدفاشه:تعالي يالهوبه..
دانه استغربت من حركتها خافت ان الاكل معجب الضيوف:خيرر ياخالتي..
ام سعود بعصبيه:انا كم مره قلت لك لاتقولين لي خالتي..وجع..
وسحبتني وياها..وودتني غرفتي وعطتني بجاماتين..و4 قميص عادي..وواحد قميص شتوي كبير
ولبستهم من دون أي كلمه..
حسيت اني في فرن يغلي..
دانه بستغراب:ليه البس ذول..

ام سعود:انتي شب ولا كلمه..

وخذت شال وحجبتني فيه..ومسحت في وجهي بالفحم..
دانه بصراخ:انتي وش تسوين فيني؟؟

ام سعود بعصبيه:ولا كلمه سامعه..

وسحبتني عند المجلس وانا اترجها
دانه بترجي:تكفين مابي اروح كذا..والله فشله..

ام سعود وهي تسحبني وبحده:انتي شب ولا كلمه..ان سمعت لك حس ذبحتك سامعه..

ودخلتني غصب للمجلس عند الضيوف..والكل طالع فيني
والتزموا الصمت..تمنيت الارض تنشق وتبلعني ولا انهم
يشفوني كذا..نزلت عيوني في الارض على طول..وسحبتني مرت عمي لهم عشان اسلم عليهم..
ام تركي بهمس:هذه المطلوبه..
ام راشد بنفس همسها:أي والله..
وقاموا سلموا علي..
وجلستني مرت عمي بجنبها..
ام تركي بابتسامه:وش اسمك يابنتي؟؟
دانه وعيوني مزالت تحت وبهمس:دانه..
ام تركي وام راشد في نفسهم"وش جاب الدانه لك"
ام راشد:اها..طيب كم عمرك يادانه..
كانت بترد بس ام سعود سبقتها بالرد:30سنه..
ام تركي:أي..
ام راشد:مو مبين عليها والله..
وصاروا يسألون عني وانا اجاوب وبعض الامور تدخل مرت عمي وتجاوبهم عني ان امكن..
وانتهت الزيارة.. ومرت عمي بمنتهى الرقه معي..استغربت من تصرفها..


ومر يومين
ام سعود في التلفون وبصدمه:كييف؟؟

ام بدر:أي..هي تبي بنت حماك دانه...

ام سعود لسه مستفاقت من صدمتها:انتي متاكده انها قالت تبي دانه..

ام بدر:أي والله يام سعود..تقول انها عاجبتها..وتبيها لولدها تركي..

ام سعود:انا لسه مو مصدقه..دانه بنت الفقر تاخذ واحد مليناردين..

ام بدر:.......

ام سعود كملت:لكن كييف؟؟ انا تعمدت اني اقبح دانه قدامها وهي تبيها..

ام بدر:اجل خلاص..قولي لهم ان دانه رافضه انها تتزوج ولدهم..

ام سعود بثقه:اكييد..هذا ألي بيصير..لامحاله..

وسكرت منها وعلى طول دقت على ام تركي..
ام تركي:هلاوالله بام سعود..اخبارك عساك طيبه؟؟

ام سعود:الحمدلله انا زينه..انتي اخبارك واخبار اختك ام راشد..

ام تركي:الحمدلله تسلم عليك..
ام سعود:الله يسلمك ويسلمها..

وجلسوا يتكلموون ويهذرون..
وبعدين قررت انها تتكلم بجديه:ام تركي..
ام تركي:هلا..
ام سعود:مدري وش اقول لك..انا قلت للبنت انها تستخير..وهي استخارت لكن مرتاحت..قلت لها تحاول مره مرتين..وقالت لي برضوا انها مو مرتاحه..الظاهر ان مافي نصيب يام تركي...

ام تركي بحده:يعني شنوو..يعني تركي مراح ياخذ دانه..
ام سعود:أي..

ام تركي بنفس حدتها:بياخذها غصب..ارتاحت مرتاح ذه مو شغلي ابد..المهم ان تركي ياخذ دانه..

ام سعود بصدمه من كلامها:اقوول لك مرتاحت..

ام تركي:وذه مو شغلي..وان مقنعتي دانه انها تاخذ ولدي تركي..بفصل زوجك وولدك من الشغل سامعه..وسكرت السماعه في وجها..

ملاحظه:تركي هو راب عمل ألي يشتغل فيه ابو سعود وولده...
ام سعود مافاقت من الصدمه لحد الحين..وجلست تفكر وتفكر..

وقاطع تفكيرها دخول ابو سعود:السلام عليكم
ام سعود شارذه الذهن:.......
ابو سعود هز كتفها:ام سعود علامك..

ام سعود:هه..وش كنت تقول؟؟

ابو سعود:علامك منتي معي..

ام سعود:كلمتني ام تركي..

ابو سعود بهتمام:وش قالت..تبي لطيفة ولا سحر..

ام سعود تنهدت:لا ذي ولا ذي..

ابو سعود:اجل ليه داقه؟؟
ام سعود:تقول انها تبي بنت اخوك..

ابو سعود بستغراب:دانه..

ام سعود:اجل في غيرها الله يقطعها..

ابو سعود:انتي متاكده..

ام سعود:اجل امزح وياك اكيد متاكده..ولا بعد لما قلت لها هي مو مرتاحه..قالت لي بتاخذه غصب وتبيني انا شخصيا اجبرها على الزواج..

ابو سعود بتفكير:يعني هي مصره انها تاخذ دانه لودها تركي..

ام سعود:أي..وهذا ألي ذابحني..ان بنت الاردنيه الفقيرة تاخذ واحد عنده ملاييين..

لطيفه دخلت وسمعت وش ألي دار بينهم:ابي اعرف يمه انتي ليه متحبين امها ولا تحبينها ابي اعرف ليه؟؟
ام سعود التفت لها:تبين تعرفين؟؟

لطيفة باصرار:أي..

ام سعود وقفت:لان جدتك كانت تحب الاردنيه علي..كل مسوت شيء لها كنه بانيه لها قصر..وانا لو وش اسوي لها ميبين لها..كانت تحبها بالمره وهي الغالية وهي وهي..وانا ولا شيء من المحبه ذي...

لطيفة:.........

ام سعود كملت:ومن تغيب عن عيونها للحظه سألت عنها وتقول وين رشا علامها مجات..وانا لو اغيب سنه مسألت عني..هي الزين وانا الكخه..واحين جاء اليووم ألي اعذب بنتها دانه..

ابو سعود:بس احنا لازم نوافق على زواج دانه من تركي..

ام سعود بقهر:لو ع جثتي مخليته ياخذها..

ابو سعود بنفاذ صبر:انتي انهبلتي يامره..إذ موافقنا راح انطرد من شغلي..وراح نبغى على الحديده..انتي تدرين من تركي ذه..قبل ماتتكلمين..


ام سعود:مايهمني وش يكون..المهم ان دانه متاخذ تركي لو ع قطع رقبتي...

ابو سعود بعصبيه:انتي اكيد انهبلتي..دانه راح تاخذه.. بتاخذه وغصبن عنك وعن الكل ... وراح عنها..

وترك ام سعود بقهرها..ولطيفة بضياع وخوف من عصبيه ابوها..

بعيدد عن هالاجواء..المفعمه بالكره والغضب والحقد..
:بابا..متى راح تجي...

:راح تجي عن قريب يا حبيبه البابا..واحين يلا نامي عشان المدرسة..

وجاء بيطفي الانوار:لا بابا لاتطفي النور..انا اخاف..
ابتسم:اوكي..

وترك بوسه على خدها وسكر الباب..

ورن جواله..ورد:هلا يمه..

ام تركي:هلا بولدي..اخبارك؟؟

تركي:الحمدلله زين..انتي اخبارك؟؟

ام تركي:اخبار جوجو..

تركي ابتسم:زينه..توها نايمه دحين..

ام تركي بخيبه امل:حسافه والله..كان ودي اكلمها..

تركي:معليه مره ثانيه..

ام تركي:وش بقول لك..البنت وافقت..

تركي ببرود:اكييد بتوافق..من هي عشان ترفض..

ام تركي:المهم انا جبتها ع طلبك..

تركي:اها..

ام تركي:هي سوده..ومتينه بالمره..متنها فاحشه..وشكلها بالمره شين...احلى مافيها اسنانها..اي وهي اكبر منك..

تركي:هذا المواصفات ألي ابيها بالضبط..

ام تركي تتنهد:مكان ودي انك تاخذها ياولدي..ليه مخذت بنت اختي ليان..

تركي:يمه انتي تدرين اني مابي اتزوج..

ام تركي:لا احلف بس..اجل ليه تبي تتزوج دانه..

تركي:اسمها دانه...

ام تركي:اخلص قول لي..

تركي ببرود:انا باخذها عشان بنتي جوجو لاغير..لاني كلا اسافر..ومحب اخليها بالبيت لحالها.ولاتنسين هي فالسن ذه تبي ام..

ام تركي:طيب وش فيها ليان بنت اختي تقدر تتولى المهمه ذي..

تركي:يمه انا خذت دانه عشان انها مهمله بشكلها..ابي كل تفكيرها بجوجو بس..مابي تفكر بلبسها ولا تنشغل عنها باي شيء...وانتي ادرى باليان..المكياج لايفارقها..وملابسها هاي هاي..وحالتها حاله..

ام تركي بستغراب:يعني انت بتاخذ دانه عشان تكون خدامه لبنتك..

تركي:....سميها ألي تسمينها..

ام تركي تنهدت:اه..بنشوف لمتى بتصبر على دانه ذي..راح تطلقها من تاخذون شهر بس..

تركي:تتحدين يعني..

ام تركي:اتحداك..

تركي:وش بتعطيني؟؟

ام تركي بتفكير:امممم..ألي تبيه..

تركي:خلاص اجل..بقول لك وش ألي ابيه بعد شهر..

ام تركي:أي معليه بنشووف..صدقني منت ماخذ اسبوع ولا انت مطلقها..اقول لك شينه..

تركي:ههههههه..

وجلسوا يتكلموون وام تركي حاولت تقنع تركي انه يرفض يتزوج دانه بس مافي فايده...

.......

وجاء الصبح..وقالت لي مرت عمي اني البس عبايتي من دون نقاش..ولبستها وودتني المستشفى واستغربت لما قالت لهم ان تحليل زواج.. وبعد التحليل ركبت السيارة معها والسكوت كان سيد الموقف..

واول موصلت للبيت طرحت عليها السؤال..
التفت علي وبكل عصبيه:انتي ولا كلمه..

دانه:وانا كلا ولا كلمه..انا ابي اعرف ليه مسويه هالتحليل..

ام سعود بحده:لانك راح تتزوجين..

دانه بصدمه:اتزوج!!!

ام سعود جلست بالكنب:أي ياهانم راح تتزوجين..متنلامين لنصدمتي..لان من الغبي ذه ألي بياخذك.."وبنظرات كلها غرور"

دانه انجرحت من نظراتها وكلامها لي:ليه انا وش يعيبني..

ام سعود بضحكه كلها سخريه:هههههه..تسأليني وش ألي يعيبك..يكفي انك بنت فقر..انتي مو من مستوانا ابد ابوك يشتغل سكرتي..وزوجي في شركه مرموقه..عكس ابوك..

دانه نزلت دمعه ع خدي:......

ام سعود كملت وبغرور:احنا استظفناك في بيتنا عشان الناس ما تتكلم على عمك وتقول ان بنت اخوه عايشه مع واحد غريب..وهو ماكفلها..

دانه بصوت باكي:كثر الله خيرك يا..."وبصوت مخنوق"مرت عمي...

وراحت عنها..راحت لغرفتها المهتريا وبكت على وسادتها..

دانه بصوت باكي:ليه يايبه ويايمه تركتنوني بالحالي في هالدنيا..ليه مخذتنوني معاكم..اهئ..وراحت في نوبه بكى شديده..

ومروا الايام علي كنهم سم..كل يوم مرت عمي تذكرني انا وين وهم وين..وربي اني حفظت كلمها عن ظهر قلب...

وظهرت نتيجه التحاليل..وحددوا يوم الملكه والزواج في نفس اليوم..بعد شهر بيكون زواجي وملكتي على تركي..

رحت السوق مع لطيفة..وصرنا كل يوم ولا يوم ورى يوم نروح السوق ونقضي بعض الاشياء..
لطيفة:اخذي ذه احسن..وربي راح يدوخ..
دانه:هههه..
وخذت عطورات وتنورتين قصار جنز وبنطلون وكم شغله شوز و..و...و
ورجعت من السوق..

اووه نسيت شغله مخبرتها لكم..بعد معشت ببيت عمي.. نحفت بقووووة..صار وزني بالاربعين تقريبا..تدرون من كثرة الشغل والحركه وساعات مرت عمي تحرمني من الاكل..لاسباب اجهلها..ولاسباب اعرفها..

وفي يوم من الايام...في الصاله..

ام سعود بفرحه:والله...

سحر:يعني هو ماخذها عشان تكون خدامه لبنته..

ام سعود:أي..

سحر تنهدت بفرحه:اه...وانا كنت خايفة انها تتزوج تركي..اه يايمه لو تشوفين حلاته بس..

ام سعود:يكفي انه مليونير..بس الحمدلله..هذا حوبتي والله..يعني هي مراح تتهنى بالعز ألي هو فيه..وألي هي راح تعيشه..

سحر:طيب انتي وش دراك؟؟

ام سعود:من ام راشد اخت ام تركي..وام راشد متمسك لسانها..وقالت لي..قالت لي انه بيتزوج بنتها الحلووة وهي تصير زوجته الثانيه..

سحر:مافهمت يمه..إذ هو متزوج دانه عشان تصير خدامه لبنته..بعد بيتزوج بنت ام راشد عشان هالسبب..

ام سعود بحماس:لا يالغبية..هو ماخذ دانه القبيحة عشان تربي بنته لاغيرر..

سحر بصدمه:يعني ما في شيء راح يكون بينهم..

ام سعود:ايوووا..وراح يتزوج بعد كم شهر بنت خالته..

سحر بتفكير:طيب يمه..هو معنده خدم..يعني هو يقدر يجيب خدامه..تخدمه وتخدم بنته..مووو..

ام سعود هزت كتفها"مدري"



.......................................