ما كل من يضحك مع الناس مبسوط يا كثر من يضحك ونفسه حزينه , كامله

**Loli.** · 26-06-2011, 09:59 AM

رد: ما كل من يضحك مع الناس مبسوط يا كثر من يضحك ونفسه حزينه , كامله

كررت كلامها بسخريه : ريلي ابو ولدي

ثاني : هي انت لا تتطنز على حرمتيه

جاوبته : تراها اختي قبل لاتصير حرمتك

ميثه : قم انت وياه تكافخو

ضحكنا ع اسلوبها

سالتها : لحظة ؟! ولدج ليه انتي حامل

ميثة استحت : ايه توني بالثاني

قلت : اها مبروووك

ميثه : الله يبارك فيك ...صدق عن منو ترمسوون

جاوبتها عسب اني عارفها زين مابتودرني الا لاعرفت السالفه : نرمس عن الموظفة اليديده مهره

سألت بأهتمام : مهره ربيعتي

جاوبها ثاني : هي ماغيرها

سألت ميثه بأهتمام : تعرفينها ؟!!

ميثة وهي تهز راسها : اقولك ربيعتي تسألني تعرفينها .. ايه اعرفها

سألتها : بنفس عمرج ؟ يتراوالي انها اكبر ؟!!

جاوبتني : اكبر بسنه بس لكن الي يشوفها يقول اكبر بوايد ..كبرتها المسؤولية الي انعقت عليها

الموضوع شدني وايد اعتقد انه فضولي اني اعرف شي عن هالانسانه الغريبه سألتها : مسؤولية شو ؟!

جاوبتني : يوم كنا بسنتنا الاخيره بالثانويه مهره ودرت الدراسه هذيك السنه مع ان مابقى لنا غير شهر ع الامتحانات عرفت عن طريقه وحده من ربيعاتنا ان مهره ابوها توفى وان امها مريضه وايد مهره كانت تخدمها وتسهر عراحتها حنا تخرجنا واهي ردت تكمل كنت اتواصل معاها بالتلفون حتى بعد زواجي دوم كنا نتواصل مهره بالكاد قدرت تخرج وضع امها تردى اكثر وكانت تحتاج تجابلها اكثر.. وليت هذا بس الا ربي بلاها باخو دووم سكران وبدال لايكون هو العون والسند الا قسم ظهرها استغل موت امه وباع البيت ضيع افلووسه ع السكر والحريم ومهره هي كانت الريال تصرف ع الشقه الي هم ساكنيين فيها

وتقووم بكل شي واخوها متربع ع عرش الراحه تصدقون ان حتى بيزاتها ياخذ منها مايخلي لها الا القليل وبعد يضربها يوم تحكي لي عن معانتها معاه جد احس بالضييم احس ان هالبنيه كل ظلم الدنيا عليها ومع هذا دووم اشووفها تضحك وعمرها ماتترك للحزن طريق عليها هالشي احسدها عليه

كلام ميثه بالنسبه لي كان صدمه !! معقول البنيه الي دومها تضحك وتاخذ الامور بستهتار تكون شايفه هالمر كله بحياتها يومها يبدأ بعذاب وينتهي بعذاب وانا الي كنت احسب عمري مظلووم لاني ماخذيت من حبيتها طلعت ولا شي جدام الي تعرضت له مهره

صدق حامد يوم قال

" ماكل من يضحك مع الناس مبسوط ياكثر من يضحك ونفسه حزينه "

×......... حنان .......×

سمعت صووت حركة بالصاله ففتحت الباب شوي شووي اشووف ش صار خفت يكون حرامي او شي خصووصا ان الوقت اللحين 5 الفجر شفت بندر توه راجع البيت

**Loli.** · 26-06-2011, 09:59 AM

رد: ما كل من يضحك مع الناس مبسوط يا كثر من يضحك ونفسه حزينه , كامله

جاني فضوول ابي اعرف وين وين كان الين هالوقت

وانا وش علي وين كان ان شاءالله بجهنم الحمرا انا ماعاد يهمني .. مايهني ؟! اجل ليه مانمتي من بعد ماطلع امس ليه ماغفت عينك ..معقول ياحنان بعد كل الي سواه فيك امس لسى له مكان بحنايا قلبك ؟!! ماكرهتيه ؟1 الا اكرهه من قال ان بعدني احبه ؟! بندر قتل كل ذرة حب ممكن احس فيهاتجاهه ذبح كل مشاعري شفته يدخل الجره كان شكله تعبان مهلوووك ناظرني وناظرته كان بينا تووتر فضييع انا كنت ع السرير جالسه كنت افكر امثل اني نايمه لكن هالتصرف حسيته سخيف لانه لمحني وانا اختلس النظر من طرف الباب

دخل ولا عطاني كلمه فتح الدولاب طلع له بيجامة نووم وقام يفصخ ملابسه ولاكاي موجوده بالغرفه صرخت فيه ... هي ياهارون الرشيد في حمام " وانتو بكرامه " تفصخ فيه

عطاني نظرة احرقتني وكمل لبسه انا كنت طوول الوقت مدنقه " موطية "موخية " راسي عشان لاشوفه بعد ماخلص لبس قالي بصوة كله سخريه : تستحين ؟! شي مضحك حنان تستحي

مارديت عليه شفت يرووح جهت السرير وقام يرفع اللحاف هذا وش بيسووي ؟!! قلت له : وش بتسوي ؟!

قالي : شايفتني لابس البيجاما وجاي جهت السرير وش بسووي يعني برقص ؟!!

قلت له : لكن حنا اتفقنا اننا وعضيت شفاتي وانا اتذكر الي صار امس ؟!

قالي : اخوان ؟ هذي هي الكلمه الي تدورين عليها مو ؟! ماعتقد عقب الي صار امس نقدر نكون اخوان لان في حقيقه مانقدر نلغيها انتي زوجتي وانا زوووجك وحقووقي ابيها كامله " وشدد ع هالكلمه وهو ينطقها " عجبك الوضع اهلا وسهلا ماعجبك طقي راسك بالجدار

تمدد ع السرير وانا اغلي من الغيض : هي انت قووم طلقني مابيك طلقني

طالعني من فووق لتحت : مالي مزاج اللحين لكلامك السخييف لاصحيت تفاهمنا وغطى وجهه بالللحاف

قلت له وانا اسحب اللحاف : هي انت انا اكلمك

رجعت على ورى اول ماشفته نقز من السرير وهو معصب ع الاخير : سمعي زيين يابنت عبد الله والله ثم والله ثم والله وهذاني حلفت بالله ثلاث ان مانعدلتي واتأدبتي لكوون ضاربك ضرب ماخذه كافر

قلت لها : تضربني ؟!! مد ايدك عشان اكسرها لك

ماحسيت الا وشي يحرقني شعوور بالالم شعوور فضييع تحسست خدي ضربني ؟!! بندر يضربني ؟!!

ضربته على صدره : جعل ايدك بالكسر انا تضربني ابووي ابوي ماضربني تجي انت تضربني

قالي بحده وهو يمسك ايدي : وهذي غلطة عمي

بندر الي تعرفيه خلاص بح ..انتهى اللحين في عندك بندر جديد .. بندر رح يعلمك السنع رح يعلمك وشلوون تعاملين مع زووجك ... باختصار رح اعيد تربيتك من اول وجديد

واللحين انقلعي من قدامي ولاصار وقت الظهر صحييني سامعه ورجع تمدد ع السرير ونام ولا كأنه سوى شي ... صرخت فيه انت وشو ماتحس اقولك طلقنييييييييييييييييييييييييي ... قهرني مارد علي .. رجعت وسحبت اللحاف من جديد فتح عيونه وعطاني هذيك النظرة الي احرقتني وقالي : اقصري الشر وطلعي لايجيك كف ثاني يعدلك

قلت له وانا دمووعي تنزل : ما ابيك طلقني اقووولك طلقنييييي

قالي بكل بروود : مالي خلق اطلقك اللحين لا صحيت الظهر فكرت بالمووضووع اذلفي اللحين

ورجع تغطى ونام

**Loli.** · 26-06-2011, 10:00 AM

رد: ما كل من يضحك مع الناس مبسوط يا كثر من يضحك ونفسه حزينه , كامله

اما انا كنت بحاله من الصدمه حاله من الذهوول كل هذا يطلع من بندر ؟!!خرجت من الغرفه بعد ماصقعت الباب باقصى ماعندي وعلى طوول رفعت السماعه بتصل بابوي خل يجي يخلصني من ذا البلوه خليه يربيه ويعلمه ان بنات الرجال ماينداس لهن ع طرف

طيب ولو سألك ابوك يالفالحه ليه ضربك ؟! وش رح تقولين !! ضربني كذا من الباب للطاقه من غير أي سبب مستحيل يصدق هالكلام ؟! لازم يكون فيه سبب مقنع ؟!! وش سببه اقوله اني اهنته !! طولت لساني عليه الين ماقلت اميين .. حطيت السماعه بستسلام لاني اعرف لو اتصلت لابوي انا الي باكلها وبيقول لي تساهلين تكسير ضلووعك بعد

× ... بندر ...×

طلعت من الغرفه وهي مصدوومه مني وبيني وبينكم صدمتي بنفسي اكبر ماتخيلت ابد اني رح امد ايدي عليها لكن كل شي خلاص بندر القديم راح ذبحته حنان بيدها ذبحته يوم هانته غمضت اعيووني بالم وانا اتذكر كلماتها لي البارحه "وانا امووووت ولا ينبض قلبي لك وان خانني ونبض طعنته بخنجر"

اخ ياحنان معقوول قلبك ماحن مارق .. ليت بيدي كان نزعة حبك من قلبي ... لكن وش الحيلة قلووبنا مو بدينا !!

لكن لا ياحنان ماعندي اغلى من كرامتي الي جرحتيها

×.. مهره ..×

اليوم نشيت من وقت تسبحت وافطرت وسرت شغلي الساعه 8 بالضبط كنت ع مكتبيه

وصل الاستاذ حمدان الساعه 8.30 سلم علي وسار مكتبه

غريب هالانسان يوم يزفني ويوم يبتسم بويهي نقزت يوم سمعت حسه عندي بالمكتب

اخت مهره طالعت ادور عليه ويه هذا ويين ...اووهوو نسيت جهاز الاتصال اللاسلكي ضغط عالزر : نعم استاذ

جاوبني : ساعه تردين ..تعالي مكتبي ويبي معاج ملف الشركة السعوديه ونقعيني ساعه لا اوصيج

" اووف شكله محرج "

قلت له : ان شا ءالله

طقيت الباب ودخلت : قلت له تفضل استاذ وحطيت الفايل ع المكتب ووقفت بعيد شووي

تم يقلب بالملف : مهره ممكن تقولين لي شنو هذا ؟!!

طالعت بيده وماصدقت عيني قربت منه : هذي ورقة الاغراض مال الجمعية تصدق امس دوورت عليها مالقيتها يظهر حطيتها بالملف يوم تذكرت اغراض ناقصتني

حسيته شب ضو علي قالي : انتي شوو ؟!! تبين تذبحيني ؟!!

قلت له وانا متلومه : اسفه استاذ والله نسيتها انا

قاطعني : بس خلاص ..مهره انا اعرف ظرووفج زيين وعسب جذيه بعذرج

لكن لو سمحتي ركزي اكثر بالشغل وافصلي بين الي يصير ببيتكم وهني

تمنيت الارض تنشق وتبلعني يوم سمعته يرمس عن مشاكلي الظاهر ان ميثوه قالت له عن كل شي

والله غيره كان فنشني ع اهمالي

ماكمنت اسمعه شي يقوول تفكيري كله مشتت ناداني : حوو وين سرتي

قلت له : معاك معاك استاذ

هز راسه : مبين انج معاي مهره اتصلي ع الشركه وحولي الاتصال

هزيت راسي بمعنى ان شاء الله وطلعت

× ... مريم ...×

من صحيت وامي كله تاكلني وتشربني عصير حسيت نفسي خلاص برجع من كثر ماكل

قلت لها : يمه خلاص والله ماعاد اقدر

امي : كلي كل فطورك انتي ماتاكلين زيين

قلت لها : يمه حرام وش ياكلني هالصينيه قالولك مشفووحه

امي : لاتكثرين كلي وانتي ساكته

سمعنا طق ع الباب امي حطت البرق وانا عدلت شيلتي

دخ علينا الدكتور : ازيك يامرايم عمله ايه

جاوبته : الحمدالله دكتور شلونك انت

الدكتور : الحمدالله ها يامريم ايه اللي حصل ؟! مش كنا ماشين ع العلاج زي الفل

قلت له : ماعرف دكتور انا اخذ الادويه والجلسات بمواعيدها بس

الدكتور : والاكل بتاكلي زي ماتفئنا لحوم حمرا وفوواكه وخضروات

عاد هني امي قامت تطلع كل الي بنفسها : لايادكتور ماتاكل تعل قلبي ماغي رطايحه بسندوتشات الجبن وع الغدا تاكل اكل بزر ولد خمس سنيين
الدكتور : أي دئه يامريوومه احنا ماتفأناش كذا خالص انتي عرفه ان الكيمو بياخذ من طاقه جسمك كثير مفرووض تتغذي وتاكلي الي يفيدك ويساعد ع انتاج الدم

هزيت راسي : ان شاء الله دكتور .. متى اقدر اطلع دكتور

الدكتور : مستعجلة ليه اوام كذا زهئتي مننا

جاوبته بصراحه : دكتور مافي احد يحب المستشفيات

ضحك علي : خخخ حلوه الصراحه بس معلش رح تشرفينا كمان اربع ايام

صرخت : لييييييييييييييه ؟!

الدكتور : عشان جلسة الكيموو

استسلمت للواقع على مضد زي مايقوولوون طلع الدكتوور من عندي وعقبه بشووي دخلت ليلى ونور

نور وهي تضمني : حبيبتي شلونك احسن

قلت لها : بخير الله يسلمك حمدالله ع السلامه

نور : الله يسلمك

ليلى : وخري اقول خلينا نسلم ياثقلكم ياخواتي لاجيتن تسلمن ماتخلصن

نور تسألني : انتي سامعه صوت ضجه

قلت لها وانا اضحك : ايييه

زمت ليلى شفايفها بغضب : جازاتي هذا وانا الي فزعت لك البارحه

وخرت نور من جنبي : وخري هناك وفتحت ايدي ليلى : تعالي حبيبتي انتي

ليلى بعناد طفوولي : مابي خلاص زعلان

قلت لها وانا اشر بعيووني لنور : لاتشمتين العذال فينا .... جات ليلى وحضنتني

نور : هههه هين انا اللحين صرت عذووول

قلت لها : انتي اسبووع وبتردين بيت رجلك مافي احد بيقعد بجده معاي غيرها

ليلى وهي تناظرني : يعني حب مصلحه ؟!

قلت لها : عليكي نوور

جلسنا انا وخواتي سووالف وامي تضحك علينا

الين مادخل علينا ابووي كان شكله حزين ابتسامته العذبه الي ع شفايفه ماقدرت تمحي هالشي

عرفت انه تكلم مع الدكتور واكيد قاله الي ماقله لي ولا لامي

ابتسمت بووجهه : هلا بدنيتي كلها

ابوي وهو يبوس راسي : هلا بروح ابووها

ليلى وهي تدق نور : الله لنا محد يعبرنا بكلمه حلوووه

لعبت حواجبي لهم : عشان تعرفون ان محد بغلاتي عنده

ليلى : مالت

ابوي وهو ياخذ فنجان القهوة من نور : ها مرايم كيفك اليووم

جاوبته : الحمدالله تمام

ابووي : يقول الدكتور بتقعدين اربع ايام كمان هني

قلت له : قالنا مر قبل شوي

ابوي كان بعيوونه كلام كثير ..خووف .. عتب

قلت له : يبا انا ابي اسوي العملية

على طوول رفع راسه وصار يناظرني نظرات متفحصه كأني قلت شي ماكان ع الخاطر والبال

امي بفرح : مريم من جدك ؟!!

قلت لها وانا ابتسم : ايه يمه ابغى اسوي العملية

ابوي : اجل من بكره بحجزلك ع اول طيارة لامريكا

قلت له : لايبا مو اللحين

ابوي : اجل متى

قلت له : خليه بعد رمضان

امي : وليه التأخير

قلت لها وانا اطالع ليلى : ابي احظر عرس ليلى وعقبها بسافر

ابوي : مريم انتي تعرفين ان التأخر اللحين موبصالح

قلت له : يبى ان كان رب العالمين كاتب لي عمر بعيشه

امي : خلها ع راحتها حنا ماصدقنا اقتنعت

× ... بندر ... ×

صحيت الظهر لحالي الاخت ماصحتني حسيت نفسي بغلي من الغضب منها

طلعت من الغرفه بعد ماجهزت وكل شي كنت ناوي اغسل شراعها لكني تراجعت اول ماشفتها

نايمه ع الكنبه والتلفزيوون مفتووح شكلها كانت سهرانه امس ومانامت الله ياحلوها وهي نايمه وياحلو ملامحها الي يشوفها كذا يعتقد انها ملاك يرسم البسمه ع الوجيه ويداوي جرووح القلب وهي بالاصل عذابي الي يمشي ع الارض ...اه ياحنان واه ... ماهان علي اصحيها ولا هان علي نومتها بشكل غير مرييح شلتها ووديتها غرفتنا غطيتها زين باللحاف وطلعت

المفرووض امس يكون عندي موعد مع ماري ولكني مارحت طبعا بعد الي صار لي مع حنان لكن اليووم

**Loli.** · 26-06-2011, 10:01 AM

رد: ما كل من يضحك مع الناس مبسوط يا كثر من يضحك ونفسه حزينه , كامله

انا قررت اروووح المووعد وفعلا ناوي اسوي التست

وكل هذا في سبيل اني احرق قلب حنان زي ماحرقت قلبي بذووقك المر الي ذقته بسبت عنادك

وصلت لوكالة عرض الازياء سألت عن ماري عرفت ان عندها جلست تصوووير ودلووني ع المكان

اولمادخلت لاستديو التصوووير شفتها واقفه للمصور بوضعيه معينه شعرها متطاير بفعل المراوح المسلطه عليها ماف يداعي اتكلم عن لبسها لانها تقريبا مو بلابسه شي

لاحظت ان في كم وحده من العارضات يخزووني لكن انا ماعطيتهم وجه انتبهت لي ميري وابتسمت لي بدلع مالت على ذا الوجه لكن لو لك حاجه عند الكلب قوله ياسيد .. اعلن المصور وقت برييك

جاتني ماري وهي تتدلع بمشيتها : هاي بندر

جاوبتها بابتسامه مصطنعه : هاي

قالت لي بعتب : انتزرتك امس بس ماجيت

قلت لها : سووري كانت زوجتي تعبانه وماقدرت اتركها لوحدها

ماري : اها .. سلامة البها "قلبها "

جاوبتها : الله يسلمك

ماري : تعال اعرفك ع وليليان رح ينبسطو فيك كثير

مشت معاها ..للبنيه الي قبالنا ... البنيه وهي تمعن النظر فيني : هاي

هزيت راسي بالتحية .. ماري : خلوني اعرفكن ليليان هيدا بندر "وغمزة لها " بندر هيدي ليليان المديره التنفيذية

ليليان وهي تمد ايدها : اخيرا شفتك يابندر بعترف انت احلى كثير من وصف ميري

انحرجت من كلامها وتظراتها : شكرا

ليليان : انت مهتم تصير عارض

جاوبتها : احب اجرب انا مو خصران شي

ماري : لولو بأعتئد انه يناسب الحمله الجديده للملابس الرجاليه

ليليان : مائدر احكم ... عندك ماتنع ناخذلك كم صوورة يعني تست

قلت لها : نوووو

ليليان : هلا فاضي

قلت لها: ايه

نادت على واحد مساعد لها : Lock Take Mr. Bender to the Chamber of clothing to change his clothes and then juxtaposes his hair

قالت لي رح يعطيك لوك ملابس ع ائدك غير ملابسك وتعا تناخذ لك الصور

مشيت مع المساعد عشان اغير

ليليان تهمس لماري : يادلي وين لئيتي هالصبي

ماري : عاجبك ؟!

ليليان : عاجبني ؟! هيدا بيأتل اتل دخلك عندو صديقة

ماري : مجوووز

ليليان : هنيالا الي ماخذتوا لكن الهيئة عاجبك كثير

ماري : عاجبني وبس انا بحبوو

ليليان : وديفيد

ماري : ديفيد تسليه اما هيدا الوحيد الي حبيتو من البي

ليليان : هلا بتأولي مجوز

ماري : مايهمني ..المهم انا بدي ايا