تويت
.
رد: ما كل من يضحك مع الناس مبسوط يا كثر من يضحك ونفسه حزينه , كامله
من جلستك هني ؟!
احمد : الا خست ياخوي
قلت له : انزين وشرايك تطلع معي
الريم : بندر الله يهداك وين يرووم يطلع
قلت لها: يرووم ونص حرام عليك خليه يشم هوى شووي
كله حابسته
الريم استحت : كله لجل صحته
احمد وهو يوقف ع عكازه : واناصحتي بتصير احسن لا خرجت
الريم : كيفك عاد
طلعنا انا وياه سالني : وين بنرووح ؟1
قلت له : مادري أي مكان حاس نفسي مضايق ومالي
خلق للجامعه
احمد قالي : اجل خلنا نروح الكوفي ترى ماروم امشي
وصلنا الكوفي اخذنا اثنيين كابتشينوو وجلسنا نسولف
سألني : وش الي مضيق صدرك ؟!
جاوبته وانا اتذكر الموقف الي صارلي امس : امس بعد
ماوديت حنان السفاره رحت الجامعه زارتني وحده اعتقد
انك تعرفها زين
سألني : منو
جاوبته : ماري او ماري انطوانيت
شفت الدهشه على محياه : هذي شجابها لعندك ؟!!!
وش تبي فيك ؟! اصلانت وشلون عرفتها ؟!
جاوبته : قابلتها اول مره صدفه هني ماعرف شلون عرفت
معلوماتها عني يمكن من سارالله يرحمها او حتى من
طلال الله يعلم
سألني : وش تبي منك ؟!!
قلت له : جابتلي شغل كعارض
رفع حاجبه : شوووو
قلت له : ايه والله تقول ان عندي مؤهلات لهالمهنه
سالني : وانت من صدقك مصدقها يعني اوكي انت
ماشاء الله صحيح تصلح لكن ماري اعرفها زين عقرب رمل
وانا متأكد انها تبيك انت
ضحكت : وانا عارف هالشي تراني مو بغبي لو شفتها
امس وش لابسه ولا شلون
امس وش لابسه ولا شلون
تتكلم وربي حسيت نفسي برجع منها
قالي : دامك عارف هالشي لا تعطها وجه
قلت له : هذا الي فكرته لكن بعدين غيرت راي
سألني : لييييييييه
قلت له : لاني صرت احس ان حنان تغار علي ودومها
تغار بستخدم ماري تصدق عطتني رقمها وعندي موعد
معها اليووم المسا لجلست اختبار تصووير
سالني : انت من جدك بترووح
رديت عليه: ايه برووح وطلعت المنديل من جيبي طالع
شلون كتبت رقمها
وحكيت له علي صار بيني وبين حنان الصبح شفت الصدمه على وجهه
× .. احمد ..×
مو صاحي .. هذي اول كلمة خطرت بعقلي وانا اسمع سواياه
صرخت فيه : انت صاحي ؟ تبي تهد بيتك بيدك ؟
قالي : وش تبيني اسوي مالقيت الا ذا الحل
حرجت منه : تحط رقمها ببساطه بين اوراقك وتقولها
انا حر ..حراره ببطنك قول اميين
قالي يلومني : احمد عن الغلط
قلت له وانا اخذ نفس :اعذرني ياصاحبي هذا كله من حر
مافيني لعنبو انت تحب ايدك مجلب اتن بعد حي وماذبحتك ..
اول كنت تقول ماتلبس ماتكشخ تصرفاتها شرات الصبيان ...
اللحين حرمتك تغيرت 180 درجة وماشاء الله عليها حشيم
وعاقل بدال ماتقربها منك تقوم تبعدها عنك ... ابي اعرف هذا
الي هني " ياشر على راس بندر " مخ او قووطي
جاوبني : تهقى سهل علي الي سويته ؟! لا ابد صدقني انا
عمري ماناظرت مره غيرها وانت اكثر واحد يعرف اني مو راعي
بنات ولا شغلات بطاله لكن ياحمد حط نفسك بمكاني عايشين
ببيت واحد مع هذا اغراب تمر علينا ايام مانتبادل فيها
كلمه انت تقول عنها حشيم وعاقل وانا ماقول عنها امثر
من الي انت قلته عنها لكن ياحمد الي ماتعرفه
عن حنان ان عندها غروور ماشفته بمخلووق قبلها وانا
ياخوي ماقدر اعيش مع وحده شراتها
قلت له : بندر مرتك معتزه بنفسها هذا مب غروور
صرخ فيني : مو غروور ؟!! المره الي تس زوجها انه
ولا شي قدامها انه مايسوى بعيونها شي المره الي يكون
وجودي بحياتها مثل عدمه المره الي حتى الكلمه
الحلوه تسكثرها عليه المره الي يكون عندها
حنان الارض كله توزعه للكل الين ماتوصل لعنده وتشح فيه!
شنو تكوون ؟!
سألته : يعني تبي تكسر خشمها ؟
جاوبني بحده : ايه
سألته : ماتخاف تخسرها ؟!
قالي ومتى انا كسبتها عشان اخسرها
سألته : بندر انت متاكد انك تحبها ؟!!
جاوبني : احمد كم مره اقولك ايه احبها والله العظيم احبها
قلت له :انا مو مقتنع باللي سويته ويالس تسويه
قالي : احمد افهمني ... حنان تموت ولا تشوف شي لها
حد يشاركها فيه اذكر يوم كنا صغار كان عندها فرس كانت
الوحيده الي تركب عليه وماتخلي أي احد يقرب
منه رغم ان الفرس كانت كبيره عليها مقارنه مع
حجمها الصغير لما كنا نطلع المزرعه معاهم كنت احب
اقهرها كنت ارووح واركب الفرس وهي اول ماتشوفني
عليه تاخذ حصى من الارضوترميه علي الين مانزل عن
فرسها حتى مره من المرات رمتني بحجر ع راسي لدرجة
اني نزفت صدقني انا اذا مالجات لهالطريقه مارح نقدر نتعايش
مع بعض
قلت له : ياخوي انت تلعب بالنار
قالي : لاتخاف علي
×... مهره ... ×
×... مهره ... ×
نشيت من رقادي متروعه طالعت الساعه كانت ثمان
تأخرت وايد بالرقاد بوصل شغلي متأخره ماوحالي اشتغل
وش يقولون عني بدا بزاها وماتمت الشهر بعد
تسبحت باسرع مايمكني لبست هدومي وحطيت
لي جحال مع غلوس خفيف لبست عباتي وشيلتي وخذيت
جنطتي تاكدت ان مفاتيحي فيها وبوكي انتبهت لوردت
الاغراض كنت حاطتها ع التواليت خذيتها وحطيتها بجنطتي
تعليق