رد: الزمن طبعه كذا للعاشقه ديرتها

سالي صدت ورى تطالع بفايز اللي وراهم بكذا مقعدبس بالجهه الثانيه:
ماني مصدقه انه مو سعوود .. حتى لليوم هذا ماكنت أدري أن لي ولد عم أسمه فايز كيف مالحضت قبل أن فيه أحد من عيال عمي يشبه سعود ......
ياسر بالصبر :يمكن لأنك قضيتي فتره طويله بعيده عنهم بعدين هو صح يشبهه بس مولدرجه اللي تنذكر ...
سالي رجعت تصد ورى وبحسن نيه قالت :ياليت كل يوم أقدر أشوفه .......
الجمله هذي نرفزت ياسر ومارد عليها ... وسالي مأنتبهت لأنها كانت منغمسه بتأمل فايز ......
وبقت على هالحاله ساعتين تقريبا وياسر جالس على نار بسببها وهي ولاحاسه لين فقد أعصابه :سالي وبعدين معك الناس بدوا يلاحظون تصرفك اللي موطبيعي ...
سالي تطالع بياسر وترجع تطالع ورى:ماني مصدقه عيوني خايفه يكون حلم وأصحى منه خلني أشبع من شوفته ....
ياسر بقهر :لاوش رايك أروح مكانه وجيبه يجلس مكاني عشان تشوفينه على كيفك وماتنكسر رقبتك من كثر ماتصددين وراك .....
سالي حست أن الحركه اللي قاعده تسويها ماهي حلوه .. وحست بالشي ثاني ياسر يغار:كني أشم ريحة غيره ..>> قالتها بدلع ..
ياسربالنرفزه :لومابغار بكون حيوان مافيه أحدعاقل يرضى من زوجته هالحركه وش تبغين الناس تقول عنك وعني بعدين فايز نفسه وش بيقول...
سالي برطمت :اووووف ياسر لاتصير معقد أنت تدري أني ماكنت قاصده ...
ياسر :ادري والله أدري بس الناس شدراها .. بعدين شكلك موحلووو كلش وأنتي مبرطمه ...
سالي أستنانست أنه معبرها وماطنشها:والله أحلف أنت بس .. اصلا أنا حلوه بكل حالتي ...
ياسر بأبتسامة حب :طيب ياحلوه بكل حالاتك .. وش رايك لوقلت لك أني محضر لك مفاجأه ...
سالي مصدقه نفسها أنها زعلانه:لتحاول خلاص زعلت ...
ياسر يبي يقهرها يموت فيها وهي معصبه : عمرك مارضيتي ..
وعشان يزيد الجرعه ويخليها تولع طرت فباله فكره خبيثه .. رسم على وجهه أبتسامه بريئه :سالي الاصدق بسألك تعرفين بنت خالتي حصه ..
سالي بشك :ايه أعرفهن الله لايكثرهن ..
ياسروهو يحاول يتذكر أسم أي وحده من بنات خالته واخيرا حصل الأسم :أجل أكيد تعرفين ريمه ..
سالي ماسكه أعصابها :ايه وش فيها ...
ياسر :تصوري أمي بتخطبها لي ... وقبل ماتكلم :بس أنا رفضتها ..
سالي :لاعاد ليش رفضتها ...
ياسر ومعجبته اللعبه :تصوري مره شفتها صدفه طبعا وهي اللي طلعت فوجهي ...
سالي وهي تهز رجلها وبغيض:ايه طلعت فوجهك وبعدين ..
ياسر :ولاقبلين مأعجبتني ...
وبعدها سكتوا وماعاد أفتحواهالموضوع مرره ثانيه .. ياسر كان طبيعي وحس أن سالي تغيرت عليه ....
وقبل ماينزلون من الطياره سألته سالي :وش المفاجأه اللي محضرها لي ..
ياسر :هذا اللي ماتبغى تسمعها اللحين ماراح أعلمك كلها ثواني وتشوفين المفاجأه بعيونك ...
نزلت سالي وهي على أعصابها ومتحمسه للمفاجأه ...
وبالمطار بأنتظارهم ...
ريان :بندر مو كنهم تأخروا ...
بندر:لاتوه هذا موعدهم أصبر ربع ساعه وتلقى ياسر طاب عليك ولا مأتكلم عنه عنده قرون استشعار ....>> قالها بالضحكه ..
ريان اللي شايل سعود وهذي المفاجأه :اششش .. درى أنا نتكلم عن أبوه ... ووجه كلامه للبندر :لاخذ راحتك قرون الأستشعار حقته ماتشتغل بين السماء والأرض ..
ياسر :والله لو موولدي اللي بين يديك وريتك شغل الله يالمنافق ....
بندر :هلا والله أبو سعود تو مانورررت الرياض .....
ريان وهو يسلم عليه :ترى ماكنت أتكلم عنك ....
ياسر وهو يأخذ سعود منه ويعطيه سالي اللي وراه :لا ياشيخ قص علي .....
سالي وهي تضم سعود وتبوسه بكل جزء منه :حبيبي والله سعود وحشتني ...
سعود بالدهشه يوم سمع صوتها :ماما ...
سالي :ايه ماما سعودي حبيبي أنت زين ... تأكل زين تنام زين ...
ياسر :بيجاوبك على كل هالأسئله هنا لاحبيبتي بيطلع يوم جديد وأنت ماخلصتوا .. خلونا نرجع للبيت وسولفواعلى كيفكم ...
وجاء بيأخذه منها ...
سالي :لا خله معي مشتاقه لها ..
سعود :ماما انتي وين لحتي ..
صحى ناصر على صويت هيصه وأزعاج جايه من الحديقه طلع للبلكونه اللي تفتح على الحديقه وشاف .....
هديل معها خرطوم ماء ونوره معها ثاني وجالسين يلعبون وأصواتهم واصله أخر الدنيا ...
أبتهال من وراه :شفت عاد مأتفقوا الا على الأذيه ...
ناصر أبتسم :ان شاءالله بس هديل غيرت معاملتها لك ...
ابتهال :ياحبيلها هديل من قبل عارفه أن قلبها أبيض ,, بس من بعد زواج جنى طلعت على طبيعتها وهاليومين حاطه بالراسها أحد جديد ..
ناصر :سبحان الله هديل أخذه كل شي من خالتي وكأنها بنتها ...
أبتهال :ونوره لاحقتهم ...
ناصر :ياخوفي تسوي اللي ماسونه .. وبجديه :أنتبهي على البنت يأبتهال .....
أبتهال :لاعاد بنتك عليك ... انا علي ولدي .. وحطت يدها على بطنها اللي بارز ...
ناصر :الاصدق هالمفعوص ماسميناه ...
أبتهال :مايبيلها تفكير محمد ..
ناصر :صدقتي محمد
بالحديقه ...
هديل :لاخطأ نوير ووجع يالغشاشه ..
نوره :انا ماني غشاشه أنتي البطيئه ...
هديل :خلاص ماني لاعبه ..
نوره :أحسن ..
جلست هديل على كرسي فالحديقه .. وجت نوره وجلست على الكرسي اللي جنبه ..
هديل :وش فيك جالسه جنبي روحي اجلسي على أي كرسي ..
نوره :لا انتي روحي ..
هديل :ياشينك ..
نوره :ياشينك أنتي ..
هديل :وتعرف ترد بعد .. وش رايك نلعب باسكتبول ..
نوره :يله ..
مثل مأنتوا شايفين العلاقه صارت حلوه بينهم لأن هديل شافت بنوره خليفتها ومن صالحها تكسبها بالصفها وأهي عارفه من قبل أن ابتهال ماراح تأثر ولا أثرت بناصر عشان كذا تصالحت معهم بس طبعا هذا مايغير شي وهديل حتبقى هديل ...
دخل الغرفه يدورها أستغرب اختفأها فجأه .. لقاها..
ياسر بالدهشه :سالي تبكين ...
سالي صدت على الجهه الثانيه عشان مايشوف دموعها بس هوخلاص شافها ..
جاء يجلس جنبها ..
ياسر :سالي حياتي وش فيك ليش تبكين ..
سالي تصرح له باللي داخلها ولاتبقى كذا تلعب فيها هواجيسها :ياسر قلي بالصراحه وش قصدك من الكلام اللي قلته وحنا بالطياره ..
ياسر :أي كلام .. وكنه تأخر وأبتسم :اللحين عشان كذا تبكين ..
سالي :ياسر أنا أتكلم معك جد ..
ياسر :وأنت للحين ماعرفتي جواب هالسؤال ... سالي حبيبتي حتى لوبعد مليون سنه أنا مستحيل أتزوج ثاني ...
سالي بفرحه :والله صدق ..
ياسر :ايه تطمني صدق انا تزوجت وحده ولوعت كبدي تبغاني أتزوج ثاني ...
سالي بدلع :ياسرروه ..
ياسر :ياعيوونه تستاهلين ولاهذا سؤال مليون مرره قلت لك عليك ماراح اتزوج ... سالي صدق تحبيني ..
سالي بدلال :لامأحبك .. أموووووت فيك .. بس عاد موكل يوم تجيني تسأل هالسؤال ..
ياسر :أجل خلاص لاتزعلين لوتزوجت وحده ثانيه وأسمع منها كلمة احبك كل يوووم وماتمن علي فيها ..
سالي :لاخلاص ولايهمك حبيبي بكل يوم بتسمعها مني ..
ياسر :شفتي عاد كيف غرتي علي وماتبغيني اغار يوم ماعندك غير سالفه غير فايزووه وطايحه مطالع فيه ..
سالي:افا ياسوري تغار أحلف لك أن القلب مافيه غيرك تصدقني ..
ياسر يقرص خدها:أكيد مصدقك .. سالي حبيبتي بسافر شهر عسان أسوي العمليه وراجع لك ...
سالي دمعت عيونها :ياسر اسفه والله اسفه ... أنا مستحيل أسامح نفسي على اللي سويته فيك ...
ياسر حن عليها قالها مليون مره انه مسامحها وكل مره تفتح هالموضوع :يابعد هلي والله شفتي هالحرق اللي على صدري مثل العسل على قلبي لأنه منك .. يالله عاد حبيبتي مابي أشوف بهالعيون الحلوه دمعه لو وحده .. يالله ننزل عند امي ...
سالي مسحت عيونها بعبط :تصدق يسوري أمك هذي مأحبها ولا احس فيوم أبي بقدر أحبها ..
ياسر :مأحد قالك حبيها انا يكفي أحبها .. بس عامليها كويس لأني صح أحبك بس أمي مأرضى عليها ...
وعلى هالنصيحه مشت باقي حياتهم ...
سالي لم تتغير ولن تتغير وستبقى على نفس حالها اللذي بدأت فيه القصه ولكن الذي اختلف الحب الذي سكن قلبها من غير أستأذان واي تغير قد يحدث لطباعها سيكون هذا الحب سببه ... وهج جنى سلطان ونايف أبتهال ناصر على نفس المنوال الذي رسمته لهم بمشاهدتكم سيسيرون ولكم ان تتصوروا كيف ستكون حالهم مع مرور الزمن ...
ستبقى وهج الحساسه وسلطان المتيم بها والذي يعمل جاهدا ليصوغ شخصيتها كما يود ولكن ستبقى وهج هي وهج ...
جنى بالتأكيد ستبرع في عرض تمثلياتها على نايف الذي ندعوله بالطولة البال وصبر .....
ناصر سيبقى لأخوته بمنزلة الأب ولزوجته الزوج المحب ولأمه الأبن البار ...
واخيرا هديل وقصة سالي جديده مع أختلاف الزمن والأشخاص ..


الاهنا ووصلت سفينة الزمن الا شاطيء النهايه ..
لن أقول ماحدث أو سيحدث بعد ثلاث أربع خمس عشرين سنه أطلقوا لخيالاتكم العنان وتصورا ماسيحدث ...

كل التحيه لكم محبتكم وعاشقتكم
عاشقة ديرتها

رد: الزمن طبعه كذا للعاشقه ديرتها

ياه أخيرا نتهت
صراحه تعب ومسؤولية
أعذروني حبيباتي لو تأخرت عليكم في التنزيل
ربي يسعدكم
قمرالزمان..

رد: الزمن طبعه كذا للعاشقه ديرتها

مشكوره قمر على اكمالها
والله يعطيك العافيه

رد: الزمن طبعه كذا للعاشقه ديرتها

الله يعطيك
الف الف الف
عاأأأفيه روعه

رد: الزمن طبعه كذا للعاشقه ديرتها

الله يعافيكم يارب