تويت
رد: الزمن طبعه كذا للعاشقه ديرتها
الفصل الثاني
مسك راسه بين يديه وصرخ :خلاص بس سالي أسكتي وأطلعي فوووق ..
سالي ويدها على خصرها :لاحبيبي ماحزرت تبغى أمك تتبلى علي واسكت لها ..
ياسر :سالي أنقلعي فوق دام النفس راضيه عليك ...
سالي ضربت رجلها بالأرض :ماني طالعه لين تعتذر لي ...
ياسر بالصرخه :فوووووووق اطلعي فوووووق ....
تأففت سالي وسوت نفسها هاديه وهي تطلع السلم مع انها كانت ترجف من داخل من صرخة ياسر اللي ذكرتها بأيام الشقه ...
فاطمه :أشوفك ساكتلها يعني تصدقها وتكذب أمك ...
ياسر بالتعب :يمه الله يخليك ماله داعي كل هالحنه أنا توني راجع من الدوام مأمداني توطى البيت رجلي الا أخذتوني بالشراع ومجداف وأنا الا اللحين ماني فاهمه السالفه أيش ...
فاطمه :مايحتاج تفهم عشان توقف بالصفي ...
ياسر بأستنكار:يممممه...
فاطمه :لوكنت ولدي صدق كان صدقتني ...
ياسر :يمه الله يخليك لي وش هالكلام ...
فاطمه وهي تهز راسها بأسف :ياخساره خيبت ظني فيك تصدق مرتك وتكذب أمك والله أني عارفه أن هالسوسه بتخربك علي بس كذبت احساسي وقلت ياسر ولد بطني مايتغير على أمه ياكبر خسارتي فيك يا ياسر ...
ياسر بكل قهر وأنكسار نزل راسه وطلع من البيت كل ماقال فرجت رجعت تعقد من جديد عنده احساس ان حياته ماراح تستقر أبد وبيظل طول عمره بهالضياع موكفايه هوشاته اليوميه مع سالي وأثرها السيءعلى نفسيته تزيد عليه هوشات أمه وسالي ماعمره طلع الصبح من البيت الا وسالي معطيته جرعت نكد يبقى مفعولها معه طول النهار ويرجع العصر ويأخذ جرعة نكد ثانيه للقاها هي وأمه أوهي وبسمه يتهاوشن يحسها تلذذ بأذاه وكل هالخناقات عن تعمد طيب وش بيده يسوي لها هددها ضربها سجنها ونفس الوضع ماتغير لهم شهرين من تزوجوا وحاله معها من سيء لأسواء ...
دخل عليها بعد صلاة العشاء شافها جالسه بالصلاة وأول ماشافته هبت فوجهه :ليش ماترد على جوالك ...
ياسر كمل طريقه للغرفه :مأبي أرد ..
سالي :هيييي لاتحسب داقه أتغزل فيك داقه أبيك توديني بيت أختي ...
ياسر اللي مطنشها فصخ ثوبه وأخذ ثوب ثاني يلبسه كلمها برود يوم شافهاتنتظر جوابه :ماني موديك ولابتروحين لها من الأساس ...
سالي :لاتوديني بكيفك بس اللي ماهو على كيفك تمنعني أروح لها ...
ياسر :حاولي تعتبين باب هالجناح وشوفي وش ايصيرلك ...
سالي بقهر:طيب ليش مايكفي أني مغصوبه على الزواج منك تجي تحبسني بعد موكفايه اللي سويته فيني بالشهر البصل موكفايه العذاب اللي أحس فيه كل يوم بعيشتي معك...
وجلست تبكي بقهر ..كانت دموعها تنزل وهي واقفه بوجهه
وتطالعه بكل تحدي ..
ياسر قرب منها وحط يده على كتفها بيهديها رغم كلامها القاسي بس بعد ماتهون عليه
بس سالي بعنف دزت يده عنها :لاتلمسني أكرهك وأكره كل لمسه منك أتمنى الموت على وقفتي هذي قدامك ...
وراحت تركض على غرفتها ...
كل كلمه تطلع منها جارحه تذبح هوبكل طيبة قلب يتلقاها وكنها البلسم لجروحه وهي سقمها ...
ياسر يتعذب يذوي يموت بكل لحظه بكل يوم يمر عليه معها أو بدونها حياته عذاب فعذاب بدونها كان متعذب واللحين وهي معه يتعذب اضعاف اللي تعذبه قبل يكفيه كلامها اللي زي السم وكل يوم تسقيه منه ...
كانت جالسه بالغرفه على السرير وتعض اصابعها ندم على تصرفها معه صح هو يستحق كل اللي قالته له وقليل بحقه بعد بس الوقت ماكان مناسب المفروض تمالكت أعصابها,, الموقف ماكان بصالحها اللحين كيف بتروح لبيت أم ناصر اليوم بالذات ضروري تكون هناك ... أنقطع حبل افكارها بدخوله عليها ..
ياسر :بتروحين جهزي عمرك بأنتظرك تحت ... وطلع ..
سالي جلست ثواني على بال مأستوعبت عرضه بيسمح لها تروح وبيوصلها هو بنفسه بعد كل اللي صار ... كل يوم تزيد حيرتي فيك يا ياسر غريب كل تصرفاتك معي غريبه وغير متوقعه بلحظه تزعل وتقوم الدنيا وتجي بعدها بوقت قصير ولا كأنه صار شي ..ياءالله ياسالي وش هالأنحطاط اللي وصلتي له ليش تفكرين فيه وهو مايعني لك أي شي لاوجالسه أدرس تقالبات نفسيته أن شاءالله يحترق أنا شكوفيه ...
نزلت سالي تحت شافته جالس تحت مع أمه طنشتها ولاحتى سلمت وقالت لياسر بالنفاذ صبر :يالله نطلع ...
فاطمه يوم شافت ياسر بيقوم :وش مستعجله عليه كمل شايك ...
ياسر :لايمه خلاص اكتفيت .. تأمرين على شي ...
فاطمه :لاسلامتك ...
ياسر :اجل مع السلامه ..
فاطمه: مع السلامه ..
بالسياره
ياسر :ليش ماسلمتي على أمي يوم دخلتي علينا ...
سالي :ليه أنا ماسلمت سوري حبيبي مأنتبهت ...
ياسر عارف أنها تكذب بس ماعلق لأنه عارف عقب هالكلام بيجي طلب ...
وبعد ماسكتوا دقايق ..
سالي : ياسر حبيبي ممكن طلب صغيرون ...
ياسر :كم تبين ...؟!
سالي بوناسه:كلك نظر كم أستاهل ...
ياسر :ليش تبينهم ..؟!
سالي :بطلع مع وهج لسوق ...
ياسر :لاياشيخه كذا بدون ماتستئذنين مني ولاحتى يكون عندي خبر ...
سالي :واللحين وش قاعده اسوي موأقولك ...
ياسر : ماقلتي لي ألا لأنك تبين فلوس ...
سالي :ياسررر لاتسوي كذا يالله عاد بتعطيني ولاكيف ...
ياسر :أكيد بعطيك هو أنا اقدر مأعطيك ...
سالي بالدلع : أنا أدري عنك ..
ياسر :متى أجي أخذك ..
سالي :ببات عندهم ...
ياسر بأستنكار :ايش ومن بيسمح لك أن شاءالله ..
سالي :ياربي لتكبر الموضوع ولا أنت لازم تسوي مشكله ..
ياسر:أنا اللي أبي أسوي مشكله ...
سالي :ايه ولا وش فيها لوبت فبيت أختي ليله أو ليلتين ...
ياسر :سلامتك مافيها شي حبيبتي كل اللي فيها أنك بتأخذين راحتك هناك وأنتي أذا أخذتي راحتك رجعتي لأيام الهياته وأنا متطمن على سلوكك الا أذا كنتي فبيتي وتحت عيني ...
سالي اللي تشوف نفسها أنسانه سويه وماسوت خطأ بحياتها يخلي الناس تأخذ عنها هالفكره السيئه :دامني هايته ومنفلته على حد قولك ليش تزوجتني اصلا كيف تأتمني على بيتك وأنا بهالأخلاق اللي أكيد ماتشرف فيها ...
ياسر :وش فيك تقولينها وكأنك مجروحه ترى ماجبت شي من عندي أنا قلت اللي شفته عليك وكل المواقف اللي جمعتني فيك قبل من تزوج ماتشفع لك ...
سالي بقهر :ماهميتني لا أنت ولارايك فيني ومحد ضربك على يدك وقالك تزوج و وحده بهالأخلاق ..
ياسر :أكيد محد غاصبني وماجابت أمه اللي بيغصبني على شي مأبيه ...
سالي :أجل تحمل كل اللي يجيك مني ولاتشكى هذا أنا وهذي أخلاقي وأنت اللي أخترتني على حد قولك ...
ياسر كان عنده كلام كثير بيقوله بس وصولهم لبيت عمه خلاه يأجله وقت ثاني ويقول :أنتهينا وبمرك الساعه وحده حلو ...
نزلت وهي مقهوره لأنه مشى كلامه عليها والكلمه الأخيره كانت له ...
بووووووووووووووو ...
سالي ويدها على قلبها :ساميوه يالخايس طيحت قلبي ..
سامي :شفتك سرحانه ناديتك مارديتي علي قلت أروعك ...
سالي تقلده :قلت أروعك صدق ماتستحي على وجهك ,, انقلع يالله عن وجهي ...
سامي يلحقها :لحظه خالتي وين رايحه ..
سالي :انت وين شايفني بالروح ...
سامي :المجلس والمجلس به رجال ...
سالي بمصخره :ماشاءالله صرتوا تستقبلون رجال فبيتكم ...
سامي :من يومنا نستقبل بس أنتي اللي مأدري وش فيك صايره تنسين كثير ...
سالي وهي تمشي بالتدخل البيت:أنا أنسى كثير بسم الله على عمرك من متى أكتشفت هالأكتشاف الخطير ...
سامي يجاريها بالمشي :من وعدتني تكلمين ناصر بموضوع وماكلمتيه ..
سالي اللي توها تذكرت:بس أنا ماوعدتك ولاحتى فكرت أساعدك لأن طلبك مثل وجهك ....
سامي :خالتي ...
سالي :طس زين ...
وسكتت يوم شافت أم ناصر :السلام عليكم ...
ام ناصر :ياهلا والله وعليكم السلام ...
وبعد ماسلمن على بعض ..
ام ناصر :وش فيك تأخرتي وهج تحراك من بعد المغرب ...
سالي :كله من يسوور مارضى اجي الا بطلوع الروح ...
أم ناصر :انتي متى بتعقلين وش يسور هذي تزوجتي وللحين ماعقلتي ,,, يخوفي بس تنادينه يسور قدام أهله..
سالي بالثقه :لا لتخافين مأخذه أحتياطي ...
سامي :خالتي ...
سالي :يووووه انت للحين واقف ....
أم ناصر :وش يبغى فيك من دخلتي وهو لاحقك ...
سالي :يبغاني أكلم ناصر بموضوع يخصه اللي يسمعه يقول ناصر مايصدق أطلب منه طلب الا طيران ملبيه لي ...
سامي :بس حتى انتي خالته ...
سالي كسرخاطرها سامي وقالت بتكلم ناصر بموضوعه بس بعد ماتذله ,, وبهالوقت نزلت وهج وهي لابسه عباتها :لالو ماجيتي احسن ..
وهج :ايه ماهو انا اللي متأخره صح ..
سالي :أقول أمشي وأنتي ساكته ولاترى مافيه روحه ..
جنى :مولازم تروحين معنا ...
سالي :هييييييي وانتي وين رايحه ..
جنى :معكم يالحبيبه رجلي على رجلك ...
سالي ألتفت على وهج بقهر :ماقلنا مانبغى أطفال ومراهقين معنا ..
وهج :امشي بس قبل ماتدري هديل أنك جيتي وتقول بتروح معنا ...
وبالسياره ..
جنة :وش فيك تكبرتي من تزوجتي حتى بالجامعه ماصرنا نشوفك ..
سالي :أبشرك من زود الغرور بعد لازم تأخذين موعد قبل ماتقابليني ...
جنى :سخيفه ماتضحك ...
سالي :يكفي ضحكة وهج ...
جنى :بس وهج ماضحكت ..
وبهالحظه كلهم لفوا على وهج اللي كانت سرحانه وماهي معهم ...
سالي :وش فيها الأخت ..
جنى :من فتره وهي على هالحاله مأدري وش عندها ...
سالي :أكيد خايفه من العرس ...
جنى :بس اجل المشكله محلوله ..
سالي :معك حق المشكله محلوله تفركش الزواجه وأنتهي الموضوع ...
وهج :على كيفكم انتم ...
جنى :ماشاءالله قاطه اذنك عندنا ...
وهج :جالسه أسمع خبالكم ولامتوقعين اتخلى عن سلطان ...
سالي :واحد قالك تخلي عن سلطان ...
وهج :اجل وش تقترحين انتي ..
جنى :عادي تطلقوا وتبقون اصدقاء ...
وهج :جنىىىىىىىى .....
سالي من الحوار هذا تأكد لها شي ياما غضت عنه الطرف وتحايلت على نفسها عشان ماتصدقه وهج تعلقت بالسلطان ويمكن اكثر منها هي بعد توأم روحها ومستودع أسرارها
معقوله يجي يوم تقدم فيه وهج عليها أنسان ثاني هذا وهم للحين ماتزوجوا رسمي أجل بعد الزواج وش بيصير أكيد بتنساني كليه أعرفها وهج بالطيبة قلبها وضعف شخصيتها تتعلق بأي شخصيه قويه تلقاها وتحس بالأمان بقربها.. وشي أكيد لقت هالمواصفات بالسلطان وهي بعيد عنه أجل فاليوم اللي بتكون معه بتخلى عن أي امان ثاني فظله ... والشي هذا مأرضى شخصية سالي الأنانيه اللي تحب تكون محور حياة المحيطين فيها ...
وهم راجعين للبيت حس ياسر بالشي غريب فالسالي طول الوقت سرحانه وأذا كلمها ردت عليه بكلمه كلمتين فالبدايه قال يمكن عشان ماخلاها تبات عندهم بس بعدين تأكد أن فيه شي ثاني مشغل بالها ..
ياسر :سالي ..
سالي :هاه ..
ياسر :انزلي وصلنا ..
نزلت سالي وهيي للحين على سرحانها ولحقها ياسر بالأغراض اللي اشترتهم مع هج وجنى وأول مادخلوا غرفتهم سألها :سالي فيك شي ..
سالي :لامافيني شي ليه تسأل ...
ياسر :من رجعتي وأنتي سرحانه وتفكرين ..
سالي بنرفزه :طيب سرحانه بكيفي ولابالتمنعني حتى من هذي ...
ياسر :سالي ماله داعي هالكلام ..
سالي :انا أقول اللي أبي وماشاورتك فكلامي واذا مو عاجبك طلقني محد غاصبك علي ...
ياسر :لاحول ولاقوة الا بالله اللحين وش جاب سيرة الطلاق ..
سالي :كلامك اللي جابها واذا تبغى سيرته تنقطع طلقني وترتاح من هالسيره ...
ياسر:اللهم طولك ياروح ...
ياسر كان جالس على طرف السرير وسالي جالس على كرسي التسريحه وتمسح مكياجها فأول ماسمعت كلمته هذي جته طيران وجلست جنبه :شفت أن الحياه معي غثيثه وتضيق الخلق ...
ياسر :والمطلوب مني ...
سالي بفرحه :طلقني ..
ياسر :وبعدين ...
سالي :أنت من طريق وأنا من طريق ...
ياسر بالبروده :بس أنا مأقدر أصبر عنك ...
سالي قامت من عنده وهي مقهوره من بروده اللي يستفز الواحد وأخذت ملزمتها اللي عليها أختبار بكره وطلعت ...
ياسر :على وين ..؟!
سالي :بادرس عندي امتحان ..
ياسر :الله معك طفي النور بالنام ...
راقبها وهي تطلع بخطوات عصبيه وطبعا بعد تطنيش طلبه كانت ضامه ملزمتها على صدرها وهو يشوف هالمنظر تمنى يكون مكانها ...
يحبها وكل يوم تزود محبتها فقلبه رغم كل عيوبها اللي تنفر أي شخص منها يشوف نفسه يوم بعد يوم يغرق فبحر حبها ...
الفصل الثاني
مسك راسه بين يديه وصرخ :خلاص بس سالي أسكتي وأطلعي فوووق ..
سالي ويدها على خصرها :لاحبيبي ماحزرت تبغى أمك تتبلى علي واسكت لها ..
ياسر :سالي أنقلعي فوق دام النفس راضيه عليك ...
سالي ضربت رجلها بالأرض :ماني طالعه لين تعتذر لي ...
ياسر بالصرخه :فوووووووق اطلعي فوووووق ....
تأففت سالي وسوت نفسها هاديه وهي تطلع السلم مع انها كانت ترجف من داخل من صرخة ياسر اللي ذكرتها بأيام الشقه ...
فاطمه :أشوفك ساكتلها يعني تصدقها وتكذب أمك ...
ياسر بالتعب :يمه الله يخليك ماله داعي كل هالحنه أنا توني راجع من الدوام مأمداني توطى البيت رجلي الا أخذتوني بالشراع ومجداف وأنا الا اللحين ماني فاهمه السالفه أيش ...
فاطمه :مايحتاج تفهم عشان توقف بالصفي ...
ياسر بأستنكار:يممممه...
فاطمه :لوكنت ولدي صدق كان صدقتني ...
ياسر :يمه الله يخليك لي وش هالكلام ...
فاطمه وهي تهز راسها بأسف :ياخساره خيبت ظني فيك تصدق مرتك وتكذب أمك والله أني عارفه أن هالسوسه بتخربك علي بس كذبت احساسي وقلت ياسر ولد بطني مايتغير على أمه ياكبر خسارتي فيك يا ياسر ...
ياسر بكل قهر وأنكسار نزل راسه وطلع من البيت كل ماقال فرجت رجعت تعقد من جديد عنده احساس ان حياته ماراح تستقر أبد وبيظل طول عمره بهالضياع موكفايه هوشاته اليوميه مع سالي وأثرها السيءعلى نفسيته تزيد عليه هوشات أمه وسالي ماعمره طلع الصبح من البيت الا وسالي معطيته جرعت نكد يبقى مفعولها معه طول النهار ويرجع العصر ويأخذ جرعة نكد ثانيه للقاها هي وأمه أوهي وبسمه يتهاوشن يحسها تلذذ بأذاه وكل هالخناقات عن تعمد طيب وش بيده يسوي لها هددها ضربها سجنها ونفس الوضع ماتغير لهم شهرين من تزوجوا وحاله معها من سيء لأسواء ...
دخل عليها بعد صلاة العشاء شافها جالسه بالصلاة وأول ماشافته هبت فوجهه :ليش ماترد على جوالك ...
ياسر كمل طريقه للغرفه :مأبي أرد ..
سالي :هيييي لاتحسب داقه أتغزل فيك داقه أبيك توديني بيت أختي ...
ياسر اللي مطنشها فصخ ثوبه وأخذ ثوب ثاني يلبسه كلمها برود يوم شافهاتنتظر جوابه :ماني موديك ولابتروحين لها من الأساس ...
سالي :لاتوديني بكيفك بس اللي ماهو على كيفك تمنعني أروح لها ...
ياسر :حاولي تعتبين باب هالجناح وشوفي وش ايصيرلك ...
سالي بقهر:طيب ليش مايكفي أني مغصوبه على الزواج منك تجي تحبسني بعد موكفايه اللي سويته فيني بالشهر البصل موكفايه العذاب اللي أحس فيه كل يوم بعيشتي معك...
وجلست تبكي بقهر ..كانت دموعها تنزل وهي واقفه بوجهه
وتطالعه بكل تحدي ..
ياسر قرب منها وحط يده على كتفها بيهديها رغم كلامها القاسي بس بعد ماتهون عليه
بس سالي بعنف دزت يده عنها :لاتلمسني أكرهك وأكره كل لمسه منك أتمنى الموت على وقفتي هذي قدامك ...
وراحت تركض على غرفتها ...
كل كلمه تطلع منها جارحه تذبح هوبكل طيبة قلب يتلقاها وكنها البلسم لجروحه وهي سقمها ...
ياسر يتعذب يذوي يموت بكل لحظه بكل يوم يمر عليه معها أو بدونها حياته عذاب فعذاب بدونها كان متعذب واللحين وهي معه يتعذب اضعاف اللي تعذبه قبل يكفيه كلامها اللي زي السم وكل يوم تسقيه منه ...
كانت جالسه بالغرفه على السرير وتعض اصابعها ندم على تصرفها معه صح هو يستحق كل اللي قالته له وقليل بحقه بعد بس الوقت ماكان مناسب المفروض تمالكت أعصابها,, الموقف ماكان بصالحها اللحين كيف بتروح لبيت أم ناصر اليوم بالذات ضروري تكون هناك ... أنقطع حبل افكارها بدخوله عليها ..
ياسر :بتروحين جهزي عمرك بأنتظرك تحت ... وطلع ..
سالي جلست ثواني على بال مأستوعبت عرضه بيسمح لها تروح وبيوصلها هو بنفسه بعد كل اللي صار ... كل يوم تزيد حيرتي فيك يا ياسر غريب كل تصرفاتك معي غريبه وغير متوقعه بلحظه تزعل وتقوم الدنيا وتجي بعدها بوقت قصير ولا كأنه صار شي ..ياءالله ياسالي وش هالأنحطاط اللي وصلتي له ليش تفكرين فيه وهو مايعني لك أي شي لاوجالسه أدرس تقالبات نفسيته أن شاءالله يحترق أنا شكوفيه ...
نزلت سالي تحت شافته جالس تحت مع أمه طنشتها ولاحتى سلمت وقالت لياسر بالنفاذ صبر :يالله نطلع ...
فاطمه يوم شافت ياسر بيقوم :وش مستعجله عليه كمل شايك ...
ياسر :لايمه خلاص اكتفيت .. تأمرين على شي ...
فاطمه :لاسلامتك ...
ياسر :اجل مع السلامه ..
فاطمه: مع السلامه ..
بالسياره
ياسر :ليش ماسلمتي على أمي يوم دخلتي علينا ...
سالي :ليه أنا ماسلمت سوري حبيبي مأنتبهت ...
ياسر عارف أنها تكذب بس ماعلق لأنه عارف عقب هالكلام بيجي طلب ...
وبعد ماسكتوا دقايق ..
سالي : ياسر حبيبي ممكن طلب صغيرون ...
ياسر :كم تبين ...؟!
سالي بوناسه:كلك نظر كم أستاهل ...
ياسر :ليش تبينهم ..؟!
سالي :بطلع مع وهج لسوق ...
ياسر :لاياشيخه كذا بدون ماتستئذنين مني ولاحتى يكون عندي خبر ...
سالي :واللحين وش قاعده اسوي موأقولك ...
ياسر : ماقلتي لي ألا لأنك تبين فلوس ...
سالي :ياسررر لاتسوي كذا يالله عاد بتعطيني ولاكيف ...
ياسر :أكيد بعطيك هو أنا اقدر مأعطيك ...
سالي بالدلع : أنا أدري عنك ..
ياسر :متى أجي أخذك ..
سالي :ببات عندهم ...
ياسر بأستنكار :ايش ومن بيسمح لك أن شاءالله ..
سالي :ياربي لتكبر الموضوع ولا أنت لازم تسوي مشكله ..
ياسر:أنا اللي أبي أسوي مشكله ...
سالي :ايه ولا وش فيها لوبت فبيت أختي ليله أو ليلتين ...
ياسر :سلامتك مافيها شي حبيبتي كل اللي فيها أنك بتأخذين راحتك هناك وأنتي أذا أخذتي راحتك رجعتي لأيام الهياته وأنا متطمن على سلوكك الا أذا كنتي فبيتي وتحت عيني ...
سالي اللي تشوف نفسها أنسانه سويه وماسوت خطأ بحياتها يخلي الناس تأخذ عنها هالفكره السيئه :دامني هايته ومنفلته على حد قولك ليش تزوجتني اصلا كيف تأتمني على بيتك وأنا بهالأخلاق اللي أكيد ماتشرف فيها ...
ياسر :وش فيك تقولينها وكأنك مجروحه ترى ماجبت شي من عندي أنا قلت اللي شفته عليك وكل المواقف اللي جمعتني فيك قبل من تزوج ماتشفع لك ...
سالي بقهر :ماهميتني لا أنت ولارايك فيني ومحد ضربك على يدك وقالك تزوج و وحده بهالأخلاق ..
ياسر :أكيد محد غاصبني وماجابت أمه اللي بيغصبني على شي مأبيه ...
سالي :أجل تحمل كل اللي يجيك مني ولاتشكى هذا أنا وهذي أخلاقي وأنت اللي أخترتني على حد قولك ...
ياسر كان عنده كلام كثير بيقوله بس وصولهم لبيت عمه خلاه يأجله وقت ثاني ويقول :أنتهينا وبمرك الساعه وحده حلو ...
نزلت وهي مقهوره لأنه مشى كلامه عليها والكلمه الأخيره كانت له ...
بووووووووووووووو ...
سالي ويدها على قلبها :ساميوه يالخايس طيحت قلبي ..
سامي :شفتك سرحانه ناديتك مارديتي علي قلت أروعك ...
سالي تقلده :قلت أروعك صدق ماتستحي على وجهك ,, انقلع يالله عن وجهي ...
سامي يلحقها :لحظه خالتي وين رايحه ..
سالي :انت وين شايفني بالروح ...
سامي :المجلس والمجلس به رجال ...
سالي بمصخره :ماشاءالله صرتوا تستقبلون رجال فبيتكم ...
سامي :من يومنا نستقبل بس أنتي اللي مأدري وش فيك صايره تنسين كثير ...
سالي وهي تمشي بالتدخل البيت:أنا أنسى كثير بسم الله على عمرك من متى أكتشفت هالأكتشاف الخطير ...
سامي يجاريها بالمشي :من وعدتني تكلمين ناصر بموضوع وماكلمتيه ..
سالي اللي توها تذكرت:بس أنا ماوعدتك ولاحتى فكرت أساعدك لأن طلبك مثل وجهك ....
سامي :خالتي ...
سالي :طس زين ...
وسكتت يوم شافت أم ناصر :السلام عليكم ...
ام ناصر :ياهلا والله وعليكم السلام ...
وبعد ماسلمن على بعض ..
ام ناصر :وش فيك تأخرتي وهج تحراك من بعد المغرب ...
سالي :كله من يسوور مارضى اجي الا بطلوع الروح ...
أم ناصر :انتي متى بتعقلين وش يسور هذي تزوجتي وللحين ماعقلتي ,,, يخوفي بس تنادينه يسور قدام أهله..
سالي بالثقه :لا لتخافين مأخذه أحتياطي ...
سامي :خالتي ...
سالي :يووووه انت للحين واقف ....
أم ناصر :وش يبغى فيك من دخلتي وهو لاحقك ...
سالي :يبغاني أكلم ناصر بموضوع يخصه اللي يسمعه يقول ناصر مايصدق أطلب منه طلب الا طيران ملبيه لي ...
سامي :بس حتى انتي خالته ...
سالي كسرخاطرها سامي وقالت بتكلم ناصر بموضوعه بس بعد ماتذله ,, وبهالوقت نزلت وهج وهي لابسه عباتها :لالو ماجيتي احسن ..
وهج :ايه ماهو انا اللي متأخره صح ..
سالي :أقول أمشي وأنتي ساكته ولاترى مافيه روحه ..
جنى :مولازم تروحين معنا ...
سالي :هييييييي وانتي وين رايحه ..
جنى :معكم يالحبيبه رجلي على رجلك ...
سالي ألتفت على وهج بقهر :ماقلنا مانبغى أطفال ومراهقين معنا ..
وهج :امشي بس قبل ماتدري هديل أنك جيتي وتقول بتروح معنا ...
وبالسياره ..
جنة :وش فيك تكبرتي من تزوجتي حتى بالجامعه ماصرنا نشوفك ..
سالي :أبشرك من زود الغرور بعد لازم تأخذين موعد قبل ماتقابليني ...
جنى :سخيفه ماتضحك ...
سالي :يكفي ضحكة وهج ...
جنى :بس وهج ماضحكت ..
وبهالحظه كلهم لفوا على وهج اللي كانت سرحانه وماهي معهم ...
سالي :وش فيها الأخت ..
جنى :من فتره وهي على هالحاله مأدري وش عندها ...
سالي :أكيد خايفه من العرس ...
جنى :بس اجل المشكله محلوله ..
سالي :معك حق المشكله محلوله تفركش الزواجه وأنتهي الموضوع ...
وهج :على كيفكم انتم ...
جنى :ماشاءالله قاطه اذنك عندنا ...
وهج :جالسه أسمع خبالكم ولامتوقعين اتخلى عن سلطان ...
سالي :واحد قالك تخلي عن سلطان ...
وهج :اجل وش تقترحين انتي ..
جنى :عادي تطلقوا وتبقون اصدقاء ...
وهج :جنىىىىىىىى .....
سالي من الحوار هذا تأكد لها شي ياما غضت عنه الطرف وتحايلت على نفسها عشان ماتصدقه وهج تعلقت بالسلطان ويمكن اكثر منها هي بعد توأم روحها ومستودع أسرارها
معقوله يجي يوم تقدم فيه وهج عليها أنسان ثاني هذا وهم للحين ماتزوجوا رسمي أجل بعد الزواج وش بيصير أكيد بتنساني كليه أعرفها وهج بالطيبة قلبها وضعف شخصيتها تتعلق بأي شخصيه قويه تلقاها وتحس بالأمان بقربها.. وشي أكيد لقت هالمواصفات بالسلطان وهي بعيد عنه أجل فاليوم اللي بتكون معه بتخلى عن أي امان ثاني فظله ... والشي هذا مأرضى شخصية سالي الأنانيه اللي تحب تكون محور حياة المحيطين فيها ...
وهم راجعين للبيت حس ياسر بالشي غريب فالسالي طول الوقت سرحانه وأذا كلمها ردت عليه بكلمه كلمتين فالبدايه قال يمكن عشان ماخلاها تبات عندهم بس بعدين تأكد أن فيه شي ثاني مشغل بالها ..
ياسر :سالي ..
سالي :هاه ..
ياسر :انزلي وصلنا ..
نزلت سالي وهيي للحين على سرحانها ولحقها ياسر بالأغراض اللي اشترتهم مع هج وجنى وأول مادخلوا غرفتهم سألها :سالي فيك شي ..
سالي :لامافيني شي ليه تسأل ...
ياسر :من رجعتي وأنتي سرحانه وتفكرين ..
سالي بنرفزه :طيب سرحانه بكيفي ولابالتمنعني حتى من هذي ...
ياسر :سالي ماله داعي هالكلام ..
سالي :انا أقول اللي أبي وماشاورتك فكلامي واذا مو عاجبك طلقني محد غاصبك علي ...
ياسر :لاحول ولاقوة الا بالله اللحين وش جاب سيرة الطلاق ..
سالي :كلامك اللي جابها واذا تبغى سيرته تنقطع طلقني وترتاح من هالسيره ...
ياسر:اللهم طولك ياروح ...
ياسر كان جالس على طرف السرير وسالي جالس على كرسي التسريحه وتمسح مكياجها فأول ماسمعت كلمته هذي جته طيران وجلست جنبه :شفت أن الحياه معي غثيثه وتضيق الخلق ...
ياسر :والمطلوب مني ...
سالي بفرحه :طلقني ..
ياسر :وبعدين ...
سالي :أنت من طريق وأنا من طريق ...
ياسر بالبروده :بس أنا مأقدر أصبر عنك ...
سالي قامت من عنده وهي مقهوره من بروده اللي يستفز الواحد وأخذت ملزمتها اللي عليها أختبار بكره وطلعت ...
ياسر :على وين ..؟!
سالي :بادرس عندي امتحان ..
ياسر :الله معك طفي النور بالنام ...
راقبها وهي تطلع بخطوات عصبيه وطبعا بعد تطنيش طلبه كانت ضامه ملزمتها على صدرها وهو يشوف هالمنظر تمنى يكون مكانها ...
يحبها وكل يوم تزود محبتها فقلبه رغم كل عيوبها اللي تنفر أي شخص منها يشوف نفسه يوم بعد يوم يغرق فبحر حبها ...
تعليق