رد: الزمن طبعه كذا للعاشقه ديرتها

الجزاء الثامن عشر

الفصل الاول
بكره ان شاء الله

توقعاتكم

رد: الزمن طبعه كذا للعاشقه ديرتها

يعطيك العافيه قمرنا
وننتظرك يالغلا

تحياتي لك

رد: الزمن طبعه كذا للعاشقه ديرتها

الله يعافيك يالغلا
يسعدلي قلبك
تجبرين الخاطر بمرورك
الله يحفظك

رد: الزمن طبعه كذا للعاشقه ديرتها

الجزء الثامن عشر
الفصل الاول
(..وحشتني وشتقت لك حيل ,, وأشواق قلبي عذبني ,,من جور بعدك ذايق الويل ,, وأوهام فكري يتعبني ,,دمعات عيني لجلك تسيل ,, وأنت عيونك مابكني ,,, جنه بجأشك دافق النيل ,, وأنا اللواظي يلهبني ,,منك الغلط يأتي وأنا أشيل ,, وأنت بغلطه محاسبني ,, أغليك وادللك تدليل ,, واردود فعلك عذبني ,,صوابك عواطف قلبي تميل ,, لكن أحاسيسك غبني ..)
دخل ياسر مكتبه توه بيجلس دخل عليه معتز سكرتيره ..
ياسر :فيه شي ..!!
معتز :ايه طال عمرك الوالد بدو ياك ...
ياسر :طيب أنا طالع له ارجع القى أي ملف يحتاج توقيعي على المكتب ...
دخل ياسر مكتب أبوه ...
ياسر :يبه بغيتني
أبراهيم وعينه على الورق اللي بين يديه :ايه اجلس ,, ورفع راسه عن الورق وهويقول :كنت بتكلم معك فيه بالبيت بس انت طلعت بسرعه ,, ونظر لساعته :الاوين كنت كل هالمده من طلعت الساعه تسع واللحين عشر ونص ..
ياسربعدم اهتمام :يبه وش اللي كنت بتكلمني فيه ...شي بالشغل ..
ابراهيم :لا الشغل ممتاز والبركه فيك بس كنت بتكلم عن عمتك ...
ياسر بأنفعال :وش تبي بعد مايكفى اللي جانا منها ...
ابراهيم :ليه وش اللي جاك منها ...
ياسر :انت تدري انه ماجاني منها بس جاء لزوجتي وأنا وهي واحد ...
وبوقاحه كمل :واللي ماتنسمى تبريت منها وماعاد عندي الاعمه وحده ...
أبراهيم :ترى اللي سوته عمتك مايجي شي قدام اللي تسويه أنت ناظر الموضوع بحكمه ...
ياسر :اللي اسويه بمباركتك تلميذك طال عمرك ...
ابراهيم بتجاوز عن وقاحة ولده :من صدقك أنت كل هذا عشان موضوع تافه بتخرب علاقتنا مع عمتك ..بعدين هذي حيا الله زوجتك ....
أجل لو أنت اللي صايبك اللي صار وش بتسوي ...؟!!
ياسر :انا اللي بسألك لوأنه أناوش بتسوي ..؟!!
ابوياسر بعصبيه :ياسر لاتفاول على عمرك وأنتي تدري أني مستحيل اسمح لحد يضرك لاقريب ولابعيد واذبح اللي يرفع يده عليك ...
ياسر :وأنا جاوبي على سؤالك :لو أنه فيني أرحم ,, تدري ليه لأني أحب سالي أكثر من حبك لي وأكثر من حب الام لولدها ...
واستئذن بأنكسار وطلع ...
دخل مكتبه والهم راكبه وماهو قادر يركز وقع كل الاوراق بدون مايطالع وش فيها ماصدق معتز اخذها وطلع ,,,نزل راسه على مكتبه ورجع بذاكرته لليوم المشئوم ...
كان هو وسعود جالسين بالشارع هو يدخن وسعود يسولف عليه ..
لين دق جوال سعود وكانت سالي اللي طلبت منه يرجعها للبيت ..
سعود طلب منه يوصلهم بس هو قاله يأخذ سيارته ويوصلهم بس سعود رفض :لامستحيل خبل أنت تعرفني غشيم أخاف اجني عليهم فذيك الحزه من بيفكن منك ومن سلطان ...
ضحكوا جميع وجلسوا ينتظرونهن بالسياره ..لين جاء السعود اتصالها الثاني توقع لو علمها سعود انها بترفض بس ادهشته يوم وافقت وحلف ساعتها أنه مستحيل يضايقها اليوم مهما استفزته وحتى لوطاح من عين الجميع اهم شي هي تنبسط حتى لوعلى حسابه ...
شافها وهي تطلع وتمشي لسياره كان غصبا عنه يبتسم .... وسعود يضحك عليه ,,مسك راسه بقوه مايبغى يتذكر اللي صار بعدها مايبغى يتذكر منظرها وهي تنهار على الشارع مايبغى يتذكرصوت صراخها اللي يعذبه كل ليله فمنامه مايبغى يتذكر تقلبها على ارض الشارع وسعود يحاول يمسكها كل هذا مايبغى يتذكره بس غصبأ عنه المشهد ينعاد قدام عينه :سالي فأحضان سعود وصراخها مالي الدنيا سعود موقادر يسيطر عليها وهو للحين جالس فالسياره وكأن الموضوع مايعنيه ..!!!
الشي الايجابي اللي سواه سواقته للسياره مايذكر كيف شغلها وتحرك بس يذكر صرخات سالي من ورى وصوت سعود وهو يقرأ عليها المعوذات وينفث على راسها ...
وصوت انات وهج اللي راكبه معه قدام وكلمه وحده على لسانها :لا سالي موو مرره ثانيه ...
وقبل ماياصلون المستشفى انقطع صوت سالي واجمدت حركتها ..
ياسر بصوت مايدري كيف طلع منه :سعود وش صار ...
سعود بصوت مرتجف:مأدري ياسر الله يخليك اسرع زياده ...
ياسر بداخله :يالتني اقدر ياسعود بس هذي اقصى سرعه ياليتني اطير ياليت ...
ووصلوا المستشفى بعد عذاب صراخ سالي وبعدها عذاب هدوأها المفاجيء كل اللي صار من دخلوا المستشفى نساه مايذكر الايوم يطلع عليهم الدكتور ورأسه بالارض ...
ماقدر يتحمل صرخ بالدكتور :تكلم قول وش صار..؟!!!
الدكتور :أنتو اللي قولوا وش صار أبي تفسير ..؟!!
سعود بأنهيار :ماندري مافيه سبب مباشر هي فجأه كذا طاحت علينا
دكتورالله يخليك طمنا ...
الدكتور لسعود وياسر :وش تصير لكم ..
سعود :أختي ...
ياسر :زوجتي ...
الدكتور :يعني هي كانت طبيعيه ماتعرضت لأي صدمه ...
سعود :لا بس هي كانت من مده طويله مانامت...
الدكتور :ماهما كانت الفتره اللي مانمت فيها ماتسبب شلل ...
شاف الذهول الصدمه الاعتراض على وجيهم بس وش يعترضون عليه قدرالمولى ...
الدكتور :أنا اسف شلل رباعي ...
كان ياسر أول مانطق بعدم تصديق :شل للل ...كيف وشلون مستحيل
لاسالي مستحيل ...
مسك راسه بيديه يحاول يصرخ يبكي بس ماكان قادر كل اللي طلع منه سؤال :وش بيصير عليها يعني كيف نتركها مشلوله كذا ...!!!
الدكتور:مابيدينا شي حنا حتى ماندري وش السبب .... بس بكره بيزورنا دكتور أمريكي وأن شاءالله بنعرضها عليه ... اللحين بنتركها فالعنايه المركزه ..
جاء ياسر بيتكلم بس قاطعه الدكتور :أنا اسف بنمنع عنها الزياره ....
وراح ...
نزل ياسر راسه بالارض وضغط راسه على الطاوله بقوه وهو يتذكر اللي صار بعد كذا ...
كان جالس على الارض بجنب واحد من الكرسي ويشوف أهل ناصر وهم يبكون بحرقه وسعود يهديهم وناصر يصرخ على خواته يسكتن للحين صوت ناصر يرن بارسه ..
ناصر :خلاص اسكتن أجل لو ميته وش بتسوون ..
أجل لو ميته وش بتسوون.[/color].. أجل لو ميته وش بتسوون... أجل لو ميته وش بتسوون... أجل لو ميته وش بتسوون .....بذيك اللحظه كان ياسر وده يقوم ويضربه لين يموت بين يديه ...
وهج بصرخه :لا ا ا ا ا ....
كانت تصرخ بدون توقف وناصر يهزها عشان توقف ...
وبعد ماهدت رجعت تقول :لا مو مره ثانيه لا سالي ...مو مره ثانيه ..لا مو مره ثانيه سالي ...
تذكر الموقف اللي رد الحياه فيه ...
أم ناصر وقفت فجأه وقالت كلمات متفرقه :صح مو أول مره سالي انشلت صح عين عين ..
ناصر :يمه وش اللي مو أول مره ..
أم ناصر جلست فتره قبل ماتقول :سالي أنشلت من قبل وجلسنا أسبوع نقلها بين المستشفيات لين قالنا شيخ جبناه يقرأ عليها أن اللي صابتها عين ,,الكلام هذا قبل خمس سنين يوم كانت بالقصيم ...
ياسر كان يتصل على شيخ يعرفه من نص حوارهم ويوم خلصت أم ناصر كلامها ... كان مخلص ...
بعد ساعه رجع سعود اللي أنتظره على بوابة المستشفى ومعه الشيخ ....
قرأ عليها بعد ماعرف من الدكتور أنه فعلا مافيه سبب واضح للشل اللي صابها ... وبعد قرأته عليها شك بين العين والسحر بس بمأنهم شاكين من البدايه فالعين أقترح عليهم يفكرون باللي نضلها وأكيد من محيطهم ماهو بعيد ...
فالسيب اللي قدام الغرفه اللي هي فيها..
سعود بيأس:بس ياشيخ وش درانا من يكون هي فالجامعه وتقابل ملايين الناس كل يوم ...
الشيخ :حاولوا والله كريم وأبدوا بالقريبين منها ...يعني وين كانت أخرمره وبالتدريج واذا الله اراد أنكم تعرفون بتعرفون بمثل السرعه اللي شكيتم فيها بالامر واتصلتو في ...وجلس يدعي لها ...
بعد يومين من الانتظار وحرقة الاعصاب ياسر كان فيها مايحب يوضح اهتمامه أو بالأحرى حبه بس الالم بعيونه فضاح ...
كان فالوقت اللي مافيه أحد مثل الصبح والظهرلين قبل الفطور يكون موجود هو والسعود اللي مايطلع من المستشفى وبعد ماينتهي وقت الزياره رغم ان الزياره ممنوعه بس يجون يشوفونها من خلف الزجاج ....
مره سأل سعود :أبوها يدري ..!!
سعود :لا ماحبينا نخوفهم خل الامور تستقر والله يشافيها ... ساعتها قال امين وحسها طالعه من قلبه ياما دعاء بالرحمه لناس والشفاء لثانين بس أول مره يحس بصدق الكلمه وقوتها شي تطلبه بقوه ودك يصير,, ليش .؟!! ...لأنك ماتقدر تكمل حياتك اذا ماصار الشي هذا ...
لأنه فاليوم ذاك عرف عمق حبه لسالي فعلا حد الموت ... هذا معناة أن الشخص يحب الثاني لدرجة المووت لدرجة أنه يتمنى هو اللي يموت فالسبيل هي ترجع للحياه لأن حياته بدونها الموووت الحقيقي .... كل شي يهون بس هي ترجع تأقف تحرك وتسبه مثل قبل بس تعيش حتى لو طلبت يطلقها بس ترتاح يطلقها كل شي تبيه بيسويه ...!!!... عاش ياسر حياه لامعنى لها الوقت يمر وهو مايحس فيه,,, الناس تكلمه مايدري وش يقولون لأن بأذنه صدى ضكات سالي مرات وسخريتها منه مرات ثانيه كل شي صار بينهم يتذكره حتى اخر مره بغرفته أخر لمحه لها شافها وهي واقفه بذهول وانتهى كل شي ...انقطع الارسال,, مالكم خلق على اعصابكم وأنا اتمصخرهههههههههههههههههههه ...
لين جاء أسعد يوم فحياته كان جالس وهو سعود جلس معهم ناصر وبعيونه كلام بيقوله وبعد تردد قال لياسر :حنا شاكين بأحد وهج من يومين بحاله مايعلمها الا رب العالمين بس اليوم ضغطت عليها لين فاقت وقالت لي أنها شاكه الاتجزم بوحده شافتها بعزيمة عمتي وكانت معها ...
فذاك اليوم مأقدر يسكت لين ناصر يكمل صرخ عليه :من هي تكلم انطق ...
ناصر :بس يمكن أنا شاكين ...
ياسر :أقولك من يعني وقفت على شاكين ماراح نخسر شي ...
سعود :وش نتهم المره من الباب لطاقه ...
ياسر بصراخ :بمليون طقاق بتقول أنت ولا أخليك تنطق بالقوه ..
سعود :ياسر هد شوي ...
ياسر :ماني مهدي وأنت بتقول ولاأيش ...
ناصر :افففففففف أنت ماتفهم يمكن غلطانين ...
ضحك ياسر طبعا اللحين وهو يتذكر خخخخخخخخخ ...لأنه ساعتها قام على ناصر بس سعود مسكه ..
ناصر :أم مطلق أمي تقول أسمها كذا ....
مانتظر ناصر يكلم كلامه لأنه طلع من المستشفى ويسمعهم ينادونه بس مارد عليهم بعدها انفضح بحبه لأن نظرات سعود وناصر الضاحكه اللي يناظرونه فيها طوال الايام اللي بعدها كافيه عن أي تعليق .....
طلع من المستشفى على بيت شيخه عمته عسى ماعمه انعمت عيونها ...
صب جام غضبه على نايف اللي حاول يهديه ساعتها ماكان يشوف شي صراخه سمعه القاصي والداني شيخه انكرت أن لها صله بهالانسانه بس هوعارف أن كل شي من تحت راسها مابقى سبه ولا شتيمه مارماها عليها كل شي فقاموسه قاله ,,, أذا انتوا عندكم شي تساعدونه فيه ترى ماتقصرون ...
وقالت أنها بتعزمها وتأخذغسولها ذيك الساعه قالها :أن شاءالله أتعزمينها على جهنم الحمرا ... قسم باللي ماتنام عينه اذا ماجبتي الغسول الليله لهد هالبيت على راس اللي فيه ...
وفعلا جرى كل شي على ماخطط له .. بس سالي ماستجابت بسرعه جلست بعدها ثلاث أيام لين حركت يديها وبعدها بساعات رجولها واليوم اللي بعده وقفوها ومشت بس بتعب ...
وسمحوا بزيارتها بس هو مايدخل عليها لين تنام ...
وقبل ماتطلع من المستشفى بيومين طبعا تحت اصرارها,,, دخل بعد مانامت جلس كعادته على الكرسي اللي جنبها مد يده يمسح على شعرها ,,, وارتدت يده يوم سمع صوتها :سعود ...
قام بيطلع وهي مدت يدها بتفتح النور بس هو مسك يدها وقال بهمس :نامي نامي ,, وارتاحي وريحي قلوب تعبانه ..وطلع بسرعه ومادرى أنها فعلا نامت وصوته يهمس بأذنها نامي ... نامي ... الى مالانهايه ...
وياسر بعد نام على مكتبه على أخر ذكرى حزينه بحياته .. صحيح هذي أخر احزانك ي ياسرولا كل هذا ماسدد ديونك ...؟!!!
_________

رد: الزمن طبعه كذا للعاشقه ديرتها

..نايف وش كان ردة فعله على اللي صار ..
مأنصدم بأمه لأنه كان عارفها على حقيقتها بس أول مره يحس بقباحة افعالها يوم شاف عذاب ناصر وأهله بسببها هي كانت قاصده شخص معين بس اللي تعذب جماعه ,, وأكيد غيرهم كثير تضرروا من تصرفات أمه ويأخوفه يكون وهو اخته منهم لأن ناصر بعد اللي صار مافيه امل لو بسيط أنه يكمل اللي بدأفيه يوم كلم أبوه والحمدالله انه هو ماتكلم مع أخته ولاصدق بتنجرح والسبب أمها ,, وناصر معقوله يرضى يزوجه جنى بعد اللي صار ..!!..واللي كسر ظهره حياة وهج اللي على حافة التحطم,, فارس رجع على الساحه ويهدد ويتوعد .... أتصل فيه وساومه بس فارس مايبغى فلوس يبغى ينتقم خلاص أنتهى أدمان وصارمدمن على حافة الهلاك ومايبغى احد بعده يسعد بحياته بيحطم الجميع وأي شي يقدر يسويه فحياته فسبيل تعاسة شخص أخر ماراح يقصر بس أنتوا اطلبو منه ,, عشان كذا ماتردد باللي طلبته منه رحاب وبيخدم أخته اللي ياما طلبت منه ومالبى بس المره ذي وللأسف فالخراب وافق .. سؤال فارس بماأنك على حافة الحياه مثل ماتردد عندك اللي يشفع لك لوقابلت ربك ...؟!!
_________
في بيت أبوناصر بعد مرور عشرة أيام على حادثة سالي وفغرفة وهج وسالي ...
سالي تجهز بتروح الجامعه وهج حاولت تثنيها عن رايها بس سالي مصره ...
وهج :الله يخليك سالي لاتعاندين الموضوع مايستاهل تعبك ...
سالي :وش اللي مايستاهل أنابروح للجامعه يعني بروح ...
وهج :كل هذا عشان ياسر قال وقفي هالترم هو قالها عشان مصلحتك ....
سالي :وأنا بروح الجامعه عشان مصلحتي ... واللحين ممكن تطلعين بلبس ...
وهج هزت راسها بأستسلام وطلعت ...
بالصاله تحت وهج تطلب من أمها تكلم سالي بس أمها استسلمت بدون ماتحاول وجنى تلعب دور المتفرج بدون تدخل ..
وهج بترجي :يمه الله يخليك حاولي هي للحين تعبانه ماتشوفينها موقادره تسند طولها ...
أم ناصر :يايمه أنا مأقدر أفتح فمي معها بكلمه خليها على راحتها ...
وأذا صار شي لاسمح الله أنتي معها ...
وهج بألم :لايمه أنا مأقدر مأتحمل أشوفها منهاره مره ثانيه ...
أم ناصر :لا ان شاءالله ماراح تنهار مره ثانيه لأن السبب أنتهى ...
وهج :بس أعصابها للحين تعبانه مالها يومين من طلعت من المستشفى واليوم بتداوم ...
أم ناصر :لاحول ولاقوة الا بالله ,,الله يجازي اللي كان السبب ...
وهج بنشوه :يعني صدقتي أنها قاصده ..
ام ناصر:لاماني مصدقه وش ناويه ,,, وش هالافكار الخبيثه اللي براسك بعدين وش بينها وبين سالي تضرها ,,, خالتك هي اللي جنت على نفسها تدري أنها حلوه وعيون الناس ماترحم ومع كل هذا ماتخلي فرصه الا وتباها فيها بجمالها ماحافظت على نفسها وهذي ماهي أول مره ...
وهج بالدهشه :اللحين طلعتي سالي هي اللي غلطانه ...
جنى :لاياوهج لاتغلطين سالي ضحية ناس ما تخاف ربها ,, يمه لاتطالعيني بهالنظره وكملت باصرار :عمتي ماتخاف ربها ,,, لدرجة أن بنتها تقول هالكلام عنها أبتهال قالت بلسانها :أمي اذا كرهت أحد تسوي أي شي عشان تضره ولو يدخلها بالحرام ...
أم ناصر :وأبتهال كيف تقول هالكلام عن أمها ...
جنى :لأنها ماهي مثلها وتقول الحق ولوعلى أمها ...
أم ناصر :خلاص جنى الكلام هذا ماعاد ابغى اسمعه فبيتي ...
وعمتكم بتضل عمتكم ...
جنى بقهر :لا بنتكلم وساكت عن الحق شيطان أخرس أنا مأدري كيف للحين ماقلت لسالي حقيقة مرضها ....
أم ناصر :جنى وأخرتها معك أنتي تبغين تخربين العلاقه بين عمتك وخالتك ...
جنى :يمه هذي وهي ماتصير قلتي هالكلام ليش حنا نسكت وياسر يتبرأ منها وقدام الكل يعني سالي أهم من عمته اللي من صحى على الدنيا وهي بوجهه وعشان مين عشان سالي اللي ماعرفها الا من كم شهر وحنا نضحى بسالي اللي عاشت معنا نص عمرها وعشان مين عشان عمتى اللي ماطلعت بحياتنا الا من كم شهر وليتنا ماعرفناها ...
أم ناصر بعصبيه:خلاص جنى ماله داعي وأنتي تدرين أن اخوك بيأخذ بنت عمتك ليش انخرب عليه ...
جنى بذهول :وش نخرب عليه يعني قضت الدنيا من البنات مالقى الا بنت شيوخ وبعدين ماهو مجبور يأخذها...
ناصر اللي كان سامع الحوار والله أعلم من متى :الا مجبور مو عشان شي بس عشان كلمتي ... جنى خافت ناصر يضربها بس الحمدالله رمضان ههههههه على الاقل يعصب عليها بس صدمها بهدوءه ,, كمل :عرفتي ليش مجبور بعدين أنتي قلتي بلسانك البنت ماهي مثل أمها ليش اظلمها بذنب ماسوته ...
جنى بتردد :بس اذا تزوجتها كيف عمتي وخالتي ...
قطعها :لاتخافين حتى لو تزوجت بنتها بيتنا ماراح تطبها سالي موجوده اولا وبنتها اذا بغت تزورها تروح لها ...
أم ناصر :ناصر وش هالكلام هذي عمتك ...
ناصر :وسالي خالتي وارجوك يمه مأبغى تكلم بهالموضوع اللي سابق للأوانه ...
جنى :بس عمتي ماراح توافق ...
ناصر :بأخذها غصب عنها ولاماتثقين بأخوك شوفي أنا وثقت بكلمتك يوم قلتي البنت زينه .. وأبتسم ...
سالي من على السلم :يالله وهج جاهزه ...
أم ناصر يوم شافت مكياج سالي اللي مبالغ فيه عشان تخفي اثار المرض هزت راسها بأسف وهي تقول :لاحول ولاقوة الا بالله ...
الكل فهم القصد بس محد تجرأ يعلق ..!!!
وهج :جبتي عباتي ..
سالي :مع جولاني .. أنا بسبقك لسياره خليها تجيب الاغراض اللي معها لسياره ...
ناصر :لحظه بوصلكم يالله جنى ...
وطلعوا جميع للسياره ...
وعند اشارة (المحبه ) التفت ناصر للمره العشرين يتأكد أن السياره اللي تلحقهم من الصبح هي فعلا سيارة ياسر ..!!!
بس وش السالفه على حسب علمه هذا موطريق شركة عمه ... البنات كانوا ساكتين بس اللحين سمع وهج تهمس لكن سالي عصبت منها وقالت بصوت عالي : وهج حلي عني لاسوي شيء مايعجبك...
وهج بصوت هادي:خلاص انسي اللي قلت لك بس لاتعصبين تر مو زين لك...
سالي بنرفزه:طيب لا تجيبين لي طاري،،وقطعت كلامها وفتحت الدريشه
ورمت على ياسر نظرة طويله مليانه كره وسكرتها...
بس سوت هالحركه ناصر وجنى أنفجروا ضحك لأنهم من الصبح ودهم يعرفون رد سالي على ملاحقة ياسر لهم ...
ناصر بضحكه لوهج :دايم يصير معكم هالموقف


وهج ترددت تخاف تقول وسالي ماودها أحد يعرف ...
سالي بعد اهتمام :عادي قولي اللي تبين ..
وهج بحماس ونست الحياء اللي يصيبها لاتكلمت مع ناصر :كثيرررررررر,,, ياما وياماوبعض للاحيان لين نوصل باب الجامعه ..
ناصر بمكر :وانتم فراحنين ..
وهج :لا من قال أصلا سالي دايم تفشله ...
ناصر يبغى يحرج وهج :ياخوفي بكره القى موكب ورى سيارتكم ياسر وسلطان و ......وبتر جملته بابتسامه رماها على جنى له الف معنى ومعنى..
جنى بجرأه مو غريبه عليها وخصوصا أن مزاج ناصر يساعد :لايكون بس ناوي تزوجني واحد من اصدقائك الشيبان ...
ناصر :أنتي قلتيها شيبان مايصلحون لك يالنونو بس لاتخافين بندور لك شاب حليوه يكسر هالغرور اللي فيك ...
جنى :ماني مغروره بس لاتحسب بتقدر تجبرني على احد مأبيه ..
ناصر بسخريه :أنا اجبر الاميره جنى على شي ماتبيه الله لايجيب ذيك الساعه ,,بس أنتي قولي مواصفات فارس أحلامك وأنا من بكره ادور لك واحد بمواصفاته وأخطبه لك ...ماني أول واحد يخطب لأخته ,,,
ناصر انتبه على كلمته وعض لسانه مو بكره تخرها وتفضح البنت ...
جنى باحراج :أنا ماكنت اقصد كذا ..
ناصر :حتى لو ماتقصدين تبقين قوية عين ولا اصدقائي شيبان هاه ..!!!
سالي :وهي الصادقه شيبان ولاسليطين من أي فئه نصنفه ... والتفتت الى وهج :هي انتي ياخبله لاتقرصين درينا أنك ماترضين عليه ..
ناصر بأبتسامه :هذي سالي اللي اعرفها ,, يالله ماودكم تنزلون ولاتنسون اذا فيه أمر طاريء دقو علي ..
سالي وهي تنزل :ليه صرت تشتغل بالاسعاف ولا المطافي ...
على الساعه وحده رجعت سالي للبيت وهج اصرت تطلع معها ...
وهج :ودي أفهم دامك انتي تعبانه ليش طالعه ..
سالي :بنام احس بتعب خفيف أبي لاصحيت يختفي كل هالتعب ...
وهج بأبتسامه :تصدقين البنات كلهم يوم شافوك أنصدموا ماتوقعو تكونين بهالشكل الكل حسبك خلاص أنتهيتي ...
سالي :وأنتي بعد ..
وهج :أنا حاشاني أجل من وين استمد القوه ...
سالي :بتحضرين الفطور اليوم ...
وهج :واخليك مستحيل ..
سالي بعدم اهتمام :أنا بعد بروح ...
وهج :سالي عاد عن تصرفات الاطفال مانتي رايحه ..
سالي بعناد :الا بروح وأشوف من بيمنعني ....
وهج :أنتي تبغينهم يشوفونك وتبيني لهم أنك قويه خلاص اصبري كلها يومين والفطور عندنا واطلعي لهم ...
سالي :هذا أخر فطور أحضره ولاتبيني أجلس بالبيت وشويخ بتجي ...
وهج بالصدمه :هاه وش دخل شيخه ..
سالي :تحسبيني مغفله ياوهج للحين ماعرفتيني ...
وهج :طيب وش بتسوين ...
سالي :يوم الاربعاء بعد مارجع من الجامعه بروح القصيم ..
وهج :والجامعه ..؟!
سالي :برجع السبت وأول مانخلص برجع للقصيم ...
وهج :بس انتي تعبانه ..
سالي :لاتعبانه ولاشي ,,وشيوخ حسابها معي طويل ...
وهج :سالي وش تقولين ...
سالي :أنسي ياوهج كل اللي سمعتيه انسيه ....
وهج :أنتي تدرين أن ناصر بيخطب أبتهال ...
سالي :قلت لك ياوهج ماني بغافله عن اللي يصير...
وهج :يعني ماقلتي وش رايك ...
سالي :محد طلب رايي ...
وهج :انا اللحين اسألك...
سالي :فات وقت السؤال ياوهج فات وشيوخ بتأخذ أخوكم منكم وبتقولين سالي قالت ..
وهج :لامستحيل ناصر مايتغير علينا وش ماصار ...
سالي :قلتها قبلك سعود مايتغير علي وش ماصار وبالاخير باعني مثل ماغيره باعني ,, بس لاتخافين أنتي بتزوجين وجنى قويه مابتقدر عليها وأخوانك عيال اللي الخوف عليهم أمك وهديل بس أنا مستحيل أتخلى عنهم ...
وهج بخوف :سالي لاتخوفيني ناصر مستحيل يتغير علينا وعشان مين عشان حرمه ...
سالي بصوت بارد :بتسحره شيوخ وبيصير مثل الخاتم بيد بنتها ...
وانقطع كلامهم يوم وصلوا البيت وانزلوا وتفرقوا ...
وهج دخلت على أمها بغرفتها وسالي راحت تنام ...
شافت أمها تقرأ قران جلست عندها ...
خلصت أم ناصر وشافت وهج للحين عليها عباتها وتعض اصابعها بحركه تسويها من كانت صغيره لحست بالخوف ..
أم ناصر :وهج وش فيك ...
وهج والدموع بعينها :يمه أنا خايفه سالي قالت كلام يخوف ..
أم ناصر اللي ماتمشي عليها سوالف سالي :وش قالت ..
وهج :تقول أن ناصر لاتزوج أبتهال عمتي بتسحره ..
أم ناصر :ايش الخرابيط هذي خالتك هذ ماهي صاحيه بعدين ليش راجعين بدري ...
وهج :سالي رجعتنا بدري تصدقين تقول بتحضر الفطور ..
أم ناصر :خليها تحضر والله يهدي النفوس ...
وهج :بس أخاف تمشكل مع عمتي شيخه مايكفي جنى اللي ماتعطيها وجه ولاتسلم عليها ...
أم ناصر :الله يهديها وش اسوي فيها خالتك سارقه عقلهم حتى هدول النتفه تطيعها وماتطيعني ...
وهج :يمه أخاف كلام سالي صدق ...
أم ناصر :لاحول ولاقوة الابالله أنتي ماتعرفين حركات خالتك تقول هالكلام عشان تخافين وتكلمين ناصر ...
وهج :طيب بكلمه ..
أم ناصر بعصبيه :وش تكلمينه أنخبلتي أنتي تبغين تخربين على أخوك أنا ماصدقت يقول بتزوج تخرب علينا خالتك بألاعيبها ...
طلعت وهج من عند أمها والافكار المرعبه عن اللي يصير بعد زواج ناصر من أبتهال محاصرتها ...
دخلت غرفة عادل اللي كانت اقرب غرفه صادفتها ورفعة جوالها بدون تردد ودقت على رقم ناصر ...
سلطان بعصبيه مصطنعه:ماتعلمت انت تصك جوالك بالأجتماعات المهمه...
ناصر وهو يناظر بالرقم :اللحين اجتماعي معك صار مهم ,, أووف لو تعرف من اللي متصل ...
ووراه الرقم .. سلطان ارتفع عنده الضغط لأنه من عطى ناصر الجوال كل مادق لقاه مقفل ولامايرد ولاقال لناصر قال أختي تستحي ...
ناصر :الووو .. هلا وهج .. وش فيك .. وهج اهدي ماني قادر افهم شي .. خالتي فيها شي ... اوووووف .. وبعصبيه :وهج اهدي قولي وش عندك ...
عمتي وش فيها ... لا أله الا الله .. وهج ولي يرحم والديك اهدي وقولي وش عندك ...ايه عفيه اهدي كذا وتكلمي حبه حبه أيه انا طيب ..لا أيش .. طيب مأتزوج طيب <<ناصر كان يهز راسه مع كل كلمة طيب >> ... طيب مارح أتزوج بس ليش .. يوووووه لاتبكين أنا اسمعك قولي ليش .؟؟!!.. ايه سالي وش قالت ... انا بتسحرني ايه ترى انا خبل ماني رجال ..
وهج من بين دموعها:لا ماكنت اقصد .. ايه هي تقوله وتقول بعد بتصير زي الخاتم بأصبعها ...وبتغير علينا ...ايه والله هي تقوله .. وجلست تبكي ...
ناصر بتفهم :طيب فهمت عليك,,, خلاص أنتي أهدي وأنسي كل اللي قالته خالتك ماراح أتزوج الا لاقلتي أنتي اتزوج تبغين شي ثاني ... مع السلامه ..
ناصر لسلطان اللي يطالعه وبعيونه سؤال :تدري يالسلطان لاتزوجت وهج وجتني يوم تشتكي منك أو نزلت دمعتها وأنت السبب ,,بذبحك وادفنك بدون ماينصلى عليك ...

رد: الزمن طبعه كذا للعاشقه ديرتها

الجزء الثامن عشر
الفصل الثاني

كانت سالي تحط أخر لمساتها على الميك اب يوم حست بدوخه قويه
بس تماسكت وماحسست وهج على اللي صابها ...
وهج وهي تلبس عباتها :يالله سالي خلصتي ...
سالي :ايه خلصت وش رايك ...
وهج : تجننين مو واضح عليك أي اثر للأرهاق ولاتعب ..
سالي :أكيد ولا مأكون سالي ...
تحاملت سالي على نفسها قد ماتقدر بس ماوصلت الى باب الشارع الا وانهارت كل دفاعتها وبصرخة ألم مكبوته ارتطمت بأرض الشارع الصلبه ...
كانت بدوامه قويه تعصف فيها وظلام يلتهمها وأصوات جايه من بعيد حاولت تسمع تفهم تركز بس الألم أقوى منها صحت بعد مده ماتدري كم كانت على سريرها والظلام الدامس يغطي الغرفه ...
حست بريقها ناشف حاولت تكلم تنادي وبعد صراع طويل همست بالضعف :وهججج ...
بس قالت هل كلمه أنفتح نور الغرفه ...
وهج بحب:سالي ياعمري صحيتي .. وجت تجلس عندها على السرير ...
جنى صبت لها ماء وجابته لها ...
سالي بعد ماشربت الماء:وش جالسين تسون بالظلام ..؟!!
وهج وهي تقرص خدها :نحتريك تصحين يالدلوعه حتى مأفطرنا ولاطب فمنا غير الماء ..
سالي :وأحد قالك تجوعين نفسك عشاني ..
هديل :شفتو قايله لكم نفطر أحسن من مقابل وجها وهي نايمه ..
سالي :هي أنتي هنا .. وبعدين من هذي اللي تكلمين عنها ..
هديل:لاهناك ... هذي خالتوو الغبيه سالي ...
سالي :طيب طيب ياهدول ..
جنى :والله فاضين يالله أمشوا نفطر ولا بتصومونا يوم كامل ...
وهج :وانتي ماعندك الى الأكل ...
جنى :وش فيك انتي خليك فطينه أحاول افض النزاع بطرق سلميه ...
سالي :أحلى الصراحه تصلحين رئيس لجامعة الدول العربيه ...
جنى :لاتكفين فكينا لاتدخلينا بالسياسه ...
هديل :يعني مطولين ابي فطور ..
سالي :جتنا الأخت صايمه ..
هديل :مولازم أصوم عشان أجوع ..
سالي بأستهبال :طيب يمه لا تأكليني وترى لحمي مرررر ..
على الفطور أصدمتهم وهج يوم قالت بفرحه :خلاص ناصر ماراح يتزوج...
جنى بأسئله متفرقه :ايش .. كيف .. وأنتي من قالك ...؟!!
وهج بفرحه :هو قالي ...
سالي بأبتسامة رضى:صدق وهج ... كذا تعجبيني بس هذا مو كل شي لأن أمك ماراح تسكت وأنتو كلكوا لازم تاقفون فوجه الزواجه هذي ...
جنى :الصراحه أنا صح ماطيق عمتي شيوخ بس بعد أبتهال مالها ذنب ..
سالي بقهر :وأنا اللحين قلت شي عن البنت اصلاهي على نياتها وأمها بتدخل بكل شئونها لو كانت قوية شخصيه ماقلنا شي بس ضعف شخصيتها بيوصل أمها للبيتكم هنا وبتأخذ منكم ناصر ... وكملت بعد ماشفت نظرات الخوف والذعر وخاصه بعيون هديل ووهج :وأنتي ياجنى المفروض تفهمينها هالكلام ولو بطريقه غير مباشره ...
جنى :وش افهمها اصلا وش اقولها ...
سالي :مايبغالها ذكاء لمحي لها ان وجودها بهالبيت غير مرحب فيه وأن ناصر كان بيخطب بنت خاله وماخطبها الا تحت اصرار أمه ..
جنى بتردد :اصلاهي تحب واحد ثاني ..
سالي بأشمئزاز :ياعيني ياعيني ايه وايش كمان ..
جنى :سالي ياويلك أن طلعتي هالكلام ..
سالي :ياويلي من مين ان شاءالله ...
جنى بالترجي :سالي بليز فرقي بين ابتهال وأمها لاتظلمين البنت الظلم ظلمات يوم القيامه ..
سالي بملل :طيب خلاص فهمت بس لاتستفزيني ولاترى مأضمن لك لساني ...
هديل بفرحه :نسيتووووووووو حره أنا اللي بقولها ..
جنى بغباء: وش نسينا ..
هديل :مالك دخل .. خالتوووووو شفتي خالي سعودد وش يقووول...
سالي بنفس طريقتها:ووووووش يقوووووووول ..؟!!!
هديل :خلاص ماراح تزوجين ...
سالي بالصدمه :وشوووووو ..
وهج :لا مو كذا هوقال بيكلم ياسر عشان يجلون العرس ..
سالي بعصبيه :ياسلام على كيفه هووو ..العرس بيتم بوقته المحدد ولاهمني لاسعود ولاوياسروووه ...
وهج باستغراب :توقعتك تنبسطين ..
جنى :حتى أنا ..
هديل :حتى أنا ..
سالي :وأنا مانبسطت تبغون تبسطوني قولو طلقك مو اجل العرس ..
وهج :اووووف منك وش طلقك بعد فال الله ولافالك ...
سالي :ايه صح وش رايكم تجون معي كلكم للقصيم ..
هديل :انا ماعندي مانع ..
سالي :انا ماكنت اقصدك بكلمة كلكم ..
جنى :والله فكره مش بطاله زمان عن القصيم وبالمره نشوف جهازك ...
سالي :وععععع لاتذكريني ...
___________
وعند ياسر وسعود ..
سعود :والله شكلك تضايقت ...
ياسر :أكيد بتضايق أجل تبغاني أرقص وأغني ...
سعود :شلون يعني تبغى نسوي عرس والعروس كل شوي طايحه علينا ...
ياسر بقهر :تصدق لو كنا فمكان ثاني كان عرفت أرد عليك ...
سعود :ليش وش قلت أنا ...
ياسر :اللحين أنت وجهك تحسب أني متضايق عشان تأجيل العرس ...
سعود اللي فهم عليه قال بخبث:أجل ليش ...
ياسر:مو لازم تعرف ...
سعود :طيب طيب مو لازم أعرف ... بس ماتلاحظ شي على ناصر ..؟!
ياسر :لاأنت ملاحظ شي ...
سعود :أيه ماتشوف نايف بس لازق فيه ..
ياسر بعدم أهتمام:وأنت وش حارك لاتكون تغار على ولد أختك ...
سعود اللي قهره تطنيش ياسر:أصلا أنا الغلطان اللي بعطيك خبر الساعه..
ياسر :ماشاءالله وش هالخبر ...
سعود :السالفه فيها زواج بس تطبخ على نار هاديه ..
ياسر :ماشاءالله مبروك مابغيت تلحلح وتفرحنا ...
سعود :ياسخفك يالرجال سوها أنت قبلي عشان اتشجع ...
ياسر :خلاص ولايهمك بكره أخذ الثانيه ..
سعود :سوها شف وش يصير والله لتذبحك سالي أنت وياها ...
ياسر :يعني أختك ماترحم ولاتخلي رحمة ربي تنزل ...
سعود :قويه بس واصله ..
ياسر بالدهشه :سعود عن حركات الاطفال وش واصله بعد هذي ...
سعود :حركات أطفال بعد أجل يبيلها بهارات ...
ياسر بقهر :سعووووود ...
سعود بضحكه قويه لفتت الانظار عليه :خلاص امزح يأخي ...
وأنتبه على الانظار المصوبه عليه وأبتسامه رجعته طفل رجع كلا للي كان يسويه ...
ياسر بحقد :زين كذا فرجت الناس علينا ..
سعود :وأنت شكو أنا اللي فرجت الناس علي ....
ياسر :الله يسامحك الناس وش تقول عني كل هالرزه والهيبه وأمشي مع مطفوق ...
سعود اللي غير الموضوع :الا وين بتودينا الليله ..
ياسر :مأدري اذا تبي تجي معي للمزرعه ..
سعود :أنا وأنت بس مأنت عازم أحد ..
ياسر :لا وشلنا بالشقى أنا عندي كم شغله هناك تجي معي نتمشى نغير جو ونبيت هناك ...
سعود :أيه بس لازم ارجع من بدري أنا وسالي بنطلع للقصيم ...
ياسر بضيق :مو تقول تعبانه وش هوله السفر وشحططه ...
سعود :هذي رغبتها و.....
ودق جواله وقطع كلامه ..
كمل سعود :وقلت القط جاني ينط ...
ضحك ياسرضحكه بسيطه لها ألف معنى ومعنى ..
وبالصدفه رفع عينه وطاحت بعينه أبوه اللي الله أعلم من متى يراقبه ..؟؟!!! طولت العيون متشابكه لين قطعها سعود اللي نادى على ياسر
ياسر :هاه ..
سعود :وين رحت يالرجال ..
ياسر بلفه بسيطه على أبوه وشافه يتكلم مع واحد من معارفه :ولاشي موجود معك .... بس القلب بعيد يا ياسر ولا ...
_________________
الساعه ثلاث الصبح
كانت تأكل أصابعها من توتر تنتظر فاتن ترد عليها بعد ماشرحت لها كل الخطه مرفقه بالصوره ..
دخل للبيت وبملل فتح التلفزيون بيتابع أي شي بس يوخر الملل عنه ...
وبلمحه خاطفه شاف لاب توب على طاوله في الجهه الثانيه من الصاله والغريبه كان مفتوح وأهله كلهم نايمين ...
أخذه وحطه فحظنه أنتبه على اشارة رساله بريديه قادمه وبدون أي أحساس بالذنب فتحها ثواني وطلعت عنده الصوره اللي اصدمته ...
وتحتها كلام كثير تغاضى عن الصوره وجلس يقرأ المكتوب وهو يتلقى الصدمه خلف الصدمه .. فاتن فارس رحاب خالد وخلود يعرف ثلاثه وثنين مجهولين ولانقول ثنتين مجهولات بالنسبه له رجع يقرأ الكلام مره ثانيه وثلاثه خطه وأنتقام وتدمير وتأنيب ضمير أنتبه على أشارة التنبيه للمحادثه مصغره تحت .. وبأسماء صريحه فاتن وخالد ...
كانت المحادثه طويله بس أهم شي اخر شي فيه وهو سؤال خالد اللي ماجوبته عليه فاتن لأنها ماهي موجوده وكان السؤال متكرر كذا مره وبصيغ مختلفه ...
خالد :فاتن أرسلت لك الخطه..؟!!! ,,, اووووف فاتن وينك وصمخ ,, فاتن الله يلعن ... ردي ... ياويلك أذا كنتي بتلعبين بذيلك من وراي ... فاتن والله اذا جاء بنت عمي منك أو من الملع .... شي .. وكلام كثير كله تهديد ووعيد حاول يستوعب اللي يصيربس ماهو قادر الموضوع يلفه الغموض .. أخذ الايميلين كلهم أيميل خالد وايميل رحاب وطلع غرفته ...
فتح كمبيوتره توه بيشتغل سمع صوت أذان لاموأذان (الصلاة جامعه الصلاة جامعه ) ردد بنفسه خسوف سبحانك يالرب ذنوب البشر ذنوب يالرب ... يارب رحمتك يالرب ... طلع من غرفته طاحت عينه على فاتن اللي نازله من غرفتها والجوال بيدها وتكلم سألها بدون سابق انذار :فاتن تدرين هذا وشو ..؟؟!!!
فاتن بالرعب :يمه من وين طلعت انت ..
نايف :أن سألتك ...؟!!
فاتن :تشوفني كنت أكلم مأنتبهت على كلامك ...
نايف :تدرين هذا وشو .. وسكت عشان تسمع ..
فاتن بساطه:ايه ينادون لصلاة الخسوف ...
نايف :وليش تقام صلاة الخسوف ...
فاتن :ليش حلوه ذي لأن القمر خسوف ...
نايف :وليش خسف القمر ..
فاتن :وش قالو لك عالمة فلك ...
وطنشته وبتنزل ..
نايف :من ذنوب الناس يالفاتن من ذنوبهم حتى الرمضان ماقدسوا حرمته وأنتهكوها ...
فاتن بالرعشه بالسيطه :ليش تقولي هالكلام ...
نايف :مأدري طرى علي وأنتي أول من صادفت فقلته لك ... أنا طالع أصلي ...
ومر من عندها بدون أي كلمه زياده شافته يطلع ويصك الباب اللي وراه معقوله سمع مكالمتها لا مستحيل بعدين حتى لو سمعها يحسبها تكلم سالم ... هزت راسها تطرد الافكار المجنونه اللي صابتها ونزلت تحت
شافت المحمول حقها وبصوت ملان :اوووووف نسيت الغبي هذا والغبيه الثانيه والله هالراشد سحرني بس مصيره مثل غيره ,, وجلست تضحك يوم تذكرت طلال اللي كان لاصق لها ومأفتكت منه لين عرفت على وحده من شلتها وعايشين هو وياها قصة حب ... ضحكت وماتت الضحكه يوم شافت رساله وارده مفتوحه بس ثواني ورجعت تضحك والله ساحرني هالراشد اكيد يوم كلمني فتحتها ومع الارتباك نسيتها اصلا لاكلمته أنسى حتى نفسي ...
قرت الخطه اللي حستها سخيفه وأرسلتها لخالد وتندمت أنها أرسلتها له بعد ماشفت تهديداته وبعد هوشه بسيطه فضلوا الصلح عليها عشان يكملون المشوار ...
خالد :خلاص عاد قلت لك أسف الا متى عاد ...
فاتن :اذا تبغى تمشي معي لاعاد تسوي حركات النص كم هذي وتهديداتك ذي ماتنفع معي ...
خالد :أجل دامك رضيتي علينا اسمعي وش بتسوين .................... الخ
فاتن :بس أنا مأقدر خلها بعد رمضان ...
خالد :حلو ذي بعد رمضان لاتكون الشريفه تطوعت ..
فاتن :شريفه غصبا عنك...
خالد :طيب ماقلنا شي بس بتجيبينها بكره معك ..
فاتن :قلت لك مأقدر ...
خالد :الا تقدرين بعدين لاتخافين بالراعي ربنا فيها بس بربيها شوي عشان مره ثانيه بس تفكرفيني تخر ساجده لربها اللي فكها مني ..
فاتن :شكلك مأنت ناوي على خير ..
خالد :ليه وش متوقعه مني اسامحها ولا اضربها وأقول مره ثانيه لاتعيدينها ياحلوه ...
فاتن :وأخرتها يعني ..
خالد :جيبيها بكره وتشوفين أخرتها ...
فاتن :بس ترى أول ماتطلع أنت بالصوره أنا بطلع ..
خالد :ولايهمك تطلعين ليه لا ,, أجل وش بتسوين بينا الحساب بينا أنتي بس فاعلة خير ...

رد: الزمن طبعه كذا للعاشقه ديرتها

وبعدها بالست ساعات ...
رحاب وفاتن بالسياره

رحاب :الصراحه استغرب وش هالكلام اللي مايصلح بالجامعه ومايتم الا بالشقه ...
فاتن بالضحكه :مسويه عمرك مو فاهمه ...
رحاب:أنا موفاهمه لاحبيبتي غيري اللي موفاهم متى بنوصل للمكانك السري ..
فاتن بتردد :رحاب تراها شقه لاتقولين ماني داخله ..
رحاب :وليه مادخل الصراحه أنتي غريبه اليوم ولاكأنا بنحتفل الليله بالنجاح الخطه ..
فاتن :أنتي أدعي انا نتوفق مع انتي أحسها سخيفه شوي مو على قد اللي سواها فينا ...
رحاب :ماحسبتيها صح يافاتن هالخطه رغم بساطتها بس لها أبعاد مو لازم التكون الضربه قاضيه نغرس بقلبه دبوس سهله بالنسبه لنا بس بتقضي على قلبه المريض هو اصلا منتهي من زمان منغمس بالظلام من زمان حنا كل اللي بنسويه أن بنريح ضميره وخليه يرتكب كل مفاسده بدون ألم لأنه يخون حبيبته وبنت عمه,, أنتي ماتعرفين شعور اللي ينصدم بملاكه الطاهر كيف شعوره ضربه بالصميم ماتذبح جسده بس تقضي على الروح والأسوى انك تطيح من عين اللي حبيته خلاص نهايه بارده لقصة عشق خرافيه
...تدرين وش اللي يسلي بالموضوع أن خالد يحب والله نكته قلبه القاسي
عرف معنى الحب بس صدقيني قد ايش بيتحطم على صخرة الواقع مافيه شي أسمه حب واللي ذاقه غيره بيذوقه اليوم مو بس هو اللي يعرف يخدع ويغتال القلوب بريئه بلحظة غفله بنغتال قلبه
ودي بس أشوف وجهه فذيك الساعه ...
فاتن بضحكه:ماشاءالله الأخت حكيمه ..
رحاب:لا الأخت رحاب ...
فاتن :هذي هي البيانه يالله نطلع ...
رحاب بالثقه :يالله نطلع ... >>> مو كانها واثقه من نفسها أكثر من اللازم ..!!!!!
فتحت فاتن الباب ودخلوا وفسخت عباتها وتبعتها رحاب بحركتها ...
فاتن :وش لابسه أنتي ..توقعتك لابسه لبس الجامعه ..
رحاب :وليه ألبسه وانا ماني راجعه للجامعه .. انتي بترجعين ..؟؟!!
فاتن بأرتباك :لا من حبي لها ارجع لها ...
خالد :حيا الله حبايبنا مابغيتوا تشرفونا ...
رحاب بحركه محترفه وقعت الشنطه وشهقت بالصدمه :خال ..د ..
خالد بأنبهاربشكل رحاب:ياعيونه ...
فاتن بارتباك :أنا بطلع وأنتوتفاهموا مع بعض ... وتحركت بتطلع ..
رحاب مسكت يدها وبخوف :تعالي وين بتروحين وتخليني والحقير وش يسوي هنا ...
خالد :لا لا ليه الغلط البنات الحلوه مثلك المفروض تكون محترمه بعد بالكلام بعدين أنتي اللي جايتني بالرجليك لحد عندي ولا انا غلطان يافاتن ...
فاتن :لا وش غلطان كلك نظر أنا احاول أصفي النفوس ...
رحاب بخوف وهلع :فاتن وش قاعده تقولين انتي جالسه تلعبين علي حرام عليك .. فاتن أبوس رجلك خليني أطلع معك ...
خالد :الصراحه أطلعت أختك وش اسمها ياربي وسوى نفسه يتذكر :رغد صح اسمها كذا ولاتسوى شي عندك ...
وبحركه سريعه طلعت فاتن من الشقه بعد ماغمزتها ...
رحاب بقهر: وش تبي فيني قول وش تبي مو كفايه اللي سويته بأختي رايح تنبش من وراي وتأمر مع كلب ... مثلك على الغدر فيني ...
خالد :ماسمعتي ياحلوه أنا حبل الكذب صغير ,,, وجلس يتأملها شوي :براءت أختك تشع من عيونك وش لك بميدان الذئاب ماكنت بعيده ليش تغامرين بنفسك بصفقه خاسره ...
رحاب بحقد :لأني اكرهك وبضل طول عمري أكرهك وأدعي عليك ماسمعت ان دعوة المظلوم مجابه ...
خالد :وين الظلم أذا قصدك أختك كانت راضيه ...
رحاب بصراخ ودموع القهر تغسل وجها :خدعتها أختي كانت مخدوعه قصيت عليها بخبثك وهي صدقتك برأتها ... وانخفض صوتها :ليش ياخالد قولي ليش ..؟!!!
أنت وغيرك ليه تسوون فينا كذا ليش تجلبون لنا العار...
خالد بنرفزه :انتو اللي تجيبون لنفسكم العار لأنكن واطيات ...
رحاب بقهر :الله يلعن ... أنت الواطي مو أنت اللي جريت ورى أختي وساعدنك صديقات السوء ... وبصراخ :رد علي مو أنت ...
خالد :هذا اللي انتي تحسبينه بس اللي ماتدرين عنه أن أختك أوطى بكثير من الصوره اللي راسمتها فبالك أنا ماكنت أول واحد بحياة أختك قبلي كثير بس أنا الوحيد اللي حبته .. وضحك ببساطه تبين تشوفين وطلع لها ألبوم مليان بالصور لرغد ومع اشخاص كثير وتواريخ متفرقه صور تشيب شعر الرأس ...
رحاب بالصدمه :لاكذاب هذي صور أنت مسويها أنت حقير تبغى تخرب صورة أختي بعيني ,, بس أنا واثقه رغد اختي مستحيل تسوي كذا ....
خالد :الا تسوي مو أخت فارس تسوي اللي أكبر من كذا بعد وبعدين شوفي نفسك اللحين جالسه تمشين على نفس طريقها ...
رحاب :أنا بنتقم لأختي صدقني بنتقم منك ...
خالد قرب منها :وليش الانتقام وتضيع الوقت تعالي نعيش حياتنا وشيلي كل هالأمور من راسك تعالي يالرحاب ...
حست رحاب بهزة الجوال بشنطتها مسحت دموعها لين مابقى أثر لها ..
قربت منه وهو بضحكه عدم تصديق حط ايديه ورى ظهرها ...
وقربها أكثر منه وأنفتح الباب ......
خالد بضحكه:فاتن خلاص مشكوره على الخدمات دبرنا أمورنا من غيرك ....
بس اللي صدمه الصوت الرجولي اللي وصله ...
طارق :ايا لحقير يالكل...من فاتن بعد مو كافيك اللي بين يديك كم وحده تعرف ياحيوان حتى رمضان مأحترمته ...
خالد بالصدمه رمى رحاب عنه وبتلعثم بيتكلم مو قادر كيف .. وشلون ...
خلود بالصياح :طارق خلاص أمش خلينا نطلع من هنا شفنا اللي يكفي ...
طارق بقهر :لاموالحين هذا الحيوان اللي ظربتك عشانه الكل .... مايسوى شعره من رأسك وهجم عليه يضربه ...
رحاب خطفة عباتها وطلعت بعد ماغمزت خلود ...
وتحت لقت فاتن تنتظرها بالسياره أركبت معها..
وبلهفه سألتها فاتن :وش صار ...
رحاب والفرحه مو سايعتها :خلاص يافاتن الخطه تمت زي ماكنا مخططين لها ...
فاتن :والتوقيت ...
رحاب :تمام التمام بس قربني منه دخلوا الحمدالله يالربي لوتأخروا شوي مأدري وش كان بيصير ...
فاتن :اموت واعرف ليش غيرتي خطتك اللي كانت قبل ...
رحاب :خفت ربي أنا كان هدفي الانتقام من النذل هذا بس ومابغيت أشرك فارس بالعبه لأنه فاسد مثله ماراح يكتفي بتمثيل ...
فاتن :واللحين ..
رحاب :الله يتوب علينا أن خلاص بنسى هالموضوع بدون رجعه وبالسافر عند عمي مكه ...
فاتن بأستغراب:عندك عم بمكه ...
رحاب :أجل وش قالوا لك مقطوعين من شجره ...
فاتن :ماقصدي بس ماعمرك جبتي طاريهم ..
رحاب :لأن علاقتنا مقطوعه معهم أهلي مايعترفون فيهم لأنهم أقل منهم من الناحيه الماديه بس أنا كلمت أبوي وأقنعته أروح أعيش عندهم ...
فاتن :الله يوفقك بحياتك ...
رحاب :امين وانتي أنتبهي على نفسك ..
فاتن هزت راسها بأيه وهي مقتنعه بداخلها أنها ماتقدر تصير مثلها أبد هي خلاص أدمنت هالطريق ماتقدر تتكره ...

في بيت أبو ناصر ومحاولات مستميته من وهج وجنى فاقناع أمهم ...
وهج :يمه والله ملل هنا اووف نبي نروح القصيم من متى مارحنا ..
أم ناصر :وأنا اللحين قايله لا بس خلصوا دراستكم ونسافر ...
جنى :لا باقي كثير حنا نبي اليوم ...
أم ناصر بأصرار :اليوم لا ..
جنى بأحباط :اوووووف أنا طالعه أنام ...
ام ناصر :اللحين يوم بيأذن مابقى غير نص ساعه ...
جنى :يمه شلي من راسك أني بفطر مع الناس المتخلفه هذي ..
أم ناصر :جنى ...
جنى :يمه لاتحاولين ...
ام ناصر :اذا هذي تصرفاتك قولي من بيتزوجك ...
جنى بقهر:أحسن بعد ..
وطلعت تركض مع سلم وبفكرها نايف يعني اذا هو يحبها أو مهتم فيها مثل ماحست بنظرةعيونه معقوله توافق عليه تزوجه مستحيل الا اذا بيتبرأ من أمه ...ماعندها مانع .. بس بتقدر تزوج غيره .... هزت راسها وبصوت مسموع :اللي يسمع يقول خاطبني اللحين ...
ولو خطبني اوووووف جنى شكلك جنيتي ... اللحين خلينا بعرس سالي ...
2شوال 1427
الساعه السادسه مساء
سالي بتأفف :وهج شوفي الغبيه هذي بتقطع لي شعري ...
الكوافيره :شو بدي أعملك أنتي اللي مو راضيه أعملك توصيل ...
سالي :تبغيني أكون ملعونه بس عشان عرس ولا وش عرفك أنتي يالمتخلفه ... وصرخت قسم بالله أذا مأحترمتي حالك وتركتي شعري بحاله
لأقوم وأنتف لك هالشعرتين اللي براسك ...
وهج بضحكه مكتومه :ولاموعروس وحش ...
سالي :ماسألتك .. اي ..
الكوافيره :والله بالسماه ماعملت لها حاجه ...
سالي :ايييييييه انتي كنت أتوجع من راسي مصدع ...
لبنى بنت سعد :خالتي أجيب لك بنادول ...
سالي :أنا قلت جيبي ..
لبنى :لا ...
سالي :أجل خلاص ولاكلمه ولاطلبت جيبي ...
وبعد ماخلصت الكوافيره الميك اب ...
طالعت سالي بوجها بالمرايه وبعدم رضى قالت :وش ذا انا ماقلت أبي كذا أمسحيه ...
وهج :سالي والله حلو ..
لبنى :خالتي صدقيني بتندمي خليك على هذا حلو ...
سالي :أحد طلب رايكم اللحين بتمسحينه ولا ايش ...
الكوفيره :يعني مابدك هيك طيب كيف بدك ...
سالي :يوووووه أنتي حالتك صعبه أنا رايحه أغسل وجهي ... ووسط ذهولهم دخلت دورة المياه وبعد دقايق طلعت وهي غاسله وجها وشعرها ...
الكوفيره اللي سوت لها شعرها :لا ليش هيك ...
سالي :ميزاج عندك مانع ترى مو متفضلين علي أنا دافعه لكم وكل هالتعب بتأخذون حقكم عليه ...
تأففت الكوافيره وبنص شغلها قالت سالي :يووه لا وش سويتي أنا اللحين قلت كذا ...
الكوافيره :لابليز مو تاني ....
سالي بعناد :تاني وتالت كمان يالله سوي اللي قلت لك ....
لبنى :خالتي حرام عليك ارحميها ...
سالي :ارحمها وأنا أطلع سعلوه أتحمل هذا شغلها ...
ومع عناد سالي ومرواغاتها الكوافيره مأقدرت تحمل وجلست تبكي ....
لبنى و وهج حاولوا يراضونها وسالي نزلت تحت للمطبخ تأكل لها شي وبالطريق صادفت ناصر اللي قال بأستهبال :يمه وش ذا لاتكونين بتبقين كذا بتروعين ولد عمي..
سالي :ياليت ...
ناصر :وش منزلك والله عرايس أخر زمن مايعرفون يدخلون المطبخ الا ليلة عرسهم ...
سالي :الخبله هذي جالسه تبكي ...
ناصر :مين وهج ....
سالي :لا ..
ناصر :أجل مين ..
سالي :الكوفيره ...
ناصر بذكاء :وش سويتي فيها يامجرمه ..
سالي :ماسويت شي بس هي ماعندها قدره على التحمل ...
ناصر :حرام خافي ربك بالضعيفه .,..
سالي بملل:ايه طيب وخر عني بنزل ...
ناصر :لا وش تنزلين انتي روحي حجرتك وأرسلي أي أحد يجيب لك اللي تبين ..
سالي باستخفاف :والله أنك طيب بس أنا أبي أجيب اللي أبي بنفسي ...
ونزلت تحت وهي فالمطبخ تدور أي شي بس تفرغ فيه القهر اللي بداخلها شافت واحد من عيال سعد أخوها ومعه كاكاو ...
سالي :هلا والله بحيبيبي تعال ياقلبي تعال ...
قرب الصغير منها بخجل ..
سالي وهي تبوسه :انت مهند ...
الصغير :لاتلال ...
سالي :يألبي تلال طيب معك واحد ثاني ...
الصغير هز راسه ايه ...
سالي بتمسكن :طيب عطني ...
الصغير على طلع لها واحد من جيبه ... وأخذته سالي منه بفرحه طفوليه ...
طلعت لفوق وهي تأكله ...
أول مادخلت الغرفه ...
وهج ولبنى بالصرخه :لا ..
سالي براءه :وش فيكم ... وقربت من المرايه تطالع شكلها فيها :يوه وش سويت خربت الدنيا بس ماكنت قاصده مأدري كيف طلع كذا ...
وبعد مجهود كبير قدرت الكوافيره تسويها ...وبعد ماخلصت ...
الكوافيره :شو هيك عاجبك ولانعيد من جديد ..
سالي :لاخلاص كذا يمشي الحال ...
سالي :وهج الساعه كم ...
وهج اللي مسويه شعرها والميك اب بس باقي تلبس :عشره يالله جاء وقت الفستان ...
سالي : لا أنتظري شوي بأرتاح احس الصداع رجع لي ...
وبعد عشر دقايق دخلت عليهم لبنى وجنى ...
لبنى :ماشاءالله خالتي طالعه قمر ...
سالي :من يومي قمر مأحتاج مدحك ...
لبنى بضحكه :طيب يأحلى خاله يالله عشان تلبسين فستانك يبيله شغل ...
سالي بخبث بتلعب بأعصابهم :طيب دامه يبيله شغل بلبس أي فستان مو شرط هو ......
جنى بصرخه :لا سالي واللي يرحم والديك مو وقته ...

رد: الزمن طبعه كذا للعاشقه ديرتها

الجزء التاسع عشر
الفصل الأول

2شوال 1427
الساعه السادسه مساء
سالي بتأفف :وهج شوفي الغبيه هذي بتقطع لي شعري ...
الكوافيره :شو بدي أعملك أنتي اللي مو راضيه أعملك توصيل ...
سالي :تبغيني أكون ملعونه بس عشان عرس ولا وش عرفك أنتي يالمتخلفه ... وصرخت قسم بالله أذا مأحترمتي حالك وتركتي شعري بحاله
لأقوم وأنتف لك هالشعرتين اللي براسك ...
وهج بضحكه مكتومه :ولاموعروس وحش ...
سالي :ماسألتك .. اي ..
الكوافيره :والله بالسماه ماعملت لها حاجه ...
سالي :ايييييييه انتي كنت أتوجع من راسي مصدع ...
لبنى بنت سعد :خالتي أجيب لك بنادول ...
سالي :أنا قلت جيبي ..
لبنى :لا ...
سالي :أجل خلاص ولاكلمه ولاطلبت جيبي ...
وبعد ماخلصت الكوافيره الميك اب ...
طالعت سالي بوجها بالمرايه وبعدم رضى قالت :وش ذا انا ماقلت أبي كذا أمسحيه ...
وهج :سالي والله حلو ..
لبنى :خالتي صدقيني بتندمي خليك على هذا حلو ...
سالي :أحد طلب رايكم اللحين بتمسحينه ولا ايش ...
الكوفيره :يعني مابدك هيك طيب كيف بدك ...
سالي :يوووووه أنتي حالتك صعبه أنا رايحه أغسل وجهي ... ووسط ذهولهم دخلت دورة المياه وبعد دقايق طلعت وهي غاسله وجها وشعرها ...
الكوفيره اللي سوت لها شعرها :لا ليش هيك ...
سالي :ميزاج عندك مانع ترى مو متفضلين علي أنا دافعه لكم وكل هالتعب بتأخذون حقكم عليه ...
تأففت الكوافيره وبنص شغلها قالت سالي :يووه لا وش سويتي أنا اللحين قلت كذا ...
الكوافيره :لابليز مو تاني ....
سالي بعناد :تاني وتالت كمان يالله سوي اللي قلت لك ....
لبنى :خالتي حرام عليك ارحميها ...
سالي :ارحمها وأنا أطلع سعلوه أتحمل هذا شغلها ...
ومع عناد سالي ومرواغاتها الكوافيره مأقدرت تحمل وجلست تبكي ....
لبنى و وهج حاولوا يراضونها وسالي نزلت تحت للمطبخ تأكل لها شي وبالطريق صادفت ناصر اللي قال بأستهبال :يمه وش ذا لاتكونين بتبقين كذا بتروعين ولد عمي..
سالي :ياليت ...
ناصر :وش منزلك والله عرايس أخر زمن مايعرفون يدخلون المطبخ الا ليلة عرسهم ...
سالي :الخبله هذي جالسه تبكي ...
ناصر :مين وهج ....
سالي :لا ..
ناصر :أجل مين ..
سالي :الكوفيره ...
ناصر بذكاء :وش سويتي فيها يامجرمه ..
سالي :ماسويت شي بس هي ماعندها قدره على التحمل ...
ناصر :حرام خافي ربك بالضعيفه .,..
سالي بملل:ايه طيب وخر عني بنزل ...
ناصر :لا وش تنزلين انتي روحي حجرتك وأرسلي أي أحد يجيب لك اللي تبين ..
سالي باستخفاف :والله أنك طيب بس أنا أبي أجيب اللي أبي بنفسي ...
ونزلت تحت وهي فالمطبخ تدور أي شي بس تفرغ فيه القهر اللي بداخلها شافت واحد من عيال سعد أخوها ومعه كاكاو ...
سالي :هلا والله بحيبيبي تعال ياقلبي تعال ...
قرب الصغير منها بخجل ..
سالي وهي تبوسه :انت مهند ...
الصغير :لاتلال ...
سالي :يألبي تلال طيب معك واحد ثاني ...
الصغير هز راسه ايه ...
سالي بتمسكن :طيب عطني ...
الصغير على طلع لها واحد من جيبه ... وأخذته سالي منه بفرحه طفوليه ...
طلعت لفوق وهي تأكله ...
أول مادخلت الغرفه ...
وهج ولبنى بالصرخه :لا ..
سالي براءه :وش فيكم ... وقربت من المرايه تطالع شكلها فيها :يوه وش سويت خربت الدنيا بس ماكنت قاصده مأدري كيف طلع كذا ...
وبعد مجهود كبير قدرت الكوافيره تسويها ...وبعد ماخلصت ...
الكوافيره :شو هيك عاجبك ولانعيد من جديد ..
سالي :لاخلاص كذا يمشي الحال ...
سالي :وهج الساعه كم ...
وهج اللي مسويه شعرها والميك اب بس باقي تلبس :عشره يالله جاء وقت الفستان ...
سالي : لا أنتظري شوي بأرتاح احس الصداع رجع لي ...
وبعد عشر دقايق دخلت عليهم لبنى وجنى ...
لبنى :ماشاءالله خالتي طالعه قمر ...
سالي :من يومي قمر مأحتاج مدحك ...
لبنى بضحكه :طيب يأحلى خاله يالله عشان تلبسين فستانك يبيله شغل ...
سالي بخبث بتلعب بأعصابهم :طيب دامه يبيله شغل بلبس أي فستان مو شرط هو ......
جنى بصرخه :لا سالي واللي يرحم والديك مو وقته ...
سالي :جنى وجع أنا جالسه قدامك ماله داعي كل هالصراخ ..!!
بعد عشر دقايق ...
لبنى :يالله خالتي تلبسين الفستان ..
سالي بأنفعال :بليز شيلي هاللهجه الأمره من صوتك لأني مأحب أحد يأمرني أذا تعدل ميزاجي أنا بقوم وألبسه بالنفسي ...
وهج بعصبيه :سالي بليز مو حاله هذي صايرت لنا طفله مايكفي أنك رفضتي تتزينين فجناحك بالفندق اللحين بالله عليك قولي كيف بتلبسين الفستان وتروحين للقاعه ...
سالي:كل اللي أسويه من الحره اللي فيني مسوين لي عرس وهيصه وكل اللي حولي مبسوطين بس أناللي مفروض اكون عروس وهذا اسعد أيام عمري مقهوره واحس بالنار تحرقني داخل قلبي ماني قادره أتحمل أنا مأدري كيف وصلت لهالمرحله وماجنيت ...
جنى بالدهشه :سالي حبيبتي وش قاعده تقولين لاتكوني خايفه ..!!!
لبنى :عادي شي طبيعي بتوتر وتخاف ...
سالي اللي يأست أحد يفهمها :هذاك أنتي مو انا .. واللحين اطلعوا بلبس ...
لبنى :كنت بقول بساعدك بس داريه ماراح ترضين والأفضل وهج تبقى معك تساعدك كبدايه ...
سالي :خلصتي يالله برى وأذا احتجناك بناديك ...
وبعد ماطلعوا ...
سالي :أقول وهج وش رايك تلبسينه بدالي ...
وهج :سخيفه وربي سخيفه ...
سالي :طيب لاتبكين ماني غاصبتك تلبسينه ...
وهج :مارح ارد عليك لأني مأبغى فأخر يوم اشوفك فيه نتخانق ...
سالي :من قالك أنه اخر يوم راجعه لكم ياحبيبتي وبأسرع مماتتوقعين ...
وهج :طيب يالواثقه أرفعي راسك فوق ...
سالي بأستهبال:أنا دايم رافعه راسي ...
وهج بقهر :سالي والله لأعفس لك شعرك أنا ماتعدلتي ...
سالي :طيب بس بشويش ... أحس فروة رأسي تحكني ...
وهج :شي عادي كم مره استشورت لك شعرك اليوم ...
سالي :كثير ماعديتهن ...هاه خلصتي ...
وهج :لاباقي الطبقه الثانيه لازم يدخلون البنات يساعدوني ..
سالي :طيب بسرعه ترى أذا فقدت اعصابي بخرب عليكم كل شي ...
وبعد ساعتين كانوا فالقاعه واقفين عند المدخل اللي بتدخل منه سالي ومصورتين قدامهم ...
سالي : أسمعوا مأبي احد يقرب مني ...
لبنى :ماكان كذا اتفاقنا لازم أحد يكون معك فستانك مره طويل من قدام كيف بتقدرين تعاملين معه بدون مساعده ...
سالي :لاتخافين ماراح اطيح وافشلكم بس لأحد يقرب مني لين اجلس على الكوشه ...
وهج :على الأقل هديل تكون معك ...
سالي بأصرار :قلت لا يعني لا ومأبي احد يمشي وراي بعد ...
جنى بصرخة أحتجاج :لا عاد قويه هذي ...
سالي :بليز أدخلوا وجلسوا بمكان استراتيجي عشان تشوفني كويس ولاترى برجع من مكان ماجيت ...
وهج :سالي خلينا معك ...
ويوم شافت سالي مطنشتها وقاعده تعدل عقدها لحقت بى جنى ولبنى اللي كانوا سابقاتها للقاعه ...
سمعت صوت الموسيقى يبدأ هادي وكل ماله يعلى ...
تحركت بعد ماعطتها المصوره اشاره ...
مالقت أي صعوبه فالتعامل مع فستانها وكانت تمشي بكل سهوله وعيونها على الموجودين وتوزع على اللي تعرفهم ابتسامات واثقه شافت كم بنت تعرفهم من الجامعه ومعهم عبير يأشرون لها بحماس ويصفرون ... رفعت راسها لهم واشرت بالمسكه ولا همها اللي بيقولونه الناس عنها ,, كملت طريقها للكوشه وأول ماجلست جتها امها وأم ناصر وحريم كثير يسلمون عليها ... توها بتجلس جوها جنى ولبنى وهج ومعهم أبتهال ...
وجلسوا يهذرون على راسها ويصورون معها ...
وسألت هي أبتهال بخبث :وين أمك يأبتهال ..؟؟!!!
أبتهال :أتوقع أنتي ادرى ...
ضحكت سالي بميوعه وقالت :ترى امزح مأقصد شي ...
وقطع كلامهم صديقاتها اللي من الجامعه جايين يسلمون عليها ...
وجت بعدهم فطوم وبسمه وخوات فطوم وبناتهن ...
جنى بهمس لوهج :ووووعععععع وش هالجياكر ...
وهج بضحكه مكتومه :شوفي كيف عيونهن شوي وتأكل سالي ..
جنى بمزح :لاتكون أم مطلق معهن بس متنكره ...
وهج :ماتضحك اسمعي المدح والله من النفاق ... لابسوم مجمعه كل بنات الجامعه ..على بالها جايين علشانها كلهم جايين بيشوفون سالي صالح ال... عروس ...
جنى :اللحين هم جايين لسالي أنتي ليش معتده بروحك ... أقول أنتي بس روحي ترززي قدام أم سلطان شوفيها لاصقه بأمي مأتركتها ...
وبهالوقت دق جوال وهج ..
جنى بلقافه :مين ..؟!!
وهج بخوف :أمي لاتكون تبيني أسلم على أم سلطان ..
جنى بخبث :لو بس تبيك تسلمين على أم سلطان هينه البلوه لاتكون تبيك تسلمين على سلطان ...
وهج ووجها ألف لون :قليلة ادب يازينك ساكته ...
جنى :طيب ردي على امي أو أختصري الوقت وروحي لها ...
وهج بعد تردد ردت على أمها وفعلا تبيها تجي تسلم على حريم عندها على قد قولها ...
وهج :تعالي معي ..

جنى :والله صدق .. أجل أمشي ...
وهج :ووووووول ماعندها مانع ...
جنى :وليش يكون عندي مانع مني حلوه وأخبل خل أتباهى بجمالي ...
راحو ورجعوا والشله للحين عند سالي ...
وبعد ماراحوا قالت لبنى :ماشاءالله هذا العرس العائلي والبطاقات الخاصه ماخليتونا نعزم احد ..
سالي :لأول مره تقولين كلام مفيد يابنت سعد والله هذي وحده من حركات فطوم مادري وش قصد فيها ...
وهج :أيه الموجودين كثير مرره اكثر من العدد اللي كانوا محددين ...
سالي :ورى ماترقصون ولاتبوني اجي معكم ....
الكل بصرخة أحتجاج :لا ... يدرون سالي خبله تسويها ...
سالي :والله فكره بسوي عمري فرحانه وأرقص يالله عاد من يرقص معي ...
وهج :أمرنا لله نرقص لك وش تبين بعد ...
سالي :ولاشي يالله وروني شطارتكن واحلى وحده بالرقص بزوجها لولدي ....
جنى بضحكه :سالي قسم بالله مأنتي بصاحيه أي ولد هذا ....
سالي :الا صدق وين هدول أبيها ترقص عني ...
وهج: ثواني بدق عليها ... وجت هديل وجلست ترقص قدام سالي وبكل أحتراف ...
سالي لوهج اللي كانت واقفه :جلسوها بتذبحني هذي ...
وهج :خليها ترقص ..
سالي :لا أغار هذي بتأخذ ولدي مني ...
وهج بالدهشه :أنتي وش قاعده تهذين به ...
سالي براءه :لابس جالسه أسلي نفسي .. أقول يالله عاد بطلع ..
وهج :لاوين تو الناس ... الناس للحين ماشافوك زين بعدين وش مستعجله عليه
يسور ماراح يطير ...
سالي :ايه صح دقي على العيال خليهم يدخلون يصورون معي ويرقصون ...
وهج :فاضيه أنتي ..
سالي :وهج عاد لاتكونين تبيني أترجاك أنا واعدتهم ...
وهج :ماشاءالله هم أيه وياسر لا ...
سالي :بتدخلينهم ولا أيش ...
وفعلا دخلوا سامي وعادل بس سعود وناصر رفضوا ...
رقصوا شوي وصورا معها وطلعوا ...
جنى بخبث :فاتكم نص عمركم قبل شوي بعض ناس راحوا وسلموا على عمتهم ...
وهج بحياء بيذبحها :احد سألك أنتي ...
جنى كملت بتطنيش :المره تمدح وبعض ناس ذايبين ...
سالي :والله وفاتتنا سوالف بس كيف تجرأتي وهجووووه ...
جنى بضحكه :وين تجرأت أخذتني درع واقي معها .. ولايوم قالت أم سلطان لوهج سلطان عتبان عليك ليش ماتردين الله لايوريكم شوي وتبكي ...
سالي بالضحكه :خيبه قويه أم سليطين ماهي هينه أهم شي ماشفتوا احد من حريم أخوانه السوس ...
جنى :لاماجوا عارفين أنهم ماهم قدها ...
وقطع كلامهم هديل اللي جايه ومعها بنت من سنها ...
سالي أول ماشافتها عرفتها :أثير ...
أثير وهي تسلم عليها :طالعه حلووووووووه قمرررررر مو مثل سالي حقت المزرعه ...
سالي ضربتها على راسها :أنا طول عمري حلوه ,, تعالوا أجلسوا هنا صوروا معي ...
هديل :خالتوووو سمعت أمي تقول كلهم جايين أنا ماعرفت من تقصد بس بعدين هي قالت لجدة أثير زوجة ماجد وزوجة أحمد من ذولا ..؟؟!!
جنى بضحكه وعدم تصديق :خيبه سالي مروعه الناس جايين يتأكدون أنك صدق تزوجتي ,,, والله اللي ماسويتي بضعيفات شي مع هالجمال ...
لبنى :أحسن ليش يجون خاصه مرة مجود ذابحتنا ليل نهار لاصقه فبيتنا وماتسأل ألا عن خالتي ومتى بتزوج ..؟؟!!
وهج :من حقها ولا زوجها العاشق المتيم خاطب بعض ناس أربع مأدري خمس مرات ...
سالي :ليتني ماوافقه عليه أرحم لي من ولد أمه ...
لبنى بالصرخه :حرام عليك تقارنين ياسر بمجود وش جاب لجاب ...
جنى بالنص عين :وأنتي وين شايفه ولد عمي ...
لبنى :وفيه أحد بقى ماشافه يوم الملكه .. كل اللي بيت جدي جاي متجمعين بيشوفون من اللي رضت فيه الأميره سالي بعد كل اللي رفضتهم ...
جنى :وش ردت فعلهم يوم شافوه ..
لبنى :كأنا على رؤسهم الطير ...
سالي :يالله عاد ماهومن زينه أنا أحلى منه بمليون مرررره ...
جنى :وش جاب لجاب انتي بنت وهو رجال ...
سالي بقهر :سعود أخوي أوسم وأرز وأرجل منه ...
جنى :اليوم عرسك وجالسه تذمين زوجك وتمدحين اخوك ... وكملت بخبث :اخاف يجي اليوم اللي تذوبي بداديبه ...

رد: الزمن طبعه كذا للعاشقه ديرتها

ومر بالوقت بالسرعه لين جتهم أم ناصر :يالله سالي حبيبتي بنطلعك أبوي وأخواني بيسلمون عليك قبل ماتنزفين لزوجك ...
سالي شرقت بالهواء ...
وهج وهي تمد لها عصير :سالي وش فيك ...
سالي بعد ماشربت :ماتشوفين أمك وش تقول تبي كل هالعالم تشوفين وشوفي لبسي كيف ...
أم ناصر بمزح:مسويه فيها مستحيه يالله بس ... اللحين بيطفون الأنوار وبتطلعين بهدوء مثل مادخلتي لاتسرعين ...
هزت سالي براسها أيه ...
بعد ساعتين كانت سالي جالسه مع ياسر فجناحهم بالفندق ....
نص ساعه لهم جالسين مع بعض ولا واحد منهم تكلم سالي سرحانه بأهلها وتذكر نظرت الفرح بعيونهم يعني هم فرحانين مايدرون أنها تعيسه على الأقل يراعون مشاعرها ومايوضحون لها كيف كانت هم وأرتاحوا منه ,, الناس تبكي وتزعل لاتزوجت بناتها وأبوها وأخوانها الفرحه مو سايعتهم ولا أمها طلعت حتى قبل ماتسلم عليها ,, بس اللي واساها دموع البنات اللي ذرفوها على فراقها بس هي ماقدرت تبكي لو حتى على نفسها ,,, أنتبهت على فستانها وكيف صار مبقع بلون الأحمر من الورد اللي بدون حاسيه قطعته عليه والمسكه صايره خاليه على عروشها ...
ياسر كان سرحان يفكر بالسالي من يوم عرفها لين اليوم مو مصدق أنه الليله زفافه على الأنسانه اللي يحبها وبيجمعهم بيت واحد للأخر العمرسالي عمره حياته وكل شي حلو فحياته تذكر كيف كان عايش قبل مايعرفها كانت حياته قاسيه جافه يومه مثل أمسه بس من أول ماطحت عينه عليها أنقلبت عيشته وصارت كل لحضه بحياته مهمه لها طعم حلو اومر شي له مذاقه يتعذب فجفاها له بكرها له ويتلذذ فحبه لها متى بتبادله هالشعور وتصير تحبه مثل مايحبها ... وصحى على ورطه كبيره طاح فيها ماحجز لشهر العسل لأنه كان عنده تخطيط غير وبعد طيحت سالي مايقدر يكمل هالمخطط وفاته يحجز عشان يسافرون بس وين أصلا يسافرون اووووف وش هالوهقه اللحين وش يقول لأهله ... معه يومين يقدر يحجز فيهم بس وين ليش مايسأل سالي ويريح عمره ...
رفع راسه بيكلمها وتوه تذكر أنه من بعد ماطلع الكل ماتكلم معها بس غريبه ليش هي ماتكلمت شافها أتطالعه وعلى وجها أبتسامه ساخره .. بدينا ...
ياسر بداخله :الله يستر وش ورى هالأبتسامه ...
بادلها الأبتسامه بوحده أحلى ...
سالي توسعت أبتسامتها...
ياسر بلع ريقه هذي مو ناويه على خير الليله تدري أنها حلوه وتذبح وهي مكشره تجي توزع أبتسامات ومسويه نفسها وديعه ألأخت ....
ياسر قرر يتكلم :وش فيك هاديه مبدلينك ...
سالي :لاياشيخ أنت اللي صاير حيوي اليوم قلت أشجعك على الكلام ...
ياسر :وين تبينا نسافر ...
سالي :وليش نسافر أن الصراحه تعبانه ومالي خلق سفر وتعب وبعدين على مين نلعبها خلنا صريحين مع بعض أكثر وشل هالقناع عن وجهك ...
ياسر :أحسن بعد ,,, وطنش تعليقها الأخير .. ماتبغين تعشين ...
سالي :أكيد أبغى لاتوقع بأستحي وأقول لا ..
ياسر بأبتسامه:وأنا أقدر أتجرأ...
سالي وقفت :طيب بدخل اغير ملابسي ...
ياسر بعدم أهتمام :خذي راحتك ....
بعد مادخلت سالي تبدل بعشر دقايق جاء العشاء ...
ياسر دخل بالغرفه بس مالاقاها شاف شنطتها مفتوحه على السرير
وصوت ماي جاي من الحمام ... نزلها من على السرير وتمدد مكانها وماحس بنفسه انه غفى ...
سالي :ياسرررررر يسوووور ياسرررررر ياسروووووه اوووووووف وأخرتها معك يعني ....
حس فيها من ثاني كلمه بس ماتحرك من مكانه وبقى مقفل عيونه بيشوف وش بتسوي قربت منه وجلست على السرير وبدت تهزه بقوووه ... كان كاتم ضحكته حاول يكون ثقيل ... وفجأه سكتت ووقفت هزه ...
فتح عيونه بطأ ولقى وجها بوجهه ...
سالي بقهر :صدق دب ان حنجرتي ألتهبت وأنا أنادي عليك ...
ياسر بملل :وش تبين ..
سالي :وش ابي يعني اصور معك يالله قوم تعشى ولاماتبي ...
ياسر :ليش تصحيني يمكن مأبي ...
سالي بزلة لسان : أحسن بعد خلاص أرجع نام ..
ياسر بخبث :لابعد أيش لازم أتعشى ...
سالي :اوووووووف .. وطلعت لصاله ...

لحقها ياسر اللي مأنتبه على لبسها بس يوم طلع شافها وهي جالسه على طاوله وبدت تأكل ...
جلس وهو يكتم غيضه بس مأقدر لازم يعلق : ماقلتي لي بكم مأشتريه هالجنز شكله أصلي ..
سالي اللي فاهمته:والله أعجبك بس للأسف مأعرف سعره جاني هديه اذا تبغاه مايغلى عليك ... كان فيها ضحكه بس كتمتها ..
وجلست تأكل بهدوء ... بس لاحظت انه مايأكل ...
سالي براءه وهي ترجع شعرها المبلل اللي نزل على جبينها :ليش ماتأكل مأعجبك الأكل ...
ياسر مسك الملعقه وقعد يأكل :لاحلووو ..
سالي بخبث :ايه مره حلو حتى ذوق السلطه هذي ... وأشرت على طبق معين ...
ياسر أخذ منها شي بسيط بملعقته عشان يذوقه ...
بس سالي سبقته وملت ملعقتها ومدتها له ...
ياسر بالدهشه فتح فمه .. وجلس يبلع الأكل بدون مايتذوقه .. كان حار مالح حامض يحرق .... بس ماتذمر وفتح فمه للقمه الثانيه والثالثه ...
بس سالي مأقدرت تتحمل رمت الملعقه وأنفجرت ضحك ...
ياسر بكل بساطه شرب ماي وجلس يراقبها وهي تضحك ...
ياسر :وأنا أقول وش الحنيه اللي نزلت عليها جالسه تقومني عشان أتعشى ,,, تدرين أني أقدر أقلب ضحكك اللحين لصياح ... >> كان يتكلم بجديه خلت سالي توقف ضحك ..
سالي بتحدي :ماتقدر ..
ياسر :لا أقدر وشفتي هالطبق اللي ملغمته أقدر أخليك تأكلينه كله ...
سالي بعناد :عادي اصلا أنا بأكله بطيبت نفس ... وملت ملعقتها وأكلتها بس اللقمه وقفت بزورها ..
شرقت وركضت للحمام ورجعت كل اللي أكلته ...
ياسر اللي كان واقف على الباب الحمام :وش فيك ...
سالي بقرف :معه بيض ...
ياسر :وأنتي ماتحبين البيض ...
سالي :لا وععع مقرف ..
ياسر بتأنيب :حرام تقولين لنعمه مقرفه ,, تعالي تعشي ..
سالي :مأبي خلاص انسدت نفسي ..
ياسر وهو يطلع من الغرفه :طيب أشربي عصير ..
جلس ياسر يكمل أكله وسالي أخذت كأس عصير وجلست على الكنبهه تشربه وتابع التلفزيون وبعد ماخلص نزلته وانسدحت على الكنبه وهي تلعب بشعرها وتابع
ياسر ترك الأكل وجلس يراقبها تلف خصله من شعرها على أصبعها وبعدين تفكها وترجع من أول وجديد تلفها على أصبعها كانت تابع التلفزيون بجديه وكأنها صدق مهتمه باللي يعرض فيه ... شعرها قصير مره أقصر من شعره حتى بس ناعم بعكس شعره الخشن ... ولاحواجبها مرسومه طبيعيه مليون فالميه ... والعيون مايحتاج يقول عنها شي حتى وهي مغمضمتها اللحين روعه ,,ولا خشمها فمها خدودها كل شي فيها يجنننن ...
سالي :ياسر ..!!!
ياسر(ياعيون ياقلب ياروح ياسر ) :هاه ..؟!!
سالي لفت وجها عليه :وش هاه قول هلا,, سمي ,,أمري ..
ياسر(ياليت أقدر أقولها بس لازم تحترميني قبل) بعبط :صدق والله مأكنت أدري ...
وجاء يجلس جنبها وهي عدلت جلستها ...
سالي بقهر:دب ضاقت عليك الكراسي جاي تجلس جنبي ...
ياسر :طيب أنا عاجبني هنا ... وش كنتي بتقولين قبل شوي ..
سالي :كنت بسألك ليش تزوجتني ..؟!!!
ياسر :وأنا كنت بسألك ليش وافقتي ...
سالي بقهرالدنيا كله :ماوافقت لاتكذب الكذبه وتصدقها رفضتك ولو طلبتني مليون مره غير ذيك المره كنت برفضك ...
ماوافقت ,,,برفضك
ماوافقت,,,برفضك
ماوافقت ,,,برفضك
ماوافقت ,,,برفضك
طعنت ياسر فالصميم أهدرت كرامته قويه بحق الرجال لاومن مين من زوجته ..؟!! وش تحتري يا ياسر أكثر من كذا خايف عليها مريضه يعلها المووووووت ...
ياسراللي قدر يتحكم بأعصابه وماوضح لها ولو واحد فالميه بالامه وصدمته :للأسف جت متأخره ياسالي متأخره كثيررر أنتي خلاص زوجتي تعرفين وش معنى أنتي زوجتي وأنا زوجك ..!!!
_______________

رد: الزمن طبعه كذا للعاشقه ديرتها

(..صباحيه مباركه ياعرسان ..)
احم احم أنا أبارك لهم بس ترى هم مو معطيني وجه ... مسويه بلطف الأجواء بينهم ...
اللحين هم فالسياره الساعه ثلاث الظهر اليوم معزومين على الغداء عند أبو ياسر الجو فالسياره مكهرب على اللاخر ... من صحوا الصبح محد منهم تكلم مع الثاني ... طلع سيجاره بيدخن بس طاحت من يده من صرخة ساللي ..
سالي بسخريه وقهر :على مأعتقد أمس متزوجني لحقت تمل وتبي تقتلني ..
ياسر رمي السيجاره ومارد عليها الحقران يقطع المصران ...
وصلوا للبيت وقبل ماتنزل مسكها مع يدها ...
ياسر :أسمعي كلمه وحده من كلماتك اللي زي السم أو تصرف من تصرفاتك اللي تدل على أخلاقك الفاضله والله ثم والله ثم والله لأطقك طق مأنطقيتيه بعمرك كله ... وصدقيني ياسر لاقال فعل ...
سالي ماردت عليه لين تركها ونزلت من السياره :للأسف الضرب مايخوفني ...
دخلت مع مدخل البيت وهو دخل بعدها بيسلم على أمه وخواته ... سالي مأنتبهت عليه فأول مادخلت شافت بسمه بس طنشتها ماراحت تسلم عليها وجلست تعدل عمرها بمرايه ..
بسمه بالصوت عالي :هلا والله ياسر الف الف مبروك ...
ياسر :الله يبارك فيك ... وبالضحكه :عقبالك ..
بسمه بحياء :لا وش تو الناس ...
سالي اللي أنتبهت على ياسر خافت لينفذ تهديده فقالت أسوي عمري مأنتبهت لبسمه
وبالتمثيل :يوه بسمه أنتي هنا سوري حبيبتي مأنتبهت لك ...
بسمه بأستغراب وبداخلها (الشمس من وين طالعه اليوم ):لاعادي من عذرك عروس لازم تخافين على كشختك ... وجت تسلم عليها ...
سالي :أهلى جو ..
بسمه :أيه وين كل الناس جايه بس أنتو اللي متأخرين .. اذا للحين بتعدلين اطلعي لجناحكم فوق ...
ياسر :امشي أوصلك له ...
سالي (وليه لزقه يأخي أفهم أنا ابي الفكه منك ):لا مايحتاج تعب عمرك أن أدل الطريق ...
بسمه :لامو غرفته هذا جناح خاص ..
ياسر :بسمه وينها أمي ..
بسمه :هي عند الحريم أنت وصل سالي وأنا أخبرها عنك ...
وطلعوا سالي وياسر للجناحهم ...
سالي أول مادخلت رمت شنطة يدها بقوه وجلست تضرب برجلها على الأرض ...
ياسر بالسخريه :حاسبي لاتكسرين صندلك بس وتسوينها لنا قضيه ..
جت بترد بس دخول فطوم قطعها ..
فطوم بالدموع الفرح :هلا ياسر هلايمه ألف مبروك ياحبيبي الف مبروك ..
ياسر وهي يحب على راسها وبالضحكه :الله يبارك بحياتك بس ليش البكاء اللحين ..
سالي وهي تشاهد الموقف (ياحليله دلوع الماما ياربيه عليه صغيرون دادا ...
مالت عليك أنت وأمك )
ياسر :سالي سالي ..
سالي اللي توها تنتبه :هاه ..
ياسر :وش فيك ماودك تسلمين على أمي ..
سالي بغباء :أسلم ..
وبعد ماشافت نظرت التوعد من ياسر ..
سالي :يوه سوري كنت سرحانه ...
وقربت تسلم عليها ..
سالي :وش أخبارك أم ياسر ... ونغزها ياسر بكوعه مع جنبها ..
سالي بألم :خالتي فاطمه ...
فاطمه اللي مأنتبهت على حركة ياسر(ياحليلها شكل العرس عقلها بس بعد بزوج ولدي وحده من بنات خواتي ):بخير كيفكم أنتم ...
وقعد يسولفون شوي أو بالأصح ياسر وامه يسولفون وسالي ودها بس فطوم تطلع ماتبغى تظهر ألمها قدامها ..
وأول ماطلعت صرخت عليه :غبي أنت وش هذا كوع ولامرزبه ... ومسكت جنبها ورمت نفسها على السرير ..
ياسر بندم :تعورتي ماكنت اقصد بس أنتي استفزيتيني وجلس جنبها على السريروحط يده فوق يدها اللي ماسكه فيها جنبها :توجعك مرره ..
سالي :لاتراني أمثل عليك .. وخر عني بالنام دقايق وأصير زينه ..
ياسر :وش تنامين يالله عاد الناس من صباح الله خير ينتظرونك ...
وفجأه وبدون سابق انذار أنفتح الباب ودخلوا جنى و وهج وصوت ضحكهم سابقهم وأول شي طاحت عليه عيونهم ياسر ويده على جنب سالي ....
فطلعوا بسرعه واصقعوا الباب وراهم ...
سالي وجها أحمر من الأحراج :يوه اللحين وش بيقولون عني ...
ياسر:خل يقولون اللي يبون محد قالهم يدخلون بهالطريقه ...؟ ومسك يدها اللي كانت تحت يده وباسها ...
سالي بقهر جرتها منه :وش قصدك بهالحركه ...
ياسر بالضحكه :أكمل عليك ...
وراح لتسريحه وقعد يختار من العطور اللي عليه بطولة بال ...
سالي اللي عدلت جلستها: ماودك تطلع البنات بيدخلون ...
ياسر(ول عليها تبي الفكه مني طيب ليه أنا مأشبع من مقابلها) :وليه يدخلون أنتي اطلعيلهم ...
سالي وقفت بتطلع :أحسن بعد ...
ياسر بالسرعه يوم شافها بتفتح الباب وتطلع:هييي وين بتروحين عدلي كشتك اللي طايره بالأول ..
سالي براءه :والله طايره ..وجت توقف جنبه طالع بنفسه بالمرايه :والله أنك صادق بس وخر عشان أشوف زين ..
ياسر(قمر ياعمري قمر حتى لوشعرك واقف ) :المرايه قدامك انا ليش أوخر ...
سالي (مسوي روحه مايدري ):وش اسوي لك أنت طويل وحاجب النور عني ...
ياسر :طيب أنا بطلع وأفكك مني بس لتأخرين عليهم تحت ماهي حلوه ....مع السلامه ...
وطلع بدون مايسمع منها أي رد حتى مستخسره فيه كلمة مع السلامه قاسيه ياسالي قاسيه ..
سالي ماصدقت أنه طلع دقت على جوال وهج يجونها ...
جنى بالضحكه :مبروك خالتي ألف مبروك ...
بعد ماسلمت ..:يأرضي أحفظي ماعليكي أحلى خالتي عروس صدقيه ...
سالي :لاياشيخه أحد قايلك أني مزوره ...
وهج :خالتي خليك منها الغبيه ذي ... وحمر وجها وهي تقول :أسفين على دخولنا من غير استئذان بس الغبيه بسمه ماقالت لنا أنه موجود ...
سالي :عادي ماصار شي يالله ننزل ...
جنى بخبث :لاوين ننزل تونا ماسألناك وش سويتي أمس ...
وهج بالدهشه :جنىىى ...
سالي بالسخريه:أفا عليك حبيبتي جنى ولايهمك من عيوني الثنتين انتي تأمرين امر ...
جنى:تراني غبيه مأفهم قصي علي ...
بعد صلاة العصر رجع كلا للبيت ومابقى غير أهل البيت طبعا والعروس الجديده سالي .... ياسر وأبوه ادخلوا للبيت بعد ماطلعوا كل الرجال من عندهم وفصالة الأستقبال كانوا فاطمه وبسمه اللي كانوا يسولفون وسالي اللي ماسكه جوالها وترسل مسجات على أي رقم مسجل عندها أهم شي تشغل نفسها ...
وانصدمت يوم دخل ياسر ومعه رجال كبير بالسن بس مو واضح عليه ..
ياسر :سالي هذا أبوي ...
سالي بدون أي حياء قامت تسلم عليه وهذا اللي خلى أبو ياسر يعجب فيها وجلس يمدح بأبوها بالرياء واضح ... وأثناء حديثهم صدمهم ياسر يوم قال أنه مو مسافرين شهر عسل أبوه تقبل الموضوع وشجعه على رأيه عشان لو احتاجوه بالشركه ...
فاطمه :لاعاد هذي اللي ماهي داخله مخي كيف تبغاه يشتغل وهو للحين بالشهر العسل خل ولدي يرتاح شوي ولا هالشغل وراه وين ماراح ...
أبوياسر :أنا مأقلت بالشغله قلت لو أحتجناه ...
فاطمه :نفس المعنى أنا أبي ولدي يستانس مأبي أي شي يخرب عليه ...
سالي (كانت مقهوره تحسد ياسر على حب أمه وأبوه الواضح له وأبوه باين عليه أنه يحترمه بقوه وأكيد انه ولده المفضل ,,ياسر أنسان محبوب من اهله بعكسها هي عاشت نص عمرها مشرده بين أمها وأبوها وماعمرها حست بأنهم يحبونها ولايهتمون بشعورها من كانت صغيره ماتذكر امها مره ضمتها ولا أبوها طبطب عليها ليش هي البنت تعيش هالعيشه التعيسه وهي اللي بحاجه لحنان والحب وهو الولد يعيش وحوله هاله من الحب ... ليش ياربي ليش ...)
وبسبب سرحانها مأنتبهت على ياسر اللي استئذن من أهله وقام عشان يرجعون للفندق لين سمعت بسمه تخافتها :هي أنتي وين وصلتي زوجك طلع .. وبخبث كملت :لاتكون الجلسه معنا عاجبتك ...
طنشتها سالي وقامت اخذت عباتها وشنطتها اللي جابتهم لها الشغاله من فوق ... وسلمت على فطوم وأبوياسر وهي تصنع الأحترام لهم ...
وفالسياره ...
قالت لياسر :شكل أهلك يحبونك مره ...
ياسر اللي تفاجأ من سؤالها (كان وده يقولها وأنا أموت فيك )بس قال :كل الأهل يحبون عيالهم ...
سالي(أيه كل الأهل يحبون عيالهم بس أنا لا أنا أهلي مايحبوني ) :موشرط فيه أباء كثير مايحبون عيالهم ..
ياسر :صدقيني مافيه أنسان فهالدنيا مايحب ضناه ... وبخبث كمل :وبتفهمين قصدي لاجبنا عيال وبتحبينهم حتى اكثر من نفسك ....
سالي (هذا اللي ناقصني )بهستريا :بس أنا ماأبي ...
ياسر بالصدمه وغضب:ماتبين عيال ...
سالي بأرتباك :على الأقل مو اللحين وأنا أدرس ...
ياسر بقهر :يعني تبغيني أنحرم من العيال لين حضرتك تخرجين بعد سنتين وزياده ...
سالي (وبتنتظر عمرك كله)بنرفزه :أولا موقته بعدين هذا مو المكان المناسب اللي أناقش فيه موضوع مثل هذا ....
وكملوا المشوار للفندق بالصمت ياسر يحاول يهدي أعصابه لأن الموضوع هذا قهره من قلب هو فاهم قصدها زين ماتبغى شي يربطها فيه لأنها للحين تفكر بالطلاق وهو بعكسها يبغى أي شي يربطه فيها ...
الجزء التاسع عشر
الفصل الثاني
دخلت سالي لصالة الجناح ورمت شنطتها وعباتها بعصبيه ..
ياسر :وش الحركات هذي جاهل أنتي ..
سالي بعصبيه :وأنت شكو بليز حل عني مختنقه منك بكل مكان وراي ..
ياسر:والله وين تقترحين حضرتك أروح عشان أحل عنك ..
سالي :أي مكان أن شاءالله جهنم ماهو مهم عندي ..
ياسر بأعصاب بارده :عاد أنا لو رحت جهنم مأقدر أستغني عنك لازم أخذك معي ...
سالي :والله لو تقول بأخذك معي الجنه مارحت معك
ياسر... (أحم أحم بدينا بالغلط ) بالتسليه : طيب ليش بدال ماتأخذيني بالشراع مجداف وبتطرديني ليه ماتجلسين ونسولف بالطريقه راقيه ...
سالي طنشته وجلست على كرسي بعيد عنه(هذا بأحلامك بس والله هذا اللي ناقصني بعد )
ياسر (ول وش فيها تطالعني كذا طيب لاتسولفين خليك كذا وش حلاتك )
(اذا ماطفشتك مأكون سالي بس صبرك علي بس لو يهدأ الصداع هذا اللي بيفجر راسي )
(ليش تغير لون وجها أكيد تعبانه وأكيد وجودي تاعبها أكثر اطلع وأريحها حتى لو بشتاق لها )
(فكه وقف اكيد بيطلع )
سالي :وين بتروح .؟؟!!
ياسر (فيه تقدم بعد تهتم تسأل وين رايح ):جهنم موكذا تبين ..
سالي (ياشينك لخففت دمك) :تكفى لاترجع ..
طلع ياسر وهو متنكد ومايدري وين يروح أخذ سيارته وجلس يلف بدون هدف وبالأخير قرر يروح للشقه يشوف وين وصلوا العمال بشغلهم قبل مايصرفهم .. سالي ماصدقت على الله طلع ياسر دخلت تنام لأنها مصدعه وهلكانه بس قبل ماتنام كلمت سعود اللي سألها عن ياسر ويوم قالت طلع جلس يعلق عليها وكرها بعيشتها .. وبعد ماقفلت منه حطت راسها ونامت وماهي حامله من الهم شي ...
رجع ياسر للفندق وتصادف دخوله لجناحه مع اذان المغرب وصوت صراخ جاي من غرفة النوم
راح يركض لغرفة النوم كانت سالي نايمه وتصارخ ...
عور قلبه منظرها كانت تصرخ من قلب وذكره الموقف هذا باللي صار فيها يوم صابتها العين ماتحمل يشوفها كذا تتعذب قرب منها يصحيها بس لمس كفتها صرخت ..
سالي :لا ...
ياسر يهزها برقه :سالي سالي ...
بس سالي كانت بعالم ثاني :لا سعود لا تعال سعود ...
ياسر هزها بقوه أكبر لين بدت تصحي ...
صحت سالي وهي للحين تصارخ بأسم سعود ياسر كان يكلمها بس ماتسمعه جلس فتره يكلمها يحاول يرجعها للواقع وأخذت فتره حتى
أستوعبت أن كل اللي شافته حلم وجلست تبكي وهي ترتجف من الخوف وتهذي بكلام غير مفهوم ..
ياسر بأستغراب من حالتها :سالي حبيبتي وش فيك اهدي كل اللي شفتيه حلم ...
سالي اللي للحين تحت تأثير الحلم بعتب قالت له :كان يناظر فيك تساعده بس أنت واقف تطالع فيه ...
ياسر :من اللي ماساعدته ..
سالي :سعود ليه ماساعدته ..
ياسر بحنان وهو يمسح على شعرها:سالي حبيبتي أرجعي نامي كل اللي شفتيه حلم ...
سالي دفعت يده عنها:أدري أنه حلم بس تعبت كل يوم أشوفه كل يوم ...
وأنهمرت دموعها بالضعف ..
ياسر :طيب وش هو الحلم عشان أقوله لشيخ يفسره ..
سالي :لا أذا قلته يتحقق ...
ياسر :لاحول ولاقوة الا بالله .. أجل وش تبيني أسوي ..
سالي بقسوه:اطلع من حياتي وحياة أخوي وبنرتاح ...
ياسر (قاسيه حتى بلحظات ضعفك قاسيه طيب أنتي ترتاحين وأنا أشقى ):أنا طالع اصلي ..
سالي :أي صلاه ..
ياسر :المغرب ..
سالي اللي تمالكت نفسها:طيب أطلع الله معك وش تنتظر ..
وبعد ماطلع ياسر تهالكت على السرير وش سويتي ياسالي بكيتي قدامه فلحظة ضعف ... بس اوريك أذا ماقلبت الوضع عليك ..
رجع ياسر بعد نصف ساعه وسمع صوت ضحكة سالي جاي من الغرفه .. أنبسط الله لايحرمه من هالضحكه ..!!!
أول مافتح باب الغرفه كانت سالي بوجهه توه بيتكلم أشرت له يسكت فأنتبه على السماعات اللي حاطتها بأذنها ..
سالي بالضحكه:ايه معك كملي ...
أشر لها تسكر بيكلمها بس هي صدت عنه وكملت مكالمتها عشردقايق,, عشرين,, ثلاثين ,, ساعه,, ساعه ونص ,,واللحين بيصير لها ساعتين وهي تكلم والله أعلم أذا فعلا فيه طرف ثاني تكلمه أو هذي وحده من حركاتها الشي الوحيد اللي مخليه يحافظ على أعصابه أبتسامتها اللي مرسومه اللحين على وجها و تفقدها بكلامها معه لهدرجه حزينه بالزواجها منه ,, اه ياسالي متى بتفهمين عمق شعوري لك .. دخل ياسر للحمام يسبح وبهالأثناء ..
سالي :تسلمين عبوره تمت المهمه بالنجاح ..
عبير :والله مأنتي بالصاحيه ولا وحده باول شهر عسلها متصله على خبله مثلي وتبغاها تنكت عليها عشان تنكد على زوجها ... على فكره النكت اللي قلتها حقوقها محفوطه لاتقولينها لأحد من البنات قبلي أما اذا بتقولينها لبعلك المصون عشان تطلعين نفسك قدامه خفيفة دم تمونين ولك كل الصلاحيات ...
سالي بملل :خلصتي دكتوره عبير ...
عبير باحراج :ايه ..
سالي :أجل ضفي وجهك ,, باي وقفلت الخط بوجها ..
وش اللحين بعد ياسالي ..؟!!
أيه بطلع أتعشى بمطعم مأبي بالفندق لابرى انا ماتزوجت عشان أنحكر بين الجدران ...
طلع ياسر من الحمام وهو يجفف شعره بمنشفه شاف سالي اللي كانت متربعه على السرير ويديها الثنتين على خدودها وبحالة تفكير عميق ..
ناداها ماردت عليه فرمى المنشفه على وجها ...
سالي سمعته وطنشته بس ماتوقعت هالحركه الحقيره على حسب رأيها تبدر منه ..
سالي بنرفزه :هييييي اصحى ياحبيبي ترى أنا موبسمه ترمي منشفتك أبوجهي أوتسيخف علي ...
ياسر وقف مبهت يطالعها كلمه وحده بس اللي سمعها وأكفته حبيبي وش حلوها من فمها لو المقصود منها السخريه والأستهزاء لوطالعه من غير قصد يكفي سمعها منها ..
سالي :هييي وش فيك ,,ياربي وش فيه الرجال لايكون تحنط محله ...
ياسر :لاتحنطت ولاشي وش كنتي تبين ...
سالي :أبي أتعشى .. وكملت :برى .. (بتشديد الراء ) ..
ياسر (كنت اكره كلمة برى من ايام الدراسه يوم يطردني المعلم من الصف بس من هالحظه بديت أحبها ):طيب بس انجزي بالسرعه اذا اذن العشاء وأنتي ماجهزتي بنتعشى هنا ..
سالي :ويه طرار ويتشرط أنت تطول سالي صالح تطلب منك طلب ...
ياسر بالسخريه :أيه طلت اليوم بس طلبتي مني فوق العشر طلبات ..
سالي لوت فمها :ول وعادها بعد خيبه بخيل ..
ياسروعينه على ساعة الحائط :مرت خمس دقايق ..
سالي :تهدد ني يقالك حتى لوماطلعتني أنت أدق على أخوي سعودي الله يخليه لن ولايحرمن منه ويوديني على مكان مأبي ..
ياسر :طيب ليه مأتصلتي فيه من البدايه ليه متعبه نفسك ومتنازله تطلبين مني ..
سالي بقهر :خلاص مشكور مابي اثقل عليك وبالنام بدون عشاء لوسمحت طف النور .. ودخلت تحت الغطاء وتظاهرت بالنوم
ياسر للحين واقف بمحله وش الحركه الطفوليه هذي بعد ...
جلس على طرف السرير وحاول يرفع الغطاء عن وجها بس هي كانت ماسكته بقوه ..
ياسر ترك الغطاء بعد مايأس انها تفكه :يالله عاد عن الحركات الطفوليه هذي وقومي بنتعشى برى ..
سالي :تعشى لحالك عشيتني نكد ..
ياسر :سالي من صدقك بتنامين كنت أمزح عليك .. ولامتقبلين المزح ...
سالي :أحتفظ بمزحك لنفسك لوكان من غيرك قبلته بس منك زي السم على قلبي ,, واللحين بتطلع وتتركني انام ولاكيف ..