رد: الزمن طبعه كذا للعاشقه ديرتها

دخل نايف البيت وهويدندن بأغنية راشد الماجد (يالله نعيش بدنيا غير ..مليانه حب مليانه خير ..فيه الحبيب انتا وبس الأول أنتا والأخير...) وفجاءه جلس يغني اغنية عبدالمجيد عبدالله الحب الجديد (ايش جابك من بلادك لبلادي ...ايش اللي خلاك تسكن في فؤادي..احس بمهجتي لك شي غير عادي
..كل ماشوفك يزيد ياذ الحب الجديد )
,,وهو يتذكر الموقف الأخير اللي صارله مع جنى بداية كيف تفاجيء بوجودها بالمجلس وكيف انصدمت بوجوده وجلست تغمض عيونها وترجع تفتحها وكأنها تمنى أنها تحلم وهو مو موجود فعلا ,, وكيف مسك ايدها وساعدها يوم كانت بتطيح ,, وابتسم يوم تذكر كيف هربت من المجلس أول ماترك يدها,,
نايف يكلم نفسه :ياءالله صدق اللي صار,, صدق لساني خاني ونطق لها ,,ولا أنا اتخيل ,,ناظر لشال الأسود الصغير اللي كان رابطه على يده قرب من وجهه وجلس يستشنق ريحته ,,,
فاتن وهي تحب يدها على الوجهين:الحمد الله والشكر وش جالس تسوي ...
نايف اللي تفاجأبوجودها:متى جيتي مانتبهتلك ...
فاتن :والله العظيم أنك مو صاحي ,,حبيبي انا جالسه من زمان هنا أنت اللي داخل كأنك مسطول تغني وبعدين جلست وكأنك مخدر ,,وبالأخيرسويتلي حركتك الهبلا هذي ...
نايف عشان يغير الموضوع :أمي وينها ..؟؟
فاتن :بيت خالي ..ليه تسأل ,,,
نايف:مالك دخل ...
وبعد صمت دقائق,,
فاتن:دريت...
نايف بعد أهتمام:لا ,,وش عندك ..
فاتن بعبط :انخطبت ...
نايف باستغراب :والله مبروك ,,ومن اللي داعيه عليه أمه اللي خطبك ...
فاتن :سالم ولد عمي ..
نايف:سالم عاد ,,وش يبي بوحده مثلك ...
فاتن :بس ابشرك رفضته...
نايف:اشوا والله رحمته ,,لأول مره تسوي شي زين تشكرين عليه ..
فاتن:بس اخاف ابوي يغصبني عليه ...
نايف :أخاف يكون هو اللي مغصوب عليك ...
فاتن :وش فيك أنت ليه تكلمني كذا...
نايف :كيف تبغيني أكلمك ماعرف اتكلم إلى كذا ...
فاتن :وش عندك الأيام هذي ماتجلس بالبيت ..
نايف وهويمدد يديه على الكنبه من فوق ويحط رجل على رجل :لابس قررت انجح المستوى هذا وتعرفين البيت مايساعد الواحد على الدراسه ..
فاتن بسخريه :والله مبروك اخيرامابغيت تتخذ هالقرار الخطير ..
نايف وهو يقوم :اقول والله مو برايق لك,, مبسوط ومابغى اخرب وناستي ولا وريتك شغل الله فيك ...
فاتن بعد ماراح :هذا اللي طلع معك,,,الصراحه أخوان زيادة قلق بس..
وطلعت الموبايل اللي كان يدق ونايف موجود بس كان على الهزاز ,,,
كانت فيه5 مسدكول من طلال,,1من خالد( واحد توها ماتعرفه عليه بس يختلف كثير عن اللي كانت تكلمهم شخصيته مره قويه عرفتها عليه صديقتها ابتسام يصير صاحب اللي تكلمه ,, سمع اصدقائه يتكلمون عن فاتن وأنه محد قدر يطيحها فحب يجرب حظه معها,,ويوم سألوه الشباب عن رايه فيها قال أنها عادي ومثل باقي البنات اللي يكلمهم ,,وهذا اللي قهر فاتن اللي انقلت لها أبتسام الكلام ,,وقررت تجيب راسه )...

فز من نومه وهو يصرخ:لا,,,,
جلس ناصر على سريره وهو يلهث وعلى لسانه كلمه وحده يرددها:سامحني يبه ,,,سامحني...
وبعد ماهدأ قام توضى وصلى ركعتين ورجع ينام بس النوم مجافيه ...
ناصر :ليش ياربي يصيرلي كذا معقوله انا أخطأت يوم رضيت بالصلح مع عمي ,,بس هذا كان أفضل خيار ..وأمي كانت موافقه ,,أنا مابغيت اتصرف تصرف متهور يضيع فيه حق أخواني لو كان الأمر يتعلق فيني لحالي فلوس الدنيا كلها ماترضيني ولاترجع كرامة أبوي اللي انهدرت بعد موته,,,الله لايسامحك ياعمي ليش سويت فينا كذا وش اخذت فلوس شركات عقارات ,,,هذا هي بترجع لنا وبعد ماكبرتها وضاعفتها ,,ياعني ماستفدت بحياتك شي غير كرهي اللي يايدمرني يايدمرك ....
بمكان ثاني كان فارس يحبك أول خيوط خطته اللي شعارها ابشع إنواع الانتقام
بيدفع ثمنها أشخاص أبرياء ذنبهم الوحيد رابط الأخوه ,,,
وتحت نفس سقف البيت كانت فيها أنسانه تدفع ثمن أهمال الأهل وبعدهم عن ابنائهم ,, كانت رغد تبكي بحراره مثل عادتها كل ليله من اربع شهور,, ,, وجلست تستعيد ذكرياتهامع حبيبها الخاين اللي وثقت فيه وقضت معه ليالي طويله وهي تكلمه وبعدين صاروا يتقابلون بالأماكن عامه لين ذيك الليله المشئومه اللي كانوا أهلها كلهم طالعين.. ومافيه إلى رحاب ونايمه,,تذكرت كيف جلس يترجاها تطلع معه لين وافقت بعد
ماهددها يقطع علاقته معها ,, ليين وصلت بذكرياتها للموقف اللي مافارق مخيلتها من اربع شهور جلست تبكي بصوت مسموع وتون بألم وهي تسترجع اللي صار لحضه بالحضه ,,وكيف صابهانهيارعصبي بعد ذيك الليله نومت على اثره شهر بالمستشفى,,ومن بعد اللي صار ماغادرت غرفتها وقطعت كل اتصالاتها بالناس
وقضت ايامها بألم وعذاب وندم بوقت ماينفع فيه الندم ,,,
صحت جنى على صوت المنبه الساعه 9صباحا سوت لها نسكافيه وطلعت تشربها بالحديقه ,,
ناصر من رواها:ماشاءالله وش هالنشاط اللي نازل عليك اليوم ...
جنى:يمه هذا أنت من وين طلعت ,,,
ناصر :ههههههههههههههههههههه,,من صدقك خفتي ماتوقعتك أنتي بذات تخافين ...
جنى:ليش أنا مو بشر ...
ناصر وهو ياخذ كوب النسكافيه من يدها ويشربه :واو لذيذ ,,وش فيك تطالعيني كذا عيب أنا أخوك الكبير ...
جنى وهي مقهوره :أنا اللي عيب علي ,,,عيب عليك أنت ياكبير ...
ناصر وهو يشدها مع اذنهابقوه :كم مره حذرتك من قلة الأدب ذي ..
جنى وهي تمسك يده اللي ماسكه اذنها : اسفه ,,خلاص توبه والله معيدها...
ناصر :يويلك اذا عدتيها ,,أنا طالع قولي لأمي لاتنسى العزيمه الليله ...
جنى بلقافه :أي عزيمه ..؟؟
ناصر بنظرات تخوف :مالك دخل عزيمة رياجيل ,,لاتنسين تقولين لأمي ..
بعد ماطلع ناصر صرخت جنى :كريه شرب النسكافيه حقتي وقرصني مع اذني
وهزأني ,,وجلست تصرخ بقهر ...
جنى : خروح اسأل أمي وش سالفة العزيمه..؟
دخلت على أمها بالمطبخ,,
جنى:يمه وش سالفة العزيمه ؟!
أم ناصر:ايه صح العزيمه والله أني نسيتها,,وطلعت جوالها وجلست تدق رقم ,,
جنى:لحضه أول قولي وش مناسبة العزيمه ...
أم ناصر وهي تحط الجوال على أذنها :بعدين ,,,بعدين..
قامت جنى من على كرسيها وهي تسوي بوجها حركات تدل على أن الوضع مو عاجبها..طنشتهاأمها وسوت مكالمتها ..
دخل ياسر الشركه أول ماشافوه موظفي الاستقبال جلسوا يتحمدون له بالسلامه ..
كمل ياسر طريقه لمكتبه اللي بالدور الثالث وهو يحس أنه اشتاق لكل ركن في الشركه ,,ياسر لنفسه :اغبى شي كنت بسويه اني فكرت اتخلى عن الشركه بهالسهوله ,,,كل شبر بهالشركه لي ذكرى فيه مستحيل اتخلى عنها وابدأ من جديد وضيع شقى عمري والمجد اللي بنيته ...

أول ماشافه معتز سكرتيره فز من مكانه: ألف حمدالله على السلامه طال عمرك ...
ياسر وهويدخل مكتبه :الله يسلمك ,,معتز جب لي كل الشغل المتأخر على حسب الأهميه ..
معتز اللي واقف على الباب:حاضر استاز ...
ياسر لمعتز قبل مايطلع :وجب لي كابتشينو ,,ولاتحول لي أي اتصال ...
طلع معتز يجيب الأوراق اللي طلبها منه ياسر شاف جمال سكرتير أبوياسر :اهلين شو بدك ...
جمال وهو يأشر على المكتب براسه :شرف الاستاز ...
معتز :اه هلى اجا ...
جمال: مابتعرف شو عنده غايب كل هالمده ..
معتز وهو يفتش بدروج مكتبه :لا مابعرف ,,بس باين عليه جاي من سفر لأن موده مره مزبوط ..
جمال :كويس أنا رايح بلغ والده ...
ياسر وهو يرمي الأوراق اللي بيده بعد مادق التلفون :اوف أنا ماقلت له لايحولي أي مكالمه ,,يوه هذا الوالد ...
ياسر:هلا طال عمرك ...
أبوياسر :تعالي بالمكتب ...
ياسر :دقايق واكون عندك ..
وبمكتب أبو ياسر ...
ابوياسر:ادري أنك متضايق من اللي صار بس صدقني كل اللي سويه لمصلحتك أنت وأخوانك ,,لاتخاف ناصر عمره ماراح ياخذ مكانتك بالشركه مهما صارت نسبة اسهمه بالشركه ولاتنسى أنك نائب رئيس مجلس الأداره فلاتخلي موضوع سخيف زي كذا يأثر على شغلك,,وعشان ترضى هذ ملف المناصقه الجديده اللي ربحتها الشركه وراح نجني من وراها ملايين وخصوصا أنا بنكون المورد الوحيد فالمنطقه كلها كل الصلاحيات لك سو اللي تبي فيها ومحد راح يعترض طريقك ...
ناظر ياسر أبوه بفرحه هذا كان حلم له :مشكور طال عمرك ,,ومالك الا اللي يبيض وجهك ..
وعلى الغداء كانت الحرب قائمه بين سامي وهديل,,,
أم ناصر :سامي خلاص اسكت عن أختك ,,خلنا نتغداء بهدواء..
سامي :لاه كله علي أنا هي اللي تحر ش فيني ..
هديل :كذاب أنت اللي بديت ...
عادل باستهبال:خلاص لا أنت ولاهي أنا اللي بديت ...
أم ناصر بتحذير:عادل ,,اللي يتكلم اللحين يويله ...
جلست هديل تاكل وهي شوي وتبكي ,,وسامي يناظر فيها ويسوس حركات تقهرها..
هديل :يمه شوفيه ..
أم ناصر :سامي وبعدين معك ...
سامي :خلاص ماراح اسوي شي ,,وسكت وجلس يأكل ..
وهج :لا سالي هذا كاسي ..
سالي :لاياشيخه هذا حقي ...
وهج :والله حقي أنا من اليوم اشرب فيه ..
أم ناصر :لاحول ولاقوة ألابالله ,,خلصنا من الكبار بدوا الصغار...
جنى :ههههههههههههههههههههههههههههههههههههههههههه,, وش فيك يمه عكستيها ...
أم ناصر :وانتي مايفوتك شي ,,وش اسوي دار راسي منكم ..
سالي :وش هذا ليش ماحطيتو لي كأس بايش أشرب يعني بالملعقه ..
عادل:ه ه ه ,,ماتضحك ..
سالي :صدق سخيف ماتشوفني طايحه بورطه تجلس تتريق علي ..
أم ناصر :الحمدالله والشكر سويتيها ورطه قومي جيبي لك كأس وريحنا من حنتك ..
سالي :أنا سالي ,,بنت صالح ال.......,, اولاو أقوم من الغداء عشإن اجيب كأس مويا ...
وهج :ميري ,,ميري ..
سالي :وش تبغين فيها ..
وهج :ماتبغين كأس انتي ..
وبعد ماجت ميري :جيبي كأس ورجعيه ...
ميري :وت ...
وهج :جيبي كأس ورجعيه ...
سالي:ههههههههههههههههههههههههههههههههههههههه ههههه ههههههههههههههههههههههههههههههههههههههههههههه ههههه ههههههههههههههههههههههههههههه..
وهج :وجع ليش تضحكين ,,وانتي روحي جيبي اللي قلته لك ...
أم ناصر :الحمدالله والشكر وليش ترجعه ..
وهج :وش ترجع ..
سالي :والله أنك غبيه تقولين للأدميه جيبي كأس مويا ورجعيه ...
وهج بأستغراب :انا قلته ..
جنى :لاجنيتك اللي قالته ,,ايه أنت تو تقولينه ..
وهج :والله أنا قلته ...
سالي :قسم بالله قلتيه ...
وهج :كله منكم طلعت براسي قرون من هرجكم وأنا تونتي صاحيه من النوم ...
سالي :لاتحطين كل شي علينا قولي أنك خرفتي...
وهج وهي تحرك الشوكه بتهديد قدام وجها:ساليوه حلي عني مو ناقصتك ...
أم ناصر :خلاص ,,أنتو على كل كلمه تخانقون ...
وبعد صمت دقائق ..
سالي :سامي ,,ساميوه ..
سامي اللي مندمج بالأكل :هاه ...
سالي :بسك أكل بتنفجر ...
أم ناصر :سالي ,,قولي امين ...
سالي :امين ..
أم ناصر :جعلك لرجل الله يعقلك ...
سالي :ليه وش قالولك مجنونه ,,بعدين كم مره قلت لك ,,لاتدعين اني اتزوج ..
أم ناصر :ولايهمك بكل صلاه بدعيلك ..
سالي بنرفزه :يوه مالقيتي إلى هالدعوه,,, أجل حتى أنا بكل صلاه بدعيلك بالرجل ...
أم ناصر:سالي ياقليلة الأدب ..
سالي :ياربي هذي جزاتي أني بدعيلك ,,ولاوحده بست عيال من يبيها ..
أم ناصر :سالي ومرض انشاءالله وش هالكلام ...
سالي:هههههههههههههههههههههههههههههههههههههههه ههههه هههههههههههههههههههههههههههههههههه..محد قالك تباريني تدرين لساني متبري مني ...
وهج :الأعتراف بالحق فضيله ...
سالي:أحلى يم الحكم ,,بأي مقرر قريرتي هالحكمه ...
وهج وهي تهز راسه بملل:سالي واللي يرحم والديك اسكتي ..
سالي :وأن ماسكت ..
وهج وهي تقوم :الحمدالله ..
سالي:اجلسي ماتغديتي,,جنى ماودك تلحقينها ..
أم ناصر:لا أنا اللي بلحقها ..وقامت ..
سالي:واو ,يالله عادل سامي قوموا ..
عادل وهو يوقف:أنا بقوم ,,بس سامي لاتحاوليني ماهو قايم ..
جنى :اقول خالتي مو كنك من جلستي تكلمين ماشوفك تأكلين ..
سالي :ليه انتي جالسه تراقبيني ...
قامت هديل وبعدها سامي ,,وبقى جنى وسالي على الطاوله ..
سالي بشرود :جنى وش قصده بالكلام اللي قاله ..
جنى وهي ترفع راسها عن الأكل:مين !!
سالي:ياسر...
نهاية الجزء السادس....
الجزء السابع ,,,
الفصل الأول,,

سالي :توك تفطنين تقولين لي ,,اذامنتي ناسيه تراه أبوي مثل ماهو أبوك ..
أم ناصر بعد اهتمام :طيب انتي وش اللي مزعلك ,,وش كنتي بتسوين لودريتي أمس أو قبله ..
سالي :لوكنت داريه قبل ,,فكرت لي بعذر اتعذر فيه لاسألني ليش مارحت له يوم طلبني ...
أم ناصر:اقول سالي اذا كنت فاضيه انا عندي شغل كثر شعر راسي فنقلعي عني ..
طلعت أم ناصر ,,وجلست سالي بالصاله وهي ميته قهر مسكت الرموت وقعدت تقلب بالقنوات ..

دخل ناصر البيت وكانت الساعه الخمس عصر ,,وشاف سالي على حالتها ذيك ..
ناصر :السلام عليكم ..
سالي :وعليكم ..
ناصر وهو يجلس بجنبها :هذا وجه بتقابلين أبوك فيه...
سالي :وش فيه وجهي مو عاجبك ..؟؟
ناصر :لا..
سالي بعصبيه :احسن وانشاءالله عمره ماعجبك ...
ناصر :ول وش فيك صايره كبريت ,,وبعدين عن طولت اللسان ,,وانا اقول منين جايبه جنى طولت اللسان ...
سالي بسخريه :لا أحسن تعال طقني ...
ناصر :سالي ,,لتخليني اقوم احوسك اللحين ...
سالي :نصور مالك دخل فيني لاتنسى أني خالتك ...
ناصر وهو يضحك :لا مانسيت وذا شي يتنسى ,,فيه أحد ينسى خالته اللي اصغر منه ب 8 سنوات ...
سالي :اقول ناصر ماتدري اذا كان سعيدان بيجي معه ....
ناصربضحكه :حسبي الله على بليسك اللحين خالي سعد اللي عياله طولك صار سعيدان ...
سالي :اذا سألتك جاوب على قد السؤال ..
ناصر بسخريه :حاضر خالتي واسف على الخطأ ,,ايه بيجي ..
سالي :أنا مارحت لأبوي عشان ماشوف شيفته يجي مع أبوي ليش ...
ناصر:اصلا هو ذراع جدي اليمين وين ماراح معه ...
سالي :اصلا مالاعب براسي ابوي غيره ,, بحسره:لوكان سعود موجود ماصار كل هذا ..؟؟
ناصر:سالي ترا خالي سعد أخوك مثل ماخالي سعود أخوك ..
سالي:لا ماحزرت أنا ماعندي الا أخو واحد وأخت وحده بس ...
ناصر:طيب ماقلنا شي انا ماعرف شي عن خوالي وخالتي الثانين بس خالي سعد طيب معك ..
سالي :أقول ناصر خلني ساكته أحسن,, ولا أقول خل أعلمك عشان ماتكون نايم على اذونك ,,تدري أن سعد كان ماعارض أبوي وماكان يبغاه يسدد ديوان أبوك الله يرحمه ...
ناصر بصدمه :مستحيل خالي سعد يسوي كذا ....
سالي:ويسوي أكثر من كذا ...
ناصر:كيف.. خالي سعد ماني مصدق ؟؟..
سالي:الا صدق ,,,وازيدك من الشعر بيت كان يقول لأبوي يكتبك على اوراق عشان اذا رجعت حقوقكم من عند عمك ترجع لهم الفلوس بس أبوي ماعبره وسوى الي املاه عليه ضميره ...
أم ناصر اللي كانت تسمع الكلام من بدايته :سالي بس ..
سالي :لاتطالعيني كذا أنا ماقلت الا الصدق وبعدين إلى متى بيبقى على عماه خليه يعرف خواله زين ...
أم ناصر :المواضيع اللي تكلمين فيها انتهت بوقتها ماله داعي نفتحها ونرجع نعيد ونزيد فيها ...
ناصر:خلاص سالي مايحتاج أفهم أكثر الكلام اللي بتقولينه لي وصل ..
طلع ناصر ,,جت أم ناصر بتكلم بس سالي طلعت من الصاله وهي تقول :مو وقته خلي الخطبه لبكره الجمعه ..
أم ناصر :حسبي الله على أبليسها من بنت مدري وش ذكرها بهالمواضيع ,,وبتنهيده طالعه من قلبها:اه ياسالي متى بتعقلين وتخلين هالعناد اللي فيك ...

دخلت سالي على وهج اللي كانت تذاكر ,,تجهت للدولاب طوالي ,,
سالي :وهج تعالي اختاري لي لبس يثور شياطين سعيدان ..
وهج بغباء :سعيدان من ..؟؟
سالي بملل:سعيدان خالك ...
وهج :اوف ,,وبعدين معك وش ناويه عليه ..
سالي :ولا شي بس ودي ارفع ضغطه شوي ,,تعرفين هذا تخصصي رفع الضغط ...
وهج :يافضواتك ياشيخه فيه أحد عنده امتحان احصاء يوم السبت ويفكر بشي سخيف مثل هذا ...
سالي :الشيء السخيف هذا يسليني اكثر من ملزمة الاحصاء ,,بعدين انتي ماتحسين بالسعاده الي اشعر فيها وأنا اشوف اللي قدامي شوي وينفجر من الغيض بسببي ..
وهج:طيب روحي طلعي مواهبك بعيد عني ...
سالي :ترا بنتدمين بعدين أنك ماساعدتيني ...
وهج وعيونها بالكتاب:محد بيندم بالاخير غيرك ...
سالي بهباله :كني سامعه الجمله من قبل بس مدري وين ...
وهج بسخريه وهي تحرك حواجبها فوق:سامعتها قبل يومين ,,وهي تقلد سالي :من ولد فطوم بس بشكل ثاني ..

رد: الزمن طبعه كذا للعاشقه ديرتها

تغير وجه سالي يوم تذكرت الموقف وجلست تحوس بدولابها وهي مو مركزه وبعصبيه,,وفجاءه صرخت سالي ومسكت يدها اللي صك عليه باب الدولاب حست الدنيا دور فيها بعدين فقدت الوعي وماعلى لسانها إلى كلمه وحده :جبان ماي قدر يسوي شي ..

صحت على صياح وهج بسياره وهم رايحين المستشفى ,,,صرخت سالي بألم يوم حاولت تحرك يدها,,وهج من بين دموعها :سالي صحيتي..
سالي:اي ..توجعني ..
ناصر:اصبري شوي نوصل للمستشفى...
سالي بصراخ :كيف شوي ونوصل وانت تمشي على بيض حرام عليكم حسوني فيني بموت من الالم ...
زاد ناصر سرعته حتى يفتك من صراخ سالي وقطع كذا اشاره...
بعد ربع ساعه كانوا بالمستشفى,,,
سالي بألم وبصراخ :حرام عليك ياحقير اترك يدي ,,,الله ياخذ روحك فكها,,يمممممممممممممه ...
دكتور مصري كبير بالسن :يابنتي اسكتي خليني اشوف عملي ...
سالي :اتركك عشان تكسر ايدي ,,اتركها خلاص مابغى تعالج عندك ,,يامصري اتركها ..
الدكتور بالضحكه :طيب ياسعوديه دقايق بس اصبري انتي ماتبغي الالم يروح ..
سالي :مابي,, مابي شي ,,بس خل ايدي ,,وصرخت بالم يوم ضغط عليها الدكتور بقوه :اي يامجرم ,,وسحبت يدها منه ..
ناصر بعصبيه :سالي بس خلي عنك حركات البزران وخلي الدكتور يشوف شغله ...
سالي :مابي غصب ..هي ايدي ولا ايدك..
عطاها ناصر نظره والتف على الدكتور: شوف شغلك بسرعه ...

دخلت سالي البيت أول وحده ,,ناظرت لأم ناصر وعيالها اللي جالسين ينتظرونهم بالصاله تحت ,,سالي :اكرهه اكرهه ..
أم ناصر وهي تناظر بيدهالمجبسه:من هو هذا وش على يدك ..
سالي بقهر :ومن غيره ولدك الكريه نصور ,, بعدين شفتو تقول يدي سمعتي وهج تقول يدي مو يده ...
جنى :والله مو ذنبه انك خبله فيه أحد يصك على يده الباب ..
أم ناصر :جنى وش هالكلام,,ماتشوفينها تعبانه ..
سالي :لاخليها تعبر عن مشاعرها,,هاه هديل سامي عادل أحد عنده كلمه يبي يقولها عادي ترا هذي فرصتكم أي واحد عنده حساب يبي يصفيه معي هذي فرصته ,,صدق قالوها الاولين لاطاح الجمل كثرت سكاكينه ..
عادل :ول عليك حتى وانتي تعبانه لسانك شغال ,,أمنيتي بهالحياه يطلع لي لسان مثل لسانك
أم ناصر:بس ياعيال اسكتو عن خالتكم اللي فيها كافيها ...
وقامت سالي اللي كانت دايخه ومو حاسه بعمرها طلعت تنام..
سامي بصوت واطي لعادل :اقول عدول مالحضت شي غريب بخالتي سالي ..
عادل :لا وش يانبيه زمانك ..
سامي :خالتي رغم كل اللي صارلها مابكت ولانزلت دمعه ..
عادل ومسوي فيها فاهم :اسمع ياخي سامي بحكم خبرتي الطويله,, فأن السحالي من فئة خالتي ترفض اظهار مشاعرها امام الاخرين لأن هذا فيه جرح لكبريائها وتنقيص من كرامتها من وجهة نظرها ..
سامي باستخفاف لعادل :اقول مو كنك مصدق عمرك أنت وفصحائك المكسره ..
جنى:هي أنت وياه كفايه حش تراني موجوده ماطلعت ..
سامي :والله ولافكرنا نحش فيك ..
جنى بغرور :أكيد ماتقدرون تخافون مني ..
عادل:أنت ليه تكلمت نفختها علينا ,,اصلا ماتطرين على بال عشان نحش فيك ..
اذن العشاء ,,,
أم ناصر:اذن العشاء وابوي ماجاء ,,عادل اتصل فاخوك شوف ليه تأخروا ..
عادل وهي يقوم: مايحتاج اتصل صوت سياره اكيد جو ..
سامي اللي يطالع مع الدريشه :ايه جو ..
طلع العيال ومعهم أم ناصر للمجلس ..

هديل:بروح معهم ..
جنى :روحي محد بقايلك لا ..
هديل:انا ماقولك عشان تقولين لي روحي اقولك عشان تجين معي ..
جنى :اذا سالي اللي هي بنته ماراحت تبين أنا اروح بعدين ماهو من حبي لجدي عشان اروح استقبله ..
وهج :جنى وش قاعده تقولين ,,انتي خبله تقولين لهديل البزر هالكلام ..
هديل وهي تحط يدها على خصرها :لاتقولين بزر أنا كبيره وافهم ,,وأكبر دليل ماعلمت أمي بالي صار يوم رحنا الفيصليه وش قالت خالتي سالي لياسر بالسياره...
وهج اللي جرت هديل وجلستها جنبها:هديلوه انتبهي يزل لسانك وتقولين لأحد هالكلام ...
هديل :ليه وش شايفتني بزر,,يالناس افهموا أنا كبيره واعرف اشياء كثيره بس اطنش بكيفي وناظرت جنى بمكر وقالت :صح جنى ..
بالمجلس كان الترحيب قايم على اصوله ..
ابوسعد (جد ناصر) :وين سالي يأم ناصر ماجت تسلم علي ..
أم ناصر بحزن :سالي توها جايه من المستشفى ودخلت غرفتها تنام دايخه ..
أبو سعود بخوف:ليه وش فيها ..
ناصر:مافيها شي طال عمرك بس باب الدولاب سكر على يدها وديتها المستشفى وجبروها لها..
أبوسعد بعتب :الظاهر ياهيلا منتي مهتمه بأختك زين ..
سعد بدفاع:ليه هي بزر اداريها الاهي المطفوقه ,, تلقاه انكسر اصبعها وهي عاد دلوعه الا تلقاها متعبه أختها ومثقله عليهم ...
أم ناصر:لاهي متعبتني ولا شي ,,سالي بغلاة عيالي عندي ..
أبوسعد :لاتكلم عن أختك كذا والله لو هي وحده من بناتك ماقلت عنها هالكلام ..
سعد :والله مافاضحنا وموطي روسنا بين الناس الا هلأخت ...

سالي اللي كانت واقفه على الباب تسمع كلام اخوها عنها:دامني فاضحتك بين الناس وش تحتري تبر مني وخلص عمرك اصلا عمري ماعديتك اخوي ولايشرفني اتكون أخوي ..
أبوسعد بانفعال :سالي ,,هذا طريقه اللي تستقبلين فيها أبوك ..
سالي وهي واقفه بشموخ :أنا اسفه يبه بس انا ماعاد اتحمل كلام ولدك ...
سعد :قص لسان يقص لسانك ياقليلة لأدب أنتي شكله يبليك تربيه من جديد ...
سالي :والله اللي رباني هو اللي رباك فأذا انا قليلة أدب ........فكملها زي ماتبي ,,ولبيب بالأشاره يفهم ...
أبو سعد بصدمه :سالي ..
بس سالي طلعت من المجلس قبل ماتسمع تعليقهم على الكلام اللي قالته ..

سعود :وش فيك سرحان ..اللي ماخذ عقلك يابو الشباب..
ياسر:والله ماخذ عقلي غير المشروع الجديد والصلاحيات اللي عطاني ابوي ,,وبفرحه :تدري اني بالمشروع هذا ملكت رقاب كثير من التجار اللي يلعبون بالسوق وصاروا تحت رحمتي ,,تعرف وش معنى انا احتكرنا حقوق هالمشروع بالسوق السعوديه ..
سعود بملل :مافهمت ولا ابي افهم ,,ياخي من ركبت معك السياره وانت اتعيد وتزيد بهالموضوع...
ياسر:موضروري تفهم المهم انا فاهم ..
سعود :اووووف تكفى غير الموضوع ترا مللتني,,وعلى فكره ترا بكره برجع جده ..
ياسر اللي وقف السياره على جنب الشارع:لاياشيخ بكل سهوله جاي تقولي
برجع جده بكره ..
سعود بسخريه:ليه الشيخ ياسر عنده اعتراض ..
ياسر:يالله عاد سعود لاتكلم معي بهالطريقه ,,بعدين وش عندك بجده يوم انك مستخف عليها ...
سعود:وش اسوي ياخوك بالقلب الهوى غربي والقلب عاشق جده ..
ياسر:بعد هوى امريكا صار الهوى جده ..
سعود:وش فيها جده عروس البحر ...
ياسر:مافيها شي بس خلك معي يومين بعد ,,جده بمكانها ماراح تزحزح شبر ...
سعود بتريقه :لا اخاف اجي القاها داخله البحر تسبح ..
ضحك ياسر وتحرك بسيارته بسرعه وهو يردد مع راشد الفارس :
كلها ايامي وليالي واحضن كفوفك ياغالي ..
انتا ياعمري وروحي لحضه ماتفارق خيالي..
لاتشك بالي يحبك اسأل عيونك وقلبك..
ياما غيرك فيني حاول بس قلبك مايبالي..
اليالي تغيب عني حبك لوحدك سكني ..
انا ماعندي بدالك وانت ماعندك بدالي ..
كلها ايام وليالي ,,كلها ايام وليالي ,,
عادل :تصدق ماتصورت خالتي سالي بهالقوه ,,والله طلعت بنت عن مية رجال ,,الصراحه كنت اتمنى عندي كاميرا بذاك الوقت عشان اصور وجه خالي سعد ..
سامي :تكفىلاتذكرني ترا بضحك قدام الرياجيل ,,اقول قوم صب القهوه شوف ناصر كيف يخزك...
عادل:اوووف طفشت هالشيبان مايرون قهوه مدري ناصر من وين مجمعهم ,,قم أنت صبها انكسرت يدي ...
سامي بسخريه: زملاء الشغل,,لاماقدر يدي اليسار فيها شد مقدر امسك فيها الدله ..
عادل:وانت ماعندك الاهالعذر ,,بقوم قبل مايقوم ناصر ويدوس في بطني ..
أبونايف :شلون يعني مانتي موافقه ,,ولد عمك مافيه عيب عشان ترفضينه ..
فاتن بدموع التماسيح :يبه أرجوك مابي اتزوج اللحين ابي اكمل الدراستي ..
أبونايف :واللحين من قال إن الزواج بيمنعك من دراستك كملي دراستك وانتي متزوجه ..
فاتن وهي تزيد جرعة الدموع :يبه ارجوك افهمني مابي اتزوج ,,اذا تزوجت اللحين بتتأثر دراستي وأنا مابي شي يخرب على دراستي...
ابو نايف:خلاص تملكون اللحين وذا خلصتي دراستك نسوي الزواج ...
فاتن بانفعال:لا مابي اللحين ملكه مابي اتزوج ,,الله ياخذ مابيه ..
ابونايف :قصري صوتك لاترفعينه بوجودي ,,انا عارف إن هذا مو كلامك كلام الحيه أمك بس بعدها تسوي اللي براسها بتزوجك لولد أخوهابس دام راسي يشم الهواء مالك الا ولد عمك ..
طلع ابونايف من المجلس وترك وراه فاتن بعد ماحطم حلمها بزواج من ياسر ..
جلست فاتن على الارض وهي تبكي بهستريا..
دخلت شيخه اللي كانت تسمع كل اللي صار نزلت لبنتها اللي جالسه على الأرض ورفعتها..
فاتن وهي تبكي:يمه ابوي بيغصبني اتزوج ولد أخوه ,,يمه انا مابي اتزوج غير ياسر ,,موبكيفه ابوي يتحكم بمصيري هذي حياتي مو بحياته ....

رفع ياسر راسه عن الاوراق اللي كان يوقع عليها وتمدد بكسل ضرب ياسر راسه وهويناظر لساعة يده اللي كانت 1ونصف ...
ياسر :هاه معتز بقى عندي مواعيد ..
معتز: ايه طال عمرك عندك غداء عمل الساعه 3مع الشيخ صالح ال.....
ياسر:صالح ال.....,,معتز تأكد عندك الموعد معه ولامع مندوب من شركتهم ..
معتز:لا الموعد معه هو بنفسه ..
ياسر:طيب روح أنت ,,طلع معتز وجلس ياسر يكلم نفسه:والله صدفه غريبه ,,,اليوم متفق اتغداء مع سعود وبدال ماتغداء معه بتغداء مع ابوه,,والله فكره لو أخذه معي وخليه يقابل ابوه ههههههههههههههههههههههههههههههههههههههههههههه
ههههههههههههههههههه,,مقدر اتصور شكله بهالموقف...
طلع ياسر من الشركه على البيت غير ملابسه واتجه للفندق اللي نازل فيه الشيخ صالح
واللي فيه موعده معه وهو يحس بنشوه وحبور مالها مثيل ...
كان ابو سعد جالس في بهو الفندق مع مدير اعماله وسعد ولده يتناقشون بقضايا الشغل ..
جاهم ياسر اللي عرفه مدير اعمال ابوسعد بحكم تعامل مع ابو ياسر ...
بعد السلام واخذ الاخبار وبعد ماجلسوا ..
سيف :اهلين استاذ ياسر نورتنا ..
ياسر:النور نورك ونور الحاضرين..
ابوسعد :وش رايكم ندخل بالموضوع مباشره ..
ياسر:زي ماتحب..

سالي :اي ماقدر ادخلها وهج ساعديني ...
وهج بقهر :الله يفضحك فشلتينا مالقيتي تلبسين الا هالعباه ...
عبير وهي تضحك:ياي منظرك تحفه ولاشكل يدك المنفوخه تحت كم العباه لحاله سالفه ..
وهج :كملت شوفوا من جاء ,,كتمت عبير ضحكتها يوم شافت من تقصد وهج ..
ابرار:سلامات سالي ماتشوفين شر ,,
سالي بملل:الشر مايجيك ..
ابرار:كيفك وهج ..؟؟
وهج بطريقه عمرها ماكلمت احد فيها :زفت من يوم شفت وجهك ...
ناظرت فيها ابرار بنظرات لها مغزى وخلتهم وراحت ...
وهج :مالت فكه من شيفتها..
سالي باستهبال:حرام عليك ليش تعاملين البنت كذا ...
وهج بعصبيه :مسويه روحك ماتدرين ..
عبير:حرام عليك البنت قصدها شريف تبي تصادقك ..
وهج بانفعال:وانا مابي هالصداقه ,, واذا انتي تبين صداقتهاروحي لها ...
وجهت عبيركلامها لسالي اللي كانت تناظر الموقف وهي تهز رجلها وعلى وجها ابتسامة رضا:وش فيها ذي هبت بوجهي انا وش قلت ...
سالي بدور الحكيمه :هدوا ماصار شي لتخلون الشيطان يدخل بينكم...

ياسر بداخله وهو يقلب عيونه بوجه ابوسعد وولده:والله وجتك لحد عندك ياياسر....
ياسر:والله كان ودي اخدمكم بس تعرف هذي عقود واتفقيات وأنا مقدر الغي العقود اللي وقعتها مع شركات ثانيه ...
سعد :من قال الغها ,,كل شركه تاخذ حصتها وشغلنا غير شغلهم ..
ياسر بمكر:بس الكميات اللي انتو طالبينها كبيره ومانقدر نغطيها الا اذا كنتو لحالكم وهذا بحكم المستحيل...
ابوسعد :اخر كلام ..
ياسر:اسف كان ودي اتعامل معكم بس العقود اللي وقعتها مقيدتني...
سعد:بندفع ضعف اللي يدفعونه,,وحنا بعد موقعين عقود مع تجار الصغار وهذي فيها سمعه وخراب بيوت ...
أبو سعد :وحتى الوالد مايقدر يساعدنا..
ياسر:الوالد معطيني كل الصالحيات وشايل يده من المشروع هذا يعني ماراح ينفعكم ..
سعد:ولا النسب الي بينا يشفع لنا ..
ياسر بخبث:الا يشفع ليه مايشفع ..
ناظر ابوسعد بولده باستغراب من كلام ياسر المتناقض تو يقول مستحيل ويم جابو طاري
النسب اللي بينهم غير كلامه ...
سيف وهو يوقف :انا استئذن ..
ابوسعد :تفضل..
سعد بعد ماراح سيف :وش قصدك مو فاهمين شي ..؟؟
ياسر:يشرفني اخدمكم بصفتنا نسايب ومكانة ناصر ولد عمي عندي كبيره فمايهون علي
ارد خواله ...
ابوسعد :كذا بكل سهوله ,,موكانك اللي تو رافض مع انا وعدناك نضاعف لك الثمن ...
ياسر بداخله :لاتخاف باخذ اللي مايقدر بثمن ...
ياسربأبتسامه :بشرط واحد اتوقع ماراح يضايقك بالعكس بيسعدك ...
سعد بأستغراب:وش هالشرط ...
ياسر:نقوي النسب اللي بينا ...
ناظروا بعض وهم مو فاهمين وش يقصد :كيف يعني ...
ياسر وهو يناظر ببو سعد:يعني يشرفني القرب منك وزواج من بنتك ...
أبو سعد اللي تفاجيء من طلبه الغريب :بنتي ,,يعني بتزوج من وحده من بناتي ولا....
ياسر يقاطعه :اناللي عرف وحده وهي اللي ابيها..
نهاية الفصل الاول
من الجزء السابع ,,,

رد: الزمن طبعه كذا للعاشقه ديرتها

الجزء السابع
الفصل الاخير..

غدا بإذن الله

رد: الزمن طبعه كذا للعاشقه ديرتها

واووووووووو
بجد قصه روعه
انتظرها بفارغ الصبر
انا جديده بالمنتدى
بس كنت متابعه القصه

نلتقي بكرا
تسلم ايدج الغلا

رد: الزمن طبعه كذا للعاشقه ديرتها

ريف الصبا
أهلين أختي
حياك الله
تسعدني متابعتك

رد: الزمن طبعه كذا للعاشقه ديرتها

الجزء السابع
الفصل الاخير..


رحاب:احلفي يعني الحين انتي اللي مبلغه عليهم ..
جنى :ايه تصوري هههههههههههههههههههههههههههههههههههههههههههه. .
رحاب:ماشكو فيك ..
جنى:مستحيل ولاحتى طريت على بالهم ..
رحاب :طيب ليه ماقلتي لنا اليوم بالفصل ..
جنى:لا حبيبتي اخاف احد يسمعنى وحنا مو منتبهين بذاك الوقت من بيفكنا منهم ..
رحاب:معك حق الباب اللي يجيك منه ريح صكه واستريح ...
جنى:رحابووه اكلمك بعدين اسمع نويصر ينادي ...
رحاب:اقول جنى وش رايك تزوجيني اخوك عشان تفتكين من حنته ...
جنى :لاياشيخه ,,وش قالولك اخوي طايح بكبودنا عشان تزوجينه ..
وبهالطريقه ارجعت المياه لمجاريها بين رحاب وجنى...
ناصر:جنى جنى ...
صكت جنى السماعه حتى قبل ماتودع رحاب ,,ونزلت تركض على تحت ...
ناصر:ساعه اناديك ,,
جنى تكلم نفسها:ومافيه بالبيت احد غيري تناديه ..
ناصر اللي جالس يتقهوى ويشوف التلفزيون:وين أمي ..
جنى:أمي مع جدي بالمجلس ...
ناصر:سالي معهم ..
سالي:لا أنا هنا ..
جنى:هههههههههههههههههههههههههههههههههههههه ههههه ههههههههههههههههههههههههههههههههههههههههههههه هه..
سالي بغضب:وش تضحكين عليه انتي وخشتك ...
ناصر:من حقها تضحك انتي شايفه شكلك بالمرايه ..
سالي:ماشفته بالمرايه شفته بالسماء يوم14 ..
ناصر:جنى انتبهي تطلعين مثلها بهذي بعد طولت لسان وسكتنا عليها غرور بعد محد متحملك ..
جنى:لا انا متواضعه من تواضع لله رفعه ....
سالي:ترا مو فايقه لسخافتكم ..
دخلت أم ناصر عليهم وجلست فتره تناظر بسالي بعدين تكلمت :سالي روحي سلمي على أبوي قبل مايمشي ..
سالي :يووه مالي خلق اشوف أخوك ...
أم ناصر:روحي مافيه الا أبوي سعد موفيه ...
طلعت سالي وهي حاظنه يدها المكسوره ,,وطلع ناصر بعدها ...
جلست سالي عشر دقايق مع أبوها وطلعت يوم سمعته يكلم سعد وفهمت أنه برا وبيدخل قابلته عند باب المجلس,,,سعد جالس يناظر فيها من فوق لتحت كأعتراض على لبسها اللي كان تنوره ميد وبلوزه حفر ,,لفت عنه ودخلت البيت ,,هز سعد راسه بأسف ودخل المجلس سمع أبوه يسأل ناصر عن رايه بياسر ولد عمه ...
ناصر اللي ظن السؤال عشان شغلهم معه :والله شهادتي فيه مجروحه وسمعته سابقته ومعروف عنه أنه عند كلمته هذا بالنسبه للشغله..
سعد:الكلام هذا الكل يعرفه حنا نسأل عن اخلاقه وحياته الشخصيه ...
ناصر:ياخالي وانت سيد العارفين إن علاقتي بأهل ابوي مو لذيك الدرجه وصراحه ماعرف عنه غير الي اسمعه من الناس ..
ابوسعد وهو يتنهد :ولد عمك خطب خالتك ..
جلس ناصر فتره عشان يستوعب اللي انقال بعدين تكلم :بس كيف ,,مستحيل ؟؟
سعد :هذا اللي صار ولد عمك كان رافض يتعامل معنى وجلس يتحجج بعدين يوم ذكرناه بالنسب اللي بينا قلب وقال انه بيساعدنا بس بشرط اللي هو يتزوج خالتك ...
أبوسعد:يعني ماقدامنا الا انوافق ...
ناصر:وخالتي..
سعد:وش فيها خالتك ..
ناصر:مستحيل ترضى أكيد بترفضه مثل مارفضت غيره ..
سعد بعصبيه:ومن قال بنشاورها غصبا عنها بتزوجه..
ناصر:جدي صحيح كلام خالي,,
أبوسعد:ليه أنت عندك حله غيره وبعدين ياسر رجال ومافيه شي يخلينا نرفضه ...
ناصربأنفعال:فيه مليون شي مو شي واحد يخليك ترفضه ,,بدايه بماضي أبوه وجده معكم ولانسيت أنه كان رافض زواج أبوي من أمي ,,وانتهاء بموقفه الانتهازي وهذي مو علوم المرجله إنه يستغلك ويلوي يدك ..
أبوسعد :قلتها لاوي يدي ,,يعني موافقتي مجبور عليها مو بأختياري ولا أن مستحيل اعيد الماضي ,ووماضي ابوه معي مايشفع له ...
ناصر:جدي ارجوك فكر أكثر ولاتبيعه بنتك عشان الفلوس...
سعد بعصبيه:ناصر اشوفك تعديت حدودتك لاتنسى إن اللي جالس تكلمه يصير جدك ...
أبوسعد:خله ياسعد ناصر معه حق ,,ياناصر لو الموضوع على الفلوس مابيعها بملايين الدنيا بس هذي سمعه واسم عايله وعشان احافظ عليه ابيع مو بنت وحده ابيع عيالي كلهم عشان احافظ على الاسم اللي بنوه ابوي وجدي ..
صحى ياسر على صوت الجوال اللي يدق ..
ياسر:اووووف وش هالازعاج الواحد مايقدر ينام ساعتين على بعضهم ..
رفع الجوال وشاف المتصل :وش فيه سعود ماذكره مزعج ...
ياسر بصوت مليان نوم:نعم ..
سعود :مابغيت ترد كل هذا نوم ياخي خاف ربك من العصر اتصل عليك وانت ماترد..
ياسر :ليه حنا باي وقت ..
سعود :لاحوول اصحى ياحبيبي الساعه عشر بالليل ..
ياسر:لامستحيل والصلاه ,,اوووف محد صحاني,, وبسرعه :سعود انتظرني بالشقه نص ساعه واكون عندك ..
وهج: بسم الله عليك سالي وش فيك ..
سالي وهي حاطه يدها على فمها:اطلعي برا ..
وهج:وش فيك ..
سالي:حرام عليكم اطلعي مو قادره استحمل وراحت تركض على الحمام ...
طلعت وهي تجفف فمها بالفوطه :كم مره قلت لك اكرره البيض ليش ماقلتي انا الساندويش فيه بيض ..
وهج بغباء :هاه صح ,,نسيت ..
سالي:طيب اطلعي ماحب ريحته ,,والله وهج ماكذب برجع استفرغ ...
وهج وهي تحرك يدها بطريقة اهدي:طيب بطلع ...وطلعت .
جلست سالي على السرير وشغلت شريط شعر لحامد زايد ...
مابقى الا سود الأيام تحرمك الرقاد
كيف الاوهام تجرى تسريك مغبون ..
من متى تجزع من الدمع واتخاف البعاد
من متى تقفيبك ظنون وتجيبك ظنون
صرت تأخذ كذبتي صدق ومزاحي وكاد
لوبقول اني بخونك تحسبني بخون
ماتعرف إن كل شاعر يهيم بكل واد
وأنهم دايم يقولون مالايفعلون
ابك انا لوقلت ابنساك وانكرت الوداد
والله اني لانسيتك ولاهم يحزنون
من جزع من صفعت الشمس يطمع بالبراد...
ومن فقد وجهاته الخمس يلقابك ركون ..
اعتبرها هقوة انسان أو كبوة جواد..
لوبتسمح فانت غالي ولوتجرح تمون..
عدصداتك مروه وطعناتك ضماد ..
خلهن لراحن الطعون ولاردن طعون..
خنجرك يستاهل الطعن ومتوني الشداد..
ومنك يازين الخناجر ويبخت المتون..
وعند هالمقطع صكته سالي وقالت: كذاب ياحامد ماصدقت مافيه رجال يحب بنت مثل اللي قاعد تصوره بقصايدك ,,كريه مثلك مثل الحقير اللي انكسرت يدي بسبته ..
:بوووووووووووووووو..
سالي :ماخفت ..
هديل وهي تنسدح جنبها على السرير:جدي سافر..
سالي بحزن :والله بهالسرعه...
هديل :ايوه,,خالتي .
سالي :هاه..
هديل وهي تأشر على يدها:توجعك..
سالي :اذا لمسها شي ..
هديل:خساره لويدك مو مكسوره سويتي لي العمل حق الفنيه مثل كل مره صح ..
سالي ابتسمة لها بحنيه:صح ..
هديل:خالتي لاترجعين عند جدي وابقي معنى.
سالي باستغراب:من قال برجع انا بجلس عندكم..
هديل:احس قريب بتتركينا..
سالي بضحكه :هديل ياحماره وش المسلسل اللي متابعتها ...
هديل:مو مسلسل اتكلم صدق..
سالي وهي دزها:اقول انقلعي يأم احاسيس انتي ..
هديل:طيب بنقلع بس لاتزفين ..
كانوا جاسين بلكونة شقتهم ..
ياسر اللي واقف على الدربزين يطالع الشارع ويدخن :تصور مع مين تغديت اليوم …
سعوداللي كان جالس على الطاوله :ومع مين أكيد مع أهلك …
ياسر:وأنت الصادق مع أهلك انت ..والتفت على سعود عشان يشوف تاثير الكلمه عليه …
سعود بعدم مبالاه :مافهمت ..
ياسر وهو يطفي السيجاره ويجي يجلس جنبه:كان عندي غداء عمل مع مندوب شركة أبوك بس تفاجاءت يوم دريت أن أبوك بنفسه كان جاي ومعه أخوك سعد …
سعود وهو يوقف: بروح اسوي لنا عشاء …
ياسر اللي رفع رجليه على الطاوله :كان ودي اساعدك بس احس عظامي مكسره ..
سعود :ايه درينا,, درينا,, ماتقصر أنت ..
ياسر وهو يضحك :سعوووووود …
دخل سعود المطبخ وهو يضحك …
وطلع ياسر جواله من جيبه وفتحه وطلعت له صورتها اللي بالخلفيه جلس يتأملها فتره بعدين فتح واحد من مقاطع الفيديو الكثيره اللي للحين ماشافها كلها (كانت نايمه على سرير وسماعات بأذنيها وجالسه تلعب بشعرها وتتكلم مع احد عندها بالبدايه كانت تستهبل وتضحك بعدين جلست تكلم بعصبيه ونرفزه,,,كان يناظر فيها وهو مبتسم بدون قصد كان مره مندمج بالي يشوفه اكنت كل تصرفاتها غريبه غير متوقعه لابتسمت ابتسمت بغموض ,,تضحك بسخريه واستخفاف,, تعصب بتكبر وغرور ,,ماتسوي شي بعفويه كل حركه منها محسوبه وكأنها مخططه لها من قبل…قربت الجوال من عيونها وكانت تضحك ,,كانت عيونها واسعه كحيله ورموشها طويله ذباحه,,,خبث الدنيا كله فنظراتها اللي ترسل سهام مسمومه لقلب اللي يشوفها,,,هذا كان راي ياسر باللي شافه ,,سالي كانت كلأحجيه بالنسبه له اللي لازم يحلها ويفك رموزها)…
:انتبه على عيونك لاتدخل بالجوال …
نزل ياسر بسرعه جواله …
تقرب منه سعود بخبث :ورني وش كنت تشوف …
ناظره ياسر بأرتباك :ماكنت اشوف شي كنت اقرأ مسج ..
سعود: طيب ياللي تقرأ مسج عطني بفتش جوالك …
ياسر دخل جواله بجيب وقال :دا بعدك ..
سعود وهو يمثل الأسف:افا ياسر ماتوقعت من هالنوع ..
سفهه ياسر ودخل ..

قفلت الكمبيوتر وجلست تطالع فيه بقهر متى بيفهم انها تعتبره مثل أخوها صدق انه مراهق غبي بس هي بعد تستاهل ليه تعطيه فرصه هي كانت تعامل معه بحسن نيه ماتوقعته بيتعلق فيها ويحبها ,,رددت الكلمه بقرف :يحبني ,,اووف صدق أنه غبي كيف يحب وحده اكبر منه...
شافت جوالها يرن طالعت بالرقم لقته هو ...
ابتهال بملل:الوو.
وليد :ليش طلعتي لهدرجه موطايقتني ..
ابتهال:وليد وش فيك ماتفهم أقولك تعبانه بنام ...
وليد بحزن:ابتهال ليه تغيرتي ,,من يوم اعترفتلك اني احبك وانتي متغيره علي ,,صدقيني مو بيدي غصبا عني أحبك ...
ابتهال:وليد أرجوك لاتكم معي بهالطريقه اتقرف ...
وليد بغصه وعيونه مليانه دموع :حرام عليك ليش تعامليني بهالطريقه عشاني اصغر منك الحب مافيه صغير وكبير ...
ابتهال :خلاص اسكت لاتكلم مليت من هالاسطوانه ,,اوووووووف وليد ترا تحملتك وتحملت سخافتك كثير كله مابي اجرحك ابغاك تفهم من نفسك وتنسحب بس أنت مو راضي تفهم ..وسكرت بوجهه..
جلست تبكي أبتهال بألم وهي تقول :
اللي يبينا عيت النفس تبغيه,,,
واللي نبيه عيا البخت لايجيبه ,,,
وش لك ياوليد بالحب لاحق على الهم ,,بايش نفع الحب اللي أكبر منك ,,,شوفني قدامك لي خمس سنين أحب واللي أحبه ولاداري عني ويمكن مايدري أن فهالدنيا وحده اسمها أبتهال
ليش ياقلبي..؟؟ ليش تحب..؟؟ وتعذبني بهالحب ...
سمعت نغمة مسج عرفت أنه من وليد كإن:
الموت...
ماهو لا تكفنت بتراب..
الموت ...
لا فارقت حي تحبه..
واستمر بارسال المسجات الواحد وراى ثاني وكلها تدل على عمق جرحه وألمه ...
عيوني تحجب الدمعه ,,
وعقلي يكتم الهوجاس ,,
وقلبي صابته صدمه ,,
من فرقاعز الناس,,

ادري اتفقنا نفترق "
ادري وصلنا لنهايه"
صدقني قلبي ينحرق"
اعذريني اشقيتك معايه"

ياحبيبي هزني يوم الوداع.. وافترقنا عقب ماكنا جميع ..
تحكم الأقدار وأمرالله مطاع..ماكتب ملزوم وحنا له نطيع ...
ولاتقول ان الأمل يازين ضاع..يمكن ان الوقت يصفى للجميع...
اغلقت أبتهال الجوال وجلست تبكي بألم لأنها حست إن وليد في حالة صدمه ,,موقادره تتصور أنها تسببت بالألم له ,,طول عمرها تعتبره زي أخوها لأنهاكان قريب منها مره من يوم كانوا صغار وبعد ماكبروا مانقطعوا عن بعض بالعكس زادت علاقتهم وخصوصا بعد ماتركت أبتهال الدراسه علمها وليد على النت وصاروا دايم مع بعض يجلسون يتكلمون بالساعات على المسن ومع بعض فالمنتديات كانوا وليد معها فكل خطواتها يعلمها ويشجعها ...
من أربع اسنين وهي تكلمه بالجوال عمره ماطرى على بالها أنه يكن لها مشاعر حب ,,لين صدمها فيوم
لماقالها أنها المقصوده بخاطرته اللي يعترف فيها لحبيبته ,,فالبدايه أبتهال حسبته يمزح بس وليد اثبتلها جديته يوم تغير بمعاملته معها الشي اللي خلى أبتهال تنصدم بالواقع المر أن وليد يحبها بس مو بالطريقه اللي كانت تمناها كانت تمناه يحبها كأخت مثل ماكانو امن يومهم صغار بس الزمن اللي لعبته تغير الناس كان له رأي ثاني ....

رد: الزمن طبعه كذا للعاشقه ديرتها

سالي بشك:ليش سكتوا يوم شفتوني ..
ناصر:خلصت السالفه اللي كنا نقولها ..
سالي :وش فيك هاليومين كله بالبيت …
ناصر:اخذ اجازه ..
سالي:وليه تأخذ اجازه بهالوقت ..
ناصر :بس كيفي اخذ اجازه بالوقت اللي يعجبني ..
سالي :لامو على كيفك حنا ندرس وانت ماخذ اجازه …
سكت ناصر وهو يطالع بالتلفزيون ..
سالي اللي انتبهت على أم ناصر اللي كانت سرحانه ومهمومه بالحمل اللي طاح عليها كيف بتبلغ سالي مرت خمس أيام من سافر أبوها ومابقى على موعد ردهم على ياسر بالموافقه الا يوم وسالي لازم تدري قبل مايردون عليه حتى لوكانت رافضه لازم تنحط بالصوره :هيلا ,,,أم ناصر ,,,بنت صالح ,,,اوووووووف أم نصوووور..
ناصر وهو يرميها بكرتون الكلينكس:لاتقولين نصووور..
أم ناصر:نعم وش تبين ..
سالي:وش فيك ساكته ..؟؟
أم ناصر:مافيني شي ,,وبعد دقايق :سالي وش رايك تودين هديل للمكتبه بتشتري لها أغراض …
سالي :يووووه ماتشوفين يدي مكسوره كيف اروح معها …
أم ناصر:يدك المكسوره مو رجلك يالله روحي ناديها ..
سالي :طيب اوديها بشرط ..
أم ناصر :وشووو..
سالي :بنروح للمشغل بعده ..
أم ناصر بشك :ليه وش عندك بالمشغل ...
سالي :حلوه كيف وش عندي بالمشغل بروح وبدون تحقيق ولا دوري أحد غيري يوديها عندك ناصر ..
ناصر:لا انا ماقدر متواعد مع رجال اللحين بيجيني ..
أم ناصر:امري لله روحي للي تبين ..

هديل:لا أمي بتهاوشني ..
سالي بقهر:لاتكونين غبيه شكلك بيطلع أحلى لوقصتيه ...
هديل :بالمدرسه يهاوشوني يقولون تشبه ..
سالي :اووووف ماعليك لاقالو لك بالمدرسه شي قولي لي وأنا اروح لهم ...
هديل :طيب ابي اصبغ مثلك ..
سالي :اووه خليك كذا,,تعجبني ,,وطلباتك كلها أوامر ...
سالي رمت على راجو كست :شغله على الوجه B...

هديل وهي تغني مع المسجل وتصفق :ياحلأ اعملي غره فرحلي البي شي مره لا حرأص ابن الجيران ياللي عيونه لابرا...
سالي :ياحلأ أعمله غره فرحله ألبه شي مره لنحرأص ابن الجيران ياللي عيونه لابرا ...


وبعد ماخلصت الغنيه ...سالي للهديل:كفك..طقوا لبعض :تصدقين أول مره ادري إن صوتك حلو ...
هديل :أحلى من صوتك بعد ..
سالي :أقووول هديلوووه احلمي على قدك ...
هديل :افا هذا وأنا خليفتك بالعائله ...
سالي :من ناحية أنك خليفتي هذي مايختلف عليها اثنين ,, وقرصتها مع خدها:بس لاتنسين العين ماتعلى على الحاجب..
بعد ماخلصوا من المشغل راحو المكتبه ...
سالي :هديلوووه بس والله تكسرت رجولي وأنا امشي وراك ...
هديل:وش اسوي مالقيت اللي ابغيه وبكره علينا والله تلعن خيري أبله هند لو ماجبته ..
سالي :اووووووووف منك طيب انتي روحي دوري عنه وأن بروح جهت الروايات بدور روايه ابيها ...
هديل:طيب لاتضيعين مو ناقصه ادورك ,,ولاتسوين مشاكل مع أحد ...
سالي بسخريه :طيب طسي خالتي هديل لألفك بطراق ...
صرخت هديل بفرحه: لقيتيها..
خطفت هديل الألوان من يد الرجال اللي كان ماسكها يطالع فيها ...
هديل :واو نفس اللي ابيها ,,وضمتها:مابغيت القاكي ...
سعود :ههييييييييي ياحلوه انا اخذها قبلك...
هديل:اقول طس دور وحده غيرها هذي خلاص صارت لي ..
سعود اللي تفاجيء من هجومها بالكلام :عيب ياحبيبتي وش هالكلام بعدين ذي ألوان رسم للكبار ,,روحي للرفوف اللي هناك فيها دفاتر تلوين لصغار اللي كبرك ...
هديل:وش شايفني بيبي يالشايب ,,ولاتحاول الالوان خلاص صارت لي..

ياسر اللي عرف هديل لبس نظارته ولف على الجهه الثانيه عشان ماتشوفه وتعرفه ,,قال:سعود وش فيك على البنت خلها تأخذها وأنت خذ وحده ثانيه ..
سعود بعصبيه :كيف اخليها لها ماكأنك شايفني من الصبح كم مكتبه مريت أدور عن الالوان ذي ومالقيتها واخر شي اتنازل عنها لبزر ماتعرف قيمتهن عشان تلعب فيها...
هديل :ألعب فيها ارميها احرقها الواني واشتريتتهن بفلوسي اسوي فيها الي ابي ..
سعود وهو يجلس على ركبه عشان يكون بمستواها:وش اسمك ياحلوه ...
هديل :ماني حلوه ومالك دخل باسمي ..
ناظر فيها سعود بتمعن يعرف هالملاح يعرف العناد هذا مو غريب عليه ...
صرخت فيه هديل: ياهوووووووووه وش تطالع فيه ...

سالي :هديلوووه ياحماره وش هالصراخ فضحتينا ...
انصدم ياسر يوم سمع صوتها ولف عشان يتأكد مع أن وجود هديل كان كجرس انذار له بتواجدها ,,,
ابتعد ياسر وجلس يناظر الموقف من بعيد ...
هديل اللي مشت لين وقفت عندها:خالتو سالي لقيت الالوان ...
سالي اللي تطالع سعود بنظرات شك: زين مابغيتي تلقينهن ...
كانت الكلمه تردد في مخه :خالتو سالي ,,,خالتو سالي ,,سالي أختي ...
رفع عيونه عشان يتأكد ,, أول ماتلاقت عيونهم نطقت :سعود ...
تحرك سعود بجهة ياسر وكأنه منتبه لكلامها عشان ماتشك أنه يعرفها ,,,,سالي بصوت أعلى:سعوووود,,,سعوووووود ....
بس سعود مارد عليها وزاد سرعته ولف بأول ممر صادفه عشان يضيعها ...
سالي بصراخ:سعود تعال ارجوك,,, لاترووح ارجع سعود ,,,سعود لاتخليني أن سالي أختك ..

سعود كان يسمعها ويحس قلبه يتقطع وده يلبي ندائه بس فيه شي أكبر منه يمنعه ..
كانت سالي تمشي بسرعه ودور وجه أخوها بوجيه الناس وكأنها طفل صغير مضيع أمه ...
هديل اللي ماكنت فاهمه تمشي وراها وفوق راسها مية علامة استفهام ...
ركب سعود السياره وبعد عشر دقايق جاء ياسر ...
سعود :وش فيك تأخرت ...
ياسر:انتظرهم يطلعون ..
سعود :طلعوا..
ياسر:لاللحين داخل,,ماتوقعت تشوف أحد من اهلك ..
سعود:توقعت أي أحد الا سالي ...
ياسر:ليش يعني..
سعود:احس بتسبب له بألم اذا درت اني هنا ومارحت لهم ,,ماقدر اواجها بعد ماكذبت عليها وقلت اني تخرجت وصرت دكتور واشتغل برى...
ياسر :طيب ليش سويت كذا ...
سعود :ماكنت ابي ارجع وهي بس تلح علي ,,فقلت لها اني اشتغل برى ...
ياسر:موقفك صعب وش بتسوي اللحين ...
سعود :مدري شكلي برجع أمريكا غلطت من البدايه يوم قررت ارجع ...
ياسر الي ماتوقعه يقول ابرجع :لا مستحيل تترك البلد عشان شي سخيف زي كذا ماعليك منها,, بعدين صدقني مافيه أحد يسوى تضيع عمرك عشانه واذا كانت اختك تحبك زي ماتحبها ترضى فيك زي مأنت ...
سعود بتردد:رايك كذا ..
ياسر:أكيد مايكفي اللي ضاع من عمرك بالغربه أنا عشت أربع سنين ماتحملت كيف أنت اللي جلست 11سنه ...
سعود:مدري احس فكري مشوش موقادر اتخذ قرار بروح لجده واقرر هناك ....
ياسر بداخله :أحسن بعد تكون بعيد هالفتره لين كل شي يمشي زي ماني مخطط له ,,,وبنشوة الانتصار :بكره بيردون بكره ببدأ خطوة الالف ميل........
هديل: خالتي يالله ننزل وصلنا ...
هديل وهي تهز كتفها:سالي يالله انزلي وصلنا ...
جلست سالي على سريرها وهي حاسه بالضياع ,,,الي شافته سعود ولاهي تخيلته سعود ,,لاهذا سعود انا اعرفه صح ماشفته من ست السنين بس برضوا أعرفه مستحيل اضيع عنه ,,طيب ليش تركني وراح ليش مارد علي ,,ومن متى وهو هنا وليش ماخبرنا أنه رجع ,,اه أحس راسي بينفجر ,,ليش ياسعود ليش تسويي فيني كذا ,,وراحت في نومه عميقه وصورة سعود وهي يلف ويتركها مافارقت بالها ...
نهاية الجزء السابع ,,,

رد: الزمن طبعه كذا للعاشقه ديرتها

الجزء الثامن
الفصل الأول:



ياسر :حيالله ولد عمي تو مانورت الشركه ...
ناصر: الله يحيك والشركه منوره بأصحابها..
ياسر:وش تشرب ...
ناصر:انا مو جايك عشان اتقهوى انا جايك بموضوع وأملي فيك كبير..
ياسر بأستغراب :تدري اني اذا اقدر ماراح اقصر وش مو ضوعك..
ناصر بتوتر:الصراحه بالنسبه لخطبتك لخالتي اتمنى تعيد التفكير بالموضوع ..
ياسر :وليش انشاءالله انا كلمت ابوها واخوها ورحبوا بالخطبه ..
ناصر بأنفعال :بس البنت رافضه ..
ياسر الي حاط رجل على رجل قال بكبرياء: ماتهمني موافقتها ,,أهم شي أهلها موافقين ..
ناصر:كيف ترضاها على نفسك تزوج وحده رافضتك...
ياسر:اعيدها لك للمره الثانيه موافقتها أو عدمها ماتعني لي شي .
ناصر:هذ اخر كلمه عندك ..
ياسر بغرور:ومستحيل اتنازل عنها..
ناصر اللي يبغى يحرجه:ماتوقعتها منك ياولد عمي كنت اتوقع إن كرامتك فوق كل شي...
ياسر بكبرياء:لأنك ماعرفتني للحين زين ياولد عمي ...
ناصر:وعمي وش رايه ..
ياسر:بدون تلميحات أنا رجال وأبوي ماله كلمه علي ,,وأبوي بدون شك ماراح يعارض لأنها هذي حريه شخصيه ..
ناصر:والوالده بعد بتوافق وتعتبرها حريه شخصيه ..
ياسر:ياولد عمي ياناصر أحب اقولك اني مو من اللي يمشي على كلام الحريم,,وهذي حياتي وأنا حر فيها ...
ناصر:يعني مصر تعيد الماضي..
ياسر وهو يشغل سيجارته :هذا الموضوع اللي كنت بتكلمني فيه ..
ناصر اللي فهم تلميحه وقف وقال:ايه هذا الموضع وقبل ماطلع بقولك كلمه خلها على بالك زين خالتي مو سهله وصدقني ماراح يدفع ثمن هذا الزواج الفاشل من قبل يبدأ غيرك ...وطلع,,
ياسر وبعد ماطلع ناصر طلع زفر بقهر :ولا أناهين ,,واذا ماخليت خالتك اللي تهددني فيها تركع عند رجلي مثل الجاريه ماكون ياسر ال........

سالي وهي ماسكه بطنها:هههههههههههههههههههههههههههههههههههههه هه
ههههههههههههههههههههههههههههههههههههههههههههه ههههه ههههههههههههههههههههههههههههههههههههههههههههه ههههه ههههههههههههههههههههههههههههههههههههههههههههه ههههه هههههههههههههههههه,,,ياي مو قادره اوقف ضحك وش هذي نكتت الموسم ,,اخخخخخخخ عيدي ماسمعت من خطبني ,,ههههههههههههههههههههههههههههههههههههههههههههه ههه ههههههههههههههههههههههههههههههههههههههههههههه ههههه ههههههههههههههههههههههههههههههههه...
وبعد ماتمالكت نفسها :اي بطني حسبي الله عليك ياولد فطوم كله منك خليتني اضحك لين اوجعني بطني ,,وناظرت بأختها :اه قلت لي ياسر ولد فاطمه خطبني ...
أم ناصر بملل:ايه خطبك بعدين اسمه ياسر ولد ابراهيم متى بتتركين عنك قلة الأدب ...
سالي انفجرت ضحك من جديد :ههههههههههههههههههههههههههههههه
ههههههههههههههههههههههههههههههههههههههههههههه ههههه ههههههههههههههههههههه..
أم ناصر :حسبي الله عليك من بنت اسكتي فضحتينا كل هذا ضحك ماشوف بالموضوع شي يضحك ...
سالي ناظرت بأم ناصر ورجعت تضحك ,,,ويوم شافت نظرات أم ناصر العصبيه ..
رفعت يدها تهديها :خلاص بسكت,هههههههه,, والله بحاول,,ههههههههههه,, بس مو قادره امسك نفسي ,,ههههههههههههههههههههههههههههههههههههههههههههه ههه ههههههه..
سالي اللي حاطه يدها على صدرها اللي اوجعها من كثر الضحك خصوصا أن فيها ربو من كانت صغيره يروح ويرجع :
كححححححححححححححححححححححححححح,,كحححححححححححححح ححححح ح..
أم ناصر وهي تمد لها كأس الماء:شفتي كله من الضحك ...
سالي بألم :اه احس بضيق ..
أم ناصر:تروحين للمستشفى ..
سالي اللي تمددت على الكنب وسكرت عيونها:لا مايحتاج ...
وبعد دقائق أم ناصر :كيفك اللحين ...
سالي :يعني أحسن شوي بس للحين أحس بوخزات بصدري ...
أم ناصر:طيب وش قلتي بالموضوع ..
سالي بتعب:اوه صدق ماعندك سالفة تشوفيني تعبانه وتسألين عن موضوع عارفه ردي عليه ....
أم ناصر بتوتر:بس أبوي موافق ...
سالي :طيب خليه يتزوجه ..
أم ناصر بعصبيه:سالي بدون قلة أدب ...
سالي :اوهو ترا صجيتيني أكيد لا مابي اتزوج ماتفهمون ...
أم ناصر:سالي افهميني الموضوع يتعلق بشغل ابوي ,,وابوي وسعد موافقين خلاص رايك مايغير شي ..
سالي قفزت واقفه وقالت :خليهم يحاولون يغصبوني على شي والله لفشلهم بخلق ربي ,,,والله ثم والله لو مابقى رجال غير هالياسر ماتزوجه ,,وبلغ أبوك هالكلام لو بغى ينفضح على اخر عمره خليه يجبرني على ولد أمه ...
وطلعت فوق ...


هزت أم ناصر راسها بأسف وخذت جوالها بتدق على أبوها ...
أم ناصر:السلام عليكم
أبو سعد :هلا وعليكم السلام ,,وش أخبار واخبار أختك وعيالك ...
أم ناصر:الحمدالله كلنا بخير ..
أبو سعد :هاه بشري كلمتي سالي ..
أم ناصر بحزن :كلمتها وليتني ماكلمتها ثارت جنونها وجلست تهدد وتوعد لواجبرتوها على الزواج بتفضحنا ...
أبو سعد اللي عصب :وش هالكلام أختك ذي متى بتترك قلة أدبها ,,اسمعي خلاص حنا ردينا عليه وقلنا أنا موافقين والملكه الخميس الجاي ,,عقلي أختك لايعقلها العقال ...
أم ناصر:الخميس الجاي مو كأنك استعجلتو ..
أبو سعد :لأستعجلنا ولاشي أنتي ماتدرين كم نخسر كل ماتأخرنا برد عليه ,,حنا اتفقنا نملك
ونوقع العقود بنفس الوقت ..
أم ناصر:الله يسوي اللي فيه الخير ...
أبو سعد:لاتقولين لها شي أنا ليلة الملكه برسل سعد يجيبها وهو يعرف كيف يتصرف معها ...
جلست سالي تتصل لين ماقفل كررت المحاوله عشرين مره وكان يدق لين يقفل وماحد يرفعه حست بالقهر ورجعت تتدق لين اتعبت وحست بالنوم ,,انسدحت على السرير ورجعت تحاول ..
وهج :محد راد عليك لاتعبين نفسك ...
سالي :اوف مالك دخل تحت أمك وهنا أنتي واللي يسلمك اطلعي وخليني ..
وهج :طيب الحين ودي افهم تتصلين عليه وش بتقولين له ..
سالي بسخريه :بذكره هو من..! واهله من..! شكله ناسي وذكرى تنفع المؤمن ,,,وابيه يفهم أن الشمس اقرب له مني ..
وهج :سالي بليز لاتصرفين تصرف تندمين عليه طول عمرك ,,ترا ماجابه لك الا هاللسان اللي متبري منك ...
سالي:انا أقول اللي ابي وأسوي اللي أبي ومحد له حق ياحسبني ولايعترض على كلامي تفهمين ..
وهج:طيب خلاص سوي اللي تبين بس لاتزعلين نفسك ..
ناظرت فيها سالي نظرات غامضه ورجعت لجوالها ...
سالي: يالله متى يردددددددد الزفت هذا اف رددددددددددد ياحقير
اف ,,الحين الحيوان هذا ليش مايرد(رن رن رن ................)
اف ولله حاله...متى بس يرد الله ياخذه ويريح العالم منه صدق اته حقير
يا ناس هو قد سالي هههههههههههههههههه
يقول بيتزوجني هههههههههههههههههههههههه ولله نكته هههههههههههههههههه
نفسي اسمعها منه يقولها بالسانه هههههههههههههههههههههههه والله مشكله مره واثق من عمره ..
وهج :سالي وش فيك استخفيتي وش هالضحك ..
سالي وهي تضحك:هو اللي استخف يوم خطبني ,,بس تصدقين يعجبوني الناس اللي عندهم طموح ..
وهج اللي مستغربه حالة سالي :سالي انتي خايفه من تهديده صح ...
سالي بنرفزه :أخاف منه هههههههههههههههههههه,,ضحكتيني بعدين عن أي تهديد انتي تكلمين .
وهج :الكلام اللي قاله يوم رجعنا من السوق ...
سالي ناظرتها بغرور وقالت :اذا كنتي خوافه مو ذنبي ولاتحسبين ولد عمك هالخايس يخوفني ولايهز شعره من راسي ...
وهج :الله يهديك

الساعه 9 بالليل بمكتب ياسر ..
ياسر:اوف ,,متى بيخلص هالشغل المتراكم مو كنه اسبوع اللي أخذت فيه اجازه ارجع والقى كل هالاشغال على راسي ...
طلع جواله من درج مكتبه بيتصل على سعود اللي رجع العصر لجده بيشوف اذا كان وصل
لقى 56مسد كول من جوال سالي اللي محول مكالماته على رقمه واخر مكالمه من نصف ساعه ...
ياسر:وش عندها ذي وش اللي طرانا على بالها ...
اتصل على سعود وقاله أنه وصل ...
رجع لشغله بس عجز يركز كل تفكيره بسالي ليش ماتصله بالأخير أخذ جواله ودق عليها....
(رن رن رن رن رن ......)لين انقطع ,,,
نزل الجوال ورجع لشغله كمل شغله أي كلام لين خلاص تعب من التفكير انتبه لساعه اللي على الجدار كانت 11 ونصف ...
جمع اوراقه بفوضويه وحطها بالدرج المكتب ,,اخذ جواله وطلع وقفل مكتبه ,,جلس يمشي بمرات الشركه الخاليه من الاضاءه إلى القليل منها ,,,ركب سيارته ورجع يتصل بالسالي (رن رن رن ..,كان بيقفل بس جاه صوتها اللي مليان نوم :نعم ...
ياسر اللي استغرب منها:........
سالي :هممممممممممم,,مين ...
ياسر:سالي ..
سالي اللي للحين مغمضه عيونها:ايه مين ..
ياسر يكلم نفسه :وش من غبيه ذي ماتشوف الرقم طالع عندها,, اوف شكلها مسطله من النوم ...
ياسر:وش تبين متصله ..
سالي :هاه ,,انا متى ,,اف قفل بنام ...
ياسر :اصحي اللحين كلميني زين ...
سالي اللي ماتدري الله وين حاطها:ياقلبي ياروحي ياحياتي أنت قفل اللحين بنام ,,هممممم حلو النوم ..وراحت بسابع نومه ...


ياسر اللي تخدر من كلامها جلس يناظر بجواله لين طفت اضاءته ,,حرك سيارته وهو زي المسحور لدرجه أنه طاف الدوار اللي قدام بيتهم ثلاث مرات .. نزل عن دكان قريب من بيتهم يشتري سجائر ويوم طلع نسى سيارته ورجع للبيت مشي ,,, وصل البيت وبدال مايروح لغرفته راح المطبخ ..
ياسر وهو يضرب راسه :اوف أنا وش جابني هنا ...
فتح ياسر الثلاجه وطلع عصير تفاح اللي كان جنبه خل ,,, صب له نص الكأس شغل سيجارته وجلس على الطاوله بيشرب اول ماذاق طعمه رجعه بالكأس ومن الطعم الاذع اكتشف أنه بدل مايصب عصير تفاح أخذ خل التفاح
جلس ياسر يشرب ماء لين حس أن طعم بدا يخف ,,طلع غرفته وهو يحس أنه دايخ اول ماحط راسه على المخده جلس يسترجع الكلام اللي قالته له سالي وصورتها وهي تفك اللثمه وتضحك
كل ماقفل عينه شافها قدامه ياسر بصوت مسموع :ماني مصدق أنها تعرف تقول كلام حلو حسبي الله عليهاطيرت عقلي بصوتها الناعس ...
ياسر بعصبيه حط المخده على راسه وهو يقول:الله يحرمك النوم مثل ماحرمتيه عيني ,, وانقلب على الجهه الثانيه :متى يجي يوم الخميس ,,وبتنهيده : يابعدك يالخميس

جلست تقلب الجوال بيدها وتكلم نفسها:معقوله كلمته أمس وأنا نايمه لا أنا اكيد اتخيل ,,مثل اشياء كثيره تخيلتها وهي ماصارت بالواقع مثل السعود اللي شفته هنا بالرياض وهو بأمريكا ,,صح صح انا اتخيل ماكلمته ...
وهج اللي ملت من حالتها:طيب روحي للمكالمات المستلمه وشوفي اذا فعلا اتصل ورديتي عليه ولا هذا واحد من أحلامك ..
سالي :لا أجلس كذا مادري افضل من أني ادري اني كلمته وانا نايمه ..
وهج :طيب جيبي خليني أشوف ..
سالي :لا مستحيل وشوفي وش بسوي ..دخلت على المكالمات المستلمه ومسحتها كلها ...
وهج :احسن بعد ,,وطالعت بساعتها :وش فيها عبير تأخرت ..
سالي :يمكن ماجات ,,وش تبغين فيها مأكفيك انا ...
عبير من وراها :لا ياشيخه تكلمين فيني من وراي ,,اجل خلاص برجع الفطور اللي اشتريته لك ...
سالي اللي ميته جوع على غداها أمس :لا انا ماقصد اللي فهمتيه انا.......
عبير:أكيد ماراح تقدرين تقولين كلمتين على بعض لأنك ماتعودتي تقولي كلمات طيبه كل كلامك هواش وطنازه ...
سالي وهي تجر الكيسه منها:أقول جيبي بس ...
عبير:يمه انتبهي بس لاتاكلين القراطيس بعد ,,مو جوع هذا اللي يسوي فيك كذا ....

رد: الزمن طبعه كذا للعاشقه ديرتها

نزل تحت وغترته على كتفه ,, شاف أبوه جالس يتقهوى ويقرأ الجرايد ناظر بساعته وشافها عشر استغرب وجود أبوه هالوقت فالبيت ...
ياسر سلم على ابوه ووقف بيطلع ...
أبو ياسر :وين بتروح اجلس شوي ابيك ...
رجع ياسر وجلس على الكرسي اللي قدام أبوه :امر طال عمرك ..
أبو ياسر اللي نزل الجريده قال بجديه:وش سويت مع شركة صالح ..
ياسر:صالح من ..
ابوياسر: ليه فيه غيره صالح ال...... جد ولد عمك ..
ياسر وهو يحاول يهدي نفسه:للحين ماسوينا شي بس اتفقت معهم بنوقع يوم الخميس ...
أبو ياسر:زين سويت ذي الناس اللي ينوثق بشغل معها ,,,كنت خايف لاتدخل بمغامرات مع شركات صغيره وتوهق عمرك ...
فاطمه :لاتخاف على ياسر هذا ولدي ذيب مثل أبوه ...
طالع ياسر بأمه وابتسم وهو يقول بداخله :الله يستر منك لودريتي ولدك الذيب وش ناوي عليه ...
فاطمه :مادريت يابوياسر..
ابوياسر بأستغراب :ادري عن ايش ..؟؟
فاطمه بشماته :يوم الخميس ملكة بنت أختك على ولد عمها ...
أبوياسر:وش قاعده تقولين انتي من جايبه هالكلام ..؟؟
فاطمه بأنفعال:من وين بجيبه ,,أم سالم اتصلت تعزمنا على ملكة ولدها ..
أبو ياسر:بس هذا مايصير حنا متكلمين على البنت من يوم كانت صغيره وحاجزينها لياسر..
ياسر بهالحضه شرق بالشاي اللي يشربه وجلس يكح لين دمعة عيونه ..
فاطمه وهي تمد له كاس مويا:بسم الله وش فيك أنت الثاني لاتكون تبغيها...
ياسر:لا ,,لأبيها ولابي غيرها انا اللحين مافكر بالزواج (لاياشيخ ومن اللي بيملك يوم الخميس ههههههههههههههههههههههههههههههههههههههههههه)
أبوياسر:تبيها ولا ماتبيها ,,هذا مايصير كيف أختي تكسر كلمتي وتزوج بنتها ومن وراي ..
فاطمه اللي كانت تبيها من الله :اللحين مو وقت التشره البنت راحت فحال سبيلها والله يوفقها ولدك ألف بنت تمناه ,,وعنده بنات خالته اللي يسون فاتن وطوايف فاتن,,هاه يمه وش قلت ..
ياسر :اللحين ماني مستعد للزواج ..
فاطمه :طيب لاتزوج اللحين بس خلني اخطب لك قبل ماتطير البنت من يدينا ...
ياسروهو يوقف وبأبتسامه لأمه :سوي الي تبينه يمه ...
سالي :يالله وهج بنطلع دقيت على راجو واللحين هو برا ..
وهج بصراخ:وشووو على كيفك انتي تصرفين انا ابغى أحضر المحاضره ..
سالي وهي تجرها توقفها :امشي بس خلي عنك العناد هذا ,,عادي ماعمرنا غبنا عندها...
عبير:بتطلعون وأنا ..
سالي :انتي اجلسي اكتبي المحاضره عشان ننقلهامنك ..
عبير بقهر:انشاءالله عمتي سالي انتي تامرين أمر ...
سالي :يالله عاد عبير ياما نقلتي مني ماقلت شي ,,بعدين احمدي ربك احط يطلب منك المحاضره انتي وخطك اللي تقل جرت دجاج ..
عبير :أنا خطي مثل جرت الدجاج ..
سالي :لا أنا ..
عبير:اذا أنتي مافيه شك ...
وهج وهي ترفع نظرها لسماء:الله يكملكم بعقولكم ...
عبير:ليه وش شايفتني ناقصه ,,ادعي لخالتك هي اللي محتاجه دعوه مثل هذي ..
سالي اللي طفرت من هم :وهج بتجين ولابروح لحالي ..
وهج :خلاص بجي معك ,,والله يعين على أمي اذا شافتنا راجعين بدري..
سالي :ولا يهمك خلي هذا علي بس انجزي عطلتين ...
دخلن البيت اللي كان فاضي مع الباب الخلفي طلعت وهج فوق وسالي راحت للمطبخ اللي كان فيه أم ناصر وناصر وكان يتكلمون عن سالي جت بتدخل بس يوم سمعت كلامهم اللي انصدمت فيه وقفت تسمع...

ناصر:مستحيل اشاركم باللي ناوين تسونه ,,تدرين هذا وش يسمونه يمه خداع استغفال ...
أم ناصر:حنا نبي مصلحتها وماقدامنا اللا هالطريقه ولاتبي ابوي يخسر فلوسه وسمعته بسبب دلع ساليووه ..
ناصر:مهما قلتي هذا مايبرر لكم اللي ناوين تسونه ,,هي حره ماتبي تزوج وبعدين هي مو بضاعه عشان جدي يبيعها ولا هذا تصرف واحد عاقل ...
أم ناصر:ناصر اللي جالس تكلم عنه هذا جدك اللي عايشن بخيره ,,ولاتنسى وقفته معنا بعد وفاة أبوك ...
ناصر:مساعدته لنا ماتعني أنا نوقف معه على حق أو باطل ,,اللي يسويه جدي هذا شي مايرضي الله ...
أم ناصر:كيف يعني منت مودي سالي للقصيم مثل ماتفقت مع أبوي ...
ناصر:لا ,,ومو كنتم متفقين أن سعد هو اللي يجي يأخذها ...
أم ناصر:أنت تدري باللي بين سالي وسعد ...
ناصر:يمه افهميني أنا مأقدر اكذب على خالتي واقول أن جدي مريض,,أنا اصلامو راضي بالموضوع الخطبه من بدايته تبغيني اكذب ..
أم ناصر:بتودين أنا وسالي يوم الاربعاء ولاتراني غضبانه عليك ليوم الدين ..
ناصربانفعال :يمه وش هالكلام حرام عليك تجبريني على شي مابغاه ...
أم ناصر وهي توقف بتطلع :هذي اخر كلمه عندي ..وطلعت ..


سالي أول ماحست إن أم ناصر بتطلع ركضت على طول وتخبت ورى طاولة التلفزيون ...
شافت أم ناصر وهي طالعه فوق لغرفتها ...
دخلت على وهج وهي سرحانه وتعض أصبعها السبابه ...
وهج :وين الفطور ..؟؟
سالي :هاه ,,لقيت ناصر وأمك بالمطبخ فرجعت ...
وهج الي جالسه على الكمبيوتر:مالت عليك وكل هالوقت وش تسوين ...
سالي:اووووف هو تحقيق ,,خلاص قلت لك لقيتهم بالمطبخ ورجعت ...
وهج جلست تكلم بس سالي ماكانت تسمعها لأنها سرحت تخطط لأهلها وكيف بتوقعهم بالحفره اللي حفروها لها ...
فاطمه:على وين العزم ..؟
ياسر اللي كان لابس جينز اسود وتي شيرت بيج كت ماسك على جسمه :بروح القصيم عندي شغل ...
فاطمه بتريقه :عمتك بتزعل وبتأخذ بخاطرها لودرت أنك ماحضرت ...
ياسر:ولو يمه وأنتي وين رحتي سلمي لي عليها وباركي لها ولفاتن بنيابه عني ...
وجلس ينادي: ميرري,, ميررري ...
فاطمه :وش تبغى فيها ..؟
ياسر:ابيها تطلع ثيابي وتعلقها بالسياره ...
فاطمه :بتروح بري ..
ياسر :ايه انشاءالله ..
فاطمه بحنيه :انتبه لاطريق ..
ياسر :انشاءالله لاتخافين علي ولانسيتي اني ولدك الذيب ...
فاطمه :اطلع أنت وأنا اخليها تلحقك بالثياب ..
ياسر وهو يحب راس امه :اجل يالله مع السلامه ..
أول ماركب سيارته طالع بشكله بمراية السياره ومرر يده على ذقنه :يابيله تنعيم ,,لازم اطلع اليوم صدق معرس,, وأمي تبني احضر ملكة بنت عمتي طيب وأنا من يحضر بدالي ملكتي
ههههههههههههههههههههههههههههههههههههههههههههه ههههه ههه
هههههههههههههههههههههههه..
جابت له ميري ثيابه وغترته وعلقهم بشبابيك السياره اللي ورى ...
راح بالبدايه للحلاق بعدين اخذ طريق الرياض القصيم وطار بسيارته...
وبسيارته يصدح محمد عبده برائعته ليلة خميس ...
ليلة خميس طرز بها نور القمر
شط البحر نصف الشهر..
و الليل من فرحه عريس ليلة خميس...
كانت نايمه على سريرها الملوكي وعيونها معلقه بالسقف ,,الخطه ماشيه زي ماتبي أول ماجت سوت نفسها متفاجئه بالموقف ,,وعملت نفسها راضيه بالواقع خصوصا بعد ماهددها سعد,, تحس نفسها وكأنها بالسجن كبير وحراسها كثير ,,,اليوم الكل ماجتمع أخوانها من أبوها كلهم حاضرين وعيالهم ,,,خالاتها وجدتها جو من حائل وجالسين بيت أمها وأختها المصون اللي كانت طرف كبير بهالعبه رمتها وراحت عند أمها ولا كأنها سوت شي ,,, يعني كل شي مرسوم ومخطط له من أيام بس هي اللي ماتدري ولا كأن العنز اللي بيبيعونها اليوم هي ...

دخل عليها سعد وطالعها بنظرات تهديد وقالها تنزل معه علشان يسألها الشيخ وتوقع على العقد ...
وهم ينزلون بالمصعد سالها سعد :غريبه ماتوقعت هالدواء منك توقعتك تكسرين على الدنيا ..
سالي بميوعه :تبغاين أكسر الدنيا حاضره ماعندي مانع ..
سعد :لا خليك على هدوئك تهبلين بهالطريقه ...
طلب منها سعيد توقف عند الباب ودخل هو للمجلس اللي كان جالس فيه الشيخ مع حمد أخوه ..
اشر عليه سعد يطلع ,,فطلع ..
سعيد :ياشيخ البنت عند الباب ..
تقرب الشيخ من الباب ومد لسالي الدفتر وقال :يابنتي اذا كنتي موافقه على هذا الزواج وقعي بالمكان المخصص ...

سالي :اوقع لاماراح اوقع لأني ماني موافقه ...
الشيخ اللي تفاجيء اول مره يصيرمعه مثل هالموقف :ماذا تقولين يابنتي هداك الله ...
سالي براءه :اقولك انا ماني موافقه ...
الشيخ :يابنتي اعيد عليكي هالسؤال هل أنتي راضيه ...
سالي بملل:لا مو راضيه غصب اوافق ..
الشيخ بعصبيه :مالذي اسمعه يأخي الفتاة غير راضيه ..اذا هذا الزواج لايمكن اتمامه ..
سعد اللي مصدوم توقع تسوي أي شي الا هذا :ياشيخ واللي يطول عمرك ماعليك منها هذي بزر ماتعرف مصلحتها..
الشيخ :اسف يأخي لا ستطيع أن إن امضي بهذا العقد من غير رضى العروس ,,والان اسمح لي أن انصرف ,, وتأكدوا مره اخرى من رضى العروس حتى لاتضعوا أنفسكم بمثل هذه المواقف ,,,وخافوا الله في بناتكم فهن أمانه في أعناقكم سيحاسبكم الله يوم القيامه على ماتفعلونه بهن ,,عن اذنك ..وطلع الشيخ ...
فتح سعد الباب اللي كانت سالي واقفه عنده بس ماكانت فيه,,, طلع يركض فوق وجنون الدنيا كلهاتناقز قدامه اليوم قاتلها قاتلها ,,,فتح باب غرفتها اللي كانوا شايلين منه المفتاح ولقى الغرفه فاضيه بس باب الحمام مقفل ..
جلس يدق على الباب بقوه وكأنه بيخلعه :افتحي ياحيوانه افتحي الباب بعد سواد وجهك بتوزين
عنا ذابحك اليوم ذابحك افتحي ,,وهو يطق الباب بقوه لدرجة أن كل اللي بالبيت تجمعوا عليهم مرة ابوه أم حمد :سعد الله يهديك وش فيك صوتك واصل تحت فضحتنا قدام الناس ...
سعد وهو يضرب يده بالجدار:ليه هو في فضيحه أكبر من الفضيحه اللي حطتنا فيها السافله هذي ..
أم حمد اللي انصدمت بكلامه عن أخته :سعد هد اعصابك وفهمنا وش صار...
بس سعد ماهدى بالعكس زاد بضربه على الباب ومابقى كلمة لعن و سب وشتم بحق أخته إلى قالها ...
على فكره سالي داخل الحمام كانت جالسه تسوي ميك اب ...

مسكه حمد اللي فهم من الشيخ اللي صار:ياسعد امش معي خلها عنك لاحقين عليها بس اللحين خلنا ننزل نتدارك الموقف قبل مانفضح قدام الرياجيل أنا كلمت أبوي وفهمته الموضوع وهو اللحين ينتظرنا بالمجلس تحت ..
سعد بيأس:وأبوي وش بيسوي خلاص انفضحنا ياحمد أختك نزلت روسنا بالقاع ..
حمد:أنت انزل معي اللحين لايسمعونك الحريم وننفضح صدق ..
نزل معه سعد وهو منزل راسه وهموم الدنيا كلها على راسها ...


دخل على أبوه اللي كان جالس بالمجلس وحالته سيئه وشكل الضغط مرتفع عنده ..
حمد :يبه الله يطولنا بعمرك هد بالك ومايصير الا اللي يرضيك ...
ابوسعد :وشلون ياحمد ..
حمد :إن اتصلت على شيخ ثاني واللحين هو جاي بالطريق ..
سعد :والشيخ الثاني وش بيسوي مثل مافضحتنا بالاول بتفضحنا بالثاني ,,بعدين كيف بنفسر لارياجيل اللي بالمجلس اللي قاعد يصير ...
حمد بهدواء:اول شي ماراح يصير شي قادمهم نجيب ياسر هنا ونملك ..
سعد :والحيوانه اللي مقفله على عمرها كيف بنطلعها ..
حمد بحقد :عمرها ماطلعت خلها تخيس بالحمأم ,,الشيخ اللي اتصلت عليه يملك بدون مايسأل العروس يعني مجرب لمثل هالحالات ,,والتوقيع أي وحده من البنات ولاأمي توقع بدالها ...
ياسر وبعد ماملكوا وعلى العشاء جالسه بينه وبين نفسه :الصراحه أنا مانصدمت باللي صار بالعكس كنت متوقع منها أي شي كنت بنصدم صدق لو استسلمت وماحاولات تفركش هالزواجه ,,بس شكل أخوانها صدق معصبين ومتفاجئين وكأنها غريبه عليهم ومايعرفونهازين ,,وأن الغريب احس نفسي اعرفها أكثر منهم ,,بس شكلها الليله بتأخذ علقه محترمه ...
ياسر وهو طالع من العشاء وراجع للخيمه انتبه على ناصر اللي كان يكلم ورى الخيمه مايدري ليه راح له ,,
ناصر يوم شاف ياسر جاي لمه قفل من اللي كان يكلمه أوبالاحرى اللي كان يكلمها لأنه كان يكلم سالي ويعلمها باللي صار :انبسطت بعد ماسويت اللي براسك ,,مو قلت لك البنت ماتبيك ,,ليه تحط نفسك بموقف زي هذا ...
ياسر وهو يشغل سيجارته:مو وقت الحساب اللحين خالتك وصارت زوجتي ...
ناصر طنشه وجلس يلعب بجواله ...
كمل ياسر يوم شاف ناصر ساكت :افضل لك ولها ترجعها اللحين الرياض قبل مايفضون لها خوالك لأني ماتوقع يمررون اللي صار على خير...
ناصر:قلت لها ,,وتقول أن محد يهمها ...
ياسر وهو يطفي برجله السيجاره بعد مارماها على الارض:وانت بتسمع كلامها ,,سعد شكله موناوي على خير ينتظر الرياجيل اللي عنده يطلعون ويلتفت لها,, عن اذنك واتمنى تسوي اللي قلت لك عليه ,,ودخل الخيمه ...

نهاية الفصل الاول
من الجزء الثامن ...

رد: الزمن طبعه كذا للعاشقه ديرتها

الجزاء الثامن
الفصل الثاني ...

رجعت تغسل وجها للمره العشرين لعل وعسى تصحى من هالكابوس اللي عايشته ,,, ناظرت صورتها بالمرايه كان وجها أحمر من كثر ماغسلته وعيونها تدمع من الماء اللي داخلها
وشعرها القصير لاصق على جبينها ,,,سالي تكلم نفسها:معقوله اللي قاعد يصير قبل دقايق بس كانت جالسه مبسوطه اتفنن بالمكياج وسعد برا يحترق ,,,كيف انقلبت المعادله وصرت أن اللي قاعده احترق ,,,اشعر بالقهر وقلت الحيله احس إن حبل التف حول رقبتي يخنقني وأنا مو قادره ابعده عني أول مره احس اني ضعيفه مابيدي شي ,,,كيف يزوجوني غصب عني ..ياربي ليش اللحين بس غصبوني يامانخطبت ماعمرهم فكروا يغصبوني ليه هالانسإن بذات يجبروني على الزواج منه ,,ياليتهم غصبوني على أي أحد الاهذا ,,يالناس ياعالم تاريخي معه غير مشرف هذ اماتزوجني عشإن شي واحد بس إنه ينتقم مني ..أنا,,أنا,, صرت متزوجه كيف مايصير أنا اللي أكره مأشوف الرجال كيف اتزوج ,,للحين ماني مستوعبه أن اني طحت بالفخ اللي رسمت لأهلي ,,أكرهم ...أكرهم ,,,عمري ماكرهتم كثر ماكرهتم اللحين ,,هم سبب كل العذاب اللي عشته من يوم فتحت على الدنيا الا هاليوم هم سبب شقاي بهالحياه ويقولون ليه طالعه قليلة أدب وقحه ماحترم أحد ماهو انا لقية أحد يربيني ويعلمني الخطأ ,,
ياسبحان الله :يرمون الخزف على الارض يقولوا ليه يتكسر..
يلوموا الجرح بقدامي وطريقي ممتلي اشواك ...
لا ياربي أنا ليش حظي كذا ,,يعني الا متى بعيش بعذاب ....
وبنبرة حقد طالعه من جواة قلبها :حرام ليش أنا بس اتعذب لازم كل اللي حوالي يتعذبون مثلي ويشربون من نفس الكأس ,,,بتشوفون كلكم أن ماقلبت حياتكم نكد كل اللي ساهم فهذا الزواجه راح ينوله من الطيب نصيب ,,وأولهم أنت يازوجي العزيز ياسر !!!
طلعت من الحمام وفكرت الانتقام ورد الاعتبار مسيطره على تفكيرها فتحت دولابها وسحبت عباتها وشنطتها ,,وطلعت جوالها واتصلت على ناصر ...
طلع ناصر من المجلس بعد ماشاف رقم سالي لأنه استنتج وش تبي فيه ماعارض رغبتها بالرجعه للرياض ,,طلع بسرعه للمواقف منغير مايودع جده وخواله حتى مايعطيهم فرصه يفكروا بايذاء سالي أو منعها من الرجعه معه ...

من يوم دق جوال ناصر وطلع عرفت من المتصل فطلعت وراه بدقايق وبعد ماودعتهم ,,وهذاني اشوفها قدامي تمخطر بمشيتها وكأنها تقول يارض هتزي ماحدا قدي ...وكالعاده العباه ولاكلفت نفسها تصكها والطرحه على أكتافها ولا كأنها جالسه تمشي بقسم الرجال وممكن بأي وقت يطلع أحد ويشوفها ,,,شكلها ماكنت منتبهه لي لأنها الواضح عليها سرحانه ,,
:خالتي سالي ,,خالتو سالي ...
سالي بنرفزه :تخلخلت عظامك من متى صرت خالتك ..
بسام:اوه خالتي ,,عمتي كله واحد المهم غطي وجهك ..
سالي: وش قلت ياولد أبوك ؟! ,,تأمر على خواتك مو علي ...
بسام :اقولك غطي وجهك غبيه انتي يمكن يطلع رجال ويشوفك ..
سالي بعصبيه :بساموه حل عني لأطلع سوايا ابوك فيك ,,ومره ثانيه حتى لو شفتني طالعه بدون عبايه ماتكلمني فاهم ,,ولفت على الجهه الثانيه ورجعت طرحتها على وجها وشافته واقف يناظرها ويبتسم بأنتصار ,,,حست أنها بتنفجر من الغيض اذا ماطلعت حرتها فيه ,,وبحركه غير اراديه حملت حصاه متوسطه الحجم من الحوش الترابي وراحت تلحق ياسر اللي طلع للمواقف طلعت وكان المكان مظلم شافت ناصر موقف سيارته بعيد واقف عندها يكلم ومعطي الباب ظهره يعني مايشوفها دارت بعيونها على السيارات الموجوده وفجاه اشتغلت وحده من سيارات واشتغل نورها عرفت أنها سيارته وبكل قوه تمتلكه رمت فيها الحصاه على شباك المقعد اللي جنب السائق ,,وكملت طريقها لسيارة ناصر وركبت ورى بدون ماتكلم ..
ياسر :الحيوانه بغت تكسر زجاج الشباك حسبي الله عليك ,,ولاتدرين ليته كسرتيه عشان أطلع بعدين من عيونك وعشان يرتفع الثمن اللي راح تدفعينه ...
ناصر:الو,, هلايمه ,,ايه ,,طيب حنا ننتظرك برى اطلعي ,,يمه واللي يخليك اطلعي مالي خلق انزل اسلم على أحد ..وبعد ماقفل ..
ناصر:سالي انزلي معي سلمي على جدتك وخالاتك ...
سالي سافهته ..
ناصر:سالي يالله عن الدلع كلها عشر دقايق انزلي سلمي على جدتك وخالاتك ...
سالي بأنفعال:ناصر بتنزل أنزل أنا رجلي ماراح تمشي شبر برا السياره ..
ناصر نزل وصك باب السياره بقوه ...

طلعت سالي جوالها من الشنطه وهي تحس أنها مخنوقه ودقت الرقم ...
وهج :الو هلا سوسو ..
سالي بيأس:وهج خلاص زوجني له ...
وهج بصدمه:كيف مستحيل ,,حسبي الله عليهم ذولا مايحسون ,,,
سالي بألم:من زمان توك تدرين ,,وهج ماني قادره اصدق اللي صارلي ...
وهج بحقد:اكرهم ليه يسون فيك كذا ذولي مو أهل ذولا أعداء ...
سالي :حتى أنا اكرهم والله لخليهم يندمون ,,وهج احس بختنق وش اسوي ..
وهج وهي تبكي : خلاص مابيدك شي تسوينه ...
سالي وهي تشوف ناصر وامه جايين :خلاص وهج بعدين اكلمك ...
أم ناصر اللي ركبت قدام :السلام عليكم ..
طبعا محد رد ..
أم ناصر :ليش مانزلتي تسلمين على جدتي وخالاتي هو جاين من حايل عشانك واخر شي تسوين فيهم كذا ..
سالي معطيتها أكبر طاف ..
أم ناصر:ليه ماتردين القطو أكل لسانك ..
سالي تأففت بقهر ..
أم ناصر:الله يهديك,,ويعين المسكين اللي ابتلى فيك ..
سالي :ناصر شغل الfm ...
أم ناصر:وأنتي هذا اللي فالحه فيه سمع الاغاني ..
ناصر اللي مل :خلاص يمه هدي ,,هي اللحين متضايقه لاتزيدين عليها ..وشغل لها الfm
ياسر اللي نشوة الانتصار مسيطره عليه اتصل بالسعود اللي يحسه أقرب انسإن له أقرب له حتى من أخوانه بس حس أنه اخدعه ياربي وش بتكون ردة فعله لو درى أحسن شي مأقوله اللحين ..
سعود :ياسر وصمخ وش فيك ماتصل عشان تسكت ..
ياسر :هاه ,,وش قاعد تقول .؟؟
سعود:لا والله شكلك أبد مو صاحي ,,,حبيبي روح كمل نومك واذا صح صحت ارجع كلمني ..وقفل ..
ياسر وهو يناظر بجواله :حسبي الله على بليسك مدري وش فيه ذا استخف مستحليها هاليومين كل شوي صاك بوجهي بس عادي يمون النسيب...وجلس يضحك بقوه ..
جنى بخوف: وهج وجع وش فيك تبكن ...
وهج تبكي ....
جنى :وهج قولي طيحتي قلبي ,,امي ناصر وسالي صار فيهم شي لايكون صارلهم حادث ..!!
وهج بانفعال:فال الله ولا فالك ,,بس ...ورجعت تبكي ..
جنى :اوف الله ياخذ ابليسك تكلمي ,,قسم بالله أنك تقهرين ..
وهج وهي تكلم وتشهق :سالي خلاص تزوجت ياسر..
جنى بصدمه :سالي ,,ياسر ..انتي وش قاعد تقولين ..
وهج :حرام عليهم ليش يسون فيها كذا,, ليش يغصبونها على شي ماتبيه ..
جنى :وهج ياسر وش دخله بالسالي أنا مو فاهمه شي من اللي قاعده تقولينه ..
وهج باستغراب :أنتي ماتدرين أن ياسر خطب خالتي سالي ..؟
جنى بصرخه :مين خطب سالي ..
وهح :ياسر ياسر ,,واللحين خلاص صارت زرجته ..
جنى:وهج تكلمي معي بوضوح ماني قادره استوعب ..
تنهدت وهج وجلست تقولها السالفه ...
جنى وهي ماسك راسها:مستحيل مو قادره اصدق اللي قاعده تقولينه ...
وهج :لا صدقي ,,خالتي باعوها وبأبخس الاثمان ...
فاطمه اللي داخله البيت والابتسامه شاقه الحلق :خوش ملكه الصراحه ماقصروا أهل المعرس بس شيخه اللي يشوفها يقول هذا عزى بنتها مو ملكتها ..
بسمه :حتى فاتن ماكانت فرحانه وبس تبكي ,,لدرجة أن خوات سالم انتبهوا لها وجلسو يسألون ليش تبكي ..
فاطمه بطنازه:مسكين أمها اللي خلتها تعلق بالوهم ,,بس حامض على بوزها تأخذ ولدي ..
بسمه :اقول يمه أنتي من تبغين ياخذ ياسر ..؟
فاطمه اللي انبسطت على السالفه :أخوانك كلهم أبغاهم ياخذون من بنات خواتي وأخواني ,,حتى أنتي لو بيدي زوجتك لواحد من عيالهم ..
بسمه بداخلها:لاتكفين يمه,,الا أنا طلعيني من مخططاتك أنا ماراح أخذ الا نايف ولو على جثتي ..
فاطمه :وش فيك سكتي ياحليلك يابسوم تستحين ..

ريان :بسوم تستحي كثرولي منها ..
فاطمه :ماشاءالله من وين لافي يالهايت ..
ريان عشان يغير الموضوع :اوش اوش ,,وش هالكشخه والله منتي هينه يأم ريان ..
فاطمه :اسمي أم ياسر لوكنت ناسي ...
ريان :والنعم فيك والخيبه بياسر ..
فاطمه بعصبيه :ريان ومرض لاتقول عن أخوك كذا والله لوأنه عدوك ..
ريان وهو يحرك يديه :طيب هدي ,,لو هو اللي متكلم عني كذا ماقلتي شي ..
فاطمه:هو أخوك الكبير ويقول اللي يبي ..
ريان :يمه بليز مللتيني بهالجمله أخوك الكبير,, أخوك الكبير ,,مدري وش مسوي لكم هالياسر أنتي وأبوي ياخوفي يكون ساحركم ..
بسمه :كل هالحقد على ياسر عشان ماخلى أبوي يشتري لك سياره جديده ..
ريان :ايه مو على كيفه ..هو كل شهرين مغير سيارته وأنا لي سنه ماغيرت سيارتي ..
فاطمه :أنت ليش ماتفهم السيارات اللي يشتريها أخوك من حر ماله ماشحدها من أبوك مثلك ,,بعدين سيارتك جديده ليه تغيرها مالها ست شهور من اشتريتها ..
ريان بحسد :ايه ماهو ولدك المدلل ماترضين عليه ,,ليه ماتصيرين مثل عمتي شيخه لو يطلع عيونها نايف تعطيهن له ..
فاطمه بكره :وقطيعه مالقيت الا الثور المدلل ولد عمتك تبغى تصير مثله ,,أنا مدري وش محصله من وراه أمه هذا كبره وللحين ياخذ مصروفه منها بندر اللي اصغر منه تخرج وتوظف وهو للحين يدرس..
ريان :وهذا اللي هامكم الشغل ,,اصلا ليش يتعب نفسه ويشتغل وفلوس أبوه ماتحرقها النيران وعمتي ماهي مقصره عليه ..

بندر اللي توه جاي :السلام عليكم ..
الكل :وعليكم السلام ..
بندر:وأنت مالك سيره الا عمتك ولدها ,,وبعدين من الصبح ادق عليك ليش ماترد ؟!
ريان:جوالي مافيه شحن مقفل ..
بندر:على العموم أبوي متحلف فيك وده بس يشوفك عشان يقصبك ...
ريان :ياليل الزفت ,,وأبوك ماعنده غيري يطلع ضيقه فيه ..
فاطمه :وأبوك وينه ماجاء ..
بندر:الشيبان كلهم بعد العشاء راحو ديوانية أبو سالم ...
ريان :ماقلت لي وش فيه الشايب علي ..
بندر اللي فصخ شماغه وعقاله ورماه على بسمه :صفطيها ,,برايك وش يبي فيك يعني بيصور معك..
ريان :بدون تريقه ..
بندر: يبغاك تروح معنا للملكه ,,,هو من يوم درى أن ياسر مسافر عصب ...
فاطمه :اللي يسمعك يقول مسافر يلعب ماكأنه مسافر شغل ..
ريان بغيره :أكيد ماترضى عليه حبيب القلب ..
بندر :يوه أنت للحين على هالغيره ,,عيب عليك رجال وش كبرك وتغار ..
ريان :ايه أنت خلك طيب كذا لين يسرق حلالنا ..
فاطمه :حسبي الله عليك من ولد استح على وجهك اللي تكلم عنه هذا أخوك .!
بندر:الغيره اللي تكلم مو هو ..
ريان :واللي يسلمكم غيروا الموضوع ,,هذ مركب قرون استشعار لوكان بأخر الدنيا يسمعكم ويجي ...
ياسر اللي واقف على الباب :من هذا !!..السلام عليكم ..
الكل :وعليكم السلام ..
فاطمه وهي تغايض ريان :هلا والله بولدي نور عيني ..
بندر وبسمه :ههههههههههههههههههههههههههههههههههههههههههههه هههه ههههه.
ياسر بأستغراب وهو ينزل جواله ومفاتيحه على الطاوله اللي بينه وبين بسمه : وش فيكم تضحكون ؟!
بندر وهو يطالع ياسر بأعجاب:ياخطير من وين جاي على هالكشخه ,,الثوب اسود والغتره اللي يشوفك يقول معرس ,,بس ليه شلت السكسوكه,بس تبقى حلو ..
ياسر اللي ارتبك يوم سمع كلمة معرس :ماقلت شي جديد ادري أني حلو وسيم ,,وماحتاج شهادة أحد ..
ريان بصوت واطي بس سمعه ياسر :انتبه لاتطير ..
فاطمه :هاه يمه اشوفك رجعت بدري من القصيم ..خلصت شغلك ؟
ياسر :ايه الحمدالله خلصت ,,وعشان يجس نبضها :توقعي يمه من شفت هناك ؟!
فاطمه :والله ماعرف أحد بالقصيم ..من شفت ؟!
ياسر بنبره غريبه :ناصر ولد عمي .!
فاطمه بنرفزه :وين شفته اللي ماينسمى ..
ياسر:بيت جده ..
فاطمه :وأنت وش موديك عندهم ..
ياسر:شغل والشغل ماله دخل بالخلافات العائليه ,,وبعدين أنا مفكر أخذ منهم ..
فاطمه اللي تحسبه يمزح :ليه لاقي عندهم اللي تليق بياسر ولد أبراهيم ال.......
بسمه بنبره لها معنى :يمكن عاجبته سالي المتمرده ..
فاطمه بعصبيه وصراخ :أنتي كيف تسمحين لنفسك تكلمين أخوك بهالطريقه ..
بسمه :لوكان ماهو معجب فيها محط صورتها خلفية شاشته ...
ياسر بهالحضه حس أن الهواء اللي بالصاله تبخر ,,كل اللي بالصاله سكتوا ينتظرون رد ياسر على اللي قالته بسمه !!
بسمه بتريقه :وش فيك ساكت ليه ماترد ,,الا ماقلت من متى تعرف بنت ال............
كف على وجها سكتها ,,بسمه :تظربني عشان ......
ياسر وهو يتنفس بسرعه :واقص لسانك اذا سمعتك تكلمين عنها بالشينه,,,سالي .....وسكت ثواني مرت كنها ساعات على الموجودين :زوجتي واللي يمسها يمسني وبصرخه ارعبت بسمه: فاهمه !!!
فاطمه :أنت وش قاعد تقول استخفيت ..كيف زوجتك .؟
ياسر :زوجتي يعني زوجتي تزوجتها ,,ماتفهمونها ذي بعد رحت لأهلها وخطبتها وافقوا واليوم ملكنا فهمتي وش يعني زوجتي يمه ..
فاطمه بذهول وصدمه :تتزوجت من ورانا هذ اخر تربيتي فيك ...
ياسر :يمه أنا ماسويت شي حرام تزوجت واعتقد الزواج حلال,,وبليز يمه لاتكبرين الموضوع انا توني اليوم مالك يعني ماخبيت عليكم شي ..
فاطمه :ليه تبغي لين تزوج ويجيك عيال بعدين تخبرنا ...
ياسر:اعتقد أنا كبير بما يكفي عشان أخذ قرارتي بنفسي ..
فاطمه :طيب تبي تزوج قولي وانا ازوجك اللي تبيها ..
ياسر:طيب ماصار شي أنا تزوجت اللي ابيها,, واعتقد سعادتي هي اللي تهمك ...
فاطمه وهي تمسك راسها:سعادتك مع سالي ,,عاد مالقيت الا سالي اللي سيرتها على كل اللسإن ..
ياسر:يمه ارجوك لاتغلطين,, وبعدين لوكانت سيرتها على كل اللسان زي ماتقولين ماكان كل هالعالم اخطبوها..
فاطمه :ذولا ناس فارغين يدورون على الجمال ,,,ماتهمهم الاخلاق والتربيه هذي وحده متمرده مايملى عينها أحد ,,وحده مالقت أحد يربيها ,,أهلها تاركينه على كيفها,,والله لو كانت متربيه بملجأ ماكانت هذي أخلاقها ...
ياسر:يمه ارجوك كفايه ,,,خلاص سالي صارت زوجتي وكل الكلام اللي قاعده تقولين ماعاد ينفع ,,فلو سمحتي ريحيني وريحي نفسك وصكي هالموضوع ...
فاطمه :بكل برود جاي تقولي صكي على الموضوع ولا كأنك مسوي شي ..
ياسر وهو يطلع الدرج :أنا تعبان بروح أنام بكره نتفاهم ...وأختفى ..
فاطمه اللي جلست على الكنب بتعب :الله يجازي اللي كان السبب ,,عين وماصلت على النبي ,,أكيد هذي حوبة شيخه وبنتها ,ولاولدي العاقل ياسر يرتكب غلطه زي كذا ..
بندر :يمه هدي بالك ,,اللي صار مايسوى كل للي تسوينه بنفسك ..
بسمه بحقد :لاتقول مايسوى اصلا أنت وش فهمك أخوك بيسوينا مصخره قدام الناس على اخر الزمن ..
بندر:أنتي تستكين مو أنتي سبب كل هذا ,,وبدال ماتهدين أمك جالسه تزيدينها..
ريان اللي جالس ولاهمه بس ماحب يفوت فرصه قال يتشمت :ايه مو هذا ولدك المثالي ,,شوفي وش سوى تزوج بدون شوركم ..
بندر بصرخه :ريان ,وهي مو ناقصتك أنت بعد ..
ريان اللي ماسك باب الصاله :ايه مو كلمة الحق صايره ماتعجبكم ..مع السلامه وطلع ..
فاطمه :خلاص أنتم اطلعوا لغرفكم اتروكني لحالي ..
بندر بأعتراض :بس يمه ...
فاطمه :بندر خلاص قلت لك اطلع غرفتك ...
نزل بندر راسه وطلع فوق ..
ياسر اللي نايم على سريره :انبسطي ياسالي هذاني من بعد ملكتنا بثلاث ساعات بس تهاوشت مع أمي
,,اوف والبركه بسوسه بسمه حطتني بموقف محرج تستاهل الكف اللي جاها تحسبني ضربتها عشان الكلام اللي قالته عن سالي أن ضربتها لأن ماتوقعت أختي يطلع منها كلام زي كذا !!
ورفع جواله واتصل عليها بس للأسف كان مغلق .!
طالع باسمها على الشاشه :لا المرجوجه ماتناسبها ,,شكل بنت أختها خريش عشان كذا مسميتها المرجوجه
,,بس هي ابد مولايق عليها الرجه .!
هي اللي يليق عليها وكتب (الملسونه ) ..
وطالع بجوالها اللي كان على الكرسي :أنت وجودك خطر ماجبتلي غير المشاكل ,,ولف بنظره على الغرفه
لين انتبه على شنطه فوق الدولاب نزلها وحطه فيها بعد ماغلقه
سالي :ماتفهمين مابي اروح جامعه,, ماني رايحه لها ...
وهج بحزن :سالي ويعدين معك لك اسبوع اللحين مارحتي الجامعه ترا ماليت وأنا احظرك ...
سالي :وليش تحظريني انا طلبت منك,, بعدين خلاص جامعه ماني مكلمله ..
وهج :سالي يالله قومي لاتشمتين العذال فيك ..
سالي : وهج بليز اطلعي سببتيلي صداع بحنتك ,,اطلعي مابي اسمع شي من نصايحك ..
اخذت وهج عباتها وشنطتها وقفت على الباب كانت بتكلم بس غيرت رايها وطلعت ...