( 16 )

><<" وهم

كل المواعيد و هم ..!

تعب .. تعب

كل المواعيد تعب ...!
باسم الحب

باسم الشوق

ماساتي معاك تزيد

و اتم بعيد و تتم بعيد

واتم مثل الحزن

انطر سحابة عيد

وهم ">><<



جففت دموعها الحارة و هي خلاص توصلت لقرارها النهائي

" بوافق و اتزوج ماجد ....؟ "

زينة صرعتها الذكرى بقوة و صرعها قلبها اللي ينبض

" حرام راح تظلمين ماجد ليش تأخذينه وانت قلبك معلق مع المجافي اللي ركلك بجراحك "

قطع تفكيرها تصاعد رنين جوالها

القت نظرة

الهنوف تتصل بك

زينة ابتسمت : هلا بالعروس

الهنوف " أي عروس واي نيلة " : هلا بك هاه وينك شكلك يقول منتب جاية ..؟

زينة تذكرت شيء و طقت راسها : يؤ هنو والله نسيت معليش ههههه اوكي خلاص في بيت اميرة الجمعه

صح

الهنوف : الله يرحم اهلك بس أي بيت اميرة ياختي من وين تفكرين انت ...؟

زينة : هههه لا تقولين في بيتك

الهنوف " ياقوها بيتك انا للحين منيب حاسه اني متزوجة وذي تقولي بيتك " : أي بيت الله يجزاك خير هههه

لا في بيتنا بيت امي طيب

زينة << مدري وش جاها اليوم خخ : هنو والله مالك سنع ماشفت بيتك ترا من جد لا

وتتشرهين تبين نشرهك بهدية وانى ماندري كيف شكل بيتك اصلا هههه

الهنوف عصبت نوعا ما : أي بيت يختي انت تدرين اني من الاوتيل لبيتنا دايركت

يعني مابعد شفت بيتي على قولتك << ملح يوم تقول بيتي ههههه

زينة بدلاخة : حجرف سافر مع بدر

الهنوف " يقطع طاريه من غير شر يجيه " : ايه من صباحية الزواج تصدقين هههه

زينة تبتسم " ياعمري على براءتها << ايه هين والله انت البريئة " : مبسوطة انت شاقه الكشة يعني

الهنوف : هههه والله من جد الصدق الصدق الصدق يعني اني مبسوطة مررة رجعت لكم من قدكم

بس هههه

زينة : بذي مالومك إلا ياماما امتحاناتك اعتقد ماباقي عليها شيء

الهنوف : هو عشان كذا سوينا الجمعه لاننا بعدها بنبدأ ندرس و ندرس و ندرس

ريم وراها : لا تغلطين رجاء قولي نبرشم هههه

الهنوف : اللي هي ههههه اهم شيء يعني حتى البرشمة تاخذ وقت وانت تشوفين وش المهم اللي

بيجي بالامتحان و وقت وانت تكتبين

زينة : هههههه طيب عسولة اوكيك بعد المغرب بجيكم بإذن الله

الهنوف : أي مغرب العصر من يوم مايقول الله واكبر تصلين و تجين لاننا مانبى بمطولين

ريم : ياسلام على كيفك حكمت مدام حجرف انت بترجعين براحتك بس حنا بنجلس

الهنوف " ياربي ذي اللي بتجلطني من طاريه " : والله ذا كلام نواف عاد

زينة بحماس : نواف ولا يهمكم انا اقنعه

ريم : كفو هههههه المهم لا تجيين وايدك فاضيه ههه

زينة : يمه يمه منكم بس ههههه اكيد منب بجي فاضيه وش قالوا لك يعني

ريم : لا بس هيك ماهيك عشان ماتجيين و تسويين نسيت و مدري ايش من حركات تغريد

زينة : تغريد لذالحين على ذالتصرفات

الهنوف : بلاها معربة جدود ههههههه

زينة : اوكي اشوفكم على خير

الهنوف : على خير يالله في امان الله

قفلت زينة و هي تبتسم " من جد بنات عمي لهم وجود بحياتي و لا يمكن يتعوض باي شيء

صحيح حسيت الفجوة اللي بيننا قبل ..بس اهم شيء رجعنا مثل اول واقوى ... "

تذكرته

" ليش غايب عن سماء الذكر خير شر ....؟ يعني صدق سواها و هاجر

ومثل ماسمعت تو انو بيجي بعد اسبوع او اسبوعين يملك على بنت خالته

و تسافر معه ......بس انا لازم اكسب ولو شيء بسيط من الكرامة

لو كان مش راح يهمه ولا راح يحرك شعره فيه ...."

التفت لشكلها بالمرايا و تتأمل ملامحها

زينة تحكي نفسها : يالله من جد مليت من شكلي كذا .. يبي لي نيو لوك عشان انسى

يمكن اللي متوطن هالعيون و هالقلب .....

امها : هاو بسم الله تحكين مع روحك

زينة : هههههههههه أي والله يمه تخيلي قاعده افكر ودي اغير شكلي مليت من شكلي كذا

امها : اهم شيء شعرك لا تقصينوووه

زينة تبتسم : ليش هههههههه تدرين عاد هو اللي مضايقني احس مدري ما يناسبني ابد الطويل

امها تضبط شعر زينة : بالعكس ملح و قبله يجنن خليه .....حتى لونه مره يناسبك

زينة : هههه من جدك يمه تدرين اول ( تنهدت و هي تسترجع ماضيها المترف ) اول كل فترة

كنت بقصة و كل شهر بني ولوك .... وكنت اهتم كثير كثير كانت امي مضاوي ( دمعت ) الله يرحمها

تشجعني و تحب الكشخة واني اتميز

ليلى : حلو انك تهتمين بحالك يابنتي بس والله اني منب بجاملك كذا انت مبينه بنوتة طبيعيه يعني ماشاءالله

البشرة طبيعية بسم الله عليك و الشعر لونه طبيعي و كلك جنان بسم الله عليك ( ضمتها)

زينة : يعني لو تزوجت معقول منيب بغير شيء ..؟

ليلى ابتسمت : هاه يعني بتوافقين على ماجد ههههههه

زينة تنهدت : دام كلكم تمدحونه ليش ماوافق مادري احس اني بوافق

ليلى : اذا بتاخذينوه والله والسعد و البخت يا ميمتي ... بس مثل ماوصيتك اهم شيء شعرك

لا تغيرين لووونوه

زينة تبتسم : لا انا منيب بحب الالوان الصارخة ولا بعمري حطيتها ابد يعني بس افكر افتح شوي

احس الاسود مخليني كيوت بزيادة

ليلى : مع اني مدري وش تقولين بس اللي ودك سويه

زينة ضمتها : تروحين معي اليوم بيت عمي محمد الله يرحمه

ليلى : لا يمه اليوم معزومة انا عند ام ماجد

زينة ابتسمت بحزن : اوكي ترجعين بالسلامة يمه انتبهي لنفسك وان شاءالله تفلينهاهناك ههه

ليلى : يعني اقولهم انك موافقه ههههه

زينة بحرص : لا يمه لا تستعجلين اصبري بنقول لسلطان وهو يتصرف معه

ليلى : واذا سألتن طيب

زينة : ندري شوفي لك اقرب مخرج ههههه

ليلى : الله يستر منكم يا جيل ذاليوم ههههه

زينة بوستها : وانت ياحلوة وش ناوية تكشخين فيه اليوم

ليلى : ليش يعني مهتمة مره الليلة بالذات عشانها ام احم احم ههههه

زينة " الله يهديك يمه والله اني مادريت عنه " : هههههه يمكن

ليلى : اجل خلاص قول يلاخوتس عشان يرد لهم

زينة تنهدت بحسرة تكوي قلبها : بإذن الله بس خليني اشوفه سلطان مرة ما ينشاف

هالايام

ليلى : ايه يحووول من يوم ماسافر بندر و ولدي مشتط وحالتوه حاله

زينة " كلمة ضعفت شوية توصف حالتها اطرافها خملت بقوة " : الله يعينه

ليلى : اقول يابنيتي ولد عمك بندر واخوه ماتدرين ليش مسافرين ..؟

زينة " هاجر عشان يفتح لي حياة جديدة بنظرة مادرى انو هجرته عذاب لي " : لا والله

بس مثل ما سمعت فطوم تقول المدرسات اللي معها يقولون انو بيهاجر هناك لانو بيخطب

بنت خالته الجازي

ليلى حست فيها تحكي و عيونها فيه لمعة حزن : يالله يا بنيتي كل شخص بياخذ نصيبه بهالدنيا

زينة بضعف فظيع : الله كريم يمه ربي فوق و يلطف بحالنا

ليلى دق جوالها و انتبهت فاطمة تتصل و ردت عليها

زينة تكأت راسها على الكنب و نزلت دمعتها اللي خبتها .....

-

-

في غرفة ريم

ريم فاتحه الدولاب << ماتصير ريم إذا ما سوت استنفار قبل أي طلعه

ريم : اقول هنوف وش بتلبسين ؟

الهنوف تناظر لبسها : وش فيه لبسي ... والله جينز من " جيس " و قميص من " ريفر ايلاند "

ريم بعصبية صرخت و لطمت خدها : يافشلتي خير

ابتهال مرتاعه : وش فيك ؟؟؟

ريم معصبه تشر بيدينها : ذالخبله تخيلي تقول بشخص بذاللبس

اببتهال " فيس متروع " : خبلة انت يالهنوف نعبو عدوك عروس مامداك معرسة

الهنوف " اخذه الامور بهدوء و طناش " : واذا يعني مين متزوجة مثلا الوليد بن طلال ههههه

ابتهال : عن المسخرة عاد ويالله الناس اول مرة يشوفونك بعد ما تزوجت

الهنوف : لا ابو المظاهر والله واذا تزوجت وش اللي تغير ههههههه لا وحتى صحباتي

بالمدرسة يناظروني و حالتهم حاله يقولون بنلاحظ وش تغير فيك بعد الزواج من جد

ناس مساكين و تافهين << ياعمري عليها ماتنلام والله ههه

ريم تضحك بتصنع : ماقصرت طبعا سفلت في ابو شكلهم

الهنوف : والله يستاهلون اللي جايتني طاقه الصدر ينقالها صديقتي تسألني وش دخل امها

اصلا تسأل انا خواتي ماقلت لهم ولا حرف هههههههههه

ابتهال : كفو هههههه بس يالله عاد البسي من جد ترا ميب حلوة يشوفوك كذا

الهنوف : والله انا بنزل كذا و اللي ماعاجبه يبلط اقرب بحر

ريم بإقناع : وش بيقولون الحين ماجهزت ماشترت فساتين ولا جهزت مع انك يالخبله

مجهزين لك من ارقى الماركات

الهنوف : قايلة لكم انتم تفكرون بالمظاهر يعني وش فيه محمود سعيد يوم انكم جاحدينه هههه

ريم : ههههه

ابتهال : عاد كلش موب وقت مسخرتك ذي .... يالله البنات على وشك يوصلون

الهنوف : وين تونا هههه

ابتهال : الحين متوعده فيهم ومحذرتهم من العصر تجون وتقولين تونا

ريم : من جد مدام حجرف صايرة صاحبة قرارات تعسفية

الهنوف : ريموت ترا اذا كررتيها مرة ثانية موب احسن لك فاهمه

ابتهال : ليش ماقالت شيء شي غلط هههه

الهنوف : مدام بدر رجاء لا تدخلين

ابتهال : وه بس فديته والله

الهنوف " كلن يغني على ليلاه من جد " : تفديه على كيف ام جيراننا بس معلي شانا ماطيق

كلمة مدام يعني ادري انكم حتى لو ماعاد قلتوها ماراح تغير شيء من الواقع بس يالله

ابتهال : وليشي المعذبة يالمحرومه اللي يشوفك يقول حشى جاحدها رجلها ماكنك انت اللي

جحدتيه و رفضت تسافرين معه

الهنوف " وش دراكم انتم ..؟ " : والله عاد ألزم ماعلي دراستي و هو وافق

ابتهال : يختي ليش ماتقولين اسمه هههه او على الاقل دلعيه

لهنوف : سؤال وجيه بس اوعدك اذا عرفت الاجابة ببقوله طيب .. ايه صح بس اتذكر

انو اسمه صعب حتى دلع ما ينتدلع هههه

ابتهال : يبي لك جلسة بس اصبري ههههه

الهنوف : اقول طيري بس ههههه

بعد سويعات كل الصبايا تواجدوا .....

داليا تهمس لريم : اسكتي يختي والله ام الركب دقتني بقوة يوم يسلم على عمتي تو ههههه

ريم : لا يالحيوانة مبسوطة اكيد هههه

داليا : ههههه مدري لا والله خفت مدري ليش الحمار رامي ماقالي انو اهو سلمان اللي بيسلم

يقولي اجلسي محمد

ريم كشرت : داليا نايف وش قصته ماعاد يكلمكم ؟

داليا مسكت نفسها : اسكتي بس ماتدرين وش صاير ...؟

ريم " فيس منخرش " : وش صاير لا يصير صاير له شيء ؟؟

داليا بحزن بس متحمسه : بندر مسوي عمليه تخيلي ولا احد يدري

ريم : هاه << بفهاووتها

داليا : اسكتي لا تفضحيني ترا لو تدري اميرة اني قايلة كان تنحرني نحر .. اقولك بندر مسوي عملية خطيرة

بالحيل

ريم : خير وش تقولين انت كيفه طيب الحين سواها او مابعد سواها

داليا : سواها وابشرك يقولون تحسن الحمدلله بس لسى مابعد صحى

ريم : مي نقالك طيب نايف وش اخباره

داليا : نايف هو اللي تبرع لبندر بالعينه ؟؟

ريم بخوف : ايش

داليا : فضحتينا و بعدين يعني الشرهه على اللي يقولك

ريم عيونها دمعت حطت يدينها على فمها : كيفه نايف الحين ؟ صحى او مابعد صحى

داليا : إلا صحى ياحبني له مثل الحصان مافيه إلا العافيه ههههه وبندر بعد بإذن الله في تحسن

ريم : انا استغربت لهم صار لهم اسبوعين مدري كم واهم مسافرين ولاحس و لا خبر

داليا : ماتشوفين خالد و تركي سافروا لهم

ريم : خالد ادري انو مسافر بس ماعرف انو عند العيال في المانيا ؟

داليا : ياربي لك الحمد والله مدري وش اقولك انا و اخواتي مرت علينا ظروف من جد

مدري وش تبي ؟؟ ندري بس نحاول مانبين لامي ابد ....

ريم : الحمدلله يارب على سلامتهم .... متى بيرجعون

داليا : وين يرجعون يقولون لك بندر يبي له شهرين 3 على بال ما تنجح العملية يمكن ؟

ريم : يارب اشفيه و قومه بالسلامه ...

ريم : طيب غريب انا سمعت انو بندر مهاجر خلاص هناك وبعد قالوا انو خاطب الجازي

داليا شرقت وهي تشرب العصير : بسم الله عليه منها ههههههه والله لو يسمعك

ريم تبتسم : هيك سمعنا والله وش دخلني انا حكي وسمعته بس هههه

الهنوف قلطت : مين ذي اللي بسم عليه منها ..؟

داليا تناظر الهنوف و بوستها : وربي وحشتيني ياعروستنا يختي منيب مصدقه انك تزوجت بس اشوا

انك معنا ولا تركتينا ههههه

الهنوف : والله شوفي ياعزيزتي موب عشانكم يعني هههههه لانها هيك اجت

داليا : ههههه وش قصتك يختي من جد صايره ايم لسلي وبقوة

الهنوف : لاحظت هههه امي تقولي يابنيتي شكل الزواج لاحس لك مخك حتى اسمي ضيعته

ريم : والله اعلم من اللي ضيع لك عقلك ههههههههه

داليا : ايه صح البارح وانا احكي مع تركي اسمعه يطري حجرف بس مدري وش يقول بالضبط

الهنوف كشرت : وانا ماجلس إلا تسألوني عنه ياليلكم من جد ..؟

ريم : هههههه ايوه مثلي مثلي ياماما ماني بننضل ترى

الهنوف تضايقت بقوة : ريموت من جد منيب ناقصه ...؟

نزلت راسها و حست بضيقه خانقتها بقوة

قامت و طلعت برا بالحديقة

داليا و ريم طلعوا معها ....

ود : هههههههه حتى و البنت تزوجت للحين ماتركتوا حركاتكم لازم تتحيزون بحزب لوحدكم

داليا : نحب بعضنا وش نسوي ههههههههههه

زينة : ياملحها الهنوف والله من جد طالعه شيء

اميرة : هههههه قلنا بتركد بعد الزواج البنت زادت طفاقه

ود : هي انت وهي زوجة اخوي تراها منيب بسمح لكم ههههه

ابتهال : لا تخافين عليها هنيف مايضيع لها حق هههههه

في الحديقة

الهنوف متضايقة مرة و عندها ريم و داليا وطبعا بحكم صداقتهم

بحكم اخوتهم

بحكم طفولتهم المرتبطة

" البنت يدرون عن حياة الهنوف الصاخبة مع المتغطرس "

داليا : احس اللي سافر اجل ...؟ ولا تسكتين اطلبي الطلاق قبل يجي

ريم : خير انت أي طلاق ....؟ اصبري نشوف حل ديمقراطي

الهنوف ابتسمت

ريم : ايه كذا فديتك ابتسمي والله شكلك وانتم تضايقه يسد الخلق وربي

الهنوف : لا بس قاعدة اضحك على حالي من جد ماقدر اقول إلا انو ذالحالة

من المضحكات المبكيات ههههههه ( صعبه جدا ان تضحك و دموعك مابعد نشفت )

داليا بحزن : مافهمتك كيف يعني ؟

الهنوف ضمت ريم و داليا : يعني على الاقل ماكنت بتحمل فراقكم يالخبلات هههههههههه

ريم ضربتها مع ظهرها : بلاك ماتدري وش سوينا يوم رحت معه ذاك الليله

داليا : من جد بكينا لين صفت رووسنا انا حتى يوم تزوجت نسرين و اميرة ماطلعت

ذالدموع

الهنوف تضربها مع راسها : وتقارنيني فيهم هههههههه انا غير ياماما

ريم : ههههههه هاه انت اعداك بعض الناس بالغطرسة

الهنوف : ههههههه بسم الله علي يالله تعالوا ندخل عند البنات

داليا : الهنوف انتبهي ترا عمتي هيا جايه ههههههه

الهنوف : هههه ياربي حشرتني حشرة توم ادري وش تبي يختي ليش تسأل ذالاسئلة

داليا : اذكر اميرة ماخذه همها هههههههههه

ريم معقدة النونة : لا يكون تسأل

داليا : ايه ايه هههههه

الهنوف : بس عاد تدرون وش سويت اقرب مخرج طلعت معه هههههههه

ريم : ياويلي لو انه انا كان علووووم هههههه

الهنوف : يالله بس دخلنا

دخلوا البنات

تغريد : هاه هنيف شكلك نسيت انك متزوجة يعني خلاص انضمي للمتزوجات و اتركي

البنوتات عنك

الهنوف : والله بنضم للم مرتاحه اكثر

ابتهال : قليلة خاتمه هههههههه قايلة لكم ما ينخاف عليها
الهنوف سحبت نفس عميق ....

-


-

من الطرف الاخر

في ايطاليا

حيث يقيم مع عمه سعود ....

حجرف وهو يستشعر ذرات الهواء النقية

مايدري ليش طرت على باله !

ابتسم لسخافة ذكرها من وجهة نظرها

ناظر جواله

بحماس و شغف يقرأ المسجات

مسجات عتاب كثيرة من فلانه و علانه

لانو تزوج بدون ما يقولهم

حجرف : يلعن ام التفاهه بس ههههه ماعندي غيركم انتم هههه

تأنق و ضبط كشخته لانو اليوم اخر يوم في المؤتمر

ابتسم و هو ضامن انه بيكسب المؤتمر لصالح شركاتهم

مايدري ليش ذكراها المشاكسة تداعبه كثيرا ....

ابتسم بسخرية لانو حتى رقم مايعرف لها ^_^

حجرف جلس اثناء انتظار الكافي << صاحي قبل عمه

حجرف يفكر وش قصتها ذي ميب راضيه تفك عن بالي ...!

وين العنود ..؟

وين تهاني ..؟

وين امل ..؟

وين ساره ..؟

وين ربى ؟؟.

وشذالمسخره بس صاقت يعني ماتمسك معي إلأ مع ذالعربجية الهنوف ..

تذكر تلك الليلة و ابتسم

لانه قد اجاد الدور و بكل جدارة و استحق البطولة على هذا ...

تذكر عيونها اللي تنطق بكل البراءه و الحيوية و الملء بالحياة ...

حجرف : هههههه وه بس ياليتها قريبه كان تمسخرت عليها شوي و ارضيت مابنفسي

للحين احس ما بعد انكسر راسها ..

العم سعود مستغرب : انا قايل من يوم تزوجت بذالسرعه ولا حتى قلت بعزم عمي داري

انك ملحوس

حجرف : هههه صباح الخير افا بس ياعمي و ش تقول هههه

العم سعود : وش فيك يعني لهدرجة حاطتك بجيبها بنت محمد الله يرحمه ...

حجرف ابتسم : واكثر مما تتصور هههه

ابو بدر : ليش ماجبتها معك

حجرف " ناقصها انا هههه " : تدرس وثالث ثانوي قلت يالله عشان ماشغلها

ابو بدر : والله اشوا اللي فيك خير وول وان جيل هاليومين منتهي ههههه اجل بدر

مشغلني إلا و اجي عشان احضر ملكته الخميس بإذن الله

حجرف : ههههه الخميس ذا حاطين كذا مناسبة وليش ماتجي ياعمي انا بعد

قالوا لي

ابو بدر : والله يا حجرف شفت ضغط العمل فأنا ابحاول عشان اجراءت التقاعد ما تتعلق زود عرفت

حجرف : اه يالدنيا بالله كيف يعمي يهون عليك تترك ايطاليا ؟

ابو بدر يتأمل من الشرفة و هو يسحب الكافي : اييه وش اقولك بس خلها على الله

بس بما انو لي بيت هنا اكيد بجي يعني من فترة للثانية

حجرف : إلا ليش ما تتزوج ياعمي هههه

ابو بدر : اقول افطر و انت ساكت بسس جانا بدر اخلص من بدر تنط لي انت ؟

حجرف : والله جد يعني وش ناقصك والله احس لا والحين بتتقاعد يعني من جد راح تفضي

العم سعود بثقل : حجرف

حجرف << يحس انو بيتفشل : هههه سم

العم سعود : ما جربت انصفقت ؟

حجرف : ههههه والله اسأل اخوك ياما و ياما لفعني لين قال بس ههههههه بس اشوا الحين ركد شوي

العم سعود : هههههههههههه ياحليلك ايه فهد و عبدالله يضربون خابرهم

حجرف : خابرهم اجل هههههههههه

العم سعود : وليش اكذب عليك الله من اللفعات اللي اخذنها هههه << عمره موب كبير مره يعني تقريبا

في منتصف الخمسينات

حجرف : اقول اعرس بس دور اقرب خطابه ههههههه

العم سعود : خطابة بعينك ياللي ماتستحي هذا جزاي يعني مكرمك و حتى العشاء البارح مسويه لك بنفسي

حجرف : الله الله ياعمي بذالشيء اعتقد أي سعودية بتخق عليك عارف ليش ههههه

لان أي سعودية يقولون لك امنيتها رجلها يطبخ لها خخخخخ

العم سعود : و دام انك تدري ليش ما تتشطر و تتفيلح و تغدينا اليوم عشان اذا رجعت تدلع بنت اخوي

حجرف " والله ياني بدلعها بورقة طلاقها خخ بس اصبروا علي لا والقهر كل العائلة حتى عماني

الكبار يحبونها على ايش مدري "

حجرف : والله اذا مستغني عن مطبخك سلمني اياه هههههه

ابو بدر : من رفالتك والله يالارفل

حجرف : وبقوة ههههههههههههه المهم يالله عمي ( بوس راسه ) معليش بس عشان احسسك انك شايب

واحد نذل كيفي طيب ههههههههه

ابو بدر : هههه تأخرت على المؤتمر

حجرف : دعواتك لي

ابو بدر : بالتوفيق بإذن الله

طلع حجرف يجر الخطى و هاهي بين عينه و هدبه

في كل حالاتها

معصبه

تبتسم بسخرية كعادتها ههههه

وتوتر بكثرة لانها زودتها كل شوي بباله

خاف

خاف

خاف من جد

يكون قد بدأ

ذاك القلب الجريح الذي قد اندثر منذ سنوات

قد بدأت تدب فيه الحياة ........

على كثر البنات اللي عرفت

ولا وحده قدرت تثير ذالشعور فيني من عقب دلال

معقولة تكون هالعربجية ...

لا لا تتوهم يا حجرف طنشها بس ...!



" يارياض الخير ,,,أما لك أن تلمي بقايا شتات العشاق ؟ "


في بيت سلطان

( 16 )


" يارياض الخير ,,,أما لك أن تلمي بقايا شتات العشاق ؟ "


في بيت سلطان

سلطان : والله مدري يمه اللي يريحك سويه ؟

ليلى : هاو كيف بس اتصرف انت اللي بتتزوج او انا ؟

سلطان : نعم ايش لا والله اتزوجي ذا اللي ناقص ههههه لا تلمحين

ادري تبين الفكة مني خلاص زينة بما انها وافقت على الخطيب

ناظرها و طير حواجبه ( لانها مابعد ردت عليه بس مثل قولة إياك اعني و اسمعي ياجاره )

زينة : هههههههههه

ليلى : ههههه شكلك منتب صامل على الزواج ليش يوم توهقن مع الناس

سلطان شخص : افا يمه ومين قال إلا صامل و نص ؟؟

زينة جلست قدامه : والله ماشاءالله البنت اذا اهي على خبري تجنن

سلطان : وش دارك انت عنها ؟

زينة ابتسمت : موب اهي اخت خطيبة نواف اعرفهم

سلطان : احلى هي او ميريام فارس ههههه

زينة بحماس : أي ميريام هذي تطق لميريام اصبع و رقبة بعد هههه

سلطان : اهم شيء تكون متواضعه مو تجي رازة الخشه عشان اسم ابوها

او اسم اخوها

زينة : والله مرة متواضعين انا شفت خطيبة نواف مره حبوبة تخش القلب

سلطان : اصببروا بفكر ههههه مسوي رقيق اجل هاه ههه

زينة : من جد هههه انقلبت الاية والله

سلطان ناظرها و تذكر موضوعها ناظرها بتفحص

زينة عرفت قصده : مضيع شيء بوجهي

سلطان : اقرب مخرج لا اوصيك هاه ..؟ وش صار على موضوعك

ترا لطعنا الرجال بما فيه الكفاية

زينة نزلت راسها

سلطان : موب منطق ابد هذا ثالث واحد ترفضينه غير اللي طيرهم

عمك ابو تركي وانى ماندري عنهم ههههههههه


زينة ابتسمت : لا إن شاءالله خير اوعدك برد عليك خلال ذاليومين

سلطان : شوفي اليوم الاثنين الخميس ابي الرد فاهمه

زينة : بإذن الله

سلطان : ايوه نرجع لموضوعنا ههههههه ؟؟ متى تبون نخطب اجل

زينة : اليوم الليلة رح لهم انت وعمك صالح و اخطبوا

سلطان : خليني ادق على عمي و اشوف وقته الكريم

امه ابتسمت : ماهوب مقصر دايما يدعي لك والله

سلطان : ايه كل الناس يدعون لي بحكم اني اكبر عانس هههه

زينة : هههه الله يابختي اخواني الاثنين بيزوجون

سلطان : ايه قالي بدر انو بيرجع زوجته ..؟

زينة : خليكم مع بعض بليلة وحده

سلطان : اقول طيري بس ههه

زينة : من زينك عاد ههه اصلا لو تحطونه بليلة وحده بروح لزواج بدر

و اجحدك

سلطان : اتحداك ماتقدرين

زينة : اييييييييييش
سلطان : ماتقدرين قلت و إلا ماتسمعين إلا وش رايك ادق على ماجد

زينة : مين ماجد ؟؟ صدقتهم من جد يوم قالوا تشبه ماجد المهندس عاد

سلطان : هاهاها اقرب مخرج هاه ههههه

زينة : وش فيك من جد احكي لا مخرج ولا اشاره

سلطان : ماجد يالخبله ابو عيالك ان شاءالله

زينة كشرت " ياقوها ابو عيالك بسم الله علي بس " : موب قصدي ابد ههه اصلا

ترا مابعد قررت يعني لا تحكم على كيف كانت بعد

سلطان : ايه سمو الاميرة لسى مابعد قررت متى طال عمرك ترزين زولك

بالبشت عفوا اقصد المشلح و تردين علينا

زينة بدلع : مو قلت لك الخميس

سلطان : هههههه فديتك والله ايه صح الخميس فيه مناسبه اعتقد

مسويين حفلة لانو حجررف بيرجع ..

زينة : يرجع اعتقد دورته شهر وش يرجعه

سلطان : أي شهر اسبوعين وبعدين الرجال معرس يعني تلاقينه

جاي حافي حتى نعال ماعليه مايشوف الدرب << كثر منها

زينة : ياليل المشفوحين ههههه وش قالوا لك تحسب كل الناس

مثلك

سلطان : صح ذكرتيني متى يعني نروح لهم بما انو انا الخميس مرتبط

فبكرة يمه وش رايك ؟

ليلى وهي بغرفة ثانية بس تسمع : براحتك يمه بكرة بكرة

سلطان : على خير ...

سلطان قبل يطلع : زينوووووه تأكدي لا تكون مخطوبة البنت بعد

ثم صدق والله اني لا اسحبك و اجر جرك ادخلك على ماجد وانت ماتشوفين

الدرب

زينة : هاه يمه

ليلى : ههههه لا يمه ميب مخطوبة متأكده انا سألته عنها

سلطان : ايه اشوا...

زينة : ماتنلام والله ههههههههه

سلطان ابتسم و لبس شماغه : يالله اجل طالع انا

" من بكرة تمت خطبة سلطان و بالفعل خطب اخت خطيبة نواف

خطيبة سلطان اسمها مها و خطيبة نواف اسمها نوره "

والامور تمت على خير << مما تم اختصاره ^_^


-


-


-


( 17 )



يوم الثلاثاء



ومن برلين على وجد التحديد


تركي و علامات الارق تحت عينيه يحكي مع ابوه و يطمنه على بندر .....


بدر يناظر بندر ويبتسم .....

" سقى الله ايامك ياقرب قلب لي ... ! "

خالد : اقول بدر

بدر : سم ابو رامي

خالد : انا شكلي مضطر انزل الديرة اليوم بإذن الله

بدر : عسى ماشر < بحيرة جملت عيونه

خالد : ماشر ياخوك بس الشغل متكدس هناك و سعود جايب العيد وبصحونه بعد

وبدر كمل اللي ماسواه سعود ههههه

بدر : من جدهم ذالمساطيل هههههه اوكي خلاص عموما الحمدلله بندر شوفة عينك اليوم صحى

و صحته تمام بعد

خالد : والله من جد يوم بدأ يحكي معنا ارتحت بالحيل يارب عقبال مايرجع الديرة

بدر : ياليتك تاخذ تركي معك مره الرجال رايح فيه الظاهر من جيتنا هنا ماذاقت عينه النوم

خالد : ايه نومه صعبه أي شيء يقلقه حتى كيف واخوه الحمدلله و الشكر شاف الموت بعيونه

بدر : يارب لك الحمد و الشكر

بندر فتح عيونه : صباح الخير

الجميع : صباح النور هاه كيفك اليوم

بندر تكأ راسه وهو يحس بشيء ثقيل مرة طاح من راسه : الحمدلله بخير

تركي قفل من ابوه : هاه بشر يابعد راسي كيفك ؟

ابتسم بندر << دوم يارب : الحمدلله بخير كم الساعه بس اذن الظهر

بدر : هههههه يامسلم ترا من الساعه 7 وانت تصحى تسأل عن الصلاة صلاة الظهر

تونا بعدها الساعة 9 يمكن

بندر : تلوميني يا بدر والله اني شفت الموت بعيوني أي والله اني شفته ولا توقعت اني بصحى

عقب ذالعملية خير شر

تركي : الدكتور يقول قليل اللي نجوا منها بس الحمدلله ربي كريم شفت شلون عشان

تعرف فضل ربي عليك و علينا احمدوا يالله ياشباب والله انى بخير و نعمة

بدر : الحمدلله و الشكر على العافية و الحمدلله اللي سلم لنا ذالبايخ هههههه

ابتسم بندر

خالد : ياربي لك الحمد و الشكر ولا جانا إلا كل خير من الله ......

نايف توه جاي يتسحب سحبها نوم لانو قبل واصل كم يوم

نايف : صباح الخير هاه بندر شكلك طيب بإذن الله

بندر جالس : الحمدلله بخير ياحبني لك احس معك كل وقتي الحين ههههههههه

نايف : هذا اهم شيء لا تنسى ذالشيء بس يالله عاد بقعد اذلك عليها ههههه

تركي ابتسم : اقولك نايف اذا بترجع السعودية ترا خالد بيرجع رح معه

نايف بدلاخه : وش يرجعني متى بترجعون انتم ؟

تركي : ههههه وش فيك انلخمت عادي اشاورك انا

نايف : لا افا وين اروح واترك نصفي الأخر بندر ههههه بجحد محمد توأمي بندر ترا

الجميع : ههههههه

بدر : محمد من جد أكلها ههههههه متوهق مع عمي فهد بكل شيء

نايف ابتسم : خله يستاهل طول حياته ترا واهو بالخبر يعني ماذاق اللي ذقناه

تركي : من جد عرف له ابوي يوم نقله الرياض هههههه

بندر ابتسم

خالد : محد مخاويني اجل للديرة ..؟

بدر : السلامة ترافقك

خالد ابتسم : شوري عليك يا نايف تلاقي امك و ابوك قلوبهم متفطره عليك هههه

نايف : مدري ليش احس انكم تصرفوني هههه عموما منيب راجع إلا مع بندر هاه يا بندر

بندر : الله الله هههه

نايف : قضينا
بندر : اصلا خلاص الدكتور يقولي يمكن اراجع الباقي في مستشفى الملك فيصل التخصصي

يعني مايبي لها كل ذالزحمة

تركي بعصبية : انسى انك ترجع الديرة ذالايام

بندر : ليش مارجع ههههه منيب مصدق ترا اني عايش للحين واني فيه امل اني بشم هواء الرياض

تركي : على الاقل لازم تجلس سنة كاملة وش دراك عن ذالعملية يمكن تجي حالات او شيء لا منتب راجع

بدر " يحكي كم حكم دراسته طبعا " : أي سنة ياخي ههههه قل شهرين اربع شهور كاقصى حد يعني

الماكسيموم

تركي : لا ماكسيموم ولا منيموم رجعه مافيه

بندر بهدوء : ياخوي منيب بعارضك بس والله امي لازم تتطمن والحمدلله دام العملية نجحت وش اللي يمنع


تركي : نعبو عدوك طالع من موت وتقولي بترجع مسرع توك حتى مابعد نعنشت اصبر كم شهر

بندر : الدكتور يقولي اقدر اتابع هناك وش فرقت به

خالد : بس ولو الاحتياط واجب ياخي جت على كم شهر

بندر " منيب مصدق اني خلاص من عداد الاحياء ... منيب مصدق اني برجع اشوف امي و احس بحنانها

واشوف ابوي و جبروته الفظيع اللي يملاني رجولة و حنان ...

تذكرها

استلهم ذكرها ....

لازم ارجع عشان اخذها و اخبيها بقلبي ولا اسمح لاي قوة تأخذها و تبعدها عني "

بندر : انا لازم ارجع اذا الدكتور مابدى أي امتعاض

تركي : وش تخربط انت انسى بس نام وإلا تدري قم صل تراه اذن

بندر : ههههههه الله يجزاك خير

< بعد ما تم مناقشة الدكتور وضح لهم انو بندر يقدر يرجع و هو بكامل صحته و سلامته

بس لازم تكون له مراجعات >><

بندر : شفتوا قايل لكم بس الوسوسة شينة ههههه

تركي : يمين بالله ماردني عنك إلا لانك توك طالع من موت ( حضنه ) و ابتسم

نايف : يذا العواطف اقول لبندر حنا الظاهر من قو شخصية ابوي صارت عندنا طفرة

جينية زايدة و صرنا نفرط بالمشاعر

بدر :يعني ياحظ المره هههههههههه

خالد ابتسم : يالله شد حيلك عشان تلحق حجرف

بندر استغرب اللي البزران اللي اصغر منه تزوجوا

نايف : ايه صح بطاريه ترا يسلم عليك يا بندر و يتحمد لك مرة الف مرة بالسلامة

بندر : الله يسلمه من كل شر و يسعده

تركي : هاه يعني صامل يا ابو تركي منتب مغير رايك << يدقه يعني انك مثل ابوي ^_^

بندر : الله الله الخميس الخميس معكم برجع بإذن الله

بدر : ياذ الخميس يا فرحة الرياض والله ههههههههه

تركي ابتسم : من زمان والله عن المناسبات اللي من جد تفرح يارب تفرحنا بسلامة دايمه لبندر

بندر ابتسم : والله من جد ذالعملية طلعت غلاتي خخخخ

نايف : بقوووة ههههههههه لو تشوف البنات يدقون علي يبكون يشاهقون من البكي والله

عاد وقتها انا طعس لحالي هنا من جد لعبت فيني العبرة لعب اخ بس وش نقول يالله لك الحمد

خالد : سلامة دايمة يا بو فهد ويالله انا طيارتي ماعاد بقى عليها شيء نشوفكم على خير يوم الخميس

الجميع بعدما سلموا عليه : على خير ....

-


-

-

-

في الشقة

بندر اول مادخلوا جلس في الصالة

تركي : وين وين يالله قدامي اشوف

بندر : ههههه تركي وش فيك محسسني كاني بزر مدري يمكن على بالك اني عبودي او ثامر عيالك

تركي : اقول بتمشي و انت ماتشوف الجادة يالله بس انجز ترا اللي فيني مكفيني

نايف : من جد اخلاقك قافله ماتنلام تصدق يابندر ان ذالمسلم من جيته برلين مايدري وش طعم

النوم فيها

بندر : وه بس فديتهم العاطفيين

بدر : من جد تركي نام ياخي ارحم حالك خلاص بندر و بصحة اوكي اطيب منا ماشاءالله ههههههه

عني انو اطيب من صحتك

تركي : بندر << بتهديد

بندر : ههههههه والله العظيم شويات و بنوم ياخي مليت انا من الانسداح ظهري يوجعني من كثرة

الاستلقاء برتاح شوي كذا

بدر : خله يمغط ظهره

تركي : اسمعوا كلكم نص ساعه و بجي يا ويلكم اذا ما نمتوا

نايف : ياخي انت كل مرة تقول كذا هههههه تعوذ من ابليس و انسى همنا نام عيونك متنفخه رايحه فيها

نام

بدر : ابو تركي يعني ماتعرفه خخخخ

بندر : من جد الخالق الناطق

نايف : وقسم اني ماحكيت ولا كلمة هم الاثنين بس ههههه

ابتسم تركي و راح للغرفة عشان ينام

-

-

-

نايف في المطبخ يغني " شبعنا عزوبية ...الخ ..."

بندر : اقول

بدر : سم

بندر بخوف انو يدري انها راحت : وش اخبارها ..؟

بدر بحماس : ابشرك وافقت و بنرجع لبعض باركي لي والله يانا

قاطعه بندر : لا ماقصد ذي اقصد زينة ..؟ << بعيون عاشقه قالها

بدر بفهاوة على خبث : أي زينة ....؟ اصبر طيب اذا تذكرت بقولك

بندر يناظره بحيره و تنهد

بدر : ههههههه لا ابشرك بخير

بندر يحكي بترقب مذهل : اذكرك تقول انها بتتزوج .. تزوجت؟؟ << بنبرة تجتاحها الخوف

بدر تذكر موضوعها : اعتقد راح تتملك قريب

بندر بفزعه : اييييييش وش تقول

بدر : وش فيك خرشتني سألتني و قلت لك انخطبت و اعتقد وافقت اذكرها تفكر وهي كانت اللي

مقتنعه يعني...

بندر بحسرة : مقتنعه بمين او مين ...؟

بدر مستغرب : بندر وش فيك الله يهديك خير

بندر بحماس : بدر قلي وش اللي صار ..؟ مين خطبها غير اللي قلت لي من كم شهر

بدر مستغرب : وش دخلك

بندر : يارجال وش ودخلني

بدر : ياخي مالك شغل انت اللي قلت كل انتهى وإلا

بندر : ايه بس

بدر بجدية : قلت او ماقلت ...؟

بندر تنهد : ايه قلت .... بس يا بدر قبل كان غير يعني كل شيء غير

بدر : يارجال طير هناك بس وش قاعد تخربط

بندر : بدر انا قبل كنت تحت ضغط العملية و هاجس اني منيب بصحى منها

ماكنت ابي اربطها عرفت

بدر : مشكلتك والله بس على ماظن قبل اسافر كانوا ضاغطين بقوة عشان ياخذون الرد

و سلطان مره اشوفه باغي ذالرجال

بندر : ياعمي قم بس يالله دق عليهم ارفض

بدر : عفوا

بندر : لا عفوا ولا شكرا يالله تصرف

بدر : يارجال ارتاح بس تمسك

بندر : تبيني ارتاح طلبتك تكفى الله يخليك لبنتك دق

بدر حط رجل على رجل : قل الله يخليك لابتهال و الله يخليها لك

بندر : الله يخليكم لبعض بس انجز

بدر : لا مو كذا خصنا بدعوات يعني

بندر : الله يخليك يا بدر بن سعود لابتهال بنت محمد و الله يخليك يابتهال بنت محمد لبدر بن سعود

ويصبر ك عليك و يعقل و يركد

بدر : هههه ايه كذا الدعوات

بندر : طيب يالله

بدر : اقول طير هناك بس اذا رجعنا الرياض فركشت عليهم كل شيء اصلا ابوك سوا سالفه

كبيرة عريضة مايبيها تطلع من العائلة و كانك ماتدري تراه شوي و يزنق خالد يتزوجها

بندر بفجعه : وشو ابك تسيف

بدر : هههههه خير خالد و سعود واحد منهم

بندر : نعم << بعصبية ؟ وشو

بدر : ويقوم لك عليهم سلطان و يفرقع ابو ابو عدوهم لين طير السالفه

بندر ارتاح : الحمدلله والله اني زمل بالحيل انها تتزوج صدق

بدر : يعني انت قبل ماتبي تعلقها و تخاف ..

قاطعه بندر : قبل كنت منيب ضامن نتيجة العملية بس الحين لا الحمدلله

ربي انعمني بصحة و عافية و انا منيب بستغني عنها يكفي اللي صار بيننا من بعد و شتات

بدر : خلنا نرجع الديرة و يصير خير بإذن الله

تركي فتح الباب : يعني ما نمتوا

بدر : هههههه يالله هذا احنا بننوم

تركي : نمت و صحيت وانتم للحين تخربطون

بندر كتمها و سكت و بينت الضيقة عليه ...

بندر : تصبحون على خير

نايف ...... نايم طبعا له ساعه تقريبا

و ها هو بدر يدخل بغرفته لينام ......

بندر على السرير

يتذكرها

اخر مرة شافها ...

مستحيل تروح لغيري

الحين انا قادر اخذها و احميها

و اخبيها في عيوني ....

-

-

( 17 )


" يقول لا حزنا و لا فرحا

لا شوقا ولا هياما ....

اعشقك ياأميرتي ...؟ "



يوم الاربعاء

ريم : هاه وش رأيكم بذالفستان ألبس عليه سكارف ليموني او لا ...؟

الهنوف : ياليل ابو لمبه انت من جد ايلي صعب مادرى عنك وإلا كان عطاك درع تكريمي

ريم : هههههههههه تلوميني ياختي بكرة فرحتنا كلنا

الهنوف : اقول نامي بس هذا ابتهال تقولي بكرة بدر بيجي و شاقة الفيس على ايش مدري

يختي وش لنا بالحب و غرابيله .. وإلا تغريد عاد حالة خاصه مع رجلها خاقه

عليه ... وكل البنات انواع الخقخقه على رجالهم

ريم : كش عليك اجل مثلك ههههههه المشكلة انك انت مأخذه ملاك يمشي بالارض

الهنوف : وش ينفع الزين اذا صارت النفس بالسماء اقول اسكتي الله يخليك

ريم : دريت انو ماجد المهندس خطب مها هههههههههه

الهنوف : ههههه يذالمهندس ايه قالت لي زينة و مهما حبوبة الله يسعدهم

ريم : المهم وش بتلبسين ؟

الهنوف انسدحت وهي تحس بوخز ببطنها : وانت مايجي طاريك إلا تسألين عن اللبس ههههه

ريم قربت لها : هنيف اتقي الله وشذالكرشة ؟

الهنوف مسكت بطنها : ايه حبيب خالته هنا هههههه

ريم بدلاخه : احلفي

الهنوف : أي احلف امزززح ههههه وه بس بسم الله علي تخيلي

ريم : ههههه مدري قلت بزر تشيل بزر

الهنوف : بسم الله علي من جد كان اصير مسخره

ريم : وش بتسوين معه طيب اذا جاء بكرة ؟

الهنوف : ولا شيء اصلا حتى سلام منيب بقوله الحمدلله على السلامة

ريم : لا عاد موب لذالدرجة

الهنوف : يختي اجلسي بس وش درا ك انت لو انت شايفه اللي شفت كان دقيقة ما اثبرت

ريم حالمة : اشتقت له والله بجنون

الهنوف : الله يهنيكم يارب و يسعدكم الله يعين على الامتحانات من جد احس مالي خلق

ريم : وش اقول اجل انا اووف بس الله يعين

الهنوف سكتت و شردت ماتدري ليش شافته

يبتسم لها

يتأملها

تذكرت جنون عيونه و هدبها الطويل

و غمضت بقوة

تبي تطرده عن فكرها

ولا زالت تتذكره بكل مافيه ...

ريم مسكت قارورة العطر من " باكو رابان " بلاك اكس اس " و بخته

الهنوف : اوووف يالمخيسه وشذالقرف ليش بخيت ذالقرف منيب بحبه اوووف بس

ريم بخوف : خير اذكرك خقيت إلا و تشترينه خير وش اللي صار

الهنوف حست كبدها تتقلب بقوة

الهنوف : اوووف بس ذكرني فيه ريحة عطرة من باكو رابا نوانا باكو رابان بكبره كرهته بكل

منتجاته الله ياخذه منييب بحبه ذالعطر بليز لا عاد تحطين يدماغي بسس

ريم تتفحصها بنظرة حائرة مبعثرة : ياخوفي بسس يكون

الهنوف : اقول اسكتي بس ولا تروجين اشاعات مغرضه رجاء

ريم : ههههههههه تخيلي طيب من جد وش موقفك

الهنوف : وش اتخيل خير وينى فيه تبيني اكذب على نفسي هههه مستحيل اصلا

ريم : ليش مستحيل ( غمزت لها )

الهنوف : ياربييييه بس خلاص من جد عكرت جوي وانا ينقالي بدرس كلمتين

ريم : ياملحهم اللي استحوا هههههه من متى و احنا ندرس اذكرنا نبرشم

الهنوف : لا ابشرك بتوب ماعادني ببرشم خير شر

ريم : خخخخخخخ ياحبني له بس

الهنوف : ابلشتينا بناي فترا

ريم تغمز لها : ماقصد نايف اقصد حبيب خالته هههههههه

الهنوف " فكرت بكلامها ياهمي كان طلع كلامها صدق يامصيبتي اللي مابعدها مصيبة "

الهنوف : اقول لا يكثر واياني واياك ترويج الإشاعات

ريم : طيب تعالي نتأكد ههه

الهنوف : نتأكد كيف خبله انت

ريم : يؤ يؤ لا يروح فكرك بعيد ههههههه اقصد بما يعني انو يدي خفيفه بسرق الجهاز اللي عند ود

اللي يكشف الحمل بالبيت

الهنوف : اقووول كولي تبن بدون سيم بعد << تكرنت قلت لك مستحيل

ريم : اوكي هههه نرجع ل لبسنا وش صار علينا بكرة ..؟


الهنوف : تعالي شوفي ملابسي و فساتيني جديدات بس لو ايش منيب بلبس منهم تبين اخذي

فداك

ريم : يابختي من جد

الهنوف : بنزل انا السوق اشوف لي لبس من جد مالي خلق ملابسي الخياس ذي

ابتهال : نعم نعم اسمع طاري لبس ومن مين منك انت

الهنوف : مدري بس كأن عندي مانع يعني ؟؟

ابتهال : مانع او دواس هههههه

الهنوف : هاهاها << مره اخلاقها متغيره

ابتهال : خير وش فيك متكرنة و حالتك حالة ...؟

الهنوف : ابي انزل السوق عشان اشتري فستان

ابتهال : و فساتينك جديدة

الهنوف تنهدت : ياربييييييييه منكم مالي خلق

طلعت و راحت تقول لامها بتنزل السوق ...

-

-

-

في بيت سلطان

زينة تقلب افكارها ... خلاص بوافق ...!!

نزلت دمعتها وهي تتذكر ماضيها المؤلم الجارح العذب


استلهمت بوحا شاعريا

و راحت تغفو على عيونه اللي كانت اسيرة لها من فترة ....

-

-

-
في بيت ابو تركي

داليا : اميرة حلو هذا الفستان البسه بكرة ؟

اميرة : حلو و نسقي معه اكسسوار احمر

داليا : امممم ماعندي بدق على الهنوف عندها اكسسوارت تجنن

اميرة : يختي وارها ما تلبس ما تتشيك كعروسة يعني احس انها الهنوف هي الهنوف

داليا ياعمري عصبت : لا والله انها تكشخ بس انتم طبعكم بدائي مدري ليش يعني

لازم البنت اذا تزوجت تصبغ الشوشة و تلبس فساتين خير خليك ارقى من كذا اميرة

اميرة : اقووول عز الله اللي ذبك سلمان علينا من اول دقيقة على ذالعلوم

داليا : هههههههههههه وه بس يختي منيب مصدقة انو اخواني بكرة بيجون بنسوي

بارتي بسلامة بندر صح

اميرة : يختي ليش مالها سنع نفتح عيون خلق الله مانى بناقصين الحمدلله اللي قام بالسلامة

داليا بدلع : ياسلام يعني مايحق لنا نفرح

اميرة : امي خالصه من ذالموضوع يعني حتى مناقشة مافيه مجال خخخخ

داليا : امي و عيالها عاد مشكلة هههههه

اميرة : يالله عقبال مانفرح فيهم يارب

داليا : كح احمممممم

اميرة : نعبو عدوك تو بثاني ثانوي وش معجلك

داليا : مين قالوا لكم تخطبوني ههههه بكذا تخربون تفكيري يعني من وانا صغيره اطلق العنان

بالتفكير

اميرة : هههههههه قلنا انخطبنا و احنا كبرك بس مع ذا ما تزوجنا إلا بعد ماتخرجنا

داليا : يؤؤؤؤؤؤؤؤؤؤ

محمد توه داخل : مرررررررررررحبا

البنات : مراحب هاه بشر ؟

محمد : ابشركم ولد و يجنن زي ابوه بسم الله عليه ههههه

داليا : واو كثروا الاحفاد صاروا ( تحسب ) 13 يمكن

اميرة : قل هو الله احد الله الصمد بسم الله علينا منك

محمد : وين امي ببشرها

اميرة : امي ميب مصدقة انو العيال بكرة بيرجعون مره فرحانه تحكي مع خالتي البندري

محمد : بروح ابشرها

داليا : ابو فهد اجل

محمد : فهودي لا تغلطين لا اوريك قدرك تعدلي يا بنت

داليا : خخخخ غريب ماينعرف لكم

-

-

-

في أيطاليا


من شدة الإرهاق ما بدل ملابسه

ابتسم لانه ضمن المؤتمر و نجح فيه بشكل منقطع النظير

وهذا عطاه راحه كبيره

تكأ راسه على السرير قبل ينام

و شافها في خياله

استغرب

ابتسم بسخرية فظيعة ....

غرس جسمه تحت البطانية و هي لاتزال تداعبه كثيرا بخياله

ابتسم لحضورها

و جفى النوم عينه ...

سهر يقلب خيالها ...

ويستعرض وش سوى معها بالضبط ...!

جفاه النوم ...

" بما انو في غرفة بدر في بيت ابو بدر "



سحب رجوله بخطوات ثقيله

وقف امام الشرفة يتأمل صخب الاجواء

وكأنه يعكس صخب القلب الذي بدأ يدب معالم الإنتعاش

يحس قلبه يتحرك

بس فيه شيء ثاني يكتم عليه و يضيقه

شيء اسمه " دلال "

تنهد بحسره ....

و ألتفت وراء وشاف قيتار

ابتسم

" هذا وقتك "

جلس على طرف السرير

كان لابس جينز رصاصي على قميص " كت " ابيض و فيه كتابات بأزرق

و شعره الطويل بعض الشيء يعطيه مظهرا براقا لا يضاهى

الضوء خافت جدا

و الهواء يكاد يقتلع الستائر التي قد تجملت بصفحات من الشيفون ...

على طرف السرير مسك القيتار و بدأ يطقطق فيه بصوت خافت

>><< يالله ياقلبي سرينا ضاقت الدنيا علينا .... >>><<<

سكت للحظات

و رأها بين عينه و هدبه ..

طلعت من قلبه اهه مستعره

" أه بس يالهنوف لو انك عندي كان يمكن كملت انتقامي ....! وشذالعربجية اللي ذبحتني

كل شوي طاقة بابي ... "

رفع راسه فوق .... و رفع كفه على رقبته ...

و غمض عيونه

( حجرف كان هذا بعد صلاة المغرب مباشرة تقريبا )
-

-

-

من الطرف الاخر

الساعه 3 و شوي

الهنوف وهي بسريرها ..

بمحاولات خائفة مبعثرة .... تمد يديها و تلمس بطنها

وهي دمعتها على خدها

" ياهمي لو يصير شكي بمحله "

تذكرته ..

حست بحشرجة عنيفة

ليش خليتنا اغراب كذا ...؟

ليش حسستني كاني اسيرة في وسط ذالدنيا ...

كل شيء فيني تغير بسببك

ضحكتي راحت بسببك

ومع اني اكرهك بقوه بقوه

إلا اني احتاجك كثير و اشوفك بين كل دقيقة و الثانية

تتذكره وهو يبتسم وهو يتمسخر

وهو بكل حالاته ...

قامت و جلست سحبت نور الاباجورة "

و هي تحس بقلبها يضعف مو عشان شيء

بس خايفه تكون معها روح منه ...

خافت بقوة ..

" والله لو يصير صدق لا اطيحه مستحيل احمل من حجرف مستحيل مابيه بتطلق منه "

مسكت فمها تحس بتستفرغ
مسكت حالها و سندت نفسها لين وصلت دورة المياة وانتم بكرامة

استفرغت كثير ..

طلعت وهي تبكي و دموعها هماليل

" يارب الطف فيني يارب مابي احمل يارب اموت ولا اصير حامل يارب ارحمني "

وصلت السرير ولا زالت تقلب الهواجيس ....

-

-

-

في ألمانيا

نايف : بندر ، بدر يالله اصحوا عشان نتعشى و ارجعوا ناموا ههههههههه

بندر : مالي نفس

تركي : وشو

بندر ابتسم : يالله صحينا

بدر صحى .....

تركي : اقول يا شباب طيارتنا بكرة بدري ترى الساعه 9 الصبح

بندر : حلو

بدر : الحمدلله اللي لقينا حجز بس توقعت نتوهق

تركي : وين تتوهق ووانت معك تركي

بدر : كفووو

تركي : منيب اعرف اهايط ابد ترى هههههه

نايف : مره ههه هاه وش رايكم بالاكل ..؟

بدر : شيء والله شكلك ماخذ كورس عند ابوي خخخخخ

نايف : ايه يقولي حجرف انو عمي سعود شيف ولا اروع هههه

بدر : هههههه ايطاليا غيرت الاطباع شفت كيف

طبعا جلسوا يسولفون

لحد مارجعوا ناموا مره ثانيه ....


-

-

يوم الخميس

نبدأ بالتدريج

في ايطاليا

حجرف : يالله ياعمي تأخرنا طيارتنا على وشك

ابو بدر : يالله والله انت محرقنا من ساعه وانت وز وز وبعدين

حجرف : وش اسوي اخاف نتوهق بالحجز تعرف بعد

ابو بدر : وين تتوهق اوان بكبري معك

حجرف : ماتعرف تهايط طال عمرك ابد ههههههههه

ابو بدر : ماقول والله غير تسلم يدين اللي على الطيب ربوا بنت اخوي هي الوحيدة

اللي جابتك على معقب راسك

حجرف : ههههههههههههههه

راحوا المطار

و ركبوا الطيارة و التزموا مقاعدهم

-
-

في ألمانيا

تركي : اكيد اخذتوا كل الاغراض تراها المانيا مانى براجعين لها من غير شر بإذن الله هههه

نايف : يالله منى عيني اطلع منها ياكرهي لها

بندر : الله لا يحدنا له يارب

بدر : اقول يالله اتركوا العواطف الطيارة على وشك

نايف : قايل لكم انا حنا عندنا طفرة بالمشاعر هههههه

بندر : من جد هههههه

اتجهوا للمطار بكل معاني الامل المحمله بقلب بندر

ركبوا الطيارة و التزموا بالمقاعد

بندر " يارب لك الحمد و الشكر ما توقعت اني برجع لديرتي إلا بتابوت يارب اني احمدك و اشكرك "

نايف " الحمدلله على سلامة بندر يارب سلمه من كل شر والله اني خفت ارجع لحالي "

تركي " يارب ارحمنا و الطف فينا رحمتك يارب .. الحمدلله اللي فرحتنا بسلامة اخواني "


بدر " الحمدلله اللي سلم بندر و رجع للديرة معافى و افتك من الوجع و الصداع اللي ذابحه

من سنين "

-

-

في بيت ام خالد

ريم دخلت مدرعمه : وين هنيف

امها : نايمة

ريم وهي طايرة فوق دايركت : غريبة الساعه 1 و شوي

امها : تقول سهرانه البارح

ريم : ابوك النصب البارح تفرقنا بدري قبل وحده يمكن متفرقات انا وهي و راما

امها : شكلها تعبانه الله اعلم

ريم : بروح لها

راحت و فتحت الباب : يالله قومي ناظري ساعتك كم ..؟

الهنوف سحبت الغطاء زود : ريموت انقلعي من جد مانمت بطني ذبحني و تارقت البار

ريم : يالنصابه تقولين لامك اننا سهرانات ليش

الهنوف : ياربي قلت انا سهرانه انا ماقلت انت معي يالله بنام خلاص عاد

ريم سحبت الغطاء : قومي بس بدر يقول ان عمي عبدالله يبيك

الهنوف بفجعه تنرحم مسكت بطنها : وش يبي ؟

ريم لاحظت حركتها : وش فيك هنوف ..ا نت ... صار ... هذا ..( بصوت مقطع )

الهنوف دمعتها بعينها : تخيلي البارح ما نمت ياريم

ريم دمعتها بعينها بعد : ليش ؟

الهنوف : خايفه ياريم يصير صدق اللي خربطنا انا وانت فيه من كم يوم

ريم بدهشه : مستحيل مسرع يختي لا توسوسين

الهنوف دمعتها نزلت بشكل مرة يكسر الخاطر : وش يبي ذا ..؟

ريم : مدري بدر اخوي يقولي قولي للهنوف تتجهز و تروح لعمي في بيته ومره عصب بدر

يوم عرف انك نايمة يقول للحين البنت ذي ماستوعبت انها متزوجة

الهنوف مسحت دمعتها " وينك يبه " : طيب تتوقعين عمي وش يبي ؟

ريم : قومي البسي << هذا همها و اكشخي و روحي شوفي وش عنده يمكن بيشرهك

لانك زوجة ولده

الهنوف : ماعتقد توه يتذكر بعد شهر

ريم : اووما شهر يختي كله كم اسبوع

الهنوف : امي بتروح معي

ريم : لا بدر يقول انت بس

الهنوف : غريبة يؤ لا يصير ذا بيشرف الرياض اليوم

ريم : خليه يجي ياخذ هم ولده من الحين بيرمي كل شيء عليك بس ههههههه

الهنوف : ريموووووووت من جد مالي خلقك وسدي حلقك لين اتأكد بليز < شوي و تصيح

ريم : ياهمي ذا بدر يدق علي

الهنوف بعصبية : ايه خلاص قولي له خلاص الله يعين عليهم مدري وش يبون

خلاص شافوا ابوي ميت صاروا يلعبون فيني على كيف كيفهم

ريم بحزن : هنوو

الهنوف : من جد شيء يسد النفس خلاص بلبس ممكن تطلعين او لا

ريم بحزن : اوكي يالله طالعه انا

الهنوف وقفت غمضت عيونها

راحت توضت و صلت الظهر

رجعت اخذت شاور و طلعت فتحت الدولاب

الهنوف : اوووف مالي خلق البس عاد هالشايب اللي بيدقق بكل شيء اذا شاف علي

جينز قال وش ذي ميب مرة اخاف ولد و تكمل عاد ( ابتسمت بسخرية) من الولد وابوه

ناظرت فستان وردي و فيه حركات نعومة بلون تفاحي فاتح جدا من " كافالي "

الهنوف : يالله نكرف هالفستان شوي لمجرد دقايق معدودة

لبست و ضبطت شعرها و حطت ميك أب خفيف مرة

و لبست عبايتها و نزلت

امها : جهزت يمه

الهنوف بوست راسها : ماودك تخاويني ..؟

بدر : ذا اللي ناقص والله هههه يالله بس امشي

الهنوف : انت اللي بتوصلني

بدر : مدري كان حرم حجرف عندها اعتراض فيه بنقاليين واحد اسمه اسماعيل و الثاني سليم يعني

الهنوف ابتسمت

ورده : وش دعوة هنوو يالله ابوي بكبره يسأل عنك

الهنوف " الله يستر منه " : اوكي يالله

ورده : تفضلي يالله


في بيت العم عبدالله

دخلت الهنوف البيت ...

و مباشره طاحت عينها بعين عمها ...

نظراته تخوف ... مثل نظرات عمها فهد

ورده : وش فيك وقفت هههههه مسوية ماتدلين

الهنوف بصوت خافت : عمي وش فيه يناظرني كذا ...يزعل اذا لبست عباية يعني

ورده : طبعا بيزعل لانك في بيتك امشي تعالي سلمي عليه و بوسي راسه

الهنوف : ابوس راسه ماطوله يختي عملاق

ورده : ههههه من قال لك اصلا انو بيقوم ل كانت بتنزلين راسك و تبوسينه واهو جالس

الهنوف : اذا كذا عادي امشي معي لا تتركيني بليز

مشوا لحد ماو صلوا

ورده : السلام عليكم

ابوها يتأمل الهنوف بقسوة شوي وقهر << ضعيف ما ينلام من تزوجت ولده ما جت بيتهم ابد ^_^

ابو وليد : و عليكم السلام والرحمة

الهنوف تبتسم : كيفك عمي

ابو وليد مستغرب انها ما سلمت عليها

ورده تطقها مع بطنها بخفيه

الهنوف استشعرت بنبضات قاتلة " وش تبي ذي ما تضربني إلا من هنا "

ورده تهمس : بوسي راس ابوي

الهنوف قربت له و ابتسمت : كيفك عمي

عمها : بخير يا بنتي .... اجلسي

الهنوف جلست مباشرة ..

طقتها ورده ... قامت الهنوف << ياعمري عليها

الهنوف باسى وصوت خافت : وشو

ورده : ابوي مايحب احد يجلس اذا بيسولف مع احد يشوفه واقف قباله

الهنوف بإمتعاض : ياسلام قراقروش يعني

ورده : هنيف موب وقتك

ابو وليد : الهنوف

الهنوف ابتسمت وهي من جوا ميته قهر منه : عيونها

طقتها ورده

الهنوف " عز الله اذا في بطني شيء راح فيها من ذالدفشة احسن يموت وارتاح )

الهنوف : سم ياعمي امر

ابو وليد : يوم انك هاجرة بيتك ليش هاه

الهنوف : بيتي ههههه وش قصدك

ابو وليد عصب على اسلوبها : هذا وشو ماهو بيت وإلا ماهوب بعينك شيء

ورده لاحظت عصبية ابوها : لا يبه وش دعوه ههههه بس هي

ابو وليد : اسكتي انت ولا كلمة ردي يابنت

الهنوف " من جد تكرنت ووقررت تعميها " : يعني انت قلت بيتك يعني انا يالهنوف انا بصراحة

ماعندي بيت غير بيتنا بيت امي يعني تعرف اول مرة اجي بيتك اللي مره يجنن ماشاءلله << يازين اللي تسلك

ابو وليد : الشرهه ميب عليك على الدلخ رجلك اللي تاركك تسرحين و تمرحين انا لو داري

انه ما بياخذك معه للسفر كان لو يموت ما زوجته

الهنوف " لو كان مطري اخواني كان وربي لاعميها عليه بس دامه يسب ولده بالطقاق "

ابتسمت بهدوء

ابو وليد : اسمعي العم اللي مابعده علم

الهنوف تبتسم بشموخ : سم طال عمرك

ابو وليد : مالك طلعة من ذالبيت فاهمه

الهنوف بعصبية شهقت : ايش ..؟

ابو وليد بحلق عيونه : ماتعلمت الادب كذا تردين على عمك

الهنوف عصبت : ماعتقد اني سويت شيء غلط وبعدين معليش يعني بس انا ترا عندي اهل

ابو وليد : وعندك زوج مايدري عنك و لا يدري عن نفسه اصلا بس ذي نتايج دلع امه

وينك تعالي شوفي ولدك و حركاته

ام حجرف استغربت الصراخ : خير إن شاءالله وش فيكم ...

شافت الهنوف

ام حجرف : هلا بك يمه نورت البيت يامرحبا والله

الهنوف وهي معصبة

سلمت على خالتها : مشكورة خالتي البيت منور بوجودك انت << ركزت على انت ^_^

ابو وليد بعصبية وقف و يحكي بيدينه يتوعد

ابو وليد : اعتقد كلامي واضح فاهمه طلعة من ذالبيت مافيه فهمت

الهنوف بعصبية : عفوا عمي بس مايحلق لك

ابو وليد : وشو وش قلت عيدي ماسمعت

ورده سحبت الهنوف على وراء

الهنوف " والله اللي مات اللي بطني احسن عشان افتك "

الهنوف : خير إن شاءالله اجلس هنا ليش وش اسوي دام ان زوجي مسافر

ابو وليد : قدر و لقى غطاه سبحان الله اسمعي تنطقين فيذا لين يجي الثور زوجك فاهمه

ام وليد : خير يا ابو وليد وش فيك على حجرف من سافر وانت ماتركته بحاله إلى متى

وانت حاط نقرك من نقر ذالولد هاه ارحمه حرام عليك

ابو وليد : قاهرني والله متزوج ولا كنه متزوج زوجته قلت بفتك منه ومن مشاكله و بلاويه

قلت بيعقل قلت بيركد فشلنا الله يفشل عدوه

الهنوف فتحت عيونها " مشاكله و بلاويه ..ياه لذالدرجة تاريخه اسود ... "

ابو وليد : فهمت انت او لا ..؟

ورده : ايه فهمت يبه ولا يهمك بوديها لجناحها فوق

الهنوف تركت يدها : خير وينى فيه سجن هو سجن

ام وليد بصوت خافت : معليش يمه شويات بس روحي وانا اوعدك اوديك لامك بس فكينا الحين

الاخلاق قافله

الهنوف بعصبية تناظره من بعيد : استغفر الله ليش هو كذا معكم يارب الحمدلله ماقد عشنا ذاللحظات

خير وش على باله يعني

ورده : اقول امشي بس كنها جازت لك تسبين ابوي من تو ههه

الهنوف : امانه مبسوطة فيه وهو كذا يعني مره جايز لكم الوضع

ورده : الاب وجوده بالبيت له معاني كثيرة لو كان قرارقوش على قولتك

الهنوف " أه يا ورده جيت على الجرح والله "

الهنوف : اقول ورده اتركي يدي والله العظيم منيب منحاشة هههه

ورده : ههههههههه من رجفتي خفت والله

الهنوف : وادري انك كنت خارج التغطية بس تراك لقست بطني لين قلت بس من كوعك ذا هههه

ورده : عادي توك بنوته هههههه يؤ عاد تخيلي لو تصيرين حامل كان حجرف يذبحني ذبح

الهنوف " والله شكلي انا اللي بنذبح " : ماشاءالله هذا بيتي هههه

ورده : ماعرف لك غير ابوي بالغصب جابك تشوفينه ههههه

الهنوف دخلت وراء ورده

الجناح كان مره رايق و مرتب ...

ذوق هاي كلاس فعلا

ورده : يالله منزل مبارك عاد الحين بروح اشوف ابوي هدأ او للحين

وانت هذي مملكتك اخذي راحتك

الهنوف تتمشى في الجناح : مشكورة تعبتك معي

ورده : ولو تعبك راحة مرة الغالي انت اذا بغيت شيء دقي و اطلبي

الهنوف ارتاعت : ليش حتى نزول ماقدر انزل بعد ممنوع

ورده : ابوي اصدر قرار انك تجلسين هنا حتى نزول ماتنزلين ههههه الله يعينك

مدري وش اقولك بس من جد ابوي ترا مدري وش فيه على حجرف كذا يعامله

لان حجرف عصبي و اللي براسه يسويه مايهمه كلام عماني كلام ابوي عرفت

الهنوف : طيب انا وش دخلني بالسالفه

ورده : نسيت انك زوجته ههههه

الهنوف : ايه صح زين اللي ذكرتيني هههههههه

ورده : عن الخبال يالله بنزل انا ..

طلعت و سحبت الباب معها

و الهنوف تتجول في الجناح

اعجبها التنظيم

بخطوات مبعثرة دخلت غرفة النوم و الخوف يتحكم فيها ...

الغرفة مرهفة و رمانتيك مره

السرير

التسريحة

الاريكة المذهبه

كل شيء يحتويها راقي جدا

لفتت انتباهها عطر على التسريحه مشت بخطواتها الخائفة

مسكت العطر بلونه الاسود من باكو رابان

وكأنها تتذكر نسماته و أنفاسه ...

شاتت العطر بقوة و إمتعاض

كبدها لاعت شوي ...

لفت و شافت الدولاب

بسخرية لاذعة تقدمت خطوة خطوتين

فتحت اول درج .... شافت ثياب كثيرة معلقه بترتيب و تبدو المشلح الاسود

تذكرت ليلتها

تذكرت بؤسها

ولا زالت بقايا العطر تزيد من مساحات القلق

قفلت الدرج

وفتحت السحب الاول

شافت مجموعه كبيرة كبيرة من الصور

مسكتها و هي تتذكر شكلها اول وش كانت فرحتها اذا شافت له أي صورة

عكس الحين كل الصورة بين ايديها بس الفرحة ماتت

وانت اللي ذبحتها يا حجرف بيديك ...!

شافت له صوره تحس بعيونه ملامح حزن

ملامح بعثرة

بعثرة تبي من يلمها و يحطها بالمكان الصحيح !!

حست بألم فظيع بظهرها....

رجعت الصور مكانهم

و جلست على الاريكة

تكأت ظهرها

بس الألم يفتك فيها زيادة .....

قامت و مشت شوي

راحت الكاونتر اخذت لها كاس مويا

و جلست في الصالون مددت رجولها ...

و فكرت تدق على امها عشان تتطمن عليها و تطمنها

بس تذكرت انو شطنتها تحت

الهنوف : ياليل كيف انزل وذالمسلم مانعني وش السواة ...؟

مسكت الثابت و شافت ارقام الغرف و المطبخ و كل مكان بالبيت

الهنوف : خل نشوف روزليندا وش تصير ذي ...؟ << فاضيه

روزليندا : سير جو

الهنوف رفعت حاجب " نعبو عدوك حتى الشغالات مشبكهم " : اقو ل انت يا فلبينو اسمعي

فيه صاله كبير شنطة بني هاتي فوق

روزليندا : انتا مين

الهنوف بعصبية : مدام حجرف

روزاليندا تكرنت : اوكي مدام

شويات و جابت الشنطة طبعا لا تفوووووووتكم نظرات ذالفلبينية للهنوف

الهنوف حطت يد على اطار الباب و يد على خصرها و تناظرها على تحت

لانها قصيره بالحيل ....

و بعدين ذلفت روزليندا و قفلت الهنوف الباب

دقت على امها و طمنتها انها بخير

و دقت على ريم اللي فطست ضحك عليها << مما تم اختصاره

-

-

في مطار الملك خالد

وصلت الرحلات


رحلة ألمانيا

و ايضا رحلة ايطاليا

تلاقوا سلموا على بعض

والقلوب قد بدت تنتعش

الساعه 4 العصر يمكن

في بيت ابو تركي

الجميع مبسوطين برجعة بندر بالسلامة

امه بكت كثير لانو خبى عليها العملية

بس الحمدلله انو قام منها بالسلامة ....

بندر ما توقع يدخل هالبيت مرة ثانية

الجميع حوالي بندر و مبسوطين بسلامته و رجعته

-

-

-
الرجال كثير في المجلس عشان يسلمون على بندر و نايف

و يتحمدون لهم بالسلامة

طلع من مجلس عمه فهد بعد ما سلم على الاهل كلهم

" مشتاق لامي بروح لها "

و هو يسوق بالطريق لاحت في باله و ابتسم

" من جد براسي يالهنوف بس اصبري مابعد جاك شيء "

بسرعه يجتاح السيارات

حتى وقف في بيتهم

فتح الباب بكل شوق

و تفاجأ بابوه عبدالله متكي

حجرف : ههههه ياحليلك يبه مسرع طلعت من مجلس عمي فهد المهم وين العجوز

مشتاق لها بالحيل

ابوه : تشوفني جالس يعني اكيد منيب جالس احتريك صح

حجرف حرك حاجبه و شات نظارته على الطاوله : سم طال عمرك

ابوه : يعني زوجناك قلنا بيعقل و يركد وانت للحين على حالتك

حجرف بدهشه روعت ملامحه : أي حالة يبة وش فيه بس

ابوه بعصبية : زوجتك وينها ماتدري عنها ولا عن شيء خير إن شاءالله

فضحتني مع الناس

حجرف بعصبية شوي : والله عاد يابعد راسي حياتي وانا حر فيها

ابوه : إلى متى وانت منزل راسي كذا مابعد ركدت

حجرف بعصبية : يابعد راسي ماعمري نزلت راسك بس يابوي تعرفني زين انا ماحب احد

يتدخل في حياتي زوجتي عندي ميب عندي ماحد له شغل فيني ولا فيها زين كذا

ابوه بعصبية : من فارقه الزين إلا شين و كلك شين بفعايلك

حجرف تنهد شوي ...: وش المطلوب

ابوه : تصير رجال و تتعدل خلاص ترا منيب مسؤول عنك فاهم ياما تتعدل او تنقلع

تشوف لك شغل بعيد عن شركاتنا واي مجموعه باسمنا احلم تجيها اذا ما تعدلت

حجرف تكرن بقوة : ملعون ابو الشغل يابوي اللي يخلي النفوس كذا .....

ابوه بعصبيه فظيعه : عيني لا تشوفك هنا فاهم .........! و بكل قوة عين و طلاقة وجه ترد علي ياللي ماتستحي

عيالي كلهم مافيهم اللي يطاولني غيرك وتاليتها معك

حجرف بهدوء : رجاء اخير ليس إلا يبه ....... بس الليلة بجلس هنا و من الفجر اوعدك منتب شايفني

بشوف امي واخواني بس وعلى بال ماضف اغراضي وعد مايجي الفجر إلا انا مريحك

ابوه : فكه درب يسد ما يرد ... << معصب بقوة

يالله انقلع عن وجهي مابي اشوفك ...

سحب نظارته و مسكها و مشى طلع فوق بخطوات مسرعه تكاد تلتهم المسافات

طاحت النظاره و تكسرت بالدرج

ولا ألتفت حتى لها

راح لغرفته ضغط الباب

انصدم

ضغط الباب بقووة

انصدم اقوى

الباب مقفل

ضرب الباب برجله

و تذكر انو ابوه قايل له قبل ينسى ذالغرفة خلاص


حياته بتكون في الجناح اللي مخصص له ...

تذكر انو نقل ملابسه هناك ...

معصب بقوة ولا يحس بحاله .....

مشى بسرعه للجناح وقف امام الباب

وطلع جواله اللي يدق و رد عليه

-

-

من الطرف الاخر

فسخت العباية و تمددت على الاريكة الموجودة بالصالة ...

ونذاله منها كل شيء تطلب من روزاليندا طلب ...

وميته قهر كل البنات طلعوا السوق مع بعض و بعدين مروا هايبر بنده اشتروا لوزام للبارتي

وهي في السجن هنا تحت رحمة عمها .....

سمعت صوت الباب

قالت بينها وبين حالها اكيد ذي روزاليندا ...

بقهرها دام انها خاقه عليه

ضبطت شعرها و ضبطت الفستان اللي الحزام مرتخي شوي عشان تريح ظهرها ...

وقفت و ألتفت

شافت الباب انفتح

حجرف رفع عيونه و انصدم

و هي انصدمت اكثر

و التقت العيون المصدووومة

بلمت ساعه

الهنوف بصوت خافت مرتاع : حجرف

حجرف معصب وتوه محاكي وليد اخوه اللي اقنعه بس يحضر الحفلة و بعدين براحته

حجرف ناظرها و كان معصب ... و كمل طريقه

حجرف : انت هنا

الهنوف تحس بطنها ينزغها بقوة : لا هنا وش تشوف يعني

حجرف معصب بقوة : شوفي ترا مالي خلقك ابدا

الهنوف عصبت : لا والله انا اللي رايقة لك يعني

حجرف بيقهرها : كفايه انك تستقبليني لا و ( ناظر لبسها فستان رايق يجنن ) متكشخه والله

الهنوف بقهر شوي و تبكي : لا يابابا هذا ابوك جابني و شاتني هنا من الظهر و للحين مسجونة

حجرف ناظرها بعصبية : من جدك

الهنوف : لا اكذب انا

حجرف : بنت لا تلفين و تدورين انا مالي خلقك احكي بسرعه

الهنوف : اقول لا تنافخ علي منب بصغر عيالك انا منتب مصدق اسأل امك

حجرف طلع جواله : امي وين راحت ماشفتها بالبيت ؟

الهنوف : راحت الإستراحة من العصر

حجرف تذكر الإستراحة و اللي فيها : ليش ماخذوك

الهنوف معصبه : قلت لك مسجونة جابني من صباح رب العالمين و قفلوا علي الباب بس

انا وذالفلبينية

حجرف ابتسم بقهر : روزيلي

الهنوف تبتسم بسخرية : ايه اللي مخزن رقمها برقم 8

حجرف : وه بس يا روزيلي

الهنوف حست بحشرجة ببطنها و كتمت ضيقها

دق جوالها

الهنوف : هلا ريم

ريم : هلا هاه وينك متى بتجين للحين مانفك قيدك ؟ بنات قصروا اصواتكم ماسمع

الهنوف الصيحة واصله : ياقليلات الخاتمة كذا بدون تسوون كل ذالصوت

ريم : هههههههههه لا وفاتك تو نزلنا السوق و فحطنا بعربيات هايبر بنده

لين داخت روسنا

الهنوف كتمتها العبره : و البنات كلهم فيه ..؟

ريم : إلا زينة للحين ماشرفت ههههههههههه

الهنوف : طيب

ريم : وش فيك عاقلة و مؤدبة عندك احد ؟

الهنوف : ايه

ريم " فيس مرتاع " : حجرف عندك

الهنوف : ايه

ريم : يؤ عز الله منتب جايه اجل

الهنوف رفعت صوتها : ليش ماجي لا اكيد بجي خير وينى فيه ؟

ريم : انتبهي لحبيب خاله بس خخخخخخ

الهنوف : باي

قفلت بوجهها

الساعه 7 المغرب

حجرف معصب للحين .. وفي الغرفة اخذ كل اغراضه

الهنوف جالسه في الصالون حتى ما كلفت تدخل تشوف وش يسوي ...

كبدها لاعت بقوة ماتدري ليش تكره العطور الرجالية بانوعها

تسبب لها توتر فظيع


ضبط اغراضه كلها ....

استغربت وهي تشوف الشنط

خافت شوي .. وقفت و ناظرت الشنط

وتشوفه معصب بقوة من اول مادخل وللحين

الهنوف : وش ذا << بطله والله ^_^

حجرف ابتسم لها وسط عصبيته : ماعمرك شفت شنطة سفر

الهنوف بأسى : سفر

التقت العيون

حجرف : لا مدرسة << معصب

الهنوف يوم شافته عصب ... تكرنت

الهنوف : ابي اروح عند اهلي

حجرف : وانا رادك روحي انزلي واذا علي ابوي ماعليك منه لا تطقين أي خبر

الهنوف مستغربه من كلامه اكيد متهاوش مع ابوه

الهنوف : لا ياشيخ ومين بيوصلني

حجرف معصب : انا بروح الإستراحة منيب فاضي اوديك بيت امك

الهنوف يدينها بخصرها : احلف بس وليش يعني اهلي وين اهلي بالإستراحة

حجرف ناظرها : يالله اجل

الهنوف : يالله بصلي اول

حجرف : اوكي

صلوا ...

ودها تضبط ميك اب بس ماتبيه يشوفها ...

حجرف رفع السماعه : مرحبا حنفي اسمع بنزل الشنط ارفعهم بالسيارة

يعطيك العافية باي

حجرف : انا تحت ترا

الهنوف : خلصت ...

نزلوا مع الدرج ...

ابو وليد جالس في الصاله معه ارواق

الهنوف تناظره بحقد ميته قهر منه

و حجرف كمل طريقه ولا كأنه موجود ..

ابو وليد : يا ولد

الهنوف خافت من نبرة عمها

حجرف وقف : سم

ابو وليد جا يمشي بخطوات مغرورة جدا وشات عليه اوراق و معها شيك

الهنوف عيونها طلعت من راسها ...

حجرف يناظر الاوراق اللي طاحت ضربت صدره وبعدين طاحت بالارض

ابوه : ذالاوراق راح تنفعك بما انك تحديتني وانا ترا ما تكرمت و عطيتك هالشيك

والاوراق إلا عشان بنت اخوي الله يرحمه مابيها تحس بنقص ابد

الهنوف بدلاخة عصبية : وش دخلني انا

ابو وليد : يعني لاني احترم وصية ابوك مابي هذا ( اشار على حجرف) يعيشك بمستوى اقل

الهنوف بشموخ : مين قال اصلا اني برجع معه بروح لبيتنا انا

ابو وليد ابتسم بإنتصار : شفت شلون حتى البنت طحت من عينها

حجرف بسخرية يناظرها : ماسمع حكي يبه انا مدري كانك تسمع احد يحكي

انا ماسمع ومن ذي اصلا حتى عيني مابعد شافتها للحين

الهنوف تحس قلبها انطعن بسكين " وش ذنبي ياحجرف تقولي كذا و قدام ابوك "

ابو وليد : بحريقة انتم الاثنين هههههههههه

راح و تركهم

الهنوف دمعتها بمحاجر عينها

و حجرف ساكت تماما .....

في الطريق

توتر

و قلق

دق جوال حجرف :: هشام يتصل بك

حجرف : هلا ابو عزيز بخير انت كيفك والعلوم اخبار ؟ ماشاءلله مسرع نشر الخبر وليد هههه

لا خلاص انا جلسه في ذالبيت ماعاد لي جلسة ......بقريح بحريقة على قولته

هشام معليش من جد معصب لا تقولي شيء لنا حكي بعدين يالله باي ...

قفل الجوال و سحب نفس عميق

حجرف ناظرها : وانت مستقوية عند ابوي مانيب برجع معه ..ابركها ساعه

ميت عليك عاد انا ... اصلا كنت بقولك عن اننا نتطلق بس جت منك احسن << مره عصبي

الهنوف " يعني اصير مطلقه وانا مالي شهر وشوي " : اوكي

صدت عنه وعيونها كلها دمع

" حسبي الله عليك تسوي كذا لاني يتيمة ولا عندي اب يدافع عني اخواني اعمتهم الطيبة "

حجرف : وصلنا ترا او تبين نفتح لك الباب

الهنوف بصوت باكي حاولت تتقوى بس عجزت : مابي لك شيء

فتحت الباب و نزلت

ولا زالت كلمتها لها وقع كبير بقلبه ...

نزلت تمشي بخطوات مرتجفة ....حزينة

وقفت و سحبت نفس عميق و دخلت

الهنوف : السلام

الجميع : و عليكم السلام اهليييين

وسلموا على بعض
-

-

راح يقطع المسافات وهو مره متوتر من طردة ابوه له

ومن شكل الهنوف وهي قبل تنزل مره كسرت خاطره
-

-

في بيت سلطان

بعد ما لبست و كشخت .....

وقفت بحال حزينة مرة وهي تشوف نفسها بالمرايه

" اليوم جاي الديرة و بيخطب بنت خالته ....."

مسحت دمعتها وهي تحس بجرح كبير

مسكت جوالها

زينة : هلا سلطان

سلطان في الإستراحة : سمي هلا بك

زينة : سلطان انا ادري انك وسط مجلس ومحرج بس حبيتا قولك انا موافقه اتزوج ماجد ياليت تبلغه

عشان يحكي مع ابوي الليلة

سلطان ابتسم : خوش خبر الله يكتب لك اللي فيه الخير زين دقيت علي لانو جنبي شكلي بروح اقوله الحين

زينة : الله يعطيك العافية يالله باي

سلطان : بايات

قفلت وهي تحس بنار بضلوعها ......

عدلت كحلها اللي راح فيها من كثر الدموع

و طلعت تلحق بامها في السيارة عشان يروحون الإستراحة

سلطان بعد ما بشر ماجد مره انبسط ماجد و طار من الفرحة

هنا

دخل بندر

والجميع سلم عليه و تحمد له بالسلامه

سلطان : والله لك وحشة يا كوتش ههههه

بندر ابتسم : الله يخليك و يجزاك خير

نواف : من جد بندر احس مره متغير راجع حيوية و نشاط ههههه

بندر : هههههه غيرنا البطاقة على قولة نايف صرت انا الرديف حقه سوري اقصد التؤام


سلطان : ههههه

قطع عليهم سوالفهم صوت ماجد ال ...

بدأ يخطب قدام الرجال كلهم

بندر يحس كلمات ماجد تخنقه خنق

الهواء اختفى الاكسجين انعدم

الجميع منصت لماجد وهي يحكي بلباقة و ذوق

سلطان يبتسم بقوة لماجد

بدر حس ببندر و بادله نظرات خائفة

نواف

نايف

سلمان

حجرف المتوتر بدنيا القلق ايضا

سعود

بدر

خالد


الجميع

العم فهد يبتسم ايضا

والعم عبدالله رغم طردة لابنه إلا انه يشق الكشرة مدري وش قصته

اقتنعوا عن ماجد

ويبدوا ان كل الدلالات تشير إلى قرب النسب بينهم

في تلك اللحظة الفاصلة

القاتلة

و قبل ان يبدي العم فهد الموافقة التي قد اتفق عليها مع اخوانه

صرخ بندر بحال مشاعره

نطق بندر : ولا اقطع لك كلام يا ماجد و الشيمة لك و للموجودين كلهم

ولا هوب تعالي على كلام الوالد ولا إلغاء لوجوده ربي يجعله ذخر لنا

بس يالطيب بنت عمي ..لي و أنا اولى فيها ....

علامات ترقب

استفهام

العم فهد بإرتياح ينظر لبندر بإعجاب شديد " كيف قدر يحكي كذا قدام كل ذالرجاجيل

والله انك رجال ياولدي "

العم سعود : والله الطيب ينشرى وين ماحل طاريه وانا ياعيالي كلكم عيوني المركبة

واحد ذي والثاني ذي .... ولانيب بفضل احدكم على الثاني واللي تبيه البنت الله يوفقه

ويسعده ....

سلطان يهمس لبدر : زينة دقت علي وقالت تبي ماجد وافقت اقولهم

بدر يطق بخفية : لا اسكت وينك انت زينة ابخص بها انا تبي ذالبايخ بندر هههه

سلطان : بس وش غيره ياخي اذكره او عشان العملية تتوقع

بدر : لا ياشيخ بدر توك تدري .......

بندر بثقل : الله يكتب اللي فيه الخير

ماجد : الله يكتب اللي فيه الخير واذا كان ربي كاتب فيها خير ربي يهيئها لي او لبندر

كلنا اخوان واهم شيء كسبنا الطيب بمعرفتكم و الجلسة معكم

بدت عبارات الثناء و الشكر و المديح من و إلى الجميع .....

بندر يحس هم كبير طاح عن صدره مسك جواله

بندر : اقول سلطان عطني جوالك ؟

سلطان : لا سوري انتظر مسج من خطيبتي ههههه

بندر : والله اللي راحوا الرجا ل بدر جوالك ؟ او تنتظر مسج بعد

بدر : عطاه الجوال لا والله انتظر اتصال موب مسج خخخ

سلطان : شفت الرجولة كيف هههههههههه

بندر ابتسم على خبالهم وهو يدور رقمها ....

" يالله الحين ذالطعس وش يضمن لي ان ذالرمز لزينة .....!

ناظر تحت وشاف زينه "

سجل رقمها

و ارسل ذالمسج

" انت لي أنا ..... تدرين مين أنا مجنونك

مفتونك

عاشقك

جراحك

ولا فيه من بيأخذك مني لو مترت الأرض

بندر "

زينة كانت تسولف مع ابتهال عن سبب تغير الهنوف

و يتناقشون بذالسالفه ..!

سمعت صوت المسج و تجاهلته بعد دقيقتين فتحته

وكانت الطامة بنظرها

رجولها تجمدت

جسمها كله نمل

نبضاتها اسرعت بقوة

خصوصا وان الجازي قدامها جالسه بالضبط

توترت زينة

و رجعت قرت المسج و يدينها ترتجف بقوة فظيعه

طاح الجوال و شكلها مره ترتجف

اميرة : وش فيك ؟

زينة مضيعه : مافي شيء

اميرة مسكت الجوال : وش فيك من قريت المسج وانت مرتاعه

زينة فيها صيحه تحس بخوف وفرح وحزن وصدمة

اخذتها اميرة و طلعوا برا

زينة : مافيني شيء صدقيني

اميرة قرت المسج وابتسمت : منى عيني والله اتمنى وكلنا حتى امي و خواتي

زينة بعصبية شوي : خير وش قاعده تخربطين انت مستحيل

اميرة بحيرة : ليش طيب كلنا نبصم بكل اصابعنا العشر انو بندر بحياته كلها ماعشق ولا حب غيرك

زينة دمعتها بعينه : اميرة كانك ماتدرين انا مخطوبة و ملكتي الخميس يمكن عيب ذالحكي


ينقال

اميرة بتساؤل : مخطوبة ولمين ليش وافقت

زينة : كيفي ذي حياتي اختار اللي ابيه لا واخوك بكل ثقة مرسلي ذالمسج اتحدى احد ياخذك

قولي له بتتزوج ماجد ال رضيت او لا

اميرة : ماتوقعتك كذا ياسفاه بك

زينة تمسح دمعتها : ويش الجديد يعني خلاص بطلي ذالسيرة بسسس

ابتهال جت تركض : بنات دريتوا

زينة تناظرها

اميرة : خير

ابتهال : واحد ولد ال خطب زينة من عمي سعود واعمامي و قاله بندر انك له وانه اهو اولى

زينة بعصبية : اييشششش

ابتهال بدهشه : ذالحكي الحين واللي قاله لي نواف

زينة : وليش يقول كذا بندر خير وينى فيه مو على اساس يخطب بنت خالته وشذالتصرف الارعن

اميرة : مين مطلع ذالاشاعه بس اموت واعرف كذا مره ترا اسمعها << عصبت

ابتهال : اسمعي السالف هالاهم

زينة بعصبية : وش بعد

ابتهال : قالوا بنجيب مملك الحين و يملك لبدر ( استحت شوي) و لبندر

زينة بجرح و عصبية : الله يهنيهم وش دخلنا حنا

اميرة : طيري من راسي ياختي وشلون يعني بندر مين بياخذ مايبي غيرك افهمي عاد

زينة : قلت لكم منيب موافقه هاتي جوالي ادق على اخواني القهر اني قايلة لسلطان

بس سبحان الله خلاص لانو صديقه يبي يتحكم فيني على كيفه ...

اميرة : والله انت الخسرانه وكلنا ندري انك ميته موت على بندر وهو ميت عليك تكابرين ليش

ابتهال : جد زينة ماشبعت هم و فراق خلاص عاد حرام عليك الرجال موب ناقص توه قايم من عملية

زينة : عمليه هههههههه تضحكين علي انت ووجهك

اميرة : هاو ماتدرين انو بندر يوم انه مسافر كان في عملية وشاف الموت بعيونه إلا شوي

زينة بحيرة : لا تنصبين علي انت وهي من جد منيب ناقصه ذا سلطان جاحدني مايرد

اميرة بعصبية : والله عاد اخوي ولا نيب بتفاؤل عليه بشيء كايد ان صدقت صدقي

ما صدقت عمرك لا تصدقين وخري هناك بروح اشوف هشام وش يبي داق علي يبي يشوفني

ابتهال : بدت الغراميات يعني هههه

اميرة : الله اعلم مين جايتنا مبسوطة شاقة الفيس ههههه

زينة بتوتر : هلا سلطان خير

سلطان : خير إن شاء الله وش فيك ياعروسة هههه

بندر عنده وانتبه : قل لها ولهان

سلطان : اقول تمسك بس لا اكوفنك بذا للحين ماوصل المملك

بندر : ههههههه

زينة بعصبية : خير ان شاءالله سلطان وش السالفه ؟؟؟

سلطان : خلاص يالغلا بعد قليل بتصيرين زوجة على سنة الله و رسولة

زينة : لمين ماجد

سلطان : أي ماجد الله يخليك لي هههههههههههههه لبندر

زينة صرخت : منيب موافقة مي نقالكم عطني ابوووووووووووي قله زينة تبيك

سلطان استغرب ردة فعلها : بسم الله وش فيها ذي

بدر : وشو

سلطان : خذها مادري وش فيها معصبه تقول مهيب موافقه

بندر بخيبة : اييشششش

بدر : هات بس هلا زينة

زينة تبكي : بدر تعال بشوفك بسرعه

بدر : فديتك لا تبكين خلاص يالله جايك انا خليك عند الباب الرئيسي

-

-

بدر يجفف دموعها بطرف شماغه : خلاص عاد منييب فاهم ليش تبكين ما تبين بندر والله خلاص مانتب

بتاخذينه بس قلت اكشن نملك سو ا انا وانت هههه

زينة : بدر ليش كذا انت تدري اني مابيه

بدر رفع عيونها : متأكد هانا ادري انك تبينه مثل ماهو يبيك

زينة تبكي : مين قال

بدر : شوفي يالغلا بوضح لك شيء مهم جدا جدا ...... شوفي بندر كان يعاني من مرض مره في الدماغ

من سنين من يوم فارقيته يمكن بدأ معه واستمر معه كل ذالسنين زين ياقمر

و يوم انا في ألمانيا كان يتعالج هناك وسوا عملية مرة صعبه تعرفين زراعة العينة شلون

مسكين شاف الموت بعينه بس ربي نجاه عشان كذا كان ميت خاق عليك من اول ماشافك

بس ما يبي ياخذك و هو مايدري عن العملية وش بتصير يعني قايلة له نسبة نجاحها 40% تخيلي

والله انا اشوفه عاشق و طايح على خشته عليك

زينة تبكي : عمليه و زراعة و دماغ متى وين وكيف ..؟

بدر يبتسم لها : مو لو هو يقولك احسن

زينة : لا صعبه يا بدر صعبه نرجع

بدر : لي شاذا اهو خاق بقوة و الله ماكذب عليك اول ماصحى من العملية من اول الاشياء اللي سأل

عليها بعد امه وابوه انت ياختي منيب بخبر قلبك قاسي روفي بحاله

سلطان : هاه وش صار هههههههه

زينة ضربته بخفة على صدره : وانت بعد هيين بعدين شغلك ( بكت بدلع)

سلطان : وليش هو في بعدين يعني منتب رايحة مع بندر ههههههههه

زينة بصوت باكي : بدر

بدر يبتسم لها : راحمينه والله مره الرجال مضنيه الشوق

سلطان : لو انا بمكانه كان جحدتها و قلت بدل البنت عشر

زينة بصوت باكي : بدر

سلطان : ههههههههههه ماينعرف لكي الله وبلا دلع وش نقول للرجال ترا هالاجودي

( اشار على بدر) المملك جاء ويسأل عنوه و انت رازعة هناك الشيخ انجزي يالله

زينة : وش تبي انت ياخي وش فيك علي اليوم ؟

سلطان : بلا لف و دوران موافقة او لا ..........؟

بدر يبتسم : شكلها بتقول موافقه بس مستحيه

سلطان : واحدد نذل بدق على بندر واخذ البشاره ههههه يالله اصملي

زينة : غصب يعني ابي ابوي يجي

بدر : عاد خلاص ابوي ذا اللي ناقص نطلعه من مجلس كله رجال عشان يقنعك

زينة : بدر

بدر بجدية : موافقة ؟؟

زينة تحس بنشوة غير طبيعية بعد صمت لعشر دقايق يمكن

سلطان يسولف مع بدر

سلطان : اقول ماكنا ملطوعين لنا عشر دقايقز يا بنت

زينة : اوكي اللي تشوفون

بدر ابتسم

سلطان شق الفيس : واحد نذل خلاص حنا نشوف لا منتب بتاخذينه

ناظرت فيه زينة وفيها ضحكة

سلطان : هههههههههههههه قالت منيب موافقة من جد حركات بنات

زينة ابتسمت : يالله انا بروح الحين

سلطان يناظر بدر : يعني ضفوا وجيهكم خلاص خخخ

بدر : ههههه يالله طلعنا

طلعوا

و زينة دخلت و تحس قلبها بدأت تدب فيه الحياة ...

مشاعرها انتعشت

بيرجع لي بندر!

يكون لي !

انا

زينة ....

اول مادخلت انطلقت زغرودة فرح كبيرة مره

و وقفت خجلانه مرة و الجميع

اللي يصفر واللي يضحك

امها : مبروك ياميمتي الف مبروك ياعساه سعاده و وليف طيب لك

الجميع بدأ يتهافت بالتبريكات لزينة و ابتهال

زينة للحين ميب مصدقة تحس انها بحلم او شيء غريب

اشتاقت له بجنون يوم عرفت الحقيقه كلها

اشتاقت تبكي بحضنه الدافي

اللي هجرته من 4 سنين و هجرها بعد

و ابتهال نفس المشاعر ....

و تأكدت تلك المشاعر عندما تمت الملكة بالفعل

و بندر من جد ما صدق خبر

بندر : ودي الحين اطير بها هههههههههه

بدر : هههه وانا بعد بس اصبر لين الشياب الحكومة يدخلون للعشاء

ابو فهد : اقول بندر ياولدي

بندر : هه سم طال عمرك

ابو فهد : يالله عاد ماودك تأخذ اهلك او تشوفهم هههه << غريبة وش الطاري

بندر مفهي : هاه ههه إلا طبعا اكيد مشتاق بعد هههه

ابو فهد : وانت يابدر ماودك

بدر : ههههههههههههه والله الله اعلم بالحال ....

ابو فهد : يالله اجل ياعيال شوفوا للعيال اهلهم عشان يلتم الشمل من جديد

و بهالمناسبة بإذن الله تعالى اني بسوي حفلة كبيرة منها جمعتنا ومنها فرحتنا بعيالنا

نايف : اقول نواف شكلي بتهور واقول بتملك حتى انا ههههههههه

نواف : اقول تمسك بس دام ابوك قال بعد ما تخلص دراستها خلاص خالد

ترا على اول كلمة و الدليل انه احترم كلمته لحجرف

نايف : ياخي وش قصته حجرف اليوم موب طبيعي ابد

نواف :مدري بس شكله صاير بينه شيء و هنيف او هو و عمي مدري بس

الولد موب خالي ابد ....
-

-

-

حجرف للحين معصب و حالته حاله

كل ما يتذكرها يشتاق لها بجنون

بس يكابر وسط عصبيته الجارفه

-

-

الهنوف توها جت هي وامها من الدكتوره

امها : كنت حاسه يا الهنوف كان قلت لي عادي انا امك

الهنوف : وش دراني يمه انا ابد ماتوقعت وبعدين احس اني متفشلة والله مالي خلق

اواجه الناس

امها : ههههه مافيه شيء يستحق انك تخجلين يا بنتي هذي سنة الحياة

الهنوف : يمه تكفين لا تقولين لاحد هالفترة خصوصا

امها : ابشري يالله واذا سألوك قولي رحت مع امي لانها تعبانة

الهنوف : يابعد عمري ان شاءالله ما تتعبين ابد بسم الله عليك فيني ولا فيك

امها ضمتها : يالدنيا منيب مصدقة والله امس اذكرك بالمهد واليوم حامل

الهنوف دمعتها بعينها : يمه منيب ناقصه تكفين بس بطلبك طلب خليني عندك مابي ارجع

تكفين تكفين ابوس ايدينك مابي ارجع لبيت عمي

امها : رجلك رجع من السفر عيب تتركينه ميب حركات بنت حمايل يمه

الهنوف : معليش يمه كلميه انت طلبتك بس هالفترة

امها تنهدت : الله يسترها معك

اول مادخلت الهنوف وامها و تفاجأو بالتغييرات اللي صارت

الهنوف : كلوووووووش اخيرا زينة و ابتهال اخيرا منب مصدقة

زينة : مشكلة اللي تزوجوا قبلنا و مسكونا معاير

الهنوف : ههههههههههههه اخيرا الحمدلله يمكن الشقى اللي بذالعائلة ينفك

ريم : هههههه مشكلتك تشوفين افلام كثير

الهنوف : ياحبي لكم مسرع رحت مع امي شويات لدكتورتها و اثاري الدنيا قايمة جالسه ههه

طبعا زينة تضبطت و تكشخت على انو بندر بيشوفها ..

وكذا ابتهال

كلهم يضبطون انفسهم

تغريد : اقول اميرة واحنا وش يردنا تعالي نتكشخ و نقولهم بعد نخليها ليله

اميرة : وعيالنا

داليا : بالحفظ والصون

الهنوف : عندي خلوهم عندي خخخخخخخخ يانا بتولاهم

اميرة بدهشة : وانت منتب ناوية تروحين لرجلك ...؟

الهنوف : هههه ليش صغيرة عقل مثلكم يعني إلا واحط نفسي عروس انا وانا توي

مالي شهر متزوجه ماسويت سواتكم يالعجز اللي لكم سنين

تغريد : ماعليك منها ههههههه شكلها متهاوشة مع حجرف و جحدها

ود : هههههههههه حلو يعني نترك عيالنا عندك

الهنوف : طبعا مو بمجانا لا كل بزر فوق راسه خمسين ريال و إلا يضف وجهه

ريم : ههههههههههههه

الجميع : اوكي

داليا : من جد مشفح ههههههههههههه

اميرة : نشوف بكرة وش يصير حالكم

ريم : ناظري الهنوف بنصير كوبي منها خخخخخخ

الهنوف : لا انا انسانة احب التميز بكل شيء بحياتي

ريم : ياتميز انت ذكرتيني بالنشاط المطلوب علينا في قطاف المصلى

الهنوف : انا بغيب ترا كل ذالاسبوع

داليا : ابوك يالسحبة ليييششششش ههههه

الهنوف : كذا كيفي

ريم + داليا : اجل حنا اذا راحوا ذا المتصابيات لرجالهم بنروح بيوتنا وانت تنشبين بعيالهم

الهنوف : عادي من عيوني بس مثل ما قلت كل بزر فوق راسه خمسين

واللي لها بزرين بسوي دايزكوانت من 25

اميرة : وش عندها البساطة هههه

الهنوف : براقع مخسرة و كحل قلم بس ألماني شهادة حق

اميرة : يه يختي لا تطرين المانيا كرهتها بقوة عقب عملية بندر

زينة اشتاقت له بجنون

بعاصفة شوق مرة

دق سلطان عليها : تجهزي ترا بندر بيمرك

زينة بخوف : الحين

سلطان : لا بعدين ايه الحين يالله خليك عند الباب

زينة : سلطان تعال معي تكفى

سلطان : اقو لهاه تراني بصدق

بندر : اقول تمسك بس .................خطف الجوال

بندر بصوته العذب المكلوم : مساك الله بالخير

سلطان : ماردني عنك إلا انها زوجتك الحين ههههه

بندر ضحك ضحكته الخقوقية

زينة دقتها ام الركب وبقوة ...: اهلين

بندر : يالبيه يذالصوت وحشتيني والله

ساكته وتحس بخجل مره .....

بندر : قلبه

ساكته و تحس مره مستحيه

بندر : حبيبتي

" دورها هنا عاد ^_^ "

زينة : سم

بندر : مانة علي بصوتك يعني ههههه يالله قلبي انا عند الباب انتظرك لا تتأخرين علي

سلطان : اقول جوالي بس انتظر مسج

بندر : يذالمسج اللي من العصر تحتريه

سلطان : شفت شلون خلاص عاد و اذا علي ذالهذرة اختي و باخصها لا تغرك ينقالها مشخصه

بندر : لا ياشيخ اعرفها تراي قبل تدري انها اختك هههه

زينة ابتسمت

بندر : انا عند الباب قلبه طيب

قفلت زينه وتحس الارض ميب الارض اللي ظلمتها

احاسيس حلوة ومشاعر عاشقة

سلمت على امها و طلعت ... شافت الهنوف عندها كم بزر بالحوش

زينة : دعواتك لي

الهنوف : ههههه الله يوفقك يالله عقبال ماتجيبن بزر عشان اخذ عليك 50

زينة : ههههههههههههه انا اقول ميب دعوة صافية

الهنوف : هههههه سلميني على قيس هاه

زينة دق جوالها و حست بقلبها ينبض : يالله باي

فتحت الباب و شافته

بيده باقة رد

وقفت للحين تحس انها بحلم

بندر يبتسم : مبروك لقلوبنا حياتي

بكل خجل : الله يبارك فيك ...

مسكت الورد بين يدينها و ركبت معه بالسيارة

راحوا الاوتيل

و في الاوتيل

العيون تتحدث

المشاعر انخرست

لقاء مقدس

وأرواح تتخاطب

عتاب

شرهات

دموع

اختلت دموعها بدموعه

عيونه بعيونه

تشابكت الايدي

و تشابكت الارواح

بندر بعد هالموقف : حياتي لو تطعنين قلب طعن بسكين يحرم عليك اتركك

زينة ضمته وهي تبكي : لا تقول كذا ياعين ابوي انت انا عساني للموت

اذا كدرتك و ضايقتك ... انا انت انا بندر

بندر مسح دمعها بيدينه وتحسس وجهها بيدينه : احبك

غمضت عيونها وهمس اكثر : احبك

زينة : وانا احبك

لحظات رائعة تعزف على اوتار العشق و الهيام

اتفقوا ووثقوا عهود جديدة اقوى و انقى من خرافات الماضي و اساطير الحاضر


امتزجت الارواح لتعطي اصدق مدلول لحب في هذا الزمن

وكل الصراعات و الجراحات الماضيه قوت الحب بينهم بجنون فظيع

-

ابتهال مع بدر

في بيت ابو بدر

في جناح بدر

بدر يناظرها مبتسم : منيب مصدق

ابتهال نزلت عيونها : ولا انا

بدر مسك كفها و بوسها : الحمدلله اللي رجعك لي منيب مصدق للحين

ابتهال بعيونها دمع : ولا انا

بدر ضمها : من جد ما توقعت بيوم نلتقي

تدرين وش سويت لي ماتدرين تعالي احكي لك وش سويت

بحياتي وش غيرت بقلبي ...!

انا قبل بوعدك ننسى الماضي واللي فيه ... ننسى الجروح كلها

ابتهال انا قلبي فيه جروح عميقة تدواينها لي !

ابتهال وعيونها دمع : اجليها عن حياتك كلها ياعلها فيني ولا فيك

بدر يمسح دموعها : تعالي نتفق نحب بعض فوق مستوى الحب العادي

فوق العشق الجنوني ، نبي نكون راقيين بحبنا متحضرين بعشقنا ....

اكبر من كل سحابة حزنة و ارقى من كل جرح يصافحنا

ابتهال قرت في عيونه معاني وفاء كثيرة

و شملتهم ليله من اروع ليالي الحب ..

روز عند الهنوف طبعا

-


-


-

حجرف : اقول رامي تعرف رقم الهنوف

رامي : ماترد صح من تو وانا ادق و جاحدتني هههه

حجرف : ليش هههه

رامي : مدري بس مجمعه كل بزران العائلة الكريمة و تلاعبهم بالحوش

حجرف : ايششش

رامي : معليش يعني وهقوك الشباب هههه شفت عمي سعود و عمي بدر و هشام و ابو عابد

كلهم انحاوشو ا من قبل شوي طالعين مع زوجاتهم

حجرف : ياعيني ياعيني و البزران برعايتي انا و والهنوف هاه ههههههه

رامي : من جد وهقة صح خخخخ

حجرف : وين الهنوف بالحوش اكيد

رامي : الله الله وبالامارة لابسة فستان وردي

حجرف : لا اكفخك الحين تعلمني بلبس زوجتي

رامي : اوووه صح نسيت ايه تيسر تلاقيها وسطهم خخخخ

حجرف تنهد : خير يالهنوف

راح يقطع المسافات لحد ما وصل

حجرف : احممم احمممم

الهنوف حست بقلبها ينبض خافت كثير ماتدري ليش

التفت له ....

انحرجت لانها بدون سكارف على اكتافها و صدرها مره انحرجت

شعرها على قدام

حجرف ابتسم : على وراء احلى هههه

الهنوف : محد طلب رايك كذا جايز لي اكثر هههه

حجرف بسخرية : سبحان الله توقعتك هنا وسط البزران لايقين لك مكانك المناسب سوري

قطعتك عنهم

الهنوف تحس باللي ببطنها : زين انك عارف والحين ممكن ارجع لهم

حجرف يتأمل فستانها و لاحظ الحزام المرتخي شوي

ابتسم : ممكن بس لحظة

قربها و ضغط يدينه على بطنها و شد الحزام

توترت بقربه

الهنوف : وخر خير

حجرف يناظر عيونها : لا بس كذا شكله احلى

فتحته << عناديه

الهنوف : انا اشوف كذا احلى

لفت عنه وصارت تزعق على بندر ولد اخوها سعود لانه ضرب اخته الصغيره

حجرف : اتوقع بتصيرين ام مثالية

الهنوف توترت : شكرا

حجرف : اسمعي

الهنوف مطنشته : ايه تفضل .....بندوري وبعدين ...... فهودي ترا ا نجيتك منتب بخير

حجرف : فيه واحد نفر هنا فيه كلام

الهنوف ابتسمت " والله احبك وقسم بالله بس اكرهك بعد "

حجرف : انا بقولك اني بروح الشرقية ولاعادني جاي الرياض من غير شر إلأ بالمناسبات

" تحس طعنة قوية بقلبها "

الهنوف ماقدرت تحكي

نزلت راسها

حجرف : انا مدري والله اسألك ولك الحرية ودك تجين معي اتمنى ماودك

اتمنى تكون قد ذالقرار و تكونين قد كلام الناس اللي بينقال

الهنوف : انت تقدر تواجه حكيهم

حجرف : انا انسان عمري بحياتي ماحطيت للناس أي اعتبار خصوصا اللي يحبون يحكون

وش دخلهم ابوي وهو ابوي تهاوشت معه بسبب حكي الناس عرفت

الهنوف دمعتها بعينها : تسامحت مع عمي

حجرف : ههههههههههه معليش مع الوقت بتعرفين عمك

الهنوف : مهما يسوي يبقى والد

حجرف : يابعدهم وش قررت ......؟ ونصيحة مني لا تهتمين لاي حكي ؟؟؟؟

نزلت راسها ...

قرب مرة ثانية و شد حزامها بخفة ذالمرة : سوري بس والله كذا احلى

توترت بقوة بتحكي و عجزت

....................: احمممممممم احمممم

بعد حجرف شوي

رامي : لا سوري بس حبيت اصور اخواني ممكن هههههههههه

الهنوف تفشلت : طبعا تقدر

رامي : ههههه بالله اقدر على بالي تقولين ماتققدر

حجرف تنهد : وش صار ؟

الهنوف بتوتر همست له : موب وقته

حجرف : هذا اخر رد لك << معصب شوي

الهنوف : اتمنى تتسامح من عمي ولا تسافر الخبر

حجرف غمض عيونه و تنهد : للمرة الثانية هذا اخر رد

الهنوف ساكته

حجرف : بسرعه قرري منيب فاضي لك وراي مشوار ولاني اخا ف الله جيتك وإلأ

كان جحدتك

الهنوف ناظرته بعين دامعه : لو تخاف الله ماكان سويت اللي صار

حجرف يحس بتأنيب ضمير : ماسويت شيء غلط زوجتي ولا احد بيلومني

الهنوف : زوجتك

حجرف : مدري عندك شك بذلك

الهنوف : طيب زوجتك تقولك لها ساعه لا تسافر لا تسافر

حجرف : ليش ماتبيني اسافر عطيني سبب مقنع يخليني اجلس بالرياض امي وهي

اللي تستحق امي وبجيها كل بعد اسبوعين غيره محد

نزلت راسها و نزلت دمعتها

حجرف : محد يستحق إلأ قلبي اللي تبهذل وهو يرجي قلب صاد وبقوة مجافي

لما لانهاية

الهنوف دمعتها على خدها : حجرف

حجرف ضاع من هالمنظر .... مسح دمعتها و هي ضاعت

حجرف : لبيه << عاشق بيور

الهنوف : بليز لا تسافر مو عشاني انا

حجرف : ليش ؟ ماودك تعترفين ليش

الهنوف فتحت الحزام و ارخته : لا عاد تشد الحزام وانت تدري ليش مابيك تسافر عن اذنك

رامي بليز انتبه للبزران

حجرف بلم و عيونه طلعت جنان وهو مستغرب

" وش قصدها ...............؟ وش تعني ....؟

ابتسم

عقد واجبه و ابتسم اكثر

معقولة ...؟ تصير حامل "

حجرف : رامي رامي وصممخ

رامي : خير خير

حجرف : بسرررررررررررعه ناد الهنوف قلها ابيها

رامي : ياخي استح على وجهك مسرع توها داخله وعيب ترا من تو اشوفكم خير

ترا بزران قدامكم

حجرف : والله الخوف منك هههههه يالله فز بسرعه

رامي : والله حالة

رامي فتح الباب : احمممممممممممم

نسرين : حياك يمه ادخل

رامي : وين الهنوف

الهنوف منطوية بقوة على حالها : نعم

رامي : رجلك يبيك

العمة هيا : يالله فزي روحي لزوجك بسرررعه

الهنوف : ياربيييييه توني شايفته وش عنده مسرع

ريم : علينا مسوية ماطق خبر يمه يالحريم

داليا : قلت لك مانعرف ننضل ترى

الهنوف : اسكتي بس لالفعك كف من جديد مالي خلقك

طلعت

الهنوف : وانت يابو دماغ جاهز دايركت جيت تركض " تقلد صوته"

حجرف وراه : انا اللي قلت هههههههه ياملحك بس

الهنوف : رامي البزران بلحالهم

رامي : عاش مصرف هههههههههه يالله بالاذن

الهنوف بشموخ حزين : وش تبي

حجرف : ممكن نروح أي مكان نحكي

الهنوف : سوري

حجرف لفها بسرعه لعيونه : قولي تبيني اسافر او لا ؟ انت قولي احكي

الهنوف توترت من عيونه : قلت لك لا

حجرف : ليش

الهنوف غمضت عيونها : مو عشاني ياحجرف عشان ( سكتت) اللي ببطني

ابتسم لها بشوق وحنان : تعتقدين اقدر اسافر وانتم نتب معي ؟

الهنوف نزلت راسها : ايه

حجرف : مجنونة ....لاني مالي وطن غير قلبك

الهنوف رفعت عيونها : حجرف ( بصوت هامس)

حجرف : مقدر معليش يالله روحي بيتكم عشان تاخذين ملابسك واغراضك وتجين معي

الهنوف طلعت وسحبت الباب ..... : حجرف بليزا ذا

سكتت

حجرف ابتسم : اذا ايش اذا تحبني صح ؟ ليش ماقلتيها ؟ يابنت الناس

وربي الكريم احبك

ابتسمت : ممكن احكي

حجرف : لبيه حياتي

الهنوف << شوي وتدوخ : اذا فعلا صادق بكلامك روح البيت وتسامح من ابوك

وشيل فكرة الخبر من راسك

حجرف يناظر عينها : بشرط

الهنوف : سم لبيه

حجرف : تجين معي

الهنوف غرقت في بحر عيونه : هاه وش قلت

الهنوف : اوكي

حجرف بحماس : الحييين يالله

الهنوف : الحين الحين مقدر و البزران امهاتهم راحوا وانا الوصية

حجرف : حبيبتي بزرنا معنا وخلاص ماعلينا من الباقين هههههههه

استحت بقوة : بقول لامي طيب

حجرف : اخاف تقول بجي معكم ههههه

الهنوف : ههههه لا مهيب قايله

ريم و داليا كل علامات الدهشه على وجيهم هههههههه

و الهنوف بكل بساطة لبست عابيتها و بوست امها و طلعت

في بيت ابو وليد

حجرف تسامح من ابوه اللي ضمه وسامحه

وطلب منه يسامحه ....

و طلع لجناحه فوق وشاف ملاك عمره

وبدأت بينهم حياة تتخذ لها من الرومانسية اقوى اضاءات لها

" والدليل انها ما كملت الدراسه هالترم عفوا اقصد حولت انتساب خخخ)


-

بعد مرور شهرين يمكن


في ذاك البيت المترف

بندر و زينة قد اتخذوا منه مركزا لحياتهم و منبع لسعاداتهم ....

حياة جدا حافلة بالحب بعد ان تشتوا و تفرقوا ....

زينة حامل وسط فرحة الجميع وبالاخص المجنون بندر ^_^

زينة زارت ام سالم و دعت لها و شكرتها

ابتهال استمرت حياتها مع بدر بكل انسانية و هدوء و قمم بركانية حامية من الحب ^_^

( مدري ليش اللي يفترقون و يرجعون لبعض يكون لحبهم رونق اكثر ... وبهاء اكثر )

سلطان طبعا تملك هو و نواف مع بعض بليلة وحده ^_^

ريم و داليا لا جديد الكلام ثابت و الملكة على الاقل بالجامعه بإذن الله

نسرين لم تتطلق من زوجها بإرادتها و ضلت سيدة اعمال ناجحة ....

حجرف و الهنوف حكاية عشق متجددة حافلة بارقى دلالات الحب المتجدده

الشياب لازالت عليهم طلعات غبيه ومن اهمها الإصرار على الرأي ^_^ لا زالوا خخ

محمد بعد ماصار اب تكللت احياته احداث جديدة ... ولا زال يموت بزوجته وهنا ماقول

غير أن الدنيا حظوظ بجد ^_^ ياعبير ....

ليلى ام زينة منبع حنان لا ينطفئ ....

فاطمة سعادة جميلة ومقدرة في حياة زينة ........

الهنوف شكلها مره يضحك على ذالكرش ^_^

" وهذا اهم الملامح النهائية بعد ماختصرت لين داخ راسي ^_^ "



....في ذالك الصباح ......

بندر يستعد للخروج لشغله

زينة : وين حياتي توك

بندر : عيوني انت وين توني عندي تحقيق معقد مقدر اتأخر بقفل القضية انفلق راسي منها

زينة : بسم الله عليك

بندر : وه بس شكلي اللي سحبت عليهم ههههههههه

زينة : هههههه انتبه لنفسك حبي

بندر : اوكي حياتي ومن الحين اقولك ذالحبيب هلالي طيب ؟؟

زينة : هههههههه كيفي طيب ابيه نصراوي

بندر :تخيلي لو يجي نصراوي من جد بزنطه واعلقه بالمملكة من فوق

زينة : هههههههههه يؤ ذا واحنا ماصدقنا يجي

بندر : ياربي لك الحمد و الشكر يالله بالاذن

طلع بندر الشغل

و نزل في مكان القضية

بإختصار هو شخص من الجالية الباكستانية و يرافقه يمني الجنسية

اكبر شبكة مخدرات في البلد ......

بندر بإشرافه شخصيا نزل ذاك الحي الفقير جدا

و اخذ يتتبع الباكستاني

المشكلة هالحي مرة البيوت صاكة على بعض وبقوة

يعني بيواجه صعوبه بندر

فكر انو يطق الباب على اهل ذالبيت

و يمشي على السور يعني بما انو لابس مدني << مالبس اللبس الرسمي للدوام

فكر يمشي على السور لين يوصل البيت اللي يبيه من دون مايحس

طق الباب

طق الباب

وبعد 5 دقايق فتحت بنت

بندر ناظرها و صد : السلام

البنت استغربت حلو و كشخه وبذالمكان : وعليكم السلام

بندر : معليش ولا عليك امر ياليت تنادين الوالد

البنت بلمت ساعه تناظره

بندر استغرب صمتها : وين الوالد ؟

البنت : عفوا اخوي بس انا ماعندي اب

بندر : معليش وين اخوك رجلك أي احد ولي امر ؟؟؟

البنت برجفة وصوت باكي : معليش اخوي ماعندي احد ........

فجاءة

طلع وراها شخص من الجالية البنقالية ينقل راسه

بندر استغرب بقوة ( البنت سعودية او على الاقل عربية وش جابها عند ذالبنقالي )

بندر : مين ذا ..؟

البنقالي بعيون حماء شايطة : ايس ابقى

بندر يسأل البنت : مين ذا ؟؟؟؟

البنت زعق عليها البنقالي و خافت و دخلت ....

مسكه بندر و بقس على خشته لين لصق خشمه بجبهته ....

و دخل و سأل البنت : وين اهلك مين ذا ؟؟


البنت تبكي : مدري هذا السافل خطفني من وانا عمري 7 سنين يمكن وللحين عايشه معه

صدمة

جفوة

بندر : كم عمرك الحين ؟؟؟

البنت : 16 سنه

بندر : لحول ولا قوة إلا بالله

البنت تبكي : لي شجيت وش تبي كان خليته يدمر حياته خلاص حياتي تدمرت و انتهت

لي كم سنه وانا عايشه بذالحثالة عالم وسخ و ناس وسخه يأجرني لكل مما هب و دب

سعودي واجنبي و كل شيء واحيانا اهو كان يهجم علي وش تبي انت اطلع برى

بندر تضايق مره : لحول ولا قوة إلا بالله يلعنكم من عمال الله يكفينا شركم

من جد زنقة انا يختي منيب يمك جاي لقضية ثانيه بذالحيي القذر الوسخ اللي كله

بلاوي ... وانكتب لي بدل القضية قضيتين ....

حسبنا الله و نعم الوكيل

ولا يزال التحقيق جاريا في هذه القضية !!

اعتقد ان تلك الفتاه ستلحق بدور الرعاية الاجتماعية ..ان تم قبولها

دون الحاجة إلى اجراءت معقده

ولكن اتعلمون قد تم رفضها بحجة الخوف من الأمراض و المبادئ التي تحملها

ماذنبها اذا كانت قد نشأت في بؤرة خراب و حانة قذراة

" وصلى الله على سيدنا وحبيبنا محمد و على اله وصحبه اجمعين "

النهاية... The end


اخيرا اعلم انني قد ابحرت في عالمي الخاص وألتمس منكم عذرا فهذا مابدر من ملكة الروائية بداخلي... ولكن الاكيد اني عكست لكم كثيرا من جوانب الواقع في معالم الحب والرومانسية في اقدس أطار في البشرية ( الزواج ) ... ومن ثم ( العائلة )
تعني لي هذه الرواية الكثير و الكثير ..
فهي إنطلاقتي و بدايتي المتواضعة .. وعذرا على كل غلط مطبعي او تشابه اسماء لانني كتبتها في اقل من شهرين ... الأهم أنني
عكست معاني بشرية و إنسانية متنوعه تكتظ حياة البشرية... و قد أكون لجأت إلى التغيير في بعض المواقف لإبعاد الأنظار عن ماعاشوا ثنايا هذه التجارب المؤلمة ...المفرحه ... و الكوميدية ... وغلفتها بغلاف مختلف مزجته بالخيال و بالواقع وفي النهاية هذا هو النتاج ... أتمنى ان يحوز على رضاكم
تذكروا : كل حرف من هذه الرواية له ذكرى خاصه في ذاكرتي كيف لا و انا اتذكر جيدا اشخاص كانوا يأخذون بيدي نحو المضي في الكتابة والان لا يمكنني سوى الدعاء لهم بالمغفرة و الرحمة
.... و الشكر موصول لجميع من ساعدني
" و صلى الله على سيدنا وحبيبنا محمد وعلى اله وصحبه أجمعين "

فإن اصبنا من الله و أن اخطأنا فمن انفسنا و الشيطان



واللي لديه نقد اتمنى انه ينقد ويتفضل مع الشكر أما أولئك الذين تعتلي اصواتهم لتحدث زمزمة عقيمة لمجرد إثبات الوجود لا اتشرف بقراءتهم لروايتي المتواضعة .. لان هناك مثل مشهور جدا يقول :
من ينتقد الزمار عليه ان يفرض اللحن
He who pays the piper can call the tnue .
لذا نرحب في النقد البناء الموجه ...

تقبلوا تحيات أختكم :
Departure

شوق ألماس الكاتبه

ترقبوني في روايتي القادمة إن شاءالله

،،،،،،،،،،،،،،،،،

وبكذا خلاصنا من الروايه
ونقلتها لكم كامله

مزون