.
،




.

ترى بعض الصراحه زعل وثقل ونرفزة اعصــاب
ابي تسمــع كلامــي زين وتمســك زين اعصــابــك

مدري من قايل ذا البيت بس اعجبني صراحه واحسه جا بوقته
يقول الخطا مردود دام لحقته اعذار والنوايا صافيه

ماعندي مكان اوصل كلامي الى من هنا كل فالعذر والسموحه منكم
بس بجد ماعندي الى مدونتي اوصل اللي ابغاه

ليست كل الطرق توؤدي لــروما !

العتب وصل والعتب بين الغالين ماينقص غلاهم
دام القدر عزيز والنفسه طيبه اجل الامور بخير

يقول لاتبربر قصدي لاتبرر مبغى اللي حولك يشوفون سوء نيتك !
ببربر سوري بس قصدي ببرر دام ذا مكاني

صعب نحكم على المجهول والكلام اللي ع العموم
احيان يفهم بشكل غير المقصود منه او يكون في الوقت الغلط !

نجيب العيد احيان بس النيه طيبه زي ماقلت قبل
لو يشوبها احيان تخبيص ولخبطه !!

احيان نتكلم بدون تخصيص لاننا مانعرف مين نكلم واحيان نتكلم
من اثر الصدمه وكذا فنجيب العيد يعني العيد جاي بكل الاحوال

بس المشكله فـ التلقي عند الشخص اللي نوجه له الكلام بدون ماننتبه
انه هو !! وهذا الشخص يختلف عن البقيه وان له العذر والسموحه ولو مهما يقول

بس زي ماقلت احيان يوصل اشياء ماتدري من صاحبها
خاصه بعالمنا المهوي ذا النتي اقصد فـ نجيب العيد

الحل فـ الاعتذار من هنا اعتذر واسوق الاعذار للي زعل من كلامي
وله حق يزعل ولي حق ابربر اعجبتني الكلمه

فـ الأخير

المكان مفتوح ولك كل الخيارات مفتوحه
ويبقى ذا المكان الوحيد اللي اقدر اوصل كلامي منه
نقطه ونهايه سطور

واسوق العذر مع باقه زهور عبر اثير هذا العبير
وبس والله

سلام

يآرب وصلني [ موآطين آلآمآل !
وإنزل على قلبي هدوء و سكينه

و زح عني هموم على قلبي ثقآل
مآخآب من يرفع لوجهك / يدينه

آأإأآم بآأإأآك وذبحني البرد ويدي بمخباك

شمس وزحمه سيارات وقلق ومع كذا بحنا البرد المشكله ما اعترف بلبوس البرد
لو ايش الثوب الابيض والغتره البيضا شامخين لا تتغير الوانهم

وبس والله ياني اسمع كلام من امي اذ قابلتني وانا طالع
البس زين ياوليدي لايذبحك البرد انت ليه لابس بس كذا

وش اسوي يمــه ماحب وربي ماحب واصلا البرد بس بالشارع اذ دخلت البيت
او بالدوام الاجواء عاديه يعني ماهي بارده !!

المهم ماعليكم .. كلن يصلح سيارته

كنت بكمل على القناه الثانيه بس مستحيل تبقى على القناه الثانيه
وطيف المربوشه تحوس بالمدونات لازم تخرب اوم البرستيج حق القناه

وارجع اسولف لكم .. عاد بجد جعان سوالف ماصرت اعرفني

الشرهان حقنا مدري وش فيه كمل يومين ماله حس شكل
طيف مسويه لها شي شوفي اهم شي الشرهان يكون مرتاح ويسولف علينا
وللا بعلم الشيخ بالسولافه حقتكم << يوه مانسيت للان !!

وين انسى يابو كل يوم لا شفت مدونة المربوشه فوق نقزت لها احسبها جابت السالفه
وفـ الاخير ماهنا سوالف غير قرقر واجد بدون سالفة العصر وحديث
المجالس

يالله ربي يهداها ان شاء الله وتقول ياهي او خويتها المهم تقول
نفسى اعرف السالفه اللي وصلتني صحيحه او تاليفيه

شكلهم كانو بيالفون بس يوم درو اني ادري بالسالفه هونو تاليف وكذا
المهم قولو وعادي اسوي نفسى معرف شي

انتم بس قولو السالفه !!!

>> مابقى غير تغطيهم ايفونات عشان يقولن

الله من البلشه دام حاجتك عند مره اجل اقعد بها ياويل حالي
الشباب من تقول له تكفى عطنا السالفه

قال السالفه كل ابوها واذ ماعنده سالفه الف له وحده اهم شي ماتمر تكفى على عماها

بس ماش اكلم بنات !!

تصدقون شكل الشمس لعبت بمخي شوي برد شوي شمس
لين ضربت فيزواتي عاد ماني ناقص هي بالقوه مشبكها ببعض

فـ الاخير

للي يسال عن الاعتذار لمين ماني بقايل والحمد لله قدرت اعدل على الرد
اللي جبت العيد فيه

علمو واعلمو مدري ليه تذكرت فك وافك قبل كل مضاربه
ايام البزرنه يروح الوقت وهم فك وافك

يالله كـــونــو بخير وياجعل ربي يحفظكم ويسعدكم
ويهدي سر اللي ببالي ويخلي النفسيه تروح عنه ابو النفسيات تراه

يالله سلام قبل اجيب العيد بجد

خـــودافـــــــــس

سـلام يقآأإأآل السكوت في حضرت الجمال جمال
ليزدان جمال هذا الرد ساكتفي فقط بوضعه بدون شي

وللذكرى الطيبه احببت ان يكون هكذا
ليزداد جمالا على جمال مابه من كلمات !



ياليت كل من عرفت وساعرف يتعاملون بروح الاخوه
هي التي ستبقى دائما !

شكرا لصديقه الصراحه .. ما عرفتها لكن الكلمات هذه لا تخرج الى من
قلم راقي ويستحق كل التقدير والاحترام والشكر

هذه الصوره باخذها فـ الجوال بخليها ذكرى جميله بجد هذه الصراحه صنعت
لي يوم افضل ..

اكتفي بهذا التشويه لهذه الصراحه المميزه شكرا لصاحبتها
وبس والله ماعندي شي

من الصبح اسوي فـ الكلام وتو اخلص منه وانزله هنا

فـ الاخير

كــونو كرماء مع من تعرفون ان كلامكم يكون سعاده لهم فهي مجرد
كلمات لكن فعلها كبير واثرها على المتلقي يختلف !

سـلام

آأإأآم بآأإآك

ونرجع للهربتات من ثاني .. بعد لمحات من الجمال فـ الرد اللي قبل
المهم ياطويلين الاعمار بوريكم شي بالله شوفـو !

هذه شهرزاد تبغاني اروح للمحرقه برجليني من جدك انتي
قسم ان تاكلوني اكل لو بجلس معكم وشوفو مين الشله بس

يارباااه اكثر اقلام ساخره وراعية سوالف بعبير بس باقي معهم ورده وتكمل الشله
قسم شكلي من الجلسه هذه لشهار على طول !!

اجل استناكم لين تقولون عزا الله كديت خير

السالفه ان شاء الله بتجي لين عندي وانا متربع على كرسيي كالعاده
اما جلسه بهذه الوحشيه لا ماني جايكم عاد وش يفكن من الجنوبيات صاحين انتم

اذ جمله من ثلاث كلمات حست فيها ونفر ماخلى قاموس ماجاب لي منه
الترجمه وبالقوه يالله يالله فهمت

كيف لو بجلس معاكم لحالي قسم منتم صاحين

بس تدرين بجيب امي محرم معاي بس اذ عجبتها وحده فيكن وخطبتها
قسم لو ماتوافق لمصع رقبتها

هاه وش قلتو وترى العرض مغري والعريس لقطه واخر حبه بالبلد
واسالو صديقه الصراحه عنه

تشاورن واذ كنتو موافقين كلمت امي واخذت اجازه وجمعتكم كل ابوكم
فـ جيزان بالعطله هذه كلها اسبوعين يعني

وبس والله .. سلام

آأإأم باإأآك اقين بس هالمره افتر نون بالكسره على السكون
>> ماتجي لحد يدقق

ياهو ترا امزح قسم بعضهم ماهم صاحين على طول حش وتهديد
ومدري ايش قسم قسمات فتي تلقفها تاك على وقلت دنحي الله يذكره بالخير

اني امزح اقول لكم بياكلونن محد صدقن

المهم على طاري ابشركم صرت اخذ دورات فـ اللهجه الجنوبيه واتابع
" تحت الحماطه " تابعوه على اليوتيوب خطير وجايبن ترجمه له بعد

ياولد يوم تتابع فيلم اجنبي وتقر الترجمه تفهم ذا الكرتون حق الحماطه ماتفهم شي
حتى بالترجمه معقد يمين اللهجه صعب بشكل !!

ياطيب الجنوبيه صراحه بس لهجتهم صعبه باللحيل !!!

مدري وين فطاحله النحو عنهم ومصطلحاتهم

بس ترا قريبين لنا فـ كثير من كلامهم النطق اللي يصعب الكلمه او يسهلها
يعني احس النطق شوي يخرب وفيه مغطات مالها داعي

وحركات يخلونها مع النطق كانها حروف مستقله !!

عشان كذا خلوني ااجل موضع الخطبه وكذا لين اخذ الكورس كامل
وشكلي مطول والله صعبه بجد صعبه اللهجه الجنوبيه

بس كمان يابخت اهلها يحشون احيان براحتهم محد ينتبه ان الكلام بوه حش وكذا
>> انظرو بتعلم عشان يحش ذا اللي هامه

مالك دخل انت خلك بعيد نيهاهاهاي

صراحه الوم الاعلام بشكل عام فـ نشر اللهجه الجنوبيه صح

مدري ليه مافيه تركيز عليها شوي لين الناس تعرفها على الاقل او تاخذ فكره عنها !!

يالله ماعليكم بس حبيت اقول لكم اني امزح بس ياحبكم للمشاكل
يالله صحصو زين وذاكرو ازين وراكم شد باليومين الجايات

الله يعين كل الطلاب ويوفقكم فـ اختباراتكم وكذا .. يالله كونو بخير

خودافس !!

جرب .. تراقب .. تفاصيل الامور
راح تلقى .. في وسطها / حلها


آمن .. تفائل .. وبااالغ في ( شعور
إمتنانگ) , والمآسي .. خلها


بس ! لما تحس .. بـ احزانگ تثور
جمع شجونگ .. توض .. وصلها


تمتلي عتمة مشاويرگ بـ نور
قس بهذا , ع حياتگ .. گلها ..

فـ لاجديد يذكر في [ دستور ] حياتي
سوى أنني كل صباح و مساء

أقلب صفحات مذكراتي الخاصه
و أتوقف عند الصفحات التي أجد فيها

لمحة من فرح أو ابتسامة ..!

كن شيئا فريدا ..
ليست منه نسخ أخرى ..

أعبر حياتهم كـ صدفة خفيفة
من أحلى الصدف ..

كن شيئا وحيدا
لا يتكرر مرتين .. !



فـ الأخير

ياشين الغلطه اللي مايجمــل وجهها المعذار !

كونـــو بخير .. سلام

بخــتم الصفحه بهذه الكلمات رددوهآ ,,
اتمنى لكم طيب المرور من هنا وسعاده دائمه وتوفيق متواصل وعمل منتج

وشكر بالقدر الذي تستحقونه !

اتمنى ان لا اكون قد تجاوزت حدودي يوما مع احد .. ومن تجازتها معه
فـ ليسامح فـ التسامح مطلبي !

كثير جاتني اساله عن صديقه الصراحه "
ومن تكون ومن هي لانها تضع الكثير من الجمال فـ العديد من الصفحات
هنا وهناك فـ الله اسال لها التوفيق فيما تعمله

اما مين ما عرفتها قلت لكم من امس ما اعرف مين
حصرت توقعاتي في شخصيتين هنا فـ العبير لان الكلام يدل كثيرا على صاحبته

ومن طبعي اسال اذ تشابكت معي الامور
احداهن نفت وبقوه بعد لا وتهدد الله يذكرها بالخير تقول مو انا اللي اخذ الاسم
من احد وكذا

الثانيه شوي وتقول انا لكن ترددت لانها تفضل ان تبقى غير معروفه
لانها تستمتع بالدعم في الخفاء وليست بحاجه لشئ

متاكد انها هي ومتاكد انها ستقرا ردي هذا وعلى وجهها ابتسامه !

فـ الاخير

تبقى دائما الكلمات هي المحفز لنا هي الداعم هي القوه
لا تبخلون على من تحبون بتلك الكلمات اجعلوها دائما حاضره في نهايه كل لقاء .. وبدايته !

وبس والله

سـلام وانتظرونا فـ الصفحه الجديده