.
.

حكاية صورة





سقى على زمان مر كان الاجمل بس دايم مومن بقوه ان الاستمرايه
ليست دائمه يقال :
لو دامت لغيرك ماوصلت اليك !

قبل كل شي اشكر الاداره كلها على ثقتها وكل شي على
صبرهم على تهويات الكثيره وكذا على كل شي الله يسعدكم ياشيخ
من اكبركم للصغير

اذكر اول كلمتنا الاداره اننا كمراقبين نرشح من المشرفين عندنا
عشان نكرمهم وكذا لمده شهر .. اشوفها مختفيه بذا الفتره يمكن عشان المشرفين اصلا مافيه
مدري ليه مكتفين بس بالمراقبين باغلب الاقسام !!

ماعليكم المهم كانو يكلفونا نختار مشرفين عشان يكرمونهم الادارة بالاوسمه
لمدة شهر مره قلت للادارة دام التكريم من الإدارة مو من المراقبين ياليتكم تكرمون المراقبين
لانهم كمان معتبرين مشرفين بس بشوي اختلاف

المهم الإدارة بقياده انة الحرف ومساعدينها عجبتهم الفكره وسووها
وقالو نبي اوسمه وصممت لهم وسامين للشباب طبعا وللبنات مالكم بطول الهرجه

صارت لي ظروف وغبت

القاهم في فتره غيابي مكرميني وماخذ ذا الوسام وكاشخ فيه فتره طويله
وربي امس اللي دريت لان انة الحرف مرسله لي هذه الصوره اللي فوق انا متكشخن فيها

يعني عمركم شفتو كرم اكثر من كذا
الله يسعدكم ياشيخ بس كمان ياليت تكملونها وتستمرو فـ التكريم لا يوقف يعني

وبس !!

ســـلام

آآآم بأأأآآك

اصلا مارحت عشان تقول باك وش بلاك يابو !
ماعليكم مني انا وشخابيطي

ماني متعود ع الدوام وترا مو بس عن المنتدى كنت غايب
كمان عن الدوام بس ابشركم بعذر ومحد يقدر يقول ثلث الثلاثه كم

المهم تو اجي وربي للدوام صاحي الساعه 10 لاني نايم 5
المشكله كانهم تو يشوفوني بالدوام او ماصدقو اني اجيهم وربي كرف من اول مادخلت
حتى الردين هذه بالقوه قاعد اكتب فيهم من الزحمه الناس
تقول اننا بنقفل الامانه اليوم

ترا عادي مداومين الاسبوع الجاي ان شاء الله !!

المهم بحاول افضي نفس اليوم وبركب معاكم الموجه وبفتح صفحه صراحه لانها
اعجبتني بس انا بغير شوي

بخليها للاسئله وكذا اللي حاب يسال بدون ما اعرفه يروح يسال

اللي يبي يكتب معلقات مدح وكذا كمان يروح
اللي بيحش اكسر يده لا شوف احد يحش هناك خلاص زمن الدمقراطيه ولى بغير رجعه

خلوني اخلص اللي فـ يدي وراجع باذن الله

ســــلام

الحين بجد آأإأآم باآأإأآك

جيت ويديني محمله شوي واغرق معاكم ببحر الصراحه
المهم سوي لي صفحه ادري دايم متاخر بس مشوها لي ماعليكم

انتظركم هناك وعادي ترا لحد يرده الى يده خذو راحتكم وكذا

وطبعا بروح احطه فـ التوقيع عشان الزوله مايتعبون وهم يدورون عليه



ذا رابط الصفحه حقت الصراحه واتقبل كل شي بس شيكات لا كاش بليز
صح على طاري الصفحه تاركها لك شي

بس ودي تكون الاسئله اكثر شي تخبرون ماعندي شي اسولف لكم عنه
هنا واشخبط وابي اسالتكم هي المدخل حق السوالف وكذا

شايفين كيف يعني حجه وحاجه اوكيشن افري ون !!

صح وعلى طاري ترى ماصار لي الى يومين احاول ارجع الحسابات وباذن الله برجعها
ولا ماني فاتح جدد قديمك نديمك لو الجديد اغناك

اخليكم شوي بصلي ولي تعليق على كلام الملكه وتنهيده عن العلاقات .. وكذا
بس قبل صاروحوووني لا تنسوووني

ســـلام وبريك لصلاه الظهر

خودافس

قبل اطلع

تخبرون اليوم الخميس يعني ايش يعني نهايه دوامات
يعني بكره مابوه الى النوم خف علينا ترى مالك الى اسبوع فيذا

المهم ماعليكم

وش كنت بقول ايوه نسيت اني بعلق على كلام ملكة بشموخي اللي جايبته تنهيده بمدونتها
وتبينا نديها راينا مدري نصف يمين او ايش بالضبط المهم الوقت تاخر ما عاد بوه وقتنا اتكلم فيه

باذن الله لنا لقاء بالاحد الجاي تخبرون اسحب عليكم باليومين الجايات الى اذ شفت
شي حمسني اجي بالصراحه او هنا راح ادخل باذن الله باليومين الجايه
دخول ملكي ع الطاير و كذا

من ابو خمس دقايق اللي نلقاها الحمد لله الان بكل سهوله مرت ايام لو دقيقه ماتلقاها

صح قبل انسى بدايه تخوف بالصفحه الجديده حقت المصارحه ليه تحب العالم تخوفك من البدايات دايم
ليه نتوقع الاسوا دايم ليه مانخلي التوقع يكون للافضل !!

عايدي وربي اتقبل كل الاراء وكذا وحياكم الله

وصح قبل ما انسى جاتني خمس مصارحات للان ثلاث منها اساله ايوه هذا المطلوب ادور الاسئله وربي
مدري ليه احب اجاوب

بس هاه مو زي ماتتوقعون لا اجوبتي لازم تتحملون سماجتها احيان اسوي خفيف دم وكذا
وانا من جنبها فتحملوني ولا تخلون الامور شخصيه لاني بجاوب واصلا ماني عارف مين سال

فتكفون لحد ياخذ الامور بحساسيه وربي الدعوه كلها وناسه وكذا

لي وقفه طويله مع استقبالكم لي امس واليوم الله يسعدكم جميع
من كبير الرومانسيين هنا الصديق نفر للكل ربي يسعدكم

بس اكتشفت شي ع الطاير غيرت البنات من الغزل والمدح بين الشباب لبعضهم
مررررررره كبيرررره ماتوقعهتها كذا وربي

ليه يعني بس انتم اللي تمدحون ببعض وكذا ترا حتى حنا احيان
نتهور ونمدح ببعض بطريقه نفر وابو العز الله يسعدهم ياشيخ

يالله طولتها وهي قصيره الوعد باذن الله الاحد

تفائلو تكفون وبلاش نظره سودواويه للامور واعذروني لين اشوف لي حل
مع توتير والسناب وكذا

وحقين السناب معلومه بس ترا حد الرساله شهر بعدين بح تطير يعني لا تتوقعون بلقى
شي من كلامكم

كونو بخير وسعاده والله يارب يسعدكم جميع

ســــــــــلام

تـــــعــالوأ هنـــــآ

تو اذكر ان مامسحت الرسايل اللي مسويه زحمه عندي في الوارد
المهم اعتذر من الجميع وابشركم توي حذفت وضبطت الامور

كفايه نكبات زي طيف على طول تنزل بمدونتها بس يالله ماعليكم اهم
شي الان الامور زانت ياربي لك الحمد وصفرنا العدادات كلهن !

المهم

بدايتي مع صفحه الصراحه ماش ماتحمس 80% من الكلام حش
وتحطيم وتكسير مجاديف وتريقه واستهبال وزفارة حروف
مابقى غير الشاشه تقفل بوجهي يوم اروح هناك !!

الله لايوريكم كميه انحطاط اخلاقي كبيره مدري عشان ايش !!!!!

بس مستغرب من شي واحد اغلب الرسايل اللي زي كذا بلهجه وحده وبنفس الاخطاء
الاملائيه بنفس الديباجه

مو بس اللي وصلتني كمان اللي وصلت الناس الثاني ونزلوها في مدوناتهم
نفس اللهجه نفس الكلام

فيه احد يبغانا نحطها في احد او نفتكر انه هو اللي ورا هذه الرسائل
او ان الشخص اللي نتعامل معاه هو اللي ببال الغالبيه مننا هنا

مع اني متاكد مو هو اللي ببال الاغلبيه مستحيل ظني يجيب << خف علينا ياكونان

لا بجد بجد نظرتي في الاوادم ماتخيب في اغلب الاحيان
اللي يكتب ويحش في صفحات الصراحه عند الكل يتعمد ان الكل يعرف ان فلان او فلانه هو
اللي كتب هذا الكلام

يعني مابقى الى يكتب في الاخير مع تحيات فلانه

مو كذا توكل الكتف لا وربي !!

بس اللي متاكد منه ان فيه حلقه مفقوده وفيه من يحاول ان يصطاد في الماء العكر
اتمنى اللي يقرا يفهم انا وش ابي اوصل له
ويعكس كل شي

وبس سلامتكم وربي

بصمه ثم فطور وباذن الله عوده

ســـلام واحلى خودافس

نقول بسم الله ببدا مع الصراحه الزينه
لان لو تطيرون ويطيرون اللي يحشون ماراح انزل اي شي فيه حش او استهبال
وكذا راح انزل بس اللي فيه تادب مع صاحب الصفحه

عاد تخبرون خويكم اللي هو صاحب الصفحه نفسيه



ببدأ بذا السؤال لانه يعتبر تساؤل للغالبيه هنا بس بعضهم مسوي
ثقيل وماوده يسال فخلوني اختصر الطريق عليكم

السبب الرسمي مستحيل اقدر اقوله اخاف من المحاسبه القانونيه وكذا
<< خف علينا مسوي فاهم

لا بجد مقدر اقوله وربي

بس بقول لكم هو تهور بالبدايه مني تبعه خطا عليا من احدهم
ثم رديت الخطا بخطا اكثر لولا تدخل بعض الحكماء كان صارت علوم

انتهت الامور او قاربت على الانتهاء الحمد لله
وبس

<< اشبك قلت لهم شي

ماعليه هذه بس لاصحاب العقول النيره راح يفهمون وش اقصد بالضبط



ماتركته بكيفي واكثر شي مزعلني انه تركني
بس الخير والبركه في تنهيده يعني المدونات في ايدي امينه معها

وهي قد المكان واكثر كمان
وان شاء الله تزين الامور وارجع للاشراف معهم بس مشرف
ماراح اقبل اصير اكثر من مشرف

او مراقب >> خف علينا يابو



تشكرات افندم وربي النور نوركم واللا انا طافي ماعندي الى الضعوي

شوفي قليل اللي يعرفون هذه المعلومات عني وينعدون ع الاصابع يمكن ثلاثه او اقل
مدري وربي !!

بس كذا احس براحه اكثر اتكلم براحه اكثر ماعندي اي مشاكل مع احد
ملتزم بحدودي لابعد حد !!

طبعا قد اكلتها من الناس اللي عرفو اسمي ومكان شغلي
والقاهم متصلين على إدارتي كيف وصلوا والله للان مدري كيف

عشان كذا خلاص ماعاد يطلع شي وسمي وبس
عمري مايفرق معاي كثير بس اخاف اطيح من عيون بعضكم لو تعرفون عمري
الصدقي على قولتهم

كذا احسن الكبار يشوفوني كبير والصغار يحسبوني قدهم او اكبر منهم بشوي
الزبده كنت اول ماسجلت بقمه مراهقتي شوفو تاريخ التسجيل يمكن
تطلعون قد ايش عمري

بس هاه لحد ياكلني ههههاي

وبس يكفي لين هنا مع الصراحه طبعا زي ماقلت لكم
الصراحه السلبيه ماراح اجيبها ابد

وسلامتكم

خودافس

الســـلآم عليكم

فاضين ولا اشوف لي وقت ثاني لان عندي كلام كثير !
تدرون بخليه وقت ثاني لين اعرف وش ابي بالضبط الان متاثر شوي
بالامور اللي حولي ومتلخبط تركيزي حبتين وربي !

بس بوه شي يقرقع براسي وودي اسدحه فيذا ياعساكم تفهمون
وش ابي بالضبط ومحد ياخذ بخاطره وكذا

والله ماقصدي شي من كلامي امس مجرد تحليل لبعض الاشياء اللي اشوفها
مو اكثر ولا ودي بشي وكلا حر برايه او تعليقه

لكن خلونا نقول العالم لها حريه وخاصه هنا بعالم النت
محد يقدر يمسك احد او يقعد يعلمه كيف يكتب يتكلم او وش يسوي بالضبط هي افكار
وامور يتحكم فيها بشكل كبير المزاج والراحه النفسيه وكذا

بعضهم يفرح بالسوالف وكثر الحكي وبعضهم مايطيقه ابد
وتلقاه ماسك خط مختلف

بعضنا يحب الدعم وتلقونه يوزعه بكل مكان وذول صراحه تلقاهم بكثره في عالم النت
الله يارب ان يجزاهم كل خير لكميه الدعم اللي نلقاه منهم

وبعضنا كل همه ينتقد او يعدل في اخطاء البشر
متعته في هذا الشي كذا هو طبعه كذا مايقدر يشوف شي غلط ويسكت يبغى يصلح قد مايقدر

وذول كمان عمله نادره وتلقى الغالبيه يخافون منهم بس كمان يحترمونهم بقوه
لانهم يعرفون ان قصدهم المصلحه العامه ومايرضون بالغلط

نجي للفئه الاقل بين كل ذا الفئات
فيه بعضنا كل همه انه يحش يغلط يسب وكذا يعني ماعنده يديك هي بالوجه
بس مشكلتهم مايطلعون لك بالصوره اللي تعرفها عنهم يعني يضربون من تحت لين تحت

ويستغلون كل ثغره او مكان يقدرون يحشون فيه
ذول هم المطفشين او اللي يحبون بس يطفشون العالم ويستمتعون بذا الشي حتى لو مابينكم
وبينهم اي علاقه اي شي هم كذا يتفنونون بهذه الامور

تلقاهم فـ الغالب انطوائيين مع نفسهم اصدقائهم معدومين تقريبا مع نفسهم
اغلب الوقت باختصار نفسيات

فـ الاخير

في عالم النت لازم تكون اكثر انفتاح للراي والراي الاخر لازم تتقبل كل الاراؤ في الشي
اللي تطرحه لا تحاول تكون انت الافضل او الاكثر تاثير لا

خليك زي ما انت لا تتاثر كثير بالكلام او النقد اللي يوصلك
يعني خذ بخاطرك فتره بس حاول بسرعه ترجع زي ماكنت

لان الامور ماتستاهل نكبرها في مكان ندور فيه سعه الصدر اكثر من ضيقتها

وسلامتكم

هذا اللي بيقول كلمه ويطلع طلعت معلقه اعتذر وربي طولت الكلام
والسالفه وهي قصيره

خلوني اقوم افطر وربي جعاااااان بجد

سلام

طفــــشت وربي !

خلاص بروح للحل الاخير واللي ماعندي نيه ولا ابي اروح له
ولي فتره قاعد احاول اسوي الموضوع بدون ماروح هناك

بعطي حساباتي ولد اختي معاه ماجستير حاسب ونظم معلومات
ومتخصص بمواقع التواصل الاجتماعي والحسابات

يعني باصبايع يدينه يقدر بفتح لي حسابي
ويرجعه ليا من ثاني

اللي يخوف هو مطوع يعني قولو يارب مايتلقف ويروح
يبخبس وينبش بالحساب بعطيه الحسابات والله يخارجنا

شكلي بجلس فوق راسه لين يسوي لي الامور وبخطف الجوال من
يده وبغير الارقام على طول المشكله من زمان يقول عطني حساباتك في مواقع التواصل
يبغى يتابعني واقعد اصرف فيه

الله يستر المهم اذ ماشفتوني باليومين الجايه اعرفو ان رحت ضحيت
حسابات وكذا

وياويلكم لو احد مرسل لي رسايل نوص كوم او شي
ياويلكم من ذحين اقول لكم

يالله دوامي قرب ينتهي وباذن الله المغرب او العشا بالكثير تكون
حساباتي رجعت لنشاطها << خف علينا اللي يسمعك يقول حسابات مهمه

ترى محدن درى عنك

ماعليكم من صوت الضمير نتحاسب بعدين

يالله كونو بخير وصفو نواياكم وربي ماتستاهل ترى الدنيا نزعل من احد
او نشيل بخطارنا عليه كونو افضل من بعضكم

فتكم بعافيه وصحه وسلامه

صح قبل انسى طيف اركدي بلا اجازه لين بعد رمضان بلا خرابيط
اللي يسمعك يقول بتسوين شي ترا ماعندك غير الضعوي اقضبي ارضك اقول

ولا عاد اسمع احد يودعنا وكذا وربي لهكر حسابه ترا التهكير عندي
زي السلام عليكم انتبهو

يالله سلام بجد الحين

خودافس

ليتني مارجعت حسابي وسويت لي جديد ابرك
بجد مدري ش اقول !!!

تصبحون على خير

سلام سلام

صبحكم الله بالخير ابعدو عني تراني بجد معصب وادور
الهوشه وربي !!!! لا اشوف احد يحط لايك او يقييم او يرسل

بجد مدري وش اسوي معكم يعني اذوني انا ماعندي مشكله
اما ماتكون قد انكم تاذوني !! و تروحون للناس اللي مالها اي علاقه باي موضوع
هنا المصيبه !!

قلت لكم من زمان وبلفه بسيطه بذا المدونه بتلقون كلامي
اخاف اتجاوز الخطوط اللي راسمها لنفسي اعرف قد ايش بيكون الضرر
اللي قاهرني اعرف النتيجه قبل ومجهز نفسي لاي نتيجه وكذا

بس اللي ماتوقعته الضرر اللي يوصل لغيري واكون سبب فيه بدون ما قصده
الدنفسه وتشغيل العقول بهذه الطريقه التافهه هنا تكون المصيبه

سمعتنا هي راس مالنا وش ماخذين من النت المخيس ذا غير الوناسه
بس فيه ناس همها اكبر من كذا بس يحبون الاذى والله عن نفسي ماعليا فيهم

بس زي ماقلت ما ارضى اكون طرف في اي اذيه توصل لاي احد بس لانه
يعرفني او جمعني به هذا المكان !!

فـ الاخير

مالي علاقه باي احد برا اسوار ذا المنتدى ولا احد يعرف لي طريق برا ذا المكان
وتويتر ابدن يعني لحد يتفلسف ويسوي يعرفني وكذا

هم ثنين او مكانين اللي تعرفوني فيها ذا المكان
وتويتر وبس فلحد يشغل مخه بزياده لاينفجر عليه

ارجع واقول ياليت مافتحت حسابي بتوتير ابد وسويت غيره
ياني شفت اشياء بجد ترفع الضغط اصلا مدري ليه جاي هنا اليوم

اللي يقهر بجد اني من النوعيه اللي تمسك الجدارن ولا اذكر غلطت على احد بكلمه
ليه كذا والله ماني داري

خلوني اطلع قلعتن تاخذ النت وساعته

فـ امان الله