.
.
.



وبدايه صفحه جديده وكالعاده نصيحه لحد يرجع للصفحه اللي قبل هذه
فيها كميه غباء وتهور ماهي بسيطه فخليكم مع الجديد

ولا تصدقون : قديمك نديمك لو الجديد اغناك "

المهم ماعليكم تصدقون تو انتبه ماباركت للعالم بالشهر الكريم رمضان
مبروووك عليكم الشهر يالربع كلا باسمه من اصغركم لين الكبير

والله يتقبل من الجميع الصيام والقيام وصالح الاعمال
والله يتمم لنا الشهر على خير ويكتب لنا الاجر والعتق من النيران

جاي متحمس اليوم باين من اول ردودي الصبح للان والله يعين اللي اقابله
او يعطيني وجهه اليوم علووم تقول لي سنه ماشفت اوادم من سنين

يالله ماعليكم ادري احيان اتهور بس كمان ادري اني امون
>> اقول الخلا يابو الشباب

صح قبل انسى تكفون يالربع كلن بسمه طالبكم من كبيركم لين اصغركم
العذر والسموحه للي اخطيت بحقه بقصد او بدون قصد

حللونا دامنا برمضان جعل من ربوكم فـ جنان النعيم

نقظه ونهايه سطور !!

عندي حلم وودي افسره طفشت من كثر ماقريت بالنت باليومين اللي راحن
ختمت كل مواقع الاحلام والتفسير وكل شي لين طفشت

بس اكتشفت 99% من مواقع تفسير الاحلام نسخ ولصق من بعض
زي بعضهم هنا اغلب مواضيعه نسخ ولصق والبلا يكتب فـ الاخير

بقلمي

جلعه القلم اللي ماعاد يكتب >> صوم ياولد

اللهم اني صايم وربي تحمست ونسيت بس جد جد
شفت مواضبع بالكم يوم اللي فاتن اعرفها بكذا مكان وصاحبها يقول بقلمي هههههاي

وين يابو ترا الشيخ قوقول مامعاه لعب تحط او سطر يجيب لك كل شي عن الموضوع
يعني زمن اول تحول

<< انت وش تقول

وربي مدري بس جعان هروج شكلي

خلوني اقوم قبل اجيب العيد شكل ردي هذا بيسوي زحمه

كونو بخير ورمضان كريم

سلام

لحظأإأآأإأآت من فضلكم بســـألكم !!

الحين تصير معاكم ولا بس انا اللي كذا << وش يصير !!
بقول بس لا تدف

يصير معاكم تعيش بعض المواقف وتكون شاهد على العصر زي مايقولون
وبعدين تتكرر معاك نفسها وتكون انت بوسط ذا الدائره

ونفس السناريو اللي كنت تقرا عنه الان تعيشه !!

ادري لخبطه بس وربي ما عرف كيف اشرحها زين المهم انه تصير معاي
اشياء واجد كنت بس متابع لها وبعد فتره صرت اعيشها بجد

بس شوي تبدلت الادوار يعني الكراسي شوي تحركت من مكانها
واختلفت بعض الادوار عن بعض والله مدري وصلت او للان ماعرفت اشرح

تدرون خلوها على اولها نايم من 8 الصبح وصاحي عشره وجاي الدوام
والحين الساعه 3 الى شوي وبطلع بعد شوي من الدوام

وعندي شغله بخلصها بعد العصر ويارب الحق انام لو ساعتين قبل المغرب
معروف ليل رمضان ماهو للنوم ابد الله يخارجنا

ايه وش بعد قبل اختم لحظه خلوني اشوف

ايوه تذكرت اقول لكم متحمس من الصبح وودي اجمع العالم كلهم هنا
ومغير الف لف لفه على اللي اعرفهم بجمعهم اعتذر للي سويت لهم زحمه وكذا

بس كان ودي بشي فاللي يقرا لي هنا قبل توصله مطاريشي وكذا
يقدر الحماس اللي عشته من الصبح

من حلقة سيلفي البارح وانا متحمس بزياده وكملت اليوم باللي صار مع
قطر يعني الحماس والادريالين في قمه وربي كويس اني صايم

ولا دورت لي احد اتهاوش معاه

<< قسم مجنون

مالك دخل انت ودور مين يفطرك عاد لي سنه ادور احد
يعزمني من الشباب هنا وعادي ترا لو العزيمه مو من الشباب اهم شي فيها فطور

خاصه لو من حقين الشرقيه لان فطورهم قبل بكثير

يالله انتهى دوامي خلوني اطلع

بس قبل انسى شكرا للعالم اللي اهتمو بقووه اني ارجع هنا الله يسعدهم
بجد كلامهم وربي له اثر كبير في رجعتي

>> خف علينا ياميسي والله محد درى عنك

يالله كونو بخير

ســــلام

ياخوان النت وربي نعمه بجد وصلنا لمرحله نحط العالم بجيوبنا
اي والله في جيوبنا ونتسدح ونقعد نشوف وش الجديد

تو الف فـ المدونات مع ان العالم شبه نايمين بس وربي شي الفرفره بمدوناتهم
ياخي شي الاراء والكلام اللي تقراه او الذكريات اللي تمر عليها
لاي احد فينا هنا بعض الاحيان المدونات فضيحه

يافينا من التناقض اللي يخرع ويحط العقل بالكف وتقول وش كنا نحس بوه
وقتها يوم نقول كذا

بس والله تبقى ذكريات حلوه !!

استفتح اليوم بمدونه قريبه من هنا صاحبتها قمه فـ الادب وكتاباتها قليله فـ مدونتها
بس والله مبدعه بجد لو اقدر مع اللايك كان دفعت مليون على الكلام

بس ماش حدي اللايك بس بجد كلامها رهيب تتعب وانت تقول رهيب

بنفس الوقت دخلت مدونة ابو العز يتكلم عن توصيات من الدكاتره وكذا
ياخي ماشاء الله على ذا الولد دافور شكله مهبل بالدكاتره الله يوفقك يابو

مريت كمان على فارس وسالفته اللي منزلها في منتدى الحوار شاركوه بمواقفكم
لايفوتكم سالفته رهيبه وتخوف والله يلوم اللي يلومهم هو واللي صار معاه

على طاري صار معاي موقف زي كذا بس شكلي طحت من دوافير
استنى اهل عند السوق قبل كم يوم باخذهم المهم فيني كسل ماهو طبيعي

والمكيف شغال وطافي المسجل وهدوء وفيني النوم قسم
المهم راد المقعده شوي ورا ومع نفسي وكلمت اهلي قلت تراني تحت استناكم

شوي اسمع صوت الباب اللي ورا انفتح استغربت ليه ورا المهم
مايميدي اتكلم وحده دخلت وجلست والثانيه على الباب مع التفاتي صنمت مكانها
صنمت << من الصنم

ماعليكم المهم البنت عرفت انهم غلطانين اللي جلست بسرعه قالت انت مو ( كريم )
كريم ذا الاجره اللي عن طريق النت للي مايعرف وش يعني كريم !!

مايمديني اتكلم اصلا قالت اللي معها لا ماهو ذا غلطانين
الى تشيل قشها وجري على السوق هي وخويتها

اما بعض المواقف مالها حل وخاصه اللي البنت تكون هي الغلطانه مالك وجه
المهم شوفو سالفه فارس بمدونته

ويابنات انتبهن وانتن تطلعن مع احد الحين السيارات تقريبا كلها زي بعض
الشركات كلها قامت تقلد بعض والشعب كانه مايعرف الى شركه وحده ياخذ منها سيارات

يالله ماعليكم

كونو بخير

سلام

جات فتره مسكت معاي اصير هكر وكذا وبديت ابحث وادور واقرا واشوف
قلت بتعلم اهكر >> مجرم

مدري ليه بس للان ودي اتعلم التهكير وكذا عاد انعن شي تدور التعليم من النت
لانك بتدخل مواقع مهكرين وكذا النتيجه بتكون مو زينه

المهم تهكر جهاز من الدلاخة قسم بس ذا الكلام ترا زمان ايام السبعينات الميلاديه
الحمد لله تبت من بعدها

ايوه وش بقول وربي نسيت ياهوو ماقلت لكم امس عن سالفه الاحلام وقووقل عشان تروحون تبحثون
وربي اللي بيحث عن تفسير حلم بالنت بيتعب اسالوني

وكل تفسير انعن من الثاني واسوا وبتقعد توسوس لك كم يوم فنصيحه لحد يسوي كذا وربي
ماتطلع الى بالوسوسه والنفسه لا عاد اشوف احد يدور تفسير من النت

شكلي نكبتكم امس

فـ الاخير

ماكنت متوقع كلامي ذاك اليوم عن نقاط التقييم وكذا بيسوي رجه بالمنتدى وربي
اشوف النقاط كلها تصفرت ورجعنا العد من البدايه ياويلي ويلاه

لو دريت طلبت فلوس او شي

يالله مديري كلمني على معامله لازم اطلع
كونو بخير

خوداااافس

صبآآإأآح الليل بذا الظهر اللي يشق اوم الجبهه شق
تو اجي الدوام موقع دخول الساعه 11:45 دقيقه والمفروض تكون 10
يالله احسبو كم التاخير واضربوها في خمسه واقسمو على 30 يطلع لكم كم بيخصمون
مني عشان التاخير لا وثاني مره يعني اذ خلصتو ذا الحسبه

اضربوها في 2

لا ويجيك من جيل الـ 2000 ويقعد يطقطق علينا هم متسدحين بالبراد
ونوم لين تالي اليوم وفرحانين بكم سمبوسه يلفونها ويعن نني سوينا الفطور

او يسوون فيمتو او تانج وتلقاهم للعشا يزعجون اخوانهم وشرايكم بالفطور
اللي سويته اليوم واخرتها لف سبموسه وفميتو وكم بسكوت يحطونهم فوق بعض

ويقولون وش رايكم بالحلى

سلامات ترا ماسويتو شي اذا على لفه السمبوسه الفها بيد وحده وانا منسدح كمان
الفيمتو وش يبي له كت نص العلبه وحط كاستين بلاستيك سكر وحركهم وشوي ثلج
خلاص

الحلى بسكوت ومدري ايش ثم ارمه بالفريزه للمغرب وخلاص

وازعجتو امنا وش رايكم بالحلى وش رايكم بالفطور تراكم ماسويتو شي كبير

بس كمان ولا تزعلون الله يجزاكم كل خير ويكتب لكم الاجر


>> اش فيك معصب طيب

لا سلامتك بس جاي الدوام متاخر رحت الف بالمدونات القى ملكه بشموخي تطقطق عليا
قلت ياولد اهجم هجوم كاسح ولا تهاب وهذاني اهاجم وكذا

عاد متابع لذباح غليص والهياط اللي فيهم ومتحمس مع الخاتون وباب الحاره
اللي شيبنا وهم ماخلصو منه

يالله بقوم اصلي واذا لقيت وقت جيت

صح قبل انسى ببارك للدافوره حقت المنتدى ماثر الف مبرووك يالشيخه
ماشاء الله عليك الدرجات بجد تبيض الوجه الله يوفقك ويكتب لك كل خير

وعقبال الشهاده الكبيره على قولت المصريين

بس شدي حيلك فـ الانقلش وفـ الموسيقى احد يجيب درجه طايحه بالموسيقى حرام عليك
لو ادري دخلت عنك الاختبار << برا برا

يالله خلوني اروح كونو بخير

ســـــلآم

ســـلآم

شي يوم تحس تكلم نفسك صاير لي فتره هنا احسني اكلم نفسي وكذا بس اكيد
بكون مع نفسي جاي الصبح وبرمضان وابغى اقابل احد سلامات

بجد اشتقنا لاقلام كبيره لها فتره ماخذه بريك وكذا
بقياده اصحاب الهربته طيف وشهرزاد وتنهيده ونفر وابو العز بقايا الله يذكرها بالخير

واصحاب الاقلام المتالقه الاكثر رسميه وكذا
بقياده انه الحرف وعاشقه المطر وبقايا الامس والوزير طبعا

والقايمه طويله ادري بس ذول اللي جو ببالي ذحين

الله يكتب لهم ولنا كل خير ويردهم سالمين لقواعدهم وسواليفهم
الوزير من تخرج شاف نفسه علينا ماعاد اشوف له تواجد وكذا

عاد تدرون المفروض ندي اي احد غايب حقه بالكامل واشوف اول شي فـ الغياب واهم شي
اننا نسال عن الناس الغايبه ونتطمن عنهم وناخذ اخبارهم

عشان كذا للعالم الغايبه اللي ذكرته او ناسيه تخبرون صايم وكذا طموننا عنكم
عاد باي طريقه المهم تطمنونا

ثاني شي الناس الغايبه احسها تفرح بالسوال عنها او التذكير فيهم
فلا تحرمونهم من الفرحه بتذكرهم وكذا

ثالث شي ابعدوا وقت الغياب عن الظن السئ بالغايب خلوه براحته وبعدو عن التفسيرات
اللي مالها داعي او سنع لا تتعبون انفسكم باللي تسمعونه او تشفونه باي مكان

اعذرو الغايبين واسالو عنهم وبس !!

صارت معاي مواقف فـ اخر غيبه لي هنا عن المنتدى صراحه متعجب منها لليوم
بس والله عاذر اصحابها وكذا لاني ادري مايقصدون شي بس ماقدرو يتكيفون مع الوضع

الحمد لله على كل شي دائما وابدا !!

فـ الأخير

رساله مباشره للعالم اللي ماخلو مكان ماكلموني فيه ارجع ووينك ومانسمح لك ومدري ايش
عشان اخثرد عليكم فيذا واخرتها جابوني على ملى وجهي على قول المصريين

ثمن غابو هم !! !!

ياليت نشوف لكم تواجد في مدوناتكم وكذا والله انها سعاده يوم نشوف مدوناتكم
مرصوصه مع الدوافير وفي مقدمه المدونات

فكونو بخير واسعدونا بتواجدكم وبس وربي !!

ودعواتكم للمنتخب بيلعب بعد شوي مع الاستراليين الله يوفقهم

وسلامتكم

فـ امان الله وصيام مقبول باذن الله وافطار شهي وماتع

سلام

ماعمري مريت على هذه الايه وما وقفت عندها كثير
وقريتها اكثر من مره !!


(( قل هل ننبئكم بالأخسرين أعمالا ** الذين ضل سعيهم في الحياة الدنيا وهم يحسبون أنهم يحسنون صنعا )) ®

طبعآ في سورة الكهف !
اليوم من الصبح قاعد اقرا في تفسيرها فقلت بجيبها معاي هنا

وبس

كـــونــو بخير والله يبعد عنكم وعن من تحبون كل شر
ويكتب لكم اجر الصيام والقيام ويحرم وجهونا ووجوهكم على النار

اللهم آمين

اخر شي قبل اطلع لاني ببصم وبقضب الباب بروح اشوف المباراه
وارجع نهاية الدوام ابصم

ايوه بالله شوفو كيف المتواجدون الان (1043) عضو
واللي مسجلين دخول (3) ثنين ظاهرين انا والمديره وواحد مسجل دخول مخفي من المشرفين
او المراقبين !!

يارباااااه وربي شي وقلت لازم اصور الشاشه واجيبها هنا للذكرى مو اكثر

مافيه الى انا والمديره شكلي بروح افظر عندهم او هي تفطر عندنا عاد بالمدينه
والحرم جنبنا تكسبين الصلاه بمسجد الرسول عليه الصلاه والسلام

وش قلتي ترا الدعوه ماتنرد

وبس سلامتكم

وللناس اللي تتفرج من فوق السطوح ترا شايفكم انزلو شاركونا اطراف الحديث

فـ امان الله

ســــلآم

الســــلآم عليكم

مدري ليه اسلم وادري محد بيرد السلام بس تدرون احسن وش بخسر السلام بلاش
انتم اللي بتلشون لان الرد واجب

تصدقون باليومين اللي فاتن اجازه والله ماني لاقي وقت ادخل النت مع اني
هاالاسبوع مارحت ولا سافرت متكي بالمدينه

بس بجد مابوه وقت ادخل للمنتدى !!

عشان كذا بعطي الكل العذر للغياب بذا الفتره من السنه لان بجد مابوه وقت
لولا الدوام وذا الست ساعات الفاضيه اللي ماتدري وش تسوي

وربي ماكان شفتو لي تواجد وكذا

لحظه بوريكم شي !!



اليوم مع نفسي بالمنتدى مابوه احد مع ان اللي جالسين فوق السطوح
فوق الالف وشوي

واااي لماذا ماهذا ياقوووم يعني الف متصفح واللي مسجل دخول واحد نفر
بس نفر تقليد مو نفر الاصلي

المهم زي ماقلت لكم معذوورين وربي بعد ماجربتها بدون دوام
مدري كيف العالم تدخل فيذا

وصح قبل انسى عندي خرابيط بس خلوها بعد الصلاه
جات الصلاه الان

لحد يغير المحطه وخليكم فوق السطح لحد ينزل

سلام

عنـــدي سوال او تساؤل او استفسار ؟؟
محيرني من فتره ومتعبني مغير اشيل فيه واخاف اجيب العيد وكذا ؟؟

فقلت خلوني اجيبه لكم هنا عاد اللي يقدر يقول ش السالفه بالضبط يقول
بس الله يعينكم على التجميع لان ماعندي سالفه وبس بكتب من راسي

معرف ارتب صراحه السالفه براسي من فتره او التساؤل
بس البلا فـ التجميع وكذا تخبرون ماعندي اسلوب بالتجميع صراحه احوس احيان واخرب اوم السالفه وكذا

يالله نقطه ونهايه سطور

الحين الغالبيه منا تلقونهم مسوين لانفسهم دوائر او حدود ماودهم احدن يتجاوزها
الى برغبتهم وكذا فنلقاهم مع انفسهم زي خويكم صاحب ذا المدونه

ياني مسوي حواجز صاير كاني اداره حكوميه مهمه وخايفين عليها
مغير حواجز ومطبات لين توصل لها

وبنفس الوقت يعضهم بحطون مصدات لانفسهم لاجل مايتجاوزون حدودهم لحدود الغير
وماسكين الخط وماشين بجنب الجدار ماودهم احدن يدخل عليهم
ولاهم بداخلين على احد يكتبون ثمن يمسكون الطريق مرتن ثانيه بدون رتوش وكذا

بس احيان تزوغ السياره فيهم شوي وينحرفون عن مسارهم
ثمن يطلعون من حدودهم واكيد بيدخلون حد احد ثاني !! مايبغى لها كلام !!

وبعدين دور مين يعدل المسار ويرده زي ماكان يبغالها حوسه عشان تضبط من ثاني

المشكله بعضهم اذ دخلت حدوده يسوي لك الهوايل ويارباااه
مدري شلون بتطلع باقل الاضرار

وبعضهم ياحليلهم ودك تطول عندهم ماتطلع الجو رهيب والتعامل راقي والاستقبال حافل
واحيان تتحمس وتجيب العيد بس كمان يكون الاستقبال قمه في كل شي
انت والعيد اللي جبته !!

من عرفت النت يمكن مرتين او ثلاث خرقت هذه الحدود وتجاوزتها ورجعت لقواعدي سليم
بس ياني شلت من الرتوش والدقات ما لله به عليم بس الحمد لله

نقطه ونهايه اسطر !

نجي للتساؤل الحين او السوال اللي كل ذا المقدمه عشانه

عادي وفـ النت بالذات تكون العلاقات بيننا صداقه واخوه وماتتجاوز ذا الشي ؟
عادي وفـ النت بالذات نتقبل الصداقه والاخوه وما نفسرها بغير ذا الشيئين ؟

عادي وفـ النت بالذات اننا مانحاول نالف ونخترع من روسنا ونعطي الامور اكثر من ماتحتمل
او اكثر مما هي عليها ؟؟

هذه اسئلتي لاني تعبت اشيلها معاي واتعبت ناس كثير معاي وربكم
فيه ناس مو راضيه تفهم ان العلاقات الالكترونيه الغالب فيها الصداقه والاخوه مو اكثر
بس مصرين يخلونها اكثر من كذا مدري ليه

وبس سلامتكم

صيام مقبول باذن الله وافطار شهي اتمناها لكم

خودافس