اي والله !!

احيان واحيان كثيره نحتاج لأحدهم ربما لانه اخر امل
او لانه المكان الوحيد الذي نترك همومنا فيه !

فلا تبخلون على من يعتقدون انكم اخر امالهم او انهم
يجدونكم مستودع اسرارهم

اسمعوا منهم ودعوهم يتحدثون اذ احتاجوا لذلك !!

فيارب لا تسلط علينا من لا يخافك فينا ولا يرحم ضعفنا
واكتب لنا كل خير ..

أيه عادي
مثل الأغلب في بلادي!
أزرع الشهر الطويل أحلام

من متى ب/ الضبط مدري ؟
قبل كم ؟ الله وأعلم!
ماحسبت، ولا أمداني
أذكر أخر حلم يمكن من عمر، أو يمكن أكثر ..

مدري صراحه ؟ متى كان !

سلام .. ع .. الطاير

وربكم جعان وماعندي شي والدوام ماهو راضي يخلص ياحظكم يالطلاب
الحين متغدين وشبعاني نوم ماشاء الله

تدرون ساعات تحط شي تلقى التفاعل معاه رهيب يخلونكم تتحمس
تكثر منه وتبطل شخبطه وكلام فاضي

بس ببقى كذا مقدر والله ما اشخمط خاصه بذا المدونه !!

الله وكيلكم نفس الحاله اللي يعرف لنا علاج او شيخن يقرا علينا
يكلمننا اوكيشن ...

لا واحيان الكلام المرتب اللي بمخك من امس ولا يطلع زي ماكنت متوقع
انو يطلع ويكون مجرد حشو لا اكثر

العفويه اشوفها تطلع المواهب

بس خلاص اكتشفت شي ان هذه المشكله اصلا ماهي مشكله << حشش
يابن الحلال مشكله ولا ماهي مشكله

مدري والله المهم تراها دليل على الابداع خلاص خلاص مالوه داعي
ندور علاج يكفي كاسه مويا الصبح على الريق وبس

يالله انتهى الدوام خلاص ياربي لك الحمد

سلام

بعض القرارات !!

تشبه لعبة في الكورة …
التسديده القويه التي تجي ب العارضه:

- تعجب الجمهور…
- يصرخ المعلق لجمالها وخطورتها…

- تربك الدفاع..
- ولكنها في النهايه بلا …(هدف)

شايفين مجانا واليوم خميس كثرو منها تكفون !!

صبحكم الله بالخير ياوجيه الخير المداومين والنايمين
اللي عندهم اشغال والعاطلين وينتظرون دورهم
الناس اللي سوو سالفه طويله عشان يغيبون
الناس اللي مداومه بدون نفس مع ان اليوم اخر يوم !
والناس اللي تتشمت ف الناس المداومه

صباحكم هجوله وقل نوم وسفره جات بوقت غلط ومالها داعي
المفروض اللي زي كذا تقطع علاقتك معاه يعني قبلها بكم ساعه يقول
لا ومجبور ماتقدر تقول لا !!

ما حب كذا وربي << فيس فيه الصيحه !

يالله ماعلينا اهم شي الاخلاق لا وتكمل ابوك بيكون معاكم يارباه
يعني اخلاق غصبن عنك وانت ماتشوف الدرب !

مدري كيف اغير الموضوع وادور لي عذر قوي اسحب عليهم والحقهم بكره
الفجر هيا اللي يجيب لي عذر مسكت له اللي يبغى !!

هيا نقطه ونهايه سطور ...

سلام سلام شكلي بفرنك اروح انام دام مابوه نوم بعد الظهر

كنت بروح بش شفت لي شي خلاني ارجع !!

الحين المفروض من الادارة يقفلون حسابات الناس اللي غايبين
عن دواماتهم ومدارسهم عشان يبطلون غياب وكذا !!

فمن هنا اتمنى يطبق هذا الشي ويقفل حساب اي شخص
يعرفون انه غايب بوقت الدوامات او انه يجيب معاه تقرير طبي
او شي عشان مايقفلون حسابه !!

الحين اذكر يوم كنت اغيب ايام اول كنت انام والفرحه شاقه الوجهه
حتى ساعات احد يدخل عليا الغرفه يحسبني صاحي من قوه الابتسامه !!

كله عشان بكره بغيب وبكره بغيب في قاموسنا اول يعني بنام بنام
ولا راح اصحى الى الظهر !!

استغرب من اللي يغيبون ويصحون بوقت الدوام العادي يارباه
مدري وش يحسون بوه

عاد تصدقون متى كنت استانس يوم اغيب اجلس لين اللي عندي يروحون
لمدارسهم وافطر معهم وكذا وعايش جوهم واشكال التسحيب فيهم

اودعهم ونووووم عاد شعور رهيب وربي !!

بس سبحان الله الدنيا تدور ومن نفس الكاس قاعد اشرب
ماعليكم اهم شي الاخلاق !!

واتمنى يتفعل اقتراحي وينظرون فيه الاداره بشكل جدي
عشان نحافظ على برستيج المنتدى مو كل شوي واحد غايب وتلقاه يسولف هنا

يالله الحين من جد بطلع لقيت لي تصريفه للمدير بس لحظه
خلوني اطلع من جوي ذا بقلب على الجو التعبان الكسلان عشان تضبط الهرجه

ف امان الله سلام ...

سلام .. جاي راجع ومعصب لاني شغلت شوي
بس قبل كل شي بقول لكم

ترى هذا الرد هنا
لايمثلني اسحبه خصوصا الجزء الاول منه الباقي خلوه

مع ان اليوم خميس والمفروض يكون حليو بس ماش
ماهي راضيه تضبط الامور معاي

مديرنا ماداوم اليوم واخذها اجازه !! ونائبه مجاز ذا الاسبوع كمان
باقي خويكم صاحب ذا المدونه هو اللي بوجه المدفع لان محد منهم فيه

فاجباري بكون ماسك الاداره بذا الوقت يالله ان تقلعها من شغله
ماجات الى باليوم اللي ناوي افرنك وانام يارباه وش اللبشه هذه

المهم اكلمكم الان وانا المدير حقنا << حلوه حقنا
لا طلعت ولا رحت ولا جيت منطق بالادارة من اول

وتسحيب ببعض المراجعين وبعضهم لا والله اخدمه بكل اريحيه
على حسب جوه اذ مبتسم خدمته اذ منفس ومعصب قلت له يوم الاحد

خلوكم من ذا كله عندنا قروب للاداره ف الواتس عشان السوالف وكذا
المهم واحد من الشباب طلع عنده شغل وقاعدين نسولف بالقروب من الفضاوه والغبن
ماعندني شي المهم ارسل صوره لعروض جوالات في اكسترا !!!

هذا اللي عنده مشوار رايح يدور الجوالات
تعال الان الدوام ولا بسوي فيك محضر غياب !!

هذا كلامي له والله العظيم امزح ولا قصدي شي المهم كل العالم ف القروب
استلموه وتريقه وطقطقه عليه ومنهم المدير ويعلمني كيف اسوي المحضر

<< نذاله الادارة

المهم خوينا زعل وغادر القروب

يعني من وين ماطقها عوجا لا وسوى لي حظر ع الواتس دخلت بكلمه
قال اقلب وجهك وحظرني اقسم بالله اني كنت امزح مو اكثر

يالله ماعليكم يرجع نهايه الدوام واتفاهم معاه

نجي الان لاخوي !!

توه مرسل يقول لاتنام ترى بنتغدى وماشين يابن الحلال
تراني نايم 3 وصاحي 6 كلها ثلاث ساعات اللي نمتها اش فيك

قال مالي شغل بنطلع بعد الغدا ومن زود النذاله بسيارتي عشان مانام
بالطريق اقسم بالله تعذيب !!

ويكملونها هنا بقايا وورده ويطقطون عليا هيا ناقصه بالله

لا وفي الرد اللي هذا اقول لكم ابتسمو مدري كيف خلاص
اسحب كلامي لحد يبتسم هو ماضيعني اليوم الى توزيع الابتسامات

يالله خلوني اخلص شغلنا جاني مراجعين ونهاية دوام بنهايه اسبوع
والله اللي راجع الحين حق من عطاه كم كف وقال له وش تبي ليه جاي الان

سلام سلام .. ويارب خوينا اللي معنا مايشوف ردي
لانه عضو معنا ف عبير

خودافس واجازه سعيده للجميع

سلام يالطيبن والله البرد جا يارباه وش ذا البرد
واللي يقهر عندنا بالدوام المكيفات كل ابوها شغاله والله قهر كفايه البرد

وذول بيذبحوننا بالمكيفات والله لو اصور لكم يدي
الظاهر تحسبوني مصور لكم يد ميت رايح لونها اغلبه ازرق من البرد

المشكله محد يسمعنا يوم نقول طفوها او نزلوا في التبريد اللي ذبحنا !!

ماعليكم منهم شكلي بداوم الايام الجايه بالفروه

المهم والله عندي سالفتن خطيرتن شوي وبنزلها باكر باذن الله
لاني قاعد استاذن من صاحبها اني انزلها ف المدونه وشكله نايم او يدرس وماهو
يمي الان بستني الرد وبنزل السالفه !!

بس تكفون ابغى تدوني رايكم بالتقييم او رساله او في مدوناتكم
ماتفرق معاي بس اهم شي ادوني رايكم الموضوع خطير ومهم بنفس الوقت !!

يالله من الان لين يجي الرد اني اذيع او ما اذيع نقول يارب مايطول

صحيح قبل انسى فيه مسابقه مسوينها للي حاب يشترك فيها ويصمم وكذا لايفوته
عاد خويكم ماصدق خبر طار لهم طيران وسجل اسمه

احب ذا النوع من المسابقات بروح اجيب لكم الرابط لحظه بس

هذا الرابط

ادخلو وسجلو للي حابين يشاركون وبالتوفيق للجميع
في امان الله

وانتظرو السالفه بكره

سلام

يارباه الحين صدقت ان اللي ارسل لي الكلام معاه خويا !!

والله ماتوقعت الرد يجي بذا السرعه ابشركم وصل الرد

ماراح اقول الى هنا ف المدونه بعد ماشوف العالم وش راح يقولون
بعدين بعلمكم صح او لا !!

خلاص من اليوم اي شي يبغاه اللي ارسل لي الكلام
بسويه لو يبغى اروح اذبح اوباما رحت وذبحته

اقول لكم مدري من وين طلع الرد وصلني قبل حتى ارد ف المدونه الرد اللي قبل
ذا الرد يارباه

لا وبتشوفون كيف الموضوع اذ نزلته بكره !!
ايوه بكره وببدايه الصفحه اللي بعد هذه احلى شي يكون في بدايه الصفحه

بس اذكركم مره ثانيه ابغى تدوني رايكم اوكيشن
لانكم كلكم تعرفوني من مدونتي المنتهيه هذه

يعني ابغاكم انتم الحكم والقاضي ولجنه المحلفين وكل شي
بكون ف المدرج وبتفرج

يالله بقوم افطر وحياكم جميع

سلام ...

صبحكم الله بكل خير ياهو مع الامطار اللي مرت امس وقبله
واحلى سحبات على الدوام ياخي تحس انك مطنوخ يوم تسحب ع الدوام

الاثنين والثلوث علقت الدوام لنفسي وعطيتني اجازه
شكرا يانا << تحشيش صباحي

اعتذر من الكل لاني بعضهم وعدته ومع التعليق تم السحب بس ان شاء الله
بيعذروني تخبرون الجو امطار واخطار باليومين اللي طافن

خليكم من ذا الخربطه تذكرون ذا الكلام !!

قلته قبل فتره مدري كم مره عليها نقول شهر والله ماني متاكد بالضبط
المهم ياطويلين الاعمار جاني هذا الرد !!


وايوه هذا الموضوع اللي قلت لكم قبل كم يوم ابغاكم تدوني رايكم فيه
عاد صاحب ذا التحيل يبغاني اقول له كلامه صح او خطا !!

فقلت لا ابغى اللي يتابعون مدونتي يدوني رايهم بالاول بس تصدقون
كل الكلام بكوم والأشهر اللي محددها تحت كوم !!

يعني نقول الكلام يمكن بشكل عام يجي عند الغالبيه

اللي استغربته صراحه تحديد هذه الثلاث شهور بالتحديد من 12 شهر
تم اختيار ه الثلاث شهور

وليه استغربت لاني من جد من مواليد شهر 12 يارباه فيه تدخل
خارجي في الموضوع !!

المهم ماعليكم ادوني رايكم بتقييم او رساله او ف مدوناتكم
كم تدون نسبه لهذا التحليل الشخصي فيني !!

وايش رايكم في صاحب او صاحبة التحليل الخطير هذا
وسلامتكم !!

سلام
.
.