شخبط شخبيط ..

*** الوسمي *** · 30-04-2012, 08:42 AM

ثالث مره اكتب واخربط بعدين امسح
اليوم احسني مشوش !

بس يمكن لا صرت مرتبط بشئ الخبط
مدري

وربي احس اليوم اني قاعد اكلمكم وانا نايم
انعن ابو شكل الفلوتاب اذا اخذتها بوقت متاخر !

يجي الظهر وانت مدرووووش

لا شاهي بالحساوي يفيد ولا قهوه تنفع
وشوي واكل كاسه الشاهي ابغى اصحى شوي

بس شكل مافيه فايده

المهم ماعليكم انتظروني شوي وبشكر الناس
اللي مفضيه نفسه عشان تقيمني

*** الوسمي *** · 30-04-2012, 09:36 AM

اما ‏ الوسمي ‏ تلقون ‏ الرجال ‏ مبسوط ‏ ومانام ‏ من ‏ الفرحه
‏ احس ‏ انه ‏ يقرص ‏ نفسه ‏ عشان ‏ يتاكد ‏ انها ‏ حقيقه ‏ مو ‏ حلم
ع ‏ البركه ‏ وبصراحه ‏ اتمنى ‏ النصر ‏ ياخذ ‏ 
البطوله ‏ لان ‏ اخوي ‏ نصراوي

هذه مجرد حلم بالاول الله يبارك فيك وشكرا
ع الروح الرياضيه بس نفسي اعرف

الشباب جمهوره من الرجال عشره من البنات
كم بيكنون ثلاثه مثلا ..

طيب كيف بتاخذن لكن برست وانتم ماتروحن
للملاعب

يعني نصيحه لسى انت صغيره نصيحه شوفي لك
فريق غيره

*** الوسمي *** · 02-05-2012, 08:40 AM

يازين الربوع

تحس انك فايق بشكل ماهو طبيعي وتدور الشغل
بشمعه الوقت يمشي طلقه !

بس بجد زمان ما صار الربوع له طعم زي اليوم
يمكن عشان العالم الغايبه !

مدري بس بقول فلوها بها الربوع ياهو
ولحد يفكر بشئ ينكد عليه ها اليومين الجاييات

وللدوافير بشكل خاص سيبو الدوفره عنكم ها اليومين
ملحقين على رفع الضغط ريحو لكم شوي

وصبح صبح ياعم الحج
وعندك واحد شاهي ف الخميسنا وصلحووو

*** الوسمي *** · 02-05-2012, 08:45 AM

اوكي خلاص فهمنا سيب يدي وعادي ترى
التاهل والنهائي صار قريب !

تشكرات للعالم اللي ارسلت تبارك
وعقبال ماتشوفون الكاس يلمع بيد ابو عمر

*** الوسمي *** · 02-05-2012, 09:12 AM

دعموني بتواجدهم وشاركوني بتعليقاتهم
الاكثر من رائعه فلزم علي التوقف عندهم

لأشكرهم لاني بالفعل انتظر منهم المزيد
لانني باختصار بدونهم ساتوقف مجبرا !

اتعبت حسادي
ايه وصلت لين لنو استغليت اجازه الدافوره ولحقتها
يالله اذا فيها خير تلحقني مشكوره ع المرور والتقييم

تبسم للزمن
اهلا بك سيدتي .. انار مرورك صفحتي اهلا بك
بس سؤال وين الارزعاج اللي تقولين عليه

انكسار
الجيب عهده ماعليش بس اذا تبي دوره تعال
وخذ لك لفه بالمدينه حياك الله ومشكور ع التقييم

ماودي احبك غصب
بالاول النك روعه اهنيك على اخيتارك !
وبعدين لا الحمد لله الحاث بسيط الضرر ف السيارات بس

لا شئ يستحق
هلا فيك وابشرك راعي الجوال فصلنا جواله
لا وطلع معصب شوي ويصيح باقي الدور
على اللي ف بالي نذوبهم انتبه بس

دبغني الشوق
هلا بالدافوره اللي تنام هنا بالمنتدى شكلها
نصيحه ها البنت شوفو لها حل ترى ماكله الدنيا اكل ماشا الله عليها
مع انها ف التقييم بخيله ماتكتب شئ

ساجده
من امريكا تقول مدونتي منوره تسلمين ياهو
مرورك الاروع وتواجدك هنا غير كل الشكر

اتعبت حسادي
الله يبارك فيك شايفين الناس الذوق مرتين بفتره
قليله دازه تقييم ياهو تعلمو منها مشكور وربي
بنت ديرتي !

السليمان
هلا والله حياك الله وانت الصادق الربوع حلاته
انه مايمر الى اربع مرات ف الشهر

*** الوسمي *** · 02-05-2012, 09:31 AM

مشكلة البعض يرى الاخرين من زاويه وحده
يعني لا يرى الى ما لايعجبه في الشخص

يستغرب حين يرى الاخرين يمدحون في
نفس الأدمي وهو الوحيد الذي يراه لا يستحق !

من هنا دعوه لكل من ساقته الخطوه ودخل هنا
ان نصفي النيه تجاه الجميع ان لا نتصيد

اخطائهم لمجدر اننا اختلفنا معهم يوما ما !

نعم الاختلاف يوصلنا في الغالب الى طريق
واحد وهو التنافر الى من رحم ربي !

لسنا معصومين من الخطأ وكلنا نخطئ
وهذه نعمه لان اخطائنا تعرفنا اكثر على الصواب !

لا يزعل الواحد لو جاه من يقول له اخطأت
فلو انك لم تكن تهمه لتركك تدرعم على اولك

وما قال لك وقف تراك غلطان احمد ربك
ان فيه ناس مازالت تهتم بك حتى الان

<< بالله وش ورايكم ف اللغه العربيه
يوم تدخل عليها العاميه حوسه صح

*** الوسمي *** · 02-05-2012, 09:42 AM

اعشق الهوشات اللي تصير بيننا في الكوره
شي وربي بس المشكله من الناس اللي تزعل تقول

انك تسب اهله يوم تحش في ناديه او تتريق
على واحد من لعبيتهم

المشكله ساعات توصل للمضارب بسبب ها الكوره
مدري وش المشكله ياخي

ذحين الكوره حلاتها انك تسحب في واحد هلالي
ولا شبابي ولا اهلاوي

ايه الاتحاديه اصحابي ما قد سحبت فيهم

يعني يوم نقول للهلال فريق محلي وش محرق رز الهلاليه
محد قال لهم يصمون عشر سنين

يوم نقول للشبابين جمهورك قليل بالله احد طرد احد من الملعب

الاهلي يوم نقول لهم انتم توصلون لين
الدور قبل الاخير ثم تطيحون على روسكم !

*** الوسمي *** · 02-05-2012, 01:53 PM

ها الاسبوع عدى بسرعه مدري عشان ايش !
يمكن يكون عشان النصر ماكل الجو ع الكل

عسى يجمل اليوم الاتحاد ويفرمل الاوزبك
وتكل بتتويج الريال بالدوري

يعني ها الاسبوعين ماشيه معاي صح الامور
ف الكوره كل الفرق اللي اشجع

ماسكين الخط صح حتى فريق الشباب
عندنا بالحاره واصلين دور الاربعه

نفسي بشئ اسويه وشكلي بجربه هنا
عشان عارف امون على كم واحد

بس كلها يومين وبعدين ارجع الامور
لوضعها الطبيعي

بتعمل التهكير وبجرب فيذا المنتدى
بس اص لحد يدري اخاف اجيب العيد

اوما نفسي اتعلم التهكير << حلو تهكير من هكر

اعذروه تو راجع والشمس لعبت براسه

هيه يابو الشباب ابعد انت خلني اهايط براحتي ههههههههاي

تذكرت مره واحد ازعجني هنا يبغاني
اهكر له بريد واحد ثاني مدري مين مكذب عليه
وقايل له اني هكر يمكن مضيع ابو الشباب !

المشكله دخلت معاه جو وكملت معاه ابغى اشوف لوين
يبغى يوصل عرفت انه متزاعل مع خوييه

في سالفه بلها ويبي يهكر ايميله
وربي ناس مرفعه بجد قلته لا صحيت المغرب اهكر
لك الايميل وصدق وربي بعد كم يوم ارسل لي

يقول هاه وش صار قلت مع نفسك
ترى اللي يكلمك من جنب القده بس ابي اعرف سالفتك

قعد يسب وماعاد شفته اذا كان
يقرا ها الكلام ودي اكلمه ذحين بعد ماصرت هكر متمكن

*** الوسمي *** · 02-05-2012, 02:04 PM

عشان دوامي انتهى واليوم ربوووع

*** الوسمي *** · 05-05-2012, 11:54 AM

صبحكم الله بكل خير مع ها الظهر !
اليوم انشغلت وتو داخل للمدونه

تشكرات هذا كبرها للعالم اللي مفضيه نفسها
وقاعده تدز من الاعجاب

بعدين المكان صاير فاضي تقريبا هنا
الدوافير كلهم اختفو شكلها عين نفر

طير دافورات المنتدى ماني شايفهم هنا
حتى دانه سكن المنتدى هذا ما صرت اشوفها تحوس فيذا

حنين وصافي ولنو وطيف كمان ما عاد لهن حس
مفحطه شكلها مضيعه ناقتها ومصرقعه شكلها عقلت

ياسمينه كمان زمان ما اشوف لها شئ هنا
نفر ترى حكمت عليك تسوي عشا
وتعزم العالم كلهم بنشوف لهم حل

وليه غايبات من فتره ماصارات اختبارات

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget