تويت
عادل تنحى على جنب علشان تمر وفاتن قامت تتفحص فيه من فوقه لتحته وكعادتها دائما..
عادل اللي كان على جنب استغرب منها ليش مامشت لفت وجهه ولقاها تناظره قام يناظرها مثل ماتناظره.....
عادل/ممكن ادخل؟
فاتن/وانا ماسكتك؟؟ادخل؟
عادل/......
فاتن/لايكون انت سعود وانا مدري؟
عادل بخوف/لا انا عادل صاحب خالد......
فاتن ذاكرتها تسترجع معلوماتها بسرعة (مرتبط ولا مو مرتبط؟؟؟ماسمعت هيفوا قالت انه خطب لو تزوج خلنا نشبك ونشوف)
فاتن/أي سمعت عنك كثير؟
عادل/عني انا؟؟؟
فاتن/أي من عبود؟؟؟دايم يقول عمي عادل وعمي عادل يحبك مووت ها الولد وزين اللي شفناك؟
(عصرت مخها تبي تذكر مرة قال لها عبود عمي عادل ماتذكرت بس يالله تمشي حالها )
عادل/عبود....انتي خالته؟
فاتن/لا انا بنت خالة امه وصديقتها وصديقة عمته مها بعد يعني يعرفني من كل الاتجاهات...الا شكل تحبه كثير؟
عادل/أي وشلون ماحبه وهو ولد اخوي..خالد اخوي مو صاحبي ....
فاتن/بس شكله مايسولف لك عني رغم انه يحبني اكثر من امه..هذا كله مطيح عندي من كثر ماهو متعلق فيني؟
هند/يالله..
لفت فاتن لهند اللي طلعت وهي ودهالو تذبحها اللي جت بها الوقت بس شتسوي امرها لله مع ها الحظ المايل؟؟؟؟؟؟؟
فاتن/يالله....فرصة سعيدة اخ عادل...
///////////////////////////////////////////////////////////مر اسبوعين والوضع على ماهو عليه خالد مقضيها تلفونات مع هيفاء ومو قاوي يفتح موضوع زواجه بسبب احوال البيت المضطربة ,,,
مشاري وعلى حاله بتخويف الجدة بشكل يويم لدرجة انها قربت تتجنن بس باخر ايامها صارت تستخدم عصاها ويوم شاف انها تضرب بقوة قرر انه يشوف خطة ثانية بدل ها الضرب اللي ياخذه منها....
هنادي ومحمد واتفقوا على الي قررته هنادي وراحوا سكنوا في بيتهم الجديد بدون علم أي شخص من بيت ام محمد امه وسارة ظلت في بيت اهلها ويروحون لها كل خميس وجمعة لان اهل هنادي كانوا عارفين بها الشي اللي طلبته......
/////////////////////////////////////////////////////////////////مشاري/ياسلام.....الليلة محمد بيرجع..
هند/والله اشتقنا له الغالي؟
الجدة/المفروض نملي البيت حلويات علشانه؟
هبة/مايحتاج بعد يوم و بيجينا رمضان وبتاكلين حلويات مثل ماتبين؟
الجدة/الله ياشهر الخير بتجينا وبنفرح فيك وبعدها بننتظر العيد..
مشاري/انا ابي اعرف انتي مو كبرتي ليش للحين تاخذين عيدية بدل ماتوزعين علينا؟؟
الجدة/سكر الموضوع وقوم روح مع ابوك المطار وجيب اخوك؟
مشاري/الله ياخذ احمد سوى حركة نذالة ومر ابوي واخذه معه بيوديه المطار طنشوني؟؟
هند/عيب؟؟هو وش عرفه انك تبي تروح اذا راز وجهك معنا؟؟؟
مشاري/الله واكبر,,,,,
*************بعد نص ساعة وصلوا من المطار وكانوا في البيت ينتظرون وصوله على احر من الجمر صار له غايب عنهم قريب الشهرين....
محمد/ياهل البيت..ياهل البيت انا وصلت؟
فزوا كلهم من سمعوا صوته وتجمعوا حواليه..وامه اخذته بحضنها ومافكته...
هند/يمه خلاص دوري اللحين....
محمد بفرح/اشتقت لكم كلكم........شلونكم شخباركم...وحشتوني مووت,,,,,جدتي شلونك..جبت لك حلويات مصر تتسلين فيها باخر الليل....
عبود ياعمري تعال شلون رجلك ماصارت طيبة...جبت لك العاب كثيرة انت وسارة...اوه ه سارونة هنا بعد...شلونك عمر ي وشلون امك وابوك وينها ماجت معكم.....
كان متلهف عليهم اكثر من لهفتهم هم عليهوصار كل شوي يلف على واحد وياخذ اخباره ويقوله وش جاب له من مصر من هدايا وتذكارات...وانقضت الليلة على خير بعد ماتعشوا وسولف لهم عن الاهرامات ووين راح وشنو شاف وكلهم يسمعون له بلهفة وحب وحنان....
وبعدها كل واحد راح فراشه استعداد لشهر رمضان اللي داخل عليهم
وبغرفة هيفاء...
هيفاء/مابغيت تنام ياعبود؟؟؟؟؟واخيرا ساخلد للنوم ؟؟؟
دق دق دق...
هيفاء/منو..
محمد/انا محمد...
فتحت له الباب.....
هيفاء/هلا..
محمد بارتبك/هيفاء في احد دخل غرفتي بغيابي؟
هيفاء/لا..ليش؟
محمد/متاكدة؟
هيفاء/أي متاكدة؟؟ليش تسال؟؟ماحد دخلها غير امي يوم ترتبها؟
محمد/لاغير امي ....امي ماتحرك باغراضي ابدا لانها عارفة اني احب كل شي مثل ماتركته!!!في احد غيرها دخل وحاس باغراضي؟؟؟
هيفاء حست بالخوف/انت مفتقد شي؟
محمد/قولي الصدق؟
هيفاء/في شي ضايع منك؟
محمد/أي.....
هيفاء/شنو؟
محمد/ماراح اقولك...انتي قوليلي منو اللي دخلها؟
هيفاء بخوف/وماتعصب علي؟؟؟
محمد/ترى ان طلع ولدك اللي شال الوردة ولعب فيها وبعدها رميتيها اللي ارميك انتي وولدك انتي ماتدرين وش معزتها عندي!!!!كان يتكلم بتاثر كبي وبلهجة حزن وتقطعت هيفاء عليه
هيفاء/لا...ماحد دخل دارك غير......مها؟
محمد/مها!!!!!!!!!ليش؟
هيفاء/كانت مصرة انها تسمع صوتك قبل لاتتزوج بليلة ويوم رفضت اني البي لها ها الطلب ترجتني اخليها تدخل غرفتك.....محمد انا اسفة بس اكيد انها هي اللي شالتها معها يوم طلعت من الغرفة.....
محمد تنهد ونزل راسه بالارض وماقال شي.....
هيفاء/خلاص اقولها بكرة تطرشها مع عمتي يامحمد لاتزعل نفسك؟
محمد/مرتاحة معه؟؟؟؟مقصر عليها بشي؟؟؟؟مخليها عايشة مثل الاميرات!!!
هيفاء/محمد روح نام وبكرة بنسولف؟
محمد/عن منو؟؟عن مها؟؟؟لا ياهيفاء لا؟؟انا شلتها من بالي نهائيا...يكفي انها باعتني ورفضتني.وراحت لرجال غيري ..خلاص مالها مكان بقلبي..مقدر افكر فيها؟
هيفاء/مها تطلقت يامحمد تطلقت؟؟
محمد بفزع/تطلقت؟؟؟؟متى وليش؟؟؟
هيفاء/متى بنفس اليوم اللي تزوجت فيه؟؟ليش هي الوحيدة اللي راح تجاوبك على ها السؤال يامحمد؟؟؟
كانت عارفة اسباب طلاق مها بس بعد شايفة مها بعيون اخوها للحين وفكرت ان من الاحسن انهم يشوفون بعض ويتكلمون مع بعض؟؟؟
محمد/شلون يعني بنفس اليوم تطلقت؟
هيفاء/ملك عليها الصبح وطلبت الطلاق الليل؟؟مادخلت عليه يامحمد....
محمد ظل ساكت ومحتار وتنهد وراح غرفته....
وهو اللي مقرر يرجع ويكون علاقات جديدة مع الكل ابتداء من البيت..هنادي ويرجع صداقته معها من جديد...هيفاء وينسون كل اللي صار..خالد وبعد يبتدي من جديد بمرحلة ثانية معه..مرحلة عاشوها قبل طلاقه من اخته,,مها ونسيانها للابد مدامها على ذمة رجال ثاني ومدامها رفضته من الاساس!!!بس ها الخبر غير كل المفاهيم؟؟؟مها تطلقت وبنفس اليوم اللي تزوجت فيه؟؟؟ليش يامها ليش؟؟؟؟؟؟
//////////////////////////////////////////////////////////////المغرب على طاولة الطعام..
الجدة/وين الثريد يابنات؟؟
هند حطت صحن السموبسة/جدتي هذا احنا نشتغل من صبح الله؟
الجدة/متدرون ان اول يوم جوع والواحد مايتحمل أي تاخير؟؟؟
هبة/أي بس باقي خمس دقايق على الفطور ياجدتي؟؟
كانت قاعدة على السفرة مع بو محمد ومحمد ومشاري والبنات مع امهم بالمطبخ.....
مشاري/انا مابي اتكلم لافطر؟؟؟
الجدة/زين شوفيها خلصت اللقيمات لو بعد!!شكلنا بنمو ت من الجوع اليوم؟؟؟
هبة/يمه...لاتصارخين اذا دخلت لهم المطبخ يطلعوني يقولون انا اخرهم.....
الجدة/انا احب السفرة كلها ملايانة اكل مو كذا مسوين لنا اشياء بسيطة؟؟؟سمبوسة وكباب وكبة وبروستد ومدري شنو؟؟؟هذا اكل عيال نبي اطباق رئيسية؟؟؟مابي شوربة وخروها عني؟؟؟
هيفاء طلعت بالثريد وحطته وقعدت..
ام محمد جابت الهريس وقعدت
الجدة/وين اهم شي بالسفرة؟
ناظروا في بعض...
ابو محمد مسكين على نياته/يمه كاهو التمر جنبك شكلك ماشفتيه؟
الجدة/تمر بعينك انا مابي تمر؟
هند/شكلك تسالين عن هذا جدتي؟؟
وجت هند بالفيمتوا وضحكت الجدة/أي والله هذا اهم شي على السفرة....
مشاري/انا بفطر بسرعة وبقوم احجز التلفزيون؟
الجدة/مالك امل بنشاهد طاش وكلكم تقعدون ماحد يتخلف ويروح بدخل المجلس يشاهد؟
هند/يالله عاد جينا للعذاب ماغير المحطة اللي تعجبها تحطها والزامي نشاهد معها؟
الجدة/سويت لكم قائمة بالمسلاسلات اللي بنشوفها ها السنة؟
محمد/يالله لك الحمد؟
الجدة/بنشاهد فضة وقلبها ابيض شكلها مسيكينة تكسر الخاطر؟
مشاري/صحيح الليلة بيجينا ضيف؟
ابو محمد/منو؟
مشاري/واحد من ربعي بيجي مع اهله؟
ام محمد/ليش؟
مشاري/بيجي يخطب؟
محمد/يخطب منو؟
مشاري/ماقال لي بس قال بيخطب؟
الجدة/منو فيهم؟
مشاري/حسان اللي كل ماشفتيه واقف عند بيتهم خليتيه يوديك بقالة ولامركز ابو عشرة؟
الجدة/أي عرفته..هالشيفة ومنو يبون ان شاءالله؟
مشاري/شيفة ها؟؟؟؟بعدين نشوف....
////////////////////////////////
على الساعة تسع ونص...
مشاري/جدتي تعالي شوي؟
الجدة/ماتشوفين اشاهد؟
مشاري/يبون يشوفونك الناس؟
الجدة/أي ناس؟
مشاري/انتي تعالي ولاتكثرين اسئلة بس ابيك تثقلين وموتسوين حركات مياعة زايدة عن اللزوم؟
طلعت معه الجدة وسط استغراب الباقين وهبة لحقتهم علشان تعرف الخبر
وكانوا بالخيمة محمد وابوه قاعدين وهم مستغربين وبعيد عنهم رجال شايب معه ثنين ماسكينه حسان وواحد اصغر منه..
ووصلت الجدة..
مشاري/يمه هذا ولد خالة ابو حسان جاي يخطبك شقلتي؟
الجدة بحيا/يخطبني انا؟؟؟؟؟؟؟؟؟
مشاري بنفخة/أي ياشيخة البنات شقلتي؟؟؟
الجدة استحت ودخلت......
مشاري فقعها ضحكة مع حسان..
حسان/زين انه لايشوف ولايسمع بعد!!!اول ماتعطيك نصيبك لاتنساني؟؟قوم ياولد عاوني عليه خلني ارده مكان ماجبته,,
بعد ماطلعوا...
ابو محمد/انت ماتستحي على طولك جايب لي واحد من ربعك ومسوي روحك انهم بيخطبون جدتك؟
مشاري/مافي غير ها الحل علشان تخليني اتحكم بالتلفزيون برمضان!!!كذا بتقعد تفكر بالمعرس وبتخلينا على كيفنا وبتصير تحت رحمتي ومالها مفر مني؟؟؟؟؟
/////////////////////////////////////////////////////////////
تنتظر كلمة احبك شايفك مشغول فيها كل شي بوقته حلو ليش مستعجل عليها؟؟؟منو بيقولها لمنو...
كيف بتمضي ايام العيد عليهم وطلعة البر كيف بتكون اجواها عليهم كلهم وليش بيروحون ابو محمد وعياله لام خالد بيتها وهل بيلتقي محمد ومها من جديد ولاخلاص النهاية صارت من زمان؟؟؟؟
تعليق