تويت
احمد/لاتقولين بعدك نايمة؟؟؟بذبحك ترى؟
هند بزعل/لاقاعدة ماني بنايمة؟
احمد/وش فيك اسم الله عليك تتراقص شياطينك قدامك؟
هند/ولاشي..
احمد/قولي بس قولي منو طاقك؟
هند بعصبية/ماحد طقني؟
احمد بمرح/لاوالله شكله خالي ناسف غترته على ضهرك؟؟اعترفي بس يالله؟
هند/قلت لك محد طقني هذا محمد مدري وش فيه معصب وحط ناره فيني انا؟؟؟
احمد بجدية/وش قال لك؟
هند//مابي اقول؟
احمد/واذا قلت لك اني ملزم اعرف؟
هند/مابي اتكلم بخصوصيات بيتنا؟
احمد بنرفزة/طيب يامحمد تشيطر على هند وبتشوف؟؟؟
هند/شتقصد؟
احمد/تبين شي من سعد الدين؟
هند/ها..
احمد/انا واقف عند سعد الدين تبين شي اجيبه لك لاني بجي بعد شوي بيتكم؟
هند/اممم..شيز كيك بالتوت؟
احمد بحب/تبيني انا ولاهي؟
هند بعصبية/خلاص مابي شي انا الغلطانة...
احمد/هههههههههههههه
////////////////////////////////////////////
هنادي/طيب حرف السين حرف شنو؟
عبود/السمكة؟
هيفاء/شاطر ياقلبي...طيب وحرف الدال؟
عبود/اممممممم دانيت...
هيفاء/ههه وغيره؟
الجدة/ليش ولدك يعرف غير الاكل بحياته؟
هيفاء كانت مطنشة الجدة على الاخر والجدة مافي كرامة ومصرة انها ماغلطت ابدا!!!
هيفاء/وغيره حبيب فكر....حيوان بحديقة الحيوان كبير يخوف...
عبود/دب...
هيفاء/شاطر حبيبي تعاتل ببوسك..
الجدة/الدب اللي انت مثله كل ماكلت صرت مثل جسمه؟؟؟بس انت اخر شي بتنفجر؟
هيفاء/طيب واحد اذا جمعناه مع الثلاثة كم يعطينا؟
عبود مد اصابعه/هذولا كم شوفي..
هيفاء مسكت اصابع يده/انت عدهم...هذا واحد..وهذا اثنين وهذا ثلاثة..وهذا واحد..كم صاروا؟
عبود/اربعة؟
هيفاء/ياقلبي عليك؟طيب اثنين نجمعهم مع اثنين كم يعطونا؟
عبود/هذا واحد..وهذا واحد وهذا واحد..وهذا واحد..اربعة....
هيفاء/ياعمري انت ..
عبود/مامما هيفاء انتي ماعندك راي تمشين عليه؟قبل شوي جمعنا الواحد مع الثلاثة وصاروا اربعة واللحين جمعنا اثنين مع اثنين وصاروا اربعة بعد!!!
هيفاء/هههه تدري انك قشطة...تعال ببوسك...
اخذت عبود وحضنته بقوة وقامت تبوس فيه وهو معترض يبي يقوم..
عبود/فكيني..لا فكيني مابيك تبوسيني انا صرت رجال؟
هيفاء/والله!!يعني بكرة ماتبي تروح معي للكورنيش اذا رحت مع فاتن؟
حضنها عبود بقوة وهو اللي قام يبوسها/انا كنت امزح معك ماما ..انا بعدني صغير؟؟؟
هيفاء/ههههههه
الجدة/والله مالكم سالفة كل شوي وتحضنون في بعض وتبوسون بعض؟؟؟مصاخة؟؟؟؟
دق جوال هيفاء وكان خالد داز لها مسج(اذا صارت لك رغبة تخليني اشوف عبود ترى انا بكون منتظر لاني بجد ودي اشوفه)
ردت عليه(اليوم لاتنتظر ماتوقع...بكرة فيك تشوفه مثل ماتبي)
دق جرس الباب ومشاري كان بالحديقة وهو اللي فتح الباب ودخل بعدها الصالة
مشاري/هيفاء روحي غرفتك هذا احمد ولد عمتي جاي ويقول بيسلم على جدتي وبيمشي؟
هيفاء/بقوم انت اقعد سلم على عمك طيب...
ركبت غرفتها ونزل محمد بيطلع...والتقى باحمد اللي عيون الجدة زاغت من شافت اكياس سعد الدين بيده وقامت تهلل وترحب...
محمد/استريح ليش مستعجل؟
احمد/لا معليش وراي مشوار للمستشفى؟
محمد/عسى ماشر؟
احمد هس لمحمد/لاوالله بس يد مها اليوم بيفكون الجبيرة من على يدها وخبرك انا اللي كاسر يدها ياليتني بس موتها وافتكيت منها...
محمد بعصبية/وش ها الكلام ياحمد؟
احمد بضحكة وهو مستغرب من نفسه/بيني وبينك البنات مايجيبون غير الهم بالدنيا!!!!تبين شي ياجدتي؟
الجدة/سلامتك يالحنون سلامتك؟(قالتها وهي حاضنة اكياس سعد الدين )
طلع احمد وترك محمد يغلي بناره...احمد هو اللي كسر يد مها؟؟؟معقولة؟؟طيب وليش ماقالت لي؟؟؟؟معقولة كانت منحرجة تقولي ان اخوها هو اللي كسر يدها؟؟؟؟؟
///////////////////////////////////////////////////////////////دخل محمد الغرفة بعد هنادي بشوي وكانت واقفة عند الباب بدون ماتتحرك ودموعها طايحة على خدها...
محمد بخوف/هنادي.....انا اس...
هنادي بانفعال/محمد هي كلمة وحدة وريحني عاد؟؟
محمد/.......
هنادي بعد تردد طويل/طلقني....طلقني وخليني ارتاح وريح نفسك؟؟؟؟انا ماعدت طايقة نفسي ولاعيشتي بها الوضع ابدا!!!!كنت احلم بالبيت اللي بنتقل له وبخلص من ها الوضع؟؟وكاهو البيت راح...يعني ماراح اقدر اكمل باقي عيشتي كذا وبها الطريقة...فالحل الانسب لك ولي ان احنا نعيش كل واحد بحاله وبطريق منفصل عن الثاني يامحمد؟؟؟تكفى طلقني وريحني؟؟؟؟
محمد/؟؟؟؟؟؟؟؟؟؟؟؟؟؟؟؟؟؟؟
//////////////////////////////////////////////////////////////اليوم الثاني على الكورنيش بعد صلاة المغرب....
فاتن/هيفوا..وين عبود ماقلتيلي انك راح تجين معه؟
هيفاء ناظرت بالجهة الثانية اللي فيها مراجيح وكان عبود يلعب مع ابوه خالد.....
فاتن/ماقلتيلي انه بيكون موجود؟
هيفاء/انا بعد مدري عنه....كلمني العصر وقال انه يبي يشوف عبود قلت له انا ماراح ارد البيت بطلع من المستشفى على الساعة سبع وبروح الكورنيش امشي ساعة مع فاتن وبعدها برد شوف انت متى يناسبك...الظاهر انه عجبته الفكرة و..
فاتن قعدت جنبها/وش فيك زعلانة ومضيقة خلقك؟
هيفاء بضيق/ولاشي؟؟
فاتن/كذبي على العالم بس مو علي؟؟؟
هيفاء بضيق/طول الامس وهو يبي ابوه ويحلم فيه....واليوم يوم جيت هنا وشفتهم ماكانه يعرفني ولاحتى ناظر بوجهي ولافرح يوم شافني لازق في ابوه وخايف انه يتحرك خطوة عنه؟؟؟؟عبود تعلق بابوه وشكله بيتركني يافاتن؟
فاتن بضحة/وش تبين فيه يبنت الناس خله يولي مع ابوه؟؟؟؟وافتكي من همه ومن مشاكله وانبسطي,,,مسوية روحك بنت اربعين سنة وانتي توك يادوب على عتبات العشرين ياهيفاء مايصير كذا؟؟؟خلاص خلي خالد يتحمل مسؤليته وانتي فكري بحياتك؟؟
كانت هيفاء تسمع وهي شاردة..شتقولين يافتن وانتي
مو حاسة باحاسيسي ومشاعري..انا ام..وجبته بروحي بعيد عن ابوه وربيته لين كبر وعرف الالف من الباء والواحد من الاثنين؟؟؟مايجوز يجي خالد ويغيره علي بها السرعة مايجوز؟؟؟؟
فاتن/ياعالم ياناس؟؟وين سرحتي بالله؟
هيفاء/ولاشي...بس كنت اقول ربينا ودلعنا وقلنا النهاية خير...واخرها بايعنا ورايح لحضن الغير؟؟؟
فاتن/من صدقك انتي؟؟؟؟
عبود/ماما...
لفوا ثنتينهم لعبود اللي كان واقف وراهم وخالد بعيد عنه شوي...
هيفاء/هلا حبيبي...
عبود/وش تبين تاكلين؟
هيفاء/مابي شي انا شبعانة؟
عبود باصرار/لا..لازم تبين شي؟
هيفاء/قلت لك مابي شبعانة؟
عبود/فاتن قولي لها...البابا قال لي بيشتريلي وبيشتريلك بعد؟
هيفاء/قوله امي موراضية؟تقول انها اكلت بالمستشفى عطيني بس انا؟
فاتن/ماتبي ترجع البيت احنا بنرجع اللحين؟
عبود/لا بنام مع بابا خالد؟
هيفاء/ومين بيقولك قصة قبل لاتنام ؟؟
عبود/مو لازم اسمع قصة قبل لانام!!!!
هيفاء كبتت زعلها بقلبها وقالت لفاتن تقوم لانها ماتبي تطول الجو حار؟؟
فاتن/يالله...
خالد شافهم واقفين ...
خالد/على وين ؟
هيفاء بعصبية بوجه خالد/على جهنم الحمرة انت وش لك فيه؟
خالد وقف مكانه...وقال بزعل/انا اسف اذا كنت زعلتك يوم جينا هنا..بس توقعتك تفرحين اذا شفتي عبود يلعب قدامك؟
هيفاء بقمة العصبية/افرح؟؟؟تبيني افرح اذا شفت ولدي يضيع مني ويروح لك؟؟؟
////////////////////////////////////////////////////////////////////////////////////////////////////////////
وش بيصير بين خالد وهيفاء بعد ها الموقف ؟؟؟
هنادي ومحمد وهل بيكون الطلاق هو الحل النهائي لمشاكلهم؟؟؟
مصارحة خالد اهله انه يبي يرد هيفاء كيف بتكون وشنو ردات الفعل اللي بتصير وليش؟؟؟
مها وبداية الصدود لمحمد ياترى وش راح تكون النهاية؟؟؟
(ابي امرض باي طريقة ياعادل دبرني؟؟بيقولها خالد لعادل ياترى ويش يبي من هيفاء اذا راح المستشفى وشنو راح يكون بينهم)
تعليق