تويت
هيفاء/انا اموت واعرف ليه كان ....
فاتن/شنو؟
هيفاء/مدري هو يعاندني..ولا يبي يكسر كلامي..ولا شنو بالضبط!!!!انا اقوله عبود تعال وهو يقوله انت اسمك عبدالله مو عبود..,المصيبة ان عبدالله فرحان مووت فيه وكانه فخور انه عطاه وجه؟
فاتن/ماتوقع ان هذا الشي اللي مضايقك مووت ؟؟في شي ثاني صح؟؟
هيفاء تنهدت من قلب وحست بالضعف لحظتها/يقول ان الاوراق الرسمية بس هي اللي تقول عبدالله ولده!!!!!!!!
صارت عيونهم بعيون بعض وهيفاء عجزت تمسك دموعها بذيك اللحظة.....
هيفاء من بين دموعها/كلمة طلعت منه ماطلعت من العدو يافاتن؟؟؟؟؟؟؟
///////////////////////////////مر اليوم سريع بما فيه من روتين عادي ووصلت المغرب طائرة ابو خالد وام خالد بالسلامة وكملوا سهرتهم مع بعض.......
//////////////////////////////////////////////////////////////يوم السبت,,,,
بشركة خالد,,,,
السكرتير/استاذ خالد..الاخ عادل ينتظرك برى...
خالد/هذا ماتخليه ينتظر هذا تدخله علطول؟؟
السكرتير/حاضر استاذ خالد.....
طلع السكرتير وبعد ثواني قصيرة بس دخل عادل وهو يضحك.....
عادل/ان شاءالله بتسوي لي فيها مدير ومواعيد يبى؟؟؟
خالد وهو يضحك/هههههه لايبيلك تسامحنا ها المرة....
عادل بعد ماجلس وناظر بصورة عبدالله ابتسم/علشان ها الولد بس وضحكته مسامحينك؟
خالد يبي يغير الموضوع/انت ماتترك وظيفة الحكومة وتجي تشتغل عندنا هنا؟
عادل/لا يبى واللي يعافيك لو شتعطوني ماراح اجي...مامن ازين من دوام الحكومة..شوف ماجت الساعة ثنتين الا وانا عندك بالشركة بلا دوام طويل بلا دوام ثاني بلا بطيخ!!!
خالد/هههه بكيفك علشان ماتقول اني ماعرضت عليك الموضوع؟
عادل/الا كيف الاهل ياخالد....شخبار رحلتهم؟
خالد/الحمد لله ارتاحوا شوي من جو البيت والعمل....وسالوا عنك البارح,,,بس ترى اليوم ماعندك حجة غذاك وعشاك بيكونون عندنا بالبيت!!!
عادل/ليه عاد؟؟؟
خالد/عمامي ثنينهم وعماتي وازواجهم اليوم اكيد بيجون يتغذون في البيت مع ابوي...عاد انت قبل الكل ياعادل؟؟؟
عادل/لاتحرجني ياخالد الله يخليك؟
خالد/انا من صدقي اتكلم...
عادل/أي بس بتكونون كلكم اهل انا شنو يدخلني بينكم؟
خالد/انت قبل الاهل وانا قلتها ياعادل؟؟؟واذا تبيني اعيدها بعيدها!!
عادل/أي بس انا اليوم ماني بروحي عندي ضيف اصلا!!!
خالد/يبى انت وضيفك حياكم!!!البيت بيتك ياعادل من زمان شفيك؟
عادل/بس يمكن انك ماتتفق مع ضيفي ياخالد ساعتها بمون محرج منك وانا بوسط بيتك؟
خالد/يكفي انه ضيفك ياعادل وبحبه لها السبب بس!!!وبتقبله علشانك ..وش تبي بعد..يبى وعد ماراح يصير الا كل خير....
************************************************في بيت العواد..
مها/يمه..
ام خالد وهي تحوس ترتب بالاغراض/تينا ودي هاذي السلة هناك بالنص....نعم يمه مها؟
مها/يمه عزمتوا خالي وعياله للغذى؟
ام خالد/يوم انه يجيني البارحة كلمته وقلت له بس ماراح يجي وقال العيال اذا بيجون يجون ماعندي مانع....
مها/يعني بيجون ولالا؟؟؟
ام خالد/وانتي وشعليك من عيال خالك؟؟؟؟
مها/ها لا...بس كذا لقافة....يمه ابوي وخالي مايتفقون ابدا...ومايحبون بعض ليه؟؟؟
ام خالد/روحي خلصي شغلك قبل لايجون عماتك تعرفينهم قبل لاياذن الظهر بتلاقينهم بنص البيت!!!
مها/طيب.....
//////////////////////////////////////////////////////////////وقت الغذى كان البيت ملايان رغم انهم كلهم اهل يعني عمامه ثنين وعيالهم وازواج عماته ثلاثة مع عيالهم,,,,,
خالد/احمد انت وين طالع بها الضهر وتارك المعازيم؟؟
احمد/ها..لا بس انا عازم واحد من ربعي وهو واقف عند الاشارة مايدل البيت اول مرة يجي؟؟
خالد/اكيد عند الاشارة!!!!
احمد بثقة/أي....
خالد/اذا كذا السالفة معليش بس اذا غير كذا ترى بزعل منك؟؟
احمد/لالالا اكيد صدقني..عشر دقايق وانا عندك...
خالد/عشر دقايق!!!ليه عاد الاشارة هنا؟؟؟مامداه احمد يسمع لانه قال كلمته وطلع بسرعة؟؟
سعود/هلا خالد..
لف خالد/هلا والله بولد العم...شلونك
سعود/تمام انت شلونك...شخبار الشركة
خالد/والله الحمد لله..ماشي الحال
سعود/وشخبار الاهل؟
خالد عارف انه يقصد مها /الحمد لله كلهم طيبين ومرتاحين...حياك المجلس لاتوقف بالشمس.....
مرت اكثر من عشر دقايق ودخل احمد...
خالد/تعال هنا...
احمد ببتاسمة/هلا..
خالد/عشر دقايق ها؟؟؟
احمد/شسوي زحمة الطريق.....
عادل من عند الباب/خالد..
لف خالد لعادل وابتسم وهو يمشي ناحيته وقف مكانه!!!تدرون ليش؟؟؟
لان خالد كان يناظر بالضيف اللي جايبه معه عادل....
كانت يد عادل ماسكة يد عبدالله ولد خالد وهو لابس ثوب مثل الرجاجيل...
عادل/اذا بيزعلك وجوده ماله داعي ندخل!!!وصدقني ماراح اكون زعلان؟؟
خالد تنهد وغمض عيونه وصار في باله الموقف اللي قبل يومين بينه وبين هيفاء في بيتهم وبعدين موقف عبدالله مع جدته ويوم يصارخ عليه....
خالد/حياك ياعادل..قلت لك ضيفك ضيفي ومابتضايق من وجوده علشانك انت؟؟وانا رجال وعند كلمتي!!!
ابتسم عادل ومن ورى خالد ابتسم احمد...
عادل يكلم عبدالله/روح سوي سلام لبابا خالد عبادي؟؟؟
عبدالله مسك يد عادل بقوة ولف له/لا...
عادل/ليه؟؟
عبدالله/لا...
عادل/بعدين مافي العاب مثل ماقلت لك؟؟
تردد عبدالله هني....بس فيها السالفة العاب تقدم من خالد ومسك يد وباسها/سلام عليكم بابا خالد....
خالد بدون مايناظره/وعليكم السلام..
عبدالله مانتظر اكثر رجع لعند عادل بسرعة..
خالد/انت من زمان تشوفه ياعادل...شكله متعود عليك؟
عادل/طبعا من زمان اشوفه واطلع معه..انت ناسي اني عمه ياخالد وانه ولد اعز صديق لي!!!!كنت دايم اخلي احمد يجيبه عندي ونطلع مع بعض...ماتشوفه متعلق فيني....
لف خالد لاحمد اللي ابتسم بدوره..
احمد/يالله ياجماعة لاتوقفون بالشمس!!!!خلونا ندخل علشان نقول لهم يحطون الاكل!!!
***********************************كان المجلس مليان هرج ومرج لين دخل احمد والجو عادي وبعدها دخل عادل وخالد ومعهم عبدالله وتوقفت الانظار كلها عند عبدالله!!!
ابو خالد/عبادي!!!هلا وغلا...تعال سلم...
كان عبدالله يتفحص الوجوه الغريبة اللي يشوفهم لاول مرة بحياته....
ويوم سمع صوت جده فز له وراح بحضنه....
صحيح ابو خالد كان يكره هيفاءو ابوها بس كان يحب عبدالله لانه يعتبره جزء من خالد ومن ها العيلة...
ابو خالد/جايب لك انا من مكة قطار كبير...
عبدالله/وينه؟
ابو خالد ضحك/تغذى بالاول وبعدين بعطيك اياه؟؟
عبدالله/لا اللحين؟
احمد يهمس باذن عبدالله/خلاص عبادي علشان بعدين بنروح الالعبا انا وانت وعادل زين...
عبدالله يهز راسه بمعنى انه فهم الكلام...
حمد ولد عمتهم/كبر ولدك ياخالد وصار يشبهك؟
خالد اكتفى بانه يبتسم بس بدون أي تعليق....
ابو سعود/تعال هنا ياعبدالله؟
عبدالله مسك بجده مايبي يتحرك..
ابو خالد/قوم سوي سلام حق عمك بوسعود؟؟يالله انت شاطر ولا ترى القطار ماراح اعطيك ا ياه!!
عبدالله قام وهو معصب ماغير يهددونه بالقطار وبالالعاب كل شوي!!!قام ودار على المجلس كله مرة وحدة يسلم عليهم ويبوس فيهم علشان لا كل شوي يقولون له يقوم يسلم على واحد...وبعد ماخلص قعد جنب عمه احمد وهو معصب على الاخر وكلهم ماتوا عليه ضحك.....
//////////////////////////////////////////////////////////////
تعليق