تويت
بسم الله نقول ياهادي واستروا ماواجهتو
..عرفينا عن نفسك وشخصيتك وخاصه في الطبخ ؟اعتبر نفسي مبتدئه ولكن موفقه بالطبخ ولله الحمد ..
..وجبتك المفضله؟اي شي يدخل في جبن واي شي حامض ومالح شوي
امووت بورق العنب لكن ماعمري سويته
..طبق تحبين تسوينه كثير؟امممم مادري والله مالاحظت اني افضل اسوي شي بكثره احب التنويع دائما وماكرر الشي لمده اسبوعين ويمكن مرات شهر يمر ماعيد الطبخه ..
..متى تعلمتي الطبخ؟الصدق اني امي فديتها ماقصرت من المتوسط حاولت تعلمني سويت مره مرقوق بعدين سحبت عليهم بالسنه مره اسوي لهم حلا او بيض هذا اذا سويت يعني دلع في بيت اهلي بمعنى الكلمه
..موقف طريف صار معاك في المطبخ ؟الفلفل الاسود المطحون علبته جنب علبه الهيل وكان وقتها محطوون مره وانا مستعجله بعيد عنكم سحبت تبع الهيل بحطه بالاكل بس لما وصلت القدر الحمد لله انتبهت والا كان اكلنا بنكهه الهيل
..يعتمد عليك في الطبخ او لا؟بعد الزواج ولله الحمد اصبح يعتمد علي وخاصه بعد العزايم اللي صارت عندي وماعندي احد يساعدني اكتشفت اني لما ابي شي اقدر عليه لكن انا كنت مدلعه نفسي من قبل ..
..سوي طبخه وصوريها لنا؟إذا أمكن ليس إجباري ممكن الصوره من النت ؟سويت من قبل اكثر من طبخه وعرضتها لكم وهذا روابطها
https://v.3bir.net/107513/
..نصحيه توجهينها للمبتدائات في الطبخ؟لايضيق صدرك اذا ماعرفتي شي عادي مع الوقت بيصير كل شي سهل وبتكونين سريعه وتعرفين وش تبتدين فيه بس بالبدايه انتبهوا للملح ..
..هل تستخدمي الميكرو يف؟انا اظن الميكرويف للتسخين تستخدمونه للطبخ ليه؟؟؟؟
استخدمه اذا بسخن فطائر او خبز او شي من هيك في بيت اهلي استخدمه في بيتي ماشريت بصراحه ..
..ما هو رأي أهلك أو زوجك في طبخك ؟ اهلي فديتهم ماذوقتهم طبخي بصراحه بس وحده منهم ذاقته وجاز لها
لكن وديت لهم حلا اكثر من مره واعجبهم بقوووه
زوجي الله يحفظه لي يارب .. عاجبه ولو ماكان عاجبه ماحط لي كل اسبوع عزيمه وابلشني مع خلق الله اطبخ لهم ..
وماصدق اني ماكنت اطبخ في بيت اهلي يقول شكلك متمرسه لاني اذا جيت اطبخ احسسه اني واثقه من نفسي
..ماهي نوعية الاواني التي تفضلين ان تطبخي بها؟
تيفال وبايركس
..ماهي الأكلة التي تحبها عائلتك وأنتي لا تحبيها ؟ اي شي بلحم ..
.. اول طبخه طبختيها ؟؟ماتذكر بس يمكن هي المرقوق ايام المتوسط
..كم مره احترقت الطبخه معاك ؟؟مادري يمكن مره او ثنتين .. بس حرق خفيف
.. اول كتاب طبخ اعتمدتي عليه ؟؟بعد ماصرت طباخه كتاب ام عبدالعزيز اللي هو النخبه
وبعده كتاب ام ريما
والحين شاريه كتاب المميز لام شهد
ومرات المواقع
..مين قدوتك بالمطبخ ؟؟ سؤال محرج صراحه اهلي زمان كانوا يطبخون بس الحين الشغالات الله لايخلينا بس اذا تبون افضل وحده جتنا اردواتي هذي طباخه بمعنى الكلمه
والله مادري ماشوف اني ابي اوصل للطبخ لاحد معين ابي اتميز بطريقتي
.. تحبي احد يساعدك بالطبخه ؟؟اذا بيقطع عني بدعي له والله
افضل المساعده تكون مو شغل معي انا لا بس يجهزون لي الاغراض او يقطعون لي بصل او طمام او اي شي
.. اذا خربت عليك الطبخه ايش تسوين ؟؟ ترميها ولا تضطري تاكليها؟؟والله اذا ماتتدبر ارميها واذا تمشي الحال عادي زوجي فديته ياكلها مايقول لا بس انا الدلوعه
.. من اي دوله انتي ؟؟السعوديه
وماهي الاطباق الشعبيه المشهوره في بلدك ؟؟؟التنور .. المرقوق .. القرصان .. الجريش
..وماهو الطبق الشعبي الذي ما زلتي تطبخينه وتحبينه ؟؟؟ماطبخت اي طبق شعبي بصراحه لكن احب التنور لكن بشروط .. يكون غداء يوم جمعه او فطور عيد لاني تعودت اكله بهالاوقات وغيرها ماستطعمه
.. متى كان دخولك لعبير وكيف تعرفتي على المنتدى ؟تاريخ التسجيل
01-03-2005
وتعرفت عليه ان المسن عندي خربان وكنت ابي اكلم وحده من البنات ضروري عطتني رابط الشات بالرغم اني كنت ماحب الشاتات ولا ادخلها وكان اول شات لي وبعدها دخلت للموقع وجذبني وحبيته مع العلم اني اتصفح 100 موقع لكن ماسجلت او مسجله عشان اقدر اشوف المواضيع ماشارك مثل ماشاركت بعبير
.. ما رأيك ب الفكرة لقاء وحوار مع ضيفة مطبخ عبير؟اعجبني لانه طلع الفضايح
وفكرته غريبه فيها اخذ وعطاء
..مين تختاري بعدك .. ؟امممم اختار رونه ..
يارب يكون عندها وقت وتشاركنا ...
تعليق