رد: دانه أنت حبيبة قلبي

البارت السادس والعشرون......



دنه أتضايقت من نجود: أوكي خلاص على راحتك وأنا أسفه لو كان تدخلت في شيء ما يخصني
نجود حست بأن دانه زعلت: يا الله يا دانه والله أنا أخاف أقولك وتحقدين علي
دانه باستغراب: وليش أحقد عليك أن شاء الله
نجود نزلت راسها: طيب أنا راح أقولك بس توعديني أن الموضوع ماحد راح يعرف فيه لأن زيد لو عرف أني قلت لك هو راح يذبحني والله
دانه خافت من كلام نجود: وليش أيش الي صاير بالضبط وزيد أصلا ليش زعلان منك مع أني الي أعرفه زيد يموت فيك ولا يحب الشيء الي يزعلك ولا أنا غلطانة
نجود: لا أنتي مو غلطانة بس زيد زعلان لأني ما تركته يمسني لحد الحين
دانه عقدت حواجبها: أيش! أنتي أيش تقصدين بكلامك هذا يا نجود لأني عن جد ما فهمت عليك والله؟
نجود وبكل ثقة: يعني يا طويلة العمر أخوك ألين الحين ما كمل زواجنا والحين فهمتي
دانه شهقت من قلبها: أنتي من جدك طيب ليش يا مجنونة والله لو أحد يدري عنك من أهلنا راح يذبحونك
نجود بخوف: والله أعرف بس أيش تبين أسوي بنات خالتي أتحدوني أني ما أخليه يمسني إلا في يوم دخلتك أنتي وجوهر
دانه سبلت عيونها وهي تطالع نجود: وأنتي أي أحد يقولك شيء تروحين وتسوين من جد أنتي مجنونة والله
نجود: عاد والله مجنونه ولا مو مجنونه صار الي صار وعاد يصبر الين بكره وأنا راح أعطيه الي يبي
دانه: والله ما أعرف كيف طاوعك أخوي زيد
نجود: أكذب عليك لو قلت لك أنه ما زعل والله أنه ضربني نفس يوم زواجنا وشك أني بنت بس أنا حلفت له وقلت له في أي يوم يدخل علي ويلقني موب بنت يذبحني وأمس عاد أنتي شفتي أيش صار والحين خلينا من هذا الموضوع وقومي خليني أشوف فستانك حق الزواج
دانه وبحدة: طيب بس الي سويتيه غلط يا نجود
نجود: أعرف والحين لا تتهربين وقومي ووارني الفستان
دانه بابتسامة: قومي نروح على غرفة الملابس علشان تشوفيه وبعدين أوريك هديتي الي جابها لي بابا
نجود: أوكي بس زيد أعطاك هديتك ولا باقي
دانه: وجوده جنبي يوم زواجي أحلى هدية والحين قومي علشان أوريك الفستان... المهم دانه طلبت من زيد يروح ويجيب ميسم وميساء، وهي طلعت علشان تتجهز لأن كل العيلة عندهم الليلة وأول ما وصلوا زيد نادى على ميري
ميري: نعم زيد
زيد: ميري الله يخليك خلي جوي تروح وتنادي دانه علشان أخواتها هنا
ميري: أن شاء الله
زيد: شكرا ميري وقولي لنجود أنا بتأخر ولا أقولك خلاص أنا راح أتصل عليها ... وودع البنات واخرج
ميسم لميري: لو سمحتي فين الحمام (الله يكرمكم) ميري أخذت البنات على دورة المياه وراحت وخلتهم ميساء دخلت دورة المياه وميسم فسخت عبايتها وقفت قدام المراية تمشط شعرها....
*****************************
وفي غرفة المكتب
أبو تركي: والله أني قلت الي عندي يا سعد.. وبتهديد.. قسم بالله لو ما جيت الزواج ماراح يصير لك طيب
سعد: والله يا جدي أنا ما أعرف أنت ليش معصب كذا وأنا مالي نفس أحضر الزواج وعلى فكره وجودي وعدمه كله واحد
أبو تركي وبنفس العصبية: أنا قلت لك إلي عندي وبكره أبي أشوفك في الاستقبال ومن الحين تروح وتجهز حالك والله ما ادري أيش تبي الناس يقولون علينا ولا تنسى أن هذي بنت عمك
سعد: عاد يا جدي من راقب الناس مات هم وأنا أعرف أنها بنت عمي
أبو تركي وبعصبية: سعد وبعدين معك أنت أنا قلت إلي عندي وكلامي ماراح أعيده فهمت والحين قوم وأذلف... سعد خرج من عند جده وهو معصب ويتحلطم من كلام جده بس استوقفته البنت الي كانت لابسة فستان موف قصير لحد الركبة وكان بارز جمالها وبياضاها ومحدد جسمها وكانت واقفة قدام المراية وتمشط شعرها الطويل وأول ما رفعت راسها وطالعت فيه ...سعد بلع ريقه ووقف مثل الصنم... أما ميسم فطنشت وجوده وكملت تمشيط شعرها وبعد كذا ربطته ذيل الحصان ودقت على ميساء الي نامت في الداخل وكل هذا وسعد واقف يطالع فيها وفي هذي اللحظات جات نجود وطالعت في أخوها وميسم
نجود سحبت أخوها من يده وخرجوا: أنت من جدك واقف تتفرج على البنت كذا
سعد: وأنتي أيش دخلك يا ملقوفة
نجود وبحدة: سعد والله عيب عليك تسوي كذا
سعد: أقولك أمشي أنقلعي داخل لا أوريك شغلك وأهتمي بنفسك ولا تتدخلين في أموري فهمتي وراح وخلاها
نجود بقهر: الله يستر والله... ورجعت لميسم وهي معصبة بس لقت دانه عندها
دانه وبفرح: شفتي أخواتي يا نجود
نجود وبحدة وهي تطالع ميسم: مو أنا لوحدي الي شفتها حتى أخوي سعد شافها
دانه عقدت حواجبها: شاف مين بالضبط يا نجود
نجود: أسالي أختك الي كانت واقفه تمشط شعرها ومع احترامي فرحانة بنفسها
دانه وبشوية عصبية: أيش ذا الكلام الي أسمعه يا ميسم
ميسم: والله الغلط مو مني هو الي جاء ووقف قدامي أيش كنتي تبيني أسوي ولا تنسين أني ضيفه في المكان وما عندي مكان أروح له يعني الغلط مو غلطي غلط الأستاذ الي وقف يتفرج علي
دانه طالعت نجود: والله كلام أختي صحيح يا نجود وخلي أخوك يحترم نفسه
نجود وبخبث: طيب ممكن أخوي حبها ويبيها بالحلال
دانه وبحدة: أقول يا نجودو خلي أخوك يبعد عن أختي ولا حتى يفكر فيها
نجود: ههههه أن شاء الله وبهمس لدانه / ليش تغارين يا دانه ... دانه طالعت نجود وأخذت أخواتها وتركت المكان أهم شيء دانه عرفت أهلها أبوها بخواتها والكل حبهم وبعد ما أتعشوا... نجود وزيد ورجعوهم على الفندق أما دانه فطلعت لغرفتها ونامت بعد ما طلب منها أبوها تروح وتنام
*****************************
وفي مكان مو بعيد عن بيت أبو تركي....
أم سلطان: يا ولد والله أن البنت ما تنفعك
هو: حتى لو ما تنفعني أنا أبيها وما رح أخذ غيرها
أم سلطان: حسبي الله على أبليسك ترى والله أنت كبير عليها ترى البنت مره صغيره وحتى عقليتها أحسها عقلية أطفال وعلى فكره هي يمكن تحب شخص ثاني
هو: يمه ترى لو من جد تبيني أتزوج أتصلي على أمها وأخطبيها لي لأني عن جد أنا حبيت البنت وعجبتني كمان
أبو سلطان: حبيتها وعجبتك قول والله، ترى المهم هي تحبك وتنعجب فيك
أم سلطان: والله ولدي ألف وحد تتمناه وأنا مو معترضة على البنت بس أنا خايفة أنها تتعب ولدي
محمد: يمه ولدك يتعب منها والله أنه يتعب بلد بحاله وعلى فكرة أنا ماني موافق على الي تسوونه أنتي وولدك
هو وبعصبية: وأنت من سألك علشان تعطي رأيك وأهتم بأمورك انت وزوجتك ولا تتدخل فيني مثل ما أنا ما أتدخل في أمورك
أم سلطان: سعد حبيبي والله لو تأشر على أي بنت أنا راح أخطبها لك بس هذا البنت والله ما تنفع لك
سعد: يا ربي يا يمه ترى والله لو ما تبين تروحين لأمها أنا راح أكلم عمتي أو جدتي يروحون معي لأني عن جد لازم أتزوج هذي البنت ويكفي أختها أخذت وحد غريب عن العائلة وفي النهاية قلتم نصيب خلاص أنا بعد أبي هذي البنت تكون من نصيبي والعمر الي بيننا وما أظن أنه كثير مره
أم سلطان: طيب فرضنا أننا روحنا وخطبنا البنت ورفضت أيش راح يكون موقفك يا حبيبي
سعد وبحدة: والله مو بكيفها علشان ترفض وغصب عنها راح توافق وتشكر ربي أني فكرت أتزوجها
محمد: هههه وليش ما يكون العكس
سعد أعطى محمد نظرة بمعنى أسكت ووقف علشان يخرج
أم سلطان: فين بتروح في هذا الوقت
سعد وبعصبية: بروح في ستين داهية.. ووالله لو ما خطبتوها لي أنا ماراح أجلس في البيت وما راح تشوفون وجهي وخرج
أم سلطان: فهد أنت يعني ما تشوف ولدك وتصرفه ولا عجبك كلامه
أبو سلطان: والله هذا ولدك وأنتي الي دللتيه فتحملي نتيجة دلعك له
محمد: يمه والله حرام تخطبون أخت دانه لسعد لأنه كبير عليها والشيء الثاني لو بتخطبونها أنا ماراح أحضر الخطوبة والزواج علشان لا أظلم البنت والحين تصبحين على خير أنا بروح وأنام أبرك لي من جنان ولدك
أبو سلطان: خذني معك يا محمد
أم سلطان وبعصبية: فهد فين با تروح وتخليني قبل ما نلقى حل لمشكلة ولدك
أبو سلطان وبكل هدوء: والله يا تهاني أنا مو فاضي لك ولولدك العاشق المجنون أنا با روح وأنام لأني بكره عندي مية شغلة وشغلة فعلشان كذا فكيني من ولدك وبعد زواج دانه أنا راح أفضى له... وراح وخلاها
أم سلطان: يا ربي أنا أيش راح أسوي والله ما أقول غير حسبي الله على أباليسك يا فهد أنت وولدك لو تبون تجننوني ...
****************************
نرجع لبيت أبو تركي وفي نفس يوم زواج دانه من جوهر.....
على الساعة أثنين دخل سعود على دانه وصحاها
سعود: دانه حبيبتي قومي توضي وصلي علشان تأكلين قبل ما تروحين المشغل
دانه فتحت عينها وجلست: الحين بقوم وأصلي بس ما أبي أكل يا بابا
سعود مسح على راسها: بس أنتي اليوم راح تاكلين معي وعلى فكره أنا خليتهم يسون لك الأكلات الي تحبينها وأنا خاطري أننا نأكل أنا وأنتي ولا تنسين أنك اليوم راح تروحين مع زوجك... هنا دانه ضعفت وضمت أبوها وصارت تبكي من كل قلبها سعود حس بنغزه في قلبه فحاول أنه يمسك نفسه علشان لا تنزل دمعته هو كمان
فبعدها عن حضنه/ ليش تبكين يا حبيبتي ولا هذي دموع الفرح
دانه هزت راسها بالنفي: لا بس أنا خايفة يا بابا وما أعرف ليش أحس من أمس قلبي مقبوض
سعود أنتهد وبحزن: لا تخافين يا حبيبتي ولا تنسين ربي راح يكون معك في كل مكان... المهم أنتي لا تتركين ربك وبابتسامة/ ولا أقولك أيش رأيك نكنسل الزوج هذا وننحاش علشان جدك وجدتك لا يذبحونا
دانه ضحكت من كلام أبوها: من جد راح يزعلون علينا
سعود باس راس دانه: يلا حبيبتي قومي وصلي قبل تجهز السفرة وما أبيك تخافين من أي شيء يا بنتي
دانه بابتسامة: أن شاء الله يا بابا بس أدعي لي بأن ربي يوفقني
سعود بابتسامة: الله يوفقك ويسعدك يا روح أبوك
دانه احتضنت أبوها بقوه: أمين يا رب ويخليك لي أنت وماما وكل أهلي
سعود وهو يحتضن دانه: أمين يا رب... المهم أتغدوا سعود ودانه وندى مع بعض وعلى الساعة أربعة ونصف خرجت مع زيد ونجود وراحوا على المشغل وبعد كذا زيد أتوجه لعند جوهر
نجود: دانه جبتي اكسسوارات شعرك
دانه: أي جبت كل شيء
نجود: الحمد لله
نرجس: هلا والله بالعروس نورتي المشغل
دانه: هلا فيك يا حبيبتي والله يسعدك أبي كل شيء تمام ترى هذي ليلة عمري
نرجس بابتسامة: أبشري يا عمري لا توصين حريص لأن عمتك عفاف من أمس وهي توصيتي عليك
نجود: عاد أنا كمان أبي تكون لي طله لأن هذي أول طلعة لي بعد الزواج
نرجس: أنتم تأمورنا أمر والحين أيش رأيكم تتوضون علشان نبدأ
دانه ونجود: أن شاء الله... وعلى الساعة تسع خلصوا وخرجوا من المشغل وراحوا على القاعة ومن اول ما دخلوا لبسوا فساتينهم
نجود وبخوف: الله يستر من هذي الليلة لا والأستاذ بعد حاجز لنا الليلة في فندق
دانه: ههههه تستاهلين ماحد قالك تسمعين كلام بنات خالتك يا غبيه عاد الله يعينك أنا متأكدة أن زيد راح يحط كل حرته فيك اليوم
نجود وبصوت بكى: تهقين أنه يسوي فيني شيء أكثر من حقوقه
دانه بابتسامة: والله ما أعرف بس أن شاء الله الليلة تعدي علينا على خير
نجود: بس والله حتى أنتي أحس أنك مرتبكة
دانه: خليها على الله يا قلبي وفي هاللحظة دخلوا عماتهم عليهم...

رد: دانه أنت حبيبة قلبي

قراءة ممتعة يا حبايبي
وأتمنى تعطوني توقعاتكم في البارت القادم أيش راح يصير

رد: دانه أنت حبيبة قلبي

البارت السابع والعشرون



دانه: خليها على الله يا قلبي وفي هاللحظة دخلوا عماتهم عليهم...
عفاف ونوال: مشاء الله وكل وحدة وقفت تحصن في الي قدامها يعني عفاف حصنت دانه ونوال حصنت نجود
عفاف: الله يوفقكم يا حبيبي
نجود ودانه: أمين يا رب
دانه: عمتي فين ماما أبي أشوفها
نوال: أمك مع خالتك أم زوجك وجدتك في الاستقبال
دانه: يعني ما أقدر أشوفها
عفاف: أنا راح أقولها تجيك بس مو الحين خليها شوي
دانه: طيب أن شاء الله... وفي هذي اللحظة دخلت ندى ومعها ميسم والمصورة
ندى راحت واحتضنت دانه: واو مشاء لله والله انتي اليوم تجننين من جد أنتي اليوم عروس
دانه بخجل: تسلمين يا قلبي وعقبالكم أنتي وميسم
ميسم: مبروك يا دانه
دانه: الله يبارك فيك وعقبال ما أشوفكم عرايس أنتم كمان
ندى وميسم: أمين يا رب
عفاف ونوال ودانه ونجود: ههههههههه
المصورة: ممكن نبدأ التصوير
عفاف: طبعا ممكن ومثل ما قلت لك أبي صور حلوة أوكي
المصورة: أن شاء الله يا ست عفاف وأنتي تعرفي شغلي كويس
عفاف: في ذي صدقتي عشان كذا أحب أتعامل معكم
المصورة نادية: الحمد لله وأن شاء الله نكون عند حسن ظنك والحين يا الله يا دانه
دانه: طيب أتفضلي
نوال وبهمس في إذن دانه: هدي يا حبيبتي ترى مره باين عليك التوتر
دانه بابتسامة: أن شاء الله يا عمتي وبدأت المصورة بتصوير دانه وعلى الساعة وحدة أنزفت دانه مع جوهر على أغنية (ليلة... لعبد الرب أدريس) على حسب طلب جوهر واول ما وصلوا الكوشة جوهر باس دانه في خدها تحت تصفير وتصفيق البنات أما دانه فحست بخجل غير طبيعي وتمنت أن الأرض تنشق وتبلعها من الخجل
جوهر وبهمس: أهديك هذي الأغنية يا عمري
دانه وبخجل: تسلم يا عمري وبعد كذا جلسوا
جوهر سحبها لعنده: أيش رأيك بتنسيق القاعة يا قلبي
دانه بابتسامة جذبة: حلوة يا روحي
جوهر بنفس الابتسامة وبهمس: دانه ترى والله مو وقت الكلام الحلو لأني أخاف أتهور قدام الخلق
دانه وبأرتباك وخجل: لا خلاص أنا سكت
جوري بلقافه: أيش تقولون أنتم الاثنين
جوهر بابتسامة: مو شغلك يا ملقوفه
جوري باست دانه: مبروك عليك أخوي الغثيث يا دانه
جوهر ومن بين أسنانه وبهمس: طيب يا جوري بعدين أتفاهم معكي على هذا الكلمة
دانه: أكيد هي تمزح معاك
جوهر وهو يقرص عيونه ويطالع جوري: طيب أنا راح أوريها المزح على أصوله
جوري لقتها فرصة تقول إلي تبيه: أصلا أنا أتكلم من جدي وما أمزح والله
المطربة: يا حريم أتغطوا أهل العروس بيدخلون
جوري: باي شوي أرجع علشان أغثكم وراحت وفي هاللحظات دخلوا أبو تركي وأولاده مع زيد وزياد وطلال أبو جوهر جوا وسلموا على العرسان وباركوا لهم وبعد ما أتصور معهم خرجوا مع جوهر أما دانه فجلست مع أخواتها وبنات أعمامها وصديقاتها وعلى الساعة أثنين خرجوا من الفندق هي وجوهر وزيد إلى وصلهم للفندق والجناح اللي راح يسكنون فيه وقبل ما يخليهم
زيد وبهمس: أختي أمانه عندك يا جوهر الله يسعدك لا تزعلها تراها والله حساسة مرة
جوهر التفت وطالع دانه وبعد كذا طالع زيد: لا توصي حريص وترى أبوك وأعمامك ما قصروا وصوني عليها فعشان كذا لا تخاف عليها وغمز له والحين أعطيني مقفاك لأني أبي أنفرد مع زوجتي
زيد: طيب بعدين أتحاسب معك والحين أتمنى لكم ليلة سعيد ومع السلام
جوهر: في أمان الله... وأول ما خرج زيد جوهر راح لعند دانه إلي كانت خايفة وضامة يدينها في صدرها
جوهر مسك يدها وضمها لصدره: آآآها الحمد لله الي حقق لي حلمي ألف مبروك يا عمري وحياتي وأحلى عطية أعطاني اياها ربي
دانه وبخجل: الله يـ ــبـ ا ـرك فـ ـيـ ـك
جوهر باستغراب: ههههه طيب ليش خايفة ومرتبكة كذا يا عمري أنتي ويا هنايا أنا... والحين أول شيء نغير ملابسنا ونصلي ركعتين ونتعشى لأني ميت جوع وننام يا دانه ننام أوكي
دانه حست بخوف أكثر من أول وبلعت ريقها: طيب
جوهر بابتسامة: طيب يا حبيبتي تعالي أوريك غرفة نومنا ومسكها ودخلوا على غرفتهم
جوهر فسخ ثوب وعلقه ودخل وأتوضأ وبعد ما خرج: دانه يا عمري غيري وأتوضي وصلي وبعدين تعالي على الصالة أنا أنتظرك وخرج... دانه وقفت قدام المراية وفسخت عبايتها وطلعت طرحتها وبعد كذا حاولت تفتح سحاب الفستان بس ما قدرت
دانه: يا الله أيش هذي الورطة أنا الحين أيش راح يفتح لي هذا السحاب طالعت في الباب وراحت وفتحت وبخجل/ جوهر لو سمحت أبي مساعدتك شوي
جوهر جاء لعندها: هلا حياتي
دانه بارتباك: ممكن تفتح لي سحاب الفستان
جوهر بابتسامة: ممكن ونص يا حياتي وتراني في الخدمة وفتح لها السحاب وقبل ما يتركها طبع بوسته في ظهرها وخرج أما دانه فحست بأن جسمها أتكهرب من البوسة وصار قلبها يدق بسرعة
دانه وبخوف: يا رب سهل هذي الليلة هذي البداية وصار لي كذا أجل بعدين أيش راح يصير لي وفسخت فستانها ودخلت دورة المياه وتوضت وبعد ما خرجت لبست قميص نومها الأبيض وصلت ركعتين وبعد كذا خرجت لجوهر الي كان جالس ينتظرها وأول ما شافها أبتسم ووقف وراح لحد عندها مسكها من يدها وجابها وجلس معها
جوهر بابتسامة: يلا أتفضلي على العشاء يا قلبي
دانه وبخوف: أنا مو جيعانة يا قلبي
جوهر: لا يا دانه بعدين أنا كذا راح أزعل منك وترى زعلي أنتي تعرفينه زين والحين كلي
دانه بخوف: حاضر... وبدوا الاكل طبعا دانه كانت تأكل وهي خايفة وكانت تحس الاكل كأنه شوك في حلقها
جوهر طالع فيها: أنتي من جدك هذي طريقة أكلك
دانه بخوف: والله مالي نفس
جوهر بابتسامة: أوكي روحي داخل وأستعدي وأنا شويه أجيك
دانه وبخوف: ليش
جوهر أستغرب من سؤالها وبحدة: دانه حبيبتي أحنا كم لنا متزوجين
دانه طالعت في جوهر ونزلت راسها
جوهر: لا تجاوبين أنا راح أجاوبك أحنا متزوجين من سنه وسبعة شهور قولي لي أنا عمري طلبت حق من حقوقي تعرفين أنا كان بأمكاني أجيبك بطريقتي وأخذ منك إلى أبي وأنتي تعرفين بأني أقدر لكن أنا ما أرضاها لك تعرفين ليش لأني أحبك ولأنك أخت زيد يا دانه فعشان كذا أنا اليوم ما أبي أي أعتراض منك لأني راح أخذ حقي منك سواء برضاك أو غصب عنك فأنا أفضل أنه يكون برضاك علشان ما أجبرك على شيء ما تبينه لأنها مو فارقه عندي ... دانه سكتت وما ردت أما جوهر فوقف ومسك يدها ودخلوا على غرفة النوم وأول ما لاحظ خوفها قرب منها وهمس في إذنها/ دانه لا تخافي أنا زوجك الحين يا حياتي وباسها في خدها وبعد كذا دخل دورة المياه (أكرمك الله) دانه جلست على حافة السرير وهي ترتجف من الخوف بس في نفس الوقت أتشجعت ووقفت قدام المراية وبدأت تفك تسريحة شعرها وأول ما خرج جوهر قرب منها
جوهر وبهمس: أساعدك يا روحي ... دانه ارتجفت من قرب جوهر لها وبغت تبعد بس جوهر ثبتها وضمها من ظهرها....
جوهر حط يده على راس دانه: (بسم الله. اللهم جنبنا الشيطان، وجنب الشيطان ما رزقتنا)
دانه وبخوف: جـ ـجـ ـوهـ ـر
جوهر قاطعها: هششش ودفن راسه في شعرها وعلى طول باسها في رقبتها بوسة خلتها تستسلم له على طول... جوهر شال دانه بخفة وحطها على السرير و........... وما تركها الا بعد ما تأكد انها صارت ملكه وعلى طول نام أما دانه فأنسحبت بدون ما يحس فيها ودخلت لدورة المياه (الله يكرمكم) وهي تترنح من الإرهاق دخلت وجلست تحت الدش وهي تبكي على حالها ولمن تعبت من البكاء لبست روبها ولفت شعرها بالفوطة وخرجت من دورة المياه طالعت في جوهر الي كان في سابع نومه وخرجت للصالة وراحت وجلست على الكنب وأخذت تسترجع الي صار بينها وبين جوهر على طول اتكورت حول نفسها ونزلت دمعتها وما عرفت الوقت الي نامت فيه....
جوهر فتح عيونه على صوت المنبه الا أعلن وقت صلاة الفجر: دانه حبيبتي قومي أذان الفجر
دانه: ...........
جوهر اتحسس مكان دانه وما لقاها فجلس وهو مستغرب وبعد كذا ترك الفراش ودخل وأخذ دش علشان يلحق الصلاة وبعد ما خرج لبس ثوبه وهو مقهور/ هذي فين راحت أف هذا وقته بس لا يكون رجعت بيتهم بس والله يا دانه لو فعلا أنتي روحتي على بيتكم أنا راح أذبحك وأشرب من دمك علشان لا عاد تطلعين بدون إذني، أخذ غترته وخرج من الغرفة وأول ما خرج شافها متكوره على الكرسي ونايمة
جوهر: أنا كيف ما جاء على بالي أنها هنا، قرب لعندها وجلس على ركبتها ومسك يدها الناعمة والصغيرة وبهمس علشان ما يخوفها/ دانه حبيبتي وباس يدها
دانه فتحت عيونها وشافت جوهر في وجهها وهو يبتسم دانه اعتدلت وجلست بسرعة ومسكت رقبتها وبألم: آآآه
جوهر جلس جنبها: ليش نايمة هنا يا حبيبتي... دانه طالعت في جوهر وقبل ما ترد سمع أقامة الصلاة/ أوكي أنا بروح علشان ألحق الصلاة ولو رجعت راح نتكلم باسها على خدها وخرج
دانه ابتسمت ووقفت وجسمها يعورها من نومة الكرسي ودخلت على غرفتهم أتوضت ولبست بجامة فوشي من نعومي وصلت الفجر وبعد الصلاة جلست تسبح الين دخل عليها جوهر
جوهر بابتسامة: تقبل الله يا الست العروس
دانه وفقت وراحت وجلست جنبها: منا ومنك أن شاء الله
جوهر وبفرح والابتسامة شاقه وجه: صبحية مباركة يا حياتي على قولة أخواننا المصارية
دانه نزلت راسها وبخجل: الله يبارك فيك
جوهر مسك يدها: بس أنا زعلان منك
دانه بأرتباك: أنا ليش أيش سويت
جوهر: ليش خرجتي ونمتي في الصالة
دانه نزلت راسها: علشان خفت أزعجك
جوهر ضمها لصدره: دانه حبيبتي مهما كان ومهما صار وحتى لو لاسمح الله وتزاعلنا أنا ما أبيك تتركيني وتنامين بعيد عني خلاص
دانه: حاضر وأنا أسفه
جوهر: عادي لأنها أول مرة بس لو عدتيها ثاني مره أنا راح أزعل منك أوكي والحين قومي علشان ننام
دانه بابتسامة: طيب ... جوهر أستلقى على الفراش ودانه استلقت جنبه بس بعيد شويه عنه
جوهر أبتسم وسحبها لحضنها: خليك جنبي وباسها في شفايفها أما دانه فغمضت عيونها على طول/ هههه أحبك يا روح جوهر وبعد كذا ناموا في حضن بعض
**************************
في بيت أبو تركي...
سعود بعد ما رجع من الزواج جلس في الصالة وهو يفكر في دانه وكأنه مو مصدق أنه زوجها كان يتمنى أن يكون في حلم
سعود (آآآها يا دانه والله أنك صغيرة على مسؤولية الزواج يا حبيبتي أنا ما أدري فين كان عقلي وقت ما زوجتك يا بنتي بس ما أقول غير الله يحفظك من كل شر والله يوفقك يا حبيبتي) وبعد كذا سند راسه على الكرسي وهو يفكر فيها من وقت ما جابها من المغرب الين وقت ما زفها لزوجها، وأول ما اذان الفجر وخرج أبو تركي وشاف ولده جالس في الصالة
أبو تركي باستغراب: سعود أنت أيش جالس تسوي هنا في هالوقت
سعود أعتدل في جلسته: هلا يبه أبد سلامتك بس والله ما أعرف ليش أنا قلقان شويه
أبو تركي: هههه قوم يا ولدي أتوضأ علشان نلحق على صلاة الفجر ولو رجعنا راح نتكلم
سعود: أن شاء الله يبه... وقام سعود ورحوا على المسجد مع أبوه وبعد ما صلوا رجعوا على البيت وجلسوا في الصالة
أبوه تركي: أيش فيك يا ولدي وأيش الي شاغلك وشاغل تفكيرك
سعود: أفكر في بنتي دانه أحس أني استعجلت في زواجها المفروض أني ما أزوجها الا وعمرها عشرين يا يبه والله من وقت ما أخذها زوجها وأنا أحس قلبي مقبوض والمشكلة ما أقدر أتصل عليها و........
أبو تركي قاطع سعود: أصحك تتصل أيش تبي الولد يقول عننا والبنت أتزوجت والله يوفقها أنت أتعوذ من الشيطان وقوم وروح ونام
سعود بابتسامة: أن شاء الله يبه ووقف علشان يطلع على غرفته/ تمسي على خير يا يبه
أبو تركي وهو يطالع ولده وأنت من أهل الخير يا ولدي... سعود ترك أبوه وطلع على غرفة ندى علشان يصحيها تقوم وتصلي الفجر وبعد ما خرج من عندها دخل على غرفة دانه وهو يتمنى بأنه يشوفها مثل كل مره لمن يدخل عليها بس للأسف كل شيء تلاشى لمن شاف غرفتها مرتبه سعود جلس على سرير دانه وأخذ مخدتها وضمها كأنه يضم بنته
سعود: يا قلبي عليك يا دانه... رجع المخدة لمكانها ووقف علشان يخرج بس لمح ورقة على التسريحة فراح وأخذها وفتحها وكان مكتوب فيها
&&&&&&&&&&&&&&&&&&&&&&
إلى أبي العزيز وإلى نور عيني وتاج راسي
بابا أنا أعرف أنك قلقان علي وخايف لأني حسيت بهذا الشيء اليوم وقت ما كنا نتغدى أعرف أنه صعب على الأب أنه يزوج بنته لأنها راح تبعد عنه بس مثل ما قالت جدتي هذي سنة الحياة وأتأكد يا بابا أن بنتك رح ترفع راسك قدام أهل زوجها وأن شاء الله ما راح تسمع أي شيء يزعلك مني يا عمري وكل الي أبيه منك أنك كل ما تذكرتني تدعي لي بحياة سعيدة
مع تحيات بنتك المحبة لك ... دانة


&&&&&&&&&&&&&&&&&&&
سعود ضم الورقة وأبتسم: الله يوفقك يا دانه ويسعدك يا قلب أبوك
*********************************

نرجع لعروسنا الثانية لزيد ونجود
نجود وببكى: أقول قوم وديني بيتي لأني مارح أعيش معك ولا دقيقة وحدة
زيد وبضحك: وليش أن شاء الله وكمان أتخيلي ترجعين بيتكم الناس أيش راح يقولون عنك
نجود: أنا ما علي من أحد والي يبي يتكلم خليهم يتكلمون
زيد راح وجلس جنبها وبابتسامة: طيب قومي غيري ملابسك علشان نخرج لأن دموعك خلصت من كثر البكي
نجود: ما بي أخرج ولا أبي أروح مكان
زيد وبخبث: والله أجل خلينا نفلها مع بعض
نجود دفته وقامت بسرعة من فوق السرير: والله يا زيد لو قربت مني أنا رح أذبحك
زيد وهو يعض على شفايفه: آآآها أنا لو كان بموت على يدك عادي يا حبيبتي ووقف وقرب منها
نجود وقفت في زاوية الغرفة وببكى: زيد لا الله يخليك راح أسوي الي تبي بس الله يسعدك أبعد عني
زيد وهو ماسك نفسه من الضحك: خلاص تغيرين ملابسك ونخرج
نجود وبخوف: طيب الحين بجهز بس أنت أبعد عني
زيد: مع أن شكلك ذبحني بس أبشري يا حياتي بس موعدنا في الليل يا عمري والحين أنا أنتظرك بره ... وخرج

رد: دانه أنت حبيبة قلبي

أتمنى لكم قراة ممتعة حبايبي

رد: دانه أنت حبيبة قلبي

البارت الثامن والعشرون.....


نروح الحين لعند فرح وبنتها...
ميسم وبابتسامة: فروح أيش فيك من أول ما كلمتي جدة دانه وأنتي خايفة ومو على بعضك أن شاء الله ماشر
فرح وبعصبية: ميسم أبعدي عني أنا ما أريد أنكد عليك
ميساء: ميسم أنتي ما تشوفين أمك معصبة أبعدي عنها لا تضربك
ميسم: ماما أنتي تفكرين في دانه
فرح: دانه آآآه يا بنتي يا حبيبتي يا ليت أقدر أشوفها علشان أطمن عليها
ميسم: المشكلة تلفون دانه عندي بس يا ماما أنا لو أتزوجت بتخافين عليا مثل دانه ولا راح تفرحين أنك أفتكيتي مني
فرح وكل هموم الدنيا على راسها: أنتي من فين تفهمين قومي من عندي لا أرتكب جريمة فيك
ميسم: لا والله خلاص أنا سكتت
فرح بينها وبين نفسها (يا رب أستر ياترى ليش اتصلت علي وليش قالت موضوع يخص بنتك يا ربي لا يكون صار لدانه شيء يا ربي أستر على بنتي وأحفظها أنا قلت لسعود لا يزوجها لأنها ما تبي تتزوج بس هو قال لا أتدخل في بنته وكأن البنت ماهي بنتي والمشكلة دانه مره ضعيفة وتخاف من ظلها)
ميساء: ماما متى بنرجع على المغرب علشان مدرستنا أحنا بس أخذنا أجازه ثلاث اسابيع وكمان أحنا لأزم نروح مكة
ميسم بتريقه: أنا ما برجع معكم أنا راح أظل هنا وراح أتزوج هنا ورح أسوي مثل زواج دانه
فرح: جد ومين الغبي الي راح يتزوج مجنونه مثلك
ميسم بزعل: ماما أنتي ليش تقولي عني هالكلام .... وفي هذي اللحظة اندق باب الجناح ... فرح فزت من الخوف ووفقت
ميسم: بسم الله عليك يا ماما أيش فيك
فرح: ميساء افتحي الباب
ميساء: طيب... وراحت وفتحت.... أنفتح الباب ودخلت أم تركي وحرمتين معها وندى
الجميع: السلام عليكم
ميسم وفرح الي تلونت كذا لون من الخوف: وعليكم السلام
فرح: أهلا يا خاله أدخلي أتفضلوا
أم تركي والي معها سلموا على فرح وميسم وجلسوا
أم تركي: أشلونك يا فرح واشلون البنات
فرح وبعرق من الخوف: أنا بخير والبنات بخير أنتم كيفكم وكيف بنتي دانه
أم تركي عقدت حواجبها وباستغراب: احنا بخير ليش دانه اتصلت عليك وقالت لك شيء
فرح ما قدرت تمسك نفسها وبخوف: ليش دانه فيها شيء
عفاف وبشوية عصبية: أنتي ايش فيك من أول تقولين لنا دانه وكان البنت فيها شيء دانه أتزوجت فالله يوفقها مع زوجها
أم سلطان: عفاف اعصابك تراك خرعتي الحرمة خالتي أيش رأيك ندخل في الموضوع على طول
أم تركي التفتت للبنات وبحدة: ندى روحي داخل علشان أحنا بنتكلم مع فرح
ندى: طيب يا جدة... وقاموا ودخلوا
أم تركي طالعت في فرح الي كانت قلقانة: أسمعي يا فرح أحنا اليوم جيناك علشان نطلب منك عطية
فرح باستغراب من كلام أم سعود الي ما فهمت منها أي شيء: شو يعني يا خاله
أم تركي: يعني طالبين منك القرب في بنتك الكبيرة
فرح فهمت عليهم: مين دانه
أم تركي: أنتي مجنونة كيف أطلب دانه وهي متزوجه
فرح بلعت ريقها: مين تقصدين مـ ـمـ ـمــيسـ ـم
*****************************
عند جوهر ودانه....
جوهر دخل على دانه في غرفتهم: دانه وبعدين يعني يلا بسرعة تراني والله ما أحب التأخير
دانه: طيب بس برتب السرير وبلبس العباية أنا خلاص جاهزة
جوهر طالع دانه من فوق لتحت وبحدة: وأن شاء الله بتخرجين معي كذا بهذي الملابس
دانه طالعت في لبسها والي هو برمودة جينز تحت الركبة مع بلوزه بيضه: ليش أيش فيه لبسي
جوهر وبشوية عصبية: أقول غيري ملابسك ولا مافي روحه فهمتي
دانه: طيب أن شاء الله الحين ببدل بس أنت هدي أعصابك شوي يا حبيبي
جوهر: خمسة دقايق وتكوني جاهزة فهمتي
دانه: أن شاء الله... خرج جوهر ودانه لبست بنطلون زيتي مع بلوزه صفراء طويلة لنصف الفخذ وبعد كذا لبست عبايتها وطرحتها وبعد كذا خرجت/ أنا جاهزة
جوهر: يله غطي وجهك وأمشي
دانه بهدوء: طيب... أتغطت وبعد كذا خرجوا
وفي السيارة جوهر بابتسامة: فين تبين نروح يا قلبي
دانه: أي مكان تبي أنت بس لو سمحت أبي أروح الفندق عند ماما علشان أخذا جوالي من عند أختي ميسم
جوهر: أبشري يا حبيبتي أنتي تأمرين أمر يا قلبي بس أول نروح ونتعشى وبعدين نروح عند أهلك أوكي وأن شاء الله بعد يومين راح أجيب لك جوال وشريحة جديده باسمي
دانه: بس جوالي جديد وشريحتي باسمي
جوهر التفت لها: أنا راح ألغي رقمك القديم وراح أطلع لك رقم دولي جديد يا حياتي
دانه ما حبت تجادله علشان لا يعصب عليها: طيب أن شاء الله وسوي إلي يريحك... جوهر ودانه رحوا وتعشوا وبعد كذا أتمشوا في المول وجلسوا علشان يشربون كوفي
جوهر طلع جواله: خليني أتصل على النسيب
دانه: مين قصدك أخوي زيد
جوهر: أيوه يا عمري هو في غير رفيق عمري
دانه وبابتسامة: الله يخليكم لبعض
جوهر: أمين يا رب ... وفي هذي اللحظة رد زيد
زيد: هلا والله بالمعرس
جوهر والابتسامة شاقة وجهها: هلا فيك يا النسيب هلا بأخ روحي
زيد: هههه أف كل هذا لي والله لو كنت أدري أن زواجك من أختي بيخليك كذا كان من زمان زوجتك والحين علمني كيف العروس معك
جوهر: الحمد لله والله لا يحرمني منها وهي أحلى هدية منك يالغالي
زيد: الحمد لله والله يوفقكم وأهم شيء مثل ما قلت لك أختي أمانه عندك لأني والله أغليها أختي هذي
جوهر: وأنا قبل كذا قلت لك أنها رح تكون في عيوني تراها أختك يا زيد والحين فينك أنت
زيد: أنا خرجت أتمشى مع الاهل
جوهر: مممم طيب أيش رأيك نطلع على الشرقية
زيد: أوكي بس متى
جوهر: الليلة على الساعة واحد ونرجع بكره في الليل
زيد: بس متى يمدي احجز لنا
جوهر: طالما أحنا متفقين ما عليك من الباقي أوكي وأن شاء الله نلتقي عند الفندق على الساعة وحدة علشان نمشي مع بعض
زيد: أن شاء الله صار يالغالي والحين أخليك مع عروستك
جوهر: أوكي وأنا الحين رح أتصل على الشباب علشان يحجزون لنا ولكم شاليه عند البحر
زيد: طيب أن شاء الله والحين مع السلام
جوهر: مع السلامة وقفل وأتصل على ثامر علشان يسوي له كل الحجوزات وبعد ما قفل طالع في دانه وابتسم/ يلا نمشي يا حبيبتي
دانه وبابتسامة: يلا... دانه وجوهر خرجوا من المول وراحوا للفندق عند أمها ولمن وصلوا لعند جناح أمها مسكها جوهر من يدها
جوهر: أسمعي تسلمين على أمك ونأخذ الجوال ونخرج علشان ورانا سفر أوكي
دانه: طيب أن شاء الله... ودقت دانه الباب على طول فتحت لها ميساء
دانه وجوهر: السلام عليكم ودخلوا
ميساء بفرح: مرحبا يا دانه واحتضنتها
دانه: فين ماما يا ميساء
ميساء: الحين أروح وأناديها ودخلت على الغرفة ودانه وجوهر جلسوا وأول ما خرجت فرح وقفوا وسلموا عليها وبعد كذا جلسوا
فرح: كيفكم حبايبي
دانه وجوهر: الحمد لله
جوهر: كيفك أنتي يا خالتي وكيف صحتك
فرح بابتسامة: الحمد لله يا والدي أنت كيفك وكيف دانه معك
جوهر مسك يد دانه: الحمد لله في أحسن حال
فرح الحمد لله وأنتي يا حبيبتي كيف حالك
دانه وبابتسامة: الحمد لله يا ماما بس فين ميسم علشان أبي جوالي
فرح: والله أنها نايمه بس خليني أقوم وأجيبه لك... وقامت ودخلت
جوهر: دانه شكل أهلك يناموا بدري والله فشله أننا جينا في هذا الوقت
دانه: لا عادي بس من جد غريب أهلي ناموا بدري ... في هذا اللحظة خرجت فرح وأعطت دانه الجوال وجلست ... جوهر دق دانه بكوعه بمعنى قومي نروح
دانه طالعت في جوهر وبعد كذا في أمها: طيب يا ماما أحنا بنستأذنك علشان بنروح
فرح: لا أجلسوا شويه... وفي هذا اللحظة خرجت ميساء ومعها العصير وبعد ما قدمته دخلت على الغرفة دانه طالعت في أمها وحست أن أمها مو على طبيعتها
جوهر وقف: دانه يلا
دانه وقفت هي كمان: طيب يا ماما عن أذنك

رد: دانه أنت حبيبة قلبي

قراءة ممتعة يا حبايبي

رد: دانه أنت حبيبة قلبي

البارت التاسع والعشرون......


دانه وقفت هي كمان: طيب يا ماما عن أذنك
فرح وقفت: طيب يا حبيبتي واحتضنت دانه وهمست في أذنها/ لو فضيتي أتصلي علي أبيك ضروري
دانه بعدت عن أمها وهزت راسها بالموفقة وبعد كذا خرجت مع جوهر وهي قلقانة على أمها بدون حتى ما تعرف السبب وأول ما طلعوا السيارة جوهر التفت لها وحس أنها فيها شيء بس هو وما أتكلم إلين وصلوا على الفندق وبعد ما وصلوا على جناحهم
جوهر: دانه روحي بسرعة وجهزي أغراضنا باقي نصف ساعة ويجي زيد
دانه: طيب أن شاء الله بس أيش تبي أحط لك
جوهر بتفكير: أي صح أنتي ما تعرفين أنا أيش أحب ألبس عند البحر
دانه وبفرح وشعور ماينوصف: واو أحنا بنروح البحر
جوهر بابتسامة لفرحها: أي بنروح البحر يا قلبي
دانه بدون شعور راحت واحتضنت جوهر: الله يسعدك يا حياتي وأول ما استوعبت نفسها بعدت بسرعة وهي مستحية ورأسها في الأرض/ آسفة بروح وأجهز أغراضنا وبغت تترك المكان بس جوهر مسكها وضمها بقوه
دانه حست بشعر جسمها كله وقف من الخوف بشيء في بالها
جوهر: الله لا يحرمني منك يا عمري وأن شاء الله دوم تكوني فرحانة كذا علشان تضميني كذا
دانه بخجل: أنـ ــا مـ ـا
جوهر قاطعها: أشششش أنتي تراكي الحين زوجتي وحلالي يا دانه والحين يله نروح ونجهز أغراضنا يا روحي ومسكها من يدها ودخلوا على غرفتهم علشان يجهزوا أغراضهم وبعد ما أتصل عليهم زيد أخذوا أغراضهم نزلوا ومشوا
***************************
في بيت أبوه تركي
أبو تركي: متى تبون نملك
أم تركي: فهد قال إنهم بكره بيروحون ويحللون فلو أتطابقت كل شيء بعد بكره بيملكون
أبو تركي: بس والله من جد البيت صغير وأنا حزنت عليها
سعود وبقهر: أصلا أنا يا يمه ما أعرف ليش طاوعتوا سعد ورحتوا وخطبتوا البنت وأنتم تعرفون زين أنها في سن ندى أو أصغر والأستاذ بعمر زياد أنا والله ما أعرف هو بيتزوجها ولا راح يربيها
أم تركي بعصبية: وأنت ليش زعلان البنت موافقه ومقتنعة صحيح أن أمها مترددة بس في النهاية اقتنعت
سعود وبعصبية: والله الغلط مو من ميسم البزر الغلط من أمها لأنها المفروض تمسكها وتطيح فيها ضرب ألين تعقل وبدل ما تفكر في الزواج تخليها تفكر في دروسها
سمير: طيب أنت ليش زعلان البنت موافقه وخلاص وهي مو بنتك علشان تزعل عليها كذا
سعود: ليتك تسكت يا سمير أبرك لك والله أنا متأكد بأنهم راح يندمون من هذي الزوجة والبنت ماهي حقت زواج
أم تركي: سعود أنت وبعدين معك يعني وقول لي أيش الي حرق قدرك ولو كان على سعد هو يحب البنت ولو كنت خايف على البنت هي مارح تعيشون لوحدهم هما راح يعيشوا في بيت أخوك إلين ما تكبر شويه وبعدين ياخذون بيت لحالهم
سعود: ...........
أبو تركي: أنا أبي أفهم أنت ليش زعلان مع أنك كنت راح تزوج دانه من سعد فليش ما تبي أختها تأخذه مدام دانه رفضته
سعود بعد ما هدا شويه: بيه أنا مو موافق لأن البنت صغيرة ودانه كانت مناسبة لسعد بس مثل ما تعرف دانه رفضته فأنا خايف يكون سعد مأخذ أختها علشان يحرق قلبها
أم تركي: لا والله حرام عليك لأن الولد يحب البنت ومن وقت ما شافها وهو مجنن أهله علشان يخطبونها له
سعود: الله يعين وما أقول غير الله يوفقهم
أم تركي: سعود ولدي أنت ليش ما ترجع فرح طالما زوجها مات
سعود عقد حواجب وطالع أمه سعود وقف: أنا بروح وأشوف ندى يا يمه وراح وخلا المكان
أبو بركي: أم تركي أيش هذا الكلام الي قالتي لسعود
أم تركي: ولدك لازم يتزوج يا عبد العزيز لأنه رافض فكرة الزواج وأنا قلت نخليه يرجع زوجته وأنا أبيك تقنعه لأن حاله مو عاجبني
سمير: يمه أنتي من جدك نسيتوا بأنكم أنتم إلي خليتم سعود يطلق فرح والحين تبونه يرجعها هو لعب عيال يا يمه
أم تركي بعصبيه: سمير قوم وروح عند زوجتك لا تروح وتولد وأنت هنا تتكلم بالي مالك فيه
سمير: ههههه هاو ليش تطردينا علشان قلت كلمة الحق يا يمه
وعلى العموم أنا رايح والحين مع السلام
أم تركي وأبو تركي: مع السلام
*****************************
وفي تمام الرابعة ونصف فجر
جوهر بتعب وأرهاق: وأخير وصلنا
دانه بابتسامة: الحمد لله على السلامة يا قلبي... وبعد ما نزلوا من السيارة جاء زيد لعند جوهر وراحت دانه لعند نجود
دانه بابتسامة: الحمد لله على السلامة
نجود بتعب: الله يسلمك بس والله أنتي وزوجك فاضيين
دانه: وليش أن شاء الله يعني هذا جزته أنه خلكم تغيرون جوه غير جو الرياض
نجود: يعني كان لازم تجيبونا هنا والله تراني تعبانه وجسمي كله مكسر
دانه وبنعومة: ههههه وليش أن شاء الله لا يكون أنتي الي سقتي السيارة بدل زيد... وقبل ما ترد نجود جاء زيد وطلب من دانه تروح لعند جوهر وهو أخذ نجود ودخلوا على الشاليه حقهم ودانه وجوهر كمان دخلوا على الشاليه حقهم
جوهر يطالع في دانه: أنا بدخل وأخذ دش علشان أريح جسمي شويه
دانه: طيب أدخل وأنا رح أجهز لك ملابسك
جوهر وبخبث: طيب أيش رأيك تجين ونتروش مع بعض
دانه ارتبكت وضاعت منها الكلمة: ها أيش
جوهر ههههه من حال دانه: طيب جهزي لي ملابسي وأن شاء راح يجي اليوم الي نتروش فيه مع بعض يا دانه ودخل دورة المياه وخلاها دانه ضايعة بتفكيرها
دانه بينها وبين نفسها (معقول أتروش مع جوهر في يوم من الأيام لا مستحيل يصير هذا الشيء) وراحت وفتحت شنتطهم وخرجت ملابس جوهر وبعد كذا خرجت القميص الي قال لها جوهر تلبسه وطالعت فيه
دانه: يا ربي أنا كيف راح البس هذا الشيء الحين... والله عن جد مثل ما قالت نجود الزواج مو حلو وبالضبط مع هذي الملابس الغبية وأول ما أتذكرت أمها راحت وخرجت جوالها وحاولت تفتحه بس ما كان فيه شحن/ يا ربي شاحني في بيت جدي عن جد أني غبية والمشكلة جوال جوهر مو مثل جوالي وكمان أنا ما أعرف رقم ماما فما كان منها غير أنها رجعت جوالها في شنطتها
جوهر خرج وهو لاف الفوطة على خسره: يله يا حبيبتي قومي وأدخلي
دانه نزلت راسها وهي تستحي تطالع في جوهر ودخلت دورة المياه (الله يكرمكم) بسرعة وأخذت دش هي بعد وبعد ما لبست القميص وقفت قدام المراية وأول ما شافت نفسها شهقت من الخوف وسبت نفسها أنها طاوعت جوهر في أنها تلبس مثل هذي الملابس طالعت في شعرها وطوله الي كان أطول من قميص نومها وتوكلت على الله وخرجت
جوهر أول ما شاف دانه بالقميص الأحمر بلع ريقه وبقي يتجنن من جمالها وجمال اللون عليها على طول صفر: والله أنك محضوض يا جوهر
دانه وبخجل وحياء من لبسها: جـــــوهـــر والله أنه قصير وعاري مره
جوهر وقف وراح جهتها وحاوطها من خسرها وضمها لصدره: بالعكس والله أن يأخذ العقل وطالع يجنن عليك وعلى طول شالها وحطها على السرير و..........
دانه فتحت عينها على صوت أمواج وصوت طيور النورس بس تذكرت صلاة الفجر ففزت بسرعة ودخلت على دورة المياه واتروشت وبعد ما خرجت صلت وخرجت من الغرفة تدور على جوهر بس ما لقته في كل الشاليه فطالعت في ساعتها فشافتها السابعة ونصف/ غريبه يترى فين راح جوهر ... دانه رجعت على غرفتهم ورجعت ملابسها وملابس جوهر وصفطتهم وحطتهم في شنتطهم وبعد كذا خرجت وجلست في الصالة تنتظر جوهر الي ما رجع الى الساعة عشر
جوهر: دانه أيش تسوين هنا يا حبيبتي وأيش صحك الحين
دانه طالعت وكان نفسها تضربه لأنها خافت عليه: أبد سلامتك بس كنت أنتظرك
جوهر حس بأنها متضايقه: أمممم أتأخرت عليك
دانه وبهدوء: فين كنت من الساعة سبع وأنا أنتظرك هنا على بالي صار لك شيء على الأقل كان أعطيتني خبر أنك بتخرج يا جوهر
جوهر أتكتف وطالع فيها: دانه راح أعطيك معلومة أنا ما تعودت أقول لأحد عن مكان تواجدي غير أمي وأبوي وأظن أنا الرجل هنا وموب أنتي كلامي صح
دانه أتنهدت من القهر: صح وأنا آسفة لو كنت سألتك والحين عن إذنك ... وجات بتترك المكان علشان لا يحرق قلبها أكثر
جوهر وبحدة: غيري ملابسك علشان بنخرج ونفطر مع أخوك وزوجته
دانه: ما أبي فطور ولا أبي أخرج روح أنت معهم
جوهر لفها عليه وبعصبية: لمن أتكلم معك توقفين عدل وتتكلمين معي لا يجيك شيء مايرضيك والشيء الثاني الحين تروحين وتغيرين ملابسك بدون أي نقاش والحين أنقلعي من قدامي علشان ما أغلط عليك وأنكد يومك يا مدام
دانه تركت جوهر ودخلت على غرفتهم وهي خايفة من جوهر وبعد ما غيرت ملابسها خرجوا وراحوا وفطروا وبعد كذا استأجروا يخت صغير ودخلوا البحر جوهر كان مع زيد ودانه مع نجود
نجود بابتسامة: دانه أيش فيك يا حبيبتي شكلك مو على بعضك
دانه بابتسامة حزن: لا يا قلبي ما فيني شيء بس تعبانه شوي من البحر
نجود: يا قلبي سلامتك والحين قولي لي كيف كانت ليلتك قبل أمس
دانه: والي يرحم والدينك لا تذكريني والله أنها أقسى ليلة مرت بحياتي من يوم ما أنولدت
نجود: أي والله وأنا أشهد بس الحمد لله عدت على خير والله يعين أي بنت مقبلة على الزواج لأن هذي مو ليلة عمر بالعكس هذي ليلة رعب
دانه بابتسامة: الحمد لله على كل حال
نجود تطالع فيها: دانه والله أني حاس أنه فيك شيء أنتي مو دانه إلي أعرفها قولي لي ياعمري أنتي مريضه ولا الاستاذ حقك مزعلك بشيء
دانه: والله ما فيني شيء فلا تحطيني في بالك
نجود: طيب يا حبيبتي... أف على فكره أمي تقول إنها خطبت لسعد
دانه: جد الحمد لله وألف مبروك بس من بنته الي خطبوها له
نجود بحيرة: والله ما أعرف لأن أمي ما رضيت تقول لي تقول إنها مفجاءة لا وأبشرك اليوم سوى التحليل وبكره في الصباح راح يملكون
دانه ضحكت باستغراب: من جدك أنتي والله أخوك ما يمزح من جد هذا أيش فيه كذا مستعجل
نجود: والله ما أدرى حتى أنا مستغربة منه ومن أهلي بس ما أقول غير الله يعين العروسة على ليلة الدخلة
دانه: هههه وأنتي هذا همك على العموم الله يوفقهم وسعد يستاهل كل خير
نجود: أي كلامك صح مع أني كنت أتمنى أنه يأخذ أختك ميسم
دانه بانفعال: أنتي مجنونة تبين أختي تأخذ أخوك... الله لا يقول البنت ترى توها صغيرة وأنتي تعرفي تماما أن أخوك ما ينفع حق أختي
نجود بتعجب: دانه أنا قلت أتمنى وعلى فكره ترى ألف بنت تتمنى أخوي
دانه خجلت من تصرفها: أنا آسفة والله مو قصدي وعن جد سعد ولد كل بنت تتمانه بس والله هو ما ينفع حق أختي علشان فارق السن وأنا ما أبي أخواتي يبعدون عن أمي مثل ما بعدت أنا عنها
زيد: حريم ما جعتوا
دانه ونجود بتعجب: حريم
زيد بخبث: أي حريم ولا با تنكرون أنكم حريم... دانه روحي عند جوهر يبيك لأني أبي أتكلم مع حبيبة قلبي
نجود مسكت دانه: لا لا تروحين وتتركيني مع أخوك الله يسعدك لا تتركيني
زيد: نجود أتركيها تروح عند زوجها ترى لكم ثلاث ساعات مع بعض وأنتم لق لـق لــق ما شبعتوا من بعض وكمان أنا أبي أجلس معك يا روحي
دانه طالعت في نجود: وهزت راسها تمنعها من الخروج ... زيد سحب نجود وخلا دانه تروح لجوهر...
زيد وبحدة: نجود وبعدين يعني أنتي ما تفكين أسلوب الأطفال هذا ترى الين الحين أنا جالس أتحكم في أعصابي فرجاء لا تخليني أسوي فيك شيء تندمين عليه طول عمرك... وراح وخلا لها المكان
نجود بندم: يا ربي أنا أيش سويت والله ما كان قصدي أني أزعلك يا زيد
جوهر: أشوف الجلسة مع بنت عمك عجبتك يا دانه ولا كأني لك زوج موجود هنا
دانه: ..........
زيد: جوهر خلينا نرجع أخاف نبعد أكثر من كذا ونضيع في البحر
جوهر: دانه روحي وجيب لي مويه بارده وأنت يا الخواف خلاص أنا أصلا تعبت وأبي أرجع وأتغذى وأنام
زيد: أو على طري الغدا أنا اليوم مشتهي أكل سمك
جوهر: أوكي خلاص نروح ونأخذ من مطعم المأكولات البحرية أكلهم حلو ونظيف
زيد: أي مطعم الي جينا في أخر زيارة لنا
جوهر: أي هو أصلا دايما لو جينا بيت عمي هنا نأخذ منه
زيد أوكي... المهم بعد ما رجعوا راحوا وجابوا الغدا وبعد ما أكلوا دخلوا علشان ينامون وبعد ما صلوا العشاء خرجوا وأتمشوا وعلى الساعة أحد عشر رجعوا على الرياض جوهر ودانه رجعوا على الفندق وزيد ونجود راحوا على بيت جدهم

رد: دانه أنت حبيبة قلبي

قراءة ممتعة يا حبايبي.....

رد: دانه أنت حبيبة قلبي

البارت الثلاثون....


في بيت أبو طارق...

أبو طارق: أم طارق فين ولدك ليش ما جو اليوم أنا كنت أظن أنهم بيتركون الفندق ويجون البيت الليلة

أم طارق: بكره بيجوا في العصر لأنهم اليوم كانوا في المنطقة الشرقية

أبو طارق: الحمد لله وكيف العروسة معه

أم طارق: ان شاء الله تكون مبسوطة وأنت تعرف قصدي زين

أبو طارق: كلامك صح الله يسهل لهم بس لا تنسين تخلين الخدم يرتبون غرفة جوهر قبل ما يجون

أم طارق: ان شاء الله وعلى فكره أبي أسوي لدانه عزيمه صغير قبل ما يسافرون أعزم فيها أهلي وأهلك وأهل دانه

أبو طارق: أوكي يا حبيبتي بس فين بتسوينها هنا في البيت ولا تبين تروحون المزرعة

أم طارق: لا ما بسويها هنا ولا في المزرعة خاطري أسويها في استراحة جوهر لأن المزرعة بعيدة وأمي ما تقدر على المشوار والبيت أخاف يكون ضيق

أبو طارق: شوفي اللي يناسبك وأنا راح أسوي كل اللي تبينه يا أم عيالي المهم أنك توسعين صدرك

أم طارق: يا عمري الله لا يحرمني منك يا طلال

أبو طارق: ولا يحرمني منك والحين قولي لي متى جوهر راح يروح على أمريكا

أم طارق: ان شاء الله على الخميس الجاي

أبو طارق: أوكي الله يوفقهم والحين تصبحين على خير علشان بكره عندي شغل الصباح

أم طارق: وأنت من أهل الخير يا حبيبي وأنا بعد بروح وأكلم جوري وبرجع وأنام

أبو طارق: ما قلت لي ولدك فيصل وينه لا يكون سافر

أم طارق: لا موجود يقول بيجلس فتره هنا وبيروح، يلا أدعي لها بأن الله يهديه يتزوج ويستقر مثل أخوانه بدل زواج المسيار اللي طايح فيه

أبو طارق بحسرة: الله يعين يا أم طارق والله أنى احترت بأمر فيصل والين الحين ماني قادر أفهمه مثل أخوانه... أم طارق ابتسمت وخرجت من غرفتهم وراحت على غرفة جوري

******************************

وفي الفندق عند جوهر ودانه

جوهر أول ما أخذ شور نام من شدة تعبه أما دانه فكانت قلقانة علشان كذا جلست تتقلب في الفراش إلين ما تعبت وبعد كذا خرجت الصالة وفتحت التلفزيون وجلست تفكر بتوتر

دانه: يا ربي أنا ليش قلقانة كذا حاسة أنه فيه شيء راح يصير بس ماني عارفه أيش هو والمشكلة ماني حافظه أي رقم علشان اتصل على أهلي من جوال جوهر يا رب عدي كل شيء على خير... وبعد كذا أخذت الريموت وجلست تقلب في القنوات إلين استقرت على الفيلم الاماراتي (الجن) وجلست تتابعه وفجاءة شافت جوهر قدامها دانه فزت من الخوف وصرخت لأنها كانت مندمجة مع الفيلم

جوهر طالع فيها فلقاها مخطوفة وبعد كذا طالع على التلفزيون والفيلم الي تشوفه وأتكتف والتفت لها وبحدة: أنتي أيش مجلسك هنا وأيش هذا الي تتفرجين فيه

دانه بخوف: أنـ ــا أأنـ ـا

جوهر حس بخوفها فشدها وأحتضنها: بسم الله عليك يا قلبي.. أنت بس أيش الي مسهرك وبعدين على فيلم مرعب يا دانه

دانه بخوف: ما أدري أيش فيني بس النوم مجافيني حاولت أنام بس ما قدرت

جوهر بعدها عن صدره وجلس وجلسها جنبه وبعد كذا طفى التي في ومسك يدها: ممكن أعرف أيش الي شاغلك يا حبيبتي

دانه وعلامة الارتباك واضحة عليها: ما أدري والله بس أحس أن أهلي فيهم شيء

جوهر: ههههه ... دانه طالعت فيه باستغراب/ والله بدون قصد بس يا قلبي لو كان فيه شيء في أهلك كان اتصلوا وقالوا لنا

دانه: أشلون يتصلون ويقولون لنا وجوالي مطفي

جوهر: طيب ليش ما أتصلتي من جوالي

دانه: ماني حافظه رقم أحد

جوهر عض على شفايفه لأنه تذكر حاجة: طيب يا حبيبتي أنتي أستهدي بالله وأنا ان شاء الله بكره راح أوديك عند أهلك علشان تتطمني عليهم

دانه بتردد: وعد

جوهر بابتسامة: أيوه يا قلبي أن شاء الله بكره بعد المغرب بوديك على بيت جدك

دانه: لا أنا أبي أروح عند ماما لأني أبي أجلس معها

جوهر: حاضر من عيوني يا قلبي والحين قومي علشان نروح وننام

دانه طيب وقاموا ودخلوا غرفتهم وناموا

*****************************

في اليوم الثاني تمت ملكة سعد من ميسم والكل فرح ماعدا فرح إلي ما كانت مقتنعة ودانه الي ما كانت تعرف بالموضوع أصلا أما

ميسم فكانت فرحانة مره لأنها انخطبت وراح تتزوج مثل أختها دانه وهي راح تعيش مع أختها الي تحبها وتحس أنها قريبة منها أكثر من أمها، يا قلبي عليك يا ميسم لو تعرفين أيش ينتظرك كان ما فكرتي في الزواج أصلا

فرح: اتصلتي على أختك يا ميسم

ميسم: اتصلت عليها بس جوالها مقفول ما أعرف ليش

فرح: طيب ست الحسن متى بيجي زوجك علشان يشوفك

ميسم بخجل وبارتباك: خالة تهاني تقول هو بيجي بعد بكره مشان نحدد موعد الزواج مره وحدة بس هم بيجون اليوم بعد المغرب علشان يجيبون الشبكة والدبل معهم

فرح: والله أني مو متطمنه لهذا الزواج حتى سعود أحس أنه أتضايق

ميسم: وليش يا ماما أنا شفت الولد والله ما فيه شيء

فرح عقدت حواجبها: أيش فين شفتيه يا ست الحسن

ميسم خافت وبلعت ريقها: وعلمت أمها بكل شيء...فرح عصبت على ميسم لأنها ما علمتها بالي صار من البداية وجلست تتوعد في دانه

*************************************

دانه وجوهر... خرجوا من الفندق وراحوا على بيت أهله والي استقبلوهم أفضل استقبال

أم طارق: هلا والله نور البيت فيكم

جوهر: الله يسلمك يا يمه بس فين أبوي وجوري

أم طارق: بابتسامة: ابوك الحين يجي وأختك الحين تنزل وطالعت في دانه/ أخبارك يا دانه أن شاء أنك مبسوطة

دانه بخجل: الحمد لله يا خالتي أنا بخير... وفي هذي اللحظة نزلت جوري وجات وسلمت على جوهر ودانه وبعد كذا جلست جنب دانه

جوري: وأخير يا دانه صرتي من أهل بيتنا تتذكرين أول مره جيتي عندي أيش قلت لك... هنا دانه خافت بأن جوري تقول بالي صار بينهم فحاولت تضيع الموضوع لأنها متأكدة لو جوهر عرف مارح يرحمها... وبهمس/ أهم شيء كلامك طلع صح في النهاية... دانه ابتسمت وطالعت في جوهر الي كان مركز معهم على طول.. دانه بلعت ريقها وجلست تدعي بينها وبين نفسها أن جوهر ما يشك بشيء

أم طارق لاحظت توتر دانه من نظرة جوهر فحوبت تغير الجو: جوهر

جوهر شال عينه من على دانه وطالع أمه: هلا يمه

أم طارق: أسمع أنا أبي أسوي لكم عزومه بمناسبة زواجكم بس نعزم فيها أهلنا وأهل دانه فايش رأيك بالموضوع

جوهر ابتسم: سوي الي يريحك يا يمه بس فين بتسوينها هنا في البيت

جوري وبلقافتها: لا راح نسويها في استراحتك طبعا وكمان علشان دانه تشوفها

جوهر طالع في دانه الي كانت منزلة راسها وبينها وبين نفسها (ما يحتاج دانه تعرفها لأنها مكان زواجها الاول)

أم طارق: جوهر أنت معنا

جوهر: هههه أي معك يا يمه وخلاص سوي الي تبينه والحين قولي فين فيصل

أم طارق: خرج مع ولده بعد الغدا

جوهر: أمممم أوكي أنا بروح جناحهم علشان بنام شويه

أم طارق وقفت مع جوهر ودانه الي وقفت بوقوف زوجها: لحظة يا جوهر لأني أبيك وأنتي يا ست جوري قومي وخذي دانه لجناحهم هي وجوهر لأنها ما تعرفه

جوري وبحدة: بدينا في الاسرار يا ماما

أم طارق وبحدة أكثر: جوري وبعدين معك أنتي

جوري: خلاص الحين نروح يلا يادانه

دانه طالعت في جوهر واستاذنت وطلعت على جناح جوهر الي هي عارفته تمام من أول زيارة لها لجوري وأول ما وصلوا

جوري: وهذا جناحكم أنتي وجوهر والي هو قدام جناحي وفتحت الباب ودخلت دانه بلعت ريقها وسمت بالله ودخلت وبعد ما دخلت على غرفة نومهم رجعت ذاكرتها لورا وتذكرت وقت ما أترمت على هذا السرير وكانت بين أحضان جوهر و و......

جوري شافت دانه سرحانة ولا ترد عليها فراحت وهزتها... دانه فزت كأنها خافت من شيء: بسم الله عليك دانه أيش فيك يا حبيبتي لا تكون الغرفة ما عجبتك... دانه استوعبت نفسها وطالعت في جوهر الي كان واقف عند الباب ويطالع فيهم

جوهر: شكرا يا جوري على توصيلك لي زوجتي والحين تقدرين تروحين عند أمي لأنها تبيك

جوري طالعت في دانه باستغراب: طيب وطلعت وتركتهم...أما جوهر فراح وقفل باب الجناح بمفتاح وبعد كذا دخل على غرفته وفقل الباب وطالع في دانه الي انتفضت من الخوف ونسيت تماما أنها ما تزوجت من هذا الشخص... جوهر أتقدم من دانه وهو في راسه شيء يبي يسوي من أول مرة دخل دانه غرفتها بس الفرق أن الحين با يسوي هذا الشيء بحلال... دانه خافت من شكل جوهر وسارت ترجع على ورى إلين طاحت على السرير وأول ما جات تقوم دفها جوهر على السرير و.........

دانه وببكاء من قلبها: ليش سويت فيني كذا ليش يا جوهر ما كان في داعي تستخدم معي القوة لأني ما راح أمنعك من حقوقك

جوهر وبابتسامة وفرح من لي سوى في دانه (المجرم): والله أن كان خاطري في هذا الشيء من أول مرة شافتك فيها ولا تنسين أنتي حلالي يا مدام

دانه طالعت في جوهر وهي تبكي من القهر بس وقفت بصعوبة وسحبت اللحاف علشان تستر نفسها ودخلت على دورة المياه (الله يكرمك) دخلت ووقفت تحت الدش وهي تحس نفسها مكسورة ومجروحة من داخلها كرهت نفسها واليوم اللي أتزوجت فيه وكانت تحس بتعب وأرهاق ما يوصف وبعد ما أخذت دش أتوضأت وخرجت بس ما لقت جوهر فصلت المغرب بصعوبة وبعدين جمعت ملابسها اللي شاقه جوهر بكل عنف وملابسه وحطتهم في سلة الغسيل وبعد كذا رمت نفسها على السرير مثل الميت ونامت على طول ... يا قلبي عليك يا دانه...

***********************************

وفي مكان ثاني في نفس البيت

البندري: أقول يا عنود فين دانه ولا خرجت مع جوهر

أم طارق: والله ما أدري بس هي من وقت ما طلعت على جناحهم وما نزلت أمكن تكون نايمه تعرفي عروس ومن حقها تريح البنت

البندري: هاو بس يعني ما فيها شيء لو جات وجلست معنا شويه

جوري: أقول خالتي حبيبتي، صيته وراها ما جات معكي

البندري: علشان عندها اختبارات... وفي هاللحظة دخل فيصل وولده طلال

فيصل: السلام عليكم

الكل: وعليكم السلام... فيصل راح وحب راس أمه وبعد كذا سلم على خالته ومن ثم جلس جنب جوري

أم طارق: فين كنت يا فيصل

فيصل حضن ولده: روحت ووديت طلال الملاهي ورحنا السوق واشترينا ملابس

أم طارق: وليش اشتريت له ملابس الكبت عنده مليان ملابس جديدة

فيصل بإبتسامة: لا يمه أن اشتريت له ملابس ثقيلة لأن بيسافر معي

أم طارق بإنفعال: وليش بتأخذه أن شاء الله

فيصل بتعجب من أنفعال أمه: يمه طبيعي أخذه لأنه ولدي ومهما طال الزمان أنا راح أخذه من هنا

البندري: وأنت ما تقول متي بتتزوج وتستقر مثل أخوانك

فيصل أبتسم وبهمس لجوري: وبدأت خالتي باللقافة حقتها

جوري ومن قلبها: هههههههه

البندري وبعصبية: فيصلوا أنت أيش قلت عني

فيصل دق جوري علشان توقف ضحك: أبد سلامتك يا خالتي وهذا جوهر وصل

جوهر وبابتسامة: السلام عليكم وأيش فيه جوهر

فيصل بترحيب: أبد سلامتك بس خالتي تسأل عنك وعن المدام وغمز له

جوهر أبتسم وراح وجلس بين أمه وخالته: هاو يا خالتي أيش حقه تسألين عن دانه وأنا هنا يا حبيبتي ولا ما أكفي أنا

البندري لوت بوزها وبزعل: يعني عجبك تصرف أولادك معي يا عنود

جوهر: هاو ليش أحنا أيش سوينا يا خالتي الغالية ولو كان على دانه الحين بروح وأخليها تنزل علشان تسلم عليك

البندري: لا ما يحتاج لأني بروح أنا أصلا جيت علشان ترتيب عزيمتكم ووقفت

جوهر وقف مع خالته وباس راسها: خالتي لا تزعلين ترى والله نحبك ونحب لقافتك إو أقصد زيارتك

أم طارق قرصت عيونها وهي تتوعد في عيالها... فيصل أخذ ولده وصعد فوق وجوهر كمان طلع على غرفة.....

رد: دانه أنت حبيبة قلبي

قراءة ممتعة يا حبايبي.....