رد: دانه أنت حبيبة قلبي

البارت الخامس عشر....



دانه وبخجل: وأنا بعد يا حبيبي... المهم خرج جوهر من عند دانه وهو مبسوط وفي تمام العاشرة والنصف غادرت دانه وأخوانها أرض الرياض متوجهين للمغرب ومع أن دانه كان متضايقه لأن جوهر ما خرج من عندها الا بعد ما غسلت وجهها من المكياج بس هي حاولت بقدر المستطاع أنها ما تبين زعلها قدام أهلها وبالضبط أخوها زيد...في تمام الخامسة ونصف الفجر وصلوا وكان في استقبالهم سايق سعود القديم وأول ما طلعوا على السيارة
محمد السايق: الحمد لله على سلامتكم يا بيك
زيد: الله يسلمك وياليت تناديني بزيد وبس
محمد: طيب يا ولدي والحين رح أوصلكم على الفندق
زيد: طيب أن شاء الله وأول ما وصلوا الفندق
محمد: في وقت تريدني أجيكم يا زيد
زيد طالع دانه باستفسارعن الوقت
دانه: الساعة أثنين يا عم محمد علشان أنا أريد أروح لبيت ماما بس الله يخليك مبش تتاخرش علينا
محمد بابتسامه: طيب يا بنتي أن شاء الله راح أكون هون على الساعة اثنين
دانه بابتسامه: أن شاء الله وشكرا... وبعد ما دخلوا الفندق راح محمد
زيد: الحجز باسمي ولا باسم أبوي يا دانه
دانه: لا باسمك طبعا لأن بابا قالي إنه حجز باسمك
زيد: أوكي الحين بشوف... وبعد ما خلص الأجرءات طلعوا على جناحهم الخاص والي متكون من غرفتين بحمامها وصالة وساعة وأوفيس... يلا يا بنات صلوا وناموا علشان نقوم وحده ونصف علشان نتغذا ونروح على بيت مامتك يا دانه وبعد كذا نروح ونتمشى
دانه: لا أنا بجلس عند ماما وأنتم روحوا وأتمشوا وبعدين تعالوا وخذوني
زيد بحزم: لا آسف يبه قال رجلي برجلك فين ما أكون أوكي والحين بروح وأتصل على يبه وأقول له إننا وصلنا وبصلي وانام والحين شرفوا على غرفتكم وقبل ما تنامين يا دانه أتصلي على جوهر وخبريه أننا وصلنا أوكي
دانه وبزعل: طيب حاضر يا أخوي الغالي والحين تمسي على خير
زيد وهو يضحك من تصرفات دانه: وأنتي من أهل الخير يا حبيبتي وأنا ترى أحبك وأنتي كذا يا عسل ... دانه طالعت في زيد ودخلت على غرفتها هي وندى
ندى: طيب حتى أنا بروح وأنام تمسي على خير
زيد: وأنتي من أهل الخير يا حبيبتي
**********************************
وفي بيت فرح
ميسم: ماما الله يخليك اتركيني أنام أنا ما نمت طول الليل وأنا سهرانة
فرح وبعصبية: قومي وساعديني في شغل البيت والله أنتي مارح يتزوجك أحد وأنتي بهذا التصرف
ميساء: ماما أنا أسعدك بس خلي ميسم تنام وهي لو قامت تكمل الباقي
فرح وهي تضرب ميساء: أمشي لا أقتلك وتلحقين أبوك وأنتي قومي لا أكسرك من الضرب أف منكم.... وفي هذا الوقت اندق باب البيت
ميساء: خالتي زاهية ومريم وصلوا الحمد لله ... فرح وبغضب أشرت على ميساء بيدها أنها تروح وتفتح الباب ميساء ابتسمت وراحت وفتحت الباب ولمن شافت ناس أغراب أتكتفت... نعم أيش تريدون...
زيد طالع في ندى وبعد كذا طالع في دانه الي كانت معطيتهم ظهرها وتكلم جارتهم: أنتم كذا تستقبلون الضيوف... دانه على طول التفتت لهم، ميساء من الفرح دفت زيد وراحت واحتضنت دانه وهي تبكي...
زيد: عن جد هذي البنت مجنونه ما تستحي على وجهها
دانه بفرح: خلاص يا ميساء لا تبكين يا حبيبتي تراني حتى أنا رح أبكي
زيد ومن بين أسنانه: دانه أدخلوا داخل لأنكم فضحوتنا الله يفضح أباليسك وبعصبيه خذي أختك وأدخلوا داخل
دانه طالعت زيد بخوف: طيب الحين بندخل.... دانه مسكت أختها ودخلوا
ميساء بعدت عنها وهي تشهق من البكاء: متى جيتي وليش ما قلتي لنا علشان نروح ونستقبلكم
دانه وبابتسامة: فين ماما
ميساء وبضحك: في الداخل متعصبة من ميسم
دانه ابتسامة: خلاص أنا بروح وأفاجأها... دانه تركت أخوانها ودخلت على غرفة ميسم كانت واقفه على راس ميسم وتصحيها... دانه دخلت بدون ما تحس أمها فيها واحتضنت ظهرها بقوة... وبهمس اشتقت لك يا أم دانه
فرحة بلعت ريقها وهي في صدمه معقوله دانه وراها: د د ا نـ ــ ـه
دانه بدموع وباشتياق: يا عيون دانه اشتقت يا قلبي وتركتها وبعد ما التفتت لها فرح احتضنتها بنتها وهي تبكي من الفرحة
أما ميسم وقفت وهي مفزوعة تطالع في أختها: ماما عن جد دانه هنا
دانه طالعت في أختها الي كانت تشبهها بشكل كبير ماعدا لون العيون لأن لون عيون ميسم أخضر مثل أبوها وجسمها مليان شويه عكس دانه على طوال احتضنتها: اشتقت لك يا متينه
ميسم ضربت أختها على الخفيف: أنا متينه يا عمود
دانه رجعت واحتضنت ميسم: والله اشتقت لك بس فين علي والله أنا اشتقت له
فرح: علي عند خالك والحين بروح وأتصل عليه هو وخالتك والله انهم راح يفرحون كثير بقدومك يا بنتي
دانه: ماما على فكره أختي وأخوي برى علشان تسلمون عليهم
فرح وبفرح: أهلا بكل ضيوفك يا حبيبتي
المهم فرحوا أهل دانه بجيتها وقضوا أحلى أوقاتهم مع بعض طبعا راحوا على حديقة ماجوريل وشلالات أوكيا الجبلية ومعظم وقتهم كان في جامع الفناء واليوم هو أخر يوم لهم وهم مجتمعين في مطعم علي أبن الفلاح وهذا مطعم مشهور في المغرب
دانه وهي ماسكة يد أمها: ماما أدعي لي أنا رح أتزوج شخص عصبي وغيور والله أني خايفة منه بس ما أقدر أقول لبابا وأعمامي وأخواني أخاف أتزوج وأتطلق منه أنا ما أبي أصير مطلقه
فرح تنهدت: والله يا دانه رح أدعي لك لأني ما أبيك تكوني مثلي يا بنتي بس أنا أتطلقت لأن أهل أبوك اجبروا أبوك أنه يطلقني هو صحيح كان عصبي وغيور مثل عريسك بس كان طيب وحنون يا حبيبتي وصدقيني بالصبر رح تكسبين زوجك يا دانه وأسرار بيتك مهما يكون لا تخرجينها برى ولو صارت مشكله بينك وبين زوجك أصحك تعلمين أبوك أو أخوانك علشان لا يكرهون زوجك وبعد كذا أنتي تندمي لأني مريت بنفس هذا الوقف وعضيت أصابعي من الندم
دانه وبخوف: طيب يا ماما لو صعب علي شيء كيف أتصرف
فرح: أتصلي علي يا حبيبتي لو احتجتي أي شيء أتصلي علي أو على أقرب وحدة من عماتك
دانه بابتسامه: أن شاء الله يمه
فرح ضحكت على لهجة دانه: بنتي أنتي بداتي تتكلمن مثل أبوك.... المهم على الساعة أثنين ودعت دانه أهلها ورجعوا على الفندق وجهزوا اغراضهم وثاني يوم رجعوا على الرياض
*************************************************************
وفي السعودية وبالضبط في مطار الرياض
كان في استقبالهم دانه وندى وزيد... سعود وفهد وجوهر وطبعا كانوا فرحانين برجوعهم بس جوهر أول ما شاف دانه كاشفه اعتفست ملامحه وأول ما لاحظت دانه زعل جوهر غطت وجهها على طول وما قربت منه
سعود بفرح وابتسامه وحضن: هلا بعيالي
زيد بنفس الفرح: هلا يبه والله واشتقت لكم
أما دانه فكانت عيونها على جوهر الي كان زعلان..
سعود: دانه أيش فيك يا حبيبتي ... دانه راحت وسلمت على أبوها ببرود سعود أستغرب منها بس ما تكلم علشان جوهر كان موجود
زيد بتريقه على جوهر: خير يا أستاذ جوهر ولا ما اشتقت لنا... وبخبث ولا أنت جاي تستقبل حبيبة قلبك وغمز له
جوهر وبحدة وهو يطالع في دانه: حبيبه قلبي ما كلفت على نفسها وسلمت علي وكأني ماني زوجها
فهد بابتسامة: البنت تستحي يا جوهر ولا تنسى أننا في مكان عام
جوهر وبابتسامه بدون نفس: كلامك صح يا عم فهد وعلى العموم الحمد لله على سلامتكم ... وأول ما خرجوا من المطار... ممكن ياعمي تخليني أوصل دانه على البيت
سعود طالع جوهر: مافي أي مشكله بس زيد راح يكون معكم
جوهر: عمي أنا راح أكون خلفكم على طول وما راح أبعد عنكم ولا تنسى دانه زوجتي ومستحيل أسوي فيها شيء
سعود وبحدة: ولله لو تسوي فيها شيء قبل زواجكم أنا رح أذبحك وأذبحها والحين شرفوا وخليكم وراي على طول
جوهر وبابتسامة نصر: أوكي يا عمي ويلا يا دانه
دانه بلعت ريقها لأنها ما تقدر ترفض وفي نفس الوقت قلبها نقزها: طيب يلا... الكل توجهوا لسيارة سعود ماعدا دانه الي راحت مع جوهر وأول ما طلعوا السيارة
جوهر وبشوية عصبية: ممكن تقولين لي أيش الحركة الي كنتي مسويتها قبل شويه
دانه بارتباك وخوف: أي حركة بالضبط يا جوهر
جوهر مسك دانه من زندنها: أنتي وبعدين معك أنتي تعرفين أني أكره شيء عندي الاستعباط
دانه بألم: آآآه يدي حرام عليك أنا بس سألتك ليش أنت زعلت كذا الحين
جوهر كان ماسك الدركسون بيد واليد الثانية كان ماسك دانه فيها: أظن أني قلت لك لمن ملكت عليك من أول مره بأنك ما تتلثمين وحضرتك راجعه ووجهك مفتوش ليش حضرتك من الحين تكسرين كلامي
دانه وببكاء: أسفه بس أنت بتكسر يدي
جوهر نفض يدها بقوه: أحسن ووالله لو كنتي عندي كان وريتك شغلي يالي ما تستحين على وجهك لكن والله يا دانه لو ما تفكيني من حركاتك هذي أتحملي الي يجيك مني لأن أسمك الحين رح يرتبط باسمي يعني راح يقولون زوجة جوهر وموب بنت آل الحمود فهمتي يا مدام
دانه: ..............
جوهر وبحدة: اظن أني أسألك أنتي
دانه وهي كاتمه بكاها وبخوف: طيب أن شاء الله... ومن بعدها ما تكلم جوهر وأول ما وصلوا على البيت نزلت من السيارة ودخلت بدون ما تقول أي كلمه فانقهر من تصرفها وأول ما دخلت كانت أم تركي في أستقبالها فارتمت في حضنها وهي تبكي
أم تركي: دانه حبيبتي أيش فيك ليش تبكين وفين أبوك وأخوانك
دانه: ......... بكاء وبدون رد
في هذي اللحظة دخل سعود وفهد وزيد وندى وأول ما طاحت عينه على دانه أستغرب وراح لعندها
سعود: دانه أيش الي صار وليش تبكين وطالع أمه
أم تركي: والله ما أعرف يا وليدي ليش هي ما كانت معكم

رد: دانه أنت حبيبة قلبي

وهذا البارت الخامس عشر وأتمنى أن يتال أعجبكم وأنا وأنتظر ردودكم

رد: دانه أنت حبيبة قلبي

البارت السادس عشر ......


سعود طالع في أخوه وزيد: لا هي رجعت مع جوهر
أم تركي وباستغراب: جوهر بس لا يكون قايل لها أو مسوي فيها شيء
دانه خافت أنها تتورط بمشاكل مع جوهر ومن بين دموعها: ما فيني شيء بس تعبانه والحين أنا بروح غرفتي وأرتاح شويه والحين عن إذنكم... وتركتهم وطلعت
سعود ومن بين أسنانه: أتصل على جوهر الزفت وشوف أيش مسوي في البنت
فهد وبهدوء: لا... لحظة لا تتصلون إلين ما تتأكدون من سبب بكاها يمكن الولد ما سوى لها شيء ويروح ويزعل عليها
أم تركي وبحزم: كلام فهد صحيح لا زم نتأكد علشان لا نستعجل ونظلم الولد
سعود وبتفكير في كلام أمه وأخوه: خلاص أنا بطلع لها وأشوف أيش قصتهم هي وجوهر... سعود ترك أهله وطلع على غرفة دانه ودخل بدون ما يطق الباب فشافها متكوره على سريرها وتبكي
سعود جلس جنبها وحط يده على كتفها: دانه الحين أبي أعرف أيش الي صار بينك وبين جوهر
دانه رفعت راسها وكانت بتتكلم لكنها أتذكرت كلام أمها: والله يا بابا ما صار شيء بالعكس جوهر وصلني وراح على طول
سعود وبعصبية: لا والله يعني تبين تفهميني أن بكاكي من الباب للطاقة كذا بدون سبب
دانه وبحزن: بابا أنا قلت لك أنا طيبه وما فيني شيء بس أنا تعبانه والله تعبانه يا بابا ورمت نفسها في حضن أبوها ورجعت تبكي ثاني مره
سعود أحتار فيها ومسكها من ذارعها: دانه قولي لي أيش الي صار بينك وبين جوهر لأن بكاكي هذا يؤكد لي أن في شيء وبعصبيه ولا تقولين مافي شيء والحين بتتكلمين ولا أتصل أنا وأعرف القصة من جوهر
دانه مسكت يد أبوها وهي ترتجف وبرجاء: لا يا بابا الله يخليك لا تتصل عليه
سعود وهو فاقد السيطرة على نفسه ومن بين أسنانه: دانه جوهر أيش سوى فيك وليش أنتي منهارة كذا
دانه نزلت راسها وقررت تقول لأبوها بالي صار بينهم: بابا جوهر زعلان مني علشان أنا لمن رجعت من السفر كنت كاشفه وجهي وهو زعل مني وأنا ما أحب أحد يزعل مني
سعود أتضايق من تصرف جوهر مع دانه فمسك يدها بحنان: دانه حبيبتي لا تزعلين نفسك علشان هذا الموضوع وأنا رح أتكلم مع جوهر
دانه هزت راسها بالنفي: لا يا بابا الله يسعدك لا تقوله شيء والله رح يزعل ويقول عني طفله لأني قلت لك بالي صار أنا أتأسفت منه ووعدته أني ما رح أكشف وجهي ثاني مره وأن شاء الله هو رح يرضى
سعود أتنهد وضحك في قلبه من تفكير بنته الطفولي: لا أيش رأيك أتكلم معه علشان ما عد يزعلك بس صارحيني هو مد يده عليك
دانه ارتبكت وطالعت في أبوها: لا يا بابا والله يسعدك خلي هذا الموضوع بينا وبينك ولا تقول لزيد علشان لا يتخاصم مع جوهر
سعود وبعجز من طلب بنته: طيب بس والله لو ثاني مره نزل دمعتك مارح يلوم نفسه وهو صحيح من حقه يطلب منك أنك تتغطين بس موب بهذي الطريقة وكمان وأنتي في بيت أبوك ينتظر الين يتزوجك وبعدين يتحكم فيك والله أنا ما أعرف كيف يفكر زوجك هذا والحين قومي وغسلي وجهك وغيري ملابسك علشان نتغدى
دانه وهي تمسح بدموعها: لا يا بابا أنا موب جيعانه
سعود وبحدة: لا أنتي رح تنزلين وتأكلين ولو ما نزلتي راح أزعل عليك وكمان علشان تستقبلين أعمامك وزوجاتهم لأنهم راحوا يجون ويتحمدون على سلامتك
دانه: طيب يا بابا أنا بأخذ شور وبنزل
سعود وبابتسامة: طيب حبيبتي والحين أنا بنزل علشان اطمأنهم عليك ولا تتأخرين
دانه وبابتسامة حزن: طيب يا بابا
***********************************************
وفي الدور الأرضي
كان أبو تركي وأم تركي وفهد وسمير الي وصل وعرف بالي صار وزيد جالسين ينتظرون نزول سعود علشان يعرفون ليش دانه تبكي، في هذي اللحظة نزل سعود وسلم على أبوه وأخوه سمير
أبو تركي: أيش فيها دانه أمك تقول إنها رجعت وهي تبكي عسى ماشر يا سعود
سعود تنهد وبهدوء: سلامتك يبه ما فيها شيء بس هي كانت تبي تجلس عند أمها أكثر من أسبوع
فهد وسمير وزيد طالعوا في سعود وكأنهم موب مصدقين كلامه بس قاطعهم دخول دانه وندى الي دخلوا وسلموا على أعمامهم
دانه وبصوت مبحوح: عمي فهد فين نجود ليش ما جات معك
فهد بابتسامه: في البيت والمفروض أنتي تروحين عندها لأن تهاني تقول خلاص مارح تجي هنا الا معها أو بعد الزواج
أم تركي وبعصبية: لا والله بتحرمون البنت من بيت جدها
فهد بيبرئ نفسه: والله يمه أنا مالي دخل ولو عندك أي أعتراض أتصلي على تهاني واتفاهمي معها
أم تركي وبنفس العصبية: وليش هي الرجال ولا أنت علشان تتحكم في البنت وأنت موجود
أبو تركي: خلاص يا أم تركي البنت بنتهم وهم حرين فيها
سعود وهو يهدي الوضع: يمه يبه ترى والله الموضوع ما يستاهل والبنت عروس وملكتها بعد يومين وام سلطان خايفة على بنتها وهذا من حقها ولا تنسين عريسها هنا
أم تركي باقتناع: أي كلام صح يا ولدي من حقها تخاف على بنتها
فهد فتح عيونه على الأخير وطالع أمه وأخوه: الحين يا يمه اقتنعت من كلام سعود وأنا مطلعتني خروف زوجتي
سمير وزيد ودانه وندى: ههههههههه
سعود وبعصبيه عليهم: استحوا على وجوهكم وأسكتوا وأنت يا أخوي فهد أيش هذا الكلام وكمان قدام العيال والله ما يصير يا أخوي...
*********************************************
المهم بعد يومين تمت ملكة زيد من نجود وكانت الليلة مميزه جدا وبعد الملكة با سبوع بدات دانه ونجود رحلة التجهيز فصاروا يروحون السوق كل بعد يومين أما بالنسبة لجوهر فكان مقاطع دانه من بعد أخر نقاش لهم حتى بالتلفون ما كان يكلمها أما بالنسبة لدانه فكانت قلقانة وخايفة وماهي عارفه كيف تعرف أيش يخطط لها لأنها تعرف جوهر يختفي كم يوم ويرجع بمشكله
سعود: دانه أيش فيك ليش ما تاكلين
دانه انتبهت لأبوها وحطت الملعقة: خلاص يا بابا أنا شبعت
سعود وبعصبية: أجلسي وكلي كل الي بالصحن ومابي أشوف ولا شيء في صحنك فهمتي
دانه: بابا والله أنا
سعود قاطعها بعصبية: دانه أنا قلت تأكلين كل الاكل فهمتي
دانه باستسلام: طيب الحين بأكل بس أنت لا تزعل مني
أم تركي: الله يهديك يا بنتي أنتي صرتي ما تهتمين بنفسك وزواجك بعد شهر أيش راح يقولون أهل زوجك جوعناك علشان بنزوجك... دانه حست باللقمة وقفت في حلقها وانشرقت على طول سعود أعطاها مويه وشربت
دانه: كح كح كح.... زيد طالع في أخته وحس أنو فيها شيء وضعها موب عاجبه أبدا حتى جوهر يحس أنه متغير من لما كلموه عن أخته وهو في عالم ثاني ما هو جوهر الي يعرفه
سعود بحنان: أنتي طيبه يا حبيبتي عسى ما شر يا قلبي
دانه وبدموع: أنا ما أبي أكل يا بابا والله نفسيتي مسدودة
سعود: طيب يا حبيبتي لو ما تبين تأكلين قومي وروحي على غرفتك، دانه مسحت عيونها وتركت المكان
أبو تركي طالع سعود: لا تخاف عليها كل البنات كذا لو قرب وقت زواجهم يا ولدي أنت تعرف البنات يخافوا من الزوج لأنها مرحله جديدة في حياتهم فعلشان كذا خليها على راحتها ولا تجبرها على شيء هي ما تبيه
سعود وبخوف على دانه: يبه أنت ما شفت طريقة أكلها حتى جسمها أحس أضعف من أول
أم تركي: طبيعي جسمها ينزل طالما هي ما تأكل
سعود: الله المستعان والله يعدي كل شيء على خير
ندى: على فكره يا بابا أنا ما بتزوج أتصل على زوج خالتي ناديه وقول لهم خلاص ما أبي أتزوج ولدهم عبد الله وأنا أبي أجلس معك يا بابا أنت وجدي وجدة
الكل من ندى: ههههههههه... ماعدى زيد الي كان يفكر في حال أختها وصديقه
أبو تركي: زيد أيش فيك يا ولدي أحس أنك منت معنا
أم تركي وبابتسامه: أكيد يفكر في زوجته لا تخاف هي كم يوم وتكون عندك يا حبيبي ما باقي على زواجكم الا أثنى عشر يوم ودانه ثمانية وثلاثين يوم فالله يوفقكم يا حبيبي
الكل: أمين يا رب
سعود بحدة: أنت خلصت كل أمورك يا زيد علشان خلاص بعد بكره ب نسافر علشان نروح ونشوف شقتك في المانيا
زيد: أي خلصت بس اليوم بروح للخياط علشان أشوف الثوب حقي
ندى بترجي: زيد الله يسعدك خذنا معك اليوم ومشينا علشان أنا طفشت من الجلوس في البيت
زيد: أن شاء الله يا حبيبتي، يبه أيش رأيك نأخذ أخواتي معنا علشان يغيرون جو ويمكن نفسية دانه تكون أفضل وكمان على طريقها تشتري باقي أغراضها
سعود بتفكير: خليني أفكر ولا تنسى هو الحين متزوجها ولازم تأخذ أذن من زوجها لأن هذا سفر خارج البلد يا ولدي
زيد بابتسامة: عادي يبه هي رح تروح معنا ومالوا داعي أنها تأخذ أي أذن طالما أنت معنا يعني ما سافرت مع أحد غريب
أم تركي: لا خلينا نأخذهم معنا وكلام زيد صح
سعود: طيب خلاص نأخذهم معنا
ندى بفرح: من جد بنروح معكم الحين بروح وقول لدانه علشان تجهز
زيد: قولي لها تجهز كمان علشان نخرج في العصر
ندى: طيب الحين أروح وأقولها وراحت وتركتهم
***********************************

رد: دانه أنت حبيبة قلبي

وهذا البارت السادس عشره وأتمنى أن ينال أعجبكم

رد: دانه أنت حبيبة قلبي

يعطيك الف عافيه شووشه

واتمنى للجميع متابعه وقراه راائعه

تحياتي لجهودك وعطائك ...

رد: دانه أنت حبيبة قلبي

تسلمين يا عمري والله يعافيك

رد: دانه أنت حبيبة قلبي

البارت السابع عشر...



في غرفة دانه...
دانه وجوالها في أذنها: متى رح تخلصين من المشغل
نجود: أن شاء الله هذا الأسبوع وأنتي متى راح تبدئين جلسة التنظيف
دانه: موب الحين عمتي تقول قبل الزواج بعشرة أيام
نجود: حلو طيب وأيش صار على فستانك
دانه: قالت المصممة أروح لها بداية الشهر وأنتي خلصتي
نجود: أيوه أمس كانت أخر بروفة لي
دانه بابتسامة: وكيف طلع الفستان حلو
نجود: قولي إن شاء الله، والله يا دانه ما تعرفين قد أيش أنا خايفة بعض الأحيان أقول كان مالي ومال الزواج كنت مبسوطة بحياتي
دانه: هههههه على فكرة نفس تفكيري بس صار الي صار
نجود: لا والله أشكري ربك أنتي باقي على زواجك ثمانية أو سبع وثلاثين يوم يعني أنا بتزوج وبحمل وبعدين أنتي تتزوجين
دانه بخجل: والله أنك ما تستحين كيف تقولين هذا الكلام
نجود وبحدة: أقول خليت الحياء لك يا زوجة جوهر وخليني ساكته أنتي وزوجك صاحب القبل الحارة اللهم لا حسد
دانه وهي فاتحه عيونها على الأخير: طيب أن شاء الله زيد يوريك شغلك يوم دخلتك وقبل كذا أنتي أتشمتي فيني فشوفي زواجك صار قبل زواجي ولكن تستهلين
نجود بلعت ريقها من الخوف بس ما بينت لدانه: عادي عسل على قلبي طالما أنا حاكون مع زيودي
دانه وبسخريه: زيودي طيب يا حبيبة زيودي الله يوفقكم.. وفي هذي اللحظة دخلت ندى
ندى وبفرح: دانه بابا راح يأخذنا معاه المانيا وكمان زيد يقول جهزي علشان بنخرج بعد العصر أن شاء الله
دانه عقدت حواجبها: أيش المانيا وليش بنروح المانيا أو أيش نسوي هناك
ندى وبخوف من رفض دانه: بابا قال علشان نروح ونغير جو
دانه بابتسامه: وأنتي تبين نروح معهم
ندى هزت راسها بنعم: أكيد أبي نروح لأني والله طفشت يا دانه حنا بس رحنا المغرب وما طولنا هو أسبوع ورجعنا
دانه قاطعتها ندى: طيب خلاص راح نروح يا قلبي المهم تكوني مبسوطة، أوكي وأنتي يا نجود أتصل عليك شويه أوكي يا قلبي
نجود: طيب يا حبيبتي والحين باي
دانه وهي تطالع ندى: باي يا روحي وبعد ما نزلت الجوال من إذنها اشرت على ندى علشان تجي وتجلس جنبها، والحين يا عسل ليش أنتي طفشانه
ندى وبحزن: كلكم مشغولين وما حد فاضي أنتي مشغولة في تجهيزك وبابا وزيد مشغولين بزواج زيد وبنات خالتي مسافرين وأنا هنا مثل الخبلة وما حد سأل فيني
دانه ابتسمت وضمت أختها لصدرها: أنا أسفه يا حياتي لو كنت انشغلت عنك بس صدقيني غصبا عني
ندى: أعرف يا أختي أنك ما تقصرين معي والله يخليك لي
دانه وبفرح: أمين يا عمري ويخليك يا عسل لينا وجلست تدغدغها
ندى وهي تضحك: خلاص الله يسعدك أنا بموت من الضحك، دانه تركت ندى علشان لا تشرق
دانه: تعرفين يا ندى أنا نفسي أروح فين
دانه وبابتسامه: فين تبين تروحن
دانه: نفسي أروح البحر والله اشتقت له
ندى وببراءة: بس هنا مافي بحر الا في المنطقة الشرقية
دانه وباستغراب: وفين هذا المكان بعيد
ندى: أظن يبيله أربع ساعات
دانه: أف والله بعيد مره خلاص لو رحنا المانيا نروح
ندى لوت بوزها: هم خليهم يفضون لنا وبعدين يودونا البحر
دانه: الله يجيب الي في الخير والحين روحي وصلي علشان نجهز
ندى احتضنت دانه وباستها في خدها: حاضر يا أختي الغالية... وبعد ما خرجت ندى، دانه أخذت جوالها واتصلت على رهام
رهام: هلا والله بدانه
دانه: هلا فيك كيفك وكيف نوف وزياد
رهام: الحمد لله طيبين
دانه: متى بتجون عندنا والله أنا اشتقت لنوف
رهام: بكره بنجي ونتغذى معكم
دانه: أن شاء الله والحين قولي خلصتي تجهيزات زواج زيد
رهام: أنا خلصت كل شيء بس باقي هذي الفعصونه ما لقيت شيء يناسبها الين الحين
دانه وبتفكير: مممم أوكي خلاص أنا شفت فستان مره حلو خليني أشتريه لها
رهام: طيب قولي لي فين شفتيه وأنا أروح وأشتريه لها
دانه باندهاش: وليش ماني ماليه عينك يا رهام
رهام وما عجبها كلام دانه: وليش تقولين كذا يا حبيبتي دانه أنتي عروس وتحتاجين لكل ريال
دانه وباهتمام: الحمد لله بابا وجدي ما هم مقصرين معي أنا وكمان مهري موجود ما أخذت منه ولا شيء
رهام: أوكي يا حبيبتي العذر والسماح يا قلبي وهذي بنت أخوك أشتري لها كل الي تبينه
دانه وبابتسامة: أي كذا هذا الكلام الزين والحين أنا بقفل علشان بخرج مع زيد وندى
رهام: فين بتروحون على السوق
دانه: أي بنروح السوق وبعد كذا نروح الملاهي وبعدين نروح المطعم نتعشى ونرجع على البيت
رهام: أها أوكي يا قلبي انتبهي على نفسك والحين مع السلام
دانه: مع السلام... وأول ما قفلت الخط قامت وتوضأت وصلت وبعد ما غيرت ملابسها ولبست عبايتها وأخذت نظارتها الشمسية جلست على سريرها تنتظر ندى وزيد وعلى الساعة خمسة ونصف خرجو من البيت وراحوا على السوق وأخذوا لهم كم غرض وعلى الساعة سبعة وبعد ما صلوا في مسجد المول راحوا على الملاهي
**************************************************
في نفس البلد بس في بيت طلال
كانت جوري جالسه مع عنود في الصالة العنود كانت تفكر في ولدها فيصل الي ترك ولده طلال الي ما يعرفون من فين جاء وكيف أنولد وجوري كانت تراسل صديقتهم ريماس وتقولها أيش راح تلبس في زواج أخوها
عنود وبعصبية: جوري وين أخوك
جوري طالعت أمها ورجعت على جوالها: ما ادري عنه يمكن يكون في غرفته أنا ماني مسؤولة عن احد وبالضبط ولدك هذا ما أقول غير الله يخلف على زوجته المسكينة
عنود وما عجبها كلام جوري: والله من جد أنك ما تستحين على وجهك أنا سألتك سؤال واحد وأنتي رديتي بعشره
جوري: أنتي يا ماما دايما تزعلين من الحق
العنود وبحدة: أي حق الي قلتيه ويكفي الولد له كم شهر وحاله موب عاجبني
جوري وبضحكة سخريه: هذي نهاية الدلع أنتي يا ماما مره دلعتي عيالك وقولي أيش النتيجة يا ماما واحد يخاف من زوجته والثاني هاج من البيت ومن البلد وكل يوم طالع بمصيبه شكل والثالث الله يستر منه مسوي فيلم رعب في البيت
عنود: أن شاء الله يسمعونك أخوانك علشان يكسروك تكسير
جوري: لا يكسروني ولا أكسرهم أنا بقوم وأطلع على غرفتي أفضل لي، جوري وفقت علشان تطلع على غرفتها فشافت جوهر واقف قدامها جوري من الصدمة عضت على لسانها
جوهر: خلصتي يا جوري من الردح
جوري طالعت أمها: آسفة ما كان قصدي أتكلم عليكم ولكن تصرف فيصل قاهرني وأهلك ساكتين ومخلينه على هواه
جوهر وبهدوء على غير طبيعته: خلاص روحي وربيه من أول وجديد
العنود: تعال يا حبيبي وأجلس جنبي وخلك من جوري وخرابيطها
جوهر: لا أنا باخرج بروح وأشتري كم غرض لي
العنود: خليها بكره وتعال خلينا نتكلم قبل ما يرجع أبوك... جوهر جلس جنب أمه، قول لي يا حبيبي خلصت من أغراضك يا حبيبي ترى ما باقي كثير على زواجك
جوهر: أي كل شيء جاهز وحتى القاعة تقريبا خلصنا منها واخترنا البوفيه والتقديم وكل شيء جاهز قبل شويه اتصلت على حمد وقال لي كل شيء جاهز والكروت بكره بتوصل
العنود: كم كرت طبعوا
جوهر: أربع مية كرت ميتين لنا وميتين لأهل دانه
العنود: بخصوص دانه كيف حالها والله اشتقت لها
جوري: دانه طيبه وأمس سافرت على المانيا مع أهلها علشان تغير جو
جوهر طالع جوري والشرر طالع من عيونه: أيش سافرت ومين الي سمح لها تسافر ولا نسيت المدام أنها على ذمتي خلاص
جوري خافت من جوهر لأنها كانت تحسب بأن جوهر يعرف بسفر دانه: لا أنا أمزح معك دانه هنا في بيتهم
جوهر وقف ورح ومسك أخته من معصمها وبصراخ: مين الي قالك إنها سافرت
جوري وبخوف من أخوها: ما أدري والله ماما شوفي ولدك
العنود قامت بسرعة ومسكت جوري وبعدتها عن جوهر: أيش فيك أنت عادي البنت سافرت مع أهلها يا حبيبي ليش أنت معصب كذا يعني ما قالو لك أنها مسافرة لوحدها
جوهر وبعصبيه على أمه: خليها تسافر لوحدها علشان ألحقها وأذبحها لكن والله لوريها شغلها علشان تعرف كيف تسافر بدون علمي لأني أنا موب طرور هنا
العنود طالعت جوري بعتب: خلاص يا جوهر ترى والله عادي أنت ليش مكبر الموضوع يمكن راحت علشان يجهزون شقة أخوها
جوهر قاطع أمه: مومن حقها تسافر بدون ما تخبرني خلصت من دورة الاسواق والحين المدام في المانيا بس هين يا دانه أنا لي كلام معها
جوري بلعت ريقها وطالعت في جوهر المعصب على طول سحبت نفسها على غرفتها
العنود تحاول تهدي الوضع وبتبرير: أجلس علشان أتكلم معك يا حبيبي والله الموضوع ما يستاهل أنك تزعل نفسك كذا والبنت والله ضعيفة وتراها عروس يمكن البنت ناقصها أي شيء فراحت مع أهلها علشان تكمل مشترياتها يا جوهر
جوهر زفر بضيق: يمه دانه موب لا زم تسافر بدون ما تقول لي والله لو طاحت بين يدي مارح أرحمها علشان تعرف أشلون تسافر بدون أذني
عنود فتحت عيونها على الاخر بصدمه وحزن على دانه: لا يا جوهر والله حرام
جوهر طالع في أمه وطلع وتركها على غرفته
العنود: الله يهديك يا جوري دايما أقول لا تتسرعين في الكلام والله سببتي مشكله للمسكينة دانه عن جد أحس أني ظلمت البنت يوم خطبتها لجوهر هذا ولدي وماني قادره عليه أجل المسكينة كيف رح تتفاهم معه

رد: دانه أنت حبيبة قلبي

وهذا البارت السابع عشر وأتمنى أن ينال أعجبكم

رد: دانه أنت حبيبة قلبي

البارت الثامن عشر


طلال وبضحك: مع مين تتكلمين يا أم طارق
العنود: الحمد لله الله جابك والله ولدك رح يجنن اليوم
طلال با ستفسر: ولد مين بضبط عيالي ثلاث الله يحفظهم
العنود بعصبية من برودة زوجها: جوهر في غيره الأستاذ زعلان لأن دانه مسافر مع أهلها بدون ما تستأذن منه
طلال وباستغراب: طيب وهو كيف عرف هي قالت له
العنود طالعت زوجها بنصف عين: لا والله أنا أقولك هو زعلان لأنها سافرت بدون علمه وأنت تقولي هي قالت له
طلال: طيب عادي وأيش الي يزعل البنت سافرت مع أهلها
العنود: والله ما ادري لو كنت شفت قبل شوي كان قالت إنها سافرت لوحدها هاج مثل المجنون وقام على جوري بدرجة أن البنت خافت وراحت على غرفتها
طلال: وليش جوري أيش دخلها في الموضوع علشان يهاوشها
العنود: خليها تستاهل لأنها هي الي قالت له أن دانه سافرت
طلال: الله يعين دانه على ولدك هذا وعصبيته الزايدة والله من جد أحنا أستعجلنا في موضوع الملكة والزواج ومثل ما قالت جوري أحنا ظلمنا البنت
العنود: عاد هذا الي صار والله يسترعليهم
****************************************************
وفي نفس البيت بس في غرفة الجوري
جوري كانت تتصل على دانه بس دانه ما كانت ترد
جوري بارتباك: ردي يا دانه الله يخليك ردي علي لازم أكلمك اليوم... في هذي اللحظة دخل عليها جوهر.. وبينها وبين نفسها الله يستر عليك يا جوري اليوم
جوهر وهو يرص على أسنانه: أعطيني رقم الزفت دانه
جوري وقفت بارتباك: وليش
جوهر صرخ في الجوري بدرجة أنها فزت من الخوف: أقول لك هاتي الرقم لا أحط كل حرتي فيك
جوري وبخوف: طيب حاضر بس أنت لا تعصب علي
جوهر: أقول هاتي الرقم أقول ومأبي كثر حكي
جوري أخذت جوالها علشان تعطي جوهر الرقم بس جوهر نتش الجوال من يدها ودفها على السرير: أنتظر أنا الي راح أعطيك الرقم
جوهر طنش الجوري وفتح جوال أخته وأول ما شاف رقم دانه أتصل عليها من جوال جوري
*********************************************
وفي المانيا
دانه كانت في المطعم مع أهلها يتعشون ويرجعون على الفندق
ندى: دانه عندك مناديل
دانه وبابتسامه: أي عندي لحظة يا حبيبتي، دانه فتحت شنطتها علشان تعطي ندى المناديل فشافت جوالها يرن أخذت الجوال وأعطت أختها الشنطة خذي المناديل علشان أنا برد على الجوري
ندى: طيب
دانه ردت على الجوري: هلا حبيبتي وانصدمت من الشخص الي كان يكلمها
جوهر: أهلا يا مدام دانه
دانه طالعت في أهلها الي كانوا مشغولين ويتكلمون مع زيد في الترتيبات: ........ بدون رد
جوهر وبعصبية: ممكن أعرف فينك
دانه خافت أهلها يسمعون جوهر يهاوشها فاستأذنت وبعدت شوي وردت بتوتر: في البدايه وعليكم السلام والشيء الثاني أنا مسافرة مع أهلي
جوهر وبصراخ: ومين سمح لك تسافرين يا مدام ولا هي وكاله بدون باب علشان تسافرين بدون علمي ولا ما كفاك الدواره في الاسواق مع المدام نجود
دانه حست كلامه طعنات في قلبها: جوهر الله يعافيك خلاص والله تعبت من المشاكل وأنا قلت لك أني مسافرة مع أهلي فليش أنت زعلان كذا وكمان البيت مافي أحد غير الخدم ومن سابع المستحيلات أبويه يخليني أجلس لوحدي
جوهر وباستهزاء من كلام دانه: لا والله عذر أقبح من ذنب لكن هين يا دانه أنا لي كلام معك بس أنت انتظري علي شويه
في هذي اللحظة سمع واحد يتكلم مع دانه: مرحبا يا أنستي أنا تيم مكسيمليان مدير شركة من شركات الأزياء وقد نلتي أعجابي فهل وقبل ما يكمل
دانه قاطعته: أرجوك أبتعد عني فانا لست عارضه يا سيد تيم.. جوهر كان سامع كل شيء وكان نفسه يخرج من السماعة ويقتل دانه وتيم الحيوان
جوهر ومن بين أسنانه: أنتي فينك يا زفت أنت حضرتك خرجها لوحدك يا حيوانها
دانه وبخوف: لا والله أنا مع أهلي بس
جوهر وبحدة: لا تكذبين وعلى ما أعتقد عندي أذان أسمع صح يا مدام
دانه التفت على زيد وطلبت منه يجي، زيد أول ما شاف تيم وقف مع أخته قام هو وأبوه بسرعة وراحوا لعندها وبعدوه عنها
زيد وبشوية عصبية ومن بين أسنانه: أش عندك هنا وليش تركتينا وجيتي هنا دانه طالعت أخوها وأعطته الجوال ورجعت عند أبوها وهي تحس بقهر من تصرفات جوهر وزيد الي جاء وكملها
وما فاقت ألا على صوت زيد: أيش فيك أنتي خذي جوالك
دانه أخذت الجوال: شكرا
سعود: هذا الرجال والله مجنون قال أيش يبي دانه تعرض له ملابس اسلاميه... المهم بعد العشاء رجعوا على الفندق دانه على طول دخلت على غرفتها غيرت ملابسها ورمت نفسها على السرير بس دخلت عليها جدتها...
أم تركي: دانه اجلسي لأني أبي أتكلم معك
دانه جلست: سمي يا جدة
أم تركي بعدت شعر دانه عن وجهها الشاحب: أيش فيك يا حبيبتي أنتي مريضه يا بنتي
دانه: لا يا حبيبتي ما فيني شيء يا جدتي بس حاسة نفسي مرهقة من دوران اليوم
أم تركي: متأكدة يا حبيبتي
دانه وبابتسامة شاحبه مثل وجهها: أي يا جدتي تطمني أنا طيبه يا حياتي
أم تركي اطمأنت على دانه ورجعت على غرفتها دانه خرجت من غرفتها وراحت على غرفة أبوها وهي ماخذة قرارها الأخير بس أهم شيء أبوها يقتنع
****************************************
وفي السعودية
كان واقف في انتظار وصول الرحلة وكل شويه يطالع في ساعته وأول ما دخلوا المسافرين وقف يدور أخته وطبعا هي لمحت أخوها راحت لعنده
دانه: السلام عليكم
زياد بابتسامه أحتضنها: هلا والله حمدلله على السلامة
دانه وهي متغطيه تمام: الله يسلمك يا حبيبي.. وأول ما أخذ شنطتها خرجوا من المطار وراحوا على بيت زياد
زياد فتح الباب ودخلوا: هلا حياك يا دانه أدخلي البيت بيتك يا حياتي
دانه وبفرح: تسلم يا قلبي والله لا يحرمني منكم
رهام خرجت واستقبلت دانه أفضل أستقبال: هلا والله نورتي البيت يا عمري
دانه: البيت منور بنوف طبعا
رهام: يعني أنا أقولك نور البيت وبدل ما تقولين منور فيني تقولين منور بنوف خلاص خلي نوف تستقبلك
دانه: هههههه أول مره أشوف أم تغار من بنتها
رهام وهي تعض على شفايفها: وليش ما تعرفين أن البنت طبينة أمها ما شاء الله حتى أمي وابوي يحبونها أكثر مني موب كأنهم شافوني قبلها
دانه وهي تحتضن نوف: يا ختي بنتك هذي تجنن والله أحبها والله راح أشتاق لها لو رحت أمريكا
زياد وبحزن على فراق أخته: رح تشتاق لك هي كمان وكلنا راح نفتقدك
دانه ودمعتها ببداية عينها: لوكان الامر بيدي كان ما تزوجت ولا سافرت أحس نفسي بروح وما برجع
رهام حست بأن الجو راح يتكهرب: لا بعيد الشرعليك يا قلبي والحين أيش رأيكم نقوم ونتعشى علشان تدخلين وترتاحين
دانه بابتسامة شاحبه: أوكي .... اتعشت دانه مع زياد ورهام وبعد كذا دخلت علشان تنام بس أول ما حطت راسها على المخدة جاها هاجس ((جوهررر)) والي طير النوم من عيونها دانه جلست وأخذت جوالها واتصلت على نجود بس نجود ماردت فكرت تتصل على جوري بس خايفة تتصل ويرد عليها جوهر ففكرت ترسل رسالة لها (جوري أنتي نايمة يا روحي لأني طفشانه) على طول رن جوالها
دانه وبخوف: الووو
جوري بضحك: والله جوهر مسوي فيك التهاويل
دانه بسخريه ههههه: لا والله البركة فيك يا أنسة جوري
جوري بخجل: أسفه لكن أنتي رجعتي السعودية
دانه أتنهدت من قلبها: أيوه رجعت يا حبيبتي بعد كلام أخوك الي يسم البدن
جوري: مع مين رجعتي طيب
دانه: رجعت لوحدي طبعا وبابا وزيد زعلوا مني بس ما كان بيدي أي خيار
جوري: أف يا دانه أنتي من جدك رجعتي لوحدك والله لو عرف جوهر بيسوي لك سالفه علشان كذا لا تقولين لها ترى زوجك هذا صار غيور وبس يعصب
دانه: مصيره يعرف لأني ما أحب أبني حياتي معه على كذب
جوري بابتسامه: ما علينا من هذي السواليف وحمدلله على سلامتك والحين قولي لي أيش اشتريتي من المانيا
دانه: وليش هو أخوك يخلي الانسان يشتري الي يبيه
جوري أتنهدت على حال دانه: دانه ممكن أسألك سؤال وتجاوبيني بكل صراحة وبدون كذب
دانه كأنها عارفة جوري أيش بتقول: أتفضلي يا قلبي وأن شاء الله أقدر أجاوبك
بس جوري اتراجعت عن السؤال: خلاص أنسي الموضوع يا روحي لكن أيش رأيك أمرك بكره ونروح السوق علشان تكملين باقي مشترياتك
دانه: لا والله وأيش راح يفكني من أخوك بعدين بس أنا عندي فكره أفضل أيش رأيك تجين عندي نتقهوى ونتعشى مع بعض وبعد كذا ترجعي بيتكم بكذا أشوفك وتشوفيني وأفتك من عصبية جوهر
جوري فطست من الضحك: أنتي من جد شيء ثاني
دانه تضايقت من تصرف جوري: ممكن أعرف ليش تضحكين
جوري وهي تضحك: خلاص أن شاء الله بكره راح أصلي المغرب واجيك وأتعشى معك بس أيش تبين أجيب لك معي
دانه: أبد سلامتك أنتي تعالي وكل شيء رح يكون جاهز
جوري: أوكي يا حياتي بس أيش رأيك أقول لجوهر أنك رجعتي
دانه حست بخوف وارتباك: لا لا تقولين لها الله يسعدك أخاف يتصل ويمسح فيني الأرض
جوري استغربت من دانه: طيب يا حبيبتي بس أنتي هدي وموب لأزم يعرف أنك جيتي يا حبيبتي بس أنتي هدي وبكره لو أنا جيت في كلام كثير بيننا أوكي

رد: دانه أنت حبيبة قلبي

وهذا البارت الثامن عشر أتمنى أن ينال أعجبكم