رد: دانه أنت حبيبة قلبي

انتظروني في البارت الخامس اليوم بعد العشا أن شاء الله وأسفه على التأخير

رد: دانه أنت حبيبة قلبي

البارات الخامس ....
***************************************************
سعود: دانه أيش فيك
دانه فتحت عيونها لمن استوعبت أن الي عندها أبوها وموب جوهر: على طول أرتمت في حضنه وهي تبكي وفي نفس الوقت شعرت بالأمان
سعود حس بخوف دانه: وضمها على صدره ومسح راسها: دانه حبيبتي أيش فيك يا بنتي
دانه: وهي في صدر أبوها وترتجف من الخوف: أنا خايفة يا بابا خايفة
سعود أستغرب وبعد دانه عنه: من أيش أنتي خايفة يا دانه
دانه: ........
مسك سعود يدها وراحوا عند سريرها وجلسوا مع بعض وطالع فيها وهو محتار يعرف بنته ما تتكلم بسهولة لأنه من وقت ما عرفها وهي كتومه مثل أخته نوال فحس من شكل بنته أن فيها شيء موب طبيعي
سعود: دانه قولي أيش فيك وليش تبكين في أحد سوالك شيء يا بابا
دانه تهز راسها بالنفي: لا يا بابا بس الله يخليك لا تروح وتتركني لوحدي
سعود استغرب: ومن قال إني بروح عنك يا حبيبتي أنا دايما معكم ولو كنت ماني في جدتك وجدك وأخوك زيد صح
دانه: صح يا بابا
سعود: طيب حبيبتي روحي وغسلي وجهك تراني ما أحب أشوفك كذا يا حبيبتي
ابتسمت دانه: أن شاء الله يا بابا وتركت أبوها ودخلت على دورة المياه غسلت وجهها وبعد ما خرجت جلست جنب أبوها
سعود مسح على راسها: كيفك الحين يا قلبي
دانه: الحمد لله أنا طيبه يا بابا والحمد لله على سلامتك والله اشتقت لك
سعود: الله يسلمك طبعا بعد ما خوفتيني عليك
دانه وبصوت باكي: أنا أسفه يا بابا
سعود: أوكي حبيبتي أنت نامي الحين وبكرة لنا جلسة أنا وأنتي
دانه مسكت يد أبوها وبخوف: بابا الله يخليك أجلس معي ما أبي أجلس لوحدي الله يخليك
سعود: طيب حبيبتي أنت نامي وأنا راح أجلس معك هنا
دانه حطت راسها على المخدة وهي حاس بالأمان من وجود أبوها معها أما سعود فكان باله مشغول مع دانه ويبي يعرف سبب خوفها طالع فيها لقاها نايمة شاف جوالها جنبها أخذه وفتحه لقاه مقفول رجع الجوال مكانه جلس عند دانه الين ما أذن الفجر صحى دانه علشان تقوم وتصلي الفجر وهو خرج من غرفة دانه ودخل على غرفة ندى ولي كانت نايمة في سابع نومه وبعد ما خرج من عندها دخل على غرفة زيد فما لقاء في فراشه والي كان يدل أن أصلا ما هو في البيت
نرجع لي زيد وأصحابه
سالم: شباب يله نقوم ونصلي علشان نرجع على البيت
جوهر: أيش ترجعون البيت ترى السهر إلين الساعة عشر وبعد كذا روحوا
زيد: أنت من جدك يا جوهر ترى يا شباب أحنا اليوم راح ننطرد من بيوتنا
جوهر: عادي الاستراحة مفتوحة لكم في أي وقت تبونها تعالوا وأجلسوا فيها
زيد قبل ما يرد رن جواله طالع في الرقم: يا ويلي هذا أبوي غريبه أتصل الحين بس لا يكون أبوي رجع البيت قسم بالله راح يتوطى فيني اليوم
جوهر والي عرف بان سعود في البيت: رد عليه لا انت اليوم ميت ميت لا مفر
زيد: أسكت أنت كله منك ورد زيد بسرعة: هلا يبه
سعود وبعصبيه: فينك أنت
زيد: أنا في البيت ليش يبه بغيت شيء
سعود ومازال معصب: أنت متأكد أنك في البيت يا زيد
زيد حس أن أبوه في البيت: لا يبه أنا الحين برجع على البيت لأني مع أصحابي
سعود: ...................
زيد: يبه أنت في البيت ... السماعة انقفلت في وجه زيد عاد زيد خاف يتفشل قدام الشباب فقال: خلاص يبه أنا الحين برجع على البيت والحين سلام يا الغالي
سالم: أبوك رد البيت يا زيد
زيد وهو يفرك راسه: أظن أنه في البيت والأفضل أني أنا كمان أرجع علشان لا يذبحني
جوهر: أيش ريك نطلع على المول بعد بكره علشان الي بالي بالك
زيد: والله لو ما قتلني أبوي راح أكون معكم بس لو رحت فيها ادعولي أدخل الجنة
الشباب: ههههههههه من كلام زيد
زيد: وعلى العموم أنا بروح المزرعة فلو رحت راح أعزمكم هناك علشان نتسابق على الخيول
جوهر: أنت من جدك بتراوح المزرعة طيب ليش ما خبرتني
زيد: علشان باقي جدي ما أكد لنا الروحة
جوهر: ليش جدك بيروح معكم
زيد: أي راح نروح كل العايلة وراح نجلس أسبوع كامل وبعد كذا يمكن نسافر خارج السعودية
جوهر: خلاص أوكي بس لو ما رحت راح نروح المول أوكي
زيد: أن شاء الله على خير والحين في أمان الله... خرج زيد من عند العيال وراح وصلى وبعد كذا رجع على البيت والي كان سعود ينتظره في غرفته... زيد كان متوقع يشوف أبوه في وجهه سعود كان مقهور من تصرف زيد وغير كذا انه كذب عليه
سعود: شرفت يا سيدي
زيد: .........
سعود ومن بين أسنانه: لا كان جلست مع ربعك إلين الليل أيش رجعك الحين
زيد: يبه تراني ما طلعت من البيت غير الساعة أثني عشر
سعود من العصبية صفع زيد كف: هذا علشانك موب رجل وغير كذا خارج وتارك اخواتك البنات والبنت ميته من الخوف وأنت حضرتك صايع مع أصحابك أنت أصلا لو رجال ما تخرج في أخر الليل
زيد وبقهر: يبه أنا من أسبوعين ما خرجت وعندك جدي أساله حتى أمس ماكنت بروح بس العيال كانوا مسوين عشاء فأصروا أني أروح وأتعشى معهم علشان كذا رحت وأخواتي أنا قايم بكل واجباتي معهم ولو ما صدقتني أسال جدتي
سعود: شب ولا كلمه أنا ما راح أسأل أحد أنا راح أصدق الي شفته بنفسي والله يا زيد لو ما تعدلت زين أنا راح أعيد تربيتك من جديد لو أنت ما تتصرف مثل الرجال أنا راح أخليك رجال بطريقتي فهمت
زيد وبدموع: أي فهمت وأنا أسف يبه
سعود حس بانه قسى على زيد فخرج وتركه... زيد جلس على السرير وجلس يبكي من داخل قلبه حس أن أبوه جرحه ببعض الكلام...
ودانه كانت في غرفتها شبه نايمة وخايفه جوهر يدخل عليها في أي وقت...
ندى نايمة وما تعرف عن الي يحصل في البيت...
سعود في غرفته يفكر كيف يخلي دانه تقول له بالي مخوفها وفي نفس الوقت حاس بأنه حمل زيد مسؤولية فوق طاقته...
*****************************************************
في نفس اليوم ....
وفي غرفة الطعام وعلى الساعة أثنين والكل جالس ماعدا زيد
أم تركي: جوي فين زيد ليش ما قلتي له ينزل ويأكل
جوي: هو قول ما يبي سوي أكل
أم تركي: هوو وليش أن شاء الله هو أيش فيه حتى الفطور ما أكل
سعود: ندى روحي وقولي لاخوك ينزل لا أطلع له أنا بنفسي
ندى: طيب يا بابا
أبو تركي: انا الحين عرفت ليش زيد ما نزل شكل سعود مسوي في شيء
سعود معصب: .........
أم تركي: سعود أنت أيش مسوي في الولد
سعود: أنا ما سويت له شيء يا يمه بس أنا أبي أعيد تربيته من جديد... دانه طالعت في أبوها ونزلت راسها
أم تركي: حرام عليك الولد أيش سوى علشان تقول عنه كذا والله أنه رجال والنعم فيه
أبو تركي: أي والله أنه رجل وأنا أشهد عليه يا سعود
سعود حس بغصة من كلام أبوه وأمه وحس بغلطه على زيد... المهم بعد ما نزل زيد أتغدو وبعد الغدى جلسوا مع بعض والكل كان يتكلم الا دانه وزيد. دانه كانت شايلة هموم الدنيا فوق راسها وزيد مأخذ على خاطر من أبوه
أم تركي: أبو تركي ترى نسيت أقولك اليوم العشاء في بيت تركي
أبو تركي: ماشاء الله وأيش المناسبة
أم تركي: علشان عبد العزيز ووتين راجعين اليوم من أمريكا
سعود: ماشاء الله في أي رحلة بيوصل يا يمه
أم تركي: والله ما أعرف يا حبيبي بس يمكن على الساعة ثمانية أو ثمانية ونصف فعلشان كذا أحنا بنروح على الساعة ست أن شاء الله
سعود: أن شاء الله يمه طالع في دانه لقاها في عالم ثاني من القهر عض على شفايفه
أم تركي: سعود عسى ماشر يمه أيش فيك
سعود وبحسرة على بنتها: سلامتك يمه بس أتذكرة حاجة كنت ناسيه
دانه وفقت: عن إذنكم أنا برجع غرفتي علشان بتصل على نجود... تركتهم وطلعت على غرفتها سعود لحقها على طول وأول ما دخل عليها شافها ماسكة جوالها
سعود: دانه أقفلي جوالك لأني أبي أتكلم معك
دانه بلعت ريقها: هلا يا بابا
جلس سعود جنبها: دانه حبيبتي لا تعتبريني أبوك اعتبريني أمك أو صديقتك وصدقيني أنك لو وثقتي فيني ما راح أتركك مهما كان أنا أبوك وأخاف عليك علشان كذا أبي أعرف أيش فيك أنتي متورطة مع أحد وجالس يهددك قولي لي وأنا أتصرف
دانه وهي مرتبك: لا يا بابا بس أنا كانت نفسيتي تعبانة شويه وما أدري ليش صرت أخاف وتجيني كوابيس مخيفه لكن ما في أحد يهددني
سعود وموب مصدقها: متأكدة يا دانه
دانه: أي يا بابا ولا تخاف علي ترى أخوي زيد ما يخلينا لوحدنا حتى أمس خرجنا وتعشينا ومرة انبسطنا
سعود: الحمد لله والحين قولي كيف كانت اختباراتك
دانه: لا الحمد لله كل شيء كان تمام وأن شاء راح أرفع راسك يا بابا
أبتسم سعود: الحمد لله حبيبتي بس أي يوم تحسين نفسك متضايقة أنا راح أكون موجود أو عندك عمك سمير اتفقنا يا حبيبتي
دانه: أوكي يا بابا وعن جد لا تخاف علي يا حبيبي
سعود: أوكي بس يا دانه أتمنى تكوني محل ثقتي لأني لو اكتشفت بأنك تكذبين علي ما راح أرحمك أنتي تعرفين زين لأني أكره الكذب
دانه نزلت عينها: طيب يا بابا
سعود: طيب جهزي نفسك علشان نروح بيت عمك
دانه: أن شاء الله يا بابا... خرج سعود من غرفة دانه ودانه جلست وهي تضرب على خدها وتقول ياويلك يا دانه من سعود لو عرف بالي حصل بينك وبين جوهر والله راح يذبحني ذبح يا ربي أنا أيش أسوي والله أنا مالي ذنب بس ما أقول غير الله يسامحك يا جوري أنت وأخوك ليتني ما جيت حفلتك كان ما حصل الي حصل لي بس يا رب أستر لأني والله أعرف من فين ألقاها من بابا ولا من جوهر إلي خلى حياتي جحيم في جحيم يا ربي فينك يا ماما... ماما أنا لازم أروح وأشوف ماما بس كيف راح أقنع بابا علشان يخليني أروح... وفي هذي اللحظات دخلت ندى
ندى: أيش فيك يا أختي
دانه وبتعجب: أيش فيني ما فيني شيء
ندى باستغراب: طيب أنتي ما بتروحين معنا بيت عمي تركي
دانه: لا بروح وليش أجلس لوحدي
ندى: هههههه ليش أنتي تخافين تجلسين لوحدك
دانه: (لو كنتي تعرفين جوهر كان متي من الخوف مثلي) لا ما أخاف وليش أخاف
ندى: أوكي يله جهزي بسرعة علشان نروح مع بابا
دانه: لا أنا بروح مع زيد
ندى بس زيد يقول ما راح يروح
دانه: وليش أن شاء الله
ندى: والله ما أعرف يا أختي
دانه: أوكي الحين بروح وأشوف ليش ما بيروح معنا
ندى: أوكي روحي يمكن تقدرين تقنعيه يروح معنا
دانه: أوكي... خرجت من غرفتها ورحت على غرفة زيد وحاولت معه أنه يروح معهم بس هو رفض فأصرت دانه أنه يروح معهم فطردها من عنده دانه رجعت غرفتها وهي معصبه
ندى: ههههههههه ها أيش صار معك
دانه وبعصبيه: أتخيل زيد طردني من غرفته
ندى: عادي أتخيلي أي شيء من زيد لو كان معصب
دانه: وليش معصب مني
ندى: هو موب معصب منك هو معصب من بابا لأنه ضربوا
دانه: أيش بابا ضرب زيد طيب ليش
ندى: لأن زيد كذب على بابا وأنتي تعرفين بابا ما يحب أحد يكذب عليه واللحين أنا بروح والبس علشان أنا كمان لا يعصب عليا
دانه: أنا بس أبي أعرف كيف عرفتي كل هذا
ندى قبل ما تخرج: من مصادري الخاصة يا دانه
دانه: أها أوكي يا عسل روحي وجهزي... بعد ما راحت ندى دانه أخذت شور وبعد خروجها لبست بنطلون جينز ماسك وبلوزه وردي واسعه مشطت شعرها وربطت ذيل حصان وحطت روج وردي وبالشر وردي غامق وتعطرت من عطر بربري وبعد كذا أخذت الشنطة وشيكت على نفسها في المراية وبعد ما أتأكدت من كل شيء لبست عبايتها وطرحتها وخرجت من غرفتها وأول ما نزلت شافت أهلها ينتظروها
دانه: أنا جاهزة فين جدي وجدتي
سعود: سبقونا والحين يله نروح
دانه: يله... خرج سعود مع بناته وراحوا على بيت أخوه تركي ولما وصلوا دخلت دانه هي وأختها وسلموا على أعمامهم وقبل ما يدخلوا عند الحريم فسخوا عبايتهم وبعدين دخلوا وسلموا وبعد كذا جلست جنب نجود
نجود: أيش فيكم تأخرتم
دانه: بالعكس جينا بدري
نجود: جيتوا مع زيد
دانه: لا زيد ما جاء
نجود: وليش عسى موب بمريض
دانه: لا هو طيب بس قال ما يبي يخرج من البيت
نجود: هو أصلا زعلان علي علشان أمس ما رحت وتعشيت معكم
دانه: أحسن تستاهلين وأن شاء الله يجلس شهر ما يكلمك
نجود: لا والله أتحداه
دانه: طيب أنا راح أقول له هذا الكلام بس أهم شيء لا تنكرين قدامه أوكي
نجود: والله لو قلتي له ما راح أكلمك إلين ما أموت
دانه: هههههه طالما كذا خلاص ما راح أتكلم... واو رهام جات بروح وأجيب نوف والله اشتقت لها دانه قامت وأخذت نوف من رهام ورجعت وجلست بدون ما تسلم على رهام
رهام: دنوا ليش ما سلمتي علي يعني
دانه عضت على لسانها: والله أسفه نسيت يا قلبي أنتي تدرين أني أموت في نوف وأنا لي أسبوعين ما شفتها
رهام: طيب خليها عندك ولو طفشتك وديها عند مربيتها
أم عبد العزيز: رهام أنا كم مره قلت لك لا عاد تخلين نوف عند الشغالة
دانه: لا تخافين يا خالتي أنا راح أخليها عندي
أم عبد العزيز: والله أنك بنت سنعه يا حبيبتي
دانه وهي تلعب نوف: تسلمين يا خالتي والله لا يحرمني منك
أم سلطان: ما شاء الله عليك يا دانه والله لسانك ينقط عسل وياليت الي جنبك مثلك
نجود: شكرا يا ماما هذا من ذوقك
دانه أنحرجت من كلام زوجت عمها: لا يا خالتي حتى نجود مثلي وأفضل كمان وأنا أحبها وأموت فيها بعد
نجود: يا حياتي يا دانه أنا كمان أحبك والله
أم عبد العزيز: الله يخليكم لبعض...بعد ما وصل عبد العزيز وزوجته أتعشوا وانبسطوا كل العايلة وفي تمام الثانية رجعوا على البيت
دانه: بابا متى بنروح المزرعة
سعود: يوم الخميس أن شاء الله
دانه: طيب بس ترى أنا بروح السوق مع نجود ورفيقتي علشان نشتري أغرض حفلة التخرج
سعود: ومتى بتروحون أن شاء الله
دانه: بعد بكره لأن حفلتنا يوم الأربعاء أن شاء الله
سعود: أن شاء الله بس تبين فلوس
دانه: أكيد يا بابا
سعود وهو يقلد دانه: أكيد يا بابا طيب بكره راح أحولك خمسه الاف أظن أنها تكفيك صح
ندى: وأنا يا بابا
سعود: أنتي كمان يا حبيبتي والحين روحوا وناموا
دانه وندى: تصبح على خير
سعود: وأنتم من أهل الخير... وقبل ما يطلعون على غرفهم دانه تعالي أبيك
ندى: طيب أنا بروح على غرفتي
دانه: نعم يا بابا
سعود: تبيني أجلس عندك في غرفتك اليوم كمان
دانه: لا يا بابا خلاص أنا راح أقدر أنام يا حبيبي
سعود باس دانه في جبهتها: الله يحفظك يا حبيبتي
دانه وهي تشعر بالأمان لأن أبوها موجود: ويحفظك لي يا بابا والحين تصبح على خير... طلعت دانه على غرفتها غيرت ملابسها ونامت وهي فرحانة لأنها شافت نوف بنت أخوها وفي اليوم الثاني جوا العيال وتعشوا عند جدهم وما خرجوا الا متأخرين دانه جلست في غرفتها على النت تتكلم مع أختها ميسم الي صارت ملكة جمال مثل أختها دانه وفي تمام الثانية ونصف نامت وفي اليوم الثاني خرجوا على السوق هي وصديقتها ونجود طبعا كلهم كانوا متلثمين علشان يأخذون راحتهم في التسوق دانه أشترت أغراض كثير ومعظمها لنوف بنت أخوها وطبعا الشباب كانوا يلحقونهم
ريماس: دانه خلونا نجلس نرتاح
جوري: أي والله صح حتى أنا تعبت
دانه: أوكي خلون نجلس في هذا الكوفي
البنات هيا وبعد ما جلسوا البنات
جوري: دانه خلينا نروح ونطلب لنا قهوة
دانه: طيب يله... دانه راحت مع جوري وطلبوا قهوة وبعض الأشياء وهم واقفين
الشخص ومن بين أسنانه: جوري أيش عندك هنا... دانه وجوري التفتوا لمصدر الصوت عاد دانه بغت تموت من الخوف وبالضبط بعد النظرة الي أخذتها منه
جوري وبخوف: أنا جيت علشان أشتري أغراض لحفلة التخرج وماما وبابا يعرفون.... جوهر ما كان مركز مع جوري وكل تركيزه كان مع دانه الى كانت منزلة عيونها في الأرض من الخوف
جوهر: غطي عيونك لا أوريك شغلك هنا وأستحي على وجهك لأني قلت لك قبل كذا لا تتلثمين ... دانه على طول فهمت الرسالة فغطت عيونها على وطول
دانه: جوري انا برجع عند البنات
جوري وهي مستغربة من دانه وأخوها: طيب يا حبيبتي ... وبعد ما راحت دانه... ليش كذا يا جوهر والله خوفت البنت الحين كيف راح توافق تتزوجك بعد تصرفك هذا
جوهر عقد حواجبه وبشوية عصبية: راح تتزوجني غصب عنها وموب كيفها
جوري حطت يدها على خصرها: ما شاء الله أشوف الاخ واثق من نفسه أقول أدفع فلوس القهوة والأغراض وخذ البيد كر حقا وروح من هنا لأنك فشلتني قدام صديقاتي... جوري أخذت القهوة والأغراض ورجعت عند البنات
جوهر دفع الفلوس: ثامر خليك ورى البنات ولو أحد أعترض لهم أكسر رجله والبنت الي كانت مع أختي لو فتحت عيونها بس أنت أتصل علي وأعطيني خبر
ثامر: حاضر طال عمرك... جوهر أخذ باقي اخوياه وخرج من السوق وهو معصب من دانه
******************************************************************************

رد: دانه أنت حبيبة قلبي

لبارات الخامس وأتمنى أن ينال أعجبكم وأتمنى حبايبي أنكم تعطوني رايكم

رد: دانه أنت حبيبة قلبي

البارات السادس......
ثامر: حاضر طال عمرك... جوهر أخذ باقي اخوياه وخرج من السوق وهو معصب من دانه على طول رجع على البيت وأول ما وصل دخل على أبوه الي كان مشغول ببعض الصفقات المهمة
طلال: بسم الله أش فيك دخلت علينا كذا يا جوهر
طارق: ولدك هذا دايما مستعجل يا يبه
جوهر: يبه أبي أتكلم معك على انفراد
طلال: هوو وليش مافي أحد غريب هنا يا جوهر والحين أنا مشغول شوي تعال لي وأتكلم مثل ما تبي
جوهر: لا أنا أبيك الحين والموضوع مستعجل
طارق: خلاص يبه أنا بروح وأشوف أمي وشويه أرجع لك
طلال: طيب يا طارق وأعذرني لأنك تعرف أخوك عنيد
طارق: جوهر أخوي الصغير ويمون علي يا يبه والحين عن إذنكم... خرج طارق وترك أبوه مع جوهر
طلال: أجلس ليش واقف... جلس جوهر قدم أبوه وكان ينتظر أبوه يسمح له يتكلم
********************************************
نرجع للبنات...
دانه: خلصتي يا نجود علشان أتصل على زيد
نجود: أي خلاص مابقى لي شيء
جوري همست في أذان دانه: الله يسعدك لا تزعلين مني علشان تصرف أخوي أنا أصلا ما أعرف أيش عنده جاء السوق صدقيني أتفشلت من تصرفه معنا
دانه: لا ما عليك ما صار شيء وكلام أخوك صحيح
جوري تطالع دانه وبخبث: لا والله أشوفك ما شاء معجبه بأخوي المتهور
دانه: جوري يعني أيش تبغين أقول والله كلامه صح والوحدة لو احترمت نفسها ما حد يتعرض لها عكس لو كانت متبرجه الكل يبي ينهش لحمها
ريماس: دانه جوري أيش عندكم أنتم الاثنين من أول تتنقرون
دانه: سلامتك يا عسل والحين خلونا نرجع على البيت المهم رجعوا البنات على بيوتهم ودانه وصلت نجود وفي الطريق
زيد: انت الين الحين زعلانه علي لأني عصبت عليك
دانه: لا عادي خذ رحتك
زيد: ههههههههه تدرين أنت تأخذين العقل لو زعلتي علشان كذا أنا بعزمك على العشاء وبعد كذا راح أعطيك هدية بس علشان تعرفين أني اموووت فيك
دانه: أيوه أضحك علي بعشاء وهدية وعلى فكره ليش ما خليتي نجود تجي معنا
زيد: لا هذي عزومه خاصة لك أنت بس
دانه: ما شاء الله من متى يا أخوي تحبني
زيد: الله يسامحك يا دانه يعني أنا الحين ما أحبك
دانه: أنا ما قلت بس أنت أتغيرت علي من بعد خطوبتك من نجود
زيد: يويلي منك بدينا الغيرة يا دنوه
دانه: أي لازم أغار على أخوي
زيد: دانوه لا تخليني أغار أنا كمان من زوجك
دانه: عادي خذ راحتك غار مثل ما تبي يا قلبي
زيد: عاد لو أخذتي مشعل أو سعد أنا راح أقدر عليهم أما لو أخذتي واحد من خارج العايلة أنا راح أغسل يدي منك
دانه: لا والله يعني لو أتزوجت أنت راح تخلي زوجي يضربني
زيد: لا والله يخسئ أن يمد يده عليك وأحنا عايشين
دانه: أشوه أحسب راح تتخلون عني لو أتزوجت
زيد مستغرب من كلأم أخته: دانه مستحيل أتخلى عنك في أي يوم أنتي أختي يا حبيبتي ... والحين يله ننزل ونتعشى
دانه: يله يا حبيبي... زيد مسك يد أخته ودخلوا على المطعم وأول ما جلسوا نادى على الجرسون وطلب لها عصير فراوله وطلب له عصير كوكتيل... وبعد ما راح الجرسون أخذ المنيو وجلس يقول لأخته عن الاكلات الموجود وقبل ما ترد رن جواله
زيد: هذا أكيد أبوي يبي يعرف فيننا... طلع الجوال وطالع الرقم... جوهر غريبه متصل علي رد على طوال عليه وقال: هلا والله بجوهر
جوهر: سلام فينك يا زيود
زيد: أنا في المطعم يا جوهر
جوهر وبمكر: أف تروح المطعم ولا تعزمنا ما كنت أعرف أنك بخيل
زيد: لا والله تبيني أعزمك وأنا مع أختي ليش أحنا فين عايشين
جوهر: عادي أمكن أنا أتزوج أختك فعادي لو جيت وتعشيت معكم
زيد: عاد لو أتزوجت أختي أنا راح أعزمكم على حسابي
جوهر: لا ولله وقالوا لك أنت بتروح معنا بعد لو أتزوجت أختك أقول أنا ما أبي أشوفك سامع هذا الي كان ناقص وعلى العموم عليكم بالعافية ولو خلصت لا تنسى تجي علشان نسهر مع بعض أوكي
زيد: أن شاء الله يا أبو طلال
جوهر: أوكي يا الحبيب مع السلام... زيد ودانه أتعشوا وبعد كذا خرجوا من المطعم ورجعوا على البيت واول ما وصلوا أستقبلهم سعود
سعود: فين كنتم أنت وأختك إلين الحين
زيد: أبد بس أنا عزمت أختي وبعد كذا رجعنا
سعود: طيب وليش جوالاتكم مقفولة أنت وهي
زيد: لا ماهي مقفولة بس الشبكة عليها ضغط اليوم والحين أنا باستئذنك
يا يبه أنا بروح عند العيال في الاستراحة عند جوهر
سعود: ومتى بتراجع أن شاء الله
زيد: أن شاء الله على أثنين
سعود: يويلك لو أتأخرت أكثر من كذا
زيد: أن شاء الله يبه والحين عن أذنكم... خرج زيد وسعود طالع دانه
سعود: خلصتي كل أغراضك يا دانه
دانه وبابتسامة: أي بيه الحمد لله خلصت
سعود: متى بتروحون على المدرسة
دانه: نجود تقول هي راح تمرني على ثمانية أن شاء الله
سعود: وليش مع مين باتروحون
دانه: راح يوصلنا أخوها محمد
سعود: طيب روحي ونامي الحين وأن شاء الله بكره خير
دانه: أن شاء الله وتصبح على خير
سعود: وأنت من أهل الخير: دانه شالت أغراضها وطلعت على غرفتها وأول ما دخلت لقت باقة ورد وهدية جنبها كرت أخذت الكرت وفتحته كان مكتوب فيه (إلى أختي ألغالية دانتي أنا أسف لو كنت زعلتك مع حبي لك أخوك المحب لك زيد) دانه فرحت من كل قلبها على هدية أخوها ودعت الله أنه ما يفرقهم أبدا وبعد كذا غيرت ملابسها ونامت وفي اليوم الثاني راحت واستلمت نتيجتها وكانت الأولى على مستوى المدرسة فرح سعود لنجاح دانه ووعدها بالهدية الي تطلبها طبعا جدتها وجدها قالوا راح يسون لها عزيمه بهذي المناسبة...
واليوم خميس والكل في سيارته علشان يروحون المزرعة دانه كانت مع أخوها زيد وندوش كانت مع أبوها في السيارة
زيد: دانه أي كلية قررتي تدخلين
دانه: أن شاء الله بدخل الطب لو وافق بابا مثل عمتي نوال
زيد: الله يوفقك يا أختي
دانه: أمين يا رب ولكن... أمممم تعتقد يا زيد لو قلت لبابا أني باسافر عند ماما راح يوافق
زيد: والله ما أظن ولكن لو بغيتي أنه يوافق كلمي جدتي وهي راح تخلي يوافق بس أنتي من جدك بتروحين عند أمك
دانه: أي والله لأني اشتقت لها ترى لي ثلاثة سنوات ما شفتهم أتخيل أنت عاد
زيد: قولي الحمد لله تقدرين تروحين وتزورين أمك في أي وقت أحنا ما نقدر نكلم أمي صحيح أنها تسمعنا بس والله اشتقنا لها
دانه حست بحزن زيد على أمه: الله يجمعكم فيها بالجنة يا أخوي
زيد وبابتسامة حزن: أمين
دانه حبت تضحك أخوها شوي: على فكره أنا لازم اتسابق معك على الخيل
زيد: ليش أنتي تعرفين تركبين الخيل
دانه: أي بس والله أنا أخاف من ركوب الخيل
زيد: ما شاء الله وتبين تسابقين صح
دانه: مجرد كلام عادي أبي أونس نفسي شويه بس تصدق أنا اشتقت لعمتي نوال من زمان عنها
زيد: أنا كمان اشتقت لها من يوم ما سافرت ما شفناها بس الله يوفقها
دانه: أمين... وفي حوالي الرابعة ونصف وصلوا المزرعة طبعا البنات أتوجهوا على المسبح على طول ودانه جلست تطالع فيهم
فهد: ليش ما دخلتي وسبحتي يا دانه
دانه: لا ياعمي والله مالي خلق
فهد: طيب أيش ريك نأخذ سيارة قول فود ونتمشى في المزرعة وراح أوديك أماكن يمكن سعود ما يعرفها
دانه وبفرح: والله فكره يله يا عمي... فهد أخذ دانه وخرجوا يتمشون في المزرعة وبالفعل عمها وداها عند الخيول وعند البقر ووداها عند بركة البط والوز ووداها كمان على حضيرة الدجاج وبعد كذا أخذها وراحوا عند الأشجار وطبعا دانه قطفت توت لأنها تحبه وبعد ما خلصوا من الجولة رجعوا لقوا نجود ونوره وندى ينتظرونهم
فهد: خير ليش واقفين هنا
نجود: ممكن تقول لي فين رحتوا يا بابا
دانه مسكت يد عمها وبدلع: والله روحنا وتمشينا أنا وعمي حبيبي
نجود وهي تقلد دانه: والله روحنا وتمشينا أنا وعمي حبيبي طيب يا بابا تاخذ دينوه وتتركنا أحنا
منيره: والله صح كلام نجود يا خالي ولا بس الحب كله لدانه وبس
ندى: طيب عادي أحنا نعرف المزرعة بس دانه ما تعرفها علشان كذا أخذها عمي ومشاها فعلشان كذا لا تزعلون
نجود: ندى حبيبي أيش رأيك تسكتين
ميري: بابا فهد بابا عبد العزيز ينديك
فهد وباستغراب: يناديني أنا
ميري: ياس بابا
فهد: طيب الحين أجي وأنتم يا بنات لا تزعلون على دانه لأني أنا إلي أخذتها معي
نجود: لا تخاف عليها يا بابا هي راح تكون في عيوننا وأشرت على عيونها
فهد: حلو والحين بروح عند أبوي... فهد راح وترك البنات دانه طالعت فيهم وخافت من نظرتهم إلي ما تبشر بالخير وشوي بدوا يتقدمون من دانه
دانه وهي تحذرهم: لا عمي قال لا تسون فيني شيء
منيره: والله أهم شيء فين جوالك
دانه وبخوف وهي تطلع جوالها من جيبها: ليش أيش تبون من جوالي... نجود سحبت منها الجوال من يدها وبعد كذا دفوها على المسبح
دانه طاحت في المسبح: لا والله حرام عليكم والله حرام
نجود ومنيره: ههههههههه
دانه وهي معصبة: طيب والله راح انتقم منكم بطريقتي... وبعد كذا خرجت من المسبح وراحت وخلت لهم المكان دخلت على غرفتها هي وأختها ندى وغيرت ملابسها وبعد كذا أخذت جوالها واتصلت على رهام
دانه: هلا حبيبيتي فينكم
رهام: ماراح نجي اليوم لأن زياد عنده شغل
دانه: يا ربي ليش ما قلتي لي كان جيت وأخذت نوف
رهام وبزعل: مالت عليك أنتي ونوف لو كنت أدري أنك بتقولين كذا كان ما رديت عليك عن جد أنت ما تنعطين وجه
دانه: هههههه حرام عليك كليتيني بقشوري كل ذا بس علشان قلت إني باجي وأخذ نوف
رهام وبابتسامة: أهم شيء أخباركم
دانه: الحمد لله بس اشتقنا لكم
رهام: أي قصي عليا وعلى العموم بكره راح نجيكم
دانه: أن شاء الله يا قلبي وباستفزاز بس لو موب جايين قولي لي علشان أجي وأخذ نوف
رهام: دانه وبعدين معك أنت
دانه: خلاص والله أمزح معك وعلى العموم أحنا ننتظركم وبوسي لي نوف وسلمي على زياد والحين سلام
رهام: مع السلام يا حبيبتي
دانه أول ما قفلت جوالها رن مره ثانيه على طول ردت: أيش نسيت تقولين يا عسل
جوهر: مع مين كنتي تتكلمين أنتي
دانه ارتبكت وبخوف: جوهر
جوهر: ليش أنتي تتكلمين مع غيري
دانه: ........
جوهر: جاوبيني أنتي تتكلمين مع شخص ثاني غيري
دانه: .......
جوهر: على العموم لازم أشوفك اليوم
دانه ارتبكت وبخوف: أيش اليوم والله وقبل ما تكمل
جوهر وبعصبية: دانه أنا قلت أبي أشوفك وما أبي أي اعترض والا والله بجيبك عندي بطريقتي
دانه وبخوف: لا خلاص راح أقابلك بس أنت قول لي أشلون بشوفك
جوهر: خلي تلفونك في يدك وأنا أن شاء الله راح أتصلك علشان أحدد المكان الي راح نلتقي في فهمتي
دانه: أن شاء الله
جوهر: مع السلامة
دانه: مع السلامة ... قفلت وهي تفكر ليش يبيها جوهر وفي نفس الوقت تفكر أيش راح يصير لها لو شافها أحد وفي نفس الوقت لو ما راحت لجوهر هو يمكن يجي لها في الغرفة
نجود: دانه أنت زعلتي منا
دانه: .......
نجود: دانه أيش فيك
دانه وما زالت سرحانة: .................
نجود وبصراخ: دانوووو
فزت دانه من الخوف وطلعت نجود: أنتي مجنونه يا نجود والله شكلك تبين تجننيني أنتي
نجود وباستغراب من دانه الي تنتفض من الخوف: أسفه والله ما كان قصدي أخوفك بس أنا كلمتك كذا مره بس أنتي ما رديتي علشان كذا صرخت عليك
دانه مسكت راسها وبعصبية: أووووف ممكن تتركيني بروحي يا نجود حدي تعبانة
نجود وبضيق من تصرفات دانه معها: أن شاء الله يا دانه بس والله ما كان قصدي أضايقك وأنا جيت علشان أعتذر منك علشان حركة المسبح والحين عن إذنك
**************************************************************
وفي المجلس عند الحريم
أم سلطان: نجود عسى ماشر يا حبيبتي أيش فيك جالسه كذا لحالك
نجود: لا ولا شيء يا ماما
أم تركي: فين دانه يا نجود
منيره: دانه في غرفتها يا جدتي لأنها زعلانه علينا
عفاف: وليش أيش سويتوا فيها أنتي وهي
ندى: دفعوها جوا المسبح وهي تقولهم لا يدفعونها
منيره ونجود وبتهديد: أسكتي أنتي يا ندى
أم تركي: أنتم ما تستحون تسوون في البنت كذا روحي وناديها يا ندى
ندى: أن شاء الله يا جدتي
عفاف وبعصبية: ليش سويتي كذا يا منيره وأنا كم مره قلت لك لا تتصرفين مثل العيال في أشياء غلط مثل كذا
منيره: والله كنا نمزح معها يا يمه وما كنت أدري أنها راح تزعل... دخلت دانه مع أختها ندى وسلمت
دانه: هلا جدتي أنتي طلبتيني
أم تركي: أي ندى تقول إنك زعلانه علشان البنات دفوك في المسبح
دانه: لا يا جدتي أنا موب زعلانه بس تعبانه شوي فقلت بنام لكني موب زعلانه وأنا أدري بان منيره ونجود يمزحون معي
أم تركي: متأكدة أنك موب زعلانه
دانه وبدلع: لا يا جدتي أنا موب زعلانه
عفاف: طيب أجلسي أحنا جينا هنا علشان نوسع صدورنا وموب علشان تجلسين في غرفتك
دانه: طيب الحين بجلس معكم يا عمتي ... وراحت وجلست جنب نجود ومنيره
نجود: والله من جد ما حد مبسوط غير العيال خيول ودبابات وحركات وأحنا هنا
دانه: أقول جدتي ممكن نطلع ونركب دبابات مثل العيال
نجود: أي والله يا جدة
أم تركي: أنتم من صدقكم ىتخرجون بره والعمال يشتغلون برى
دانه: وإذا يعني أحنا أيش علينا منهم وبعدين أحنا بنكون هنا قريب
عفاف: أقول اعقلوا أنتي وهي
نجود: عمتي الله يخليك خلونا نروح والله طفش وملل
دانه: أي والله يا عمتي أحنا طفشانين
أم تركي: روحوا المهم فكونا من الحنة
دانه: والله مشكورين يا جدتي الله لا يحرمنا منك
عفاف وهي مسبلة عيونها: أيش تقصدين يا دانو
دانه وبرتبك: ولا شيء يا عمتي وأنتي بعد الله يحفظك لنا... عاد وقفت وراحت جهة عمتها وضمتها وبعد كذا باستها في خدها والله أني أحبك ياعمتوا
عفاف: متأكد أنك تحبيني
دانه: أي والله يا عمتي أنا أحبك وأمووت بعد فيش
نجود: دانه يله قبل ما يغيرون رأيهم
دانه: أوكي يله.... خرجوا البنات وطلعوا على الدبابات وجلسوا يتسابقون إلين ما أذن العشاء وبعد كذا جلسوا على العشب
منيره: أيش رايكم اليوم نسهر إلين الفجر تراني جبت أفلام مره حلوة
نجود: أفلام أيش مرعبة
منيره: أيوه في أفلام مرعبة وفي كوميدية وفي أفلام هندية بعد
دانه: أول شيء نشوف أفلام مرعبة وبعدين نشوف فيلم هندي أو كوميدي
ندى: لا يا دانه أنا ما أحب أفلام مرعبه والله أخاف
منيره: الي يخف ينام بدري أفضل له
دانه: على كذا أنا بنام مع أختي... في هذي اللحظة رن جوال دانه فارتبكت وخافت على طول خرجته من جيبها وطالعت في الرقم (المرعب يتصل بك) بنات عن أذنكم
نجود: أيش فيك فين بتروحين
دانه: بارد على الجوال وبرجع لكم والحين عن إذنكم... بعدت عن البنات وردت
جوهر: كان ما رديتي
دانه: أسفه والله أنا كنت مع بنات عمي
جوهر: وفينك حظرتك الحين
دانه وبتردد: أنا بره مع البنات
جوهر وهو يرص على أسنانه: ويش عندك برا يا دانه
دانه وبخوف: جوهر ولي يخليك لا تتكلم معي كذا لأنك بالأسلوب هذا أنت تخوفني منك
جوهر: لا والله أشوفك أن لسانك طال يا ست دانه
دانه: أنا ما طولت لساني عليك بس أنا أعطيك وجهة نظر ... جوهر أنقهر منها وقفل الخط في وجهها دانه خافت أن يسويلها مصيبة فرجعت واتصلت عليه ولكنه مارد عليها دانه رجعت عند البنات... بنات يله نرجع جوا
منيره: وليش تبينا ندخل هنا الجو حلو وكمان العمال راحوا خلاص
دانه: خلاص على راحتكم أنا بدخل لأني بدات أبرد
نجود: من جدك الظاهر أنتي مريضه لأني الجو والله جنان
دانه ما حبت تجادلهم: أوكي أجلسوا أنتم أنا راح أدخل... تركتهم دانه ودخلت
منيره: أيش فيها دانه توها كانت مبسوطة معنا
نجود: والله ما أدرى بس أنا حاسة فيها شيء

رد: دانه أنت حبيبة قلبي

وهذا البارات السادس وأتمنى أن ينال أعجبكم وأتمن كمان أنكم تعطوني ريكم وشكرا

رد: دانه أنت حبيبة قلبي

البارات السابع
وفي جناح سعود...
دانه كانت في غرفتها هي وندى وجالسة وتفكر في اليوم الي راحت في الحفلة جوري
تفكير بيوم حفلة جوري؟؟؟؟؟؟
دانه: ماشاء عليك يا جوري طلعتي ملكة جمال اليوم
جوري وبغرور: أخير اعترفتم أني ملكة جمال
ريماس: أقول لا تصدقين دانه عاد بس هي تضحك عليك
دانه: لا والله هم يغارون منك علشان كذا يقولون عنك كذا
نجود: أقول يا دانه سكتي لا تصدق جوري نفسها وبس يا جوري فين أمك
جوري: ماما سافرت اليوم علشان عندها اجتماع في جده وبترجع بكره أن شاء الله مع انه كان نفسي تتعرف عليكم وبالضبط أنتي يا دانه
ريماس وهي حاطة يدها على خصرها: ماشاء الله يعني بس تبين أمك تتعرف على دانه
جوري: أنا ما قلت كذا حرام عليكم ... في ذاك الوقت دخلت الشغالة وقدمت العصير عاد ما انتبهت بأن دانه ما أخذت العصير فوخرت الصينية فطاح الكاس على ملابس دانه
دانه وقفت بسرعة: يا ربي
جوري وبعصبية: الله يأخذك يا سناي فشلتيني يا غبية
دانه وباستغراب من صديقتها: جوري أيش فيك أنتي والله ترى ما صار شيء
جوري ومازالت معصبه: ذلفي من هنا ولا توريني وجهك ثاني مره
دانه: جوري خلاص ترى والله بزعل منك وأنتي معليك يا سناي
سناي: سوري مدام وخرجت
دانه: والله حرام عليك يا جوري ليش قسيتي عليها أحرجتي الادمية
جوري: أقول تعالي بس علشان ننظف فستانك... دانه خرجت من المجلس وطلعت على غرفة جوري.. والله أنا أسفه يا دانه
دانه: والله ما صار شيء والحين أنا بدخل واغسل
جوري: أيش تغسلين أنتي من جدك أقول دولابي قدامك خذي الي يعجبك والبسي
دانه: لا ما يحتاج
جوري: دانه وبعدين معك أقول غيري ملابسك وأنزلي أنا بروح وأشوف أيش سووا في العشاء
دانه: طيب يا حبيبتي أهم شيء هدي أنتي... خرجت جوري وتركت دانه ... دانه فتحت دولاب جوري وأخذت لبس بسيط وغيرت ملابسها وقبل ما تخرج غيرت تسريحة شعرها لذيل حصان وبعد كذا أتعطرت من عطرها وأخذت فستانها وأول ما خرجت اصطدمت بشاب كان خارج من غرفته دانه انفجعت وبان على وجهها الخوف
الشاب سبل عيونه من جمالها وحس أن هذه جنيه وموب أنسيه: بسم الله مين أنتي وأيش تسوين في غرفة أختي
دانه خافت وفضلت أنها تترك المكان ولكن الشاب أعترض طريقها
الشاب: الظاهر أنتي جاية تسرقين من غرفة جوري
دانه وبخوف: أيش أسرق وأيش أسرق أن شاء الله
الشاب وهو يطالع دانه نظرة تفحص: مين أنتي أنا أول مره أشوفك هنا
دانه والي كانت ميته من الخوف لوجودها مع شاب غريب: ........
الشاب: ترى لو ماتكلمتي ما راح اتركك تروحين أوكي فعلشان كذا قولي مين تكوني يمكن لعل وعسى أفكر أتزوجك لو عجبني أسمك مثل ما عجبني شكلك
دانه أنقهرت منه ومن طريقة كلامه: ممكن توخر عن طريقي وعلى فكره أنا ما نقصني عرسان علشان أتزوج من حضرتك ... دانه بغت تترك المكان ولكن الشاب عصب من طريقة كلامها معه فشالها ودخلها على غرفته ورماها على سريره
دانه خافت وجات تقوم بس هو دفها وثبتها على السرير بيده وطلع فوقها وقال: تبين أعرفك لو كان ناقص عرسان ولا وبعد كذا قام بتقبيلها في شفايفها و ....... وفي هذي اللحظة فاقت دانه على صوت نجود
نجود: دانه حبيبتي أنتي اليوم من جد فيك شيء
دانه فاقت من تفكيرها: هلا نجود ومنيره
منيره: في أيش تفكرين يا دانه
دانه وبابتسامة حزن: أبد سلامتك يا حبيبتي
نجود: دانه حبيبتي أنتي مريضه
دانه: لا والله بس متضايقة شوي
منيره: أكيد من الاتصال الي جاك قبل شوي بس مين الي أتصل عليك
دانه ارتبكت وخافت وعلى طول جلست: اتصل لا والله أصلا هذي أمي اتصلت علشان تتأكد أذا نجحت أولا
نجود بعدم تصديق: مامتك أنتي المفروض تكوني مبسوطة ومو معفوسة كذا
منيره وبمزح: دانه لا يكون تحبين بس وأحنا ما ندري
دانه سبلت عيونها وبخوف: أيش أحب والله أنك فايقة يا منيرة الحب فين وأنا فين
نجود وبشك: طيب هدي أشفيك انفعلتي كذا ترى الموضوع ما يستاهل أنك ترتبكين كذا وأحنا نمزح معك
دانه وبخوف من نظرة نجود قالت وبحدة: ممكن تقولون لي لأيش تبون توصلون... نجود طالعت في منيره وماردت...
منيره: دانه قومي خلينا نروح ونتعشى علشان نشوف الفيلم
دانه: لا ما أبي أكل
نجود: لا بتأكلين معنا والا راح أعلم عمي عليك
دانه وبتعجب: ليش أيش بتقولين لبابا
نجود وبخبث: أنك تحبين واحد أسمه مشاري
دانه ومنيره: مشاري
دانه: مين هو مشاري هذا كمان
نجود باستنكار: مدري بس كذا جاء في راسي ... دانه أخذت المخدة وجلست تضرب نجود ومنيره ساعدت دانه في ضرب نجود... الي كانت تقول والله أمزح ما راح أقول شيء خلاص أتركوني وما تركوها إلا بعد ما تعبوا
دانه وبضحك: والله تعبت
منيره: وأنا كمان تعبت
نجود وقفت وحطت يدها على خصرها: لا والله أقول قوموا بس أنتي وهي لا أذبحكم من الضرب الي ضربتوني
دانه ومنيره: ههههههههه... المهم خرجوا البنات وتعشوا وبعد كذا أتفرجوا على فيلم مرعب وعلى الساعة وأثنين ونصف ناموا... دانه صحيت على صوت جوالها
ندى: دانه الله يسعدك أقفلي جوالك أنا أبي أنام
دانه وهي ترد: طيب يا ندى... الو
جوهر: تعالي على المطبخ أنا أنتظرك
دانه فتحت عيونه على الاخير: أيش الحين بس
جوهر وقبل ما يكمل كلامه قاطعها: خلاص لا تجين أنا راح اجيك يا قلبي
دانه وبخوف: لا الحين انزل لك
جوهر: أوكي وقفل الخط على طول... دانه طالعت في ندى وعلى طول خرجت من الغرفة وهي خايفة موت من أنها تشوف أبوها أو أخوها زيد لأنهم في نفس الجناح خرجت من الجناح ونزلت على المطبخ وهي ترتجف من الخوف وأول ما دخلت قفل جوهر الباب... هلا والله نورتي المكان يا أميرتي
دانه: ......... جوهر راح ناحيتها... دانه خافت وتراجعت على وراء
جوهر: تخافين مني يا زوووجتي العزيزة ولا نسيت أني زووووججك ومن حقك أجي وأشوفك الوقت الي أبي ويكفي أني متساهل معك في حقوقي الزوجية يا حبي
دانه وبخوف: لا ما نسيت بس أنت قلت إنك راح تجي وتخطبني من بابا و.......
جوهر وهو يتقدم من دانه الين ما وصلت لحد الدولاب والتصقت فيه: كملي أيش تنتظرين
دانه وبارتباك: جوهر الله يعافيك خليني أرجع الغرفة أخاف أبوي أو أعمامي أو زياد ينزلون ويشوفونا مع بعض والله راح يذبحوني
جوهر أحتجز دانه بين يديه وقرب من وجهها: عادي قولي لهم أني أتزوجتك على سنة الله ورسوله
دانه نزلت راسها لمن حست بقرب جوهر منها بس جوهر مسكها من فكها وضغط عليه بقوه ورفع وجهها لوجهه... على طول مسكت يده لأنه أتألمت من مسكه لها وحست بفكها الي راح ينكسر في أي لحظة من مسكته لها
جوهر وبحدة: لا تنزلين راسك وأنا أتكلم معك فهمتي والحين قوليي مع مين كنتي تتكلمين لمن أتصت عليك
دانه وبخوف وهي تمسك بيده من الالم: والله كنت أكلم بنت عمتي زوجة أخوي زياد
جوهر: لا والله على بالك بصدقك يعني
دانه: أنت تعرف زين أني ما أكذب عليك
جوهر ترك فكها وطالع فيها بحدة: جربي حظك وأكذبي علي
دانه: طيب ممكن تتركني أبي أرجع غرفتي
جوهر وبخبث: حاضر ما طلبتي شيء ولكن حاب أهديك حاجه.... جوهر مسك دانه من خسره وضمها بقوه وبعد كذا قبلها على شفايفها دانه ما قدرت تقاوم جوهر علشان لا يستخدم معها القوة مثل ما سوا معها قبل كذا وحست أن شعر جسمها كلوا وقف من الي يصير وبعد كذا باسها في رقبتها وترك أشاره واضحة في رقبتها وبعد كذا طلع عقد ماس ناعم وحطه في رقبتها... يويلك مني لو شلتي من رقبتك هذي هدية نجاحك وبعدين بأرسلك الهدية الكبيرة فهمتي
دانه وبدموع من الي سوى فيها جوهر: أي فهمت
جوهر مسح دمعتها وابتسم: سلام يا زوجتي الحبيبة... وراح وتركها دانه مسحت دموعها ورجعت على غرفتها وأول ما حطت راسها على مخدتها
ندى وبتحقيق: فين كنتي يا دانه
دانه وبخوف: كنت تحت أشرب مويه
ندى وبعدم تصديق: ما كان في داعي تنزلين هنا في الثلاجة حقتنا في مويه وعصير
دانه بقهر من تحقيق ندى لها: أنا نزلت وخلصت والحين تصبحين على خير
ندى: وأنتي من أهل الخير بس ما فيها شيء لو قلتي لي أنك كنتي مع أحد لأنك طولتي في شرب المويه يا أختي وأشكري ربي أن بابا ما جاء ودور عليك
دانه: ........
وفي اليوم الثاني صحيت دانه على صوت طرق الباب فجلست وبعد كذا فتحت الباب
نور: مس دانه الست عفاف أنزلي علشان تتغدين معهم
دانه: ليش كم الساعة الحين
نور: اثنين ونصف
دانه: طيب الحين بنزل.... راحت نور ودانه دخلت دورة المياه وغسلت وجهها فرشت أسنانها وقبل ما تطلع شافت حاجه في رقبتها فحاولت تمسحها بالمنديل ولكن مافي أي جدوه ... معقول في حاجة عضتني وأنا نايمة بس في نفس الوقت أتذكرت لمن باسها جوهر في نفس المكان دانه حست بان الدنيا صارة سوده في وجهها لأنها متأكدة بأن سعود أو زيد لو شافوا الي في رقبتها راح يذبحوها ولمن خرجت من الحمام جلست على سريرها وكأنها بتبكي من القهر وأول ما رن جوالها فزت من الخوف ووقفت ولمن طالعت على الرقم لقت أتصال من عمتها عفاف فردت عليها
عفاف: دانوه فينك أنتي
دانه: الحين بنزل بغير ملابسي وبنزل يا عمتي
عفاف: وليش أنتي ما قمتي من النوم الين الحين
دانه: لا والله صحيت والحين بجي يا عمتي
عفاف: يلا بسرعه قبل ما يجون أعمامك والعيال
دانه وببرود: طيب يا عمه والحين مع السلام.. وبعد ما قفلت من عمتها غيرت ملابسها مشطت شعرها وبعد كذا أخذت شرشف الصلاة وغطت راسها ونزلت على الصالة وأول ما دخلت سلمت على الموجودين وبعد كذا جلست جنب نجود
نجود: صح النوم يا كسوله كل ذا نوم
دانه: والله ما نمت طول الليل
نجود: وليش موب أحنا اتفقنا أننا ننام علشان اليوم نقوم بدري علشان نخرج ونطلع على الدبابة
دانه: خلاص لو أتغدينا نخرج أن شاء الله
نجود: أن شاء الله يا حبيبتي.... المهم بعد ما أتغدينا خرجنا وانبسطنا وفي الليل أتفرجنا على فيلم مرعب وطوال الوقت وأحنا نصرخ من الخوف وبعد كذا أتفرجنا على فيلم (دشمن) هندي رومنسي ومحزن عاد بكينا على البطل والبطلة وأول مادخل علينا عمي فهد جلس يضحك على أشكالنا
نجود: ليش تضحك علينا يا بابا
فهد: لا سلامتك يا بنتي
دانه: والله الفيلم يبكي يا عمي
فهد: يبكي وليش كنتوا تصرخون إذا
نجود: لأننا كنا نتفرج على فيلم مرعب
فهد: هههههه يعني تصرخون مع المرعب وتبكون على الرومنسي والله أنكم وناسه والحين طفوا الفيلم لأن العيال الحين بيجون ولو جوا ولقوكم كذا راح يضحكون عليكم
منيره: أن شاء الله يا خالي
دانه: طيب أنا بروح وأكلم جدتي منيره
فهد: بس هي الحين بتجي يا حبيبتي
دانه: لا ياعمي أنا أبيها في كلمة راس
فهد: طيب يا حبيبتي روحي.... خرجت دانه من عندهم وراحت على غرفة جدتها وقبل ما تدخل دقت على الباب وبعدين دخلت
أم تركي: هلا والله بدانه
دانه: هلا فيك يا جدتي
أم تركي: تعالي وأجلسي هنا جنبي وقولي أيش بغيتي يا قلبي... دانه جلست جنب جدتها
دانه: جدتي ممكن تكلمين بابا علشان يخليني أسافر
أم تركي وبتعجب: فين بتسافرين يا دانه
دانه: أبي أروح وأشوف ماما وأخواني لي أربع سنوات ما شفتهم وأنا متأكدة لو قلت له راح يعصب علي ويرفض
أم تركي وهي تتنهد: خلاص أنا راح أتكلم معه وأن شاء الله يوافق يا دانه مع أني اعرف سعود زين
دانه: جدتي أنا بس أبي أروح وأجلس معها لمدة يومين وبرجع
ام تركي: هو يقول ما يبيك تسافرين ألين ما تتزوجين أو تملكين
دانه: بس أنا ما أبي أتزوج يا جدتي
سعود والي دخل صدفه وسمع كلام دانه: وليش ما تبين تتزوجين يا ست دانه.... دانه خافت ووقفت والتفتت لأبوها
دانه وبخوف: بابا
سعود وهو معصب وقف قدام دانه: ليش ما تبين تتزوجين يا دانه
أم تركي: سعود يمه موب كذا هدي أعصابك أنت روعت البنت
سعود: يمه والي يرحم والدينك أستني شويه وأنتي يا ست دانه ليش ما تبين تتزوجين قولي لي أيش قصتك أنتي متورطة مع أحد ومسوي فيكي شيء وأحنا ما نعرف
دانه برتبك وخوف: أنا لا يا بابا ليش تقول عني كذا
أم تركي: دانه روحي عند البنات يا حبيبتي.... دانه طالعت في سعود بخوف ونزلت راسها
دانه: طيب يا جدتي... دانه خرجت من غرفة جدتها ويدها على قلبها
أم تركي: سعود أنت أتجننت علشان تقول هذا الكلام على بنتك
سعود: لا يا يمه أنا ما أتجننت بس ممكن تفسري لي رفض دانه للزواج والله أنا حاس أنه في مصيبه وراها
أم تركي: سعود: ترى البنت صغير توها عمرها سبع تعشر ونصف يعني لسه البنت صغيرة
سعود: لا ماهي صغيرة والله لو جاء أي شخص وكانت أخلاقه زينه أنا راح أزوجها بدون أي تردد
أم تركي وبزعل: هذي بنتك وأنت حر فيها والحين روح عند أخوانك وخليني بروحي
سعود وهو يحب راس أمه: يمه الله يخليك لا تزعلين علي بس والله أنا أخاف على بناتي و لا تنسين دانه فين كانت يمه والله دانه ترى مالها كثير عندنا وكل عمرها كان عند أمها
أم تركي: استغفر ربك يا سعود والله البنت متربيه أفضل تربيه وتخاف الله ويمكن عيال أعمامها ما عجبوها والثاني الي أتقدم لها أبوك الي رفض وموب هي الي رفضت علشان كذا بقولك لا تظلم بنتك يا سعود
سعود: أن شاء الله يا يمه بس هي أيش كانت تبي منك
أم تركي: ما راح أقولك الين ما توعدني بأنك راح توافق
سعود بتعجب من كلام أمه: أوافق على أيش يا يمه دانه أيش تبي
أم تركي: وافق وأنا راح أقولك
سعود بابتسامة: يمه أشلون أوافق على شيء وأنا ما أعرف أيش هو
أم تركي: أكيد الموضوع ما راح يكون ضار لدانه
سعود وبتردد: طيب يا يمه أنا موافق
أم تركي: طالما أنك وافقت أنا أبيك تخلي دانه تروح وتشوف أمها
سعود وبشوية عصبيه: لا طبعا يمه ولو تموت هي ما راح تروح
أم تركي وبعصبية: لا هي راح تروح لأنك وافقت أنها تروح ولو كنت خايف عليها خلي أخوها يروح معها يجلسون أسبوع ويرجعون وحرام عليك تحرم البنت من أمها ولا تكون ظالم علشان ما تكرهك بنتك وأمها كمان من حقها تشوف بنتها يا سعود
سعود طالع في أمه وخاف أنها تزعل عليه: خلاص يا يمه راح يصير الي تبين المهم أنك ما تزعلين علي يا حبيبتي والحين خلينا نروح عند أبوي وأخواني
*********************************************************************

رد: دانه أنت حبيبة قلبي

وهذا البارات السابع وأتمنى أن ينال أعجبكم

رد: دانه أنت حبيبة قلبي

البارات الثامن.....
نرجع لي دانه...
دانه كانت في غرفتها تبكي وكان زياد وزيد يهدونها ويبون يعرفون سبب بكاها بس هي كانت تبكي بشكل يقطع قلب الواحد
زياد: دانه الله يسعدك خلاص والله قطعتي قلبي وأنا ما أحب أشوفك كذا قولي أيش الي صار لك يا حبيبتي
دانه وهي تبكي: ما فيني شيء
زيد وبشوية عصيبة: أشلون ما فيك شيء وأنتي تبكين كذا ليش ما تبي تقولين أيش صار لك
زياد: زيد ليتك تسكت أنت وتخلينا نعرف هي ليش تبكي
سمير: زياد زيد ممكن تخلوني مع دانه حبيبتي شويه
زياد: طيب يا عمي... زياد أخذ زيد وخرجوا سمير جلس جنب دانه وطالع فيها
سمير: تصدقين يا دانه أيش أحلى شيء فيك وأنتي تبكين خشمك... دانه طالعت في عمها ونزلت عيونها ... دانه حبيبتي أنتي ليش زعلانة سمير بطريقته عرف كيف يهدي دانه وبعد كذا سألها عن سبب بكاها
دانه: عمي أنا زعلانة من بابا
سمير: وليش يا حبيبتي أنا الي أعرفه البنت حبيبة أبوها
دانه: بس أنا أحس أن بابا ما يحبني وما يثق فيني وما أدري ليش هو بس يزعل علي وهو أتغير علي من يوم ما رفضت عيال أعمامي عمي أنا أعرف أنا حياتي معهم راح تكون مستحيلة وعمري ما حبتيهم الا مثل أخواني وبس
سمير: دانه حبيبتي صدقيني سعود يحبك ويخاف عليك وهو يبيك تكونين عروس مثل بنات عمك ومستحيل يزعل عليك لأنك بنت الغالية وهو يخاف عليك من الهواء الطاير فكيف تقولين هو ما يثق فيك وكمان البنت حبيبة أبوها يا دانه وراح يجي اليوم الي تتأكدين من كلامي
دانه: وليش ياعمي أنت تظن أني ما أحب بابا يا عمي أنا أهلي أحس أنهم الهوا الي أتنفسه ولو واحد فيكم مرض أحس أني بموت من الخوف عليكم وبالضبط لو كان بابا أو ماما الي لي أربع سنوات ما شفتها
سمير: أن شاء الله راح تشوفينها قريب
دانه: بس بابا ما راح يوقف أني أسافر لها وهو يقول إني ما راح أسافر إلا إذا أتزوجت
سمير: هههههه وهذا راح يأخذ وقت لأنك رافضة فكرة الزواج صح يا دانه
دانه: لا ياعمي أنا أبي أتزوج بس الين الحين ما لقيت الي يناسبني
سمير وبحدة: طيب أيش رايك أزوجك حمود
دانه وبخوف: مين محمد ولد عمي فهد
سمير: لا موب هو محمد ولدي
دانه وبفرح: حمود ولد أكيد أنا موافقة والحين أعطوني مهري قبل ما أتراجع في كلامي
سمير ضرب دانه بشويش على راسه: أشكري ربك أني خطبتك لولدي يا عجوز
دانه وبزعل: أنا عجوز يا عمي
سمير: أي عجوز ترى بينك وبين عريسك 15 سنة وعلى فكرة الولد متمسك فيك وكل يوم يقول إن يبي يجي عندك بدرجة أني صرت أقول أكيد دانه سحرتك علشان كذا يحبك أكثر مننا أنا وأمه
دانه: وأنا بعد أحبه وأموت فيه لأنه يجنن مثل أمه وأبوه
سمير باس دانه في خدها: الله يحفظك يا بنتي من كل شر وأن شاء الله أشوفك عروس
دخل سعود: أمين يا رب
سمير: بسم الله من فين طلعت أنت
سعود: ليش شايفني جني قدامك علشان تسمي ولا بس فالح أنك تخرب بنتي علي
سمير فتح عينه: أنا خربت دانه عليك والله حرام عليك بنتك هذي تخرب بلد كامل
دانه وبحدة: عمي أنا يا عمو
سمير: لا أنا أمزح والله أنك عسل يا دانتي.... وبعد أسبوع رجعوا الكل من المزرعة وجدة دانه سوت لها عزيمه بمناسبة نجاحها والكل جاب لها هدية مميزه دانه فرحت كثير وبالضبط أن سعود وافق أنها تسافر علشان تشوف أمها وأخوانها
نرجع لقصتنا ********************************
نجود: يعني الحين بتسافرين وبتاخذين زيود معك
دانه: أي أنا بروح مع أخوي حبيبي
نجود: ومتى بتروحين
دانه: بعد زواج بنت عم جوري مع أني اعتذرت لأني ما أبي أروح بس هي زعلت مني فعلشان كذا أجلت الرحلة إلين بعد الزواج
نجود: طيب ايش راح نلبس الين الحين ماقررنا
دانه: والله ما أعرف بس أيش رأيك نروح السوق ونشتري فساتين ناعمة لأننا معازيم
نجود: طيب قومي نروح بس عندك فلوس
دانه: لا بس بروح وأخذ من جدي لأن بابا موب موجود
نجود: خلاص قومي خلينا نروح عند أبو تركي علشان نأخذ منه الفلوس
دانه: يله... نجود ودانه خرجوا من الغرفة ونزلوا عند جدهم
دانه: جدي حبيبي ممكن أطلب منك طلب
أبو تركي: أطلبي يا دانه أيش عندك يا حبيبتي
نجود: نبي فلوس علشان بنروح ونشتري فساتين لزواج بنت عم صديقتنا
أبو تركي عقد حواجبه: وليش أنا خلفتكم ونسيتكم أنتي يا دانه روحي لسعود وأطلبي منه وأنتي يا نجود روحي عند فهد وأطلبي منه
نجود حطت يدها على خصرها: لا والله صح أنت ما خلفتني بس خلفت بابا وأنا الحين في بيتك يعني تعطيني فلوس ولا راح أزعل عليك
دانه: كلام نجود صحيح وبعدين أحنا أحفادك يا جدي
أبو تركي وبمزح: خلاص أنا راح أعطي كل واحد عشر ألف ولكن بشرط
نجود طالعت جدها وعقدت حواجبها: أيش شروطك يا طويل العمر
الجد: راح أخذه من مهوركم موافقين
دانه: من جدك أنت يا جدي
أبو تركي: أي من جدي
البنات وبخبث: موافقين.... أبو تركي كتم ضحكته لأنه عرف أنهم يخدعونه ففتح درج مكتبه وأعطاهم الفلوس
أبو تركي: مع مين بتروحون
نجود: مع السواق وجوي
أبو تركي: طيب لا تتأخرون وانتبهوا على نفسكم فهمتوا
دانه: حاضر يا جدي.... البنات راحوا السوق واشتروا فساتين حلو مناسبة لعمرهم وبعد كذا اتعشوا ورجعوا على البيت وفي يوم الزواج راحوا عند الكوافيرة وأتمكيجوا مكياج خفيف وناعم وبعد ما أتجهزوا راحوا مع زيد لأنه كان معزوم على الزواج وأول ما دخلوا الكل كان يطالع في دانه لأنها ما شاء الله كانت ملكة الجمال وكانوا الناس يحسبونها أميرة وأول ما شافتهم جوري راحت عندهم واستقبلتهم
جوري: هلا والله بدانه ونجود تو ما نورت القاعة والحمد لله أنكم جيتم
نجود: تسلمين بس تهاني وريماس جوا
جوري: لا تهاني سافرت لندن مع أهلها وريماس أمها في المستشفى والحين تعالوا أعرفكم بأهلي
دانه وبإرتباك: لا الله يخليك أنا أستحي
جوري: لا لأزم تتعرفون على أهلي وبالضبط أنتي يا دانه الكل يبي يعرفك في العايلة... عاد دانه دق قلبها وحست أنه راح يخرج من صدره من كثر الخوف وكأنها داخل على اختيارات صعبة المهم أتعرفت دانه على أهل الجوري وحريم كثير أخذوا رقم جدتها ومن ضمنهم العنود وأول ما خلص الزواج رجعوا على البيت
**********************************************************
وفي بيت طلال وبعد ما رجعوا من القاعة
أم طارق: جوري غيري ملابسك وتعالي غرفتي
جوري وبدلع: ماما والله تعبت خلاص أبي أنام
أم طارق: لا ما راح تنامين ألين ما تجاوبيني على كل أسالتي
جوري: ماما أنتي أيش تبين تعرفين أنا قلت لك كل شيء أعرف ومثل ما قلت لك البنت ما تصلح لاخوي لأنها حساسة وخوافة أتخيلي مره جوهر شافنا في السوق وهزئني البنت خافت منه وحسبت الكلام موجه لها ماما والله أنا أخاف على صديقتي من أخوي صراحة هو عصبي وما ينفعها
أم طارق: جوري وبعدين معك وأصلا صديقتك تشكر ربها أن أخوك بيخطبها ترى والله ألف وحدة تتمنى ولدي
جوري بسخريه من كلام أمها: والله القرد في عين أمه غزال
أم طارق: قرد في عينك والله هي راح تتزوج ولدي غصب عنها وعن أهلها والا ما راح يلومون نفسهم ويتحملون الي يجيهم مننا
جوري: والله أعرفكم أنتم أهلي وبالضبط أنتي وولدك لو حطيتوا شيء في رأسكم لأزم تسوونه بس يمه الله يخليكم لا تظلمون البنت
أم طارق: أن شاء الله يصير خير ولو هي تبي تكسبني خليها تتزوج أخوك وأنا في البداية ماكنت موافقة عليها بس بعد ما شفتها عجبتني
جوري وباستغراب: أنا الي أبي أعرف جوهر كيف عرف دانه وليش هو متمسك فيها كذا والمشكلة دانه ما تبي تتزوج وتبي تكمل دراستها وأخوي العزيز يبي يتزوج قريب
أم طارق: كل شيء في وقته حلو وأحنا ما قلنا إنها لا تدرس بالعكس أحنا نحب أنها تكون متعلمة يا جوري أوكي والحين روحي ونامي
جوري باست أمها وتبي تروح لغرفتها فهي تعرف زين بأن أمها عنيدة مثل أخوها: تصبحين على خير يا ماما
أم طارق: وأنتي من أهل الخير يا حبيبتي
**********************************************************************
وبعد مرور يومين وفي بيت أبو تركي
أم تركي وبعد ما قفلت من جوالها: الله يعين
أبو تركي: مين كان يكلمك يا أم تركي
أم تركي: هذا عنود بنت فيصل ال... اتصلت وتقول إنهم راح يجون اليوم عندنا زيارة خاصة
تركي: يمه أنتي متأكدة من أسمها هذي من الناس المعروفين في البلد ولكن ما قالت لك ليش بتجي
أم تركي: لا ما قالت بس خلي ميري تجي علشان نرتب لاستقبالها وأتصل على أختك وزوجتك وخليهم يجون وقل لعفاف تتصل على زوجة فهد علشان هي كمان تجي هي وهو
تركي: أن شاء الله يا يمه
أم تركي: وأنتي يا دانه روحي ونادي على الشغالات علشان يروحون ويشيكون على المجالس
دانه: حاضر يا جدتي بس بابا حبيبي متى بنسافر
سعود: أن شاء الله يوم الخميس
دانه وبفرح: عن جد يا بابا
سعود عقد حواجبه: ومن متى أنا أمزح معك
دانه باست راس أبوها: الله لا يحرمني منك يا أغلى شخص في حياتي
ام تركي: دانه فين الي قلت لك
دانه: الحين بروح يا جدتي... وبعد ما راحت دانه أم تركي طالعت في أبو تركي وبعدها طالعت سعود
أم تركي: سعود العنود بتجي وتخطب بنتك دانه... الكل طالع في أم تركي
أبو تركي: أنت من جدك يا أم تركي
أم تركي: أي هي قالت إنها بتجي هي وزوجها وولدهم علشان يخطبون الدانه
أبو تركي: وليش الرجال ما اتصلوا علشان يعطون خبر
أم تركي: هي تقول إن زوجها أتصل على سعود ولكن سعود مارد عليه
سعود وباستغراب: أتصل علي أنا......
************************************

رد: دانه أنت حبيبة قلبي

وهذا البارات الثامن وأتمنى أن ينال أعجبكم

رد: دانه أنت حبيبة قلبي

البارت التاسع...

وفي غرفة دانه كانت وافقه قدام دولاب ملابسها وتختار أيش بتلبس فرن جوالها فراحت وأخذت جوالها واول ما شافت اسم المتصل ابتسمت وردت
دانه بابتسامة: هلا والله بكل الغلا
جوري بفرح: هلا فيكي يا قلبي شلونك
دانه: الحمد لله طيبه يا قلبي شلونك أنتي
جوري: الحمد لله زينه بس عرفتي أننا اليوم بنزوركم
دانه باستغراب: من جد هلا فيكم الله يحييكم يا قلبي
جوري: أوكي حبيبتي إلين ما نجيكم والحين باي
دانه: باي يا قلبي وقفلت الخط وقالت ياربي هذا موب وقتها.... المهم أهل جوهر جو وخطبوا دانه من جدها وجدتها أما دانه فانصدمت لأنها ما كان عندها خبر لا هي ولا أخوها زيد وحتى زيد أتفاجئ بأن صديق عمره جاء وخطب أخته بدون ما يقول وطبعا الجميع فرحوا بهذي الخطوبة وقالوا لهم أنهم راح يردون لهم الجواب بعد أسبوع علشان الملكة
نرجع لدانه الي كانت وافقه قدام جدها وأبوها وأعمامها وأخوانها وجدتها
أبو تركي: دانه أنتي تعرفين ليش جوا الضيوف اليوم
دانه وعيونها في الأرض: أيه يا جدي
أبو تركي: طيب وأنتي أيش رأيك يا بنتي لأن القرار راجع لك يا حبيبتي
دانه وبخوف: أأأأنا موافقه يا جدي
الكل طالع دانه ومصدومين من جوابها وفي نفس الوقت ماحد قادر يتكلم علشانهم خايفين من أبوهم
أبو تركي: لا يا دانه أنا ما أبيك تستعجلين فكري وردي لي يا حبيبتي
دانه: لا يا جدي أنا موافقه ومستعدة لكل الي تبونه
أبو تركي طالع في سعود والي كان يطالع بنته بتعجب وبعد كذا طالع في دانه: طيب يا حبيبتي أن شاء الله بعد أسبوع أنا راح أتصل على أبو طلال علشان نحدد موعد الملكة بس أنتي لازم تأخرين سفرك يا حبيبتي الين بعد الملكة
دانه بارتباك: حاضر يا جدي والي تشوفه والحين أنا بروح غرفتي
أبو تركي: طيب يا بنتي روحي .... وبعد ما خرجت دانه الكل كان يبي يعطي رايه وبالضبط أن العريس ما طلب يشوفها النظرة الشرعية... ولكن ما في فايدة لأن دانه أعطتهم رأيها، سعود وقف وكان بيخرج من المجلس
أبو تركي وبحدة: على فين يا سعود
سعود طالع أبوه: بروح وأتكلم مع دانه يا يبه
أبو تركي: لا لا تروح أنت خلي سمير يروح
تركي باستغراب منهم: يبه البنت قالت خلاص هي موافقه فليش تبون تخربون عليها والولد صديق أخوها من هم صغار فإذا كنتم تبون تعرفون شيء عنه أسألوا زيد وهو راح يقول لكم
أبو تركي: قلي يا زيد صديقك جوهر يصلي
زيد: أي يا جدي يصلي
سعود: يدخن أو يشرب أي شيء موب زين
زيد: لا يبه جوهر شاب محترم جدا وفيه كل المواصفات الزينة وعيبه الوحيد أنه عصبي وعنيد لكن أنا عمري ما شفت منه أي غلط
سعود: يعني هو ما عنده خرابيط البنات مثل باقي الشباب
زيد: لا يبه جوهر ضد فكرة التعرف على البنات
أبو تركي: لين الحين كل شيء زين والولد حاب البنت وجاء من الباب
فهد: بس هو كيف عرف أختك يا زيد وحتى لمن قال جدك يشوفها قال لا عادي أنا أبيها بدون ما أشوفها ويوم الملك بيشوفها
زيد: والله ما أعرف يا عمي بس ترى أخت جوهر تدرس مع دانه
أم تركي: أنتم الحين أيش الي شاغلكم البنت خلاص قالت إنها موافقه وأنتم قلتم إن الولد وأهله زينين وأم الولد كانت مثل العسل يعني أيش تبون أكثر من كذا والناس معروفين في البلد والحمد لله
أبو تركي: كلام صحيح وعلى بركة الله وأن شاء الله نرد لهم بعد أسبوع مثل ما قلنا لهم... زيد طالع في أهله وتركهم وطلع على غرفة دانه واول ما وصل دخل بدون ما يدق الباب دانه أنفزعت ووقفت بسرعة طالعت في زيد لقته معصب شوي
دانه بخوف من أخوها المعصب: أيش فيك ليش كذا معصب
زيد مسك أخته من زندنها بكل قوته: أنت ليش وافقتي على جوهر بدون أي تردد
دانه وهي تتألم: موب أنتم تبون أتزوج خلاص خليني أوافق أفضل لي والمفروض تفرح وموب تزعل
زيد ومن بين أسنانه: وليش أنتي أيش تعرفين عن جوهر علشان تتخذين قرارك وتوافقين
دانه وبدمعة: ممكن تترك يدي لأنك جالس تعورني وأنا قلت لهم أني موافقة وانتهى الموضوع يا زيد وترى أنا أعرف جوهر وأعرف كل شيء عنه
زيد وبعصبية وصرخ في وجهها: لا والله وكيف عرفتي يا هانم لا يكون بس تكلمين من ورانا لكن والله العظيم لو عرفت أنك على علاقة معه أنا راح أذبحك بيدي
دانه ارتبكت وخافت من أخوها: زيد أنت أيش جالس تقول أنا ما أكلمه ولا أنت نسيت بأن جوهر أخو جوري صديقتي وعلى فكرة خلاص لو أنت موب موافق روح وقول لبابا بأنك رافض هذا الزواج أهم شيء بابا لا يقول ليش رفضتي العريس ويزعل مني ويكفي الي صار في المزرعة
زيد ترك يدها: دانه والله أنتي استعجلتي بردك... دانه طالعت في زيد بحزن وهي تفرك يدها الي مسكها زيد خرج وقفل باب الغرفة بكل قوته دانه جلست على سريرها وهي تبكي لأن مافي راسها أي فكرة زواج بس أصلا جوهر متزوجها بدون علم أهلها أو أهله فكيف راح ترفض....
**************************************
الماضي بين جوهر ودانه
دانه رجعة بذاكرتها للسنه الي فاتت وبالضبط يوم عزيمة جوري وفي غرفة جوهر الي كان حابس دانه عنده
دانه كانت بين أحضان جوهر وكانت تحاول تخلص نفسها بس جوهر كان أقوى منها وكان طايح فيها بوسة
دانه وببكاء: الله يسعدك باعد عني وأنا أسفه لو كنت أخطيت عليك بس الله يخليك خليني أروح
جوهر: ليش أنا مجنون علشان أخليك تروحين يا حلوة أنتي ما تعرفين مع مين تتعاملين
دانه: والله راح أسوي كل الي تبي بس أتركني
جوهر وهو مثبت دانه على السرير: أنتي راح تسوين الي أنا أبي غصب عنك والين الحين ما أنولدت البنت الي تقول لجوهر لا وأنا ما ينقصني عرسنا أنا بأمكاني أدمرك وأخليك بس أخلاقي ما راح تسمح لي أسوي كذا فعقاب لكي أنتي راح تتزوجيني غصب عنك ولو بنت مين ما تكوني أنتي راح تكوني لي
دانه وبخوف: حاضر بس أنت أتركني.... جوهر قام من فوق دانه ومسكها من يدها وسحبها لعند مكتبه طلع ورقتين بيضه وخلاها تبصم وتوقع بخط يدها دانه ببكاء ومن الخوف ما عارضت وعلى طول وقعت علشان يخليها تخرج من غرفته بس قبل لا تخرج مسكها من يدها بكل قوته بدرجة أنها حست بأن يدها راح تنكسر من مسكته
جوهر: ترى كل الي صار بيننا لو عرفت جوري فيه ما راح تلومين نفسك والحين أطلعي... دانه خرجت بسرعة جوهر أنبسط من الي سواه فيها وأول ما طالع في الورقة الي بصمت عليها وخلاها توقع أنصدم من أسمها... دانه سعود عبد العزيز محمد آل الحمود هذي لا تكون بس أخت صديقي زيد بس زيد ما عنده غير أخته ندى وهذي ماشاء الله ملكة جمال بس معقول تكون أخت زيد....
أما بالنسبة لدانه فنزلت وهي شبه منهارة من الي حصل بينها وبين جوهر جلست جنب نجود وهي ترتجف من الخوف نجود طالعت في دانه ومسكت يدها
نجود وبتعجب وهمس: أيش فيك يا دانه عسى ماشر وليش ترجفين كذا
دانه وبصوت مبحوح وكأنها بكت: نجود الله يخليك أتصلي على أخوك محمد وخليه يجي لأني أبي أرجع البيت
تهاني راحت وجلست جنب دانه: وليش بتروحين موب حنا قلنا إننا راح نسهر عند جوري أيش الي غير رأيك
دانه وهي ترتجف: نجود الله يسعدك أنا ما أبي أجلس هنا ولا دقيقه.... في هذا الوقت دخلت جوري وطالعت فيهم باستغراب
جوري وهي عاقدة حواجبها: أيش فيها دانه وليش تبكي
نجود: ما ندري هي دخلت علينا وهي تبكي
جوري جلست جنبها ومسكت بيدها الي كانت ترجف: دانه في أحد ضايقك هنا عندي قولي وأنا راح أتصرف ولا زعلتي من الشغالة علشان كبت عليك العصير
دانه: أقول لكم ما فيني شيء بس أنا تعبانة وبروح البيت
جوري: والله لو رحتي يا دانه لأزعل عليك أنا مجهزة علشان جيتكم وفي النهاية تقولين إنك بتروحين أصلا عيب تسوين فينا كذا لكن والله لأنكد على الزفت سناي الي نكدت عليك
دانه خافت على الشغالة من جوري: لا خلاص أنا راح أجلس بس خلي سناي في حالها... وجلسوا البنات عند الجوري إلين الساعة وحدة وقبل ما يخرجون حاولوا يعرفون عن سبب بكاء دانه بس دانه ما رضيت تقول لهم المهم دانه أول ما رجعت للبيت أخذت دش وبعد ما لبست بجامتها حطت راسها على المخدة وجلست تتذكر اللي حصل بينها وبين أخو الجوري........
**********************************************
دانه أول ما حطت راسها على مخدتها كانت حزينة مره بسبب الي صار بينها وبين أخو جوري وبالضبط الاوراق الي خلاها توقع عليها بس ياترى أيش راح يسوي فيها...
جوهر حط راسه على المخدة كان في فرحة ما توصف وبالضبط أنه لقى جميع مواصفاته في صديقة أخته
دانه استحقرت جوهر واستحقرت نفسها
جوهر تمنى لو كان خلا دانه وقت أطول في غرفته
دانه شكرت ربي أنه ما اتمادى معها أكثر من كذا
جوهر تمنى بأن الوقت يرجع لورى وترجع دانه لأحضانه لأنه عشقها بمعنى الكلمة وحب كل شيء فيها
دانه كرهت نفسها لأنها راحت بيت الجوري وقررت بأنها ماعاد ترجع بيت جوري وبعد كذا غمضت عينها ونامت بدمعتها
جوهر قرر أنه يجيب دانه لعنده لأنه ما شبع من حضنها وحط راسه ونام وهو يفكر كيف يوصل لها
*****وبعد أسبوعين من حفلة جوري*****

دانه كانت راجعة هي وندى من بيت أخوها زياد وفجأة وقف السواق
دانه وبطبعها الخوف: أيش فيك يا بابوا ليش وقفت.... بس قبل ما يرد بابوا في أحد فتح بابها وباب ندى وبخوا لهم شيء في وجوههم دانه انصدمت من الي جلس يصير بس في نفس الوقت في شخص ثاني دف السواق على الكرسي الثاني وأنفتح الباب الي بجهتها ودخل واحد وجلس جنبها دانه حاولت أنها تخرج من السيارة بس مسكها
الرجل وبخبث: معقولة تشردين وتخلين أختك وأنتي المطلوبة
دانه الي كانت ميتة خوف: مين أنتم وأيش تبون فينا ومين الي طالبني بالضبط
الرجل ومن بين أسنانه: الحين بنروح على الاستراحة وراح تعرفين كل شيء ولو كنتي تبين ترجعين لأهلك سالمه أنتي وأختك خليك محترمه
دانه مسكت يد أختها الي كانت فاقدة الوعي وقلبها يدق بكل قوه وماهي عارفة أيش تسوي ولا ليش هي مطلوبة وأصلا من الي طالبها وأيش الي راح يحصل لهم يا ترى هي وأختها وأول ما وصلوا الاستراحة نزل الرجل الي كان جالس جنبها وسحبها من زندها ونزلها بالقوة أما الثاني فشال أختها ودخلوهم على الاستراحة وأول ما دخلوا كان في شخص جالس ينتظرهم
الرجل الي كان ماسك دانه والي كانت تتنافض من الخوف: هذي البنت الي طلبتها يا طويل العمر