رد: رواية حبه لبسني لبس يني لبس الخواتم فالصبع تم

وينج ووين البارت ؟

رد: رواية حبه لبسني لبس يني لبس الخواتم فالصبع تم

عذرا حبيبتي جنت حاسبه حساب الرجعه للبيت الحينه انزل البارت

رد: رواية حبه لبسني لبس يني لبس الخواتم فالصبع تم

يا هلا فيج
مرورج الاروع غناتي
الحين بنزل التكمله

رد: رواية حبه لبسني لبس يني لبس الخواتم فالصبع تم

تسلمين فديتج
وربي ان هالردود تحفز وجربي حظج عقب يمكن توقعاتج صح
افا عليج انا احط لكم الموعد وان شاء الله ما اخذلكم
وما عآش من يسحب عليكم
انتظر ردج ع البارت اللي بنزله

رد: رواية حبه لبسني لبس يني لبس الخواتم فالصبع تم

هههه حبيبتي تونا فاول يوم الثلاثاء
ولا يهمج عيوني تآمرين امر الحينه انزله
انتظر ردج عليه

رد: رواية حبه لبسني لبس يني لبس الخواتم فالصبع تم

السلام عليكم ورحمة الله وبركاته
حبه لبسني لبس يني..لبس الخاوتم فالصبع تم
روايتيه الرومنسية والغامضة
البارت الخامس
..
• يا حبيبتي
كشحاذ
أضع جبهتي على عتبة باب الكلمة
وأنتظر
منتفضا كعصفور
لعل الكلمة تخرج من صمتها
وتعطف على تضرعي
لعلها تتبرع لي بمعطف يدفىء أيامي
أو بقميص صغير
يغطي هذا الصدر المفتوح للريح
كراية
وحين أحرك رأسي بعد حين
تتحرك عتبة باب الكلمة
من جبهتي
والكلمة واقفة كطود شاهق
يا حبيبتي أرجوك!
"قاسم حداد"

فكيف هو الحزن الذي يطغى علي من حيرتي فيك
..
نشت ع صوت امها: غلا غلا غلااااا يممه قومي بتتخرين
غلا نشت وحضنتها
ام هناد: ابوي غلا بتتخرين
غلا: ياله ياله نشيت
دخلت الحمام تطالع ويهها فالمرايا: بترتاحين منه يومين (وابتسمت) طلعت حرته فيه (وهي تسوي حركات) عصب ياااهووووه
اذ تعرفون اغنيه tonight مال فلم luv ka the end
تسبحت وهي تسوي حركاتها وبدلت وتيهزت وهي فطاقه رهيبه باست علاوي وشلت شنطتها وظهرت
هناد: ياله بصباح خير
غلا: سكت عني طاقتيه تمام التمام
هناد: ياله عيل خلصي غاليه من ساعه خاري
غلا: اوكك سيووو
ام هناد: والريوق
غلا تاكل ع السريع وهي واقفه
ام هناد: يمه غلا يلسي لا تاكلين جي
غلا: بسني بسني .. باياااات
..
فالمدرسه
متولفات عليها
غلا: بس بس هلكتنيه
الودايم: شعنه م تردين علينا
غلا: اجازه هاه
ميرا: بس رحمنها حشا
مريم: هيه تراج تشوفينها
غلا: المهم شخباركن
موزان: عنيه هب بخير
غلا: شعندج ي النفسيه
مزوان: نسيتن م بقى شي عن تخرجنا
عزا: هيه والله بس شهر
غلا: بنات عندي فكره
فاطمه: ابدعينا
غلا: شرايكن نلبس نفس الشي
الودايم: ووين بنلقى
غلا: بنلقى ان شاء الله بس انتن شرايكن
موزان: فكره حلوه
عزا تتمصخر : ترا اذ غالي م اروم ادفع
ضحكن
فاطمه: هيه غلوي ترا انتي ابوج هامور هب يعني دقينه بالف وشي نحن م نروم
غلا: ومنو قالج ابوي هامور
موزان: ينشاف من شكلج
ميرا: انا بالنسبه لي عادي بدفع
الودايم: ونا عادي
عزا: بما انها فكرتج انتي مسؤوله تدورين لنا وكل م يعيبج شي روينا تمام
غلا: تمام بس ترا ما عندنا دريول يعني منو بيشلنيه دوم
ميرا: م عليه بفازعج
غلا: تمام بس النعلان والاكسسوارات
موزان: انا علي الكعوب
فاطمه: وانا الاكسسوارات
غلا: اوكك اعرفج بتبدعين .. بس محد يدفع بفلوسه بنتشارك
عزا: تمام
..
غلا م خبرت حد ان فونها خرب
ويوم الخميس وهي راجعه من المدرسه
هناد: غلاااا
غلا: خيبه زيغتنيه شفيك
هناد: ليش م تردين عليه البارحه
غلا: ه هاه
هناد: ليش م تردين اعيد ولا فهمتي
غلا: ف فوني اخترب
هناد: كيف
غلا: طاح فالماي
هناد: وليش م قلتيليه اييب غيره
غلا: لا لا
هناد: شو لا
غلا: م اريد فون
هناد: تستهبلين شعنه م تبين
غلا: شوف انت تعرف اني وايد ع الفون وانا بنهايه الثنويه خلنيه يمكن افلح
هناد: انزين اذ احتيناج
غلا: مب لازم
هناد: اوكك بيب لج ولا تمسكينه دوم
غلا: لا لا دخيلك مابي
هناد: غلا فيج شي
غلا: لا شعنه
هناد: قبل لو علق دقيقتين شليتي الدنيا والحين م تبين فون
غلا: ترااا قلت لك وبعدين انا ابا ادرس فالجامعه وع هالحاله م رايحه ادرس
هناد: احسن لج .. المهم
غلا: ها
هناد: ياله بنسير عند يدي
يرمس بالفون وهي فعالم آخرر
" ارتحت منه اسبوع بس شبسوي عقب ياله الحين انا ليش افكر فيه يزول احسن ارتحت منه .. الحين طرش لي ولا اف لو م خربت الفون لا لا افتكيت بس ودي اعرف بعد يطرش ولا ..
قطع افكار: حووو
هناد: ياله قومي
غلا: وين
هناد: بوديج بيت خالتيه شيخه
غلا: وليش ان شاء الله
هناد: عسبت اتين العصر وياهم
غلا: يعني بنبات عند يدي
هناد: يب
غلا: صدددددق
هناد: اجذب عليج يعني
غلا: هاه لا لا أا شسمه وليش تودانيه عند قم عمي
هناد: لنه انا وابويه بنسير نقضي شغله وعقب بنضوي جداهم
غلا: ونحن وين تسدنا سياره مايد
هناد: اففف غلا وايد تتسألين ترا محمد وحمد وعبدالله وزايد وماهر هناك
غلا: اهاا يعني كلهم فبيت خالتيه
هناد: لاا بييونكم العصر
غلا: عيل ليش اسير الحين
هناد زعج: غلا لا تخبليبيه
غلا: اف اف انزين امايا وعلاوي وايهم وين
هناد بصبر: شلهم سيف بيتهم
غلا: وغاليه
هناد وصلت حده صرخ: غلااااا بس جببببببب ويلا انجلعي
غلا ضحكت وسارت
وهي ع الدري: انزين بنبات اليمعه بعد
هناد عصصصب :ذلــــــــــفي
غلا: والله سؤال اخير
هناد: قلبي ويهج
غلا: أأ
هناد: قسمممم بالله لو ما انجلعتي بتتصفعين
غلا فاطسه ضحك
رقت وحطت ملابسها ونزلت ويا غاليه وسارو بيت خالتهم شيخه
..
رناد: اميه عادي م اسير
فاطمه: طبعا لا يلا قومي
رناد: اميـــــه
فاطمه وهي رايحه المطبخ: انا بسير ويا ابوج وانتي تعالي ويا زايد
رناد بوزمت: زين
يا زايد: بلاج
رناد: مابا اسير
زايد: شعنه
رناد: بس
زايد: ياله عن الدلع
رناد: زايد
زايد: نعم
رناد: رمسته
زايد تذكر: لا اليوم بلتقيبه واذ م رمس بنشوف
رناد: زايد لا تسوا مشاكل
زايد: بنشوف آخرتها وياه
رناد: زايد لا تخلانيه اندم لني قلت لك
زايد: ولا يهمج م بذبحه بشوف شسالفته بس
رناد: انزين عطه فرصه يمكن يرمس
زايد: بحاول اشوفه اليوم
رناد: لا تهد فيه ع طول
زايد: اففف رناد بس عاااد م بذبحه انا
رناد: اوكك
فاطمه: يلا غدا
زايد: يينا
..
غلا حاضنه ميرا
ساره: عنبووووه كل ما يتلاقني تحاضنن جنه ماشي شغل
غلا: اهب يالعذال
ميرا: كيف المعنويات
غلا: اآآآآببببببب
غاليه: هيه طفرت بهناد وارتاحت
دخل هناد وعقب السلام: ساره روحي زقري خالتيه بسلم عليها وبسير
ساره: بشكارتك ساره هاذن الشينات امرهن
هناد بدون بارض: بتسيرين ولا
ساره تزاعج: اميــــــــــــــــــــه
هناد شات عليها المخده: قلت زقريها هب تزاعجين صوت المرأه عوره
ساره: ومنو هنيه عشان عوره
هناد: ريلج انا وما دريت
ساره: تخســــــــــي والله
هناد: كلي تبن (سلم ع خالته): ي مررررحبا الساع
ام مايد: ي هلااا والله علومك الغالي عساك طيب
هناد: الحمدلله طاب حالج
ام مايد: يعلني لا خلا ولا عدم
ام هناد: بعدكم ما سرتوا
هناد: موصل غلا وساير
ام مايد: وشعنه انت تسير وياهم
ام هناد: تعرفينه راعي حلال وما اييوز
ام مايد: المهم لا تطولون
هناد يبوس راس خالته: ان شاء الله ياله فداعت الله
وظهر
ام مايد: بسير اشوف البشكاره وبيي
نزل مايد وريحه العطر تسبقه
ام هناد: الله عليك ي ولديه
مايد يبوس راس خالته: شرايج فيني
ام هناد: غرشوب من يوم يومكك
مايد: عليج يعلني م اذوق حزنج
ام هناد: ولا حزنك نشوفك معرس ان شاء الله
مايد: انتي واختج فصلن وانا ألبس
ميرا: كندوره هب حرمه (ورقت فوق ويا غلا )
مايد: م عليج منها خالتيه انتن اشرن بس اناا اقول تم
ام هناد: الشور شورك
مايد: وما عقب رايج
ام هناد: جاآنك تبانا ندورلك حاضرين
مايد: لا والله ي خالتيه القلب متصوب نحتري الوقت
ام هناد: ي مكرك توك تقول الراي عندي ههههه
مايد: ويمين م اخذها إلا برضاج
ام هناد: اسولف ي ولدي ادريبك م تنقي إلا الزين
مايد: ها وين سارن ألحينه شو ينزلهن عاد
ام هناد: غاليه بوي قومي زقريهن وانا بشوف خالتج
مايد: ياله بحتريكم فالسياره
غلا: غاليه هب ع اساس انه عمومتيه بيون هنيه
غاليه: ترا اتصلوا قالوا بيتخرون وبيضوون هناك ع طول
ميرا: ياله عن يمردغنا ميود
سارو قم ميرا ويا ابوهم اما مايد شل خالته ويعالها
فالطريج
مايد وقف عند دكان ونشدهم جان يبون شي خذ حلاوى حق اليهال وولاعه وقام يحرق العود
ام هناد: هي حي الله سيارتك بعد يدخنها بعود
مايد: هيه خالتيه كله ولا فتكي
غلا: اميه عطيني فونج شوي
ام هناد: ليش وين فونج
غلا: اميـــه
ام هناد: اووه صح ..عطتها الفون
تم هناد: م شفت اخسف عن هالبنات جنه هالتيلفونات ايين ببلاش
مايد يضحك ع رمسه خالته: شو سوت به
غاليه: خذ شور
مايد: مسكين تنظفه
غلا: هه وايد تضحك بس لا تكثر
<< وتموا يتناقرون طول الطريج <<
وصلوا وصلون المغرب وفرشون خاري
ساره: امايا هب جنه اتخرون
ميرا: هيه والله
ام مايد: وانتن شكاضنكن ترا جذه ولا جذه بيضوون
غلا: يووه اشتقت حق رنوود
ميرا: حد حد ياي
دخلوا الريايل مخلصين صلاه ويلسوا يماعه
ربع ساعه وتولفت العايله
يالسات ع يانب
ميرا: بعد جان ما ييتي رنود
رناد: م ادل شفينيه
ساره: احيدج تربعين ع الييه هنيه
رناد: سوير عن قله الأدب
غلا: رنود قومي ويايه بشرب ماي
قامن وبالطريج
غلا: بلاج
رناد: م اعرف
غلا: شكلج هب طبيعيه
رناد: من سبوع واحس ضايج نفسي
غلا: جان سرتي الدختر
رناد: من يومي تقولون عنيه نفسيه وقفت ع هالمره
غلا: ههههههههه انتي شمسويه بعمرج
رناد زاغت: شووو
غلا: شوي وبتختفين بلاج ضعفيتي جيه
رناد: اهاا .. م اعرف
غلا: اففففف كله م تعرفين
شربن ماي
غلا: شخبار الحب
رناد: لا تنشدي
غلا: احسج عيوز ياخي بلاج جيه
رناد : أا
قاطعتها غلا: لا تقولين م اعرف
رناد ضحكت: هههههه اعرف اعرف من الملل عيزت
غلا: قومي نروح نحقص
رناد: م اروم امشي
غلا: رنود اصطلبي ولا بتتصفعين
رناد: هههههه امزح بيلس ويا عماتيه قبل من زمان م شفتكم
غلا: هيه من يوم العرس
رناد يلست: هيه صح شخبار المعاريس شكلهم م ناويين يرجعون
ميثوه: جنه عايبنهم الجو
ساره: من قدهم يهيتون
مهره: هب جنه حرررر
غلا: ياله بالستررر من وين الحر
سلامه: مهاري قولي تبين ترقدين
مهره: صدقتي
ساره زعجت: عنبووووووه توه المغرب
ابو مايد يطالعها بنظره م تبا غيرها
ساره حست ع دمها وقصرت صوتها
زايد: مهره جان بتسيرين داخل شلي شواخ رقدت
غلا: انا بشلها
ميرا: بيي وياج
دخلن
غلا تضبط الفراش حق شواخ وميرا ماسكه فونها
ميرا: اقلج خلصت حلاوتنا
غلا: له من بياكلها ونحن محد
ميرا: بسير اييب تبين ويايه
غلا: زين
حطت ميرا الفون وسارت المطبخ
غلا م وحالها تحط شواخ إلا رن فون ميرا وشافت الرقم غريب
ترددت عقب ردت: وعليكم السلام منو ويايه
: انتي غلا؟
غلا: منو الأخ
: اشتقت لج
غلا بحرجه: منووو انت
: افااا م عرفتيني
غلا فجت عيونها ع الآخر: ه هه هزاع
هزاع: ي عيوون هزاع
غلا: انت ش شقايل
هزاع: هشششش ي حبيبه هزاع انتي
غلا: هزاع ع ان اناا
هزاع: بس حبي بس مسامحنج وع فكره لايقه وايد هديتي ع ايدج
غلا تطالع ايدها وعيونها شوي وبيطلعن من محلهن: حقيررررر
هزاع: جب وكلي تبن يوم احط شي براسي معناته بسويه وانتي براسي والوعد جداام
سكر الفون
..
غلا فرت الفون وتمت تتنافض
تردد رمسته بأذنها براسها ميه مليون مره
تتنافض خوووف حيررره وهب عارفه شتسوي ودموع يطيحن لا إرادي
دخلت ميرا شاله فنايين بإيديها
ميرا زاااغت: غلااااوي بلااج
غلا تصيح بدون صوت
ميرا حطت اللي بيدها ويدها ع جتوف غلا: غلاااا حياااتي بلاج
دخل مايد بسرعه: شو صاااار
ميرا حرجت: انت شقايل تدخل جيه
غلا لفت شيلتها سرعه
مايد: بلاكم شو صار ليش تزاعجين
ميرا: اففف انت شدخلك
مايد: بلاها غلا !!
ميرا: لو اعرف م بقولك يلا انقفض
مايد: مالت هب منج من اللي خاف عليكن
وظهر
غلا: ميرا خيلينيه شوي وانزل
ميرا: حالج م تطمن
غلا: دخيلج
ميرا شافت الفون تحت بس سكت وظهرت
..
حبيب عمري من الميلاد حتى الممات
عز الله ان طعنتك كفت معاي ووفت
../ سعد علوش
..

رد: رواية حبه لبسني لبس يني لبس الخواتم فالصبع تم

غلا اتصلت ع نفس الرقم
وبصوت يرتجف: ه هزاع
هزاع: ي هلا والله ي حي هالصوت وراعيه
غلا: ليش آه ليش ...وتصيح
هزاع: والله م ودي اسويبج جيه بس انتي تجبرينيه
غلا: حرام عليك
هزاع: شوفي دقايق واكون جدام بيت يدتج ونزلين
غلا: والله حرام
هزاع: هب طلب ها امر ياله تزهبين
غلا: ش شعنه انا آه ه انا شسويت لك
هزاع: يلا انا بالطريج الحين ياينج
غلا: لا لا
هزاع: ياي بالطريج خلي الفون عندج من اوصل بتصل
وسكر بويهها تمت تصيح
وعقب ربع ساعه دق الفون
هزاع: يلا تعالي من ورا البيت عند النخل اترياج
غلا: لا لا م رح انزل
هزاع: غلا حبيبتي تعالي بنتفاهم
غلا: لا مابا ماباك
هزاع: سررررعه
غلا: لا م رح انزل
هزاع بدا يعصب: سرررعه لا تخليني احرج
غلا: لا دخيلك ما باااا
هزاع: غلا سرررعه
غلا: لا مابا مابا
هزاع بحده وبتهديد: غلا نزلي لا يكون لي تصرف ثاني وياج
غلا تصيح: حراااام عليك
هزاع: عندج ربع ساعه يا تطلعين يا ادخل جدامهم
م عطاها فرصه وسكر الفون وهي منهاره صياح
دقيقتين ووقفت ركض الحمام وغسلت ويهها حطت بودره عسبت م يبين صياحها وجحله بس بعده مبين من خشمها لفت شيلتها بسرعه وقلبها يدق دبل
.. تخيل يدخل . لا لا م يسويها .. لا ها حقير يسويها .. يارب سامحني ي بويه سامحني ي هناد سامحني . والله من خوفي عليك ي بوووويه آآه
..
هل الحب سلطه ؟
هل تدمر من تحب لانك تحبه ؟
هل هو ذات الضمير الذي احببتني به؟
..
نزلت من الدري ومن حظها انهم كلهم خاري بس لما ظهرت رايحه بتظهر قابلتها ميرا طالعه من ورا
ميرا: غلاوي وين سايره
غلا: حبيبتي ميرا سيري عندهم وقوليلهم اني فوق عسبت م يخافون وانا بتمشى شوي
ميرا: بروحج والفليل !!
غلا: لا والله م بظهر مكان هنا بتمشى فالنخل
ميرا: ما تخافين
غلا: دخيلج ميرووه ضايج نفسي
ميرا: اففف غلا م اعرف اجذب اناا
غلا: لا تقولين شي إلا اذ حد سألج
ميرا: والله تخوفيني عليج
غلا: وعد بطمنج عني بس ابي اتنفس شوي
ميرا: تمام تمام لا تطولين بس اذ ما رجعتي عقب ربع ساعه بقولهم
غلا: زين زين
ميرا: لا تتبعدين
غلا: افففف ميرا هب خبله انا
ميرا: وبتخبريني ليش تصيحين
غلا تدزها: اوك اوك يلا عاااد
راحت ميرا
وطلعت غلا من الباب اللي ورا يودي ع النخل
(( لا تقولون غلطانه : حطوا نفسكم بمكانها : اذ هو يعرف عنها كل شي : وممكن يسوي اي شي : وبالنهايه هي بنت ولها سمعتها : اكيد تخاف ع نفسها بس هب كثر خوفها ع اهلها: واللي مريحنها شوي ان حبه الاوووفر لها م رح يسمحله يأذيها ))
تمشي وترتجف لافه يديها ع عمرها والخوف م يفارقها وطبعا من سكرت باب البيت طاحن دموعها اربع اربع
.. يالله ليش جي , ي رب سامحني , ي رب سامحني >> وتمت تدعي المسكينه
مشت ومشت والمكان ظلام كله نخل م فيه غير سفر بسيــــط تداكت ع نخله ما مرن خمس دقايق وتشوف كندوره بيضا تتجدم جداها ودموعها يزيدن وكلها تنتفض وصار جدامها
هب واضح منه شي غير كندورته واللي لاحظته انه لاف سفره حمرا ع ويهه
..
فيلستهم
سوالف وضحك وشالين البقعه
رناد بصوت خفيف: زيوود شو سويت
زايد: شو
رناد: اففف عشان الريال
زايد: اووه صح زين ذكرتينيه
وراح
غاليه: ميراني وين غلاوي
ميرا: فوق شتبينها
غاليه: لا بس أسأل
ميرا: خليها عنج وتعالي نلعب غمزه
..
زايد راح صوب بيتهم وع حظه جابله علي
سلمون وتخاشمون
زايد: شخبارك ربك بخير؟
علي: الحمدلله طيب
زايد: طاب حالك شمسوي فهالدنيا
علي: الحمدلله الله ميسر .. ماشي علوم من صوبكم
زايد: امررره
علي: قرب عيل حياك
زايد: لا والله بغيتك بكلمه بس
علي شك وبدا يرتبك: آ آآممر عسى ما شر
زايد: الشر ما اييك .. خلنا نتمشى شوي
علي: سرينا
..
هب واضح منه شي غير كندورته واللي لاحظته انه لاف سفره حمرا ع ويهه

(وبدا يرمس بصوت خاااااافت )
هزاع: ي حياتي لا تصيحين
غلا ياله ياله رمست: حرامم عليك
هزاع : هششششش لا تخافين منيه انا اجتل عمري قبل م اأذيج
غلا: وهاي هب اذيه
هزاع يتجدم وهي ترص ع عمرها زياده: ليشت تنتفضين قسسسسم بالله هب ناويلج بالشينه .. أنا احبج واعشقج ومستحيل اسويلج شي
غلا بعدها تصيح: حرااااامممم عليك رحمنيه
هزاع يحاول م يقرب: ي حياتي لا تصيحين والله يتقطع قلبيه
غلا: دخيلك طلبتك وراس غاليك تخلينيه دخيلك وشرف اختك تخلينيه بحالي رحمنيه دخيلك رحمنيه .. وتصيح اكثر
هزاع : شقايل اخليج وانا احبج ي غلا ..تجدم لها..
غلا: يمين بالله حلفت براس الوالده ما تلمسنيه
هزاع: بلاج ي بنت الناس قلت لج انا شاريج م ابيعج بالرخيص
غلا: شتبي منيه
هزاع: ابي تسمحيليه احبج
غلا: بسألك سؤال وعقب رمس
هزاع: لبيه
..
علي: زايد عسى ما شر بلاك جيه صااخ
زايد: والله ي علي انا بقولها لك بالصريح لكن بنشدك عن حايه قبل
علي: آمر
زايد: انت ما بخاطرك شي جدانا
علي: ما لي إلا المحبه جداكم
زايد: هب ها مقصدي اللي عنيته ما فخاطرك حايه
علي فخاطره (( بايعها بايعها قووول ي علي يتك الفرصه لين اييدك وجنه حاس انه اني بقوله شي الحمدلله تيسرت .. ياله ي علي قولها)) : الصراحه ...
زايد يطالعه يترياه يرمس
..

رد: رواية حبه لبسني لبس يني لبس الخواتم فالصبع تم

هزاع: لبيه
غلا وقفت صياح ../صار وقت الجد شدي حيلج ي غلا ووقفيه عند حده عن يدمرج : لو واحد حب اختك شرات حبك ليه بترضا توقف وياه وقفتنا الحين
هزاع: وشو فيها وقفتنا
غلا: سمحليه ها هب حب .. ترضى ان اختك واقفه بالظلم هويا واحد م تعرف لا وبعد متلثم
هزاع: انا متلثم عشانج عشان خوفيه عليج ولا تراني مطرش صورتيه لج
غلا: لا تغير الموضوع خل لثامك ع ينب قولي ترضى اختك توقف ويا واحد بهالوقت وهالشكل والمكان شراتنا الحينه
هزاع: نسيت يشي مهم قوليليه بنفس المشاعر وقسسسسم بالله لرضى
غلا: شو تغير المشاعر
هزاع: ويمين بالله لو حبها واحد شرات حبي لج ونيته مثل نيتي لج باوثق فيه يدخل جان تبين عليها حيره وابصم بالعشر م يلمسها ولا يضر سمعتها دام تفكيره شراتي
غلا: ياخي حس فينيه انت مرتاح انت ولد اناااااا بنـــــــــيه تعرف شنو يعني بينه يعني لو حد شافنا الحين ما يضوي باجر إلا وانا فالمقبره
هزاع: يومي قبل يومج ي رب .. انتي بعد فهمينيه ليش تشوفين الموضوع من ناحيه انج تخوين هلج واللي تسوينه غلط ليش م تفكرين جيه فكري اني احبج ورايد لج الخير فكري انج جدامي الحين وانا اهددج ولو غيري تعرفين شوب يسوي فكري اني مقابلنج ولا فكرت حتى المس يدج .. لاني اعتبرج شرفي حياااتي حبي .. فهمنينيه دخيلج شوفي معزتج عنديه وانا لا يمكن أاذيج اخاف عليج حتى من نفسي أخاف ازعلج او انزل دمعه من عيونج بس انتي معذبه نفسج بنفسج
غلا: اذ تحبنيه هالقد ليش م تتريانيه اخلص وتخطبنيه
هزاع: م اقدر م اقدر اصبر عنج والله م اقدر
..
علي: لو اني م اعرف شقصدك من هالكلام لكنيه ابي اقولك شي ثاني
زايد: اسمعك
علي: قول انت سالفتك وعقب بقولك
زايد: ويمين تقول
علي: تم .. وبسرعه: ي زايد انا ابا اطلب يد رضيعتكم
زايد والفرحه هب شالتنه وحضنه من فرحته انه م طلع واحد خايس
علي فررررررح من رده فعل زايد
زايد: حيكككك ي النسيب
علي هب مصدك: يعني انت موووافق
زايد: اككككيد ي دكتور علي
علي حضنه: يعلني لا خلا لي الشرف والله
زايد: هههههه لا تستعيل الشور الاول والاخير لرضيعه ومن جدا الاهل لا تحاتي امررره
علي: م عيلك زود ي ولد خليفه .. إلا شو موضوعك
زايد: ما عليك من موضوعيه متى تبانيه ارمسها
علي يحك غترته: والله لو يكون الحين احسن
زايد: ههههههه بس تم يالله عيل بدخل انا من هالباب
( هم داروا ع الحاره)
علي: شو بتدخل من الباب الوراني بيتحرونك حرامي
زايد: هههههه انت ما عليك منيه روح رمس هلك
علي: مرمسنهم من اسبوع
زايد دق جتفه: ما تتحيتى يا النشمي
علي: انتظر ردكم
زايد: حياك
..
هزاع: م اقدر م اقدر اصبر عنج والله م اقدر
غلا: اناا .. زاااااايد!!
هزاع لف ع وراه وشاف زايد
سحب الريم بسررررعه ورا النخله
وزايد ما شافهم بسبه الضلام
غلا لاصحك راسها بصدر هزاع اللي هب منتبه ويطالع زايد لين م دخل
غلا رافعه راسها تطالع لحيته اللي م ينشاف غيرها بسبه الضلام وهو لاصق فيها
هزاع جبس وشافها مسطعه ابتسم .. ولف ع ويه سرعه
غلا مستحيـــــــــــــــــه: أا
هزاع وخشمه لاصق فطرف راسها ويشم ريحتها: ادمنتج ي غلا والله ادمنتج
غلا ذاااااااااااااااااايبه: ممكن تبعد
هزاع: ممكن احضنج
غلا: لا خووووز
هزاع: دخيلج
غلا استغلت الفرصه: بشرط
هزاع: آآآمري
غلا: م عاد اشوك ولاتشوفنيه
هزاع: بس تم
ولا عطاها فرصه إلا هو حاضننها وهي نصخها يزيد : بس عااد
هزاع: خلينيه اروي ضماآي يعل عيني م تشبع من شوفتج
غلا بتموووووت ولا رايمه تنطق
: الساعه ثلاث ضبط بتصل ع فون ميرا
راص عليها بقووو شوي ويدخلها داخله : احبج ي اغلى من سكن الفواد
اكتفت بالصمت لنه عارفه رمستها م تفيد .. سكرت عيونها وصدره مغطي ويهها
مرن دقاي قوم يحس إلا بشي يبلل صدره بعد عنها وهو ياخذ نصخ
ويشوف دموعها مسحهن بيده وهي بعدها مغمضه رجع حضنها
غلا منشله عن الحركه .. دخيلك لااااا لا تعلقنيه فيك دخيلك خوووز ما ابببببيك ارحممممممنيه دخيلك م ابـــــــــيك م ابيـــــــك لا تسوا فينيه جيه دخيلــــــك
لكن م قدرت تطلع شي من هالكلام
غير انها ترص عيونها زياده إلى ان حست ان م عاد في نفس عدالها فتحت عيونها وتشوف الدنيا ضلام وهو محد
مسحت باجي دموعها ودخلت البيت وع طول فوق
صاحت وصااااحت وصاااحت وعقب تذكرت رمسه ميرا
ضبطت شكلها ونزلت تحت ع طول
كانوا يالسين الشباب يسولفون عن السيارات والخاربيط والبنات يلعبن غمزه والامهات سوالف مطابخ<ككك> والريايل محد
ويلست حذال ميرا
ميرا: اتخرتي تعشينا عنج
غلا: إلا شوي .. تبتسم/ شتسوون
ميرا: نلعب غمزه
(( ميثوه ومياسه وساره وميرا رناد وسلامه ))
ميثوه: يلا غلا دخلي
غلا: هب جنه وايدين
ساره: كلما كثروا جان احسن
دخلوا منصور ومايد: هوووود هووود
عبدالله: اونكم
ام مايد: جان ما ضويتون
منصور: ياله ناخذ لفتين
ام هناد: وين هناد عيل
هناد دخل: ي حي اللي يسألون عنيه
سيف: هيه خليتونا انا وعبيد بروحنا
عبدالله: فعينك عبيد اسمي عبدالله شيخ الريايل
مايد: بااايخ .. جىه وين زايد
زايد ظهر من داخل: ارححححب
منصور: اعوووذ بالله من وين ظهرت
زايد: من البريق السحري
مياسه: يل ايلا ها ما بيخلصون كملن
مايد: شتسون
ميرا: نلعب
منصور: شتلعبون
..
سيف وغريبه راحوا داخل
في شخصيه م اعرف اذ تذكرونها (( ماهر اخو رناد من الابو يعني اخو سلامه : هو انسان منعزل عسب جي بس يوصلهم ويسلم ويسير ))
..
ساره: غمزه م تعرفها
عبدالله: نتعلم انزين ياله وياكم
مياسه: وااااابوووي
زايد: ليش شفيها اللعبه
سلامه: مغامز شو بعد
مايد: انا ابا العب م يخصنيه
الامهات دخلن عرفن انه حزت حشره ومضارب
ميثوه: اففف م تعرفون
منصور: قولن شقايل وبنلعب
هناد: والله انكم بايخين
زايد: انت ابطر مخلوق شفته شو فيها اذ لعبنا ياله حتى انا بلعب
سوو دائره كبيره عدا هناد
تبتدي من مياسه وعدالها عبدالله وقابلنهم ميرا عدالها مايد
بين مايد وعبدالله منصور وزايد .. منصور حذال مايد وزايد حذال عبدالله
جيه اكتمت نص الدائره << م ادري اذ بتفهمون كككك
النص الثاني حذال مياسه طبعا ساره (حبيبه القلب ) وحذال ميرا غلا
وبالنص سلامه صوب ساره و رناد صوب غلا << ادري معقده شوي
المهم ..
عبدالله: ياله كيف اللعبه
مياسه: انا بشرح
منصور: الله يعين
مياسه: جب انته
مايد: لا نبا رناد تشرح
رناد: لا والله
عبدالله: صح صح رناد
(( لنه رناد هاديه فبتختصر عليهم الموضوع بدل حشره ساره ومياسه))
رناد: انزين شوفوا نحن ..(تعد) .. عشره وهنيه عشر اوراق كلهن مكتوب فيهن حرف العين م عدا وحده فيها رسمه العين
منصور: العين ولا بوظبي
مايد: سكت خل نفهم
رناد: المهم .. اللي يطلع له (ع) يراقب ويدور الشخص اللي يغمز واللي تطلع له رسمه العين هو اللي يغمز .. لكن اللي يغمز لازم يخلي شخص م يغمز له .. لنه اللي يعرف منو عنده رسمه العين يحط ورقته وآخر واحد ينسأل العين عند منو اذ عرف ينضرب اللي عنده العين واذ م عرف ينضرب هو .. فهمتو
زايد: خيبه فيها مضارب
مياسه: عندي فكره
منصور: اعوذ بالله
مياسه: انت شفيك نااااشب .. سمعوا الشباب يختارون بنت تضرب عنهم اذ هب اختهم والبنات نفس الشي
مايد: حلوو يلا نبدا
اول مره جانت العين عند ساره وتم عبدالله آخر واحد
سلامه: يلا عند منو؟
عبدالله: خيبه تخيبكم شقايل قنصتون انا م شفت شي
مايد: خل عنك ياله قووول
عبدالله يدز مياسه يبيها تخبره
مياسه: ياله ي البطل
عبدالله: امممم ميرا
ميرا : خطااااااا
عبدالله: منو عيل
ساره: مــــــــــــي
عبدالله: عنبووه بدينا
مد يده ضربوا الشباب
مايد: يلا اختارن
ميرا: انا اختار منصور
منصور : كفووو (ويضربه من الخاطر
عبدالله: اللي بتختار مايد ولا منصور بصفعها
وكلهن ختارن يا مايد يا منصور
عبدالله: م عليه ي الهروم انا برويكن
ولعبوااا لحد الساعه
1:30
مايد: قسممممم بالله غش
ساره: شووو شوو
مايد: كلنا انضربنا إلا انتي ومياسه
ميرا/ ترا يخبرن بعض
عبدالله: حد يلعب ويا هاليهال
مياسه: هيه يوم م رمتون علينا قلتون جيه
سلامه: لا والله انكن تغشن
ساره: دليل حبي دليل
زايد: جذابات
غلا: هيه اللي عندها تدز الثانيه يالسات حذال بعض واللي تتم الاخيره تغششها الثانيه
مايد: بدلن مكانكن
مياسه: لا والله
منصور: هيه والله ياله يالله
بدلوا الاماكن وبالفعل انضربن وارتحاحون الشباب
ع الساعه
2:00
هناد : م بسكم
مايد: مليت من الفون شو
هناد: لا انتو كله تضاربون م تلعبون
عبدالله: بسس الصراحه مليت
زايد: هيه كله تنضرب
رناد: عد محد انضرب كثري حمرت ايديه
ساره: م انضربتي وايد بس انتي لغنه
<< وع هالحال
عقب نشوا كلهم كل حد ع حيرته هلكانين يبون يرقدون كل حد عق بعمره ع شبريته وانخمد

رد: رواية حبه لبسني لبس يني لبس الخواتم فالصبع تم

ع الساعه ثلاث الكل نااااام
لما تأكدت غلا ان البنات نايمات شلت فون ميرا وراحت المطبخ
م وحالها توصل إلا دق الفون
ردت
هزاع: ي هلاااا والله
غلا..
هزاع: وينج
غلا: وياك
هزاع: آآآآه ليتج تحسين باللي حسيته يوم حضنتج
غلا...
هزاع: ودي اضمج ولا اخلصصص
غلا زاغت: بس انت وعدتني
هزاع: وانا عند وعدي لا اشوفج ولا تشووفينيه
غلا: ولا تراقبنيه
هزاع: اذ قدرت
غلا: هزااااع
هزاع: يعلني فدا هالمنطووق من عيونيه بس بشرط
غلا: شو
هزاع: نتم ع وعدنا الاولي ترمسين تحترمينيه ووعدج م اراقب
غلا: انزين بس ترا ما عندي فون
هزاع: قولي حق هناد يشتريلج
غلا: مابا
هزاع: ع راحتج بس انا برمسج يعني برمسج
غلا: شقايل
هزاع: كل مره من فون
غلا: توك قايل م بتراقبنيه
هزاع: م براقبج
غلا: كيف
هزاع: اممم م اعرف بفكر
غلا: هب لازم ترمسنيه
هزاع: قلت لج انتي ادمااااااان
غلا..
هزاع: ليش كملتي صياح عقب م ودرتج عيونج حمر وكلهم لاحضون
غلا: شو تبانيه اضحك مثلا
هزاع: لا تضحكين بس لا تصيحين بعد
غلا: انزين تعبانه انا برقد
هزاع: بس م شبعت منج
غلا...
هزاع: حووو
غلا: تعرف شو
هزاع: ها
غلا: احس ان صوتك هب غريب
ضحك
غلا: بلاك
هزاع: لا لا ماشي .. اممم شرايج اعرفج ع اختيه
غلا استانست (معقوله صدق يحبنيه ): اوك
هزاع: اوكيه بعرفج ع اهليه كلهم بس خلي هناد يشريلج فوون
غلا: صدق!!
هزاع: ي عمري انا اوثق فيج اكثر من نفسي
غلا..
هزاع: بس ترا م عندي خوات كبرج
غلا: عيل
هزاع: الهنوف معرسه وعويش الحين بتعرس وهاي اللي بعرفج عليها
غلا..
هزاع: واخويه العود سعيد ومعرس بعد
غلا..
هزاع: يعني انا اصغرهم
غلا..
هزاع: كلهم فبوظبي إلا انا
غلا: ليش
هزاع: هاه يعني م رقدتي انا تحريتج سحبتي عليه ورقدتي
غلا: ليش انت فالعين وهلك فبوظبي
هزاع: لنه علاقتي هب وايد اوكيه هوياهم
غلا: شعنه
هزاع: يبون ييوزوني بنت عميه ومنه لقيت لي شغله هنيه
غلا: وشعنه م تباها
هزاع: لنيه اباج
غلا: يعني انت هنا من فتره قصيره؟
هزاع: لا من ثلاث سنين وشي
غلا: عيل انا م يخصنيه فالموضوع .. شعنه شارد
هزاع: ههههههه حلوه هاي شارد
غلا تتريا تفسير
هزاع: هب شارد انا اروح ع الاسبوعين اسبوع بوظبي واسبوع دبي
غلا: ليش دبي
هزاع: انسان عزيز ع قلبيه هناك
غلا ياها فضول: منو
هزاع : تو تو تو م اقول
غلا: شعنه هالكثر مهم بالنسبه لك
هزاع: واكثر
غلا: حرمه ولا ريال؟
هزاع: امممم حرمه
غلا : حلف بس
هزاع: والله
غلا: انزين م ناوي تقلب ويهك لني ابا انام
هزاع: بلاج شعنه حرجتين
غلا: هب محررررجه
هزاع قابض ضحكته: انزين يلا انا من ساعه ارمس دورج
غلا: شو اقول يعني
هزاع: ماشي بخاطرج
غلا بحزن: جىه
هزاع: قولي
غلا: شقايل تراقبنيه
هزاع (عرف انه ماشي بيسكتها الحين) : ما قلتي تبين تنامين ياله روحي نامي
غلا: صبر اوكك بسكت
هزاع: هلا
غلا ابتسمت: طلعت هب يني
هزاع: شدراج
غلا: ترا اا
هزاع: شو
غلا: يعني شفتك وهاا
هزاع يبي يخليها تستحي: شو الهاا
غلا: ها انيه شفتك وو
هزاع: وو
غلا: بس عاااد انت عارف .. المهم آدمي
هزاع: وشو يعني لو جنت يني ترا الينون يحبون
غلا: لا والله .. لا تحاول تخطيت هالمرحله
هزاع: انصحج لا تتخطينها لنه الينون يقدرون يصيرون أوادم وانا اصيرلج كل شي
ما عطاها فرصه وسكر الفون
ورجع لها هاجس اليني
وتمت تفكر
معقوله يني
لا لا هو لمسني حضني
لا لا يجذب
بس بس
شقايل يقدر يشوفنيه
وتمت تفكر وتفكر لين م نامت
>>
الحب هو الأكثر عذوبة والأكثر مرارة (أوروبيديس)
<<

رد: رواية حبه لبسني لبس يني لبس الخواتم فالصبع تم

الصبح الامهات اول من نش وزهبات ذاج الريوق الغااااوي
دخلت رناد وسلمت
رناد : امايه برويج شي
رفعت عن ايدها بقع حمرا
فاطمه: شو هاااا
رناد: م اعرف
ام مايد: م طحتي ولا شي
رناد: لا
ام عبدالله: يمكن حشره
فاطمه: م اضني شوفي شقايل
رناد: مب مهم اوووف اووف والله اشتقت للهريس
ام مايد: عيل بتاكلين اليوم خلي جسمج يرد
ام ناصر: هيه بووويه رنود وايد مضعفه
ام عبدالله : من قل الاكل
ام هناد: رناد بووي قومي عطي البشكاره تودي هالصحن عن يارتنا
ام ناصر: شرايكن نتشلل عندها العصر
ام عبدالله: راين زين
ام مايد: ياله زين رناد عيل خبري البشكاره تعطيهم خبر
رناد شلت الصحن: زين وينهن البشاكير
ام ناصر: يسقن الشير خاري
رناد: عنبووه كلهن يسقن
ام هناد: تلقينهن داقات سوالف
ام عبدالله: قوليلهن يهضلن
رناد: ان شاء الله
ظهرت وعطت البشكاره وقالت لهن ودخلن كلهن شافت لومي وراحت صوبه
(( تموت فشي اسمه لومي<<ليمون> ))
قطعت وحده وشافت سجين غسلتها وقصتها بالنص وقامت تتحمض
وم انتبهت لعلي اللي يطالعها من يوم راحت صوب اللوميه
خلصتها وفرتها وهي تغسل حلجها من ماي الزراعه شافته ووقفت
علي: السلام عليكم
رناد: وعليكم السلام
علي: أا اخبارج
رناد: الحمدلله طيبه
علي: طاب حالج
رناد: سمحليه عيل بدخل
علي: الله يحفظــ
رناد: بلاك
علي: يرحتي ايدج
رفعت يدها فيها دم
رناد: بس انا م انيرحت
علي: يمكن بدون م تدرين
رناد: لا والله م انيرحت
علي: م يعورج
رناد: لا
(( اذ تذكرون ترا علي دكتور ))
علي: ممكن اشوف
رناد استحت: هاه
علي مسك ايدها وطلع كلينكس من مخباه ومسح الدم
علي: غريب اليرح هب مبين
رناد: ههه يمكن انا دمي زايد
علي: لو تشوفين جسمج ما بتقولين زايد
رناد : يلا عيل انا بسيــ
فجأه تدوخ ويمسكها علي
علي: بلاااااج
رناد تحاول توقف: مم ما مادري
علي: شووي شوي
ماسكنها بأيديها لين ما وقفت صح
علي: تقدري تمشي
رناد بتعب: ه هيه
وقفت ثواني راحت تبا تخطي وطاااات
شلها علي سرعه
دز الباب ودخل البيت وهو يزقر: زاااااايد زااااايد
وإلا يربعن البنات كلهن اللي تشاهق والله تصارخ
علي: رووحن زقرن اخوها
سلامه: بس زاايد راقد
علي خيفان عليها: شوفيليه حد
ين الامهات ع ذيج الحشره
فاطمة من ورا البنات: شهالزعيج بلاكم شوو ..(ويوم شافت رناد شالنها علي: يمممممممه بنيتيه بلاااها
علي: ي خالتيه ان شاء الله خيرر وين الشباب
ام مايد: ي بوووي كلهم رقوود
مياسه: محد بينش سهرانين البارحه
اام عبدالله: وانتن شعنه واقفات قومن وعنهم
ويربعن كلهن صوب حير الشباب
كل وحده توعي اخوها
وياله ياله نش زايد
زايد: بلاكن شصاير انتن م تستحن داخلات جيه
سلامه: زااايد دخيلك قوووم رنود طاحت علينا
زايد فز: شووو
ويربعون كلعم خاري بس ما لقوهم
دخلوا داخل
زايد: خالتيه وينهاااا
ام هناد: شلها علي وياها امك
زايد: يلا انا بلحقهم اذ نشت وهيه فالمستشفى بتقوم الدنيا عليهم
ميثوه: بسير وياكك
سلامه: وانا
..
علي شاف البنات بيطولن وما قهر: خالتيه قومي ويايه بشلها
فاطمه: ياله
علي: لبسي عباتج وانا بشلها السياره موقفه جدام البيت هاذيه حذالكم
شلها سرعه سدحها بالسياره ورا
ركب جدام ويت امها ركبت وياه
طول الطريج ورناد م لها حس
دخلوها الطواري
وعقب ربع ساعه
عشر دقايق ويظهر الدختور
الدختور: ي اخي دي البنت بتئربلك ايه
علي: هب مهم قولي بلاها
الدختور متوتر: لو بنتكلم مع ولي امرها بيكونش احسن
علي شله بعيد عن امها: ي دختور البنت بلاها
الدختور: م بعرفش
علي والكيج فللللل: شقااايل م تعرف
الدختور: م مبينش حاااقه لما فحصتها وهيا ناايمه ولماا صحيت عملتلي منااحه م رضيتش المسها
علي استغرب: شووو
الدختور: ومشان كده بأولك لو نتكلم مع ولي امرها
علي: هذا هو يا زايد
زايد: عسى ما شر
علي: اختك من نشت تصيح م خلت الدختور يشوف بلاها
زايد بنفس: ها طبيعي
الدختور: طبيعي ايــــــــــــــــه ده شويه وحتاكلني بتعيط عليه وشايله الدنيا بيه
زايد: علي ممكن شوي
علي شله بعيد: خوفتنيه
زايد: الصراحه هب عارف الشراه اقولك
علي: لا تخاف صح اني ما اشتغل هنيه بس رح احاول اساعدكم
زايد: ادريبك م تقصر
علي: بس ع هالحاله م رح نفهم شصاير
زايد: والله هب عارف شقايل ابدا
علي فهمه: لا تخاف ي خويه قوول وسرك محفوظ
زايد: والله ي علي البنت تكره المستشفيات مووليه
علي: عادي وايد ناس جي بس ترا هب طبيعي اللي تسويه
زايد: ما بتقدرونن عليها م بتسمح لكم تلمسونها ابد
علي عاقد حياته: ي علي لا تنقط قول بلاها البنت صايبتها عقده الله لا قال
زايد: جذااا بالضبط
علي انصدم: عقققققده من شو
زايد: الصراحه الفتره اللي تربينا فيها جان ع امايه ضغط تربي اربعه بنفس الوقت فرناد جانت دومها عند عمتيه لنها م عندها عيال وتعلقت فيها من يوم صغيره حتى ان ما جنا نشوفها وايد تعلقت بعمتيه بشكل هب طبيعي وهي جان فيها سرطان وحزت العمليه ماتت ورناد جان عمرها 11 سنه تقريبا وجانت هب متقبله قامت تصارخ ع الدختور وعطاها كف حاسبناه نحن بس هي كرهت الدخاتره كلهم ويوم كملت ال 15 سنه عرفت انها ميته بخطا طبي ومن ذاج اليوم م دخلت المستشفيات لو اتيها الحما بالاسابيع
علي تأثر: لا إله إلا الله
زايد: الصراحه لو درت انك تعرف رح تتضايج منيه فلا تخبرها وانا قلت لك لني اعتبرك من العايله
علي: اكيد ولا تحاتى بطلب منك طلب بسيط بس
زايد: آمر
علي: انت تدري انيه اشتغل فالعين
زايد: هيه نعم
علي: اليوم ما رايحين يسولها شي ع هالحاله
زايد يهز راسه
علي: كل اللي عليك تاخذها الحين وباجر الصبح تييبها عندي فالمستشفى ومناك لا تحاتي موليه
زايد: ادريبها صعبه بس بحاول
علي: ياله فداعت الله
(( ع فكره علي ساكن بروحه فالعين عشان شغله وكل ويكند يضوي عند هله ))
علي جان ناوي اليوم يخطبها بس شاف انه هب حلوه منه فهالوقت وسكت
وقال لهله يأجلون
ظهروها من المستشفى
ويلسوا فالبيت للعصر
ع العصر قردنن البنات امهاتهن لين ما امرو ع الشباب يشلونهن
ومنه رناد تغير جو
..