رواية بجنون أحبك / الكاتبة ساندرا (كامله )

**الكاتبة ساندرا** · 22-02-2015, 07:46 AM

رد: رواية بجنون أحبك / الكاتبة ساندرا

فواز بقهر: طيب يا لين ..

وسحب الكبك من الطاولة الي شلحهم وخذ مفاتيح السيارة ..

نورة: على وين بتروح ؟ الان الوقت متاخر وكاد نامت..

فواز ما اعطاها وجه وصعد السيارة وبحده: انا اوريك يا لين ..

واتصل عليها وماترد عليه : تتعمدين انك ماتردين علي، طيب طيب ..
.
.
.
عند الباب: انا متحمسه لتطبيق ..

لين ببتسامه: وانا متحمسه لنتيجة ، وربي يوفقك ..

مي: فمان الله ..

وسكرت الباب ..

توجهت للمطبخ وصارت تغسل الصحون ونظفت الفرن ودخلت الحلى بالبراد والمكسرات ..
وكنست المطبخ والصالة ..

وتوجهت لغرفتها الا بدقه الباب وبهمس: ليكون نست شيء ..

وفتحت الباب الا جاء بوجها لين انصدمت من وجوده: فواز !؟

فواز: منتظره احد بهالوقت !؟

لين: توقعت انها مي نست شيء ..

فواز: لين ..

لين قاطعته: حياك ليه واقف برا ..

وجات بتدخل الا بيده سحبها لعنده وبحده: وش هدفك انتي؟

لين: انو هدف !؟

فواز بنفس حدته: لاتسوين حالك ماتعرفين ..

لين ابتعدت عنه ودخلت لصالة وهو وراه: اي مافيها شيء لو انك تنير بصيرتي ..

فواز: اساليبك معي مهيب طبيعية ، كنك كارهتني ما تطقيني وتهمشين مكالماتي وتجين اليوم وتقولين لنورة تخطب لي !؟

لين جلست وببرائه: اي وايش فيها ! يا فواز مو الشرع محلل لك اربع ، طيب وين المشكلة ؟

فواز ناظرها بغرابه: لهدرجة انتي تكرهيني ؟

لين: لا من قال لك هالشيء بالعكس انا احبك ..

فواز: اجل ارجعي معي للبيت ..

لين قاطعته: شوف شقتي بالله مو حلوة ؟

فواز ناظر الصالة وانبهر من ديكورها الغريب عليه بموديل اوروبي والوان جريئة : من عصبيتي ماشفت شيء ..

لين ببتسامه: ايش رايك تدور بالشقه وتعطيني رايك على بال مشلح ملابسي ..

فواز صار يتفحصها بنظرة وبشك: قابلتيها بهاللبس ..

لين اقتربت منه وباست جبينه: شوي وبرجع ..

فواز: تعالي ..

استغرب لما ماعطته وجه ..

لين بدلت ملابسها على السريع ولبست بجامة مريحة ، مسحت مكياجها كله وحددت حواجبها وحدت غلوس وتعطرت بعطر هادئ ..
وجات وشافت بالصالة نفس مكانه وباندفاع: هاه ايش رايك بالديكور ؟

فواز: هذا مو موضوعي يا ام الذوق ..

لين جلست قباله: تفضل ..

فواز: جمعي اغراضك ..

لين : ليه ؟

فواز: عشان ترجعين للبيت ، ولو تريدين تنامين فوق براحتك الاهم انتي بالبيت معنا ..

لين: بس انا صبغت واثثت مو عشان اروح للبيت .

فواز: بترجعين ولا اخذك بالقانون ؟

لين: اوه تريدني بالقوة يعني ؟

فواز: اي نعم بالقوة ..

لين: بس هنا انا مرتاحة بقوة ..

فواز: راحتك ذي بتسبب فجوه كبيرة بيني وبينك .

لين بخبث: لا يمكن .

فواز: ليه ؟

لين: اقصد ان لايمكن عشان اني طلعت من البيت وسكنت بشقه لحالي بتصير فجوة ..

فواز: وغير ذا انتي لحالك ، لاسمح الله جاك احد ايش بتسوين ؟

لين: لاتقلق مشاري وبكر يجوني يوميا ..

فواز: اختبارات العيال قربت ولزوم بهاللحظات العصيبة تكونين معهم ..

لين: انت تتحجج عشان ارجع للبيت وبس ..

فواز: منيب محتاج اتحجج لاني بجيب بالقانون ..

لين تحاول تحافظ على اعصابها: فواز اتركني براحتي..

فواز: انتي عندك خيارين اما تجين بالطيب او اجيبك بالقوة ..

لين :.......

فواز: لاتناظريني كذا ، فكري لبكره وبعد صلاة العشاء انتظر ردك ..

وطلع من البيت ، لين حطت رجل على رجل (اي يا فواز ، حركة مفاجئة وسريعة منك اكيد نورة ثورت اعصابك اخ منك ومنها ، بس الوعد بيكون بالبيت)

قامت لين وجمعت اغراضها كافه ، وحطت بكل اثاث البيت مانع للغبار وغطتهم عدل ..

وجمعت اغراضها وحطتهم بالشنطة وطلعت لها لبستها لبكره ..
وتسطحت بالسرير وهي تفكر بالخطة الجايه ..

وباليوم التالي ..
بالمشغل ~

كانت تمكيج ثالث زبونه لها ولاقت اعجاب العديد وتوفقت بعملها الجديد ولله الحمد ..

اي شيء بالبداية يكون صعب بس بعدها يسهل بالتدريج ..

وعلى الساعة 5:00 ..
اخذها بكر وتوجهو للمقهى ..

لين: كنك حاس اني احتاج لتغير جو ..

بكر: باين انك طول الطريق مزاجك متعكر ومنتي على بعضك ابد وش الي مزعلك قولي ؟

لين: برجع للبيت اليوم ، جاني امس متهجم ويهددني اما ارجع له بالطيب ولا بالقوة ..

بكر: وانتي ماتبغين ترجعين ؟

لين: اي ما اريد ، اقصد هالفترة ..

بكر: انتي ببالك شيء صح ؟

لين برمت شفتها وبخيبه امل: كان فيه ، بس الان لا ..

بكر: يعني هو جاك ثاير اعصابه !؟

لين بثقه: اي اكيد نورة اخته ورئ هالسبب ، هالبنت لو تحط براسها شيء يصير لو وش يكون ..

بكر ببتسامه: وليه واثقه انها هي الي تلفت اعصابه ؟ امكن هو ماتحمل الوضع ..

لين: لان هي كلمتني وانا بالدوام وصارت تقول بخطب لفواز حرمه ثانية قلت لها اي زوجيه صارت تضحك وتوعدت فيني ..! وهو جاء وعصب ..

بكر بضحكه: والله مهيب هينه ، تراها قاصده تقول لك هالشيء عشان تكتمل خطتها بنجاح ..

لين بقهر: انا اوريها ..

بكر: وانتي اكسبي التحدي ..

لين: تحدي؟

بكر: اي نعم ، هي تنبسط لشافت اخوها مبسوط وفرحان ،
وانا متضايق لما شفتك بهالحالة ، بعطيك خطة تضايقين اخوها وهي بتتضايق و
هي بتدعمه وانا بدعمك ، واوعدك انها بنفسها بتكلم فواز وتقول له رجعها لشقتها ..

لين بحماس: ممتاز ..

بكر: اشربي الموما وانتي مبسوطة ..

لين ابتسمت له وشربت الموكا خاصتها ..
.
.
.
كان يناظر الجناح وببتسامه : بخريه يا نانسي اكثر واكثر ..

ام فواز: بتكتم البنت خلص ..

فواز بضحكه: لا بكتمها بحبي ..

نورة ببتسامه: لا تلومينه فرحان بجيه حبيبه قلبه ..

فواز: اي والله فرحان ..

نورة: المفروض لي حلاوة بعد ماشعللتك ورحت لها ..

فواز: ابشري بالخير ..

نورة بحماس: كم لي ؟

فواز: 500 ..

نورة: كملها 1000 ..

فواز: الطمع شين حبيبتي ..

نورة: اوف منك ..

فواز ببتسامه وهو يعدل شماغه: والان استئذنكم باخذ حبيبه قلبي ونتعشى سوا ..

ام فواز: ربي يوفقك ويسعدك يا يمه انتبه لنفسك ..

فواز نزل وباس جبينها: احبك يا وجه السعد ..

نورة: صدق انك محتال ..

فواز وام فواز: هههههههههه ..

وسحب جواله ومفاتيح سيارته وصعد السيارة واتصل عليها: ياهلا والله بحياتي ، كيفك ؟

لين: الحمدلله ..

فواز انتظر تسال عنه: وانا بعد بخير ومشتاق لك ، اعرف زعلانه بس ايش السوات ؟

لين تكتم قهرها: طيب ..

فواز: حياتي لبسي الي بتحت السرير ..

لين بغرابه: كيف ؟

فواز: روحي شوفيه ..

لين نزلت لتحت السرير وشافت كيسه وبستغراب: متى جيت لهنا ؟

فواز: لما كنتي بدوامك ، قولي لي رايك ؟

لين فتحت الكيس وشافت الفستان وانبهرت به: ماشاء الله ، روعه ابو عمر ..

فواز: عليك انتي روعه اكيد ، جبت لك مقاس اكبر شوي لانك سمنانه ..

لين: اي فعلا ..

فواز بحب: تفاصيل جسمك زادت انوثه ..

لين بخجل: بروح البسه مع السلامة ..

فواز بضحكه: يالبى الخجول ، ربع ساعة وبجيك ..

لين: مايكفي خلها نصف ساعة ..

فواز: اوك حياتي ..

رفعت نظرها للمرايه وهي تشوف الفستان عليها وكنه صمم عشانها ليناسب تفاصيل جسمها ..

ابتسمت بخجل: عارف مقاسي بعد وانا مفكرة انه مايناظرني وهو زعلان ..

الفستان باللون النيلي الجذاب با اكمام حاير وقصة رائعه من الصدر وثنيات من تحت الخصر على جهة اليسار وماسك على جسمها من تحت الصدو ويوسع من تحت ، الفستان طويل ..
ولبست الصندل العالي الفضي ..
وفردت شعرها البني والمكياج كان بسيط ..
ركزت ع ابراز الخدين والغلوس والحواجب ..
وفتحت علبة بها طقم الماس ناعم ..
لبست الحلق والعقد والخاتم والاسواره ..
تسبحت بالعطر ..

ورن جوالها ولبست عبايتها وخذت شنطتها ..

ونزل وشافها بعبايتها عرفت انها تعمدت انه مايشوف زينها ..

وحمل اغراضها ..

وصعد السيارة وناظرها: شرفتي سيارتي المتواضعة..

لين:.......

فواز مسك يدها وباسها: مبسوط لانك معي لين ..

لين سحبت يدها منه: لوين رايحين يابو عمر ؟

فواز: لمطعم فخم كا فخامتك ..

لين: طيب ..

وحرك السيارة وهو يتكلم ويقول تخطيطاته وعن شعوره وهي بعيدة عنه ، ولين ملتزمة الصمت ..

وسرعان ماوصلو للمطعم الفخم ..

دخلو بالروم 7 ..

وجاء القرسون وحط الاطباق ، لين تفاجئت فواز: انا مكلمهم وقلت لهم طلباتنا ، وانا زبون معروف عندهم..

لين: كنت طلبت رايي على الاقل ..

فواز: اعرف طلبك حياتي ..

وفسح لها الكرسي وجلست وشلح شالها وسدلت شعرها البني ..

فواز صار يناظرها وهو يشوف العقد بنحرها ابتسم: زاد جمال العقد ..

لين: شكرا ..

فواز صار ياكلها كل شوي ..

لين: بس يابو عمر شبعت ..

فواز: دوبك ماكله كم لقمه بس ..

لين: ثلث لطعام وثلث لشرابك وثلث لنفسك ..

فواز ببتسامه: طيب عليك عافيه ..

وبعد عشر دقايق طلعو من المطعم وتوجه للبيت ..

لين الي صابت بخيبه امل وقهر لان خطتها مانجحت لفواز ..

وطئت باب البيت وصارت تتنفس سريع ..

فواز مسك يدها وهو يلاحظ ان مشيتها اختلفت وكنها ترجف على تمايل بخوف: علامك حبيبتي ؟

لين: مدري وش صابني ..

فواز: كل ذه خوف ؟ ياحبني لك لاتقلقي ..

لين وانفاسها كلما تعتلي بصوت مسموع: احس اني تعبانه يا فواز ، جسمي يوجعني ..

فواز: لاتظني اني ما اعرف الاعيبك كل ذه بس عشان ماتبغي ترجعي معي ..

لين قطت ثقلها على فواز وخطواتها كلما تقل ودخلو داخل ..

ام فواز ونورة جاو يرحبون مع البنات بس انصدموا من منظر لين المتكيه على فواز وباين انها تعبانه ..

وعينها الي واضحة من البرقع انها تعبانه حيل ..

نورة بخوف: بسم الله ، وش بها لين يافواز ؟

بيسان بخوف:يبه ايشبها امي ؟

فواز: ارهاق بسيط ، تريح بس ساعة وبتصير زي الحصان ..

لين ناظرت الجميع بعيون تعبانه وارهاق من تحت البرقع ..

والكل يناظر عيونها ..

وفقدت توعزنها وطاحت ..

فواز بصراخ: لين ، لين ..

يتبع |

**الكاتبة ساندرا** · 22-02-2015, 07:51 AM

رد: رواية بجنون أحبك / الكاتبة ساندرا

فواز بصراخ: لين ، لين ..

الكل تجمعو عليها وفواز شلح غطاها وشعرها على وجها وبخوف: هاتو مويا بسرعة ..

نانسي ركضت جابت المويا حاول يشربها بس اغمائها كلي ..

شالها وحطها بالسرير والكل متخوف عليها ..

ريفان الي تناظرهم من بعيد دخلت بالغرفة وباندفاع: انتو تكتمون نفسها اطلعو ..

الكل طلع فعلا عدا فواز ، وريفان فتحت النوافذ وشغلت المروحه وكنها تخفف على ابوها: اكيد جاها نقص اكسجين بسبب البخور ، ان شاء الله تقوم متعافيه ..

وطلعت من الغرفة ولا انتظرت اي رد منه لانه مخاصمها من بعد الي صار ..

فواز مسح على شعرها والحزن في محياه ، شلح اكسسواراتها ، وفستانها الي تمنى يشوفها عليه وهي تدلع عليه ، شافها وهي طريحه الفراش ..

وغطاها باللحاف الا بدخله العيال ..

عمر بقلق: وش صاب خالتي يبه ؟

فواز: مدري ياعمر كانت زي البخت وفجئه طاحت ..

يزيد: نوديها المشفى يبه ؟

فواز: امكن ارهاق تقوم بس وبعدها نشوف اللازم ..

يزيد: طيب الي تشوفه يبه ..

رائد ياشر لاخوانه انهم يطلعون معه لبرا عشان الاكسجين ..

وبالصالة ..

نورة: امكن يكون عين يايمه ، هو من قال انها بتصير زي الحصان طاحت على طول ..

جود بتايد: والعين لها حق ..

وعد: بقوم اجيب ماي والكل يشرب منه ..

وقامت جابت ماي وشربت الكل منه ودخلت على ابوها وطلبت منه يشربه ..

ونفث المويا على وجها وجسمها الظاهر وحاول يشربها ..

وحط المويا على جنب وصار يناظرها بحزن ..

وقام توضا وصل يدعو الله انها تقوم معافيه وضل بسجادته يستغفر حول مئه مرة لما سمع صوتها وتحركاتها بالسرير التفت بسرعة ..
لين وهي تحس بثقل براسها والم فضيع بجسمها: اه ..

فواز قام وجلس جنبها: فيني ولا فيك ..

لين ويدها على راسها: ايش صار ؟

فواز: اغماء عليك حبيبتي ، كيفك الان ؟

لين بين دموعها: حاسه بالم يمزقني ..

فواز بخوف: بسم الله عليك اوديك المشفى الان ، البسي عباتك يلا ..

وقامت لين بثقل وفواز ساندها لما شافها تعبانه مرة ولبسها عبايتها وصعدها بالسيارة ونورة اخته راحت معهم ووعد معهم ..

نورة تساند لين ورئ وفواز كل شوي يلتفت عليهم يتطمن عليها ..

وسرعان ماوصلو المشفى وبعد التحاليل والفحص كانت الاعجوبة ان لين سليمة !

فواز: يا دكتور اقول لك من دخلت البيت وهي انفاسها تزيد وماتمشي عدل واغماء عليها ..

الدكتور: كالرايي الطبي زوجتك مابها اي شيء كل شيء سليم ولله الحمد ، وامكن تكون مرتك مصابه بعين قوية او سحر تخليها تنفر منك ..

فواز بصدمة:سحر !!

الدكتور: وحدة من معارفي صابها مثل ماصاب زوجتك ووديناه لشيخ يقرا عليها وطلعت مسحوره ..

فواز باندفاع: عندك رقم الشيخ ..؟

الدكتور: اي طبعا (ودونه له) والله يرفع الضر عنها ..

فواز: الف شكر يا دكتور ..

وطلع فواز وجاته وعد الي شافت او وجه ابوها مخطوف وبخوف: بها شيء يبه ؟

فواز: لين كيفها ؟

وعد تناظر عمتها الي ماسكه لين : لاحظت انها من طلعت من البيت انفاسها صارت طبيعية بس ما زالت تعبانة ، ايش قال لك الدكتور ؟

فواز مسك جواله وصار يتصل بالشيخ ويعيد بالاتصال الي كان مشغول وبالاخير رد وباندفاع: هلا ..

نورة تناظر فواز واشرت على وعد انها تجي وبخوف: ايش قال الدكتور ؟

وعد بقلق: مدري بس سمعته يكلم الشيخ ويقول له عن وضعها ، اظن الدكتور الملتحي اعطاه رقم الشيخ ..

نورة بثقه: كنت حاسه ان الي بها عين ..
وعد: ياخوفي اكبر من العين ..

نورة: لا لا ان شاء الله ، لاتتشائمين وعد ..

فواز سكر الجوال وجاهم: بالموت حجز لي الان يلا قوموا ..

صعدو لين بالسيارة وبعد نصف ساعة وصلو لمقر الشيخ ..

وصار يقرا عليها ولين صارت تبكي وترجف ..

وحدد معه موعد قريب ، نورة كلمت امها وبلغتها ..

وبعدها وصلو للبيت ..

وكان به ابو بكر وبكر ومشاري وام هدى وام بكر ..

دخلها الجناح ..

بكر بخوف: وش جرى لها ؟

فواز بحزن: حسبي الله ونعم الوكيل ، شرحت لشيخ الي حصل وقال لي انها مسحوره ..

بكر انخطف لونه: لاحول ولا قوة الا بالله ، فواز دخلني عليها اريد اشوفها ..

فواز هز راسه بالايجاب ودخله بالجناح ..

وعينه على اخته الي لونها صار اصفر والتعب بمحياها: ممكن تخلينا لحالنا ..

فواز طلع من الجناح ..

بكر جلس على طرف السرير وبين دموعه: اخبارك يا لين ؟

لين بتعب: الحمدلله فضل من ربي ..

بكر مسح دموعه بطرف شماغه: ايش تحسي به ؟

لين بالم: بكر انا من دخلت البيت حاسه بتعب والم يتملكني ، طلعني من هنا ودني لشقه ولاتبلغ ابوي ..

بكر شد على يدها: ابشري حبيبتي الان بكلم فواز على انفراد ..

وطلع من الغرفة يبلغ فواز ..

بعد خروج عائلة ابو بكر ، طلعها فواز لشقه ..

ولاحظ ان تنفسها توازن وصار احسن من وهي بالبيت ..

تغيبت لين عن دوامها اسبوع وفواز يجيها كل يوم ومرات ينام عندها وياخذها لمشايخ كثير ..
البعض يقول عين قوية والبعض يقول سحر ، وحالة لين الصحية في تدهور ..

قامت: بس انا قلت رايي وهالاسبوع فكرت به زين ، وابوي مابيوقف في طريقي ابد ..

عمر: انتي شايفه ان الوضع يسمح انك تفكرين بهالشيء ؟

ريفان: انا ماجيت اناقشك ، انا جيت لاجل ابلغك توصل لابوي هالكلام ..

عمر: ابوي واعرفه مابيعارض ، بس انا الي معارض ..

نورة مسكت كتفه: لا ياعمر لا توقف في نصيب اختك ، خلها تروح وقول لايمن ياخذها ..

عمر هز راسه بالنفي مع تنهيده طويلة وكنه يقول مافي فايدة منك ومنه ..

.
.
.

واخذها ايمن وبالسيارة مسك يدها وباسها وبحب: وحشتيني ريفي ..

ريفان بعدت يدها منه بخجل..

ايمن ببتسامه: اموت انا على الخجلان ..

ريفان بدلع ممزوج بخجل: ايمن خلص عاد لاتخجلني اكثر ..

ايمن: يازين اسمي على لسانك ، تصدقين ريفي ماهقيت انك بترجعين لي ..

ريفان: حبي لك هو الي جبرني اني ارجع لك ، كنت اقول يابنت مالك الا بيت زوجك ، ولاني احبك مافويت على الصده اكثر ..

ايمن ابتسم بخبث: ياقلبي انتي وانا بعد مثلك ، ربي لايحرمني منك ..

ريفان: ولا منك يارب ..

يتبع |

**الكاتبة ساندرا** · 22-02-2015, 08:13 AM

رد: رواية بجنون أحبك / الكاتبة ساندرا

ريفان: ولا منك يارب ..

وسرعان ماوصلو للبيت وامها رحبت بها مع ام ايمن وجدتها ..

ام عيسى: زين انك رجعتي يايمه ، مالك الا بيت زوجك يابنتي ..

ريفان ببتسامه: صادقه جدتي ..

ام عيسى: واخبار ابوك الغالي واميمته ؟

ريفان تنهدت: حالته ماتسر ..

منال وام عيسى باندفاع: علامه ؟

ريفان:لين مرة تعبانه وهو كل شوي منقلها لشيخ يقرا عليها ويرقيها وكل واحد منهم له راي الي يقول عين
والي يقول سحر ، وسحر الي عاملينه لها هو تفرقه بينها وبين ابوي ، وكل من قرب منها يغمئ عليها او تبكي وتجيها ضيقه ..

ام عيسى بخوف: يا ساتر ، وكيفها الان ؟

ريفان بحزن: علمي علمك ، ما قول الا حسبي الله ونعم الوكيل في سواء لها هالسحر جعله مايتوفق ..

منال: يابنتي مو خيره لها انو يظلون مع بعض ، الحل الوحيد هو انه يطلقها عشان تكون بصحة ممتازة ..

ريفان: فعلا ابوي قاطعها يومين راحت لها عمتي نورة وجدتي

وقالو ان لونها صار عدل وصحتها تحسنت بس من يجيها ابوي او يقربها تذبل سبحان الله ، وهالسحر مقصود لامحالة بالتفرقة ..

ام عيسى: بيتعب ابوك معها اجل ، ولازمته حرمه ثانية ..

ريفان: اي والله صادقه انا لاحظت ان ابوي له نيه انه يرجع امي على ذمته ..

منال بفرحه: صدق ؟

ريفان بثقه: اكيد حبيبتي ، انا بضبطك لاتقلقي وبخلي ابوي يجيك غصبن عنه مهوب رضى ..

منال: ياحبيبتي انتي ، طولي عمري اناظرك غير عن اخواتك واخوانك ..

ريفان اكتفت انها تبتسم لها ..

وفامت لجناحها وايمن وراها ويسال عن الي صاب لين بشكل غير مباشر وريفان اعطته كل شيء ..

وتنهد: كنت اعمى لما طلقتك حبيبتي ريفي سامحيني ، لين هذه سوسه هي كانت تطلع لي وتسوي نفسها انها ماتدري ..

ريفان بصدمة: معقولة !؟

ايمن بمكر: اي اي حبيبتي وتسوي لي حركات ، ولا مافكرتي كيف هي علقتني بها !؟ والحمدلله ان ربي صدني عنها ورد لي عقلي ..

ريفان بنفس صدمتها: وانا الغبية الي ترحمت بحالها وادعي لها ان ربي يفك ازرها ، بس صدق طلعت ماتستاهل ، هذا ربي وعاقبها تستاهل ..

ايمن مسك يدها وباسها: خلنا منها ، خليني اشوف زينك ..

ريفان ابتسمت بخجل و.....

وقضو ليلة مليانه بالحب والخداع من قبل ايمن !
.
.
.

ام فواز بحده: مالت عليك وعلى قرارتك ، اجل ذي سوات يا نورة ؟

نورة: ايش السوات يا يمه ، هي ودها ترجع له تقول انه تغير وعرف قيمتها ..

ام فواز: ذيل الكلب طول عمره عوج ، مابيستقيم ..

كنه هو وهي مالت عليه وعليها هالمقروده ، يعني ماتعرف وش معنى حاط عينه على وحدة من اهلها ولا بعد من حرمه عمه ، عمة عيون الشيطان ان شاء الله ..

نورة:......

ام فواز كملت: وفواز عارف ؟

نورة تنهدت: لا طبعا ، كنت بقول له امس بس رجع من عند الشباب ووجهه حزين انا متاكده انه راح لها وهي تعبت اكيد ..

ام فواز: حسبي الله ونعم الوكيل بس ، مدري من له مصلحه بهالشيء ، رغم اني شاكه با اشخاص ..

نورة: لاتظني يمه الظن اثم ..

ام فواز: استغفر الله العظيم ..

نورة: ووضع لين كلما في النازل ، الان يقول لي عمر من تشوفه او يقرب بس خطوة ضيق تنفس ا
و اختناق او اغماء ، وصار يوديها عمر ويزيد ورائد لشيخ او المشفى عشان التنفس الاصطناعي ..

ام فواز: ربي يشفيها شفاء عاجل غير اجل ..
.
.
.
اندق الباب عليها ..

قامت وفتحت الباب انفجعت لما شافتها ..

فتحت الغطاء عن وجها: السلام عليكم ..

لين: وعليكم السلام ، تفضلي ريفي حياك ..

ريفان صارت تناظر بوجه لين الي باين عليه الذبول والتعب وبحزن: لين انا رجعت لعند ايمن ..

لين: طيب !!؟

ريفان: اعرف انك مستغربة او تقولين انا وش دخلني بس انتي لك دخل فعلا ،
انا قبل اسبوع رحت لعند دكتوره شاطره وحطيت لي لولب عشان لرجعت عنده ما احمل ، وبالفترة الي جلست معه ..
مهما كانوا ناس سيئين بس لايمكن يتطرقون لسحر امي شكست بيها وطلعت مو هي من سببه ولا ايمن عرفت بطريقتي الخاصة ..

ومسحت البيت كله (وطلعت قماش من كيسه مربوطة با احكام) قلت امكن عين قوية صابتك منه ولا من امي ، وانا بظل معه هالفترة عشان اتاكد بعد ..

لين انصدمت من كلامها: يعني انتي ما رجعتي عشان ايمن ؟

ريفان هزت راسها ب لا : حتى اسرتي مفكرين اني رجعت عشان سواد عينه ، مستحيل ارجع لواحد مثله وعلى فكرة اليوم انا على الظهرية طلبت الخلع ..

لين بذهول: من جدك انتي ؟

ريفان ببتسامه نصر: اي طبعا ، هو عافني مرة وقادر انه يعوفني مرات و
انا ماعندي اي ضمانات معه او حتى استقرار ، يالي حاط عينه على مرت عمه قادر يحط عينه حتى مع اخت زوجته ..

لين: وش هالتغير الي جاك الي بين يوم وليلة ؟

ريفان ببتسامه: من قال لك بين يوم وليلة ؟

انتي لانك مريضة وتعبانه ماتشعري كم يوم مضى على تعبك ، وانا اشوف ابوي كل يوم حالته تسوء مو ابوي الي اعرفه
وبعدها قررت اني انتقم منه والانتقام الاشد هو اليوم او بكره ، اعرفه مابيسكت على الدعوة الي جاته ..

لين: .........

ريفان كملت: وانا من قبل مو مرتاحة معه ابدا ، بس ربي جازاني بحقدي ونصرك ،
وظلمتك وحاولت اخرب بيتك ، وسبحان الله ايمن كان ورئ كل ذه انا بعد بشوهه سمعته بهالدعوة وانتي عارفه وش تعني الخلع ؟ يعني العله والعيبه منه ..

لين ابتسمت: اف منك ، ماتوقعت ان كل ذه يجي منك ..

ريفان: ما راح اسمح لاي احد انه يخرب او يشتت اسرتي (وشددت على يدها) وانتي من ضمن اسرتي ،
وانتي سبب سعادة ابوي الي قبل كنت اشوفها واتعمدت اني اتجاهلها ، واتوق اشوفك بالبيت لين لاتطولين فديتك ..

وقامت ريفان ووصلتها لين لعند الباب ..
سكرت الباب وهي مستغربة من هالتغير تبسمت ورن جوالها ..

بكر: السلام عليكم ..

لين: وعليكم السلام , يا هلا ..

بكر: مشغولة ..؟ أريد أمر عليك الان لو ماعندك مانع ..

لين: أي طبعا حبيبي حياك ..
.
.
.
ميثاء: تراك غثتيني !

هياء: أنا ما اريد الطلاق بينكم خصوصا أن به عيال بينكم , فكري بولدك مو بنفسك ..

ميثاء: ولدي مابمنعه من أبوه , ولا بذمه قدامه وأنا بربيه بنفسي وهو متزوجك عشان تخرفين له كم عيال , وين المشكلة بطلاقي منه ..؟
طالمة هو ألي قال بنفسه أني مستحق الأمومه ورافض أني أحمل , فالخير بك ..

هياء: أستهدي بالله , الأمور ماتنحل كذا , وسالفة الطلاق أنسيها وشليها من راسك بتاتا ..

ميثاء: وليه ..؟

هياء: لأني بكل بساطة ما ارضى أني أسعد وأتعس غيري ..

ميثاء: ماعندك إلا هالحل , أنك تطلعين من هنا ..

هياء بستسلام: طيب , بس لاتطلقين ..

ميثاء بغرابه صارت تناظرها , هياء: علامك تناظريني كذا ..؟!

ميثاء بنظرات حادة: لأنك أنتي غريبة ووراك سالفة طويلة وأنا متأكدة منها أنك أنتي مو زوجة هاني ..

هياء بصدمة ناظرتها وبعدها صارت تضحك: هههههههه اجل من بكون ! شكلك أنتي أستخفيتي بجد وكلامك ذه أتهام لزوجك يعني بيدخل ببيته ويختلي بغريبة !

ميثاء: مابعد ألاقي الرقم الأخير للحزنه عشان تطلع لي المعلومات كافه ..

هياء أخفت توترها وقلقها:هههه طيب يالمحقق كونان , المرة الجايه أجتهدي أكثر , ولا أوصيك راقبيني بعد ( وقامت وهي تضحك با أستخفاف )

ميثاء صارت تناظرها لما أختفت من عينها وبهمس: مما لاشك أني بجتهد عشان أعرف من تكونين !

.
.
.

صار يناظر فيها وهي تسكب القهوة له , أنتبهت له: مضيع شيء ..؟

بكر با أنتباه: معلش سرحت شوي ..

لين: أصدق القول , شكلي مو حلو صح ..؟ ( تنهدت ) التعب مانعني ..

بكر: أنتي كذا مبسوطة ..؟

لين: مبسوطة بوش ..؟

بكر: أن فواز بعيد عنك ..

لين تنهد: من أسمع صوته أو يقرب مني أتعب تعب فجائي ! أنا خايفه أن كلام المشايخ صدق ( وبين دموعها ) وش السوات يا بكر ..؟

بكر أقترب منها وبحزن: لا لا يا لين لاتبكين , والله لزعل منك ..

لين تمسح دموعها: من شوي اعطتني ريفان منشفه مسحت البيت كله وبيت زوجها تقول أن كان عين بيبين , وأنا خايفه يكون سحر مو عين ..

بكر ضم أخته على صدره: تصدقين لين , أنا لما قلت أنك بترجعين لفواز وأبتديت أخطط معك أنك ترجعين لهنا بطلب نورة , جات عكسيه
وماظنيت أنك أنتي بترجعين مجبورة وبطلبك أنتي ( تنهد) حسبي الله ونعم الوكيل ..

لين نزلت دموعها ومسحتها سريع عشان أخوها مايشوف دمعتها ..

بكر: أمي وأبوي وأمك مشتاقين لك مرة , ووصني أقول لك تشربين من هالماي مقري عليه , وتلتزمين بالاذكار ..

لين هزت راسها بالإيجاب , وهي تصارع اليأس بداخلها وتدخل الأمل من جديد .. !!

أنتهى البارت |

**الكاتبة ساندرا** · 22-02-2015, 08:21 AM

رد: رواية بجنون أحبك / الكاتبة ساندرا

أحداث غريبة ومشيقه ..

في ميثاء التي تحاول أن تجد الرقم الأخير أو الرمز لتفتح الخزينه , لتعرف من هي هياء ..!
في فواز ألي ماعرف وش جرى للين بالضبط ..؟
في أنتقام ريفان لأيمن , وثقتها الزائدة بكسبانها وأن الموضوع بينتهي مثل ماخططت له ..!
في شك أم فواز ان منال وأم عيسى, العين والسحر ليفرقوا لين وفواز !

في احداث تحدد مصير أبطال وشخصيات روايتنا , لتختم بالبارت الأخير قريبا ..
وتنتهي الرواية , ولن أتعجل با أنزاله فا أود أن أضع لكل شخصية حقها وأسلط الضوء على الجميع ..

أحبكم |

**حلم سيكون** · 22-02-2015, 01:02 PM

رواية بجنون أحبك / الكاتبة ساندرا

المشاركة الأصلية بواسطة الكاتبة ساندرا

السلام عليكم ورحمة الله وبركاته ..
أعتذر على التأخير كنت ناويه أن أدمج البارتين بس الردود اختلفت , وكتبت ربع من البارت الأخير ..
أما الان بنزل البارت القبل الأخير , ورغم قصره إلا أن الحدث الأكبر في البارت الأخير ..
أعتذر على التأخير أحبتي |

وعليكم السلام ورحمة الله وبركاته
عذرك معك حبيبتي أهم شي تكوني بخير
بارت في قمة الرووعه...
اممم أتوقع أنو هياء مو زوجة هاني...
لييين أتوقع أنو مسحورة ...
وريفان مخططه لحاجه قوييه ويمكن راح تنقلب عليها...

تم الإرسال بواسطة iPhone بإستخدام منتدى عبير

**أنة حرف** · 22-02-2015, 03:42 PM

رد: رواية بجنون أحبك / الكاتبة ساندرا

المرة لأولى اللي ما رح اتوقع شيء
بنتظر النهاية
البارت قصير جدا بس ممتع جدا جدا جدا
لا تطولي عينا حبيبتي
وخليه طويل عشان نستمتع باخر بارت
تحياتي العطرة وأرقها

**FeeF** · 22-02-2015, 07:30 PM

رد: رواية بجنون أحبك / الكاتبة ساندرا

الله الله كان البارت شئ
خطييير مرههه
ابدا م توقعته يكون كذا بجد ابداع
ماشاء الله عليكك ونتظر البارت
بحماس عادي خذي وقتكك
ي حلوه بارك الله فيكك وتحياتي لكك يالخطيره

**reemoo55** · 23-02-2015, 03:13 PM

رد: رواية بجنون أحبك / الكاتبة ساندرا

كملي قلبي رووعه
انا محتاره مع ريفان ما ادري مع من

تقبلي مروري

Sent from my GT-I9060 using منتدى عبير mobile app

**لصمتي حكايهه** · 23-02-2015, 08:52 PM

رد: رواية بجنون أحبك / الكاتبة ساندرا

من جد بارررت قمممممه بالروووعه حبيبتي ساندرا...... اتوقع لين كل مالها بتتعب ومارح يعرفو السبب بسهوله ورح يطور الامر عليها لدرجه توصل المستشفى والسبب احتمال تطلع منال عشان تدمر لين وتكون الساحه فاضيه لها.. ريفان رح يصير عليها شي لم يكن بالحسبان ويخرب كل شي واتوقع انها بتحمل من ايمن ايمن بيطلق ريفان وهي بتربي ابنها لحالها بمساعده لين وفواز ... ميثاء رح تكتشف ان هاني عمل كدا بس بغرض تاديبها وتلقينها درس ماتنساه وتعرف اهميه العيله والاولاد والزوج وخطته بالفعل نجحت.. هياء بتطلع وحده من اقاربه تساعده... منال وام عيسى بيطيحو بشر اعمالهم وهي نست انها معلمه دين بس عشان دنيا زائله بيصير شي بيخليها تندم........

هذي توقعاتي ادري طولت بس تحمست ايش اسوي ^_^ بانتظار البارت الاخير على احر من الجمر

دمتي بخير عزيزتي

**وودي** · 23-02-2015, 09:46 PM

رد: رواية بجنون أحبك / الكاتبة ساندرا

روووووووووووووعهه ابداع

ميثاء,, الله يصبرها على هاني وهياء

لين,, ياقلبي بينكسر عليههههههها

ريفان,, الله يقوييييكك

فواز,, قلبي الصغير يبكي عليه

يارب ما يتزوج فواز منال وربي تجيني سكته قلبيه

رواية بجنون أحبك / الكاتبة ساندرا (كامله )

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget