تويت
رد: رواية بجنون أحبك / الكاتبة ساندرا
ساندرا وين البارت متشوقه لقراءتها
ساندرا وين البارت متشوقه لقراءتها
-
-
رد: رواية بجنون أحبك / الكاتبة ساندرا
ساندرا وربي تعبنا من الإنتظار انت قلتي الخميس والمؤمنون على وعودهم وحشتنا الرواية.... يارب المانع خير يا قلبيتعليق
-
رد: رواية بجنون أحبك / الكاتبة ساندرا
كلمة رووووعه قليله بحقك يالغلا
ننتظر البارت بفارغ الصبرتعليق
-
رد: رواية بجنون أحبك / الكاتبة ساندرا
ان شاء الله المانع خير لاتشغلينا عليك .....
وبالنسبة للبارت فداك متي ماتخلصين وتسمحلك ضروفك نزليه مافيش مشكلة ......
محبتك ميس ....
تم الإرسال بواسطة iPhone بإستخدام منتدى عبيرتعليق
-
رد: رواية بجنون أحبك / الكاتبة ساندرا
السلام عليكم اختي ساندرا طبعا انا غبت فتره طويله عن المنتدى لظروف خاصه وفعلا اشتقت لج واشتقت لروايتج وكل ماله البارت يحلى اكثر واكثر فعلا انتي مبدعه الله يحفظج بأنتظارج ي قلبيتعليق
-
رد: رواية بجنون أحبك / الكاتبة ساندرا
ساندرا اشتقت لك وعسى المانع خيير
سبحان الله وبحمده سبحان الله العظيم
Sent from my GT-I9060 using منتدى عبير mobile appتعليق
-
رد: رواية بجنون أحبك / الكاتبة ساندرا
مساء الخير...
كيف حالكم..وكيفك سندورتي..
عسى المانع خير ساندرا...
ومايهم البارت اهم شي انك بخير...
تم الإرسال بواسطة iPhone بإستخدام منتدى عبيرتعليق
-
رد: رواية بجنون أحبك / الكاتبة ساندرا
السلام عليكم ورحمة الله وبركاته ..
أعتذر على التأخير كنت ناويه أن أدمج البارتين بس الردود اختلفت , وكتبت ربع من البارت الأخير ..
أما الان بنزل البارت القبل الأخير , ورغم قصره إلا أن الحدث الأكبر في البارت الأخير ..
أعتذر على التأخير أحبتي |تعليق
-
رد: رواية بجنون أحبك / الكاتبة ساندرا
رواية بجنون أحبك / الكاتبة ساندرا
البارت ال 28 ( قبل الأخير )
لين باندفاع: شكلك ناسي الوعد ..
فواز: انتي راح فكرك لبعيد ..
لين تلفح بشعرها: لوين بالضبط ؟
فواز:للي ببالك ..
لين:وايش الي ببالي ؟
فواز: انتي ادرئ ..
لين: على العموم انا تاخرت مرة ..
فواز: قلت لك بتكوني هنا مابتطلعي ..
لين: طيب اجل بنام ..
فواز باندفاع: اي والله تعبان واريد انام ..
لين تمددت بالسرير وخفتت نور الاباجوره..
فواز وهو يناظرها: لين ..
لين وهي مغمضه عينها: وراي اشغال بكره ..
فواز: لين اريد اسالك سؤال ..
لين: تفضل ..
فواز: ليه هالتغير الكبير ؟ كني ما اعني لك شيء ولا كني زوجك ، وين حبك لي ؟
لين بطلت عينه وناظرته بصمت قاتل ..
فواز مسك يدها وشد عليهم: عشانك سويت كل شيء بس ترضين وهم مارضيتي ، ايش الي يرضيك ؟
لين:احتاج بس للوقت ..
فواز: لمتى بالضبط ؟ لانك طولتي ..
لين بهمس: هالموضوع مطول ، ايش رايك نتكلم لاصبحنا ؟
فواز برفض تام: لا طبعا ، اريد جوابك ..
لين اقتربت منه وبنفس همسها: تواجدي بالبيت بهالفترة مايعني دلع او اريد البعد بس .....( وسكتت )
فواز: بس ايش ؟
لين بتردد: بس تصير به فرصة بتكلم معك به ..
فواز بقهر: وليه مو الان ؟
لين: الموضوع بيطول وانا نعسانه ما اقدر اركز معك..
فواز اعطاها نظرة ماقدرت تفسرها ، اعطاها ظهره واطفاء الاباجوره قباله وترك مسافة بينها وبينه وغمض عينه ..
لين عرفت انه زعل وغمضت عينها ..
.
.
.
ميثاء: يعني وش ؟
هياء: يعني لخلصت الشهر بطلع من هنا ..
ميثاء باعتراض: لا حبيبتي هياء ، انا اريد قليل من الخصوصية والحرية ، معك ما اقدر البس شيء انا متقيدة جدا ..
هياء: بس انتي من الاول وافقتي ليه ماعارضتي من الاول ..؟
ميثاء حطت صبعها على راسها: كيفي ..
هياء صغرت عينها: يعني هي مسأله عناد ؟
ميثاء: فسريها مثل ماحبيتي ، وهذا من حقي ..
هاني الي كان مكفت يده ويناظرهم: وين يعني ؟ احترموني على الاقل ..
هياء: اسفه هاني بس زوجتك ماوفت بعهودها ..
ميثاء: الله اكبر ، صارت عهود مرة وحدة ، طب خليها مريم ..
هياء: هيهيهيهي بايخه ..
هاني بزمره: خلاص انتي وياها ، ميثاء ليه ماعارضتي من قبل ..؟ ولا الغيره ذبحتك !؟
ميثاء بثقه: انا اغار من ذي (وهي تاشر بصبعها عليها) بالعكس انا مو شايفه اني طلبت معجزة
او طلبت شيء غلط ، كل ماهنالك اني طالبة حقي ، ولا عندك مانع ؟
هياء: حامض على بوزك اطلع من هنا ..
ميثاء: مو مشكلة ، طلعني لشقه مستقله اجل !
هاني: شايفتني بنك ؟
ميثاء: طالمة تزوجت ثانية يعني عندك فلوس ومتى ماحبيت يصير عندك فلوس بيصير !
هياء ناظرت هاني: خلص هي لقت الحل ، طلقها ياهنوي ..
هاني ناظر ميثاء وببتسامه: اي والله فكرة ، خلص فكرتك بمشي عليها ..
ميثاء: كذا اوك ..
هياء وهاني بان عليهم الصدمة ..
ميثاء كملت: وانا ماعندي اي مشكلة بهالشيء اهم شيء راحتي ، وانا جميلة وحلوة واي رجال ممكن يرغب فيني ..
هاني بعصبيه: ميثاء تكلمي عدل ..
ميثاء بنفس برودها: يا سبحان الله ، مارضيت اني افكر برجال غيرك وانت بدل مافكرت تزوجت وسكنتها عندي ! وتقول تكلمي عدل !؟ معلش هاني هذه انانيه منك ..
هاني تعلثم بكلامه: لا.... من قال لك ان هالشيء يهمني فكرتي بغيري او لا ، بس لانك انتي بذمتي لا اكثر ولا اقل ..
ميثاء: طيب طلقني !
هياء ناظرت هاني بقلق وبان عليها التوتر وهالشيء ما خفاء على ميثاء: هاني استهدي بالله حبيبي ، هي ماتسوئ تعصب عشان قوم معي(وقومته وهاني قام معها بلا نزاع) ارتاح يلا ..
ميثاء(لزوم اعرف وش قصة هالمخلوقة !!؟)
.
.
.
قامت وبحده: انت غلطت واكبر غلطة انك استعجلت ، يعني ماتعرف لين ؟ بتحارب عشان فواز مو بساهل تتخلئ عنه ..
ام ايمن وقفت معها ومسكت كتفها: استهدي بالله يا منال الموضوع ماينحل كذا ..
ايمن: ياعمتي انا ماكنت اعرف انه بيصير كذا ، لو ادري كنت انتظرت ..
منال ضربت يدها بيدها الثانية وحركتهم سريع وبقهر: اخ منها ذي ، لايمكن تتنازل انا عرفتها
من لما قابلتها باين انها قوية ومو بساهل ولاي خطة تمشي معها ، لو انك قلت لي يا ايمن عن خطتك ذي كنت تداركت الامر ..
ايمن بحقد: كلا من بنتك ريفان ، هي الي فزعت ..
منال: اي ذي بنت ابوها ، لزوم تفزع ..
ايمن: ماعندنا الا هي الي توصل لنا الاخبار وهي راحت ..
منال: بسيطة روح كلمها وراضها وانك ندمان على سواتك ذي ..
ايمن: تتوقعين انها بترجع لي؟
منال بثقه: طبعا بنتي واعرفها زين ، ومثل ما لعبت بعقلها وقلت لها تشلح هالعباية الي كنها خيمه بتسوي اشياء واشياء عشانك ، ي
عني حتى امور دينها بيعتها وهالشيء سهل جدا ، بس لزوم تثق بك من جديد ..
والاهم انك تكلم القاضي وتقول له انك كنت معصب وطلقتها بالثلاث بسرعة و
اشرح له وانا متاكده انه بيقول ما تعتبر محرمه عليك لانه غضب ، وهالقصة صارت مع ربيعتي عواطف ..
ايمن بتفكير: خطة مش بطاله ..
ام ايمن: لزوم اسوي زيارة من باب الرضوه ..
منال: صح عليك وبا اسرع وقت ممكن ..
ام ايمن: وخلي عيسى علي ..
.
.
.
باليوم التالي ..
على الساعة 7 فتحت عينها وهي تسمع صوت الماي بالتواليت عرفت انه يتحمم ..
توجهت للمغسلة وغسلت وجها وجففته وكلمت ام عبدالاله:ما ادري امكن اتوخر اي فديتك ، الاهم اني بجي اوك فمان الله ..
التفت وشافته طالع من التواليت والفوطة على خصره ومنشفه صغيرة على كتفه وبدون مايناظرها: انا وراي دوام البسي عباتك ما اريد اتوخر ..
لين: طيب ..
ولبست عبايتها وهو جفف جسمه ولبس ملابسه حق امس وطلع معها وصلها لشقه بدون اي كلام وحرك السيارة ..
لين دخلت وسبحت نصف جسمها ولبست ملابسها وهي تناظر نفسها بالمرايه
تفكر بالي صار امس مع فواز تنهدت وحست انها مذنبه
(لا يا لين لزوم يعرف ان الثقه بين الزوجين كبيرة ومايسمح لشيطان يشوه صورتي قدامه) سحبت شنطتها وطلعت ..
.
.
.
وبالسيارة يفكر(انت زودتها يا فواز ، كم مرة ترفضك ؟
وانت عادي عندك مابه كرامه ! خلها براحتها ومتى ماحبت تجيك بتجيك اما انك تتراكض وراها هالشيء بيكبر راسها وبتزودها معك)
.
.
.
بالمشغل ..
حط رجلها على مويا دافيه مرة به ملح خشن وجلست بكرسي الاستقبال ..
ام عبدالاله جات وببتسامه: انا مبسوطة منك ومن التزامك بعملك ..
لين ناظرتها وردت لها الابتسامه: ربي يسعدك واتمنى ما اخيب ظنك فيني ..
ام عبدالاله: لين انا عندي موضوع اريد اكلمك به ..
لين عدلت جلستها: اي طبعا تفضلي ..
ام عبدالاله: كثير يجون هنا ويسألوني عن مكياجك ، ايش رايك تحطين مكياج ؟
لين: اوه مش لهدرجة انا محترفة ..
ام عبدالاله: لاتقللي من قيمتك لين ، بالبداية بيكون صعب بس بعدها بتتعودين وحاتشوفي ..
لين: يعني بحط مكياج بدون دورة ولا خبره !؟
ام عبدالاله: يا لين ، انا كان عندي قبل عميلات وعندهم شهادة ومكياجهم مو حلو ،
الشهادة مو كل شيء ، وما احد يعرف ان ماعندك دورة او شهادة !؟ ومرتبك بيزيد باذن الله والاستقبال انا لقيت وحدة ثانية محتاجة كثير لشغل ..
لين: طيب الي تشوفينه حبيبتي ..
ام عبدالاله: وطبعا شغلتك لزوم بها انتظام وما تتعذرين ابدا ! خصوصا بوقت المناسبات والاجازات تكثر ..
لين: اي مابه خلاف ..
ام عبدالاله: بتجيني زبونه اليوم واريدك تحطين لها مكياج ..
يتبع |تعليق
-
رد: رواية بجنون أحبك / الكاتبة ساندرا
ام عبدالاله: بتجيني زبونه اليوم واريدك تحطين لها مكياج ..
لين: بهالسرعة ..
ام عبدالاله: هههه اي ، واعذريني لان البنت حالتها صعبة جدا ويعلم الله اني حبيت اخدمها واساعدها بالي اقدر عليه واليوم بتداوم ..
لين: طيب ، اخلص منقوع رجلي واروح استقبل الزبونه..
.
.
.
بعد صلاة الظهر رجع لمكتبة وهو يعدل الاوراق وباله مو معه ، يريد يتصل بها ويعرف وش مشغولة به ومن الي مغيرها عليه ..
ترك الاوراق وسند ظهره للكرسي وصار يفتكرها وغمض عينه(ايش هالقوة الي جاتك يا لين وقويتي انك تصديني وتنسيني ! يعني هي نستني صدق او انها تريد تتخلص مني اكيد)
وعئ على اتصال امه ورد: هلا يمه ، الحمدلله انتي اخبارك ؟
ام فواز الي حست ان صوت ولدها به شيء: علامك يا يمه ؟ في شيء مضايقك ؟
فواز تنهد: ابد يالغالية ، تريدين شيء قبل مرجع للبيت؟
ام فواز: ام ايمن جايه هنا ومعها رضوه لريفان تقول ان ولدها نادم وانه راح لشيخ
وشرح له ان الطلاق قالها وهو معصب ، وقال له تحسب طلقه وحدة بس تقدر ترجع لك ..
فواز: صدق ذول وجهم ممسوح بمرقه ، وقولي لها ريفان مابترجع له مهما وش صار ..
ام فواز: هدء اعصابك يا يمه ، انا بعطيها الرد ..
فواز: طيب يا يمه ..
.
.
.
ام فواز: ابوها رافض رجعتها ..
ام ايمن: الطلاق مو زين يا ام فواز ، انتي شوري على ريفان ، وايمن يريد يجيها لاجل يتناقشون ..
ام فواز: مجلسنا مهوب مرحبن به ، بعد سواته الي مالها اي لزمه ..
ام ايمن: هو صغير يا ام فواز ..
ام فواز: ولدي لما تزوج المصون منال ماسوا سواته رغم انه تزوج اصغر منه وبكثير ، ولدك من اول وهو حقير ..
نورة باندفاع: تقصد انه مو زين لريفان ..
ام ايمن بقهر: لا فاهم امك وش تقصد ..
ام فواز قاطعتها: وانا صادقه ، ولدك يالمصون تزوج ريفان عشان يوصل للين ويخطط كيف يخرب علاقتها بفواز ، وهالشيء اكيد عندك علم به ..
ام ايمن بمصداقيه: يعلم الله اني انا ولا ابيه عندنا علم بهالشيء ، احنا مصدومين اساسا وابوه كلمه امس وقال لزوم ترجع ريفان ، ريفان ذهبه ..
ام فواز: عشتو بس ، ولدك ماتربى والطلاق هو الي بيربيه صح ،
من وهو صغير مماشينه على هواه بلا حسيب ولا رقيب ولا اي تقيد كل شيء عادي عندكم ..
نورة تهدي الوضع: انا اشوف ان ريفان بهابفترة تحتاج ترتاح وبعدها يكون به حديث ..
ام ايمن: وهذا عين العقل يا نورة ، بعد كم يوم بنحدد معكم موعد بيجون الرجال ويكون الكلام رسمي ..
.
.
.
بغرابه: وين لين الي كانت قبلك ؟
فجر: انا الموظفة الجديدة ، هي تشتغل بالمكياج ..
مي: اها وينها ؟
فجر وهي تاشر: هناك ..
مي ببتسامه: شكرا ..
مسكت كتفها لين التفت لها وببتسامه عربضه: هلا مي حياتي ، اخبارك ؟
مي الي شكلها كان مايطمن وتنهدت: طيبه ، انتي اخبارك ؟
لين: مي حبيبتي شكلك مايطمن وش بك ؟
مي: سالفة طويلة ، انتي مشغولة اليوم ؟
لين: لا ابد حبيبتي بالليل فاضية ، يناسبك الساعة 8 تجيني ؟
مي: اي فديتك ..
لين: وانا بدلك على شقتي الجديدة ..
مي: جديدة !؟
على الساعة 5 بعد صلاة المغرب طلعت لين بصحبه اخوها بكر للهايبر وقضت حوايج الشقه كاملة ..
مع ادوات الطبخ والاواني الجديدة ..
وصعدت السيارة مع اخيها ..
بكر: مو ناويه تبلغين امي وابوي عن سكنك الجديد ..؟
لين: انت عارف ابوي يا بكر ، وانا ما اريد اخرب الي بنبته الاهم اكون مرتاحة ..
بكر مسك يد اخته: انتي مرتاحة مع فواز صدق يا لين ولا تمزحين معي ؟
لين ببتسامه: انا مرتاحة وبقوة يا بكر صدقني ، هو يحبني حيل وهالشيء مسعدني ، وانت خلك على البحث بشريكه الحياة ..
بكر بفرحه: اي بالله انك صادقه ..
لين بضحكه: ماصدقت خبر ، على طول ..
بكر: ههههههه ..
.
.
.
شيكت على نفسها بالمرايه ..
وهي لابسه برمودا رمادي وتي شيرت تركواز ، حطت مكياج ناعم ..
وفردت شعرها على كتفها ولبست صندل عالي رمادي
ولبست اكسسواراتها ، وتعطرت ..
الا بفتحه الباب ..
ميثاء بدون ماتناظره: دقي الباب مرة ثانية حبيبتي هيوي ..
وقف مصنبر من شكلها ..
ميثاء التفت له وهي تدعي المفاجاءة: هاني !!
هاني: لوين بتطلعين ؟
ميثاء: ولا مكان ، بظل كذا لي مزاج عالي اني اتزين وارجع البس مثل قبل ، بدل هالملابس الطويلة والوسيعة ..
هاني: بس هياء هنا ..
ميثاء ببرود: وانا وش دخلني فيها ! احرم نفسي واهمل نفسي عشان احد ؟ معلش هذا مو انا الي تتنازل ..
هاني: اصبري طيب لكم يوم وبتطلع ، مابعد يخلص الشهر ..
ميثاء اقتربت منه ومسكت كتفه وبهمس: ياهاني انا اريد ارتاح واشعر بالخصوصية
(وهمست با اذانه اليسار) اريد شقه لحالي ، ياليت تقول لها انو جلوسها هنا يضايقني حبيبي ،
وانا مو زعلانه منها ولا شيء بس خلها تروح لانو بتجاوز حدودي بالمرات الجايه والبس مثل قبل اوك حياتي ؟
هاني ناظر بعيونها الكحيلة وهز راسه بالايجاب ..
ميثاء اخفت بسمه النصر ، وهي تحس فعلا ان الهمس جاب نتيجة مع هاني ، مو مثل قبل تجيه بالصوت العالي ..
.
.
.
حضرت سلطة فتوش وسلطة الجرجير المفضل عندها ، سوت برياني دجاج ، شوربة كويكر ، دقوس ..
اخذت دوش نصف جسمها ، وبخرت جسمها ..
لبست بنطلون سكيني ازرق وبدي سكري ، وحزام بني وصندل عالي بني ..
دهنت يدها باللوشن بخلاصة الورد ، وتعطرت ولبست حلقها الدائري الناعم ورفعت شعرها من قدام وحطت بنسات وفردت شعرها الباقي وخصلات مبعثره على وجها ..
ورتبت السفره وبخرت البيت ..
وهي تشوف الاثاث الجديد وكل شيء جديد بذوقها ..
اتصلت بمي تدلها على شقتها الجديدة وبعد ثلاث دقايق وصلت ..
وكانت نظرات مي للين الاعجاب با اناقتها وتنسيقها لشقتها ..
مي: ماشاء الله ، متى سكنتي بالشقة ؟ اثثتيها بسرعة..
لين: ظليت اسبوع وكم يوم فيها الصراحة ، انتي اخبارك ووش علومك ؟ ضعتي مرة وحدة وغطيتي مع الاستاذ بندر ..
مي تنهدت: اي غطيت يا بنت الحلال ، هو مايدري عن هواء داري كلا يطلع عند الشباب ولا بالاستراحة مع ابو عمر وابو خالد ..
لين: ماصار لك كثير من تزوجتي منه حبيبتي ، وهالشيء طبيعي انه يرجع كنه عزابي ..
مي: طبيعي؟
لين: اي ، لزوم يحن لوضعة السابق ولاتنسي انه سافر للخارج ومشتاق لوطنه وعاداته السابقة ..
مي: مايجلس معي يا لين ، كلا برا وان جلسنا مع بعض كلا خناقات ومشاكل ويعصب علي .ث، هذا انا تعلمت الطبخ وتحسنت بكل شيء وين الغلط فيني ؟
لين ببتسامه: حبيبتي مي ايش رايك نتعشى بالاول ، وبعدها نتناقش بهدوء ورويه ؟
مي: طيب الاهم احل المسألة ..
وجلست لين مع مي بالطاولة الخشبية الي اختارتها لتناسب الديكور باللون البرتقالي والذهبي والسكري والبني المطله على الصالة ..
لين: يا مي مايصير كذا ، انا فواز بداية زواجي منه ما يجلس معي ابد وكلا برا وبرا وما امنعه ،
المفروض انتي تنغمسين با اشيائك الثانية مثلا هواياتك والاهتمام بشكلك وبصحتك
لا تروحين تلاحقينه وتركضين وراه هالشيء بيزعجه وهي فترة ترى وبيرجع يجلس معك واكثر من قبل ..
مي: مدري ، هو ماعاد يطيق مني حرف واحد ..
لين: لانك تزعحيني بالاسأله والتدقيق بتوافه الامور ..
مي با انفعال: يا لين افهميني ، ان تركته على هواه بيروح مني وانا وش الي يضمني انه ماله شوفه ثانية ؟
لين: اسلوبك هو الي ينرفزه ، خليه على هواه يروح ويجي صدقيني بيطفش ويمل من تكرار هالشيء ، بطلي تدققين بكل شيء وبتشوفي التغيرات ..
مي بعدم اقتناع: طيب ..
لين: ايش رايك بالطبخه ؟
مي: روعه ماشاء الله عليك ، وملاحظة انك مبسوطة ومتغيره حيل(وهي تناظر لجسمها وشكل لين)
لين: تغيرات بسيطة مو كلا نفس الروتين الممل ..
مي: الاحظ عليك ماشاء الله تحبين التغيرات ماتظلي على شيء معين ..
لين بغمزه: وهذا هو السر ..
مي: حمستيني لنتيجة ..
لين: اول طريقة لنجاح ولنتيجة مضمونه هو تغير الذات ، حبي نفسك وغيري اشياء من حولك بعدها اسعي لزوجك و و ..
مي: طيب والطريقة ..
لين صارت تضحك وهي تفتكر انها ساعدت ميثاء وهدى حست انها مصلحه اجتماعية..
مي بغرابه: اتكلم جد ، ليه تضحكين ؟
لين بضحكه: تذكرت شيء وضحكت ، المهم بعطيك نصايح وارشادات والبقيه لك انتي الي هو التطبيق ..
مي با اهتمام: تفضلي ..
.
.
.
عمر فتح عينه على الاخر: لا اكيد منتي بصاحيه ..
يزيد: انتي نسيتي وش سوا بك ..
ريفان: وهو جاء هنا ذليل وحس بغلطة ..
عمر: يا اختي هالصنف انا اعرفه هو دنيء وكلمة دنيء شوي عليه ، وهو لو يريدك بجد مارخص بك كذا ..
رائد بحده: يناظر بزوجه ابوك حاط عينه عليها ، ماتعرفي ايش يعني ذه ؟
يزيد: ومو بعيدة يناظر با اختك ..
عمر: هذا ما وراه اي صلاح ، ولا يسمعك ابوي ..
ريفان: ايش بيسوي يعني ؟
عمر: ابسط شيء انه مايكلمك ابد ، هو مثل ماقال لك رائد يناظر بمرت ابوك وهالشيء مهوب سهل ابد ،
لاتفكرين انه بيرجع محبه فيك ، هو لانه خسر لين ظنا منه انها تطلقت ونواياه بينت ..
ريفان:......
عمر: هالموضوع ذه بعتبره انه مانطرح ، وفكري به زين وبعدها قرري ..
.
.
.
لحقته لجناحه: وبعدين معك انت ؟
فواز يشلح الكبك: ايش فيني ؟
نورة : ماكنك عايش ياخوي ، ايش رايك اخطب لك حرمه ث....
فواز اعطاها نظرة: وهذا الي فالحه به انتي ، مغير تخطبين لي ، ليه ماتشتغلين خطابة بتستفدين والله ..!
نورة: وليه رافض ؟
فواز: غير لين ما اريد ..
نورة: يكون بعلمك ان لين هي الي رشحت لي ، اني ازوجك وحاطه عينها على وحدة تقول أنها بتناسبك .. !
فواز ناظرها وبصدمة: لا مو من جدك انتي ؟ !!
نورة: اي والله ، انا دوبني مخلصه مكالمة منها وباين ان عندها ناس وشوف صورتها بالعرض الواتس ..
وفتحت جوالها وورته ..
فواز بقهر: طيب يا لين ..
يتبع |تعليق
تعليق