رواية: الحب القاتل للكاتبه : مكسوره الخاطر

**ميمو البدويه** · 20-05-2013, 01:53 PM

رد: روايـــة: الحب القـــــاتــل للكاتبه : مكسوره الخااااطر

رواية: الحب القاتل
للكاتبه : مكسوره الخاطر

عندما نعشق نعشق بصدق و عندما نحب نحب بقوه واحيانا نقع في الغرام بالصدفه واحيانا نبني سنين من الاحلام على الحب ولكن لا تجري كما خططنا لها ....... عندها تبدأ لوعه الفراق و نتذوق مراره العذاب ،،،،،،، بالقلب نحب و بالعقل نكره وبالاثنان معا نصاب بالجنون
كيف سيجري الحب مع ابطال الروايه؟؟؟!!!!! ........ لنتابع ،،،،،//
البارت الأول
في احدى القصور الفخمه والرائعه ذات الاثاث الفاخرفي احدى مجالسه الكبيره المزخرف بالزخارف الراقيه و الملئ بالتحف النادره ....
كان مجمع جميع عياله و احفاده
الكل قاعد بسكينه وهدوء ينتظرون الكلا م الي بيقوله بعد هذا الاجتماع المفاجأ وكان واقف وسط المجلس بهيبته الي تجبر الكل على احترامه
الجد سلطان :احم احم
الكل رفع نظره يناظرون عيونه الكل فتح اذنيه يسمع كلامه
الجد يكمل بعد ما تاكد انه الكل يناظره : انا مسافر بكره لليابان وانتوا تعرفون ليش ابغى الكل يمشي ع الخط الي رسمته ما ابغى احد يخلف قاعده سلطان ال....... كل شغلكم بيمشي تمام لو ارجع بس والقى احد مقصر بشغله يا ويله مني مفهوووووم
الكل هز راسه بالايجاب
الجد سلطان : رجال ولا كل الرجاجيل صاحب جاه و ثراء عنده خير كبير واجد من مال وبنون يجبر الكل على احترامه كلمته تمشي ع الكل ما في احد يقدر يقول ايه او لا جبروت مره لما يمشي يحطم الصخر ...... ابرد من الثلج واحر من الجمر ...تخاف من نظراته النجوم اذا نظر في السماء
سافر الجد الى اليابان ومرت الايام
****************************

**ميمو البدويه** · 20-05-2013, 01:55 PM

رد: روايـــة: الحب القـــــاتــل للكاتبه : مكسوره الخااااطر

في صباح مشرق و جميل وفي غرفة شبه مظلمة ...........:فاطمة فاطمة فطوووم
أم سلطان وهي تفتح الستاير الغرفه : قومي بسك نوم الي ما منه فايده
فاطمة بكسل : يمه أبغي انام
أم سلطان : قومي جهزي حالك اليوم بنروح بيت جدتك
فاطمة : أوكي يمه بس سكري الستاير بنام شوي بس
سلطان ينادي امه : يمه يمه
تنقز فاطمة من السرير لما سمعت صوت سلطان و على طول ع الحمام ما تشوف غير غبارها
أم سلطان : هههههه خير يمه بغيت شي
سلطان: جهزوا انا بوديكم بيت جدتي و خلي خواتي يجهزوا
أم سلطان: لا يمه ما نبغي نتعبك بنروح مع السايق
سلطان: تعبك راحة يا الغالية و بعدين خاطري نروح بسيارة وحده ما في أحلى من جمعه العايلة
ام سلطان : إيه والله صدقت يا يمه
سلطان : اوكي يمه خليكم جاهزين الساعة عشره
سمر و هي تدخل الغرفة : هاه للحين ما خلصتي
فاطمة تنشف شعرها الكستنائي :اللحين ماخذة شور كيف أنتي خلصتي
سمر :أنا خلصت بس بسرعة لا يعصب عليك سلطان
فاطمة بتكشيرة : ليه هو بيأخذنا؟!
سمر هزت راسها بالإيجاب : أيوه
أعرفكم ع العائلة
(راشد)أبو سلطان:الابن الاكبر للجد سلطان رجال كبير و معروف يجبر الكل على إحترامه رئيس اكبر شركات ابوه
أم سلطان : مره طيبه و حنونه اهم شي عندها سعاده عيالها
سلطان :شاب اسمراني و حلو عيونه واسعه لونها اسود يشتغل مع ابوه في الشركه لطيف و طيب مع خواته وكمان حبوب عمره 25سنه
ابراهيم: شاب مغرووور ومتكبر وما يضحك الا بسخريه يشوف نفسه فوق والناس تحته .... شاب وسيم وجميل جذاب شو اوصف فيه من جمال ابيضاني وطويل عيونه بنيه جسمه رياضي شعره نازل ع جبينه ومناسب مع لون عيونه بصراحه كله ع بعضه يخقق يدرس هندسه عمره 23سنة
فيصل : شاب يعيش ف عالم ثاني غير عن عالمنا ما يهمه احد ويحب يعيش حياته مثل ما يبي أبيضاني و طويل عيونه واسعه و رموشه كثيفه و شعره أسود وصابغ اطرافه بنفسجي عمره 21 سنه

سمر : بنيه حبوبه و حلوه بشرتها برونزيه و عيونها عسليه مع شعرها العسلي الي يوصل لكتوفها طيبه وعلى نياتها تدرس ف الجامعه تصميم عمرها 20 سنة
فاطمة : بنت حلوه روعه شويه عليها تشبه ابراهيم واجد بس شعرها كستنائي لامع و بشره بيضاء عيونها كبار لونها بنيه وفمها صغير ابتسامهتها جذابه جسمها رشيق كانها عارضه ازيا لما تمشي تصير غزال وبالعربي هي تحفه من الجمال تعشق العزف ع البيانو رومانسيه وتحب تقرأ قصص الحب عمرها18سنه
دنيا : أخر العنقود بنوته حلوة و دلوعه عمرها 9 سنوات
سمر وفاطمة قاعدين بالصاله كانت سمر لابسة فستان فوشي فيه كريستالات من الصدر مع صندل ع لون الفستان و حاطه مكياج ناعم و طالعه روعه
فاطمة لابسه فستان أحمر بذهبي قصير وحاطه في شعرها الكستنائي ورده حمرا وراسمه عيونها بكحل اسود وحاطه قلوس احمر لامع وطالعه في قمه الروووعه
نزل إبراهيم من الدرج لابس بنطلون جينز أزرق وبلوزه نص كم برتقاليه ورافع نظار‎ته السودا ع شعره
أم سلطان: يمه إبراهيم اليوم بنروح ف سيارة وحدة مو تقول بروح لوحدي مثل كل مره
إبراهيم يأشر على عيونه : من عيوني كم أم سلطان عندي أنا
أم سلطان :هههه
إبراهيم يطالع خواته :الله الله شو هالكشخة
فاطمة بدلع : مشكور إبراهيم
إبراهيم بسخريه: من كلمك أنا أقصد سمر ودنيا
فاطمة رفعت حواجبها : ما له داعي تقول أنا حلوة قبل لا أشوفك أنت و ذا الخشة
إبراهيم : من حلو إنتي حلوة
فاطمة بثقة : أيوه
إبراهيم : إذا أنتي حلوة أطلع انا ملك جمال
يرن موبايل فاطمه الريم يتصل بك:
سمر: منو هذا؟؟
فاطمه : هذي ريومه بنت عمي خل ارد عليها ...ألو
الريم :هلا فطومه
فاطمه : هلا ريوم شلونك ؟شخبارك؟؟
الريم :أنا تمام كيف اخبارك انتي من زمان عنك
يجي ابراهيم و يسحب الموبايل من فاطمه :هلا ريوم كلها ربع ساعه و بتشوفين فطوم في بيت جدتي يلاه باي و سكرالخط
الريم وتتردد كلمات ابراهيم في اذونها : "ابراهيم يكلمني و يقولي ريوم معقوله ابراهيم يفكر فيني "
تدخل امها عليها :هاه مبسوطه اليوم عسى دوم ان شاء الله
الريم :من زمان ما شفت البنات وتجمعنا اكيييييييد انبسط
كان واقف مكتف ايدينه على صدره عند الباب لابس تيشيرت ابيض مع قميص زيتوني رافع سحابه لنص مع بنطلون جينز زيتوني:يلا جهزي عشان لا نتأخر عليهم
الريم بتعجب : عمر!!انا جاهزه ..وبابتسامه عريضه.. يلاه نروح
عمربإستغراب من وناسه اخته : شوي شوي لا تموتي من الوناسه كل هذا لانك بتشوفي البنات
الريم ف نفسها:"لو تعرفون سبب وناستي مو مصدقه نفسي انه كلمني و ناداني بإسمي لا و بعده بدلع "
ام عمر: مره طيبه وحنونه مات زوجها فحادث سياره وكانوا عيالها صغار
عمر :ولدها الأكبر تربى مع عيال عمه وسيم يشبه ابوه ف وسامته طويل عيونه سود ورموشه كثيفه شعره اسود كثيف يوصل لتحت اوذنيه عمره 24سنه
الريم : البنت اليتيمه فقدت ابوها وهي صغيره بشرتها بيضاء عيونها كبيره سودا و شعرها اسود كظلام الليل يوصل لكتوفها
*****************************************
سلطان: يالاه نمشي
ابراهيم: لا لا نركض هاهاها
سلطان يعقد حواجبه : هاها متى بتترك حركات البزر
ابراهيم : أنت ما يقدر الواحد يمزح معك و ينادي ع السايق كاي ..كاي
السايق (كاي ): نعم
ابراهيم : الحقني بسيارتي
السايق (كاي)يهز راسه:ان شاء الله
فاطمه بضيق: يا كرهي لإبراهيم اووووووووف
سمرتخز فاطمه: سكتي لا تسمعك امي
ركبوا السيارة شغل ابراهيم المسجل ع أغنية راشد الماجد ((جبار حبك و لكنك علي غالي قلبي على حبك الجبار وصيته ....إلخ) و يدندن معه
دنيا: أناأبغى بابا نزل معاشه
ابراهيم يتريق: لا بعده المعاش ما نزل هاها
أم سلطان: يمه ابراهيم خلي إلي تبغيه اختك
فاطمه: لا يمه أحلى هذا نبغي نفرفش
ابراهيم يغير ع بابا نزل معاشه
فاطمه: ليه؟
ابراهيم : بس كذا لعانه
سلطان يخرج الاسطوانه: لا هذا و لا ذاك سيارتي و كيفي
ابراهيم: و تلوموني اذا بروح لوحدي بسيارة
ام سلطان : ليه يمه لا تقول كذا
ابراهيم : مارح أقول بس إدعيلي تكون أخر مرة أركب معكم بنفس السيارة
سلطان كانت ما عاجبتنه طريقه كلام ابراهيم مع امه :ابراهيم وش فيك
ابراهيم : سلامتك
كملوا طريقهم بصمت ولما وصلوا
ابراهيم ينادي ولد عمه: عمر عمر
عمر يمشي صوب السيارة و يسلم على ابراهيم : هلا يا ود العم
و بعدها يسلم ع سلطان و ام سلطان
ابراهيم : يلا نسلم ع الجده و بعدها فله مع الشباب
عمر : يلا
سلطان يسلم ع الجده و يبوس راسها : شخبارك يا الغاليه
الجده: بشوفتك أنا بخير يا نظر عيوني
سلطان : ان شاء الله دوم
الجده: ليش قاطعنا و الله انا إشتقنا لك
سلطان: تشتاق لك العافيه
ابراهيم: و انا ما إشتقتي لي جدتي
فاطمة : بدت الغيرة
إبراهيم :جب و لا يكثر
الجدة : انتو ما تجوزون عن سوالفكم
هنادي :الله يعين خالتي أم سلطان عليهم
ابراهيم: ما عليك مني يا هنادي ترى انا خفيف دم
فاطمة : الا ثقيل دم
عمر : ابراهيم شو رايك نطلع و نخلي البنات ف حالهم
فاطمه و هنادي :يكون احسن
عمر : احسن لنا و لكم
ابراهيم : ولنا لقاء ثاني
عمر يسحب ابراهيم من تيشيرته
ابراهيم : شوي شوي ضيعت كشختي ما تشوف البنات كيف خاقين ع جمالي
عمر : المادح نفسه كذاب
عند البنات
الريم وتتذكر كلماته: اه ابراهيم شو مسوي ف نفسه يذذذذذذذذبح
هديل: اه اه بصراحة جمال اسطوري
ازهار : كانه ملاك يمشي قدامي
فاطمه: "مو كل شي يلمع ذهب لو تدرون بس الي اعرفه عن ابراهيم"
هديل:واي فديته
فاطمه : لاعت كبدي من ابراهيم
هنادي : ما كفاكم قز ف الولد
الريم : شو نسوي فيه دام هو حلو كذا
فاطمه: عطونا سوالفكم غير ابراهيم
منار : هههه من دخل و هم طايحين فيه قز
سمر : بسكم قز ف أخوي انا لازم اقول حق أمي تقرأ عليه
هديل : ليه خايفه عليه عيونا عليه بارده
فاطمة حبت تغير الموضوع: بنات الثانويه كيف إستعدادكم للإختبارات
هنادي : الحمد لله ماشي الحال و أنتي
فاطمة : زيك
هديل:انا ادرس تحريات حق مرت ابوي
البنات:هههههه
سمر: اهتمي بالاختبارت احسن لك
منار : عاد نبغيكم تبيضون الوجه
فاطمه و هنادي وهديل : هههه إن شاء الله
و جلسوا سوالف طول الوقت سوالف بنات عاديه
**********************

**ميمو البدويه** · 20-05-2013, 01:56 PM

رد: روايـــة: الحب القـــــاتــل للكاتبه : مكسوره الخااااطر

أما عند الشباب
يوسف:هلا بأبو الشباب تو ما نور المكان
ابراهيم: بوجودك حبيبي
خالد يهمس لمحمد : إجتمع الحزب المغرور
محمد: ههههه
هيثم: تأخرت علينا
ابراهيم :شو ذنبي دام انا حلو قعدت أكحل عيون البنات بجمالي
خالد بأسف:كل جمال في الدنيا زائل
ابراهيم:تكفى خالد لا تعقدني وياك و تفتح معي قضيه
خالد:لا ارتاح ما رح افتح قضيه بس خفف شوي من غرورك
سلطان: لا الغرور عند ابراهيم ما له حدود
عادل : عجل ما ألوم يوسف اذا طلع مغرور
سلطان : أكيد ما هو صاحبه
عادل : سبحان من جمع المغرورين
يوسف و ابراهيم :اذا فينا جمال رباني شو نسوي فيه
محمد: بس تفاخر ف أنفسكم والله خدامتنا ما ترضى فيكم
الشباب ما عد ابراهيم و يوسف :هههههههه
هيثم: هههه والله إنك جبتها
عادل: بصراحة أحسدك على خفة الدم إلي فيك
يوسف: الغيرة إهي الي بتسوي فيكم كذا
ابراهيم بغرور: أكيييييييييد
وطلعوا من مجالس الشباب
عمر : على وين
يوسف : سوالفكم ما تعجبنا
هيثم: خلهم يخففو من غرورهم الزايد شوي
عمر : لكن التهزئه بصراحه محترمه
محمد: لا يكون زعلوا مني
سلطان : و ليه حتى يزعلون ما سويت لهم شي
محمد: لا بصراحة أتكلم بجد لا يكون زعلوا
عادل: لا عادي بردت كبدي فيهم
اكتفى محمد بإبتسامه
عمر: هيثم شو أخبارأحمد ف بريطانيا من زمان قاطعنا
هيثم: تلاقيه اللحين لاهي مع البنات الشقر
خالد بدفاع :احمد رايح يدرس مو يغازل البنات
هيثم : يعني تبغي تفهمني أنه صار له اكثر من ثلاث سنوات في بريطانيا ما طلع مع بنت حلوة شقراء كذا
عمر : حرام عليك ما أظن احمد عنده هالسوالف
هيثم : اذا رجع وماسك بإيده وحده من الشقر و يقول هذي زوجتي لا تقول هيثم ما قال
محمد: شكلك بتسافر بريطانيا و أنت إلي بتسويها
هيثم: يصير ليش لا
خالد :هههه مصدق نفسك
عادل:يا كثر كلامكم عن البنات بس ما تبون تودعون حياه العزوبيه
محمد: لا شو لنا بعوار الراس
سلطان : يعني الزواج عوار راس
عادل: لا بالعكس بس الزواج مسوؤليه
خالد: هاه شكلك حاط عينك ع وحده
سلطان:بصراحه إيه
محمد:من هذي سعيدة الحظ
سلطان : لا خليها مفاجأة أحسن
محمد: مبروك مقدما
سلطان: صدقت أمزح معك بس
وكملوا سوالفهم .....
************************************************
في الليل الكل مجتمع ع السفره العشاء
محمد: هلا و ينكم من الصبح ما حد شافكم
ابراهيم:من سكت دهرا
يكمل عليه يوسف : نطق كفرا
محمد: ترى أنا اسف ما اقصد بس كنت أمزح
ابراهيم و يوسف يناظروا بعض :هههههههه
يوسف : و أنت صدقت إنا زعلنا
ابراهيم : نزعل من العالم و لا نزعل منك يا ود العم
الجدة: كانه احد ناقص من عيالي
أم سلطان : ايه فيصل
الجده : وينه فيه
فاطمه: في عالم الجن و الأشباح
سلطان يناظر اخته : فطوووووم
أم سلطان: اللحين يجي أنا إتصلت عليه
خالد: إلا صدق وينه ما حد شافه من متى طالع
فيصل : هالو
الجده : وينك من متى طالع
فيصل : طلعت أشم هوا
فاطمه : و ان شاء الله هوانا ما عجبك
فيصل : لا ما عجبني
سلطان: بتقلبونها هواش يالاه اقعد تعشى
فاطمه : فيصل اللون الأسود ما يعجبني
الريم : بالعكس اللون الأسود روعه من الألوان الملكيه
فيصل : لأنك ملكه يا قمر
الريم إنحرجت منه و من جرأته
فيصل : بس قولي كيف طالع الأسود علي حلو صح وغمز لها
الريم تناظر صينية الأكل: .......
عمر بعصبية شوي : فيييصل
فيصل: اه منك يا ود العم ندري حلوه بس احنا ما ناكل بنات
فاطمه :لا تاكلون بنظرات عيونكم
الريم ميته من الاحراج لانه الكلام دار قدام الكل و تكلم فاطمه بين اسنانها: فطوم خلاص فضحتينا شوفي شلون يطالعونا
عمر ابد ما عجبه الوضع لانه شاف وجه الريم مولع من الخجل : ممكن تاكلوا و انتو ساكتين
**************************************
الساعه تشير على 9:45 دقيقه
خالد: يمه يلاه أنا بوديكم البيت
أم خالد : هديل قومي نبغي نسير البيت
هديل :انا بروح مع ابوي ابغى اقعد مع البنات شوي
ام خالد:من الصبح و انتو مع بعض ما شبعتو سوالف
فاطمه و هنادي :خالتي الله هداك حتى السوالف حاسدينا عليها
ام خالد:هههههه يلاه هديل قومي ابوك ما أظن رح يرجع هنا مره ثانيه لانه ترخص من جدتك
هديل :أها... و تهمس حق فاطمه و هنادي: رايح لها ما يقدر بدونها ود اللذين
فاطمه: لو انا والله رح اذبحها بإيديني
هديل : يا جعله ما يتهنى بنومته كل ليله ينام عندها
هنادي: لوانا بقطعها بضروسي مالت على وجها
هديل: مالت على هذا الابو الي ما عنده ذوق يا جعله ما يربح لا هو ولا هي
فاطمه : خلي ابوك ف صوب عشان لا تضررامك و ركزي عليها
هنادي: واذا تبغين مساعده هنادي دائما في الخدمه
هديل ترفع حواجبها : لا توصوني عليها اوكي باي اللحين
فاطمه وهنادي :سي يو
طلعت و مسكتها الجده من يدها لانها سامعه كل الكلام الي قالته :هلا جدتي بغيتي شي
الجده: ايه شو هذا الكلام الي تقوليه عن ابوك هذي جزاته لانه رباك وكبرك و في النهايه تطعنينه بظهره
هديل بحزن :ما رح تفهمين شي يا جدتي
الجده: وش الي تبغيني افهمه
هديل فيه نبره حزن: انا بروحي مو فاهمه و لا ادري شلون رح افهم او حتى متى رح افهم انا اكرهه
الجده تضربها بكتفها: عييييييب عليك يا بنيه هذا ابوك الي تتكلمين عنه مو ولد الجيران
هديل: اسفه جدتي بس شوي مقهوره
الجده:لا تنقهرين ولا تضايقين روحك ما في شي بالدنيا يقهر بنيتي هدوله
ابتسمت هديل و ضمت جدتها بشكر و راحت

**ميمو البدويه** · 20-05-2013, 01:58 PM

رد: روايـــة: الحب القـــــاتــل للكاتبه : مكسوره الخااااطر

أم خالد : خالد وين هيثم
خالد: هيثم طلع قبل شوي يقول بيسهر مع ربعه

عائلة أبو خالد
أبو خالد: متزوج من مرتين أم خالد وسارا
أم خالد:زوجه أبو خالد الأولى مره حنونه وطيبه تحب تهتم بيتها و عيالها ما تأذي احد
خالد: شاب له شخصية قوية أسمر شوي بس شكله جذاب عيونه سود واسعه يشتغل محامي تزوج من قبل بس زواجه ما نجح و طلق زوجته وصار ما يثق ف الحريم
أحمد:شاب وسيم و شكله حلو شعره لونه أسود مقصص بطريقة فرنسيه يدرس ف بريطانيا يدرس علم نفس طيب مع الكل اهم ما يميزه ابتسامته الجذابه الي ما تفارق شفاهه
هيثم: شاب جميل وجذاب يسوي اي شي يدور ف راسه ولا يحسب له حساب عايش حياته مثل ما يبي بس رح ينصدم ف اشياء ما توقعها
هديل:بنت دلوعه و حلوه شعرها ناعم لونه أسود لامع يوصل لكتوفها بشرتها بيضاء عيونها سود
سارا :مره ابو خالد الثانيه مغروره و متكبره واجد حلوه شعرها بني ع لون عيونها بشرتها بيضاء
***********************
بعد يوم طويل ومسلي كله سوالف بجمعه العائلة معظم العائلة طلعت من بيت الجده
أم عادل: عجل احنا بنتقدم يا أم سلطان تدرين بكره في دوامات عند العيال
أم سلطان : في امان الكريم يا أم عادل
أم عادل تكلم بناتها: يلاه يمه ما خلصتوا سوالف
منار : باي سمر
سمر : بايات حياتي
فاطمه: حرام أزهار قعدي شوي روحي مع يوسف أكيد بيروح مع ابراهيم
أزهار تطلع عيونها : انا مجنونه عشان أركب مع يوسف بنفس السياره لا حبيبتي أنا بعدني ف أول شبابي وما أبغى أموت
الكل ضحك ع كلام أزهار: هههههههههههههه
أم سلطان : ليه يمه هذا أخوك
أزهار : لا سمحيلي خالتي يوسف مو بشر
فاطمه: زي ابراهيم يعني اثنينهم وحوش
ام سلطان : واخزياه عليكم يا بنات في احد يتكلم عن اخوانه كذا
أم عادل : أقول أحسن نمشي
منار: مع السلامه و فمان الله
سمر: فمان الكريم
الجده : فاطمه فطوم فطومه
فاطمه : هلا جدتي
الجده: صار لي ساعه أناديك ما تسمعين
فاطمه: أمريني جدتي بغيتي شي
الجده:ما يأمر عليك عدوجيبي لي كاسه مويه
طلعت فاطمه للمطبخ و صبت كأسه مويه وهي وطالعه صدمت يوسف وانكبت كاسه المويه ف ملابسها
فاطمه شهقت بقوة :اهي
يوسف ارتبك: فطوم أنا اسف ما شفت قدامي و أخذ مناديل و عطاها لها بس لسى كان قريب منها
فاطمه حست بإحراج : .......
يوسف بخوف وقلق شوي : أهم شي انك ما تعورتي صار لك شئ
فاطمه ودها لو تدزه وتبعده من قدامها لانه كان قريب منها باقي شعره و يلصق صدره بصدرها
سمر : فطوم ..فطومه .. وينك ساعه تجيبين كاسه مويه
يوسف إنتبه لحاله و رجع ع ورى وطلع من الباب الخلفي للمطبخ
سمر : شو صار لك
فاطمه بإرتباك:انكبت المويه
سمر وتحط ايدينها بخصرها : صدق؟!! جدتي عصبت عليك
فاطمه : ما إجا السايق
سمر : السايق برا ننتظرك
فاطمه بضيق وتبعد سمر بإيدها:ابعدي عن طريقي و خذي مويه حق جدتك
سمر بإستغراب : شو صاير لك ... هزت كتوفها وأخذت كاسه المويه وطلعت وصلت عند الجده : تفضلي جدتي
الجده : مشكوره حبيبتي اهلك ينتضروك برى
سمر تبوس راس جدتها :مع السلامه جدتي
الجده : لحظه وين شيخه البنات بنيتي فطوم
سمر بضيق : شيخه البنات بالسياره
الجده : واخزياه حتى ما جت تسلم علي حسابك بعدين يا فطيم
خرجت فاطمه و ركبت بسرعه ف السيارة بدون لا تسلم ع الجدة ولا حتى تشوف احد لانه ملابسها كانت مبلوله
أم سلطان : شو فيك كذا ملابسك مبلله
فاطمه بضيق : ما ادري
أم سلطان :وين سمر ؟
فاطمه: .........
أم سلطان : فطوم يمه وين سمر
ركبت سمر السياره
السايق : خلاص مدام
أم سلطان :ايه خلاص توكل ع الله
و كملوا طريقهم وهم ساكتين
*************************************
محمد: تصبحون على خير أنا بطلع أنام
أم محمد : و أنت من أهله
محمد: يمه متى بتطلعون تنامون
مرام: يعني أنت ما تدري أمي ما تقدر تنام و أبوي برا البيت
أم محمد: ايه ما أقدر أبغى اتطمن عليه
هنادي:في اخر عمركم تتغازلون
ام محمد:صدق ما عندك سالفه
محمد اكتفى بابتسامه و راح
هنادي : أأأووووف ما بغيت تروح تنام
أم محمد : ليه تبغيه يطلع ما في احلى من القعده مع محمد
هنادي : ادري ادري يمه ما هو حبيب القلب
أم محمد:كلكم عيالي و أحبكم كلكم
مرام نزلت من الدرج : محمد دخل غرفته
هنادي : يلاه نعمل جو سنمائي
أم محمد: اها عشان كذا تبغون محمد يروح ينام
هنادي : بصراحة يمه إيه هذا محمد ما يخلينا نتابع فيلم على راحتنا
مرام : يبغينا ننام من الساعه 9:30 العالم تقدم و تطور ومحمد ما تطور
ام محمد: العالم ما تطور ع شي مفيد و بعدين لا تقولي هذا الكلام عن محمد كل شي تبغونه عطاكم وش تبغون أكثر من كذا
مرام :خلاص يمه لا تمدحين فيه اكثر في ناس بيموتون من الغيره
هنادي : أنا ما أغار من احد و بعدين من هو عشان أغار منه امتياب باتشن مثلا
ام محمد : منو هذا بعد
هنادي :هذا ممثل هندي اللحين اخليك تشوفينه مع بطلي الرائع شاه روخ خان
مرام طلعت عيونها : شو فيلم هندي أنا ابغى فيلم اجنبي توم كروز عندي كم فيلم لسى ما شفتهم
يدخل ابو محمد: السلام عليكم
الكل : و عليكم السلام
ابو محمد : لسى بعدكم ما نايمين
تروح هنادي و تقعد تحت رجول أبوها وتتوسل له بيدينها الثنتين : يبه يبه طلبتك حبيبي لا تقول كل وحده على غرفتها نبغي نتابع فيلم
أبو محمد ضحك ع موقف هنادي : هههه يا هذي الافلام الي ما منها فايده زين بس اليوم و قومي عدلي جلستك
قامت هنادي تبوس راس ابوها: مشكور يبه
ابو محمد:وين العيال
أم محمد :نايمين بغرفهم
أبو محمد : و احنا بعد بنروح ننام
مرام : نوم العوافي
أعرفكم ع العائله :
أبو محمد : رجال طيب يحب عياله و يصير الأخ الوسط لابو سلطان و ابو عمر
أم محمد: مره طيبه و حنونه مع الكل محافظه ع بيتها و زوجها و عيالها
محمد : شاب وسيم بشرته برونز لون شعره أسود عيونه سود واسعه خشمه طويل وهو طويل القامه طيب وحنون مع خواته
ماجد شاب اسمر بس شكله جذاب مره شعره اسود نازل على جبينه عايش حياته على كيف كيفه بس بعض الاحيان يكون عديم شخصيه
مرام : بشرتهابيضاء وشعرها بني يوصل لتحت اذنيها هادئه دايما تحب تقعد بروحها من صدمه صدمتها ف حياتها ورح تتكرر للمره الثانيه بشكل اكبر (قصه واقعيه)
هنادي : دلوعه ابوها شعرها طويل لونه اسود يوصل لنص ظهرها عيونها سود كبيره واسعه رموشها كثيفه وتحب تتكلم واجد ثرثاره
واخيرا فواز عمره 14 سنه
********

**ميمو البدويه** · 20-05-2013, 02:01 PM

رد: روايـــة: الحب القـــــاتــل للكاتبه : مكسوره الخااااطر

يالله اريد اشوف تفاعلكم عشان انزل الباقي

اتمنى تتفاعلو مع الروايه عشان خاطر صديقتي المقربه

والله الرواية تجنن يا ريت تتابعوها

**حلم فراشه** · 20-05-2013, 08:01 PM

رد: روايـــة: الحب القـــــاتــل للكاتبه : مكسوره الخااااطر

ابي اشوف بقي القصه والله ررووعه القصه وعائله ررووعه ما شاء الله عليهم.....

**ليدي الشام** · 20-05-2013, 10:01 PM

رد: روايـــة: الحب القـــــاتــل للكاتبه : مكسوره الخااااطر

ننتظر البقية

وشكر الك

**ميمو البدويه** · 27-05-2013, 04:42 PM

رد: روايـــة: الحب القـــــاتــل للكاتبه : مكسوره الخااااطر

مشكورين عيوني ع المرور

نورتووو

**ميمو البدويه** · 27-05-2013, 05:11 PM

رد: روايـــة: الحب القـــــاتــل للكاتبه : مكسوره الخااااطر

في احدى القصور الفخمه وفي احد الغرف ذات الاثاث الفاخر كان مستلقي ع السرير و يناظر الساعه الي ع الحائط
يوسف: والله كبرتي يا فاطمه و صرتي حلوه أول مره أشوفك عن قرب و بزياده بعد ...طيب ليه مو راضيه تغيب عن بالي ...أحسن أنام
****
أزهار : منور شو رايك ف ابراهيم
منار : شو قصدك ؟؟
أزهار : حلو مو شوفي كيف البنات خاقين عليه
منار : أنا بصراحه ما يعجبني أحسه مغرور واجد
أزهار :بس غروره أحلى شي فيه ..قولي امين
منار : ليه ؟؟
أزهار :الله يخلي ابراهيم من نصيبي
منار طلعت عيونها ع الاخر
أزهار : شوي شوي على عيونك لا تطلع من مكانها
منار بعصبيه شوي : أزهارفكري بدراستك أححسن لك بعدين انتي صغيره ليه تفكرين بالزواج
أزهار :بس حبيت أأمن مستقبلي
منار بجديه: أي مستقبل و أى خرابيط أنا ما أبغاك ترسمين أحلام يمكن ما تتحقق
أزهار : أنا ما أعرف ليه انت كذا معقدة
منار: أزهار أنا حذرتك و سمعي نصيحتي شوفي الفرق الي بينك و بينه انت صغيره واجد في وحده بثاني متوسط تفكر كذا
أزهار :الحب ما يعرف صغير ولا كبير أروح أنام أبركلي صدق نصائح تلوع الكبد
منار : الله يهديك بس
منار و أزهار خوات عندهم اخت متزوجه انوار متزوجها ولد عمتها صالح وعندها ولد مهند وكمان اخوان إثنين عادل ويوسف
عادل متزوج من بنت عمه مها و عايشين مرتاحين
يوسف : صاحب ابراهيم الروح بالروح طبعا وسيم و شكله حلو زي ابراهيم بس ابراهيم أحلى و مغرور و متكبر
أبو عادل : رجال معروف و كبير صاحب جاه و ثراء
***********
.....: هلا أحمد هلا بأهل بريطانيا كيف أخبارك
أحمد : حبيبي الحمد لله تمام طمني عليكم كيف اخباركم و اخبار الوالده
خالد :الحمد لله كلنا تمام هاه كيف الدراسه
أحمد : الحمد لله تمام الحين اختبارات و بعد شهرين تلقاني عندكم
خالد : إن شاء الله بس هاه جيب الشهادة و أبغاك تبيض الوجه
أحمد : بدعواتكم ...
خالد :اوكي ما بطول عليك مع السلامه
أحمد : باي سلملي ع الأهل وهديل سلملي عليها واجد
خالد:ههههه باي
بسام : منو قاعد تكلم لا يكون الي ف بالي
أحمد : لا تطمن هذا خالد يبغي يسلم
بسام : اها شو أخباره
أحمد : تمام .. شو رايك نطلع نتعشى برا
بسام : أبدل و نروح ... ميت جوع
بسام صاحب أحمد يدرس ف بريطانيا
*************************************
مرام : بصراحه فلم بايخ و ما منه فايده أنا عن نفسي ما أحب هالنوع من الافلام
هنادي : أهم شي انه الفيلم عجبني
مرام : يلاه نروح ننام الساعه صارت 3:00 سهرتيني على فيلم ما منه فايده
يقطع عليهم صوت جاي من الباب يدخل شوي شوي
مرام وهنادي بإستغراب :ماجد!!
ماجد لما شاف خواته ارتبك : انتو ش ششو تسون
هنادي : انت وين كنت ف هذا الوقت المتاخر
ماجد يقترب من هنادي : ما لك شغل
هنادي : دزته من صدره و طاح ع الكنبه
مرام بعصبيه شوي : هنادي شو فيك ماجد انت من وين جاي بهالوقت
ماجد: ما ادري بس احس بصداع و ابي ارتاح

هنادي بنفس العصبيه : ما تشوفي حالته كيف هذي أخرتها تربيه أبوي أنا اللحين لازم أروح أصحي محمد
مرام تمسكها من يدها : شو فيك أنت كذا مجنونه
هنادي : علمينا عجل شو نسوي يا عبقريه زمانها
مرام بتفكير :أامممم احسن شي نطلعه غرفته و لا حد يدري عن السالفه
هنادي بصوت عالي : شو ما حد يدري عن السالفه
مرام تحط إيدها على فم هنادي : إإإشش لا حد يسمعك و قومي ساعديني نطلعة غرفته
كل و حده مسكته من ذراعه
ماجد : خلوني بروحي امشي ولا تسون اصوات لاني ابغي ارتاح
مشى و مشت هنادي قدامه و مرام خلفه
بعد ما دخل غرفته
هنادي : انا لازم ما اسكت عن السالفه و بكره بعلم ابوي
مرام :تبغين ابوي يموت نسيتي انه ابوي راع مرض و ما يقدر يتحمل صدمه مثل هذي
هنادي :أنا كنت شاكه بالموضوع من تصرفاته هذا الغبي بس حسابه علي انا
مرام : وش بتسوين
هنادي : اذا ما أعلم ابوي رح اعلم محمد
مرام: أنت ما تعرفين تخلي الامر سر بيني و بينك ليه تسوين كذا حرام عليك يمكن مجود ما يقصد
هنادي : طيبتك الزايده هي إلي دمرتك جميع الرجال خونه مثل ما ماجد خان أبوي بعد أحمد خانك أخذت صور احمد من الدرج و رمتهن في حضن مرام
مرام حابسه دموعها :........
هنادي طلبتك لا تعلمين ع سالفة ماجد
هنادي بسخريه : ارتاحي ما رح أعلم احد و طلعت
قعدت مرام تبكي ودموعها بللت مخدتها و هي تتذكر احمد وبعدها نامت
هنادي وهي طالعه من غرفه مرام : انت وين رايح بعد
فواز يتثاوب : ابي اشرب كاسه مويه
^^^^^^^^^^^^^^^^^^^^^^^^^^

يا ترى شو رح تعمل هنادي ؟
شو سالفه ماجد ؟؟ وهنادي بتعلم عليه؟؟
شو قصه مرام مع أحمد؟؟
يوسف ممكن يكون اعجب بفاطمه؟؟

رواية: الحب القاتل للكاتبه : مكسوره الخاطر

رواية: الحب القاتل للكاتبه : مكسوره الخاطر

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget