-
-
رد: ✒ .. خآصرة حرف رمآدية
هذا وضعي اليوم .. عجزت انوم وحطيت لي مخده وقعدت اتمقل بالسما .. والله يستر من اخرة التمقل يمكن انفس هههههه
عاد منكبه على وجهي هاليومين بعبير مدري شسالفة لكن الوضع خارج السيطرة واضح .. لازم
الاقي لي حل واشغل نفسي فيه ..
طفشت من طلعات الصبح .. ومشي العصر .. وقهوة المغرب .. وسهرة الحوش اخر الليل .. مع اني
بأيام الدوام كنت ادورها ولا الاقيها .. جد الحمدلله ع نعمه ..
لكن نسأل سؤال وجيه لعل صراحاتكم تخليني افكر وتشغلني ..
هذا سؤال واقعي لكن احتاج اهل التجارب اللي ما حالفهم الحظ لأول مره في الاختيار يجاوبون عليه ..
اصحاب الزواج التقليدي + المخذولين + المطعونين من احبابهم + العاقلين اللي فاتتهم فرصتهم ..
هل انتم راضين عن ضياع الجزء الاجمل من حياتكم بسبب العادات
وحكم الاهل ..
وهل لو رجعت الايام لسالف عهدها تغيرون من نتيجة تجربتكم
السابقه ؟؟؟
جاوبوني في الصراحة :)
تعليق
-
رد: ✒ .. خآصرة حرف رمآدية
صباح الخير ..
يعني اتذكر اني سألت سؤال وطلبت اجابات تسليني بفترة
الملل من التفكير المرهق حبتين ..
جات اجوبه كثيرة لكن م تقنعني الاجوبه اللي فيها استسلام
لاني اعرف انه فيه اشياء في الدنيا تستحق تضحية ..
صحيح نجهلها ونخاف منها لكنها موجودة .. تنتظر اصرار من كلا الطرفين .. ترى الاصعب - من انها تكون مرفوضه من
طرف ثالث - إن الطرف الثاني يغدر بك او يخونك ..
يزعزع كل قناعاتك في الحياة .. يزعزع كثير داخلك .. أمانك ثقتك وحبك وكل شي معنوي انت تمتلكه ..
الحياة اسهل من انه يكون فيها طرف عديم ضمير يخلينا نعيش مثل هالوضع .. ويبقى جزء من ذكرياتنا في الحياة ..
كان اجمل جواب جاني بالصراحه وأقنعني انه مانعرف وش الأمور الاجمل بحياتنا .. ممكن الحياة تخبي الافضل واللي يستاهلنا ..
رغم هذا اقول .. اكيد فيه جزء تمسكنا به كان الاجمل بالنسبه لنا .. لكن شوهته وحشية الناس كالعاده ..
كنت اقصد هالجزء اللي حسينا فيه بالذات .. وكنت ألفت انتباه كل شخص نسى إنه أساء لطرف كان يعتبر إنه جزء جميل في حياته ..
كل إنسان عنده كبرياء لكن في المقابل عنده إحساس .. بس كم شخص حط راسه ع لمخده مكسور من جوا بسبب كلمه أو تصرف ..
كم أخ أساء .. كم زوجة ظلمت .. وكم أب أهان .. وكم أم تنازلت وكسرت شخصيات اطفالها لان الاهم ابوهم ..
وكم حبيب خان .. وغدر .. ورمى أسوأ الجمل لطرف كان ضعيف قدام مشاعره ..
كنت اقول اننا المتحكمين الوحيد في تصرفاتنا وبإرادتنا نكسر ونجرح ونظلم .. وكأن الله مايشوف ..
أنا مش مثاليه لكن أحاول أعيش بسلام ..
بس ..
تعليق
-
رد: ✒ .. خآصرة حرف رمآدية
أكثر شي كنت أتمنى وجوده في الحياة وغالبا في أوقات خلوتي شخص يسمعني بدون ما يحكي ويسألني .. ليه وكيف ومتى وعلشان وش .. ويصدر احكامه على تصرفاتي ومشاعري ..
شخص يسمع بس .. ولايصدر اي ردة فعل .. يعني مجرد فضفضة وتخفيف وامشي ..
لكن طبيعة الانسان مختلفه مهما كان سوي لازم يلوم ويسأل ويحلل ويصدر حكم ..
ولازم يكون قاسي اوقات حتى لو كان من وراك .. يصلك شعوره لأنك م كنت تحتاج بشر غالبا .. كنت تحتاج شي مثل الملاك الصامت بس على هيئة تسمع .. مش لازم تتفاعل معك ومش لازم تواسيك ..
كنت اوقات اتخيل وجود هالشخصية بس اكتشفت اني م اتقبلها .. لانها تسمع مني كل شي اقوله لأول مره .. ماتعرف شخصيتي وماتعرفني ..
بعدها ايقنت انه استحالة ان هالاشياء تكون في الناس او المخلوقات بشكل عام .. لان النقص يعتريها بشكل طبيعي ودائم .،
ترى مش ضروري انه تكون علاقتنا بالله ترتبط بس بالصلاة .. عادي ممكن تختلي بنفسك في غرفه وتخاطبه بضعفك تشكي له وتكون صغير جدا جدا في حال انك حسيت بأنه المسؤول عنك وعن وجودك في الحياة ..
حتى في حال الرفاهيه تقدر تشكره بهالطريقه ..
يعني لو اعطيكم مثال بسيط في الحياة .. عقوبة الزنا في الشرع للمحصن وغير المحصن .. مختلفه ومش وحده أبدا ..
لكنها في العادات والتقاليد تختلف ع حسب الجنس ..
حتى في الشرع .. الغير محصن له عقوبه جسديه ونفسيه بحد معين وتوقيت ينتهي في فترة ما ..
لكن في مجتمعاتنا لا .. ممكن يغرب الانسان مدى العمر عن اهله .. لسبب بسيط حتى لو ماكان كبيره من الكبائر ..
ممكن يغرب وتقطع صلته لأنه خالف عادات .. او خطط مستقبله لنفسه ..
الناس غالبا تظلم حتى نفسها من غير م تشعر ..
م في احد معصوم بالنهاية ..
ومثل ما نصعب الحياة دايما بعادات وتقاليد وعقد سخيفه
حتى علاقاتنا مع الله نصعبها بطقوس غريبه وثقيله ع النفس ..
يكفي انك تكون انسان طاهر جسديا .. ونقي من داخلك وصادق ..
لو رجعنا لمعنى كلمة بث في القران وتوسعنا في تفسيرها كنا وجدنا انه البث لايكون الا لله فقط ..
الدين يسر .. والله يدلنا دايما على ادق التفاصيل في الحياة
من خلال القرآن ..
انا انسانه سعيده واتخلص من اي شي تعيس في الحياة لما اختلي بنفسي وأرفه عنها بهالطريقة .. حتى البكاء وقتها يكون لذيذ وله طعم .. وتحس روحك خفيفة ..
عكس لما اعترف بأشياء تزعجني في الحياة لإنسان ،، حتى لو كان كتوم يبقى في داخلي خوف وعدم ارتياح ..
هذا غير ردة فعله الغير متوقعه ..
الحياة بسيطه جدا ،، احنا المعقدين غالبا ..
تعليق
-
رد: ✒ .. خآصرة حرف رمآدية
كلام غريب وتحليل غريب في الرد #1144 لم توقفي فيه
أغرب شي لما تجيك تعليقات تشكك بإيمانك وعلاقتك بالله .. يعني ودي أدخل لعقل كل شخص فهم من التدوينه الماضيه اني أهمش قيمة الصلاة .. علشان اعرف بس كيف يفكر ..
الامور الشرعيه هذي أمور اكبر من اننا نتكلم فيها وفي طقوسها .. ليكن بالعلم فقط ..
انا تكلمت انه الله موجود في كل الاحوال يسمعك .. مو شرط انك تربط صلتك فيه فقط بالصلاة .. لأنه الرابط مع الله
أشمل من الصلاة .. وإنما في كل موقف .. سواء كان حزن أو فرح ..
الظاهر التركيز على عدد الأسطر ومن هو الكاتب اكثر من الأسطر نفسها والمعنى المضمن داخلها ..
هذي سابع سنه أنا موجوده هنا مو معقوله الى الان م انفهم اسلوبي :)
انا ابسط من التهويل اللي يدور في اذهان البعض ع فكره ..
يعني ممكن انك تتصفح طيات مدونتي تلاقي لي رأيين مختلفين بنفس الموضوع .. وهذا معناه اني أسعى لتطوير
نفسي مش نفاق وقل دين ^_^
تعليق
-
رد: ✒ .. خآصرة حرف رمآدية
يا جماعه في أحد حاول يخنق نور الفجر مره من المرات من سطر من أسطر مدونته ونفع معه !!!
لا .. مو نور الفجر لحاله الصراحه .. الاغلب احيان يفهم اسلوبي ع اني معصبه .. وانا أناقش بشكل طبيعي ..
يعني بالنهاية محد سمع حدة نبرتي ولا شاف تعابير وجهي من خلال سطرين في مدونتي ..
ليه تحسسوني اني شريرة :) ينفع علي دور الشريرة مثلا ..
واسلوبي جاد جدا لدرجة إنكم مرا حاسين اني ازعل ؟؟
هذا اولا ..
نجي لثانيا .. وهو الاهم .. يعني انا كتبت سطر واضح ومجمل الحديث في السسطر معناه " وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون "
أنا حبيت أوضح إن الله هو المستحق انه يرانا قاصدينه في اوقات الرخاء والشدة .. وبينت انه مافي داعي انه تكون صلاتك هي رباطك الوحيد بالله ومن ثم تنسى .. او تتناسى ان الله هو الملجأ في كل الاحوال .. مش الناس ..
وان الله يقبلك في كل حالاتك .. مش بالضروره في الصلاة لحالها .. يكفي انه يرى انك متوجه له بقلبك .. في عموم حياتك ..
والأهم من هذا انه يوجد فئة من الناس يالله تصلي وتجاهد نفسها انها تقيم الواجبات في وقتها وشرف هالجهاد عظيم ..
ويحتاج الانسان ايمان عظيم علشان يستلذ بالعباده ويشعر في تفاصيلها باطمئنان ..
ونحتاج اننا نزيد من ايمان هالناس بشكل او بآخر بدون تعقيد الامر .. فكان هذا التوجيه مني ..
الهدف مش تهميش فرض .. والسبب مش لأني في حاله معينه ولأن هذي حالتي الطبيعيه دايما .. ومش معصبه بس يخيل للقارئ دائما وعند قراءة اي موضوع .. ردة فعل الكاتب تعاكس وجهة نظره لذا يفهم انه معصب ولا انا زي الفله ومزاجي دايما في مكانه ..
أتمنى من اي شخص يقرا لي انه مايدخل في تفاصيل العبادات بشكل مرعب .. لأن الدين يسر .. ونحتاج نفهم هاليسر وينه فيه .. وان فهمنا نوجه الناس ..
لان الناس صارت تعيش علشان الناس بشكل مؤسف ..
خلوني مع نفسي لو حسيتوا من حروفي اني نفسيه لأني م احب افصل وافتي في أمور الدين ولا السياسه .. وكثرة الحكي والدخول فيها تجيب لي حرقان .. لأن بعض الناس يحسسك انه مخول من الله ويحاسبك ..
وهالثلاث سطور للناس اجمعين مو لأحد بحد ذاته :)
تعبت صراحه ..
تعليق
-
رد: ✒ .. خآصرة حرف رمآدية
صاحب الصراحات اللي أمس طلع مش نور الفجر .. لذا نعتذر له ونعتذر لنور وجعل العبرة ما تخنق الا عدوينك .. رغم انه وجهة نظري م تغيرت لكن ربما فيه سوء فهم في محطة ما ..
اتمنى التوضيح .. لأني أنفس بسرعه من أربع أشخاص ..
السياسي
الديني
اللي يصنف الناس ع حسب قبايلهم
واللي يدخل في النيه ..
ولصاحب الصراحه ياليت توضح لي وين موضع الخطا في كلامي لأن ابن آدم آراءه تحتمل الخطأ او الصواب ..
م علينا ..
الحين كم تستغرق حياة الزوجين الجدد علشان تصير ممله
بعد الزواج ..؟
..
تعليق
-
رد: ✒ .. خآصرة حرف رمآدية
لا تاقف موادع وعينك لي تشوف
لاني قوية قلب ماراح التفت
أنا بدونك كنت اعمى م اشوف
لكن أحاسيسي تجاهك اختفت
تنهيدهـ
تعليق
-
رد: ✒ .. خآصرة حرف رمآدية
صباح الخير ..
من ضمن السواليف المثيرة للاهتمام حاليا .. اني اتصفح صفحات حرصي من الناس ..
يعني في وقت من الأوقات كان من سابع المستحيلات اعطي
اي شخص اسمي .. او اتكلم عن نفسي بشكل خاص ..
أخاف من الـ مدري وش .. كذا بدون سبب ..
حاليا .. عندي ثقه لدرجة اني اخاف منها .. اسولف براحه مع
اي مراجعه في العيادة مثلا .. لو تسألني عن عمري عطيتها
اياه بالثواني .. احس اني م عاد ودي اكذب .. ماله داعي ..
وش بتسوي لي مثلا ..
عاد وانا اكتب طرى لي موضوع اللي كذبت على شخص تعرفت عليه يوم سألها كم عمرها .. وتزوجته على أساس انها في العشرينات وهي في بداية الأربعينات ..
م ادري هل ممكن تصير هالأشياء ولا بس أساطير .. تتناقلها الناس بغرض التسلية ..
ومر ببالي هل ممكن انه يتواجد اشخاص بنوا زواجاتهم على
كذب .. أو دلسوا شي معين .. صدقا لو فيه شي مثل كذا فهو
مقزز للغاية ..
مستحيل أتزوج شخص مايعرفني حق المعرفة .. ولا اتكلم هنا عن ماضي الانسان .. بل عن أخلاقياته وسلوكياته
وطبعه الحقيقي .. لان فيه ناس تتصنع بشكل مرا يع وتعيش دور مو دورها وشخصيه مو شخصيتها ..
ع اساس ترضي الطرف الاخر بس .. طيب وبعدين ؟
تقردن ولا خق وتزوجتوا .. كيف بيطلع الوجه الحقيقي .. بأي وجه وأي صوره ؟
التدليس في الشكل ممكن يلغي الزواج فما بالكم بالتدليس في المحتوى الداخلي للشخصيه .. ومساكين اللي توهقوا بالمظهر ..
يجيك واحد مز وكاشخ فتخق عليه الفتاة خقتا شينه للغاية ..
وتتوهق بالجوهر .. ومش مقياس هالسالفه يعني ..
فيه اشخاص مو حلوه وقوية عين عادي .. بس الجمال غالبا
مع الماده تعمي قلب الانسان وتطمس ع عقله ..
طبعا انا الجمال مو شي أساسي عندي .. الملح يكفي .. وابوي اهم شي عنده الخشم .. لأنه من خلاله يعرف مقياس عروبة الشخص .. شي غريب ولا :)
يجيك شخص يقولك طيب والحديث اللي محتواه عباره عن .. تنكح المراه لأربع .. حسبها ونسبها ومالها وجمالها ..
في احد التفسيرات الدقيقه والمقنعة قيل أن هالامور تلهي بعض الناس وتشغل بالهم لدرجة انهم يخلقون منها عادات وتقاليد مقرفه .. ويتناسون نهاية النص ..
ومن خلال ما نعيشه نشوف في مجتمعنا .. لاتزوجون ال فلان لأنهم كذا ولانناسبون فلان لأن أمه أصولها كذا ..
وعلى مستوى قبيلتي أشوف هالشي بكثرة .. ويستنكرون عقليتي بس اهلي متعودين عادي .. وعارفين وش احارب ..
ويا خوفي اطيح في شخص ما يقدر هالحرب ويشوفها سهالات .. لأني ربما اغتاله ^_^
كأني طولت ولا ..؟
تعليق
-
رد: ✒ .. خآصرة حرف رمآدية
على طاري الجروح وقلبي المكسور
خياراتي تعب جدا وحيل احتار
احب إحساسه الغادر وانا المغدور
او أهجر قلبي اللي ما عرف يختار
تنهيدهـ
تعليق
تويت
تعليق