تويت
رد: (خاصرة حرف رمادية ) *"
تقلب الصفحه لأنك متضايق منها
ومن نفسك .. شعور ماينوصف ..
تقلب الصفحه لأنك متضايق منها
ومن نفسك .. شعور ماينوصف ..
-
-
رد: (خاصرة حرف رمادية ) *"
يسعد مساكم ..
يعني أحيانا الواحد يضيق صدره لأسباب
مضطر إنه يوقف عندها .. الله لايوريكم بغواليكم باس .. بكل مصداقية
أمس كانت حالتي يرثى لها بالرغم إني أحاول الهي نفسي بأي شي
لكن دوما نقول الحمدلله على جميل الأقدار وسيئها .. الحمدلله في
كل حين .. في السراء والضراء .. في الشدة والرخاء ..
دعواتكم لأختي بهالأيام الفضيلة وفي ظهر الغيب يعني لي الكثير ..
الله يسعدكم جميعا ..
برب نرجع بنفسية أحلى
تعليق
-
رد: (خاصرة حرف رمادية ) *"
تعليق
-
رد: (خاصرة حرف رمادية ) *"
اخسر الكل إلا الشخص اللي يهون همك
بدل ما يستهين فيه ،تلقاه في كل لحظة معك
يبسط لك الامور ويخلي الحياة أجمل بعيونك ..
تعليق
-
رد: (خاصرة حرف رمادية ) *"
تمعن .. كيف يصبر غصن زهر
على لهب السراج مع اشتداده
كمثل .. العاشق الموجوع جدا
ونار العشق .. تأكل من فؤاده
بوح ..
تعليق
-
رد: (خاصرة حرف رمادية ) *"
فيه مباراة هالحزة يعني الشعب أغلبه
مصحصح ويتابع .. أولهم الوسمي ماله حس هنا يعني منسجم ..المشكله
خسرانين من العراق للحين
مدري ليه الواحد ينبرش وهو عارف
نهايتها ..
أمي مسيرة علينا الظهر وتتابع مع ولد اختي واخوي المباراة
جيت أسلم عليها قالت ريحة شعرك سدر
لا تسلمين .. والله ريحته حلوه بالنسبه لي بس مدري شفيها
منفسنه علي .. رحت جبت بخوري وخمريتي ومردغت شعري
والله ماكان ودي احط فيه اليوم بس علشان ماتدف
أعرفها لا من قالت شي زي كذا حتى قهوة ماتخليني أصب لها
والله ان تشوتني انا والدله لو حاولت أقرب
الحين تقولون اني اعرست لاني قلت امي مسيرة ويروح علي العريس
واقعد بها .. ترى انا ببيت اختي مؤقتا علشان طلعت من المستشفى
وكذا فأنا اللي اهجد عيالها .. فلا تفهمون غلط << منتهيه وربي
وانا اكتب أحس انه بيجي فنجال على الشاشه وتنكسر .. اصبروا خن
اقردن امي بكلمتين وارجع
بس قبل أنهي الرد بقول شكرا لكل من سأل ومن دعى بالخاص أو في
ظهر الغيب .. وربي انتم سعادة لا خلا ولا عدم ..
برب شوي وراجعه ..
تعليق
-
رد: (خاصرة حرف رمادية ) *"
رجعت لكم بس بسولف لكم عن شي يضايق
بقوة .. طبعا دكتور اختي متواصل معانا بشكل حتى وهي ببيتها
المهم انا أخذت التقرير أمس بس انجليزيتي تعبانه أفهم بس ما
يطلع مني شي كثير اذا بغيت ارطن بها .. المهم انا سحبت على
التقرير قلت وش بفهم منه يعني .. خلاص انا عارفه وش الممنوع
وش اللي مو ممنوع .. قبل شوي امي تزهمني جوالها زحمة
اتصالات مو طبيعيه من الجنوب والمدينة والقصيم والشرقية أهلنا
المتناثرين يسألون عن اختي ..
طحت على رساله للدكتور حقت اختي يقول فيها انه عنده ملاحظات
على الحالة وكذا .. انا يوم شفتها طرت اخذت جوالي واتصل عليه
وما يرد وأرسل له واتس المهم اعطيه خبر أني داقه ومحتاجه رد
خمس دقايق ويتصل علي يقول لي إن سالفة المرض عندها
فجائية يعني ما مرت بأعراض قصور الكلى المصاحبة له ..
و ثمانين بالمية المرض سببه نفس .. يعني بالعربي اختي
اللي فيها عين .. أساسا أكثر من مره نلقى على شبابيك
بيتها غراب .. أو نمل بحوشها من دون سبب .. المهم
يوم قال كذا شاورت امي نكلم شيخ .. قال الشيخ لاتقولون
لها انكم بتجيبونها علشان اقرأ عليها .. قولو لها انه علاجي. أعشاب
لأنه لو فيها شي وعرفت اللي فيها يتركونها ولامن طلعت من عندي
ياذونها :(
موعدنا المغرب قسم خايفه بقوة .. أحس اني بموقف لا احسد
عليه .. الله المستعااااان ..
خلاصة السالفة .. أي أحد يشوف شي ويعجبه يذكر الله والله
أرواح ضاعت بسبب النفس اللي ماتسمي .. الواحد يعاني
معاناة مايدري عنها إلا اللي طاح فيها وأهله .. العين حق
الواحد يقول كلمة مايدري أنها تطيح جمل ميت من قوتها
ويحسبها هينة ..
كلام بخاطري حبيت أقوله .. الله لا يوجعكم بغالي ..
النفسية كويسه لاتحاتون بس اتحلطم ..
خودافس ..
تعليق
-
رد: (خاصرة حرف رمادية ) *"
لطفا يليق بجلالك ، يا الله
تعليق
-
رد: (خاصرة حرف رمادية ) *"
اللهم استجب لنا ما نعجز عن قوله،
ما يصعب علينا صياغته وانت تعلمه
اللهم وتقبل كل دعوه ساكنه في صدورنا
ولا نعلم كيف نرفعها إليك ..
تعليق
-
رد: (خاصرة حرف رمادية ) *"
مآ بين شح المنام و قلة الحيلة
إحساس ما يخطر على بال مخلوق
بوح ..
تعليق
تعليق