.. زهـايـمر حكـي .~

**تنهيدهـ** · 04-10-2016, 08:50 PM

رد: ✒ .. خآصرة حرف رمآدية

أشتري كل النجوم من السما
واكتشف اني أنا واجد عليك

كان قلبي عن عيوبك به عمى
لاتواخذني ✋ تراني ما أبيك

بوح ..

**تنهيدهـ** · 05-10-2016, 08:55 AM

رد: ✒ .. خآصرة حرف رمآدية

صباحكم سعادهه ..

مدري تجيكم أوقات تصحون من النوم مشتهين تاكلون شي
مب وقته قايمه من النوم ودي ببرقر يقوطر جبن
ومليان عفش وكذا .. قاعده أقنع نفسي بفطوري المعتاد
شي خفيف وصحي ويالله اقتنعت بشرط اني اتغدى برقر
طبعا انا من النوع اللي يكره الزيوت بهالامور دايم نسويه
انا وخواتي مشوي وبما أنه الغدا الغالبية مش موجوده
بحاول أمسك نفسي واتعشى برقر < شكلها دوبا

من بعد الهاشتاقات اللي طالعه هاليومين وكالعاده حملات
على الحريم وطقطقه ودي اطلع حرتي بسعودي مكرش
يعني ايش تتشترط بالمواصفات وانت مب مقدر أن كرشتك
ثلاثه وثلاثين طبقه قدامك

ايه صاحيه الصبح براسي اتحلطم .. كل مادخلت تويتر ماشوف
إلا حش فينا الضعوف لا وطالع الترند < بتصيح من الغبنه
بس عادي اتحلطم بدون هاشتاقات واطلع شوي من النفسنه
عليهم بنقاش حلو ينتهي بمحاولة إقناع الطرف الآخر قبل
نفسي

يلا الحياة حلوه ومافيه أحد راضي عن الثاني ،، كل واحد
يبي يستقدم الثاني من هيئة المواصفات والمقاييس علشان
يصير على مزاجه ومستحيل يصير

عاد انا من زود الثقه اللي فيني اقول اني بكون انسانه ناجحه
اذا تزوجت < الله يستر من نجاحك
تتخيلون اذا صرت مع نفسي ولحالنا أتخيل مواقف صعبه واقعد
ادور لها حلول علشان يصير عندي شي من الخبره < خبله
جد والله اسويها واروح اقرأ بكذا موقع وطرق الحل والتعامل
ومدري ايش .. وآخر شي شكلي بتزوج واحد ينفخ لي قلبي
واتحسف على الدروس اللي أعطيها نفسي

بس جد ليش الواحد قبل مايتشرط ،، ما يجمع عيوبه بكيس نايلون
ويرممها أقل شي واذا هي عيوب دائمة يخفف من شروطه اللي
اول مانسمعها نتخيل الحور العين

دايما حطو ببالكم اني اتكلم عن الغالبية ولا الكويسين اللي اشوفهم
ونادرين امسح على طاريهم بلطف ودعوة إن الله يكثرهم ..
فشيلو من بالكم نقطة مب الكل كذا ،، تمام

برب ،،

**تنهيدهـ** · 05-10-2016, 01:10 PM

رد: ✒ .. خآصرة حرف رمآدية

قلت عن حقوق المرأة

دامه سكت يعني توهقتي هههههه أو أنه مالقى رد لك
أو يبي يفتك من لسانك بس روحي له قولي بابا
توديني اذا قال لك طيب يعني متفهم وعاجبه انك قاعده
تتعرفين على حقوقك بعض الآباء متفهمين وراقي
تفكيرهم يعلم بنته كيف تدير حياتها بشكل أفضل

وبعضهم يقول لك الرسول صلى الله عليه وسلم قال :
لأمرت المرأة أن تسجد لزوجها
وبعض البنات تاخذها بتعمق زايد عن الحاجة وتتأثر تأثر غبي مرررره
معليش في أمور تناقش وفي أمور لا .. مافيه حياة يسيرها شخص
واحد إلا وكانت فاشله حتى لو استمرت .. التأثير السلبي بيكون على
الأولاد بيبين في شخصياتهم السلبية ،، وطريقة تعاطيهم للحياة ..

ناويه اجهز استبيانات اجربها في أخواني وشباب المنتدى عشان افهم شبابنا اكثر بعدين اعتمدها للخطبان.

اذا خلصتي وزعي النتيجة علي انا وبنات عمك هههههه يمكن
نلحقك وتمشي حياتنا .. أحتاج نسخه من ردود شباب عبير
أحس كل ردودهم بتكون لا لا لا اذلفي بس .. شغلة عناد علشان
حاشرينهم

الشكل التجميلي ياثر على قبول ورفض الزواج
وهل اختلاف وجهات النظر في الشكل ياثر

والله شوف على حسب البنت بعض البنات تكره اللحية من ربك مش
لانها غير سويه لا .. بس بعض المواقف تعطيها نبذه مش حلوه
غير كذا يعني الصدق بعضهم ياليت لحية وتجيك مرتبة
مالها ستايل محدد تحس انه بيتحسف اذا قص منها ولا رتبها
وماتقدر تناقشه .. يعني غصب غصب تاخذيني كذا

خلك انت ولحيتك عند أمك أصرف اذا هي فرض رأي بدون نقاش
فيه ملتحين كيوت تحس انهم هيبه وعقليتهم تتقبل النقاش ونفوسهم
فرائحيه مش متجهمين طول الوقت ..

ترى الغلط مب باللحية .. الغلط كيف تتعامل مع الناس وانت ملتحي
بعضهم أسلوبه مره لا أمر ونهي وشده كيف تبي البنت تتقبل بدون
نقاش

عندي واحد من اخواني ملتحي وحنا غالبية طلعاتنا مع سواويق
مره كان فاضي وفتح موضوع انه مايصير نطلع مع سواق ومدري
ايش .. قمت انا قلت له طيب روق وجاوبني اذا كنسلت السواق
بتوديني كل مكان قال لا قلت طيب بتخلوني أسوق قال لا
قلت طيب اسكت احسن اذا تحملت مسؤولياتنا مكان السواق
نفتح النقاش مره ثانيه

نوصل من النقاش إن البنت المفروض تطلع على حقوقها
داخل دائرة الشرع مو العيب والعادات والتقاليد ..

وإن اللحية على حسب الملتحي ونظرة البنت له ومدى
تقبله للنقاش فيها وهيك ..

شفتو كيف أنا أسهل لكم الدنيا ترى مش صعبه الحياة
بس ركز ولاتسوي زوم على كل شي فيها .. ماشي !!

**تنهيدهـ** · 05-10-2016, 01:33 PM

رد: ✒ .. خآصرة حرف رمآدية

عشان كذا مقفلين عليكم كل الابواب !!

خلوكم شاهدين انا ما تحرشت هو اللي جاني
كمل كمل اسمعك يافقراوي < بتقلب على فريقها
انا بس علشانك نصراوي بهدي اللعب ..
وطي الصوت ياشهرزاد انتي وطيف خلونا نسمع
مدري عندهم شي ينقال

الباب مفتوح لكم ياشباب .. الباب ايش

برب ..

**تنهيدهـ** · 05-10-2016, 02:53 PM

رد: ✒ .. خآصرة حرف رمآدية

بعيدا عن كل حرف يتعلق بوجهات النظر المختلفة
وبعيدا عن كل شعور يحمله أحدهم تجاه قلمي الذي
لربما يخطئ حينا ويصيب آخرى ..

أنا هنا أتميز بفضل الله ثم بفضلكم .. شكرا على كل
مشاركة كتبها أحدكم في تقييمه وغلفها بحبه .. شكرا
لبسماتكم لروعة احتوائكم لي هنا ..

كسرت حاجز أعلى تقييم في عبير الذي كان يمتلكه العزيز
الوسمي
تقييماتكم تنسكب على لوحة تحكم تلك التنهيدة بحب ..
فتقرأها بعمق الحرف والشعور ..

شكرا لكم جميعا ،، ودمتم لي إخوة يسكنون أعماق الفؤاد ..
أحبكم ،،

**تنهيدهـ** · 05-10-2016, 05:26 PM

رد: ✒ .. خآصرة حرف رمآدية

ايه نضحك وانتمازح باحترام
ما اعتبرته في عيوني الا أخو

وانت تفكيرك سخيف وما تلام
ما تشرفني و تفكيرك رخو

بوح ..

**تنهيدهـ** · 06-10-2016, 04:52 AM

رد: ✒ .. خآصرة حرف رمآدية

‏لايستطيع الرجل أن يفكر باتزان إذا لم تكن المرأة قريبة منه ،،
إن عقله يختل ،، و يصرف وقتا طويلا
في حل أمور صغيرة ،،

**تنهيدهـ** · 06-10-2016, 11:39 AM

رد: ✒ .. خآصرة حرف رمآدية

صباح الإشطة ..

اليوم كان عندي مشاوير صباحية مفاجئة خلصتها وجيت بس
ماتوقعت نقاش الوسمي كذا وهو متحلف يحشرنا وكذا
يقول طبيعي إنه بيكون لها سند وكذا لا لا مو طبيعي من
متى كان طبيعي لدرجة أنه إذا صار مجتمعنا يقول عنه مسحور
بعدين على طاري المصروف تقول زايد عن حاجتها ومدري ايش

ياعزيزي لو تكون موظفة وراتبها راتب وزير وتبي تحطه بالبنك
وتخليك تصرف عليها بتصرف انت يعني لو قالت لا مابي
بينحسب لها من التنازلات الرهيبة جدا ..

يقول الوفاء بالعهد سهل جدا اذا عطيته < عدلت جلستها وميته ضحك
لو الوفاء بالعهد شي بديهي في كل علاقة وسهل جدا على قولتك
ماحطو له أمثلة تشق قلبك من قوها باختصار ماش ماش
ما اقنعتني إلا بالنقطه اللي اتفقنا عليها ..

وبعدين شفيك هدي هدي ريلاكس طاير بالرد اللي قبل ذا
ترى اللي قايلة من بني جنسكم وهو صادق ولو أننا في غير
موضع النقاش ومر من قدام عينك متأكدة انك بتجيبه وتسدحه
بمدونتك .. بس ماعليه خلينا نناقشك فيه

لحظه بضحك شوي هههههههه يالله جهز جبهتك للنسف قال مب
ترمومتر ويهايط بعد

المراه مكمله مع الرجل وتستند عليه غالبا وليست موجهه او مدبره لامره
يرجع لها وياخذ برايها ماعندك مشكله بس مو هي ميزانه
او مسيره اموره لا !!
ولن يكون الرجل في يوم عاجزا عن التفكير والتدبير الى بوجود امرأه لا !

انا اعتبره إنكار للحقيقة والواقع .. ولا لو أنك ترمومتر نفسك
كان ما انخلقنا من ضلعك الأعوج اللي دايما تعايروننا باعوجاجه
وهو لولا اعوجاج هالضلع كان أقل ضربه على هالمكان تكون
رايح فيها .. مالنا بسبب الاعوجاج وهالامور العلميه

بس اقول لك حنا الحماية والاستقرار والترمومتر الحقيقي
للرجل .. ولا لين تصير بهالطول من يدبرك يمه

البنت تدبر أمرها بدون أي تدخلات ذكوريه وتنافسك في
أصعب مجالاتك وتتفوق عليك .. علشان كذا كل مابغت
حق من حقوقها قمت تحشرها وتسوي نفسك يعني اني
انا سوبرمان حقك اللي واللي واللي

جيب لنا علم نقند به الراس ونناقشك فيه صح قال طبيعي
وبديهي .. حتى انا استغربت وفتحت عيوني إن الذكر
أليف لهدرجه

طبعا بدون ذكر للنماذج الكويسة .. النادرين اللي
نصهم في ذمة الله

الحين نرجع لرده اللي أمس مسوي انه حاط استبيان
وحاط أهم ثلاث أمور ههههههه اصبر أصبر بتمعنها جيدا
قال ناقصة عقل < مانستها

برب ،،

**تنهيدهـ** · 06-10-2016, 12:34 PM

رد: ✒ .. خآصرة حرف رمآدية

مشاعرها .. رغابتها .. الاستماع إليها

بس !! طيب انت استحالة تجيبها الثلاث مع بعض وان جبتها بتكون
من النادرين جدا جدا جدا في المجال العاطفي والعاطفي فقط ..
يعني اتخيلك كلام حلو ومدري ايش وماتناقشني بأفكاري
.. تحسب أننا نبي كذا مثلا !!

لا لا مب كذا على الرغم من أن مجتمعنا دايما كلامه يدور حول الرجل
بتهميش واضح للمرأة .. وكأنه جل اهتمامها في الحياة ..
كيف تجذبين الرجل .. كيف ترضين الرجل .. كيف تسحرين الرجل ..
طيب وبعدين يا آخر آمالي < تذكرت اغنية عبادي الجوهر

التوازن الحياتي مطلوب وفر لي هالامور الثلاثه ببساطه ووفر لي
معهم شخصيتك الفذه اللي لها مكانتها بالمجتمع .. كن لنفسك
اهتم بها علشان تعجبني سلوكا ومظهرا ولا هالشي بس مطلوب
منا .. وانت تدخل بتناقضاتك تقول بكل برود وش ذا ماعندك ذوق
ماتعرفين مثل فلانه والله امي تسوي كذا .. وأختي كذا ..

الحين الكل مفكر إن نقاشنا يدور حول انه وش ابي منك توفره لي
يا أيها الرجل
ترى نص الأمور اللي نبيها نبيك توفرها لنفسك .. علشان تعجبنا
ومعها وفر لي متطلباتي المادية والمعنوية ..
ناقشني في أموري في طموحاتي وأفكاري .. شوية ثناء وشوية
دعم ..

ابرزني وخلني الشي المهم في حياتك قدام أهلك والناس
باختصار مثل ما انت تبيني أكون وقبل تطلب أي أمر راجع نفسك
هل أنا كذا أو لا .. علشان تختصر على نفسك كثير أبواب ..

انا اعتبر الأساس والبنية التحتية وأهم المقومات الثقه
.. ليش الرجل يختار وحده يتزوجها ووحده تكون له صديقه وتسمع له
لهدرجه ماودك تبين ضعفك قدامها أو تبين مشاعرك الحقيقية !!

المرأة متى ما اعتبرتها صديق لك قبل ماتكون شخص يهتم
ببطنك وملابسك وبيتك وعيالك .. راح تهبك كل شي باختصار ،،
فقط لاتستعبدها وتضيق عليها النفس وتقول لها الله قال
الرجال قوامون على النساء
وتجحفها نص حقوقها ..

ترى أكثر أسباب العزوف عن الزواج هي انعدام الثقة بالآخر ..
شوية ثقة بعقل البنت وتفكيرها الرهيب وشوية إيمان بأنها
قد بيت ومسؤولية .. وثقة في أنها بتكون الصديق المثالي لك ..
ريح راسك من كلام اخوياك بالاستراحه وبعض من الكلام المنقول
لك .. وحط طاولة نقاش

اذا مافيه طاوله عادي الأرض كويسه وحنا قنوعين بزياده

برب ،،

**تنهيدهـ** · 06-10-2016, 12:42 PM

رد: ✒ .. خآصرة حرف رمآدية

خلونا نقلب الصفحة وندعي لأمهاتنا ..

عيناها بيتى وسريرى ووسادة رأسى اضلعها
تمحو كل هموم حياتى لو مس جبينى اصبعها

ضمينى يا أحلى امرأة لو صمتت قلبى يسمعها
اماه و هل خلق الله مثلك في الدنيا اجمعها؟

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget