.. زهـايـمر حكـي .~

**تنهيدهـ** · 27-09-2016, 04:20 PM

رد: ✒ .. خآصرة حرف رمآدية

حالتي كل يوم الظهر نفس حالة آخر رد بصفحة المدونة
ادور لي شي أشغل نفسي فيه .. اليوم اقترحت على نفسي
اروح اشوف كم ابلكيشن ساحبه عليهم السنه ذي .. وطاحت
يدي على الفيسبوك < مغبره
تصدقون كنت اهربت هناك واتحلطم عليهم مدري شلون
متحمليني ولايكات وحركات واغلبهم شعار وصحفيين ودور
نشر يعني جد جد مو متخيله كيف راضين عن أنفسهم
وهم يعطوني لايكات بس والله كنت خطيره صفحتي
حلوه ..
ولي فيها كتابات ادبيه حصريه .. استشعرت عظم النعمه
اللي انا فيها اللهم لك الحمد ..

استنو هنا بصور موقف صار لي هناك مع صحفي متعصب
كنت غابنتهم بفريقي

برب ..

**تنهيدهـ** · 27-09-2016, 04:48 PM

رد: ✒ .. خآصرة حرف رمآدية

المنشور الأول

اللي صار بعدين

ودي أعطيه صفحتي بالمنتدى علشان يحس إنه حطمني
مرااا ..

اليوم بكمل السهره هناك بسترجع أصدقائي الشعار
مشتاقه اكتب كم بيت

هالصفحه كلها بقلبها اقتباسات فيسبوكيه اللي مب عاجبه لايناظر

خودافس ..

**تنهيدهـ** · 27-09-2016, 10:12 PM

رد: ✒ .. خآصرة حرف رمآدية

غموضنا أو هدوءنا في بعض الأحايين تحتمه علينا حالاتنا المزاجية
كثير يستغربونه في البدايه بس لما يحتكون بك تتغير نظرتهم لك
مش شرط أكون كاتبه أو شاعره يعني أكون جديه بزياده كذا
أحرم نفسي متعة المكان والناس ..

التوازن مطلوب .. احترامك راح تفرضه سواء ضحكت ومزحت
أو كنت رسمي .. وعلاقاتك راح تكون مثل ماتبيها محدوده
بس ابتسم حتى لو كتابيا ترى بجد تفرق مع الشخص يشوفك
بشكل ثاني .. اطلعو من شخصياتكم الافتراضيه واستمتعو
خلو الجديه المبالغ فيها للناس اللي تبثركم في الطبيعه الموضوع بسيط
مش محتاج كل هالعقد والله

تذكرون اول يوم لنشاط حزر فزر مدونة مين كيف تحطمت
طلعت حقي كله اليوم ونشفت ريقهم خليتهم يركضون عشر
صفحات بالموضوع
الله يسعدهم قد ماطيرو النوم من عيني

اقتباسه فيسبوكيه ياهي جات من قلب

خودافس ..

**تنهيدهـ** · 27-09-2016, 10:36 PM

رد: ✒ .. خآصرة حرف رمآدية

شاعره واكتب على كل البحور
وانظم من الحرف قيفان بجزاله

لو كثير البوح في صدري يثور
اتحدى شاعرن يقوى اختزاله

بوح ..

**تنهيدهـ** · 28-09-2016, 07:58 AM

رد: ✒ .. خآصرة حرف رمآدية

صباح الإيش ..

صباح إنسانه طفشانه
ومركونه بجنب الفيش

تحب الشعر بالوانه
وبثره احيان بس معليش

بوح ..

**تنهيدهـ** · 28-09-2016, 03:43 PM

رد: ✒ .. خآصرة حرف رمآدية

**تنهيدهـ** · 29-09-2016, 09:27 AM

رد: ✒ .. خآصرة حرف رمآدية

صباح الخير ..

قايمة من النوم على اتصال الأستاذ المخرج ناصر الهذيل .. استحيت يوم
تثاوبت بوجهه يقول لي توي أنفض الغبار عن مسودتك هالفترة
محتاجين نلاقيك كل فتره ..
قلت له إذا مالقيتني افتح عبير دورني هناك هههههههه أحيان أسنتر
عطيته رابط الموقع واسمي هنا > من جدي اذا فتح مب منصدم متعود
على سواليفي بالفيسبوك
أفضل شخص بمجال الإعلام تعاملت معه بصراحة نقده راقي اذا شاف مني
شي مو بالمستوى يعطيني الأفضل ينقد النص لغويا وبلاغيا
قبل ماينقد التنسيق
والحلو إني ابثره بدون خجل لاني متعرفه على أهله من قبله

ماعلينا .. صباحكم أنا ومزاجي الرايق .. وشهرزاد وحلطمتها
تقل حالفه تقلب الصفحه وتنام
فاتحه هنا من بدري بتحلطم وماسكتها اخذ علومها ومسكناها
ساعتين نتطمن على طموحات بعض وتوي أوصل على غير العاده
متأخرة ..

برضو ماعليكم < بتنقز لسالفه جديده باين .. الحين سؤال
وش مقياس النضج والعقل عند الناس وأيضا الأنوثة < مجروحه
لأن هالسواليف صايره تضحكني مرااا من كثرتها ..
بس ابي اعرف انطباعات اللي حولي ونظرتهم ولا بروح لكم خاص
وبحرجكم بالسؤال ذا .. ابي نظره عامه اعتبروه استبيان

رايحه أكمل حلقة مسلسلي تدرون اني وقفت بنص الحلقة أمس
لأني تعبت اصيح مع البطله
بس المسلسل بطل وانا اذا تابعت اعرفني ما اتابع إلا سيناريو منتاز
وله قصه قويه < كأنه مدح

أحب الأكشن المعقد اللي فيه حبكه عميقة للنص والعقد الغير متوقع
حلها .. بعض المسلسلات تتوقع الحلقة الاخيرة من أول حلقه من
وضوحه والتكرار للسيناريو .. خلوني اروح قبل تطلع روح الناقده
الأدبية اللي داخلي وأبثركم ..

برب نفرفر على الشعب

**تنهيدهـ** · 29-09-2016, 09:34 AM

رد: ✒ .. خآصرة حرف رمآدية

صباح الإيش ..

صباح اللي بدا صبحه على صوتك
وضم أطيافك بعينه كذا بشويش

صباح الإيش ..

صباح الوقت لا حسيت بيفوتك
دوامك والتفت وقلت نمتي ليش؟

بوح ..

**تنهيدهـ** · 29-09-2016, 10:34 AM

رد: ✒ .. خآصرة حرف رمآدية

‏- إنت ماكنتي كذا ..
انا خابت فيني كثير أشياء وصرت كذا ..

**تنهيدهـ** · 29-09-2016, 11:57 AM

رد: ✒ .. خآصرة حرف رمآدية

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget