تويت
صندوق ذكرياتي يفتح
البارت السابع
********************
اليوم الثاني
في مدرسة البنات كان الجو هادي عكس المعتاد كانوا شي ثاني قمه في الادب والاخلاق ولا كل وحده تعزم الثانيه على الفطور كل هذا عشان ما ينشك بامرهم و يروحون بداهيه ...............
في الجامعه كانوا كاشتين بالمحاضره وطالبين من دافور يحضرهم طبعا ذولي حامد الي نايم في بيتهم و عبد الرحمن الي مداوم عند الكفتيريا اما الباقين ي عيني عليهم راحوا المحاضره رعد و علي نايمين في اخر القاعه وحمد يلعب بلياردوا بجواله الايفون و رائد يسرق رسايل و صور وارقام بنات من جوالات العيال الي كل واحد حاط راسه ونايم و ما يدري بالي يصير من وراه و حمد يلعب ويشجع ويشارك بالجريمه ............
طلال بيطق من الطفش يتمشى بالجامعه لحاله ما معاه احد و كل العيال عندهم محاضرات و دراسه مو فاضين له و هو يمشي شاف عبد الرحمن عند الكفتيريا فراحه له هو مبتسم اخيرا لقى احد يقعد معاه ويونسه ............
*******************
في بيت ابو رائد ...... سلطان ال............
ابو ايمان : و الله ي اخوي الي صار لك ما يدخل العقل كيف انهارت الشركه بعد ما كانت اكبر شركه استثماريه بالسعوديه و كانت منفذه اكثر 7 مشاريع ناجحه ...... " سكت شوي بعدين كمل " ي اخوي انا شاك ان ورئ السالفه ان ......
ابو رائد بشك : وش قصدك .... انت تشك ان الحريق مدبر و بفعل فاعل .........
ابو ايمان : انا مو شاك الا متأكد و ان الي مدبره ماجد .....
ابو رائد بربكه وخوف واضح : ماجد ولد راشد ال.........
ابو ايمان : ايه هو بذاته و انا قلبي ناغزني لا يكون جاي ينتقم منا علي سويناه .......
ابو رائد : بس الي صار حادث .......
ابو ايمان ضحك بستهزاء : اجل روح فهمه ...... هو حاطنا في راسه و شكل ماهو مخلينا بحالنا الين يقضي علينا واحد ورئ الثاني ...... واضح ان البدايه فيك و الله يستر من الثاني بلعبة الانتقام ذي .......
ابو رائد : بس هو باين عليه انه تغير مو ناوي شر بالعكس شف وش زينه مع فيصل و غير كذه هو ناوي يشاركه بمشروع بيسويه ببريطانيا .....
ابو ايمان : وانت صدقته ......
ابو رائد : احمد انت تدري بشي و مخبيه علي قلي وانا اخوك ........
ابو ايمان : انا شاك بشي و الله يستر لا يكون ماجد ناوي عليه .......
******************
في فلة ماجد .......
عبد الله جالس بالمجلس ينتظر ماجد يجيه عشان يكملون شغلهم بالبيت على حسب طلب ماجد دخل عليه مصعب وهو يقول بصوت مرتفع : ما شاء الله عبد الله عندنا ........
ابتسم لما شاف مصعب هو كمان صاحبه ورفيقه : ليش مستغرب ........
مصعب وهو يجلس جنب عبد الله : مو من عوايدك تجينا لحاك دايم ماجد معاك في كل مكان ......
عبد الله : ليش ي اخوي صاحبي انت وش قاهرك بالموضوع .......
مصعب : انا مو مقهور و عادي تروح و تجي معاه بس مو كل مكان صرت احسه زوجتك مو صاحبك ......
: وانت وش عليك منا ......صاحبي زوجي وش حارق رزك ......
مصعب يطالعه بنص عين : انا ذحين عرفت انت ليش ما تبي تتزوج عشان هالكمخه " و هو ياشر على عبد الله "
عبد الله يتصنع البرائه و يأشر على نفسه : انا.. انا وش سويت .....
مصعب : سلامتك ما سويت شي ي السوسه ........
ماجد ابتسم على هبال ولد خالته : و من قال اني سامع كلامه و ما ابي اتزوج .... " سكت شوي وكمل " انا خلاص قررت اتزوج ......
عبد الله ومصعب توسعت عيونهم بصدمه ماجد الي يكره البنات ويكره يشوفهم ويكره طاري الزواج و نادر ما يروح زواجات بيتزوج لا مستحيل
مصعب يناظره بنص عين و رافع حواجبه باستغراب : انت تتكلم من جدك ولا تستخف دمك و تعابطني ........
ماجد : لا من جدي وعن قريب بتسمعون خبر زواجي ......
مصعب بعدم تصديق : روح ي شيخ قالوا لك اصغر عيالك تضحك علي ....
ماجد ضحك بستهزاء : والله اصغر اكبر هذا الامر الواقع .......
عبد الله : ماجد انت شارب و لا متعاطي شي .......
ماجد يطالعهم و رافع حاجب و منزل الثاني : وش قالوا لكم عني حالف اني لاعزب و بعدين انا خلاص كبرت و جاء الوقت الي افرح خالتي بزواجي " حس بغصه من هالكلمه كان وده يفرح امه بعد بس حسبي الله علي كان السبب ابتسم بحزن شديد وقال " : ابيكم تشهدون بعد على زواجي .......
عبد الله : من عيوني بس ما قلت لنا من هي سعيدة الحظ الي بتاخذ ماجد ال..... ملك جمال شباب المملكه و محطم قلوب البنا.........
قاطعه مصعب وهو يقول : العوانس و العجايز ......
ماجد رمى المخده على مصعب وهو يهاوشه : وجع مالك الا الغيره مني ي السحليه عشاني احلى منك .........
مصعب شرد وهو يقول : عصبة الشحروره .........
ماجد يصارخ عليه : اه ي الي ماتستحي على وجهك تعال وانا اوريك ي التيس " التفت على عبد الله الميت من الضحك " وانت عاجبك الوضع هاه
عبد الله يحاول يمسك ضحكته بس ما قدر و كملها ضحك .........
********************
قاعدين على الغداء و يسالفون و يتريقون و يسمعون اخر مغامرات ندى و رعد .........
رعد : و بس قام المصري عليه و بدأ يكفخه احنا سكتنا و لا تشجيع و لا هياص ولا شي مستغربين المنظر الي قدامنا دافور ويلطش عربجي ...
الجدة نورة : و انتم وش لكم بالمشاكل ي ولدي .........
الجد خالد : انتي ي مره ما تدري بعلوم الرجاجيل .......
الجدة نورة : و علومهم كلها مذابحات و ي قاتل ي مقتول .......
رعد : اجل ي جدة تبينه يغلط عليه و يسكتله اكيد بيرجع كرامته و لو مظاهر ......
الجد خالد : الرجال اهم شي عنده كرامته ما تنداس ي مره .........
ندى : و الله انتم ي الريجيل متخلفين تتضاربون على اشياء تافهه ......
رعد : و الي يعافيك ريحينا .........
ضحك الجد خالد بستهزاء : اذا حنا تافهين بنظرك اجل انت بنظرنا اسخف من السخف .......
ندى تتصنع الصدمه : ليش ي جدي ......
الجد خالد : اجل جايتني تشتكين من صاحبتك و زعلانه منها عشانها راحت السوق مع صحبتها و ما خذتكي معاها ........
ندى : و هذا ي جدي يعتبر سخافه .......
رعد : الا قمة السخافه ...........
ندى : ليش تبيني اشوفها طالعه مع ساره و اسكت النذله و لا فكرت فيني تقول عندي بنت عم اروح و اجي معاها صدق خاينه .....
رعد : ي عمري ي اختي خفي على بنت عمي شوي مو تلزقين فيها ......
ندى : اه منكم ي امي وابوي ليش ما جبتوا لي اخت تونسي و تروح و تجي معاي بدال ما انا ضايعه لوحدي ......
رعد حس باخته و حزنها : و انا مو عاجبك .... اذا تبيني اصير اختك و احط شباصات و اغير اسمي من رعد لوعد عادي وانا اختك .....
ندى : امانه احلف تسويها ....
رعد : وجع ي المطيوره بس اجامل .......
ندى : اجل مره ثانيه لا تجامل ترا اصدق .......
الجدة نورة و الجد خالد يضحكون على اشكال عيالهم اليذكرهم بالبزران .......
الجدة نورة : ندى حبيبتي مين بيروح معاك السوق .......
ندى : و الله قلت لهم بس محد رضي بروح اكلم شروق يمكن توافق و تروح معاي .....
رعد : ليش هي ما كانت معاكم امس .......
ندى : لا تقول عندها ظرف و ما تقدر تجي ... " و ناظرته بظرات شك " و انت وشوله تسال ....
رعد : لا بس طلال امس تاخر علينا و لما سالنها وش الي اخره قالنا ان امه تعبت شوي و وداها المستشفى .....
الجدة نورة : سلامة اوخيتي ام طلال من الشر انت متاكد ي ولدي رعد ......
رعد : ايه ي جدة هذا كلام ولدها .......
الجدة نورة : اجل خلني اروح اكلمها واطمن عليها ......
ندى : اوف اجل مافي روحه على السوق ........
الجد خالد : طيب ي بنيتي دقي على صحباتك الباقين و اسئليهم .......
ندى : ي جدو صاحبتي ساره عند خالها رازه فيسها ما تبي تفارقه و خلود عندها موعد عند دكتور الاسنان و امل و رهف و نجود ماهم فاضين بيتابعون المبارات بين الاتحاد و الشباب و عهود بتروح لصاحبتها ......
رعد : روحي دقي على وحدة من بنات خلاتي .....
ندى : وييييييع وش ابي ببنات خلاتي يمغصون ......شكلي بروح اجرب مع شروقه يمكن امها تتحسن حالها وتجي معي ......
الجدة نورة وهي تكلم ام طلال : بتروح معك ......
ندى : وش عرفك ......
الجدة نورة : انا ابي اروح عند ام طلال وباقعد عندها الى ان ترجعون من السوق .......
ندى نطت عند جدتها تسلم على راسها : الله لا يحرمني منك ي احلى نواره بالعالم .....
الجدة نورة : بس لا تتاخرون ....... على الساعة 9 تجون .......
ندى : ok
*******************
في بيت ابو ايمان ......... احمد ال........
ايمان : امل ي بايخه ......
امل : كيفي ما ابي اروح ......
ايمان مدت بوزها مثل الاطفال وهي تقول : طيب ليش .......
امل : فيه مباراة ولازم اتابعها ضروري .......
ايمان تتصنع الزعل : طيب ي نذله تكشتين باختك عشان مبارة ......
امل : انا ما كشت فيك بس انت جايه بوقت غلط ي خيتو ......
ايمان بترجي : اموووووول تكفين الله يخليك زواج صاحبتي بعد اسبوعين و ما عندي شي البسه الله يخليك روحي معاي بليز ........
امل : دوري احد من صحباتك و روحي معه ......
ايمان : ما في دورت كلهم مشغولين ......
امل تذكرت ان ندى بتروح السوق وقالت بسرعه تبي تفتك من حنة اختها الزايدة : طيب وش رايك تروحين مع ندى ......
ايمان : مين ندى .....
امل : هاو وش فيك جاك فقدان ذاكره ندى ال....... صاحبتي .........
ايمان : اه ذكرتها بس هي قالت لك تبي تروح .......
امل : ايه امس قالت لنا و كانت تبي تموت لما كلنا رفضنا ......
ايمان : نفس الحاله ...... المهم دقي عليها واسئليها اذا لسى بتروح " قامت بتطلع وهي تقول " و بعدين قولي لها اني بروح معاها لاني فيه واحد نذل حقير ما يبي يروح معي .....
امل تصارخ عليها : انا بنت مو ولد ......
ايمان لفت عليها وهي تاشرعليها : بهذا الشكل اشك ..... " امل كانت لابسه تيشرت كحلي وتحته بلوزه تفاحي و بنطلون جنز و كاب اسود مشخمط عليه بالتفاحي و مشمره اكمامها و لابسه ساعه كبيره فسفوري و صندل فسفوري "
امل تصارخ عليها وتقلدها : بهذا الشكل تبيني ..... " و تاشر على ايمان الي كانت لابسه بدي ابيض وعليه بلوزه بيج اكمامها نازله و مكتوب فيها حروف انقليزي بالون الاسود و طويله لنص فخذها و بنطلون استرتش مدي وصندل ابيض و اساور و ساعه بيج نعومه من swatch "
ايمان : لا بذاك ...... " و نزلت لتحت سريع لما سمعت صوت ابوها " ......
************************
رند : واه ماجد جاء و وائل لا ليش النذاله .......
داليا ببرائه : ما ادري .........
رند ضربتها على راسها بخفيف وهي تقول : انا ادري انك ما تدرين فلا تسوين نفسك تدرين وتقولين ادري لاني انا كمان ما ادري بس انتي يمكن تدري لانه اخوك و تدرين عنه عكسي انا الي ما ادري عنه و لا ادري اذا هو يدري عني لاني ادري انه يدر... اه وجع .....
ولاء حابسها ضحكتها لان مصعب عصب من رند و رماها بالكتاب الي معه ......
داليا : وسلك قصدي وشبك عععليس ونند قصدي على رند ........
مصعب شد شعره و قعد يصارخ : وجع وش هالتكليج الاحول يعني خلصنا من mbc FM جيتينا انتي و خشتك خلني اقوم اطلع قبل لا يجيني شلل نصفي منكم ..........
ولاء : مصعب والي يعافيك خذني معك ........
مصعب يمد يده لولاء : تعالي ي اختي العزيزة لا يهبلون فيك .......
رند و داليا بصوت واحد : روح مالت عليك و عليها .....
مصعب يسحب ولاء معه : اقول امشي بسرعه قلبوا التوم المختلف الله يستر لا يقلبون اسلام دانك كان راحت صالتنا وطي ....... " وطلع برا الصالة بعدين رجع يطالعهم من عند الباب و هو يقول لهم " على العصر بنروح السوق تجهزوا .......
رند وداليا بصوت عالي : ok
**********************
في الاستراحه عند الشباب
علي يكلم بالجوال : ايه ..... من جدك .... ههههه ..... احلف ...... حياك الله في اي وقت ...... و لو ي اخوي البيت بيتك ي الغالي ...... من عيوني ...... تسلم ....... حبيبي و الله ....... مع السلامه ........
رائد قاط اذنه : مين هذا ؟؟؟
علي : ي خوي اركد شوي و ذحين اقول لك .......
رائد : اخلص و قول ....
علي : انت تذكر عبد الله ال....... اخو زوجة عمي و صاحب طلال ايام الدراسه ....
رائد : ايه ذكرته هذا الي يشتغل بالامارات ... ايه وش فيه
علي :يقول يبي يجينا هو و خويه اليوم يسمرون معنا .........
ائد : ايه حياه الله .....
********************
في بيت ابو حامد .... مشعل ال ........
ام حامد : ي عمري ي وخيتي ...... ههههههه ..... من عيوني ......... ابشري كم ام رائد عندي ....... فديتك ان شاء الله ..... ههههههههه
نازل مع الدرج و مر من عند الصاله رايح لباب المدخل بس وقفه صوت امه و هي تقول : حامد يمه ابيك توديني بيت خالتك ام رائد .....
حامد تافف : اووووف يمه يعني لازم تروحين عند خالتي ......
ام حامد : انت ي وليدي وش فيك على خالتك لا تروح لها و لا تسلم عليها و من تسمع سيرة اني بروح لها تتضايق .......
حامد : خالتي على عيني و راسي بس انت عارفه يمه ان عندها بنت غثيثه من تشوفون تقولون هذي لك ي حامد و انتم تدرون اني لا اطيقها و لا تطيقني يعني بالعربي الفصيح مستحيل اتزوجها و تتزوجني ok فلا تتاملون فينا انت و خالتي ......
ام حامد : ما اقول الا الله يهديكم .... على العموم انتظرني نص ساعه ابدل و اجيك ......
حامد : حاضر انتظرك بالسيارة بس لا تتاخرين ......
طلع للقراج و شغل سيارته الرياضيه و قعد ينتظر امه الى ان جاته و وصلها لبيت خالته ام رائد و راح على طول للاستراحه عند الشباب ما يبي يقابل او يشوف بنت خالته مع ان امه الحت عليه ينزل و يسلم بس هو رفض و بشده .......
*********************
في المول
كانت ايمان و شروق في محل الفساتين يختارون فستان للزواج اما ندى تركتهم و راحت لmilano تبي تشتري شوز..... و هي نازله مع الدرج الكهربائي تفتش على جوالها في شنطتها عبايتها كانت طويله شوي فتعلقت بالحدايد و كانت بتطيح بس شافها واحد كان واقف وراها و مسكها بسرعه....... هي لا شعوريا تمسكت في بلوزته خايفه لا تطيح بس هو ما قدر يمسكها زين و كان بيطيح معاها لكن مسك نفسه و ضمها لصدره عشان ما تطيح ....... شافهم واحد من الامن و راح جري لعند الدرج و وقفه بسرعه...... نزل وهي نزلت معاه بس كانت لسى متعلقه فيه و ما انتبهت الا لما قالها بصوت كله جاذبيه : انتي بخير .....
ندى استوعبت الي صار و انها بحضن رجال غريب فبعدت عنه : ا .... ايه انا بخير ... مشكور اخ.... " انهبلت لما رفعت راسها و شافت مصعب كانت تقول في نفسها معقوله مصعب الي مسكني معقوله انا كنت ماسكته و لا بعد بحضنه و الله لو اقول للبنات بينهبلون مثل ما انا منهبله ذحين "
مصعب شاف عبايتها مقطوعه من عند كتفها و مبينه بياض بشرتها غض بصره و نزل جاكيته الاسود الجلد و حطه على كتوفها و هو يقول لها : عبايتك مقطوعه ......
ندى صحت من احلامها لما حط مصعب الجاكيت على اكتافها و قالت وهي منحرجه ما تدري وش تقول : ا .... طيب .. " لما استوعبت الي قاله قالت بفزع " هاه ... اوووه ي ربي وش اسوي .....
مصعب ابتسم لما شافها محتاسه و ما تدري وش تسوي خاص هان شكلها كان طفولي جدا : فيه هنا محل عبايات قريب خلينا نروح له ......
ندى " نروح له انا وانت ي شيخ احلف ياي ماني مصدقه انا بحلم ولا علم اه ي قلبي احسه بيوقف بنت اهدي و لا تصيرين خفيفه وش تبين يقول عنك الولد " قالت بصوت كله نعومه تسحر : sorry بتعبك اليوم معايه عن جد sorry ......
مصعب : ولا يهمك تعبك راحه ي اختي .......
ندى : مشكور اخوي ........." مشت معاه و الحياء ذابحها ي حليلها "...... راحوا لمحل العبايات و دخل و دخلت وراه لف و شافها مستحيه منه فحب يطلع عشان تاخذ راحتها و تاخذ لها عبايه على كيفها بس منعه صوت في نفسه يقول له عيب عليك الحين انت الرجال و تترك البنت تحاسب على الاقل مجامله لها حاسب عنها خل عندك ذوق ي اخوي وش تبي البنت تقول لو طلعت برا المحل تقول هذا ما عنده ذوق على الاقل يقول انا بحاسب و لو مجامله وهي بعد بترفض تحاسب عنها و بتصر انها الي بتحاسب بس خلك رجال ذوق تبي تخليها تاخذ راحتها بعد عنها شوي و خلها تختار عبايتها ...... و كان محتاس المسكين ما يدري وش يسوي كل الي سواه انه بعد عنها شوي و تركها تاخذ راحتها .......
ندى المسكينه من الحياء ما تدري وش تقول او تسوي كل ما جاب لها الهندي عبايه تطالع فيها و ما تتكلم او حتى تنطق بحرف تحس عيونه تراقب حركاتها و تصرفاتها .....
مصعب يطالعها و مبتسم على حياها الي مو مخليها تختار .... مشى لعندها وهو يقول : هذي حلوه ....
ندى ما عرفت تقول شي كل الي سوته انها راحت للكاشير و طلعت بوكها تبي تحاسب بس مصعب ما خلها تحاسب و قال للهندي يجي العبايه على مقاسها و دفع الحساب و ما قال و لا كلمه الا انه ابتسم لها و اعطاها الكيس و مشى ......
ندى تقول في نفسها " اه ي محلاه يذبح ياخذ العقل و يجنن كلمة خقاق بحقه قليله و لا بعد ذوق " ....
مشى و تلفت وراه يبي يلمحهأ و يدعي انه بالغلط او انه يبي يطمن عليها بس ما حصلها وراه ..... شافها عند المحل واقفه و باين عليها انها مسرحه في شي ..... سمعها تناديه و تقول له : ي اخوي جاكيتك ......
مصعب : ايه صح صدقين نسيت .......
راحت معاه على غرف القياس دخلت وهو وقف ينتظرها وهو يفكر بشي و شاك فيه بس مو متأكد منه ..... بعد ما بدلت عبايتها طلعت واعطته جاكيته وهي تقول له : شكرا اخوي تعبتك معاي ........
مصعب : و لا يهمك ....
ابتسمت من تحت اللثمه ولفت عنه ومشت سمعت صوته الي تعشقه يناديها و يقول لها : sorry اختي بس حبيت اسألك انت اسمك ندى .......
انتظروا التكمله
البارت السابع
********************
اليوم الثاني
في مدرسة البنات كان الجو هادي عكس المعتاد كانوا شي ثاني قمه في الادب والاخلاق ولا كل وحده تعزم الثانيه على الفطور كل هذا عشان ما ينشك بامرهم و يروحون بداهيه ...............
في الجامعه كانوا كاشتين بالمحاضره وطالبين من دافور يحضرهم طبعا ذولي حامد الي نايم في بيتهم و عبد الرحمن الي مداوم عند الكفتيريا اما الباقين ي عيني عليهم راحوا المحاضره رعد و علي نايمين في اخر القاعه وحمد يلعب بلياردوا بجواله الايفون و رائد يسرق رسايل و صور وارقام بنات من جوالات العيال الي كل واحد حاط راسه ونايم و ما يدري بالي يصير من وراه و حمد يلعب ويشجع ويشارك بالجريمه ............
طلال بيطق من الطفش يتمشى بالجامعه لحاله ما معاه احد و كل العيال عندهم محاضرات و دراسه مو فاضين له و هو يمشي شاف عبد الرحمن عند الكفتيريا فراحه له هو مبتسم اخيرا لقى احد يقعد معاه ويونسه ............
*******************
في بيت ابو رائد ...... سلطان ال............
ابو ايمان : و الله ي اخوي الي صار لك ما يدخل العقل كيف انهارت الشركه بعد ما كانت اكبر شركه استثماريه بالسعوديه و كانت منفذه اكثر 7 مشاريع ناجحه ...... " سكت شوي بعدين كمل " ي اخوي انا شاك ان ورئ السالفه ان ......
ابو رائد بشك : وش قصدك .... انت تشك ان الحريق مدبر و بفعل فاعل .........
ابو ايمان : انا مو شاك الا متأكد و ان الي مدبره ماجد .....
ابو رائد بربكه وخوف واضح : ماجد ولد راشد ال.........
ابو ايمان : ايه هو بذاته و انا قلبي ناغزني لا يكون جاي ينتقم منا علي سويناه .......
ابو رائد : بس الي صار حادث .......
ابو ايمان ضحك بستهزاء : اجل روح فهمه ...... هو حاطنا في راسه و شكل ماهو مخلينا بحالنا الين يقضي علينا واحد ورئ الثاني ...... واضح ان البدايه فيك و الله يستر من الثاني بلعبة الانتقام ذي .......
ابو رائد : بس هو باين عليه انه تغير مو ناوي شر بالعكس شف وش زينه مع فيصل و غير كذه هو ناوي يشاركه بمشروع بيسويه ببريطانيا .....
ابو ايمان : وانت صدقته ......
ابو رائد : احمد انت تدري بشي و مخبيه علي قلي وانا اخوك ........
ابو ايمان : انا شاك بشي و الله يستر لا يكون ماجد ناوي عليه .......
******************
في فلة ماجد .......
عبد الله جالس بالمجلس ينتظر ماجد يجيه عشان يكملون شغلهم بالبيت على حسب طلب ماجد دخل عليه مصعب وهو يقول بصوت مرتفع : ما شاء الله عبد الله عندنا ........
ابتسم لما شاف مصعب هو كمان صاحبه ورفيقه : ليش مستغرب ........
مصعب وهو يجلس جنب عبد الله : مو من عوايدك تجينا لحاك دايم ماجد معاك في كل مكان ......
عبد الله : ليش ي اخوي صاحبي انت وش قاهرك بالموضوع .......
مصعب : انا مو مقهور و عادي تروح و تجي معاه بس مو كل مكان صرت احسه زوجتك مو صاحبك ......
: وانت وش عليك منا ......صاحبي زوجي وش حارق رزك ......
مصعب يطالعه بنص عين : انا ذحين عرفت انت ليش ما تبي تتزوج عشان هالكمخه " و هو ياشر على عبد الله "
عبد الله يتصنع البرائه و يأشر على نفسه : انا.. انا وش سويت .....
مصعب : سلامتك ما سويت شي ي السوسه ........
ماجد ابتسم على هبال ولد خالته : و من قال اني سامع كلامه و ما ابي اتزوج .... " سكت شوي وكمل " انا خلاص قررت اتزوج ......
عبد الله ومصعب توسعت عيونهم بصدمه ماجد الي يكره البنات ويكره يشوفهم ويكره طاري الزواج و نادر ما يروح زواجات بيتزوج لا مستحيل
مصعب يناظره بنص عين و رافع حواجبه باستغراب : انت تتكلم من جدك ولا تستخف دمك و تعابطني ........
ماجد : لا من جدي وعن قريب بتسمعون خبر زواجي ......
مصعب بعدم تصديق : روح ي شيخ قالوا لك اصغر عيالك تضحك علي ....
ماجد ضحك بستهزاء : والله اصغر اكبر هذا الامر الواقع .......
عبد الله : ماجد انت شارب و لا متعاطي شي .......
ماجد يطالعهم و رافع حاجب و منزل الثاني : وش قالوا لكم عني حالف اني لاعزب و بعدين انا خلاص كبرت و جاء الوقت الي افرح خالتي بزواجي " حس بغصه من هالكلمه كان وده يفرح امه بعد بس حسبي الله علي كان السبب ابتسم بحزن شديد وقال " : ابيكم تشهدون بعد على زواجي .......
عبد الله : من عيوني بس ما قلت لنا من هي سعيدة الحظ الي بتاخذ ماجد ال..... ملك جمال شباب المملكه و محطم قلوب البنا.........
قاطعه مصعب وهو يقول : العوانس و العجايز ......
ماجد رمى المخده على مصعب وهو يهاوشه : وجع مالك الا الغيره مني ي السحليه عشاني احلى منك .........
مصعب شرد وهو يقول : عصبة الشحروره .........
ماجد يصارخ عليه : اه ي الي ماتستحي على وجهك تعال وانا اوريك ي التيس " التفت على عبد الله الميت من الضحك " وانت عاجبك الوضع هاه
عبد الله يحاول يمسك ضحكته بس ما قدر و كملها ضحك .........
********************
قاعدين على الغداء و يسالفون و يتريقون و يسمعون اخر مغامرات ندى و رعد .........
رعد : و بس قام المصري عليه و بدأ يكفخه احنا سكتنا و لا تشجيع و لا هياص ولا شي مستغربين المنظر الي قدامنا دافور ويلطش عربجي ...
الجدة نورة : و انتم وش لكم بالمشاكل ي ولدي .........
الجد خالد : انتي ي مره ما تدري بعلوم الرجاجيل .......
الجدة نورة : و علومهم كلها مذابحات و ي قاتل ي مقتول .......
رعد : اجل ي جدة تبينه يغلط عليه و يسكتله اكيد بيرجع كرامته و لو مظاهر ......
الجد خالد : الرجال اهم شي عنده كرامته ما تنداس ي مره .........
ندى : و الله انتم ي الريجيل متخلفين تتضاربون على اشياء تافهه ......
رعد : و الي يعافيك ريحينا .........
ضحك الجد خالد بستهزاء : اذا حنا تافهين بنظرك اجل انت بنظرنا اسخف من السخف .......
ندى تتصنع الصدمه : ليش ي جدي ......
الجد خالد : اجل جايتني تشتكين من صاحبتك و زعلانه منها عشانها راحت السوق مع صحبتها و ما خذتكي معاها ........
ندى : و هذا ي جدي يعتبر سخافه .......
رعد : الا قمة السخافه ...........
ندى : ليش تبيني اشوفها طالعه مع ساره و اسكت النذله و لا فكرت فيني تقول عندي بنت عم اروح و اجي معاها صدق خاينه .....
رعد : ي عمري ي اختي خفي على بنت عمي شوي مو تلزقين فيها ......
ندى : اه منكم ي امي وابوي ليش ما جبتوا لي اخت تونسي و تروح و تجي معاي بدال ما انا ضايعه لوحدي ......
رعد حس باخته و حزنها : و انا مو عاجبك .... اذا تبيني اصير اختك و احط شباصات و اغير اسمي من رعد لوعد عادي وانا اختك .....
ندى : امانه احلف تسويها ....
رعد : وجع ي المطيوره بس اجامل .......
ندى : اجل مره ثانيه لا تجامل ترا اصدق .......
الجدة نورة و الجد خالد يضحكون على اشكال عيالهم اليذكرهم بالبزران .......
الجدة نورة : ندى حبيبتي مين بيروح معاك السوق .......
ندى : و الله قلت لهم بس محد رضي بروح اكلم شروق يمكن توافق و تروح معاي .....
رعد : ليش هي ما كانت معاكم امس .......
ندى : لا تقول عندها ظرف و ما تقدر تجي ... " و ناظرته بظرات شك " و انت وشوله تسال ....
رعد : لا بس طلال امس تاخر علينا و لما سالنها وش الي اخره قالنا ان امه تعبت شوي و وداها المستشفى .....
الجدة نورة : سلامة اوخيتي ام طلال من الشر انت متاكد ي ولدي رعد ......
رعد : ايه ي جدة هذا كلام ولدها .......
الجدة نورة : اجل خلني اروح اكلمها واطمن عليها ......
ندى : اوف اجل مافي روحه على السوق ........
الجد خالد : طيب ي بنيتي دقي على صحباتك الباقين و اسئليهم .......
ندى : ي جدو صاحبتي ساره عند خالها رازه فيسها ما تبي تفارقه و خلود عندها موعد عند دكتور الاسنان و امل و رهف و نجود ماهم فاضين بيتابعون المبارات بين الاتحاد و الشباب و عهود بتروح لصاحبتها ......
رعد : روحي دقي على وحدة من بنات خلاتي .....
ندى : وييييييع وش ابي ببنات خلاتي يمغصون ......شكلي بروح اجرب مع شروقه يمكن امها تتحسن حالها وتجي معي ......
الجدة نورة وهي تكلم ام طلال : بتروح معك ......
ندى : وش عرفك ......
الجدة نورة : انا ابي اروح عند ام طلال وباقعد عندها الى ان ترجعون من السوق .......
ندى نطت عند جدتها تسلم على راسها : الله لا يحرمني منك ي احلى نواره بالعالم .....
الجدة نورة : بس لا تتاخرون ....... على الساعة 9 تجون .......
ندى : ok
*******************
في بيت ابو ايمان ......... احمد ال........
ايمان : امل ي بايخه ......
امل : كيفي ما ابي اروح ......
ايمان مدت بوزها مثل الاطفال وهي تقول : طيب ليش .......
امل : فيه مباراة ولازم اتابعها ضروري .......
ايمان تتصنع الزعل : طيب ي نذله تكشتين باختك عشان مبارة ......
امل : انا ما كشت فيك بس انت جايه بوقت غلط ي خيتو ......
ايمان بترجي : اموووووول تكفين الله يخليك زواج صاحبتي بعد اسبوعين و ما عندي شي البسه الله يخليك روحي معاي بليز ........
امل : دوري احد من صحباتك و روحي معه ......
ايمان : ما في دورت كلهم مشغولين ......
امل تذكرت ان ندى بتروح السوق وقالت بسرعه تبي تفتك من حنة اختها الزايدة : طيب وش رايك تروحين مع ندى ......
ايمان : مين ندى .....
امل : هاو وش فيك جاك فقدان ذاكره ندى ال....... صاحبتي .........
ايمان : اه ذكرتها بس هي قالت لك تبي تروح .......
امل : ايه امس قالت لنا و كانت تبي تموت لما كلنا رفضنا ......
ايمان : نفس الحاله ...... المهم دقي عليها واسئليها اذا لسى بتروح " قامت بتطلع وهي تقول " و بعدين قولي لها اني بروح معاها لاني فيه واحد نذل حقير ما يبي يروح معي .....
امل تصارخ عليها : انا بنت مو ولد ......
ايمان لفت عليها وهي تاشرعليها : بهذا الشكل اشك ..... " امل كانت لابسه تيشرت كحلي وتحته بلوزه تفاحي و بنطلون جنز و كاب اسود مشخمط عليه بالتفاحي و مشمره اكمامها و لابسه ساعه كبيره فسفوري و صندل فسفوري "
امل تصارخ عليها وتقلدها : بهذا الشكل تبيني ..... " و تاشر على ايمان الي كانت لابسه بدي ابيض وعليه بلوزه بيج اكمامها نازله و مكتوب فيها حروف انقليزي بالون الاسود و طويله لنص فخذها و بنطلون استرتش مدي وصندل ابيض و اساور و ساعه بيج نعومه من swatch "
ايمان : لا بذاك ...... " و نزلت لتحت سريع لما سمعت صوت ابوها " ......
************************
رند : واه ماجد جاء و وائل لا ليش النذاله .......
داليا ببرائه : ما ادري .........
رند ضربتها على راسها بخفيف وهي تقول : انا ادري انك ما تدرين فلا تسوين نفسك تدرين وتقولين ادري لاني انا كمان ما ادري بس انتي يمكن تدري لانه اخوك و تدرين عنه عكسي انا الي ما ادري عنه و لا ادري اذا هو يدري عني لاني ادري انه يدر... اه وجع .....
ولاء حابسها ضحكتها لان مصعب عصب من رند و رماها بالكتاب الي معه ......
داليا : وسلك قصدي وشبك عععليس ونند قصدي على رند ........
مصعب شد شعره و قعد يصارخ : وجع وش هالتكليج الاحول يعني خلصنا من mbc FM جيتينا انتي و خشتك خلني اقوم اطلع قبل لا يجيني شلل نصفي منكم ..........
ولاء : مصعب والي يعافيك خذني معك ........
مصعب يمد يده لولاء : تعالي ي اختي العزيزة لا يهبلون فيك .......
رند و داليا بصوت واحد : روح مالت عليك و عليها .....
مصعب يسحب ولاء معه : اقول امشي بسرعه قلبوا التوم المختلف الله يستر لا يقلبون اسلام دانك كان راحت صالتنا وطي ....... " وطلع برا الصالة بعدين رجع يطالعهم من عند الباب و هو يقول لهم " على العصر بنروح السوق تجهزوا .......
رند وداليا بصوت عالي : ok
**********************
في الاستراحه عند الشباب
علي يكلم بالجوال : ايه ..... من جدك .... ههههه ..... احلف ...... حياك الله في اي وقت ...... و لو ي اخوي البيت بيتك ي الغالي ...... من عيوني ...... تسلم ....... حبيبي و الله ....... مع السلامه ........
رائد قاط اذنه : مين هذا ؟؟؟
علي : ي خوي اركد شوي و ذحين اقول لك .......
رائد : اخلص و قول ....
علي : انت تذكر عبد الله ال....... اخو زوجة عمي و صاحب طلال ايام الدراسه ....
رائد : ايه ذكرته هذا الي يشتغل بالامارات ... ايه وش فيه
علي :يقول يبي يجينا هو و خويه اليوم يسمرون معنا .........
ائد : ايه حياه الله .....
********************
في بيت ابو حامد .... مشعل ال ........
ام حامد : ي عمري ي وخيتي ...... ههههههه ..... من عيوني ......... ابشري كم ام رائد عندي ....... فديتك ان شاء الله ..... ههههههههه
نازل مع الدرج و مر من عند الصاله رايح لباب المدخل بس وقفه صوت امه و هي تقول : حامد يمه ابيك توديني بيت خالتك ام رائد .....
حامد تافف : اووووف يمه يعني لازم تروحين عند خالتي ......
ام حامد : انت ي وليدي وش فيك على خالتك لا تروح لها و لا تسلم عليها و من تسمع سيرة اني بروح لها تتضايق .......
حامد : خالتي على عيني و راسي بس انت عارفه يمه ان عندها بنت غثيثه من تشوفون تقولون هذي لك ي حامد و انتم تدرون اني لا اطيقها و لا تطيقني يعني بالعربي الفصيح مستحيل اتزوجها و تتزوجني ok فلا تتاملون فينا انت و خالتي ......
ام حامد : ما اقول الا الله يهديكم .... على العموم انتظرني نص ساعه ابدل و اجيك ......
حامد : حاضر انتظرك بالسيارة بس لا تتاخرين ......
طلع للقراج و شغل سيارته الرياضيه و قعد ينتظر امه الى ان جاته و وصلها لبيت خالته ام رائد و راح على طول للاستراحه عند الشباب ما يبي يقابل او يشوف بنت خالته مع ان امه الحت عليه ينزل و يسلم بس هو رفض و بشده .......
*********************
في المول
كانت ايمان و شروق في محل الفساتين يختارون فستان للزواج اما ندى تركتهم و راحت لmilano تبي تشتري شوز..... و هي نازله مع الدرج الكهربائي تفتش على جوالها في شنطتها عبايتها كانت طويله شوي فتعلقت بالحدايد و كانت بتطيح بس شافها واحد كان واقف وراها و مسكها بسرعه....... هي لا شعوريا تمسكت في بلوزته خايفه لا تطيح بس هو ما قدر يمسكها زين و كان بيطيح معاها لكن مسك نفسه و ضمها لصدره عشان ما تطيح ....... شافهم واحد من الامن و راح جري لعند الدرج و وقفه بسرعه...... نزل وهي نزلت معاه بس كانت لسى متعلقه فيه و ما انتبهت الا لما قالها بصوت كله جاذبيه : انتي بخير .....
ندى استوعبت الي صار و انها بحضن رجال غريب فبعدت عنه : ا .... ايه انا بخير ... مشكور اخ.... " انهبلت لما رفعت راسها و شافت مصعب كانت تقول في نفسها معقوله مصعب الي مسكني معقوله انا كنت ماسكته و لا بعد بحضنه و الله لو اقول للبنات بينهبلون مثل ما انا منهبله ذحين "
مصعب شاف عبايتها مقطوعه من عند كتفها و مبينه بياض بشرتها غض بصره و نزل جاكيته الاسود الجلد و حطه على كتوفها و هو يقول لها : عبايتك مقطوعه ......
ندى صحت من احلامها لما حط مصعب الجاكيت على اكتافها و قالت وهي منحرجه ما تدري وش تقول : ا .... طيب .. " لما استوعبت الي قاله قالت بفزع " هاه ... اوووه ي ربي وش اسوي .....
مصعب ابتسم لما شافها محتاسه و ما تدري وش تسوي خاص هان شكلها كان طفولي جدا : فيه هنا محل عبايات قريب خلينا نروح له ......
ندى " نروح له انا وانت ي شيخ احلف ياي ماني مصدقه انا بحلم ولا علم اه ي قلبي احسه بيوقف بنت اهدي و لا تصيرين خفيفه وش تبين يقول عنك الولد " قالت بصوت كله نعومه تسحر : sorry بتعبك اليوم معايه عن جد sorry ......
مصعب : ولا يهمك تعبك راحه ي اختي .......
ندى : مشكور اخوي ........." مشت معاه و الحياء ذابحها ي حليلها "...... راحوا لمحل العبايات و دخل و دخلت وراه لف و شافها مستحيه منه فحب يطلع عشان تاخذ راحتها و تاخذ لها عبايه على كيفها بس منعه صوت في نفسه يقول له عيب عليك الحين انت الرجال و تترك البنت تحاسب على الاقل مجامله لها حاسب عنها خل عندك ذوق ي اخوي وش تبي البنت تقول لو طلعت برا المحل تقول هذا ما عنده ذوق على الاقل يقول انا بحاسب و لو مجامله وهي بعد بترفض تحاسب عنها و بتصر انها الي بتحاسب بس خلك رجال ذوق تبي تخليها تاخذ راحتها بعد عنها شوي و خلها تختار عبايتها ...... و كان محتاس المسكين ما يدري وش يسوي كل الي سواه انه بعد عنها شوي و تركها تاخذ راحتها .......
ندى المسكينه من الحياء ما تدري وش تقول او تسوي كل ما جاب لها الهندي عبايه تطالع فيها و ما تتكلم او حتى تنطق بحرف تحس عيونه تراقب حركاتها و تصرفاتها .....
مصعب يطالعها و مبتسم على حياها الي مو مخليها تختار .... مشى لعندها وهو يقول : هذي حلوه ....
ندى ما عرفت تقول شي كل الي سوته انها راحت للكاشير و طلعت بوكها تبي تحاسب بس مصعب ما خلها تحاسب و قال للهندي يجي العبايه على مقاسها و دفع الحساب و ما قال و لا كلمه الا انه ابتسم لها و اعطاها الكيس و مشى ......
ندى تقول في نفسها " اه ي محلاه يذبح ياخذ العقل و يجنن كلمة خقاق بحقه قليله و لا بعد ذوق " ....
مشى و تلفت وراه يبي يلمحهأ و يدعي انه بالغلط او انه يبي يطمن عليها بس ما حصلها وراه ..... شافها عند المحل واقفه و باين عليها انها مسرحه في شي ..... سمعها تناديه و تقول له : ي اخوي جاكيتك ......
مصعب : ايه صح صدقين نسيت .......
راحت معاه على غرف القياس دخلت وهو وقف ينتظرها وهو يفكر بشي و شاك فيه بس مو متأكد منه ..... بعد ما بدلت عبايتها طلعت واعطته جاكيته وهي تقول له : شكرا اخوي تعبتك معاي ........
مصعب : و لا يهمك ....
ابتسمت من تحت اللثمه ولفت عنه ومشت سمعت صوته الي تعشقه يناديها و يقول لها : sorry اختي بس حبيت اسألك انت اسمك ندى .......
انتظروا التكمله
تعليق